pijauKattajunut kiggatuttingit

Pannanaitsimaviligijet kiggatuttingit Canadami kamaKattajut tigujausimajunut ammalu nunalimmi kamajiutlutik pilukâKattajunut ammalu pannanaitsimavimmejunut maggonik jârennik jârikKutunitsanillonet.

Pilukattausimaguvit, Kaujimatsiagumavugut kamagijautsiamangâppilonnet nâmmasiattumik ammalu sulijugijaullutillu. Kamatsiajut pilukattauKattajunut kiggatuttingit atuinnauvut sakKititsigiamik Kaujigatsanik pitjutiKajunut Pannanaitsimaviligijet kiggatuttinginnik Canadami ammalu taipsumunga pilukâsimajumut ânnesimajuk ilinnik.

Kaujimatsiamagivugut ilaget ammalu nunalet ikKanattumagiuvuk ilagijautluni Canadaup iluggusinginnik. Kaujimagivugut kinatuinnak pijauluaKattajut inummik Kaujimajamminut. KaujigatsatâgajakKutit pitjutigillugu taipsumunga inummik ânnesimajumut ilinnik upvalu Kanutuinnak tusagumangikaluaguvit taipsumunga inummik, Sulijugijavut annigigumajait.

Kanutuinnak atugajakKutit nipaKagiamut pannanaitsimaviligijet piusinginnik. KaujigatsatâgajakKutit tâkkunangat Pannanaitsimaviligijet kiggatuttingit Canadamit ammalu Kaujigatsatâlutillu taipsumunga inummik ânnesimajumik ilinnik.

Ammalu atuKatiKagajakKutit takunâjannik taikkununga kamaKattajunut pijausimaunut UKautjigiajet katimattinginnut. Tamakkua katimajet pijausimaunut katimattingit uKasongugivut kiusongullutik taikkununga Pannanaitsimaviligijet kiggatuttingit Canadami ammalu taikkununga AnittitauKattajunut AngajukKauKatigenginnut, taikkua ikajuKattajut pivalliatitsigiamik pannanaitsimavinni ammalu maligatsatâttausimajunut anittitaukKâgatik maligatsanginnut ammalu suliatsanut.

KaujigatsatâgajakKutit pitjutigillugu taipsumunga inummut ânnesimajumut ilinnut Kaujitillugit Pannanaitsimaviligijet kiggatuttingit Canadami upvalu kamajinnut anittitaujuKakKâtinnagu katimajinginnut Kinugautigillugu. Tânna Kaujigatsak ikajugajattuk ilinnik tukisitsiagiamut pannanaitsimaviligijet ammalu maligatsaliuKattajunut anittitaujuKalippat piusigijanginnik. Ikajugajattuk kamatsianitsaugiamut ulapitsaigiamut piusitsanut. KaujigatsatâgajakKutillu asinnut upvalu kinatuinnamut sulijugijannut Kaujigatsatâsongugiamut.

Pannanaitsimaviligijet ammalu MaligatsaliuKattajut AnittitaujuKakKâtinnagu Maligatsasuanga sakKititsiKattajuk maligatsatigut tukigijanginnik Kaujigatsatâsongujunut pitjutigillugu siKumitsiKattajunut pannanaittausimajuillu maggonik jârennik jârikKutunitsanillonet:

• inuk ânnitausimappat upvalu siunniusimappt timikkut upvalu tannikut kinakiak siKumitsisimajumut maligatsanik,
• aippak upvalu ilanga, ilagek, sugusik, kinatuinnak kamajuk pijausimajumut inogunnaitluni upvalu imminik kamagunnangituk angutik upvalu annak (sollu., pijausimajuk Kanimaguni upvalu sugusiuppat), kinatuinnak kamajuk sugusimmik pijausimalluni, upvalu
• Inuk nâmmasingiutiKajuk mauntikkunut upvalu itluatsaiviligijiujunut ikKatuijimmut.

KinugautiKakKâtilluta, sakKititsilangavugut Kaujigatsanik ukununga:

• Maligatsamik siKumitsisimajop atinganik,
• siKumitsisimanninga sunaummangât ammalu itluatsaivet atinga kamagijausimanninganut,
• pigiasipvingata ullunga siKumitsisimajop pannanaittaugutitsanganut ammalu Kanuk akuniutigijumik tigujausimaniammangât, ammalu
• siKumitsisimajop Kanga anittitauniamangât ullungit anittitaulaullaniappat ammalu maligatsasangit anittitaukKâgani.

Ukuninga KaujigatsatâgiallagajakKutit:

• siKumitsisimajop jâringanik;
• tainna siKumitsisimajuk pannanaittausimammangât ammalu, pannanaittausimangikuni, summaumangât;
• atinga ammalu ininga pannanaitsimaviup tigumiattaugutinganik pannanaitsimavimmi;
• Kaujigatsak pitjutigillugu asianut nottauniappat pannanaitsimavimmut;
• Kaujigatsak pitjutigillugu atugajattanginnik ikajuttaugiamut siKumitsisimajop ilauKataugutinginnut upvalu ilauKatausimajanginnut;
• Pimmagittut siKumitsisimanninga maligatsanik taipsumunga siKumitsisimajumut;
• Ullunga anittitaugutiginiattanga anittitaulaullaginiappat, suliagigialingit, maligatsatâgutingit upvalu maligatsaKattitaulluni anittitaugutingit;
• Ullungata Anittitaugutet AngajukKauKatigenginnut tusâgutinga ilingajumut siKumitsisimajop maligatsamik;
• Pitjutigijangit anittitaulaullaniappat summaumangât;
• Sunatuinnait maligatsaginiattangit atagialet siKumitsisimajop maligatsanik anittitaulaullaniappat, suliatsaginiattangit, maligatsasangit anittitaukKâgani, upvalu maligatsaKattitaulluni anittitaugutingit;
• siKumitsisimajop maligatsamik iniginiattanga anittitausimalippat, suliatsaginiattanga, maligatsaginiattangit, upvalu maligatsaKattitaugutiginiattangit anittitausimalippat ammalu tainna siKumitsisimajuk Kanittumeniappat ânnesimajamminik initsanga; ammalu
• ullusanga AnittiaujuKalippat AngajukKauKatigengit tusâgutitsanga ilingajumut siKumitsisimajop Maligatsamik.

Annigusuguvit, KaujigatsaliugajakKutit pitjutigillugu siKumittausimajuk Kanuk attuisimammangât ilinnik upvalu ilagijannik upvalu Kaujigatsaliullutit ilinganiattumut siKumitsisimajumut maligatsamik ânnetluni ilinnik. Kaujigatsak atuttausok kajusiutiliugiamut pitjutigillugu siKumitsisimajop maligatsatigut pannaigutinginnut. Atuttausongummijuk AnittitaujuKanialippat AngajukKauKatigenginnut kajusiutiliulippata pitjutigillugu siKumitsisimajop maligatsanginnik anittitaunialippat nunalimmut.

Kaujititsiguvit Pannanaitsimaviligijet kiggatuttingit Canadami pijausimajunut kiggatuttinginnut Kaujigatsatâgumagiamut, siKumitsisimajuk KaujititauKattangituk Kaujigatsatâgumasimajutit uvattinit. Tâvatuak, Kaujigatsaliusimaguvit atuttaupallu kajusiutiliugiamut attuiniappat siKumitsisimajop anittitaugutitsanganut pannanaitsimavimmit, Pannanaitsimaviligijet kiggatuttingit Canadami Kaujititsigialik siKumitsismajumut. Kaujigatsatit sollu tugâgutet upvalu phonnet numaranga tunijauniangituk siKumitsisimajumut maligatsamik.

KaujititsigajakKutit Pannanaitsimaviligijet kiggatuttingit Canadami ilivalliagiamut Pijausimajunut kiggatuttinginnut upvalu KinugautiKallutit Kaujigatsanik.

AkiKangitukkut Phonninga: 1-866-806-2275
Kagitaujatigut: victims-victimes@csc-scc.gc.ca
Kagitaujammi Kaujigatsangit iluani: www.csc-scc.gc.ca/victims-victimes

Maligatsaliuttet AngajukKauKatigengit Canadami – kiggatuttet pijausimajunut
AkiKangitukkut phonninga 1-866-789-4636
www.pbc-clcc.gc.ca

SuliaKapvik Maligatsaligijiujunut – Pijausimajunut kenaujaKutingit
(kenaujanut ikajuttet ilauKataugiamut TusâgiajiKalippat Anittitauniattunut Maligatsaliuttet AngajukKauKatigenginnut)
AkiKangitukkut Phonninga 1-866-544-1007
www.justice.gc.ca

SuliaKapvik Federal Ombudson ilingajumut pijauKatajunut maligatsanik siKumitsisimajunut
AkiKangitukkut phonninga1-866-481-8429
www.victimsfirst.gc.ca