ᐅᑭᐅᖅᑕᖅᑐᒥ ᖃᐅᔨᒪᓂᖅ: ᐊᖅᕼᐊᓕᐊᑦ 2018           

ᐅᖃᐅᓯᑐᐃᓐᓇᓄᑦ ᓇᓗᓇᐃᔭᐃᓂᖅ

• ᐆᒪᔪᓄᑦ ᓱᓇᒃᑯᑖᓄᑦ ᖃᐅᔨᓴᕐᓂᖅ
• ᑎᖓᐅᔭᑦs ᖁᑦᑎᑦᑐᒥ ᐅᑭᐅᖅᑕᖅᑐᒥ ᐆᒪᔪᑦ: ᐅᖃᐅᔾᔪᖅᑕᐅᙳᐊᖅᓯᒪᔪᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᒪᓕᒋᐊᓖᑦ ᖃᐅᔨᓴᕐᓂᐊᖅᑎᓪᓗᒋᑦ ᐊᔾᔨᒌᙱᓐᓂᖏᑦ ᐊᒻᒪᓗ ᐊᐅᓚᓂᖏᑕ ᑲᓇᑕᐅᑉ ᖁᑦᑎᑐᖓᑕ ᐅᑭᐅᖅᑕᖅᑐᒥ ᖃᐅᔨᓴᕐᕕᒃ, ᐃᖃᓗᑦᑑᑎᐊᖅ, ᓄᓇᕗᑦ
  I.D. Hᐊᒡ, L.G. ᓯᖕᑯ, R. ᑐᒃ, D.A ᑯᕙᓐ, ᐊᒻᒪᓗ T.G.A. ᒍᐃᓐ
• ᐊᐅᖏᑕ ᐊᐅᔭᒥ/ᐅᑭᐊᒃᓵᒧᑦ ᐊᓯᙳᖅᐸᓪᓕᐊᓂᖏᑦ ᐱᕈᖅᓯᐊᑦ ᑲᑎᙵᔪᓄᑦ ᐃᖃᓗᑦᑑᑎᐊᒥ, ᕕᒃᑐᐊᕆᔭ ᕿᑭᖅᑕᖓᓂ, ᓄᓇᕗᑦ, ᐱᕈᖅᐸᓪᓕᐊᖃᑦᑕᓕᖅᑎᓪᓗᒋᑦ ᐊᐅᔭᖓᓂ 2015
  J. ᕕᒡᓄ, D.S. ᒪᒃᓕᓇᓐ, ᐊᒻᒪᓗ A.K. ᐱᑐᓯᓐ
• ᓴᖅᑭᑎᑕᐅᕙᓪᓕᐊᓂᖏᑦ ᐊᒻᒪᓗ ᕿᒪᒃᑕᐅᔪᑦ ᓂᕆᕝᕕᐅᖃᑦᑕᖅᑐᑦ ᐊᖑᓇᓱᒃᑕᐅᔪᑦ ᓂᕐᔪᑎᓂᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ: ᖃᐅᔨᓴᕐᓂᖅ
  V. ᓕᐊᓐ-ᕆᒋᓇᓐ, I.D. Hᐊᒡ, ᐊᒻᒪᓗ P.D.N. ᕼᐃᐳᑦ
• ᐃᑭᔪᑦ ᓄᓇᐃᑦ ᐅᑭᐅᖅᑕᖅᑐᒥ: ᐃᑭᕙᓪᓕᐊᓂᖏᑦ ᐊᔾᔨᒌᙱᑦᑐᑦ ᐃᒪᒥᐅᑕᐃᑦ ᐆᒪᔪᑦ ᓄᓇᑦᑎᐊᒥ
  S.E. ᑎᖕᒃ, D. ᐅᓕᕕᐅᑦ, W.L. ᑯᐃᓐᑕᓐ, C. ᔅᐱᓐᔅ, N. ᑎᐊᓐ, C. ᐊᒃᓕ, K. ᐴᑦ, R. Hᐊᑦᓯᓐᔅ, ᐊᒻᒪᓗ S. ᒥᖏᔅᑐ
• ᐅᑭᐅᖅᑕᖅᑐᒥ ᑕᕆᐅᑉ ᐊᕙᑎᖏᑕ ᑭᒡᓕᖃᕐᓂᖏᑕᒍᑦ ᖃᐅᔨᓴᕐᓂᖅ ᐱᓕᕆᐊᔅᓴᐃᑦ: ᖃᐅᔨᓴᕐᓂᖅ ᐊᔾᔨᒌᙱᑦᑐᓂᒃ ᐆᒪᔪᓂᒃ ᐃᒪᒥ ᐳᓛᕋᕐᓂᖅ ᐊᓂᖅᓵᕈᑎᔅᓴᒃᑯᑦ
  J. ᔅᑳᔅ, J. Hᐃᕗᑦ, D. ᒋᑉ, L. ᐳᐊᑎᓐ, D. ᑭᓐᑦ, M. ᓂᐅᓪ, C. ᑳᓴ, R. ᐸᓐᕕᑦ, ᐊᒻᒪᓗ L. ᑐᕆᑦᕕ
• ᐱᕈᓰᕙᓪᓕᐊᓂᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᕿᑭᖅᑕᕐᓂᑦ ᕿᑎᕐᒥᐅᑦ ᑕᕆᐅᖓᓂ: ᐆᒪᕝᕕᒋᔭᐅᔪᑦ ᐊᒻᒪᓗ ᐃᓚᔅᓴᖃᖅᑐᑦ ᐊᔾᔨᒌᙱᓐᓂᖏᑦ
  W. J. ᕕᓕᐊᒻᔅ, K. A. ᐳᕋᐅᓐ, B. A. ᑉᓗᒻ, E. C. ᑳᕐᒪᒃ, L. ᑎᐊᒥᓐ, S. L. ᑖᓂᐅᓴᓐ, B. G. T. ᐃᐅᔅ, R. ᕕᑦᕆᒃᓴᓐ, C. J. ᒪᓐᑎ, L. M. ᕋᑐᒪᓐ, ᐊᒻᒪᓗ A. ᓯᒻᓇᐅᔅᑭ
• ᐱᕚᓪᓕᕋᓱᐊᕐᓂᖅ ᐅᖓᓯᑦᑐᒃᑯᑦ ᐃᑉᐱᒋᓂᒃᑯᑦ ᑐᑭᓯᐊᔾᔪᑎᔅᓴᓄᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᓱᓇᒃᑯᑖᓄᑦ ᖃᐅᔨᓴᕐᓂᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ: ᐅᑭᐅᖅᑕᖅᑐᒥ: ᐅᑭᐅᖅᑕᖅᑐᒥ ᐃᑲᔫᓯᐊᑦ NASA-ᑯᑦ ᐅᑭᐅᖅᑕᖅᑐᒥ-ᐊᒃᓴᕐᓂᓄᑦ ᖃᐅᔨᓴᕐᓂᖅ (ABoVE)
  A. Hᐅᐱᓐ, D. ᒪᒃᓕᓇᓐ, S. ᒍᐃᑦ, C.E. ᒥᓗ, P. ᒍᕆᕕᑦ, E. Hᐅᐃ, ᐊᒻᒪᓗ E. ᓚᓴᓐ
• ᑲᓇᑕᐅᑉ ᐅᑭᐅᖅᑕᖅᑐᖓᓂ ᖃᐅᔨᓴᕐᓂᖅ ᐊᒻᒪᓗ ᐃᓱᒪᒋᔭᐅᔪᒃᑯᑦ ᐋᖅᑭᒃᓯᒪᔪᑦ (CAMPS): ᑐᒃᓯᕋᖅᑕᐅᔪᑦ ᐋᖅᑭᒃᓯᒪᔪᒃᑯᑦ ᖃᐅᔨᒪᔭᐅᔪᓄᑦ ᑐᑭᓯᐊᔾᔪᑎᒋᔭᐅᓗᑎᒃ ᐊᒻᒪᓗ ᐃᓱᒪᒃᓴᖅᓯᐅᕐᓂᕐᒧᑦ ᐊᓯᙳᖅᐸᓪᓕᐊᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐆᒪᔪᓄᑦ
  D.S. ᒪᒃᓕᓇᓐ
• ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ ᐊᒻᒪᓗ ᓄᓇᒋᒥ-ᓇᔪᕐᕕᒥ ᖃᐅᔨᓴᕐᓂᖅ
• ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ ᐊᒻᒪᓗ ᓄᓇᒋᒥ-ᓇᔪᕐᕕᒥ ᖃᐅᔨᓴᕐᓂᖅ
  R.A. ᓂᔅᐱᑦ, N.J. ᕼᐊᑦᓯᓐᓴᓐ, H.E. ᒃᓚᐃᓐ, B.L. ᐹᕐᓕ, J. Hᐊᑦ, J. ᑐᓗᒐᖅ, ᐊᒻᒪᓗ L. ᒪᓐᔪ
• ᓴᖅᑭᑎᑦᑎᕙᓪᓕᐊᓂᖅ ᑐᙵᕝᕕᒋᔭᐅᓂᐊᖅᑐᒥ ᐃᒪᑦᑎᐊᕙᓂ ᐊᔾᔨᒌᙱᑦᑐᑦ ᖃᒪᓂᑦᑐᐊᖅ, ᓄᓇᕗᑦ
  N.J. ᕼᐊᑦᓯᓐᓴᓐ, K.R. Hᐊᑦᓕ, R.A. ᓂᔅᐱᑦ, ᐊᒻᒪᓗ L. ᒪᓐᓱ
• ᐃᓕᓐᓂᐊᖃᑎᒌᓐᓂᑦ: ᓱᓇᒃᑯᑖᓄᑦ ᖃᐅᔨᓴᕐᓂᖅ ᐊᖅᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐃᑲᔪᖅᑎᒌᓯᒪᔪᑦ ᑐᑭᓯᐊᔾᔪᑎᒋᕚᓪᓕᕐᓗᒋᑦ ᐃᖃᓗᒃᐲᑦ ᕿᑎᕐᒥᐅᑦ ᓄᓇᖓᓂ
  N. ᑐᐊᑉ, J.-S. ᒧᐊᕐ, ᐊᒻᒪᓗ ᐃᖃᓗᑦᑑᑎᐊᖅ ᐊᖑᓇᓱᑦᑎᖏᑦ
• ᓇᓗᓇᐃᔭᐃᓂᖅ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ ᖃᐅᔨᓴᕐᓂᖅ ᐃᑲᔫᓯᐊᕆᓗᒋᑦ ᓄᓇᓕᕆᓂᕐᒧᑦ ᓴᓇᕐᕈᑎᑦ ᖃᐅᔨᓴᕈᑕᐅᓗᑎᒃ ᓴᕕᔅᓴᓄᑦ ᐅᔭᕋᖕᓂᐊᕐᕖᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ
  J. ᒐᓄᕕ ᐊᒻᒪᓗ R.T. ᐸᑐᓴᓐ
• ᑲᔪᓯᔪᑦ ᐊᓯᙳᖅᐸᓪᓕᐊᔪᑦ ᐊᒻᒪᓗ ᖃᐅᔨᒪᔾᔪᑎᑦ: ᓇᐃᓈᖅᓯᒪᔪᑦ ᐅᓂᒃᑳᑦ ᐅᑭᐅᖅᑕᖅᑐᒥ ᔅᓖᕝ ᐅᓇᓖᑦ ᑲᑐᔾᔨᖃᑎᒌᑦ ᑎᑎᕋᖅᑕᐅᓯᒪᔪᑦ ᖃᐅᔨᒪᔭᐅᔪᑦ ᓯᓚᐅᑉ ᐊᓯᙳᖅᐸᓪᓕᐊᓂᖏᑕ ᐊᒻᒪᓗ ᐊᕙᑎᓕᕆᓂᕐᒧᑦ ᐊᓯᙳᖅᐸᓪᓕᐊᔪᑦ
  J. ᒐᓗᕕ, R.T. ᐸᑐᓴᓐ, ᐅᑭᐅᖅᑕᖅᑐᒥ ᔅᓕᕝ ᐅᓇᓖᑦ ᓄᓇᒋᔭᓖᑦ, S. ᓯᒐ, P. ᐃᕙᓐᔅ, D. ᑭᖕ, ᐊᒻᒪᓗ B. ᑮᑦ
• ᑎᑎᕋᖅᓯᒪᔪᑦ ᐃᓄᒃ (eNuk) ᐊᕙᑎᖏᑦ ᐊᒻᒪᓗ ᐋᓐᓂᐊᖅᑕᐃᓕᒪᓂᕐᒧᑦ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᐃᑦ
  A. ᑭᑉ, A. ᑲᓐᓱᓗ, D. ᔨᐅ, A. ᓴᕙᔅᑭ, O. ᑯᒃ, N. ᑐᓂᔅ, I. ᓯᕙᒃ, C. ᕗᓚᐅᕗᔅ, ᕆᒍᓕᑦ ᓄᓇᓕᖓᑦ ᒐᕙᒪᑦ, M. ᕗᑦ, ᐊᒻᒪᓗ S.L. Hᐊᐳ
• ᓴᓗᒪᔪᑦ ᖃᕋᓴᐅᔭᓕᕆᓂᖅ ᐊᒻᒪᓗ ᐊᑐᐃᓐᓇᐅᔪᔅᓴᒃᑲᓐᓃᑦ ᓄᓇᒥᙶᖅᑐᓂᑦ ᐅᖓᓯᑦᑐᒥ ᓄᓇᓕᓐᓄᑦ
• ᓴᓗᒪᔪᑦ ᖃᕋᓴᐅᔭᓕᕆᓂᖅ ᐊᒻᒪᓗ ᐊᑐᐃᓐᓇᐅᔪᔅᓴᒃᑲᓐᓃᑦ ᓄᓇᒥᙶᖅᑐᓂᑦ ᐅᖓᓯᑦᑐᓄᑦ ᓄᓇᓕᓐᓄᑦ
  Y. ᐳᐃᓴᓐᑦ, A. ᑯᑦ, N. ᒍᔅᕙᒥ, R. ᑯᒃ, ᐊᒻᒪᓗ M. ᕙᓚᔅ
• ᐱᐊᓂᑦᑎᐊᕐᓂᖅ ᐃᒪᑦᑕᐅᙱᑦᑐᓄᑦ ᐃᓚᔅᓴᓄᑦ ᐊᒻᒪᓗ ᐊᑐᖅᑕᐅᒃᑲᓂᕈᓐᓇᖅᑐᑦ ᐅᑭᐅᖅᑕᖅᑐᒥ ᓴᓇᕝᕖᑦ ᐊᒻᒪᓗ ᓄᓇᓖᑦ
  N.A. ᐳᐊᕈ ᐊᒻᒪᓗ R. ᐳᕆᔅᑕᕕᑕ

ᐆᒪᔪᓄᑦ ᓱᓇᒃᑯᑖᓂᒃ ᖃᐅᔨᓴᕐᓂᖅ

ᑎᖓᐅᔭᑦs ᖁᑦᑎᑦᑐᒥ ᐅᑭᐅᖅᑕᖅᑐᒥ ᐆᒪᔪᑦ: ᐅᖃᐅᔾᔪᖅᑕᐅᙳᐊᖅᓯᒪᔪᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᒪᓕᒋᐊᓖᑦ ᖃᐅᔨᓴᕐᓂᐊᖅᑎᓪᓗᒋᑦ ᐊᔾᔨᒌᙱᓐᓂᖏᑦ ᐊᒻᒪᓗ ᐊᐅᓚᓂᖏᑕ ᑲᓇᑕᐅᑉ ᖁᑦᑎᑐᖓᑕ ᐅᑭᐅᖅᑕᖅᑐᒥ ᖃᐅᔨᓴᕐᕕᒃ, ᐃᖃᓗᑦᑑᑎᐊᖅ, ᓄᓇᕗᑦ

I.D. Hᐊᒡ, L.G. ᓯᖕᑯ, R. ᑐᒃ, D.A ᑯᕙᓐ, ᐊᒻᒪᓗ T.G.A. ᒍᐃᓐ

ᑎᖓᐅᔭᑦ ᐱᕈᓲᖑᔪᑦ ᐅᔭᕋᓂ, ᐅᔭᕋᔅᓴᐃᑦ, ᐅᕝᕙᓘᓐᓃᑦ ᒪᕐᕋᒥ. ᐱᒻᒪᕆᐅᔪᑦ ᐱᕈᖅᓯᐊᑦ ᓇᔪᕐᕕᒋᔭᓂ ᐃᖃᓗᑦᑑᑎᐊᒥ (Cambridge Bay). ᑭᓯᐊᓂ, ᖃᐅᔨᒪᔭᐅᑦᑎᐊᙱᑦᑐᑦ ᐊᔾᔨᒌᙱᓐᓂᖏᑕ ᐊᒻᒪᓗ ᑭᐅᔾᔪᑎᒋᔭᐅᔪᓐᓇᖅᑐᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ. ᓱᓇᒃᑯᑖᓄᑦ ᖃᐅᔨᓴᖅᑏᑦ ᖃᐅᔨᒃᑲᓐᓂᕆᐊᖃᖅᑐᑦ ᖃᓄᖅ ᑎᖓᐅᔭᑦs ᐱᕈᓲᖑᓂᖏᑕ ᐊᒻᒪᓗ ᖃᓄᐃᓕᐅᓲᓂᖏᑕ ᐊᕙᑎᖏᓐᓂ. ᑕᒪᓐᓇ ᐃᑲᔫᓯᐊᖃᕐᓂᐊᖅᑐᑦ ᐃᓱᒪᒃᓴᖅᓯᐅᕐᓂᖏᑕ ᖃᓄᖅ ᓯᓚᐅᑉ ᐊᓯᙳᖅᐸᓪᓕᐊᓂᖓ ᐱᔾᔪᑎᖃᕈᓐᓇᕐᓂᖏᑦ ᑎᖓᐅᔭᓄᑦ. ᑲᓇᑕᐅᑉ ᖁᑦᑎᑐᒥ ᐅᑭᐅᖅᑕᖅᑐᒥ ᓱᓇᒃᑯᑖᓄᑦ ᖃᐅᔨᓴᕐᕕᒃ (CHARS) ᐋᖅᑭᒃᓯᒪᔪᑦ ᐅᐸᒋᐊᕐᓗᒍ ᐃᖃᓗᑦᑑᑎᐊᑉ ᑎᖓᐅᔭᑦ ᓱᓇᒃᑯᑖᓄᑦ ᖃᐅᔨᓴᖅᑎᓄᑦ ᐅᑭᐅᖅᑕᖅᑐᒥ ᐊᒻᒪᓗ ᕿᑭᖅᑕᓂ ᐆᒪᔪᓂᑦ ᖃᐅᔨᓴᕐᓂᕐᒧᑦ. ᓇᓂᓯᒪᔪᑦ ᑎᖓᐅᔭᓂᒃ ᓇᔪᕐᕕᒋᔭᐅᔪᓂᑦ:

1) ᖃᐅᓯᒪᔪᑦ ᓇᔪᕐᕕᓂ ᑎᖓᐅᔭᑦ ᐱᕈᖅᐸᓪᓕᐊᔪᑦ ᐊᓯᖏᑕᓗ ᐱᕈᖅᓯᐊᓂ

2) ᖃᐅᓯᒪᙱᓐᓂᖅᓴᐅᔪᓂ ᓇᔪᕐᕕᓂ ᑎᖓᐅᔭᑦ ᐅᔭᕋᓂ ᐊᒻᒪᓗ ᐅᔭᕋᔅᓂ

3) ᒪᕐᕋᖅ “ᑎᓯᓂᖏᑦ” ᑎᖓᐅᔭᑦ ᐱᕈᓲᖑᔪᑦ ᒪᕐᕋᒥ

ᑎᖓᐅᔭᑦ ᓱᓇᒃᑯᑖᓄᑦ ᖃᐅᔨᓴᖅᑎ ᐅᖃᐅᔾᔪᐃᙳᐊᖅᓯᒪᔪᖅ ᑎᑎᕋᖅᓯᒪᔪᓂᑦ ᑎᖓᐅᔭᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᓯᕗᓪᓕᐅᑎᑕᐅᔭᕆᐊᖃᖅᑐᓄᑦ. ᑕᒪᒃᑯᐊ ᐃᓚᖃᖅᑐᑦ ᓴᖅᑭᑎᑦᑎᕙᓪᓕᐊᓗᑎᒃ ᓈᓴᐃᓂᕐᒧᑦ ᑎᖓᐅᔭᑦ ᐊᔾᔨᒌᙱᑦᑐᓄᑦ ᑕᐃᒪᐅᔪᓄᑦ. ᑕᒪᓐᓇ ᑐᓂᓯᓂᐊᖅᑐᑦ ᑐᙵᕝᕕᐅᔪᓄᑦ ᖃᐅᔨᓴᕈᑎᔅᓴᓄᑦ ᓯᕗᓂᒥ ᐊᓯᙳᖅᐸᓪᓕᐊᔪᓄᑦ. ᐊᔾᔨᒌᙱᑦᑐᒃᑯᑦ ᐃᓕᑕᖅᓯᔭᐅᔪᓐᓇᖅᑐᑦ ᖃᐅᔨᒪᔨᐅᙱᑦᑐᒥᑦ ᐊᒻᒪᓗ ᓇᓗᓇᐃᖅᓯᒋᐊᕐᓗᑎᒃ ᑎᖓᐅᔭᑦ ᐊᔾᔨᒌᙱᑦᑐᓂᑦ ᓴᖅᑭᑎᑕᐅᒐᔭᕋᓗᐊᖅᑐᑦ. ᑎᖓᐅᔭᑦ ᐱᕈᖅᓯᐊᖏᑦ ᐸᓂᖅᓯᒪᔪᑦ ᐊᑎᖃᕐᓗᑎᒃ ᓇᓕᐊᓂᓐᓂᙶᖅᑐᓂᑦ CHARS-ᑯᓐᓂ ᐋᖅᑭᒃᓱᖅᑕᐅᓗᑎᒃ. ᐱᑕᖃᕋᔭᕋᓗᐊᖅᑐᖅ ᑎᖓᐅᔭᑦ DNA ᓇᓗᓇᐃᒃᑯᑕᖃᕋᔭᕋᓗᐊᖅᑐᑦ ᐅᖃᓕᒫᕐᕕᔅᓴᓂ. ᑲᑎᓪᓗᒋᑦ, ᐸᓂᖅᓯᒪᔪᑦ ᐊᒻᒪᓗ DNA ᐅᖃᓕᒫᒐᕐᕕᒃ ᓇᓗᓇᐃᖅᓯᑎᑦᑎᓂᐊᖅᑐᑦ ᐊᔾᔨᒌᙱᑦᑐᓂᑦ ᑎᖓᐅᔭᑦ ᓇᓗᓇᐃᖅᓯᒪᓇᔭᖅᑐᑦ.

ᖃᐅᔨᒪᓗᒋᑦ ᖃᓄᖅ ᐱᕈᐊᓚᓇᓂᖏᑦ ᑎᖓᐅᔭᑦs, ᓇᓗᓇᐃᖅᓯᔪᓐᓇᖅᑐᑦ ᐅᑭᐅᖏᑕ ᖃᐅᔨᔭᐅᑎᓪᓗᒋᑦ ᓄᓇᒥ ᐊᒻᒪᓗ ᐅᑭᐅᖏᑕ ᐅᔭᕋᐃᑦ ᐃᑦᑕᕐᓂᑕᕐᕕᓂ ᓇᔪᕐᕕᐅᔪᓂ. ᓱᒃᑲᓂᖏᑕᒍᑦ ᐱᕈᕙᓪᓕᐊᓂᖏᑦ ᑎᖓᐅᔭᑦ ᐱᕈᒃᑲᓂᓲᑦ ᓄᓇᐅᑉ ᖄᖓ ᓱᕋᒃᑲᓗᐊᖅᑎᓪᓗᒍ ᓇᓂᔭᐅᔪᓐᓇᖃᑕᐅᔪᑦ. ᑎᖓᐅᔭᑦ ᐆᒪᔪᑦ ᖃᐅᓯᒪᒐᓗᐊᖅᑎᓪᓗᒋᑦ, ᖃᐅᔨᓴᕈᑎᔅᓴᓄᑦ ᐋᖅᑭᒃᓯᒪᔪᓂᑦ ᓇᓗᓇᐃᔭᕋᔭᖅᑐᑦ ᐊᐅᓚᓂᖏᑕ ᐊᔾᔨᒌᙱᑦᑐᒃᑯᑦ ᐅᑭᐅᑕᒫᑦ.

ᐅᑭᐅᒥ ᐊᐱᑎᓪᓗᒍ ᐱᒻᒪᕆᐅᔪᑦ ᑎᖓᐅᔭᓄᑦ. ᖃᖓᓂᑕᐃᑦ ᑐᑭᓯᐊᔾᔪᑎᔅᓴᐃᑦ ᓄᓇᒋᔭᐅᔪᒥ ᐃᑲᔫᑎᖃᕋᔭᖅᑐᑦ ᑐᑭᓯᐊᔾᔪᑎᔅᓴᓂᒃ ᓇᔪᕐᕕᐅᔪᓂᙶᖅᑐᓂᑦ ᖃᐅᓯᒪᓂᖅᓴᐅᔪᓂᑦ. ᑕᒪᓐᓇ ᑐᑭᓯᐊᔾᔪᑎᔅᓴᐃᑦ ᖃᐅᔨᓴᖅᑕᐅᔪᓐᓇᖅᑐᑦ ᐊᔾᔨᒌᙱᓐᓂᖏᑕ ᖃᐅᔨᓴᖅᑕᐅᔪᓄᑦ ᖃᓄᖅ ᑎᖓᐅᔭᑦ ᐃᓚᔅᓴᖏᑕ ᖃᐅᒪᔪᒃᑯᑦ ᖃᓄᖅ ᑭᒡᓕᖃᖅᑎᑦᑎᓲᖑᓂᖏᑦ ᑎᖓᐅᔭᑦ ᐱᕈᖅᐸᓪᓕᐊᓂᖏᑕ. ᑕᒪᓐᓇ ᓱᓇᒃᑯᑖᓄᑦ ᖃᐅᔨᓴᖅᑎᓄᑦ ᐃᓱᒪᒃᓴᖅᓯᐅᕈᓐᓇᕐᓂᖏᑦ ᐱᕙᓪᓕᐊᔾᔪᑎᒋᔭᐅᔪᓐᓇᖅᑐᓄᑦ ᓯᓚᐅᑉ ᐊᓯᙳᖅᐸᓪᓕᐊᓂᖏᑕ ᑎᖓᐅᔭᑦs-ᓄᑦ. CHARS ᓴᓇᕝᕕᖓ ᑐᓂᓯᓲᑦ ᐊᑲᐅᓈᖅᑐᒃᑯᑦ ᐃᓱᐊᓈᕈᑎᔅᓴᓂᒃ ᑖᔅᓱᒧᖓ ᐱᓕᕆᐊᔅᓴᓄᑦ.

ᐊᐅᖏᑕ ᐊᐅᔭᒥ/ᐅᑭᐊᒃᓵᒧᑦ ᐊᓯᙳᖅᐸᓪᓕᐊᓂᖏᑦ ᐱᕈᖅᓯᐊᑦ ᑲᑎᙵᔪᓄᑦ ᐃᖃᓗᑦᑑᑎᐊᒥ, ᕕᒃᑐᐊᕆᔭ ᕿᑭᖅᑕᖓᓂ, ᓄᓇᕗᑦ, ᐱᕈᖅᐸᓪᓕᐊᖃᑦᑕᓕᖅᑎᓪᓗᒋᑦ ᐊᐅᔭᖓᓂ 2015

J. ᕕᒡᓄ, D.S. ᒪᒃᓕᓇᓐ, ᐊᒻᒪᓗ A.K. ᐱᑐᓯᓐ

ᓱᓇᒃᑯᑖᓄᑦ ᖃᐅᔨᓴᕐᓂᖅ ᐊᐅᔭᒥ ᐱᕈᖅᐸᓪᓕᐊᓕᖅᑎᓪᓗᒋᑦ, ᑐᖑᔪᖅᑐᖑᕙᓪᓕᐊᑎᓪᓗᒍ ᐊᒻᒪᓗ ᐱᕈᖅᓯᐊᖑᕙᓪᓕᐊᓕᖅᑎᓪᓗᒋᑦ, ᖃᐅᔨᒪᔭᐅᔪᑦ ᓱᓇᒃᑯᑖᓄᑦ ᖃᐅᔨᓴᕐᓂᖅ ᓯᓚᐅᑉ ᐱᔾᔪᑎᒋᔭᖏᑕ (phenology). ᑕᒪᒃᑯᐊ ᐊᐅᓚᕙᓪᓕᐊᔪᑦ ᓴᙱᔪᒃᑯᑦ ᐱᔾᔪᑎᖃᖅᑐᑦ ᐊᕙᑎᐅᑉ ᑕᐃᒪᐅᔪᓂᑦ, ᐆᑦᑑᑎᒋᓗᒍ ᐃᒃᑮᕐᓇᕐᓂᖓ/ᐆᓇᕐᓂᖓ ᓯᓚᐅᑉ. ᑕᒪᓐᓇ ᐱᔾᔪᑎᒋᓗᒍ, ᖃᐅᔨᓴᕐᓂᖅ ᐊᐅᓚᕙᓪᓕᐊᔪᓂᒃ ᐊᑯᓂᐅᓂᖅᓴᒃᑯᑦ - ᐅᑭᐅᑦ ᐊᒻᒪᓗ ᐅᑭᐅᑦ ᐊᒥᓱᓄᑦ - ᖃᐅᔨᓴᕈᑕᐅᔪᓐᓇᖅᑐᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ. ᐊᐅᓚᕙᓪᓕᐊᓂᖏᑦ ᖃᐅᔨᓴᖅᑕᐅᔪᓐᓇᖅᑐᑦ ᐊᑕᐅᓯᒃᑯᑦ ᐱᕈᖅᓯᐊᒥᑦ ᐊᔾᔨᒌᙱᑦᑐᓂᑦ ᐅᕝᕙᓘᓐᓃᑦ ᑕᒪᒃᑭᑕ ᐱᕈᖅᓯᐊᓄᑦ ᓇᔪᕐᕕᐅᔪᓂᑦ.

ᐱᕈᖅᐸᓪᓕᐊᔪᑦ ᐊᑕᐅᓯᒧᑦ ᐊᔾᔨᒌᙱᑦᑐᓂᑦ ᖃᐅᔨᓴᖅᑕᐅᓯᒪᔪᑦ ᐱᓗᐊᖅᑐᒍ ᖃᓪᓗᓈᑦ ᓄᓇᖏᓐᓂ ᑭᓯᐊᓂ ᐅᑭᐅᖅᑕᖅᑐᒥᐅᓗᐊᙱᑦᑐᖅ. ᖃᐅᔨᓴᖅᑕᐅᔪᑦ ᐊᑕᖏᕐᓗᒋᑦ ᐱᕈᖅᓯᐊᑦ ᓇᔪᕐᕕᖏᑦ ᖃᐅᔨᓴᖅᑕᐅᓯᒪᙱᑦᑐᑦ ᐅᑭᐅᖅᑕᖅᑐᒥ. ᐊᐅᔭᖓᓂ 2015, ᔪᓚᐃ ᐊᑯᓐᓂᖓᓂ ᓯᑎᐱᕆ ᐱᒋᐊᓕᓵᖅᑎᓪᓗᒍ, ᐊᐅᔭᖓᓂ ᐱᕈᖅᓯᐊᑦ ᐱᕈᖅᐸᓪᓕᐊᓂᖏᑦ ᖃᐅᔨᓴᖅᑕᐅᓚᐅᖅᑐᑦ ᐱᓇᓱᐊᕈᓯᑕᒫᑦ ᐃᓚᖏᑕ ᐅᕝᕙᓘᓐᓃᑦ ᑕᒪᕐᒥᑲᓴᐃᑦ ᐱᕈᖅᓯᐊᑦ ᓇᔪᕐᕕᖏᑕ ᐃᖃᓗᑦᑑᑎᐊᑉ ᓄᓇᖓᓂ. ᐅᖃᐅᔭᖏᑦ ᐊᒻᒪᓗ ᐱᕈᖅᓯᐊᑦ ᖃᐅᔨᓴᖅᑕᐅᓚᐅᖅᑐᑦ 11 ᐊᔾᔨᒌᙱᑦᑐᓂᑦ ᐊᑐᖅᑐᑎᒃ. ᐱᕈᖅᐸᓪᓕᐊᓂᖓ ᐅᖃᐅᔭᖏᑦ/ᓯᕗᓪᓕᖅ ᐱᕈᖅᓯᐊᖑᕙᓪᓕᐊᓂᖓ ᐅᖃᐅᔭᖓ ᑐᖁᖓᓕᖅᑎᓪᓗᒍ/ᐲᖅᐹᓪᓕᐊᓂᖏᑦ ᐱᕈᖅᑕᐅᕙᓪᓕᐊᑎᓪᓗᒍ ᑎᑎᕋᖅᑕᐅᓯᒪᔪᑦ. ᒪᓕᓪᓗᒋᑦ ᑎᑎᕋᖅᓯᒪᔪᑦ, ᑎᑎᕋᖅᓯᒪᔪᑦ ᓇᓗᓇᐃᖅᓯᒪᔪᑦ ᐱᕈᖅᐸᓪᓕᐊᓂᖏᑕ ᑕᒪᒃᑭᑦ ᐱᕈᖅᓯᐊᖑᔪᓄᑦ ᓴᖅᑭᑎᑕᐅᓯᒪᔪᑦ. ᑎᑎᕋᖅᓯᒪᔪᑦ ᐊᑐᖅᑕᐅᔪᓐᓇᖅᑐᑦ ᓇᓗᓇᐃᔭᐃᓗᑎᒃ ᐊᐅᓚᓂᖏᑕ ᐅᑭᐅᑕᒫᑦ.

ᓴᖅᑭᑎᑕᐅᕙᓪᓕᐊᓂᖏᑦ ᐊᒻᒪᓗ ᕿᒪᒃᑕᐅᔪᑦ ᓂᕆᕝᕕᐅᖃᑦᑕᖅᑐᑦ ᐊᖑᓇᓱᒃᑕᐅᔪᑦ ᓂᕐᔪᑎᓂᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ: ᖃᐅᔨᓴᕐᓂᖅ

V. ᓕᐊᓐ-ᕆᒋᓇᓐ, I.D. Hᐊᒡ, ᐊᒻᒪᓗ P.D.N. ᕼᐃᐳᑦ

ᐆᒪᔾᔪᑎᔅᓴᐃᑦ ᐃᓚᔅᓴᐃᑦ ᐅᑭᐅᖅᑕᖅᑐᒥ ᓂᕐᔪᑎᖏᑦ ᐱᓯᒪᑦᑎᔪᑦ ᐊᖏᓂᖏᑕ ᐃᑲᔫᓯᐊᑦ ᐊᑲᐅᓈᕐᓂᕐᒧᑦ ᐊᐅᓚᓂᕐᒧᑦ. ᑕᒪᓐᓇ ᐃᑲᔪᖅᑐᐃᔪᑦ ᐆᒪᔪᓄᑦ ᐊᑲᐅᓈᕐᓂᕐᒧᑦ. ᑕᒪᓐᓇ ᐊᒥᓲᓂᖏᑕ ᐱᔾᔪᑎᖃᕈᓐᓇᖅᑐᑦ ᐃᓄᓐᓄᑦ ᐆᒪᔪᑦ ᐃᓄᐃᑦ ᓂᕿᖏᓐᓄᑦ. ᐆᒪᔾᔪᑎᔅᓴᐃᑦ ᐃᓚᔅᓴᐃᑦ ᑐᓂᓯᔪᓐᓇᖅᑐᑦ ᐱᒻᒪᕆᐅᔪᓄᑦ ᖃᓄᐃᓕᐅᖃᑦᑕᕐᓂᖏᑕ ᐋᖅᑭᒃᓯᒪᔪᒃᑯᑦ ᐆᒪᔪᓄᑦ ᐱᕈᖅᓯᐊᓂᑦ ᓂᕐᔪᑎᓂᑦ.

ᒫᓐᓇᐅᔪᑦ ᓈᓴᐅᑎᖏᑦ ᓯᓚ ᐊᒻᒪᓗ ᓄᓇ ᐊᓯᙳᖅᐸᓪᓕᐊᓂᖓ ᐅᑭᐅᖅᑕᖅᑐᒥ ᓂᕆᐅᒋᔭᐅᔪᑦ ᐊᓯᙳᑐᐃᓐᓇᕆᐊᓖᑦ ᖃᓄᖅ ᐆᒪᔾᔪᑎᔅᓴᐃᑦ ᐃᓚᔅᓴᐃᑦ ᐊᒻᒪᓗ ᐃᑲᔪᖅᑎᖏᑦ ᖃᓄᐃᓕᐅᖃᑦᑕᕐᓂᖏᓐᓄᑦ. ᑕᒪᓐᓇ ᓴᖅᑭᑎᑦᑎᓂᐊᖅᑐᑦ ᐃᓱᒫᓘᑎᔅᓴᓄᑦ ᐊᑲᐅᓈᕐᓂᖏᑕ ᐅᑭᐅᖅᑕᖅᑐᒥ ᓴᐅᓂᖃᖅᑐᓄᑦ. ᐆᒪᔾᔪᑎᔅᓴᐃᑦ ᐃᓚᔅᓴᐃᑦ ᐱᒻᒪᕆᐅᔪᒃᑯᑦ ᖃᐅᔨᓴᖅᑕᐅᓯᒪᔪᑦ ᔫᑳᓐ, ᓄᓇᑦᑎᐊᖅ, ᓄᓇᕗᑦ, ᑯᐱᒃ ᑕᕐᕋᖓ, ᐊᒻᒪᓗ ᓂᐅᕙᓐᓛᓐᒥ ᐊᒻᒪᓗ ᓚᐸᑐᐊ ᐃᑲᔫᓯᐊᓄᑦ ᐆᒪᔪᓄᑦ ᐃᖃᓗᑉᐱᓂᑦ ᐊᒻᒪᓗ ᑐᒃᑐᓂᑦ. ᑭᓯᐊᓂ, ᐃᑲᔫᓯᐊᑦ ᐆᒪᔪᓄᑦ ᐃᓱᒪᒋᔭᐅᓗᐊᙱᓐᓂᖅᓴᐅᔪᑦ. ᑕᒪᓐᓇ ᓇᓗᓇᐃᖅᓯᔪᑦ ᐱᖃᕆᐊᖃᕐᓂᖏᑦ ᑲᔪᓯᔾᔪᑎᔅᓴᓂᒃ ᐆᒪᔾᔪᑎᔅᓴᐃᑦ ᐃᓚᔅᓴᐃᑦ ᖃᐅᔨᓴᕐᓂᕐᒧᑦ ᓂᕐᔪᑎᓄᑦ ᐆᒪᔪᓄᑦ ᐊᖑᓇᓱᒃᑕᐅᓲᖑᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ.

ᐃᑭᔪᑦ ᓄᓇᐃᑦ ᐅᑭᐅᖅᑕᖅᑐᒥ: ᐃᑭᕙᓪᓕᐊᓂᖏᑦ ᐊᔾᔨᒌᙱᑦᑐᑦ ᐃᒪᒥᐅᑕᐃᑦ ᐆᒪᔪᑦ ᓄᓇᑦᑎᐊᒥ

S.E. ᑎᖕᒃ, D. ᐅᓕᕕᐅᑦ, W.L. ᑯᐃᓐᑕᓐ, C. ᔅᐱᓐᔅ, N. ᑎᐊᓐ, C. ᐊᒃᓕ, K. ᐴᑦ, R. Hᐊᑦᓯᓐᔅ, ᐊᒻᒪᓗ S. ᒥᖏᔅᑐ

ᓯᕿᓐᓂᐊᑕ ᓄᓇᑦᑎᐊᖅ (NWT) ᐃᓕᓯᒪᔪᑦ ᐃᑭᓯᒪᔪᑦ ᓄᓇᒥ ᐊᐅᔭᖓᓂ 2014. ᐃᑭᔪᑦ ᓇᔪᕐᕕᖏᑦ 3.4 ᒥᓕᐊᓐ ᒦᑕᓕᒃᑯᑦ ᓄᓇᖏᓐᓂᑦ. ᓇᔪᕐᕕᐅ ᔪᑦ ᓄᓇᖏᑦ ᐊᔾᔨᒌᙱᑦᑐᑦ ᓄᓇᐅᑉ ᐊᑖᓂ ᕿᕿᓯᒪᓂᖏᑦ, ᐱᕈᖅᓯᐊᑦ ᐊᔾᔨᒌᙱᑦᑐᑦ ᐊᒻᒪᓗ ᒫᓐᓇᓵᖑᑎᓪᓗᒍ ᐃᑭᓯᒪᓂᑯᐃᑦ ᓄᓇᖓᑦ ᖃᓄᐃᓕᐅᖅᓯᒪᓂᖏᑦ.

ᖃᐅᔨᓴᖅᓯᒪᔪᒍᑦ ᐊᔾᔨᒌᙱᓐᓂᖏᑦ ᐃᑭᔪᑦ ᓄᓇᒥ ᐆᒪᔪᓕᕆᓂᕐᒧᑦ ᐃᒪᐃᑦ ᐊᐅᓚᓂᖏᑕ ᓄᓇᒧᑦ ᑰᒧᑦ ᐊᒻᒪᓗ ᖃᓄᖅ ᑰᑦ ᐆᒪᔪᖁᑎᖏᑦ ᐊᐅᓚᓲᖑᓂᖏᑕ. ᐱᖓᓱᑦ ᓇᓗᓇᐃᒃᑯᑕᑦ ᖃᐅᔨᓴᖅᑕᐅᓚᐅᖅᑐᑦ ᐅᑯᓂᙵ:

1) ᒪᕐᕋᐅᑉ ᐃᒪᕐᒧᐊᖅᐸᓪᓕᐊᓂᖏᑦ ᐃᑭᓯᒪᔪᓂᑦ ᐊᒻᒪᓗ ᐃᑭᓯᒪᙱᑦᑐᓂᑦ ᓄᓇᒥ ᐃᒪᙳᖅᐸᓪᓕᐊᔪᓂᑦ ᕗᐊᑦ ᓯᒻᓴᓐᒥ (ᑕᐃᒐ ᓄᓇᖓᓂ);

2) ᐃᓚᔅᓴᐃᑦ ᐃᒪᕐᒧᐊᖅᐸᓪᓕᐊᔪᑦ ᑰᒥᑦ, ᐊᔾᔨᒌᒃᑐᒃᑯᑦ ᖃᐅᔨᓴᖅᑕᐅᓪᓗᑎᒃ ᐊᖏᓂᖏᑕ ᐃᑭᓯᒪᔪᓄᑦ ᐊᒻᒪᓗ ᐃᑭᓯᒪᙱᑦᑐᓄᑦ ᓄᓇᐃᑦ ᐃᒪᙳᖅᐸᓪᓕᐊᔪᓄᑦ ᑕᐃᒐ (Taiga) ᓄᓇᖓᓂ (ᕗᐊᑦ ᓯᑉᓴᓐ ᐊᕙᑎᖓᓂ) ᐊᒻᒪᓗ ᑕᐃᒐ ᓄᓇᖓᓂ (ᔭᓗᓇᐃᕝ); ᐊᒻᒪᓗ

3) ᖃᐅᔨᓴᖅᑕᐅᓯᒪᔪᑦ 50 ᑰᑦ ᐃᒪᙳᖅᐸᓪᓕᐊᔪᑦ, ᓱᕋᒃᑕᐅᓯᒪᙱᑦᑐᑦ ᐃᑭᒧᑦ.

ᒪᕐᕋᖅ ᐃᒪᙳᖅᐸᓪᓕᐊᓂᖏᑦ ᓇᓗᓇᐃᖅᑕᐅᓯᒪᔪᑦ ᐃᑭᔪᑦ ᓄᓇᓄᑦ ᐱᔾᔪᑎᖃᖅᑐᓄᑦ. ᑭᓯᐊᓂ, ᐊᔾᔨᒌᙱᓐᓂᖏᑦ ᐃᑭᔪᑦ ᐊᒻᒪᓗ ᐃᑭᓯᒪᙱᑦᑐᒧᑦ ᓄᓇᐃᑦ ᐃᒪᙳᖅᐸᓪᓕᐊᔪᑦ ᒥᑭᔪᑦ ᐊᒻᒪᓗ ᐆᒪᖃᑦᑖᙱᑦᑐᑦ. ᑕᐃᒃᑯᓄᖓ 50 ᑰᑦ ᖃᐅᔨᓴᖅᑕᐅᓯᒪᔪᑦ, ᐃᑭᔪᑦ ᐊᑕᐅᓯᑐᐊᖑᔪᒃᑯᑦ ᓄᓇᐃᑦ ᐋᖅᑭᒃᓯᒪᓂᖏᑦ ᐊᔾᔨᒌᙱᑦᑐᑦ ᐱᔾᔪᑎᖃᖅᑐᑦ ᐃᒪᒧᑦ ᐃᓚᒋᔭᐅᔪᓄᑦ ᖃᐅᔨᓴᕐᓂᖅ. ᑕᒪᒃᑯᐊ ᖃᐅᔨᓴᖅᑕᐅᓯᒪᔪᑦ ᐱᕙᓪᓕᐊᓂᖏᑦ ᐃᑭᔪᑦ ᑰᒥ ᐃᓚᒋᔭᐅᔪᑦ ᖃᐅᔨᓴᖅᑕᐅᔪᑦ ᑖᔅᓱᒪ ᓄᓇᖓᓂ ᐆᒫᖃᑦᑖᙱᑦᑐᑦ. ᐊᑯᓂᐅᓂᖅᓴᒃᑯᑦ ᓄᓇ ᐃᑭᕙᓕᐊᓂᖓ ᐊᔾᔨᑲᓴᖃᑐᐃᓐᓇᕆᐊᖃᖅᑐᑦ ᐊᓯᖏᓐᓂᑦ ᓄᓇᐃᑦ ᐋᖅᑭᒃᓯᒪᓂᖏᑕ ᑕᐃᒪᐅᔪᓂᑦ.

ᐅᑭᐅᖅᑕᖅᑐᒥ ᑕᕆᐅᑉ ᐊᕙᑎᖏᑕ ᑭᒡᓕᖃᕐᓂᖏᑕᒍᑦ ᖃᐅᔨᓴᕐᓂᖅ ᐱᓕᕆᐊᔅᓴᐃᑦ: ᖃᐅᔨᓴᕐᓂᖅ ᐊᔾᔨᒌᙱᑦᑐᓂᒃ ᐆᒪᔪᓂᒃ ᐃᒪᒥ ᐳᓛᕋᕐᓂᖅ ᐊᓂᖅᓵᕈᑎᔅᓴᒃᑯᑦ

J. ᔅᑳᔅ, J. Hᐃᕗᑦ, D. ᒋᑉ, L. ᐳᐊᑎᓐ, D. ᑭᓐᑦ, M. ᓂᐅᓪ, C. ᑳᓴ, R. ᐸᓐᕕᑦ, ᐊᒻᒪᓗ L. ᑐᕆᑦᕕ

ᐊᑲᐅᓈᖅᑐᒃᑯᑦ ᐱᖃᕐᓗᓂ ᑎᑎᕋᖅᓯᒪᔪᓂᑦ ᐊᒻᒪᓗ ᐱᓕᕆᐊᕆᓗᒋᑦ ᑲᔪᓯᔪᓄᑦ ᖃᐅᔨᓴᕐᓂᕐᒧᑦ ᐱᒻᒪᕆᐅᔪᑦ ᑐᑭᓯᐊᑦᑎᐊᕈᓐᓇᕐᓗᒋᑦ ᐊᓯᙳᖅᐸᓪᓕᐊᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᑕᒪᓐᓇ ᖃᐅᔨᒪᔾᔪᑎᔅᓴᐃᑦ ᐱᔾᔪᑎᖃᕐᓂᐊᖅᑐᑦ ᐊᑲᐅᓈᖅᑐᒃᑯᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓄᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐸᕐᓇᐅᑎᓄᑦ ᓴᖅᑭᑎᑕᐅᕙᓪᓕᐊᓗᑎᒃ. ᑭᓯᐊᓂ, ᐊᒥᓲᓗᐊᙱᑦᑐᑦ ᖃᐅᔨᓴᖅᑕᐅᓯᒪᔪᑦ ᓯ ᔾᔭᒥ ᐱᕈᖅᓯᐊᖏᑦ ᐊᒻᒪᓗ ᓂᕐᔪᑎᓪᓗ ᐆᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐱᓕᕆᐊᕆᔭᐅᓯᒪᔪᑦ.

ᑕᒪᓐᓇ ᐱᓕᕆᐊᔅᓴᖅ ᑲᑎᖅᓱᖅᑕᐅᔪᑦ ᑎᑎᕋᖅᓯᒪᔪᑦ ᓇᔪᕐᕕᐅᔪᓂ ᐃᖃᓗᑦᑑᑎᐊᑉ ᖃᓂᖓᓂ, ᓄᓇᕗᑦ. ᐊᑯᓂᐅᔪᒃᑯᑦ ᑕᕆᐅᒥ ᓯᔾᔭᐸᓯᐊᓂ ᐆᒪᔪᓄᑦ ᖃᐅᔨᓴᕐᓂᖅ ᐱᕙᓪᓕᐊᓚᐅᖅᑐᑦ. ᑕᐃᒪᖓᑦ 2014, ᑕᕆᐅᒥᑦ ᐊᐅᓚᓂᖅ ᐊᕙᑎᒍᑦ ᐊᒻᒪᓗ ᐃᒪᒧᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐅᑭᐅᖅᑕᖅᑐᒥ ᖃᐅᔨᒪᓂᖅ ᑲᓇᑕᒃᑯᑦ ᖃᐅᔨᓴᖅᓯᒪᔪᑦ 26 ᓯᔾᔭᐸᓯᒥ ᓇᔪᕐᕕᐅᔪᓂ ᓇᓗᒐᓛᖅᑐᑎᒃ ᐊᓂᖅᓵᓲᓯᒥᑦ ᐊᑐᖅᑐᑎᒃ ᓄᓇᒋᔭᐅᔪᒥ ᐃᖃᓗᑦᑑᑎᐊᒥ. ᑎᑎᕋᖅᓯᒪᔪᑦ ᐆᒪᔪᑦ ᓇᔪᕐᕕᖏᑦ ᐊᔾᔨᒌᙱᑦᑐᑦ ᐊᒻᒪᓗ ᐃᑲᔪᖅᑎᖏᑦ ᐆᒪᓂᕐᒧᑦ ᐊᖏᓂᖏᑦ ᑲᑎᖅᓱᖅᑕᐅᓯᒪᔪᑦ. 2017 ᐅᑭᐅᖅᑕᖅᑐᒥ ᑕᕆᐅᑉ ᐆᒪᔪᖁᑎᖏᑦ ᑐᙵᕝᕕᖏᑦ ᐱᓕᕆᐊᔅᓴᖅ ᐱᓕᕆᐊᔅᓴᕆᔭᐅᓂᐊᓕᖅᑐᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ. ᑕᒪᓐᓇ ᐃᓚᖃᖅᑐᑦ ᕿᒥᕐᕈᐊᕐᓂᖅ ᐊᒻᒪᓗ ᑎᑎᕋᖅᐸᓪᓕᐊᓂᖅ ᓇᓗᓇᐃᒃᑯᑕᓂᒃ ᐆᒪᔪᓕᕆᓂᕐᒧᑦ ᑎᑎᖅᑲᐅᓯᓄᑦ ᐊᒻᒪᓗ ᐆᒪᔪᓄᑦ ᑐᙵᕝᕕᒋᔭᐅᔪᓄᑦ. 2017 ᑐᙵᕝᕕᒋᔭᐅᔪᓄᑦ ᐱᓕᕆᐊᔅᓴᐃᑦ ᓱᓇᒃᑯᑖᓄᑦ ᖃᐅᔨᓴᕐᓂᖅ ᓇᓗᒐᓛᖅᑎᖏᑦ ᖃᐅᔨᓴᖅᓯᒪᔪᑦ ᐆᒪᔪᓄᑦ ᓇᔪᕐᕕᐅᔪᓄᑦ ᐊᒻᒪᓗ ᐊᒥᓲᓂᖏᑦ ᑕᕆᐅᒥ ᖁᐊᔭᕐᓇᖅᑐᑦ, ᓴᐅᓂᖃᙱᑦᑐᑦ, ᐊᒻᒪᓗ ᐃᖃᓗᐃᑦ ᐊᔾᔨᒌᙱᑦᑐᑦ ᐊᕐᕕᓂᓕᓂ ᓂᕈᐊᖅᑕᐅᔪᓂᑦ ᓇᔪᕐᕕᓂᑦ ᐃᖃᓗᑦᑑᑎᐊᑉ ᓄᓇᖓᓂ. ᑕᒪᓐᓇ ᐱᕚᓪᓕᕈᑕᐅᔪᑦ ᐱᓕᕆᐊᓴᐃᑦ ᓱᓇᒃᑯᑖᓄᑦ ᖃᐅᔨᓴᕐᓂᖅ ᐱᔪᓐᓇᐅᑎᖃᕐᓗᒍ ᖃᓄᖅ ᖃᐅᔨᓴᖅᑕᐅᔪᑦ ᐋᖅᑭᒃᓯᒪᓂᖏᑕ ᐊᒻᒪᓗ ᖃᓄᐃᓕᐅᖁᔨᙳᐊᕐᓂᖅ ᓯᕗᓂᔅᓴᒧᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐊᒻᒪᓗ ᖃᐅᔨᓴᕐᓂᕐᒧᑦ ᐱᕚᓪᓕᕈᑕᐅᔪᓄᑦ.

ᐱᕈᓰᕙᓪᓕᐊᓂᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᕿᑭᖅᑕᕐᓂᑦ ᕿᑎᕐᒥᐅᑦ ᑕᕆᐅᖓᓂ: ᐆᒪᕝᕕᒋᔭᐅᔪᑦ ᐊᒻᒪᓗ ᐃᓚᔅᓴᖃᖅᑐᑦ ᐊᔾᔨᒌᙱᓐᓂᖏᑦ

W. J. ᕕᓕᐊᒻᔅ, K. A. ᐳᕋᐅᓐ, B. A. ᑉᓗᒻ, E. C. ᑳᕐᒪᒃ, L. ᑎᐊᒥᓐ, S. L. ᑖᓂᐅᓴᓐ, B. G. T. ᐃᐅᔅ, R. ᕕᑦᕆᒃᓴᓐ, C. J. ᒪᓐᑎ, L. M. ᕋᑐᒪᓐ, ᐊᒻᒪᓗ A. ᓯᒻᓇᐅᔅᑭ

ᕿᑎᕐᒥᐅᑦ ᑕᕆᐅᖓ ᓱᓇᒃᑯᑖᓄᑦ ᖃᐅᔨᓴᕐᓂᖅ (K3S) ᐱᕙᓪᓕᐊᓯᒪᔪᑦ 2014-ᖑᑎᓪᓗᒍ. ᑐᓂᓯᔪᑦ ᑲᓇᑕᒥ ᖁᑦᑎᑦᑐᒥ ᐅᑭᐅᖅᑕᖅᑐᖅ ᓱᓇᒃᑯᑖᓄᑦ ᖃᐅᔨᓴᕐᕕᐊᓄᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐊᑐᖅᑕᐅᔭᕆᐊᖃᖅᑐᓄᑦ ᐱᓕᕆᐊᔅᓴᓄᑦ ᓄᑖᙳᖅᓯᒪᔪᓄᑦ, ᐊᑯᓂᐅᔪᒃᑯᑦ ᐆᒪᔪᓕᓂᕐᒧᑦ ᖃᐅᔨᓴᕐᓂᖅ ᐊᒻᒪᓗ ᓱᓇᒃᑯᑖᓄᑦ ᖃᐅᔨᓴᕐᓂᖅ ᕿᑎᕐᒥᐅᑦ ᑕᕆᐅᖓᓂ. K3S-ᒧᑦ ᐃᓚᒋᔭᐅᔪᑦ ᓴᙱᔪᒃᑯᑦ ᐃᑲᔪᖅᑎᒌᓐᓂᖅ ᑕᕆᐅᒥ ᐊᒻᒪᓗ ᓄᓇᒥ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐃᑲᔪᑎᒌᖏᑦ ᕿᑎᕐᒥᐅᓂ.

K3S ᐱᖓᓱᓂᑦ ᑐᕌᒋᔭᖃᖅᑐᑦ:

1) ᑕᕆᐅᕐᔪᐊᒥᙶᖅᑐᑦ (Pacific-origin) ᑰᑦ ᐊᐅᓚᕙᓪᓕᐊᓂᖏᑦ, ᐋᖅᑭᒃᓯᒪᔪᑦ ᑕᕆᐅᑉ-ᑎᑎᖅᑐᒐᖏᑎᒍᑦ ᐋᖅᑭᒃᓯᒪᓂᖏᑦ ᓄᓇᒋᔭᒥ;

2) ᓇᔪᕐᕕᒋᔭᖅ ᐊᒻᒪᓗ ᐊᖅᑯᑎᐅᔪᑦ ᐃᒪᑦᑎᐊᕙᐃᑦ ᐊᐅᓚᕙᓪᓕᐊᔪᑦ ᑕᕆᐅᒧᑦ, ᐱᔾᔪᑎᖃᖅᑐᑦ ᓂᕿᔅᓴᓄᑦ ᐃᓚᔅᓴᕆᖃᖅᑐᓂᑦ ᐊᒻᒪᓗ ᐱᕈᖅᓰᕙᓪᓕᐊᓂᖅ; ᐊᒻᒪᓗ

3) ᐆᒪᔪᓕᕆᓂᕐᒧᑦ ᐆᒪᔪᑦ ᐱᔾᔪᑎᖃᖅᑐᑦ ᑎᓂᔪᖅ/ᐅᓕᓂᖓᓄᑦ K3A ᐊᑐᓲᑦ ᑕᕆᐅᒥ ᑎᑎᖅᑐᒐᕐᓂᖅ ᐊᒻᒪᓗ ᑕᕆᐅᒥ ᐆᒪᔪᓕᕆᓂᕐᒧᑦ ᖃᐅᔨᓴᕐᓂᖅ ᓴᓇᕐᕈᑎᑦ ᑎᓴᒪᓕᒃ ᓄᓇᓯᐅᑎ ᒪᑎᓐ ᐳᒃᒪᓐ. ᑲᔪᓯᑎᑦᑎᔪᒃᑯᑦ ᐅᑭᐅᓕᒫᒥ ᑕᕆᐅᑉ ᐊᑯᓐᓂᖓᓂ ᑕᕆᐅᖅ-ᑎᑎᖅᑐᒐᖏᑦ ᐊᒃᓱᓈᖃᖅᑐᑦ. ᖃᐅᔨᔭᐅᓯᒪᔪᑦ K3S ᖃᐅᔨᓴᖅᑕᐅᔪᑦ 2014-2017-ᒥ ᓇᓗᓇᐃᖅᓯᒪᔪᑦ ᐊᔾᔨᒌᙱᑦᑎᐊᖅᑐᓂᑦ ᓄᓇᖓᑕ ᕿᑎᕐᒥᐅᑦ ᑕᕆᐅᖓᓂ. ᑎᓂᓂᖓ/ᐅᓕᓂᖓ ᐊᔾᔨᒌᙱᓐᓂᖏᑦ ᓄᓇᒋᔭᐅᔪᒥ ᐊᒥᓱᑦ ᓯᓕᖏᑦᑐᑦ, ᐃᒃᑲᑦᑐᑦ ᑕᕆᐅᑉ ᐊᖅᑯᑎᖏᑦ ᐱᒻᒪᕆᐅᔪᑦ ᖃᐅᔨᔭᐅᔪᓄᑦ. ᑕᒪᓐᓇ ᐊᐅᓚᓂᖏᑦ ᓂᕿᔅᓴᖃᖅᑎᑦᑎᕙᓪᓕᐊᔪᑦ ᑕᕆᐅᑉ ᖄᖓᓄᑦ, ᐃᑲᔪᖅᑐᑦ ᑕᒪᒃᑭᓄᑦ ᑕᕆᐅᕐᒥᐅᑕᓄᑦ ᓂᕿᔅᓴᖏᑦ-ᐊᑦᑐᐊᓂᖏᑦ.

ᖃᐅᔨᓴᖅᑕᐅᒃᑲᓂᖅᓯᒪᔪᑦ ᕿᑎᕐᒥᐅᑦ ᑕᕆᐅᖓᓂ ᑐᕌᒋᔭᖃᖅᑐᑦ ᑐᑭᓯᐊᒋᐊᕐᓗᒋᑦ ᑲᑎᒪᔾᔪᑎᖏᑦ ᓄᓇᒋᔭᒥ ᑕᕆᐅᑉ ᐆᒪᔪᖏᓐᓂᑦ ᐊᒻᒪᓗ ᖃᓄᖅ ᐊᐅᓚᓲᖑᓂᖏᑦ. ᑕᒪᓐᓇ ᑐᑭᓯᐊᔾᔪᑎᔅᓴᐃᑦ ᐃᑲᔫᓯᐊᖑᓇᔭᖅᑐᑦ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᓂᕐᒧᑦ ᐊᒻᒪᓗ ᐊᑐᐃᓐᓇᐅᔪᑦ ᐅᑭᐅᖅᑕᖅᑐᒥᐅᑕᓄᑦ ᓄᓇᓕᓐᓄᑦ. ᓄᓇᓖᑦ ᐆᒪᔪᑦ ᑕᕆᐅᑉ ᓂᖀᑦ-ᐊᑦᑐᐊᓂᖏᑦ ᐃᖃᓗᓄᑦ ᐊᒻᒪᓗ ᓇᑦᑎᓄᑦ ᐊᒻᒪᓗ ᑕᕆᒥ ᐃᖏᕐᕋᔪᓐᓇᕐᓂᕐᒧᑦ. K3S ᐱᕙᓪᓕᐊᔾᔪᑕᐅᓯᒪᔪᑦ ᑐᓂᓯᔪᓐᓇᕐᓗᑎᒃ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐊᑐᖅᑐᒃᑯᑦ ᓱᒻᒪ ᓄᓇᒋᔭᖅ ᑎᓂᓂᖓ/ᐅᓕᓂᖓ ᐊᖅᑯᑎᖏᑦ ᐱᖃᖅᑐᑦ ᐊᒥᓱᓂᑦ ᐆᒪᔪᓕᕆᕙᓪᓕᐊᔪᓄᑦ ᐊᒻᒪᓗ ᐊᑦᑕᕐᓇᖅᑐᑦ, ᓯᑯ ᓵᓐᓂᖓᔭ K3S ᑲᔪᓯᓂᐊᖅᑐᑦ ᐃᑲᔪᖅᑎᒌᓐᓂᒃᑯᑦ ᓄᓇᖃᖅᑐᓂᑦ ᐃᑲᔪᖅᑎᒌᖑᔪᓂᑦ ᖃᐅᔨᓴᕐᓗᑎᒃ ᐊᔾᔨᒌᙱᓐᓂᖏᑕ ᕿᑎᕐᒥᐅᓕᒫᒥ.

ᐱᕚᓪᓕᕋᓱᐊᕐᓂᖅ ᐅᖓᓯᑦᑐᒃᑯᑦ ᐃᑉᐱᒋᓂᒃᑯᑦ ᑐᑭᓯᐊᔾᔪᑎᔅᓴᓄᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᓱᓇᒃᑯᑖᓄᑦ ᖃᐅᔨᓴᕐᓂᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ: ᐅᑭᐅᖅᑕᖅᑐᒥ: ᐅᑭᐅᖅᑕᖅᑐᒥ ᐃᑲᔫᓯᐊᑦ NASA-ᑯᑦ ᐅᑭᐅᖅᑕᖅᑐᒥ-ᐊᒃᓴᕐᓂᓄᑦ ᖃᐅᔨᓴᕐᓂᖅ (ABoVE)

A. Hᐅᐱᓐ, D. ᒪᒃᓕᓇᓐ, S. ᒍᐃᑦ, C.E. ᒥᓗ, P. ᒍᕆᕕᑦ, E. Hᐅᐃ, ᐊᒻᒪᓗ E. ᓚᓴᓐ

ᐅᑭᐅᖅᑕᖅᑐᖅ ᐊᕐᓴᕐᓃᑦ ᐃᑉᐱᒋᓂᖏᑕ ᖃᐅᔨᓴᕐᓂᖅ (ABoVE) ᖁᓕᑦ-ᐅᑭᐅᓄᑦ NASA ᐱᓕᕆᐊᔅᓴᐃᑦ. ᐱᔾᔪᑎᒋᔭᖏᑦ ᐊᓂᖅᓵᕐᓇᙱᑦᑐᒥ-ᓯᓚᒥ ᐊᒻᒪᓗ ᓯᓚᒥ ᐅᖓᓯᑦᑐᒥᑦ ᖃᐅᔨᓴᕈᑎᑦ ᐅᐊᔭᒨᕈᑎᑦ ᐊᒻᒪᓗ ᖃᓄᖅ ᐆᒪᔪᓄᑦ ᐊᑦᑐᐊᓂᖏᑦ ᐊᕙᑎ ᐊᓯᙳᖅᐸᓪᓕᐊᓂᖓᓄᑦ. (ABoVE) ᖃᐅᔨᓴᕐᕕᖏᑦ ᐊᓛᔅᑲᒥ ᐊᒻᒪᓗ ᐅᑭᐅᖅᑕᖅᑐᖅ-ᐅᐊᓕᓂᕐᒥ ᑲᓇᑕᒥ, ᐊᒃᓴᕐᓂᓂᑦ ᖁᑦᑎᑦᑐᒃᑯᑦ ᐅᑭᐅᖅᑕᖅᑐᒥ ᓄᓇᒧᑦ. ᐅᑭᐅᖅᑕᖅᑐᒥ ᖃᐅᒪᔨᑦ ᑲᓇᑕᒥ (POLAR) ᐊᐅᓚᑦᑎᔨᐅᔪᑦ ᑲᓇᑕᒧᑦ ᐃᑲᔫᓯᐊᓄᑦ ᑐᕌᒋᔭᖃᖅᑐᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᑲᓇᑕᒥ ᖁᑦᑎᑦᑐᒃᑯᑦ ᐅᑭᐅᖅᑕᖅᑐᒥ ᓱᓇᒃᑯᑖᓄᑦ ᖃᐅᔨᓴᕐᕕᐊᓂ ᐃᖃᓗᑦᑑᑎᐊᖅ, ᓄᓇᕗᑦ. ᑮᓇᐅᔭᑦ ᐃᑲᔫᓯᐊᑦ ᐃᑲᔫᓯᖃᖅᑐᑦ ᓯᓚᑖᒍᑦ ᐱᓕᕆᐊᔅᓴᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. POLAR ᐊᐅᓚᑦᑎᔨᐅᔪᑦ ᑲᓇᑕᒥ ᐊᓂᖅᓵᕐᓇᖏᑦᑐᒃᑯᑦ ᓯᓚᒥ ᑲᑐᔾᔨᖃᑎᒌᖏᑦ Padarsatr-2 ᖃᖓᑦᑕᖅᑕᐅᓯᒪᔪᒃᑯᑦ ᑕᐅᑦᑐᖃᒋᔭᖃᕈᓐᓇᕐᓂᕐᒧᑦ. NASA ᑎᒻᒥᓲᓕᕆᕝᕕᖓ (JPL) ᐊᐅᓚᑦᑎᔪᑦ ᐃᑲᔫᓯᐊᓄᑦ ABoVE-ᒧᑦ, ᑭᓯᒥ NASA-ᑯᑦ ᓯᓚᓕᕆᓂᕐᒧᑦ ᓴᓛᖃᓱᐊᕐᓂᕐᒧᑦ ᖃᖓᓕᒫᖅ. JPL ᑎᒻᒥᓲᖅ ᐊᒥᓱᒃᑯᑦ ᖃᐅᔨᓴᕈᑕᐅᓪᓗᓂ ᓇᒥ ᖃᐅᔨᓴᕐᕕᒋᔭᐅᔪᓂᑦ ᐊᔾᔨᒌᙱᑦᑐᓂᒃ ᐊᑐᖅᑐᑎᒃ ᓯᓚᒧᑦ ᐃᑉᐱᓐᓂᐊᔾᔪᑎᓄᑦ. ᐃᑉᐱᓐᓂᐊᔾᔪᑎᑦ ᖃᐅᔨᓴᓲᑦ ᐊᔾᔨᒌᙱᑦᑐᓂᑦ ᐊᕙᑎᓕᕆᓂᕐᒧᑦ ᐱᔾᔪᑎᖃᖅᑐᓂᑦ. ᐅᑯᐊᖑᔪᑦ:

• ᐊᓯᙳᖅᐸᓪᓕᐊᔪᑦ ᐃᒪᒥ, ᐊᐳᑎ, ᓄᓇ ᐊᒻᒪᓗ ᓄᓇᐅᑉ ᐊᑖᓂ ᕿᕿᓯᒪᔪᑦ ᐊᑦᑎᕙᓪᓕᐊᓂᖏᑦ;
• ᐱᕈᖅᓯᐊᑦ-ᐊᑦᑐᐊᖓᔪᑦ ᑲᓚᖑᖅᐸᓪᓕᐊᔪᑦ ᐊᓯᙳᖅᐸᓪᓕᐊᑎᓪᓗᒋᑦ ᐱᕈᖅᓯᐊᒧᑦ;
• ᓂᕐᔪᑏᑦ ᐃᖏᕐᕋᓂᖏᑦ ᐊᔾᔨᒌᙱᑦᑐᑦ; ᐊᒻᒪᓗ
• ᐱᕈᖅᓯᐊᓕᕆᕝᕕᒃ ᐆᑦᑑᑎᒋᓗᒍ ᐸᐅᖅ ᐊᒻᒪᓗ ᐅᖅᓱᖅ ᑎᐱᖃᙱᑦᑐᑦ.

JPL ᓴᓇᕐᕈᑎᖏᑦ ᖃᐅᔨᓴᖅᑕᐅᑎᓪᓗᒋᑦ ᓯᓚᒃᑯᑦ, ᓇᔪᕐᕕᒥ ᓱᓇᒃᑯᑖᓄᑦ ᖃᐅᔨᓴᖅᑎᑦ ᐊᔾᔨᑲᓯᐊᑐᑦ ᖃᐅᔨᓴᖅᓯᒪᔪᑦ ᓄᓇᒥ. ᓄᓇᒥ ᖃᐅᔨᓴᖅᑕᐅᓯᒪᔪᑦ ᐊᑐᖅᑕᐅᔪᑦ ᓇᓗᓇᐃᔭᑦᑎᐊᕐᓗᑎᒃ ᐊᒻᒪᓗ ᖃᐅᔨᓴᖅᑐᑎᒃ ᐊᓯᙳᖅᐸᓪᓕᐊᔪᓂᑦ ᓯᓚᒦᑦᑐᓂᑦ ᐊᒻᒪᓗ ᐊᓂᖅᓵᒍᓐᓇᙱᑦᑐᒥ. ABoVE ᐃᓕᓐᓂᐊᕈᑎᔅᓴᖃᖅᑐᑦ ᐊᒻᒪᓗ ᐃᑲᔪᖅᑎᓂᑦ ᐊᔾᔨᒌᙱᑦᑐᓂᑦ, ᑐᕌᒋᔭᖃᖅᑐᑎᒃ ᒪᒃᑯᑦᑐᓂᑦ. ᐊᒥᓱᑲᓪᓚᐃᑦ ᓄᓇᓖᑦ ᑲᑎᒪᔾᔪᑎᖃᓚᐅᖅᑐᑦ ᑐᑭᓯᐊᔾᔪᑎᔅᓴᓄᑦ, ᐅᓂᒃᑳᕆᔭᐅᔪᓄᑦ ᐊᒻᒪᓗ ᐃᓱᐊᓈᕈᑎᔅᓴᓂᒃ ᑕᑯᒐᓐᓈᕈᓐᓇᕐᓗᑎᒃ ᐊᔾᔨᒌᙱᑦᑐᓂᑦ ᑎᒻᒥᓲᓂᑦ ᐊᒻᒪᓗ ᓴᓇᕐᕈᑎᓂᑦ.

ᑲᓇᑕᐅᑉ ᐅᑭᐅᖅᑕᖅᑐᖓᓂ ᖃᐅᔨᓴᕐᓂᖅ ᐊᒻᒪᓗ ᐃᓱᒪᒋᔭᐅᔪᒃᑯᑦ ᐋᖅᑭᒃᓯᒪᔪᑦ (CAMPS): ᑐᒃᓯᕋᖅᑕᐅᔪᑦ ᐋᖅᑭᒃᓯᒪᔪᒃᑯᑦ ᖃᐅᔨᒪᔭᐅᔪᓄᑦ ᑐᑭᓯᐊᔾᔪᑎᒋᔭᐅᓗᑎᒃ ᐊᒻᒪᓗ ᐃᓱᒪᒃᓴᖅᓯᐅᕐᓂᕐᒧᑦ ᐊᓯᙳᖅᐸᓪᓕᐊᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐆᒪᔪᓄᑦ

D.S. ᒪᒃᓕᓇᓐ

ᐅᑭᐅᖅᑕᖅᑐᒥ ᓯᓚ ᐊᓯᙳᖅᐸᓪᓕᐊᔪᑦ ᓱᒃᑲᔪᒃᑯᑦ. ᑕᒪᓐᓇ ᐊᐅᓚᑦᑎᔪᖅ ᐊᓯᙳᖅᐸᓪᓕᐊᔪᓄᑦ ᓄᓇᒧᑦ, ᑕᓯᓄᑦ, ᑰᓄᑦ ᐊᒻᒪᓗ ᑕᕆᐅᒧᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᑕᒪᒃᑯᐊ ᐊᓯᙳᖅᐸᓪᓕᐊᓂᖏᑦ ᐱᒻᒪᕆᐅᔪᒃᑯᑦ ᐱᔾᔪᑎᖃᖅᑐᑦ ᐅᑭᐅᖅᑕᖅᑐᖅ ᐱᕈᖅᓯᐊᖏᓐᓄᑦ ᐊᒻᒪᓗ ᓂᕐᔪᑎᖏᓐᓄᑦ, ᐊᒻᒪᓗ ᐅᑭᐅᖅᑕᖅᑐᒥ ᓄᓇᓖᑦ ᓂᕿᖃᕐᕕᒋᔭᖏᓐᓄᑦ. ᑕᒪᒃᑯᐊ ᐊᓯᙳᖅᓯᒪᔪᑦ ᐱᔾᔪᑎᖃᕐᓂᐊᖅᑐᑦ ᐊᐅᓚᑦᑎᓂᖅ ᓄᓇᒥᑦ ᐃᒪᓗ ᓱᕋᒃᑕᐅᑦᑕᐃᓕᒪᓂᕐᒧᑦ ᒪᓕᒐᓄᑦ ᒐᕙᒪᑦ ᑲᑐᔾᔨᖃᑎᒌᖑᔪᖏᓐᓄᑦ. ᐊᒻᒪᓗ ᐱᔾᔪᑎᖏᑦ ᖃᓄᖅ ᑐᑭᓯᐊᔭᕆᔭᑦᑎᒍᑦ ᐱᔾᔪᑎᖃᖅᑐᑦ ᓴᓇᕝᕕᐅᑉ ᐱᕙᓪᓕᐊᓂᖓᓄᑦ ᐊᒻᒪᓗ ᓱᕋᒃᑎᑦᑎᑦᑕᐃᓕᒪᓂᖅ ᑕᐃᒪᐅᑐᐃᓐᓇᕆᐊᖃᖅᑐᓄᑦ ᐱᔾᔪᑎᒋᔭᐅᔪᓄᑦ. ᓴᖅᑭᑎᑦᑎᕙᓪᓕᐊᓂᖅ ᓄᑖᓂᒃ ᖃᐅᔨᒪᔾᔪᑎᔅᓴᓂᒃ ᑐᑭᓯᐊᓗᒋᑦ ᖃᓄᖅ, ᓇᒥ, ᐊᒻᒪᓗ ᓱᒻᒪᑦ ᑖᒃᑯᐊ ᐊᓯᙳᖅᐸᓪᓕᐊᔪᑦ ᓴᖅᑭᕙᓪᓕᐊᓂᖏᑦ ᐱᒻᒪᕆᐅᔪᑦ. ᐃᓱᒪᒃᓴᖅᓯᐅᕈᑎᔅᓴᖃᕈᓐᓇᖅᑐᑦ ᐅᕙᑦᑎᓐᓄᑦ ᐊᓯᙳᖅᐸᓪᓕᐊᔪᓄᑦ, ᖃᓄᐃᓕᐅᙱᖔᕐᓗᓂ ᓴᖅᑭᓯᒫᓂᒃᑎᓪᓗᒋᑦ.

ᑲᓇᑕ ᓯᓚᕐᔪᐊᒥ-ᓯᕗᓪᓕᒃᑯᑦ ᖁᑦᑎᑦᑐᒃᑯᑦ ᐊᒻᒪᓗ ᒐᕙᒪᒃᑯᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐃᓚᒌᑦ. ᑭᓯᐊᓂ, ᐊᑲᐅᙱᓕᐅᕈᑎᑕᖃᖅᑐᑦ ᒫᓐᓇᐅᔪᖅ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐊᒻᒪᓗ ᖃᐅᔨᓴᕐᓂᕐᒧᑦ ᐱᕙᓪᓕᐊᒍᑕᐅᔪᓐᓇᖅᑐᓄᑦ. ᐱᐅᙱᑦᑐᒃᑯᑦ ᐊᐅᓚᑕᐅᔪᑦ ᒐᕙᒪᒃᑯᑦ ᑲᑐᔾᔨᖃᑎᒌᖑᔪᓂᑦ. ᓱᓇᒃᑯᑖᓄᑦ ᖃᐅᔨᓴᕐᓂᖅ ᑭᒡᓕᖃᖅᑎᑦᑎᔪᑦ ᐃᑲᔫᓯᐊᑕᖃᓗᐊᙱᓐᓂᖓᑕ ᑮᓇᐅᔭᓂᑦ. ᑭᒡᓕᖃᖅᑎᑦᑎᔪᑦᑕᐅᖅ ᐱᖃᓗᐊᙱᓂᖓᓄᑦ ᐅᖃᖃᑎᒌᓐᓂᖅ ᐊᓯᖏᑕ ᓱᓇᒃᑯᑖᓄᑦ ᖃᐅᔨᓴᕐᕕᐅᔪᓄᑦ ᓇᔪᕐᕕᐅᔪᒧᑦ.

ᐊᓯᐊᑕ ᐱᒻᒪᕆᐅᔪᖅ ᐊᑲᐅᙱᓕᐅᕈᑎ ᐃᓱᒪᒃᓴᖅᓯᐅᕈᑎᔅᓴᓄᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ ᐅᑭᐅᖅᑕᖅᑐᒥ ᓄᓇᓖᑦ ᖃᖓᓂᑕᖅ ᐊᑐᖅᑕᐅᓯᒪᙱᑦᑐᑦ. ᑭᓯᐊᓂ, ᑕᒪᓐᓇ ᐊᓯᙳᖅᐸᓪᓕᐊᓯᒪᔪᖅ. ᑲᓇᑕᒥ ᐅᑭᐅᖅᑕᖅᑐᒥ ᖃᐅᔨᓴᕐᓂᖅ ᐊᒻᒪᓗ ᐃᓱᒋᔭᐅᔪᑦ ᐋᖅᑭᒃᓯᒪᓂᖏᑦ (CAMPS) ᑐᒃᓯᕋᖅᑐᑦ ᐱᕙᓪᓕᐊᓗᑎᒃ ᑲᓇᑕᒥ ᓇᓗᓇᐃᒃᑯᑕᔅᓴᓂᒃ ᐅᑭᐅᖅᑕᖅᑐᓕᒫᒥ. ᑐᕌᒋᔭᐅᔪᑦ ᓴᖅᑭᑎᑦᑎᕙᓪᓕᐊᓗᑎᒃ ᐸᕐᓇᐅᑎᔅᓴᓂᒃ ᐅᑭᐅᖅᑕᖅᑐᒥ ᖃᐅᔨᒪᓂᕐᒧᑦ ᐋᖅᑭᒃᓯᒪᔪᓂᑦ. ᐋᖅᑭᒃᓯᒪᔪᑦ ᐃᑲᔫᓯᖃᕐᓂᐊᖅᑐᑦ ᑲᔪᓯᔪᓄᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᕆᔭᐅᔪᓄᑦ ᐋᖅᑭᒋᐊᕐᓗᒋᑦ ᐊᒻᒪᓗ ᐊᐅᓚᓗᒋᑦ ᒫᓐᓇᐅᔪᖅ ᖃᐅᔨᓴᖅᑕᐅᔪᓄᑦ, ᐊᒻᒪᓗ ᓄᑖᓂᒃ ᑐᒃᓯᕋᖃᕈᓐᓇᕐᓗᑎᒃ. ᐱᕙᓪᓕᐊᔾᔪᑎᒋᔭᐅᔪᓐᓇᖅᑐᑦ ᐃᓱᒪᔅᓴᖅᓯᐅᕈᑎᔅᓴᓄᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑕ ᒫᓐᓇᐅᔪᖅ ᐅᑭᐅᖅᑕᖅᑐᒥ ᓄᓇᓕᓐᓂ. ᓄᓇᒋᔭᒥ ᓇᓗᓇᐃᔭᖅᓯᒪᔪᒃᑯᑦ-ᐃᓱᒪᒃᓴᖅᓯᐅᕈᑎᔅᓴᓄᑦ ᐱᓕᕆᐊᔅᓴᒧᑦ ᐅᖃᐅᔾᔪᖅᑕᐅᙳᐊᖅᓯᒪᔪᑦ ᐊᐅᓚᓂᐊᕐᓗᒋᑦ ᓄᓇᒋᔭᒥ ᐃᑲᔪᖅᓯᔨᓂᑦ ᐊᒻᒪᓗ ᓇᓗᓇᐃᔭᐃᓗᑎᒃ ᖃᓄᖅ CAMPS ᐊᑐᖅᑕᐅᔪᓐᓇᕐᓂᖏᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ.

ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ ᐊᒻᒪᓗ ᓄᓇᒋᒥ-ᓇᔪᕐᕕᒥ ᖃᐅᔨᓴᕐᓂᖅ

“ᐊᑕᐅᓯᖅ ᓂᐱ” ᐊᑐᖅᑕᐅᓂᐊᖅᑐᑦ: ᑲᑎᖃᑎᖃᕐᓂᖅ ᐃᓄᐃᑦ ᖃᐅᔨᒪᔭᑐᖃᖏᑦ ᐅᐊᓕᓂᕐᒥ ᓱᓇᒃᑯᑖᓂᑦ ᖃᐅᔨᓴᕐᓂᖅ ᖃᐅᔨᓴᕈᑕᐅᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐃᒪᑦᑎᐊᕙᖏᑕ ᐊᕙᑎᖏᑦ

R.A. ᓂᔅᐱᑦ, N.J. ᕼᐊᑦᓯᓐᓴᓐ, H.E. ᒃᓚᐃᓐ, B.L. ᐹᕐᓕ, J. Hᐊᑦ, J. ᑐᓗᒐᖅ, ᐊᒻᒪᓗ L. ᒪᓐᔪ

ᓱᓇᒃᑯᑖᓄᑦ ᖃᐅᔨᓴᕐᓂᖅ ᐊᑐᖅᑕᐅᔪᑦ ᐱᔪᓐᓇᕐᓗᑎᒃ ᐊᕙᑎᓕᕆᓂᕐᒧᑦ ᐊᓯᙳᖅᐸᓪᓕᐊᔪᓄᑦ ᐅᑭᐅᖅᑕᖅᑐᒥ ᓴᖅᑭᓯᒪᔪᓄᑦ. ᑭᓯᐊᓂ, ᓱᓇᒃᑯᑖᓄᑦ ᖃᐅᔨᓴᖅᑎᑦ ᐃᖅᑲᓇᐃᔭᖅᑐᑦ, ᐊᒃᓱᕈᕐᓇᖅᑐᒃᑯᑦ ᓯᓚᐅᑉ ᐱᔾᔪᑎᒋᔭᖓᓄᑦ. ᑕᒪᓐᓇ ᓈᓴᐅᑎᒃᑯᑦ ᐊᒻᒪᓗ ᑮᓇᐅᔭᓕᕆᓂᒃᑯᑦ ᐊᒃᓱᕉᑎᑕᖃᖅᑐᑦ ᐊᓯᖏᑕ ᓄᓇᒋᔭᒥ ᑲᓇᑕᒥ ᐃᓕᔪᓐᓇᕐᓂᕐᒧᑦ. ᓄᓇᒋᔭᒥ ᖃᐅᔨᓴᕐᓂᖅ ᐱᕚᓪᓕᕈᑕᐅᔪᓐᓇᖅᑐᑦ ᖃᐅᔨᔾᔪᑎᒋᓗᒋᑦ ᐊᓯᙳᖅᐸᓪᓕᐊᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐊᑲᐅᙱᓕᐅᕈᑕᐅᓂᖅᐹᖅ ᐋᖅᑭᒃᓯᒪᔪᖃᙱᓐᓂᖓᑕ ᒪᓕᒃᑕᐅᔭᕆᐊᖃᖅᑐᓂᑦ ᐃᑲᔫᑕᐅᔪᓐᓇᖅᑐᑦ ᖃᐅᔨᓴᖅᑕᐅᔪᓄᑦ ᐃᓄᓐᓂᑦ ᓄᓇᒦᑎᓪᓗᒋᑦ ᐊᒥᓱᓂᑦ ᓱᓇᒃᑯᑖᓂᑦ ᖃᐅᔨᓴᕐᓂᕐᒧᑦ ᓇᓗᓇᐃᒃᑯᑕᔅᓴᓄᑦ.

ᑕᒪᓐᓇ ᐱᓕᕆᐊᔅᓴᖅ ᕿᒥᕐᕈᐊᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᑦ (IQ) ᐊᒻᒪᓗ ᐅᐊᓕᓂᕐᒥ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᖃᐅᔨᒪᔭᓄᑦ ᐋᖅᑭᒃᓯᒪᔪᑦ ᐊᔾᔨᒌᙱᑦᑐᒃᑯᑦ ᑲᑎᒪᔪᒃᑯᑦ-ᐊᐅᓚᑕᐅᔪᒃᑯᑦ ᐊᐱᖅᓱᖅᑕᐅᓂᖅ ᖃᐅᔨᒪᔨᓂ ᐊᐅᓚᑕᐅᔪᑦ “ᐃᓱᒪᔨᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ.” ᑐᕌᒋᔭᖅ ᐃᒪᐃᑦ ᖃᓄᐃᓐᓂᖏᑕ ᓇᓗᓇᐃᒃᑯᑕᔅᓴᓄᑦ. ᐊᐱᖅᓱᖅᑕᐅᒧᑦ ᑐᕌᒋᔭᖏᑦ ᐊᐱᖅᓲᑎᑦ ᓇᓗᓇᐃᔭᐃᓗᓂ ᓇᒥ ᓇᓗᓇᐃᔭᐅᑎᑦ ᐊᒻᒪᓗ ᐃᓄᐃᑦ ᖃᐅᔨᓴᕐᓂᖏᑦ ᐊᑦᑐᐊᓂᖏᑕ. ᐱᖓᓱᑦ ᐊᐱᖅᓱᖅᑕᐅᓚᐅᖅᑐᑦ ᑲᑎᒪᔪᒃᑯᑦ ᐃᓚᒋᔭᐅᔪᓄᑦ. ᑭᖑᓪᓕᖅ ᑲᑎᒪᓂᕐᒧᑦ ᓇᔪᕐᕕᒥ ᖃᐅᔨᒪᔭᐅᔪᑦ ᐃᒪᑦᑎᐊᕙᐅᓪᓗᓂ ᐃᒥᖅ-ᐅᕝᕙᓘᓐᓃᑦ ᐃᒪᑦᑕᐅᕙᙱᓪᓗᓂ ᐃᒥᖅ.

ᐃᒪᖅ ᑲᑎᖅᓱᖅᑕᐅᓯᒪᔪᑦ ᖃᐅᔨᓴᕈᑎᔅᓴᓄᑦ ᐊᐱᖅᓱᖅᑎᓪᓗᒋᑦ ᖃᐅᔨᓴᕐᕕᒻᒥ. ᑕᒪᓐᓇ ᐃᑲᔫᓯᐊᑦ ᓇᓗᓇᐃᔭᖅᑎᑦᑎᓯᒪᔪᑦ ᐊᔾᔨᒌᙱᑦᑐᓂᑦ ᐃᓚᔅᓴᓂᑦ ᐃᒪᒥᑦ ᓇᓗᓇᐃᒃᑯᑕᐃᑦ ᐃᒪᓕᕆᓂᕐᒧᑦ ᐊᕙᑎᖏᓄᑦ. ᓇᓗᓇᐃᒃᑯᑕᐃᑦ ᑲᑎᓯᒪᔪᑦ ᒪᕐᕉᒃ ᖃᐅᔨᒪᔭᐅᔪᓄᑦ ᐋᖅᑭᒃᓯᒪᓂᖏᓐᓄᑦ. ᐊᑐᖅᑕᐅᔪᓐᓇᖅᑐᑦ ᓴᖅᑭᑎᑦᑎᓗᑎᒃ ᑐᙵᕝᕕᐅᔪᓂᑦ ᖃᓄᐃᓐᓂᖏᑕ ᐊᒻᒪᓗ ᐆᑦᑐᕋᖅᑕᐅᓗᑎᒃ ᖃᓄᐃᓕᐅᖅᓯᒪᔪᑦ ᐃᓚᔅᓴᓂᙶᖅᑐᓂᑦ. ᐊᑐᖅᑕᐅᔪᑦ ᐃᑲᔫᓯᐊᖃᕈᓐᓇᖅᑐᑦ ᐋᖅᑭᒃᓱᐃᓂᖅ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᓄᑦ ᑐᓴᒐᔅᓴᐅᓗᑎᒃ ᓄᓇᓕᒥᐅᑕᓄᑦ ᐃᓱᒫᓘᒋᔭᖏᓐᓂᑦ. ᖃᐅᔨᓴᖅᑕᐅᓯᒪᔪᑦ ᐃᓱᒪᒋᔭᐅᔪᓗᒃᑖᓄᑦ ᑐᑭᓯᐊᔾᔪᑎᔅᓴᓄᑦ ᐃᒪᓕᕆᓂᕐᒧᑦ ᐊᕙᑎᖏᓐᓂ ᐊᑐᕐᓗᒋᑦ ᑕᒪᒃᑭᒃ ᖃᐅᔨᒪᓂᕐᒧᑦ ᐋᖅᑭᒃᓯᒪᔪᓄᑦ.

ᓴᖅᑭᑎᑦᑎᕙᓪᓕᐊᓂᖅ ᑐᙵᕝᕕᒋᔭᐅᓂᐊᖅᑐᒥ ᐃᒪᑦᑎᐊᕙᓂ ᐊᔾᔨᒌᙱᑦᑐᑦ ᖃᒪᓂᑦᑐᐊᖅ, ᓄᓇᕗᑦ

N.J. ᕼᐊᑦᓯᓐᓴᓐ, K.R. Hᐊᑦᓕ, R.A. ᓂᔅᐱᑦ, ᐊᒻᒪᓗ L. ᒪᓐᓱ

ᖃᒪᓂᑦᑐᐊᑉ ᐃᓚᒋᐊᖅᑕᐅᓂᖏᑦ ᐱᕙᓪᓕᐊᔪᓄᑦ ᖃᐅᔨᓴᕐᓂᖅ ᐱᓕᕆᐊᔅᓴᖅ - ᖃᐅᔨᒪᔭᐅᔪᑦ “ᐃᓅ’ᑐᑎ” - ᐊᑐᖅᑕᐅᔪᑦ ᐅᐊᓕᓂᕐᒥ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ. ᐱᓕᕆᐊᔅᓴᖅ ᖃᐅᔨᓴᖅᑐᑦ ᐊᓯᙳᖅᓯᒪᔪᓄᑦ ᖃᒪᓂᑦᑐᐊᒥ ᐊᒻᒪᓗ ᐃᒪᖅ ᐊᐅᓚᕙᓪᓕᐊᓂᖏᓄᑦ. ᑕᒪᒃᑯᐊ ᐊᓯᙳᖅᓯᒪᔪᑦ ᐱᔾᔪᑎᖃᕈᓐᓇᖅᑐᑦ ᐅᔭᕋᖕᓂᐊᕐᕕᒥ ᐱᕙᓪᓕᐊᔪᓂᑦ, ᖃᓄᖅ ᓄᓇ ᐃᓂᓕᐅᕐᓂᖓ/ᐊᑐᖅᑕᐅᓂᖓ, ᐅᕝᕙᓘᓐᓃᑦ ᓯᓚ ᐆᓇᖅᓯᕙᓪᓕᐊᓂᖓᓄᑦ.

ᖃᒪᓂᑦᑐᐊᖅ ᐊᖏᓪᓚᕆᒃᑐᖅ ᑕᓯᖅ ᐅᑭᐅᖅᑕᖅᑐᒥ. ᓂᓪᓕᓇᖅᑐᖅ, ᐱᖃᓗᐊᙱᑦᑐᑦ ᐃᓚᔅᓴᐃᑦ ᐃᓅᑎᔅᓴᓄᑦ, ᐊᓂᖅᓵᑑᑎᑕᖃᖅᑐᑦ ᐃᖃᓗᓄᑦ, ᐊᒻᒪᓗ ᓴᕕᔅᓴᐃᑦ ᐃᓚᔅᓴᖃᓗᐊᙱᑦᑐᑦ. ᐱᓕᕆᐊᔅᓴᖅ ᐆᑦᑑᑎᖃᖅᑐᑦ ᑐᙵᕝᕕᐅᔪᓂᑦ ᐃᒪᐅᑉ ᖃᓄᐃᓐᓂᖏᑕ ᑕᓯᒥ ᐊᐅᒃᓯᒪᓕᖅᑎᓪᓗᒍ ᐅᒡᒍᓯ 2015-2017-ᖑᑎᓪᓗᒍ ᐊᒻᒪᓗ ᐊᑕᐅᓯᖅ ᓯᑯ ᐊᑖᓂ ᖃᐅᔨᓴᕐᓂᖅ ᒪᐃ 2016-ᖑᑎᓪᓗᒍ. ᖃᐅᔨᒪᓗᒍ ᒫᓐᓇᐅᔪᒃᑯᑦ ᖃᓄᐃᓐᓂᖏᑕ ᐃᑲᔫᓯᐊᖑᔪᓐᓇᖅᑐᑦ ᑐᑭᒃᓯᐊᔾᔪᑎᔅᓴᓄᑦ ᐊᓯᙳᖅᐸᓪᓕᐊᔪᓄᑦ ᓯᕗᓂᒥ. ᒪᕐᕉᒃ ᐃᓱᒫᓘᑎᒋᔭᐅᔪᒃ ᓄᓇᓕᒻᒥᙶᖅᑐᓂᑦ ᐅᑯᐊᖑᔫᒃ:

• “ᐃᖃᓗᔅᓱᓐᓂ” ᑎᐱᖓ ᐃᒪᒥ; ᐊᒻᒪᓗ
• ᑕᕆᐅᖅᓱᓂ ᑎᐱᖓ ᐃᒪᒥ.

ᐃᖃᓗᔅᓱᓐᓂᑦᑐᖅ ᑎᐱᖓ ᐱᔾᔪᑎᒋᔭᖓ ᖃᓐᓄᖄᑎᑐᑦ ᓯᐅᕋᕐᓇᖅᑐᓂᑦ. ᑕᒪᒃᑯᐊ ᒥᑭᔪᒃᑯᑦ ᑕᑯᔭᐅᔪᓐᓇᖅᑐᑦ ᖃᐅᔨᓴᕈᑎᔅᓴᒃᑯᑦ ᐱᕈᖅᓯᐊᑦ ᐲᖅᓰᕙᓪᓕᐊᔪᑦ ᐃᓚᔅᓴᓂᑦ “ᐃᖃᓗᔅᓱᓐᓂ” ᑎᐱᖓ ᐊᒻᒪᓗ ᓇᐃᒪᓐᓇᕐᓂᖓ ᐃᒪᒥ ᐃᓛᓐᓂᒃᑯᑦ ᐅᑭᐅᖑᔪᒥ.

ᑕᕆᐅᓱᓐᓂᖅᑐᒥᑦ ᑎᐱᖓ ᖃᐅᔨᔭᐅᓲᑦ ᐅᓕᓯᒪᓂᖏᑦ ᑕᓰᑦ ᐊᒻᒪᓗ ᑎᓂᓯᒪᔪᑦ ᐅᕝᕙᓘᓐᓃᑦ ᐊᓄᕆᑎᓪᓗᒍ ᐃᒡᓗᓕᒑᕐᔪᒥᑦ ᑕᕆᐅᖅ ᐃᒪᖓ ᑰᔪᓐᓇᖅᑐᑦ ᖃᒪᓂᑦᑐᐊᒧᑦ. ᑕᕆᐅᖅ ᐃᒪᖓ ᓯᒡᔭᑲᓯᐊᓄᑦ ᖃᒪᓂᑦᑐᐊᖅ ᐃᒪᖓᓄᑦ, ᑕᕆᖅᓱᓐᓂᑦᑐᒥᑦ ᑎᐱᖃᖅᑐᑦ. ᑕᒪᒃᑯᐊ ᑎᑎᕋᖅᑕᐅᓯᒪᔪᑦ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᖃᐅᔨᓴᖅᑎᓪᓗᒋᑦ 1965-ᒥ. ᖃᐅᔨᓴᖅᑕᐅᓯᒪᔪᑦ ᐱᓕᕆᐊᔅᓴᓄᑦ ᓇᓗᓇᐃᖅᓯᒪᔪᑦ ᐃᑎᓯᕙᓪᓕᐊᓂᖏᑦ ᑕᓯᒥ. ᑭᓯᐊᓂ, ᑕᕆᐅᖅ ᐃᒪᖅ ᐊᒻᒪᓗ ᐃᑎᓂᖓ ᓇᓗᓇᐃᖅᓯᒪᔪᑦ ᐊᓯᙳᖅᓯᒪᓂᖏᑦ ᐊᐅᔭᐅᑎᓪᓗᒍ ᐊᒻᒪᓗ ᐊᑯᓐᓂᖓᓂ ᐅᑭᐅᖑᓚᐅᖅᑐᓂᑦ.

ᐃᓕᓐᓂᐊᖃᑎᒌᓐᓂᑦ: ᓱᓇᒃᑯᑖᓄᑦ ᖃᐅᔨᓴᕐᓂᖅ ᐊᖅᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐃᑲᔪᖅᑎᒌᓯᒪᔪᑦ ᑐᑭᓯᐊᔾᔪᑎᒋᕚᓪᓕᕐᓗᒋᑦ ᐃᖃᓗᒃᐲᑦ ᕿᑎᕐᒥᐅᑦ ᓄᓇᖓᓂ

N. ᑐᐊᑉ, J.-S. ᒧᐊᕐ, ᐊᒻᒪᓗ ᐃᖃᓗᑦᑑᑎᐊᖅ ᐊᖑᓇᓱᑦᑎᖏᑦ

ᐃᖃᓗᑦᑑᑎᐊᖅ ᐊᖑᓇᓱᑦᑏᑦ ᑲᑐᔾᔨᖃᑎᒌᖏᑦ ᑎᑎᕋᖅᓯᒪᔪᑦ ᐃᓄᐃᑦ ᖃᐅᔨᒪᔭᑐᖃᖏᑦ (IQ) ᐃᖃᓗᑉᐱᓂᑦ. ᐱᓕᕆᐊᔅᓴᖅ ᐃᖃᓗᑉᐱᑦ IQ - ᐃᓄᐃᑦ ᖃᐅᔨᒪᔭᑐᖃᖏᑦ - ᐱᕚᓪᓕᕈᑕᐅᓯᒪᔪᑦ ᑕᕆᐅᒥ ᖃᐅᔨᒋᐊᕈᑎᔅᓴᒃᑯᑦ ᖃᕋᓴᐅᔭᓕᕆᓂᖅ ᐊᒻᒪᓗ ᐃᒪᓕᕆᔨᒃᑯᑦ ᑲᓇᑕ ᖃᐅᔨᓴᕐᓗᑎᒃ ᐃᖃᓗᑉᐲᑦ ᐃᖏᕐᕋᓂᖏᑦ ᑕᕆᐅᒥ. ᒪᒃᑯᑦᑐᑦ ᓄᓇᒋᔭᒥ ᐃᓕᓴᖅᑎᑕᐅᓯᒪᔪᑦ ᐊᐱᖅᓱᕐᓂᕐᒧᑦ ᖁᓕᖏᓗᐊᖅᑐᓂᑦ ᐃᓐᓇᓂᑦ ᓄᓇᒋᔭᒥᑦ ᐊᒻᒪᓗ ᑎᑎᕋᖅᑕᐅᓪᓗᑎᒃ IQ ᐃᖃᓗᑉᐱᓄᑦ. ᐊᐱᖅᓱᖅᑕᐅᕌᓂᒃᑎᓪᓗᒋᑦ, ᐃᓐᓇᐃᑦ-ᒪᒃᑯᑦᑐᑦ ᑕᒻᒫᕐᕕᒃ ᐃᖃᓗᒃᓯᐅᕝᕕᒥ ᓇᔪᕐᕕᒥ ᐃᖃᓗᒃᑑᒥ (ᐃᖃᓗᒃ ᑰᖓ) ᐅᒡᒍᓯ 2016-ᖑᑎᓪᓗᒍ. ᐱᕙᓪᓕᐊᓯᒪᔪᑦ ᓄᓇᓕᒥᐅᑕᓂᑦ, ᐃᖃᓗᓕᕆᓂᕐᒧᑦ ᖃᐅᔨᓴᖅᑎᓄᓪᓗ ᐊᒻᒪᓗ ᐅᖃᖃᑎᒌᓐᓂᒃᑯᑦ ᓱᓇᒃᑯᑖᓄᑦ ᖃᐅᔨᓴᖅᑎᓄᑦ. ᑕᒪᓐᓇ ᓄᓇᓕᒥ-ᐊᐅᓚᑕᐅᒧᑦ ᐱᓕᕆᐊᔅᓴᖅ ᑎᑎᕋᖅᓯᒪᔪᑦ IQ ᐅᓂᒃᑳᒐᔅᓴᓕᐊᒃᑯᑦ ᐊᒻᒪᓗ ᑕᕐᕆᔭᒐᔅᓴᒃᑯᑦ-ᓇᓗᓇᐃᔭᐃᓂᒃᑯᑦ. ᐱᕈᖅᐸᓪᓕᐊᓲᖅ ᓄᓇᒋᔭᒥ ᐊᖏᓂᖓᓄᑦ ᐊᒻᒪᓗ ᓄᓇᒋᔭᒥ ᐊᖏᓂᖓᓄᑦ ᐊᒻᒪᓗ ᐃᓚᒋᔭᖏᓄᑦ ᓯᕗᕚᓄᑦ ᐊᒻᒪᓗ ᐅᖃᐅᔾᔪᖅᑕᐅᓂᖅ. ᐃᓐᓇᐃᑦ-ᒪᒃᑯᑦᑐᖅ ᑕᒻᒫᕐᕕᖓ ᐃᓱᐊᓈᕈᑎᔅᓴᖃᖅᑐᑦ ᓴᐃᒻᒪᖅᓴᐃᓂᖅ ᓄᓇᒥ ᐊᒻᒪᓗ ᓴᖅᑭᑎᑕᐅᓯᒪᔪᑦ ᐃᖃᓗᒃᐲᑦ ᐃᖏᕐᕋᖃᑦᑕᕐᓂᖏᑦ. ᑲᑎᓪᓗᒋᑦ, ᖃᓄᐃᓕᐅᖅᓯᒪᓂᖏᑦ ᐊᐅᓚᓂᖏᑕ ᑐᑭᓯᐊᓇᖅᑎᑕᐅᑦᑎᐊᖅᓯᒪᔪᒃᑯᑦ ᐃᓚᒌᑎᒍᑦ ᐃᓄᒃᑎᒍᑦ ᐊᒻᒪᓗ ᐃᖃᓗᓂᑦ ᐊᓯᙳᖅᐸᓪᓕᐊᑎᓪᓗᒍ ᐅᑭᐅᖅᑕᖅᑐᒥ.

ᑐᕌᒋᔭᐅᔪᑦ ᑕᒻᒫᕐᕕᒻᒥ ᑎᑎᕋᐅᓯᕆᓗᒋᑦ ᐃᖃᓗᒃᐲᑦ IQ, ᐱᒻᒪᕆᐅᓂᖅᓴᐃᑦ ᑐᕌᒋᔭᔅᓴᓄᑦ ᓴᖅᑭᕙᓪᓕᐊᓯᒪᔪᑦ ᐃᖃᓗᒃᑑᒥ. ᐃᓄᐃᑦ ᐃᓕᓯᒪᔪᑦ ᐃᑉᐱᓐᓇᖅᑐᒃᑯᑦ ᐊᖏᕐᕋᑎᓪᓗᒋᑦ ᐃᖅᑲᐅᒪᔭᔅᓴᓄᑦ ᕿᒪᓐᓂᐊᓕᖅᑎᓪᓗᒍ ᓄᓇ. ᐃᑉᐱᒋᔭᖃᖅᑎᑦᑎᓚᐅᖅᑐᑦ ᐊᒃᓱᕈᕐᓇᖅᑐᓂᑦ ᐅᔾᔨᕆᓂᒃᑯᑦ ᐆᒪᓇᓱᐊᕐᓂᖅ ᓄᓇᒥ ᐊᒃᓱᕈᕐᓇᖅᑐᑦ ᐅᓪᓗᒥ ᐊᒃᓱᕉᑎᒋᔭᐅᔪᑦ ᐃᓄᓐᓄᑦ. ᓴᐃᒻᒪᖅᓴᕐᓂᖅ ᐃᑲᔪᖅᑎᒌᒃᑐᒃᑯᑦ ᓄᓇᒥ ᐱᒻᒪᕆᐅᓂᖅᐹᖑᓯᒪᔪᑦ ᐃᖃᓗᒃᐲᑦ ᐅᖃᖃᑎᒌᒃᑎᓪᓗᒋᑦ. ᑕᐃᒪᐃᒃᑲᓗᐊᖅᑎᓪᓗᒍ ᖃᓄᐃᓐᓂᖓ, ᐃᓕᓐᓂᐊᑐᐃᓐᓇᓚᐅᖅᑐᑦ. ᐆᑦᑑᑎᒋᓗᒍ, ᖃᐅᔨᒪᔨᒻᒪᕆᒥᑦ ᐅᓂᒃᑳᖅᑐᖃᓚᐅᖅᑐᖅ ᐃᖃᓗᓄᑦ ᐃᖏᕐᕋᓂᖏᑕ ᖃᓄᐃᓐᓂᖏᓐᓂᑦ ᐊᒻᒪᓗ ᓂᓪᓕᓇᕐᓂᖓᑕ/ᐆᓇᕐᓂᖓᑕ ᐊᐅᓚᓂᖏᑕ ᐃᓱᒪᒃᓴᖅᓯᐅᕈᑕᐅᒃᑲᓐᓂᓕᓚᐅᖅᑐᑦ ᓱᓇᒃᑯᑖᓄᑦ ᖃᐅᔨᓴᖅᑎᓄᑦ ᑎᑎᕋᖅᓯᒪᔪᑦ ᐊᓯᐊᒍᑦ ᑕᑯᓗᒋᑦ. ᑕᒪᓐᓇ ᐊᐅᓚᑎᑦᑎᕙᓪᓕᐊᓯᒪᔪᑦ ᓄᑖᓄᑦ ᑐᑭᓯᐊᔾᔪᑎᔅᓴᓄᑦ ᖃᓄᐃᓕᐅᕐᓂᖏᑕ ᖃᐅᔨᓴᖅᑕᐅᓯᒪᔪᓄᑦ. ᓄᓇᓖᑦ ᐊᒻᒪᓗ ᑲᑐᔾᔨᖃᑎᒌᖑᔪᓄᑦ ᐅᖃᖃᑎᒌᓐᓂᖅ, ᓄᓇ ᐅᕝᕙᓘᓐᓃᑦ ᓇᔪᕐᕕᒃ ᐱᔾᔪᑎᒋᓗᒍ, ᐃᑲᔫᓯᐊᖑᑐᐃᓐᓇᕆᐊᖃᖅᑐᑦ ᐊᑲᐅᓈᕐᓂᖅᓴᒃᑯᑦ ᑐᑭᓯᐊᔾᔪᑎᔅᓴᓄᑦ ᐊᕙᑎᓕᕆᓂᕐᒧᑦ. ᐃᑲᔫᓯᐊᖑᑐᐃᓐᓇᕆᐊᖃᖅᑐᑦ ᓄᑖᓄᑦ ᐃᓱᒪᒃᓴᖅᓯᐅᕐᓂᕐᒧᑦ ᐊᒻᒪᓗ ᓴᐃᒻᒪᖅᓴᐃᓂᕐᒧᑦ ᒪᓕᒐᔅᓴᓕᕆᓂᕐᒧᑦ, ᓯᕗᕚᓄᑦ ᐊᒻᒪᓗ ᐃᓄᓐᓄᑦ.

ᓇᓗᓇᐃᔭᐃᓂᖅ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ ᖃᐅᔨᓴᕐᓂᖅ ᐃᑲᔫᓯᐊᕆᓗᒋᑦ ᓄᓇᓕᕆᓂᕐᒧᑦ ᓴᓇᕐᕈᑎᑦ ᖃᐅᔨᓴᕈᑕᐅᓗᑎᒃ ᓴᕕᔅᓴᓄᑦ ᐅᔭᕋᖕᓂᐊᕐᕖᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ

J. ᒐᓄᕕ ᐊᒻᒪᓗ R.T. ᐸᑐᓴᓐ

ᑕᒪᓐᓇ ᐅᓂᒃᑳᒐᔅᓴᓕᐊᖅ ᓇᓗᓇᐃᔭᐃᔪᑦ ᐱᖓᓱᓄᑦ-ᐅᑭᐅᓄᑦ ᐱᓕᕆᐊᔅᓴᖅ (2015-2018) ᐱᕚᓪᓕᕈᑕᐅᓂᕐᒧᑦ ᑐᑭᓯᐊᔾᔪᑎᔅᓴᓄᑦ ᖃᖓᓂᓴᓄᑦ ᓯᓚᐅᑉ ᖃᓄᐃᓐᓂᕆᓚᐅᖅᑕᖏᓐᓂᑦ. ᖃᐅᔨᓴᓲᑦ ᖃᓄᖅ ᓴᕕᔅᓴᐃᑦ (loids) ᖃᓄᐃᓕᐅᖃᑦᑕᕐᓂᖏᑕ ᐊᔾᔨᒌᙱᑦᑐᓄᑦ ᓯᓚᐅᑉ ᖃᓄᐃᓐᓂᕆᔭᖏᓐᓄᑦ ᖃᖓᓂᓴᖅ. ᓴᐅᔭᐅᓂᑯᐃᑦ ᐊᒻᒪᓗ ᐱᕈᖅᓯᐊᖃᖅᑐᒥ-ᓄᓇᐃᑦ ᖃᐅᔨᒪᔭᐅᔪᑦ ᖃᖓᓂᓴᕐᔪᐊᑦ ᐃᑦᑕᕐᓂᑕᐃᑦ. ᐊᓯᐊᒍᑦ ᐅᖃᐅᓯᕆᓗᒋᑦ, ᓴᐅᒥᒥᓃᑦ ᐅᔭᕋᓐᓂᙶᖅᑐᑦ ᑐᑭᓯᐊᔾᔪᑎᒋᔭᐅᔪᑦ ᖃᖓᓂᓴᕐᓂᑦ ᐆᒪᔪᓕᕆᓂᕐᒧᑦ ᐱᕈᖅᓯᐊᓄᑦ ᐊᒻᒪᓗ ᓂᕐᔪᑎᓄᑦ ᓇᔪᕐᕕᒥ. ᖃᐅᔨᓴᖅᑕᐅᔪᑦ ᖃᖓᓂᓴᕐᓂᑦ ᑕᑯᓯᒪᔪᑦ ᓯᓚᐅᑉ ᖃᓄᐃᓐᓂᕆᓚᐅᖅᑕᖏᓐᓂᑦ ᐊᒻᒪᓗ ᓴᐅᒥᒥᓃᑦ ᐅᔭᕋᓂᙶᖅᑐᓂᑦ ᑖᒃᑯᓇᖓᑦ ᓴᐅᔭᐅᓯᒪᔪᓂᑦ ᐊᒻᒪᓗ ᐱᕈᑎᖅᓯᐊᖃᖅᑐᒥ ᓄᓇᒥ. ᖃᐅᔨᓴᖅᓯᒪᔪᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ (ᐱᖅᑯᓯᒃᑯᑦ ᖃᐅᔨᒪᓂᖅ). ᑕᒪᒃᑯᐊ ᖃᐅᔨᔭᐅᔪᓐᓇᖅᑐᑦ ᐊᑲᐅᓈᕐᓂᖅᓴᒃᑯᑦ ᐃᓱᒪᒋᔭᐅᔪᓄᑦ ᖃᓄᖅ ᓴᕕᔅᓴᐃᑦ (loids) ᖃᓄᐃᓕᐅᓲᓂᖏᑦ ᒫᓐᓇᐅᔪᖅ ᐊᒻᒪᓗ ᓯᓚᓕᕆᔭᐅᔪᓄᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ.

ᔭᓗᓇᐃᕝ ᐊᒻᒪᓗ ᒍᕆᔭᔅ (Courageous) ᑕᓯᖓ ᐊᕙᑎᖏᑕ ᓄᓇᓂᙶᖅᑐᓂᑦ-ᐱᖃᖅᑐᒻᒪᕆᐊᓗᐃᑦ ᔅᓖᕝ ᓄᓇᓕᕆᓂᕐᒧᑦ ᓄᓇᖃᖅᑐᓄᑦ (Slave Geological Province) ᖃᓐᓄᖄᓄᑦ ᐅᔭᕋᖕᓂᐊᕐᕕᖃᖅᓯᒪᔪᒥᓃᑦ ᖃᖓᓂᑕᖅ. ᑖᒃᑯᐊ ᓇᔪᕐᕖᑦ ᖃᐅᔨᓴᖅᑕᐅᓯᒪᔪᑦ ᖃᓄᖅ ᓴᕕᔅᓴᐃᑦ ᐊᐅᓚᓂᖏᑕ ᐅᔭᕋᖕᓂᐊᕐᕕᒥᓂᒥᑦ ᐱᕙᓪᓕᐊᔪᒃᑯᑦ ᐊᐅᓚᑐᐃᓐᓇᕆᐊᖃᖅᑐᑦ ᐊᕙᑎᒃᑯᑦ. ᐱᓕᕆᐊᔅᓴᒧᑦ-ᐃᑲᔪᖅᑏᑦ- ᐅᑭᐅᖅᑕᖅᑐᒥ ᔅᓖᕝ ᐅᓇᓖᑦ (North Slave Metis) ᑲᑐᔾᔨᖃᑎᒌᖏᑦ, ᔭᓗᓇᐃᕝ ᐅᓇᓖᑦ, ᑎᑯ (Tłįchǫ) ᓱᓇᒃᑯᑖᓄᑦ ᖃᐅᔨᓴᖅᑎᑦ ᐊᒻᒪᓗ ᓯᓚᑦᑐᖅᓴᕐᕕᒃ, ᐊᒻᒪᓗ ᕼᐊᑦᓕᐊᕆ ᐃᑲᔪᖅᑎᒃᑯᑦ (Hadlari) Consultign Ltd. - ᐱᕙᓪᓕᐊᓯᒪᔪᑦ ᐱᖅᑯᓯᒃᑯᑦ ᖃᐅᔨᒪᓂᖅ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᖃᐅᔨᓴᕐᓂᕐᒧᑦ. ᑐᑭᓯᐊᔾᔪᑎᔅᓴᐃᑦ ᑖᒃᑯᓄᖓ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐊᑐᖅᑕᐅᓂᐊᖅᑐᑦ ᑲᑎᖅᓱᖅᑕᐅᓯᒪᔪᓄᑦ ᑎᑎᕋᖅᓯᒪᔪᓂᑦ ᐅᐊᓕᓂᕐᒥ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᐊᔾᔨᒌᙱᑦᑐᒃᑯᑦ. ᑕᒪᓐᓇ ᑐᑭᓯᐊᔾᔪᑎᔅᒃᑲᓐᓂᕈᑕᐅᓂᐊᖅᑐᑦ ᐃᖏᕐᕋᓂᖏᑕ ᐊᒻᒪᓗ ᑕᐃᒪᐃᑐᓐᓇᖅᑐᒃᑯᑦ ᓴᕕᒐᔅᓴᓄᑦ (loids) ᓯᓚ ᐊᓯᙳᖅᐸᓪᓕᐊᑎᓪᓗᒍ.

ᑲᔪᓯᔪᑦ ᐊᓯᙳᖅᐸᓪᓕᐊᔪᑦ ᐊᒻᒪᓗ ᖃᐅᔨᒪᔾᔪᑎᑦ: ᓇᐃᓈᖅᓯᒪᔪᑦ ᐅᓂᒃᑳᑦ ᐅᑭᐅᖅᑕᖅᑐᒥ ᔅᓖᕝ ᐅᓇᓖᑦ ᑲᑐᔾᔨᖃᑎᒌᑦ ᑎᑎᕋᖅᑕᐅᓯᒪᔪᑦ ᖃᐅᔨᒪᔭᐅᔪᑦ ᓯᓚᐅᑉ ᐊᓯᙳᖅᐸᓪᓕᐊᓂᖏᑕ ᐊᒻᒪᓗ ᐊᕙᑎᓕᕆᓂᕐᒧᑦ ᐊᓯᙳᖅᐸᓪᓕᐊᔪᑦ

J. ᒐᓗᕕ, R.T. ᐸᑐᓴᓐ, ᐅᑭᐅᖅᑕᖅᑐᒥ ᔅᓕᕝ ᐅᓇᓖᑦ ᓄᓇᒋᔭᓖᑦ, S. ᓯᒐ, P. ᐃᕙᓐᔅ, D. ᑭᖕ, ᐊᒻᒪᓗ B. ᑮᑦ

ᓄᓇᓕᕆᓂᕐᒧᑦ ᖃᐅᔨᓴᖅᑎᒃᑯᑦ ᑲᓇᑕᒥ ᐊᒻᒪᓗ ᑲᕈᑕᓐ ᓯᓚᑦᑐᖅᓴᕐᕕᒃ ᐊᐅᓚᑦᑎᓯᒪᔪᑦ ᐱᓕᕆᐊᔅᓴᓄᑦ ᐱᔾᔪᑎᒋᔭᖏᑕ ᓯᓚᒧᑦ ᐊᒻᒪᓗ ᓄᓇᒥᑦ-ᐊᑐᕐᓂᕐᒧᑦ ᐊᓯᙳᖅᐸᓪᓕᐊᔪᓄᑦ ᐃᖏᕐᕋᑎᓪᓗᒋᑦ ᐊᒻᒪᓗ ᑕᐃᒪᐃᑐᐃᓐᓇᖅᑐᒃᑯᑦ ᓴᕕᔅᓴᓄᑦ (loids) ᓇᔪᕐᕕᒋᔭᐅᔪᓂ ᖁᑦᑎᑦᑐᒃᑯᑦ ᐊᑐᐃᓐᓇᐅᔪᔅᓴᐅᔪᓄᑦ ᑕᐃᒪᐅᑐᐃᓐᓇᕆᐊᖃᕐᓂᖏᑦ ᐊᒻᒪᓗ ᓱᕋᕐᓇᖅᑐᑦ ᐃᓚᔅᓴᐃᑦ ᓴᖅᑭᕙᓪᓕᐊᓂᖏᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. North Slave Metis ᑲᑐᔾᔨᖃᑎᒌᖏᑦ (NSMA) ᐃᑲᔪᖅᓯᒪᔪᑦ ᐃᑲᔪᖅᑎᒌᓐᓂᒃᑯᑦ ᐱᓕᕆᐊ ᔅᓴᒧᑦ ᐱᖅᑯᓯᒃᑯᑦ ᖃᐅᔨᒪᔭᐅᔪᒃᑯᑦ ᖃᐅᔨᓴᕐᓂᕐᒧᑦ. ᖃᐅᔨᓴᕐᓂᖅ ᓇᓗᓇᐃᖅᓯᒪᔪᑦ ᐅᓇᓖᑦ ᐱᖅᑯᓯᖏᑕ ᖃᐅᔨᒪᓂᖏᓐᓄᑦ ᐊᔾᔨᒌᙱᑦᑐᓄᑦ ᓯᓚᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᐊᔾᔨᒌᙱᑦᑐᓂᑦ ᓄᓇᑦᑎᐊᒥ. ᑎᑎᕋᖅᓯᒪᔪᑦ ᐱᔭᐅᓯᒪᔪᑦ ᐊᐱᖅᓱᖅᑕᐅᑎᓪᓗᒋᑦ ᐊᐅᓚᑕᐅᓯᒪᔪᑦ NSMA-ᑯᑦ ᐃᖅᑲᓇᐃᔭᖅᑎᖏᓐᓄᑦ. ᑎᒍᔭᐅᓯᒪᖃᑕᐅᔪᑦ ᓯᕗᓪᓕᒃᑯᑦ ᐊᒻᒪᓗ ᐊᐃᑉᐸᖓᑎᒍ ᐅᖃᐅᓯᕆᔭᐅᑎᓪᓗᒋᑦ ᐊᔾᔨᑲᓯᐊᑐᑦ ᐅᓇᓖᑦ ᖃᖓᓂᓴᖅ ᐃᓕᓯᒪᔭᖏᓐᓂᑦ.

ᐱᖅᑯᓯᕆᔭᒃᑯᑦ ᖃᐅᔨᒪᓂᖅ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᑐᓂᓯᔪᑦ NSMA ᐃᖅᑲᓇᐃᔭᖅᑎᖏᓐᓄᑦ ᑲᑎᙵᔪᑦ ᖃᐅᔨᒪᔭᐅᔪᓄᑦ ᖃᖓᓂᓴᕐᓄᑦ ᓯᓚ ᐊᒻᒪᓗ ᐊᕙᑎᓕᕆᓂᕐᒧᑦ ᐊᔾᔨᒌᙱᓐᓂᖏᓐᓄᑦ. ᑕᒪᓐᓇ ᐱᒻᒪᕆᐅᔪᒃᑯᑦ ᐊᑐᖅᑕᐅᖃᑦᑕᖅᑐᓄᑦ ᐃᓚᖃᖅᑐᑦ ᑕᐃᒃᑯᓄᖓ ᖃᓄᐃᓐᓂᖏᑕ. ᐃᓚᖃᖃᑕᐅᔪᑦ ᖃᐅᔨᓴᕈᑎᓄᑦ ᐊᒻᒪᓗ ᓈᓴᐅᑎᒃᑯᑦ ᖃᐅᔨᓴᕐᓂᕐᒧᑦ ᒫᓐᓇᓵᖅ ᐊᓯᙳᖅᓯᒪᔪᓄᑦ ᖃᖓᓂᓴᕐᓄᑦ ᖃᓄᐃᒐᔪᓐᓂᑎᖏᒍᑦ. ᑕᒪᓐᓇ ᐱᖅᑯᓯᒃᑯᑦ ᖃᐅᔨᒪᓂᖅ ᐅᖃᐅᔾᔪᐃᙳᐊᖅᓯᒪᔪᑦ ᐃᓚᒋᐊᕐᓗᒋᑦ ᐊᔾᔨᒌᙱᓐᓂᖏᑦ ᓯᓚ ᐊᒻᒪᓗ ᐊᕙᑎ ᖃᓄᐃᓐᓂᖏᑦ ᐃᓱᒪᒋᔭᐅᔪᑦ ᐅᑭᒥᑦ ᐅᑭᐅᒧᑦ, ᓯᓚᐅᑉ ᐊᓯᙳᖅᐸᓪᓕᐊᓂᖏᑦ ᐆᓇᖅᓯᕙᓪᓕᐊᑎᑦᑎᓯᒪᔪᑦ. ᑕᒪᓐᓇ ᐱᔾᔪᑎᖃᖅᑐᑦ ᐊᐅᔭᖅ, ᐅᐱᕐᖓᔅᓵᖅ, ᐅᑭᐊᒃᓵᖅ ᐅᑭᐅᒧᑦ, ᐃᒪᙳᖅᐸᓪᓕᐊᓂᖓ, ᐃᒪᖅ ᐊᑦᑎᓐᓂᖏᑦ, ᐊᒻᒪᓗ ᓯᑯᙳᖅᐸᓪᓕᐊᓂᖓᓄᑦ. ᖃᐅᔨᓴᖅᑕᐅᕌᓂᒃᓯᒪᓕᖅᑎᓪᓗᒋᑦ, ᐋᓐᓂᐊᖅᑕᐃᓕᒪᓂᑦ, ᖃᓄᐃᓐᓂᖏᑦ ᐊᒻᒪᓗ ᓂᕿᔅᓴᕆᓗᒋᑦ ᐃᖃᓗᐃᑦ ᐊᒻᒪᓗ ᓂᕐᔪᑎᑦ ᐱᔾᔪᑎᒋᔭᐅᖃᑕᐅᔪᑦ. ᖃᐅᔨᔭᐅᓯᒪᔪᑦ NSMA ᖃᐅᔨᓴᖅᑕᐅᔪᓄᑦ ᐃᓚᒋᔭᐅᓂᐊᖅᑐᑦ ᐅᐊᓕᓂᕐᒥ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ ᖃᐅᔨᒪᓂᖅ. ᖃᓄᐃᓐᓂᕆᔭᐅᓂᐊᖅᑐᑦ ᑲᑎᖅᓱᖅᑕᐅᓂᐊᖅᑐᑦ ᖃᐅᔨᒪᔭᐅᔪᓂᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐃᓅᑉ ᐃᓕᓯᒪᔭᖏᑎᒍᑦ ᐃᓚᒋᔭᐅᓗᑎᒃ. ᑕᒪᓐᓇ ᐱᕙᓪᓕᐊᓂᖓ ᓂᕆᐅᒋᔭᐅᒧᑦ ᑐᑭᓯᐊᕝᕚᓪᓕᕈᑎᔅᓴᓂᒃ ᖃᖓᓂᓴᐃᑦ ᓯᓚᐅᑉ ᐊᓯᙳᖅᐸᓪᓕᐊᖃᑦᑕᕐᓂᖏᑕ ᖃᐅᔨᔭᐅᔪᓐᓇᙱᑦᑐᑦ ᐱᕙᓪᓕᐊᓂᕐᒧᑦ ᑕᑯᑐᐃᓐᓇᖅᑐᑦ ᐆᒪᔪᓕᕆᓂᕐᒧᑦ ᓴᐅᒥᒥᓂᖃᖅᑐᑦ ᐱᕈᖅᓯᐊᑦ ᐊᒻᒪᓗ ᓂᕐᔪᑏᑦ.

ᑎᑎᕋᖅᓯᒪᔪᑦ ᐃᓄᒃ (eNuk) ᐊᕙᑎᖏᑦ ᐊᒻᒪᓗ ᐋᓐᓂᐊᖅᑕᐃᓕᒪᓂᕐᒧᑦ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᐃᑦ

A. ᑭᑉ, A. ᑲᓐᓱᓗ, D. ᔨᐅ, A. ᓴᕙᔅᑭ, O. ᑯᒃ, N. ᑐᓂᔅ, I. ᓯᕙᒃ, C. ᕗᓚᐅᕗᔅ, ᕆᒍᓕᑦ ᓄᓇᓕᖓᑦ ᒐᕙᒪᑦ, M. ᕗᑦ, ᐊᒻᒪᓗ S.L. Hᐊᐳ

ᑲᓇᑕᐅᑉ ᐅᑭᐅᖅᑕᖅᑐᖓᓂ, ᓯᓚᐅᑉ ᐊᓯᙳᖅᐸᓪᓕᐊᓂᖓ ᐊᐅᓚᑦᑎᕙᓪᓕᐊᔪᑦ ᐱᒻᒪᕆᐅᔪᓄᑦ ᐱᕙᓪᓕᐊᔪᓄᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᓄᓐᓄᑦ ᐊᒻᒪᓗ ᐊᕙᑎᒧᑦ. ᖃᐅᔨᓴᕐᓂᖅ ᑖᒃᑯᓄᖓ ᐱᕙᓪᓕᐊᔪᓄᑦ ᐊᒃᓱᕈᕐᓇᐅᔭᐃᓐᓇᖅᑐᑦ, ᑭᓯᐊᓂ ᐱᒻᓚᕆᐅᔪᑦ ᑐᑭᓯᐊᓇᑦᑎᐊᖅᑐᓂᑦ ᓱᖏᐅᑎᓂᕐᒧᑦ. ᐃᓄᒃ (eNuk) ᐱᓕᕆᐊᔅᓴᖏᑦ ᐃᓄᐃᑦ-ᐊᐅᓚᑕᖏᑦ, ᐃᓚᒋᐊᖅᑕᐅᓯᒪᒧᑦ ᐊᕙᑎᓕᕆᓂᕐᒧᑦ ᐊᒻᒪᓗ ᐋᓐᓂᐊᖅᑕᐃᓕᒪᓂᕐᒧᑦ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᐃᑦ ᕆᒍᓕᑦᒥ (Rigolet) ᓄᓇᑦᓯᐊᕗᑦ, ᓚᐸᑐᐊ. ᑐᕌᒋᔭᐅᔪᑦ ᐱᓕᕆᐊᔅᓴᒧᑦ ᑲᑎᖅᓱᐃᓗᑎᒃ ᐊᒥᓱᓂᑦ ᐅᓂᒃᑳᓂᑦ ᑐᑭᓯᐊᔾᔪᑎᓴᓄᑦ ᐃᑲᔫᑕᐅᓂᐊᖅᑐᑦ ᓄᓇᓕᓄᑦ, ᒐᕙᒪᓄᑦ, ᐊᒻᒪᓗ ᐊᑐᐊᒐᓕᐅᖅᑎᓄᑦ ᑭᐅᓂᐊᖅᑎᓪᓗᒋᑦ ᐊᕙᑎᓕᕆᓂᕐᒧᑦ ᐊᒻᒪᓗ ᐋᓐᓂᐊᖅᑕᐃᓕᒪᓂᕐᒧᑦ ᓇᓗᓇᐃᒃᑯᑕᔅᓴᓴᓄᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ. ᐱᒻᒪᕆᐅᔪᖅ ᐱᓕᕆᐊᔅᓴᒧᑦ ᐃᓄᒃ (eNuk) ᖃᕋᓴᐅᔭᒃᑯᑦ app, ᐅᖄᓚᐅᑎᕋᓛᒃᑯᑦ ᐊᑐᖅᑕᐅᔪᓐᓇᖅᑐᑦ. ᖃᕋᓴᐅᔭᓕᕆᓂᖅ app ᐊᑐᐃᓐᓇᐅᔪᑦ ᓄᓇᓕᒥᐅᑕᓄᑦ ᓂᐱᓕᐅᕐᓗᑎᒃ ᐊᒻᒪᓗ ᑐᓴᒐᔅᓴᙳᖅᑎᓪᓗᒋᑦ ᖃᐅᔨᓴᖅᑕᖏᑦ ᐃᓚᖃᖅᑐᑦ ᓯᓚᐅᑉ ᐊᓯᙳᖅᐸᓪᓕᐊᔪᒧᑦ ᓄᓇᒋᔭᒥᓃᑎᓪᓗᒋᑦ ᐊᒻᒪᓗ ᓄᓇᒥ.

ᑲᑎᖅᓱᖅᑕᐅᔪᑦ ᑎᑎᖅᑲᐃᑦ app-ᑯᑦ ᑎᑎᕋᖅᑕᐅᓂᐊᖅᑐᑦ ᐱᕙᓪᓕᐊᔾᔪᑎᒋᔭᐅᔪᑦ ᓯᓚᐅᑉ ᐊᓯᙳᖅᐸᓪᓕᐊᓂᓄᑦ ᐃᓄᐃᑦ ᐃᓅᓯᖏᓐᓂ, ᐋᓐᓂᐊᖅᑕᐃᓕᒪᓂᖏᓐᓂ, ᐊᒻᒪᓗ ᐃᓅᑦᑎᐊᕐᓂᕐᒧᑦ. ᑖᒃᑯᐊ ᑎᑎᕋᖅᑕᐅᔪᑦ ᐃᑲᔫᑎᖃᕐᓂᐊᖅᑐᑦ ᓇᓗᓇᐃᔭᐃᓗᑎᒃ ᐱᕙᓪᓕᐊᔾᔪᑎᔅᓴᓄᑦ. ᐆᑦᑑᑎᒋᓗᒍ, ᖃᕋᓴᐅᔭᓕᕆᔪᖅ ᓂᐱᓕᐅᕈᓐᓇᖅᑐᖅ ᐊᒻᒪᓗ ᑐᓴᒐᔅᓴᙳᖅᑎᓪᓗᒍ ᐱᓂᑯᒥᓂᒥᑦ ᐅᑭᐅᖑᔪᒥ ᓯᑯ ᓵᑦᑎᓪᓗᒍ ᐅᕝᕙᓘᓐᓃᑦ ᐊᖅᑯᑎᑦᑕᐅᙱᑦᑐᓄᑦ. ᑖᒃᑯᐊ ᑐᑭᓯᐊᔾᔪᑎᔅᓴᐃᑦ ᐃᑲᔫᓯᐅᔪᓐᓇᖅᑐᑦ ᓄᓇᓕᒥᐅᑕᓄᑦ ᐃᓱᒪᒃᓴᖅᓯᐅᕐᓗᑎᒃ ᐸᕐᓇᒃᐸᓪᓕᐊᑎᓪᓗᒋᑦ ᐃᖏᕐᕋᓂᐊᖅᑕᖏᑦ, ᐊᑦᑕᕐᓇᖅᑕᐃᓕᒪᒐᓱᐊᕐᓂᕐᒧᑦ. ᐊᑯᓂᐅᔪᒃᑯᑦ, ᐱᓕᕆᐊᔅᓴᖅ ᐃᑲᔫᓯᐊᑦ ᑐᙵᕝᕕᐅᔪᓄᑦ ᐊᕙᑎᓕᕆᓂᕐᒧᑦ ᐊᒻᒪᓗ ᐋᓐᓂᐊᖅᑕᐃᓕᒪᓂᕐᒧᑦ ᑎᑎᕋᖅᓯᒪᔪᓂᑦ ᕆᒍᓕᑦᒧᑦ. ᑎᑎᕋᖅᑕᐅᓯᒪᓂᐊᖅᑐᑦ ᐊᒻᒪᓗ ᐱᓯᒪᑦᑎᓗᒋᑦ ᐱᒻᒪᕆᐅᒧᑦ ᐃᓄᐃᑦ ᖃᐅᔨᒪᔭᖏᓐᓄᑦ ᐃᑲᔫᓯᐊᖑᓂᐊᖅᑐᑦ ᓇᓗᓇᐃᔭᐃᓗᑎᒃ ᐃᓱᒪᒃᓴᖅᓯᐅᖅᑎᓕᕆᔨᒃᑯᑦ, ᐊᑐᐊᒐᓄᑦ, ᐊᒻᒪᓗ ᐱᓕᕆᐊᔅᓴᓄᑦ. ᐃᓚᒋᐊᕐᓗᒋᑦ, ᐃᓄᒃ (eNuk) ᐱᓕᕆᐊᔅᓴᖅ ᐃᑲᔫᑎᖃᕐᓂᐊᖅᑐᑦ ᓱᖏᐅᑎᓂᕐᒧᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᓄᓇᒋᔭᐅᔪᒥ ᐊᒻᒪᓗ ᓯᓚᑖᓂ, ᐱᒻᒪᕆᐅᔪᒃᑯᑦ ᑐᙵᕝᕕᒋᔭᐅᓗᑎᒃ ᐃᓄᐃᑦ ᐱᒻᒪᕆᔭᖏᓐᓂᑦ, ᖃᐅᔨᒪᔭᖏᓐᓂᑦ, ᐊᒻᒪᓗ ᓱᓇᒃᑯᑖᓄᑦ ᖃᐅᔨᓴᕐᓂᕐᒧᑦ.

ᓴᓗᒪᔪᑦ ᖃᕋᓴᐅᔭᓕᕆᓂᖅ ᐊᒻᒪᓗ ᐊᑐᐃᓐᓇᐅᔪᔅᓴᒃᑲᓐᓃᑦ ᓄᓇᒥᙶᖅᑐᓂᑦ ᐅᖓᓯᑦᑐᓄᑦ ᓄᓇᓕᓐᓄᑦ

ᐊᑐᐃᓐᓇᔪᔅᓴᒃᑲᓃᑦ ᐅᐊᔭᒨᕈᑎᑦ ᓄᓇᙳᐊᑦ ᐊᒻᒪᓗ ᒥᑭᔪᑦ ᐅᐊᔭᒨᕈᑎᑦ ᖃᐅᔨᓴᕐᓂᕐᒧᑦ ᓇᔪᕐᕕᒃ ᐅᑭᐅᖅᑕᖅᑐᒥ

Y. ᐳᐃᓴᓐᑦ, A. ᑯᑦ, N. ᒍᔅᕙᒥ, R. ᑯᒃ, ᐊᒻᒪᓗ M. ᕙᓚᔅ

ᐊᑐᓗᐊᙱᓐᓂᖅᓴᐅᓗᒍ ᐅᖅᓱᐊᓗᒃ ᐅᐊᔭᒨᕈᑎᓄᑦ ᐅᖓᓯᑦᑐᓂ ᓄᓇᓕᓐᓂ ᐃᓱᒫᓘᑎᒋᔭᐅᔪᑦ ᑲᓇᑕ ᒐᕙᒪᒃᑯᖏᓐᓄᑦ. ᐊᑭᓪᓕᕆᐊᕈᓐᓇᖅᑐᑦ, ᐃᑲᔫᑎᐅᓗᑎᒃ ᐊᕙᑎᒧᑦ, ᐊᒻᒪᓗ ᐃᓅᓯᑦᑎᐊᖃᕈᓐᓇᕐᓂᖅᓴᐅᔪᑦ ᐅᑭᐅᖅᑕᖅᑐᒥ. ᑕᐅᑦᑐᒋᔭᐅᓗᐊᖅᑐᑦ ᐃᓚᒋᔭᐅᑎᔭᐅᔪᑦ ᐊᑐᐃᓐᓇᐅᔪᔅᓴᓄᑦ ᐅᐊᔭᒨᕈᑎᓕᕆᓂᕐᒧᑦ ᐆᑦᑑᑎᒋᓗᒍ ᐊᓄᕆ, ᓯᕿᓂᖅ ᐊᒻᒪᓗ ᐱᕈᖅᓯᐊᑦ/ᓂᕐᔪᑎᑦ ᑲᑎᙵᔪᑦ ᐃᓇᖐᓂᐊᕐᓗᒍ ᐅᖅᓱᐊᓗᒃ ᐅᓪᓗᒥᐅᓕᖅᑐᖅ. ᑭᓯᐊᓂ, ᐱᑕᖃᕆᐊᖃᖅᑐᑦ ᑐᑭᓯᐊᔾᔪᑎᔅᓴᒃᑲᓐᓂᓂᑦ ᖃᓄᖅ ᓴᓗᒪᔪᑦ ᐅᐊᔭᒨᕈᑎᑦ ᐊᑐᐃᓐᓇᐅᔪᔅᓴᖏᑕ ᐅᖓᓯᑦᑐᓄᑦ ᓄᓇᓕᓐᓄᑦ ᐃᑯᒪᔾᔪᑎᔅᓴᓄᑦ. ᑐᑭᓯᐊᒃᑲᓐᓂᕈᑎᔅᓴᖅ ᐃᑯᒪᔾᔪᑎᓄᑦ ᐊᑐᖅᑐᑦ ᐃᑲᔫᓯᐊᖃᖅᑐᑦ ᐊᓯᖏᓐᓂᑦ. ᓇᓗᓇᐃᖅᓯᑎᑦᑎᔪᓐᓇᖅᑐᑦ ᐊᑐᓗᐊᙱᓪᓗᒋᑦ ᐅᐊᔭᒨᕈᑎᑦ ᐊᕙᑎᒧᑦ ᐊᒻᒪᓗ ᐃᒪᒧᑦ ᓱᕋᒃᑎᑦᑎᑦᑕᐃᓕᒪᓂᕐᒧᑦ ᐊᐅᓚᑦᑎᓂᕐᒧᑦ. ᓇᓗᓇᐃᖅᓯᔪᓐᓇᖃᑕᐅᔪᑦ ᐊᓯᖏᓐᓄᑦ ᐅᐊᔭᒨᓕᕆᓂᕐᒧᑦ ᐊᑐᖅᑕᐅᔪᓄᑦ, ᐆᑦᑑᑎᒋᓗᒍ ᐊᐅᓚᑦᑎᕙᓪᓕᐊᓂᕐᒧᑦ ᐊᒻᒪᓗ ᐅᓯᕙᓪᓕᐊᔪᓄᑦ ᐊᓯᙳᖅᐸᓪᓕᐊᓂᕐᒧᑦ.

POLAR ᐃᑲᔪᖅᑐᑦ CanmetENERGY-ᑯᓐᓂᑦ ᑐᑭᓯᐊᔾᔪᑎᒋᕚᓪᓕᕐᓗᒋᑦ ᖃᓄᑦ ᐊᑐᐃᓐᓇᐅᔪᔅᓴᒃᑲᓐᓃᑦ ᐃᑯᒪᔅᓴᓄᑦ ᐱᕚᓪᓕᕈᑕᐅᔪᓐᓇᖅᐸᑕ ᓄᓇᒋᔭᒥ ᐅᐊᔭᒨᓕᕆᓂᕐᒧᑦ ᐅᓪᓗᒥ ᐊᑐᖅᑕᐅᔪᓐᓇᖅᑐᑦ ᐅᖓᓯᑦᑐᓂ ᓄᓇᓕᓄᑦ. POLAR-ᑯᑦ ᐃᓅᑦᑎᐊᒃᑲᓐᓂᕋᓱᐊᕐᓂᖅ & ᐊᑐᐃᓐᓇᐅᔪᔅᓴᒃᑲᓐᓃᑦ ᓄᓇᓂᙶᖅᑐᓂᑦ ᐃᖅᑲᓇᐃᔭᖅᑎᖏᑦ ᐃᑲᔪᖅᑐᑦ ᓇᔪᕐᕕᒥ ᖃᐅᔨᓴᕐᓗᑎᒃ ᐊᑐᐃᓐᓇᐅᔪᔅᓴᒃᑲᓐᓂᓄᑦ ᐃᑯᒪᔅᓴᓄᑦ ᐊᒻᒪᓗ ᐊᐅᓚᑦᑎᕙᓪᓕᐊᓂᕐᒧᑦ ᐸᕐᓇᐅᑎᔅᓴᓄᑦ. ᒫᓐᓇᐅᔪᖅ ᐃᓚᓕᐅᑎᓯᓂᕐᒧᑦ ᐊᒻᒪᓗ ᖃᐅᔨᓴᕐᓂᕐᒧᑦ ᐆᑦᑐᕋᐅᑎᓄᑦ (smart meters). POLAR ᐃᑲᔪᕐᓂᐊᖅᑐᑦ ᖃᐅᔨᓴᕐᓗᒋᑦ ᐊᔾᔨᒌᙱᓐᓂᖏᑦ ᐊᑭᖏᓐᓄᑦ ᐊᒻᒪᓗ ᐃᑲᔫᓯᐊᓄᑦ ᐊᔾᔨᒌᙱᑦᑐᓂᑦ ᐅᐊᔭᒨᕈᑎᓕᕆᓂᕐᒧᑦ ᐱᓕᕆᐊᔅᓴᓄᑦ ᐃᖃᓗᑦᑑᑎᐊᒥ.

ᐱᐊᓂᑦᑎᐊᕐᓂᖅ ᐃᒪᑦᑕᐅᙱᑦᑐᓄᑦ ᐃᓚᔅᓴᓄᑦ ᐊᒻᒪᓗ ᐊᑐᖅᑕᐅᒃᑲᓂᕈᓐᓇᖅᑐᑦ ᐅᑭᐅᖅᑕᖅᑐᒥ ᓴᓇᕝᕖᑦ ᐊᒻᒪᓗ ᓄᓇᓖᑦ

N.A. ᐳᐊᕈ ᐊᒻᒪᓗ R. ᐳᕆᔅᑕᕕᑕ

ᐃᒪᑦᑕᐅᙱᑦᑐᑦ ᐃᒪᖅ ᐅᕕᓂᓐᓂᐊᕐᓂᖅ ᐅᕝᕙᓘᓐᓃᑦ ᐊᓐᓄᕌᓂᑦ ᐅᐊᓴᕐᓂᕐᒥᙶᖅᑐᑦ. ᓱᕋᒃᓯᒪᙱᓐᓂᖅᓴᐅᔪᑦ ᕿᕐᓂᖅᑕᒥᑦ ᐃᒪᒥᑦ, ᐃᒪᑦᑕᐅᙱᑦᑐᖅ ᐊᓇᕐᕕᓂᑦ, ᐊᓇᓂᑦ, ᐃᒐᕝᕕᒥᑦ ᐊᒻᒪᓗ ᐅᐊᓴᕐᓂᖅ ᐃᒐᕝᕕᒥᑦ. ᐊᒥᓱᐃᑦ ᓯᓚᕐᔪᐊᒥ ᐃᒪᖃᓗᐊᙱᑦᑐᑦ ᐃᓚᖏᓐᓂ, ᐃᓄᐃᑦ ᐊᑐᒃᑲᓐᓂᓲᖑᔭᖏᑦ ᐃᒪᑦᑕᐅᙱᑦᑐᑦ ᐆᑦᑑᑎᒋᓗᒍ ᐊᓇᕐᕕᒧᑦ, ᐅᐊᓴᕐᓂᖅ ᑎᒥᒧᑦ ᐊᒻᒪᓗ ᐅᐊᓴᕐᓂᖅ ᐃᓪᓗᒥᑦ. ᐊᑐᓕᖅᑎᑕᐅᓯᒪᔪᒃ ᓱᓪᓗᓕᕆᓂᕐᒧᑦ ᐊᒻᒪᓗ ᓴᓇᓂᕐᒧᑦ ᓇᓗᓇᐃᒃᑯᑕᐃᑦ ᓇᓗᓇᐃᖅᓯᒪᑎᑦᑎᔪᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑕᐃᒃᑯᓄᑦ ᐃᓚᔅᓴᓕᖅᑎᑕᐅᓯᒪᔪᑦ ᓱᕋᕐᓇᖅᑐᓂᑦ ᐃᒪᑦᑕᐅᙱᑦᑐᒧᑦ ᐊᔾᔨᒌᙱᑦᑐᓄᑦ ᐱᔾᔪᑎᖃᖅᑐᓄᑦ.

ᓄᓇᕗᑦ ᐃᒪᐃᕙᓪᓕᐊᙱᑦᑐᑦ, ᑭᓯᐊᓂ ᐊᑭᑐᔪᒻᒪᕆᐊᓗᒃ. ᐃᒥᖅᑕᖅᑕᐅᓗᓂ ᓄᓇᓯᐅᑎᒧᑦ ᐃᓪᓗᒋᔭᐅᔪᓄᑦ ᐊᒻᒪᓗ ᓇᒻᒥᓂᖃᖅᑐᓄᑦ ᐊᑭᑐᔪᑦ. ᑕᐃᒫᒃ, ᓄᓇᕗᑦ ᐊᑕᐅᓯᖅ ᐃᓄᒃ ᐃᒪᒥᑦ ᐊᑐᓗᐊᙱᓐᓂᖅᓴᐅᔪᑦ ᐊᓯᒥ ᑲᓇᑕᒥ. ᑕᒪᓐᓇ ᐱᓕᕆᐊᔅᓴᖅ ᓱᓇᒃᑯᑖᓄᑦ ᖃᐅᔨᓴᖅᓯᒪᔪᑦ ᑕᐃᒪᐅᑐᐃᓐᓇᕆᐊᖃᖅᑐᓂᑦ ᐅᐊᓴᕐᓗᒋᑦ ᐃᒪᑦᑕᐅᙱᑦᑐᑦ ᐅᑭᐅᖅᑕᖅᑐᒥᐅᑕᓄᑦ. ᐆᑦᑑᑎᔅᓴᖅ ᓄᑖᒧᑦ ᓴᓗᒪᙱᑦᑐᒧᑦ ᐃᒪᒧᑦ ᐅᐊᓴᕐᓂᖅ ᐋᖅᑭᒃᓯᒪᒧᑦ ᐅᑭᐅᖅᑕᖅᑐᒥ ᐱᕙᓪᓕᐊᓯᒪᔪᑦ ᒪᐃ 2018-ᖑᑎᓪᓗᒍ ᑐᕋᐃᑉᓕᒃᔅ ᐃᓪᓗᒋᔭᐅᔪᑦ ᑲᓇᑕᐅᑉ ᖁᑦᑎᑦᑐᒥ ᐅᑭᐅᖅᑕᖅᑐᒥ ᓱᓇᒃᑯᑖᓄᑦ ᖃᐅᔨᓴᕐᕕᓕᕆᕝᕕᐊᓂ ᐃᖃᓗᑦᑑᑎᐊᒥ. ᐃᓕᓐᓂᐊᖅᑎᑦ ᓄᓇᕗᑦ ᓯᓚᑦᑐᖅᓴᕐᕕᒻᒥ ᖃᐅᔨᓴᕐᓂᐊᖅᑐᑦ ᓄᓇᓕᒥᐅᑕᓄᑦ ᐊᒻᒪᓗ ᓇᒻᒥᓂᖃᖅᑐᓄᑦ ᑐᓴᒐᓱᐊᕐᓗᑎᒃ ᐃᓱᒪᒃᓴᕆᔭᐅᔪᓂᑦ ᐃᒪᑦᑕᐅᕙᐅᙱᑦᑐᒥᑦ ᐅᐊᓴᕐᓂᕐᒧᑦ ᐊᒻᒪᓗ ᐊᑐᒃᑲᓐᓂᕐᓗᒋᑦ ᐃᒪᖅ. ᐸᕐᓇᒃᐸᓪᓕᐊᓗᓂ ᐆᑦᑐᕋᐅᑎᓄᑦ, ᒪᓐᑐᕆᐊᓪ (Montreal) ᓯᓚᑦᑐᖅᓴᕐᕕᒥ ᖃᐅᔨᓴᖅᑕᐅᓯᒪᔪᑦ ᐅᐊᓴᕐᓂᕐᒧᑦ ᐋᖅᑭᒃᓯᒪᔪᑦ ᐊᕐᕕᓂᓕᓄᑦ ᑕᖅᑭᓄᑦ. ᐊᑐᖅᑕᐅᖃᑦᑕᖅᓯᒪᔪᑦ ᐅᕕᓂᒥᑦ ᐅᐊᓴᖅᑎᓪᓗᒋᑦ ᐊᒻᒪᓗ ᐊᓐᓄᕌᓂᑦ ᐅᐊᓴᖅᑎᓪᓗᒋᑦ ᐱᖃᐃᓕᓴᕐᕕᐅᔪᓂᑦ. ᐋᖅᑭᒃᓯᒪᓂᖏᑦ ᐊᑲᐅᓈᖅᑐᒃᑯᑦ ᑲᒪᒋᔭᐅᓚᐅᖅᑐᑦ ᐊᒻᒪᓗ ᐊᑐᖅᑕᐅᔪᔅᓴᐃᑦ ᐊᑐᐊᓂᒃᓯᒪᑦᑎᐊᕐᓂᖏᑕ ᑎᒍᔭᐅᔪᓄᑦ ᒪᓕᒃᑕᐅᔭᕆᐊᖃᖅᑐᓄᑦ ᐃᒪᑦᑕᐅᕙᙱᑦᑐᓄᑦ.