kâ-kanâtahk kiskinwahamâtowasinahikanis

Formats substituts

Sur cette page

kâ-kanâtahk kiskinwahamâtowasinahikanis

kâhcitin niyânwâw-mitâtahtomitanaw tahtwâpisk kicawâsimis onîkânohtêwin

kâ-isi-nêkihikomiyan âhpô kâ-nâkatohkêyan, kinahikâpawîstawâwak ê-wîcihat kicawâsimis ta-miyowêpinikêhk. âhpô âsay kikî-mâci-mâmitonêyihtamawâw kicawâsimis okiskinwahamâtowin ati-kîsi-kiskinwahamâkosici. ôki onîkânîwak kâ-itâpapîstâkoyâhkok ôta kâ-kanâtahk kikâ-kî-wîcihi-kwak ta-mâwacihat kicawâsimis okiskinwahamâtowin ita ohci ê-masinahikâtêk kiskinwahamâtowin mâwacihtâwin atoskêwin (REEE).

kîkway anima kâ-kanâtahk kiskinwahamâto-wasinahikanis?

anima kâ-kanâtahk kiskinwahamâtowasinahikanis nistam niyânwâw-mitâtah-tomitanaw tahtwâpisk ê-oskêpitahkik onîkânîwak kâ-itâpapîstâkoyâhkok ita kâ-kanâtahk ta-wîcihikoyan ta-mâci-mâwacihat anohc kicâwâsimis okiskinwahamâtowin ati-kîsi-kiskinwahamâkosici. kicawâsimis kikâ-kî-kâhtinêw kihci-mitâtaht tahtwâpisk itahto akîwin isko niyânosâp itahtopiponêci. Kâhkiyaw ê-itakihcikêhk, awâsis kikâ-kî-kâhtinêw nîswâw-kihci-mitâtahtomitanaw tahtwâpisk ita kâ-itamihk REEE.

ana sôniyâw ita kâ-ahiht REEE kikâ-kî-âpacihêw ta-tipahahk nanâtohk itakihtâwina ta-isi-sîpi-kiskinwahamâkosit âhpô pahki ta-kiskinwahamâkosit ita ôhi:

  • ta-isi-mâci-atoskêwi-kiskinwahamâtowin
  • ta-masinahahk ta-pihtokwahisot kiskinwahamâtowinihk
  • pahki kihci-kiskinwahamâtowikamik
  • atoskêwi-kiskinwahamâtowin, âhpô
  • kihci-kiskinwahamâtowikamik

nicawâsimis cî kaskihow ta-kâhtinahk kâ-kanâtahk kiskinwahamâto-wasinahikanis?

kicawâsimis kikâ-kî-kâhtinam kâ-kanâtahk iskinwahamâtowasinahikanis kîspin wiya:

  • kî-nihtâwikow ita âhpô mwêstas pêyak kâ-akimiht kisê-pîsim 2004
  • ôta wîkiw kâ-kanâtahk
  • ayâw otayisiyinîwasinahikanis
  • pê-ohcîw kâ-kitimâkisicik opêyakoskân; êkwa
  • wîhâw ita ta-ohcipitahk anima ohci REEE.

awâsis kâ-kanawêyimiht, ita ohci. Awâsis Kihci-kîkway Sôniyâwasinahikan ta-tipahikâtêk, sêmâk ta-pihtokwahâw ita kâ-kanâtahk kiskinwahamâtowasinahikanis.

kîkway anima kiskinwahamâtowin mâwacihtâwin atoskêwin (REEE)?

kiskinwahamâtowin mâwacihtâwin atoskêwin ê-mâwacihiht sôniyâw ta-wîcihikoyan, kipêyakoskân âhpô kîcêwâkanak ta-mawacihat nistam sêmâk ta-ahkami-kiskinwahamâkosick awâsis kîsi-kiskinwahamâkosici.

anima kâ-kanâtahk kiskinwahamâkosiwasinahikanis ana sôniyâw ka-pihtokw-ahêwak ohci ôki onîkânîwak kâ-itâpapîstâkoyâhkok ôta kâ-kanâtahk it ka-ahêwak kiskinwahamâ-towin mâwacihtâwin atoskêwin awâsisak kâ-kitimâkosicik. môy katâc ta-itakohat sôniyâw pihcâyihk ita kiskinwahamâtowin mâwacihtâwin atoskêwin ohci awâsis ta-kâhtinahk anima kâ-kanâtahk kiskinwahamâtowasinahikanis.

tânêhki ta-kî-mâci-mâwacihak sôniyâw nicawâsimis okiskinwahamâtowin ohci?

mâwacihaci pêyakwâpisk kikâ-kî-mêskocipitên.

anima kiskinwahamâtowin mâwacihtâwin atoskêwin, kikâ-kî-wîcihâw kicawâsimis opimohtêhowin ta-ati-oskpêpayik. asici mîna, anima ita kâ-kanâtahk kiskinwahamâtowasinahikanis, kîspin itakohaci sôniyâw ita kiskinwahamâtowin mâwacihtâwin atoskêwin kicawâsimis okiskinwahamâtowin ohci ati-kîsi-kiskinwahamâkosici, wiya kikâ-kî-kâhtinêw anima kâ-itamihk kâ-kanâtahk kiskinwahamâto-mâwacihcikêwi-sôniyâwasinahikan.

kîkway anima kâ-kanâtahk kiskinwahamâto-mâwacihcikêwi-sôniyâwasinahikan?

anima kâ-kanâtahk kiskinwahamâto-mâwacihcikêwi-sôniyâwasinahikan sôniyâw ana ê-pihtokw-âhiht ôki onîkânîwak kâ-itâpapîstâkoyâhkok ôta kâ-kanâtahk ita kiskinwahamâtowin mâwacihtâwin atoskêwin kicawâsimis ohci. iyikohk kâ-kî-ahâw isko niyânwâw-mitâtahtomitanaw tahtwâpisk itahto askîwin, kîspin ohci tânîkohk kikâ-kî-itakohâw kiya ita anima kiskinwahamâtowin mâwacihtâwin atoskêwin kicawâsimis ohci. kîspin sôniyâw kitayamihikowâw kipêyakoskânihk, kikâ-kî-itakohêwak ayiwâk isko mitâtahtomitanaw tahtwâpisk itahto askîwin ita kâ-itamihk kiskinwahamâtowin mâwacihtâwin atoskêwin. awâsis kikâ-kî-kâhtinêw isko têpakohpwâw-kihci-mitâtahtomitnaw tahtwâpisk ita kâ-kanâtahk kiskinwahamâ- to-mâwacihcikêwi-sôniyâwasinahikan ita anima kiskinwahamâtowin mâwacihtâwin atoskêwin ta-ahkâmi-kiskinwahamâsot kîsi-kiskinwahamâkosici.

tânisi nikâ-kî-yôtênên kiskinwahamâtowin mâwa- cihtâwin atoskêwin êkwa ta-kâhtinamân kâ-kanâtahk kiskinwahamâto-mâwacihcikêwi-sôniyâwasinahikan kicawâsimis ohci?

kikâ-kî-yôtênên anima kiskinwahamâtowin mâwacihtâwin atoskêwin ita sôniyâwikamikohk, tâpiskôc sôniyâwikamik âhpô piskîci-sôniyâwikamik, âhpô osôniyâw-atoskêw âhpô kâ-nîkânapîstahk sôniyâwasinahikana. êkoni ôhi atoskêwina, otatoskêwak êkwa kâ-nîkânapîstahkik sôniyâwasinahikana kiskêyimâwak isi kiskinwahamâtowin mâwacihtâwin atoskêwin kâ-mêkicik.

nistam itôtamawin – kâhtina ayisiyinîwasinahikan (NAS) kicawâsimis ohci. nama-kîkway itakihtêw.

sêwêpicikê ita 1 800 O-Canada (1-800-622-6232) mâkona canada.ca/ social-insurance-number ayiwâk kiskêyihtamowin nitawêyihtamani âhpô kiyôkâta Service Canada Centre cîki kâ-ayâyan.

nîswâw itôtamawin – miskaw kiskinwahamâtowin mâwacihtâwin atoskêwin otatoskêw kâ-mêkit kâ-kanâtahk kiskinwahamâtowasinahikanis. âtiht anihi kiskinwahamâtowin mâwacihtâwin atoskêwin otatoskêwak kikâ-kî-tipahikêstamâhikowâw, êkwa kika-âkwamohtâwak kanawêyicikêwin ita kiskinwahamâtowin mâwacihtâwin atoskêwin, êkosi kihcêyihtâkwan kwayask ta-kakwêcihkêmoyan êkwa kâhkiyaw kiskêyihtamowina kika-kâhtinaman êkosi kika-miskawâw kiskinwahamâtowin mâwacihtâwin atoskêwin otatoskêw kwayask ta-miyo-itôtâsk. Akikâ-kî-nohtê-kakwêcihkêmon:

  • pkîspin mêkitwâwi anima kâ-kanâtahk kiskinwahamâtowasinahikanis êkwa anima kâ-kanâtahk kiskinwahamâto-mâwacihcikêwi-sôniyâwasinahikan;
  • kîko itowâhk kiskinwahamâtowin mâwacihtâwin atoskêwin mêkiwak (pêyakoskân, pêyako-awiyak âhpô mâmawi-awiyak) êkwa tânisi kê-isi-miyopayikot êkwa ta-kotatêyihikot itowâhk ôhi;
  • kîko sôniyâw-âpacihcikana kâ-isi-mêkicik êkwa tânisi kê-isi-miyopayikot êkwa ta-kotatêyihikot itowâhk ôhi; êkwa
  • tânîkohk kê-itakihtahkik ta-atoskâ- tahkik êkwa tânîkohk kê-tipahikêhk mâyikêtwâwi anihi kîkwaya.

ayiwâk kiskêyihtamowina ta-wîcihikoyan kikâ-kî-miskên kiskinwahamâtowin mâwacihtâwin atoskêwin otatoskêw kâ-isi-miyopayikoyan kinitawêyihcikana, kiyôkâta kiskinwahamâtowin mâwa- cihtâwin atoskêwin mamâhtâwi-âpacihcikanihk ita Canada.ca

nistwâw itôtamawin – yôtêna kiskinwahamâtowin mâwacihtâwin atoskêwin. kikâ-kî-kakwêcimâw kiskinwahamâtowin mâwacihtâwin atoskêwin otatoskêw ta-wîcihisk ta-sâkaskinâhtâyan masina- hikanis kâ-isiyihkâtêk « Demande : Subvention canadienne pour l’épargne-études (SCEE) et Bon d’études canadien (BEC) »

tânitê nikâ-kî-kâhtinên ayiwâk wîcihitowin âhpô ayiwâk kiskêyihtamowin?

kâ-nîkânapîstâkoyâhkok ôta kâ-kanâtahk

1 800 O-Canada (1-800-622-6232)

TTY: 1-800-926-9105

kiyôkâta otatoskêwihâkanak kâ-kanâtahk otatoskêwikamikohk cîki kâ-ayâyan.

kâ-itisahamâtok masinahikêwin:
Programme canadien pour l’épargne-études
Emploi et Développement social Canada
140 Promenade du Portage, Phase IV,
Arrêt postal : sac 4
Gatineau (Québec) K1A 0J9

Agence du revenu du Canada (kâ-kanâtahk sôniyâw-pamihâwin) kakwêcihkêmowina anihi ohci sôniyâwi-tipahikêwin êkwa kâhtinikêwina 1-800-959-8281

Agence de la consommation en matière financière du Canada (Agence de la consommation en matière financière du Canada chu ɂeyı ha dene ts’edı)́ t’at’u netsąmba hoghı̨łnı̨ ha dëne ts’edı ́ ɂeją nanılé ts’ęn dųłtsı ́ la 1-866-461-3222

Signaler un problème ou une erreur sur cette page
Veuillez sélectionner toutes les cases qui s'appliquent :

Merci de votre aide!

Vous ne recevrez pas de réponse. Pour toute question, contactez-nous.

Date de modification :