La Loi sur les langues autochtones en Cris des plaines

La traduction en Cris des plaines de la Loi sur les langues autochtones disponible sur cette page est fournie à titre informatif seulement et ne constitue pas une version officielle de la Loi. Les versions officielles et juridiquement contraignantes sont en français et en anglais et peuvent contenir des modifications qui ne sont pas reflétées dans cette traduction.

Sur cette page

• Nîkânitwêwin
• Apisci Kiskinwahikêwin
• Itwêstamâkêwin
• Itâpatisiwin ohci Itasiwêwin
• Miyikosiwin Nisitawêyihtâkwan isi Nêhiyawiwina
• Sôhkâtisiwina, Atoskêwina êkwa Nâkatêyihtamowina ohci Kihci-Onâkatêyihcikêw
• Okimânâhk Kamikwa
• Atoskêwîkamik ohci Opimohtêstamâkêw isi Nêhiyawiwina
• Kwayaskwascikêwina êkwa Sîhkihkêmowina
• Âsawi-tipêyimisowin Wâh-wâpahtamowin
• Okimâwinahk Wâh-wâpahtamowin
• Ka-Mâci-atoskêmâkahk

Nîkânitwêwin

Âtawiya ôma nisitawêyihtâmowin êkwa pimohtatâwin ohci miyikosiwin nisitawêyihtâkwan isi Nêhiyawiwina tastaw nahêyihtowin asici Nêhiyawak mîna kistêyihtâkwan ta-wiyawinikêhk askiy, âsônê êwako ohci Tâpwîwina mîna Wâkôwîcihiwîwin Pimohtêstamakêwin ohci Kânata sa Têpwacikâtêwin kiki Kwayaskwâtisiwin;

Âtawiya Kihci-Okimânâhk Kânata âhkamêyihtam ta-pimohtatât Tahtoskânêsiwak Ostêsimâwasinahikan ohci Nêhiyawak Omiyikosiwiniwaw, kiki kêhcinâhiwêw miyikosiwin nisitawêyihtâkwan isi Nêhiyawiwina;

Âtawiya 2019 kî-wîhcikâtêw Kihci-Mâmawapiwin ohci Tahtoskânêsiwak êwako Misiwêskamik Askiy kiki Nêhiyawiwina isi, tastaw kotaka kîkway, pisiskêyihcikâtêwin isi mitoni êyikohk wanihtâmowin ohci Nêhiyawiwina êkwa mâwaci nîkânêyihcikâtêwina isi kanawêyihcikâtêwin, pasikônamowin mîna ta-pimâchihtahk Nêhiyawiwina;

Âtawiya Kihci-Okimânâhk Kânata nisitawinam êkwânima kahkiyaw wâhkôhtowina asici Nêhiyawak piko ohcipâyiwin isi nisitawêyihtâmowin mîna pimohtatâwin ohci sa miyikosiwin isi âsawi-tipêyimisowin, asici kwayaskî-miyikosiwin ohci tipêyimisowin;

Âtawiya Nistam-Iyiniwak, Ayaskîmow êkwa Âpihtawikosisânîmowin Pêyakôskânak ayâwak tipiyawê mâmawi- nisitawêyihtâkosiwin, nêhiyawîhtwâwin êkwa isi pimâcihowin mîna ayâwak, sâpô kayâsêskamik êkwa anohc, âhkami isi pimâtisiwak, âpacihtâw mîna wîkiwak ôma askiy êkwânima anohc êkwa pîhci Kânata;

Âtawiya Nêhiyawiwina êkwânihi nistam pîkiskwêwin ka-âpacihtahk ôta askiyihk êkwa anohc pîhci Kânata êkwânihi pîkiskwêwina kî-kâsispôhtêmakan mwêstasîs;

Âtawiya Nêhiyawiwina kî-kistêyihtâkwan kiki osîhcikâtêwin ohci wâhkôhtowina tastaw Europeans êkwa Nêhiyawak;

Âtawiya Nêhiyawak kî-kistêyihtâkwan otatoskêwin kiki osîhcikêwin ohci Kânata êkwa Nêhiyawiwina wîcihiwêw isi ihtâwina mîna pîsâkwanowan ohci pîkiskwêwin êkwa nêhiyawîhcikêwin iyinihkêwin ohci Kânata;

Âtawiya kayâsêskamik ohci âtawêyihtamiwêwin okimânâhk nakiskamâkêwina êkwa isîhcikêwina, kihcêyimowin ohci, tastaw kotaka kîkway, mâmawipicikêwin, sâkôhiwêwin âhcipicîhiwêwin, Nikotwâsikomitanaw Askiy Otihtinikêwin êkwa ayimihâwi kiskinwahamâtowikamikohk, asênamâkâniwiwin isi Nêhiyawiwina mîna mitoni pwâtawihtâw isi mêscipayiwin êkwânihi pîkiskwêwina;

Âtawiya tahtahkwâw ohci Nêhiyawiwina nanâtohki ohci pêyak pîkiskwêwin isi kotak another, asici kihcêyimowin ohci ayamihêwâtisiwin êkwânihi pîkiskwêwina, mîna ihtakon mâwaci nîkânêyihcikâtêwina ta-sîtoskâkêhk nôcihtâwina ohci Nêhiyawak isi kawotinikêwin, pasikônamowin, kanawêyihcikâtêwin mîna sôhkahtwâwin êkwânihi;

Âtawiya Nêhiyawiwina kistêyihtâkwanwa isi nisitawêyihtâkosiwin, nêhiyawîhtwâwin, ayamihêwâtisiwin, wâhkôhtowina isi askiy, askiy-itâpisiniwina êkwa âsawi-tipêyimisowin ohci Nêhiyawak;

Âtawiya nôcihtâwina ta-nâkatêyihtakwahk ayamihêwâtisiwin ohci Nêhiyawiwina wîcihiwêw isi wêyôtisîmakanowin ohci Nêhiyaw kiskêyihtamowin asici mîna kitinikêwin ohci wanihtâmowin nêhiyawîhcikêwin ihtâwina, nanâtohk isi pimatisiwin êkwa ayamihêwâtisiwin;

Âtawiya nanâtohki tasihkêwina pah-pîtos itêhkêskamikohk akâmi Kânata ayêwak itasiwêwina ta-pimâchihtahk âpachitâwin ohci Nêhiyawiwina mîna ta-sîtoskâkêhk nôcihtâwina ohci Nêhiyawak isi kawotinikêwin, pasikônamowin, kanawêyihcikâtêwin mîna sôhkahtwâwin êkwânihi mîna nitawêyihtakwanowin kiki Kihci-Okimânâhk Kânata ta-ahkami mêkinâniwik sîtoskâkêwin kiki êkwânihi tasihkêwina;

Âtawiya Kihci-Okimânâhk Kânata âhkamêyihtam ta-mêkihk nahiyikohk, sîpan mîna kinwês iyikohk sôniyâwi-wîcihiwêwin kiki kawotinikêwin, pimâchihtanowin, kanawêyihtamowin êkwa sôhkahtwâwin Nêhiyawiwina;

Âtawiya Nêhiyawak nawac ta-nîkânîstahkik isi kawotinikêwin, pasikônamowin, kanawêyihtamowin êkwa sôhkahtwâwin Nêhiyawiwina;

Âtawiya Nêhiyawiwina ka-pimohtêmakahk mîna kinwês iyikohk kiskinwahamâkosiwino ohci Nêhiyawiwina, asici kiskinwahamâkêwin pamihcikêwina kiki Nêhiyawak, êkwânihi ayiwâkihtakwan ta-mînosihtahk mîna kanawêyihtamowin kiskêyihtamowin isi êkwânihi pîkiskwêwina;

Âtawiya sôhkahtwâwin nakiskamâkêwin êkwânima nisitawinamowin nâspic nâkatohkêwina mîna nitawêyihtakwanowin ohci Nêhiyaw mâmawihitowina, mâmawâyâwinihk mîna ayisiyiniwak nitawêyihcikasowak kahkiyaw ohci ihtâwina nisitawêyihtâkosiwin, nêhiyawîhtwâwin mîna pêci-nâway kayas ohci Nêhiyawak;

Êkwa âtawiya nitawêyihtakwanowin êkwânima piko nisitawinamowinowin nâspic nâkatohkêwina mîna nitawêyihcikêwina ohci Nêhiyaw kêhtê-ayak, osk-âyak, awâsisak, nayêhtâwikiwak, iskwêwak, nâpêwak mîna nanâtohk nisitawêyihtâkosiwiak êkwa ahcahkowinâniwiwak;

Êkwa, anohc, Kihci-Okimâw, ohci êkwa asici kakêskimiwêwin mîna têpakêyimowin ohci Okimâhkân êkwa Kihci-Okimâwikamik Kânata, itasiwêw ka-pimitisahikâtêk

Apisci Kiskinwahikêwin

Note marginale : Apisci kiskinwahikêwin

1 Ôma Itasiwêwin ta-kî-kiskinawâcihcikâtêw isi Nêhiyawiwina Itasiwêwin

Itwêstamâkêwin

Note marginale : Kiskinohwahikêwina

2 Ka-pimitisahikâtêkihk kiskinohwahikêwina âpataniwan pîhci ôma Itasiwêwin.

katawa Kihci-Onâkatêyihcikêw

pah-pêyakwan itwêwin tâpiskôc pâh-pahkîs 2 ohci Sôniyâwi Paminikêwin Itasiwêwin.

Opimohtêstamâkêw

itwêwin awa Opimohtêstamâkêw ohci Nêhiyawiwina ka-nawasonihk sîpâ pâh-pahkîs 13.

okimânâhk tasihkêwin

itwêwin pisiskêyihcikêw êkwânima ka-mâmiskôcikâtêk isi piko tânima pîskihtâsinahikêwina (a) iskohk (b) êkwa (d) ohci kiskinohwahikêwin pâh-piskihc pîhci pâh-pahkîs 2 ohci Sôniyâwi Paminikêwin Itasiwêwin ahpô Kihci tasihkêwin, ka-isi kiskinohtahikâtêk pîhci piskihtasinahikêwin 83(1) ohci êkwânima Itasiwêwin.

Nêhiyaw onakatohkâcikêwak

itwêwin opaminikêwak, okimânâhk ahpô kotak pisiskêyihcikêw êkwânima ka-pakitinihk ta-pimohtêstahk Nêhiyaw mâmawihitowin, mâmawâyâwinihk ahpô ayisiyiniw êkwa na ka-micimînahk miyikosiwin nisitawêyihtâkwan mîna kêhcinâhowin ohci pâh-pahkîs 35 ohci Ostêsimâwoyasiwêwin Itasiwêwin, 1982.

Nêhiyaw mâmawohkamâtowin

itwêwin Nêhiyaw pisiskêyihcikêw êkwânima nôkosîstam nâkatohkâtêwina ohci Nêhiyaw mâmawihitowin mîna sa tipêyihtâkosiwak ahpô, ispisci pîhci pâh-pahkîs 45, êkwânima ka-nisitawêyihtâkwan isi Nêhiyawiwina.

Nêhiyawak

êkwânima itwêwin ka-mêkihk ohci kiskinohwahikêwin nehiyawak ohci Kânata pîhci piskihtasinahikêwin 35(2) ohci Ostêsimâwoyasiwêwin Itasiwêwin, 1982.

Kihci-Onâkatêyihcikêw

itwêwin Kihci-Onâkatêyihcikêw ohci Kânata Otasihkêwin Iyinihkêwin.

Atoskêwîkamik

itwêwin ôma Atoskêwîkamik ohci Opimohtêstamâkêw of Nêhiyawiwina osîhcikâtêw sîpâ pâh-pahkîs 12.

Note marginale : Nêhiyawak Omiyikosiwiniwaw

3 Ôma Itasiwêwin êwako nisitohtâkwan isi ka-nâtâmoskâkihk Nêhiyawak Omiyikosiwiniwaw nisitawêyihtâkwan mîna kêhcinâhowin isi pâh-pahkîs 35 ohci Ostêsimâwoyasiwêwin Itasiwêwin, 1982, mîna namôykîsipayiwihtâwin ahpô otinikêw êkwânihi ohci.

Note marginale : Pitosêyihtamowin ahpô mawinêskâkêwin

4 Kîspin ka-ispayin pitosêyihtamowin ahpô mawinêskâkêwin tastaw ôma Itasiwêwin êkwa tipahamâtowinihk — asici askiy nâkatohkâcikâtêwin nahêyihtowin — ahpô tipêyimisowin nahêyihtowin, ôma tipahamâtowinihk ahpô tipêyimisowin nahêyihtowin sâpohtêmakan isi iyikohk ohci pitosêyihtamowin ahpô mawinêskâkêwin.

Itâpatisiwin ohci Itasiwêwin

Note marginale : Itâpatisiwina

5 Itâpatisiwina ohci ôma Itasiwêwin êkwânihi

• (a) sîtoskâkêwin mîna ta-pimâchihtahk âpacihtâwin ohci Nêhiyawiwina, asici Nêhiyaw isiniskêwin;
• (b) sîtoskâkêwin ôma nôcihtâwina ohci Nêhiyawak isi kawotinikêwin, pasikônamowin, kanawêyihcikâtêwin mîna sôhkahtwâwin Nêhiyawiwina, asici sa nôcihtâwina isi
  • (i) wâh-wâpahtamowin tahtahkwâw ohci kîhkâtêyihtâkwanowân Nêhiyawiwina,
  • (ii) wiyêyihcikêwin nawaswêwina êkwa itahkamikisôwina kiki ta-mînosihtahk mîna kanawêyihtamowin kiskêyihtamowin isi Nêhiyawiwina.
  • (iii) osîhtâniwan pimipayihtâwin âpacihcikana, kiskinwahamâkêwin âpacihcikana êkwa mêcimwâci- âcimowasinahikana ohci Nêhiyawiwina, asici pîkiskwêmohtâwina êkwa cihkâstêpayihcikan pîkiskwêmohtâwina ohci nihtâ-pîkiskwêwak ôhi pîkiskwêwina mîna masinahikâtêwin âpacihcikana tâpiskôc itwêwasinahikan, lexicons êkwa itwêwin êkwânihi pîkiskwêwina, kiki itâpatisiwin ohci, tastaw kotaka kîkway, kanawêyihtamowin êkwa pimohtatâwin êkwânihi ohci pîkiskwêwina,
  • (iv) sîtoskâkêwin Nêhiyawiwina kiskinwahamâkosiwin êkwa nêhiyawîhcikêwin itahkamikisôwina — asici pîkiskwêwin kiskinwahamâkosiwin, kiskinohtahiwêwin êkwa kiskinwahamâkosiwin pimipayihtâwina — ta-yahkipayihtahk iyikohk pîkisiwêwak ohci Nêhiyawiwina,
  • (v) sîtoskâkêwin tasihkêwina nisitawêyihtâkwan isi Nêhiyawiwina, êkwa
  • (vi) mâcihtâw natonikêwin ahpô wâh-wâpahtamowina kihcêyimowin ohci Nêhiyawiwina;
• (c) osîhtawin wiyastêwin ta-pamînahk miyônâniwan itocikâtêwin ohci Nêhiyawak Omiyikosiwiniwaw êkwânima nisitohcikâtêw isi Nêhiyawiwina, asici isi nahêyihtowina ahpô nahawâscikêwina mâmiskôcikâtêk pîhci pâh-pahkîs 8 êkwa 9;
• (d) osîhtawin towihkâna ta-pamînahk kwayaskwascikêwin ohci nahiyikohk, sîpan mîna kinwês-iyikohk sôniyâwi-wîcihiwêwin kiki kawotinikêwin, pimâchihtanowin, kanawêyihtamowin êkwa sôhkahtwâwin ohci Nêhiyawiwina;
• (e) pamînamowin mâmawohkamâtowin asici kâ-piskihtahastâhk êkwa tipahaskanihk okimânâhk, Nêhiyaw okimânâhk êkwa kotak Nêhiyaw okimâhkânak, Nêhiyaw mâmawohkamâtowina êkwa kotak tasihkêwina isi tâpitawi manatisiwin asici Nêhiyawak Omiyikosiwiniwaw êkwa sôhkâtisiwina mîna tipêyihtamowina ohci Nêhiyaw okimâhkânak êkwa ohci kâ-piskihtahastâhk êkwa tipahaskanihk;
• (e.1) pamînamowin êyikohk kwayaskwêyihcikêwin nahipayiwina kiki Nêhiyaw okimânâhk êkwa kotak Nêhiyaw okimâhkânak mîna Nêhiyaw mâmawohkamâtowina kiki nîsôhkamâtowin kakêskwêwin osîhcikêwin nisitawêyihtâkwan isi pimohtatâwin ohci ôma Itasiwêwin;
• (f) nakiskâtamowin Tâpwîwina mîna Wâkôwîcihiwîwin Pimohtêstamakêwin ohci Kânata saTêpwacikâtêwin kiki Kwayaskwâtisiwin akihtâsona 13 isko 15; êkwa
• (g) wîcihiwêwin isi pimohtatâwin Tahtoskânêsiwak Ostêsimâwasinahikan ohci Nêhiyawak Omiyikosiwiniwaw ka- nisitohcikâtêk isi Nêhiyawiwina.

Miyikosiwin Nisitawêyihtâkwan isi Nêhiyawiwina

Note marginale : Nisitawêyihtâmowin Kihci-Okimânâhk Kânata ohci

6 Kihci-Okimânâhk Kânata nisitawinam êkwânima Nêhiyawak Omiyikosiwiniwaw nisitawêyihtâkwan mîna kêhcinâhowin isi pâh-pahkîs 35 ohci Ostêsimâwoyasiwêwin Itasiwêwin, 1982 asici miyikosiwin nisitawêyihtâkwan isi Nêhiyawiwina.

Sôhkâtisiwina, Atoskêwina êkwa Nâkatêyihtamowina ohci Kihci-Onâkatêyihcikêw

Note marginale : Pîkiskwasôwêwina — nahiyikohk, sîpan mîna kinwês-iyikohk sôniyâwi-wîcihiwêwin

7 Kihci-Onâkatêyihcikêw piko ta-kakêskimiwêw asici nanâtohki Nêhiyaw okimânâhk êkwa kotak Nêhiyaw okimâhkânak êkwa nanâtohki Nêhiyaw mâmawohkamâtowina kiki isi ta-nakiskahk mawinêhikêwina ohci ka-mêkihk nahiyikohk, sîpan mîna kinwês iyikohk sôniyâwi-wîcihiwêwin kiki kawotinikêwin, pimâchihtanowin, kanawêyihtamowin êkwa sôhkahtwâwin ohci Nêhiyawiwina.

Note marginale : Mâmawohkamâtowin ta-sîtoskâkêhkNêhiyawiwina

8 Kihci-Onâkatêyihcikêw ta-kî-mâmawohkamâtow asici kâ-piskihtahastâhk ahpô tipahaskanihk okimânâhk, Nêhiyaw okimânâhk ahpô kotak Nêhiyaw okimâhkânak, Nêhiyaw mâmawohkamâtowina ahpô kotak tasihkêwina — asici isi kiyikawêpayiwin nahêyihtowina ahpô nahawâscikêwina asici wiyawâw kiki itâpatisiwina tâpiskôc ka-mêkihk Nêhiyawiwina pimipayihtâwina êkwa pamîstakêwina êwako ohci kiskinwahamâkêwin, miyw-âyâwin êkwa nakatohkâtamowin kwayaskwâtisiwin — ta-pamînahk nôcihtâwina ka-miyo nahitôtam mîna nahiyikohk sîtoskâkêwin isi Nêhiyawiwina pîhci Kânata isi tâpitawi manatisiwin asici Nêhiyawak Omiyikosiwiniwaw nisitawêyihtâkwan mîna kêhcinâhowin isi pâh-pahkîs 35 ohci Ostêsimâwoyasiwêwin Itasiwêwin, 1982 êkwa ôma sôhkâtisiwina êkwa tipêyihtamowina ohci Nêhiyaw okimâhkânak êkwa ohci kâ-piskihtahastâhk êkwa tipahaskanihk.

Note marginale : Nahêyihtowina ahpô nahawâscikêwina — itâpatisiwin ohci Itasiwêwin

9 Ayis nisitawinamowin nâspic nâkatohkêwina mîna nitawêyihcikâtêwina ohci Nêhiyaw mâmawihitowina, mâmawâyâwinihk êkwa ayisiyiniwak êkwa natonikêwin ahpô wâh-wâpahtamowina mâmiskôcikâtêk pîhci pâh-pahkîs 24 êkwa isi tâpitawi manatisiwin asici Nêhiyawak Omiyikosiwiniwaw nisitawêyihtâkwan mîna kêhcinâhowin isi pâh-pahkîs 35 ohci Ostêsimâwoyasiwêwin Itasiwêwin, 1982 êkwa sôhkâtisiwina mîna tipêyihtamowina ohci Nêhiyaw okimâhkânak êkwa ohci kâ-piskihtahastâhk êkwa tipahaskanihk, Kihci-Onâkatêyihcikêw êkwa katawa Kihci-Onâkatêyihcikêw ta-kî- kiyikawêpayiw isi nahêyihtowin ahpô nahawâscikêwin kiki ayiwâkês itâpatisiwina ohci ôma Itasiwêwin asici kâ-piskihtahastâhk ahpô tipahaskanihk okimânâhk, Nêhiyaw okimânâhk ahpô kotak Nêhiyaw onakatohkâcikêwak ahpô Nêhiyaw mâmawohkamâtowin.

Note marginale : Kotak nahêyihtowina

10 Kiki ayiwâk kêhcinahowin, pâh-pahkîs 8 êkwa 9, êkwa piko tânima nahêyihtowin mâmiskôcikâtêw isi êkwânihi pâh-pahkîs, namôy ta-kî-mâmiskôcikâtêk isi kitinikêwin

• (a) Piko ayisiyiniw ahpô pisiskêyihcikêw ka-aspêyimohk ohci kwayaskwascikêwin êwako ohci kawotinikêwin, pimâchihtanowin, kanawêyihtamowin ahpô sôhkahtwâwin ohci Nêhiyawiwina êkwânima ka-astêk pîhci tipahamâtowinihk — asici askiy natotamâkêwina nahêyihtowin — ahpô tipêyimisowin nahêyihtowin; ahpô
• (b) Nêhiyaw okimânâhk ahpô kotak Nêhiyaw onakatohkâcikêwak ohci kiyikawêpayiwin pîhci, asici Kihci-Okimânâhk Kânata ahpô okimânâhk ohci kâ-piskihtahastâhk ahpô tipahaskanihk, tipahamâtowinihk — asici askiy natotamâkêwina nahêyihtowin — ahpô tipêyimisowin nahêyihtowin êkwânima ka-mêkinâniwik, tastaw kotaka kîkway, kiki kawotinikêwin, pimâchihtanowin, kanawêyihtamowin ahpô sôhkahtwâwin ohci Nêhiyawiwina.

Okimânâhk Kamikwa

Note marginale : Kâhcitinikêwin pamîstakêwina isi Nêhiyawiwina

10.1  Okimânâhk tasihkêwin ahpô sa its pimohtêstamâkêwin ahpô natawêyihtâkwanowin ta-kî-, isi tipêyimowin asici kwayaskwascikêwina, ka-mêkinâniwik kâhcitinikêwin ohci pamîstakêwina isi Nêhiyawiwina, kîspin tasihkêwin ahpô sa pimohtêstamâkêwin ahpô natawêyihtâkwanowin ayâw pîsâkosiwin ekosi ta-itotahk mîna kîspin iyikohk natotamâwin kiki kâhcitinikêwin isi êkwânihi pamîstakêwina êwako pîkiskwêwin.

Note marginale : Nahêyihtowina êkwa nahawâscikêwina

• 10.2 (1) Nahêyihtowin ahpô nahawâscikêwin ta-kî-kiyikawêpayiwin pîhci sîpâ pâh-pahkîs 8 ahpô 9 kiki ayiwâkês itâpatisiwin ohci pakitinêwin okimânâhk tasihkêwin ahpô sa pimohtêstamâkêwin ahpô natawêyihtâkwanowin ta- mêkinâniwik kâhcitinikêwin kiki pamîstakêwina isi Nêhiyawiwina.

• Note marginale : Pitosêyihtamowin ahpô mawinêskâkêwin

  (2) Kîspin ispayiwin piko tânima pitosêyihtamowin ahpô mawinêskâkêwin tastaw nahêyihtowin ahpô nahawâscikêwin mâmiskôcikâtêk pîhci piskihtasinahikêwin (1) êkwa kwayaskwascikêwina ka-osihtahk sîpâ pîskihtâsinahikêwin 45(1)(a.2), ôma nahêyihtowin ahpô nahawâscikêwin sâpohtêmâkan isi iyikohk ohci pitosêyihtamowin ahpô mawinêskâkêwin.

Note marginale : Otitwêstamâkêwin êkwa itwêstamâkêwin

11 Okimânâhk tasihkêwin ta-kî-itocikêmâkan

• (a) Kiko masinahikan sîpâ sa tipêyihcikêwin ta-itwêstamatawin isi Nêhiyawiwina; ahpô
• (b) itwêstamâkêwin pamîstakêwina ta-mêkinâniwik ta-pamînahk âpacihtâwin Nêhiyawiwina mêkwac okimânâhk tasihkêwin itahkamikisôwina.

Atoskêwîkamik ohci Opimohtêstamâkêw isi Nêhiyawiwina

Osîhcikâtêwin

Note marginale : Atoskêwîkamik osîhcikâtêw

• 12 (1) Ihtakon atoskêwîkamik osîhcikâtêwin, ta-kiskêyihtakwahk isi Atoskêwîkamik ohci Opimohtêstamâkêw isi Nêhiyawiwina, asici Opimohtêstamâkêw êkwa isko nisto opaminikêwak.

• Note marginale : Tahtahkwâw

  (2) Ôma Atoskêwîkamik êwako nikotwâw pimohtêstamâkêwin ohci Kihci-Okimâw isi miyikosiwin ohci Kânata ahpô namôy pisiskêyihcikêwin ka-tipêyihtakwahk ohci Sôniyâwi Paminikêwin Itasiwêwin, êkwa sa Opimohtêstamâkêwa, opaminikêwak êkwa atoskêhâkanak namou pahki ohci tipiyaw okimânâhk nakatohkâtamowin.

Note marginale : Nawasônawin Opimohtêstamâkêw

13 Ispîhk itêyimowin ohci Kihci-Onâkatêyihcikêw ka-osîhtahk mwêstas Kihci-Onâkatêyihcikêw kakêskimiwêw asici nanâtohki Nêhiyaw okimânâhk êkwa kotak Nêhiyaw okimâhkânak êkwa nanâtohki Nêhiyaw mâmawohkamâtowina, awa Onîkânastamâkêw Okimânahk êwako ta-nawasonêw Opimohtêstamâkêwa ohci Nêhiyawiwina ta-micimînahk atoskêwîkamik mêkwac kwayaskwâtisiwin kiki iyikohk namoy pâsci niyânan askiy, mamisîtotamowin isi âhtascikêwin ohci Onîkânastamâkêw Okimânahk piko ispîhk kiki miskwêyihtamowin.

Note marginale : Kakêskimiwêwin Mâmawohkamâkêwak

13.1  Kihci-Onâkatêyihcikêw ta-kî-osîhtawin mâmawohkamâkêwak ta-mêkinâniwik isi awa Kihci-Onâkatêyihcikêw asici kakêskimiwêwin asici nawasônawin ohci Opimohtêstamâkêw.

Note marginale : Okimâhkân okanawêyihcikêw

14 Awa Opimohtêstamâkêw êwako okimâhkân okanawêyihcikêw ohci Atoskêwîkamik êkwa ayâw tipêyihcikêwin mîna pamînamowin ohci Atoskêwîkamik êkwa kahkiyaw pisiskêyihtamowin ekota.

Note marginale : Opimohtêstamâkêw namatêw ahpô kî-pwâtawihow

15 Kîspin awa Opimohtêstamâkêw namatêw ahpô kî-pwâtawihow ahpô kîspin atoskêwîkamik ohci Opimohtêstamâkêw êwako pisisikwastêw, Kihci-Onâkatêyihcikêw ta-kî-nawasonêw onâkatêyihcikêwa ta-pimohtêstamâkêt isi Opimohtêstamâkêw, mâka êkwânima onâkatêyihcikêwa ta-kî-paminikêw isi Opimohtêstamâkêw kiki iskoyikohk ayiwâk nisto pîsim kîspin piko nahêyihtamowin ohci Onîkânastamâkêw Okimânahk ka-mêkihk itêyimowin ohci Kihci-Onâkatêyihcikêw mwêstas ispîhk Kihci-Onâkatêyihcikêw kî-kakêskimiwêw asici nanâtohki Nêhiyaw okimânâhk êkwa kotak Nêhiyaw okimâhkânak êkwa nanâtohki Nêhiyaw mâmawohkamâtowina.

Note marginale : Nawasônikêwin opaminikêwak

• 16 (1) Ispîhk itêyimowin ohci Kihci-Onâkatêyihcikêw ka-mêkihk mwêstas Kihci-Onâkatêyihcikêw kî-kakêskimiwêw asici nanâtohki Nêhiyaw okimânâhk êkwa kotak Nêhiyaw okimâhkânak êkwa nanâtohki Nêhiyaw mâmawohkamâtowina, awa Onîkânastamâkêw Okimânahk ta-nawasonêw isko nisto opaminikêwak ta-micimînahkik atoskêwîkamik mêkwac ka-kaskihtât kiki namoy pâsci iyikohk niyânan askiy.

• Note marginale : Nâkatohkâtêwina ohci Nistam-Iyiniwak, Ayaskîmow êkwa Âpihtawikosisânak

  (2) Pâmwayês osîhtâwin itêyimowina sîpâ piskihtasinahikêwin (1), Kihci-Onâkatêyihcikêw piko ta-natonahk kitihkimiwêwina kiki isi ta-kêhcinahow êkwânima Onîkânastamâkêw Okimânahk nawasonêw ayisiyiniwa ka-kaskihtâyit ta- pimohtêstamâkêt nâkatohkâtêwina ohci Nistam-Iyiniwak, Ayaskîmow êkwa Âpihtawikosisânîmowin.

Note marginale : Kiskimowin

17 Awa Opimohtêstamâkêw êkwa opaminikêwak ta-kî-kîhtwâm nawasonâw kiki nîswâw ahpô mwêstas iyikohk isi atoskêwîkamik.

Note marginale : Tahtahkwâw

18 Awa Opimohtêstamâkêw êkwa opaminikêwak ta-nawasonihcik ta-micimînahk atoskêwîkamik kapê-ayi iskoyikohk.

Note marginale : Tipahamâkêwin

• 19 (1) Awa Opimohtêstamâkêw êkwa opaminikêwak ta-tipahamâkawîwak sa tipahamâkêwin ka-itêyihtakwahk ohci Onîkânastamâkêw Okimânahk.

• Note marginale : Mêstinikêwina

  (2) Awa Opimohtêstamâkêw êwako ta-tipahamiwaw kiki nahiyikohk papâmâcihôwin êkwa kotak mêstinikêwina ka-itocikêmâkahk ka-itotahk atoskêwina mêkwâc sa namatêwin Opimohtêstamâkêw ekota mâna ka-atoskêt. Ôki opaminikêwak ta-tipahamâkawîwak kiki itowahk mêstinikêwina ka-itocikêmâkahk ka-itotahk atoskêwina mêkwâc sa namatêwin ohci ekota ka-wîkit.

Note marginale : Atoskêhâkanak

20 Ôma Atoskêwîkamik ta-kî-masinahikêhêw atoskêhâkanak êkwânima natawêyihtâkwanowin ta-pimohtatât itahkamikisôwina ohci Atoskêwîkamik mîna ta-kiskêyihtakwahk atoskêwina ohci êkwa niki ayisiyiniwak mîna nitawêyihcikâtêwina ohci sa atoskêwin, asici sa tipahamâkêwin êkwa ohtisowina.

Note marginale : Mawinêskâkêwina

21 Awa Opimohtêstamâkêw, opaminikêwak êkwa atoskêhâkanak ohci Atoskêwîkamik namoy ta-kî-atoskatahk ahpô ta-micimînahk atoskêwîkamik ahpô atoskêwin êkwânima naspâciwêpinikêwin asici sa atoskêwina ahpô ta-itota piko tânima kîkway êkwânima âkwâpitisowin ôma Atoskêwîkamik mîna kiko ka-cîhkêyihtâhkik.

Note marginale : Kihci atoskêwîkamik

22 Ôma Atoskêwîkamik sa kihci atoskêwîkamik êwako pîhci Okimâwiwinahk Askîwin Itêhkêskamikohk, ka-isi kiskinohtahikâtêk pîhci nahawâscikêwin isi Okimâwiwinahk Askîwin Itasiwêwin, ahpô piko itê pîhci Kânata êkwânima ka-kî-nawasonikâtêk isi sîhkimiwêwin ohci Onîkânastamâkêw Okimânahk.

Itasiwêwina êkwa Sôhkâtisiwina, Atoskêwina mîna Nâkatêyihtamowina

Note marginale : Itasiwêwina

• 23 (1) Ôhi itasiwêwina ohci Atoskêwîkamik êwako ta-

  • (a) wîcihtaw ta-pimâchihtahk Nêhiyawiwina;
  • (b) sîtoskâkêwin nôcihtâwina ohci Nêhiyawak isi kawotinikêwin, pasikônamowin, kanawêyihcikâtêwin êkwa sôhkahtwâwin Nêhiyawiwina;
  • (c) paminowin sôhkêyihtamowin ohci mawinêskâkêwina êkwa wâh-wâpahtamowin pîtosêyihtamowina isi iyikohk mêkinâniwin ohci ôma Itasiwêwin;
  • (d) ta-pimâchihtahk tipiyaw aswêyihtamowin mîna nisitohtamowin kihcêyimowin ohci
    • (i) ihtâwina êkwa pîsâkwanowan ohci Nêhiyawiwina
    • (ii) wîci-wâhkôhtowin âniskômohcikan tastaw Nêhiyawiwina êkwa nêhiyawîhtwâwin ohci Nêhiyawak,
    • (iii) Nêhiyawak Omiyikosiwiniwaw nisitawêyihtâkwan isi Nêhiyawiwina,
    • (iv) êyikohk kwayaskwêyihcikêwin ohci êkwânihi miyikosiwina kiki Nêhiyawak, asici mîna kahkiyaw askînînahk,
    • (v) naspâciwêpinikêwina ohci sâkocihiwêwin mîna o âtawêyihtamiwewin okimânâhk nakiskamâkêwina ohci Nêhiyawiwina mîna âpacihtâwin êkwânihi miyikosiwina, êkwa
    • (vi) kistêyihcikâtêwin ohci atoskêwin têhkê mîna wîcihiwêwin isi nahêyihtowin asici Nêhiyawak; êkwa
  • (e) sîtoskâkêwin âhtisîhcikêwin mâcipayihcikêwina êkwa âpacihtâwin oskayi âpacihcikana isi Nêhiyawiwina kiskinwahamâkêwin êkwa pimâchihtanowin, isi mâmawohkamâtowin asici Nêhiyaw okimânâhk êkwa kotak Nêhiyaw okimâhkânak, Nêhiyaw mâmawohkamâtowina, Kihci-Okimânâhk Kânata êkwa kâ-piskihtahastâhk êkwa tipahaskanihk okimânâhk.

• Note marginale : Mâmiskôcikêwin êkwa wîcî atoskêwin

  (2) Ta-isi kîsihtâwin itasiwêwina, ômaAtoskêwîkamik piko, ita katawa, kakêskimiwêw mîna ta-pamînahk asici piko tânima Nêhiyaw, kâ-piskihtahastâhk ahpô tipahaskanihk pisiskêyihcikêw êkwânima nâkatêyihtam kiki nîkânipayihtawin, pimâchihtanowin ahpô kanawêyimowin ohci Nêhiyawiwina.

Note marginale : Natonikêwin ahpô wâh-wâpahtamowina

• 24 (1) Ôma Atoskêwîkamik ta-kî-mâcihtâw natonikêwin ahpô wâh-wâpahtamowina, ahpô ta-kî-itocikêmâkan natonikêwin ahpô wâh-wâpahtamowina ta-mâcihtâhk, kihcêyimowin ohci

  • (a) kwayaskwascikêwin ohci sôniyâwi-wîcihiwêwin kiki itâpatisiwin ohci sîtoskâkêwin Nêhiyawiwina; ahpô
  • (b) âpacihtâwin Nêhiyawiwina pîhci Kânata, asici kiki itâpatisiwin ohci tipapiskotan ayamihêwâtisiwin ohci êkwânihi pîkiskwêwina ahpô nisitawinamowin towihkâna ta-mînosihtahk mîna kanawêyihcikâtêwin kiskêyihtamowin isi êkwânihi pîkiskwêwina.

• Note marginale : Mâmawâyâwinihk oyakihcikêwina

  (2) Ôma natonikêwin ahpô wâh-wâpahtamowina ka-mâmiskôcikâtêk pîhci pîskihtâsinahikêwin (1)(b) ta-kî-kiki nisitawinamowin mâmawâyâwinihk oyakihcikêwin, asici tipêyimowin ohci Nêhiyaw mâmawâyâwinihk kihcêyimowin ohci kiko oyakihcikêwin kî-mâcihtâwn.

• Note marginale : Kwayâtastêwin — natonikêwin ahpô wâh-wâpahtamowin

  (3) Ôma Atoskêwîkamik piko ta-astâhk kîsihcikâtêwina ohci piko tânima natonikêwin ahpô wâh-wâpahtamowin mâmiskôcikâtêw pîhci piskihtasinahikêwin (1) kwayâtastêw isi piko tânima Nêhiyaw mâmawâyâwinihk, Nêhiyaw okimânâhk ahpô kotak Nêhiyaw onakatohkâcikêwak ahpô Nêhiyaw mâmawohkamâtowin êkwânima wîcihiwêw isi êkwânima natonikêwin ahpô wâh-wâpahtamowin. Mamisîtotamowin isi piko tânima wiyasiwêwin, ôma Atoskêwîkamik piko mîna ta-osîhtahk piko tânima masinahikan ka-âpacihtahk ahpô ka-osihcikâtêw kiki êkwânima natonikêwin ahpô wâh-wâpahtamowin kwayâtastêw isi êkwânima Nêhiyaw mâmawâyâwinihk, Nêhiyaw okimânâhk ahpô kotak Nêhiyaw onakatohkâcikêwak ahpô Nêhiyaw mâmawohkamâtowin.

• Note marginale : Tâpasinahikan ahpô mosci-âpacihtâwin

  (4) Ôma Atoskêwîkamik piko ta-pakitêyimohk kiki Nêhiyaw mâmawâyâwinihk, Nêhiyaw okimânâhk ahpô kotak Nêhiyaw onakatohkâcikêwak ahpô Nêhiyaw mâmawohkamâtowin isi tâpasinahikan ahpô kotak isi ohci natonikêwin ahpô wâh-wâpahtamowin mosci-âpacihtâwin kiki ayiwâkês itâpatisiwin ohci kawotinikêwin, pasikônamowin, kanawêyihtamowin ahpô sôhkahtwâwin Nêhiyawiwina. Mamisîtotamowin isi piko tânima wiyasiwêwin, ôma Atoskêwîkamik piko mîna ta- pakitêyimohk piko tânima masinahikan âpacihtâwin pîhci ahpô osihcikâtêwin kiki êkwânima natonikêwin ahpô wâh-wâpahtamowin ta-tâpasinahikâtêk ahpô kotak isi âpacihtâwin ohci êkwânima Nêhiyaw mâmawâyâwinihk, Nêhiyaw okimânâhk ahpô kotak Nêhiyaw onakatohkâcikêwak ahpô Nêhiyaw mâmawohkamâtowin mosci-âpacihtâwin, kiki êkwânima itapatisiwin.

Note marginale : Sîtoskâkêwin ka-mâtinamâkêhk ohci Atoskêwîkamik

25 Isi nataotamawin ohci Nêhiyaw mâmawâyâwinihk ahpô Nêhiyaw okimânâhk ahpô kotak Nêhiyaw onakatohkâcikêwak, ôma Atoskêwîkamik piko ta-mêkinâniwik sîtoskâkêwin isi mâmawâyâwinihk ahpô Nêhiyaw okimânâhk ahpô kotak Nêhiyaw onakatohkâcikêwak pîhci sa nôcihtâwina isi kawotinikêwin, pasikônamowin, kanawêyihcikâtêwin êkwa sôhkahtwâwin Nêhiyawiwina, asici sa nôcihtâwina ta-

• (a) osîhtâniwan mêcimwâci-âcimowasinahikana ohci pîkiskwêwin, asici pîkiskwêmohtâwina êkwa cihkâstêpayihcikan pîkiskwêmohtâwina mîna masinahikâtêwin âpacihcikana tâpiskôc itwêwasinahikan, lexicons êkwa itwêwin ohci pîkiskwêwin, kiki itâpatisiwin ohci, tastaw kotaka kîkway, kanawêyihtamowin êkwa pimohtatâwin;
• (b) osîhtawin oyakihcikêwin kwayaskwascikêwina kiki otitwêstamâkêwak êkwa itwêstamâkêwak;
• (c) pimipayihtâwin natonikêwin êkwa wâh-wâpahtamowina mîna mâmawâyâwinihk oyakihcikêwina kihcêyimowin ohci âpacihtâwin pîkiskwêwin;
• (d) kisiskâpayihcikêwin mîna pimohtatâwin wiyêyihcikêwins kiki kawotinikêwin, pasikônamowin, kanawêyihtamowin êkwa sôhkahtwâwin pîkiskwêwin; ahpô
• (e) mâmawohkamâtowin asici Kihci-Okimânâhk Kânata ahpô kâ-piskihtahastâhk ahpô tipahaskanihk okimânâhk ta- osîhtawin katawa nêhiyawîhcikêwin pamihcikêwin ohci kiskinwahamâkêwin mîna kiskinwahamâkosiwin pîkiskwêwin.

Note marginale : Mawinêskâkêwin sôhkêyihtamowin pamîstakêwina

26 Natocikâtêwin ohci Nêhiyaw mâmawâyâwinihk, Nêhiyaw okimânâhk ahpô kotak Nêhiyaw onakatohkâcikêwak, Nêhiyaw mâmawohkamâtowin ahpô Kihci-Okimânâhk Kânata, ôma Atoskêwîkamik ta-kî-mêkinâniwik pamîstakêwina, asici nâtâmototawêwin ahpô kotak katawa nêhiyawîhcikêwin pamîstakêwina, ta-pamînahk sôhkêyihtamowin ohci mawinêskâkêwin nisitawêyihtâkwan ta-

• (a) kaskihowin ohci piko tânima nîsohkamâkêwin kiki nâkatêyihtamowin nisitawêyihtâkwan isi Nêhiyawiwina sîpâ nahêyihtowin kiyikawêpayiwin pîhci Kihci-Okimânâhk Kânata.
• (b) sôniyâwi-wîcihiwêwin mêkinâniwik ohci Kihci-Okimânâhk Kânata kiki itâpatisiwin ohci nawaswêwin nisitawêyihtâkwan isi Nêhiyawiwina;
• (c) kaskihowin ohci piko tânima Kihci-Okimânâhk Kânata sa nâkatêyihtamowina sîpâ ôma Itasiwêwin; ahpô
• (d) pimohtatâwin ohci piko tânima Kihci-Okimânâhk Kânata sa nakiskamâkêwina mîna pimipayihtâwina nisitawêyihtâkwan isi Nêhiyawiwina.

Note marginale : Wâh-wâpahtamowin pîtosêyihtamowina

• 27 (1) Awa Opimohtêstamâkêw ta-kî-pimipayihtâw wâh-wâpahtamowin ohci pîtosêyihtamowin, oyahiwêwin ohci Nêhiyaw okimânâhk ahpô kotak Nêhiyaw onakatohkâcikêwak, Nêhiyaw mâmawohkamâtowin ahpô Nêhiyaw-iyiniw, ka-kihcêyimohk piko kîkway ka-mâmiskôcikâtêk isi piko tânima ohci pîskihtâsinahikêwina 26(a) isko (d).

• Note marginale : Wîhtamâkêwin

  (2) Mwêstas pimipayihtâwin ôma wâh-wâpahtamowin, awa Opimohtêstamâkêw piko ta-kwayâcihtâw wîhtamâkêwin ka-astêkihk piko tânihi itêyimowina êkwânima awa Opimohtêstamâkêw ka-itêyihtahk katawa.

Note marginale : Pîsâkosiwin, miyikosiwin, sôhkâtisiwina êkwa miyikosiwina

28 Ôma Atoskêwîkamik ayâw pîsâkosiwin, miyikosiwin, sôhkâtisiwina êkwa miyikosiwina ohci ayisiyiniw, asici pîsâkosiwin ta-

• (a) kiyikawêpayiwin isi masinahikêhêwin;
• (b) kâhcitinikêwin, micimînamowin mîna wiyipayihcikêwin tipêyihtamowina ahpô tako tipahikêwin ahpô miyikosiwin isi tipêyihtamowina, ahpô awihiwêwin tipêyihtamowina; êkwa
• (c) sîhkitisahikê mîna ka-sîhkitisahikawin.

Note marginale : Oyahiwêwin

29 Awa Opimohtêstamâkêw ta-kî-oyahiwêw piko tânima ohci Opimohtêstamâkêw sa sôhkâtisiwina, atoskêwina êkwa nâkatêyihtamowina sîpâ ôma Itasiwêwin isi piko tana onâkatêyihcikêwa ahpô otatoskêw ohci Atoskêwîkamik, mamisîtotamowin isi piko tânima nitawêyihcikâtêwina êkwânima Opimohtêstamâkêw ka-âhtasiwêw.

Note marginale : Iyikohk nâkatêyihtamowina

30 Nama kîkway paminikêwin ahpô kotak itasiwêwin pimastêw asicâyihk Opimohtêstamâkêw, onâkatêyihcikêwa, otatoskêw ohci Atoskêwîkamik ahpô ayisiyiniw ka-pimohtêstahk ohci Atoskêwîkamik kiki kîkway ta-itocikâtêk, ahpô patâpahcikâtêw ta-itocikâtêk, pîhci paminikêwin ahpô ka-itêyihtakwahk paminikêwin mitoni âpatêyihtamowin ohci piko tânima sôhkâtisiwin, ahpô pîhci pamihtâwin ahpô ka-itêyihtakwahk pamihtâwin pîhci âpatêyihtamowin ohci piko tânima atoskêwin ahpô pimohtêmakisiwin, ohci êkwana ayisiyiniw isi tipêyimowin asici ôma Itasiwêwin.

Sôniyâwi-okimâwahiwêwin

Note marginale : Tako-tipahikêwin

31 Ôma Atoskêwîkamik sa tako-tipahikêwin êwako ka-mâcihtahk ispîhk Ayîkî-pîsim 1 peyak askiy êkwa pônipayiwin Niskî-pîsim kîhtwâm askiy.

Note marginale : Mêstinikêwina

32 Mamisîtotamowin isi piko tânima nitawêyihcikâtêwina êkwânima Kanawêyihcikêwin Opaminikêwak ta-kî-âhtasiwêw, ôma Atoskêwîkamik ta-kî-mêstinikêw, isi tipêyimowin asici sa itasiwêwina, mêkwâc tako-tipahikêwin ahpô ka-pimitisahikâtêk pêyak, piko tânima sôniyâw-pamihâwin êkwânihi ka-otihtikow pîhci êkwânima tako-tipahikêwin sâpô pimipayihtâwin ohci sa itahkamikisôwina.

Note marginale : Pamihtâwin oyakihcikêwin êkwa manâcihcikêwin

• 33 (1) Ôma Atoskêwîkamik piko osîhtawin pamihtâwin oyakihcikêwin mîna manâcihcikêwin kiki itahto tako-tipahikêwin mîna itisaham isi Kihci-Onâkatêyihcikêw.

• Note marginale : Ispîhcâwin êkwa mâwacihcikêwina ohci pamihtâwin oyakihcikêwin

  (2) Ôma Atoskêwîkamik sa pamihtâwin oyakihcikêwin piko wâsakâmê kahkiyaw ohci Atoskêwîkamik sa itahkamikisôwina mîna ta-kikinikâtêk wîhtamâkêwin ohci

  • (a) ôma Atoskêwîkamik sa itasiwêwina;
  • (b) ôma Atoskêwîkamik sa mawinêhikêwina kiki tako-tipahikêwin êkwa towihkâna ka-itêyihta ta-âpacihtât ta-pihkohtât êkwânihi mawinêhikêwina; êkwa
  • (c) ôma Atoskêwîkamik sa ihtatêyihtamowin pamihtâwin kiki tako-tipahikêwin.

• Note marginale : Mâwacihcikêwina ohci manâcihcikêwin

  (3) Ôma Atoskêwîkamik sa manâcihcikêwin piko ta-kikinikâtêk wîhtamâkêwin ohci Atoskêwîkamik sa ihkatêyihcikêwin sôniyâhkêwin êkwa mêstinikêwina kiki tako-tipahikêwin.

• Note marginale : Itahkamikisôwina âhkamêyihtamowin asici pamihtâwin oyakihcikêwin

  (4) Ôma Atoskêwîkamik piko ta-âhkamêyihtamowin sa itahkamikisôwina pîhci tako-tipahikêwin isi tâpitawi manatisiwin asici âhkamêyihtamowin sa pamihtâwin oyakihcikêwin kiki êkwânima askiy.

Note marginale : Masinahikana êkwa pamihcikêwina

• 34 (1) Ôma Atoskêwîkamik piko ta-kanawêyihta masinahikana ohci mêstinikêwina êkwa âcimowasinahikana êwako ohci mîna piko ta-kanawêyihcikâtêk sôniyâhkêwin êkwa pamînamowin tipêyihtamowin êkwa kiskêyihtamôhiwêwin pamihcikêwina.

• Note marginale : Nitawêyihcikêwina

  (2) Ôhi masinahikana, âcimowasinahikana êkwa pamihcikêwina ka-mâmiskôcikâtêk pîhci piskihtasinahikêwin (1) piko ta-kanawêyihcikâtêk mîna ta-pisiskêyihcikâtêk isi tâpitawi manatisiwin asici ta-mêkinâniwik nahiyikohk asotamâkêwin êkwânima

  • (a) ôma Atoskêwîkamik sa tipêyihcikêwina ê-nâtâmoskâkihk mîna paminikâtêwa;
  • (b) sa mâcipayihcikêwina pimohtatân isi tipêyimowin asici ôma Itasiwêwin;
  • (c) sa sôniyâhkêwin, masinahikêhiwêwin êkwa wiyastêwin âpacihcikana manâci paminikâtêwa mîna nahitôtam; êkwa
  • (d) sa itahkamikisôwina pimohtatân nahiyikohk.

• Note marginale : Piskihci wâh-wâpahtamowin

  (3) Ôma Atoskêwîkamik ta-kî-itocikêmâkan piskihci wâh-wâpahtamowina ta-pimipayihtâhk isi wâh-wâpahtamowin ôma Atoskêwîkamik sa mâcipayihcikêwina êkwa itahkamikisôwina kiki ayiwâkês itâpatisiwin ohci kêhcinahiwêwin nahêyihtowin asici piskihtasinahikêwina (1) êkwa (2).

• Note marginale : Sôniyâhkêwin wîhtamâkêwina

  (4) Ôma Atoskêwîkamik piko ta-kwayâcihtâw sôniyâhkêwin wîhtamâkêwina tahto askiy, isi tipêyimowin asici mâna ka- nahêyihtakwahk âcimowasinahikana kistêyihtcikatewina.

• Note marginale : Masinahikan ohci sôniyâhkêwin wîhtamâkêwina

  (5) Ôma Atoskêwîkamik sa sôniyâhkêwin wîhtamâkêwina piko ta-kwayâcihtâhk masinahikan isi êkwânima kihkânâkwan wîhtamâkêwin ohci kiskêyihtamôhiwêwin isi tipêyimowin asici sa kistêyihtcikatewin itahkamikisôwina.

Note marginale : Tahto askiy sôniyâwi-okimâw sa wîhtamâkêwin

• 35 (1) Ôma Atoskêwîkamik piko ta-itotahk tahto askiy sôniyâwi-okimâw sa wîhtamâkêwin ta-kwayâcihtâhk ohci sa sôniyâhkêwin wîhtamâkêwina mîna iyikohk kiskêyihtamôhiwêwin ka-natawêyihtakwahk ta-wâh-wâpahcikâtêk sîpâ piskihtasinahikêwin (3).

• Note marginale : Mâwacihcikêwina

  (2) Ôma wîhtamâkêwin piko, tastaw kotaka kîkway,

  • (a) Kikinikâtêw pahkân wîhtamâkêwina kîspin itâpisinowin ohci Atoskêwîkamik sa sôniyâwi-okimâwa
    • (i) ôma sôniyâhkêwin wîhtamâkêwina kiskinawâcihcikâtêwa nahiyikohk, isi tipêyimowin asici mâna ê-nahêyihtakwahk âcimowasinahikana kistêyihtcikatewina, âpahcihtân isi tipêyimowin âhkami asici êkwânima ohci awasi-askiy,
    • (ii) ôma iyikohk kiskêyihtamôhiwêwin êwako katawa pîhci kahkiyaw kispîhtêyihtâkosiwina êkwa, kîspin kihcinâkwan, kî-kwayâcihtân isi tipêyimowin âhkami asici êkwânima ohci awasi-askiy, êkwa
    • (iii) ôma Atoskêwîkamik sa mâcipayihcikêwina êkwânima kî-ispayin isi sôniyâwi-okimâw sa wâpahtamowin mêkwac sôniyâwi-okimâw sa nâkatawâpahcikêwin kiki wîhtamâkêwin kî-pimohtatân isi tipêyimowin asici ôma Itasiwêwin; êkwa
  • (b) kîhkânâkwanowân isi piko tânima pîkiskwâtamowin ka-astêk pîhci ôma ispîhcâwin ohci sôniyâwi-okimâw sa nâkatawâpahcikêwin kiki ôma wîhtamâkêwin êkwânima, pîhci sôniyâwi-okimâw sa itasiwêwin, ta-kî-pêcikâtêk isi pisiskêyimowin ohci Atoskêwîkamik ahpô Kihci-Onâkatêyihcikêw.

• Note marginale : Wâh-wâpahtamowin ohci iyikohk kiskêyihtamôhiwêwin

  (3) Awa Kihci-Onâkatêyihcikêw ta-kî-natawêyihtam piko tânima iyikohk kiskêyihtamôhiwêwin ka-natawêyihtakwahk ta-kikinikâtêk pîhci ôma wîhtamâkêwin sîpâ pîskihtâsinahikêwin (2)(a) ta-wâh-wâpahcikâtêk.

• Note marginale : Wâpahtahiwêwin isi Kihci-Onâkatêyihcikêw

  (4) Ôma Atoskêwîkamik piko ta-itisaham isi Kihci-Onâkatêyihcikêw sa wâh-wâpahcikâtêwin sôniyâhkêwin wîhtamâkêwina asici kihcêyimowin isi tako-tipahikêwin pâmwayês nisto pîsim mwêstas ispîhk iskwêyanihk ohci êkwânima tako-tipahikêwin.

Note marginale : Kihci nâkatawâpahcikêwin

• 36 (1) Piko ispîhk natawêyihtakwan ohci Kihci-Onâkatêyihcikêw, ôma Atoskêwîkamik piko ta-itotahk kihci nâkatawâpahcikêwin ta-pimohtatahk isi kihcêyimowin ohci sa mâcipayihcikêwina êkwa itahkamikisôwina ta-kiskêyihtakwahk kîspin masinahikana, âcimowasinahikana, pamihcikêwina êkwa isîhcikêwina mâmiskôcikâtêw pîhci pâh-pahkîs 34 kî-, pîhci iskoyikohk sîpâ nâkatawâpahcikêwin, kanawêyihcikâtêk isi tâpitawi manatisiwin asici êkwânima nakiskam nitawêyihcikêwina ohci êkwânima pâh-pahkîs.

• Note marginale : Onitawâpênikêw

  (2) Ôma kihci nâkatawâpahcikêwin ta-pimohtatân ohci Atoskêwîkamik sa sôniyâwi-okimâw. Mâka, kîspin, pîhci Kihci-Onâkatêyihcikêw sa itasiwêwin, ayisyiniw ispisci awa Atoskêwîkamik sa sôniyâwi-okimâwa ta-pimohtataw kihci nâkatawâpahcikêwin, Kihci-Onâkatêyihcikêw ta-kî-, mwêstas mâmiskôcikêwin asici Opimohtêstamâkêw, itisaham êkwânima nâkatawâpahcikêwin ta-pimohtatân ohci kotak sôniyâwi-okimâw êwako kêhcinâc kiki ayiwâkês itâpatisiwin.

• Note marginale : Wiyêyihcikêwin

  (3) Pâmwayês mâcihtawin kihci nâkatawâpahcikêwin, onitawâpênikêw piko ta-tipapîskotahk ôma Atoskêwîkamik sa pamihcikêwina êkwa isîhcikêwina ta-wâpahcikâtêkihk mîna itisaham wiyêyihcikêwin kiki ôma nâkatawâpahcikêwin, asici wîhtamâkêwin ohci kwayaskwascikêwina ta-astahk pîhci nâkatawâpahcikêwin, isi Opimohtêstamâkêw

• Note marginale : Aspêyimowin ohci piskihci wâh-wâpahtamowin

  (4) Awa onitawâpênikêw piko, mitoni iyikohk ta-kî-pihkohtâhk, aspêyimowin ohci piko tânima piskihci wâh-wâpahtamowin pimipayihtâwiniwan sîpâ piskihtasinahikêwin 34(3).

Note marginale : Onitawâpênikêw sa wîhtamâkêwin

• 37 (1) Awa onitawâpênikêw piko, iskohk pônihtawin ohci kihci nâkatawâpahcikêwin, itisaham wîhtamâkêwin ohci onitawâpênikêw sa miskamowin, êkwa kiskinwahikêwin ohci êkwânima wîhtamâkêwin, isi Kihci-Onâkatêyihcikêw êkwa sa Opimohtêstamâkêwa.

• Note marginale : Mâwacihcikêwina

  (2) Awa onitawâpênikêw sa wîhtamâkêwin êkwa ko ta-kikinikâtêw

  • (a) wîhtamâkêwin mahti kîspin, pîhci ôma onitawâpênikêw sa itasiwêwin, ispîhtêyihtâkosiwin isi ôma kwayaskwascikêwina ka-mâmiskôcikâtêk isi piskihtasinahikêwin 34(2), ihtakon nahiyikohk nâkatêyihtamowin êkwânima nama kîkway kistêyihtâkwan nôhtêpayiwan pîhci ôma pamihcikêwina êkwa isîhcikêwina ka-wâpahcikâtêk; êkwa
  • (b) wîhtamâkêwin ohci iyikohk kiko awa onitawâpênikêw kî-âspêyimow ohci piskihci wâh-wâpahtamowina.

• Note marginale : Nôkohtâwing of kiskinwahikêwin

  (3) Ôma Atoskêwîkamik piko, mayâw ta-kî-pihkohtâhk mwêstas awa Opimohtêstamâkêw kî-otihtikow wîhtamâkêwin, nôkohtâw kiskinwahikêwin ohci wîhtamâkêwin ita sa cikâstêpayicikanisihk pimipayihcikêwin.

Note marginale : Mâmiskôcikêwin asici Sôniyâwi-okimâw

38 Ôma Atoskêwîkamik sa sôniyâwi-okimâwa ahpô onitawâpênikêw piko ispîhk ta-kî-kakêskimiwêw asici Sôniyâwi-okimâw ohci Kânata piko tânima pîkiskwâtamowin êwako ohci wâh-wâpahtamowin ahpô kihci nâkatawâpahcikêwin.

Note marginale : Miyikosiwin isi kiskêyihtamôhiwêwin

• 39 (1) Ka-natocikâtêk ohci Atoskêwîkamik sa sôniyâwi-okimâwa ahpô onitawâpênikêw, mêkwâc ahpô kayahtê Opimohtêstamâkêw, opaminikêwak ahpô atoskêhâkanak ohci Atoskêwîkamik piko ta-mêkinâniwik piko tânima kiskêyihtamôhiwêwin êkwa nahêyihtamâkêwin, mîna ta-mêkihk kâhcitinikêwin isi piko tânihi ohci Atoskêwîkamik sa âcimowasinahikana, kiskêyihtamôhiwêwin, masinahikana, kiskinohtahiwê-masinahikana êkwa masinahikanisa êkwânihi sîpâ sa tipêyihtamowina, êkwânima awa sôniyâwi-okimâw ahpô onitawâpênikêw itêyihtam natawêyihtakwaniyôw ta- kwayâcihtâhk wîhtamâkêwin ê-natawêyihtâkwahk sîpâ ôma Itasiwêwin.

• Note marginale : Nâkatêyihtamowin ta-kiskêyihtamôhiwêhk

  (2) Kîspin ôma Atoskêwîkamik sa mêkwâc ahpô kayahtê Opimohtêstamâkêw, opaminikêwak ahpô atoskêhâkanak namoy ayâw kiskêyihtamôhiwêwin ahpô nahêyihtamâkêwin ka-nitotamâkêhk ohci sôniyâwi-okimâw ahpô onitawâpênikêw sîpâ piskihtasinahikêwin (1), ôma Atoskêwîkamik mastaw sa Opimohtêstamâkêwa ahpô opaminikêw piko ta-kahkcitinahk ôma kiskêyihtamôhiwêwin ahpô nahêyihtamâkêwin mîna ta-mêkinâniwik isi sôniyâwi-okimâw ahpô onitawâpênikêw.

Note marginale : Nakinamâkêwin

40 Nama kîkway pîhci ôma pâh-pahkîs 34 isko 39 êwako ta-kî-mâmiskôcikâtêk isi pakitinamâkêwin ôma Atoskêwîkamik sa sôniyâwi-okimâwa ahpô onitawâpênikêw ta-wîhta piko tânima itasiwêwin ohci pîkiskwâtamowina ohtisiwin isi kakêskwêwin, asici ohtisiwin ohci Atoskêwîkamik sa itasiwêwina ahpô piko tânima kakêskwêwin mâmiskôtamowin ohci Atoskêwîkamik.

Note marginale : Kêhcinâc miyikosiwin

41 Pîkiskwâtamowin ahpô masinahikâtêwin wîhtamâkêwin ahpô wîhtamâkêwin ka-osihtahk sîpâ ôma Itasiwêwin ohci Atoskêwîkamik sa sôniyâwi-okimâwa ahpô onitawâpênikêw ayâw kêhcinâc miyikosiwin.

Note marginale : Nôkohtâwin ohci âpacihcikan yahkikiwin

42 Awa Opimohtêstamâkêw piko, mayaw ta-kî-pihkohtâhk, wîhtamiwêw Kihci-Onâkatêyihcikêwa ohci piko tânima sôniyâhkêwin ahpô kotak yahkikiwin êkwânima, isi Opimohtêstamâkêw sa itasiwêwin, êkwânima maskôt êkoyikohk mâmaskâc itôcikêmâkanowin isi ôma Atoskêwîkamik sa kaskihtâwin ta-pimohtatât sa itasiwêwina ahpô paminikêwin sa sôhkâtisiwina ahpô ta-itotahk sa atoskêwina ahpô nâkatêyihtamowina, isi sa pamihtâwina ahpô sa nitawêyihcikêwina kiki sôniyâwi-wîcihiwêwin.

Tahto askiy Wîhtamâkêwin

Note marginale : Mâwacihcikêwina

• 43 (1) Ôma Atoskêwîkamik piko, pâmwayês nêwo pîsim mwêstas pônipayiwin itahto tako-tipahikêwin, itisaham isi Kihci-Onâkatêyihcikêw tahto askiy wîhtamâkêwin ohci

  • (a) âpacihtawin mîna ayamihêwâtisiwin ohci Nêhiyawiwina pîhci Kânata;
  • (b) nitawêyihtakwanowin ohci Nêhiyaw mâmawihitowina, mâmawâyâwinihk êkwa ayisiyiniwak mîna tasihkêwina êkwânihi nisitawêyihtâkwanwa pîhci Nêhiyawiwina — mîna ka-yahkohtêhk — êwako ohci kawotinikêwin, pimâchihtanowin, kanawêyihtamowin êkwa sôhkahtwâwin ohci Nêhiyawiwina
  • (c) iyikohk ohci sôniyâwi-wîcihiwêwin ka-mêkinâniwik ohci Kihci-Okimânâhk Kânata kiki itâpatisiwin ohci nawaswêwina nisitawêyihtâkwan isi Nêhiyawiwina; êkwa
  • (d) pimohtatâwin ohci ôma Itasiwêwin.

• Note marginale : Itahkamikisôwina ohci Atoskêwîkamik êkwa kotak mâwacihcikêwina

  (2) Ôma tahto askiy wîhtamâkêwin piko mîna ta-astêkihk kiskêyihtamôhiwêwina ka-kihcêyimohk ôma Atoskêwîkamik sa kistêyihtcikatewin itahkamikisôwina kiki tako-tipahikêwin mîna piko ta-kikinikâtêk

  • (a) masinahikan ohci natonikêwin êkwa wâh-wâpahtamowina mâcihtâwn sîpâ piskihtasinahikêwin 24(1);
  • (a.1) ôma Atoskêwîkamik sa sôniyâhkêwin wîhtamâkêwina;
  • (b) tahto askiy sôniyâwi-okimâw sa wîhtamâkêwin;
  • (c) wîhtamâkêwin ohci iyikohk kiko ôma Atoskêwîkamik kî-nakiskam sa mawinêhikêwina kiki ôma tako-tipahikêwin; êkwa
  • (d) piko tânima kotak kiskêyihtamôhiwêwin ka-kiskinihtahikâtêk ohci kwayaskwascikêwina.

Note marginale : Asastêwina pîhci Kihci-Okimâwikamikohk

• 44 (1) Awa Kihci-Onâkatêyihcikêw piko ta-itotahk tâpasinahikan ohci Atoskêwîkamik sa wîhtamâkêwin ta-astêyik pâmwayês itahto Kihci-Okimâwikamik ispîhk ohci nistam 15 kîsikâwa kiko êkwânima Okimâwikamik apiwin mwêstas êwako kîsikâw kiko wîhtamâkêwin ka-otihtikohk.

• Note marginale : Kiskêyihtamôhiwêwin isi mâmawohkamâkêwak

  (2) Mwêstas astacikêwin, ôma wîhtamâkêwin itastêw ka-mâmiskôcikâtêk isi mâmawohkamâkêwak ohci Okimânâhk, Okimâwikamik ahpô nanapo Kihci-Okimâwikamik êkwânima ta-kî-nawasonikâtêw ahpô osîhcikâtêw kiki ayiwâkês itâpatisiwin ohci wâh-wâpahtamowin ôma wîhtamâkêwin.

Kwayaskwascikêwina êkwa Sîhkihkêmowina

Note marginale : Kwayaskwascikêwin-osîhtâwin sôhkâtisiwina

• 45 (1) Ka-pimitisahikâtêk pîkiskwasôwêwina ohci Kihci-Onâkatêyihcikêw asici ôma Atoskêwîkamik, nanâtohki Nêhiyaw okimânâhk êkwa kotak Nêhiyaw okimâhkânak êkwa nanâtohki Nêhiyaw mâmawohkamâtowina kiki isi ta-nisitawinikâtêkihk nâspic nâkatohkêwina êkwa nitawêyihtakwanowin ohci Nêhiyaw mâmawihitowina, mâmawâyâwinihk êkwa ayisiyiniwak, awa Onîkânastamâkêw Okimânahk ta-kî-osihtâw kwayaskwascikêwina

  • (a) ka-kihcêyimohk pîtosêyihtamowina mâmiskôcikâtêk pîhci isi pâh-pahkîs 27, asici
    • (i) kiskinohtatâwin pîtosêyihtamowina, asici nitawêyihcikâtêwina êkwânima piko ta-nakisikikâtêk pâmwayês pîtosêyihtamowina ta-kiskinohtahikâtêk,
    • (ii) wâh-wâpahtamowin pîtosêyihtamowina, êkwa
    • (iii) ôma wîhtamâkêwina ka-osihtahk mwêstas pimipayihtâwin wâh-wâpahtamowin ohci pîtosêyihtamowina, asici itowahk ohci itêyimowina êkwânima ta-kî-osihcikâtêk pîhci êkwânihi wîhtamâkêwina, iskoyikohk ispayiwin pîhci kiko wîhtamâkêwina piko ta-pônihtahk mîna ayisiyiniw ahpô tasihkêwina isi kiko ôhi wîhtamâkêwina ta-kî-mêkinâniwik;
  • (a.1) ka-kihcêyimohk pimipayihtâwina kiki pîkiskwasôwêwina ka-natawêyihtakwahk sîpâ ôma Itasiwêwin asici mîna wiyîhcikêwin ohci nahêyihtowina ahpô nahawâscikêwina sîpâ pâh-pahkîs 8 êkwa 9;
  • (a.2) kiki ayiwâkês itâpatisiwin ohci pâh-pahkîs 10.1,
    • (i) kîsêyihtamowin pamîstakêwina isi kiko kâhcitinikêwin ta-kî-mêkinâniwik isi Nêhiyaw pîkiskwêwin êkwa ihtêskamikohk kiko okimânâhk tasihkêwin ahpô sa pimohtêstamâkêwin ahpô natawêyihtâkwanowin ta-kî- mêkinâniwik kâhcitinikêwin isi êkwânihi pamîstakêwina êkwânima pîkiskwêwin,
    • (ii) kiskinohwahikêwin nakayâskamohtahiwêwin “mêkinâniwik kâhcitinikêwin isi pamîstakêwina”, êkwa
    • (iii) kiskinohwahikêwin nakayâskamohtahiwêwina “pîsâkosiwin” êkwa “natotamâwin” mîna kîsêyihtamowin nâkatohkêwina pîhci kiko okimânâhk tasihkêwin ahpô sa pimohtêstamâkêwin ahpô natawêyihtâkwanowin ayâw pîsâkosiwin ta-mêkinâniwik kâhcitinikêwin pamîstakêwina isi Nêhiyaw pîkiskwêwin êkwa êkwânihi kiko natotamâwin kiki kâhcitinikêwin pamîstakêwina isi êkwânima pîkiskwêwin êwako nahiyikohk;
  • (b) kîsêyihtamowin kotak kiskêyihtamôhiwêwin ta-kikinikâtêk pîhci tahto askiy wîhtamâkêwin kiki itâpatisiwin ohci pîskihtâsinahikêwin 43(2)(d); êkwa
  • (c) mâna, kiki pimohtatâwin itâpatisiwina êkwa kwayaskwascikêwina ohci ôma Itasiwêwin.

• Note marginale : Kîhkâtêyihtâkwanowân-ohcipâyiwin nakiskamâkêwin

  (2) Ôma kwayaskwascikêwina ka-osihtahk sîpâ pîskihtâsinahikêwin (1)(a.2) ta-kî-mêkinâniwik kiskinohwahikêwina êkwa nitawêyihcikêwina êkwânima pah-pîtos âspêyimowin ohci;

  • (a) Nêhiyaw pîkiskwêwin ka-kakwêcihkêmohk;
  • (b) âpacihtâwin êkwa ayamihêwâtisiwin ohci êkwânima pîkiskwêwin;
  • (c) nâspic nâkatohkêwina êkwa nitawêyihtakwanowin ohci Nêhiyaw mâmawihitowin, mâmawâyâwinihk ahpô ayisiyiniw êkwana âpacihtâw êkwânima pîkiskwêwin;
  • (d) ihtêskamikohk ita êkwânima pîkiskwêwin ka-âpacihtâhk; êkwa
  • (e) okimânâhk tasihkêwin ahpô sa pimohtêstamâkêwin ahpô natawêyihtâkwanowin êkwânima ta-kî-mêkinâniwik kâhcitinikêwin pamîstakêwina isi êkwânima pîkiskwêwin.

Note marginale : Nîsôhkamâkêwin

45.1  Awa Kihci-Onâkatêyihcikêw piko ta-kêhcinahow êkwânima Nêhiyaw okimânâhk êkwa kotak Nêhiyaw okimâhkânak êkwa Nêhiyaw mâmawohkamâtowina nahipayiwak asici êyikohk kwayaskwêyihcikêwin nahipayiwina kiki nîsôhkamâtowin isi kakêskwêwin osîhcikêwin ka-nîkânihk osîhtâwin ohci kwayaskwascikêwina sîpâ pâh-pahkîs 45.

Note marginale : Sîhkihkêmowina — Atoskêwîkamik sa mâmawapiwina êkwa itahkamikisôwina

46 Ôma Atoskêwîkamik ta-kî-osihtaw sîhkihkêmowina asici kihcêyimowin ta-

• (a) têpwâtamowin mâmawapiwina ohci Atoskêwîkamik, iyikohk ayisiyiniwak êkwânima ka-mâwasakôhitohk itahto mâmawapiwin êkwa isîhcikêwinthe isi kiko mâmiskôtamowina osihtaniwan; êkwa
• (b) pimipayihtâwin itahkamikisôwina ohci Atoskêwîkamik.

Note marginale : Sîhkihkêmowina — mawinêskâkêwin sôhkêyihtamowin êkwa pîtosêyihtamowina

47 Mamisîtotamowin isi piko tanika kwayaskwascikêwina ka-osihtahk sîpâ pîskihtâsinahikêwin 45(a), ôma Atoskêwîkamik ta-kî-osihtâw sîhkihkêmowina, asici sîhkihkêmowina ohci pimipayihtâwin, êkwânima pihkohtâw kihcêyimowin ohci mawinêskâkêwin sôhkêyihtamowin pamîstakêwina ahpô wâh-wâpahtamowin pîtosêyihtamowina

Note marginale : Sîhkihkêmowina — kîmôci-ayi

48 Ôma Atoskêwîkamik piko ta-astâw sîhkihkêmowina ta-kêhcinahow kîmôci-ayi ohci kiskêyihtamôhiwêwin ôma Atoskêwîkamik mamisîtotinâniwan ka-otihtikow pîhci paminikêwin ohci sa sôhkâtisiwina êkwa pamihtâwin ohci sa atoskêwina êkwa nâkatêyihtamowina.

Âsawi-tipêyimisowin Wâh-wâpahtamowin

Note marginale : Niyânan-askiy wâh-wâpahtamowin

• 49 (1) Pîhci niyânan askiy mwêstas êwako kîsikâw kiko ôma pâh-pahkîs ka-mâcihtân êkwa itahto niyânan askiy mwêstas êkwânima, awa Kihci-Onâkatêyihcikêw piko ta-itotahk pimipayihtâwin isi âsawi-tipêyimisowin wâh-wâpahtamowin ohci ôma Itasiwêwin, ohci sa nakatohkâtamowin mîna pamînamowin, ohci piko tânima nahêyihtowina ahpô nahawâscikêwina ka-osihtahk sîpâ pâh-pahkîs 9 êkwa itahkamikisôwina ohci Atoskêwîkamik. Ôma wâh-wâpahtamowin piko ta-pimipayihtâhk tipiyaw ahpô nîkâninikâsowin ohci Kihci-Onâkatêyihcikêw pîhci mâmiskôcikêwin asici ôma Atoskêwîkamik.

• Note marginale : Wîhtamâkêwin

  (2) Ôma tipiyaw ahpô nîkâninikâsowin êkwana pimipayihtâw wâh-wâpahtamowin piko ta-itisaham isi Kihci-Onâkatêyihcikêw wîhtamâkêwin atastâwin sa kîsihtâwina êkwa itêyimowina, asici

  • (a) piko tânima towihkâna êkwânima ta-kî-wîcihiwêw isi kaskihowin mawinêhikêwina ohci ôma Itasiwêwin; êkwa
  • (b) piko tânihi mêskotastâwina isi ôma Itasiwêwin êwako ohci, tastaw kotaka kîkway, sa itasiwêwina ahpô itahkamikisôwina ohci Atoskêwîkamik ahpô sa nahêyihtowina ahpô nahawâscikêwina ka-osihtahk sîpâ pâh-pahkîs 9

• Note marginale : Pîkiskwasôwêwina

  (2.1) Pâmwayês itisahamowin ôma wîhtamâkêwin isi Kihci-Onâkatêyihcikêw, tipiyaw ahpô nîkâninikâsowin êkwânima pimipayihtâwin wâh-wâpahtamowin piko ta-kakêskimiwêw asici nanâtohki Nêhiyaw okimânâhk êkwa kotak Nêhiyaw okimâhkânak êkwa nanâtohki Nêhiyaw mâmawohkamâtowina êwako ohci sa kîsihtâwina êkwa itêyimowina êkwânima ta-kî-kikinikâtêk pîhci ôma wîhtamâkêwin.

• Note marginale : Asastêwina pîhci Kihci-Okimâwikamikohk

  (3) Awa Kihci-Onâkatêyihcikêw piko ta-itotahk tâpasinahikan ohci wîhtamâkêwin ta-astêyik pâmwayês itahto Kihci-Okimâwikamik ispîhk ohci nistam 15 kîsikâwa kiko êkwânima Okimâwikamik apiwin mwêstas êwako kîsikâw kiko wîhtamâkêwin ka-otihtikohk.

• Note marginale : Kiskêyihtamôhiwêwin isi mâmawohkamâkêwak

  (4) Mwêstas astacikêwin, ôma wîhtamâkêwin itastêw ka-mâmiskôcikâtêk isi mâmawohkamâkêwak ohci Okimânâhk, Okimâwikamik ahpô nanapo Kihci-Okimâwikamik êkwânima ta-kî-nawasonikâtêw ahpô osîhcikâtêw kiki ayiwâkês itâpatisiwin ohci wâh-wâpahtamowin ôma wîhtamâkêwin.

Okimâwinahk Wâh-wâpahtamowin

Note marginale : Nisto-askiy wâh-wâpahtamowin

49.1  Mayâw ta-kî-pihkohtâhk mwêstas nistwâw kiskisiwin anniversary ohci êwako kîsikâw kiko ôma pâh-pahkîs ka-mâcihtân êkwa mwêstas itahto mwêstas nistwâw kiskisiwin, wâh-wâpahtamowin ohci ôma Itasiwêwin êkwa sa nakatohkâtamowin mîna pimipayihtâwin ta-mâcihtahk ohci mâmawohkamâkêwak ohci Okimânâhk, Okimâwikamik, ahpô nanapo Kihci-Okimâwikamik êkwânima ta-kî-nawasonikâtêw ahpô osîhcikâtêw kiki ayiwâkês itâpatisiwin.

Ka-Mâci-atoskêmâkahk

Note marginale : Sîhkihkêmowin opaminikêwak

^{Note de bas de page *} 50 Ôhi kwayaskwascikêwina ohci ôma Itasiwêwin kî-mâcihtân êwako kîsikâw ahpô kîsikâwa ka-nawasonikâtêk ohci Onîkânastamâkêw Okimânahk.