Inuktitut summaries

ᑎᖕᒥᐊᑦ ᐅᑎᖅᑕᖅᐸᒃᑐᑦ ᐊᒻᒪᓗ ᐃᕐᓂᐅᕕᖏᑕ ᓇᔪᒐᖃᖃᑎᒌᖕᓂᖏᓐᓂᒃ ᓯᓚᖃᖃᑎᒌᖕᓂᖏᓐᓂᒡᓗ ᑎᖕᒥᐊᑦ ᐊᓯᔾᔨᖅᐸᓪᓕᐊᔪᒦᑦᑐᑦ ᐊᕙᑎᒥᖕᓂ: ᐅᓂᒃᑳᓕᐊᒥᓂᖅ 2017−ᒥ ᐊᒻᒪᓗ 2018−ᒥ ᐃᓂᖏᓐᓂ ᖃᐅᔨᓴᕐᓂᕕᓂᕐᓂᑦ

ᔨ.-ᕕ. ᓚᒫᕐ, ᐊ. ᐱᑐᓴᓐ, ᔨ. ᑎᒃᑕᓕᒃ, ᐊᒻᒪᓗ ᐃ. ᓴᑐᓚᓐ

ᓚᒫᕐ, ᔨ.-ᕕ., ᐱᐊᑐᓴᓐ, ᐊ., ᑎᒃᑕᓕᒃ, ᔨ., ᐊᒻᒪᓗ ᓴᑐᓚᓐ, ᐃ. 2019. ᑎᖕᒥᐊᑦ ᐅᑎᖅᑕᐸᒃᑐᑦ ᐊᒻᒪᓗ ᐃᕐᓂᐅᕕᖏᑕ ᓇᔪᒐᖃᖃᑎᒌᖕᓂᖏᓐᓂᒃ ᓯᓚᖃᖃᑎᒌᖕᓂᖏᓐᓂᒡᓗ ᑎᖕᒥᐊᑦ ᐊᓯᔾᔨᖅᐸᓪᓕᐊᔪᒦᒃᑐᑦ ᐊᕙᑎᒥᖕᓂ: ᐅᓂᒃᑳᖅ 2017−ᒥ ᐊᒻᒪᓗ 2018−ᒥ ᐃᓂᖏᓐᓂ ᖃᐅᔨᓴᕐᓂᕕᓂᕐᓂᑦ; ᐅᕙᓂ ᐅᑭᐅᖅᑕᖅᑐᒥᒃ ᖃᐅᔨᒪᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥ ᖃᐅᔨᒪᓂᕐᒧᑦ ᑲᓇᑕ, ᒪᑉᐱᒐᖅ. p. 1–7. DOI: 10.35298/pkc.2019.01

ᑎᖕᒥᐊᑦ ᐅᑎᖅᑕᖅᐸᒃᑐᑦ ᖃᐅᒍᑕᐅᕙᖕᒪᑕ ᓄᓇᕐᔪᐊᑉ ᐊᓯᔾᔨᕐᓂᖓᓂᒃ. ᐊᒥᓱᑦ ᐆᒪᔪᑦ ᐱᔭᖅᑯᖅᑐᖅᖤᖕᒪᑕ ᐆᒪᔫᖃᑎᖏᑦ ᓄᖑᑉᐸᓪᓕᐊᑎᓪᓗᒋᑦ. ᓯᓚᐅᑉ ᐊᓯᔾᔨᕐᓂᖓ ᐊᓯᔾᔩᒍᓐᓇᕐᒥᖕᒪᑦ ᐃᒡᓗᕙᕐᓂᖏᓐᓂᑦ ᐊᔾᔨᒌᖏᑦᑐᑦ ᐆᒪᔪᑦ. ᐃᕐᓂᐅᕕᐅᕙᒃᑐᒥ, ᐱᕕᖃᕐᓂᖅ ᑲᔪᓯᓂᖏᓪᓗ ᕿᑐᕐᖏᐅᕐᓂᖏᑕ ᐊᑦᑐᐊᒍᓐᓇᖅᑐᖅ ᖃᓄᐃᑦᑐᖃᖅᑐᒥᓂᐅᑎᓪᓗᒍ ᓯᕗᕐᖓᓂ, ᐅᖓᓯᒃᑐᐊᓗᖕᒥ ᑕᐅᓴᓃᑦᑐᓂ ᑭᓛᒥᑕᔅᓂ, ᐃᓂᐅᔪᓂ ᐊᒃᑐᖅᑕᐅᓂᕐᓗᑦᑎᒪᔪᓂ ᑎᒥᓕᖕᓄᑦ ᐃᓄᖕᓄᑦ ᓴᖅᑭᖅᑎᑕᐅᕙᒃᑐᖅᑎᒍᑦ. ᖃᐅᔨᒪᓂᖃᑦᑎᐊᓂᖅ ᐃᓂᐅᔪᓂ ᐅᑎᖅᐸᒃᑐᓄᑦ ᐆᒪᔪᓄᑦ ᐊᕐᕌᒍᓕᒫᒥ ᐃᓂᐅᕙᒃᑐᓂ ᐊᒻᒪ ᐊᔾᔨᒌᖏᑦᑐᑦ ᐆᒪᔪᑦ ᑲᑎᒃᐸᓕᖅᑐᑦ ᑕᒪᓐᓇ ᖃᐅᔨᒍᑕᐅᒍᓐᓇᓂᐊᕐᒪᑦ ᐱᔭᖅᑯᖅᑐᖅᖤᖅᐸᖕᓂᖏᓐᓂᑦ ᐆᒪᔪᑦ. ᑐᕌᖅᑕ ᑖᔅᓱᒪ ᖃᐅᔨᓴᖅᑐᓕᕆᓂᒃᑯᑦ ᐱᓕᕆᐊᑉ ᖃᐅᔨᓴᕐᓂᐊᕐᓗᒋᑦ ᕿᑐᕐᖏᐅᐸᒃᑐᑦ ᐊᒻᒪᓗ ᑎᖕᒥᐊᑦ ᐅᑎᖅᐸᒃᑐᖅ ᐅᑭᐅᖅᑕᖅᑐᒥ−ᐃᕙᕕᖃᓲᑦ ᑎᖕᒥᐊ (ᓂᕿᑐᓲᑦ ᐊᒻᒪᓗ ᓂᕿᒋᐅᒃᑐᑦ ᐆᒪᔪᑦ) ᐱᖃᓯᐅᑎᒃᖢᒋᑦ ᐃᕙᕕᐅᕙᒃᑐᑦ ᓇᔪᖅᑕᐅᕙᒃᑐᑦ, ᐃᕐᓂᐅᓂᖏᑕ ᐊᒥᓲᓂᖏ, ᐊᒥᓲᓂᖏᑦ ᐆᒪᔫᖃᑎᒌᑦ, ᐊᒻᒪᓗ ᐅᑎᖅᐸᖕᓂᖏᑦ ᑎᖕᒥᐊᑦ. ᖃᐅᔨᓴᐅᑎᕕᓂᑎᒍᑦ ᖃᐅᔨᔭᐅᔪᑦ ᐊᑐᖅᑕᐅᒐᕙᒃᑐᑦ ᐅᒪᔪᓂᒃ ᐊᐅᓚᑦᑎᓂᕐᒧᑦ, ᖃᐅᔨᓴᕈᑕᐅᓗᑎᒃ ᖃᓄᐃᑦᑑᓕᕐᓂᖓᓂ ᐊᕙᑎᐊ, ᐊᒻᒪᓗ ᐆᒪᔪᓂᒃ ᐱᐅᖅᓱᐊᕋᓱᐊᕐᓂᕐᒧᖓᔪᓄᑦ. ᖃᐅᔨᓴᕈᑎᕕᓃᑦ ᐊᑐᐃᓐᓇᐅᑎᑕᐅᒐᔭᕐᒥᔪᑦ ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᖃᐅᔨᓴᖅᑐᓕᕆᓂᒃᑯᑦ ᑭᒃᑯᑐᐃᓐᓇᕐᓄᑦ ᐊᒻᒪᓗ ᑭᓪᓕᓯᓂᐊᓂᕐᒧᑦ ᖃᐅᔨᓴᕐᓂᒃᑯᑦ. 2018−ᖑᑎᓪᓗᒍ, ᐊᔾᔨᒌᖏᑦᑐᑦ ᐅᑎᖅᐸᒃᑐᑦ ᑎᖕᒥᐊᑦ ᓇᔪᒐᖃᖃᑎᒌᖕᓂᖏᓐᓂᒃ ᓯᓚᖃᖃᑎᒌᖕᓂᖏᓐᓂᓪᓗ ᐊᕙᑖᓂ ᐃᖃᓗᒃᑑᒃᑎᐊᑉ ᖃᐅᔨᓴᖅᑕᐅᓯᒪᔪᑦ, ᐱᓗᐊᖅᑐᒥ ᐃᕐᓂᐅᕐᓂᖏᑦ, ᐊᒥᓲᓂᖏᑦ, ᐊᒻᒪᓗ ᑕᐃᒪᐃᓕᖓᐃᓐᓇᕐᒪᖔᑕ ᖃᖑᐃᑦ ᑎᖕᒥᐊᕆᔭᐅᔪᑦ ᓯᒡᔭᒥᐅᑕᓂ ᑎᖕᒥᐊᓂ. ᓂᕿᒋᐅᑎᓂᖅ ᖃᐅᔨᓴᖅᑕᐅᖃᓯᐅᑎᓐᓂᕐᒥᔪᖅ ᐃᕙᕕᓕᐊᕆᓯᒪᔪᓂᒃ ᐊᑐᖅᖢᑎᒃ ᖃᐅᔨᓴᕈᑎᒋᓪᓗᓂᔾᔪᒃ, ᖃᐅᑕᒫᑦ ᓈᓴᖅᑕᐅᕙᒃᖢᑎᒃ, ᐊᒻᒪᓗ ᓇᓗᓇᐃᕈᑕᐅᔪᖃᕐᒪᖔᖅ ᑕᒫᓂ ᐃᓂᒃᓴᔭᖃᙱᒻᒪᖔᑕ. ᓂᕐᓖᑦ ᐊᒃᑐᐃᓂᖃᕐᒪᑕ ᓄᓇᒥ ᐆᒪᔪᓂ ᓇᔪᖃᑎᒌᖕᓂᖏᓐᓂᑦ ᓯᓚᖃᑎᒌᖕᓂᖏᓐᓂᓪᓗ ᐃᓂᐅᕙᒃᑐᑦ ᓱᔪᒃᓯᒪᓂᖏᑎᒍᑦ ᓂᕿᒋᔭᐅᔭᓐᓂᖏᒍᓪᓗ, ᖃᐅᔨᓴᕐᓃᑦ ᐊᑐᖅᑕᕕᓃᑦ ᐋᓐᑐᓴᓐ ᐸᐃᒥ ᐊᒻᒪᓗ ᓯᑯᓯᐅᑎᒧᑦ ᐊᖅᑯᑕᐅᕙᒃᑐᒥ ᓄᓇᙳᐊᑎᒍᑦ ᐋᖅᑭᒃᓱᖅᑕᐅᓂᐊᕐᒪᑕ ᑲᖑᐃᑦ ᑭᓪᓕᓕᐅᖅᑕᐅᓗᑎᒃ ᐃᓂᒋᕙᒃᑕᖏᑦ ᒥᒃᓴᐅᓴᒍᑎᒋᓕᕐᓗᒍᓗ ᓯᕗᕐᖓᓂ ᖃᐅᔨᓴᕈᑕᐅᓯᒪᔪᓄᑦ. ᑖᓐᓇ ᐅᓂᒃᑳᖅ ᓇᓗᓇᐃᔭᐃᓯᒪᔪᖅ ᖃᐅᔨᓴᖅᑐᓕᕆᓂᒃᑯᑦ ᐊᑐᖅᑕᐅᓯᒪᔪᓂᑦ, ᖃᐅᔨᒋᐊᕐᖓᐅᑕᐅᔪᑦ ᓄᐊᑕᐅᓯᒪᓂᖏᑎᒍᑦ ᒫᓐᓇᒧᑦ, ᐊᒻᒪᓗ ᐱᕙᓪᓕᐊᑎᑦᑎᒍᑕᐅᒍᒪᓗᑎᒃ ᖃᐅᔨᓴᖅᑐᓕᕆᓂᒃᑯᑦ ᐱᓕᕆᐊᒃᓴᒧᑦ ᐊᒡᒋᖅᑐᓂ ᐊᕐᕌᒍᓂ.

ᑲᓇᑕᒥ ᐅᑭᐅᖅᑕᖅᑐᖅ-ᐅᑭᐅᖅᑕᕐᓃᑦ ᐊᒃᑐᐊᖃᑎᒌᑦ ᓯᓚᖃᑎᒌᑦ ᓇᔪᒐᖃᖃᑎᒌᑦ ᐆᒪᓂᖃᖅᑐᑦ ᓇᔪᒐᕐᒥᓐᓂ ᐊᒃᑐᐊᖃᑎᒌᖕᓂᖓᑦ ᑲᑎᑕᐅᓯᒪᓂᖏᑦ (CASBEC): ᑎᑎᕋᖅᑕᐅᓯᒪᓂᖓ, ᐃᓱᒪᒋᔭᐅᓯᒪᓪᓗᐊᑕᖅᑐᑦ, ᓄᓇᙳᐊᓕᐅᕐᓂᖅ ᐊᒻᒪᓗ ᐊᑐᖅᑕᐅᓂᖏᑦ

ᑎ.ᓯ. ᒪᑭᓕᓇᓐ, ᐅ.H. ᒪᑭᐊᓐᓯ, ᑎ.ᕕ. ᒪᐃᑎᖓ, ᓯ. ᐸᓄᒪᕋᖑ, ᔨ. ᕙᒡᓇ ᐊᒻᒪᓗ H.ᑎ. ᕈᐱᑕᐃ

ᒪᑭᓕᓇᓐ, ᑎ.ᓯ., ᒪᑭᐊᓐᓯ, ᐅ.H., ᒪᐃᑎᖓ, ᑎ.ᕕ., ᐸᓄᒪᕋᖑ, ᓯ., ᕙᒡᓇ, ᔨ., ᒪᑭᓚᑉ, ᕆ.ᔨ., ᐊᒻᒪᓗ ᕈᐱᑕᐃ, H.ᑎ. 2019: ᑲᓇᑕᒥ ᐅᑭᐅᖅᑕᖅᑐᖅ-ᐅᑭᐅᖅᑕᓂᕐᓂ ᐊᒃᑐᐊᖃᑎᒌᑦ ᓯᓚᖃᑎᒌᑦ ᓇᔪᒐᖃᖃᑎᒌᑦ ᐆᒪᓂᖃᖅᑐᑦ ᓇᔪᒐᕐᒥᓐᓂ ᐊᒃᑐᐊᖃᑎᒌᖕᓂᖓᑦ ᑲᑎᑕᐅᓯᒪᓂᖏᑦ (CASBEC): ᑎᑎᕋᖅᑕᐅᓯᒪᓂᖓ, ᐃᓱᒪᒋᔭᐅᓯᒪᓪᓗᐊᑕᖅᑐᑦ, ᓄᓇᙳᐊᓕᐅᕐᓂᖅ ᐊᒻᒪᓗ ᐊᑐᖅᑕᐅᓂᖏᑦ; ᐅᕙᓂ ᐅᑭᐅᖅᑕᖅᑐᒥᒃ ᖃᐅᔨᒪᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖅ ᑲᓇᑕ, ᒪᑉᐱᒐᖅ. p. 8-22. DOI: 10.35298/pkc.2019.02

ᑲᓇᑕᒥ ᐅᑭᐅᖅᑕᖅᑐᖅ-ᐅᑭᐅᖅᑕᓂᕐᓂ ᐊᒃᑐᐊᖃᑎᒌᑦ ᓯᓚᖃᑎᒌᑦ ᓇᔪᒐᖃᖃᑎᒌᑦ ᐆᒪᓂᖃᖅᑐᑦ ᓇᔪᒐᕐᒥᓐᓂ ᐊᒃᑐᐊᖃᑎᒌᖕᓂᖓᑦ ᑲᑎᑕᐅᓯᒪᓂᖏᑦ (CASBEC) ᑐᒃᓯᕋᐅᑎ ᑐᑭᒧᐊᑦᑎᑦᑎᒍᑕᐅᓂᐊᕐᓗᓂ ᐊᒻᒪᓗ ᒪᓕᒃᑕᐅᒋᐊᖃᕐᓂᐊᖅᑐᓂᑦ ᖃᓄᖅ ᓄᓇᒥᐅᑕᓂᑦ ᐆᒪᔪᖃᖅᑐᑦ ᓇᔪᒐᓕᓐᓂᒃ ᓯᓚᑎᖏᓐᓃᑐᓪᓗ ᓄᓇᓕᐅᔪᓂ ᐅᑭᐅᖅᑕᕐᓃᑦ ᐊᒻᒪᓗ ᐅᑭᐅᖅᑕᖅᑐᑦ ᓄᓇᖏᑦ ᐅᑭᐅᖅᑕᖅᑐᒥ ᑲᓇᑕᒥ ᓇᓗᓇᐃᖅᑕᐅᓯᒪᔪᑦ, ᑐᑭᓕᐅᖅᑕᐅᓯᒪᔪᑦ, ᐊᒻᒪᓗ ᓄᓇᙳᐊᓕᐅᖅᑕᐅᓯᒪᔪᑦ. CASBEC ᑐᙵᕕᓕᒃ ᓴᙱᓂᖃᖅᑐᒥᒃ ᐆᒪᔪᖃᖅᑐᑦ ᓇᔪᒐᓕᖕᓂᒃ ᓯᓚᑎᖏᓐᓃᑐᓪᓗ ᐅᒃᐱᕆᔭᐅᓂᖏᓐᓂᑦ ᐊᑐᐃᓐᓇᐅᑎᑦᑎᓪᓗᓂᓗ ᒪᓕᒃᑕᐅᔭᕆᐊᓕᖕᓂᒃ ᒪᓕᒐᕐᓂᒃ ᐊᑦᑎᖅᑐᐃᓂᕐᒨᖓᔪᓂᒃ ᐊᒻᒪᓗ ᓇᓗᓇᐃᔭᕐᓗᒋᑦ ᑲᑎᑕᐅᓗᑎᒃ ᓄᓇᒥᐅᑕᐃᑦ ᐆᒪᔪᑦ ᓇᔪᒐᖃᑎᒌᖕᓂᖏᓐᓂᒃ ᓯᓚᖃᑎᒌᖕᓂᖏᓐᓂᓪᓗ. ᓴᓇᖕᒪᑦ ᓱᕐᕋᐃᑦᑐᒥᒃ, ᐊᖅᑭᒃᑕᐅᓯᒪᔪᖅ ᑲᑎᑕᐅᓯᒪᓪᓗᑎᒃ ᒪᓕᒃᖢᒋᑦ ᖃᐅᔨᓇᕐᓂᖏᑎᒍᑦ ᐊᕙᑎᖏᑕ ᖃᓄᐃᓕᖓᓂᖏᑦ ᑐᑭᓕᐅᖅᑕᐅᒍᓐᓇᖅᑐᑦ ᐊᒻᒪᓗ ᐊᑐᖅᑎᑕᐅᓗᑎᒃ ᐊᔾᔨᒌᖏᖦᖢᑎᒍᑦ ᐱᔾᔪᓯᑎᒍᑦ. ᑕᓐᓇ ᑎᑎᕋᕐᕕᒋᓯᒪᔪᖅ ᑭᖒᒪᔭᐅᓂᖓᓂᒃ ᑕᐃᒪᓐᓇ ᐊᐅᓚᔾᔪᓯᖅ ᐊᒻᒪᓗ ᖃᐅᔨᒪᔭᐅᓂᖏᑦ ᑎᑎᖅᑲᑎᒍᑦ ᐊᒻᒪᓗ ᐋᖅᑭᒃᓯᒪᓂᖓᒍᑦ ᑲᑎᑕᐅᓯᒪᓂᖏᑎᒍᑦ. ᐊᑕᖐᒋᓪᓗᓂᓗ CASBEC−ᑯᑦ ᐊᑕᖏᖅᑎᓪᓗᒍ ᐊᑑᑎᖃᕐᓂᖓᑕ ᑐᑭᒧᐊᒍᑕᐅᓗᓂ, ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ, ᓇᐅᑦᑎᑐᕐᓂᕐᒧᑦ, ᐆᒪᔪᑦ ᐊᐅᓚᑕᐅᓂᖏᓐᓄᑦ ᐊᒻᒪᓗ ᐱᐅᖅᓱᐊᕆᐊᖃᕐᓂᕐᒧᑦ, ᓄᓇᒥ ᐊᑐᕐᓂᕐᒧᑦ ᐸᕐᓇᐅᓂᕐᒧᑦ, ᖃᐅᔨᓴᕐᓂᕐᒧᑦ, ᐅᓂᒃᑳᓕᐅᕆᐊᖃᕐᓂᕐᒧᑦ ᐊᒃᑐᐃᓂᕐᓗᒍᓐᓇᖅᑐᑦ ᐱᓪᓗᒋᑦ ᐊᒻᒪᓗ ᐊᑑᑎᖃᑦᑎᐊᑎᓪᓗᒋᑦ ᓴᓚᔪᓕᕆᓂᒃᑯᑦ ᐱᕙᓪᓕᐊᓂᕐᓂ, ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᒪᓕᒃᖢᒍ. ᑖᓐᓇ ᑐᒃᓯᕋᐅᑦ ᓯᕗᒧᐊᖅᑎᑕᖅ ᐊᐱᖅᑯᑕᐅᓪᓗᓂ ᐱᔪᒪᔭᐅᔫᑉ ᒥᒃᓵᓄᑦ, ᑐᓴᕈᑎᒋᓗᒍ, ᐃᑲᔪᖅᑐᖅᑕᐅᒍᑎᒋᓗᒍᓗ ᑲᓇᑕᒥ ᓄᓇᓕᐅᔪᒧᑦ ᐅᑭᐅᖅᑕᖅᑐᒥ ᓄᓇᒥᐅᑕᐃᑦ ᐆᒪᔪᑦ ᓇᔪᒐᖃᑎᒌᖕᓂᖏᓐᓂᒃ ᓯᓚᖃᑎᒌᖕᓂᖏᓐᓂᓪᓗ ᖃᐅᔨᓴᖅᑎᓄᑦ ᐊᒻᒪᓗ ᑐᓴᕆᐊᕐᕕᖃᕐᓂᕐᒧᑦ ᐱᓕᕆᔨᒻᒪᕆᖕᓂᒃ ᐃᖅᑲᓇᐃᔭᖃᑎᖃᕈᒪᓂᕐᒧᑦ ᐊᑐᓕᖅᑎᑦᑎᓂᕐᒧᑦ ᒪᓕᒃᑕᐅᒍᓐᓇᖅᑐᒥᒃ ᓇᓗᓇᐃᔭᐃᓂᕐᒧᑦ ᐊᑦᑎᖅᑐᐃᓂᕐᒧᓪᓗ ᐅᑭᐅᖅᑕᖅᑐᒥᒃ−ᐅᑭᐅᖅᑕᓂᕐᓂᒃ ᓄᓇᒥᐅᑕᓂᑦ ᐆᒪᔪᖃᖅᑐᓂ ᓇᔪᒐᓕᖕᓂᒃ ᓯᓚᑎᖏᓐᓃᑐᓪᓗ ᓄᓇᓕᐅᔪᓂ. ᑕᐃᒪᐃᑦᑐᖅ ᒪᓕᒐᒃᓴᓕᐊᕆᓯᒪᔪᖅ ᐋᖅᑭᐅᒥᑎᑦᑎᒐᔭᕐᒪᑦ ᑐᑭᒧᐊᒍᑕᐅᓂᖓᓂᒃ, ᐃᑲᔪᖅᑕᐅᒍᒪᓂᕐᒥᒃ, ᐊᒻᒪᓗ ᐊᒃᑐᐃᓂᖓᓂᒃ ᐅᑭᐅᖅᑕᖅᑐᒥ ᖃᐅᔨᓴᕐᓂᐅᑉ, ᓇᐅᒃᓯᑐᕐᓂᐅᑉ, ᐊᒻᒪᓗ ᐱᐅᖅᓱᐊᕐᓂᐅᑉ, ᐊᒻᒪᓗᑦᑕᐅᖅ ᐊᒥᓱᓄᑦ ᐊᑐᖅᑕᐅᓂᖏᑎᒍᑦ ᐱᔾᔪᑎᐅᑉ ᑕᒪᑐᒧᖓ.

ᓇᓗᓇᐃᕈᑎ ᐆᒪᔪᑦ ᓇᔪᒐᖃᑎᒌᖕᓂᖏᑕ ᓯᓚᖃᑎᒌᖕᓂᖏᑕᓗ ᒥᒃᓵᓄᑦ ᐅᖃᐅᓯᖃᕐᓂᕐᒧᑦ ᐊᔪᐃᑦᑐᑦ ᒥᒃᓵᓄᑦ ᐃᖃᓗᒃᑑᑦᑎᐊᕐᒥ, ᓄᓇᕗᑦ, ᑲᓇᑕ

ᔨ. ᔪᓐ, ᒥ.ᒋ. ᑲᕗᐊᓐ, ᔨ.ᔩ. ᔪᖕ, ᐱ.ᔩ. ᓖ, ᔨ. ᔫ, ᔨ.ᕙᒡᓇ, ᐊᒻᒪᓗ ᑎ. ᓱᐃ

ᔪᓐ, J., ᑲᕗᐊᓐ, ᒥ.ᒋ., ᔭᖕ, ᔨ.ᔩ., ᓖ, ᐱ.ᔩ., ᔫ, ᒋ., ᕙᒡᓇ, ᒋ., ᐊᒻᒪᓗ ᓱᐃ, ᑎ. 2019: ᓇᓗᓇᐃᕈᑎ ᐆᒪᔪᑦ ᓇᔪᒐᖃᑎᒌᖕᓂᖏᑕ ᓯᓚᖃᑎᒌᖕᓂᖏᑕᓗ ᒥᒃᓵᓄᑦ ᐅᖃᐅᓯᖃᕐᓂᕐᒧᑦ ᐊᔪᐃᑦᑐᑦ ᒥᒃᓵᓄᑦ ᐃᖃᓗᒃᑑᑎᐊᕐᒥ, ᓄᓇᕗᑦ, ᑲᓇᑕ; ᐅᕘᓇ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ ᑲᓇᑕ, ᒪᑉᐱᒐᖓᓂ p. 23-31. DOI: 10.35298/pkc.2019.03

ᐊᔪᐃᑦᑐᖅ ᐊᖏᔫᓪᓗᓂ ᐸᐅᖅ (ᓯ) ᐸᐸᑦᓯᕕᒃ. ᖃᐅᔨᔭᐅᒍᒪᓕᖅᐸᓪᓕᐊᖕᒪᑦ ᖃᓄᖅ ᐸᐅᑉ ᑭᓈᓂᖓ ᐊᓯᔾᔨᖅᐸᓪᓕᐊᒻᒪᖔᖅ ᐱᔾᔪᑎᒋᓪᓗᒍ ᐅᑭᐅᖅᑕᖅᑐᒥ ᓂᕈᒥᑦᑎᕙᓪᓕᐊᓂᐅᑉ. ᑲᔪᓰᓐᓇᖅᑐᒥᒃ ᓇᐅᒃᓯᖅᑐᕐᓂᖅ ᐸᐅᑉ ᑭᓈᓂᖓᓂᒃ ᑐᑭᓯᐅᒪᑦᑎᐊᕆᖃᕐᓇᖅᐳᖅ ᐸᐅᕐᒧᑦ ᑮᓇᐅᔭᖅᑐᕈᑕᐅᓂᐊᖅᑐᒥᒃ ᑕᕝᕙᓃᖏᓐᓈᓗᖏᑦᑐᖅ ᐊᔪᐃᑦᑐᓕᖕᓂᒃ ᓄᓇᓕᐅᔪᓂ ᐅᑭᐅᖅᑕᖅᑐᒥ ᑲᒪᔾᔪᑕᐅᒐᔭᖅᑐᓂᒃ. ᓇᐅᒃᓯᑐᕐᓂᐊᕐᓗᒍ ᐸᐅᖅ ᐊᒻᒪᓗ ᐊᐅᓚᔾᔭᐅᑦ ᑲᓱᖅᓯᒪᖃᑎᒌᖕᓂᖏᑦ ᓯᓚᒧᑦ ᐊᒻᒪᓗ ᓄᓇᒥ ᐆᒪᔪᑦ ᓇᔪᒐᖃᖃᑎᒌᖕᓂᖏᓐᓂᒃ ᓯᓚᖃᑎᒌᖕᓂᖏᓐᓂᓪᓗ, ᐃᒻᒪᕝᕕᒋᓂᐊᖅᑐᒥᒃ ᐊᑕᐅᓯᐅᖏᑦᑐᒥᒃ ᑭᓈᕕᐅᓂᐊᖅᑐᒥᒃ ᐋᖅᑭᒃᓯᔪᖃᖅᑐᒥᓂᖅ ᐊᐅᔪᐃᑦᑐᑕᓕᖕᒥ ᐃᖃᓗᒃᑑᑦᑎᐊᕐᒥ, ᓄᓇᕗᑦ, ᑲᓇᑕ, 2012−ᖑᑎᓪᓗᒍ. ᑕᓐᓇ ᐋᖅᑭᒃᑕᐅᓯᒪᔪᖅ ᖃᐅᔨᓴᐅᑎᓕᒃ ᐅᖅᓱᐊᓗᖕᒥᒃ ᑭᓈᔪᖃᕐᒪᖔᖅ ᓯᕕᑐᔪᒧᑦ ᐅᓚᕕᑕᐅᖏᓪᓗᓂ ᖃᐅᔨᓴᕐᕕᐅᔫᑉ ᐃᓂᐊ. ᑖᓐᓇ ᐃᓂᒋᔭᖅ ᐊᑐᖅᑕᐅᔪᖅ ᑖᔅᓱᒧᖓ ᐱᓕᕆᐊᒧᑦ ᓴᓗᐊᖓᔪᒥ ᓄᓇᒥ ᑭᓈᔪᒥᓂᖅ ᑕᐃᔭᓂᒃ ᑭᓪᓕᓯᐊᓂᕐᒧᑦ ᐅᖃᐅᓯᖅᑕᑎᒍᑦ ᑭᕋᒃ−Carex spp. ᐊᒻᒪᓗ −ᑐᕋᐃᕋᔅ ᐃᓐᑎᒍᕆᕘᓕᐊ −Dryas integrifolia. ᐃᔾᔪ ᓇᓗᓇᐃᖅᑕᐅᓯᒪᓂᖓ ᑭᓪᓕᓯᐊᓂᕐᒧᑦ ᐅᖃᐅᓯᖅᑕᑎᒍᑦ ᐅᐊᖠᒃ ᐃᐅᑦᕆᒃ ᑑᐱᒃ ᑯᕋᐃᔅ (Orthic Eutric Turbic Cryosol), ᐱᕙᓪᓕᐊᑐᐃᓐᓇᖅᑐᖅ ᐃᑭᐊᖓ ᑎᑭᐅᑎᓯᒪᔪᖅ 1.4 ᒦᑕᓂᒃ ᑭᑎᕋᓕᖅᑎᓪᓗᒍ−ᐊᐅᒡᒍᓯ. ᑖᓐᓇ ᐅᓂᒃᑳᖅ ᐅᓂᒃᑳᓕᒃ ᖃᐅᔨᓴᕐᓂᕐᒥᒃ ᖃᐅᔨᔭᐅᒋᐊᙳᖅᑐᕕᓂᕐᓂᒃ 2017−ᒥ. ᑲᑎᓪᓗᒋᑦ ᖃᐅᔨᓴᐅᑎᕕᓃᑦ ᓄᐊᑕᐅᓯᒪᔪᑦ ᑕᒫᓂᕈᔪᒃ ᑖᒃᑯᐊ ᒥᒃᓵᓐᓂ 44-89%, ᐊᑯᓐᓂᖃᖃᑦᑕᖅᓱᑎᒃ ᐅᑭᐅᖓᓂ. ᑖᒃᑯᐊ ᖃᐅᔨᓴᐅᑎᕕᓃᑦ ᓇᓗᓇᐃᖅᓯᔪᑦ ᓇᓗᓇᐃᕈᑎᒥᒃ ᐆᒪᔪᑦ ᓇᔪᒐᖃᑎᒌᖕᓂᖏᑕ ᓯᓚᖃᑎᒌᖕᓂᖏᑕᓗ ᒥᒃᓵᓄᑦ ᐅᖃᐅᓯᖃᕐᓂᕐᒧᑦ (NEE) ᐳᔪᕐᓗᑉ ᒥᒃᓵᓄᑦ ᓴᖅᑭᖅᑐᕕᓂᕐᒥᒃ ᔫᓂᐅᑎᓪᓗᒍ; ᐅᖃᐅᓯᕆᒋᐊᑦᓯᐊᕐᓗᒍ, ᐃᓂᐅᔪᒥ ᐃᓂᖃᓕᕐᓂᕐᒪᑦ ᓯᓚᖓᓂ ᐳᔪᕐᓗᖕᒥᒃ ᑕᐃᔅᓱᒪᓂᐅᑎᓪᓗᒍ. ᑖᓐᓇ ᓇᓗᓇᐃᕈᑎ ᐆᒪᔪᑦ ᓇᔪᒐᖃᑎᒌᖕᓂᖏᑕ ᓯᓚᖃᑎᒌᖕᓂᖏᑕᓗ ᒥᒃᓵᓄᑦ ᐅᖃᐅᓯᖃᕐᓂᕐᒧᑦ ᐃᓚᒋᐊᖅᑐᕕᓂᖅ ᐊᖏᓂᖅᐹᖓ ᐅᑯᑎᒎᓇ ᐆᒃᑑᑎᑎᒍᑦ -1.7gC/m2/ᐅᓪᓗᖅ ᔪᓚᐃᖑᑎᓪᓗᒍ ᐊᒻᒪᓗ ᒥᑭᓪᓕᕚᓪᓕᖅᑐᕕᓂᖅ ᓯᑎᐱᕆᐅᓕᖅᑎᓪᓗᒍ ᐊᒃᑐᐃᓂᕐᓗᓂᐅᓂᖏᑦ. ᑲᑎᖦᖢᒋᑦ ᓄᐊᑦᑐᕕᓃᑦ ᓇᓗᓇᐃᕈᑎᒥᒃ ᐆᒪᔪᑦ ᓇᔪᒐᖃᑎᒌᖕᓂᖏᑕ ᓯᓚᖃᑎᒌᖕᓂᖏᑕᓗ ᒥᒃᓵᓄᑦ ᐅᖃᐅᓯᖃᕐᓂᕐᒧᑦ 2017−ᒥ ᐃᒪᐃᑦᑐᕕᓂᖅ -59.61gC/m2. ᐃᓚᓕᐅᑎᓯᒪᔪᑦ ᖃᐅᔨᓴᕐᓂᕐᒧᑦ ᐱᕙᓪᓕᐊᔪᖅ ᖃᐅᔨᓴᖅᑕᐅᖁᓪᓗᒍ ᖃᓄᖅ ᓄᐊᑦᑐᕕᓂᐅᖕᒪᖔᑕ ᑖᒃᑯᐊ ᓇᓗᓇᐃᕈᑎᒥ ᐆᒪᔪᑦ ᓇᔪᒐᖃᑎᒌᖕᓂᖏᑕ ᓯᓚᖃᑎᒌᖕᓂᖏᑕᓗ ᒥᒃᓵᓄᑦ ᐅᖃᐅᓯᖃᕐᓂᕐᒧᑦ ᐊᔾᔨᒌᒃᐸᖏᑦᑐᑦ ᐊᕐᕌᒍᒥ ᐊᕐᕌᒍᒧᑦ ᐊᒻᒪᓗ ᒥᒃᓴᐅᓴᒍᑎᒋᓂᐊᕐᓗᒋᑦ ᖃᐅᔨᓴᕐᓂᕐᒧᑦ ᐃᓂᐅᔪᓂ ᖃᓄᐃᑦᑑᓂᖏᑕ ᐊᓯᐊᓂ ᐊᐅᔪᐃᑦᑐᑕᓕᖕᒥ.

ᖃᐅᔨᓴᕐᓂᖃᕐᓂᖅ ᓇᐅᑦᑎᑐᕐᓂᕐᓗ ᐊᐅᔪᐃᑦᑐᒥᒃ ᓄᓇᓕᖕᒥ ᐃᑲᔪᖅᑕᐅᓗᓂ ᖃᐅᔨᒪᔭᖏᑎᒍᑦ ᑯᒡᓗᒃ ᒥᕐᖑᐃᓯᕐᕕᖓᓂ, ᓄᓇᕗᑦ

ᓯ. ᑯᓘᒻ, ᒥ.-ᐊ. ᑐᓵᒻ, ᒥ. ᐊᓛ, ᓕ. ᐸᐸᑦᓯ, ᒋ. ᐊᑕᑕᕼᐊᒃ, ᓕ. ᐊᑦᔪᓐ, ᓯ. ᐱᓗᑑ, ᐊᒻᒪᓗ ᓯ. ᐸᐃᔾ

ᑯᓘᒻ, ᓯ., ᑐᓵᒻ, ᒪ.-ᐊ., ᐊᓛ, ᒥ., ᐸᐸᑦᓯ, ᓕ., ᐊᑕᑕᕼᐊᒃ, ᒋ., ᐊᑦᔪᓐ, ᓕ., ᐱᓗᑑ, ᓯ., ᐊᒻᒪᓗ ᐸᐃ, ᓯ. 2019: ᖃᐅᔨᓴᕐᓂᖃᕐᓂᖅ ᓇᐅᑦᓯᑐᕐᓂᕐᓗ ᐊᐅᔪᐃᑦᑐᒥᒃ ᓄᓇᓕᒻᒥ ᐃᑲᔪᖅᑕᐅᓗᓂ ᖃᐅᔨᒪᔭᖏᑎᒍᑦ ᑯᒡᓗᒃ ᒥᕐᖑᐃᓯᕐᕕᖓᓂ, ᓄᓇᕗᑦ; ᐅᕘᓇ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ ᑲᓇᑕ, ᒪᑉᐱᒐᖓᓂ p. 32–42. DOI: 10.35298/pkc.2019.04

ᑎᓴᒪᓕᒃᑯᑦ ᐊᖅᑯᑎ ᑯᒡᓗᒃ ᒥᕐᖑᐃᖅᓯᕐᕕᖓᓂ ᓱᕋᒃᐸᓪᓕᐊᓂᖓ ᐊᓚᒡᒐᐃᑦᑐᖅ ᐱᔾᔪᑎᒋᓪᓗᒍ ᐊᐅᔪᐃᑦᑐᑦ ᒪᙳᒃᐸᓪᓕᐊᓂᖏᑦ, ᐊᐅᑉᐸᓪᓕᐊᓂᖏᑎᒍᑦ ᓯᑯᒡᔪᐊᕕᓃᑦ, ᑎᓲᓕᖅᐸᓪᓚᐊᑎᓪᓗᒍᑦ ᓄᓇ ᓯᕕᖓᔪᓂ, ᐊᒻᒪᓗ ᓱᓪᓗᓂ ᐳᓪᓚᖅᐸᖕᓂᖏᑕ ᖄᖅᐸᖕᓂᖏᑎᒍᑦ. ᐊᕐᕌᒎᑕᒫᑦ, ᓱᕋᕐᓃᑦ ᐊᒻᒪᓗ ᐃᓚᖏᑦ ᐊᓯᐊᒍᑦ ᐊᖅᑯᑎᐅᑉ ᐊᖅᑯᑎᖃᕆᐊᖃᕐᓃᑦ ᐃᖏᕐᕋᕕᐅᖃᑦᑕᕐᓂᐊᖅᑎᓪᓗᒍ, ᑭᓯᐊᓂ ᓄᓇᕗᖕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᒻᒪᓗ ᓄᓇᓕᖕᒥ ᓯᕗᓕᖅᑐᑦ ᑕᑯᒍᒪᔪᑦ ᐱᐅᓂᖅᓴᐅᓗᒍ ᐸᕐᓇᐅᑎᓕᐊᖑᔪᒥᒃ ᓇᓂᓯᒍᑕᐅᓂᐊᖅᑐᒥᒃ ᓯᕕᑐᔪᒧᑦ ᐊᖅᑯᑎᓂᐅᓂᐊᓕᖅᑐᒥᒃ ᑕᒪᐅᓇ. ᑲᑐᔾᔨᖃᑎᒌᒎᑕᐅᔪᖅ ᐱᓕᕆᐊᖅ ᑖᒃᑯᓄᖓ ᒐᕙᒪᒃᑯᖏᓐᓄᑦ ᓄᓇᕗᑦ ᒥᕐᖑᐃᓯᕐᕕᓕᕆᔨᒃᑯᑎᒍᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑎᒥᖁᑎᐅᑲᐃᓐᓇᖅᑐᒧᑦ, ᐱᖃᑕᐅᓪᓗᑎᒃ ᐱᓕᕆᕕᒃ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᓄᑦ ᐊᒻᒪᓗ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᕐᒧᑦ ᑲᓇᑕᒃᑯᑦ, ᖃᐅᔨᓴᐅᑎᕕᓂᖅᑎᒍᑦ ᓄᓇᙳᐊᓕᐅᕐᓂᒃᑯᑦ ᐱᕙᓪᓕᐊᔭᐅᔪᓄᑦ ᐊᒻᒪᓗ ᐊᓯᔾᔨᖅᓯᒪᓂᖏᑕ ᐊᐅᔪᐃᑦᑐᐃᑦ ᖃᓄᐃᓕᖓᓕᕐᓂᖏᑕ ᒥᒃᓵᓄᑦ ᑕᒪᓐᓇ ᑲᔪᓯᑎᑕᐅᑦᑎᐊᑲᓐᓂᓂᐊᕐᒪᑦ ᐱᓕᕆᐊᖑᔪᖅ. ᑖᓐᓇ ᓄᓇᓕᖕᒥᒃ−ᑐᙵᕕᓕᒃ ᖃᐅᔨᓴᕐᓂᕐᒧᑦ ᐱᓕᕆᐊᖅ ᒪᕐᕉᓐᓂᒃ ᑐᕚᓕᒃ: 1) ᖃᐅᔨᒪᓂᖃᓕᕐᓂᕐᒧᑦ ᓄᑖᒥᒃ ᐊᐅᔪᐃᑦᑐᐃᑦ ᓱᕋᒃᐸᓪᓕᐊᓂᖏᓐᓂᒃ, ᑎᓲᖅᑐᒧᑦ ᖄᖅᐸᒃᑐᑦ ᐳᓪᓚᐃᑦ, ᐊᒻᒪᓗ ᐊᒃᑐᐊᓂᖃᕐᓂᖏᑦ ᐊᒃᑐᐃᓂᕐᓗᓂᕐᒧᑦ ᐊᒻᒪᓗ 2) ᐱᕈᖅᐸᓪᓕᐊᑎᒍᒪᓪᓗᒍᒍ ᓄᓇᓕᖕᒥ ᐱᓕᕆᖃᑎᒌᒎᓐᓇᕐᓂᖅ, ᑐᕚᕆᔭᐅᓂᖃᖅᓱᑎᒃ ᐃᓅᓱᒃᑐᑦ, ᓇᐅᒃᓯᖅᑐᕈᓐᓇᖁᓪᓗᒋᑦ ᐊᓯᔾᔨᖅᐸᓪᓕᐊᔪᓂᒃ ᓄᓇᓕᖓᓂ ᓯᓚᒥᒃ ᐊᒻᒪᓗ ᐊᐅᔪᐃᑦᑐᓂᒃ. 2017−ᒥ ᐊᒻᒪᓗ 2018−ᒥ, ᓄᓇᙳᐊᖅᒍᑦ ᐊᓯᔾᔨᕐᓃᑦ ᓄᓇᒥ ᓄᓇᙳᐊᑎᒍᑦ ᑎᑎᖅᑐᖅᑕᕕᓂᐅᔪᑦ ᐱᕕᖃᖅᑎᑕᐅᓂᖓ−ᐃᓱᓕᖅᑕᕐᕕᖃᖅᑐᓄᑦ ᓴᙱᔪᒧᑦ− ᓂᑦᑕᓯᐊᕐᓇᖅᑐᒧᑦ ᖃᖓᑕᓲᒃᑯᑦ ᐊᔾᔨᓕᐅᖅᑕᐅᓯᒪᔪᓂᒃ ᐊᒻᒪᓗ ᖃᖓᑦᑕᖅᑎᑕᐅᓯᒪᔪᒧᑦ ᐊᔾᔨᓕᐅᖅᑕᐅᓯᒪᔪᑎᒍᑦ, ᖃᖓᑕᓲᓐᓇᖅᑐᓄᑦ ᖃᐅᔨᓴᐅᑎᓄᑦᒪ ᐊᒻᒪᓗ ᓴᙱᔪᓄᑦ ᑕᒻᒪᕆᒃᑯᑎᓄᑦ ᖃᐅᔨᓴᕐᓂᕐᓄᑦ. ᐊᐅᔪᑦᑐᑦ ᖃᓄᐃᓕᖓᓕᕐᓂᖏᑦ ᖃᐅᔨᓴᖅᑕᕕᓃᑦ ᓄᐊᑕᐅᓯᒪᓂᖏᑎᒍᑦ ᐊᐅᔪᐃᑦᑐᑦ ᐃᓗᕙᓯᓐᓂᖓᓃᙶᖅᓯᒪᔪᑦ ᖃᐅᔨᓴᐅᑎᒃᓴᓄᑦ ᐊᒻᒪᓗ ᐊᐅᓚᑦᑎᓂᒃᑯᑦ ᓄᓇᒧᑦ−ᑲᑉᐳᑎᓯᒪᔪᑎᒍᑦ ᖃᐅᔨᓴᐅᑎᑎᒍᑦ ᖃᐅᔨᓴᐅᔪᕕᓂᕐᓂᒃ. ᓄᓇᓕᒋᔭᐅᔪᒥ ᖃᐅᔨᒪᔭᑐᖃᖃᕐᓂᖅ ᐊᒻᒪᓗ ᐱᖃᑕᐅᓂᖅ ᐊᒥᓱᓄᑦ−ᑭᖑᕚᖑᔪᓄᑦ ᓄᓇᓕᖕᒥᐅᖃᑕᐅᔪᓄᑦ ᑖᒃᑯᓇᓂᓕᒫᖅ ᖃᐅᔨᓴᕐᓂᒃᑯᑦ ᐱᓕᕆᐊᒥ ᑐᓴᕋᒃᓴᒃᓴᓂᒃ ᐊᑑᑎᓕᖕᓂᒃ ᐊᒻᒪᓗ ᖃᐅᔨᒪᓂᐅᔪᓂᒃ ᐊᖅᑯᑎᐅᕙᒃᑐᑦ ᐊᑦᑕᕐᓇᕐᓂᖏᓐᓂᒃ ᐊᒻᒪᓗ ᖃᓄᐃᒋᐊᕈᑎᖃᕈᓐᓇᕐᓂᕐᒥᒃ ᓇᐅᒃᑯᑦ ᖃᐅᔨᓂᕐᒧᑦ ᐊᒻᒪᓗ ᑐᑭᑖᕈᑎᖃᕐᓂᐊᕐᓂᕐᒧᑦ. ᑖᓐᓇ ᐱᓕᕆᐊᖑᔪᖅ ᓄᓇᓕᖕᒥ ᓯᕗᓕᖅᑎᑦᑎᔪᖅ ᖃᐅᔨᓴᕐᓂᖃᓕᕋᐃᒻᒪᑕ ᐊᒻᒪᓗ ᑭᐅᒋᐊᖃᕋᐃᖕᒪᑕ ᐊᕙᑎᐅᑉ ᐊᓯᔾᔨᕐᓂᖏᓐᓂᑦ ᐱᕙᓪᓕᐊᑐᐃᓐᓇᖅᑐᓂᒃ ᓂᕈᒥᑦᑎᕙᓪᓕᐊᓂᕐᒥᒃ ᐊᒻᒪᓗ ᒪᙳᒃᐸᓪᓕᐊᓂᖏᓐᓂᒃ ᐊᐅᔪᐃᑦᑐᑦ.

ᓴᓇᓂᖅ ᓇᖕᒥᓂᖅ−ᑲᒪᒍᑎᒋᓂᐊᖅᑐᒥᒃ UAV ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᖓᔪᓄᑦ ᐊᒻᒪᓗ ᓇᓗᓇᐃᕈᑎ ᐱᔪᓐᓇᕐᓂᐅᔪᓂᒃ ᐅᑎᖅᑎᑦᑎᓂᕐᒧᑦ ᐊᐳᑎᐅᑉ ᐃᑎᓂᖓᓂᒃ ᐊᑐᕐᓗᒍ ᐋᖅᑭᒃᑕᐅᓯᒪᔪᑦ−ᑕᕝᕙᖓᑦ−ᐊᐅᓚᓂᕐᒧᑦ.

ᑯᕋᐃᒧ, ᒋ. ᒥᓛᓯ, ᐊ. ᓚᖑᓗᐊ, ᑎ. ᒪᒃᓚᓇᓐ, ᓯ. ᒑᑎᐊᐃ-ᐸᕋᑦ, ᐊ. ᕋᔨ, ᐊᒻᒪᓗ. ᑭᓖᔅ

ᑯᕋᐃᒧ, ᑎ., ᒥᓛᓯ, ᒋ., ᓚᖑᓗᐊ, ᐊ., ᒪᒃᓚᓇᓐ, ᑎ., ᒑᑎᐊᐃ-ᐸᕋᑦ, ᓯ., ᕋᔨ, ᐊ., ᐊᒪᓗ ᑭᓖᔅ, ᐱ. 2019: ᓴᓇᓂᖅ ᓇᖕᒥᓂᖅ−ᑲᒪᒍᑎᒋᓂᐊᖅᑐᒥᒃ (DIY) UAV ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᖓᔪᓄᑦ ᐊᒻᒪᓗ ᓇᓗᓇᐃᕈᑎ ᐱᔪᓐᓇᕐᓂᐅᔪᓂᒃ ᐅᑎᖅᑎᑦᑎᓂᕐᒧᑦ ᐊᐳᑎᐅᑉ ᐃᑎᓂᖓᓂᒃ ᐊᑐᕐᓗᒍ ᐋᖅᑭᒃᑕᐅᓯᒪᔪᑦ−ᑕᕝᕙᖓᑦ−ᐊᐅᓚᓂᕐᒧᑦ; ᐅᕘᓇ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ ᑲᓇᑕ, ᒪᑉᐱᒐᖓᓂ p. 43-62. DOI: 10.35298/pkc.2019.05

ᖃᐅᔨᓴᖅᑎᖃᖏᑦᑐᑦ ᖃᖓᑕᓪᓗᑎᒃ ᐊᐅᓚᔫᑦ (UAV), ᖃᐅᔨᒪᔭᐅᔪᑦ ᖃᖓᑕᓲᑦ ᖃᐅᔨᓴᐅᑏᑦ, ᐊᑐᖅᑕᐅᕙᓪᓕᐊᑐᐃᓐᓇᕐᒪᑕ ᓄᓇᙳᐊᑎᒍᑦ ᑭᓪᓕᓯᓂᐊᕈᑎᓄᑦ ᖃᐅᔨᓴᕐᓂᒃᑯᑦ ᓄᓇᙳᐊᓕᐅᕈᑕᐅᓪᓗᑎᒃ ᑎᑎᕋᕈᑕᐅᓗᑎᓪᓘᓐᓃᑦ ᐊᓯᔾᔨᕐᓂᐅᕙᓪᓕᐅᔪᓂᒃ ᓄᓇᒥ. ᐅᑭᐅᖅᑕᖅᑐᒥ, ᖃᐅᔨᒪᔭᐅᔪᖅ ᐅᑭᐅᖅᑕᖅᑐᒥ ᓯᓚᖓ ᓂᓪᓚᓱᓪᓚᕆᒍᓐᓇᕐᓂᖓᓂᒃ ᐊᒻᒪᓗ ᐊᕙᑎᖏᑕ ᖃᓄᐃᑦᑑᓂᖏᑦ, ᐊᔪᕐᓇᕈᑕᐅᖃᓯᐅᑎᖃᑦᑕᖅᑐᖅ ᖃᖓᑕᓲᓂᒃ ᐊᑐᕐᕕᒋᔭᐅᔪᖅ. ᑖᓐᓇ ᑭᖑᓕᖃᕋᔪᓲᖑᖕᒪᑦ ᐊᑭᑐᔪᓂᒃ ᓂᕕᖓᑖᓂᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᑐᕌᖓᔪᓄᑦ. ᐃᓚᓕᐅᑎᑎᓪᓗᒍ, ᑮᓇᐅᔭᓕᐅᕋᓱᐊᕈᑎᑎᒍᑦ ᐊᐅᓚᔾᔪᓰᑦ ᓴᖑᒐᔪᐃᖕᒪᑕ ᓄᑖᓄᑦ ᓴᓇᔭᐅᕋᑖᓄᑦ ᖃᐅᔨᓴᐅᑎᓕᖕᓄᑦ ᐊᑐᖅᑕᐅᔭᕆᐊᖃᕋᓗᐊᖅᑐᓄᑦ ᑭᓪᓕᓯᐊᕐᓂᕐᒧᑦ ᖃᐅᔨᓴᕐᓂᐅᔪᓂ. ᑕᒪᓐᓇᐅᓂᖓᓄᑦ, ᐱᒋᐊᖅᑎᑦᑎᒍᑕᐅᔪᒥᒃ ᐱᒋᐊᖅᑐᖃᖅᑐᕕᓂᖅ ᓴᖅᑭᑎᑦᑎᒋᐊᖃᕐᓂᕐᒥᒃ ᖃᖓᑕᓪᓗᑎᒃ ᐊᐅᓚᔫᓂᒃ ᑭᓪᓕᓯᓂᐊᖅᑎᓄᑦ ᐊᑐᖅᑕᐅᔭᕆᓕᖕᓄᑦ ᑕᒪᒃᑯᐊ ᐊᑭᑭᑦᑐᒃᓴᔭᐅᑎᓪᓗᒋᑦ ᐊᒻᒪᓗ ᐊᑑᑎᖃᕐᓂᕐᒨᖓᔪᑎᒍᑦ. ᓯᕗᓪᓕᖅᐹᖅ ᐃᓚᖓ ᐃᖅᑲᓇᐃᔭᐅᑎᐅᓂᐊᖅᑎᓪᓗᒋᑦ ᐅᐊᔭᒨᖅᑐᑦ ᖃᐅᔨᓴᖅᑕᐅᓯᒪᓂᖏᑦ ᓯᓚᒥ ᐃᓂᓕᐅᖅᓯᒪᔪᒥ, ᐃᔾᔪᐊᖅᓯᒍᑕᐅᓪᓗᓂ ᓯᓚᐅᑉ ᖃᓄᐃᑦᑑᒐᔪᓐᓂᖏᓐᓂᒃ ᐅᑭᐅᖅᑕᖅᑐᒥ. ᓲᕐᓗ, ᖃᐅᔨᔾᔪᑏᑦ ᖃᐅᔨᓴᕐᓂᖃᖅᓱᑎᒃ ᓂᒡᓚᓱᖕᓂᓕᖕᒧᑦ -50°C−ᒥᒃ. ᑭᖑᓂᖓᓂ ᐱᒋᐊᕐᓂᐅᒐᔭᖅᑐᑦ ᐱᖃᓯᐅᔾᔨᔪᑦ ᓴᓇᓗᒍ ᖃᖓᑕᓲᖅ, ᖃᐅᔨᓴᕐᓗᒋᑦ ᖃᓄᖅ ᖃᐅᔨᓴᐅᑕᐅᔪᓐᓇᕐᓂᖏᑦ, ᐊᓱᐃᓪᓛᒃ ᐊᑐᖅᑎᓕᕐᓗᒍ ᓄᐊᑦᑎᒍᑎᒋᓗᒍ ᖃᐅᔨᒍᑎᓂᒃ. ᑭᖑᓪᓕᖅᐹᒥ ᐱᒋᐊᕈᑕᐅᓗᓂ ᓇᓗᓇᐃᕈᑕᐅᓗᓂ ᐊᑐᖅᑕᐅᒍᓐᓇᓯᐊᕐᓂᖓᓂ ᖃᑕᑕᑎᑕᐅᓗᓂ ᖃᐅᔨᓴᐅᑦ ᑭᓪᓕᓯᓂᐊᕐᓂᕐᒥ. ᐱᓕᕆᔾᔪᓯᖅ ᑕᐃᔭᐅᔪᖅ ᐋᖅᑭᒃᓯᒪᓗᓂ − ᑕᕝᕙᖓᑦ−ᐊᐅᓚᔪᖅ ᓈᓴᐃᒍᑕᐅᒍᓐᓇᕐᒪᑦ ᓇᓗᓇᐃᔭᖅᓯᒪᔪᒃᑯᑦ ᐱᖓᓲᓕᖓᔪᒥᒃ−ᓴᓇᓯᒪᔪᑦ ᑖᒃᑯᓇᖔᖅᓯᒪᔪᓂᒃ ᒪᕐᕉᓕᖓᔪᓂᒃ−ᐊᔾᔨᙳᐊᓂᒃ. ᑖᓐᓇ ᑲᖓ ᑕᑎᑕᐅᔾᓗᑎᒃ ᖃᐅᔨᓴᐅᑕᐅᓲᑦ ᐊᔾᔨᓕᐅᕈᑎᑕᓕᒃ ᓄᓇᙳᐊᓕᐅᖅᐸᓪᓕᐊᔪᖅ ᓄᓇᒥ ᓴᓂᐊᓃᑦᑐᒥ ᐃᖃᓗᒃᑑᑦᑎᐊ, ᓄᓇᕗᒻᒥ ᐊᑕᐅᓯᐊᕐᓗᓂ ᐅᑭᐅᒃᑯᑦ ᐊᒻᒪᓗ ᐊᑕᐅᓯᐊᕐᓗᓂ ᐊᐅᔭᒃᑯᑦ. ᑕᒃᑯᓇᖓᑦ ᖃᖓᑕᑎᑕᐅᓲᓐᓂᒃ, ᐊᐳᑎᑕᓕᖕᒥ ᐊᒻᒪ ᐊᐃᑉᐹ ᐊᐳᑎᑕᖃᖏᑦᑐᒥ, ᐊᐳᑎᐅᑉ ᐃᑎᓂᖓ ᓇᓚᐅᑦᑖᖅᑕᐅᒍᓐᓇᖅᑐᖅ ᓄᓇᑐᔪᒥ ᓇᓛᒍᑦ ᓇᓗᓇᐃᖅᓯᒍᓐᓇᖅᓱᓂ. ᑕᒪᒃᑮᒃ ᖃᖓᑕᑎᑕᐅᓲᖅ ᐊᒻᒪᓗ ᑭᓪᓕᓯᓂᐊᕐᓂᕐᒧᑦ ᐱᔪᓐᓇᕐᒥᖏᑦ ᑲᔪᓯᓂᖃᑦᑎᐊᖅᓯᒪᓲᒃ ᐊᒻᒪᓗ ᓴᓇᔭᐅᒋᐊᑦᑎᐊᑲᓐᓂᕈᒫᕐᓂᐊᖅᑐᑦ.

ᐱᕚᓪᓕᑎᑦᑎᑲᓐᓂᕐᓂᖅ ᐊᑦᑕᕐᓇᖏᑦᑑᖁᔨᓂᕐᒥᒃ ᐊᒻᒪᓗ ᐊᑐᕋᒃᓴᐅᑎᑦᑎᓂᕐᒥᒃ ᓄᓇᓕᒻᒥ ᓯᑯᒥᒃ ᕿᑎᕐᒥᐅᓂ ᓴᖅᑭᑎᑦᑎᓂᒃᑯᑦ ᐊᒻᒪᓗ ᐊᑐᖅᑕᐅᓂᖓᒍᑦ ᐊᐅᓚᑕᒐᖅᑎᒍᑦ ᖃᐅᔨᓴᕈᑎᓄᑦ ᐊᔾᔨᙳᐊᕈᖅᑎᑦᑎᓂᕐᒧᑦ

ᕆ.ᑲ. ᓴᕆᐊᓐ, ᕆ.ᐊ. ᓯᒐᓪ, ᓯ.-ᓕ. ᑖᒻ, ᐊᒻᒪᓗ ᐊ. ᕗᐃᑕᓐ

ᓴᕆᐊᓐ, ᕆ.ᑲ., ᓯᒐᓪ, ᕆ.ᐊ., ᑖᒻ, ᓯ.-ᓕ., ᕗᐃᑕᓐ, ᐊ. 2019: ᐱᕚᓪᓕᑎᑦᑎᑲᓐᓂᕐᓂᖅ ᐊᑦᑕᕐᓇᖏᑦᑑᖁᔨᓂᕐᒥᒃ ᐊᒻᒪᓗ ᐊᑐᕋᒃᓴᐅᑎᑦᑎᓂᕐᒥᒃ ᓄᓇᓕᒻᒥ ᓯᑯᒥᒃ ᕿᑎᕐᒥᐅᓂ ᓴᖅᑭᑎᑦᑎᓂᒃᑯᑦ ᐊᒻᒪᓗ ᐊᑐᖅᑕᐅᓂᖓᒍᑦ ᐊᐅᓚᑕᒐᖅᑎᒍᑦ ᖃᐅᔨᓴᕈᑎᓄᑦ ᐊᔾᔨᙳᐊᕈᖅᑎᑦᑎᓂᕐᒧᑦ; ᐅᕘᓇ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ ᑲᓇᑕ, ᒪᑉᐱᒐᖓᓂ p. 63–74. DOI: 10.35298/pkc.2019.06

ᐅᑭᐅᖅᑕᖅᑐᒥ ᓄᓇᓖᑦ ᐊᑐᕈᒪᔭᓖᑦ ᐅᓪᓗᒥᓯᐅᑎᐅᓕᖅᑐᓂᒃ ᓴᓇᕐᕈᑎᓂᒃ ᐊᑑᑎᖃᕐᓂᖏᑕ ᖃᐅᔨᒪᔭᐅᓂᖏᓐᓂ ᑐᓴᕋᒃᓴᓂᒃ ᐱᕕᒃᓴᐅᔪᓂᒃ ᓯᓚᐅᑉ ᒥᒃᓵᓄᑦ ᐊᒻᒪ ᓯᑰᑉ ᐃᑲᔪᖅᓯᒍᑕᐅᓂᐊᖅᑎᓪᓗᒍ ᐸᕐᓇᐃᓂᕐᒧᑦ ᐱᒋᐊᕈᑕᐅᓗᑎᓪᓗ ᓯᑯᒥ−ᐱᓕᕆᐊᖑᓗᑎᑦ ᐱᓕᕆᐊᓂᑦ. ᑖᓐᓇ ᐱᓕᕆᐊᖅ ᐱᓕᕆᖃᑎᒌᑎᑦᑎᔪᒥᓂᖅ ᓇᖕᒥᓂᖃᖃᑕᐅᔪᓂᒃ ᖁᒡᓗᖅᑐᒥ ᐊᒻᒪᓗ ᐃᖃᓗᒃᑑᑦᑎᐊᕐᒥ ᑕᒃᑯᓇᓂ ᐱᖓᓱᓂ ᓄᓇᐃᓐᓇᕐᒥ ᖃᐅᔨᓴᕐᓂᕐᓂ (2017–2018) ᓇᓗᓇᐃᕈᒪᓪᓗᒋᑦ ᓯᑰᑉ ᖃᓄᐃᑦᑑᓂᖏᑦ ᖃᐅᔨᒪᒋᐊᖅᑕᐅᑦᑎᐊᕆᐊᖃᖅᑐᓂ ᐊᑦᑕᕐᓇᖏᒃᑲᓗᐊᕐᒪᖔᖅ ᐊᒻᒪᓗ ᐃᖏᕐᕋᔫᓄᑦ ᐃᖏᕐᕋᕕᐅᒍᓐᓇᕐᓂᖏᑦ ᓯᑰᑉ. ᑐᓴᖅᑕᐅᔪᕕᓃᑦ ᐊᐱᖅᓱᓂᒃᑯᑦ ᑭᐅᒍᑎᕕᓃᑦ ᐊᒻᒪᓗ ᑲᒪᔨᖃᖅᖢᑎᒃ ᓯᑯᒥ−ᐱᓕᕆᐊᖑᓪᓗᑎᑦ ᐱᓕᕆᐊᓂ ᑲᑎᑕᐅᓪᓗᑎᒃ ᓛᓐᓇᐅᔪᒥ ᐊᑐᐃᓐᓇᕐᓄᑦ ᐊᐅᓚᑕᐅᓲᓄᑦ ᖃᐅᔨᓴᐅᑎᓄᑦ. ᐱᐅᓂᖅᓴᐅᓕᖅᑎᑦᑎᒪᔪᑦ ᐊᔾᔨᙳᐊᑎᒍᑦ ᓯᕗᓕᕈᑕᐅᒐᔭᖅᑐᓄᑦ ᓯᕗᓂᒃᓴᒥ ᓄᓇᓕᖕᒥ−ᑐᒐᕕᖃᕐᓗᑎᒃ ᓯᑯᒥ ᐱᓕᕆᐊᒃᓴᐃᑦ ᐱᒋᐊᖅᑎᑕᐅᓂᕐᒪᑕ ᐊᓐᒪᓗ ᐅᑎᒍᔾᔭᐅᕙᒃᖢᑎᒃ ᓄᓇᓕᖕᓄᑦ. ᓯᑯ ᒪᓃᑦᑐᕈᕐᓂᕐᒪᑦ ᓯᕗᓪᓕᐅᔾᔭᐅᒍᒪᓕᖅᑐᕕᓂᐅᓪᓗᓂᓗ ᖃᐅᔨᓴᖅᑕᐅᖁᔭᐅᓪᓗᓂ ᓄᓇᓕᖕᒥᐅᖑᔪᓄᑦ ᐃᖏᕐᕋᕙᒃᑐᓄᑦ ᓯᑯᒃᑯᑦ ᖃᒧᑕᐅᔭᒃᑯᑦ. ᓯᑰᑉ ᒪᓃᓐᓂᖏᑦ ᓄᓇᙳᐊᑎᒍᑦ ᓴᖅᑭᖅᑎᑕᕕᓃᑦ ᐊᑐᖅᖢᑎᒃ ᐊᔾᔨᓕᐅᕆᒍᓐᓇᖅᑐᓂᒃ ᖃᖓᑦᑕᖅᑎᑕᐅᓯᒪᔪᑎᒍᑦ (SAR) ᖃᐅᔨᓴᐅᑏᑦ ᐅᕙᙶᖅᑐᑦ ᓯᓐᑎᓄᓪ-1 ᑲᖓᑦᑕᖅᑎᑕᐅᓯᒪᔪᖅ, ᐊᒻᒪᓗ ᐅᖃᐅᓯᕕᓂᖅᑎᒍᑦ ᑐᓴᖅᑎᑦᑎᒍᑕᐅᔪᓄᑦ ᓄᓇᓕᖕᒥᒃ ᐊᐱᖅᓱᓂᒃᑯᑦ. ᐊᑑᑎᖃᕐᓂᖏᑦ ᒪᓃᓐᓂᐅᔪᓄᑦ ᓄᓇᙳᐊᑦ ᖃᐅᔨᓴᐅᑎᐅᕙᒃᑐᓄᑦ ᑕᐃᒪᐃᑦᑑᓪᓗᑎᒃ ᐊᒻᒪᓗ ᑲᔪᓯᓂᓖᑦ ᐅᕝᕙᓗᓐᓃᑦ ᓯᐊᒻᒪᖅᑕᐅᓯᒪᔪᑎᒍᑦ ᐱᖓᓱᓄᑦ ᑕᖅᓴᓄᑦ ᒥᒃᓴᐅᓴᒍᑕᐅᓪᓗᑎᒃ ᒪᓂᕋᖅᑐᒧᑦ ᓯᑯᒧᑦ/ᒪᓐᓂᖅᑐᒃ ᕼᐃᑯ, ᒪᓃᓐᓂᖃᐅᖅᑐᖅ ᓯᑯ/ᒪᓂᑐᑐᓐ ᕼᐃᑯ, ᐊᒻᒪᓗ ᒪᓃᑦᑐᖅ ᓯᑯ/ᒪᓂᑦᐱᐊᑐᒃ ᕼᐃᑯ (ᐅᖃᐅᓯᖅᑕᖅ: ᐃᓄᐃᓐᓇᖅᑐᓐ). ᖃᐅᔨᓴᐅᑎᑎᒍᑦ ᐊᐅᔭᒨᖅᑐᑎᒍᓪᓘᓐᓃᑦ ᐅᕝᕙᓘᓐᓂᑦ ᑎᑎᕋᖅᑕᐅᓯᒪᔪᑎᒍᑦ. ᐊᑕᖏᓪᓗᒍ, ᐊᔾᔨᙳᐊᑦ ᐊᑑᑎᖃᒃᓴᐅᑎᒋᓂᓕᒥᓃᑦ, ᓄᓇᓕᖕᒥᐅᖑᔪᓄᑦ ᓇᓚᐅᒃᑑᓂᕋᖅᑕᐅᓪᓗᑎᒃ, ᐊᑑᑎᓕᑦ ᐃᖃᕐᕋᕋᓴᖕᓂᒃ ᐱᓕᕆᙱᒍᑕᐅᓂᖏᓐᓄᑦ ᐊᒻᒪᓗ ᐅᒃᓱᐊᓗᑦᑐᓂᕐᒧᑦ ᐸᕐᓇᐅᑎᓕᐅᖅᐸᓪᓕᐊᒍᑕᐅᓂᐊᖅᑐᑦ ᐱᓪᓗᒋᑦ, ᐊᒻᒪᓗ ᐊᑑᑎᖃᑦᑎᐊᕐᓂᖏᑦ ᐊᑦᑕᓇᕐᓃᑦ ᐃᑯᓪᓚᐅᒥᑎᓪᓗᒋᑦ. ᐃᖅᑲᓇᐃᔮᖑᐃᓐᓇᖅᑐᑦ ᐱᖃᓯᐅᑎᔪᑦ ᒪᓐᓃᑦᑐᓂᖃᕐᓂᑦ ᓇᓗᓇᐃᖅᑕᐅᒍᑎᓄᑦ ᐊᑐᖅᖢᑎᒃ ᖃᖓᑕᑎᑕᐅᔪᒃᑯᑦ ᖃᐅᔨᓴᕐᓂᒃᑯᑦ ᖃᐅᔨᒍᑕᐅᔪᓄ, ᓴᖅᑭᑎᑦᑎᓂᕐᒧᑦ ᐊᑐᕋᒃᓴᒥᒃ ᐱᓕᕆᔾᔪᑕᐅᓂᐊᖅᑐᒥᒃ ᑲᑎᙵᔪᒃᑯᑦ ᐱᓕᕆᒍᑎᖃᕐᓗᓂ, ᐊᒻᒪᓗ ᐊᒥᖅᑲᐅᑎᖃᕐᓂᒃᑯᑦ ᓄᑖᓂᒃ ᐱᓕᕆᔾᔪᑕᐅᒍᓐᓇᖅᑐᓂᒃ ᐱᔪᒪᔪᓄᑦ ᓇᖕᒥᓂᖃᖃᑕᐅᔪᓄᑦ.

ᑲᔪᓯᑎᑦᑎᓂᖅ ᐊᑑᑎᖃᕐᓂᖏᑎᒍᑦ ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑦ ᐃᒥᕐᒥᒃ ᓴᓗᒻᒪᖅᓴᐃᓂᖅ ᐊᑐᓕᖅᑎᑦᑎᖃᓐᓂᓂᑯᓪᓗᖑ ᐅᑭᐅᖅᑕᖅᑐᒥ ᐃᒡᓗᕐᔪᐊᓂᒃ ᐊᒻᒪᓗ ᓄᓇᓕᖕᓂᑦ

ᓂ.ᐊ. ᐳᐊᕆᐊ, ᐊᒻᒪᓗ ᕆ. ᐳᕆᔅᑕᕕᑕ

ᐳᐊᕆᐊ, ᓂ.ᐊ., ᐊᒻᒪᓗ ᐳᕆᔅᑕᕕᑕ, ᕆ. 2019: ᑲᔪᓯᑎᑦᑎᓂᖅ ᐊᑑᑎᖃᕐᓂᖏᑎᒍᑦ ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑦ ᐃᒥᕐᒥᒃ ᓴᓗᒻᒪᒃᓴᐃᓂᖅ ᐊᑐᓕᖅᑎᑦᑎᑲᓐᓂᕐᓂᑯᓪᓗᖑ ᐅᑭᐅᖅᑕᖅᑐᒥ ᐃᒡᓗᕐᔪᐊᓂᒃ ᐊᒻᒪᓗ ᓄᓇᓕᖕᓂᑦ; ᐅᕘᓇ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ ᑲᓇᑕ, ᒪᑉᐱᒐᖓᓂ p. 75–85. DOI: 10.35298/pkc.2019.07

ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑎᒍᑦ ᓲᕐᓗ ᐅᕕᓂᕐᓂᐊᕐᓗᓂ ᑯᕕᑎᑦᑎᓗᓂ, ᐃᒪᓕᖕᒥ ᐅᕕᓂᕐᓂᐊᕐᓂᖅ, ᐅᕝᕙᓘᓐᓃᑦ ᐊᓐᓄᕌᓂᒃ ᐅᐊᓴᕈᑎᒦᖔᖅᑐᒥᒃ. ᓱᕈᖅᓯᒪᖏᓂᖅᓴᐅᖕᒪᑦ ᑯᕕᖅᑕᖅᓯᒪᔪᓂ ᖁᕐᕕᒥᖔᖅᑐᓂᒃ, ᐃᑎᕈᕐᒥᒃ, ᑰᖃᕐᕕᖕᒥᒃ ᐅᐊᓴᕐᕕᖏᓐᓂᒃ, ᐊᒻᒪᓗ ᓂᕐᕆᑎᓄᑦ ᐅᐊᓴᕐᕕᖕᓂᑦ. ᐊᒥᓱᑦ ᓄᓇᓖᑦ ᓄᓇᕐᔪᐊᒥ ᐃᒥᕐᒥᒃ ᐊᑐᐃᓐᓇᖃᑦᑎᐊᖏᑦᑐᓂ, ᐃᓄᐃᑦ ᐊᑐᓕᖅᑎᑦᑎᑲᓐᓂᓲᑦ ᐃᓪᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑎᒍᑦ ᑯᕕᔪᕕᓂᕐᓂ ᖁᕐᕕᖕᒥᒃ ᖁᕕᓯᒍᑕᐅᓪᓗᑎᒃ, ᐃᒻᒥᖅᑐᐃᒍᑕᐅᓪᓗᓂ ᐱᕈᖅᓯᐊᓂ ᓄᓇᒥᓪᓘᓐᓃᑦ ᐋᔪᑦᑎᕈᑕᐅᓪᓗᓂ ᐸᓂᓗᐊᖅᑐᒥ ᐱᕈᖅᑐᑦ ᐱᕈᑯᓪᓗᒋᑦ, ᐊᓐᓄᕌᓂᒃ ᐅᐊᓴᖅᑎᑦᑎᒍᑕᐅᓪᓗᓂ, ᐊᒻᒪᓗ ᓴᓗᒻᒪᖅᓴᐃᓂᐊᕐᓗᓂ. ᐱᐅᓂᖓ ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑎᒍᑦ ᐊᑦᑕᕐᓇᖏᑦᑐᒃᑯᑦ ᐊᑐᖅᑕᐅᒋᐊᖃᕐᓂᖓ ᓴᖅᑭᖅᑎᑕᐅᓯᒪᔪᖅ ᐊᔾᔨᒌᖏᑦᑐᓄᑦ ᑎᒥᐅᔪᓄᑦ. ᓄᓇᕗᑦ ᐃᒥᖃᐅᑦᑎᐊᕐᒪᑦ, ᑭᓯᐊᓂ ᐊᑭᑐᔪᖅ. ᐊᑭᖓ ᐊᑭᑐᓂᖓᑕ ᐊᒃᑐᐊᔪᖅ ᐃᒥᖅᑕᖅᑕᐅᓂᕐᒧᑦ ᐃᒥᖅᑕᐅᑎᑎᒍᑦ ᐊᖏᕐᕋᕆᔭᐅᔪᓄᑦ ᓇᖕᒥᓂᖃᕐᕕᐅᔪᓄᓪᓗ ᐊᒻᒪᓗ ᑭᓇᓗᖕᒥᒃ ᒥᓪᓗᐊᑎᑦᑎᓂᒃᑯᑦ ᑖᒃᑯᓇᖓᑦ ᐃᒡᓗᕐᔪᐊᓂ ᓄᓇᓯᐅᑎᑎᒍᑦ. ᑕᒪᓐᓇ ᐱᓪᓗᒍ, ᓄᓇᕗᑦ ᐊᑐᓗᐊᖏᓂᖅᓴᖅ ᐃᒥᕐᒥ ᐃᓄᖕᒧᑦ ᐊᑕᐅᓯᕐᒧᑦ ᐊᓯᖏᓐᓂ ᑕᐃᒪᐃᑎᓐᓇᒍ ᑲᓇᑕᒥ. ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑎᒍᑦ ᐊᑐᓕᖅᑎᑕᐅᒃᑲᓂᕐᓂᖓ ᒥᑭᓪᓕᕚᓪᓕᑎᑦᑎᒐᔭᕐᒪᑦ ᐊᖏᓂᖓᑕ ᐃᒥᐅᑉ ᐊᑐᖅᑕᐅᕙᖕᓂᖓᑕ ᐊᒻᒪᓗ ᐱᕕᖃᖅᑎᑦᑎᓗᓂ ᓄᓇᑎᐅᑎᒃᑯᑦ−ᐃᒥᖅᑕᖅᑕᐅᓂᕐᒥᒃ ᐃᒥᕋᒃᓴᐅᑎᓪᓗᒍ ᑕᒪᒃᑯᓄᖓ ᐱᔭᕆᐊᖃᓪᓚᕆᒃᑐᓄᑦ ᐃᒥᕐᒥᒃ, ᓲᕐᓗ ᓂᖅᓯᐅᕐᓂᐊᕐᓗᓂ ᐊᒻᒪᓗ ᐅᕕᓂᕐᓂᐊᕕᖕᒥ ᐅᕕᓂᖕᓂᐊᕐᓂᐊᕐᓗᓂ. ᑖᓐᓇ ᐱᓕᕆᐊᖅ ᖃᐅᔨᓴᖅᓯᒪᔪᖅ ᐊᑦᑕᓇᕈᓐᓇᕐᓂᖓᓂᒃ ᐊᒻᒪᓗ ᐊᑐᓕᒃᑲᓂᕐᓂᕐᒥᒃ ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔪᕕᓂᕐᓂᒃ ᐅᑭᐅᖅᑕᖅᑐᒥ ᓄᓇᓕᐅᔪᓂ. ᐆᒃᑐᕋᐅᑕᐅᓂᖓ ᓄᑖᑉ ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑎᒍᑦ ᓴᓗᒻᒪᖅᓴᐃᑎ ᓴᓇᔭᐅᓯᒪᔪᖅ ᐅᑭᐅᖅᑕᖅᑐᒧᑦ ᓴᓇᔭᕕᓂᖅ ᐱᖓᓱᓂ ᓄᓇᓕᒋᔭᐅᔪᓂ ᑲᓇᑕᒥ ᖁᑦᑎᒃᑐᒥ ᖃᐅᔨᓴᕐᕕᖕᒥ (CHARS−ᑯᑦ) ᐃᑲᓗᒃᑑᑦᑎᐊᕐᒥ. ᑖᓐᓇ ᐱᐅᓂᖃᕐᓂᖓ ᐊᖏᕈᑕᐅᓯᒪᔪᒥᒃ ᐱᐅᓂᖃᕐᓂᓕᒃ ᐊᑦᑕᕐᓇᖅᑎᓐᓇᒍ ᐊᑐᖅᑕᐅᔪᓐᓇᕐᓂᖓᑕ ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑎᒍᑦ ᐊᒻᒪᓗ ᐊᑐᕋᒃᓴᙳᖅᑎᑲᓐᓂᕐᓗᒍ ᐊᑭᑐᓗᐊᖅᑎᓐᓇᒍ. ᐃᖃᓗᒃᑑᑦᑎᐊᕐᒥ ᓄᓇᓕᐅᔪᑦ ᐊᒻᒪᓗ ᓇᖕᒥᓂᖃᖅᑏᑦ ᐊᐱᖅᓱᖅᑕᕕᓃᑦ ᐃᓱᒪᒋᔭᖏᓪᓕ ᓱᓇᐅᖕᒪᖔᑕ ᐃᒡᓗᒋᔭᐅᔪᒦᖔᖅᑐᑦ ᑯᕕᑎᑕᐅᓂᖏᑎᒍᑦ ᑯᕕᔫᑎᒍᑦ ᓴᓗᒻᒪᖅᓴᖅᑕᐅᓗᑎᒃ ᐊᑐᓕᖅᑎᑕᐅᒃᑲᓂᕐᓗᓂᓗ ᒥᒃᓵᓄᑦ.

ᐊᐅᓚᓂᖓ ᒪᕐᕉᓗᑎᒃ ᐊᐅᓚᔾᔭᐅᑏᒃ ᐊᓂᖅᓵᖅᑐᓂᕐᒨᖓᔪᑎᒍᑦ ᐊᐅᓚᔾᔪᓰᑦ ᐊᑐᕋᒃᓴᐅᖁᓪᓗᒋᑦ ᐅᑭᐅᖅᑕᖅᑐᒥ ᐃᒡᓗᓕᕆᓂᕐᒥ

ᐱ. ᐆᔨᐊ, ᒋ. ᓇᓇᒧᕈᒐᓐ, ᓯ. ᐋᕐᓯᓈᓪᑦ, ᒌ. ᓕ, ᒥ. ᐳᕋᐅᓐ, ᒋ. ᑯᓪᓯᑐᕋᓐ, ᐊᒻᒪᓗ ᓯ. ᓯᔅᕼᐅᒻ

ᐆᔨᐊ, ᐱ., ᓇᓇᒧᕈᒐᓐ, ᒋ., ᐋᕐᓯᓈᓪᑦ, ᓯ., ᓕ, ᒌ., ᐳᕋᐅᓐ, ᒥ., ᑯᓪᓯᑐᕋᓐ ᒋ., ᐊᒻᒪᓗ ᓯᔅᕼᐅᒻ, ᓯ. 2019: ᐊᐅᓚᓂᖓ ᒪᕐᕉᓗᑎᒃ ᐊᐅᓚᔾᔭᐅᑏᒃ ᐊᓂᖅᓵᑐᓂᕐᒨᖓᔪᑎᒍᑦ ᐊᐅᓚᔾᔪᓰᑦ ᐊᑐᕋᒃᓴᐅᖁᓪᓗᒋᑦ ᐅᑭᐅᖅᑕᖅᑐᒥ ᐃᒡᓗᓕᕆᓂᕐᒥ; ᐅᕘᓇ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ ᑲᓇᑕ, ᒪᑉᐱᒐᖓᓂ p. 86–95. DOI: 10.35298/pkc.2019.08

ᓂᒡᓚᓱᖕᓂᖓ ᐅᑭᐅᖅᑕᖅᑐᒥ ᓯᓚᖓᑕ ᐊᒃᓱᕈᕐᓇᕈᑕᐅᖕᒪᑦ ᐃᒡᓗᒥ ᐆᖅᑰᓴᕐᓂᕐᒧᑦ ᐊᒻᒪᓗ ᐊᓂᖅᓵᖅᑐᖅᑕᐅᓂᕐᒧᑦ ᐊᐅᓚᔾᔪᑎᓄᑦ. ᑭᐊᖃᕐᓂᖅ/ᐊᐅᓚᔾᔭᐃᑎᑯᑦ ᐊᓂᖅᑎᕆᑦᑎᐊᓂᕐᒨᖓᔪᓄᑦ (HRV/ERV) ᐊᐅᓚᑦᑎᒍᑏᑦ ᐃᒪᐃᑦᑐᑦ HVAC ᐊᐅᓚᑦᑎᒍᑏᑦ ᐊᓂᖅᑎᕆᑦᑎᐊᓂᕐᒨᖓᔪᑦ ᑕᒪᓐᓇᓴᐃᓐᓇᐅᑎᓪᓗᒍ, ᐊᑐᓗᐊᖏᓂᕐᒧᑦ ᐊᐅᓚᔾᔭᐃᑎᓂᒃ ᐊᑐᕐᓂᕐᒥᒃ. ᐊᑐᖅᑕᐅᓂᖏᑦ ᐅᓪᓗᒥᒧᑦ ᓂᒡᓚᓱᒃᑐᒥᒃ ᓯᓚᓕᓐᓂ ᓇᖕᒪᖃᑦᑕᖅᓯᒪᖏᒻᒪᑕ ᐱᔾᔪᑎᒋᓪᓗᒍ ᓯᖁᒥᖃᑦᑕᕐᓂᖏᓐᓄᑦ ᓲᕐᓗ ᑯᐊᕋᐃᖕᒪᑕ. ᐱᔾᔪᑎᒋᓪᓗᒍ, ᐊᑐᖅᑕᐅᒐᔪᑦᑐᑦ, ᐃᓄᑐᐊᖅᓯᐅᑏᑦ HRV/ERV ᐃᒡᓗᐃᑦ ᓴᓇᔭᐅᓯᒪᔪᑦ ᓂᓚᕈᔾᔭᐃᒃᑯᑎᓕᓐᓂᒃ (ᐅᖅᑰᓴᐃᓂᖅ ᓯᓚᒦᙶᖅᑐᒥᒃ) ᐅᕝᕙᓘᓐᓃᑦ ᐊᐅᓴᐃᓂᐊᕐᓗᓂ ᐸᕐᓇᑕᐅᓯᒪᔪᑦ (ᐊᐅᓚᓕᖅᑭᑎᑦᑎᓂᖅ ᐊᓂᖅᓴᖅᑐᕋᒃᓴᐅᑦᑎᐊᖏᑦᑐᒥᒃ). ᑭᓯᐊᓂᓕ, ᑕᒪᒃᑯᐊ ᒪᙲᓪᓕᑎᑦᑎᔪᑦ ᐊᑐᖅᑕᐅᒋᐊᓕᖕᓂᒃ ᐊᓂᖅᑎᕆᑦᑎᐊᓇᖅᑐᒦᒋᐊᖃᕐᓂᕐᒥᒃ ᐊᒻᒪᓗ ᐆᒻᒪᖁᑎᑐᕈᑕᐅᓗᐊᕋᑎᒃ. ᒪᕐᕉᓐᓄᑦ ᐃᒡᓗᓕᐊᕆᓯᒪᔪᓄᑦ ᓴᓇᔭᐅᓯᒪᓂᖓ ᒪᕐᕉᓐᓂᒃ ᐊᔾᔨᒌᒐᓚᖕᓂᒃ ᐅᖅᑰᓴᐅᑎᓖᑦ ᐊᒻᒪᓗ ᐊᐅᓚᑕᐅᓂᖃᖅᓱᓂ ᐊᔪᑦᑎᕈᑎ ᓂᓚᕈᔾᔭᐃᕈᑕᐅᒍᓐᓇᕐᒪ ᓂᕈᒥᒃᑐᒧᑦ ᑐᕌᖅᑎᑕᐅᖃᑦᑕᕐᓗᑎᒃ ᑖᒃᑯᑎᒎᓇ ᓇᓕᐊᒍᑦ ᑖᒃᑯᐊ ᒪᕐᕉᒃ ᑕᖅᑳᖔᖅᑐᒥᒃ ᓂᕈᒥᒃᓯᑎᑦᑎᓗᓂ ᐊᐃᑉᐹ. ᑕᒪᓐᓇ ᓇᓗᓇᖅᑐᖅ ᐸᐃᑉᐹᖅ ᐅᓂᒃᑲᖅᑐᖅ ᖃᐅᔨᔭᐅᓯᒪᔪᓂᒃ ᒪᕐᕉᓗᑎᒃ ᐊᐅᓚᑦᑎᒍᑎᓖᓐᓂᒃ ᑭᖑᓂᖓᓂ ᓇᓗᓇᖅᑑᑉ ᐱᔪᓯᐅᑉ: (1) ᖃᐅᔨᓴᕐᕕᖕᒥ ᖃᐅᔨᓴᕐᓂᖅ ᐊᑐᕐᓗᓂ ᓯᓚᒥ ᐃᓂᐅᔪᓂ ᖃᐅᔨᓴᕐᓂᕐᒧᑦ ᒥᒃᓴᐅᓯᒍᑎᒋᓂᐊᕐᓗᒍ ᐃᒡᓘᒻ ᐃᓗᐊᓂ ᐊᒻᒪᓗ ᑕᖅᑳᓂ ᓯᓚᐅᑉ ᖃᓄᐃᑦᑑᓂᖏᓐᓂᒃ ᓇᓗᓇᐃᖅᑕᐅᓯᒪᔪᑦ ᐸᐃᑉᐹᖁᑎᖃᕐᓂᒃᑯᑦ ᐊᑐᕆᐊᓕᖕᒧᑦ CSA-C439 ᐊᒻᒪᓗ ᑕᐃᒃᑯᓄᐊ ᓇᓗᓇᐃᖅᑕᐅᓯᒪᔪᓄᑦ ᐅᑭᐅᖅᑕᖅᑐᒥ, (2) ᓴᓂᓕᕇᒃᑑᓐᓂᒃ ᖃᐅᔨᓴᐅᑎᖃᕐᓂᖅ ᓴᓂᓪᓕᕇᖅᑑᓐᓂᒃ−ᐃᒡᓗᒥᒃ ᒥᒃᓴᐅᓴᕐᓂᐊᕐᓗᒍ ᐃᒡᓗ−ᐊᑕᖏᕐᓗᒍ ᐊᐅᓇᓂᖓ ᐃᒡᓘᑉ ᐊᑕᐅᓯᐅᑉ ᐊᐅᓚᓂᖓᓂᒃ ᐊᑕᐅᓯᕐᒥᒃ ERV−ᓕᖕᒥᒃ ᐊᒻᒪᓗ ᐃᒡᓗᒥᒃ ᓴᓇᔭᐅᓯᒪᔪᒥᒃ ᒪᕐᕉᓐᓂᒃ ᐅᐊᓚᔾᔪᑎᓃᓐᓂᒃ ᐊᑐᖅᑎᑦᑎᓂᕐᒨᖓᔫᓂᒃ, ᐊᒻᒪᓗ (3) ᐅᖓᕙᕆᐊᖅᑕᐅᓂᖓ ᓇᐅᒃᓯᖅᑐᕐᓂᐅᑉ ᑖᒃᑯᓈᖓᑦ ᒪᕐᕉᓐᓂᒃ ᐅᐊᓚᔾᔪᑎᓃᓐᓂᒃ ᓴᓇᐅᒥᒪᔫᓐᓂᒃ ᐃᖃᓗᑦᑑᖅᑎᐊᒥ, ᓄᓇᕗᑦ ᓇᓗᓇᐃᖅᑕᐅᓯᒪᔫᒃ ᓯᕕᑐᔪᒧᑦ ᐊᑐᕋᒃᓴᐅᓂᖏᓐᓂᒃ ᐊᒻᒪᓗ ᓴᙱᓂᖏᒃ. ᑖᓐᓇ ᐊᑑᑎᖃᕐᓂᖓ ᖃᐅᔨᔭᐅᓯᒪᔪᖅ ᐱᔪᓐᓇᕆᐊᖓᓂᒃ ᓂᒡᓚᓱᖕᓂᓕᓐᓂ ᐊᑖᓂ -30°C ᓱᕋᖅᐸᓪᓕᐊᑎᓐᓇᒍ ᐊᐅᓚᒍᓯᖓ (ᐅᖃᐅᓯᒋᒃᑲᓂᕐᓗᒍ, ᖁᐊᕈᓐᓇᖏᓐᓂᖅᓴᐅᓂᖓ) ᐊᒻᒪᓗ ᑕᖅᑳᖔᖅᑐᒥᒃ ᓯᓚᒥᒃ ᐃᒡᓗᒨᖅᑲᐃᖏᓐᓇᕐᓂᖓ.

ᑭᓪᓕᓯᓂᐊᕐᓂᖅ ᓴᓇᕐᕈᑏᑦ ᐊᑑᑎᖃᕐᓂᖏᑕ ᖃᐅᔨᒪᔭᐅᓂᖏᑦ ᓴᓇᔪᓕᕆᓂᖅ ᓇᓴᐅᓯᕆᓂᖅ− STEM−ᑯᑦ ᐃᑲᔪᖅᑎᖃᕈᒪᓂᖅ ᐃᓅᓱᒃᑐᓂᒃ ᐊᒻᒪᓗ ᐃᓕᓴᐃᔨᓂᒃ ᐃᓅᕕᐅᑉ ᓄᓇᓕᖓᑕ ᓴᓂᓪᓕᖏᓐᓄᑦ ᓄᓇᑦᑎᐊᒥ

ᐊ. ᑐᕆᒻᐳᓪ, ᐊᒻᒪᓗ H. ᑑᑯ

ᑐᕆᒻᐳ, ᐊ., ᐊᒻᒪᓗ ᑑᑯ, H. 2019: STEM− ᑭᓪᓕᓯᓂᐊᕐᓂᖅ ᓴᓇᕐᕈᑏᑦ ᐊᑑᑎᖃᕐᓂᖏᑕ ᖃᐅᔨᒪᔭᐅᓂᖏᑦ ᓴᓇᔪᓕᕆᓂᖅ ᓇᓴᐅᓯᕆᓂᖅ− ᐃᑲᔪᖅᑕᐅᒍᒪᓂᖅ ᐃᓅᓱᒃᑐᓄᑦ ᐊᒻᒪᓗ ᐃᓕᓴᐃᔨᓄᑦ ᐃᓅᕕᐅᑉ ᓄᓇᓕᖓᑕ ᓴᓂᓪᓕᖏᓐᓄᑦ ᓄᓇᑦᑎᐊᒥ; ᐅᕘᓇ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ ᑲᓇᑕ, ᒪᑉᐱᒐᖓᓂ p. 96–103. DOI: 10.35298/pkc.2019.09

ᐃᑲᔪᖅᑐᖅᑕᐅᓂᖃᖅᖢᓂ ᐅᑭᐅᖅᑕᖅᑐᒥ ᖃᐅᔨᒪᓂᖃᕐᓂᕐᒧᑦ ᑲᓇᑕᒃᑯᓐᓄᑦ, ᐊᕉᕋᒥ ᖃᐅᔨᓴᖅᑐᓕᕆᕕᖕᒥᒃ ᐅᐊᓕᓂᕐᒥ ᐅᑭᐅᖅᑕᖅᑐᒥ ᖃᐅᔨᓴᕐᕕᒃ ᐱᕕᖃᖅᑎᑦᑎᕗᖅ ᐃᓕᓐᓂᐊᖅᑎᓄᑦ, ᐃᓕᓴᐃᔨᓄᑦ, ᐊᒻᒪᓗ ᓄᓇᓖᑦ ᐱᖃᑕᐅᓂᒃᑯᑦ, ᐅᖃᖃᑎᒌᓂᖅ ᐅᕘᓇ STEM (ᑭᓪᓕᓯᓂᐊᕐᓂᖅ ᖃᐅᔨᓴᕐᓂᒃᑯᑦ, ᓴᓇᕐᕈᑏᑦ ᐊᑐᑎᖃᕐᓂᖏᑕ ᖃᐅᔨᒪᔭᐅᓂᖏᑦ, ᓴᓇᔪᓕᕆᓂᖅ, ᓈᓴᐅᓯᕆᓂᖅ) ᐱᓕᕆᐊᒃᓴᓕᐅᕐᓂᖅ ᐋᖅᑭᒋᐊᕈᑕᐅᓗᓂ ᑭᓪᓕᓯᓂᐊᕐᒧᑦ ᐅᖃᐅᓯᖅᑕᓂᒃ ᐊᒻᒪᓗ ᐱᕈᖅᐸᓪᓕᐊᑎᓗᒍ ᐱᓕᕆᖃᑎᒌᖕᓂᖓ ᑖᒃᑯᐊ ᐱᖅᑯᓯᑐᖃᒃᑯᑦ ᐊᒻᒪᓗ ᑭᓪᓕᓯᐊᓂᕐᒨᖓᔪᓄᑦ ᖃᐅᔨᒪᓂᖅ. ᐱᕕᖃᕐᕕᐅᒍᓐᓇᖅᑐᑦ ᐃᓅᓱᒃᑐᓄᑦ ᐱᖃᑕᐅᖁᓪᓗᒋᑦ ᐊᒡᒐᒻᒧᑦ ᐱᓕᕆᓗᓂ ᑭᓪᓕᓯᓂᐊᕐᓂᕐᒥᒃ ᐃᓕᓐᓂᐊᕋᒃᓴᑎᒍᑦ ᑭᓪᓕᖃᕐᒪᑕ ᓄᓇᑦᑎᐊᒥ ᐊᒻᒪᓗ. ᑕᒪᓐᓇ ᐱᓪᓗᒍ, ᐃᓕᓐᓂᐊᕈᒪᓂᖃᕐᓂᖅ ᑭᓪᓕᓯᓂᐊᕐᓂᕐᒥᒃ ᓴᓇᕐᕈᑏᑦ ᐊᑑᑎᖃᕐᓂᖏᑕ ᖃᐅᔨᒪᔭᐅᓂᖏᓐᓂᑦ ᓴᓇᔪᓕᕆᓂᕐᒥᒃ ᓇᓴᐅᓯᕆᓂᕐᒥᒃ ᐃᓕᓐᓂᐊᕋᒃᓴᐃᑦ ᐊᒻᒪᓗ ᐃᖅᑲᓇᐃᔮᖃᕈᒪᓂᖅ ᑕᒪᑐᒥᖓᓕᖓᔪᒥᒃ ᐊᑉᐸᓯᒃᑐᖅ. ARI−ᑎᒍᑦ ᐃᓕᓐᓂᐊᑎᑦᑎᕙᒃᑐᑦ ᐊᒡᒐᒻᒧᑦ ᐱᓕᕆᓂᒃᑯᑦ ᐃᓕᓐᓂᐊᕋᒃᓴᑎᒍᑦ ᐃᓅᓱᒃᑐᓄᑦ, ᐱᕚᓪᓕᑲᓐᓂᕐᓂᕐᒧᑦ ᐃᓕᓐᓂᐊᕋᒃᓴᐃᑦ ᐊᒻᒪᓗ ᐃᑲᔪᖅᑐᖅᑕᐅᓂᖏᑦ ᐃᓕᓴᐃᔩᑦ, ᐊᒻᒪᓗ ᓄᓇᓕᖕᒥ ᖃᓄᐃᓕᐅᕐᓂᐅᔪᑦ ᐃᑲᔪᖅᑐᖅᖢᒍ ᐱᔪᒪᓂᕆᔭᖅ ᐊᒻᒪᓗ ᓇᓗᖅᑯᑎᒍᓐᓃᕐᓂᖅ ᑭᓪᓕᓯᓂᐊᕐᓂᕐᒥᒃ ᖃᐅᔨᓴᕐᓂᒃᑯᑦ. ᑖᓐᓇ ᐃᑲᔪᖅᑕᐅᒍᒪᓂᕐᒧᑦ ᐱᓕᕆᐊᒃᓴᓕᐅᕐᓂᖅ ᐆᒻᒪᕆᒃᑐᖅ, ᑐᕌᖓᔪᖅ ᐅᑭᐅᖅᑕᖅᑐᒥ ᐃᓱᒫᓘᑕᐅᔪᕗᑦ ᐊᒻᒪᓗ ᐃᓕᓐᓂᐊᕈᑎᒃᓴᓕᐊᖑᓯᒪᓂᖓᒍᑦ, ᐊᒻᒪᓗ ᒪᓕᒃᖢᒋᑦ ᑭᖒᒪᔭᐅᔪᑦ ᐃᓕᓴᐃᔨᓄᑦ ᐊᒻᒪᓗ ᓄᓇᓕᖕᒥ ᐃᓅᓱᒃᑐᓄᑦ ᐃᓕᓐᓂᐊᕋᒃᓴᓄᑦ. ᑲᒪᒋᔭᐅᑦᑎᐊᖅᑐᖅ ᐃᓚᓕᐅᔾᔭᐅᖁᓪᓗᒍ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᐱᖅᑯᓯᑐᖃᕐᒥᒃ ᖃᐅᔨᒪᓂᖃᕐᓂᖅ ᐊᒻᒪᓗ ᐅᖃᐅᓯᖏᑦ ᑕᕝᕙᓂ ᐃᓕᓐᓂᐊᕋᒃᓴᒥ STEM−ᒧᑦ ᐃᓕᓐᓂᐊᕈᑎᒃᓴᒥ, ᐊᒻᒪᓗ ᓄᓇᒥ ᐱᓕᕆᐊᒃᓴᑎᒍᑦ ᓴᓇᔭᐅᓗᑎᒃ ᐃᓕᑕᐅᒍᓐᓇᖅᑐᓂᒃ ᐃᓗᓕᖃᑦᑎᐊᖅᑐᓂᒃ ᐃᓕᓐᓂᕐᕕᐅᓂᐊᕐᓗᓂ. ᓄᓇᓕᖕᒥ ᐃᓕᓐᓂᐊᕋᑦᓴᖅ STEM ᐱᔪᓐᓇᖅᑎᑦᑎᓯᒪᑦᑎᐊᖅᑐᑦ ᐊᒻᒪᓗ ᓂᐅᕈᓯᒪᓪᓗᑎᒃ ᖃᐅᔨᓴᖅᑏᑦ ᐊᒃᑐᐊᓂᓖᑦ ᐃᓅᓱᒃᑐᓄᑦ ᐊᒻᒪᓗ ᓄᓇᓕᖕᒥᐅᖑᖃᑕᐅᔪᓄᑦ, ᐱᓕᕆᖃᑎᒋᓐᓂᒃᑯᑦ ᐃᓕᓐᓂᐊᕐᓃᑦ, ᐊᒻᒪᓗ ᓇᓗᓇᖏᓪᓗᓂ ᐅᖃᐅᓯᖅᑕᖏᑦ ᖃᐅᔨᓴᖅᑐᓕᕆᓂᕐᒧᑦ ᐅᖃᐅᓯᖅᑕᐅᕙᒃᑐᑦ. ᐃᓂᓕᒃ ᐅᑭᐅᖅᑕᖅᑐᒥ, ARI−ᖑᔪᑦ ᐃᑲᔪᖅᑕᐅᒍᒪᓂᕐᒧᑦ ᐱᓕᕆᖃᑎᒌᑦ ᓴᙱᔪᒥᒃ ᐱᓕᕆᖃᑎᒌᓐᓂᓖᑦ ᓄᓇᓕᖕᒥ ᑲᑐᔾᔨᖃᑎᒌᓂᑦ ᐊᒻᒪ ᐃᓕᓐᓂᐊᕕᓐᓂᒃ ᐊᒻᒪᓗ ᐊᑐᐃᓐᓇᐅᑎᑦᑎᓪᓗᓂ ᑲᔪᓯᓂᓕᖕᒥᒃ ᐃᓕᓐᓂᐊᕈᑎᒃᓴᓕᐅᕐᓂᕐᒥᒃ – ᑲᑎᑎᑦᑎᔪᖅ ᐅᑭᐅᖅᑕᖅᑐᒥ ᐃᓅᓱᒃᑐᓂᒃ ᐊᒻᒪᓗ ᐃᓕᓴᐃᔨᓂᒃ ᐊᒥᓱᐊᖅᓱᑎᖅᓱᓂ ᐊᕐᕌᒍᒥ. ᑖᓐᓇ ᐱᔭᕆᐊᖃᓪᓚᕆᒃᑐᖅ ᐊᒥᓱᙳᒃᐸᓪᓕᐊᒍᑕᐅᖕᒪᑦ ᐱᕈᖅᐸᓪᓕᐊᑎᓂᕐᒧᑦ ᐅᑭᐅᖅᑕᖅᑐᒥ ᐃᓕᓴᐃᔨᓄᑦ ᐃᕘᓱᒃᑐᓄᓪᓗ ᐃᓕᓐᓂᐊᖅᑐᓄᑦ STEM−ᒥ, ᐊᒻᒪᓗ ᑭᖒᒪᔭᐅᓂᖓ ᐃᓕᓐᓂᐊᕈᑎᒃᓴᓕᐅᕐᓂᐅᑉ ᐱᕙᓪᓕᐊᑐᐃᓐᓇᕐᒪᑦ. ᐃᓕᓐᓂᐊᕋᒃᓴᖅ ᐊᖏᓪᓕᒋᐊᖅᐸᓪᓕᐊᔪᖅ ᐱᖃᑕᐅᑎᑕᐅᖁᓪᓗᒋᑦ ARI−ᑯᑦ ᓂᒋᐊᓂ ᓯᓚᐃ ᖃᐅᔨᓴᖅᑐᓕᕆᕕᖓᓂ, ᑖᓐᓇᓴᐃᓐᓇᖅ ᓄᓇᓕᖕᒧᑦ−ᑐᕌᖓᒋᐊᖅᓯᒪᔪᖅ, ᐃᓕᓐᓂᐊᑎᑦᑎᒍᓯᖅ ᐊᑐᖅᑕᐅᒐᔭᖅᑐᖅ.

ᐊᖏᖃᑎᒌᒍᑦ ᐊᑑᑎᖃᑦᑎᐊᓕᖅᑎᑦᑎᑲᓐᓂᕐᓂᕐᒧᑦ ᓄᓇᕐᔪᐊᒥ ᐅᑭᐅᖅᑕᖅᑐᒥ ᑭᓪᓕᓯᓂᐊᕐᓂᒃᑯᑦ ᐱᓕᕆᖃᑎᒌᖕᓂᕐᒥᒃ: ᐃᓱᒪᒃᓴᖅᓯᐅᕈᑎᒃᓴᐃᑦ ᑲᓇᑕᐅᑉ ᐱᓕᕆᓂᖓᓄᑦ

ᐃ. ᐋᕐᓴᓄ, ᒋ. ᓵᖕ, ᐊᒻᒪᓗ ᐊ. ᐱᒡᕗᐊᑦ

ᐋᕐᓴᓄ, ᐃ., ᓵᖕ, ᒋ., ᐊᒻᒪᓗ ᐱᒡᕗᐊᑦ, ᐊ. 2019: ᑖᓐᓇ ᐊᖏᖃᑎᒌᒍᑦ ᐊᑑᑎᖃᑦᑎᐊᓕᖅᑎᑦᑎᑲᓐᓂᕐᓂᕐᒧᑦ ᓄᓇᕐᔪᐊᒥ ᐅᑭᐅᖅᑕᖅᑐᒥ ᑭᓪᓕᓯᓂᐊᕐᓂᒃᑯᑦ ᐱᓕᕆᖃᑎᒌᖕᓂᕐᒥᒃ: ᐃᓱᒪᒃᓴᖅᓯᐅᕈᑎᒃᓴᐃᑦ ᑲᓇᑕᐅᑉ ᐱᓕᕆᓂᖓᓄᑦ; ᐅᕘᓇ ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ: ᐊᖅᕼᐊᓕᐊᑦ 2019, ᐅᑭᐅᖅᑕᖅᑐᒥᒃ ᖃᐅᔨᒪᓂᖃᕐᓂᖅ ᑲᓇᑕ, ᒪᑉᐱᒐᖓᓂ p. 104-108. DOI: 10.35298/pkc.2019.11

ᑕᓐᓇ ᑎᑎᕋᖅᓯᒪᔪᖅ ᐅᖃᐅᓯᖃᖅᓯᒪᔪᖅ ᐱᔭᕆᐊᖃᖅᑐᓂᒃ ᑲᓇᑕᐅᑉ ᐱᔭᒃᓴᖓᓂᒃ ᐊᖏᖃᑎᒌᒍᑦ ᐊᑑᑎᖃᑦᑎᐊᓕᖅᑎᑦᑎᑲᓐᓂᕐᓂᕐᒧᑦ ᓄᓇᕐᔪᐊᒥ ᐅᑭᐅᖅᑕᖅᑐᒥ ᑭᓪᓕᓯᓂᐊᕐᓂᒃᑯᑦ ᐱᓕᕆᖃᑎᒌᖕᓂᕐᒥᒃ, ᐊᑎᓕᐅᕈᑎᒥᓂᖅ ᐅᑭᐅᖅᑕᖅᑐᒥ ᑲᑎᒪᔩᑦ ᒥᓂᔅᑕᐅᑎᖏᑦ ᑲᑎᒪᑎᓪᓗᒋ ᒪᐃᒥ 2017 ᐊᒻᒪᓗ ᐊᑐᓕᖅᑕᐅᓪᓗᓂ ᒪᐃᒥ 2018. ᐱᔾᔪᑎᖓ ᐊᖏᖃᑎᒌᖑᑎᐅᑉ ᐊᑑᑎᖃᑦᑎᐊᒃᑲᓂᓕᖅᑎᓪᓗᒍ ᐱᓕᕆᖃᑎᒌᖕᓂᖅ ᑭᓪᓕᓯᓂᐊᕐᓂᒃᑯᑦ ᖃᐅᔨᓴᖅᑐᓕᕆᓂᒃᑯᑦ ᐱᓕᕆᐊᓂᒃ ᐊᒻᒪ, ᐊᑭᖓ, ᐊᒥᓱᙳᕆᐊᕐᓗᒍ ᐊᑑᑎᖃᕐᓂᖓ ᐊᒻᒪᓗ ᐊᑐᕋᒃᓴᐅᑦᑎᐊᕐᓂᖓᖓᑕ ᐱᕙᓪᓕᐊᑎᑕᐅᓂᖓᑕ ᑭᓪᓕᓯᓂᐊᕐᓂᕐᒧᑦ ᖃᐅᔨᒪᓂᖃᕐᓂᐅᑉ ᐅᑭᐅᖅᑕᖅᑑᑉ ᒥᒃᓵᓄᑦ. ᐱᓗᐊᖅᑐᒥ, ᓴᓇᔭᐅᒥᖕᒪᑦ ᐃᑲᔪᖅᑐᐃᒍᑕᐅᓂᐊᕐᓗᓂ ᓄᓇᕐᔪᐊᒥ ᖃᐅᔨᓴᖅᑎᓂᒃ ᖃᐅᔨᓴᕐᕕᐅᒍᓐᓇᖅᑐᑦ ᖃᐅᔨᓴᕐᕕᒋᓗᒋᑦ, ᐃᒡᓗᓕᐅᕐᓂᖅ ᐊᒻᒪᓗ ᐃᒡᓗᐃᑦ ᐱᓕᕆᕖᑦ, ᐊᒻᒪᓗ ᖃᐅᔨᓴᐅᑎᕕᓃᑦ ᐊᒻᒪᓗ ᖃᐅᔨᓴᐅᑎᒥᓂᕐᓃᖔᖅᑐᓂᒃ ᑐᓴᕐᕕᖃᕐᓂᖅ. ᐅᑭᐅᖅᑕᖅᑐᒥ ᖃᐅᔨᒪᓂᖃᕐᓂᕐᒧᑦ ᑲᓇᑕ (POLAR) ᐱᔭᒃᓴᖃᖅᐳᖅ ᐊᒃᑐᓕᖅᑎᐅᑕᑎᓪᓗᒍ ᐊᖏᖃᑎᒌᒍᑦ ᑕᕆᐅᕐᒥᐅᑕᐅᖏᒃᑐᓂᑦ* ᖃᐅᔨᓴᕐᓂᖅ ᑲᓇᑕᒥ ᐅᑭᐅᖅᑕᖅᑐᒥ. POLAR−ᑯᑦ ᓇᓗᓇᐃᖅᓯᒍᑎᖃᕋᔭᖅᑐᑦ ᐊᑑᑎᖃᕐᓂᖅᐹᓂᒃ ᐱᓕᕆᔾᔪᓯᓂᒃ ᐊᒻᒪᓗ ᐊᑐᐃᓐᓇᐅᑎᑦᑎᓗᑎᒃ ᐅᓪᓗᒥᒨᖓᔪᓂᒃ ᐱᓕᕆ−ᔪᑎᓂᒃ ᐊᒻᒪᓗ ᐊᑐᖅᑕᐅᒍᓐᓇᖅᑐᓂᑦ ᐅᑭᐅᖅᑕᖅᑐᒥ ᖃᐅᔨᓴᖅᑐᓕᕆᓂᕐᒧᑦ ᐃᑲᔪᖅᑐᖅᑕᐅᑦᑎᐊᕐᓂᐊᕐᒪᑦ ᐃᖅᑲᒋᔭᖃᖅᖢᓂ ᖃᐅᔨᓴᕐᓂᖅ ᓄᓇᓕᖕᒥ ᑲᓇᑕᒥ ᑖᒃᑯᓇᓂ ᓄᓇᕐᔪᐊᒥ ᐊᒻᒪᓗ ᑲᓇᑕᒥ ᖃᐅᔨᓴᖅᑎᓂ. ᑖᓐᓇ ᐱᖃᓯᐅᔾᔨᔪᖅ ᐃᓕᓴᕆᔭᐅᓂᖓᓂᒃ ᑲᓇᑕᒥ, ᓄᓇᐃᑦ ᐊᕕᒃᑐᖅᑕᐅᓯᒪᓂᖏᓐᓂ, ᐊᒻᒪ ᓄᓇᓕᖕᒥ ᐊᑐᐊᒐᕐᓂᒃ ᐊᒻᒪᓗ ᐱᓕᕆᓂᐅᔪᓂ ᓯᕗᓕᕈᔭᐅᔾᔪᑎᒍᑦ ᖃᐅᓕᓴᕐᓂᕐᒧᑦ, ᐱᖃᓯᐅᑎᓪᓗᒍᑦᑕᐅᖅ ᓄᓇᓕᖕᒧᑦ−ᑐᕌᖓᔪᑎᒍᑦ ᐊᑐᐊᒐᑎᒍᑦ ᑲᑎᖅᓱᐃᓂᕐᒧᑦ ᐊᒻᒪᓗ ᓯᐊᒻᒪᑎᑦᑎᓂᒃᑯᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᓐᓂᒃ. ᑲᓇᑕᐅᑉ ᐱᖃᑕᐅᓂᖓ ᑕᕝᕙᓂ ᐊᖏᖃᑎᒌᖑᑎᒥ ᐱᕚᓪᓕᑎᑦᑎᓚᖓᔪᖅ ᐅᑭᐅᖅᑕᖅᑐᒥ ᑭᓪᓕᓯᓂᐊᕐᓂᒃᑯᑦ ᖃᐅᔨᓴᖅᑐᓕᕆᓂᕐᒥᒃ ᑲᓇᑕᒥ ᖃᐅᔨᔭᐅᑎᑦᑎᓂᒃᑯᑦ ᐅᑭᐅᖅᑕᖅᑐᒥ−ᑲᓇᑕᒥᐅᑕᓂᒃ ᐅᑭᐅᖅᑕᖅᑐᒥ ᖃᐅᔨᓴᕐᓂᒃᑯᑦ ᐅᖃᖃᑎᒌᓐᓂᕐᒥᒃ ᐊᒻᒪᓗ ᐱᓕᕆᖃᑎᒌᓐᓂᕐᒥᒃ, ᐊᑐᖅᑕᐅᒍᓐᓇᖅᑐᑦ ᓇᓗᓇᐃᑦᑎᐊᕐᓗᒋᑦ ᐊᕕᒃᑐᖅᓯᒪᓂᖏᑎᒍᑦ ᓄᓇᐃᑦ ᖃᐅᔨᓴᕐᓂᕐᒧᑦ ᐱᕙᓪᓕᐊᓂᖏᓐᓂᒃ ᐊᒻᒪᓗ ᓇᖕᒪᓂᖅᐹᖑᔪᑎᒍᑦ ᐱᓕᕆᔾᔪᓯᕐᓂᑦ, ᐊᒻᒪᓗ ᐃᑲᔪᖅᑐᐃᓂᖃᕐᓗᓂ ᑲᓇᑕᐅᑉ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᓄᓇᓕᖕᒥ ᐱᕈᖅᐸᓪᓕᐊᖏᓐᓇᑐᐃᓐᓇᕐᓂᖓᓂ. ᓇᐃᓇᕐᓗᒍ, ᑖᓐᓇ ᑎᑎᕋᖅᓯᒪᔪᖅ ᑐᕚᓕᒃ ᐅᖃᖃᑎᒌᒍᑎᖃᕐᓂᕐᒥᒃ (i)ᓱᓇᐅᓂᖓ ᐊᖏᖃᑎᒌᒍᑎᐅᑉ ᐃᒪᐃᑦᑑᒻᒪᑦ, (ii) ᐊᑐᕋᒃᓴᐅᓂᖏᑦ ᐊᑐᓕᖅᑎᑦᑎᓂᕐᒧᑦ ᐃᓱᒪᒃᓴᖅᓯᐅᕈᑎᒃᓴᐃᑦ, ᐊᒻᒪᓗ (iii) ᖃᓄᖅ ᑐᑭᖃᕐᒪᖔᖅ ᑲᓇᑕᒧᑦ, ᐱᖃᓯᐅᑎᒃᖢᒍ ᐊᑑᑎᖃᕈᓐᓇᕐᓂᖏᑦ ᑲᓇᑕᐅᑉ ᐱᖃᑕᐅᓂᖓ ᐊᖏᖃᑎᒌᒍᑎᒥ.

*ᓄᓇᕐᔪᐊᒥ ᐃᓱᒫᓗᑕᐅᔪᓂᑦ ᐱᓕᕆᐊᓖᑦ ᑲᓇᑕ ᐱᔭᒃᓴᖃᖅᐳᑦ ᑐᑭᒧᐊᑦᑎᑦᑎᓂᕐᒥᒃ ᐃᑲᔪᖅᑐᐃᓂᕐᒥᓪᓗ ᑕᕆᐅᕐᒥᐊᑕᐃᑦ ᖃᐅᔨᓴᖅᑕᐅᓂᕐᒧᑦ ᑐᒃᓯᕋᕐᓂᐅᔪᑎᒍᑦ ᐅᖓᓯᒃᑐᒥᐅᑕᓂ ᐱᓕᕆᕕᐅᔪᓂ ᐅᕝᕙᓗᓐᓂᑦ ᓄᓇᓕᐅᖃᖃᑕᐅᔪᓂᑦ.