Kavamat Kanatami aituiyut iqlumik munarijutinut ikayuutinik katrakmik uvani Kanatamiut Qutiqtumi Ukiuqtaqtumi Ilituqhaivikmik Havakvikmi, pipkaivlutik atuqtakhainik Inuit manikhaqhiuqtut

De : Services publics et Approvisionnement Canada

Communiqué de presse

May 25-mi 2021-mi - Iqaluktuutiami, Nunavumi Kavamanit Ikayuutauyunik Havaktikhaqhiuqniqmilu Kanatami

Kavamat Kanatami tuniqhimayut ikayuqturiagani Kanatamiut Qutiqtumi Ukiuqtaqtumi Ilituqhaivik Havakvik Iqaluktuutiami, Nunavumi, ukua ilituqhaijutit naunaiyautilu havaat havaariyauniqnigani amihuni ukiuni tikituukhani, piqariaganilu manikhaqhiurutinik pivalianiginik Inuinaqnit Nunavumi uvuuna niuviqniginit atuqtakhat.

Ublumi, IhumagiyautiaqtuqAnita Anand, Ministauyuq Inuknut Ikayuutinik Niuvaajutiniklu, tuhaqtitiyuq 33.4-miliatalamik katrakmik iglumik munariyaagani ikayuutinik aituutauyuq April 30-mi 2021-mi, ukunuga Nunavumi Ukiuqtaqtumi Ikayuuutinik, Qauyuitumit, Nunavumi, aulaniqaqtuq ikayuqtiqaqhutik havaami. Ilagani katraguyup, havakviuyuq havaaqaqniaqtut iglumik munariyaagani ikayuutinik pipkailutik, pipkailutik amigaitunik aaqatqiinik ikayuutinik ikayuqturiagani aalatqiit ajikutaqagitut naunaitiaqhimayulu aulanigini ihariagiyainik CHARS-kuni igluqpaqaqvikmi.

Akitaqutaut havauhiq ilaujutauyuq Atiliuqhimayunut Inuit Havakviinit talvatuaq, aturiaqaqnigani ilagani Agiqatiriigutauyuup Ukunanga Inuinaqnit Nunavumi Nunataaqviuyumi Ataniqpauvlu Kuinguyuq Kivgaqtuqtia Kanatami (Nunavumi Agiqatiriigut). Ilagiyaanik atulirumayamikni, Nunavumi Ukiuqtaqtumi Ikayuqtuiyit pipkaiyut Inuinaqnik Ikayuqturiagani Upalugaiyaunmik uqariiyautinik havaktitaagani Inuinait havaktukhaq, upipkaqlugit Inuinait ayugitunik ikayuutiqaqtut, atuqnitinik Inuinait ihuaqutinik niuvrutiqaqtut, pipkailutiklu havaktilugit ayuiqhajutikhanik ayuruirutinikluniit pivalianiginik Inuinait havaktut. Havakviuyuq nalaumaniaqtuqlu Nunavumi Ikayuuhiakhanik Aturiaqaqtunik, unalu humiiniganik turaaqtaqvigiyaqtik titiraqviktik, havaktut aulapkaiyut titiraqviit ahiilu iglugiyauyut, titiraqviilu ilaganilunit katraqaqtut, talvani Nunavumi Nunataaqviuyumi.

Havaaq nuutaagani iglumik munarinigagut ikayuutinik nutaamut ikayuqtuivikhamut atuliqniaqtuq upingaami auyamilu 2021-mi iniqniaqhunilu September 30 tikitinagut 2021-mi.

Uqauhiuyut

“Una katraguyut ihuaqhaqhimayut aturiagani tamaini ilauniginik Atiliuqhimayut Inuinait Havakviit, nalaumayunik Nunavumi Agiqatiriigunmi kavamalu atuliquyainik niuvaajutinik talvani ukiuqtaqtumi. Ikayuutit pipkagauyut ilagani uuma nutaap katraguyuup ikayuutauvaaliqtuq manikhaqhiurutinik pivaliajutinik ayuruirutiniklu ukunani Inuinait havakviini inuknilu atuni.”

Ihumagiyautiaqtuq Anita Anand
Ministauyuq Inuknut Ikayuutinik Niuvaajutiniklu

“Uumanga atuqniqatiaqtumit katrakmit, Kavamat Kanatami ikayuqtuiyut manikhaqhiurutinik pivalianiginik hatqiqhiyaaganilu ayuiqhajutinik havaaniklu atuqtukhanik nunami. Una qaiyuq Nunavut upalugaiyaqtilugu hakugiktumik kiguani QALAKYUAQNIQ-19-mit aaniaruiqpalianiqmit pipkariaganilu CHARS-kut igluqpaqaqviat pipkaihimariagani nutauniqhanik havakviuyunik ikayuutiniklu ukiuni hivunikhami.”

Ihumagiyautiaqtuq Dan Vandal
Ministauyuq Ukiuqtaqtumi Havaani

“Una katraguyuq pipkaiyuq Kanatamiut Qutiqtumi Ukiuqtaqtumi Ilituqhaivik Havakvik nakuuyumik, tuutqiqtunik iglunik munarijutinik ihariagiyauyunik nutauniqhanik atuqnigini Ukiuqtaqtumi ilituqhainiqmik ukiuraaluk. POLAR-kuni, nahuriyugut amigaitqiyabik ilituqhainikut havaqatiriigutinik Nunaqaqaqtulu qauyimayainik tigumiaqtunik ilituqhaiyiniklu humiliqaa Kanatami hilaqyuamilu.”

Jennifer C. Hubbard
Ikhivauqalik Tukimuaktitiyilu, Ukiuqtaqtumi Qauyimayauyunik Kanatami (POLAR)

Qilamik naunaitut

Una nutaaq katrak qanurilijutauyumit akitaqutautiyunit niuvigakhanik havauhiqmi havaariyauhimayuq atuqhugu Nunavumi Agiqatiriigut Kavamalu kanatami atuquyainik niuvaajutini talvani ukiuqtaqtumi. Katraguyuq turaagaluaqtuq Atiliuqhimayunik Inuit Havakviinut tamaini ukua ilauviqariagani havauhiqmi. Inuknut Ikayuutinik Niuvaajutiniklu Kanatami (PSPC) tuniqhimayut ukua ikayuutit pipkagauyut ilagani uuma katragiyuup nutaamit pipkaiyumit ilaginilu katraqaqtunik ikayuqtiriagani ukunani manikhaqhiurutinik pivalianigini ayuruirutikhainiklu Inuinait havakviit inuilu atuni.
PSPC-kut havaqatiqaqtut Ikayuqtuiyunik Kanatami Maniliqiyilu Katimayit Kanatami Havakvianit amigaiqpaaliriagani atuqtakhainik Nunaqaqaqtut manikhaqhiurutait uuktiriagani ukuniga takhilutiklu kavamanit katraguyunik. Pijutigiyaqut aituriagani mikiniqhamik 5%-mik kavamatuqanit katruaguyut maniliurutiqaqtunut nanminiriyauyunik hivuliqhuqtauyunikluniit Nunaqaqaqtunit Inuknit. Kavamatuqait akliqhihimayut 22-bilatalamik atuni ukiumi; taimainigani, pihimavaat una turaaqviuyuq pipkainiaqmalu agiyunik manikhaqhiurutini ikayuuhiakhanik Nunaqaqaqtut manikhaqhiuqtinit.
CHARS-kut havakvia kivgaqtuiyuq turaaqtaqviuvluni Ukiuqtaqtumi Qauyimayauyumik Kanatami. Ilaqaqtut titiraqviknik, ilituqhaiviknik, inikhaniklu qauyimayauyut avanmut uqaqatiriikvikhanik, nunagiyauyulu upipkaqniginik, hannavik akhaluutiqaqvikmik, piqutinik tamayaqaqvikmik, hiniktaqvikhaniklu pulaaqtunit naunaiyaiyinit ilituqhaiyinilu.
Igluqpaqaqvik titirauyaqtauyuq qanurinikhanik nakuuniqhanik ilitariyauyaagani Hivuliqhuqniganit Aulaqutinik Igluni Avatauyuqlu Ihumagivlugu Qanurinikhaanik (LEED) havamit. Havakhimaaqtut piyaagani ilitaqhijut upingaami 2022-mi.
Inuinait ilitquhia pitquhiilu ilaujutiqatiaqtut qanurituunikhaini igluqpaqaqviup.
Aulaniqatiaqmagaa nakuuyumik amiriyi upipkaqtauhimayuq pipkaiyaagani ihuaqtunik, pigahuanit ayugitumilu ihumagiyaugitunik tamaini havaani niuvrutaunigini havauhiqmi.