KANATA ILINNIQMUN IKAYUT

Formats substituts

Sur cette page

KANATA ILINNIQMUN IKAYUT Pitaguk $500 Nutaqavit hivunikhanut

Angayuqangupluni munaqtiupluniluniit, pinahuaqpiaqpaktat ikayuqnia nutaqat aniguiyanga. Ihumaliqtaqtukhauyutit nutaqavit ilihaqnianik kinguagut puqtuniqhat ilihaqvianit. Tapkuat Kavamatkut Kanta ikayulaqtatit anautiyanga nutaqavit ilihaqnia atiliuqtitlugu Atiliuqhimayuq Iliharniqmun Tutquqtuiniq Parnaut (REEE-nga).

Hunauva tamna Kanata Ilinniq Hanivagaq?

Tamna Kanata Ilinniqmun Hanivagaq hivulliq $500 tuniyat tapkuat Kavamatkuyt Kanata ikayugiaqnik pigiarniq tutquqtuiyarnik tatya nutaqavit ilihaqnikhanut kinguagut puqtuniqhat ilihaqnianit. Nutaqat pitalaq $100 ukiuq tamaat tukittiqlugu ukiunga 15. Katitlugu, tamna nutagaq pitalaq tikitlugu $2,000 taphuminga REEE-nga.

Tamna manik talvani REEE-nga atuqtaulaq akiliqhiniqmik aallatqit akiliqtutit tugangayut ubluq tamaat ilainanutluniit iliharniq apkunani:

  • Havaktikhangurhaqniqmik havagutit;
  • CEGEP-ngi;
  • hilattuqhaivit;
  • hanakhanut ilihaqvit; tamnaluniit
  • universities-nut.

Nutagaga pilaqa taphuminga Kanata Ilinniqmun Hanivagaq?

NUtaqat pilartuq pitarniqmik taphuminga Kanata Ilinniqmun Hanivagaq pikpat:

  • inuuhimayuq talvani kinguaniluniit Januari 1, 2004;
  • nunaliuyanga Kanatami;
  • pihimakpat atuqtumik Havaktukqhiut Nappa;
  • talvangartuq maniliuttiangittunit ilagiit; tamnalu
  • atiliuqhimayuq nunataqatauniqmik tapkunani Atiliuqhimayuq Iliharniqmun Tutquqtuiniq Parnaut (REEE-nga).

Nutaqat munagiyauyut, taphumunga Nutaqat Taihimayut Ikayuhiat akiliqtaulaq, aatumatikmik ilaulaq taphumunga Kanata Ilinniqmun Hanivagaq.

Hungmat tutquqtuiyukhauyunga nutaqama ilihaqnianut?

Tutquqtuiniq atauhiq taalainaqmik qau tamaat alangutaulaq.

Piplugu tamna REEE-nga, ikayulagat ahiagulaqnia nutaqavit piyumayai piqpianguqninut. Ilagiplugitlu tapkununga Kanata Ilinniqmun Hanivagaq, ilagiagukni manik talvunga REEE-nga nutaqavit ilihaqnianut kinguani puqtuniqhat ilihaqniani, tamna pitalaq taphuminga Kanata Iliharniq Tutquqtuiniq Maniktakhaq.

Hunauva tamna Kanata Iliharniqmun Tutquqtuiniq Maniktakhaq?

Tamna Kanata Iliharniqmun Tutquqtuiniq Maniktakhaq manik iliyauyuq tapkunanga Kavamatkut Kanata talvunga REEE-nga nutaqavit. Tamna aktilanga pilaq tikitlugu $500 ukiumun, naahugilugu qanurtut ilihiyat talvunga REEE-nga nutaqavit. Ilagiyavit manikhauhit pukkitpat, piqagutaulaqmiyuq ilagiagutmik aktilanga tikitlugu $100 atuni ukiuq talvani REEE-nga. NUtagaq pitalaq katitlugu tikitnia $7,200 talvani Kanata Iliharniqmun Tutqutuiniq Maniktakhaq talvani REEE-nga ilihautinut kinguagut puqtuniqhat iliharniq.

Piniaqa tamna Kanata Ilinniqmun Hanivagaq manik aktuaniaqai ahii Kavamatklut Kanata ihuaqutit pitagatka?

Tamna Kanata Ilinniqmun Hanivagaq tamnalu Kanata Iliharniqmun Tutquqtuiniq Maniktakhaq aktualaitai ahii Kavamatkut Kanata ihuaqutit.

Qanuqtut angmailaqinga taphuminga REEE-nga pitarniqlu taphuminga Kanata Ilinniqmun Hanivagaq tamnalu Kanata Iliharniqmun Tutquqtuiniq Maniktakhaq nutaqamun?

Angmailaqtutit taphuminga REEE-nga talvani kiinauyaqaqvikmi havakviani, tamnatut kiinauyaqaqvik atuqtuaqvikluniit union, apqutigiluguluniit titigartaqhimayuq kiinauyaliqutit parnaiyit ilagitluniit parnaut havakti. Tahapkuat havakvit, parnaiyiit havaktit ilihimayauyut tapkuanguni REEE-nga piqaqtiuyut.

Tikligit 1 – Pitaqlugu Havaktuliqut Nappaa (NAS) nutagaqnut. Akiittuq.

Hivayaqlugu 1 800 O-Canada (1-800-622-6232), naqitlugu canada. ca/social-insurance-number tuhaqpaligiami takuluguluniit Kivgaqtuiyit Kanata Havakvia qaniknittuq.

Tikligit 2 – Nalvaqlugu REEE-nga piqaqtitiyuq piyuq pipkaiyuq taphuminga Kanata Ilinniqmun Hanivagaq. Ilai REEE-nga piqaqtitiyut apigilaqtatit akiliqhiniq kivgaqtutainut, atugiaqaqtukhaliuqlugitlu tamna REEE-ngai taimatut atuqpiartuq apigiyaq nakuatut apiqutinik pitagiangi tamaita piqpiat atuqpiagiangi nalvaqnit taphuminga REEE-nga piqaqtitiyuq naamagiyat.

Apigiyumalaqtutit:

  • pipkagauyanga tamna Kanata Ilinniqmun Hanivagaq and thetamnalu Kanata Iliharniqmun Tutqutuiniq Maniktakhaq;
  • qanugittut tahapkuat REEE-ngi pipkaiyangi (ilagit, inungmun ilaginutluniit) tapkuatlu ihuarniqhauni hivuganaqnilu atuni;
  • hunat hanivaiviuni hanayauyut pipkaqni tapkuatlu ihuarniqhauni hivuganaqnilu atuni; tamnalu
  • hunat aulatyutainut akiliqtutai atugaulaliqnitlu piyangit.

Ilagiagutinut apiqutit ikayugiaqni nalvaqnia tamna REEE-nga piqaqtitiyuq nakuuniqhamik ihuagiyat piyaqarniqnut, takulugu tamna REEE-nga makpigaq talvani Canada.ca.

Tikligit 3 – Angmainiq taphuminga REEE-nga. Apigilaqtutit taphuminga REEE-nga piqaqtitiyumik ikayugiakhat inirtiqnia tamna tukhigaut tatatigakhaq taiguhilik: "APPLICATION: Basic and Additional Canada Education Savings Grant (CESG) and Canada Learning Bond (CLB)".

Humin ikayuqtaulaqinga tuhaqpaliqvikhanikluniit?

Kavamatkut Kanata

1 800 O-Canada (1-800-622-6232) Hivayauta: 1-800-926-9105
akulugu Centre Service Canada haniknittuq.
Canada.ca/epargne-etudes

Titigaqaqvikkut:

Programme canadien pour l’épargne-études

Emploi et Développement social Canada 140, promenade du Portage, Portage IV
Arrêt postal : sac 4 Gatineau (Québec) K1A 0J9

Agence du revenu du Canada - (Kanata Taksiyaligiyiq Havakvi) apiqutikhanut tapkununga income taxsit ihuaqutitlu 1-800-959-8281

Agence de la consommation en matière financière du Canada - (Kiinauyaliqutit Atuqtauni Havaktit Kanatamun tuhaqpaligiami) ikayurtaunit nakuutqiyamik aulanit maniqutit 1-866-461-3222

Signaler un problème ou une erreur sur cette page
Veuillez sélectionner toutes les cases qui s'appliquent :

Merci de votre aide!

Vous ne recevrez pas de réponse. Pour toute question, contactez-nous.

Date de modification :