Ilaliutiniq Naunaipkariami Ukiuqtaqtulirinikkut Qauyimaniq Kanataup 2020mit 2025mut Ihivriuqniqmut Ihumaliurut Ihumaliurhimayuq Ihumaliurut

Ukiuqtaqtulirinikkut Qauyimaniq Kanata (POLAR) havaliqtut taimaa tallimanut ukiunik Ihivriuqniqmut Ihumaliurutinganik hivitutqiamullu timiqutigiyauyuq tamainnut Ihumaliurhimayuq Ihumaliurut naunaiyariami timiqutigiyauyup hivunikhami manikhangit, pinahuarutingit hulilukaarutingitlu 2020mit 2025mut, taimaa hapkuninnga:

  • Hivumuuqtuq ilihimaninnga Kaanatamiutat Ukiuqtaqtumi taimaa ihuarhigiaminik maniliurniqmut pivikhaqautingit, avatinganut munariniq qanurittaakhaaniklu inuuhingit inungnut tamaitalu aadlat Kaanatamiutat;
  • Atuliqtitaugiami piliurninnga hiamitirninnga ilihimaninnganik aadlat ukiuqtaqtumiutat, unalu Antarctic-lu;
  • Hakugiktigiami Kaanataup hivuliqtiniq ukiuqtaqtut ihumaaluutinganik; unalu,
  • Tunigiami ihivriuqvikhaq nunaryuaptikni ittut Kaanatami Quulitqiami Ukiuqtaqtumi Ihivriurvikhanganik Iqaluktuutiami, Nunavut.

Tuhaayumayugut iliknit!
POLAR Uqaqtait Qanuqtut Ihumagiyarnik angmaumayut tamainnut tuniumayut qanuqtut ihumagiyamiknik.

POLAR ihumaginiaqtait qanurittaakhaanik ublumimut nutaamit pinahuarutimut hulilukaarutinginnik havauhikhamullu, pivikhaqautikhaqlu piliuriami ihumaliurutinik hulilukaarutiniklu aadlanut katimayiuyunut timiqutigiyauyunullu.

Ihumagiyauyuq POLAR 2020-2025 Ihivriuqniqmut Ihumaliurut unalu Ihumaliurhimayuq Ihumaliurutinga tuniyauniaqtuq 2019mi.

Qanuqtut tuniniaqqit qanuqtut ihumagiyarnik
POLAR akhuuquyaatit ilaugiaqni Apiriyuq Qanuqtut Ihumagiyarnik uumunnga May 31, 2018 tunigiaqni qanuqtut ihumagiyarnik ikayurniaqtuq naunaiyariami POLAR hivuniqmi manikhakhanganik, pinahuarutinik hulilukaarutiniklu 2020mit 2025mut.

Qaritauyakkut:
Piinariaqaqtat Apirhuut Qanuqtut Ihumagiyarnik qaritauyakkut hamani.

Hivayarlutit, qaritauyakkut titiraqlutit kayumiktukkulluuniit:
Iniqtirilluarumagukni una Apirhuut Qanuqtut Ihumagiyarnik kayumiktukkut titiraqlutilluuniit, titiraqlutit uumunnga info@polar.gc.ca uqaqatigilutaluuniit uumani 613-943-8605.

Unalu Apirhuut Qanuqtut Ihumagiyarnik, POLAR qinirhianiaqtut pivikhaqautikhamik ilaugiami talvunga Kaanatami polar ihivriuqniqmut ilihimaniqmullu piyut nunallaanut, ukunanullu Aadlainut, Inuinnainnut Qablunaavyaktunullu Aadlait timiqutigiyauyunullu.

Apirhuutiqaruvit
Apirhuutiqaruvit piliurninnganut POLAR-mut 2020-2025 Ihivriuqniqmut Ihumaliurut unalu Ihumaliurhimayuq Ihumaliurutinga, uqaqatigiluta uumani: info@polar.gc.ca.

Report a problem or mistake on this page
Please select all that apply:

Thank you for your help!

You will not receive a reply. For enquiries, contact us.

Date modified: