Tanig Gisi O’pla’ujig Apoqnmatimuow (‘Nnu’g) TA’N TELUGWEG GOQWEI

Gina’matimgei Apoqnmati Ganata (GAG) na nujo’tg ta’n telpijo’luj aq ta’n telnujeiuj o’plataqatijig aq pijo’lujig me’ aq tapuipnqeg.

Newt gisima’muio’pla’lulg, pewalulneg gegnuweiugsin aq angweiugsin goqwajo’tigtug aq gepmite’taqan. Telugutijig Nujiapoqnmua’tijig eimu’tijig aq tlimultaq ta’n goqwei telteg ‘gji’tun GAG aq ta’n wen gisiopla’l’sg’p.

Geitueg na ugjigsu’g aq ta’n wigultimgl na mawiespite’tas’g ula Ganatiesuwei ta’n teloltimg. Aq elg geitueg na gaqi’sg wen amsala’lugutal ta’n wenn nenuatl. Gisignmulten gegnua’taqan ta’n getu’gji’tun ugjit na amsala’l’s’gp, ‘gtu’nmi’j negm gisna Mu. Tla’qtaqatesnen ta’n telpuwatmn.

Pugwelgl na eig’l ta’n tlnutulten ula G’pno’lewei Gegina’matimg wesgo’tas’g. Gisignmulten gegnua’taqn wejiaq GAG aq elg gnua’taqan ugjit na ta’n wen o’pla’ls’gp.

Gi’l elg gis tlimastesg na Ta’nig Gisio’pla’lujig Nujiulima’tijig (TGN). TGNaq gisiapoqnmua’tita na GAGaq aq ta’n Nujiapigsigtaqatijig Ugjit Ganata (NUG), na etliapoqnmueg ugjit ta’n telitmg ‘tplutaqann ta’n telignmut wen tu’wen ta’n tujiw pisij etlgina’matimg.

Gisimsntes ta’n goqwei getu’gjitu’n ugjit ta’n wen amsala’l’sg’p, pas’g eltaqte’majig GAG aq NUGewaq aq gelutmn. Ula gegnua’taqan gisi apoqnmultew ‘ns’tasin ta’n tellugwegl ‘tplutaqnn, wen ignmuj ges pisij laplusang, apoqnmutew mu nsanoqigtug igalugsin, aq elg etug jel gisa’lultew ulte’tmn ugjit ta’n gistliaqap. Je we’gaw gisaps’nmuateg wen piluwei gnua’taqan, gisna ignmuates ta’n wen weltelm’t gisapgnmulnin gegnua’taqan ugjit gi’l.

Na Gina’matimewei aq ‘Tplutaqn Ta’n Tua’luj Wen (NGTTW) tlimultew ‘tplutaqan ta’n telins’tasimg ugjit ta’n wen gisims’ntew gnua’taqan ugjit ta’nig pisutijig piamiw tapuipungeg:

• Na’tuwen ta’n gisjileiut gisna gisa’lut pisu’jipasin muta na’tuwen gisma’muni o’pla’teget.
• Ta’n wen malie’wi’titl, gisna toqnasijig, ta’n wen elita’sualtl, ta’n wen nujeiwatl, ta’n wen nepg’snaq gisna mu
• nugu’ giseiasigw (s’tge’ mijua’ji’j gisna ta’n wen gesnugwat), na’tuwen ta’n angweiwatl na gisio’pla’lutp gisna
• Na’tuen ta’n mesigetg gast’plewigtug gisna Gpno’ewigtug.

Newt wen pipanimugsieg ta’n goqwei pewatas’g, ignmuatesnen gnua’taqan ula telamu’g:

• ta’n opla’tegep teuisij,
• ta’n telopla’tegep, aq ta’n etlisumut’p,
• ta’n tujiw pijasitew etlgina’matimg aq ta’n tlipitqat’tew.
• ta’n tujiw opla’tegep ilamaten ugjit gismatu’tu’wen gisna apisigtugsin.

Ula elg gnua’taqnn gisiangu’ignmulten:

• ta’n tewje’g opla’tegep;
• o’plategep gina’matimg pisin gisna mu, ta’n goqwei ugjit;
• ta’n tegen lapulusan etlgnut ta’n o’pla’tegep;
• tlimusin ta’n tujiw o’pla’tegep piluwei laplusan ela’luj.
• guna’tugsin ta’n tlugwetew aq ta’n goqwei na o’pla’tegep etlgina’masij gisna gegina’masip;
• te’s ma’muni’w elistg ta’n o’pla’tegep;
• ta’n tesugunitew ignmuj tu’wen gisna tu’lugwen, apisigtuj gisna amujpana tewa’luj;
• ta’n goqwei ugjit ta’n telgistu’wej;
• ta’n nuta’q tla’tegen na o’pla’tegep gulaman gistu’wetew, gisna gislugwetew, apigsigtut gisna amujpa tewa’lut;
  ta’n o’pla’tegep lietwe newt ignmuj ijga’tu’wen, tu’lugwen, apigsigtuj gisna amujpa tewa’luj aq gigjiw pmien ta’n
• o’pla’lapnn wiginij; aq ta’n tujiw na Nujiapigsigtua’tijig Ugjit Ganata mawagnutmatij ugjit siawgnugsin na o’pla’tegep piamiw ta’n telsmut’p.

‘Gtu’tla’tegen, gisgnua’tegeg aq tluwetesg ta’n na o’pla’taqan gis sa’se’wa’tasg’p ta’n telein aq ‘gjigsu’g gisna gisgnua’tuaq

Ta’n goqwei geitu’n ugjit ta’nwen ‘opla’ls’g’p. Na ‘gnua’taqan gisie’was’gt’tew ta’n tujiw ilsumuj na o’pla’lsg’p. Jiptug e’was’gt’tew elt ta’n tujiw mawita’tij NUGaq ap negmow ilsutmi’tij ugjit apigsigtugsin aq apatgimugsin gisio’pla’tegep wiguaq.

Ta’n tujiw pipanigesin GAG ugjit ‘msnmn gua’taqan, na o’pla’tegep mu telimam’g na gisltaqte’muieg getu’gji’tun goqwei. Gatua, telimieg’s gnua’taqan ta’n gis sa’se’wa’tutew ta’n telilsumuj o’plategep aq ta’n tltu’wetew etlgina’matigm, na tujiw amujpana telimut ta’n o’pla’tegep. Ta’n wigin aq ta’n teliltaqte’mulg ma’ignmuam’g ta’n o’pla’tegep.

Gisltaqte’getesg GAG me’ goqwei piluwei ‘gtugji’tu’n ta’n teliapoqnmujig ta’nig gisi o’pla’lujig gisna me’ gunua’taqan.

Mu talawtinug: 1-866-806-2275
E-mail: victims-victimes@csc-scc.gc.ca
www.csc-scc.gc.ca/victims-victimes

Nujiapigsigtaqatijig Ugjit Ganata
Mu talawtinug: 1-866-789-4636
Department of Justice – Victims Fund
www.pbc-clcc.gc.ca

G’pno’lei Ilsutaqanei – Amsala’ujig Ugtsuieweimuow Eteg
(Sulieweigtug aponmutel ugjit lien Apisigtaqatijig Mawita’tij Isutaqatinew)
Mu talawtinug: 1-866-544-1007
www.justice.gc.ca

Ta’n Nutewistoq Ugjit Ta’nig Amsala’lujig Etlugwej
Mu talawtinug: 1-866-481-8429
www.victimsfirst.gc.ca