ᖃᐅᔨᓴᕐᓂᕐᒧᑦ ᐊᒻᒪ ᓴᓇᕐᕈᑏᒃ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑦ

ᓇᓗᓇᐃᖅᓯᓂᖅ ᖃᐅᔨᓴᕐᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑎᒧᑦ 2020-2025

ᓇᓗᓇᐃᖅᑕᐅᓂᖓ

ᓱᒃᑲᔪᒥᒃ ᑕᐃᒪᐃᑦᑐᖃᓚᐅᖅᓯᒪᒐᓂᓗ ᓯᓚ ᐊᓯᔾᔨᖅᐸᓪᓕᐊᖕᒪᑦ ᐅᑭᐅᖅᑕᖅᑐᒥ, ᐊᓯᔾᔩᕙᓪᓕᐊᔪᒥᒃ ᐆᒪᔪᑦ ᓇᔪᒐᖃᑎᒌᖕᓂᖏᓐᓂᑦ ᓯᓚᖃᑎᒌᖕᓂᖏᓐᓂᓪᓗ ᐅᑭᐅᖅᑕᖅᑐᒥ ᐆᒪᔪᓂ ᓇᔪᒐᖃᑎᒌᖕᓂᖏᖕᓂ ᓯᓚᖃᑎᒌᖕᓂᐅᔪᓂᓗ¹. ᐱᖃᓯᐅᑎᔪᖅ, ᓄᓇᓕᖕᒥ ᑎᒥᒧᑦ ᐃᓗᓯᐅᔪᒥᒃ ᓄᓇᐅᓪᓗ ᐋᖅᑭᒃᓯᒪᓂᖓᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᓱᕋᐃᕙᓪᓕᐊᓪᓗᓂ, ᑐᐊᕕᕐᓇᓕᖅᖢᓂ, ᐊᒃᑐᐊᔪᓂᑦ ᐱᔾᔪᑕᐅᔪᓂᑦ ᐊᒃᑐᐊᓂᓕᖕᓂᒃ ᖃᓄᖅᑑᕈᑕᐅᒋᐊᖃᖅᐸᒃᖢᓂᒃ. ᑕᒪᓐᓇ ᑐᐊᕕᕐᓇᖅᑎᓪᓗᒍ ᐋᖅᑭᒋᐊᒋᖅᑕᐅᒋᐊᓕᒃ, ᑮᓇᐅᔭᓕᐅᕋᓱᐊᕐᓂᒃᑯᑦ ᒪᑭᒪᔾᔪᑎᒃᓴᑎᒍᑦ ᐊᑲᐅᓂᖅᓴᒃᑯᑦ, ᐃᑯᐱᕝᕕᓕᕆᓂᕐᒧᓪᓗ ᖃᓄᐃᒋᐊᕈᑕᐅᒍᓐᓇᖅᖢᑎᒍᑦ − ᖃᓄᐃᒋᐊᕈᑏᑦ ᐱᖅᑯᓯᕐᒧᑦ ᓈᒻᒪᒋᐊᕐᓗᑎᒃ ᑕᒪᓐᓇ ᐊᑐᖅᑕᐅᕙᓪᓕᐊᓕᕐᓗᓂ ᑐᙵᕕᒋᔭᐅᓗᓂ ᓄᑖᖅ ᖃᐅᔨᒪᓂᖅᑕᖑᓯᒪᔪᖅ.

ᐅᑭᐅᖅᑕᖅᑐᒥ ᖃᐅᔨᒪᓂᕐᒧᑦ ᐱᓕᕆᔪᑦ POLAR−ᑯᑦ ᐃᑲᔪᖅᑐᐃᔪᑦ ᐅᑭᐅᖅᑕᖅᑐᒥ ᓄᓇᓕᖕᓂᑦ ᑐᑭᑖᕈᑎᖃᖃᑦᑕᓂᒃᑐᑦ ᓯᕗᓂᒃᓴᒧᑦ ᖃᓄᐃᖏᑦᑎᐊᖁᓪᓗᒋᑦ ᐱᕈᖅᐸᓪᓕᐊᑦᑎᐊᖁᓪᓗᒋᓪᓗ, ᑕᒪᓐᓇᐅᑎᓪᓗᒍ, POLAR−ᑯᑦ ᐃᑲᔪᖅᓯᓯᒪᓂᐊᖅᑐᑦ ᐃᑯᐱᕝᕕᓕᕆᓂᕐᒧᑦ. ᐊᖅᑯᑎᒋᓗᒍ ᑖᓐᓇ ᐱᓕᕆᐊᖓ ᖃᐅᔨᓴᕐᓂᕐᒧᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑦ 2020-2025, POLAR−ᑯᑦ ᑲᑎᑎᑦᑎᓂᐊᖅᐳᑦ ᐱᓕᕆᖃᑎᒌᓂᑦ ᖃᐅᔨᒪᔪᒻᒪᕆᖕᓂᒃ ᐋᖅᑭᒃᓱᐃᒐᔭᖅᖢᓂᑦ ᐱᔾᔪᑎᖃᑦᑎᐊᖅᑐᒥᒃ ᖃᐅᔨᒪᓂᕐᒥᒃ ᑲᒪᒐᔭᖅᖢᓂᑦ ᑭᖒᒪᒋᔭᐅᔪᓂᑦ ᐅᑭᐅᖅᑕᖅᑐᒥᐅᓄᑦ ᓇᓗᓇᐃᖅᑕᐅᓯᒪᔪᓂᒃ.

ᑭᓪᓕᓯᓂᐊᕐᓂᕐᒧᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑦ ᐊᖅᑯᑎᒋᔭᐅᕗᖅ POLAR−ᑯᑦ ᐸᕐᓇᒃᓯᒪᔭᖓᓄᑦ ᐸᕐᓇᐅᒻᒧᑦ ᐋᖅᑭᒃᓯᒪᓪᓗᓂᓗ ᐊᑐᓕᖁᔭᓕᐊᓄᑦ ᐸᕐᓇᐅᒻᒧᑦ ᑲᑐᔾᔨᖃᑎᒌᖑᑕᐅᓂᐊᕐᓗᓂ POLAR−ᑯᓐᓄᑦ ᓇᖕᒥᓂᖃᖃᑎᖏᑕᓗ. ᐊᑐᓕᖁᔭᓕᐊᓄᑦ ᐸᕐᓇᐅᑦ ᓇᓗᓇᐃᔭᐃᓯᒪᑦᑎᐊᕐᓂᖅᓴᖅ ᖃᓄᖅ POLAR−ᑯᑦ ᐱᓕᕆᖃᑎᖃᕈᒫᕐᓂᐊᕐᒪᖔᑕ ᓄᓇᖃᖅᑳᖅᓯᒪᔪᓂᑦ, ᖃᐅᔨᓴᕐᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᑕ ᒥᒃᓵᓄᑦ ᖃᐅᔨᒪᓕᑕᐅᔪᓂᑦ ᐋᖅᑭᒃᓱᕐᓂᐊᕐᓗᒍ ᓄᑖᖅ ᖃᐅᔨᒪᓂᖅ ᑭᖒᒪᒋᔭᐅᔪᖅ ᑐᐊᕕᕐᓇᑎᓪᓗᒍ ᑐᑭᓯᔭᐅᓂᐊᕐᒪᑦ ᐃᓕᑦᑐᖅᑕᐅᓗᓂᓗ ᓱᑲᔪᒥᑦ ᐊᓯᔾᔨᖅᐸᓪᓕᐊᓂᖓ ᐅᑭᐅᖅᑕᖅᑑᑉ. POLAR−ᑯᑦ ᑐᓂᓯᓂᐊᕐᓂᕋᖅᓯᒪᔪᑦ ᐅᑎᖅᑎᓪᓗᒍ ᖃᐅᔨᒪᔭᖅᑖᓂ ᐅᑭᐅᖅᑕᖅᑐᒥ ᓄᓇᓕᐅᔪᓄᑦ ᑐᑭᑖᕈᑎᖏᑕᓗ ᒥᒃᓵᓄᑦ ᕿᓚᒥᐅᔫᒥᔪᒥᒃ. ᓇᓗᓇᐃᔭᐅᑦ ᐃᒪᐃᓕᖓᕗᖅ ᐊᑖᓂ ᓇᓗᐃᖅᑕᐅᔪᑦ:

• ᓇᓗᓇᐃᖅᓯᒍᑎ: ᐊᑐᐃᓐᓇᐅᑎᑦᑎᔪᖅ ᓇᓗᓇᐃᖅᓯᒪᔪᒥᒃ ᓇᓗᓇᐃᔭᐅᑎᐅᑉ ᒥᒃᓵᓄᑦ
• ᐃᓗᓕᖓ, ᐊᑐᖅᑕᐅᒍᓐᓇᕐᓂᖓ ᐊᑐᓕᖅᑕᐅᖁᔭᐅᓂᖓᓗ: ᕿᒥᕐᕈᓂᖅ ᑲᒪᔨᐅᔪᑦ ᒥᒃᓵᓄᑦ ᐊᖅᑭᒃᓱᐃᓂᕐᒧᑦ ᓇᓗᓇᐃᔭᐃᑎᒥᑦ, ᐊᑐᖅᑕᐅᒍᓐᓇᕐᓂᖓᓂᒃ, ᐅᖃᐅᓯᖃᕆᓪᓗᓂᓗ ᖃᓄᖅ ᖃᐅᔨᒪᓂᖅᑖᖅ ᑲᑐᔾᔨᖃᑎᒌᒍᑕᐅᓂᐊᕐᓂᖓᓂᒃ ᓴᖅᑭᑕᐅᓗᓂ ᓄᓇᖃᖅᑲᖅᓯᒪᔪᓄᑦ ᓇᖕᒥᓂᖃᖃᑎᒌᓄᑦ
• ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑦ: ᐅᖃᐅᓯᓕᒃ ᖃᐅᔨᓴᕐᓂᐊᕐᓂᕐᒧᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑦ ᐊᑐᕐᓗᓂᒋᑦ ᐱᖓᓱᑦ ᑐᕌᒐᕆᔭᐅᔪᑦ ᑕᒪᑐᒧᖓᓕᖓᔪᓪᓗ ᐃᓱᒪᒋᔭᐅᔪᑦ.

ᑐᕌᒐᕆᔭᐅᔪᑦ

ᑐᕌᒐᖅ ᓯᕗᓪᓕᖅ

ᐱᐅᓯᑎᒋᐊᕐᓗᒍ ᖃᐅᔨᒪᓂᖅ ᐅᑭᐅᖅᑕᖅᑐᒥ ᓄᓇᒥᐅᑕᕐᓂᑦ, ᐃᒪᕐᒥᐅᑕᓂᑦ ᑕᕆᐅᕐᒥᑕᓂᓪᓗ ᐆᒪᔪᓂ ᓇᔪᒐᖃᑎᒌᖕᓂᖏᑦ ᓯᓚᖃᑎᒌᖕᓂᖏᑦ ᓱᒃᑲᔪᒥᒃ ᐊᓯᔾᔨᖅᐸᓪᓕᐊᓂᖏᑦ

ᑐᕌᒐᖅ ᑭᖑᓪᓕᖅ

ᑐᑭᓯᓐᓇᖅᑎᑎᒃᑲᓂᕐᓗᒍ ᐊᒃᑐᐊᖃᑎᒌᑦ ᑖᒃᑯᓇᓂ ᐅᑭᐅᖅᑕᖅᑐᒥ ᖃᓄᐃᖏᑦᑎᐊᕆᐊᖃᕐᓂᖅ ᐊᕙᑎᐅᓪᓗ ᐃᓗᓯᖓ

ᑐᕌᒐᖅ ᐱᖓᔪᐊᑦ

ᑲᔪᓯᑎᒋᐊᒃᑲᓂᕐᓗᒍ ᐃᑯᐱᕝᕕᓕᕆᓂᒃᑯᑦ ᐆᒻᒪᖅᑯᑎᖃᕐᓂᖅ, ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᑦ ᐊᒻᒪ ᓴᓇᖃᑦᑕᕐᓂᕐᒧᑦ ᖃᓄᐃᒋᐊᕐᕈᑕᐅᒍᓐᓇᖅᑐᑦ ᐊᕙᑎᒧᑦ, ᐃᓅᓇᓱᐊᕐᓂᖅ ᐱᖅᑯᓯᕐᒧᓪᓗ ᐃᓅᓯᐅᔪᑦ ᐅᑭᐅᖅᑕᖅᑐᒥ

ᐅᑭᐅᖅᑕᖅᑐᒥ ᖃᐅᔨᒪᓂᐅᑉ ᑲᓇᑕᒥ ᒥᒃᓵᓄᑦ

ᐃᑯᐱᕝᕕᓕᕆᓂᒃᑯᑦ ᓯᕗᓂᒃᓴᖃᕐᓂᕐᒥᑦ ᑕᓯᐅᖅᑕᐅᓪᓗᓂ ᖃᐅᔨᒪᓂᒃᑯᑦ ᑲᑐᔾᔨᖃᑎᒌᓐᓂᑯᓪᓗ

POLAR−ᑯᑦ ᒐᕙᒪᑐᖃᒃᑯᑎᒍᑦ ᓴᖅᑭᖅᑎᑕᒥᓂᖅ 2015−ᖑᑎᓪᓗᒍ ᒪᓕᒃᖢᒍ ᑲᓇᑕᒥ ᖁᑦᑎᒃᑐᒧᑦ ᐅᑭᐅᖅᑕᖅᑐᒧᑦ ᖃᐅᔨᓴᕐᕕᖕᒥ ᐱᖁᔭᕐᒧᑦ ᐊᐅᓚᑦᑎᖁᓪᓗᒋᑦ ᐃᑲᔪᖅᑐᐃᓗᑎᓪᓗ ᓈᒻᒪᒃᑐᒧᑦ ᐅᑭᐅᖅᑕᕐᓂᖓᓄᑦ ᓯᓚᕐᔪᐊᒥᓗ ᖃᐅᔨᒪᓂᐅᔪᒃᑯᑦ ᓴᖅᑭᖅᓯᒪᔪᑎᒍᑦ. ᑕᑯᓐᓇᙳᐊᖅᑕᖓᑦ− ᐃᑯᐱᕝᕕᓕᕆᓂᒃᑯᑦ ᓯᕗᓂᒃᓴᖃᕐᓂᕐᒥᑦ ᑕᓯᐅᖅᑕᐅᓗᓂ ᖃᐅᔨᒪᓂᒃᑯᑦ ᑲᑐᔾᔨᖃᑎᒌᖕᓂᑯᓪᓗ – ᑐᑭᒧᐊᖅᑎᑕᖅ ᐊᑐᕆᐊᖃᖅᑕᖓᓄᑦ, ᑲᔪᓯᑎᓪᓗᒍ ᐊᐅᓚᑕᐅᓗᓂᓗ ᖃᐅᔨᒪᓂᕐᒧᑦ ᐅᑭᐅᖅᑕᖅᑐᓂ ᓄᓇᐅᔪᓂ ᐊᕕᒃᑐᖅᑕᐅᓯᒪᔪᓂ ᓯᕗᓕᕐᓂᒃᑯᑦ, ᓇᖕᒥᓂᖃᖃᑎᒌᓐᓂᒃᑯᑦ ᖃᑐᔾᔨᖃᑎᒌᓂᑯᓪᓗ ᐅᑭᐅᖅᑕᖅᑐᒥ ᖃᐅᔨᓴᕐᓂᐊᕐᓂᒃᑯᑦ ᓴᓇᕐᕈᑎᑎᒍᓪᓗ ᐊᑑᑎᖏᑕ ᖃᐅᔨᒪᔭᐅᓂᖏᑎᒍᑦ.

POLAR−ᑯᑦ ᑎᓕᔭᐅᔾᔪᑎᒋᓯᒪᔭᖓ ᐱᖃᓯᐅᑎᔪᖅ ᑲᔪᓯᑎᓪᓗᒍ ᖃᐅᔨᒪᓂᖅ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ ᐋᖅᑭᒋᐊᖅᑕᐅᖁᓪᓗᒋᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕕᒋᓇᓱᐊᕐᕕᒃᓴᐅᔪᑦ, ᐊᕙᑎᒥᑦ ᑲᒪᑦᑎᐊᕐᓂᖅ ᐃᓄᐃᓪᓗ ᐃᓅᓯᖓᑕ ᐊᓐᓂᕐᓇᕐᓂᖓ ᑲᓇᑕᐅᒥᑕᐃᑦ. POLAR−ᑯᑦ ᐃᓕᓴᖅᓯᔪᑦ ᐊᑑᑎᖃᕐᓂᖓᓂᒃ ᐊᖅᑭᒃᓱᐃᓂᒃᑯᑦ ᖃᐅᔨᓴᐅᑎᒥᓃᑦ ᒪᓕᒃᖢᒋᑦ ᐅᖃᐅᑎᒋᐊᖅᑕᐅᖃᑦᑕᕐᓂᕐᒥᑎᒍᑦ ᑐᓴᖅᑎᑦᑎᒍᑎᖏᑎᒍᑦ ᓇᓗᓇᖏᖦᖢᑎᒍᑦ ᑐᑭᑖᕈᑎᖃᕆᐊᖃᓕᕋᐃᖕᒪᑕ, ᑕᒪᓐᓇᓗ ᑲᔪᖏᖅᓴᐃᒍᑎᒋᓪᓗᓂᔾᔪᒃ. ᑕᒪᒃᑯᐊ ᐊᑐᖅᑕᐅᔪᑦ ᐃᖅᑲᓇᐃᖅᑕᐅᕙᒃᑐᑦ ᐱᕈᖅᐸᓪᓕᐊᑎᑦᑎᓂᒃᑯᑦ ᐊᒥᖅᑲᐅᔾᔨᓂᒃᑯᓪᓗ ᖃᐅᔨᒪᓂᕐᒥᓐᓂᒃᑯᑦ ᐊᓯᖏᑕ ᐅᑭᐅᖅᑕᖅᑐᒥᐅᑕᐃᑦ, ᐱᖃᓯᐅᔾᔨᖦᖢᒍᑦ ᓄᓇᕐᔪᐊᑉ ᑲᔾᔨᖓ.

ᑎᓕᔭᐅᔾᔪᑎᒋᓯᒪᔭᖓᑕ ᐃᓚᒋᓪᓗᓂᐅᒃ, POLAR−ᑯᑦ ᐱᔭᒃᓴᖃᖅᐳᑦ ᓴᙱᑦᑎᒋᐊᕐᓗᒍ ᑲᓇᑕᐅᑉ ᓯᕗᓕᕐᓂᖓ ᐅᑭᐅᖅᑕᖅᑐᒥ ᐃᒫᓘᑎᒋᔭᐅᔪᑦ ᐱᔾᔪᑎᒋᓪᓗᒋᑦ. POLAR−ᑯᑦ ᐃᑲᔪᕈᑎᖃᖅᐸᒃᐳᑦ ᖃᐅᔨᓴᕐᓂᒃᑯᑦ ᓴᓇᕐᕉᑎᑦ ᐊᑐᑎᖃᕐᓂᖏᑕ ᖃᐅᔨᒪᔭᐅᓂᖏᓂᖏᑎᒍᓪᓗ ᐃᓕᓐᓂᐊᑎᑦᑎᒍᑎᒋᓪᓗᓂᔾᔪᒃ, ᐊᐅᓚᑦᑎᕕᖕᒥᓐᓂ ᑲᓇᑕᐅᒥ ᖁᑦᑎᒃᑐᒥ ᐅᑭᐅᖅᑕᖅᑐᒥ ᖃᐅᔨᓴᕐᕕᒻᒥ (CHARS) ᓯᓚᒃᑐᓴᕐᕕᒃ ᐃᖃᓘᑦᑑᑦᑎᐊᕐᒥ, ᓄᓇᕗᑦ.

ᑲᓇᑕᒥ ᖁᑦᑎᒃᑐᒥ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᐱᓕᕆᕕᐅᑉ ᒥᒃᓵᓄᑦ

ᑲᓇᑕᒥ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᐱᓕᕆᕝᕕᒃ ᓯᓚᕐᔪᐊᒥ-ᓯᕗᓪᓕᐅᓂᕋᖅᑐᖅ ᐊᐅᓚᑦᑎᑎᓂᐊᕐᓂᕐᒧᑦ ᐃᓂᒋᔭᐅᓪᓗᓂᓗ ᖃᐅᔨᓴᕐᓂᕐᒧᑦ, ᑭᓪᓕᓯᓂᐊᕐᓂᕐᒧᑦ ᖃᐅᔨᒪᓂᕐᒧᓪᓗ ᐊᐅᓚᑦᑎᕕᒃ. ᐊᑐᖅᑕᐅᒋᐊᖃᓪᓚᕆᒃᑐᖅ ᑲᑐᔾᔨᖃᑎᒌᓐᓂᕐᒧᑦ ᓄᓇᕗᒻ ᕿᑎᕐᒥᐅᓄᑦ, ᑕᓐᓇ ᐃᓕᓐᓂᐊᕐᕕᒃ ᑐᙵᓱᒃᑎᑦᑎᔪᖅ ᖃᐅᔨᓴᖅᑎᓂᑦ ᓄᓇᕐᔪᐊᒦᖔᖅᓯᒪᔪᓂᑦ ᓯᓚᕐᔪᐊᒥ ᐃᖅᑲᓇᐃᔭᖃᑎᖃᕐᓂᐊᕐᒪᑕ ᕿᑎᕐᒥᐅᓂ ᖃᐅᔨᒪᔪᓂᑦ ᑐᑭᓯᓇᖅᓯᑎᑦᓯᐊᕐᓗᑎᒃ ᕿᑎᕐᒥᐅᑦ ᓄᓇᖏᑕ ᒥᒃᓵᓄᑦ ᖃᓄᕐᓗ ᐊᓯᔾᔨᖅᐸᓪᓕᐊᒻᒪᖔᖅ.

ᐃᓗᓕᖓ, ᐊᑐᖅᑕᐅᒍᓐᓇᕐᓂᖓ ᐊᑐᓕᖅᑕᐅᖁᔭᐅᓂᖓᓗ

ᐋᖅᑮᓂᖅ ᐃᓗᓕᖏᓐᓂᑦ ᓇᓗᓇᐃᖅᑕᐅᓯᒪᔫᑉ

ᐊᒥᓲᕗᑦ ᐱᓕᕆᔪᑦ ᑖᔅᓱᒪ ᐱᕙᓪᓕᐊᑎᑕᐅᓂᖓᓂᒃ ᖃᐅᔨᓴᕐᓂᖅ ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐃᑎᖑᑉ, ᐱᖃᓯᐅᑎᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ, ᑐᑭᓯᐅᒪᔭᐅᒋᐊᖃᕐᓂᖓ, ᐊᒻᒪ ᐱᕙᓪᓕᐊᓂᖓᑕ ᒐᕙᒪᐅᑉ ᐊᑐᐊᒐᖓ. ᐃᓚᖏᑦ, ᐊᑕᖏᖅᖢᑎᒃ ᑲᒪᕙᒃᑐᑦ ᑕᒪᔅᓱᒧᖓ ᑕᐃᔭᐅᔪᑦ ᑕᑲᓇᓂ ᐊᑖᓂ ᑎᑎᕋᖅᓯᒪᔪᓂ.

• ᓯᓚᐅᑉ ᓂᕈᒥᓐᓂᖓ ᑲᓇᑕᐅᑉ ᐅᑭᐅᖅᑕᖅᑐᖏᓐᓂ ᓂᕈᒥᒃᓯᕙᓪᓕᐊᕗᖅ ᓱᒃᑲᔪᒥᒃ ᒪᕐᕈᐃᖅᓱᓪᓗᐊᖅᑐᒥᒃ ᓯᓚᐅᑉ ᓂᕈᒥᓐᓂᖓᑕ². ᑕᒪᒃᑯᐊ ᐅᕕᕐᓂᐅᔪᑦ ᐊᑦᑐᐃᔪᑦ ᐃᓅᓯᖃᕈᓯᕐᒥᑦ, ᐱᖅᑯᓯᕐᒥᒃ ᐊᒻᒪ ᑮᓇᐅᔭᓕᐅᕋᓱᐊᕐᓂᕐᒧᑦ ᐅᑭᐅᖅᑕᖅᑐᒥ ᓄᓇᓕᐅᔪᓂᑦ, ᐊᒃᑐᖅᑕᐅᓗᑎᓪᓗ ᓂᕐᔪᑏᑦ, ᐃᓪᓗᐃᑦ ᐋᖅᑭᒃᓯᒪᓂᖏᑦ, ᑎᒥᐅᑉ ᐃᓗᓯᖓ, ᐳᓚᕋᖅᑐᓕᕆᓂᖅ, ᐅᓯᖃᑦᑕᕐᓂᕐᓗ ᐅᒥᐅᕐᔪᐊᒃᑯᒃ ᐊᑦᑕᕐᓇᖏᑦᑐᒦᒋᐊᖃᕐᓂᒥᓪᓗ.
• ᑲᔪᓯᑎᑕᐅᕋᑖᖅᓯᒪᔪᑦ ᑲᓇᑕᒥ ᓲᕐᓗ ᓱᓕᓂᕐᒧᑦ ᑭᓪᓕᓯᓂᐊᕐᓂᖅ ᑎᓕᔭᐅᔾᔪᑎᒋᓯᒪᔭᖓ ᐊᐅᓚᔾᔭᐃᓂᕐᒧᑦ, 2018−ᒥ ᐊᑐᐊᒐᐃᑦ ᐃᖅᑲᐃᔭᕆᐊᓖᑦ ᒐᕙᒪᖓᑕ ᑲᓇᑕᐅᑉ ᐱᓕᕆᖃᑎᖃᕐᓂᖓᓂᑦ ᓄᓇᖃᖅᑳᖅᓯᒪᔪᓄᑦ ᐊᒻᒪ ᐃᓕᓴᖅᓯᓂᐅᑉ ᐊᑐᓕᖅᑎᑕᐅᓯᒪᓂᖓᓂᖓᓗ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᑕ ᓇᓗᓇᐃᖅᑕᐅᓯᒪᓂᖓᓂᒃ ᓯᕗᒃᑲᖦᖤᖅᐳᑦ ᐊᓯᔾᔩᖅᐸᓪᓕᐊᓂᕐᒧᑦ ᐱᓕᕆᖃᑎᖃᕐᓂᕐᒥᑦ ᓄᓇᖃᖅᑲᖅᓯᒪᔪᓂᑦ ᐃᑲᔪᖅᑐᖅᖢᒍ ᑐᑭᓯᐅᒪᖃᑎᒌᒃᑎᐊᕆᐊᖃᕐᓂᖅ.
• ᒐᕙᒪᖓ ᑲᓇᑕᐅᑉ ᑮᓇᐅᔭᖃᖅᑎᑦᑎᓂᐊᖅᐳᖅ $3.8 ᒥᓕᐊᓂᑦ³ ᐸᕐᓇᑦᑕᐅᓯᒪᓂᐊᕐᒪᑦ ᐸᕐᓴᐅᑦ ᓇᓗᓇᐃᖅᑕᐅᖁᓪᓗᒋᑦ ᖃᓄᖅ ᖃᐅᔨᓴᕐᓂᖅᑕᖃᕆᐊᖃᕐᒪᖔᖅ ᓄᓇᖃᖅᑲᖅᓯᒪᔪᑦ ᓄᓇᓕᖏᓐᓂᑦ ᑲᔪᓯᑎᑕᐅᑦᑎᐊᖁᓪᓗᒍ ᑐᑭᓯᐅᒪᑦᑎᐊᕐᓂᖅ.
• ᐃᑲᔪᖅᑐᖅᖢᒍ ᐊᑐᓕᖅᑎᑕᐅᓂᖓ ᐅᑭᐅᖅᑕᖅᑐᒥ ᐊᒻᒪ ᐅᑭᐅᖅᑕᖅᑐᒧᑦ ᐊᑐᐊᒐᐅᑉ ᓇᓗᓇᐃᔭᖅᑕᐅᓯᒪᓂᖓ.
• ᒐᕙᒪᖓ ᑲᓇᑕᐅᑉ ᖃᐅᔨᓴᕐᓂᐊᕐᓂᕐᒧᑦ ᑕᑯᓐᓇᙳᐊᖅᑕᖓ, ᑮᓇᐅᔭᓂᑦ ᑕᒪᑐᒧᖓᓕᖓᔪᓂᑦ $10 ᐱᓕᐊᓂᑦ⁴ ᑕᒪᑐᒧᖓᓕᖓᔪᖅ 2016−ᒥᓂᑦ ᓴᙱᑦᑎᒋᐊᒃᑲᓐᓂᕈᒪᓪᓗᒍ ᖃᐅᔨᓴᕐᓂᐊᕐᓂᖅ, ᐃᑲᔪᖅᑐᐃᓂᖅ ᓇᓗᓇᖏᑦᑐᓂᑦ-ᖃᐅᔨᔭᐅᓯᒪᔪᓂᑦ ᑐᑭᑖᕈᑕᐅᓂᐊᖅᑐᓂᑦ ᑲᒪᒋᑦᑎᐊᕐᓗᒍᓗ ᐱᖅᑯᓯᕐᒥᑦ ᖃᐅᔨᒍᒪᓂᖅ ᐊᖅᑭᒃᑎᐊᖅᓯᒪᓂᖏᓪᓗ ᑕᒪᒃᑯᐊ ᑲᓇᑕᒥ.
• ᒐᕙᒪᖓᑕ ᑲᓇᑕᐅ 2018-2020−ᒧᑦ ᑲᓇᑕᒥ ᐊᐅᓚᑦᑎᒋᐊᕆᐊᖃᕐᓂᕐᒧᑦ ᐸᕐᓇᐅᑦ ᒪᑐᐃᖓᔪᓂ ᒐᕙᒪᒥ “ᑭᒡᒐᖅᑐᐃᕗᖅ ᐊᐅᓚᑦᑎᒐᓱᐊᑦᑎᐊᓂᕐᒧᑦ ᑲᑐᔾᔨᖃᑎᒌᓪᓗᑎᒃ-ᓴᖅᑭᑎᑦᑎᓂᕐᒧᑦ ᐱᕙᓪᓕᐊᑎᓪᓗᒍᓗ ᐊᖅᑭᒃᓱᐃᒍᔾᔨᓂᖅ ᐊᑑᑎᖃᑦᑎᐊᖅᑎᓪᓗᒋᓪᓗ ᐊᐅᓚᔾᔭᒋᐊᕈᑏᑦ ᐊᑐᐊᒐᐅᔪᓪᓗ ᒐᕙᒪᒧᑦ.”⁵
• 2018 ᐅᑭᐅᖅᑕᖅᑐᒧᑦ ᑲᑎᒪᔩᑦ ᐊᖏᖃᑎᒌᒍᑎᖓ ᑲᔪᓯᑎᑦᑎᐊᕐᓗᒍ ᐅᑭᐅᖅᑕᖅᑐᒥ ᖃᐅᔨᓴᕐᓂᐊᕐᓂᕐᓄᑦ ᑲᑐᔾᔨᖃᑎᒌᓐᓂᖅ “ᑲᔪᙱᖅᓴᐃᕗᖅ ᑎᒍᒥᐊᖅᑎᐅᔪᓂᑦ ᐱᖅᑯᓯᑐᖃᒃᑯᑦ ᓄᓇᓕᐅᖃᑕᐅᔪᓪᓗ ᖃᐅᔨᒪᓂᖏᓐᓂᑦ ᐱᖃᑕᐅᖁᓪᓗᒋᑦ ᖃᐅᔨᓴᕐᓂᐊᕐᓂᕐᒧᑦ ᖃᐅᔨᓴᕐᓂᐅᔪᓂ ᒪᓕᓪᓗᒍ ᐊᖏᖃᑎᒌᒍᑦ.”⁶
• ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ (ITK) 2018 ᑲᓇᑕᒥ ᐃᓄᐃᑦ ᐸᕐᓇᐃᓂᕐᒧᑦ ᖃᐅᔨᓴᕐᓂᕐᒨᖓᓕᖓᔪᓂᑦ ᓇᓗᓇᐃᔭᐃᕗᖅ “ᓇᖕᒥᓂᖃᖃᑎᒌᕝᕕᐅᒋᐊᓕᖕᓂᒃ ᐊᐅᓚᔾᔭᐃᒍᑕᐅᓪᓗᑎᓪᓗ ᓴᙱᑎᒋᐊᕐᓗᒍ ᐊᒃᑐᐃᓂᖓ ᐊᑑᑎᖃᕐᓂᖓᓗ ᐃᓄᐃᑦ ᓄᓇᖓᑦ ᖃᐅᔨᓴᖅᑕᐅᓂᖓᓄᑦ ᐃᓄᖕᓄᑦ.”⁷
• POLAR−ᑯᑦ 2018 ᐅᑭᐅᖅᑕᖅᑐᒥ ᐃᓪᓗᓕᕆᓂᕐᒧᑦ ᑲᑎᒪᓂᕐᒥ, ᓴᖅᑮᔪᒥᓂᑦ ᐊᑑᑎᓕᖕᒥᒃ ᐅᖃᖃᑎᒌᖕᓂᒃᑯᑦ ᖃᐅᔨᒪᓕᖅᑕᐅᔪᓂᑦ ᐅᑭᐅᖅᑕᖅᑐᒥ ᐃᓪᓗᓕᕆᓂᕐᒧᑦ ᐃᓚᖃᖅᖢᑎᒃ ᓄᓇᓕᖕᒥ ᑲᑎᒪᓕᐅᖃᑕᐅᔪᓂᑦ, ᑲᑎᒪᔾᔪᑎᖃᖅᖢᑎᒃ ᓇᓗᓇᐃᔭᐃᓪᓗᑎᒃ ᖃᓄᐃᒋᐊᕈᑕᐅᒍᓐᓇᖅᖢᓂᑦ ᐊᑐᓕᖁᔭᓕᐊᓂᓪᓗ ᑲᑎᒪᐅᑕᐅᓪᓗᓂ ᖃᐅᔨᒪᔭᐅᑦᑎᐊᖅᑐᑦ ᐅᑭᐅᖅᑕᖅᑐᒥ ᐃᓪᓗᖃᕐᓂᐅᑉ ᒥᒃᓵᓄᑦ ᐊᒃᓱᕈᕈᑕᐅᖃᑦᑕᖅᑐᓂᒃ.
• ᒪᓕᓪᖢᒍ ᑲᓇᑕᒥ ᖁᑦᑎᒃᑐᒥ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᖃᐅᔨᓴᕐᓂᐊᕐᓂᕐᒧᑦ ᐱᖁᔭᖅ, ᐊᖓᔪᖅᑳᖓᑕ POLAR−ᑯᑦ ᐱᔭᒃᓴᕆᕚ ᑐᓂᓯᓗᓂ ᑲᑎᒪᔨᓄᑦ ᐊᖏᖅᑕᐅᖁᓪᓗᒍ ᖃᐅᔨᓴᕐᓂᐊᕐᓂᕐᒧᑦ ᐊᒻᒪ ᓴᓇᕐᕈᑏᑦ ᐊᑑᑎᖃᕐᓂᖏᑕ ᖃᐅᔨᒪᔭᐅᓂᖏᓐᓄᑦ ᐸᕐᓇᐅᑦ ᐊᕐᕌᒍ 2020 ᒥᒃᓯᖓᓂ.

POLAR-ᑯᑦ ᐃᓚᓕᐅᑎᔭᖓ ᐃᓚᓕᐅᑎᔭᕆᐊᓕᒃ: ᐱᖃᑕᐅᑎᑦᑎᓂᖅ ᐊᒻᒪ ᑲᑐᔾᔨᖃᑎᒌᓐᓂᖅ

POLAR−ᑯᑦ ᖃᐅᔨᒪᔭᒥᓐᓂᑦ ᐊᑯᓐᓂᖃᕐᕕᐅᔪᓂ ᑐᓂᓯᓂᐊᖅᐳᑦ ᖃᐅᔨᒪᓂᕐᒥᓐᓂᒃ ᐱᓕᕆᖃᑎᒌᒋᐊᖃᕐᓂᐅᑉ ᐊᒻᒪ ᐊᒥᖅᑲᐅᔾᔨᒋᐊᖃᕐᓂᐅᑉ ᑐᓴᐅᒪᔭᐅᔪᑦ ᒥᒃᓵᓄᑦ. ᑕᒪᓐᓇ ᑲᑐᔾᔨᖃᑎᒌᓐᓂᖅ, ᐅᖃᐅᔾᔨᒋᐊᕈᑎᒋᓗᒍ ᐋᖅᑭᒃᓯᒪᓂᖓ ᑐᕌᖅᑕᖓᑕ ᑲᓇᑕᒥ ᖁᑦᑎᒃᑐᒥ ᐅᑭᐅᖅᑕᖅᑐᒥ ᖃᐅᔨᓴᕐᓂᒃᑯᑦ ᖃᐅᔨᓴᕐᓂᐊᕐᓂᒃᑯᑦ ᐱᓕᕆᕕᖓ ᐃᓕᓐᓂᐊᕐᕕᒃ ᐊᒻᒪ ᑕᐅᖅᓰᓂᒃᑯᑦ ᐊᖅᑯᑎᒋᓗᒍ POLAR−ᑯᑦ ᑲᔪᓯᑎᑦᑎᓂᐊᖅᐳᖅ ᐊᐅᓚᑕᐅᓗᓂᓗ ᐅᑭᐅᖅᑕᖅᑐᒥ ᖃᐅᔨᒪᓂᖅ.

POLAR−ᑯᑦ ᓴᖅᑭᑎᑦᑎᓂᐊᖅᐳᖅ ᑐᓴᐅᒪᔾᔪᑎᒃᓴᓂᒃ ᖃᐅᔨᓯᒪᔭᒥᓐᓂᑦ ᐅᖃᐅᔾᔭᐅᖃᑦᑕᕐᓂᒃᑯᑦ, ᐱᖃᓯᐅᔾᔨᓪᓗᓂ ᓄᓇᖃᖅᑲᖅᓯᒪᔪᑦ ᖃᐅᔨᒪᓂᖏᓐᓂᑦ, ᐊᑐᖅᑕᐅᒍᓐᓇᕐᓂᐊᕐᒪᑕ ᖃᐅᔨᔭᐅᓯᒪᔪᑦ ᐱᕕᖃᖅᑎᑦᑎᔪᑦ ᐊᑐᐊᒐᓕᐅᖅᐸᒃᑐᓂᑦ ᖃᐅᔨᒪᔭᐅᔪᓂᒃ ᓇᓗᓇᙱᑦᑐᓂᑦ−ᑐᙵᕕᓕᓐᓂᒃ ᑐᑭᑖᕈᑎᖃᕆᐊᖃᖅᑐᖃᓕᕋᐃᖅᐸᑦ.

ᐊᑐᖅᑕᐅᒍᓐᓇᕐᓂᖓ ᐊᑐᓕᖅᑕᐅᖁᔭᐅᓂᖓᓗ ᓇᓗᓇᐃᖅᑕᐅᓯᒪᓂᖓᑕ

ᓇᓗᓇᐃᖅᑕᐅᓯᒪᔪᖅ ᐱᖃᓯᐅᔾᔨᓯᒪᔪᖅ ᓱᐱᔾᔪᓯᕐᒥᒃ ᐊᒻᒪ, ᐱᕙᓪᓕᐊᑐᐃᓐᓇᖅᑐᒥᒃ ᐃᓅᓯᖃᕈᓯᐅᑉ ᖃᐅᔨᓴᓂᐊᖅᑕᐅᓂᖏᓐᓂᒃ ᐅᑭᐅᖅᑕᖅᑐᒥ. ᑕᒪᓐᓇ ᓇᓗᓇᐃᖅᑕᐅᓯᒪᔪᖅ ᓇᓗᓇᐃᑎᑦᑎᖏᒪᑦ, ᐊᑑᑎᖃᕐᓂᖅᓴᒥᒃ -ᐊᖅᑭᒋᐊᕈᑎᓂᒃ ᑐᕌᖅᑐᓂᒃ ᐱᔾᔪᓯᕐᒧᑦ ᖃᐅᔨᓴᕐᓂᐊᕐᓂᐅᔪᓄᑦ ᓄᓇᐅᔪᓄᑦ ᐊᕕᒃᑐᖅᑕᐅᓯᒪᔪᓄᑦ ᑲᓇᑕᒥ ᖁᑦᑎᒃᑐᒧᑦ ᐊᑭᐅᖅᑕᖅᑐᒧᑦ ᖃᐅᔨᓴᕐᓂᕐᒧᑦ ᐃᓕᓐᓂᐊᕕᖕᒧᑦ, ᑕᐃᔭᐅᕙᒃᑐᖅ CHARS−ᑯᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᕕᒃ (ERA). ᑕᒪᓐᓇ ᖃᐅᔨᓴᕐᕕᐅᔪᖅ ᐱᖃᓯᐅᔾᔨᔪᖅ ᓄᓇᓕᖏᓐᓂᑦ ᐅᓗᖅᓴᖅᑑᖅ, ᖁᕐᓗᖅᑐᖅ, ᐃᖃᓗᒃᑑᑦᑎᐊᖅ, ᐅᖅᓱᖅᑑᖅ, ᑕᓗᕐᔪᐊᖅ ᐊᒻᒪ ᑰᒑᕈᖅ.

ᓇᓗᓇᐃᖅᑕᐅᓯᒪᔪᖅ ᐱᖃᓯᐅᑎᓯᒪᔪᖅ POLAR−ᑯᑦ ᖃᐅᔨᒪᓂᕐᒧᑦ ᓴᖅᑭᑎᑕᒥᓂᖓᓂᒃ ᐊᒻᒪ ᐊᐅᓚᔾᔭᒋᐊᕐᓂᕐᒧᑦ ᑐᑯᒪᔪᓂᒃ. ᑕᒪᒃᑯᐊ ᐱᓕᕆᓂᐅᔪᑦ ᐃᑲᔪᖅᑐᑦ ᐊᕙᑎᖃᕐᓂᕐᒥᒃ ᑕᒪᒃᑮᓐᓄᑦ ᓄᓇᖃᖅᑲᖅᓯᒪᔪᑦ ᖃᐅᔨᒪᓂᖏᓐᓂᑦ ᖃᐅᔨᓴᕐᓂᐊᕐᓂᑯᓪᓗ ᖃᐅᔨᔭᐅᓯᒪᔪᓂᒃ ᑕᒪᒃᑯᐊ ᑲᒪᒋᔭᐅᒍᓐᓇᖁᓪᓗᒋᑦ ᐅᑭᐅᖅᑕᖅᑐᒥ.

ᓇᓗᓇᐃᖅᑕᐅᓯᒪᔪᖅ ᕿᒥᕐᕈᔭᐅᓴᕋᐃᖃᑦᑕᓂᐊᖅᑐᖅ ᐊᕐᕌᒍᑦ ᑕᓪᓕᒪᑦ ᐊᓂᒍᕋᓱᐊᕐᓂᖏᓐᓂ ᑲᔪᓯᑦᑎᐊᖁᓪᓗᒍ ᑕᒪᓐᓇ, ᐋᖅᑭᒋᐊᕈᑎᒋᕙᒡᓗᒋᑦ ᐃᓕᑕᐅᔪᑦ ᒪᓕᓪᖢᒋᑦ, ᐋᖅᑭᒋᐊᖅᑕᐅᕙᓪᓗᑎᒡᓗ POLAR−ᑯᑦ ᐋᖅᑭᓱᖅᓯᒪᔭᖏᑦ ᐊᐅᓚᑕᐅᑦᑎᐊᖁᓪᓗᒍ ᖃᐅᔨᒪᓂᖅᑖᖑᖅᓯᒪᔪᖅ.

ᖃᓄᖅ ᓇᓗᓇᐃᖅᑕᐅᓯᒪᓂᖓ ᐱᕙᓪᓕᐊᔭᐅᓐᓂᕐᒪᖔᖅ

ᓯᕗᓪᓕᖅᐹᒥ ᐱᒋᐊᖅᑕᐅᓯᒐᒥ, POLAR−ᑯᑦ ᕿᒥᕐᕈᓂᕐᒥᑦ ᐊᐅᓚᑦᑎᔪᕕᓃᑦ ᐅᖃᐅᓯᐅᓯᒪᔪᓂᒃ ᕿᒥᕐᕈᖅᖢᑎᒃ ᐅᑭᐅᖅᑕᖅᑐᒥ ᖃᐅᔨᓴᕈᑕᐅᔪᒥᓂᕐᓂᒃ ᓯᕗᓪᓕᐅᔾᔭᐅᓯᒪᔪᓂᒃ ᐸᕐᓇᐅᑎᓕᐊᖑᓯᒪᔪᓂᓪᓗ. POLAR−ᑯᑦ ᐊᓱᐃᓪᓛᒃ ᐱᖃᑕᐅᕕᖃᓕᖅᑐᕕᓃᑦ ᐅᑭᐅᖅᑕᖅᑐᒥᐅᑕᓂᑦ (ᓄᓇᖃᖅᑲᖅᓯᒪᔪᓂᒃ ᐊᒻᒪ ᐅᑭᐅᖅᑕᖅᑐᒥ ᑎᒥᐅᔪᓂᑦ ᒐᕙᒪᓂᓪᓗ, ᐱᖃᓯᐅᑎᒃᖢᒋᑦ ᐃᓕᓐᓂᐊᓂᕐᕖᑦ ᑕᒪᑐᓄᖓᓕᖓᔪᑦ) ᐊᓯᖏᓪᓗ ᑲᓇᑕᒥᐅᑕᐃᑦ ᓇᓗᓇᐃᕈᒪᓪᓗᒋᑦ ᐊᑯᓐᓂᕋᕈᑕᐅᓂᖅᐹᑦ ᐅᑭᐅᖅᑕᑐᒥ, ᐃᓄᐃᑦ ᖃᐅᔨᓴᖅᑕᐅᒍᑎᒋᓯᒪᔭᖏᑦ ᐱᖃᓯᐅᔾᔨᔪᑦ ᐆᒻᒪᖅᑯᑎᓕᕆᓂᕐᒥᒃ, ᐊᑦᑕᕐᓗᑯᓂᒃ, ᐃᒥᕐᒥᒃ ᐊᑐᖅᑕᐅᒍᓐᓃᖅᓯᒪᔪᒥ ᐃᓗᓕᐅᖃᑦᑕᕐᓂᕐᒥᓪᓗ, ᖃᐅᔨᓴᖅᑕᐅᓪᓗᑎᒃ ᐆᒃᑐᕋᖅᑕᐅᖃᖃᑦᑕᖅᖢᑎᒡᓗ. POLAR−ᑯᑦ ᑐᓴᖅᑐᕕᓃᑦ ᐱᒻᒪᕆᐅᔪᓂᒃ ᐅᖃᐅᓯᒥᓂᕐᓂᒃ ᖃᓄᖅ ᖃᐅᔨᒪᓂᖅᑖᖅ ᐊᑐᖅᑕᐅᒍᓐᓇᕐᒪᖔᖅ ᐊᒥᖅᑲᐅᑕᐅᓗᓂᓗ, ᐱᖃᓯᐅᔾᔭᐅᓪᓗᑎᒃ ᐱᓪᓚᕆᖁᑎᒋᔭᐅᔪᑦ ᐊᑐᖅᑕᐅᔪᒃᓴᑦ ᖃᓄᐃᒋᐊᕈᑕᐅᓲᖑᓂᖏᓪᓗ ᐊᐅᓚᑦᑎᓂᐊᕐᓗᓂ ᖃᐅᔨᑕᕐᓂᐊᕐᓂᕐᒥᒃ ᐅᑭᐅᖅᑕᖅᑐᖅ ᐃᓱᒪᒋᓗᒍ.

POLAR−ᑯᑦ ᐱᖃᓯᐅᔾᔨᔪᒥᓃᑦ ᖃᐅᔨᔭᐅᒍᑕᐅᓯᒪᔪᓂᒃ ᑐᕌᖅᑕᓂ ᐱᔾᔪᑎᒋᓪᓗᒍ ᑐᓴᖅᑎᒃᓯᒍᑎᒃᓴᑎᒍᑦ ᖁᑦᑎᒃᑐᒥ ᐊᒻᒪ ᐅᑭᐅᖅᑕᖅᑐᒥ ᐊᑐᐊᒐᖅ ᓇᓗᓇᐃᔭᐅᖅᑕᐅᓯᒪᔪᖅ ᐱᕙᓪᓕᐊᔭᐅᓯᒪᓂᖓ ᒪᓕᒃᖢᒍ ᐊᓯᖏᓪᓗ ᑕᒪᑐᒧᖓᓕᖓᔪᑦ ᐃᖅᑲᓇᐃᔮᖑᖃᑦᑕᖅᓯᒪᔪᑦ ᑲᓇᑕᒥ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᓐᓄᑦ, ᒐᕙᒪᑐᖃᒃᑯᑦ, ᑲᓇᑕᒥ ᒐᕙᒪᐅᔪᑦ, ᐅᑭᐅᖅᑕᖅᑐᒥ ᐃᓕᓐᓂᐊᕐᓂᓕᕆᓂᕐᒧᑦ ᐃᓕᓐᓂᐊᕐᕖᑦ, ᒐᕙᒪᒨᖓᙱᑦᑐᑦ ᑲᑐᔾᔨᖃᑎᒌᑦ ᐊᒻᒪ ᑲᓇᑕᒥ ᑎᒥᖁᑎᒋᔭᐅᔪᑦ. ᑎᓕᔭᐅᔾᔪᑕᐅᓯᒪᔪᑦ ᐃᓕᓐᓂᐊᕋᒃᓴᐃᓪᓗ ᐊᓯᖏᓐᓄᑦ ᐅᑭᐅᖅᑕᖅᑐᒥ ᑎᒥᖁᑎᒋᔭᐅᔪᑦ ᐃᓱᒪᒃᓴᖅᓯᐅᕈᑕᐅᖃᓯᐅᑎᓐᓂᕐᒥᔪᑦ.

ᐱᓕᕆᔾᔪᓯᖅ

• ᐊᑕᖐᓪᓗᓂ ᕿᒥᕐᕈᓂᖅ ᐅᖃᐅᓯᐅᓯᒪᔪᓂᑦ ᐅᑭᐅᖅᑕᖅᑐᒥ ᖃᐅᔨᓴᕈᑕᐅᔪᒥᓂᕐᓂᒃ ᓯᕗᓪᓕᐅᔾᔭᐅᓯᒪᔪᓂᒃ ᐸᕐᓇᐅᑎᓕᐊᖑᓯᒪᔪᓂᓪᓗ;
• ᐱᖃᑕᐅᑎᑦᑎᓪᓗᑎᒃ ᑲᑎᒪᓂᒥᓃᑦ: ᑲᑎᒪᖃᑕᐅᑎᑦᓯᓪᓗᑎᒃ 75−ᓂᒃ ᑎᒥᐅᔪᓂᑦ 17ᒥ ᐅᑭᐅᖅᑕᖅᑐᒥ ᓄᓇᓕᐅᔪᓂᒃ ᑲᑎᒪᖃᑦᑕᖅᖢᑎᒃ;
• ᐅᖃᐅᓯᒃᓴᖃᖅᑐᖃᖅᐸᑦ ᑐᓴᕆᐊᕐᕕᖃᕐᓂᖅ: ᐱᔪᕕᓃᑦ 380−ᓂᑦ ᖃᐅᔨᓴᕐᓂᕐᒧᑦ ᑭᐅᒍᑕᐅᔪᓂᑦ ᑲᓇᑕᒥᐅᓂ ᐊᒥᓲᓂᖅᓴᓂᒃ ᑐᓴᕈᑎᒋᓪᓗᒍ;
• ᑎᑎᕋᖅᑕᐅᓯᒪᔪᓂᒃ ᕿᒥᕐᕈᓂᖅ: ᖃᐅᔨᓴᒃᓯᐊᖅᖢᒋᑦ ᑎᑎᕋᖅᑕᐅᓯᒪᔪᑦ, ᑐᓴᖅᑎᑕᐅᒍᑕᐅᖃᑦᑕᖅᓯᒪᔪᑦ ᐱᖃᓯᐅᔾᔭᐅᓪᓗᑎᒃ ᖁᑦᑎᒃᑐᒥ ᐊᒻᒪ ᐅᑭᐅᖅᑕᖅᑐᒥ ᐊᑐᐊᒐᖅ ᓇᓗᓇᐃᔭᐅᖅᑕᐅᓯᒪᔪᖅ ᑐᓴᕆᐊᕈᑕᐅᑎᓪᓗᒍ;
• ᑭᒃᑯᑐᐃᓐᓇᕐᓂᒃ ᕿᒥᕐᕈᑎᑦᑎᓂᖅ ᑎᑎᕋᖅᑕᐅᒋᐊᖓᕈᑎᒋᓯᒪᔭᖓᓂᒃ ᖃᐅᔨᓴᕐᓂᐊᕐᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑎᒧᑦ ᐸᕐᓇᐅᑦ: ᕿᒥᕐᕈᔭᕕᓂᖅ ᑎᑭᐅᓯᒪᖃᓴᐅᑦᑐᓄᑦ ᐊᕙᑎᑦ ᐱᖓᓱᑦ ᖁᓕᓪᓗᓄᑦ ᐃᓄᓐᓄᑦ ᑎᒥᖁᑎᒋᔭᐅᔪᓄᓪᓗ ᑕᓪᓕᒪᓂ ᐅᑭᐅᖅᑕᖅᑐᒥ ᐊᕕᑦᑐᖅᑕᐅᓯᒪᔪᓄᑦ (ᓄᓇᕗᑦ, ᓄᓇᑦᓯᐊᖅ, ᔫᑳᓐ, ᓄᓇᕕᒃ, ᐊᒻᒪ ᓄᓇᑦᓯᐊᕗᑦ);
• ᓯᕗᒃᑲᖅᑕᖅ ᓇᓗᓇᐃᔭᖅᑕᐅᓯᒪᔪᒧᑦ ᑭᖑᓪᓕᕐᒥ ᐱᒋᐊᕈᑕᐅᓂᐊᖅᑎᓪᓗᒍ ᐱᓕᕆᖃᑎᒌᔾᕕᐅᓗᓂ ᐊᑐᓕᖁᔭᓕᐅᕐᓂᕐᒧᑦ ᐸᕐᓇᐅᑦ.

ᐊᑐᓕᖅᑎᑕᐅᓂᖅ

ᒪᓕᒃᖢᒋᑦ ᐱᖃᑕᐅᑎᑦᑎᓂᕐᒥᒃ ᐱᓇᓱᐊᕐᓂᒥᓃᑦ ᐃᓚᒋᔭᐅᓪᓗᑎᒃ ᐅᖃᐅᓯᐅᒃᑲᓂᖅᓯᒪᔪᑦ ᑕᒪᔅᓱᒧᖓ ᑐᓴᖅᑎᑦᑎᒍᑕᐅᓯᒪᔪᑦ, POLAR−ᑯᑦ ᑲᒪᓂᐊᕐᓂᕋᖅᓯᒪᔪᑦ ᐱᓕᕆᐊᑎᒌᓐᓂᕐᒥᒃ ᐱᕙᓪᓕᐊᓂᖓᓂ ᐊᑐᓕᖅᑎᑕᐅᓂᕐᒧᑦ ᖃᐅᔨᓴᕐᓂᐊᕐᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᖅᑕᐅᓯᒪᔪᖅ. ᑕᒪᓐᓇ ᐱᕙᓪᓕᐊᓂᖅ ᐱᖃᓯᐅᔾᔨᒐᔭᖅᑐᖅ ᐃᓄᖕᓂᑦ, ᓄᓇᖃᖅᑲᖅᓯᒪᔪᓂᒃ, ᐊᓪᓚᖓᔪᓂᒃ ᐅᑭᐅᖅᑕᖅᑐᒥᐅᑕᓂᓪᓗ.

ᐊᑐᓕᖅᑎᑕᐅᓂᕐᒧᑦ ᐸᕐᓇᐅᑦ ᓇᓗᓇᐃᖅᓯᒐᔭᖅᑐᖅ ᐱᓕᕆᖃᑎᒌᓄᑦ ᓯᕗᓪᓕᐅᔾᔭᐅᔭᕆᐊᖃᕐᓂᕋᖅᑕᓄᑦ, ᓇᓗᓇᖏᖦᖢᓂᒃ ᑭᓪᓕᖓᓄᑦ ᖃᐅᔨᓴᕐᓂᕐᒧᑦ ᐊᐱᖅᑯᑎᓂᒃ, ᐱᔾᔪᑎᓂᒃ ᐱᓕᕆᓂᕐᓂᓪᓗ ᑲᔪᓯᑎᑦᑎᓂᐊᖅᖢᓂᒃ ᑐᕌᕐᓗᒋᑦ ᐱᖓᓱᑦ ᐊᒃᑐᐊᖃᑎᒌᑦ ᑐᕌᒐᕆᔭᕗᑦ.

ᒪᓕᖦᖢᒍ ᐸᕐᓇᐅᑦ, ᖃᐅᔨᒪᓂᖅᑖᖑᓯᒪᔪᖅ ᐱᓕᕆᖃᑎᒌᓄᑦ ᓴᖅᑭᖅᑎᑕᐅᒐᔭᖅᑐᖅ ᑲᑐᔾᔨᖃᑎᒌᕝᕕᐅᓂᒃᑯᑦ ᖃᐅᔨᓴᖅᑕᐅᑦᑎᐊᖅᓯᒪᔪᑎᒍᑦ ᖃᐅᔨᓴᕐᓂᒃᑯᑦ ᖃᐅᔨᔭᐅᓯᒪᔪᑎᒍᑦ ᐊᒥᓱᓂ ᐅᖃᐅᔾᔭᐅᒍᑕᐅᓯᒪᔪᑎᒍᑦ. ᐊᓱᐃᓪᓛᒃ ᐋᖅᑭᓱᖅᑕᐅᓕᕐᓗᓂ ᖃᐅᔨᑎᑦᑎᒍᑕᐅᓗᓂᓗ ᕿᓚᒥᐅᔪᒥᔪᒥᒃ ᑲᓇᑕᒧᑦ ᓯᓚᕐᔪᐊᒧᓪᓗ ᖃᐅᔨᒋᐊᕐᕕᐅᒍᓐᓇᕐᓗᓂ ᑐᓴᐅᒪᔾᔪᑎᑎᒍᑦ.

ᐊᑐᓕᖅᑎᑕᐅᓂᖅ ᓯᕗᒃᑲᖅᑕᕈᑕᐅᒐᔭᖅᑐᖅ ᐱᓪᓚᕆᖁᑎᒋᔭᐅᔪᑦ ᒪᓕᖦᖢᒋᑦ ᑎᑎᕋᖅᑕᐅᓯᒪᔪᑦ ᑎᑎᕋᖅᑕᐅᓯᒪᓂᖓᓂ.

POLAR−ᑯᑦ ᐊᑐᖅᑕᐅᖁᔭᒥᓐᓂᒃ ᖃᐅᔨᒐᔭᖅᑐᑦ ᐅᑯᑎᒎᓇ:

ᐊᑐᖅᑕᐅᑎᑦᑎᒍᑎᒋᓪᓗᒍ: POLAR−ᑯᑦ ᐊᑐᕐᓗᑎᒃ ᐃᖅᑲᓇᐃᔭᖅᑎᖁᑎᒥᓐᓂᑦ ᐊᐅᓚᑦᑎᔾᔪᑎᓄᓪᓗ ᑮᓇᐅᔭᖃᖅᑎᑕᐅᒍᑎᒥᓐᓂᑦ ᐱᓕᕆᖃᑎᖃᕐᓂᐊᕋᒥᒃ ᑕᐃᒃᑯᓇᖓᑦ ᐊᒥᖅᑲᐅᑎᖃᖃᑦᑕᖅᓯᒪᔪᓂᒃ ᑕᒪᑐᒧᖓ ᐱᔭᕆᐊᓕᓐᓄᑦ.

ᐱᓕᕆᕕᐅᔪᒥ ᐃᑲᔪᖅᓯᖅᑕᐅᓂᖅ: POLAR−ᑯᑦ ᐱᕕᖃᖅᑎᒃᓯᓗᑎᒃ ᖃᐅᔨᓴᖅᑎᓂᒃ CHARS−ᑯᑦ ᐃᓕᓐᓂᐊᕐᕕᖓᓄᑦ ᐊᒻᒪᓗ ᓴᓇᕐᕋᕈᑏᑦ ᐊᑐᖅᑕᐅᒍᓐᓇᕐᓂᖏᑦ ᖃᐅᔨᒪᔭᐅᓂᖏᓐᓄᑦ ᐊᑐᖅᑎᑕᐅᓗᑎᒃ POLAR−ᑯᑦ ᐃᖅᑲᓇᐃᔭᖅᑎᖏᓐᓄᑦ, ᑐᙵᓱᒃᑎᑦᑎᓂᒃᑯᓪᓗ ᖃᐅᔨᓴᖅᑎᓂᑦ ᓄᓇᕐᔪᐊᒦᖔᖅᓯᒪᔪᓕᒫᓂᒃ ᐃᖅᑲᓇᐃᔭᕆᐊᖅᑐᓂᑦ ᕿᑎᕐᒥᐅᓂ ᖃᐅᔨᓴᖅᑎᓂᑦ ᐃᖅᑲᓇᐃᔭᖃᑎᖃᕆᐊᖅᑐᖅᑐᓂᑦ ᑐᑭᓯᐅᒪᖃᑎᒌᒃᓯᐊᕐᓂᐊᕐᒪᑕ ᕿᑎᕐᒥᐅᑦ ᒥᒃᓵᓄᑦ ᖃᓄᕐᓗ ᓄᓇᓕᖏᑦ ᐊᓯᔾᔨᐸᓪᓕᐊᒻᒪᖔᑕ.

ᑮᓇᐅᔭᖃᖅᑎᑕᐅᓂᒃᑯᑦ: POLAR−ᑯᑦ ᐃᑲᔪᖁᑎᖃᖃᑦᑕᕐᓗᑎᒃ ᑮᓇᐅᔭᑎᒍᑦ ᑮᓇᐅᔭᖃᖅᑎᑦᑎᒍᑎᑎᒍᓪᓗ ᓈᒻᒪᒃᑐᓂᒃ POLAR−ᑯᑦ’ ᐱᔭᒃᓴᖏᓐᓄᑦ ᐱᔪᓐᓇᖅᑎᑕᐅᔪᓄᑦ ᒪᑐᐃᖓᑎᑕᐅᔪᑎᒍᑦ, ᑮᓇᐅᔭᖃᖅᑎᑕᐅᒍᑎᓄᑦ ᒪᓂᒪᑎᑕᐅᔪᓄᑦ ᐱᓇᓱᒃᑐᖃᖅᑎᓪᓗᒍ.

ᐱᔪᓐᓇᕐᓂᖃᖅᑎᑕᐅᓂᖅ: POLAR−ᑯᑦ ᑐᑭᓯᑎᑦᑎᓗᑎᒃ ᐊᓯᒥᓐᓂᒃ ᐃᖅᑲᓇᐃᔮᖃᓕᕐᓂᐊᕐᒪᑕ ᓯᕗᓪᓕᐅᑎᔭᐅᔭᕆᐊᓕᖕᓂᒃ ᐅᑭᐅᖅᑕᖅᑐᒥᐅᓄᑦ ᐃᖅᑲᓇᐃᒃᓯᐊᕈᓐᓇᓂᐊᕐᒪᔾᔪᒃ ᑐᕌᖅᑕᓂ ᓴᖅᑭᑎᒃᓯᓗᑎᒡᓗ ᖃᐅᔨᒪᓂᖅᑕᒥᒃ ᑐᕌᖓᔪᒥᒃ ᓄᓇᓕᐅᔪᒧᑦ ᓯᓚᕐᔪᐊᓕᒫᒧᓪᓗ ᓈᒻᒪᒃᑐᒥᒃ.

POLAR−ᑯᑦ ᐱᓇᓱᐊᒐᖃᑦᑎᐊᖅᐳᑦ ᐊᐳᕈᑕᐅᖃᑦᑕᖅᑐᑦ ᐊᕝᕕᐊᕈᓐᓃᖅᑎᒐᓱᐊᖅᓱᒋᑦ ᐊᒻᒪ ᐱᕕᒃᓴᖃᕐᕕᐅᕙᑦᑐᑎᒍᑦ ᓄᓇᖃᖅᑳᖅᓯᒪᔪᓄᑦ ᓄᓇᓕᐅᔪᒥᓗ ᓯᕗᓕᖅᑐᓄᑦ ᐃᑲᔪᖅᑐᐃᓂᕐᒥᒍᑦ ᖃᐅᔨᒪᓂᑖᖅᐸᓪᓕᐊᓂᕐᒧᑦ, ᐊᐅᓚᑦᑎᓂᒃᑯᑦ ᐃᖅᑲᓇᐃᔮᖑᒍᒪᒐᔭᖅᑐᖢᒍᑦ ᒪᓂᒪᑎᑦᑎᓂᕐᒧᑦ, ᑕᒪᒃᑯᐊᓗ ᐃᓅᓱᒃᑐᑦ ᓄᓇᖃᖅᑳᖅᓯᒪᔪᑦ ᐱᔪᒪᓕᖁᓪᓗᒋᑦ ᐃᓕᓐᓂᐊᓂᕐᒥᒃ ᑭᓪᓕᓯᓂᐊᕐᓂᕐᒨᖓᔪᓂᒃ, ᓴᓇᕐᕉᑏᑦ ᐊᑐᖅᑕᐅᒍᓇᕐᓂᖏᑕ ᖃᐅᔨᒪᔭᐅᓂᖏᑕ ᐊᑑᑎᖏᓐᓂᑦ, ᓴᓇᔪᓕᕆᓂᕐᒥᒃ ᓈᓴᐅᓯᕆᓂᕐᒥᓪᓗ (STEM) ᐃᓕᓐᓂᐊᕋᒃᓴᓂᒃ.

ᐃᓕᑕᖅᓯᓂᒃᑯᑦ ᓄᓇᖃᖅᑲᖅᓯᒪᔪᓂᒃ ᐃᓄᖕᓂᒃ ᓇᓕᒧᖅᑐᒥᒃ ᐱᓕᕆᖃᑎᒋᒡᓗᒋᑦ ᐱᔪᓐᓇᕐᓂᖃᖅᑎᑕᐅᓗᑎᓪᓗ ᓱᓕᓂᒃᑯᑦ, ᐊᒻᒪᓗ ᐃᓚᐅᑎᖅᐸᒡᓗᒋ ᐱᖃᑕᐅᑎᑕᐅᓂᒃᑯᑦ ᐃᓱᒪᓕᐅᕈᑎᖃᖅᑐᖃᓕᕋᐃᒃᐸᑦ ᑐᑭᑖᕈᑕᐅᓂᐊᖅᑐᓂᒃ, POLAR−ᑯᑦ ᑕᑯᒃᓴᐅᑎᑦᑎᓂᐊᖅᑐᑦ ᓯᕗᓕᕐᓂᕐᒥᓐᓂᒃ ᖃᓄᖅ ᒐᕙᒪᖓ ᑲᓇᑕᐅᑉ ᖃᐅᔨᓴᕐᓂᕐᒧᑦ ᐱᓕᕆᓂᖃᓲᖑᖕᒪᖔᖅ, ᐊᑐᐊᒐᒃᓴᓕᐅᓲᖑᓂᖏᓐᓂᑦ ᐊᐅᓚᑦᑎᒍᓯᖓᓂᓪᓗ ᐋᖅᑭᒋᐊᕐᓂᕐᒧᑦ.

ᑎᑎᕋᖅᑕᐅᓯᒪᔪᖅ 1 ᐊᑐᓕᖅᑎᑕᐅᓂᕐᒧᑦ ᓯᕗᒃᑲᖅᑕᕈᑕᐅᒐᔭᖅᑐᖅ ᐱᓪᓚᕆᖁᑎᒋᔭᐅᔪᑦ ᒪᓕᒃᖢᒋᑦ

• ᐱᓕᕆᖃᑎᒌᓐᓂᒃᑯᑦ ᐱᕙᓪᓕᐊᑎᑦᑎᓂᖅ: ᐱᖃᑕᐅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᖃᑕᐅᔪᑦ ᐱᕙᓪᓕᐊᑎᑦᑎᖃᑎᒋᓗᒋᑦ ᐊᑐᓕᖅᑎᑦᑎᓂᕐᒧᑦ ᐸᕐᓇᐅᒻᒥᒃ, ᐱᖃᓯᐅᔾᔨᒐᔭᖅᑐᒥᒃ ᐱᓪᓚᕆᖁᑎᒋᔭᐅᔪᓂᒃ ᐃᖅᑲᓇᐃᔭᖃᑎᒌᑦᑎᐊᓂᕐᒨᖓᔪᓂᑦ, ᓯᕗᓪᓕᐅᑎᔭᕆᐊᓕᑎᒍᑦ, ᐱᔾᔪᓯᑎᒍᑦ ᖃᓄᐃᒋᐊᕈᑕᐅᔪᑎᒍᓪᓗ.
• ᐱᓕᕆᖃᑎᒋᖕᓂᖅ: ᐱᓕᕆᖃᑎᒋᓗᒋᑦ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ ᑎᒥᖁᑎᒋᓪᓗ, ᐊᓯᖏᓪᓗ ᒐᕙᒪᒧᑦ ᐱᓕᕆᕖᑦ, ᖃᐅᔨᓴᖅᑐᓕᕆᕖᑦ, ᓇᖕᒥᓂᖃᖅᑏᓪᓗ, ᐱᕙᓪᓕᐊᑎᓪᓗᒋᓪᓗ ᖃᐅᔨᒋᐊᕐᕕᐅᒍᓐᓇᖅᑐᑦ ᑲᔪᓯᑎᑕᐅᑦᑎᐊᖁᓗᒍ ᓇᓗᓇᐃᔭᖅᑕᐅᓯᒪᓂᖓ ᐊᒻᒪ ᐊᑐᓕᖅᑎᑕᐅᓂᕐᒧᑦ ᐸᕐᓇᐅᑦ.
• ᐊᒥᓱᙳᖅᐸᓪᓕᐊᑎᑦᑎᓂᖅ: ᐊᒥᓱᙳᖅᑎᕙᓪᓕᐊᓗᒋᑦ ᓄᓇᓕᖕᒦᓪᓗᑎᒃ ᖃᐅᔨᓴᐅᑏᑦ ᐅᑭᐅᖅᑕᖅᑐᒥᐅᑕᓄᓪᓗ ᐊᐅᓚᑕᐅᒍᓐᓇᕐᓗᓂ ᖃᐅᔨᓴᕐᓂᖅ ᑖᒃᑯᓇᓂ ᓄᓇᖃᖅᑲᖅᓯᒪᔪᓄᑦ ᓄᓇᓕᐅᔪᒥᓗ ᓯᕗᓕᖅᑐᓄᑦ.
• ᓄᓇᓕᖕᒥᒃ ᐱᖃᑕᐅᑎᑦᑎᓂᖅ: ᐃᑲᔪᖅᑐᕐᓗᒍ ᓄᓇᓕᖕᒥ ᓯᕗᓕᕐᓂᖅ ᖃᐅᔨᒪᓂᖅ ᓴᖅᑭᑎᑕᐅᕙᓪᓕᐊᓂᖓᓄᑦ ᐱᒋᐊᖅᑎᑦᑎᒍᑎᓄᑦ, ᐃᓕᓐᓂᐊᑲᓐᓂᑎᑦᑎᓂᖅ ᖃᐅᔨᒪᓂᒃᑯᓪᓗ ᐊᐅᓚᑕᐅᓗᓂ.
• ᖃᐅᔨᒪᓂᖅ ᐊᐅᓚᑦᑎᑎᑕᐅᓗᓂ: ᖃᐅᒻᒪᒋᐊᑦᑎᐊᕐᓗᒍ ᓄᓇᖃᖅᑲᖅᓯᒪᔪᑦ ᖃᐅᔨᒪᓂᖓ ᖃᐅᔨᓴᕐᓂᐊᕐᓂᒧᓪᓗ ᖃᐅᔨᔭᐅᓯᒪᔪᑦ ᓴᖅᑭᑎᑦᑎᓂᐊᕐᓗᓂ ᖃᐅᔨᒪᓂᐅᓕᖅᑐᒥᑦ ᐊᑐᐃᓐᓇᐅᑎᑕᐅᓂᐊᖅᑐᒥᒃ ᑲᓇᑕᒥᐅᓄᑦ ᐊᑐᖅᑕᐅᖃᑦᑕᓂᐊᕐᓗᓂ ᐊᑐᐊᒐᓕᐅᕐᓂᕐᒧᑦ ᑐᑭᑖᕈᑎᖃᕐᓂᒧᓪᓗ, ᖃᐅᔨᒪᓂᕐᓗ ᑐᓴᖅᑎᒃᓯᒍᑎᑎᒍᑦ ᑐᓴᖅᑎᑦᑎᒍᑎᒋᕙᓪᓕᐊᓗᒍ ᐊᓯᓄᑦ.
• ᓄᐊᑕᐅᓯᒪᔪᓂᒃ ᖃᐅᔨᓴᕐᓂᒃᑯᑦ ᐊᐅᓚᑦᑎᓂᖅ: ᐊᐅᓚᓗᒋᑦ ᐋᖅᑭᒋᐊᖅᓯᒪᔪᑦ ᓄᐊᑕᐅᓯᒪᔪᑦ ᖃᐅᔨᓴᕐᓂᒃᑯᑦ ᑲᒪᑦᑎᐊᕆᐊᖃᕐᓂᕐᒥᒃ ᐊᑐᕐᓗᑎᒃ ᐱᔪᑎᓂᒃ ᐊᑐᖅᑕᐅᕙᒃᑐᓂᒃ, ᐊᑐᐃᓐᓇᐅᑎᑕᐅᔪᓂ, ᑲᔪᓯᑦᑎᐊᖁᓪᓗᒋᑦ ᓄᐊᑕᐅᓯᒪᔪᑦ ᖃᐅᔨᔾᔪᑕᐅᓯᒪᔪᑦ ᐊᒻᒪ ᓄᐊᑕᐅᓯᒪᔪᑦ ᖃᐅᔨᔭᐅᓯᒪᔪᑦ ᖃᐅᔨᓴᖅᑕᐅᓂᒃᑯᑦ ᕿᓂᕋᒃᓴᐃᑦ, ᐱᔭᐅᔪᓐᓇᖅᑐᑦ, ᑭᓇᒃᑯᑐᐃᓐᓇᕐᓄᓪᓗ ᐊᑐᐃᓐᓇᐅᑎᑕᐅᔪᑦ ᐱᔪᓐᓇᖅᑎᑕᐅᒐᐃᒃᐸᑕ.

ᖃᐅᔨᓴᕐᓂᐊᕐᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑐᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑦ 2020-ᒥ 2025-ᒧᑦ

ᖃᐃᐅᔨᓴᕐᓂᐊᕐᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᓇᓗᓇᐃᔭᐅᑦ ᐱᖃᓯᐅᔾᔨᔪᖅ ᐱᖓᓱᓂᑦ ᑐᕌᖓᔪᓂᒃ ᑐᕌᖅᑕᐅᔪᓄᑦ ᒪᓕᖦᖢᒋᑦ ᑐᓴᖅᑎᑕᐅᒍᑕᐅᓯᒪᔪᑦ ᐅᑭᐅᖅᑕᖅᑐᒥ ᑭᒃᑯᑐᐃᓐᓇᕐᓂᓗ ᐱᖃᑕᐅᑎᑦᑎᓯᒪᓂᒃᑯᑦ.

ᑐᕌᒐᖅ ᓯᕗᓪᓕᖅ

ᐃᓕᓴᕆᔭᐅᕗᖅ ᖃᐅᔨᒪᓂᐅᓕᖅᑐᖅ ᐊᑐᖅᑕᐅᔭᕆᐊᖃᓕᕐᓂᖓᓂᒃ ᓄᓇᓕᐅᔪᒥ, ᐊᕕᒃᑐᖅᓯᒪᔪᓂ ᓯᓚᕐᔪᐊᒥᓗ ᑐᓴᖅᑎᑕᐅᒍᑕᐅᓗᓂ ᑕᒪᓐᓇ ᐊᑐᖅᑕᐅᕙᒃᑐᑦ ᖃᓄᐃᓛᕐᓂᕋᐃᒍᑕᐅᔪᓄᓪᓗ. ᖃᓄᐃᒋᐊᕈᑕᐅᒍᓐᓇᖅᑐᑦ POLAR−ᑯᑦ ᓇᖕᒥᓂᖃᖃᑕᐅᔪᓪᓗ ᑐᕌᕈᒪᔭᖏᑦ ᑲᒪᒋᒍᒪᓪᓗᓂᒋᑦ ᐱᖃᓯᐅᔾᔨᕗᑦ ᐅᑯᓂᖓ:

• ᓄᐊᒃᓯᕐᓗᑎᒃ ᖃᐅᔨᔭᐅᕙᒃᑐᓂᒃ ᖃᐅᔨᓴᕐᓂᒃᑯᑦ ᓄᓇᒥᐅᑕᐃᑦ ᒥᒃᓵᓄᑦ, ᑕᕆᐅᖑᙱᑦᑐᒥ ᐃᒪᕐᓂᑦ ᐊᒻᒪ ᐳᐃᔩᑦ ᐃᒪᕐᒥᐅᑕᐃᑦ ᓇᔪᒐᖃᑎᒌᖕᓂᒃ ᓯᓚᖃᑎᒌᖕᓂᖏᓐᓂᓪᓗ, ᐱᖃᓯᐅᑎᑦᓱᒋᑦ ᑯᐊᖅᐸᑦᑐᑦ ᓲᕐᓗ (ᖁᐊᖑᓂ, ᐊᐳᑦ ᐊᒻᒪ ᓯᑯ); ᐊᒻᒪ
• ᖃᐅᔨᓴᖅᐸᖕᓂᖅ ᐊᒻᒪ ᑲᑎᑕᐅᓯᒪᓪᓗᑎᒃ ᐅᒃᑐᕋᐅᑕᐅᕙᒃᑐᑦ ᓄᓇᒥᐅᑕᐃᑦ ᒥᒃᓵᓄᑦ, ᑕᕆᐅᖑᙱᑦᑐᒥ ᐃᒪᕐᓂᑦ ᐊᒻᒪ ᐳᐃᔩᑦ ᐃᒪᕐᒥᐅᑕᐃᑦ ᓇᔪᒐᖃᑎᒌᖕᓂᒃ ᓯᓚᖃᑎᒌᖕᓂᖏᓐᓂᓪᓗ ᐊᓯᔾᔨᖅᐸᓪᓕᐊᔪᓂᒃ ᖃᐅᔨᓴᕐᓂᒃᑯᑦ ᖃᐅᔨᔭᐅᓯᒪᔪᓂᑦ.

ᓂᕆᐅᒋᔭᐅᕗᖅ ᖃᐅᔨᒪᓇᓱᐊᖅᑕᐅᑦᑎᐊᕐᓂᐊᕆᐊᖏᑦ ᓂᕐᔪᑏᑦ ᓂᕿᒋᔭᐅᕙᒃᑐᑦ, ᖃᓄᐃᓐᓂᖏᑦ ᓂᕿᒌᖃᑎᒌᑦ ᐆᒪᔪᑦ ᐱᐅᖅᓱᐊᖅᑕᐅᒋᐊᖃᕐᓂᖏᓐᓂᑦ ᐃᓱᒫᓘᑎᐅᔪᑦ.

ᐱᕙᓪᓕᐊᓂᖅ ᑕᒪᑐᒧᖓ ᑐᕌᖅᑕᐅᔪᖅ ᑭᖑᓂᖃᕐᓂᐊᖅᑐᖅ ᑐᑭᓯᐅᒪᑦᑎᐊᓂᕐᒥᑦ ᐅᑭᐅᖅᑕᖅᑐᒥ ᐆᒪᔪᑦ ᓇᔪᒐᖃᑎᒌᖕᓂᒃ ᓯᓚᖃᑎᒌᖕᓂᖏᓐᓂᓪᓗ ᖃᓄᐃᑉᐸᓐᓂᖏᓐᓂᓪᓗ ᖃᓱᕋᐃᒐᒥᒃ, ᓇᓗᓇᐃᕐᓗᒋᓪᓗ ᑐᕌᖅᑕᐅᔪᑦ ᐆᒪᔪᑦ ᖃᐅᔨᓴᖅᑕᐅᓂᕐᒧᑦ ᖃᐅᔨᒪᓇᓱᐊᖅᑕᐅᓂᕐᒧᓪᓗ.

ᑐᕌᒐᖅ ᑐᒡᓕᐊ

ᐃᓕᓴᕆᔭᐅᕗᖅ ᐅᑭᐅᖅᑕᖅᑐᒥᐅᑕᐃᑦ ᐱᕚᓪᓕᕈᓐᓇᕆᐊᖏᑦ ᑐᑭᓯᐅᒪᓂᑲᒃᑲᓂᓕᖅᐸᑕ ᖃᓄᖅ ᐊᓯᔾᔩᔪᑦ ᐊᕙᑎᒥᒃ ᐊᒃᑐᐃᓲᖑᒻᒪᖔᖅ ᓂᕿᒋᔭᐅᔪᓂᒃ, ᓄᓇᓕᖕᒥ ᖃᓄᐃᖏᑦᑎᐊᕆᐊᖃᕐᓂᕐᒥᑦ ᐱᖅᑯᓯᑐᑲᒃᑯᓪᓗ ᐃᓅᓯᐅᔪᓂᒃ. ᐊᑐᕈᓐᓇᖅᑕᕆᔭᐅᔪᑦ POLAR−ᑯᑦ ᓇᖕᒥᓂᖃᖃᑎᒋᑕᓗ ᑐᕌᕈᒪᔭᖏᑦ ᑲᒪᒋᒍᒪᓪᓗᓂᒋᑦ ᐱᖃᓯᐅᔾᔨᕗᑦ ᐅᑯᓂᖓ:

• ᓄᓇᓕᖕᒧᑦ-ᓯᕗᒃᑲᑕᕐᕕᐅᓗᓂ ᖃᐅᔨᓴᕐᓂᖅ (ᐆᒪᔪᑦ ᓇᔪᒐᖃᑎᒌᖕᓂᒃ ᓯᓚᖃᑎᒌᖕᓂᖏᓐᓂᓪᓗ ᓯᕕᑐᔪᒧᑦ ᖃᐅᔨᔭᐅᓯᒪᔪᑦ ᐊᑐᕐᓗᒋᑦ) ᐊᒥᒐᖁᓇᒋᑦ ᐊᔾᔨᒌᖏᑐᓪᓗ ᓂᕐᔪᑎᒥᓃᑦ ᓂᕿᒋᔭᐅᕙᒃᑐᑦ ᐊᒻᒪ ᐆᒪᔪᓂᑦ ᓂᕿᖃᖅᐸᒃᑐᓂᑦ ᑕᒪᒃᑯᓂᖓ, ᐱᖃᑎᐅᑎᑦᑎᒋᑦ ᐃᓂᒋᕙᒃᑕᖏᑦ ᖃᓄᕐᓗ ᑕᒪᑯᐊ ᐊᓯᔾᔨᕈᑏᑦ ᐊᒃᑐᐃᕙᖕᒪᖔᑕ ᓂᕿᐅᔪᓂᑦ ᖃᓄᐃᖏᑎᐊᕐᓂᒥᓪᓗ;
• ᑲᔪᓯᑎᓪᓗᒍ ᖃᐅᔨᒪᓂᖅ ᐋᓐᓂᐊᑦ ᒥᒃᓵᓄᑦ ᐅᑭᐅᖅᑕᖅᑑᑉ ᐅᒪᔪᖏᓐᓂᑦ, ᐱᖃᓯᐅᔾᔭᐅᓗᑎᒃ ᐊᒃᑐᐃᓃᑦ ᓂᕐᔪᑎᓂᑦ: ᐊᒻᒪᓗ
• ᑐᑭᓯᐅᒪᑦᑎᐊᑲᓐᓂᕐᓗᒋᑦ ᐊᒃᑐᐃᓂᐅᕙᒃᑐᑦ ᐊᕙᑎᐅᑉ ᐊᓯᔾᔨᕐᓂᖓᓂᒃ ᓄᓇᓕᐅᑉ ᖃᓄᐃᖏᑦᑎᐊᕐᓂᖓᓂᒃ.

ᐱᕙᓪᓕᐊᓂᖅ ᑕᒪᑐᒧᖓ ᑐᕌᒐᐅᔪᒧᑦ ᑭᖑᓂᖃᕐᓂᐊᖅᐳᖅ ᓄᓇᓕᖕᒥ ᖃᓄᐃᖏᑎᐊᕐᓂᒥᒃ ᑐᑭᓯᐅᒪᔭᖃᑦᑎᐊᑲᓐᓂᕐᓂᕐᒥᓪᓗ ᐅᑯᓂᖓ:

• ᐃᖃᓗᐃᑦ ᐆᒪᔪᐃᓪᓗ ᐊᒥᓱᓂᖏᑕ ᐃᓗᓯᖏᓐᓂᑦ ᖃᓄᐃᓲᖑᓂᖏᓐᓂᓪᓗ (ᓲᕐᓗ ᓄᖑᑉᐸᓪᓕᐊᒻᒪᖓᑕ, ᓇᒧᙶᔭᕐᓂᖏᑦ, ᑎᒥᖏᑕ ᖃᓄᐃᓐᓂᖏᑦ, ᐋᓐᓂᐊᖃᕐᒪᖓᑕ) ᐊᒻᒪᓗ ᐊᒃᑐᐃᕙᖕᒪᖔᑕ ᓂᕐᔪᑏᑦ ᓂᕆᔭᒃᓴᐅᓂᖏᓐᓂᑦ ᐱᔭᒃᓴᐅᒪᖓᑕᓘ;
• ᐊᒃᑐᐃᓃᑦ ᓄᓇᓕᖕᒥ ᓱᕈᕐᓇᖅᑐᑦ ᐃᓄᐃᓪᓗ ᑎᒥᓖᑦ ᖃᓄᐃᓕᐅᕐᓂᖏᑎᒍᑦ ᑭᓱᑐᐃᓐᓇᖅᑎᒍᑦ ᐊᕙᑎᒥ (ᓲᕐᓗ ᐊᓂᕐᓂᖃᕐᓇᐅᑉ ᖃᓄᐃᖏᓐᓂᖓ, ᐃᒥᐅᓪᓗ ᐃᒥᕋᒃᓴᐅᓂᖓᑕ) ᓄᓇᓕᖕᒥᓗ ᖃᓄᐃᖏᑦᑎᐊᕐᓂᐅᑉ; ᐊᒻᒪᓗ
• ᖃᔪᓴᖅᑕᕐᓂᖏᑎᒍᑦ ᐃᓄᐃᑦ ᑎᒥᓖᑦ ᖃᓄᐃᓕᐅᕐᓂᒋᑎᒍᑦ ᐊᕙᑎᐅᓪᓗ ᐊᒃᑐᐃᓂᖏᑕ.

ᑐᕌᒑᖅ ᐱᖓᔪᐊᑦ

ᐃᓕᑕᕆᔭᐅᕗᖅ ᐅᑭᐅᖅᑕᖅᑐᒥᐅᑕᐃᑦ ᐃᓱᒫᓘᑎᖃᕆᐊᖏᓐᓂᑦ ᐃᒥᐅᑉ ᒥᒃᓵᓄᑦ ᐃᓱᒪᒋᔭᖃᕐᓂᖏᑕᓗ ᐊᑭᖃᒃᑲᓐᓂᕋᔭᖅᑐᓂᑦ ᐊᑐᖅᑕᐅᖔᕈᓐᓇᖅᑐᑎᒍᑦ ᐃᑦᑕᕐᓗᑯᓄᑦ ᐃᒥᐅᓪᓗ ᐊᐅᓚᑕᐅᓂᖓᓂᒃ, ᐊᑐᖅᑕᐅᖔᕈᓐᓇᖅᑐᑦ ᐆᒻᒪᖅᑯᑎᖃᕐᓂᕐᒧᑦ ᐊᑐᖅᑕᐅᒑᕈᓐᓇᕆᐊᖏᑦ ᑕᐃᔭᐅᓯᒪᔪᑦ, ᐊᒻᒪ ᐃᓪᓗᓕᐅᕐᓂᐊᕐᓗᓂ ᓴᓇᒍᑕᐅᖔᕈᓐᓇᖅᑐᑦ ᐋᖅᑭᓱᖅᑕᐅᓯᒪᔪᑦ ᐅᑭᐅᖅᑕᖅᑐᒧᑦ ᓈᒻᒪᒐᓱᐊᕐᓗᑎᒃ. ᐃᒻᒪᖄ ᐊᑐᖅᑕᐅᑎᒍᓐᓇᖅᑕᖏᑦ POLAR−ᑯᑦ ᓇᖕᒥᓂᖃᖃᑎᖏᑕᓗ ᑐᕌᒐᕆᔭᐅᒍᓐᓇᖅᑐᑦ ᐱᓇᓱᐊᖅᑕᐅᓗᑎᒃ ᐱᖃᓯᐅᔾᔨᔪᑦ:

• ᐃᑲᔪᖅᑐᐃᓂᖅ ᖃᐅᔨᓴᕐᓂᕐᒥᒃ ᓴᓗᒪᔪᒥᓪᓗ ᐆᒻᒪᖅᑯᑎᖃᖅᑎᑦᑎᓂᕐᒧᑦ ᐊᑐᖅᑕᐅᒍᓐᓇᕐᓂᕋᖅᑕᐃᑦ (ᓲᕐᓗ ᐆᒻᒪᖅᑯᑎᒧᑦ ᐃᓂᐅᒍᓐᓇᖅᑐᑦ, ᓄᓇᔭᐃᑦ ᐃᑯᒻᒪᖅᑯᑏᑦ, ᑲᔪᓯᑎᑦᓗᒍ ᐆᒻᒪᖅᑯᑎᖃᕐᓂᕐᒧᑦ ᐊᑐᖅᑕᐅᒑᕈᓐᓇᖅᑐᑦ) ᓴᓇᕙᒃᑐᓄᑦ, ᒐᕙᒪᒧᑦ ᐊᒻᒪ ᐃᓕᓐᓂᐊᕐᓂᖅ ᓴᓇᕐᕈᑏᑦ ᐊᑐᑎᖃᕐᓂᖏᑕ ᖃᐅᔨᒪᔭᐅᓂᖏᑎᒍᑦ ᑲᒪᒧᑎᖃᖅᐸᖕᓂᖅ ᐅᑭᐅᖅᑕᖅᑐᓂ, ᐱᖃᓯᐅᑎᒃᖢᒍ ᑮᓇᐅᔭᓕᐅᕈᑎᖃᕈᓐᓇᕐᓂᖅ ᐊᒻᒪ ᑮᓇᐅᔭᓕᐅᕈᑕᐅᔪᑎᒍᑦ ᐊᑐᐃᓐᓇᐅᔪᓂᑦ ᓴᓇᕐᕈᑎᓂᑦ;
• ᐊᖅᑭᒋᐊᕐᓗᒍ ᐊᑦᑕᕐᓗᑲᕐᓂᖅ ᐃᒥᕐᒥᓪᓗ ᓴᓗᒪᓗᓂ ᐃᒥᕋᑦᑎᐊᙳᑎᑦᑎᓂᕐᒥᒃ ᐃᑲᔪᖅᑐᕐᓗᒍ ᓄᑖᑦ ᐊᒻᒪ ᓴᖅᑭᐸᓪᓕᐊᑐᐃᓐᓇᖅᑐᑦ ᓴᓇᕐᕈᑏᑦ (ᓲᕐᓗ ᐃᑦᑕᕐᓗᑯᒥᒃ ᐆᒻᒪᖅᑯᑎᒧᑦ, ᐃᓱᖅᑕᖅ ᐊᒻᒪ ᕿᕐᓂᖅᑕᖅ ᐃᒥᖅ, ᐱᖅᕈᖅᑐᓂᑦ ᐱᕈᖅᓰᕕᒃ, ᐊᑐᓕᖅᑎᑦᑎᑲᓐᓂᖃᑦᑕᕐᓂᖅ) ᐃᓄᐃᓴᓪᓕᕚᓪᓕᑎᑦᑎᒍᓐᓇᖅᑐᑦ ᐊᑦᑕᕐᕕᐅᔪᓂᑦ ᐊᒻᒪ ᐃᒥᐅᑉ ᐃᒥᑦᑎᐊᕙᐅᒍᓐᓇᕐᓂᖓ. ᑕᒪᓇ ᐱᕚᓪᓕᑎᑦᑎᒍᓐᓇᖅᑐᑦ ᐃᓗᓯᕐᒧᑦ ᐊᑦᑕᓇᕈᓐᓇᖅᑐᓂᒃ ᐊᒃᑐᐊᔪᓂᒃ ᐃᑯᐊᓚᑎᑕᐅᕙᒃᑐᓄᑦ ᓱᕈᕐᓇᖅᑐᓪᓗ ᑰᒍᔾᔭᐅᕙᓐᓂᖏᓐᓂᑦ ᐊᕙᑎᒨᖅᑲᖅᑐᑦ; ᐊᒻᒪ
• ᐊᐅᓚᑦᑎᓗᓂ ᐱᕙᓪᓕᐊᔭᐅᓂᖓᓂ ᓄᑖᓂᒃ, ᐊᑭᓕᖅᑐᕋᒃᓴᕐᓂᒃ ᐊᒻᒪ ᐱᖅᑯᓯᕐᒧᑦ ᑐᕌᖓᔪᓂᒃ ᐊᖏᕐᕋᐅᔪᓂᑦ ᓴᓇᔭᐅᒍᓐᓇᖅᑐᑦ ᐊᐅᓚᑕᐅᓗᑎᓪᓗ ᐊᑐᕐᓗᑎᒃ ᐊᕙᑎᒥ ᐊᑐᐃᓐᓇᐅᔪᓂᑦ ᐊᑐᐃᓐᓇᐅᓂᖏᓐᓂᓪᓗ ᓄᓇᓕᐅᔪᓂ.

ᐱᕙᓪᓕᐊᓂᖅ ᑕᒪᑐᒧᖓ ᑐᕌᒐᐅᔪᒧᑦ ᑭᖑᓂᖃᕐᓂᐊᖅᐳᖅ ᑐᑭᓯᐅᒪᑦᑎᐊᓂᕐᒥᑦ ᐅᑯᓂᖓ:

• ᐊᑐᕈᓐᓇᖅᑐᓂᒃ ᐅᒻᒪᖅᑯᑎᓂᑦ, ᐊᑦᑕᕐᓗᑯ, ᐃᒥᐅᑉ ᐃᒥᒐᒃᓴᙳᖅᑎᑕᐅᓂᖓ ᓴᓗᒪᓗᓂ ᐃᓪᓗᓕᐅᕐᓂᒧᓪᓗ ᓴᓇᕐᕈᑕᐅᒍᓐᓇᖅᑐᖅ ᐅᑎᐅᖅᑕᖅᑑᑉ ᓄᓇᓕᖏᓐᓂ; ᐊᒻᒪᓗ
• ᐊᔾᔨᖃᙱᑦᑐᖅ ᐱᖅᑯᓯᖅ, ᐊᕙᑎᒦᑦᑐᑦ ᐊᒻᒪ ᓴᓇᕐᕈᑎᑎᒍᑦ ᐃᓱᒪᒃᓴᖅᓯᐅᕈᑕᐅᓯᒪᔪᑦ ᐅᑭᐅᖅᑕᖅᑐᒥ ᐃᓪᓗᓕᕆᓂᕐᒧᑦ.

POLAR-ᑯᑦ ᖃᐅᔨᒪᓂᖓ ᑲᓇᑕ

ᖃᐃᔨᓴᕐᓂᐊᕐᓂᖅ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᔭᐅᓯᒪᓂᖏᓐᓄᑦ ᓇᓗᓇᐃᔭᖅᑕᐅᓯᒪᔪᖅ

2020-2025

ᑕᑯᓐᓇᙳᐊᖅᑕᕗᑦ

ᐊᐅᓚᒐᑦᑎᐅᑎᐊᖅᑐᒥᒃ ᓯᕗᓂᖃᕐᓂᖅ ᓯᕗᒃᑲᑕᖅᑕᐅᔪᒥᒃ ᖃᐅᔨᒪᓂᕐᒧᑦ ᑲᑐᔾᔨᖃᑎᒌᓐᓂᒧᓪᓗ

ᓇᓗᓇᐃᖅᑕᐅᓯᒪ

ᑖᓐᓇ ᓇᐃᓈᖅᓯᒪᔪᖅ POLAR−ᑯᑦ ᖃᐅᔨᓯᒪᓂᖓᓂᑦ ᑲᓇᑕᒥ ᖃᐃᔨᓴᕐᓂᐊᕐᓂᕐᒧᑦ ᓴᓇᕐᕈᑏᓪᓗ ᒥᒃᓵᓄᑦ ᓇᓗᓇᐃᔭᑦ 2020-2025

ᓴᖅᑭᑎᑕᒥᓂᖅ ᑐᓴᕆᐊᕐᕕᖃᓚᐅᖅᖢᑎᒃ ᓄᓇᖃᖅᑲᖅᓯᒪᔪᓂᒃ ᐅᑭᐅᖅᑕᖅᑐᓂᓗ ᓄᓇᓕᐅᔪᓂ ᐊᓯᖏᓐᓂᓗ ᑲᓇᑕᒥᐅᓂᑦ, ᓇᓗᓇᐃᔭᖅᓯᒪᔪᖅ ᑐᑭᒧᐊᒍᑕᐅᒐᔭᖅᑐᖅ ᐱᓕᕆᖃᑎᒌᓄᑦ ᓴᖅᑭᑎᑦᑎᓂᕐᒥᑦ ᐊᑐᓕᖁᔭᓕᐊᒧᑦ ᐸᕐᓇᐅᒻᒧᑦ. ᑕᐃᓐᓇ ᐸᕐᓇᐅᑦ ᓇᓗᓇᐃᖅᓯᒐᔭᖅᑐᖅ ᑎᑎᕋᖅᑕᐅᓗᓂ ᖃᓄᖅ POLAR−ᑯᑦ ᐱᓕᕆᖃᑎᖃᕋᔭᕐᒪᖔᑕ ᐊᑐᓕᖅᑎᕐᓂᐊᕐᓗᒍ ᓇᓗᓇᐃᔭᖅᑕᐅᓯᒪᔪᖅ ᐱᖃᓯᐅᔾᔨᓗᓂ ᐱᓕᕆᖃᑎᒋᕝᕕᐅᓂᐊᕐᓂᖏᑦ ᓯᕗᓪᓕᐅᑎᔭᕆᐊᓖᑦ, ᐱᔾᔪᑏᑦ ᖃᓄᐃᒋᐊᕐᓂᐅᔪᓪᓗ.

ᐱᔾᔪᑎ

ᐱᔾᔪᑎᖓ ᖃᐅᔨᓴᕐᓂᐊᕐᓂᒃᑯᑦ ᓴᓇᕐᕈᑏᓪᓗ ᐊᑐᖅᑕᐅᒍᓐᓇᕐᓂᖏ. ᓇᓗᓇᐃᔭᖅᑕᐅᓯᒪᔪᖅ ᓇᓗᓇᐃᔭᐃᔪᖅ ᖃᓄᖅ POLAR−ᑯᑦᐱᓕᕆᖃᑎᖃᕐᓂᐊᕐᒪᖓᑕ ᓄᓇᖃᖅᑲᖅᓯᒪᔪᓂᒃ, ᖃᐅᔨᓴᕐᓂᐊᕐᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᓴᓇᕐᕈᑏᑦ ᐊᑑᑎᖏᑕ ᖃᐅᔨᒪᔭᐅᓂᖏᓐᓄᑦ ᑎᒍᒥᐊᖅᑎᐅᔪᓄᑦ ᓴᖅᑭᑎᑦᑎᓂᐊᕐᓗᑎᒃ, ᓴᖅᑭᑎᑦᑎᓂᒃᑯᑦ ᐊᐅᓚᔾᔭᐃᒍᑎᒋᓗᒍᓗ ᖃᐅᔨᒪᓂᖅ ᑐᑭᓯᐅᒪᖃᑎᒌᑦᑎᐊᑲᓐᓂᕐᓂᐊᕐᒪᑕ ᐃᓕᒃᑐᕈᓐᓇᕐᓗᒍᓗ ᓱᒃᑲᔪᒥᒃ ᐊᓯᔾᔨᖅᐸᓪᓕᐊᔪᖅ ᐅᑭᐅᖅᑕᖅᑐᖅ. ᐅᑎᖅᑎᑦᑎᓂᒃᑯᑦ ᖃᐅᔨᒪᓂᐅᔪᒥᒃ ᑎᒍᒥᐊᖅᑕᐅᓂᖓᓂᒃ ᐅᑭᐅᖅᑕᖅᑐᒥᐅᑕᐃᑦ ᓄᓇᓖᑦ ᑐᑭᑖᕈᑎᖃᖃᑦᑕᖅᑐᓄᓪᓗ ᐃᑲᔪᖅᑐᐃᔪᓂᒃ ᐊᑐᕋᒃᓴᓂᒃ ᓇᓗᓇᖏᑦᑐᓂᓪᓗ ᑐᕌᖓᔪᓂᒃ ᑐᑭᑖᕈᑎᖃᕋᓱᐊᕐᓂᕐᒧᑦ.

ᓯᕗᒃᑲᖅᑕᕈᑕᐅᒐᔭᖅᑐᑦ ᐱᓪᓚᕆᖁᑎᒋᔭᐅᔪᑦ ᐊᒻᒪ ᐱᔭᕆᐅᖅᓴᓂᕐᒧᑦ ᓯᕗᒃᑲᖅᑕᕈᑦ ᐊᑐᓕᖅᑎᑦᑎᓂᕐᒧᑦ

• ᐱᓕᕆᖃᑎᒌᖕᓂᖅ ᓴᖅᑭᑎᑦᑎᓂᕐᒧᑦ
• ᑲᑐᔾᔨᖃᑎᒌᖕᓂᖅ
• ᐱᕙᓪᓕᐊᖃᑎᒌᖕᓂᖅ
• ᓄᓇᓕᖕᒥᒃ ᐱᖃᑕᐅᑎᑦᑎᓂᖅ
• ᖃᐅᔨᒪᓂᐅᑉ ᐊᐅᓚᔾᔭᐃᓂᖓ
• ᖃᐅᔨᓴᕐᓂᒃᑯᑦ ᓄᐊᑕᐅᓯᒪᔪᓂᒃ ᐊᐅᓚᑦᑎᓂᖅ

ᑐᕌᒐᐃᑦ ᓱᓇ ᖃᐅᔨᒪᓂᖅ ᐊᑐᕋᒃᓴᐅᔪᕐᓘᓐᓃᑦ ᐊᑯᓐᓂᖃᕈᑎ ᐊᑯᓐᓂᖃᕈᓐᓂᕆᐊᖃᖅᐸ?	ᑲᔪᓯᑎᑦᑎᓂᖅ ᖃᐅᔨᒪᓂᕐᒥᒃ ᓱᓇᐃᑦ ᐊᓯᔾᔨᕐᓃᑦ ᐋᖅᑭᒋᐊᖅᑕᐅᒍᓐᓇᖅᐸᑦ ᐊᒻᒪ/ᖃᐅᔨᒪᓂᖅᑖᕐᓘᓐᓃᑦ ᓴᖅᑭᑎᑕᐅᒍᓐᓇᖅᐸ?	ᐊᐅᓚᑦᑎᒍᑎᖃᕐᓂᖅ ᖃᐅᔨᒪᓂᕐᒥᒃ ᖃᓄᖅ ᑐᓴᖅᑕᕕᓃᑦ ᐊᑐᖅᑕᐅᒍᓐᓇᖅᐸᑦ ᐊᒥᖅᑲᐅᑕᐅᓗᑎᒡᓗ?
ᑐᕌᒐᖅ ᓯᕗᓪᓕᖅ ᖃᐅᔨᒪᓂᖅ ᐋᖅᑭᒋᐊᕐᓗᒍ ᐅᑭᐅᖅᑕᖅᑐᒥ ᓄᓇᒥᐅᑕᐃᑦ ᒥᒃᓵᓄᑦ, ᑕᕆᐅᖑᙱᑦᑐᒥ ᐃᒪᕐᓂᑦ ᐊᒻᒪ ᐳᐃᔩᑦ ᐃᒪᕐᒥᐅᑕᐃᑦ ᓇᔪᒐᖃᑎᒌᖕᓂᒃ ᓯᓚᖃᑎᒌᖕᓂᖏᓐᓂᓪᓗ ᐊᓯᔾᔨᐸᓪᓕᐊᔪᓂᒃ ᓱᒃᑲᔪᒥ.	ᑐᑭᓯᐅᒪᖃᑎᒌᓐᓂᖅ ᐅᑭᐅᖅᑕᖅᑐᒥ ᐆᒪᔪᑦ ᓇᔪᖓᖃᑎᒌᖕᓂᖏᓐᓂᒃ ᓯᓚᖃᑎᖐᖕᓂᖏᓐᓂᑦ ᑲᓱᖃᑦᑕᒥᖏᑕᓗ ᓇᓗᓇᐃᖅᓯᓂᖅ ᐆᒪᔪᓂᒃ ᖃᐅᔨᓴᖅᑕᐅᔪᒃᓴᒫᓂᒃ ᖃᐅᔨᓴᕋᑦᑕᐅᒐᔭᖅᑐᓂᓪᓗ	ᖃᐅᔨᒪᓂᖅ, ᖃᐅᔨᓴᕐᓂᒃᑯᑦ ᓄᐊᑕᐅᓯᔪᑦ ᖃᐅᔨᔭᐅᓯᒪᔪᓪᓗ ᖃᐅᔨᔭᐅᑎᑕᐅᓗᑎᒃ ᐊᑐᖅᑕᐅᓗᑎᓪᓗ ᑲᓇᑕᒥ ᓯᓚᕐᔪᐊᒥᓗ ᐱᓕᕆᖃᑎᒌᓄᑦ ᓇᐃᓪᓕᑎᖅᓯᒪᔪᑦ ᐊᑐᐃᓐᓇᐅᑎᑕᐅᓗᑎᒃ ᓄᓇᓕᖕᒧᑦ, ᐊᕕᒃᑐᖅᓯᒪᔪᓄᑦ ᓄᓇᓄᑦ ᑲᓇᑕᒥᓗ ᑐᑭᑖᕈᑎᖃᖅᐸᒃᑐᓄᑦ ᖃᓄᐃᓕᐅᕐᓂᐅᔪᑦ ᐋᖅᑭᒃᓱᐃᒍᑕᐅᖃᑦᑕᕐᓗᑎᒃ ᑕᐃᒃᑯᓄᖓ ᓄᓇᓕᖕᓄᑦ, ᓄᓇᐅᔪᓂ ᒐᕙᒪᑐᖃᒃᑯᓪᓗ ᑎᒥᖁᑎᖏᓐᓄᑦ
ᑐᕌᒐᖅ ᑭᖑᓪᓕᖅ ᐱᕚᓪᓕᖅᑎᓪᓗᒍ ᑐᑭᓯᐅᒪᖃᑎᒌᖕᓂᖅ ᐊᒃᑐᐊᓂᖏᑕ ᑖᒃᑯᐊ ᐅᑭᐅᖅᑕᖅᑐᒥ ᓄᓇᓕᐅᑉ ᖃᓄᐃᖏᑎᐊᕐᓂᖓ ᐊᒻᒪ ᐊᕙᑎᐅᑉ ᐃᓗᓕᖓ	ᑐᑭᓯᓗᒋᑦ ᐃᖃᓗᐃᑦ ᐆᒪᔪᐃᓪᓗ ᐃᓗᓯᖏᑦ ᖃᓄᐃᓐᓂᖏᓪᓗ ᐊᒃᑐᐊᓂᖏᑦ ᓂᕐᔪᑎᓄᑦ ᐊᑐᐃᓐᓇᐅᓂᖏᓪᓗ ᑐᑭᓯᓗᒋᑦ ᐊᒃᑐᖅᑕᐅᓯᒪᔪᑦ ᓄᓇᖏᔭᐅᔪᒥ ᓱᕐᕈᕐᓇᖅᑐᓄᑦ ᐊᕙᑎᒦᑦᑐᓄᑦ ᓄᓇᓕᐅᓪᓗ ᖃᓄᐃᖏᑦᑎᐊᕐᓂᖓ ᑐᑭᓯᓗᒋᑦ ᐊᒃᑐᖅᑕᐅᓯᒪᔪᑦ ᑕᒃᑯᓇᓂ ᐃᓄᖕᓄᑦ ᐊᑐᖅᑕᐅᕙᒃᖢᑎᒍᑦ ᐊᕙᑎᒧᑦ ᐊᒃᑐᐃᓯᒪᔪᑦ ᓄᓇᓕᒃ ᖃᓄᐃᖏᑦᑎᐊᕆᐊᖅᑎᑲᓐᓂᕐᓗᒍ	ᖃᓄᐃᓕᐅᕐᓃᑦ ᐃᑲᔪᖅᓯᓗᑎᒃ ᓈᒻᒪᒡᓗᑎᒃ ᐃᖅᑲᓇᐃᔮᖓᓄᑦ ᐊᕕᒃᑐᖅᓯᒪᔪᓄᑦ ᓄᓇᓄᑦ ᐊᒻᒪ ᒐᕙᒪᑐᑲᒃᑯᓐᓄᑦ, ᑲᓇᑕᒥ ᓄᓇᖃᖅᑲᖅᓯᒪᔪᑦ ᑎᒥᖁᑎᖏᓐᓄᑦ ᐃᓕᓐᓂᐊᓂᕐᒧᓪᓗ ᐱᓕᕆᖃᑎᒌᓄᑦ
ᑐᕌᒐᖅ ᑭᖑᓪᓕᖅ ᑲᔪᓯᑎᓪᓗᒍ ᐊᑲᐅᓂᖅᐹᒃᑯᑦ ᐆᒻᒪᖅᑯᑎᖃᕐᓂᖅ, ᓴᓇᕐᕈᑎᑎᒍᑦ ᓴᓇᖃᑦᑕᕐᓂᒃᑯᑦ ᐊᑐᖅᑕᐅᖁᔭᐅᔪᑦ ᐊᔾᔨᖃᖏᑦᑐᒧᑦ ᐊᕙᑎᒧᑦ, ᐃᓅᓇᓱᐊᕐᓂᕐᒧᑦ ᐱᖅᑯᓯᒃᑯᓪᓗ ᖃᓄᐃᓐᓂᐅᔪᓂᑦ ᐅᑭᐅᖅᑕᖅᑐᒥ	ᑐᑭᓯᓗᒋᑦ ᐆᒻᒪᖅᑯᑏᑦ ᐊᑐᖅᑕᐅᒍᓐᓇᕐᓂᖏᑦ, ᐊᑦᑕᕐᓗᑯᐃᑦ ᐃᒥᕐᒥᓪᓗ ᐃᒥᕋᒃᓴᕈᖅᑎᑦᑎᒍᓐᓇᕐᓂᖅ ᓴᓗᒪᔪᒥᒃ ᐅᑭᐅᖅᑕᖅᑐᒥᐅᑕᓄᑦ ᓄᓇᓕᐅᔪᓄᑦ ᑐᑭᓯᓗᒋᑦ ᐊᔾᔨᖃᙱᑦᑐᖅ ᐱᖅᑯᓯᖅ, ᐊᕙᑎᓕᕆᓂᖅ, ᓴᓇᕐᕈᑎᑎᒍᓪᓗ ᐃᓱᒪᒃᓴᖅᓯᐅᕈᑕᐅᓯᒪᔪᑦ ᐅᑭᐅᖅᑕᖅᑐᒥ ᐃᓪᓗᓕᕆᓂᕐᒧᑦ ᒥᑭᓪᓕᒋᐊᕐᓗᒍ ᐅᖅᓱᐊᓗᖅᑐᕐᓂᖅ ᐊᑐᓕᕐᓗᓂ ᓈᒻᒪᑦᑐᓂᑦ ᓴᓇᕐᕈᑎᓂᒃ ᒥᑭᓪᓕᕚᓪᓕᑎᓪᓗᒍ ᓯᕕᑐᔪᒧᑦ ᐃᓗᓯᕐᒧᑦ ᐊᕙᑎᒧᓪᓗ ᐊᒃᑐᐃᓂᕐᓗᖃᑦᑕᖅᑐᑦ ᐃᒥᖅᑐᓂᕐᒧᑦ ᐊᒃᑕᑯᓄᓪᓗ ᐊᒃᑐᐃᓂᖃᖅᐸᑦᑐᑦ ᐊᑕᖏᖅᑐᒥᒃ ᐱᒋᐊᕈᑎᖃᕐᓂᖅ ᐋᖅᑭᒋᐊᖅᑕᐅᓯᒪᔪᖅ ᐃᓪᓗᓕᕆᓂᕐᒧᑦ	ᖃᐅᔨᓴᐅᑕᐅᓯᒪᔪᑦ ᓄᐊᑕᐅᓯᒪᔪᑦ, ᖃᐅᔨᔭᐅᓯᒪᔪᑦ ᐊᒻᒪ ᖃᐅᔨᒪᓕᕐᓂᖅ ᑐᓴᖅᑎᒃᓯᒍᑕᐅᓗᑎᒃ ᑐᑭᑖᕈᑎᖃᖅᐸᒃᖢᓄᑦ, ᓄᓇᓕᖕᓂ ᓄᓇᖅᑲᑎᒌᓄᑦ ᓴᓇᕐᕈᑎᓂᓪᓗ ᐊᑐᕈᓐᓇᕐᓂᖏᓐᓂᑦ ᖃᐅᔨᔭᐅᓯᒪᓂᖏᓐᓂᑦ ᓴᓇᕙᒃᑐᓄᑦ ᖃᓄᐃᓕᐅᕐᓃᑦ ᖃᐅᔨᔭᐅᓯᑕᐅᓗᑎᒃ ᑕᐃᒃᑯᓄᖓ ᒐᕙᒪᑐᖃᒃᑯᑦ ᑎᒥᖁᑎᖏᓐᓄᑦ ᐃᓕᓐᓂᐊᓂᕐᒧᓪᓗ ᐱᓕᕋᑎᒌᓄᑦ

Footnotes

_________________________

1. IPCC, 2018; Meakin and Kurvits, 2009
2. Meltofte, 2013; AMAP 2017; IPCC 2018; Bush and Lemmen, 2019
3. https://www.ic.gc.ca/eic/site/131.nsf/eng/h_00000.html
4. https://www.ic.gc.ca/eic/site/131.nsf/eng/h_00000.html
5. https://open.canada.ca/en/content/canadas-2018-2020-national-action-plan-open-government
6. https://arctic-council.org/index.php/en/our-work2/8-news-and-events/488-science-agreement-entry-into-force
7. https://www.itk.ca/national-strategy-on-research/