ᓇᐅᔭᕚᑦ (ᓯᒧᐊ ᕿᑭᖅᑕᖅ) ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ
ᓇᐅᔭᕚᑦ (ᓯᒧᐊ ᕿᑭᖅᑕᖓ ) ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ (ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ) ᐃᓂᓕᒃ ᐅᐊᖕᓇᖓᓂ ᐸᑐᔅᑦ ᕿᑭᖅᑕᖓᑕ, ᓄᓇᕘᒥ. ᓴᐳᔾᔨᔪᖅ ᐃᓂᑦᑎᐊᕘᓗᖕᓂᒃ ᐅᓄᖅᑐᐊᓗᖕᓄᑦ ᓇᐅᔭᕚᓄᑦ ᐅᓄᖅᑐᓄᓪᓗ ᐊᓯᓄᑦ ᑎᖕᒥᐊᓄᑦ.
ᐱᕐᔪᐊᖑᓂᖓ ᓴᐳᔾᔭᐅᓯᒪᔫᑉ ᓅᓲᓄᑦ ᑎᖕᒥᐊᓄᑦ ᐊᓯᓄᓪᓗ ᐆᒪᔪᓄᑦ
ᓇᐅᔭᕚᓂ (ᓯᒧᐊ ᕿᑭᖅᑕᖓ) ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ, ᓴᓇᔭᐅᔪᖅ 1975ᒥ, ᐃᓂᖃᖅᑐᖅ 30 ᑭᓛᒥᑕᓂᑦ ᐅᐊᖕᓇᖓᓂ ᐸᑑᔅᑦ ᕿᑭᑕᖓᓂᑦ ᐃᓗᐊᓂ ᐳᑭᓕ ᑲᑎᙵᔪᑦ ᕿᑭᖅᑕᓂ ᕿᑭᖅᑖᓗᖕᒥ ᓄᓇᕘᒥ. ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᐃᓂᓕᒃ 18 ᑭᓛᒥᑕᓂᑦ ᐅᖓᓯᖕᓂᓕᖕᒥᒃ ᐅᐊᖕᓇᖓᓂ ᐱᓇᖕᓇᖓᓂ ᖃᐅᓱᐃᑦᑐᖅ ᒐᕙᒪᖃᑎᒌᓄᑦ ᒥᕐᖑᐃᖅᓯᕐᕕᐅᑉ. ᑖᓐᓇ ᒐᕙᒪᖃᑎᒌᓄᑦ ᒥᕐᖑᐃᖅᓯᕐᕕᒃ ᓴᓇᔭᐅᔪᖅ 2015ᒥ, ᐃᓗᓕᖃᖅᑐᖅ ᐃᓗᐃᑦᑐᕐᒥᒃ ᐅᐊᖕᓇᖓᓂ ᐱᓇᖕᓇᖓᑕ ᐃᓚᖓᓂᒃ ᐸᑐᔅᑦ ᕿᑭᖅᑕᖓᓂ ᕼᐃᓕᓇ ᕿᑭᖅᑕᒥᑦ ᐅᐊᖕᓇᒥ ᒪᖓᒥᐅᑦ ᓇᓄᐃᑦ ᐃᓕᓪᓕᖓ ᒐᕙᒪᖃᑎᒌᓄᑦ ᐆᒪᔪᒃᑯᕕᖕᒧᑦ ᓂᒋᕐᒥ. ᓇᐅᔭᕚᓂ (ᓯᒧᐊ ᕿᑭᖅᑕᖓ ) ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᐊᑑᑎᖃᑦᑎᐊᖅᑐᖅ ᐅᓗᕆᐊᓇᖅᑐᒦᑦᑐᓄᑦ ᓇᐅᔭᕚᓄᑦ, ᓴᐳᔾᔭᐅᓯᒪᔪᒧᑦ ᐃᓗᐊᓂ ᒐᕙᒪᑐᖃᒃᑯᑦ ᐆᒪᔪᓄᑦ ᐅᓗᕆᐊᓇᖅᑐᒦᑦᑐᓄᑦ ᐱᖁᔭᕐᔪᐊᕐᒥ. ᐱᕐᔪᐊᖑᓛᖅ ᐊᖏᓛᕐᓗ ᖃᐅᔨᒪᔭᐅᔪᒧᑦ ᑎᖖᒥᐊᒃᑯᕕᒃ ᑲᓇᑕᒥ ᑖᒃᑯᓄᖓ ᐅᓄᖏᑦᑐᓄᑦ ᑎᖕᒥᐊᓄᑦ ᑕᕝᕙᐅᕗᑦ ᓴᐳᔾᔭᐅᓯᒪᕝᕕᖕᒥ.
1976ᒥ, ᓇᓚᐅᑦᑖᖅᑕᐅᓚᐅᖅᑐᑦ ᓇᐅᔭᕚᓂ (ᓯᒧᐊ ᕿᑭᖅᑕᖓ ) ᓇᐅᔭᕚᑦ ᑲᑎᙵᔪᑦ ᐱᑕᖃᓚᐅᖅᑐᑦ 150ᓂᒃ ᕿᑐᕐᖏᐅᖅᑐᓄᑦ ᐊᐃᑉᐸᕇᓄᑦ. ᑭᓯᐊᓂ, 2002ᒥᓂᑦ ᐅᓄᕐᓂᖏᑦ ᕿᑐᕐᖏᐅᖅᑐᑦ ᐊᐃᑉᐸᕇᑦ ᓇᓚᐅᑦᑖᖅᑕᐅᓯᒪᔪᑦ ᐅᓄᖏᓐᓂᖅᓴᓂᑦ 50ᓂᑦ. ᑖᓐᓇ ᐅᓄᕐᓂᖅ ᓇᓗᓇᐃᖅᓯᕗᖅ ᑲᑎᙵᔪᑦ ᑭᒡᒐᖅᑐᐃᔪᑦ ᑎᑭᓪᓗᒍ 20% ᖃᐅᔨᒪᔭᐅᔪᓄᑦ ᕿᑐᕐᖏᐅᖅᑐᓄᑦ ᑎᖕᒥᐊᖑᖃᑎᒌᓄᑦ. ᐊᓰᑦ ᐅᓄᖏᓐᓂᖅᓴᑦ ᕿᑐᕐᖏᐅᖅᑐᑦ ᑲᑎᙵᔪᑦ ᓇᓂᔭᐅᔪᓐᓇᕐᒥᔪᑦ ᓯᒡᔭᓂ ᐱᒋᐊᕐᕕᐅᑉ ᕿᑭᖅᑕᖓᓂ ᑕᓪᓗᕈᑎᐅᓪᓗ ᕿᑭᖅᑕᖓᓂ. 2011ᒥ, ᖃᐅᔨᓚᐅᖅᑐᑦ ᓇᐅᔭᕚᑦ ᐃᕙᓲᑦ ᓇᐅᔭᕚᓂ (ᓯᒧᐊ ᕿᑭᖅᑕᖓ ) ᐃᓛᓐᓂ ᐃᕙᔪᒪᖃᑦᑕᕐᒪᑕ ᑕᓪᓗᕈᑎᐅᑉ ᕿᑭᖅᑕᖓᓂ, ᓇᓕᐊᖕᓄᐊᖃᑦᑕᖅᑰᔨᓪᓗᑎᒃ ᑖᒃᑯᓇᓂ ᒪᕐᕉᖕᓂ. ᓇᓗᔪᑦ ᐊᖑᓇᓱᖕᓂᕐᒨᖕᒪᖔᑦ ᐊᔾᔨᒌᖏᓐᓂᕐᓄᓪᓘᓐᓃᑦ ᐊᕐᕌᒍᒥᑦ ᐊᕐᕌᒍᒧᑦ ᖃᓄᐃᓕᖓᓂᕐᓂ ᑖᒃᑯᓇᓂ ᕿᑭᖅᑕᓂ.
ᓇᐅᔭᕚᑦ ᑕᕝᕙᐅᕗᑦ ᓴᐳᔾᔭᐅᕕᖕᒥ ᒪᐃ ᓄᙳᐊᓂᒥᑦ ᓯᑎᐱᕆᒧᑦ, ᐃᕙᓪᓗᑎᒃ ᑲᑎᙵᓪᓗᑎᒃ ᕿᑭᖅᑕᑦ ᐳᖅᑐᔪᓂ ᓯᒡᔭᓂ ᐅᔭᕋᖃᐅᖅᑐᓂ ᓄᓇᖓ ᐃᑲᔪᖅᖢᓂ ᐅᖅᑯᐃᓯᒪᑎᖦᖢᒋᑦ ᐱᐊᕋᖏᑦ ᐊᓄᕆᒥᑦ ᐊᖑᓇᓱᒃᑐᓂᓪᓗ ᓂᕆᔪᓐᓇᖅᑎᖦᖢᒋᓪᓗ ᑎᖕᒥᐊᑦ ᐅᖅᑯᐃᓯᒪᔪᓂ ᑲᖏᖅᖢᖕᓂ ᑕᕆᐅᖑᖏᑦᑐᓂᓗ ᑕᓯᕐᓂ. ᖃᐅᔨᒪᔭᐅᓪᓗᑎᒃ ᐃᒃᐱᒍᓱᒃᑐᓪᓛᓘᔪᑐᑦ ᖃᓄᐃᑦᑐᓄᑦ, ᓇᐅᔭᕚᓂ ᑲᑎᙵᕝᕕᖏᑦ ᓇᓂᔭᐅᒐᔪᒃᑐᑦ ᐅᖓᓯᒃᑐᓂ, ᓯᑯᖃᖅᑐᓂ ᐊᓯᓂᒃ ᓂᕐᔪᑎᖃᓗᐊᖏᑦᑐᓂ. ᑖᒃᑯᐊ ᑎᖕᒥᐊᑦ ᖃᐅᔨᒪᔭᐅᖕᒥᔪᑦ ᖃᓄᐃᒋᐊᕐᔪᐊᖃᑦᑕᕐᓂᕐᒥᓄᑦ ᐃᓄᖕᓂᑦ ᖃᓄᐃᑦᑐᓂᑦ, ᐃᓛᓐᓂ ᕿᒪᒃᖢᓂᒋᑦ ᒪᓐᓂᓂ, ᐊᓯᓂᓗ ᓱᕋᑦᑎᓪᓗᒋᑦ ᓇᖕᒥᓂᖅ ᒪᓐᓂᓂ ᕿᑐᕐᖓᓂᓗ ᑐᖁᖦᖢᒋᑦ. ᒪᓕᒃᖢᒋᑦ ᑕᐃᑲᓂ ᖃᓄᐃᑦᑐᑦ, ᖃᓄᐃᓂᕐᓗᒃᑐᑦ, ᐊᓰᓪᓗ ᐊᒃᑐᐃᔪᑦ, ᑎᖕᒥᐊᖑᖃᑎᒌᑦ ᕿᑐᕐᖏᐅᑦᑎᐊᕐᓂᖏᓪᓗ ᑖᒃᑯᐊ ᑎᖕᒥᐊᑦ ᐊᓯᔾᔨᓪᓚᖃᑦᑕᖅᑐᑦ ᐊᕐᕌᒍᒥᑦ ᐊᕐᕌᒍᒧᑦ.
ᖃᐅᔨᒪᕖᑦ?
ᓇᐅᔭᕚᑦ ᓇᐅᔭᑐᐊᖑᕗᑦ ᐃᕕᖏᑦ ᖃᑯᖅᑕᐃᓐᓇᐅᓪᓗᑎᒃ. ᖃᑯᖅᑕᐃᓐᓇᐃᑦ ᓇᐅᔭᐃᑦ ᓇᓕᐊᑐᐃᓐᓇᕐᓂ ᓇᐅᔭᐅᖃᑎᒌᓂ ᖃᐅᓪᓗᖅᑕᐃᓐᓇᓂᒃ ᐃᕕᖃᕋᔭᖅᑐᑦ, ᑭᓯᐊᓂ ᓇᐅᔭᕚᑦ ᐃᓕᓴᕐᓇᑦᑐᓂᒃ ᕿᕐᓂᖅᑕᓂᒃ ᓂᐅᖏᑎᑐᑦ ᖁᖅᓱᖅᑕᕐᑐᓪᓗ ᓯᒡᒍᐊᑐᑦ ᐱᖃᖏᑦᑐᑦ.
30 ᐅᖓᑖᓂ ᐊᓰᑦ ᑎᖕᒥᐊᖑᖃᑎᒌᑦ ᑕᑯᔭᐅᓯᒪᔪᑦ ᓇᐅᔭᕚᓂ (ᓯᒧᐊ ᕿᑭᖅᑕᖓ) ᓇᐅᔭᕕᒡᔪᐊᓗ, ᖃᐅᓪᓗᖅᑖᑦ ᖁᐸᓄᐊᑦ, ᒥᑏᑦ ᐊᑦᓚᓐᑎᒃ ᓂᕐᓕᓐᓇᓪᓗ ᖃᐅᔨᒪᔭᐅᔪᐃᓐᓇᐅᔪᑦ ᐃᕙᖃᑦᑕᕐᓂᕐᒥᓂᒃ ᓴᐳᔾᔭᐅᕕᖕᒥ. ᓂᕿᑐᖅᑏᑦ ᑕᕝᕙᓃᒻᒥᔪᑦ ᐃᓗᐊᓂ ᓴᐳᔾᔭᐅᕕᐅᑉ ᐱᖃᓯᐅᔾᔨᓪᓗᑎᒃ ᐃᓱᙵᕐᓂᒃ, ᐅᒃᐱᒡᔪᐊᕐᓂᒃ ᑕᐃᔫᓪᓗ ᓇᐅᔭᖏᓐᓂᒃ. ᒪᕐᕉᒃ ᓂᕿᑐᖅᑑᒃ ᓅᒃᑕᖅᑏᒡᓗ ᓂᕐᔪᑏᒃ, ᓇᓄᐃᑦ ᑎᕆᒐᓂᐊᓪᓗ ᑕᑯᔭᐅᓯᒪᖕᒥᔪᑦ ᕿᑭᖅᑕᒥ. ᐱᐅᕆᐅᑉ ᑐᒃᑐᖏᑦᑦᑕᐅᖅ ᑕᐃᑯᙵᓲᑦ ᕿᑭᖅᑕᒧᑦ ᐊᕕᙵᐃᓪᓗ, ᐅᓄᕐᓂᖏᑦ ᖃᐅᔨᒪᔭᐅᓪᓗᑎᒃ ᐅᓄᖅᓯᓲᖑᓂᖏᓐᓂᒃ ᐅᓄᕈᓐᓃᕐᒥᓗᑎᒡᓗ ᖃᒻᒐᒧᑦ. ᓇᓄᖃᕐᓃᑦ ᑎᕆᒐᓂᐊᓂᒡᓗ ᐊᒃᑐᐊᖃᑦᑕᖅᓯᒪᔪᖅ ᐊᓯᔾᔨᕐᓂᕐᓂᑦ ᕿᑐᕐᖏᐅᑦᑎᐊᕐᓂᕐᓄᑦ ᓇᐅᔭᕚᓄᑦ ᑲᑎᙵᔪᓄᑦ ᑕᐃᒪᐃᒻᒪᓪᓗ ᑕᐃᒃᑯᐊ ᑎᖕᒥᐊᑦ ᐊᒃᓱᕈᓪᓚᒃᑎᑕᐅᑐᐃᓐᓇᕆᐊᖃᖅᑐᑦ ᕿᑐᕐᖏᐅᕐᓂᕐᒥᓂ.
ᓄᓇᖓ
ᓇᐅᔭᕚᓂ (ᓯᒧᐊ ᕿᑭᖅᑕᖓ ) ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᐊᕙᓗᓯᓯᒪᒐᓗᐊᖅᖢᓂ ᓯᒧᐊ ᕿᑭᖅᑕᖓᓂᒃ, ᐅᓄᕐᓂᖅᓴᑦ ᓴᐳᔾᔭᐅᕕᖕᒥ ᑕᕆᐅᕐᒦᑦᑐᑦ ᑭᒡᓕᖃᖅᖢᓂ 3.2 ᑭᓛᒥᑕᓄᑦ ᕿᑭᖅᑕᐅᑉ ᐅᓕᓯᒪᓂᖓᓂᑦ. ᓯᒧᐊ ᕿᑭᖅᑕᖓ ᒥᑭᑦᑐᑯᓘᕗᖅ ᐃᒃᑲᓐᓂᐅᖅᑰᔨᓪᓗᓂ ᐊᑯᓐᓂᖓᓂ ᓯᑯᐃᑦ. ᒥᑭᓐᓂᖅᓴᐅᓪᓗᓂ 3 ᑭᓛᒥᑕᓂᑦ ᐳᖅᑐᓛᖃᖅᖢᓂᓗ 28 ᒦᑕᓂᒃ ᑕᕆᐅᑉ ᖁᓛᓄᑦ, ᑖᓐᓇ ᐱᕈᖅᑐᖃᓚᐅᖏᑦᑐᖅ ᕿᑭᖅᑕᖅ ᓴᓇᓯᒪᔪᖅ ᐳᖅᑐᔪᓂᒃ ᐅᔭᕋᓕᖕᓂᒃ ᓯᒡᔭᓂᒃ ᖄᐹᖅᓯᒪᓪᓗᑎᒃ ᓱᕋᒃᓯᒪᔪᓄᑦ ᐅᔭᕋᓄᑦ. ᓯᒧᐊ ᕿᑭᖅᑕᖓ ᖃᔅᓯᑲᓪᓚᓂᒃ ᑕᕆᐅᖑᖏᑦᑐᓂᒃ ᑕᓯᓕᒃ ᓂᒋᐊᓂ ᐱᓇᖕᓇᖓᓂᓗ. ᐱᕈᖅᑐᖃᓗᐊᖏᑦᑐᖅ, ᑎᒫᓂ 1% ᐱᕈᖅᑐᖃᖅᖢᓂ ᕿᑭᖅᑕᒥ, ᑎᖏᐅᔭᓪᓗᐊᑕᐅᓪᓗᑎᒃ, ᐊᐅᐸᓚᑦᑐᙳᐊᖑᔪᓂᒡᓗ. 9ᑐᐊᑦ ᐃᒥᕈᓐᓇᐅᑎᓖᑦ ᐱᕈᖅᑐᑦ ᓇᓂᔭᐅᓯᒪᕗᑦ ᑕᕝᕙᓂ.
ᐅᑭᐅᒃᑯᑦ, ᐳᖅᑐᔪᓂᒃ ᓯᑯᖃᑦᑕᖅᑐᖅ ᕿᑭᖅᑕᐅᑉ ᐅᐊᖕᓇᖓᓂ ᓂᒋᐊᓂᓗ ᓯᒡᔭᓂ ᐃᓚᖏᓐᓂᓗ ᐱᓇᖕᓇᖓᑕ ᓯᒡᔭᖏᓐᓂ. ᓯᒧᐊ ᕿᑭᖅᑕᖓ ᓯᑯᓯᒪᖃᑦᑕᕋᒥ ᐊᕐᕌᒍᒥ ᐊᑯᓂᐅᓂᖅᓴᒧᑦ, ᐆᒪᔪᑦ ᕿᑐᕐᖏᐅᓲᑦ ᕿᑭᖅᑕᒥ ᓅᓲᖑᕗᑦ ᖃᓂᑦᑐᒧᑦ ᐱᐊᓂᐅᑉ ᓱᓪᓗᐊᓄᑦ ᐊᐅᒃᑲᕐᓂᕐᓄᑦ ᐱᕕᖃᖅᑎᑦᑎᔪᓄᑦ ᐃᒫᓂ ᓂᕆᓇᓱᖕᓂᕐᓄᑦ.
ᖃᐅᔨᒪᕖᑦ?
ᐊᐅᒃᑲᓂᕐᓂᖅ ᐃᒪᐅᓂᐅᔪᖅ ᐃᓗᐊᓂ ᑕᕆᐅᑉ ᓯᑯᐊᓂ ᐃᒪᐅᑎᑕᐅᔪᖅ ᐊᓄᕆᓄᑦ ᐃᖏᕐᕋᓂᕐᓄᓪᓘᓐᓃᑦ. ᐃᓚᖏᑦ ᐊᐅᒃᑲᕐᓃᑦ ᑕᐃᒪᐃᓲᖑᕗᑦ ᐊᑐᓂ ᐊᕐᕌᒍᓂ ᑕᕝᕙᓂᑦᑕᐃᓐᓇᖅ, ᐆᒪᔪᓄᑦ ᓱᖏᐅᑎᔾᔪᑕᐅᓪᓗᑎᒃ ᐊᑐᖅᖢᒋᓪᓗ ᐃᓅᓯᕐᒥᓂ.
ᓄᓇᙳᐊᖅ ᑕᒪᐅᖓ
Description longue
ᓄᓇᙳᐊᖅ ᓴᖅᑭᔮᖅᑎᑦᑎᔪᖅ ᓇᓃᓐᓂᖓᓂᒃ ᓇᐅᔭᕚᓂ (ᓯᒧᐊ ᕿᑭᖅᑕᖓ ) ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ (ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ) ᓴᓂᐊᓂ ᓄᓇᕗᑦ, ᕼᐃᓕᓇ ᕿᑭᖅᑕᐅᑉ, ᓯᒧᐊ ᕿᑭᖅᑕᖓᑕ ᒪᒃᓕᓐ ᓱᓪᓗᐊᑕᓗ. ᓄᓇᙳᐊᖅ ᓴᖅᑭᔮᖅᑎᑦᑎᔪᖅ ᓴᐳᔾᔭᐅᓯᒪᔫᑉ ᑭᒡᓕᖏᓐᓂᒃ, ᓴᖅᑭᔮᖅᑎᑦᑎᓪᓗᓂ ᓯᒧᐊ ᕿᑭᖅᑕᖓᓂᒃ ᐅᓄᖅᑐᓂᒡᓗ ᐊᕙᑎᖓᓂ ᐃᒪᕐᓂᒃ. ᐊᖏᓂᖓ ᓄᓇᙳᐊᑉ ᑭᓛᒥᑕᓃᑦᑐᑦ. ᐃᒪᐅᖏᓐᓇᐅᔭᖅᑐᑦ ᓴᖅᑭᔮᖅᑐᑦ ᓄᓇᙳᐊᕐᒥ. ᐃᓗᐊᓃᒃᑲᓐᓂᖅᑐᖅ ᓄᓇᙳᐊᕐᒥ ᓴᖅᑭᔮᖅᑎᑦᑎᔪᖅ ᓇᓃᓐᓂᖓᓂᒃ ᓴᐳᔾᔨᕕᐅᑉ ᑲᓇᑕᒥ.
ᐅᐸᒐᒃᓴᐅᓂᖓ ᓴᐳᔾᔭᐅᓯᒪᔫᑉ
ᐊᐅᓚᑕᐅᓂᖏᑦ ᓴᐳᔾᔭᐅᓯᒪᔫᑉ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᕐᓂᒃ, ᓲᕐᓗᑐᑦ ᓇᐅᔭᕚᓂ (ᓯᒧᐊ ᕿᑭᖅᑕᖓ),, ᓴᓇᔭᐅᓯᒪᕗᑦ ᑲᓇᑕᒥ ᓴᐳᔾᔨᓂᐊᕋᒥᒃ ᓅᓲᓂᒃ ᑎᖕᒥᐊᓂᒃ ᐊᒃᓱᕈᕐᓇᖅᑎᓪᓗᒋᑦ ᐃᓅᓯᕐᒥᓂ. ᑖᒃᑯᐊ ᐃᓃᑦ ᐊᑐᖅᑕᐅᒐᓗᐊᕈᑎᒃ ᓂᕆᓂᕐᓄᑦ, ᑕᖃᐃᖅᓯᕐᓂᕐᓄᑦ ᐃᕙᓂᕐᓄᓪᓘᓐᓃᑦ, ᐱᕐᔪᐊᖑᔪᑦ ᐊᓐᓇᐅᒪᓃᖏᓐᓄᑦ ᐅᓄᖅᑐᓄᑦ ᑎᖕᒥᐊᖑᖃᑎᒌᖏᑦᑐᓄᑦ.
ᐃᓯᕐᓗᓂ ᐅᐸᒡᓗᓂᓗ ᑕᒪᒃᑮᑲᓴᖕᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖕᓄᑦ ᐊᔪᖅᑎᑕᐅᖏᑦᑐᑦ, ᑭᓯᐊᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪ ᕐᓄᑦ ᒪᓕᒋᐊᓖᑦ ᐅᖃᐅᓯᖃᖅᐳᑦ ᐱᓕᕆᖁᔭᐅᖏᑦᑐᓂᒃ. ᒥᓂᔅᑕᖓ ᐊᕙᑎᓄᑦ ᐱᔪᓐᓇᕐᓂᓕᒃ ᐱᖁᔨᓗᓂ ᖃᓄᐃᓕᐅᖅᑎᑦᑎᓗᓂᓘᓐᓃᑦ ᐃᓗᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᒃᑯᕕᖕᓂ ᐱᓕᕆᖁᔭᐅᖏᑦᑐᓂᒃ.
ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᖅ ᐊᐅᓚᑕᐅᔪᖅ ᑲᓇᑕᒥ ᐆᒪᔪᓕᕆᓂᕐᓄᑦ ᐱᔨᑦᑎᕋᖅᑎᓂᑦ (CWS) ᐊᕙᑎᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᓐᓂᑦ (ECCC) ᐃᓄᖕᓂᓪᓗ ᖃᐅᓱᐃᑦᑐᕐᒥᑦ, ᓄᓇᕘᒥ, ᐃᓚᒋᓪᓗᒍ ᑲᑐᔾᔭᐅᔪᓄᑦ ᐊᐅᓚᑕᐅᔪᓄᑦ ᐊᖏᕈᑎᒧᑦ ᓴᖅᑭᑕᐅᔪᖅ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᓪᓗ ᐊᖏᖃᑎᒌᒍᑎᒥᑦ ᒐᕙᒪᖃᑎᒌᓄᑦ ᐆᒪᔪᒃᑯᕕᖕᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪ ᕕᖕᓄᓪᓗ ᓄᓇᕘᑖᕐᕕᖕᒥ (ᐄᐸ). ᓱᓗᒃᕙᐅᑦ ᑲᑐᔾᔨᔪᑦ ᑲᑎᒪᔨᖏᑦ (ACMC) ᓴᓇᔭᐅᓚᐅᖅᓯᒪᔪᖅ ᐊᒃᑐᖅᑕᐅᓂᕐᓄᑦ ᐱᕚᓪᓕᕈᑎᒃᓴᓂᑦ ᑎᓕᐅᕆᕙᒃᖢᑎᒡᓗ ᑭᓱᓕᒫᖏᓐᓄᑦ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪ ᔫᑉ, ᐱᓇᓲᑎᓄᑦ, ᖃᐅᔨᓴᖅᑕᐅᔪᓄᑦ ᐃᓗᐊᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔫᑉ, ᐳᓛᕆᐊᖅᑐᓂᒃ ᓄᓇᒧᑦ, ᐊᐅᓚᑦᑎᓂᕐᓄᓪᓗ ᓴᐳᔾᔭᐅᓂᖏᓐᓄᓪᓗ ᓅᓲᑦ ᑎᖕᒥᐊᑦ ᑎᖕᒥᐊᓪᓗ ᐃᓂᖏᓐᓂᒃ. ᓄᓇᕘᒥ, ᓄᓇᕘᒥᐅᑦ ᐃᓄᐃᑦ, ᒪᓕᒡᓗᒍ ᓄᓇᕘᑖᕈᑎ (ᓇ) ᐊᖑᓇᓱᒍᓐᓇᖅᑐᑦ, ᐱᖃᓯᐅᖦᖢᒋᑦ ᓅᓲᓂᑦ ᒪᓐᓂᒃᑕᕐᓂᕐᓂᒃ ᐃᕕᓂᒡᓗ ᑮᓇᐅᔭᓕᐅᕐᓂᕐᓄᑦ ᐃᓅᖃᑎᒌᖕᓂᕐᓄᑦ ᐃᓕᖅᑯᓯᑐᖃᒃᑯᓪᓗ ᐊᑐᕆᐊᓕᖕᓄᑦ (ᐊᕕᒃᓯᒪᔪᖅ 5 ᓄᓇᕘᑖᕈᑎᒥ). ᐅᐸᒍᓐᓇᕐᓂᖅ ᐊᒃᐸᑦ ᕿᑭᖅᑕᖓᓄᑦ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᒧᑦ ᐊᓯᓂᑦ ᐃᓄᖕᓂᑦ ᐃᓗᐊᓂ ᓄᓇᕘᑖᕈᑎᐅᑉ ᐊᔪᖅᑎᑕᐅᔪᑦ, ᑕᐃᒪᐃᒻᒪᑦ, ᑭᓇᑐᐃᓐᓇᖅ ᐃᓅᖏᑦᑐᖅ ᐱᔪᓐᓇᐅᑎᑖᕆᐊᓕᒃ ᐅᐸᒍᓐᓇᕈᒪᓗᓂ ᐱᓕᕆᓗᓂᓘᓐᓃᑦ ᓇᓕᐊᑐᐃᓐᓇᕐᒥᒃ ᐱᓕᕆᓂᕐᒥᒃ ᐃᓗᐊᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᕝᕕᐅᑉ. ᐱᓕᕆᓃᑦ ᐊᔪᙱᑎᑕᐅᔪᑦ ᒪᓕᖕᓂᐊᖅᑐᑦ ᓴᐳᔾᔨᓂᕐᓄᑦ ᖃᓄᐃᑕᐅᓇᓱᒃᑐᓄᑦ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᒧᑦ ᐊᐅᓚᑦᑎᓂᕐᓄᑦ ᐸᕐᓇᐅᑎᒥᒃ.
ᑐᓴᒃᑲᓐᓂᕈᒪᒍᕕᑦ ᑭᓱᑦ ᐊᔪᙱᑎᑕᐅᖕᒪᖔᑕ ᐃᓗᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᕕᖕᓂ, ᑕᑯᒃᑭᑦ ᐊᐅᓚᑦᑎᓃᑦ ᐱᓕᕆᓃᓪᓗ ᐊᕕᒃᓯᒪᓂᖓᓂ ᐊᐃᖅᑮᕕᐅᑉ. ᓱᓕᒃᑲᓐᓃᑦ ᖃᐅᔨᒪᔭᐅᔪᑦ ᐅᐸᒍᓐᓇᕐᓂᕐᓄᑦ ᐱᔪᓐᓇᐅᑎᓄᓪᓗ ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᓄᑦ ᐱᔭᐅᔪᓐᓇᖅᑐᑦ ᐅᖃᕐᕕᒋᓗᒋᑦ ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᑦ ᐊᕕᒃᓯᒪᔪᓄᑦ ᑎᑎᕋᕐᕕᖓ.
ᖃᐅᔨᒪᔭᐅᓪᓗᐊᑕᖅᑐᑦ ᓇᐅᔭᕚᓂ (ᓯᒧᐊ ᕿᑭᖅᑕᖓ ) ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᕐᒧᑦ
| Catégorie | Information |
|---|---|
| ᓴᐳᔾᔭᐅᓯᒪᔫᑉ ᓇᓗᓇᐃᖅᓯᒪᓂᖓ | ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ |
| ᐊᕕᒃᓯᒪᔪᖅ | ᓄᓇᕗᑦ |
| ᓇᓂ | 76°48' ᐅᐊᖕᓇᖅ, 101°16' ᐱᓇᖕᓇᖅ |
| ᐊᖏᓂᖓ | 5,302 ᕼᐃᐊᒃᑎᐊᑦ (ᕿᑭᖅᑕᓪᓗᐊᖅ): 172 ᕼᐃᐊᒃᑎᐊᑦ ᓄᓇᒥ ᐊᒻᒪᓗ 5,130 ᕼᐃᐊᒃᑎᐊᑦ ᑕᕆᐅᕐᓂ |
| ᓴᓇᔭᐅᔾᔪᑎᖓ ᓴᐳᔾᔭᐅᓯᒪᔫᑉ | ᓴᐳᑎᓗᒋᑦ ᐃᕙᕝᕕᐅᓲᑦ ᐅᓗᕆᐊᓇᖅᑐᒦᑦᑐᑦ ᓇᐅᔭᕚᑦ. |
| ᐅᓪᓗᐊ ᓴᓇᔭᐅᓂᖓᑕ (ᒐᓴᑦᑕᐅᔪᖅ) | 1975 |
| ᓄᓇᕐᔪᐊᕐᒥᐅᓄᑦ ᑲᑐᔾᔨᔪᑦ ᓴᐳᔾᔭᐅᓂᖏᓐᓄᑦ ᓯᓚᒥᐅᑦ (IUCN) ᐊᐅᓚᑦᑎᓂᕐᓄᑦ ᐱᓕᕆᓂᖅ | ᐆᒪᔪᒃᑯᕕᓪᓚᕆᒃ (Ia) |
| ᓱᓕᒃᑲᓐᓃᑦ ᓇᓗᓇᐃᖅᓯᒪᓃᑦ |
|
| ᐃᓂᒃᓴᓪᓗᐊᑕᑦ |
|
| ᑐᙵᕕᐅᔪᑦ ᑖᒃᑯᐊᓪᓗᐊᑕᓪᓗ ᐆᒪᔪᑦ | ᓇᐅᔭᕚᑦ |
| ᐊᑎᓕᐅᖅᓯᒪᔪᑦ ᐆᒪᔪᑦ ᐃᓗᐊᓂ ᐆᒪᔪᑦ ᐅᓗᕆᐊᓇᖅᑐᒦᑦᑐᓄᑦ ᐱᖁᔭᕐᔪᐊᕐᒥ (SARA) | |
| ᑕᒫᓂᕐᒥᑕᐅᖏᑦᑐᑦ ᐆᒪᔪᑦ | ᖃᐅᔨᓯᒪᖏᑦᑐᑦ |
| ᐊᓯᖏᑦ ᐆᒪᔪᑦ | ᑎᖕᒥᐊᑦ ᓂᕐᔪᑏᑦ: |
| ᐊᐅᓚᑦᑎᔨᐅᔪᖅ ᑎᒥ | ᑲᓇᑕᒥ ᐆᒪᔪᓕᕆᓂᕐᓄᑦ ᐱᔨᑦᑎᕋᕐᓃᑦ, ᐅᐊᖕᓇᒧᑦ, ᑲᑐᔾᔨᓪᓗᑎᒃ ᓱᓗᒃᕙᐅᑦ ᑲᑐᔾᔨᔪᑦ ᑲᑎᒪᔨᖏᓐᓂᒃ ᖃᐅᓱᐃᑦᑐᕐᒥ |
| ᐃᓄᓕᒫᓄᑦ ᐅᐸᒍᓐᓇᕐᓃᑦ ᐊᑐᕐᓃᓪᓗ | ᓄᓇᕘᒥᐅᓄᑦ ᐃᓄᖕᓄᑦ ᐃᓱᒪᖅᓱᖅᐳᑦ ᐱᕕᑭᑎᑕᐅᓇᑎᒃ ᐅᐸᒍᓐᓇᕐᓂᕐᓄᑦ ᐊᖑᓇᓱᖕᓂᕐᓄᑦ ᓄᓇᓕᒫᓄᑦ, ᐃᒥᕐᓄᑦ ᑕᕆᐅᕐᓄᓪᓗ ᐃᓗᐊᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔫᑉ, ᒪᓕᒡᓗᒍ ᓇᓗᓇᐃᕈᑎ 5 ᐊᒃᑐᖅᑕᐅᓂᕐᓄᑦ ᐱᕚᓐᓕᕈᑎᓂ ᒪᓕᒃᓗᑎᒡᓗ s.5.7.18ᒥᒃ ᓄᓇᕘᑕᕈᑎᒥ . ᐃᓅᖏᑦᑐᓕᒫᓄᑦ, ᐱᔪᓐᓇᐅᑎᑖᕆᐊᖃᑐᐃᓐᓇᕆᐊᓖᑦ ᐅᐸᒐᓱᒡᓗᓂ ᐱᓕᕆᓗᓂᓘᓐᓃᑦ ᐃᓗᐊᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔫᑉ, ᐱᓗᐊᖅᑐᒥᒃ ᖁᑭᐅᑎᓂᒃ ᓇᒃᓴᕐᓂᐊᕈᑎᒃ ᐊᒻᒪᓗ ᐅᕝᕙᓘᓐᓃᑦ ᓅᓲᑦ ᑎᖕᒥᐊᑦ ᕿᒫᑎᑕᐅᓂᐊᕈᑎᒃ |
ᐅᖃᖃᑎᒋᑎᒍᑦ
ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᑦ − ᐅᐊᖕᓇᒥ
ᑲᓇᑕᒥ ᐆᒪᔪᓕᕆᓂᕐᓄᑦ ᐱᔨᑦᑎᕋᕐᓃᑦ
ᓴᐳᔾᔭᐅᓯᒪᔪᑦ ᐸᖅᑭᔨᐅᓃᓪᓗ
ᐅᑭᐅᖅᑕᖅᑑᑉ ᑲᓴᖕᓇᖓᓂ ᐱᓕᕆᔩᑦ
ᑎᑎᕋᒃᑯᕕᒃ 1870
ᐃᖃᓗᐃᑦ ᓄᓇᕗᑦ X0A 0H0
ᑕᓚᕘᖅ: 867-975-4642
ᐊᑭᖃᖏᑦᑐᖅ: 1-800-668-6767 (ᑲᓇᑕᑐᐊᕐᒥ)
ᖃᕋᓴᐅᔭᑎᒍᑦ ᑐᕌᕈᑎ: enviroinfo@ec.gc.ca
ᐊᒃᑐᐊᔪᑦ ᑐᕌᕈᑏᑦ
- ᓇᐅᔭᕚᓂ (ᓯᒧᐊ ᕿᑭᖅᑕᖓ) ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᒎᒍᓪ ᓄᓇᙳᐊᑎᒍᑦ (ᖃᐅᔨᒪᒋᑦ ᒎᒍᓪ ᓄᓇᙳᐊᑦ ᐃᑲᔫᑕᐅᔪᖅ ᖃᐅᔨᒪᔭᐅᔪᓄᑦ ᓇᓂᓯᔾᔪᑕᐅᓗᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᒥᒃ ᑭᒡᒐᖅᑐᐃᓇᓂᓗ ᓄᓇᙳᐊᓪᓚᑦᑖᕐᒥᒃ ᓄᓇᐅᓪᓘᓐᓃᑦ ᐊᑎᖓᓂᒃ)
- ᓄᓇᕘᒧᑦ ᓄᓇᓄᑦ ᐊᖏᖃᑎᒌᒍᑎᒧᑦ ᐱᖁᔭᕐᔪᐊᖅ
- ᓅᓲᓄᑦᑎᖏᒥᐊᓄᑦᓴᐳᔾᔭᐅᓯᒪᔪᕐᒧᑦ ᒪᓕᒋᐊᓖᑦ
- ᓯᒧᐊ ᕿᑭᖅᑕᖓ ᐱᕐᔪᐊᖅ ᑎᖕᒥᐊᒃᑯᕕᒃ
- ᓄᓇᕐᔪᐊᕐᒥᐅᓄᑦ ᑲᑐᔾᔨᔪᑦ ᓴᐳᔾᔭᐅᓂᖏᓐᓄᑦ ᓯᓚᒥᐅᑦ (IUCN)
- ᐱᕐᔪᐊᖑᔪᖅ ᑎᖕᒥᐊᓄᑦ ᓄᓇᕘᒥ
- ᐃᓂᒋᔭᓪᓗᐊᑕᖅ ᑕᕆᐅᕐᓂ ᓅᓲᓄᑦ ᑎᖕᒥᐊᓄᑦ
- ᖃᐅᓱᐃᑦᑐᖅ ᒐᕙᒪᖃᑎᒌᓄᑦ ᒥᕐᖑᐃᖅᓯᕐᕕᒃ
- ᐃᓂᒧᑦ ᑲᑐᔾᔨᖃᑎᒌᒃᑐᑦ ᐊᐅᓚᑦᑎᔩᑦ ᑲᑎᒪᔨᖏᑦ ᒐᕙᒪᖃᑎᒌᓄᑦ ᐆᒪᔪᖃᕐᕕᖕᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᕕᖕᓄᓪᓗ ᓄᓇᕘᒥ
Détails de la page
- Date de modification :