La Loi sur les langues autochtones en Mi’kmaq

La traduction en Mi’kmaq de la Loi sur les langues autochtones disponible sur cette page est fournie à titre informatif seulement et ne constitue pas une version officielle de la Loi. Les versions officielles et juridiquement contraignantes sont en français et en anglais et peuvent contenir des modifications qui ne sont pas reflétées dans cette traduction.

Sur cette page

• Ta’n teluwek
• Toqaqji’jk Teluwi’sik
• Ta’n teluwek
• Ta’n tel-lukwek wla Tele’k
• Koqwaja’tekemkewel wjit L’nu’isuti
• Teli’knaql,Tel-lukwet aqq Telkmi’aq Ministe’l
• Federalke’wokuml
• Wla Elt-lik Nikana’toq wjit L’nu’k aqq L’nu’isuti
• Amujpa Ma’jukwatasikl
• Newiti I’loqaptmk
• Parliamentary’ey I’loqaptasik
• Pisqwa’q Majukwata’sitew

Ta’n teluwek

Wla wikatikn kekuat’kek ta’n teli Kepmitetmitij L’nu’isuti aqq Koqwa’jataqn wjit L’nu’k wjit L’nu’esuti aqq koqoq wjit L’nu’k wla na mawi kepme’k wjit ta’n teli I’lamatultimk aqq koqwaja’taqn wjit ta’n tel wela’sitew Kmitkinu’kinu’k aqq ta’n tel nemitu’tij wasoqwek wjit Teliaqe’wey aqq I’lamatultimk Etl-lukwet ta’n na nikana’toq Kanatawey pisqwa’tutij aqq I’kansutasik;

Kla’mn Kaplno’l Kanata seawi we’we’n awatutew Mawtekl Nation-el eknuwatekek koqwajatekemkewel wjit L’nu’k ta’n teliaq aqq te’taputek wjit koqowey wesku’tasik wjit L’nu’isuti aqq kowowey L’nu’ey;

Weja’tekemk 2019 etel kekuwate’keksip Msit Mawita’mk jit Mawtekl Nation-el a wla na toq pun’qwek teluwitasik Wksitqamukewey newtipunqwek jit teli kepmite’tmitij Lnu’isuti aqq ma’w piluey kowowel l’nu’ey kla’mn mimajuinuk nemituta’q ta’n tel mawmuni owlalupni’k l’nu’k aqq tan teli nutaq pma’tasin, apija’tunew, aqq wesku’tasin L’nu’isuti;

Wla nike’ Kaplno’l Kanata nemitoq aqq amujpa kemitetk msit l’nu’k nenmitij aqq kejitu’tij alatutij koqwajataqn kisi implemente’watutew Mekite’lsimk qq ma’w teluek Kaplno’l alatu’tij l’nu’kKetloqoe’l tetpaqa’qewe’l wjit Kaplno’lewa’lsultimk emwow;

Teluwek L’nu’k L’nue’kati aqq Inuit aqq Métis alatuti’j nekmo’k wkti’juew ta’n tel nenujik, telolti’jik aqq ta’n tel mimajultijik aqq tel-lukuti’jik kis sa’q aqq maw kiskuk ne’kaw tel-lukuti’jik eweketu’tij maqmikemwow na nike’ Kanata;

Aqq Ma’w wla L’nu’isuti’l na maw tmk eteksp’n aqq e’weketasiksipn wla kmitkinukinu nike’ kanata aqq l’nu’isutil teli pilua’sikl ta’n tli punqwekl;

L’nu’isuti na mawi ketlamite’tasik wjit ta’n teli kisa’matultijik Ak’lasiew’k aqq L’nu’k;

Ketlamite’tasik ta’n teli apoqnmatmitij l’nu’k teli ika’natutij Kanata aqq ta’n teli ltu’tij Kanata ta’n msit wen kisi nemitu’tew teli kepme’k l’nu’k telo’ltitij aqq ta’n tel nutaq wjit sa’qewey Kanata;

Ta’n Kaplno’l teli ew’lalusi’k l’nu’k je me’ mita etek’epn nuji-kla’qa’taqetite’wk’l aqq prTele’kice’l, aqq me kowowey kutey kiseyuksin’k ke’kaji aja’lut se’k ika’lut aqq ta’n teluwitasik Asukom te’siska’q wesuwutqa’lujik aqq etelqatm’kewel kina’matnuokuml na ma’muni ewla’lut l’nu aqq kisa’toq l’nu keskaq ta’n teli l’nu’isit;

Aqq toq ta’n telpukuwik L’nu’isuti aqq L’nu’ey koqowey mu newt’e teltenuk wjit msit L’nu’ekati’l aqq maw ketlami’tetasik wjit nekme’wey aqq etek maw’minu apoqnmasuti wjit L’nu’k ta’n teli apja’tutij L’nu’isutimwow aqq weji melkik’newatasita’l;

L’nu’isuti na kepme’k aqq nuta’q mita nekmo’wey na keknuwa’tekek ta’n we’nultijik L’nu’k, ta’nwenultijik, L’nu’ey koqowey, Tel-lukwemk’emwow tel kepme’k aqq tel nuta’q mekite’tasin wjit sitqamu tel namitasik aqq tel ika’nal sit L’lnu Mekite’lsimk jit msit L’nu’k;

Aqq ta’n teli aqn’otmitij msit L’nu’isuti’l aqq siawi anko’taq aqq siawi apoqnmataq tan teli i’kanasin L’nu’isuti aqq maw enriche’watutaq L’nu’ey kejitaqn aqq maw naqatutaq l’nu’k ta’n teli entutij Tel-lukwemk sa’se’wa’sik, mimajuaqney-sa’se’wa’sik aqq ta’n tel ketme’tetaqatijik l’nu’k aqq koqowey ketmi’tetmitij;

Pe’kwelkl etekl Tel-lukwekl msit tami Kanata aqq alatutijl nuta’ql ta’n tli sea’watutaq ta’n teli L’nu’isultimk wjiapja’tmk L’nu’isuti melkiknewa’tmk l’nu’isuti aqq nutaq Kaplno’l Kanata wji seawa’tmk apoqnmasuti wjit mimajuinuk;

Aqq ma’w Kaplno’l Kanata el’witmasit apoqn’tew wjit suliewey wjit te’tapuamuk westawiasikl ewik aqq pita’qewey suliewey teli pisqwa’q wjit apija’tmk, aqq kel’otmk, elu’kwatmk aqq melkiknewatmk L’nu’isuti aqq koqowey l’nu’ewy;

Ke’sk L’nu’k mimajuinu’k na maw’klu’lk ika’luksinew nikana’unew ta’n apaji-ksuwa’tmk, il-mimjua’tk, maliaptmkl aqq melkiknewa’tmkl L’nui klusuaqnn;

Aqq ma’w L’nu’isuti media-iktuk aqq e’apjuewey kina’masuti aqq teli kina’matmk l’nu’isuti aqq maw kina’matunuwokum’l wjit L’nu’k amujpa ketmi’tetasik meta nuta’q wjit tan teli apija’tmk welowo’kek jit nekmewel L’nu’isut’l;

Aqq etek sipikk’ewik ankata’sik aqq ika’tutij aqq ika’tutij pilu’tek telapetmkl’l aqq koqowel nuta’titj L’nu’k aqq L’nu’ekati aqq nut’aql wjit piluwe’k l’nu’k, wutan aqq mimajuinuk aqq sa’qewey’emwow msit L’nu’k;

Aqq ma’w etek maw’muni nutaq kejita’sin ta’n teli pilu’tekl telapetmkl aqq nuta’kl wjit l’nu’k kisiku’k, nutqol’tijik mijuajij’k mimajuinuk ta’n nuta’titij apoqnmasuti, e’pitjik aqq ta’n wenin sa’se’wa’sik mimajuinuk aqq tapui’jijaqamij mimajuinuk;

Nike’ na elekewit aqq ma’w asite’taqn aqq apoqnmasuti wejiaq Senate-aq aqq Wenji’kuo’m ta’n Newte’tele’kl Kanata’wey etek wla

Toqaqji’jk Teluwi’sik

Note marginale : Toqaqji’jk Teluwi’sik

1 Wla Tele’k tel nenasi’tew aqq tel wejita’sitew elmiaq qwila’sik L’nu’isutil.

Ta’n teluwek

Note marginale : Koqowey wesku’tasik

2 Wla weskutasik wla Tele’k’iktuk.

Te’tapu Ministe’l

alatoq new’te teluwek Tepkistek ika’tasik 2 Ta’n na sulieweyey iknmuetmkewey Tele’k.

Nikana’toq

Telu’wek wla Nikana’toq wjit L’nu’isuti ika’tutij la’mek Tepkistek ika’tasik 13.

Federal’ey’ke’wokum’l

Wla na weskutasik wikatikniktuk aqq e’witasik wla ewikasik’l (a) misoqo (b) aqq (d) aqq keknuwatmk tel-lukwekiktuk etek tepkistek 2 Suliewey ta’n wejiq Tele’k kesna Eleke’watp’kewey weskutasik ankui-tepkistekiktuk 83(1) nekm’ewey Tele’k.

L’nu’ey Kaplno’l

telu’ek kouncil-aq aqq kaplno’l kesna piluwey kouncil-aq aqq kaplno’l wjit L’nu’el wuta’nkewel aqq mimajuinuk kutey e’wikasik, 1982.

L’nu’el Tel-lukwutijik’l

Wla na l’nu’el ta’n apoqnmuete’watasikl kowowel kesatmi’tij l’nu’k aqq Nasi-wikasit’emwaq kesna piluey tan kejitu’tij l’nu’ewy kesna piluewtek aq katu tan etek tepkistek 45, aqq etek pasik wjit L’nu’isuti.

L’nu’k

Na etek telu’isik kisi ika’tutij teluwek L’nu’k Kanata tet ankui-tepkistek’iktuk 35(2) Tel-wikasik’ey Tele’kiktuk, 1982.

Ministe’l

na Ministe’l wjit Kanata’wey Sa’qewey’kewey.

Elt-lik’k

wla na Elt-lik’k wjit Nikana’toq wjit L’nu’isuti aqq L’nu’ey etek lame’k aqq kisa’tasik tepkistek 12.

Note marginale : Koqwejataqn wjit L’nu’k

3 Wla na Tele’k kisa’tasik toqo kelo’tasikl tetpaqa’qewe’l’l wjit L’nu’k tan kisi kinua’lsultijik tepkistek 35 etek Tel-wikasik Tele’ki’ktuk, 1982, aqq mu aborgrat’ewinuk aqq derograt’ewik.

Note marginale : Pilu’tek kesna O’plamatultimk

4 Elmiaq pilu’tek kesna O’plamatultimk tek miwe’k wla Tele’ki’ktuk kesna geta’muatl wi’gatig wiaqtek maqmikewey kisa’matultimk aqq naqa’sik pilu’tek kesna O’plamatultimk.

Ta’n tel-lukwek wla Tele’k

Note marginale : Ta’n tel-lukwek

5 Wla telukwek Tele’k na wjit

• (a) Ta’n teli espite’tasik teli weketasik l’nu’ey l’nu’isuti, aqq maw l’nu’isuti wjit alapjit tli’suti
• (b) Apoqnmasuti wjit L’nu’k wjit teli apija’tmk, lukwa’tmk aqq tel melkikne’watmk L’nu’isuti aqq L’nu’ey kowoe’l
  • (i) Anka’ptasik ta’n teltek tplutaqn wjit pilu’tekl L’nu’isutil
  • (ii) Ika’nite’tmitij ta’n kis telukwutitaq wjit teli apija’tmk aqq kelotmk L’nu’isutil.
  • (iii) El’tasik technological-ey kinamasuti aqq koqowey nutaq aqq maw wjit lapjiw nastekemwal L’nu’k aqq maw nutmkewel wasoqitestasik e’el ta’n kisi we’soqatesmut puktaqi l’nu’isit aqq maw wikaqtikn ta’n kisatasikl kutey wi’katikn’l aqq lapjiw nastek’ek ewikasik mwaq L’nu’isuti aqq maw wi’katikn l aqq tel-wikasik’l L’nui’suti wjit aqq je me teli ankota’sik ta’n teli saputa’sik L’nu’isuti,
  • (iv) apoqnmatmn L’nu’isuti kekinamasimk aqq tel-lukwtijik -maw klusuaqn-el nest’l apoqnmasuti mentori’ktuk aqq maw Pitkmalsimk kisitasik’l -wjit apoqnmasuti tan tel wenaqsik tesit wen l’nu’isit wen aqq saq L’nu’isit,
  • (v) Apoqnmatmn koqowel etekl wjit L’nu’isuti aqq
  • (vi) amjupa ikna’toq kwilm’k kina’masuti aqq koqowey wjit L’nu’isuti.
• (c) I’kanlukwet wen wjit telitasik ta’n teli ika’natmk koqowey klam’n wen kisi kejitasitew tetpaqa’qewe’l E’l wjit l’nu’k ta’n kejitutij koqowey wjit L’nu’k ta’n telatu’jik kowowey aqq kisa’matultimk etekl wla tepkistek’k 8 aqq 9.
• (d) I’latmkl klamn kisi ika’natmkl espaptasikewe’l’kl aqq tetapuamukl pit’aq ta’n wejiaq suliewey wjit i’lisuwatmk elukwatmk aqq melkiknewatmk koqowey wjit L’nu’isuti;
• (e) Ika’natun toqi-lukwutimk wjit provincial-ey aqq maqmikeweyal’ey kaplno’l aqq pilue’l l’nu’i kaplno’lkewey. L’nu’el Tel-lukwutijik’l aqq pilue’l wjit consistente’wikl wjit l’nu’ey aqq maw we’kwa’mk’l wjit l’nu’k kaplno’l aqq provicial-ey aqq maqmikewey’sl;
• (e.1) Ika’natmk kelu’kl lukwaqnn’l wjit L’nu’i kaplno’l aqq pilue’l kelukwl lukwaqnn’l wjit L’nu’el kaplno’l aqq ika’natmk l’nu’ikaplno’l aqq Tel-lukwutijiks’l wjit teli maw luk-utimk wjit telitm’k nuji-kla’qa’taqetite’wk'l wjit kelukw koqowey wjit eltasikment etek wjit teli ika’natmk wla Tele’k;
• (f) Jikstmk aqq weskutmk Teliaqewey I’lamatultimk Etl-lukwet ta’n na nikana’toq Kanata pisqwatmk wjit Tele’kmawkitjemkewel 13 misoqo 15; aqq
• (g) Jikstmk aqq weskutmk poqjilugweg wejiaq Mawtekl Nation-elkewey poqjilugweg wjit koqwajatekemkewey wjit L’nu’k ta’n teli weskutasik L’nu’isuti.

Koqwaja’tekemkewel wjit L’nu’isuti

Note marginale : Nemitu’tij Kaplno’l Kanata

6 Kaplno’l Kanata nemitoq’l aqq ketmite’tkl Koqwaja’tekemkewel wjit l’nu’k aqq nemitoq aqq kejitoq etek tepkistek 35 wejiaq Tel-wikasik Tele’k’iktuk, 1982 wiaqtek koqwaja’tekemkewel wjit L’nu’isuti wjit msit l’nu’k.

Teli’knaql,Tel-lukwet aqq Telkmi’aq Ministe’l

Note marginale : Pipanikesultijk — te’taputek, sustainable’ewik aqq Pitaq ta’n suliewey wjiaq.

7 Minste’l amujpa etel’ewokutijik pilu’ek l’nu’k aqq kaplno’lemwal aqq pilue’k l’nu’el kaplno’lkewaq aqq l’nuk ta’n kisi ikautaq te’taputek, sustainable’wik pitaq ta’n apanketasik wjit teli apjisuwatutij i’latutij anko’tasik aqq melkiknewatmk l’nu’isuti aqq koqowel.

Note marginale : Ma’wlukutimk wjit L’nu’isuti

8 Ministe’l kisi ma’wlukutimk wjit provincial-ey maqmikeweyalke’wel kapl kisi ma’wlukutimk provincial-ey maqmikeweyal kaplno’l kesna piluey l’nu’ey kaplno’l, l’nu’el kesna pisqwatumk kisamatultmk wjit ta’n teli apoqnmatmitij kinamasuti wjit kina’masuti, wele’uti aqq ma’wlukutimk mnaqaj aqq kisa’matultimk kesna pilue’l Tel-lukwekl’l- Ma’w wiaqu te’s pisqwatu kisa’matultimk’l kesna ta’n telukutitaq wjit l’nu’isuti’el kinamasuti’l aqq apoqnmasutii’l weleyuti’l aqq iknmuetmkewey wjit ilsutekemk- wjit ika’natmk mnaqa aqq ta’n kis teli weli apoqnmwaten L’nui’suti’l Kanata aqq apjiw wik koqwajatekemkewel tepkistek 35 wjiaq Tel-wikasik Tele’k, 1982 aqq ta’n teliknaq aqq we’kwa’mks’l L’nu’ey kaplno’l aqq maw province’l aqq maqmikeweye’l.

Note marginale : Kis’amatultimk aqq kesna te’taputekewey — Tel-lukwek wla Tele’k

9 Kejitmk ta’n teli awiji’jit’ewik ta’n telasik aqq nutaq’l wjit L’nu’k, wutan aqq mimajuinuk aqq ta’n teli kwilamitij kina’matimk wla tepkistek 24 aqq maw tan teli tetaputek koqwajatekemkewl wjit l’nu’k aqq nemitasik aqq kejitutij tepkistek 35 Tel-wikasik Tele’k, 1982 aqq ta’n teli knaql ta’n l’nu’k we’kwa’mks’emwal aqq kapl no’lkewel aqq msit province’l aqq maqmikeweye’l ta’n, Ministe’l aqq te’tapupit Ministe’l kisi pisqwatew kis’amatultimk kesna te’taputekewey wjit ika’natmk wla Tele’k provincial-eyi’ktuk kesna maqmikeweyal’iktuk kaplno’l aqq L’nu’ey Kaplno’l kesna L’nu’el Tel-lukwutijik’l se’k.

Note marginale : Pilue’l Kisa’matultmkl

10 Wjit pilue’l kisa’matultimkl tepkistek’l 8 aqq 9, aqq me’ koqowey kisa’matultijk wjit na tepkistek’l mu kisi telte’tasinuk weji naqa’lut

• (a) Wjit ta’n pasik mimajuinu kesna elita’suwatk wukjia’n espaptasikewe’l’k wejiaq ta’n teli apaji’tetaqn, apaji’mimajuwatmk, luk-watmk kesna mlkiknewa’tmk L’nu’isuti aqq ma’w etek natawitpluteget qq ma’w maqmikew we’suwatmk kisa’matultimk -kesna kisa’matultimk -Kaplno’lewa’lsultimk’ey kisa’matultimk; kesna
• (b) L’nu’ey kaplno’l kesna l’nu’i kaplno’lkewey wjiaq aqq pisqwaq, kaplno’l Kanata kesna kaplno’l province’ey kesna maqmikewey’kewey, treatyi’ktuk -aqq ma’w maqmekew’ey kisa’matultimk -kesna Kaplno’lewa’lsultimk’ey kisa’matultimk ta’n ikna’matk aqq je’me’, wjit mlkiknewa’tmk L’nu’isuti aqq ma’w etek treaty- aqq ma’w maqmikew we’suwatmk kisa’matultimk -kesna kisa’matultimk - Kaplno’lewa’lsultimk’ey kisa’matultimk.

Federalke’wokuml

Note marginale : Me’snmk apoqnmasuti wjit L’nu’isuti

10.1 Federal’ewokum kesna ta’n nujot’kl toqo etek’l wjit ta’n tela’sik aqq ikn’amataq apoqnmasuti L’nu’isuti elmiaq wla o’kum kesna nujo’tk amujpa alatoq tepi’aq kis tlate’ken aqq tepiaq etek teli puwa’tmitij asite’taqn wjit na najitgo’tg’l wjit na l’nui’suti.

Note marginale : Ki’samatultimk aqq ta’n tel-lukitaq

• 10.2 (1) Kis’amatultimk kesna ta’n tel-lukutitaq kisi pisqwa’tutaq wjiaq la’mek tepkistek 8 kesna 9 wjit asite’lman federal’kewokum kesna nujot’mitij koqowey wjit L’nu’isuti aqq L’nu’ey koqowey.

• Note marginale : Mu’tetapute’nuk kesna O’plamatimk

  (2) elmiaq katu etek koqowey mu’tetapte’nuk kesna O’plamatimk wjit kowowey weskutasik ankui-tepkistek’k (1) aqq ta’n nuta’q tlasin kisitu’tijil etek’l la’mek wikatikniktuk 45 (1) (a.2), aqq kisa’matultimk kesna i’lamatultimk seaw’asik mu’tetapute’nuk kesna O’plamatimk.

Note marginale : Kewaskiwe’kaqn aqq Kewas’kewoket

11 Federal’ewokum kisa’tutew

• (a) Ta’n pasik wikatikn la’mek kisi kewaskiwektn ta’n pasik l’nu’isuti kesna
• (b) Kewaskeokemk etek wjit l’nu’isuti wejiaq federal’kewokuml ta’n tel-lukutijik.

Wla Elt-lik Nikana’toq wjit L’nu’k aqq L’nu’isuti

Nuji lukwetimk

Note marginale : Kisa’tutij Elt-lik’etek

• 12 (1) Kisa’tutij Elt-lik’etek tel nenasitew Elt-lik wjit Nikana’toq wjit l’nu’isuti,eyk maw Nikana’toq aqq je tlia nesijik ika’nusk.

• Note marginale : Telpukuwik

  (2) Wla elt-lik’k mu kela’qa’tikete’w Elekewit tetaputek Kanata kesna mu Tel-lukwekl wejiaq Suliewey We’jiaq iknmuetmkewey ewey Tele’k, aqq Nikana’toq, Ika’nus aqq luk-owinuk mu wiaqpultik wla federal’kewey iknmuetmkewey’ktuk.

Note marginale : Ta’n teli meknu’t Nikana’toq

13 Weji’aq kinuataqn Ministe’l kisa’toq telimqa’sek Ministe’l kisi tluwokutijik pilue’l l’nu’el kaplno’l aqq piluek l’nu’kewey kaplno’lkewel aqq pilue’k l’nu’k Tel-lukwutijik’l aqq ta’n Kaplno’l eyk Kouncil-aq aqq ta’n ksis ika’latl Nikana’toq wjit L’nu’isuti’l tan kisi klnetew elt-lik elmiaq wel’lukwet pasik aqati’punqwek aqq mu piamasinuk nani’punqwek aqq kisi menala’ten wen elmiaq nuta’q kesna mu wela’sinuk.

Note marginale : Ala’tun tetpaqamu’k apoqnmasuti

13.1 Ministe’l na kisi ika’tutew tetpaqamu’k apoqnmasutiey klamn kisi apoqnmwatal wjit mnuaqaluksin Nikana’toq’al.

Note marginale : Nuji Ika’natoq aqq ika’n Alsu’sit

14 Nuji Ika’natoq aqq ika’n alsu’sit nujot’k aqq alatoq koqwajataqn aqq alsu’tk ta’n telasik na Elt-lik aqq ta’n koqowey wiaqtek ta’n tuju nujotmk na telamuk Elt-lik.

Note marginale : Nikana’toq mu amu’k kesna mu kisi lukuwatmuk t’lukwaqn

15 Elmiaq katu Nikana’toq mu amuk kesna mu ksia’tuk wtlukwaqn aqq Nikana’toq mu amuk, Ministe’l na kis ika’latal na’tuwen ta’n ika’natutew Nikana’toq’kewey wjit 90 nakwekl pasik amujpa alatoq asitetaqn wejiaq Kaplno’l eyk kouncil-aq’iktuk aqq alatoq kelukw kinu’wataqn wejiaq pilu’el L’nu’el kaplno’lkewel aqq pilu’el L’nu’kewel kaplno’lkewel aqq l’nu’el Tel-lukwutijik’k ta’n tel mila’mukl etek msit tami.

Note marginale : Ta’n telikalut Ika’nus

• 16 (1) Amujpa wejiaq kinuwataqn Ministe’l aqq kis ap Ministe’l kis tluwistutijik piluek l’nu’k aqq pliuey L’nu’ey Kaplno’l aqq L’nu’el kaplno’lkewel wejiaql mila’mukl L’nu’el Tel-lukwutijik’k aqq Kaplno’l eyk Kouncil-aq kis ika’lut je tlia nesijik ika’nusk ta’n kisi’etaq elt-lik wjit punwek mu piama’suk nani’punqwek.

• Note marginale : Ta’n kowowey kelukw wjit L’nu’k aqq, Inuit and Métis

  (2) Keskmnaq pisqwa’nuk koqowey telimuksinn’k la’mek ankui-tepkistek’k (1) Ministe’l amujpa ajiamkatekl kowowey teuluwek wjit ta’n teliaq wjit Kaplno’l eyk Kouncil’aq ika’latal mimajuinul ta’n alatoq tepaqamuk kina’masuti ika’n pukuwin wjit L’nu’k, aqq Inuit aqq ma’w Métis.

Note marginale : Apaji’ikalut

17 Nikana’toq aqq ika’nusk kisi apaji’ikalut tapu’ewey kesna piluey jiptuege’l elt-lik’k.

Note marginale : Ta’lpukuwik

18 Nikana’toq aqq ika’nusk na ika’lutjik lukutinuew newitikiskik.

Note marginale : Ta’n teli apankatut

• 19 (1) Nikana’toq aqq ika’nusk na tli apanktuwaten ta’n teluek Kaplno’l eyk Kouncil-aq.

• Note marginale : Ta’n teli apankatut aqq ta’n eliaq suliewey

  (2) Nikana’toq na apjiapanktuwaten wjit ta’n tet wejiet aqq maw kowowey apanketk ta’n tuju ala’sit aqq elukwet ta’n tuju mu amuk Nikana’toq tet etel lukwet. Ika’nusk na apjiapankatuwaten koqowey ta’n tuju se’k eyk ta’n tuju mu amuk te’ow ta’n tet wi’kit.

Note marginale : Lukowinuk

20 I’kanlukutijik Elt-likkewaq kisi ika’latetal ta’n pasik wen’l nuta’titij klamn kisi tlukwetew pmatun ta’n teliaq kowowey Elt-lik’k aqq ta’n wenik tlukutitaq mimajuinuk aqq ta’n telamuk lukwaqnmwow, aqq ma’w netutmat’k aqq wejiwelapesit.

Note marginale : Elmi’aq etek ejala’toq

21 Nikana’toq, ika’nusk aqq lukewinuk wjit Elt-lik Englishamujpa inconsistentewik wktlukwaqnuwal kesna mu kis wi’aqalsik koqowey ta’n etek Elt-lik’k aqq ta’n etek nate’l interest.

Note marginale : Ika’ntek Elt-lik’k

22 Elt-lik ika’ntek elt-lik na etek National-ey Amskwesewey maqamigew ta’n teli wes’kutasik aqq e’wekasik wjit National-ey amskwesewey Tele’k, kesna se’k Kanata ika’tmk wjiaq Kaplno’l eyk Kouncil-aq.

Ankuiknmut Nuta’ql aqq teliknaq, Telukwet aqq Teliaq

Note marginale : Ankuiknmut Nuta’ql

• 23 (1) Wla nuta’ql na wjiaq Elt-lik na wjit

  • (a) Apoqnmasuti wjit L’nu’isuti
  • (b) Apoqnmasuti wjit ta’n teli apoqnmujik l’nu’k wjit apaji’ksuwatunew, i’latunew, pm’lukwatmnew, aqq melkiknewatunew L’nu’isuti’l;
  • (c) Ika’natmkl ta’n teli ila’tmkl o’plamatultimk aqq i’loqaptmkl mu’weltetaqn wjit ta’n peiaq wla Tele’k;
  • (d) Pekisitumk kinuwa’taqn aqq nestuoqn wjit ketmi’tetaqn wjit;
    • (i) Wiaqatmk aqq teli knaq’l L’nu’isuti’l aqq teliknaql l’nu’isutil
    • (ii) Mu kisi tepkisatmit L’nu’isuti aqq se’k ta’n Tel-lukwemk’l l’nu’k msit tami aqq wjit ta’n tett eykik l’nu’k mimajuinuk,
    • (iii) Ta’n teli i’lsutasik kowey wjit l’nu’k aqq wjit telasik l’nu’isuti,
    • (iv) Koqwajatekemkewel wjit l’nu’k aqq l’nu’isutil, aqq maw wjit msit mimajuinuk,
    • (v) Ta’n teli mamuni ewlaluji’k l’nu’k wejiaqsip ketu aklasiewal’ujek l’nu’k aqq kaplno’lkewel tel wi’kasikl wjit l’nu’k aqq l’nu’isutil’k aqq ta’n teli koqwjatekek, aqq
    • (vi) Ta’n mu keluknuk wejiaq sa’se’wa’sik aqq penoqitetaqn kaplno’l kisatopn wjit l’nu’k aqq ta’n kis tel wekatasital koqwajataqn; aqq
  • (e) Ta’n tel nutaq lukutimk wjit apiksiktuwaqn wjit l’nu’k aqq ta’n tel ika’tasikl kaqsmilamukl telitasik’l aqq ma’w e’weketasik technology’l wjit L’nu’ey kina’masuti aqq teli wji apijatmk aqq maw lukutimk piluey L’nu’el kaplno’l aqq piluey L’nu’ey Kaplno’lkewel koqowel etekl Kaplno’l Kanata aqq provincial-ey aqq maw maqmikeweyal kaplno’l.

• Note marginale : Kinu’watekek aqq Ta’n tel kemiaq

  (2) Ta’n tuju kisa’tmk nuta’ql, na Elt-lik’k amujpa ta’n te’taputek kinu’watekek aqq ma’w ta’n tel kemiaq l’nu’k amujpa ika’n kinuatujik, provincial-ey kesna maqmikeweyaley etek Tel-lukwekl ta’n nujot’k teli weskutasik, apijatmk, i’latmk kesna ika’tmkl l’nu’el l’nui’sutil.

Note marginale : Kwilm’k kesna kina’masuti

• 24 (1) Elt-lik na jiptuk kisi ika’tutew ta’n tel kwilm’k kesna ika’tun kina’masuti wjit

  • (a) Ta’n tel ika’tmk suliewey wjit ta’n teli apoqnmut l’nu’isutil kesna
  • (b) Ta’n tel wekatasikl l’nu’el l’nu’isutil kanata aqq maw wjit wji kejitmk ta’n teken aqq weji nenmk’l l’nu’isutil aqq wji apijatmkl aqq siaw klo’tmnew na l’nu’isutil.

• Note marginale : Wutan’ey I’loqaptasik

  (2) Ta’n teli kwilamitij kina’masuti etek wikatikn (1)(b) aqq ika’toq wutan’ey i’loqaptasik katu amujpa sapatutij l’nu’ey wutan ta’n wejiaq i’loqaptasik.

• Note marginale : Ta’n etek — Kwilmk kesna kina’masuti

  (3) Elt-lik’k amujpa eltutij ta’n kowowey wejitutij kesna kina’masuti ta’n wejiaq aqq etek ankui-tepkistekiktuk (1) etek wjit L’nu’k aqq wutan, l’nu’ey ta’n kisi ika’natoq ta’n kwilmk aqq kina’masuti. Aqq ta’n wejitutij Elt-lik’k amujpa maw e’wikik ta’n koqowey e’weketasik kesna we’jitasik wjit na kwilmk kesna ta’n koqowey etek l’nu’ey kaplno’l kesna l’nu’ey kaplno’lkewey l’nu’el Tel-lukwutijik’l.

• Note marginale : Napukwasik kesna mu awtinuk

  (4) Elt-lik amujpa saputatew L’nu’ey wutan, L’nu’ey kaplno’l kesna l’nu’ey kaplno’lkewey wejiaq kesna napukwasik kesna tan kwilasik kesna kina’masimk mu apankatmit wjit ta’n teli apajatmk, i’latmk, seawatmk aqq melkiknewatmk L’nu’isutil. Aqq ujit ta’n pasik teplutaqn ta’n Elt-lik’k amujpa saputa’toq ta’n pasik wikatikn ta’n e’weketasik wjit kwilmk kesna kina’masuti na amujpa napukwasitew kesna wekatasik l’nu’ekati, l’nu’ey kaplno’l kesna piluey L’nu’ey kaplno’lewey kesna L’nu’ey Tel-lukwutijik toqo mu awtu’kwek wjit nekmewey.

Note marginale : Apoqnmasuti wjiaq Elt-lik’k

25 Wejiaq ta’n tuju e’tawaqtaqn wjit L’nu’ey wutan kesna L’nu’ey Kaplno’l kesna piluey L’nu’ey kaplno’lkewey wejiaq Elt-lik na kisi ika’tutew apoqnmasuti wjit wutan kesna L’nu’ey Kaplno’l kesna piluey L’nu’ey Kaplno’lkewy wji apajatmk L’nu’ey L’nu’isuti, aqq maw wjit

• (a) L’tutij i’pjuewey ewikasik’l ta’n etek L’nu’isuti aqq maq jikstmkewey aqq wesoqatesmut wen aqq maw e’wikasik l’nu’ewy wjit aqq wjit me’ kowowey teli i’latmk aqq seawa’tmk;
• (b) eltutij nenmk aqq majukwatmkl wjit napukwatijik aqq napukwataqatijik;
• (c) ika’natutij kwilmk aqq kina’masuti aqq wutan’ey wejitasik kelamitetasik ta’n tel weketasik l’nu’isutil;
• (d) l’tmk aqq ika’natmk’l ta’n kisi teli apija’tmk, i’latmk, siawatmk aqq melkiknewatmk l’nu’isuti; kesna
• (e) Maw lukutimk Kaplno’l Kanata kesna provincial-ey kesna maqmikeweyal’kewel Kaplno’lkewel wjit teli ika’tmk tel-lukwemk etl kelukw’l ta’n tel kina’masuti l’nu’isutil.

Note marginale : A’tmwemkewel aqq wji i’latmkl

26 Wjiaq L’nu’ekati aqq L’nu’ey Kaplno’l kesna piluey Kaplno’lkewey etek L’nu’el Tel-lukwutijik E’l kesna Kaplno’l Kanata, Offic na i’katutew apoqnmasuti kutey lka’isimk kesna pilu’ey l’nu’ey koqowey wjit kisi i’latmk a’tmaqn etek wjit.

• (a) Etek weju’pemk wjiaq ta’n teken welqatmk tan etek koqowy wjit L’nu’el l’nu’isutil la’mek kisa’matultimk etek aqq ika’natoq Kaplno’l Kanata.
• (b) Suliewey etek wjiaq Kaplno’l Kanata wjit paisk l’nu’ey aqq l’nu’isutil ;
• (c) ta’n wejiaq koqowey Kaplno’l Kanata aqq amujpa’l la’mek wla Tele’k; kesna
• (d) Ta’n kisa’tmk wjit Kaplno’l Kanata aqq ta’n tel saputa’sikl aqq etekl wjit L’nu’el aqq L’nu’isutl.

Note marginale : I’loqaptmi’tij wen atm’wet

• 27 (1) Nikana’toq na kisi ikatutew I’loqaptm’k wjit wen atm’wet kis ikatoq L’nu’ey Kaplno’l kesna piluey L’nu’ey Kaplno’lkewey aqq L’nu’ey Tel-lukwutijik kesna L’nu ketlamitetasik wjit koqowey wikatikn 26 (a) misoqo (d).

• Note marginale : Ki’satmk wikatikn

  (2) Ta’n tuju kisa’tasik i’loqaptasik na Nikana’toq amujpa el’toq wikatikn aqq e’wikasik koqowey nekem kisitetk nutaq.

Note marginale : Ta’n Te’sik, Koqwejataqn, Teliknaq aqq Koqwejataqne’l

28 Elt-lik alatoq tepiaq koqwejataqn teliknaq aqq Koqwejataqne’l wjit

• (a) piskwan Tele’k’l
• (b) alatmk aqq ke’lnamin aqq ji’kalatun ta’n koqowey alsutasik kesna inaqney alsutasik kesna lease’ewatasik maqmikew’l aqq
• (c) kisi sue’ewalut aqq sue’ewateket.

Note marginale : Telimut tela’tekn

29 Nikana’toq na kisi telimatal ta’n pasik Etl-lukwet ta’n na nikana’toq ta’n telukwet aqq la’mek wla Tele’k wjit ta’n pasik ika’nus kesna lukewinu eyk Elt-lik’k aqq kisi pliua’sitew ta’n teli tasit Nikana’toq.

Note marginale : Ta’n teltepiaq tettuet’l

30 Mu etenuk kesna piluey koqowey ta’n Nikana’toq, ika’nus kesna lukewinu wjiet elt-lik’k kesna mimajuinu wjit Elt-lik wjit koqwy nuta’q lukwatasin keluk wejiaq aqq wjit kisa’tasik kesna ta’n teli i’loaptasik aqq we’jiaq aqq weja’tasik wla Tele’k.

Suliewey A’qanotasik

Note marginale : Suliewey’ey punqwek

31 Elt-lik na suliewey’ey punqwekm na poqjiaq Penatmuiku’s 1 aqq kaqiatew Si’ko’ku’s 31 piluey kisi punqwek.

Note marginale : Ta’n Suliewey eli’aq

32 Wjit ta’n teliaq Wisawsulieweyey tel-lukwutijik kewaq i’katutaq aqq Elt-lik kisi ankua’tew kesna nuta’ql’watutew ta’n tuju etek suliewey punqwek wjiaq ta’n etek teliaq.

Note marginale : Lukwaqney kisitasik plan’l aqq tel’awtik etek

• 33 (1) Elt-lik na amujpa ika’toq Lukwaqney kisitasik plan’l wjit e’tasu suliewey punqwek aqq amujpa pisqwa’toq Ministe’l

• Note marginale : Telapta’sik aqq koqowey etek Lukwaqney kisitasik plan’iktuk

  (2) Elt-lik Lukwaqney kisitasik plan’ml amujpa etekl msit Elt-lik l aqq ta’n teliaq aqq amujpa etek ewikasik’l

  • (a) Elt-lik ta’n teli nuta’qlwit;
  • (b) Elt-lik etk’l tel-lukwemk’l wjit suliewey’ey punqwek aqq ni’katoq ta’n teli ika’toq’l tel-lukwemk’l aqq
  • (c) Elt-lik ta’n teli skmalut telukwen wjit suliewey’ey punqwek.

• Note marginale : oqoewy etek Telawtik’iktuk

  (3) Elt-lik’k wejiq telawtik amujpa wi’aqtek kinu’wataqn wjiaq ta’n tet suliewey eli’aq Suliewey punqwek.

• Note marginale : Ta’n telukutijik aqq ta’n e’wikasik

  (4) Elt-lik’k amujpa wjiaq ta’n telukutijik newitipunqek aqq amujpa etek ma’w Lukwaqney kisitasik plan’l wjit na punqwekl

Note marginale : Wikatikn aqq koqowel

• 34 (1) Elt-lik na amjpa amkatkel wikatikn ta’n tet suliewey eliaq aqq amujpa mnaqa anko’tasik aqq koqowey ketu kejitun.

• Note marginale : Koqowey nuta’q

  (2) Wikatikn aqq koqowey etek ankui-tepkistek’iktuk (1) amujpa etek aqq anko’tasik ta’n kisi etek te’taputek nekmewey.

  • (a) Elt-lik apoqnmwet wjit teli klotasik aqq anko’tasik;
  • (b) Ta’n tel saputa’sik koqowey ksia’tasik wjiaq wla Tele’k;
  • (c) Ta’n suliewey’ey, mimajuaqn aqq mili etek wikatikn aqq ketu kejitun wjit weji-mimajultijik’el. aqq koqowey etek wjit ketu kejitun.
  • (d) Ta’n telukimk kisatutij minaqa.

• Note marginale : Lami’kumk wjiaq asomaptmk

  (3) Elt-lik na kisi ika’tutew lami’kumk wjiaq asomaptmk aqq Elt-lik koqowey wji’aq nutaq sapu’tasin aqq amujpa mjukwat maw ankui-tepkistek’k (1) aqq (2)

• Note marginale : Ta’n wjiaq suliewey

  (4) Elt-lik amujpa kiskajatoq ta’n suliewey wejiaq aqq sputa’sik aqq na sapasi’tew ta’n etek’l te’sekiing’el teltek’k.

• Note marginale : Wikatikn ta’n wjiaq suliewey

  (5) Elt-lik wjiaq suliewey aqq ta’n etek ewikasik’l amujpa kiskajek etek’l teltek’el telukwekl.

Note marginale : Newitpunqwekl suliewey wjiaq

• 35 (1) Elt-lik amujpa etek ta’n wjiaq suliewey amujpa kiskajatmk wjit suliewey wjiaq wikatikn etek te’sek’ewik kejita’qn nuta’q wjit ta’n teli i’loqaptasik ankui-tepkistek (3).

• Note marginale : Koqowey etek

  (2) Wi’katikn amujpa aqq, maw’ he Ewikasik miamujpa,

  • (a) Wiaqtek tepkistek aqq maw etek piluewey teluewk Elt-lik’kewey wiaqtek aqq tepkistek ewikasik ta’n etek Elt-lik’k teli Asoqmaptikete’w’k
    • (i) Suliewey’el wikatikn etek’l aqq pisquatasikl minaqa aqq te’taputekl wjit ta’n teluek wjit teltek’k aqq koqowey ika’tutij toqo te’taputekl wjit ta’n kisi tla’siksip newtipunqwek ki’s pemiaq;
    • (ii) Meskik’l suliewey’el wikatikn etek’l minaqa aqq te’taputekl kisatasik wjit ta’n teluek wjit ta’n koqowey ika’tutij toqo te’taputekl wjit ta’n teliaqwjit newtipunqwek, aqq
    • (iii) Ta’n Etl-lukwutimk telawtikl ta’n ika’ql ta’n na iloqaptiket ewikasik ta’n na teltek ula ta’n iloqaptiket wetnu’kwatmk ukjit ta’n ewikasik ta’n te’wi ketnasik ta’n majulkwatmk elt ula Tele’k; aqq
  • (b) I’kaqtu kejitmk wjit piluey ta’n nisiaq aqq nimitmk wjiaq Asoqmaptikete’w’k kisa’toq wikatikn ta’n etek maw nekm telita’sit aqq ta’n nutaq tlten aqq amujpa nemitoq Ministe’l.

• Note marginale : Asomaptmk wjiaq apje’jik

  (3) Ministe’l na jiptuk nuta’tew koqowey ta’n kisi wejitutew koqowey wjit la’mek wikatikn (2) (a) kis asomaptmk’ewalaten.

• Note marginale : Teli I’knmut Ministe’l

  (4) Elt-lik amujpa pisqwa’toq Ministe’l aqq kisa’tasik suliewey’l wikatikn aqq ketlamite’tasik wjiaq 90 na’kwekl aqq kaqiaq na suliewey punqwek.

Note marginale : Menaq’ej teli iloqaptasik

• 36 (1) Amujpa nutaq Ministe’l aqq Elt-lik nuta’q maw-klu’lkewey iloqapimk aqq nutaq wjit teli siawasik’l trans Tele’kion’el aqq ta’n tel lukwemk kalamn kisi i’loqaptetaq wikatikn, ewikasik’k te’la’tutij etek wla tet tepkistek 34 ta’n etek tan nuji i’loqaptek kelo’tk aqq weli pematasik aqq te’taputekl koqowel nutaql wjit na tepkistek.

• Note marginale : I’loqaptek

  (2) Wla te’taputek teli i’loqaptasik na amujpa siawatuitew wjiaq Elt-lik’kewey Asoqmaptikete’w aqq maw minist’l ta’n teluet new’te aqq amujpa siawasin wjit special’k aqq Ministe’l amujpa ke’nek kinuwa’tuwatal Nikana’toq’l aqq te’tapu l’taqtek aqq etli ilamatl etek aqq siawasin.

• Note marginale : Ta’n tlasitew

  (3) Kes’kmnaq se’awatun wla ilamatl ta’n nuta’tew ilamatl’k nutaq pisquatun ikanita’suwaqn wjit ta’n teli i’loqaptasitew aqq ma’w wiaqtetew wikatikn ta’n wesku’tk koqowey nuta’q wiaqten wjti iloqaptiket’kewey kisi tla’sitew wjit Nikana’toq.

• Note marginale : Ta’n tela’tasik wjit internal’kewey asomaptmk

  (4) Ta’n wen tela’toq amujpa tepawtik’ewik aqq elita’suatk lami’kumkewey asomaptmk kisa’tasin la’mek ankui-tepkistek 34 (3).

Note marginale : Ta’n we’n kisa’toq iloqaptiket kis wikik

• 37 (1) Amujpa ta’n wen tela’toq angapt’g’k kisa’toq ta’n tuju wla iloqaptiket’kewy pisqwatoq wikatikn wjit koqowey wejitoq aqq maw ik’nmuwaj Ministe’l aqq ma’w Nikana’toq.

• Note marginale : Koqowey e’wikasik

  (2) Wla angapt’g’kewy wikatikn wi’aqtek

  • (a) Amujpa etek wikatikn teluek angapt’g’wey klusuwaqn te’taputekl wjit ta’n koqowey wejiaq etek ankui-tepkistek 34(2) aqq ma’w tetpaqtek aqq mu etenuk’l o’pltekl aqq ma’w teltek ta’n kisi i’loqaptasik; aqq
  • (b) wikatikn ta’n etek wjit angapt’g’kewey etek aqq el’itasuwatk wjit lami’kumkewel asomaptmk’l.

• Note marginale : Ta’n teli’ikatmk Wikatikn

  (3) Elt-lik amujpa telimqasek kisi tlatekek telimaqsek Nikana’toq mesenk wikatikn, nutaq amkamiew nasa’tun esikasik’kisatoq website-iktuk’iktuk.

Note marginale : Welteskut wla Asoqmaptikete’w Msit mawita’mk

38 Elt-lik aqq Asoqmaptikete’w’kewy kesna ta’n wen i’loqaptek kisi Koqwejataq’n wjit ta’n teliaq Asoqmaptikete’w’kewey Msit mawita’mk Kanata ta’n koqowey wejiaq kesna weskutasik wla asomaptmk’iktuk aqq i’loqaptasik.

Note marginale : Koqwqjotaqn wjit

• 39 (1) Ta’n teli e’tawet wjit Elt-lik Asoqmaptikete’w kesna i’loqaptmk ta’n etek kesna Nikana’toq’el Ila-kwenawete’w’k aqq lukewinuk wjit Elt-lik amujpa ika’tutij emsit koqowey kejitutij aqq weskutmitij aqq iknama’tmitij naqamaspit wjit ta’n pasik koqowey wjiaq Elt-lik kutey wikatikn, ewikasik’l te’sek’l aqq ta’n koqowey etek wjit Ewikasik’k ta’n etli alsumatijik ta’n Asoqmaptikete’w kisi telu’et nutaq wjit teli kiskajatemk wla wikatikn tan etek la’mek wla Tele’k.

• Note marginale : Amujpa keknuwa’tekek

  (2) Elt-lik’k nike’ kesna saq Nikana’toq’k i’kanus kesna lukewinuk mu nutanuk alatunew koqowey kejitaq’n kesna kinuwa’taqn e’tawet Asoqmaptikete’w kesna angapt’g’k la’mek ankui-tepkistek (1) aqq Elt-lik Nikana’toq’ml kesna eyke alsusit amujpa etek ta’n koqowey ketu kejitutij kesna amujp pa ki’nmuj Asoqmaptikete’w’k kesna angapt’g’k.

Note marginale : Naq’atasik

40 Mu kowey etek tepkistek’l 34 misoqo 39 nutanu’k tltasin kesna saputa’sin kesna ika’tun piluey teluemk’l kesna pekwatmk’k ta’n wjit etek wla wikatikn, aqq ma’w wiaqtekl pekwatmk’l Elt-lik’kewel aqq nuta’ql’tan kesna tan pasik tel-wikasik kisi’tetaqn Elt-lik’kewey.

Note marginale : Tepask’amat Mesnmk’k

41 E’witasik kesna ewika’sik wikatikn kesna esikasik’l kisa’tasikl la’mek wla Tele’k wejiaq Elt-lik’kewy Asoqmaptikete’w’kewaq kesna angapt’g’k ma’w alatoq wla Mesnmk’l

Note marginale : Ta’n tel tuwatutij koqowey wejitu’tij

42 Wla Nikana’toq’k amujpa, telimqasek kisi tla’tekej keknuwatu’watl Ministe’lal wjit ta’n pasik koqowey ta’n weskutasik suliewey kesna piluey koqowey ta’n kisi weketasitew wjit Etl-lukwet ta’n na nikana’toqen’tan teli tasit, aqq ma’w alatutew koqowey Elt-lik’kewey wjit ta’n teli siawatmk ta’n teli nuta’ql’ewit kesna ta’n tel weketew teli alsusit wjit teli i’katoql telu’kwmkl aqq teliaq’l ta’n telasik aqq wjit suliewey teli kwilimk.

Newti’punqwek wikatikn

Note marginale : Koqowey etek

• 43 (1) Elt-lik amujpa keskmnaq new’ijik tepkunusetk aqq ke’s kaqiaq suliewey’ey punqwek, piskwa’tmk wikatikn wjit Ministe’l. weskutasik

  • (a) Ta’n teli weketasik L’nu’isuti’l Kanata;
  • (b) Ta’n tel nuta’titij L’nu’k aqq wutan aqq mimajuinuk aqq ta’n nutaql wjit L’nu’isuti’l aqq ta’n tetuji kelukw kisa’tutij wjit ta’n teli apjisuwatutij, I’latutij, aqnota’sik aqq melkiknewa’tutij L’nu’isuti’l aqq koqowel.
  • (c) Ta’n wejiaq suliewey Kaplno’l Kanata wjit kelukwl koqowel wjit L’nu’k aqq ta’n teli L’nu’isutl aqq
  • (d) Siawasin ta’n wejiaq Tele’ki’ktuk.

• Note marginale : Ta’n telukwek Elt-lik’kewaq aqq Piluey koqowey

  (2) Wla wi’katikn ta’n tewiaq newtipunqwek amujpa maw teluek mnaqa wjit Elt-lik kewey teltek ta’n tlasitew wjit sulieweyey newtipunqwek amujpa etek

  • (a) wla ewi’kasik ta’n kisi kwila’mitij aqq kina’masultimk wjiaq ankui-tepkistekiktuk 24(1);
  • (a.1) Elt-lik’kewaq ta’n suliewey wejiaq,
  • (b) Newitipunqwek wikatikn;
  • (c) Ewikasik etek koqowey wjit Elt-lik’kewaq etek’l tel-lukwemk’k wjit newtipunqwek ; aqq
  • (d) App me’ piluewey kejitmk etek tetpaqa’qewe’l’iktuk.

Note marginale : Pataluti Parliamentiktuk

• 44 (1) Ministe’l amujpa alatoq npuwaqn Elt-lik’keway wikatikn etek kes’kmnaq te’s wenjikum wjiaq Parliamenti’ktuk tmk 15 nakwek’l ta’n na wenjikum pemkopik wjit na esikasik’l etekl.

• Note marginale : Keknuwa’tekekewaq

  (2) Ta’n tuju pataluti’ey esikasik’alpukuwik wjit ik’anatutij Senate-aq-aq, aqq wenjikum Toqi-tl-lukwutimkl kesna ki’tk wenjikum’l ta’n me’ i’katasikl kesna kisi’tasikl wjit ta’n teli i’loqaptasik wikatikn.

Amujpa Ma’jukwatasikl

Note marginale : Amujpa Ma’jukwatasikl- eltu’tij Melkiknaq

• 45 (1) Majukwaltimk pipanimkwey wjiaq Ministe’l wjit Elt-lik’k wjiaq milamukl L’nu’el kaplno’lkeywel aqq piluwey L’nu’ey kaplno’l aqq maw pekwelk’l L’nu’el etek Tel-lukwutijik’l aqq L’nu’k wutan aqq mimajuinuk, ta’n Kaplno’l eyk Kouncil-aq’k kisi l’tutal tetpaqa’qewe’l’l

  • (a) Ketlamitetmn ta’n teli pisquaql wesku’tasikl’l aqq e’wikasik wikatikn 27, wiaqtek
    • (i) Ta’n teli piskwaq’l wesku’tasikl’sl wi’aqtek wesku’tasikl’l ta’n amujpa etekl keskmnaq wesku’tasikl’l wi’katikn’ewatsik,
    • (ii) Ta’n i’loqaptasik wesku’tasikl’l, aqq
    • (iii) Wla wikatikn kisita’sik kaqa’tasik wla il’oqaptasik mu-weltetmitkl, aqq maw ta’n teli aji keluktis ta’n me’ kisatasi’tal wikatikniktuk, ta’n weskutasik wjit tele’k amuj-pa weji kaq kisa’tasik aqq mimajuinuk kesna ta’n wenik nuta’titij iknmu’waten te’tew;
  • (a.1) ketlamite’lmitij ta’n tela’sikl wjit teplu’taqnn amuj-pa nuta’q lame’k wla Tele’kiktuk aqq maw wjit tela’matultimk kisa’matultimk aqq tela’matultimk etek la’mek tepkistek’k 8 aqq 9;
  • (a.2) wjit tela’sik wla tepkistek’k 10.1,
    • (i) wesku’tasik kowey ala’tutij wjit etek aqq te’tew l’nu’ey aqq l’nu’isuti aqq maw tela’awit toqo Federal-ey pugweliganig kesna maw kela’qa’tikete’w kesna amuj-pa etek ta’ tel nuta’q apoqnmasuti wjit nuta’titij l’nu’ey aqq l’nu’isuti,
    • (ii) Wesku’tasik kowey net “ika’tutij te-tapuamuk apoqnmasuti”, aqq
    • (iii) weskutmi’tij tan tela’sikl “te’sek” aqq “tel-nuta’q” aqq wesku’tasik ta’n tel-milia’tew wjit Federal-ey pugweliganig kesna wuk’kela’qa’tikete’w’ml kesna nuta’q aqq alatoq te-tapua’muk te’sek wjit etek’l apoqnmasuti’l wjit l’nu’ey aqq l’nu’isuti aqq ta’n teli nuta’titij apoqnmasuti’l tel msn’mitij wjit na l’nu’isuti te-tapu’amuk;
  • (b) weskutmi’tij piluey keknua’taqn tan nuta’q weiaq’atasin newtipunqwek wikatikniktuk wjit 42(2)(d); aqq
  • (c) aqq pasik, wjit pema’tutij aqq tela’sik wjit wla Tele’k.

• Note marginale : Tel keknu’tekl -Ta’n teltek approache’weketasik

  (2) Tetpaqa’qewe’l’l tan kisatasik wikatikniktuk (1) (a.2) etek’l tel-wikasik’l etek aqq nuta’ql wjit ;

  • (a) L’nu’isuti wjit weskutasik
  • (b) Ta’n tel weketmk na l’nu’isuti;
  • (c) Ta’n tel pilutekl telapetmkl’l aqq ta’n nutaq wjit l’nu’k wutan kesna mimajuinuk ta’n e’weketutij na l’nu’isuti;
  • (d) Ta’n wet’taqnewasik L’nu’isuti e’weketasik; aqq
  • (e) Ta’n federal’kewokuml aqq ta’n nutaq ta’n kisi iknmataq ta’n teli siawasik wjit teli l’nui’suti.

Note marginale : Ma’w Lukwutimk

45.1 Ministe’l amujpa kejitoq l’nu’k kaplno’l aqq tek’l l’nu’el Kaplno’lkewel kelukwl aqq iknmatmitij kelukw ta’n kisi tel ma’w lukwitimk wjit tel-wikasik’il teli elt’mk aqq el’tmkl tetpaqa’qewe’l’l la’mek wikatikn 45.

Note marginale : Ta’n telukwemk — Elt-lik’kewey welteskatultimk aqq teliaq

46 Elt-lik na eltoql’el ta’ntelukwemk’l wjit

• (a) I’kanaqoql aqq kelutk’l mawteskatultimkl wjit Elt-lik, ta’n tesit mimajuinu ta’n kisa’toq quorum ta’n te’s mawteskatultimk aqq ta’n kisa’matultimk etek; aqq
• (b) Ta’n teli ika’natoq telukwemk wjit Elt-lik’k

Note marginale : Ta’n telukwemkl — Atm’wet Kisa’matultimk aqq Atm’aqn

47 Etek’l milamu’kl tetpaqa’qewe’l’l lam’ek wikatikn 45(a) na Elt-lik’k eltoq’l ta’n telukwekwel aqq maw telukwemkewel wjit ta’n tlasitew koqowey elmiaq nuta’q atm’wekt kisa’matultimk.

Note marginale : Ta’n telukwemkl — Mu wi’tmu

48 Elt-lik amujpa eltoq’l ta’n telukwemkewel wjit ma wen wi’tmuk ta’n teliaq Elt-lik aqq koqowey piskwaq ta’n teli ekatu’tij teliknaq aqq ta’n teli wel’lukwet aqq ta’n nutaq t’lukwen.

Newiti I’loqaptmk

Note marginale : Nani’punqwek I’loqaptasik

• 49 (1) Keskmnaq nani’punqwek ika’nuk aqq Nani’punqwek wejatekemk na nakwek ta’n wla tepkistek pisqwaq wla wikatikn. Ministe’l amujpa kespi il’loqaptek aqq newti ankatasik wla Tele’k wjit iknmuetmkewey aqq ta’n tel pmatasik aqq pisqwaq te’s nani’punqwekl, amujpa nani’punqwek ke’s nakwek ta’n supo’s piskwaq aqq te’s nani’punqwek wejatekemk, Ministe’l amujpa te’latoq Newti I’loqaptasik wjit wla Tele’k, aqq maw ta’n telasik aqq telpemiaq wjit kisa’matultimk kesna etek’l la’mek wikatikn 9 aqq ma’w ta’n telukutijik wjit Elt-lik’k. Ta’n I’loqaptasik kisa’tasik ta’n mimajuinu kis ika’lut Ministe’l ta’n eyke keknuwate’ket wjit Elt-lik’kewaq.

• Note marginale : Wikatikn

  (2) Mimajuinu kesna wen kisatoq il’oqaptaqn amjupa pisqwatoq koqowey kisatoq Ministe’l iknmut esikasik tan teluek aqq koqowey kisite’tk wjit, wla

  • (a) Ta’n koqowey kisatutij mesure’sl ta’n wela’sital wjit teli kisatmk wjir wla Tele’k aqq koqowey piluasik wla Tele’k; aqq
  • (b) me ap koqowey ta’n ma kis nuta’ql’awatasik kesna wejiaq Elt-lik kisa’ matultimmk aqq kisatoql kiskaja’tasik’l etekl la’mek tepkistek 9

• Note marginale : Agnimatl

  (2.1) Keskmnaq pisquatmk wikatikn Ministe’l mimajuinu kesna wen kisatoq il’oqaptaqn amujpa keknuateket L’nu’ey Kaplno’l aqq L’nu’el Tel-lukwutijiks’l ta’n weskutasik gaqa’toq aqq kowowey me ksite’tmitij wjit telimuksinn’sl ta’n nuta’q wiaq’ten.

• Note marginale : P Wejiaq Parliamentiktuk

  (3) Ministe’l amujpa alatoq nepuqwatasik wikatikn tan li’atew Wenjikum Kaplno’ltmk 15 nakwekl tan Wenjikum pemkopit kisi il’oqaptasik wikatikn.

• Note marginale : Referral’kewy

  (4) Kis’atasik aqq wejiaq pataluti, aqq teluek esikasik wjit wla tel-lukwutijik wejiaq Senate-aq-aq, aqq maw Wenji’kuo’m ta’n Newte’tele’kl kesna ki’tk wenjikum’l etekl Kaplno’l aqq maw kisa’tutij wjit I’lwi’kasik wjit ta’n teli il’oqaptasik wla esikasik.

Parliamentary’ey I’loqaptasik

Note marginale : Nesipun’qek I’loqapta’sik

49.1 Teli’mqase’k kist’latasik aqq si’stewey toqita’mk wjit nakqwek wla tepkistek poqjiaq aqq wla tepkistek aqq ke’s i’loqaptasitew ap iknmuetmkewey aqq ta’n tel pmatutij wejiaq tel-lukwutijik Senate-aq, aqq Wenji’kuo’m ta’n Newte’tele’kl kesna ki’tk Kaplno’l ‘gan ta’n kisa’tasik wjit nekm’ewey.

Pisqwa’q Majukwata’sitew

Note marginale : Tan tela’sik Kouncil-aq

^{Note de bas de page *} 50 Ta’n tela’sik wla Tele’k etek aqq pisqwaq nakqw’k kesna nakwe’kl kis ila’tasitew kwilutasik wejiaq Kovernor’k eyk Kouncil-aq.