ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ  ᐅᓂᒃᑳᖑᓪᓗᑎᒃ: ᐊᐅᓚᑦᑎᔨᓄᑦ ᑐᕌᖓᔪᓄᑦ ᐅᓂᒃᑲᓕᐊᑦ

From: Employment and Social Development Canada

ᐋᒍᓯ 27, 2018

ᑭᖑᓪᓕᕐᐹᒥᒃ ᐋᕿᒋᐊᖅᑕᐅᓂᑯ ᐅᒃᑑᐸ 18, 2018

ᓄᓇᖃᖅᑐᑐᖃᐃᑦ ᐅᑭᐅᖅᑕᖅᑐᒥ ᑐᑭᓯᓂᐊᖅᑎᐅᓂᖏᓐᓂᒃ ᐃᖅᑲᓇᐃᔭᕐᕕᖓᑦ

ᒪᑭᒪᓇᓱᐊᕐᓂᕐᒧᑦ ᐊᑐᐊᒐᓂ ᐊᐅᓚᑦᑎᔨᑦ

ᐱᓕᕆᕕᒃᓴᓕᕆᔩᑦ/ᐃᖅᑲᓇᐃᔮᒃᓴᓕᕆᔩᑦ ᐃᓅᖃᑎᒌᒃᑐᓄᓪᓗ ᐱᕙᓪᓕᐊᔾᔪᑎᒃᓴᓕᕆᔪᑦ ᑲᓇᑕᒥ ESDC

ᐃᓗᓕᖏᑦ

Alternate formats

1.0 ᓇᓗᓇᐃᔭᐃᓂᖅ

1.1 ᐃᓗᓕᖏᑦ ᑐᑭᓯᓇᖅᓯᑎᒋᐊᕐᓗᒋᑦ

ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᐅᓂᒃᑳᖑᓪᓗᑎᒃ ᐱᑕᖃᖅᐳᑦ “ᐅᓂᒃᑲᖅᓯᒪᑦᑎᐊᖅᑐᓂᒃ ᑐᑭᓯᔭᒃᓴᓕᐊᕆᔭᐅᓯᒪᓕᖅᑐᓂᒃ ᐃᖅᑲᓇᐃᔭᕈᓐᓇᖅᑐᓂᒃ/ᐱᓕᕆᔨᐅᔪᓐᓇᖅᑐᓂᒃ ᖃᐅᔨᓴᕈᑎᓂᒃ ᓄᓇᕗᒻᒥ ᓄᓇᑖᕐᕕᐅᓯᒪᔪᒥ ᑐᑭᓯᓇᓱᒃᓱᒋᑦ ᐊᑐᐃᓐᓇᐅᓂᖏᑦ, ᐃᓚᐅᔪᒪᓂᖏᑦ ᐊᒻᒪᓗ ᖃᓄᑎᒋᑦ ᐸᕐᓇᒃᓯᒪᔭᕆᐊᖃᕐᓂᖏᑦ ᐃᓄᐃᑦ ᒐᕙᒪᒃᑯᓐᓂ ᐱᓕᕆᐊᒃᓴᖅᑖᕈᓐᓇᕐᓂᐊᕈᑎᒃ” ᒪᓕᒃᑕᐅᔭᕆᐊᖃᖅᑐᓂᒃ 23.3.1-ᖓᓃᑦᑐᓂᒃ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂ ᒪᓕᒐᕆᔭᐅᔪᓂᒃ. ᒪᓕᒃᑕᐅᓪᓗᑎᒃ ᐃᓗᓕᖏᑦ 23.3.2-ᒥᑦᑐᑦ, ᖃᐅᔨᒋᐊᖅᑕᐅᒐᓱᓕᓚᐅᖅᑐᑦ ᐱᔾᔪᑎᖃᖅᑐᓂᒃ “ᑐᑭᓯᓇᖅᓯᑎᑕᐅᖁᓪᓗᒋᑦ ᒫᓐᓇᐅᔪᖅ ᐊᔪᖏᓐᓂᖃᕐᓂᖏᑦ ᐊᒻᒪᓗ ᖃᓄᑎᒋ ᐃᓕᑕᕆᔭᐅᓯᒪᔪᓂᒃ ᐃᓕᓐᓂᐊᖅᓯᒪᔪᖃᕐᒪᖔᑕ ᐃᓄᖕᓂ ᐱᓕᕆᔨᐅᖃᑕᐅᔪᓐᓇᖅᑐᓂ, ᐃᑲᔪᕈᒪᓂᕐᒧᓪᓗ ᓴᕿᑎᑦᑎᕙᓪᓕᐊᔪᓐᓇᕐᓂᖅ ᐃᓄᐃᑦ ᐃᖅᑲᓇᐃᔭᖅᑖᖅᐸᓪᓕᐊᔪᓐᓇᕐᓂᖏᓐᓄᑦ ᐸᕐᓇᐅᑎᒃᓴᐅᓇᔭᖅᑐᓂᒃ ᐊᒻᒪᓗ ᐃᖅᑲᓇᐃᔭᖅᑖᕈᓐᓇᖅᓯᓂᐊᕐᒪᑕ ᐊᔪᕈᓐᓃᖅᓴᖅᑕᐅᔭᕆᐊᖃᕐᓂᖏᓐᓂᒃ.” ᐃᓗᓕᖏᑦ 23-ᖓᓃᑦᑐᑦ ᐱᑕᖃᕐᒪᑕ ᐱᔪᒥᓇᖅᑐᓂᒃ ᑐᕌᒐᖃᖅᑎᑦᑎᒋᐊᕐᓂᖅ, ᐊᒥᓲᓂᖅᓴᐅᓕᖁᓪᓗᒋᑦ ᐃᓄᐃᑦ ᐱᓕᕆᐊᒃᓴᖅᑖᖅᑎᑕᐅᔪᓐᓇᖅᑐᑦ ᐃᖃᓇᐃᔮᖅᑖᕈᓐᓇᕐᓂᖏᑦ ᒐᕙᒪᓐᓂᒃ, ᒪᓕᒡᓗᑎᒃ ᐃᓄᐃᑦ ᐊᒥᓲᓂᖏᓐᓂᒃ.

1.2 ᐱᓪᓗᐊᑕᐅᓂᖏᑦ ᑐᑭᓯᔭᐅᓯᒪᓕᖅᑐᑦ

ᑖᒃᑯᐊ ᐅᓂᒃᑲᓕᐊᖑᔪᑦ, ᐊᔾᔨᓴᐃᓐᓇᑲᓴᒋᕙᖏᑦ ᑕᐃᒃᑯᐊ 2014-ᒥ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ, ᐋᕿᐅᒪᖕᒪᑕ ᓇᓗᓇᐃᖅᑕᐅᓪᓗᑎᒃ ᐱᖓᓱᓂᑦ ᐅᖃᐅᓯᐅᓯᒪᔪᑦ ᓄᓇᕗᒻᒥ ᓄᓇᑖᕈᑎᑦ ᐊᖏᕈᑎᖏᓐᓂᑦᑐᓂᒃ - ᐃᓚᐃᕝᕕᐅᓂᖏᓐᓂᒃ, ᐊᑐᐃᓐᓇᐅᔪᓐᓇᕐᓂᖏᓐᓂᒃ ᐊᒻᒪᓗ ᐸᕐᓇᖅᐸᒌᖅᓯᒪᓂᖏᓐᓂᒃ ᓄᓇᕗᒻᒥ ᐃᓄᐃᑦ ᒐᕙᒪᒃᑯᓐᓂᒃ ᐱᓕᕆᔨᐅᔪᓐᓇᕐᓂᕐᒧᑦ. ᑖᒃᑯᐊ ᐅᓂᒃᑳᓕᐊᖑᔪᑦᑕᐅᖅ ᐃᓚᖃᕆᕗᑦ ᑐᑭᓯᓂᐊᖅᑕᐅᓯᒪᓂᖏᓐᓂᒃ ᒐᕙᒪᒃᑯᓐᓂᒃ ᐃᖅᑲ ᓇᐃᔮᕆᔭᐅᔪᓂᒃ, ᐊᔪᕈᓐᓃᖅᓴᐃᔾᔪᑎᒋᕙᒃᑕᖏᓐᓂᒃ, ᐃᓄᐃᑦ ᐅᖃᐅᓯᖏᓐᓂᒃ ᐱᔪᓂᒃ ᐊᒻᒪᓗ ᐃᓕᖅᑯᓯᖏᓐᓂᒃ ᐱᔪᓂᒃ ᐃᓗᐊᓂ ᒐᕙᒪᑯᓐᓂ ᐃᖅᑲ ᓇᐃᔭᕐᕕᐅᔪᓂ ᐊᒻᒪᓗ ᐃᓚᖃᕆᓗᑎᒃ ᓄᓇᕗᒻᒥᐅᓄᑦ ᐃᓱᒪᒋᔭᐅᖁᔭᖏᓂᒃ ᐊᒻᒪᓗ ᐱᐅᓂᖅᐹᖑᔪᓂᒃ ᐱᐅᓯᕆᔭᐅᔪᓐᓇᖅᑐᓂᒃ ᐃᓄᐃᑦ ᑭᒡᒐᖅᑐᖅᑕᐅᑦᑎᐊᕐᓂᖅᓴᐅᔪᓐᓇᕐᓂᖏᓐᓂᒃ ᐱᓕᕆᔨᖏᓐᓂ ᒐᕙᒪᒃᑯᓐᓂ.

1.3 ᑐᑭᓯᓂᐊᕐᕕᐅᓯᒪᓂᖏᑦ

ᑕᒪᒃᑯᐊ ᐅᓂᒃᑲᓕᐊᑦ ᒪᓕᒃᓯᒪᔪᑦ ᑐᑭᓯᓂᐊᕈᑕᐅᓯᒪᓚᐅᖅᑐᓂᒃ ᐊᔾᔨᒋᖏᑦᑑᑎᐅᔪᓂᒃ ᖃᐅᔨᒋᐊᕐᕕᐅᓯᒪᔪᓂᒃ ᐊᒻᒪᓗ ᐊᐅᓚᑦᑎᕙᖕᓂᕐᒥᒃ ᖃᐅᔨᒪᓂᖃᖅᑐᓂᒃ. ᐃᓚᖏᑦ ᐊᑐᖅᑕᐅᒐᔪᖕᓂᖏᑦ ᑐᑭᓯᓂᐊᕐᕕᐅᓯᒪᔪᑦ ᒪᑯᓂᖓ ᐃᓚᖃᓚᐅᖅᐳᑦ:

ᓄᓇᕗᒻᒦᓐᓇᖅ ᖃᐅᔨᒋᐊᕐᕕᐅᓯᒪᓂᖏᑦ

  • 2015-ᒥ ᐃᓄᓕᒫᓂᒃ ᐃᓱᒪᒋᔭᐅᔪᓂᒃ ᖃᐅᔨᓴᖅᑕᐅᓯᒪᓂᖏᓄᑦ ᐊᐱᖁᑏᑦ
  • 2016-ᒥ ᓄᓇᕗᑦ ᒐᕙᒪᖏᓐᓂ ᐃᖅᑲᓇᐃᔭᖅᑏᑦ ᐊᐱᖅᓱᖅᑕᐅᕙᖕᓂᖏᑦ
  • 2017-ᒥ ᐃᓱᒪᒃᓴᖅᓯᐅᖅᑎᑕᐅᓚᐅᖅᑐᑦ ᑎᒥᖁᑎᖏᑦ ᐊᒻᒪᓗ ᐱᒻᒪᕆᐅᔪᓂᒃ ᖃᐅᔨᒪᔪᓂᒃ ᐊᐱᖅᓱᖅᑕᐅᓚᐅᕐᓂᖏᑦ

ᐅᒃᑑᑏᑦ ᐊᓯᖏᓐᓂᒃ ᑐᑭᓯᓂᐊᕕᐅᒐᔪᒃᓯᒪᖕᒥᔪᓂᒃ

  • ᓄᓇᖃᖅᑐᑐᖃᐃᑦ ᐃᓄᖁᑎᒋᔭᐅᓂᖏᑦ ᐊᐱᖅᓱᖅᑕᐅᓯᒪᓂᖏᑦ (APS)
  • 2012-ᒥ ᐊᑐᒐᒃᓴᐃᑦ ᓄᓇᕐᔪᐊᕐᒥ ᑐᑭᓕᐅᕈᑕᐅᓲᖑᓂᖏᑦ ᐃᓐᓇᕐᓂᒃ ᐊᔪᖏᓐᓂᖃᕐᓂᖏᓐᓂᒃ ᐊᐱᖁᑕᐅᕙᒃᑐᑦ
  • ᐃᖅᑲᓇᐃᔭᕐᕕᐅᑉ ᐱᓕᕆᕕᐅᑉ ᐃᓗᐊᓂ ᖃᐅᑕᒫᖅᓯᐅᑎᓂᒃ ᑲᒪᔨᓂᕐᒥ ᖃᐅᔨᒪᔨᑕᐃᑦ
  • ᐃᓄᐃᑦ ᐊᒥᓲᓂᖏᑦ ᓈᓴᖅᑕᐅᓂᖏᓐᓂᒃ 2016

ᓄᓇᕗᒦᓐᓇᖅ ᐱᔾᔪᑎᖃᖅᑐᓂᒃ ᖃᐅᔨᕕᐅᖃᑦᑕᓚᐅᖅᑐᑦ ᑐᑭᓯᓂᐊᕐᕕᐅᖃᑦᑕᕈᓐᓇᖅᓯᔪᑦ ᒪᓐᓇᓵᖅ ᐱᑕᖃᓕᓚᐅᕐᒪᑕ ᐊᑐᒐᒃᓴᐃᑦ ᓄᓇᕗᒻᒥᐅᑕᓄᑦ ᖃᐅᔨᔪᒪᔪᓄᑦ ᐊᒻᒪᓗ ᐱᓕᕆᖃᑎᒋᓚᐅᕐᒪᑕ ᑕᒪᒃᑯᓂᖓ ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ.

ᐅᓂᒃᑲᓕᐊᑦ ᑖᒃᑯᐊ ᐊᓯᑕᖃᕆᕗᑦ ᐃᓚᒋᔭᐅᓗᑎᒃ ᑎᑎᖃᖁᑎᒋᔭᐅᖕᒥᔪᓄᑦ ᓴᓇᔭᐅᓯᒪᖕᒥᔪᓄᑦ ᑕᐃᒃᑯᓄᖓ ᐱᓕᕆᕕᒃᓴᓕᕆᔩᑦ/ᐃᖅᑲ ᓇᐃᔮᒃᓴᓕᕆᔩᑦ ᐃᓅᖃᑎᒌᒃᑐᓄᓪᓗ ᐱᕙᓪᓕᐊᔾᔪᑎᒃᓴᓕᕆᔪᓄᑦ ᑲᓇᑕᒥ ᐅᓂᒃᑳᓕᐊᓂᖏᓐᓄᑦ ESDC-ᑯᓐᓄᑦ ᐊᒻᒪᓗ ᑕᐃᒃᑯᓂᖓ ᓄᓇᓕᖕᓂ ᖃᓄᐃᓕᖓᓂᖏᓐᓂᒃ ᐊᒻᒪᓗ ᐃᓚᐅᒋᕙᓚᐅᖅᑐᑦ ᐃᓚᐅᑎᑕᐅᕙᓚᐅᕐᓂᖏᓐᓄᑦ ᐅᓂᒃᑲᓕᐊᓂᒃ.

1.4 ᐃᓕᑕᕆᔭᐅᓂᖏᑦ

ᓄᑖᑦ ᐊᐱᖁᑕᐅᓯᒪᔪᑦ ᑕᒪᒃᑯᐊ, ᐃᓗᓕᖏᓪᓗ ᐅᓂᒃᑳᓕᐊᑦ ᐊᖏᔪᒥᒃ ᐃᑲᔪᖅᑕᐅᓯᒪᔪᑦ ᐃᓚᐅᓂᖏᓐᓄᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖏᑦ ᐊᒻᒪᓗ ᓄᓇᕗᑦ ᒐᕙᒪᐃᑦ. ᑎᑎᕋᓚᐅᖅᑐᑦ ᑖᒃᑯᓂᖓ ᐅᓂᒃᑳᓕᐊᓂᒃ ᐃᓕᑕᖅᓯᒪᔪᕗᑦ ᐃᓚᐅᓪᓚᕆᓚᐅᕐᓂᖏᓐᓂᒃ, ᐊᒻᒪᓗ ᐱᕕᒃᓴᓕᐅᖅᓯᒪᓚᐅᕐᓂᖏᓐᓂᒃ ᐱᓇᓱᐊᖅᓯᒪᓂᖏᓐᓂᓗ ᓄᓇᕗᒻᒥᐅᑦ ᑭᐅᖃᑦᑕᓚᐅᕐᒪᑕ ᐊᐱᖁᑕᐅᔪᓄᑦ, ᐃᓚᐅᕙᓚᐅᕐᒪᑕ ᑎᒥᖁᑎᒋᔭᐅᔪᓄᑦ ᐊᒻᒪᓗ ᐱᒻᒪᕆᐅᔪᓄᑦ ᖃᐅᔨᒪᔨᑕᓚᐅᕐᒪᑕ ᐊᐱᖅᓱᑕᐅᕐᓂᖏᓐᓂᒃ ᐅᖃᐅᓯᒃᑯᑦ.

ᐊᒻᒪᑕᐅᖅ ᐃᓕᑕᕆᔭᐅᖁᔨᕗᒍᑦ ᐃᑲᔪᖅᓱᐃᓯᒪᓂᖏᑦ ᐱᓕᒻᒪᒃᓴᐃᕕᒃᑯᑦ, ᓈᓴᐅᓯᕆᔨᖏᓪᓗ ᑲᓇᑕᒥ, ᓄᓇᖃᖅᑐᑐᖃᐅᔪᓂᒃ ᐱᔨᑦᑎᕋᐃᔨᖏᑦ ᑲᓇᑕᒥ ᐊᒻᒪᓗ ᑕᐃᒃᑯᐊ ᑲᓇᑕᒥᒃ-ᓄᓇᖃᖅᑐᑐᖃᐃᓪᓗ ᐱᓕᕆᖃᑎᒌᖕᓂᖏᓐᓂᒃ ᐅᑭᐅᖅᑕᖅᑐᒥᓗ ᐱᕙᓪᓕᐊᔪᓕᕆᔨᖏᑦ, ᓴᓇᔭᐅᓂᖏᓐᓂ ᑖᒃᑯᐊ ᐅᓂᒃᑳᓕᐊᑦ.

2.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᐃᓄᐃᑦ ᐊᒥᓱᓂᖏᑦ ᓇᓃᓂᖏᓪᓗ ᐊᒻᒪᓗ ᐃᓅᔾᔪᑎᒃᓴᖃᕈᓐᓇᕐᓂᖏᑦ ᑮᓇᐅᔭᓕᐅᕐᕕᖃᕈᓐᓇᕐᓂᖏᓪᓗ

ᓄᓇᕗᒻᒥ ᐊᒥᓲᓂᖅᐹᖑᔪᓂᒃ ᒪᒃᑯᒃᑐᖁᑎᖃᖅᐳᑦ, ᐊᒥᓱᕈᖅᐸᓪᓕᐊᓴᕋᐃᓛᖑᓪᓗᑎᓪᓗ ᐃᓄᖁᑎᖏᑦ ᑲᓇᑕᒥ.

  • ᒪᓕᒃᑕᐅᓪᓗᑎᒃ 2016-ᒥ ᐃᓄᐃᑦ ᐊᒥᓲᓂᖏᓐᓂᒃ ᓈᓴᖅᑕᐅᓯᒪᔪᓂᒃ ᖃᐅᔨᒪᔾᔪᑏᑦ, ᐃᓄᐃᑦ ᐊᒥᓱᓂᖃᖅᑎᒋᕗᑦ 85%, ᓄᓇᕗᒻᒥᐅᑦ ᐊᒥᓲᑎᒋᓂᖏᓐᓂᒃ (30,135-ᖑᔪᓂᒃ ᑕᒪᕐᒥᒃ ᑕᒫᓂᕐᒥᐅᑕᐃᑦ ᓄᓇᕗᒻᒥ ᑲᑎᓪᓗᒋᑦ 35,580-ᖑᖕᒪᑕ).
ᐊᔾᔨᓐᖑᐊᖅ 1: ᓄᓇᕗᒻᒥᐅᑕᐃᑦ ᐊᒥᓲᓂᖏᑦ

ᓇᑭᙶᕐᓂᖓ: ᑭᓪᓕᓯᓂᐊᖅᑕᐅᓯᒪᔪᑦ 2016

ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᓂᖏᑦ ᐊᔾᔨᓐᖑᐊᒥᑦ 1 : ᓄᓇᕗᒻᒥᐅᑕᐃᑦ ᐊᒥᓲᓂᖏᑦ
ᐃᓄᐃᑦ ᓇᓗᓇᐃᒃᑯᑕᖓ ᐃᓄᒋᐊᓐᓂᖏᑦ ᐃᓚᒋᔭᖏᑦ ᐊᒥᓲᓂᖏᑦ
ᐃᓄᐃᑦ 30,135 85%
ᐃᓄᓪᓚᑦᑖᖑᖏᑦᑐᑦ 5,445 15%
ᑲᑎᓗᒋᑦ 35,580 100%
  • ᐃᓄᐃᑦ ᐊᒥᓲᓂᖏᑦ ᒪᒃᑯᑦᑐᑦ − ᖃᓂᒋᔭᐸᓗᖏᑦ ᓇᑉᐸᖏᑦ ᐃᓄᐃᑦ ᓄᓇᕗᒻᒥ ᐊᕐᕌᒍᖃᓚᐅᖅᑐᑦ ᑐᖔᓂ 25. ᐱᓗᐊᖅᑐᒥᑦ, ᐊᑕᐅᓯᖅ ᐱᖓᓱᓂᑦ ᐃᓄᐃᑦ ᓄᓇᕗᒻᒥ ᐊᕐᕌᒍᖃᓚᐅᖅᑐᑦ ᑐᖔᓂ 15 (ᐊᔾᔨᓐᖑᐊᖅ 2).
ᐊᔾᔨᓐᖑᐊᖅ 2: ᐊᕐᕌᒍᖏᑦ ᐃᓄᐃᑦ ᐊᒥᓲᓂᖏᑦ ᓄᓇᕗᒻᒥ

ᓇᑭᙶᕐᓂᖓ: ᑭᓪᓕᓯᓂᐊᖅᑕᐅᓯᒪᔪᑦ 2016

ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᓂᖏᑦ ᐊᔾᔨᓐᖑᐊᒥᑦ 2: ᐊᕐᕌᒍᖏᑦ ᐃᓄᐃᑦ ᐊᒥᓲᓂᖏᑦ ᓄᓇᕗᒻᒥ
ᐊᕐᕌᒍᖃᑎᒌᖏᑦ ᐃᓄᒋᐊᓐᓂᖏᑦ
0-14 ᐊᕐᕌᒍᓖᑦ 10,900
15-24 ᐊᕐᕌᒍᓖᑦ 5,760
25-34 ᐊᕐᕌᒍᓖᑦ 4,695
35-44 ᐊᕐᕌᒍᓖᑦ 3,240
45-54 ᐊᕐᕌᒍᓖᑦ 2,910
55-64 ᐊᕐᕌᒍᓖᑦ 1,530
ᐊᕐᕌᒍᓖᑦ 65 ᐊᒻᒪ ᐅᖓᑖᓄᑦ 1,100
ᑲᑎᓗᒋᑦ 30,135
  • ᐊᒥᓱᕈᖅᐸᓪᓕᐊᖏᓐᓇᕐᓂᐊᖅᑐᑦ ᑲᔪᓯᔪᒥᒃ 20-ᖑᓂᐊᖅᑐᓄᑦ ᓱᓕ ᐊᕐᕋᒎᓂᐊᖅᑐᓄᑦ: ᑕᒫᓂᓕᕈᑎᒃ 2036-ᒥ ᑕᒪᕐᒥᒃ ᐃᓄᐃᑦ ᓄᓇᕗᒻᒥᐅᑦ ᐊᒥᓲᑎᒋᓂᐊᕋᓱᒋᔭᐅᕗᑦ 44,000-ᖑᓕᕐᓗᑎᒃ, ᐃᓅᓂᖏᑦ ᐊᒥᓲᓂᖃᖅᑎᒋᓗᑎᒃ 86 ᐳᓴᓐᑎᒦᓐᓂᐊᖅᑐᓂᒃ (38,000-ᓂᒃ ᐃᓄᐃᑦ) ᐃᓄᖁᑎᒋᔭᐅᓕᕐᓂᐊᖅᑐᓂ ᑕᒪᐃᓐᓂ.

ᓄᓇᕗᒻᒥᐅᑦ ᐃᓅᔾᔪᑎᒃᓴᖃᓲᖑᕗᑦ ᐊᑯᓯᒪᔪᓂᒃ ᑮᓇᐅᔭᓕᐅᕐᓂᕐᒥᒃ ᐊᒻᒪᓗ ᓄᓇᒧᖓᐅᕋᑦᑕᕐᓂᕐᒥᒃ ᐱᐅᓯᖃᖅᑐᒥᒃ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ ᒪᓕᒃᑐᓂᒃ.

  • ᐊᒥᓲᓂᖅᓴᐃᑦ ᐃᓄᐃᑦ ᐱᓕᕆᔪᓐᓇᖅᓯᓯᒪᕗᑦ ᑕᒫᓂ (90%) ᐃᓚᒋᔭᐅᕋᑦᑕᖅᓯᒪᓪᓗᑎᒡᓗ ᐊᓯᑕᐅᓯᕐᒥᒡᓗᓐᓃᑦ ᐊᒥᓲᓂᖅᓴᐅᔪᓂᒡᓗᓐᓃᑦ ᐃᓄᐃᑦ ᐃᓕᖅᑯᓯᑐᖃᕆᔭᖏᓐᓂᒃ ᐊᑐᖅᓱᑎᒃ ᐱᓕᕆᕙᓚᐅᕐᒥᔪᑦ, ᑕᐅᕙᓂ 2012-ᖑᓚᐅᖅᑐᒥ.
  • ᐊᒥᓲᓂᖅᓴᐃᑦ ᒪᕐᕉᓐᓂᒃ ᐱᖓᓱᓂᑦ (68%) ᐃᓄᐃᑦ (ᐊᕐᕌᒍᓖᑦ 15 ᐊᒻᒪ ᐅᖓᑖᓄᑦ) ᐊᖑᓇᓱᖃᑦᑕᖅᑐᑦ, ᐃᖃᓗᒐᓱᓐᓂᖅ, ᐊᒻᒪ/ᐅᕝᕙᓘᓐᓃᑦ ᒥᑭᒋᐊᓂᐊᕐᓂᖅ, ᐊᒻᒪ ᓇᑉᐸᐸᓗᖏᑦ (45%) ᓄᐊᑦᑎᕙᑦᑐᑦ ᓄᓇᒦᖔᖅᑐᓂᑦ ᐱᕈᖅᑐᓂᑦ.

ᐃᓄᓕᒫᓂᒃ ᐱᔨᑦᑎᕋᐃᔨᐅᑎᑕᐃᑦ ᒐᕙᒪᒃᑯᓐᓂᒃ ᐊᒥᓲᓂᖅᐹᖑᔪᓂᒃ ᐱᓕᕆᑎᑦᑎᔨᐅᕗᑦ ᐃᖃᓇᐃᔭᖅᑎᑦᑎᔨᐅᓗᑎᒃ ᓄᓇᕗᒻᒥ.

  • ᑕᒪᓂ 2016-ᒥ, 44% ᐃᓄᐃᑦ ᐃᖅᑲᓇᐃᔭᓚᐅᖅᑐᑦ/ᐱᓕᕆᕕᖃᖅᓱᑎᒃ ᐃᓄᓕᒫᖅᓯᐅᑎᓂᒃ ᐱᔨᑦᑎᕋᐃᔨᐅᓂᕐᒥᒃ ᒐᕙᒪᒃᑯᓐᓂᒃ (3,835-ᖏᓃᑦᑐᓂᒃ ᐃᓄᐃᑦ).
  • ᓂᕆᐅᒋᔭᐅᔪᑦ ᐊᒥᓱᕈᖅᐸᓪᓕᐊᓚᖓᓂᖏᑦ ᐃᓄᓕᒫᖅᓯᐅᑎᓂᒃ ᐱᔨᑦᑎᕋᐃᔨᐅᔪᑦ ᒐᕙᒪᒃᑯᓐᓂᒃᑕᐅᖅ ᓇᓚᐅᑦᑖᖅᑕᐅᓯᒪᔪᑦ ᐃᖅᑲᓇᐃᔮᖅᐸᓪᓕᐊᓚᖓᓂᖏᑦ ᑕᒪᒃᑯᓂᖓ ᐱᓗᐊᖅᑐᒥᒃ ᐱᔾᔪᑎᖃᖅᑐᓂᒃ ᐋᓐᓂᐊᖅᑐᓕᕆᓂᕐᒥᒃ ᐊᒻᒪᓗ ᐃᓕᓐᓂᐊᖅᑐᓕᕆᓂᕐᒥᒃ ᐱᓕᕆᕕᐅᔪᓂ ᐊᒻᒪᓗ ᐱᓕᕆᕙᓪᓕᐊᓂᐊᖅᑐᓂ ᐃᓄᐃᑦ ᑕᐃᒃᑯᓇᓂ ᐃᓄᒃᑎᑐᑦ ᐅᖃᕈᓐᓇᕆᐊᖃᕐᓂᖏᓂᑦᑕᐅᖅ (ᓲᕐᓗ ᐆᒃᑐᑎᖏᓗᒍ ᐃᓄᒃᑎᑑᓕᖅᑐᐃᔨᒃᓴᓂᒃ).
  • ᐱᓕᕆᕕᒃᓴᐃᑦ ᐃᖅᑲᓇᐃᔭᕐᕕᒃᓴᐃᑦ ᐊᖏᓂᐹᖑᔪᒥᒃ ᐃᓐᓄᒃᑕᐅᓯᒪᔭᕆᐊᖃᕐᓂᐊᖅᑐᑦ ᓄᓇᕗᒻᒥ, ᐃᓚᖃᕋᔭᖅᑐᑦ ᐃᓄᓕᒫᖅᓯᐅᑎᓂᒃ ᐱᔨᑦᑎᕋᐃᔨᓂ ᒐᕙᒪᒃᑯᓐᓂ ᐃᖃᓇᐃᔭᕐᕕᐅᕙᒃᑐᓂᒃ, ᒪᑯᓂᖓ ᐱᔾᔪᑎᖃᕐᓂᐊᖅᑐᓂᒃ: ᐃᓕᓐᓂᐊᖅᑐᓕᕆᓂᕐᒥᒃ, ᐋᓐᓂᐊᖅᑐᓕᕆᓂᕐᒥᒃ, ᖃᐅᑕᒫᖅᓯᐅᑕᐅᕙᒃᑐᓂᒃ ᑲᔪᓯᑎᑦᑎᓂᕐᒥᒃ ᑲᒪᔨᐅᕙᖕᓂᕐᒥᒃ, ᑎᑎᕋᕐᕕᖕᓂᓪᓗ ᐱᓕᕆᕕᐅᕙᒃᑐᓂ ᐊᒻᒪᓗ ᖃᐅᔨᓴᖅᑎᒃᓴᐅᔭᕆᐊᖃᕐᓂᐊᖅᑐᓂᒃ.

ᓴᖏᔪᒥᒃ ᐱᕈᖅᐸᓪᓕᐊᓂᖏᑦ ᓇᓚᐅᑖᖅᑕᐅᓯᒪᔪᑦ ᓄᓇᕗᒻᒥ ᐃᓅᔾᔪᑎᒃᓴᓕᐅᕈᑎᑦ, ᐱᒻᒪᕆᐊᓘᓂᐊᖅᑐᓂᒡᓗ ᐊᒥᓱᕈᕆᐊᕐᓂᐊᕐᓂᖏᑦ ᓄᓇᒥᐅᑕᓂᒃ ᐃᒪᕐᒥᐅᑕᓂᒡᓗᓐᓃᑦ ᐊᑐᒃᑲᓐᓂᕈᓐᓇᖏᑦᑐᓂᒃ ᐊᒨᖃᐃᕕᐅᕙᖏᓂᖏᓐᓂᒃ ᓴᓇᕕᐸᐅᔭᐅᕙᒃᑐᓂᒃ.

  • ᓄᓇᕗᒻᒥ ᐃᓄᓕᒫᖅᓯᐅᑎᓂᒃ ᐱᔨᑦᑎᕋᐃᕖᑦ ᐃᖅᑲᓇᐃᔭᕐᕕᐅᕙᖕᓂᖏᑦ ᒐᕙᒪᒃᑯᓐᓂ ᐱᓇᓱᓐᓂᖅᓴᐅᓕᐅᕈᒫᖅᑐᑦ ᑕᐃᒃᑯᓂᖓ ᐊᔪᖏᑦᑑᑎᐅᓂᖏᓐᓂᒃ ᐱᓕᕆᔨᒃᓴᓂᒃ ᐊᕐᕋᒍᒐᓴᐊᓵᕐᓂᐊᓕᖅᑐᓂ ᐊᒡᒋᖅᑐᓂ ᐱᔾᔪᑕᐅᓗᑎᒃ ᐊᒥᓱᑦ ᐊᓯᖏᑦ ᐊᖏᔫᑎᓂᒃ ᓴᓇᕝᕕᖃᓕᕈᓐᓇᖅᑐᑦ ᓇᓚᐅᑦᑖᖅᑕᐅᓯᒪᖕᒪᑕ ᐱᕈᖅᐸᓪᓕᑐᐃᓐᓇᓚᖓᓕᕐᓂᖅ (ᓲᕐᓗ ᐅᔭᕋᖕᓂᐊᕐᕖᑦ, ᐃᒡᓗᕐᔪᐊᓕᐅᖅᑏᓪᓗ).
  • ᐅᔭᕋᖕᓂᐊᕐᕖᑦ ᓴᓇᔪᓐᓇᖅᑎᒋᓂᖏᑦ ᓄᓇᕗᑦ ᐊᕕᒃᑐᖅᓯᒪᓂᖏᓂ ᓂᕆᐅᒋᔭᐅᓕᖅᑐᑦ ᒪᕐᕈᐃᖅᑕᖅᓯᒪᑎᔪᒥᒃ ᐊᖏᒡᓕᒋᐊᖅᓯᒪᓚᖓᓂᒃ 2016-ᖑᓚᐅᖅᑑᑉ ᓴᓂᐊᓂᒃ, ᑕᒫᓂ ᐊᕐᕋᒎᓕᕈᒫᖅᑐᒥ 2020-ᒥ. ᑕᒪᒃᑯᐊ ᐅᔭᕋᓐᓂᐊᖅᑏᑦ ᓂᕆᐅᒋᔭᐅᒐᓗᐊᖅᓱᑎᒃ ᓴᖏᔪᐊᓘᓂᐊᖅᑐᒥᒃ ᐱᕈᖅᐸᓪᓕᐊᓚᖓᓂᖏᓐᓂᒃ ᐊᕐᕋᒍᒐᓴᐅᓵᓂᐊᖅᑐᓂ, ᓴᓇᕝᕕᐅᕙᖕᓂᖏᑦ ᑕᒪᒃᑯᐊ ᐊᓯᔾᔨᑳᓪᓚᕐᒃᑐᐊᓘᓲᖑᒋᕗᑦ ᒪᓕᖕᓂᖏᓐᓄᑦ ᐱᔪᒪᔭᐅᕙᓐᓂᖏᓐᓂᒃ ᓂᐅᕕᐊᖑᔪᒪᓂᖅ ᓄᓇᕐᔪᐊᓕᒫᒥ ᐅᔭᕋᓂᐊᖅᑕᐅᓯᒪᕙᒃᑐᑦ ᐊᒨᖃᖅᑕᐅᕙᖕᓂᖏᓐᓂᒃ ᓄᓇᒥᒃ ᐃᒪᕐᒥᒡᓗᓐᓃᑦ.

3.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᒐᕙᒪᒃᑯᓐᓂ ᐱᓕᕆᕖᑦ-ᐃᖃᓇᐃᔭᕐᕖᑦ, ᐃᓄᖃᖏᓂᖏᑦ ᐊᒻᒪᓗ ᐃᓄᐃᑦ ᑕᒪᒃᑯᓇᓂ ᐊᒥᓲᓂᖏᑦ ᐱᓕᕆᔨᐅᔪᑦ ᐃᖅᑲᓇᐃᔭᖅᑏᑦ

ᐊᔾᔨᓐᖑᐊᖅ 3: ᐃᓚᒋᔭᖓ ᓄᓇᕗᑦ ᒐᕙᒪᒃᑯᐃᓐᓄᑦ ᐃᖅᑲᓇᐃᔭᖅᑏᑦ ᐃᓄᐃ ᐊᒻᒪ ᐃᓄᓪᓚᑦᑖᖑᖏᑦᑐᑦ

  • ᐃᓄᐃᑦ ᐊᒥᓲᓂᖃᖅᐳᑦ ᑕᒫᓂ 50% ᓄᓇᕗᑦ ᒐᕙᒪᒃᑯᖏᑦ ᐱᓕᕆᔨᖏᓐᓂ/ ᐃᖅᑲᓇᐃᔭᖅᑎᖏᓐᓂᒃ ᐊᒻᒪᓗ 40% ᑲᓇᑕᐅᑉ ᒐᕙᒪᐃᑦ ᐃᖅᑲᓇᐃᔭᖅᑎᖏᓐᓂ ᓄᓇᕗᒻᒥ (ᐊᔾᔨᙳᐊᖅ 4). ᐊᒻᒪᑕᐅᖅ ᓱᓕ 85% ᓄᓇᓕᖕᓂ ᒐᕙᒪᒋᔭᐅᔪᓂ ᐱᓕᕆᔨᖏᑦ/ᐃᖅᑲᓇᐃᔭᖅᑏᑦ ᓄᓇᕗᒻᒥ ᐃᓅᓪᓗᑎᒃ.
ᐊᔾᔨᓐᖑᐊᖅ 3: ᐃᓚᒋᔭᖓ ᓄᓇᕗᑦ ᒐᕙᒪᒃᑯᐃᓐᓄᑦ ᐃᖅᑲᓇᐃᔭᖅᑏᑦ ᐃᓄᐃ ᐊᒻᒪ ᐃᓄᓪᓚᑦᑖᖑᖏᑦᑐᑦ

ᓇᑭᙶᕐᓂᖓ: ᑐᕌᖅᑐᑦ ᑭᒡᒐᖅᑐᐃᔨᒥᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑐᑦ ᐅᓂᒃᑳᑦ, ᓄᓇᕗᑦ ᒐᕙᒪᒃᑯᑦ, ᒫᑦᓯ 2017

ᐊᔾᔨᓐᖑᐊᖅ 3: ᐃᓚᒋᔭᖓ ᓄᓇᕗᑦ ᒐᕙᒪᒃᑯᐃᓐᓄᑦ ᐃᖅᑲᓇᐃᔭᖅᑏᑦ ᐃᓄᐃ ᐊᒻᒪ ᐃᓄᓪᓚᑦᑖᖑᖏᑦᑐᑦ
ᐃᓄᐃᑦ ᓇᓗᓇᐃᒃᑯᑕᖓ ᐃᓚᒋᔭᖓ ᓄᓇᕗᑦ ᒐᕙᒪᒃᑯᐃᓐᓄᑦ ᐃᖅᑲᓇᐃᔭᖅᑏᑦ ᐃᓄᐃ ᐊᒻᒪ ᐃᓄᓪᓚᑦᑖᖑᖏᑦᑐᑦ
ᐃᓄᐃᑦ 50%
ᐃᓄᓪᓚᑦᑖᖑᖏᑦᑐᑦ 50%
ᐊᔾᔨᓐᖑᐊᖅ 4: ᐃᓚᒋᔭᖓ ᑲᓇᑕᐅᑉ ᒐᕙᒪᒃᑯᐃᓐᓄᑦ ᐃᖅᑲᓇᐃᔭᖅᑏᑦ ᐃᓄᐃ ᐊᒻᒪ ᐃᓄᓪᓚᑦᑖᖑᖏᑦᑐᑦ

ᓇᑭᙶᕐᓂᖓ: ᔮᓐᓄᐊᕆ 2017 ᑲᓇᑕᐅᑉ ᒐᕙᒪᒃᑯᖏᑦ ᐃᓗᐊᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᓯᒋᐊᕈᑏᑦ, ᑐᓐᖓᓂᖃᖅᑐᑦ ᑐᑭᓯᒋᐊᕈᑎᓂᑦ ᐱᑕᖃᖅᑎᑕᐅᔪᑦ ᐱᓕᒻᒪᔅᓴᐃᕕᒃ ᐊᑕᖏᖅᑐᒍ ᒐᕙᒪᒃᑯᓐᓄᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑦ

ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᓂᖏᑦ ᐊᔾᔨᓐᖑᐊᖅ 4: ᐃᓚᒋᔭᖓ ᑲᓇᑕᐅᑉ ᒐᕙᒪᒃᑯᐃᓐᓄᑦ ᐃᖅᑲᓇᐃᔭᖅᑏᑦ ᐃᓄᐃ ᐊᒻᒪ ᐃᓄᓪᓚᑦᑖᖑᖏᑦᑐᑦ
ᐃᓄᐃᑦ ᓇᓗᓇᐃᒃᑯᑕᖓ ᐃᓚᒋᔭᖓ ᑲᓇᑕᐅᑉ ᒐᕙᒪᒃᑯᐃᓐᓄᑦ ᐃᖅᑲᓇᐃᔭᖅᑏᑦ ᐃᓄᐃ ᐊᒻᒪ ᐃᓄᓪᓚᑦᑖᖑᖏᑦᑐᑦ
ᐃᓄᐃᑦ 40%
ᐃᓄᓪᓚᑦᑖᖑᖏᑦᑐᑦ 60%
  • ᑕᒪᐃᓐᓂ ᓇᓂᑐᐃᓐᓇᖅ ᑲᓇᑕᐅᑉ ᒐᕙᒪᒃᑯᖏᓐᓂ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂ, ᐃᓄᐃᑦ ᑭᒡᒐᖅᑐᖅᑕᐅᓂᖏᑦ ᖁᑦᓯᖕᓂᖅᐹᖏᓐᓃᑉᐳᑦ ᖃᐅᑕᒫᖅᓯᐅᑎᓂᒃ ᑲᒪᒋᔭᐅᕙᓪᓕᐊᖏᓐᓇᕆᐊᖃᓲᖑᔪᓂᒃ ᐃᖅᑲᓇᐃᔭᖅᑎᐅᓂᖏᓐᓂᒃ, ᑭᓯᐊᓂᓕᑦᑕᐅᖅ ᐊᑦᑎᖕᓂᖅᓴᐅᓲᖑᒋᕗᑦ ᑕᒪᒃᑯᓇᓂ ᐱᓕᕆᕕᐅᔪᓂ ᐃᖅᑲᓇᐃᔮᕆᔭᐅᔪᓂ ᐊᐅᓚᑦᑎᔨᐅᕙᖕᓂᖏᓐᓂ ᐊᒻᒪᓗ ᐊᖓᔪᖄᕆᔭᐅᕙᖕᓂᖏᓐᓂ ᐊᒻᒪᓗ ᑕᒪᒃᑯᓇᓂ ᐱᓕᕆᕕᖕᓂ ᐃᖅᑲᓇᐃᔮᖑᔪᓂ ᖃᐅᔨᓴᖅᑎᐅᓂᕐᒥᒃ/ᐃᓕᓐᓂᐊᓯᒪᑯᑖᒋᐊᓕᖕᓂ ᐃᖅᑲᓇᐃᔮᖑᕙᒃᑐᓂ. ᓄᓇᓕᖕᓂ ᒐᕙᒪᐅᔪᓂ, ᐃᓄᐃᑦ ᑭᒡᒐᖅᑐᐃᔪᑦ ᖁᑦᑎᖕᓂᖅᐹᖑᔪᓂᒃ ᐃᖅᑲᓇᐃᔭᖅᑎᐅᓂᖏᓐᓂᒃ, ᐃᓕᓐᓂᐊᕌᓂᒍᑎᒃᓴᖃᕆᐊᖃᕆᐊᖃᖅᑐᓂ ᐱᓕᕆᐊᖃᕈᓐᓇᕐᓂᕐᒧᑦ ᐃᖅᑲᓇᐃᔮᖃᕈᓐᓇᕐᓂᕐᒧᑦ ᑕᒪᒃᑯᓂᖓ, ᐱᓕᕆᕕᐅᔪᓂᓗ ᐊᔪᕈᓐᓃᖅᓴᖅᑕᐅᕙᓪᓕᐊᔭᕆᐊᖃᕐᓂᐊᖅᑐᓂᒃ ᐅᕝᕙᓘᓐᓂᑦ ᓯᓚᑦᑐᖅᓴᕐᕕᖕᓂᒃ ᐃᓕᓐᓂᐊᖅᓯᒪᔭᕆᐊᖃᕐᓂᖏᑦ ᐊᒥᓲᖏᓂᖅᓴᐅᕙᒃᑐᑦ ᑕᐃᒃᑯᓇᓂ ᐊᐅᓚᑦᑎᔨᐅᕙᖕᓂᕐᒧᑦ ᐃᖅᑲᓇᐃᔮᕆᔭᐅᕙᒃᑐᓂᒃ ᐊᒻᒪᓗ ᑕᐃᒃᑯᓇᓂ ᐃᓕᓐᓂᐊᕐᕕᐸᐅᔭᐅᓂᖅᐹᕆᔭᐅᕙᒃᑐᓂᒃ ᐃᓕᓐᓂᐊᖅᓯᒪᔭᕆᐊᖃᕐᓂᖏᓐᓂᒃ.

ᐱᓕᕆᕕᒃᓴᓂᒃ/ᐃᖅᑲᓇᐃᔭᕐᕕᒃᓴᓂᒃ ᐱᑕᖃᖅᐳᖅ ᓇᓂᑐᐃᓐᓇᖅ ᖃᓄᑐᐃᓐᓇᖅ ᐳᖅᑐᓂᖃᖅᑎᒋᔪᓂᒃ ᒐᕙᒪᐅᔪᓂᒃ ᐱᓕᕆᕕᒋᕙᒃᑕᖏᓐᓂᓗ.

  • 2017−ᒥᑦ, ᐅᑯᐊᖑᓚᐅᖅᑐᑦ 70 ᑲᓇᑕᐅᑉ ᒐᕙᒪᒃᑯᓐᓂᑦ ᐃᓐᓄᑦᑕᐅᓯᒪᖏᑦᑐᑦ (18% ᐅᑯᓇᓂ 379 ᐃᖅᑲᓇᐃᔮᔅᓴᓂᑦ) (ᐊᔾᔨᓐᖑᐊᖅ 5) ᐊᒻᒪ 1,285 ᓄᓇᕗᑦ ᒐᕙᒪᒃᑯᓐᓂᑦ ᐃᓐᓄᑦᑕᐅᓯᒪᖏᑦᑐᑦ (27%) (ᐊᔾᔨᓐᖑᐊᖅ 6)Footnote 1. ᐃᓄᐃᑦ ᐃᖅᑲᓇᐃᔭᖅᑏᑦ ᑭᒡᒐᖅᑐᐃᔪᑦ 33% ᐃᓐᓄᑦᑕᐅᓯᒪᔪᓕᒫᓂᑦ ᐊᒻᒪ ᐃᓐᓄᑦᑕᐅᓯᒪᖏᑦᑐᓂ ᐃᖅᑲᓇᐃᔮᔅᓴᓂᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᒻᒪ 37% ᐃᓐᓄᑦᑕᐅᓯᒪᔪᓕᒫᓂᑦ ᐊᒻᒪ ᐃᓐᓄᑦᑕᐅᓯᒪᖏᑦᑐᓂ ᐃᖅᑲᓇᐃᔮᔅᓴᓂᑦ ᓄᓇᕗᑦ ᒐᕙᒪᒃᑯᓐᓂᑦ.
ᐊᔾᔨᓐᖑᐊᖅ 5: ᐃᓐᓄᑦᑕᐅᓯᒪᖏᑦᑐᑦ ᐊᒻᒪ ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᑲᓇᑕᐅᑉ ᒐᕙᒪᒃᑯᖏᓐᓂ

ᓇᑭᙶᕐᓂᖓ: ᔮᓐᓄᐊᕆ 2017 ᑲᓇᑕᐅᑉ ᒐᕙᒪᒃᑯᖏᑦ ᐃᓗᐊᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᓯᒋᐊᕈᑏᑦ, ᑐᓐᖓᓂᖃᖅᑐᑦ ᑐᑭᓯᒋᐊᕈᑎᓂᑦ ᐱᑕᖃᖅᑎᑕᐅᔪᑦ ᐱᓕᒻᒪᔅᓴᐃᕕᒃ ᐊᑕᖏᖅᑐᒍ ᒐᕙᒪᒃᑯᓐᓄᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑦ

ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᓂᖏᑦ ᐊᔾᔨᓐᖑᐊᖅ 5: ᐃᓐᓄᑦᑕᐅᓯᒪᖏᑦᑐᑦ ᐊᒻᒪ ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᑲᓇᑕᐅᑉ ᒐᕙᒪᒃᑯᖏᓐᓂ
ᑲᓇᑕᐅᑉ ᒐᕙᒪᖏᑦ ᐊᒥᓲᓂᖏᑦ ᐃᖅᑲᓇᐃᔮᔅᓴᐃᑦ
ᐃᓄᐃᑦ 124
ᐃᓄᓪᓚᑦᑖᖑᖏᑦᑐᑦ 185
ᐃᓐᓄᔅᓯᒪᖏᑦᑐᑦ 70
ᑲᑎᓗᒋᑦ 379
ᐊᔾᔨᓐᖑᐊᖅ 6: ᐃᓐᓄᑦᑕᐅᓯᒪᖏᑦᑐᑦ ᐊᒻᒪ ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᓄᓇᕗᑦ ᒐᕙᒪᒃᑯᖏᓐᓂ

ᓇᑭᙶᕐᓂᖓ: ᔮᓐᓄᐊᕆ 2017 ᑲᓇᑕᐅᑉ ᒐᕙᒪᒃᑯᖏᑦ ᐃᓗᐊᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᓯᒋᐊᕈᑏᑦ, ᑐᓐᖓᓂᖃᖅᑐᑦ ᑐᑭᓯᒋᐊᕈᑎᓂᑦ ᐱᑕᖃᖅᑎᑕᐅᔪᑦ ᐱᓕᒻᒪᔅᓴᐃᕕᒃ ᐊᑕᖏᖅᑐᒍ ᒐᕙᒪᒃᑯᓐᓄᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑦ

ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᓂᖏᑦ ᐊᔾᔨᓐᖑᐊᖅ 6: ᐃᓐᓄᑦᑕᐅᓯᒪᖏᑦᑐᑦ ᐊᒻᒪ ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᓄᓇᕗᑦ ᒐᕙᒪᒃᑯᖏᓐᓂ
ᓄᓇᕗᑦ ᒐᕙᒪᒃᑯᑦ ᐊᒥᓲᓂᖏᑦ ᐃᖅᑲᓇᐃᔮᔅᓴᐃᑦ
ᐃᓄᐃᑦ 1,756
ᐃᓄᓪᓚᑦᑖᖑᖏᑦᑐᑦ 1,748
ᐃᓐᓄᔅᓯᒪᖏᑦᑐᑦ 1,285
ᑲᑎᓗᒋᑦ 4,789
  • ᑲᓇᑕᐅᑉ ᒐᕙᒪᒃᑯᖏᓐᓂ, ᓇᑉᐸᓪᓗᐊᖏᑦ (ᐊᕝᕙᓪᓗᐊᖏᑦ) ᐱᓕᕆᕕᒃᓴᐃᑦ/ᐃᖅᑲᓇᐃᔮᒃᓴᐃᑦ ᖃᐅᑕᒫᖅᓯᐅᑎᓂᒃ ᑲᒪᔨᐅᕙᖕᓂᕐᒥᒃ ᐱᔾᔪᑎᖃᓚᐅᖅᑐᑦ ᐱᓕᕆᕕᒃᓴᐃᑦ (25-ᖑᓗᑎᒃ ᐃᓄᖃᖏᑦᑐᑦ ᐃᓐᓄᒃᑕᐅᔭᕆᐊᓖᑦ) ᐅᕝᕙᓗᓐᓃᑦ ᑕᐃᒃᑯᓂᖓ ᖃᐅᑕᒫᖅᓯᐅᑕᐅᕙᒃᑐᓂᒃ ᑲᒪᒋᔭᐅᔭᕆᐊᖃᖅᑐᓂᒃ ᐃᑲᔪᖅᑎᐅᕕᒃᓴᐃᑦ ᐱᓕᕆᕕᐅᔪᑦ ᐃᖅᑲᓇᐃᔮᖑᓚᐅᖅᐳᑦ (6-ᖑᓪᓗᑎᒃ) ᑕᐃᒃᑯᐊᓗ ᐊᑕᐅᓯᕐᒥᒃ ᑕᓪᓕᒪᑕᒫᓂᒃ ᐊᒥᓲᓂᖃᕐᖅᑎᒋᔪᑦ ᐃᓄᖃᖏᑦᑐᑦ ᐱᓕᕆᕕᒃᓴᐃᑦ/ᐃᖅᑲᓇᐃᔮᒃᓴᐃᑦ ᐱᔾᔪᑎᖃᓚᐅᖅᑐᑦ ᖃᐅᔨᓴᖅᑎᐅᕙᖕᓂᕐᒥᒃ ᐱᓕᕆᕕᒃᓴᐅᔪᓂᒃ (15-ᖏᓂᓚᐅᖅᑐᑦ).
  • ᓄᓇᕗᑦ ᒐᕙᒪᒃᑯᖏᓐᓂ, ᖃᓂᒋᔭᖏᓃᓚᐅᖅᑐᑦ ᐱᖓᓱᑕᒫᓂᒃ ᐊᑕᐅᓯᐅᕙᖕᓂᖅ (35% ᐃᓄᖃᖏᑦᑐᑦ ᐱᓕᕆᕕᒃᓴᐃᑦ 454-ᖑᓪᓗᑎᒃ) ᓇᓗᓇᐃᔭᖅᑕᐅᓯᒪᓚᐅᖅᑐᑦ ᑕᒪᒃᑯᐊ ᐃᓕᑕᕆᔭᐅᓯᒪᔪᓂᒃ ᐃᓕᓐᓂᐊᖅᓯᒪᔪᒻᒪᑯᑖᒋᐊᖃᖅᑐᓂᒃ ᐊᒻᒪᓗ ᑐᒡᓕᕆᔭᐅᔪᒥᒃ ᐃᓄᖃᖏᓂᖅᐹᖑᖃᑕᐅᓚᐅᕆᓪᓗᑎᒃ ᑕᒪᒃᑯᐊ ᖃᐅᑕᒫᖅᓯᐅᑎᓂᒃ ᐱᓕᕆᐊᖑᕙᓪᓕᐊᔪᓂᒃ ᑲᒪᒋᔭᐅᕙᓪᓕᐊᖏᓐᓇᕆᐊᓕᖕᓂᒃ ᐃᑲᔪᖅᑎᐅᕙᒃᑐᑦ ᐱᓕᕆᕕᒃᓴᐃᑦ (28% ᐃᓄᖃᖏᓂᖏᑦ; 358-ᖑᓪᓗᑎᒃ)Footnote 2
  • ᖃᐅᔨᓴᖅᑎᐅᓂᕐᒥᒃ ᐃᖅᑲᓇᐃᔮᒃᓴᐃᑦ (ᓲᕐᓗ ᐆᒪᔪᓕᕆᔨᓂᒃ, ᐊᓯᖏᓐᓂᒡᓗ ᖃᐅᔨᓴᖅᑎᐅᔪᓐᓇᕆᐊᖃᖅᑐᓂᒃ) ᐊᒻᒪᓗ ᐋᓐᓂᐊᖅᑐᓕᕆᓂᕐᒥᒃ ᐱᓕᕆᕕᖕᓂ (ᓲᕐᓗ ᓇᓗᓇᐃᒃᑯᑕᖃᖅᑎᑕᐅᔪᓂᒃ ᐃᓱᐊᖅᓴᐃᔨᓂᒃ) ᐃᓕᑕᕆᔭᐅᓯᒪᓚᐅᖅᑐᑦ ᐱᔪᒪᔭᐅᔪᒻᒪᕆᐊᓘᓚᖓᓕᕐᓂᖏᓐᓂ ᒪᓐᓇᒫᖅ ᓯᕗᓂᒃᓴᐅᓂᐊᖅᑐᒥ.

ᖁᑦᑎᖕᓂᖅᓴᓂᒃ ᐅᖓᑕᓃᒃ ᐃᓕᓐᓂᐊᒃᑲᓐᓂᕈᑎᓖᑦ ᐱᔪᒪᔭᐅᓂᖅᐹᖑᔪᑦ ᐊᒥᓲᓂᖅᐹᖑᔪᓂᒃ ᐃᓄᖃᖏᓂᖏᓐᓄᑦ ᐃᖅᑲᓇᐃᔭᕐᕕᒃᓴᐃᑦ/ᐱᓕᕆᕕᒃᓴᐃᑦ.

  • ᑕᐃᒃᑯᓇᖓᑦ 70-ᖏᓃᑦᑐᓂᒃ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᕐᕕᒃᓴᓂ ᐃᓄᖃᖏᓂᖏᓐᓂ, 41% ᐃᓚᖏᓐᓂ ᖁᑦᑎᖕᓂᖅᓴᓂᒃ ᐅᖓᑕᓃᑦᑐᓂᒃ ᐃᓕᓐᓂᐊᑲᓐᓂᖅᓯᒪᔭᕆᐊᖃᖅᐳᑦ ᒥᑭᓛᕆᔭᐅᑎᑕᐅᔪᓂᒃ ᐊᔪᖏᓐᓂᖃᕈᑕᐅᔭᕆᐊᖃᖅᓱᑎᒃ. ᐊᒻᒪᑕᐅᖅ ᓱᓕ, 12%. ᐃᓄᖃᖏᓂᖏᑦ ᐃᓕᓐᓂᐊᕌᓂᒃᓯᒪᔭᕆᐊᖃᖅᑎᑕᐅᓚᐅᖏᑦᑐᑦ ᖁᑦᑎᖕᓂᖅᓴᓂᒃ ᐅᕝᕙᓗᓐᓃᑦ ᐃᓕᓐᓂᐊᖅᒪᔭᕆᐊᖃᖅᑎᑕᐅᓚᖏᑦᑐᑦ, ᐊᓯᖏᓪᓗ ᑕᐃᒃᑯᐊ 43% ᖁᑦᑎᖕᓂᖅᓴᓂᒃ ᐃᓕᓐᓂᐊᕌᓂᒃᓯᒪᖁᔭᐅᓪᓗᑎᒃ ᐅᕝᕙᓗᓐᓃᑦ ᓇᓪᓕᖃᒋᔪᓐᓇᖅᑕᖏᓐᓂᒃ ᐃᓕᓐᓂᐊᖅᓯᒪᖁᔭᐅᓪᓗᑎᒃ.
  • ᓄᓇᕗᑦ ᒐᕙᒪᖏᓐᓂ, ᐊᕝᕙᓪᓗᐊᖏᑦ ᐃᓄᖃᖏᓐᓂᖏᑦ ᐃᖅᑲᓇᐃᔭᕐᕖᑦ/ᐱᓕᕆᕕᒃᓴᐃᑦ (54%) ᐱᓯᒪᔭᕆᐊᖃᕋᔪᖕᒥᔪᑦ ᐃᓕᓐᓂᐊᕐᕕᒡᔪᐊᕆᔭᐅᓂᖅᐹᖑᔪᓂᒃ ᐃᓕᓐᓂᐊᖅᓯᒪᔭᕆᐊᖅᑎᑕᐅᓂᖅ ᐃᓚᖏᓂᒡᓗ ᐊᑕᐅᓯᕐᒥᒃ ᓯᑕᒪᐅᔪᓂ ᐊᕕᒃᑐᖅᓯᒪᑎᒋᔪᓂᒃ (ᑕᒫᓂ 26 %) ᐱᓯᒪᔭᕆᐊᖃᕋᔪᖕᒥᔪᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᓯᒪᔭᕆᐊᖃᕐᓂᖅ ᐅᕝᕙᓗᓐᓃᑦ ᐱᓕᕆᐊᒃᓴᖅᑕᖅᑎᑕᐅᓂᖏᓐᓂᒃ ᐊᔪᕈᓐᓃᖅᓴᖅᑕᐅᓯᒪᔭᕆᐊᖃᕐᓂᖅ. ᐊᒻᒪᑕᐅᖅ ᓱᓕ, 17% ᐃᓄᖃᖏᓐᓂᖏᑦ ᐱᓕᕆᕕᒃᓴᐃᑦ, ᐱᓯᒪᔭᕆᐊᖃᕋᔪᖕᒥᔪᑦ ᖁᑦᑎᖕᓂᖅᓴᓂᒃ ᐃᓕᓐᓂᐊᕌᓂᒃᓯᒪᔭᕆᐊᖃᕐᓂᖅ ᐅᕝᕙᓗᓐᓃᑦ ᑕᐃᒃᑯᓂᖓᓪᓗᑐᖅ ᐱᓕᕆᕕᒃᓴᓂᒃ ᐃᖅᑲᓇᐃᔮᒃᓴᐅᔪᓂᒃ ᐃᓕᓐᓂᐊᖅᓯᒪᔭᕆᐊᖃᕐᓂᖅ ᐊᒻᒪᓗ ᐊᓯᖏᑦ 3% ᐳᓴᓐᑎᖏᓂᑦᑐᑦ ᐊᔪᕈᓐᓃᖅᓴᐅᕙᓪᓕᐊᔭᕆᐊᖃᖅᑎᑕᐅᓪᓗᑎᒃ ᐃᖅᑲᓇᐃᔮᕆᓂᐊᓕᖅᑕᒥᓂᒃ.

ᐃᖅᑲᓇᐃᔭᖅᑎᐅᑐᐃᓐᓇᐃᓐᓇᓲᖑᔪᓂᒃ ᑭᖑᕝᕕᖅᑏᒃᓴᐃᑦ/ᐃᓇᖏᖅᑎᒃᓴᐃᑦ ᐱᓕᕆᔨᑦ ᐱᑕᖃᓲᖑᔪᑦ ᐃᖅᑲᓇᐃᔭᖅᑎᐅᖏᓐᓇᕈᕈᓐᓇᖅᑐᓂᒃ/ᐱᓕᕆᐅᖏᓐᓇᕈᓐᓇᖅᓯᓇᔭᖅᑐᓂᒃ ᑐᓂᓯᓯᒪᑐᐊᕈᑎᒃ ᐃᑲᔫᑎᒃᓴᐅᔪᓂᒃ ᐊᒻᒪᓗ ᐃᓕᓐᓂᐊᖃᑕᐅᔪᓐᓇᕐᓂᖅ ᐊᓯᔾᔨᖅᑕᐅᔪᓐᓇᕐᓂᐊᕐᒪᑕ ᐃᖅᑲᓇᐃᔭᖅᑎᐅᓕᕈᓐᓇᕐᓂᖏᑦ.

  • 2016-ᒥ ᓄᓇᕗᑦ ᒐᕙᒪᐃᑦ ᐃᖅᑲᓇᐃᔭᖅᑎᖏᓐᓂᒃ ᐊᐱᖅᓱᖅᑕᐅᒐᒥᒃ ᑎᑎᖃᑎᒍᑦ ᖃᐅᔨᓚᐅᖅᑐᑦ ᑕᒪᕐᒥᑲᓴᐃᑦ ᐃᓄᐃᑦ ᐃᖅᑲᓇᐃᔭᖅᑎᐅᖏᓐᓇᖏᑦᑐᑦ (1,200 ᐅᕝᕙᓗᓐᓃᑦ 92%) ᖃᐅᔨᑎᑦᑎᓚᐅᖅᑐᑦ ᐃᖅᑲᓇᐃᔭᖅᑎᐅᖏᓐᓇᕈᒪᓕᕐᓂᖏᓐᓂᒃ ᐆᒃᑐᖃᑦᑕᖅᓱᑎᒃ ᐃᖅᑲᓇᐃᔭᖅᑎᐅᖏᓐᓇᕐᕕᒃᓴᓄᑦ ᓯᕗᓂᐊᒍᑦ ᐅᕝᕙᓗᓐᓃᑦ ᐅᖃᐅᓯᕆᕙᒃᓱᓂᒋᑦ ᐃᖅᑲᓇᐃᔭᖅᑎᐅᖏᓐᓇᕈᕈᒪᓂᖏᑦ ᓯᕗᓂᒃᓴᒥ.
  • ᑕᐃᒃᑯᓇᓂ ᐃᖅᑲᓇᐃᔭᖅᑎᐅᖏᓐᓇᕈᕈᒪᓂᖏᓐᓂ, ᐅᖓᑕᓃᑦᑐᑦ ᐊᕝᕙᓗᐊᖏᓐᓂ (51%) ᐅᖃᓚᐅᖅᑐᑦ ᒥᑭᔪᒻᒪᕆᐊᓗᖕᒥᒃ ᐱᑕᖃᖏᑦᓯᐊᕐᒪᕆᒃᑐᓂᒡᓗᓐᓃᑦ ᖃᐅᔨᒪᓂᖃᕐᓂᕐᒥᓂᒃ ᖃᓄᖅ ᐊᐱᖅᓱᖅᑕᐅᕙᖕᓂᖏᓐᓂᒃ ᐱᐅᓯᖃᓲᖑᖕᒪᖔᑕ, ᑕᐃᒃᑯᐊᓗ 60% ᖃᐅᔨᒪᓚᐅᖏᑦᑐᑦ ᖃᓄᐃᓕᐅᓲᖑᖕᒪᖔᑕ ᐃᖅᑲᓇᐃᔭᖅᑕᖅᑎᑕᐅᓚᖓᓂᕐᒧᑦ ᐊᑐᖅᑕᐅᕙᒃᑐᓂᒃ, ᐊᒻᒪᓗ ᐊᕝᕙᓗᐊᑲᓴᖏᑦ (49%) ᒥᑭᔪᑯᓗᖕᓂᒃ ᖃᐅᔨᒪᓂᕋᓚᐅᖅᑐᑦ ᐅᕝᕙᓗᓐᓃᑦ ᖃᐅᔨᒪᖏᓐᓂᕋᐃᓪᓗᑎᒃ ᑎᑎᕋᖅᓯᒪᓲᖑᔪᓂᒃ ᖄᒥᐅᑕᕆᔭᐅᓂᕋᖅᑕᐅᓯᒪᕙᒃᑐᓂᒃ ᑎᑎᖃᓂᒃ ᐅᕝᕙᓗᓐᓃᑦ ᑎᑎᕋᖅᓯᒪᓲᖑᔪᓂᒃ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂᒃ ᐃᓕᓐᓂᐊᖅᓯᒪᓂᕐᒥᓂᒡᓗᓐᓃᑦ ᐅᓂᒃᑳᓕᐅᕈᑎᓂᒃ ᑎᑎᖃᑎᒍᑦ.

ᐃᓕᑕᕆᔭᐅᓯᒪᔪᓂᒃ ᐃᓕᓐᓂᐊᖅᓯᒪᓂᖅ/ᐊᔪᕈᓃᖅᓴᖅᑕᐅᓯᒪᓂᖅ ᐃᑲᔪᕐᓂᖃᕈᓐᓇᖅᐳᖅ ᐃᓄᖕᓂᒃ ᐃᓚᐅᔪᒪᔪᓂᒃ ᐸᕐᓇᒃᓯᒪᕙᒌᕈᓐᓇᕐᓂᖅ ᐃᖅᑲᓇᐃᔭᖅᑖᕈᓐᓇᕐᓂᕐᒧᑦ.

  • ᐊᖓᔪᖄᕆᔭᐅᓂᐊᖅᑐᓂᒃ ᐃᖅᑲᓇᐃᔭᖅᑎᒃᓴᖅᓯᐅᖅᐸᖕᓂᖅ ᐊᔪᕐᓇᓛᑦᑎᐊᖑᕙᒃᐳᖅ, ᖃᐅᔨᔭᐅᒐᒥᒃ ᐃᓕᓐᓂᐊᖅᓯᒪᖏᓗᐊᕐᓂᖏᑦ/ᓇᓪᓕᖃᖃᖏᓐᓗᐊᕐᓂᖏᓐᓄᓪᓗᓐᓃᑦ ᐊᒻᒪᓗ ᐱᓕᕆᐊᖃᓕᓂᐅᖏᓗᐊᕐᓂᖏᓐᓄᑦ ᐆᒃᑐᖃᑕᐅᔪᓂᒃ ᐱᔾᔪᑕᐅᓯᒪᕙᖕᓂᖏᑦ.
  • ᖁᑦᑎᖕᓂᖅᓴᓂ ᐃᓕᓐᓂᐊᕌᓂᒃᓯᒪᔭᕆᐊᖃᓲᖑᖕᒪᑕ ᐊᒥᓱᐊᓗᐃᑦ ᐃᓄᖃᖏᓐᓂᖏᑦ ᒐᕙᒪᒃᑯᓐᓂ ᐃᓄᓕᒫᓂᒃ ᐱᔨᑦᑎᕋᐃᔨᕙᖕᓂᐊᖅᑐᓂᒃ ᐃᖅᑲᓇᐃᔭᕐᕕᒃᓴᓂᒃ.

4.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᐃᓄᐃᑦ ᐊᑐᐃᓐᓇᐅᔪᓐᓇᕐᓂᖅ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᓐᓇᕐᓂᕐᒧᑦ:

ᐃᓄᖕᓂ ᓄᓇᕗᒻᒥ, ᐊᒥᓲᓂᖏᑦ ᐃᖅᑲᓇᐃᔭᕈᓐᓇᖅᑐᑦ ᐱᓕᕆᔪᓐᓇᖅᓯᔪᑦ ᐃᓚᖏᔭᐅᓂᖏᑦ ᐊᒥᓱᕈᕆᐊᖅᓯᒪᔪᑦ ᐊᕐᕋᒍᐃᑦ ᐊᑯᓐᓂᖏᓐᓂᒃ 2001-ᒥᓗ 2016-ᒥ.

  • ᐊᑯᓂᖏᓐᓂ ᐊᕐᕋᒍᐃᑦ 2001 ᐊᒻᒪᓗ 2016, ᐊᒥᓲᓂᖏᑦ ᐃᓄᐃᑦ ᐃᖅᑲᓇᐃᔭᕈᓐᓇᖅᓯᔪᓂ ᐱᓕᕆᔪᓐᓇᖅᓯᔪ ᐊᒥᓱᕈᕆᐊᖅᓯᒪᓚᐅᖅᑐᑦ (8,150-ᓂᒃ to 12,020-ᓄᑦ).
ᐊᔾᔨᓐᖑᐊᖅ 7: ᓄᓇᕗᒻᒥ ᐃᖅᑲᓇᐃᔭᖅᑏᑦ

ᓇᑭᙶᕐᓂᖓ: 2016 ᑭᓪᓕᓯᓂᐊᖅᑕᐅᓯᒪᔪᑦ

ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᓂᖏᑦ ᐊᔾᔨᓐᖑᐊᖅ 7: ᓄᓇᕗᒻᒥ ᐃᖅᑲᓇᐃᔭᖅᑏᑦ
ᓄᓇᕗᒻᒥ ᐃᖅᑲᓇᐃᔭᖅᑏᑦ ᐃᓄᒋᐊᓐᓂᖏᑦ
ᐃᓄᐃᑦ ᐃᖅᑲᓇᐃᔭᕈᓐᓇᖅᑐᑦ ᐊᕐᕌᒍᓖᑦ (ᐊᕐᕌᒍᓖᑦ 15 ᐊᒻᒪ ᐅᖓᑖᓄᑦ) 19,230
ᐃᖅᑲᓇᐃᔭᖅᑏᑦ ᐃᓚᐅᖃᑕᐅᔪᑦ 12,020
ᐃᖅᑲᓇᐃᔭᖅᑐᑦ 8,650
ᐃᖅᑲᓇᐃᔭᖏᑦᑐᑦ 3,370
ᐃᖅᑲᓇᐃᔭᖃᑕᐅᖏᑦᑐᑦ 7,210
ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᕈᓐᓇᖅᑐᑦ ᐊᕐᕌᒍᓖᑦ (ᐊᕐᕌᒍᓖᑦ 15 ᐊᒻᒪ ᐅᖓᑖᓄᑦ) 4,700
ᐃᖅᑲᓇᐃᔭᖅᑏᑦ ᐃᓚᐅᖃᑕᐅᔪᑦ 4,320
ᐃᖅᑲᓇᐃᔭᖅᑐᑦ 4,170
ᐃᖅᑲᓇᐃᔭᖏᑦᑐᑦ 150
ᐃᖅᑲᓇᐃᔭᖃᑕᐅᖏᑦᑐᑦ 385
  • 2016−ᒥᑦ, ᓇᑉᐸᒋᓗᐊᖅᑕᖏᑦ ᐃᓄᐃᑦ ᓄᓇᕗᒻᒥ (63%) ᐃᖅᑲᓇᐃᔭᓚᐅᖅᑐᑦ ᐃᓚᐅᖃᑕᐅᔪᑦ, ᐅᑯᓇᓂ 8,650 ᐃᖅᑲᓇᐃᔭᓚᐅᖅᑐᑦ ᐊᒻᒪ 3,370 ᐃᖅᑲᓇᐃᔭᓚᐅᖏᑦᑐᑦ. ᐃᓄᓐᓂᑦ ᐃᖅᑲᓇᐃᔭᕈᓐᓇᖅᑐᓂᑦ ᐊᕐᕌᒍᓖᑦ ᐊᒥᓲᓂᖏᑦ ᓄᓇᕗᒻᒥ, 45% ᐃᖅᑲᓇᐃᔭᓚᐅᖅᑐᑦ 18% ᐃᖅᑲᓇᐃᔭᓚᐅᖏᑦᑐᑦ ᐊᒻᒪ 37% ᐃᖅᑲᓇᐃᔭᖅᑐᓃᓚᐅᖏᑦᑐᑦ. ᐃᓄᓪᓚᑦᑖᖑᖏᑦᑐᓂᑦ ᐃᖅᑲᓇᐃᔭᕈᓐᓇᖅᑐᑦ ᐊᕐᕌᒍᓖᑦ ᐊᒥᓲᓂᖏᑦ ᓄᓇᕗᒻᒥ, 89% ᐃᖅᑲᓇᐃᔭᓚᐅᖅᑐᑦ 3% ᐃᖅᑲᓇᐃᔭᓚᐅᖏᑦᑐᑦ ᐊᒻᒪ 8% ᐃᖅᑲᓇᐃᔭᖅᑐᓃᓚᐅᖏᑦᑐᑦ.

ᐃᖅᑲᓇᐃᔭᖏᑦᑐᑦ ᐃᓄᐃᑦ ᐊᑐᐃᓐᓇᐅᕙᒃᐳᑦ ᒐᕙᒪᒃᑯᓐᓂᒃ ᐃᖅᑲᓇᐃᔭᖅᑎᖑᖃᑕᐅᔪᓐᓇᖅᑐᓂᒃ ᐊᑎᓕᐅᖅᑕᐅᓯᒪᔪᓂᒃ, ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᖃᑕᐅᔪᒪᑐᐊᕈᑎᒃ ᐱᓕᕆᔨᐅᔪᒪᒍᑎᒃ ᐊᒻᒪᓗ ᐊᔪᖏᓐᓂᖃᑐᐊᕈᑎᒃ ᐊᔪᖏᑕᐅᔭᕆᐊᖃᖅᑐᓂᒃ.

  • ᐃᓄᐃᑦ ᐊᒥᓲᓂᖏᑦ ᐃᖅᑲᓇᐃᔮᒃᖃᖏᑦᑐᑦ/ᐱᓕᕆᐊᖏᑦᑐᑦ ᐊᒻᒪᓗ ᐃᓄᐃᑦ ᐃᖅᑲᓇᐃᔭᖏᓂᖏᓐᓂᒃ ᐊᒥᓲᑎᒋᓂᖏᑦ ᖁᕙᕆᐊᖅᓯᒪᔪᑦ ᐊᕐᕋᒍᐃᑦ ᐊᑯᓂᖏᓐᓂᒃ 2011 ᐊᒻᒪᓗ 2016. ᐃᖅᑲᓇᐃᔭᖏᑦᑐᑦ/ᐱᓕᕆᖏᑦᑐᑦ ᐃᓄᐃᑦ ᐊᒥᓱᕈᕆᐊᖅᓯᒪᓚᐅᖅᑐᑦ 2,295-ᒥᒃ 3,370-ᓄᑦ ᐊᒻᒪᓗ ᐃᖅᑲᓇᐃᔭᖏᓐᓂᖏᑦ ᐱᓕᕆᕕᖃᖏᓂᖏᑦ ᐃᓄᖕᓂ 24% ᐳᓴᓐᑎᓂᒃ 28% ᐳᓴᓐᑎᓄᑦ.
  • 2016-ᒥ ᐊᑕᐅᓯᐅᓇᔭᖅᑐᖅ ᐱᖓᓱᑕᒫᓂᒃ ᐱᓕᕆᕕᒃᓴᖅᓯᐅᖅᑐᑦ ᖁᑦᑎᖕᓂᖅᓴᓂᒃ ᐃᓕᓐᓂᐊᕌᓂᒃᓯᒪᕙᓚᐅᖅᑐᑦ (1,190 ᑲᑎᓪᓗᒋᑦ ᑕᒪᕐᒥᒃ), ᐊᒥᓲᓂᖏᓐᓂ ᐱᓕᕆᕕᒃᓴᖃᖏᑦᑐᑦ ᖁᑦᑎᖕᓂᖅᓴᓂᒃ ᐃᓕᓐᓂᐊᕌᓂᒃᓯᒪᔪᓂ, ᐊᒥᓲᓂᖅᐹᖑᓚᐅᖅᑐᑦ ᐱᓕᕆᕕᒃᓴᖃᖏᑦᑐᑦ ᐃᖃᓗᖕᓂ (130), ᐊᕐᕕᐊᓂᓗ (130) ᑲᖏᖠᓂᕐᒥᓗ (120).
  • ᑕᒪᕐᒥᑲᓴᐃᑦ ᐱᓕᕆᕕᒃᓴᖃᖏᑦᑐᑦ/ ᐃᖅᑲᓇᐃᔮᖃᖏᑦᑐᑦ ᓇᓗᓇᐃᕆᕙᓚᐅᖅᑐᑦ ᐃᖅᑲᓇᐃᔭᕐᕕᒃᓴᖃᖏᓐᓂᕐᒥᒃ/ᐱᓕᕆᕕᒃᓴᖃᖏᓂᕐᒥᒃ (86%) ᐱᔾᔪᑕᐅᓂᖏᓐᓂᒃ ᐱᓕᕆᖏᓐᓂᕐᒥᓄᑦ, ᑕᒪᒃᑯᐊᓗ ᑭᖑᓂᐊᒍᑦ ᐱᔾᔪᑕᐅᓚᐅᕆᓪᓗᑎᒃ ᐃᓕᓐᓂᐊᖅᓯᒪᖏᓗᐊᓂᕐᖏᑦ/ᐊᔪᕈᓐᓂᖅᓯᒪᖏᓗᐊᕐᓂᖏᓐᓂᒃ ᐱᔾᔪᑎᖃᕐᓂᖅ (56%) ᐅᕝᕙᓗᓐᓃᑦ ᐱᓕᕆᓚᐅᖅᓯᒪᖏᓂᕐᒥᓄᑦ (52%) (2012 -ᒥ ᓄᓇᖃᖅᑐᑐᖃᐅᔪᓂᒃ ᐃᓄᖁᑎᒋᔭᐅᔪᓂᒃ ᐊᐱᖁᑎᑦ ᑎᑎᖃᑎᒍᑦ).

ᐊᒥᓲᓂᖃᖅᑐᑦ ᒪᕐᕉᒃ-ᑕᓕᒪᑕᒫᖑᔪᓂᒃ ᐃᓄᐃᑦ ᐱᓕᕆᖃᑕᐅᔪᓐᓇᖅᓯᓯᒪᒧᓂᒃ ᐃᖅᑲᓇᐃᔭᖃᑖᖅᓯᒪᖏᑦᑐᑦ/ᐱᓕᕆᖏᑦᑐᑦ ᑭᓯᐊᓂᓕᑕᐅᖅ ᐃᓚᐃᓐᓇᖏᑦ ᐱᓕᕆᔪᓐᓇᖅᓯᓯᒪᔪᑦ ᐱᓕᕆᐊᒃᑖᕈᒪᓲᖑᕗᑦ ᐃᖅᑲᓇᐃᔮᖅᑖᕈᒪᓲᖑᒋᕗᑦ.

  • ᐊᒥᓲᓂᖏᑦ ᐃᓄᐃᑦ ᐱᓕᕆᖏᑦᑐᑦ/ᐃᖅᑲᓇᐃᔭᖏᑦᑐᑦ ᐊᒥᓲᔪᓐᓂᖅᓯᒪᓚᐅᖅᑐᑦ ᐊᕐᕋᒍᐃᑦ ᐊᑯᓂᖏᓐᓂ 2011 ᐊᒻᒪᓗ 2016, 7,435-ᓂᒃ 7,210-ᓄᑦ ᐃᓄᐃᑦ. ᐃᓄᐃᑦ ᐊᒥᓱᓂᖏᑦ ᐃᖅᑲᓇᐃᔭᖏᑦᑐᑦ/ ᐱᓕᕆᔨᖏᑦᑐᑦ ᐊᒥᓲᔪᓐᓃᖅᓯᒪᓚᐅᖅᑐᑦ 43 ᐳᓴᓐᑎᓂᒃ ᐊᕐᕋᒍᒥ 2011-ᒥ 37 ᐳᓴᓐᑎᓄᑦ ᐊᕐᕋᒍᒥ 2016.
  • ᑕᐃᒃᑯᓇᓂ ᐃᓄᖕᓂᒃ ᐱᓕᕆᖏᑦᑐᓂ/ᐃᖅᑲᓇᐃᔭᖏᑐᓂ, 29% (2,070 ᐃᓄᐃᑦ) ᐃᓕᓐᓂᐊᖃᑕᐅᓚᐅᖅᑐᑦ ᑕᒫᓂ ᐊᕐᕋᒍᒥ 2015-2016. ᖃᓂᒋᔭᖏᑦ ᐊᕝᕙᓪᓗᐊᖏᑦ (49% ᐅᕝᕙᓗᓐᓃᑦ ᐊᒥᓲᓂᖏᑦ 1,880) ᐃᓄᐃᑦ ᐅᑭᐅᓕᑦ ᐊᑯᓂᖏᓐᓂ 15-29 ᐱᓕᕆᖃᑕᐅᓚᐅᖏᑦᑐᑦ ᐃᓕᓐᓂᐊᓚᐅᖅᐳᑦ ᓴᓂᐊᓂᒃ ᑕᐃᒃᑯᓇᖓ 5% ᐳᓴᓐᑎᖏᓃᓚᐅᖅᑐᓂᒃ (ᐅᕝᕙᓗᓐᓃᑦ 185-ᖑᓚᐅᖅᑐᓂᒃ) ᐅᑭᐅᓕᖕᓂᒃ 30 ᐅᖓᑕᓃᓗ ᐱᓕᕆᓚᐅᖏᑦᑐᓂᒃ.
  • ᑐᖓᕕᐅᓪᓗᑎᒃ ᐊᐱᖁᑕᐅᓚᐅᖅᑐᑦ ᓄᓇᖃᖅᑐᑐᖃᐅᔪᓂᒃ ᐃᓄᖁᑎᒋᔭᐅᔪᓂᒃ ᐊᐱᖁᑕᐅᕙᓚᐅᖅᑐᓂᒃ, ᖃᐅᔨᒪᔪᒍᑦ ᐃᓚᖏᑦ ᐃᓄᐃᑦ ᐱᓕᕆᖃᑕᐅᖏᑦᑐᑦ ᐱᓕᕆᐊᒃᓴᖅᑖᕈᒪᕙᓚᐅᖏᓐᓂᖏᓐᓂᒃ.

ᐸᐃᕆᔨᖃᕆᐊᖃᕐᓂᖅ, ᐋᓐᓂᐊᕈᑎᖃᓲᖑᓂᖅ ᐊᒻᒪᓗ ᐱᕙᓕᐊᓚᐅᖅᓯᒪᔪᓄᑦ ᐊᒃᑐᖅᑕᐅᓯᒪᓂᕐᒧᑦ ᖁᐊᖅᓵᕐᓇᖅᑐᒃᑰᖅᑎᑕᐅᓯᒪᕙᖕᓂᖅ ᐊᒃᑐᖅᓯᓯᒪᕙᒃᐳᑦ ᐱᔾᔪᑕᐅᕙᖕᓂᕐᒧᑦ ᐊᑐᐃᓐᓇᐅᔪᓐᓇᕐᓂᕐᒧᑦ ᐃᓄᐃᑦ ᐊᔪᕈᓐᓃᖅᓴᐅᑕᐅᔪᓐᓇᕐᓂᖏᓐᓄᑦ ᐊᒻᒪᓗ ᐱᓕᕆᐊᒃᓴᖅᑖᕈᓇᕐᓂᖏᓐᓄᑦ/ᐃᖅᑲᓇᐃᔮᒃᓴᒥᓂᒃ

  • ᑕᒪᕐᒥᒃ ᐃᓄᐃᑦ ᐃᖅᑲᓇᐃᔭᖅᑏᑦ ᑲᑎᓪᓗᒋᑦ 27% ᐊᒻᒪᓗ 24% ᐃᓄᓪᓚᕆᐅᖏᑦᑐᑦ ᖃᓪᓗᓈᑦ ᐊᓯᖏᓪᓗ ᐃᓕᑕᖅᓯᓯᒪᓂᕋᐃᓚᐅᖅᑐᑦ ᐸᐃᕆᔨᒃᓴᖃᑦᑎᐊᖏᓗᐊᕐᓂᕐᒥᒃ ᖁᓪᓕᖅᐹᖑᔪᒥᒃ ᐱᔾᔪᑕᐅᕙᖕᓂᖓᓂᒃ, ᐋᕿᒋᐊᖅᑕᐅᓯᒪᓇᔭᖅᐸᑦ ᑕᒪᓐᓇ ᐃᓄᐃᑦ ᒐᕙᒪᒃᑯᓐᓂ ᐃᓇᐃᔭᖅᑎᐅᔪᓐᓇᖅᑐᑦ ᐊᒥᓱᕈᕆᐊᕋᔭᖅᑐᑦ ᓄᓇᕗᒻᒥ (2016-ᒥ ᓄᓇᕗᒻᒥ ᒐᕙᒪᒃᑯᖏᓐᓂ ᐃᖅᑲᓇᐃᔭᖅᑎᑦ ᐊᐱᖁᑎᖏᑦ).
  • ᐃᓄᓕᒪᓂᒃ ᐃᓱᒪᒋᔭᐅᔪᓂᒃ ᖃᐅᔨᓴᕐᕕᐅᓂᕐᒧᑦ ᐊᐱᖁᑕᐅᓚᐅᖅᑐᓂᒃ 2015-ᒥ, 23% ᐃᓄᐃᑦ ᒐᕙᒪᐅᖏᑦᑐᓂ ᐃᖅᑲᓇᐃᔭᖅᑐᑦ ᓇᓗᓇᐃᔭᐃᓚᐅᖅᑐᑦ ᐋᓐᓂᐊᖃᑦᑕᕐᓂᕐᒥᓂᒃ ᐊᔪᕈᑎᖃᓲᖑᓂᖅ ᐱᓕᕆᔨᐅᔪᓐᓇᕐᓂᖅ ᒐᕙᒪᒃᑯᓐᓂ.
  • ᑕᐃᔅᓱᒪᓂᓂᒃ ᐱᕙᓪᓕᐊᑎᑕᐅᓂᑰᔪᓂᒃ ᐃᓄᐃᑦ ᖁᐊᖅᓵᕐᓇᖅᑐᒃᑰᖅᑎᑕᐅᓯᒪᓂᖏᑦ ᓄᑕᕋᖏᑦ ᐃᓕᓐᓂᐊᕆᐊᖅᑎᑕᐅᖃᑦᑕᕆᐊᓕᕋᒥᒃ ᐊᒃᑐᖅᓯᓯᒪᓗᑕᐅᕗᑦ ᕿᑐᖏᐊᖅᐸᓪᓕᐊᖏᓐᓇᕐᓂᖏᓐᓄᑦ ᓄᓇᕗᒻᒥ ᐃᓄᖕᓂ, ᐃᓱᒪᒋᓪᓗᒋᑦ ᐱᓇᓱᐊᕈᓐᓇᕐᓂᖏᓐᓂᒃ ᐃᓄᐃᑦ ᐱᐅᓯᑐᖃᖏᓐᓂᒃ ᐱᓕᕆᐊᖑᕙᒃᑐᓂᒃ, ᐃᓕᓐᓂᐊᖅᓯᒪᔪᓐᓇᕐᓂᕐᒧᑦ, ᐃᖅᑲᓇᐃᔮᖅᑖᕈᓐᓇᕐᓂᕐᒧᑦ, ᑮᓇᐅᔭᓕᐅᕈᓐᓇᕐᓂᕐᒧᑦ, ᓂᕿᒃᓴᖃᑦᑎᐊᕈᓐᓇᕐᓂᕐᒧᑦ, ᑎᒥᒃᑯᓪᓗ ᐃᓱᒪᒃᑯᓪᓗ ᖃᓄᐃᖏᑦᑐᓐᓇᕐᓂᕐᒧᑦ. ᑕᒪᕐᒥᒃ ᐃᓄᐃᑦ ᐊᑕᐅᑎᒃᑯᑦ ᖁᐊᖅᓵᕐᓇᖅᑐᒃᑰᖅᑎᑕᐅᓯᒪᓂᑰᒐᒥᒃ, ᑕᐃᒃᑯᓇᖓᓪᓗ ᖃᓪᓗᓈᓄᑦ ᐊᐅᓚᐅᓕᕐᓂᖏᓐᓄᑦ ᐱᐅᓯᑐᖃᐃᓐᓇᖏᓐᓂᒡᓗ ᐊᑐᓕᖅᑎᑕᐅᒐᓱᐊᖅᓯᒪᓂᖏᓐᓄᑦ ᐊᒻᒪᓗ ᐃᓪᓕᓐᓂᐊᕆᐊᖅᑎᑦᑎᕙᓚᐅᕐᓂᖏᓐᓄᑦ ᐊᐅᓪᓚᖅᑎᑕᐅᕙᒃᓱᑎᒃ ᓄᑕᕋᖏᑦ, ᑕᒪᒃᑯᐊᓕᒫᓪᓗ ᐅᖃᐅᓯᐅᒪᑦᑎᐊᖅᓱᑎᒃ ᓱᓕᔪᖅᓯᐅᑏᑦ ᐋᖀᖃᑎᒌᒐᓱᐊᕈᓐᓇᕐᓂᕐᒧᓪᓗ ᑲᒥᓯᓇᒃᑯᑦ ᑲᓇᑕᒥ ᑭᖑᓪᓕᖅᐹᓂᒃ ᐅᓂᒃᑳᓕᐊᕆᔭᖏᓐᓂᒃ ᐊᒻᒪᓗ ᑕᐃᒃᑯᓇᓂ ᐅᖃᐅᓯᐅᓯᒪᒋᓪᓗᑎᒃ ᑕᒪᒃᑯᐊ ᕿᑭᖅᑕᓂᒃᑯᑦ ᓱᓕᔪᖅᓯᐅᖅᑏᑦ ᑲᒥᓯᓴᒃᑯᖏᓐᓄᑦ ᑭᖑᓪᓕᖅᐹᓂᒃ ᐅᓂᒃᑲᓕᐊᓂᒃ: ᓴᐃᒪᖃᑎᒌᒎᓐᓇᕐᓂᕐᒧᑦ ᑎᑭᐅᑎᔪᓐᓇᕐᓂᖅ. ᑕᒪᕐᒥᒃ ᐅᓂᒃᑳᖅᑕᐅᓯᒪᑦᑎᐊᕐᓂᖏᑦ ᑕᒪᒃᑯᐊᕈᓘᔮᓗᐃᑦ ᐊᒃᑐᖅᑕᐅᓯᒪᓂᖏᓪᓗ ᐃᓄᐃᑦ ᖃᐅᔨᔭᐅᔪᓐᓇᖅᐳᑦ ᑕᐃᒃᑯᓇᖓᑦ ᐅᓂᒃᑳᓕᐊᖑᓯᒪᔪᓂᒃ.

5.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᐃᓚᒋᔭᐅᔪᒪᔪᑦ ᒐᕙᒪᒃᑯᓐᓂᒃ ᐱᓕᕆᕕᒃᓴᐅᔪᓂᒃ/ ᐃᖅᑲᓇᐃᔭᕐᕕᒃᓴᐅᔪᓂᒃ

ᐅᖓᑕᓃᑦᑐᑦ ᐊᕝᕙᓪᓗᐊᖏᑦ ᐃᓄᐃᑦ ᐱᓕᕆᔨᖏᑦᑐᑦ ᒐᕙᒪᒃᑯᓐᓂ ᐃᓚᒋᔭᐅᔪᒪᓲᑦ ᐱᓕᕆᔪᒪᓂᖅ ᓄᓇᕗᑦ ᒐᕙᒪᒃᑯᖏᓐᓂ ᐅᕝᕙᓗᓐᓃᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ, ᐃᓄᐃᑦ ᐊᕐᓇᐃᑦ ᐆᒃᑐᕋᔪᖕᓂᖅᓴᐅᕙᒃᓱᑎᒃ ᐊᒻᒪᓗ ᐱᓕᕆᐊᒃᓴᖅᑖᖅᑎᑕᐅᒐᔪᖏᓂᖅᓴᐅᕙᒃᓱᑎᒃ.

  • ᑕᐃᒪ ᐊᔾᔨᙳᐊᖅ 8-ᒥ, 58% ᐃᓄᐃᑦ ᑭᐅᓚᐅᖅᑐᑦ ᐃᓄᓕᒪᓄᑦ ᐃᓱᒪᒋᔭᐅᔪᓂᒃ ᖃᐅᔨᓴᕐᓂᖏᓐᓂᒃ ᐊᐱᖁᑕᐅᓚᐅᖅᑐᓂ, ᐱᓕᕆᖏᑦᑐᑦ/ᐃᖅᑲᓇᐃᔭᖏᑦᑐᑦ ᒐᕙᒪᒃᑯᓐᓂ ᐅᖃᖅᐸᓚᐅᖅᑐᑦ ᐱᓕᕆᔪᒪᓂᖏᓐᓂᒃ ᓄᓇᕗᑦ ᒐᕙᒪᒃᑯᖏᓐᓂ ᐊᒻᒪᓗ ᑕᒫᓂᓚᐅᖅᓱᑎᒃ 51% ᐃᖅᑲᓇᐃᔭᕈᒪᓚᐅᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓂ.
ᐊᔾᔨᓐᖑᐊᖅ 8: ᒐᕙᒪᒃᑯᓐᓄᑦ ᐃᖅᑲᓇᐃᔭᕈᒪᓂᖃᖅᑐᑦ

ᓇᑭᙶᕐᓂᖓ: 2015 ᐃᓄᓐᓂᑦ ᐃᓱᒪᒋᔭᐅᔪᓂᑦ ᖃᐅᔨᓴᕐᓂᖅ ᖃᐅᔨᒪᔭᐅᓕ: ᐱᔪᒪᓂᖃᖅᑐᑦ ᐋᖅᑭᑦᑕᐅᔪᑦ ᑐᓐᖓᕕᖃᖅᑐᑎᑦ ᑭᐅᔾᔪᑕᐅᔪᓂᑦ ᐃᓄᓐᓂᑦ ᒫᓐᓇᐅᔪᒥᑦ ᐃᖅᑲᓇᐃᔭᖏᑦᑐᑦ ᒐᕙᒪᒃᑯᓐᓄᑦ

ᖃᐅᔨᒪᔭᐅᓕ: ᐱᔪᒪᓂᖃᖅᑐᑦ ᐋᖅᑭᑦᑕᐅᔪᑦ ᑐᓐᖓᕕᖃᖅᑐᑎᑦ ᑭᐅᔾᔪᑕᐅᔪᓂᑦ ᐃᓄᓐᓂᑦ ᒫᓐᓇᐅᔪᒥᑦ ᐃᖅᑲᓇᐃᔭᖏᑦᑐᑦ ᒐᕙᒪᒃᑯᓐᓄᑦ

ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᓂᖏᑦ ᐊᔾᔨᓐᖑᐊᖅ 8: ᒐᕙᒪᒃᑯᓐᓄᑦ ᐃᖅᑲᓇᐃᔭᕈᒪᓂᖃᖅᑐᑦ
ᖁᕝᕙᓯᓐᓂᖓ ᒐᕙᒪᐅᔪᖅ ᐃᓚᒋᔭᖏᑦ ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᕈᒪᓂᖃᖅᑐᑦ
ᓄᓇᕗᑦ ᒐᕙᒪᒃᑯᑦ 58%
ᑲᓇᑕᐅᑉ ᒐᕙᒪᖏᑦ 51%
ᓄᓇᓕᒻᒥ ᒐᕙᒪᒃᑯᑦ 46%
  • ᐃᓄᐃᑦ ᐱᔪᒪᓂᖃᕐᓂᖅᓴᐅᓚᐅᖅᑐᑦ ᐃᖅᑲᓇᐃᔮᓂᑦ ᓯᓚᒥ ᐃᖅᑲᓇᐃᔭᕈᓐᓇᖅᑐᓂᑦ (68%) ᑐᖏᓕᕆᓪᓗᓂᐅᒃ ᐃᓕᓐᓂᐊᑎᑦᑎᓂᖅ ᐃᓄᐃᑦ ᐱᖅᑯᓯᖏᓐᓂᑦ (60%) ᐊᒻᒪ ᐊᐅᓚᑦᑎᓂᕐᒧᑦ ᐃᖅᑲᓇᐃᔭᓂᕐᒧᑦ (51%) (ᐊᔾᔨᓐᖑᐊᖅ 9). ᐊᒥᓱᑦ ᐃᓄᐃᑦ ᐃᖅᑲᓇᐃᔮᖃᕈᒪᔪᑦ ᓯᓚᒦᒍᓐᓇᖅᑐᓂᑦ, ᑭᓯᐊᓂᓕ, ᐅᑯᐊᑐᐃᓐᓇᐃᑦ 5% ᐃᓄᐃᑦ ᐃᖅᑲᓇᐃᔮᖃᕈᒪᔪᑦ ᐃᓗᐊᓃᒍᓐᓇᖅᑐᒥᑦ.
ᐊᔾᔨᓐᖑᐊᖅ 9: ᒐᕙᒪᒃᑯᓐᓂᑦ ᐃᖅᑲᓇᐃᔮᑦ ᐱᔪᒪᓂᕆᔭᐅᔪᑦ ᐃᓄᓐᓄᑦ ᒫᓐᓇᐅᔪᒥᑦ ᒐᕙᒪᒃᑯᓐᓄᑦ

ᓇᑭᙶᕐᓂᖓ: 2015 ᐃᓄᓐᓂᑦ ᐃᓱᒪᒋᔭᐅᔪᓂᑦ ᖃᐅᔨᓴᕐᓂᖅ ᖃᐅᔨᒪᔭᐅᓕ: ᐱᔪᒪᓂᖃᖅᑐᑦ ᐋᖅᑭᑦᑕᐅᔪᑦ ᑐᓐᖓᕕᖃᖅᑐᑎᑦ ᑭᐅᔾᔪᑕᐅᔪᓂᑦ ᐃᓄᓐᓂᑦ ᒫᓐᓇᐅᔪᒥᑦ ᐃᖅᑲᓇᐃᔭᖏᑦᑐᑦ ᒐᕙᒪᒃᑯᓐᓄᑦ.

ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᓂᖏᑦ ᐊᔾᔨᓐᖑᐊᖅ 9: ᒐᕙᒪᒃᑯᓐᓂᑦ ᐃᖅᑲᓇᐃᔮᑦ ᐱᔪᒪᓂᕆᔭᐅᔪᑦ ᐃᓄᓐᓄᑦ ᒫᓐᓇᐅᔪᒥᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖏᑦᑐᑦ
ᐃᖅᑲᓇᐃᔮᖅ ᖃᓄᐃᑦᑑᓂᖏᑦ ᐃᓚᒋᔭᖏᑦ ᐃᓄᐃᑦ ᐱᔪᒪᓂᖃᖅᑐᑦ
ᐃᖅᑲᓇᐃᔭᕐᓂᖅ ᐃᖅᑲᓇᐃᔮᒥᑦ ᓯᓚᒦᒍᓐᓇᖅᑐᓂᑦ ᐃᖅᑲᓇᐃᔭᖅᑐᑎᑦ 68%
ᐃᓕᓐᓂᐊᑎᑦᑎᓂᖅ ᐃᓄᐃᑦ ᐱᖅᑯᓯᖏᓐᓂᑦ ᖃᓄᐃᓘᖅᑕᐅᔪᓂᑦ 60%
ᐊᓪᓚᕕᒻᒥ ᐃᑲᔪᖅᑎᐅᓂᕐᒧᑦ ᐅᕝᕙᓘᓐᓃᑦ ᐃᑲᔪᓂᕐᒧᑦ 51%
ᖃᐅᔨᓴᕐᓂᖅ, ᐊᑐᐊᒐᖅ ᐅᕝᕙᓘᓐᓃᑦ ᐱᓕᕆᐊᒥ ᐱᕙᓪᓕᐊᑎᑦᑎᓂᕐᒥᑦ 47%
ᐋᓐᓂᐊᖅᑐᓕᕆᓂᕐᒧᑦ ᐃᖅᑲᓇᐃᔮᑦ 46%
ᓄᓇᓯᐅᑎᓂᑦ ᐅᖁᒪᐃᑦᑐᓂᑦ ᐊᖁᑎᐅᓂᕐᒃᒧᑦ 40%
ᐃᓕᓐᓂᐊᕕᒻᒥ ᐊᖏᔪᖅᑳᖑᓂᕐᒧᑦ, ᐃᓕᓴᐃᔨᐅᓂᕐᒧᑦ, ᐅᕝᕙᓘᓐᓃᑦ ᐃᓕᓴᐃᔨᒧᑦ ᐃᑲᔪᖅᑎᐅᓗᓂ 40%
ᐃᖅᑲᓇᐃᔭᕐᓂᖅ ᐃᓄᓕᕆᓂᕐᒥᑦ ᐅᕝᕙᓘᓐᓃᑦ ᓂᐊᖁᓕᕆᓂᕐᒧᑦ ᐊᐋᓐᓂᐊᖅᑐᓕᕆᓂᕐᒧᑦ 39%
ᐃᖅᑲᓇᐃᔭᕐᓂᖅ ᓄᓇᓯᐅᑎᓄᑦ ᐅᓯᖃᑦᑕᕐᓂᖅ 38%
ᐊᐅᓚᑦᑎᔨᐅᓂᕐᒧᑦ ᐃᖅᑲᓇᐃᔮᑦ (ᓲᕐᓗ, ᑐᑭᒧᐊᖅᑎᑦᑎᔨ, ᐊᖏᔪᖅᑳᖅ ᐊᐅᓚᑦᑎᔨ) 38%
ᑮᓇᐅᔭᓕᕆᓂᖅ 37%
ᐃᖅᑲᖅᑐᐃᕕᒻᒥ ᐃᖅᑲᓇᐃᔭᕐᓂᖅ 27%
ᐱᖁᔭᕐᓂᒃ ᒪᓕᒃᑕᐅᑎᑦᑎᔨᑦ 25%
  • ᓄᓇᕗᑦ ᒐᕙᒪᒃᑯᖏᓐᓂ, ᐊᑐᕋᔪᒃᑐᖃᖅᐳᖅ, ᑕᓪᓕᒪᐅᒐᔪᖕᓂᖏᑦ ᐃᓄᐃᑦ ᐆᒃᑐᖃᑕᐅᕙᒃᑐᑦ ᐃᖅᑲᓇᐃᔮᖅᑖᕋᓱᐊᖅᑐᓂ/ᐱᓕᕆᐊᒃᓴᖅᑖᕋᓱᐊᕐᓂᕐᒧᑦ ᐆᒃᑐᖃᑕᐅᔪᓂ, ᐊᕐᕋᒎᓚᐅᖅᑐᒥ 2016-17.
  • ᑕᐃᒃᑯᓇᖓᑦ 2,906-ᖏᓃᓚᐅᖅᑐᓂ, ᓄᓇᕗᑦ ᒐᕙᒪᒃᑯᖏᑦ ᑐᓂᔭᐅᓯᒪᓚᐅᖅᑐᑦ ᓄᓇᕗᒻᒥ ᐃᓄᖕᓂᒃ ᐊᕐᕋᒍᒥ 2016-2017, 73% ᐆᒃᑐᕈᑎᓂᒃ ᐊᕐᓇᓂᒃ ᐊᒻᒪᓗ 27% ᐆᒃᑐᕈᑎᓂᒃ ᐊᖑᑎᖓᖅᑐᓂᒃ.
  • ᐊᕐᓇᐃᑦ ᐃᓄᐃᑦ ᐊᒥᓲᓂᖅᓴᐅᕙᒃᑲᓗᐊᖅᓱᑎᒃ ᓄᓇᕗᑦ ᒐᕙᒪᒃᑯᖏᓐᓂ ᐃᖃᓇᐃᔭᖅᑖᖅᓯᒪᔪᓂ, ᐊᒥᓲᓂᖏᑦ ᐃᓄᐃᑦ ᐊᖑᑎᑦ ᐃᖅᑲᓇᐃᔭᖅᑖᖅᐸᓪᓕᐊᓂᖏᑦ ᐊᒥᓱᕆᐊᖅᓯᒪᓚᐅᖅᑐᑦ ᐊᕐᕋᒍᖏᓐᓂᒃ ᐊᑯᓂᖏᓐᓂᒃ 2015-16-ᒥ ᐊᒻᒪᓗ 2016-17-ᒧᑦ, ᐃᒪᓐᓇᑎᒋᐅᓚᐅᖅᑐᓂᒃ 15 ᐳᓴᓐᑎᓂᒃ 26 ᐳᓴᓐᑎᓄᑦ.
  • ᑲᓇᑕᐅᑉ ᒐᕙᒪᒃᑯᖏᑦ ᑐᓂᔭᐅᓯᒪᓚᐅᖅᑐᑦ ᓄᓇᕗᒻᒥ ᐃᓄᖕᓂᖓᖅᑐᓂᒃ 128-ᓂᒃ ᐆᒃᑐᕈᑎᓂᒃ ᐃᖅᑲᓇᐃᔮᖅᑕᕋᓱᐊᕈᑎᓂᒃ ᐊᕐᕋᒍᒥ 2016-2017. ᑲᓇᑕᐅᑉ ᒐᕙᒪᒃᑯᖏᑦ ᑐᓂᔭᐅᒐᔪᒃᐸᓚᐅᖅᑐᑦ ᑕᒫᓂ ᐱᖓᓱᓂᒃ/3-ᓂᒃ ᐆᒃᑐᕈᑎᓂᒃ ᐃᖅᑲᓇᐃᔮᒃᓴᓂᒃ ᓄᓇᕗᒻᒥ ᐃᓄᖕᓂᖔᖅᑐᓂᒃ, ᓴᕿᑎᑦᑎᔪᖃᕐᓂᑕᒫᖅ ᐃᖅᑲᓇᐃᔭᕐᕕᒃᓴᒥᒃ ᑕᒫᓂ ᐊᕐᕋᒍᒥ 2016-2017-ᒥ, ᑕᒪᓐᓇᓗ ᒥᑭᔪᒥᒃ ᖁᑦᑎᖕᓂᖅᓴᐅᓕᓚᐅᖅᓱᓂ ᐆᒃᑐᕐᕕᐅᒐᔪᒃᐸᓚᐅᕐᓂᖏᓐᓂᒃ ᐊᑕᐅᓯᕐᒥᒃ ᓄᓇᕗᒻᒥ ᐃᓄᖕᓂᒃ ᓴᕿᑎᑦᑎᔪᖃᕐᓂᑕᒫᖅ ᐃᖅᑲᓇᐃᔭᕐᕕᒃᓴᓂᒃ ᑕᒫᓂ ᐊᕐᕋᒍᒥ 2015-2016.

ᐃᓄᐃᑦ ᐃᓚᒋᔭᐅᔪᒪᓂᖏᑦ ᒐᕙᒪᒃᑯᓐᓂᒃ ᐃᖅᑲᓇᐃᔭᖃᑕᐅᔪᓂᒃ ᐊᒃᑐᖅᓯᓯᒪᓗᑕᐅᔪᓐᓇᕆᕗᖅ ᐃᓱᒪᒋᔭᐅᓯᒪᓂᖏᓐᓄᑦ ᐃᑲᔪᖅᓱᖅᑕᐅᔪᓐᓇᕐᓂᖏᑦ ᐃᓄᐃᑦ ᐃᓕᖅᑯᓯᑐᖃᖏᑦ ᐊᒻᒪᓗ ᓇᓃᑉᐸᖕᓂᖏᓐᓂᒃ ᐱᓕᕆᕕᐅᕙᒃᑐᑦ.

  • ᐃᓚᖏᑦ ᐃᓄᐃᑦ (36% ᑕᐃᒃᑯᓇᓂ ᒫᓐᓇᐅᔪᖅ ᐃᖅᑲᓇᐃᔭᖏᑦᑐᑦ ᒐᕙᒪᒃᑯᓐᓂ) ᐊᓯᐊᒍᑦ ᐆᒃᑐᕋᔭᖏᑦᑐᑦ ᐆᒃᑐᖃᑕᐅᓕᕋᔭᖅᑐᑦ ᖃᐅᔨᒪᓐᓂᕈᑎᒃ ᐃᓕᕆᕕᐅᔪᑦ ᑕᒪᒃᑯᐊ ᐃᓕᖅᑯᓯᑐᖃᕆᔭᖏᓂᒃ.
  • ᐊᒥᓱᐊᓗᐃᑦ ᐃᓄᐃᑦ (25% ᒫᓐᓇᐅᔪᖅ ᐃᖅᑲᓇᐃᔭᖏᑦᑐᑦ) ᐆᒃᑐᖅᐸᖏᑦᑐᑦ ᐱᓕᕆᐊᒃᓴᓄᑦ ᒐᕙᒪᒃᑯᓐᓂ ᐊᓯᔾᔨᖅᓯᓇᔭᖅᑐᑦ ᐆᒃᑐᕋᔭᖅᓱᑎᒃ ᐱᓕᕆᕕᒃᓴᐃᑦ ᓄᓇᖏᓃᓐᓇᔭᕈᑎᒃ.

ᐊᒥᓲᓂᖅᓴᐅᒐᓗᐊᖅᑎᓪᓗᒋᑦ ᐃᓄᐃᑦ ᓈᒻᒪᒃᓴᖅᑐᑦ ᒐᕙᒪᒃᑯᓐᓂ ᐃᖅᑲᓇᐃᔭᕇᔭᒥᓂᒃ, ᐃᓚᖏᑦ ᖃᓄᐃᓕᖓᑎᑕᐅᕙᖏᑦ ᐃᖅᑲᓇᐃᔭᖅᑎᑕᐅᓂᖏᓐᓂᒃ ᓇᒻᒪᒍᔭᐅᔪᓃᖅᐸᓪᓕᐊᔪᑦ ᐃᖅᑲᓇᐃᔭᖅᑎᖏᓐᓄᑦ.

  • ᓇᓂᑐᐃᓐᓇᖅ ᓄᓇᕗᑦ ᒐᕙᒪᒃᑯᖏᓐᓂ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓂ, 92% ᐃᓄᐃᑦ ᐃᖅᑲᓇᐃᔭᖅᑎᐅᔪᑦ ᖃᐅᔨᑎᑦᑎᕋᑦᑕᖅᓯᒪᔪᑦ ᑕᒪᐃᓐᓂᒃ ᓈᒻᒪᒃᓴᕐᓂᕐᒥᓂᒃ ᐃᖅᑲᓇᐃᔮᕆᔭᒥᓂᒃ.
  • ᖁᓪᓕᐹᑦᑎᐊᖑᔪᒥᒃ ᓈᒻᒪᒋᔭᖃᖅᐳᑦ ᐃᓄᐃᑦ ᐃᖅᑲᓇᐃᔭᖅᑎᐅᔪᑦ ᒐᕙᒪᒃᑯᓐᓂᒃ ᐃᓚᖃᖅᑐᓂᒃ ᒪᑯᓂᖓ ᐋᕿᒋᐊᖅᑕᐅᓯᒪᔪᓂᒃ ᐃᖅᑲᓇᐃᔭᕆᐊᕐᕕᖃᖅᑎᑕᐅᔪᓐᓇᕐᓂᖏᓐᓂᒃ, ᐃᑲᔫᓯᐊᒃᓴᓂᒃᑕᐅᓯᒪᕙᖕᓂᖏᓐᓂᒃ ᐊᒻᒪᓗ ᐱᓕᕆᖃᑦᑎᐊᕈᓐᓇᕐᓂᕐᒥᓂᒃ/ᐃᖅᑲᓇᐃᔭᖅᑎᐅᖃᑎᒥᓂᒃ. ᐱᓕᕆᔪᓐᓇᕐᓂᖅ ᓄᓇᓕᖕᓂ ᓂᕈᐊᖅᓯᒪᔭᒥᓂᒃᑕᐅᖅ ᐃᓕᑕᕆᔭᐅᓯᒪᓚᐅᖅᐳᖅ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᑕᒪᒃᑯᐊᓗ ᐃᖅᑲᓇᐃᔮᖃᐃᓐᓇᕐᓂᖏᑦ ᐊᒻᒪᓗ ᐃᖅᑲᓇᐃᔭᖅᑏᑦ ᐃᒡᓗᖃᖅᑎᑕᐅᕙᖕᓂᖏᑦ ᐃᓕᑕᕆᔭᐅᓯᒪᓚᐅᕐᒥᔪᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᓄᑦ.
  • ᐱᑕᖃᕈᓐᓇᖏᓂᖏᑦ ᐸᐃᕆᕕᒃᓴᐃᑦ, ᐃᑲᔪᖅᓱᖅᑕᐅᔾᔪᑎᒃᓴᐃᑦ ᐱᓕᕆᐊᕆᔭᒥᓂᒃ ᐱᕙᓪᓕᐊᔾᔪᑎᒃᓴᐅᔪᓐᓇᖅᑐᑦ ᐊᒻᒪᓗ ᓯᕗᕙᕆᐊᒃᑲᓂᕈᑕᐅᔪᓐᓇᖅᑐᑦ, ᐊᒻᒪᓗ ᐃᖅᑲᓇᐃᔭᖅᑎᑦ ᐊᓯᔾᔨᑭᑕᐃᓐᓇᕋᑦᑕᕐᓂᖏᑦ ᐃᓕᑕᕆᔭᐅᓯᒪᓚᐅᖅᑐᑦ ᐃᓱᒪᓘᑕᐅᕙᖕᓂᖏᓐᓂ. ᓄᓇᕗᑦ ᒐᕙᒪᖏᓐᓂ, ᐊᑐᐃᓐᓇᐅᔪᓐᓇᕐᓂᖏᑦ ᐃᖅᑲᓇᐃᔭᖅᑎᓂ ᐃᒡᓗᒃᓴᐃᓪᓗ ᐃᒡᓗᖃᕐᓂᕐᒧᓪᓗ ᐊᑭᓕᐅᑎᒃᓴᐃᑦ ᐃᑲᔫᑏᑦ ᐅᖃᐅᓯᐅᕙᓚᐅᕐᒥᔪᑦ ᐃᓱᒪᓘᑕᐅᓂᕐᒧᑦ.

ᐊᒥᒐᕐᓂᖏᑦ ᐱᐅᔫᑎᑦ, ᓈᒪᔪᑦ ᐊᒻᒪᓗ ᐊᑭᓕᖅᑐᖅᑕᐅᔪᓐᓇᖅᑐᑦ ᐃᒡᓗᕐᔪᐊᑦ ᓄᓇᕗᒻᒥ ᐊᔪᕐᓇᕈᑕᐅᕙᒃᑐᑦ ᐃᓚᐅᔪᒪᓂᖏᓐᓄᑦ ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᕐᓂᖅ, ᐱᓗᐊᖅᑐᒥᒃ ᓄᒃᑎᕆᐊᖃᕈᑎᒃ ᒐᕙᒪᒃᑯᓐᓄ ᐃᖅᑲᓇᐃᔭᕐᓂᐊᓂᕐᒧᑦ (ᐊᔪᕈᓐᓂᖅᓴᖅᑕᐅᓚᖓᓂᕐᒧᓪᓗᓐᓃᑦ) ᐃᒡᓗᒃᓴᖃᕈᑕᐅᖏᓐᓇᕈᓐᓇᖏᓂᖏᑦ.

  • ᓄᓇᕗᒻᒥ ᐊᑭᓕᖅᑐᖅᑕᐅᔪᓐᓇᖅᑐᓂᒃ ᓈᒪᔪᓂᒡᓗ ᐃᒡᓗᒃᓴᖃᑦᑎᐊᖏᓗᐊᕐᓂᖅ ᐊᒥᓱᕈᖅᐸᓪᓕᐊᓵᓕᔪᐊᓘᓕᖅᑐᓄᑦ ᐃᓄᖁᑎᒋᔭᐅᔪᓄᑦ, ᑎᑭᑕᐅᓴᕋᐃᖏᑦᑐᒥᓂᖏᓐᓄᓪᓗ, ᐊᑭᑐᔪᐊᓘᓂᖏᓄᓪᓗ ᐃᒡᓗᓕᐅᕈᑎᒃᓴᐃᑦ, ᐊᒻᒪᓗ ᓱᕋᖅᑎᖅᐸᓪᓕᐊᑐᐃᓐᓇᕐᓂᖏᓐᓄᑦ ᐃᒡᓗᖁᑎᒋᔭᐅᔪᑦ, ᓂᒡᓚᓱᖕᓂᕐᒦᐅᑕᐅᓂᖏᓐᓄᑦ ᑕᐃᒪᐃᓕᖓᒋᓗᑎᒃ. ᐃᓚᒋᔭᐅᕙᒃᑐᑦ ᑕᒪᒃᑯᓄᖓ ᐃᓕᑕᖅᓯᓚᐅᖅᑐᑦ ᐃᒡᓗᑭᒃᓴᕐᓂᖅ ᐊᔪᕐᓇᕈᑕᐅᕙᖕᓂᖓᓂᒃ ᐊᔪᕈᓐᓃᖅᓴᖅᑕᐅᔪᓐᓇᕐᓂᕐᒧᑦ, ᐃᓕᓐᓂᐊᖅᑎᑕᐅᔪᓐᓇᕐᓂᕐᒧᑦ ᐊᒻᒪᓗ ᓄᒃᑎᕈᓐᓇᕐᓂᕐᒧᑦ ᐃᖅᑲᓇᐃᔮᑖᕐᓂᐊᕐᓗᓂ.
  • ᐊᒥᓱᑦ ᑲᓇᑕᐅᑉ ᒐᕙᒪᒃᑯᖏᓐᓂ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂ ᐃᖅᑲᓇᐃᔭᕐᕕᒃᓴᐃᑦ ᐱᓕᕆᕖᑦ ᐊᑐᐃᓐᓇᐅᑎᑦᑎᓲᖑᔪᑦ ᐃᒡᓗᒃᓴᖃᖅᑎᑦᑎᓂᖅ ᐃᑲᔫᑕᐅᓂᕐᒧᑦ ᐱᓕᕆᔨᒃᓴᖅᑖᕆᐊᖃᕐᓂᖏᓐᓄᑦ. ᐊᒥᓱᑦ ᐃᖅᑲᓇᐃᔭᖅᑎᑦ - ᐱᓗᐊᖅᑐᒥᒃ ᑕᐃᒃᑯᐊ ᐱᓕᕆᐊᖃᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ - ᓈᒻᒪᒃᓴᖅᑐᑦ ᐊᑐᐃᓐᓇᐅᔪᓐᓇᕐᓂᖏᓐᓂᒃ ᐃᖅᑲᓇᐃᔭᖅᑎᖏᓐᓄᑦ ᐃᒡᓗᒃᓴᐃᑦ. ᑭᓯᐊᓂᓕᑦᑕᐅᖅ ᓱᓕ ᐊᒥᓱᑲᓪᓚᒻᒪᕿᐅᔪᑦ ᓄᓇᕗᑦ ᒐᕙᒪᒃᑯᖏᓐᓂ ᐃᖅᑲᓇᐃᔭᖅᑎᐅᔪᑦ ᓈᒻᒪᒃᓴᖅᐸᖏᑦᑐᑦ ᐃᖅᑲᓇᐃᔭᖅᑎᐅᓂᖏᓐᓄᑦ ᐃᒡᓗᖃᖅᑎᑕᐅᓂᕐᒥᓂᒃ (37%), ᐱᔾᔪᑕᐅᔪᓐᓇᖅᑐᒃᓴᐅᕗᑦ ᑕᒪᒃᑯᐊ ᐊᔪᕈᑕᐅᕙᖕᓂᖏᓐᓄᑦ ᐃᓄᖕᓄᑦ ᐃᓚᐅᔪᒪᕙᖕᓂᖅ ᓄᓇᕗᑦ ᒐᕙᒪᒃᑯᖏᓐᓂ ᐱᓕᕆᔨᐅᖃᑕᐅᔪᓂ.
  • ᓄᓇᕗᑦ ᒐᕙᒪᒃᑯᖏᓐᓂ ᐃᒡᓗᓕᕆᓂᕐᒧᑦ ᐊᑐᐊᒐᖃᕋᓗᐊᖅᑎᓪᓗᒋᑦ ᐃᒡᓗᒃᓴᓂᒃᓯᒪᒐᓱᐊᖅᐸᖕᓂᖏᓐᓄᑦ ᑕᒪᐃᓐᓄᑦ ᐃᑲᔪᖅᓱᐃᓂᖅᓴᐅᒐᑎᒡᓗ ᐊᔪᖏᓐᓂᖃᖅᑎᑕᐅᔪᓄᑦ ᐃᖅᑲᓇᐃᔭᖅᑎᒥᓄᑦ, ᓯᕗᓪᓕᐅᑎᑕᐅᕙᖕᓂᖏᑦ ᐃᒡᓗᒃᓴᓂᒃᑕᐅᓯᒪᔪᓐᓇᖅᑐᑦ ᐃᖅᑲᓇᐃᔮᖅᑎᖏᓐᓂ ᓇᓕᒧᒌᖏᑦᑎᐊᑦᑐᒥᒃ ᐊᒃᑐᖅᓯᓯᒪᕙᖕᑕ ᐃᓄᖕᓂᒃ ᐃᖅᑲᓇᐃᔭᖃᕋᔪᖕᓂᖅᓴᐅᕙᒃᑐᓂᒃ ᖃᐅᑕᒫᖅᓯᐅᑎᓂᒃ ᑲᒪᔨᐅᕙᖕᓂᖏᓐᓂᒃ ᐃᖅᑲᓇᐃᔮᖃᖅᑐᓂᒃ.

ᐊᒥᓲᓂᖅᓴᐃᑦ ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ/ᐱᓕᕆᔨᖏᑦ ᖁᕙᓯᖕᓂᖅᓴᐅᔪᓄᑦ ᐃᖅᑲᓇᐃᔮᖅᑕᖅᑎᑕᐅᕙᓪᓕᐊᓕᓚᐅᖅᐳᑦ ᐊᓂᒍᓯᒪᓕᖅᑐᓂ 12-ᓂᒃ ᑕᕿᐅᒪᓚᐅᖅᑐᓂᒃ, ᓴᓂᐊᓂᒃ ᑕᒪᒃᑯᓇᖓᑦ ᖃᓪᓗᓈᓂᒃ ᐊᓯᖏᓐᓂᒡᓗ ᐃᖅᑲᓇᐃᔭᖅᑎᐅᔪᓂᒃ.

  • ᐃᓄᐃᑦ ᐊᒥᓲᓂᖃᖅᑎᒋᕗᑦ 61% ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᑦ ᖁᕙᓯᖕᓂᖅᓴᓄᑦ ᐃᖅᑲᓇᐃᔭᖅᑕᖅᑎᑕᐅᓯᕆᐊᓕᓚᐅᖅᑐᑦ 12-ᖏᓯᒪᓕᖅᑐᓂ ᐊᓂᒍᖅᑐᓂ ᑕᕿᐅᓚᐅᖅᑐᓂᒃ.

ᐱᖃᑕᐅᔪᒪᔪᑦ ᐃᖅᑲᓇᐃᔮᖃᐃᓐᓇᕈᓐᓇᕐᓂᕐᒥᒃ ᐊᒥᓱᐊᓘᕗᑦ ᐃᓄᐃᑦ ᒫᓐᓇᐅᔪᖅ ᐃᖅᑲᓇᐃᔭᖅᑎᐅᖏᓐᓇᕐᓂᕐᒥᒃ ᐱᓕᕆᕝᕕᖃᖅᑐᑦ, ᑭᒡᒐᖅᑐᐃᓕᕈᓐᓇᖅᑐᓂᒃ ᐃᓚᐅᔪᒪᔪᓂᒃ ᐊᒻᒪᓗ ᐊᑐᐃᓐᓇᐅᔪᓐᓇᕐᓂᖏᓐᓂᒃ ᐃᓄᐃᑦ ᐱᓕᕆᔨᖑᕈᓇᕐᓂᖏᓐᓄᑦ.

  • ᑕᐃᒃᑯᓇᖓᑦ ᐃᓄᖕᓂᒃ ᐃᖅᑲᓇᐃᔭᐃᓐᓇᕕᖃᖏᓂᖏᓐᓂᒃ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᓂᖏᓐᓂ 1,310-ᖑᔪᓂ, 1,200 (92%) ᓇᓗᓇᐃᖅᓯᓯᒪᓄᑦ ᓂᕈᑐᔪᒥᒃ ᐃᖅᑲᓇᐃᔭᐃᓐᓇᕐᕕᒃᓴᐅᔪᒥᒃ ᐱᖔᕈᒪᓂᖏᓐᓂᒃ ᒐᕙᒪᒃᑯᓐᓂ, ᐆᒃᑐᕋᑦᑕᖅᓯᒪᓗᑎᒡᓗᓐᓃᑦ ᐅᕝᕙᓗᓐᓃᑦ ᐅᖃᐅᔾᔪᐃᓯᒪᓂᕐᒥᓂᒃ ᒫᓐᓇᐅᔪᖅ ᐃᓚᒋᔭᐅᔪᒪᓂᕐᒥᓂᒃ ᑕᒪᒃᑯᓂᖓ ᐃᖅᑲᓇᐃᔮᖑᔪᓐᓇᖅᑐᓂᒃ.
  • ᐃᓄᖕᓂ ᐃᖅᑲᓇᐃᔮᖃᐃᓐᓇᖏᑦᑐᓂᒃ ᐃᖅᑲᓇᐃᔭᖅᑎᐅᔪᓂᒃ, 720-ᖏᓂᑉᐳᑦ (55%) ᐆᒃᑐᖅᖃᑕᐅᓯᒪᔪᑦ ᐃᖅᑲᓇᐃᔮᖑᐃᓐᓴᕐᓂᐊᖅᑐᓂᒃ ᐃᖅᑲᓇᐃᔭᒃᓴᓂᒃ ᖃᖓᑐᐃᓐᓇᖅ ᓯᕗᓂᐊᒍᑦ.
  • ᑕᒪᕐᒥᒃ ᑲᑎᓪᓗᒋᑦ 590ᖏ-ᓃᑦᑐᑦ ᐃᓄᐃᑦ ᐃᖅᑲᓇᐃᔭᑯᑖᖑᖏᑦᑐᒥᒃ ᐃᖅᑲᓇᐃᔭᖅᑏᑦ ᒐᕙᒪᒃᑯᓐᓂ ᐆᒃᑐᖅᓯᒪᖏᑦᑐᑦ ᐃᖅᑲᓇᐃᔮᖑᐃᓐᓴᕐᓂᐊᖅᑐᒥᒃ ᐃᖅᑲᓇᐃᔭᕐᕕᒃᓴᒥᒃ. ᑖᒃᑯᓇᖓᑦ ᐃᓄᖕᓂ, ᓇᓚᐅᑖᖅᑕᐅᓯᒪᔪᕗᑦ ᑕᒫᓂ 470-ᖑᓂᖏᑦ (80%) ᒫᓐᓇᐅᔪᖅ ᐃᓚᒋᔭᐅᔪᒪᔪᑦ ᐃᖅᑲᓇᐃᔭᐃᓐᓇᕐᕕᖕᓂᒃ ᐃᖅᑲᓇᐃᔭᖅᑖᕈᒪᓂᖏᓐᓂᒃ ᓄᓇᕗᒻᒥ.

6.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᐸᕐᓇᒃᓯᒪᕙᒌᖃᑦᑕᕐᓂᖏᑦ ᐃᓄᐃᑦ ᓄᓇᕗᒻᒥ

ᐃᓕᓐᓂᐊᖅᓯᒪᖏᓗᐊᕐᓂᖅ ᐊᒻᒪᓗ ᐱᓕᕆᐊᖃᓕᐅᓂᐅᖏᓗᐊᕐᓂᖅ ᐃᓄᖕᓄᑦ ᑐᓴᐅᒪᐅᔭᖁᔭᐅᓂᖅᐹᖑᓯᒪᔪᑦ ᐊᔪᕈᑕᐅᕙᖕᓂᕐᒧᑦ ᐱᒋᐊᖅᑎᑕᐅᔭᕆᐅᕈᓐᓇᕐᓂᕐᒧᑦ ᐊᒻᒪᓗ ᓯᕗᒧᐊᒃᐸᓪᓕᐊᖏᓐᓇᕈᓐᓇᕐᓂᕐᒧᑦ ᒐᕙᒪᒃᑯᓐᓂ.

  • ᑐᑭᓯᔭᐅᓯᒪᔪᑦ ᑕᐃᒃᑲᖓᑦ 2016-ᒥ ᓄᓇᕗᑦ ᒐᕙᒪᖏᓐᓂ ᐃᖅᑲᓇᐃᔭᖅᑎᓂ ᐊᐱᖁᑕᐅᓚᐅᖅᑐᓂᒃ ᓇᓗᓇᕈᓃᓚᐅᖅᑐᑦ ᐊᒥᓲᓂᖅᓴᐃᑦ ᐃᖅᑲᓇᐃᔭᖅᑎᐅᔪᑦ ᐱᓕᕆᔩᑦ ᑲᒪᔨᐅᑎᑕᐅᕙᒃᑐᑦ ᐱᓕᕆᔨᒃᓴᖅᓯᐅᖅᑎᐅᑏᑦ/ᐃᖅᑲᓇᐃᔭᖅᑎᒃᓴᖅᓯᐅᖅᑏᑦ ᐅᖃᐅᓯᖃᖅᓯᒪᓂᖏᓐᓂᒃ ᐊᔪᕈᑕᐅᕙᖕᓂᖏᓐᓂᒃ ᐱᔾᔪᑎᖃᓱᑦ ᐃᓕᓐᓂᐊᖅᓯᒪᖏᓗᐊᓂᖏᓐᓄᑦᑦ (66% ᐅᕝᕙᓗᓐᓃᑦ 210 ᐃᓄᖕᓂ) ᐱᓕᕆᐊᖃᖅᓯᒪᓂᑰᖏᓗᐊᕐᓂᖏᓐᓄᓪᓗ ᐃᓕᑕᕆᔭᐅᓯᒪᔾᔪᑎᒃᓴᖃᖏᓂᖏᑦ (59% ᐅᕝᕙᓗᓐᓃᑦ 190-ᓂᒃ ᐃᓄᖕᓂᒃ).
  • ᐊᒥᓱᑦ ᐃᓄᐃᑦ ᐃᓕᑕᖅᓯᓯᒪᒐᓗᐊᖅᓱᑎᒃ ᐊᔪᕈᓐᓃᖅᓴᖅᑕᐅᓯᒪᔭᕆᐊᖃᕐᓂᕐᒥᓂᒃ, ᐊᒥᓲᖏᑦᑐᑦ ᐃᓚᐅᕙᒃᐳᑦ ᐃᓕᓐᓂᐊᒃᑲᓐᓂᕈᓐᓇᕐᓂᕐᒧᑦ ᐱᔾᔪᑎᖃᖅᓱᑎᒃ ᐃᓚᒥᓂᒃ ᐃᑲᔪᕆᐊᖃᕐᓂᕐᒥᓄᑦ ᐊᒻᒪᓗ ᐊᔪᕈᓐᓃᖅᓴᕐᕕᒃᓴᖃᖅᑎᑕᐅᕙᖏᓐᓂᖏᓐᓄᑦ. ᖃᐅᔨᔭᐅᓚᐅᖅᑐᑦ 2015 ᐃᓄᓕᒫᓂᒃ ᐃᓱᒪᒋᔭᐅᔪᓂᒃ ᖃᐅᔨᓴᕐᓂᕐᒧᑦ ᑐᑭᓯᓂᐊᕈᑎᓂᒃ ᐅᓂᒃᑳᓕᐊᑦ ᐃᓱᒪᓇᖅᐳᑦ ᑕᒪᕐᒥᑲᓴᐃᑦ ᐃᓄᐃᑦ ᑖᒃᑯᓇᖓᑦ ᐃᓄᖕᓂᒃ (90%) ᐃᓕᓐᓂᐊᕋᔭᖅᑐᑦ ᐊᑭᖃᖏᑦᑐᓂᒃ ᐃᓕᓐᓂᐊᕈᑎᒃᓴᓂᒃ ᓄᓇᒥᓂᒃ, ᐱᖓᓲᓇᔭᖅᑐᓂᒃ ᓯᑕᒪᓂᒃ ᐊᕕᒃᑐᖅᓯᒪᔪᓂ ᐃᓕᓐᓂᐊᕌᓂᒍᒪᓇᔭᖅᑐᑦ ᖃᕆᑕᐅᔭᒃᑯᖓᔪᓂᒃ ᐊᑐᕐᓗᑎᒃ (75%).

ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂ, ᐃᓄᐃᑦ ᐊᖓᔪᖄᕆᔭᐅᓂᖏᑦ ᖁᑦᑎᖕᓂᖅᓴᓂᒃ ᐃᓕᓐᓂᐊᓯᒪᒐᔪᖕᓂᖅᓴᐅᕙᒃᑐᑦ ᑕᐃᒃᑯᓇᖓᑦ ᐃᖅᑲᓇᐃᔭᖅᑎᐅᖃᑎᒋᕙᒃᑕᒥᓂᒃ ᐊᖓᔪᖄᕆᔭᐅᕙᖏᓂᖏᓐᓂᒃ.

  • ᓲᖃᐃᒻᒪᓗᓐᓃᑦ, 90% ᐊᖓᔪᖃᕆᔭᐅᕙᒃᑐᑦ ᐃᓕᓐᓂᐊᕌᓂᒃᓯᒪᓱᖑᔪᑦ ᖁᑦᑎᖕᓂᖅᓴᓂᒃ ᐅᕝᕙᓗᓐᓃᑦ ᖁᑦᑎᖕᓂᖅᓴᐃᑦ ᐅᖓᑖᓂᒃ ᐃᓕᓐᓂᐊᕐᕕᐸᐅᔭᐅᓂᖅᓴᓂ ᐃᓕᓐᓂᐊᕌᓂᒃᓯᒪᕙᒃᑐᑦ ᓴᓂᐊᓂᒃ ᑕᐃᒃᑯᓇᖓᑦ 79% ᐊᖓᔪᖄᕆᔭᐅᕙᖏᑦᑐᓂᒃ.
  • ᑖᒃᑯᐊ ᐱᔭᕇᓂᕐᒧᑦ ᖁᕝᕙᓯᓐᓂᖏᑦ ᖁᑦᑎᓂᖅᓴᐅᔪᑦ ᖃᐅᔨᔭᐅᔪᓂᑦ ᓄᓇᕗᒻᒥᐅᑕᓕᒫᓂᑦ ᐊᕐᕌᒍᓖᑦ 20 ᐊᒻᒪ ᐅᖓᑖᓄᑦ (ᐊᔾᔨᓐᖑᐊᖅ 10). 2016−ᒥᑦ, 44% ᐃᓄᐃᑦ (ᐊᕐᕌᒍᓖᑦ 20 ᐊᒻᒪ ᐅᖓᑖᓄᑦ) ᐱᔭᕇᖅᓯᓯᒪᔪᑦ ᐃᓕᓐᓂᐊᕐᕕᐊᓗᒻᒥ ᐅᕝᕙᓘᓐᓃᑦ ᖁᑦᑎᓂᖅᓴᒥᑦ.
  • ᐃᓚᒋᔭᖏᑦ ᐃᓄᐃᑦ (ᐊᕐᕌᒍᓖᑦ 20 ᐊᒻᒪ ᐅᖓᑖᓄᑦ) ᐱᔭᕇᖅᓯᓯᒪᔪᑦ ᐃᓕᓐᓂᐊᕐᕕᐊᓗᒻᒥᑦ ᐅᕝᕙᓘᓐᓃᑦ ᖁᕝᕙᓯᓐᓂᖅᓴᒥᑦ ᖁᕝᕙᕆᐊᖅᓯᒪᔪᑦ 33%−ᒥᑦ 2001 ᑎᑭᑦᑐᒍ 44% 2016−ᒥᑦ (ᐊᔾᔨᓐᖑᐊᖅ 10).
ᐊᔾᔨᓐᖑᐊᖅ 10: ᐃᓚᒋᔭᖏᑦ ᐃᓄᐃᑦ ᓄᓇᕗᒻᒥ (ᐊᕐᕌᒍᓖᑦ 20 ᐊᒻᒪ ᐅᖓᑖᓄᑦ) ᐃᓕᓐᓂᐊᕐᕕᐊᓗᒻᒥ ᐱᔭᕇᖅᓯᓯᒪᔪᑦ ᐅᕝᕙᓘᓐᓃᑦ ᖁᑦᑎᓂᖅᓴᒥᑦ, 2001-2016

ᓇᑭᙶᕐᓂᖓ: ᑭᓪᓕᓯᓂᐊᖅᑕᐅᓯᒪᔪᑦ/ᑲᓇᑕᒥ ᐊᕋᕆᔭᐅᔪᓂᑦ ᖃᐅᔨᓴᕐᓂᖅ 2001, 2006, 2011, 2016

ᐊᔾᔨᓐᖑᐊᖅ 10: ᐃᓚᒋᔭᖏᑦ ᐃᓄᐃᑦ ᓄᓇᕗᒻᒥ (ᐊᕐᕌᒍᓖᑦ 20 ᐊᒻᒪ ᐅᖓᑖᓄᑦ) ᐃᓕᓐᓂᐊᕐᕕᐊᓗᒻᒥ ᐱᔭᕇᖅᓯᓯᒪᔪᑦ ᐅᕝᕙᓘᓐᓃᑦ ᖁᑦᑎᓂᖅᓴᒥᑦ, 2001-2016
ᐊᕐᕌᒍ ᐃᓚᒋᔭᖏᑦ ᐃᓄᐃᑦ ᓄᓇᕗᒻᒥ
2001 33%
2006 36%
2011 40%
2016 44%

ᐱᕙᓪᓕᐊᑎᑦᑎᔪᓐᓇᕐᓂᖅ ᐊᔪᕈᓐᓂᖅᓴᐃᔪᓐᓇᕐᓂᕐᒥᒃ ᐱᔾᔪᑕᐅᔪᓐᓇᖅᐳᖅ ᐃᓄᖕᓄᑦ ᐊᒥᓱᕈᕆᐊᕈᑕᐅᔪᓐᓇᖅ ᐸᕐᓇᒃᓯᒪᕙᒌᕈᓐᓇᕐᓂᖏᓐᓄᑦ ᒐᕙᒪᒃᑯᓐᓄᑦ ᐱᓕᕆᔨᐅᔪᓐᓇᖅᓯᓂᖅ ᐃᖅᑲᓇᐃᔭᖅᑎᐅᓕᕈᓐᓇᕐᓂᖅᔭ

  • ᐱᕙᓪᓕᐊᑎᑦᑎᔪᓐᓇᕈᑎᒃ ᖃᐅᔨᓴᕈᓐᓇᕐᓂᕐᒥᒃ ᐊᒻᒪᓗ ᑐᑭᓕᐅᕈᔾᔨᔪᓐᓇᕐᒥᒃ ᖃᐅᔨᓴᖅᑕᐅᓯᒪᔪᓂᒃ, ᖃᐅᔨᔭᐅᓯᒪᔪᓂᒡᓗ ᐃᓕᐅᖃᐃᕙᓪᓕᐊᔪᓐᓇᖅ ᐊᒻᒪᓗ ᐋᕿᒃᓱᐃᑦᑎᐊᕈᓐᓇᕐᓂᖅ, ᓇᕿᑕᕈᓐᓇᕐᓂᖅ ᐊᒻᒪᓗ ᑎᑎᕋᕈᓐᓇᕐᓂᖅ ᐊᒻᒪᓗ ᖃᐅᔨᒪᔭᐅᔪᒃᓴᓂᒃ ᓴᓇᕐᕈᑎᒃᓴᓕᕆᔪᓐᓇᕐᓂᕐᒥᒃ ᐊᔪᖏᓐᓂᖅᑖᕋᔭᕈᑎᒃ ᑕᒪᒃᑯᓂᖓ ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᕈᒪᔪᑦ ᐱᕚᓪᓕᕈᑎᒋᔪᓐᓇᖅᑕᖏᑦ ᐸᕐᓇᒃᓯᒪᑦᑎᐊᕐᓂᖅᓴᐅᔪᓐᓇᕐᓂᖏᓐᓄᑦ.
  • ᐊᖏᓛᕆᔭᖓ ᐊᔪᖏᓐᓂᐅᔪᒧᑦ ᐱᑕᖃᖏᓐᓂᖓFootnote 3 ᐃᓄᓐᓂᑦ ᐃᖅᑲᓇᐃᔭᖅᑐᓂᑦ ᒐᕙᒪᒃᑯᓐᓂᑦ ᐊᒻᒪ ᑕᐃᒃᑯᐊ ᓯᓚᑖᓃᑦᑐᑦ ᒐᕙᒪᒃᑯᑦ ᐅᑯᐊᖑᓚᐅᖅᑐᑦ ᐊᔪᖏᓐᓂᐅᔪᑦ:
    • ᖃᐅᔨᓴᕐᓂᖅ ᐊᒻᒪ ᖃᐅᔨᓴᐃᓂᖅ
    • ᖃᕋᓴᐅᔭᓕᕆᓂᕐᒧᑦ ᐊᔪᖏᓐᓂᐅᔪᑦ ᐊᒻᒪ ᖃᕋᓴᐅᔭᓕᕆᓂᕐᒧᑦ
    • ᓇᕿᑦᑕᕐᓂᖅ ᐊᒻᒪ ᑎᑎᕋᕐᓂᖅ
    • ᑐᑭᓯᒋᐊᕈᑏᑦ ᖃᕋᓴᐅᔭᒨᖅᑲᐃᓂᖅ ᐊᒻᒪ ᑎᑎᕋᖅᓯᒪᔪᓂᑦ ᐋᖅᑭᔅᓱᐃᓂᖅ
    • ᐊᐅᓚᑦᑎᔨᐅᓂᕐᒧᑦ ᐊᔪᖏᓐᓂᐅᔪᑦ
    ᑕᐃᒪᐃᓐᓂᖓᓄᑦ, ᓴᖅᑭᑎᓪᓗᒋᑦ ᑕᒪᒃᑯᐊ ᐊᔪᖏᓐᓂᐅᔪᑦ ᐃᓄᓐᓂᑦ ᐱᔪᒪᓂᖃᖅᑐᓂᑦ ᒐᕙᒪᒃᑯᓐᓂᑦ ᐃᖅᑲᓇᐃᔮᔅᓴᓂᑦ ᖁᕝᕙᕆᐊᕈᓐᓇᖅᑐᑦ ᐸᕐᓇᓯᒪᓂᖏᓐᓄᑦ.
  • ᐃᓄᐃᑦ ᐱᓕᕆᖃᑦᑕᖅᓯᒪᔪᑦ ᒐᕙᒪᒃᑯᓂᒃ ᐱᓯᒪᒐᔪᖕᓂᖅᓴᐅᕙᓚᐅᖅᑐᑦ ᐅᖃᐅᓯᐅᕙᓚᐅᕐᓂᖏᓐᓂᒃ ᐊᔪᖏᓐᓂᖃᕐᓂᖏᓐᓂᒃ ᓴᓂᐊᓂᒃ ᑕᐃᒃᑯᓇᖓᑦ ᐱᓕᕆᕕᖃᖅᑐᓂᒃ ᒐᕙᒪᐃᑦ ᐊᓯᖏᓐᓂᒃ ᐊᒻᒪᓗ ᑕᐃᒃᑯᓇᓂ ᒐᕙᒪᒃᑯᓐᓂ ᐃᖅᑲᓇᐃᔮᖅᑕᕈᒪᒐᓗᐊᖅᑐᓂᒃ. ᒐᕙᒪᒃᑯᓐᓂ ᐃᖅᑲᓇᐃᔭᕐᕖᑦ ᐃᓄᖃᕋᔪᖏᓂᖏᑦ (ᓲᕐᓗ ᑕᒫᒃᑯᓇᓂ ᖃᐅᑕᒫᖅᓯᐅᑎᓂᒃ ᐱᔭᒃᓴᐅᓕᖅᐸᒃᑐᓂᒃ ᑲᒪᔨᐅᕗᒃᑐᓄᑦ ᐃᑲᔪᖅᑎᐅᓲᑦ, ᖃᐅᔨᓴᖅᑐᓕᕆᓂᕐᒥᒃ ᐱᓕᕆᕖᓪᓗ) ᐊᑐᕆᐊᖃᓲᖑᓂᖅᓴᐅᖕᒪᑕ ᑕᒪᒃᑯᓂᖓ ᐊᔪᖏᓐᓂᕆᔭᐅᕙᒃᑐᓂᒃ.

ᖃᐅᔨᒪᔭᐅᑎᑦᑎᕙᓪᓕᐊᓂᖅᓴᐅᓂᖅ ᖃᓄᖅ ᐊᑐᖅᐸᖕᓂᖏᓐᓂᒃ ᐃᖅᑲᓇᐃᔭᖅᑕᖅᑎᑦᑎᕙᖕᓂᖏᓐᓂᒃ ᐊᒻᒪᓗ ᒪᓕᒐᖃᕐᓂᖏᓐᓂᒃ ᒫᓐᓇᐅᔪᖅ ᐃᖅᑲᓇᐃᔭᖅᑖᕐᕕᐅᔪᓐᓇᖅᑐᓂᒃ, ᐱᕚᓪᓕᕈᑕᐅᔪᓐᓇᕐᒪᑕ ᐃᓄᖕᓄᑦ ᐱᕕᒃᓴᖃᕈᓐᓇᕐᓂᖅ ᐱᓕᕆᐊᖅᑖᕆᐅᕈᓐᓇᕐᓂᖏᓐᓄᑦ ᐊᒻᒪᓗ ᓯᕗᕙᖅᐸᓪᓕᐊᓂᖅᓴᐅᔪᓐᓇᕐᓂᖏᓐᓂᒃ ᒐᕙᒪᒃᑯᓐᓂᒃ ᐃᖅᑲᓇᐃᔮᕐᓴᐅᔪᓂᒃ.

  • ᑕᒪᕐᒥᒃ ᑲᑎᓪᓗᒋᑦ 43% ᐃᓄᐃᑦ ᐃᖅᑲᓇᐃᔭᖅᑏᑦ ᐅᖃᓚᐅᖅᑐᑦ ᐃᓚᐃᓐᓇᖏᓐᓂᒃ ᖃᐅᔨᒪᓲᖑᓂᕐᒥᓂᒃ ᐅᕝᕙᓗᓐᓃᑦ ᖃᐅᔨᒪᖏᑦᑎᐊᒻᒪᕆᐊᒃᐸᖕᓂᕐᒥᓂᒃ ᖃᓄᑦᑎᐊᖅ ᐊᐱᖅᓱᖅᑕᐅᓂᖃᕈᓐᓇᕐᒪᖔᕐᒥᒃ ᐃᖅᑲᓇᐃᔮᖅᑖᕋᓱᐊᕐᓂᕐᒧᑦ ᐊᐱᖅᓱᑕᐅᓂᐊᖅᑐᓂᒃ, ᑕᐃᒃᑯᐊᓗ 36% ᐃᓚᐃᓐᓇᖏᓐᓂᒃ ᖃᐅᔨᒪᕙᒃᑐᑦ ᖃᐅᔨᒪᕙᖏᑦᑐᓪᓗᓐᓃᑦ ᖃᓄᖅ ᐊᑐᕈᓐᓇᕐᓂᖅ ᒪᓕᒡᓗᑎᒃ ᐃᖅᑲᓇᐃᔭᖅᑕᖅᑎᑕᐅᕙᓪᓕᐊᓂᐊᖅᑐᓄᑦ ᐊᑐᖅᑕᐅᔭᕆᐊᖃᖅᑐᓂᒃ ᐊᒻᒪᓗ 34% ᐃᓚᐃᓐᓇᖏᓐᓂᒃ ᖃᐅᔨᒪᕙᒃᑐᑦ ᖃᐅᔨᒪᖏᑦᑎᐊᒻᒪᕆᒃᑐᓪᓗᓐᓃᑦ ᖃᓄᖅ ᑎᑎᕋᖅᓯᒪᔪᓐᓇᕐᓂᖅ ᐃᖅᑲᓇᐃᔮᕆᖃᑦᑕᖅᓯᒪᔭᒥᓂᒃ ᐃᓕᓐᓂᐊᖅᓯᒪᓂᕐᒥᓂᒡᓗ ᐃᖕᒥᓂᒃ ᐅᓂᒃᑲᓕᐅᕆᐊᖃᕐᓂᖅ ᐊᒻᒪᓗ ᖄᖓᓃᑎᑕᐅᕙᒃᑐᓂᒃ ᑎᑎᕋᖅᓯᒪᔪᓐᓇᕐᓂᖅ. ᒫᓐᓇᓵᖅ ᐃᓱᒪᒃᓴᖅᓯᐅᖅᑎᑕᐅᒧᑦ ᐃᓄᐃᑦ ᓄᓇᕗᒻᒥᐅᑦ ᐊᒃᑐᖅᑕᐅᓯᒪᖃᑕᐅᕙᒃᑐᑦ ᖃᐅᔨᓚᐅᕐᒥᔪᑦ ᐃᑲᔪᖅᓱᖅᑕᐅᖃᑦᑕᕈᓐᓇᕐᓂᖏᓐᓂᒃ ᑕᒪᒃᑯᓂᖓ ᐱᓕᕆᔪᓐᓇᕐᓂᕐᒥᒃ ᐊᔪᕈᓐᓃᖅᓴᑕᖅᑕᐅᔪᓐᓇᕐᓂᕐᒥᓂᒃ.

7.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᐸᕐᓇᒃᐸᓪᓕᐊᓯᒪᔪᓐᓇᕐᓂᖅ ᐊᔪᕈᓐᓃᖅᓴᖅᑕᐅᓯᒪᓂᕐᒧᑦ

ᐃᓄᐃᑦ ᐱᓕᕆᖏᑦᑐᑦ ᐃᖅᑲᓇᐃᔭᖏᑦᑐᑦ ᒐᕙᒪᒃᑯᓐᓂ ᓵᖓᓲᖑᕗᑦ ᐱᖃᑕᐅᔪᓐᓇᕐᓂᖅ ᐃᓕᓐᓂᐊᕈᑎᒃᓴᓂᒃ ᐊᒻᒪᓗ ᐊᔪᕈᓐᓃᖅᓴᐅᑎᒃᓴᓂᒃ.

  • ᑲᑎᑦᑐᒋᑦ 57% ᐃᓄᐃᑦ ᐃᖅᑲᓇᐃᔭᖏᑦᑐᑦ ᒐᕙᒪᒃᑯᓐᓄᑦ (ᑭᓯᐊᓂ ᒐᕙᒪᒃᑯᓐᓄᑦ ᐱᔪᒪᓂᖃᖅᑐᑦ) ᐅᑉᐱᕈᓱᑦᑐᑦ ᐃᓕᓐᓂᐊᑲᓐᓂᕆᐊᖃᕋᔭᖅᑐᑎᑦ ᐃᖅᑲᓇᐃᔮᖅᑖᕋᓱᐊᕈᓐᓇᕐᓗᑎ [2015 ᐃᓄᓐᓂᑦ ᐃᓱᒪᒋᔭᐅᔪᓂᑦ ᖃᐅᔨᓴᕐᓂᖅ].
  • ᐃᓄᐃᑦ ᐱᓕᕆᖏᑦᑐᑦ/ᐃᖅᑲᓇᐃᔭᖏᑦᑐᑦ ᒐᕙᒪᒃᑯᓐᓂ ᐅᖃᓚᐅᖅᑐᑦ ᒪᑯᓂᖓ ᐱᔾᔪᑎᖃᕐᓂᖅᐹᖑᕙᖕᓂᖏᓐᓂᒃ ᐊᔪᕈᑎᖃᕐᓂᖏᓄᑦ ᐊᔪᕈᓐᓃᖅᓴᖅᑕᐅᔪᓐᓇᕐᓂᕐᒥᓄᑦ, ᐃᓕᓐᓂᐊᕈᓐᓇᕐᓂᕐᒥᓄᓗᓐᓃᑦ ᐱᔾᔪᑎᖃᖅᓱᑎᒃ ᐃᓚᒥᓂᒃ ᑲᒪᒋᔭᖃᕆᐊᖃᕐᓂᕐᒥᓂᒃ (27 ᐳᓴᓐᑎᖏᓂᑦᑐᑦ) ᐊᒻᒪᓗ ᐱᑕᖃᖏᓂᖏᓐᓄᑦ ᖁᑦᑎᖕᓂᖅᓴᓂᒃ ᐃᓕᓐᓂᐊᒃᑲᓐᓂᕐᕕᒃᓴᐃᑦ ᐊᔪᕈᓐᓃᖅᓴᐃᕕᒃᓴᐃᓪᓗᓐᓃᑦ ᐊᖏᕋᕆᔭᖏᓐᓂ ᓄᓇᖏᓐᓂ (15 ᐳᓴᓐᑎᓂᒃ) [2015 ᐃᓄᓕᒪᓂᒃ ᐃᓱᒪᒋᔭᐅᔪᓂᒃ ᖃᐅᔨᓴᕐᕕᐅᓂᕐᒧᑦ ᐊᐱᖁᑕᐅᓚᐅᖅᑐᓂᒃ].

ᓈᓴᐅᓯᕆᓂᕐᒥᒃ ᐊᒻᒪᓗ ᖃᐅᔨᓴᕈᓐᓇᕐᓂᕐᒥᒃ ᐱᕙᓪᓕᐊᑎᑦᑎᔪᓐᓇᕐᓂᖅ ᐸᕐᓇᐅᑕᐅᓯᒪᒃᑲᓐᓂᕈᓐᓇᖅᑐᑦ ᐃᖅᑲᓇᐃᔭᖅᑎᒃᓴᖅᓯᕆᔭᐅᓂᖅᐹᖑᕙᒃᑐᓂᒃ ᐱᔪᓐᓇᕐᓂᕐᒧᑦ.

  • ᑲᓇᑕᐅᑉ ᒐᕙᒪᒃᑯᖏᓐᓂ, 23% ᐃᓄᖃᖏᓂᖏᑦ ᐃᖅᑲᓇᐃᔭᕐᕖᒃᓴᐃᑦ ᐱᓯᒪᔭᕆᐊᖃᖅᐳᑦ ᖃᐅᔨᓴᖅᑎᐅᓂᕐᒥᒃ ᐃᓕᓐᓂᐊᒑᓂᒍᑎᖃᕆᐊᖃᕐᓂᖅ ᐅᖓᑕᓃᓗ. ᑭᓯᐊᓂᓕᑕᐅᖅ, ᐊᒥᓱᖏᑦᑐᑦ ᓄᓇᕗᒻᒥᐅᑦ ᐃᓄᐃᑦ ᖃᐅᔨᓴᖅᑎᐅᔪᓐᓇᕐᓂᕐᒥᒃ ᐃᓕᓐᓂᐊᕌᓂᒍᑎᖃᖏᓚᑦ (ᖁᓕᐅᓪᓗᑎᒃ ᐃᓄᐃᑦ ᐊᕐᕋᒍᒥ 2016).

ᐊᒥᓲᒐᓗᐊᖅᓱᑎᒃ ᐊᔪᕈᓐᓂᖅᓴᖅᑕᐅᒃᑲᓐᓂᕈᒪᔪᑦ, ᐃᓄᐃᑦ, ᐅᖃᕋᑦᑕᖅᓯᒪᒋᕗᑦ ᖃᐅᔨᒪᑎᑕᐅᖏᓗᐊᕋᑦᑕᕐᓂᖏᓐᓄᑦ ᑕᒪᒃᑯᓂᖓ ᐊᔪᕈᓐᓃᖅᓴᖅᕕᐅᔪᓐᓇᖅᑐᓂᒃ ᐊᔪᕈᑕᐅᑐᐃᓐᓇᕐᓂᖏᓐᓂᒃ.

  • ᒫᓐᓇᐅᔪᖅ ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᑦ ᐅᖃᐅᓯᖃᖅᓯᓚᑦ ᑐᒡᓕᖅᐹᕆᔭᐅᔪᒥᒃ ᐊᔪᕈᑕᐅᓂᖅᐹᖑᖃᑕᐅᕗᖅ ᑕᒪᒃᑯᓂᖓ ᐱᔾᔪᑎᖃᖅᑐᑦ ᖃᐅᔨᑎᑕᐅᕙᖏᓂᖏᓐᓂᒃ ᖃᐅᔨᑎᑕᐅᕙᖏᓐᓂᖏᓐᓂᒡᓗ ᐃᓕᓐᓂᐊᕈᑎᒃᓴᓕᐊᕆᔭᐅᓯᒪᓕᖅᑑᖓᓗᐊᓂᒃ.

ᐃᓄᐃᑦ ᒐᕙᒪᖏᓐᓂ ᐃᖅᑲᓇᐃᔭᖅᑏᑦ ᐊᔪᕈᓐᓃᖅᓴᖅᑕᐅᓯᒪᔪᑦ ᑕᐃᒪᐃᒐᔪᖕᓂᖅᓴᐅᓯᒪᕗᑦ ᐊᖓᔪᖄᕆᔭᒥᓄᓪᓗᓐᓃᑦ ᐃᖅᑲᓇᐃᔭᖅᑎᐅᖃᑎᒥᓄᓪᓗᓐᓃᑦ ᐃᑲᔪᖅᓱᖅᑕᐅᓯᒪᓂᕐᒥᓄᑦ, ᓴᓂᐊᓂᒃ ᖃᓪᓗᓈᓂᒃ ᐊᓯᖏᓐᓂᒡᓗ ᐃᓄᓪᓚᕆᐅᖏᑦᑐᓂᒃ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᓂᒃ. ᑕᒪᐃᓐᓂᒃ ᑕᑯᓪᓗᒋᑦ ᑕᒪᒃᑯᐊ, ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᑦ ᐊᔪᕈᓐᓂᖅᓴᖅᑎᑕᐅᒐᔪᐃᓐᓂᖅᓴᐅᒋᕗᑦ ᑕᐃᔅᓱᒪᓂᓂᒃ ᐊᕐᕋᒍᓂᒃ ᓴᓂᐊᓂᒃ ᖃᓪᓗᓈᓂᒃ ᐊᓯᖏᓐᓂᒡᓗ ᐃᓄᓪᓚᕆᐅᖏᓂᖏᓐᓂ.

  • ᐃᓄᐃᑦ ᐊᕝᕙᓪᓕᐊᑲᓴᖏᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ (45%) ᐊᔪᕈᓐᓃᖅᓴᐅᑎᓂᒃ ᐊᑐᒪᐅᖏᑦᑐᑦ ᐊᓂᒍᖅᓯᒪᓕᖅᑐᒥ ᐊᕐᕋᒍᒥ, ᓴᓂᐊᓂᒃ ᑕᐃᒃᑯᓇᖓᑦ ᐊᑕᐅᓯᐅᕙᒃᑐᒥᒃ-ᑕᓪᓕᒪᑕᖑᓂᖏᓐᓂᒃ ᖃᓪᓗᓈᓂ ᐊᓯᖏᓐᓂᒡᓗ ᐃᓄᓪᓚᕆᐅᖏᑦᑐᓂᒃ ᐃᖅᑲᓇᐃᔭᖅᑎᐅᔪᓂᒃ (18%).
  • ᐃᓄᐃᑦ ᐃᓕᑕᕆᔭᐅᓯᒪᔪᓂᒃ ᐊᔪᕈᓐᓃᖅᓴᐅᑎᓂᒃ ᐊᑐᖅᓯᒪᔪᖅ ᓇᓗᓇᐃᔭᐃᒐᔪᖕᓂᖅᓴᐅᒋᕗᑦ ᖃᓪᓗᓈᓂᒃ ᐊᓯᖏᓐᓂᒡᓗ ᐃᓄᓪᓚᕆᐅᖏᒃᑐᒥᒃ ᐃᖅᑲᓇᐃᔭᖅᑎᓂᒃ ᐊᔪᕈᓐᓂᖅᓴᖅᓯᒪᓂᕋᐃᓂᖅ ᐱᔫᒥᓴᒃᑕᐅᓯᒪᓂᖏᓐᓄᑦ ᐊᖓᔪᖄᕆᔭᒥᓄᑦ, ᐃᖅᑲᓇᐃᓇᖅᑎᐅᖃᑎᒋᔭᒥᓄᓪᓗᓐᓃᑦ ᐅᕝᕙᓗᓐᓃᑦ ᐱᔾᔪᑕᐅᓂᖓᓄᑦ ᐊᖓᔪᖄᖓᓄᑦ ᐱᖁᔭᐅᓯᒪᓂᕐᒥᓄᑦ. ᖃᓪᓗᓈᑦ ᐊᓯᖏᓄᓪᓗ ᐃᓄᓪᓚᕆᐅᖏᑦᑐᑦ ᐊᔪᕈᓐᓃᖅᓴᒃᑲᓐᓂᕋᔪᒃᐳᑦ ᐃᖕᒥᓂᒃ ᐃᓚᐅᔪᒪᓂᕐᒥᓄᑦ, ᐃᑲᔪᕐᓂᖃᕈᓐᓇᕐᓂᖓᓄᑦ ᒫᓐᓇᐅᔪᖅ ᐃᖅᑲᓇᐃᔮᕆᔭᒥᓄᑦ ᐱᓕᕆᐊᕆᔭᒥᓄᑦ, ᐅᕝᕙᓗᓐᓃᑦ ᐃᖅᑲᓇᐃᔭᖅᑖᕆᕋᑕᕈᒪᔭᒥᓄᑦ ᐃᑲᔪᕐᓂᖃᕐᓂᐊᕐᒪᑕ ᐅᕝᕙᓗᓐᓃᑦ ᐱᔾᔪᑎᖃᖅᓱᑎᒃ ᑕᐃᒪᐃᑦᑕᕆᐊᖃᖅᑎᑕᐅᓂᕐᒥᓂᒃ ᐃᖅᑲᓇᐃᔮᕐᑲᕐᓂᕐᒥᓄᑦ ᒫᓐᓇᐅᔪᖅ.

ᖃᕆᑕᐅᔭᒃᑯᑦ ᐊᔪᖏᓐᓂᖃᕐᓂᖅ ᐊᒻᒪᓗ ᓯᕗᓕᖅᑎᐅᓂᕐᒥᒃ ᐊᐅᓚᑦᑎᔨᐅᓂᕐᒥᒡᓗ ᐊᔪᕈᓐᓃᖅᓴᐅᑏᑦ ᐃᓚᐅᕝᕕᐅᔪᒪᓂᖅᐹᖑᕙᒃᐳᑦ ᐊᒥᓲᓂᖅᐹᖑᔪᓄᑦ ᐃᓄᖕᓄᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᓄᑦ.

  • ᖃᓄᐃᑦᑑᓂᖏᑦ ᐃᓕᓐᓂᐊᓂᕐᒧᑦ ᐱᔪᒪᔭᐅᓂᖅᐹᖑᓚᐅᖅᑐᑦ ᐃᓄᓐᓄᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ ᐱᖃᓯᐅᔾᔨᔪᖅ ᖃᕋᓴᐅᔭᓕᕆᓂᕐᒧᑦ ᐊᔪᖏᓐᓂᐅᔪᑦ (1,830 ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐱᔪᒪᓂᖃᓚᐅᖅᑐᑦ) ᑐᖏᓕᕆᓪᓗᓂᐅᒃ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ (1,800), ᐃᒥᓐᓂᓄᑦ ᐱᕙᓪᓕᐊᑎᑦᑎᓂᖅ (1,490) ᐊᒻᒪ ᐊᔪᖏᓐᓂᖃᓂᕐᒧᑦ ᐃᓕᓐᓂᐊᕐᓂᖅ (1,440) (ᐊᔾᔨᓐᖑᐊᖅ 11). ᓇᑉᐸᒋᓗᐊᖅᑕᖏᑦ ᐃᓄᐃᑦ (53%) ᐊᒻᒪ ᐃᓄᓪᓚᑦᑖᖑᖏᑦᑐᑦ (59%) ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐱᔪᒪᓂᖃᓚᐅᖅᑐᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᓂᕐᒧᑦ ᐃᓕᓐᓂᐊᓂᕐᒧᑦ.
ᐊᔾᔨᓐᖑᐊᖅ 11: ᖃᓄᐃᑦᑑᓂᖏᑦ ᐃᓕᓐᓂᐊᓂᕐᒧᑦ ᐱᔪᒪᓂᕆᔭᐅᓛᖑᔪᑦ ᐃᓄᓐᓄᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ

ᓇᑭᙶᕐᓂᖓ: 2016 ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᖏᓐᓂᑦ ᖃᐅᔨᓴᕐᓂᖅ

ᐊᔾᔨᓐᖑᐊᖅ 11: ᖃᓄᐃᑦᑑᓂᖏᑦ ᐃᓕᓐᓂᐊᓂᕐᒧᑦ ᐱᔪᒪᓂᕆᔭᐅᓛᖑᔪᑦ ᐃᓄᓐᓄᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ
ᐱᔪᓐᓇᕐᓂᖓ ᖃᓄᐃᑦᑑᓂᖓ ᐊᒥᓲᓂᖏᑦ ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᑖᔅᓱᒥᖓ ᐃᓕᓐᓂᐊᕈᒪᓂᖃᖅᑐᑦ
Cᖃᓴᐅᔭᓕᕆᔪᓐᓇᕐᓂᖅ 1,830
ᓯᕗᓕᖅᑎᐅᓂᖅ ᐊᒻᒪ ᐊᐅᓚᑦᑎᓂᕐᒧᑦ 1,800
ᐃᒻᒥᓄᑦ ᐱᕙᓪᓕᐊᑎᑦᑎᓂᖅ 1,490
ᐊᔪᖏᓐᓂᖃᓂᕐᒧᑦ ᐃᓕᓐᓂᐊᕐᓂᖅ 1,440
ᓄᐃᑦ ᐱᖅᑯᓯᖏᑦ, ᐊᓯᐊᓂ ᐅᖃᐅᓯᕐᒥᑦ 1,420
ᑐᓴᐅᒪᔾᔪᑎᓕᕆᔪᓐᓇᕐᓂᖅ 1,400
ᐅᖃᐅᓯᕐᒥᑦ ᐃᓕᓐᓂᐊᕐᓂᖅ 1,150
ᐊᓯᖏᑦ 1,080
ᐃᖅᑲᓇᐃᔭᖃᑎᒌᓐᓂᖅ 930
ᐊᓯᖏᑦ ᐃᖅᑲᓇᐃᔮᒧᑦ−ᓇᓗᓇᐃᖅᓯᒪᔪᑦ ᖃᐅᔨᒪᓂᐅᔪᓂᑦ ᐃᓕᓐᓂᐊᕐᓂᖅ 870
ᐃᖅᑲᓇᐃᔮᔅᓴᓂᑦ ᕿᓂᓂᕐᒧᑦ ᖃᐅᔨᒪᓂᐅᔪᑦ 700
ᐱᔪᒪᓂᖃᖏᑦᑐᖅ ᐃᓕᓐᓂᐊᓂᕐᒥᑦ 210
  • ᖁᕝᕙᓯᒃᑲᓗᐊᖅᑎᓪᓗᒋᑦ ᐱᔪᒪᓂᕆᔭᐅᔪᑦ, ᐊᒥᓲᓗᐊᖏᑦᑐᑦ ᐃᓄᐃᑦ ᑕᐃᒪᐃᑦᑐᓂᑦ ᐃᓕᓐᓂᐊᖅᓯᒪᔪᑦ.
  • ᐃᓄᐃᑦ ᐱᔪᒪᓂᖃᖅᑐᑦ ᐊᐅᓚᑦᑎᔨᐅᓂᕐᒥᑦ ᐊᒻᒪ ᓯᕗᓕᖅᑎᐅᓂᕐᒥᑦ ᐃᓕᓐᓂᐊᓂᕐᒥᑦ ᐊᕐᕌᒍᖃᒐᔪᑦᑐᑦ 30 ᑎᑭᑦᑐᒍ 39 ᐊᒻᒪ ᐃᓕᓐᓂᐊᕐᕕᐊᓗᒻᒥᑦ ᐱᔭᕇᖅᓯᓯᒪᔪᑦ ᐅᕝᕙᓘᓐᓃᑦ ᓯᓚᑦᑐᓴᕐᕕᒻᒥᑦ ᐱᔭᕇᖅᓯᓯᒪᔪᑦ.

ᐱᐅᓂᖅᐹᖑᔪᓂᒃ ᐱᐅᓯᕆᔭᐅᔪᑦ ᐱᕙᓪᓕᐊᑎᑦᑎᓂᖅ ᐊᔪᕈᓃᖅᓴᐅᑎᒃᓴᓂᒃ ᐃᓄᖕᓄᑦ ᐱᑕᖃᕆᐊᖃᖅᐳᑦ ᑕᒪᒃᑭᕐᓂᖅᓴᐅᕙᒃᑐᓂᒃ ᐊᒻᒪᓗ ᐃᓕᖅᑯᓯᑐᖃᕐᒥᓂᒃ ᐊᑐᕐᓂᖅᓴᐅᔪᓂᒃ ᐊᔪᕈᓐᓃᖅᓴᐅᑎᒃᓴᖃᖅᑎᑦᑎᕙᖕᓂᖅ.

  • ᐃᓚᐅᖃᑕᐅᔪᑦ ᐱᓕᕆᔪᓂᑦ ᐊᒻᒪ ᐊᐱᖅᓱᕐᓂᐅᔪᓂᑦ ᓇᓗᓇᐃᖅᑕᐅᔪᑦ ᐅᑯᓂᖓ ᐃᓕᑦᑕᐅᓯᒪᔪᓂᑦ ᐊᑦᑐᐊᓂᓖᑦ ᐃᓕᓐᓂᐊᑎᑦᑎᔾᔪᑎᓂᑦ ᐊᒻᒪ ᐃᓗᓕᖏᑦ ᐱᕈᖅᑎᑦᑎᕙᓪᓕᐊᓂᕐᒧᑦ ᐸᕐᓇᓯᒪᓂᕐᒧᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᓂᕐᒧᑦ:
    • ᐊᑐᖅᑐᓂ ᐊᔾᔨᒌᖏᑦᑐᓂᑦ ᐃᓕᓐᓂᐊᑎᑦᑎᔾᔪᑎᓂᑦ: ᖃᕋᓴᐅᔭᒃᑯᑦ, ᐊᒡᔨᒍᖅᓯᒪᔪᓂᑦ, ᐊᒻᒪ ᓄᓇᓕᒻᒥ−ᐊᑐᐃᓐᓇᐅᔪᑦ ᓇᓖᕌᕋᔅᓴᐃᑦ;
    • ᐊᑕᖐᔪᒥᑦ ᐊᑐᕐᓗᓂ ᐃᓕᓐᓂᐊᖅᑎᑕᐅᓂᖏᓐᓄᑦ ᐃᑲᔪᖅᑏᑦ ᐊᒻᒪ ᓴᖏᔪᒥᑦ ᐃᑲᔪᖅᑕᐅᓗᓂ ᑲᑎᓐᖓᔪᓄᑦ ᐃᓕᓐᓂᐊᖅᑐᓄᑦ;
    • ᐱᖃᓯᐅᔾᔨᓂᖅ ᐱᖅᑯᓯᓄᑦ−ᐊᑦᑐᐊᓂᓕᓐᓄᑦ ᐃᓗᓕᖏᑦ; ᐊᒻᒪ
    • ᐃᓕᓐᓂᐊᕋᔅᓴᖃᖅᑎᑦᑎᓂᖅ ᓴᖅᑮᔪᓂᑦ ᖃᐅᔨᒪᓂᐅᔪᓂᑦ, ᐃᓄᐃᑦ ᐅᑉᐱᕆᔭᖏᑦ ᐊᒻᒪ ᖃᓄᐃᓘᖅᑕᐅᓂᖏᑦ.

8.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᐃᓄᐃᑦ ᐅᖃᐅᓯᖏᑦ ᐊᒻᒪᓗ ᐃᓕᖅᑯᓯᖏᑦ ᐃᓱᒪᒋᓪᓗᒋᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᓂᕐᒧᑦ

ᑕᒪᕐᒥᒃᑲᓴᐃᑦ ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑐᑦ ᑐᖓᓱᓲᖑᓄᑦ ᐊᒻᒪᓗ ᐊᑐᖅᐸᒃᑐᓂᒃ ᐃᓄᒃᑎᑐᑦ ᐅᖃᐅᓯᕐᓂᒃ ᐃᖅᑲᓇᐃᔭᕐᕕᖕᒥᓂ.

  • 87% ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᓇᓗᓇᐃᖅᓯᓚᐅᖅᑐᑦ ᑐᓐᖓᓱᑦᑎᑕᐅᓂᕋᖅᑐᑎᑦ ᐊᒻᒪ ᐱᖃᓯᐅᔾᔭᐅᓪᓗᑎ ᐃᖅᑲᓇᐃᔭᕐᕕᒻᒥ. ᑭᓯᐊᓂᓕ, 8−ᐳᓴᓐᑏᑦ ᐊᖏᖃᑎᖃᓚᐅᖏᑦᑐᑦ ᑖᔅᓱᒥᖓ ᐅᓂᒃᑳᓂᑦ (ᑎᑎᕋᖅᓯᒪᔪᑦ 1).
ᑎᑎᕋᒃᓯᒪᔪᖅ 1: ᐊᖏᓂᕆᔭᖓ ᐃᓄᐃᑦ ᐃᖅᑲᓇᐃᔭᖅᑏᑦ ᐅᑉᐱᕆᔭᖏᑦ ᐃᖅᑲᓇᐃᔭᕐᕕᐅᔪᑦ ᐱᖃᓯᐅᔾᔨᓂᖏᓐᓄᑦ ᐃᓄᐃᑦ ᐃᓅᖃᑎᒌᓐᓂᕐᒧᑦ ᐅᑉᐱᕆᔭᖏᑦ (ISV) ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ (IQ)
ᐃᓄᐃᑦ ᐃᓅᖃᑎᒌᓐᓂᕐᒧᑦ ᐅᑉᐱᕆᔭᖏᑦ (ISV) ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ (IQ) ᐊᑐᐊᒐᖏᑦ ᓴᖏᔪᒥᑦ ᐅᕝᕙᓘᓐᓃᑦ ᐃᓚᖓᒍᑦ ᐊᖏᖅᑐᖅ ᐊᖏᙱᓚᖓ ᐊᖏᖃᑎᒋᙱᒃᑭᓪᓗᒍᓗ ᓴᖏᔪᒥᑦ ᐅᕝᕙᓘᓐᓃᑦ ᐃᓚᖓᒍᑦ ᐊᖏᖃᑎᒋᖏᑕᖓ
ᐃᑉᐱᒋᓱᑦᑎᐊᕐᓂᖅ ᐃᖅᑲᓇᐃᔭᖃᑎᒋᔭᐅᔪᓂᑦ, ᐱᐅᔪᓂᑦ ᐃᖅᑲᓇᐃᔭᓂᕐᒧᑦ ᐱᓕᕆᖃᑎᒌᓐᓂᖅ ᐊᒻᒪ ᐊᓯᖏᓐᓂᑦ ᐃᓱᒪᒋᔭᖃᕐᓂᖅ ᑲᔪᖏᖅᓴᖅᑕᐅᔪᖅ (ᐃᓅᖃᑎᒌᑦᓯᐊᕐᓂᖅ) 81% 10% 10%
ᐃᑉᐱᒍᓱᑦᑐᖓ ᑐᓐᖓᓱᑦᑎᑕᐅᓪᓗᖓ ᐊᒻᒪ ᐱᖃᓯᐅᔾᔭᐅᓪᓗᖓ (ᑐᙵᓇᕐᓂᖅ) 87% 5% 8%
ᖃᓄᖅᑑᕈᑎᖃᖅᑐᖓ ᐃᓚᐅᖃᑕᐅᓂᖅᓴᐅᓗᖓ ᐱᖅᑯᓯᓅᖓᔪᓄᑦ ᐊᒻᒪ ᐊᓯᖏᓐᓂᑦ ᖃᓄᐃᓘᖅᑕᐅᔪᓂᑦ ᓯᓚᒥ ᐃᖅᑲᓇᐃᔭᕐᕕᒻᒥ ᐃᖅᑲᓇᐃᔭᕐᓇᐅᑎᓪᓗᒍ (ᐱᔨᑦᓯᕐᓂᖅ) 74% 14% 12%
ᐃᓱᒪᓕᐅᖃᑦᑕᖅᑐᑦ ᐃᖅᑲᓇᐃᔭᖃᑎᒌᓐᓂᒃᑯᑦ, ᐱᓕᕆᖃᑎᒌᓐᓂᒃᑯᑦ ᐊᒻᒪ ᐊᖏᖅᑕᐅᓯᒪᔪᒧᑦ ᐃᓱᒪᓕᐅᖃᑦᑕᕐᓂᖅ (ᐋᔩᖃᑎᒌᓐᓂᖅ) 77% 11% 13%
I ᐃᑉᐱᒍᓱᑦᑐᖓ ᐃᑲᔪᖅᑕᐅᓪᓗᖓ ᓴᖅᑭᑎᑦᑎᓂᕐᒥᖅᑦ ᓄᑖᒥᑦ−ᐃᖅᑲᓇᐃᔮᒨᖓᔪᒧᑦ ᐊᑦᑐᐊᓂᓖᑦ ᐊᔪᖏᓐᓂᐅᔪᑦ (ᐱᓕᒻᒪᒃᓴᓂᖅ ᐅᕝᕙᓘᓪᓃᑦ ᐱᔭᕆᐅᖅᓴᓂᖅ) 74% 15% 12%
ᑐᑭᓯᐅᒪᖃᑎᒌᑦᑐᒍᑦ ᑐᕌᒐᑦᑎᓐᓂᑦ ᐊᒻᒪ ᑕᑯᓐᓇᖅᑕᑎᓐᓂᑦ ᐅᕙᒍᑦ ᑎᑭᓐᓇᓱᐊᖅᑕᖏᓐᓂᑦ (ᐱᓕᕆᖃᑎᒌᓐᓂᖅ ᐅᕝᕙᓘᓐᓃᑦ ᐃᑲᔪᖅᑎᒌᓐᓂᖅ) 78% 11% 11%
ᐃᓱᒪᒋᔭᐅᔪᑦ ᑐᓐᖓᓱᑦᑎᑕᐅᔪᑦ ᐊᒻᒪ ᖃᔪᖅᓴᖅᑕᐅᔪᒍᑦ ᐆᑦᑐᕐᓗᑕ ᓄᑖᓂᑦ ᖃᓄᐃᓘᖃᑦᑕᓂᕐᒧᑦ (ᖃᓄᖅᑑᕐᓂᖅ) 83% 8% 9%
ᖃᐅᔨᒪᓂᖃᕐᓂᖅ ᓄᓇᕗᑦ ᐊᕙᑎᖓᓂᑦ ᐊᒻᒪ ᓄᓇᖓᓂᑦ ᐅᑉᐱᕆᔭᐅᔪᖅ (ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ) 75% 15% 10%

ᓇᑭᙶᕐᓂᖓ: 2016 ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᖏᓐᓂᑦ ᖃᐅᔨᓴᕐᓂᖅ

  • ᓯᑕᒪᑦ-ᑕᓪᓕᒪᓂᑦ ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᓇᓗᓇᐃᖅᓯᓚᐅᖅᑐᑦ ᐃᓚᖓᑎᒍᑦ ᖃᐅᔨᒪᓂᖃᖅᑐᑦFootnote 4 ᐃᓄᒃᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ (ᐊᔾᔨᓐᖑᐊᖅ 12). ᑖᒃᑯᓇᓂ ᐃᖅᑲᓇᐃᔭᖅᑎᓂᑦ, ᐃᓄᒃᑐᑦ ᐊᑐᖅᑕᐅᔪᖅ 85% ᐃᖅᑲᓇᐃᔭᕐᕕᒻᒥᑦ, ᐅᑯᓄᖓᑐᐊᖅ 33% ᑐᓴᐅᒪᖃᑦᑕᐅᑎᓂᖃᖅᑐᑎᑦ ᑲᒪᔨᖏᓐᓄᑦ, ᐊᒻᒪ ᐃᒪᓐᓇ 83% ᑐᓴᐅᒪᖃᑦᑕᐅᑎᓂᖃᖅᑐᑎᑦ ᐃᖅᑲᓇᐃᔭᖃᑎᖏᓐᓄᑦ.
ᐊᔾᔨᓐᖑᐊᖅ 12: ᖃᐅᔨᒪᓂᖃᑦᑎᐊᕐᓂᖅ ᐃᓄᒃᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ ᐃᓄᓐᓂᑦ ᐊᒻᒪ ᐃᓄᓪᓚᑦᑖᖑᖏᑦᑐᓂᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑏᑦ

ᓇᑭᙶᕐᓂᖓ: 2016 ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᖏᓐᓂᑦ ᖃᐅᔨᓴᕐᓂᖅ

ᐊᔾᔨᓐᖑᐊᖅ 12: ᖃᐅᔨᒪᓂᖃᑦᑎᐊᕐᓂᖅ ᐃᓄ ᒃᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ ᐃᓄᓐᓂᑦ ᐊᒻᒪ ᐃᓄᓪᓚᑦᑖᖑᖏᑦᑐᓂᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑏᑦ
ᖃᐅᔨᒪᓂᖃᑦᑎᐊᕐᓂᖅ ᐃᓄ ᒃᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ ᐃᓄᐃᑦ ᐃᓄᓪᓚᑦᑖᖑᖏᑦᑐᑦ
ᐃᓚᖓᒍᑦ ᖃᐅᔨᒪᓂᖃᖅᑐᖅ 81% 9%
ᖃᐅᔨᒪᓂᖃᖏᑦᑐᖅ 19% 91%
ᑲᑎᓗᒋᑦ 100% 100%
  • 2016-ᒥ, 86% ᐃᓄᐃᑦ ᓄᓇᕗᒻᒥ ᐅᖃᓪᓚᖃᑦᑕᖅᑐᑦ ᐃᓄᐃᑦ ᐅᖃᐅᓯᖓᓐᓂ ᐊᖏᕋᒥ ᓇᓪᓕᐊᓂᑐᐃᓐᓇᖅ ᐊᑐᖅᑕᐅᒐᔪᓐᓂᕐᓴᖅ ᐅᕝᕙᓘᓐᓃᑦ ᐊᑐᖅᑕᐅᒐᔪᑦᑐᖅ. ᑖᓐᓇ ᐊᔾᔨᐸᓗᒋᔭᖓ ᖃᐅᔨᔭᐅᓚᐅᖅᑐᓂᑦ 2006 (85%). ᐃᓚᒋᔭᖏᑦ ᐃᓄᒃᑐᑦ ᐅᖃᐅᓯᖃᓪᓗᐊᑕᖅᑐᑦ ᐊᖏᕋᒥ ᐊᑦᑎᓪᓕᒋᐊᖅᓯᒪᔪᖅ 64% ᑎᑭᑦᑐᒍ 60% ᐊᑯᓐᓂᖏᓐᓂ 2006 ᐊᒻᒪ 2016 [ᑭᓪᓕᓯᓂᐊᖅᑕᐅᓯᒪᔪᑦ 2006 ᐊᒻᒪ 2016].
  • 2016-ᒥ, 78% ᐃᓄᐃᑦ ᓄᓇᕗᒻᒥ ᐊᑐᖃᑦᑕᖅᑐᑦ ᐅᓄᑦᑎᑐᑦ ᐅᖃᐅᓯᕐᒥᑦ ᐃᖅᑲᓇᐃᔭᕐᕕᒻᒥ ᓇᓪᓕᐊᓂᑐᐃᓐᓇᖅ ᐊᑐᖅᑕᐅᒐᔪᓐᓂᕐᓴᖅ ᐅᕝᕙᓘᓐᓃᑦ ᐊᑐᖅᑕᐅᒐᔪᑦᑐᖅ. ᑖᓐᓇ ᐊᔾᔨᐸᓗᒋᔭᖓ ᐅᓂᒃᑳᓂᑦ 2006 (80%). ᐃᓚᒋᔭᖏᑦ ᐊᑐᖃᑦᑕᖅᑐᑦ ᐃᓄᒃᑐᑦ ᐅᖃᐅᓯᓪᓗᐊᑕᕆᓪᓗᒍ ᐃᖅᑲᓇᐃᔭᕐᕕᒻᒥ ᐊᑦᑎᓪᓕᒋᐊᖅᓯᒪᔪᖅ ᐱᒋᐊᖅᑐᓂ 41% ᑎᑭᑦᑐᒍ 38% ᐊᑯᓐᓂᖏᓐᓂ 2006 ᐊᒻᒪ 2016 [ᑭᓪᓕᓯᓂᐊᖅᑕᐅᓯᒪᔪᑦ 2006 ᐊᒻᒪ 2016].

ᐃᖅᑲᓇᐃᔭᕐᕕᖕᓂ/ᐱᓕᕆᕕᖕᓂ ᐃᓄᐃᑦ ᐃᓅᖃᑎᖃᑦᑎᐊᕐᓂᕐᒧᑦ ᐱᒻᒪᕆᐅᑎᑕᖏᑦ / ᐃᓄᐃᓪᓗ ᖃᐅᔨᒪᔭᑐᖃᖏᑦ ᐊᑕᕗᑦ ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᒥᒥᓂᒃ ᓈᒻᒪᒃᓴᕐᓂᖏᓐᓄᑦ ᐊᒻᒪᓗ ᐃᖅᑲᓇᐃᔮᖃᐃᓐᓇᕈᒪᓂᖏᓐᓄᑦ.

  • ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᐃᓱᒪᒋᔭᖃᖅᐳᑦ ᐱᓕᕆᕕᖕᒥ ᐃᓄᐃᑦ ᐃᓅᖃᑎᖃᑦᑎᐊᕐᓂᕐᒧᑦ ᐱᒻᒪᕆᐅᑎᑕᐅᓂᖏᓐᓂᒃ / ᐃᓄᐃᓪᓗ ᖃᐅᔨᒪᔭᑐᖃᖏᓐᓂᒃ ᐱᐅᔫᓂᖏᓐᓂᒃ ᐃᓚᒋᔭᐅᓂᕐᒧᑦ ᐃᖅᑲᓇᐃᔮᕆᔭᒥᓂᒃ ᓈᒻᒪᒃᓴᕐᓂᕐᒥᓄᑦ, ᐃᓚᐅᔪᒪᓂᖏᓐᓄᓪᓗ ᒐᕙᒪᒃᑯᓐᓂᒃ ᐊᒻᒪᓗ ᐃᓚᒋᔭᐅᔪᒪᓂᕐᒥᓄᑦ ᐱᓕᕆᕕᖕᓂ ᐃᓕᑦᑎᐊᕚᓪᓕᕕᒋᔪᓐᓇᕐᓂᖅ.
  • ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᖏᑦ ᓇᓗᓇᐃᔭᐃᓚᐅᖅᑐᑦ ᐃᓱᒪᒃᓴᖅᓯᐅᓯᒪᖃᑕᕐᓂᕐᒥᓂᒃ ᕿᒪᐃᔪᒪᓂᕐᒥᒃ ᒫᓐᓇᐅᔪᖅ ᐃᖅᑲᓇᐃᔮᕆᔭᒥᓂᒃ, ᐱᔾᔪᑎᖃᕐᓂᖅᐹᖑᓂᕋᐃᓚᐅᖅᑐᑦ ᑕᒪᐃᓐᓂᒃ ᐊᓯᖔᖏᓐᓂᒃ ᐃᖅᑲᓇᐃᔭᕐᕕᒃᓴᖅᓯᐅᕈᒪᓂᕐᒧᑦ ᐱᔾᔪᑎᖃᖅᓱᑎᒃ ᐊᑐᕈᒪᓂᖏᓐᓂᒃ ᖃᐅᔨᒪᔭᒥᓂᒃ ᐃᓄᐃᑦ ᐃᓅᖃᑎᒌᑎᐊᕆᐊᖃᕐᓂᖏᓐᓂᒃ ᐱᐅᓯᑐᖃᕆᔭᐅᔪᓂᒃ, ᐃᓕᖅᑯᓯᑐᖃᖏᓐᓂᒃ ᖃᐅᔨᒪᓂᖏᓐᓂᒃ ᐊᒻᒪᓗ ᐃᓅᔾᔪᑎᒃᓴᖃᕆᐊᖃᕐᓂᕐᒥᓄᑦ.
  • ᒫᓐᓇᓵᖑᓚᐅᖅᑐᕐᓕ ᐃᖅᑲᓇᐃᔮᖅᑕᖅᑎᑕᐅᓵᖅᓯᒪᔪᑦ ᓴᓂᐊᓂᒃ ᑕᐃᒃᑯᓇᖓᑦ ᐊᑯᓂᐅᓂᖅᓴᖅ ᐃᖅᑲᓇᔮᖃᑯᑖᖕᓂᖅᓴᐅᓕᖅᑐᓂᒃ ᐅᖃᐅᓯᖃᓚᐅᖅᑐᑦ ᖃᐅᔨᒪᔭᕆᐊᖃᕐᓂᕐᒥᓂᒃ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ, ᐃᓅᖃᑎᒌᒃᐸᖕᓂᖏᓐᓂᒃ ᐱᐅᓯᕐᓂᒃ ᐊᒻᒪᓗ ᐃᓅᔾᔪᑎᒃᓴᓕᕆᓂᕐᒥᒃ ᖃᐅᔨᒪᔭᕆᐊᖃᖅᑎᑕᐅᓂᕐᒥᓂᒃ, ᐃᖅᑲᓇᐃᔮᕆᓕᖅᑕᒥᓂᒃ ᐃᖅᑲᓇᐃᔮᖅᑖᕈᓐᓇᕐᓂᐊᕈᑎᒃ.

ᐃᓄᐃᑦ ᐅᖃᐅᓯᖏᓐᓂᒃ ᐊᑐᕈᓐᓇᕐᓂᖅ ᐱᓕᕆᕕᖏᓐᓂ/ᐃᖅᑲᓇᐃᔭᕐᕕᖏᓐᓂ ᐱᒻᒪᕆᐅᔪᑦ ᐃᓄᖕᓄᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᓂ.

  • ᐃᓄᓐᓂᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᓂᑦ ᓇᓗᓇᐃᖅᓯᓂᖃᓚᐅᖅᑐᓄᑦ ᐃᓚᖓᑎᒍᑦ ᖃᐅᔨᒪᓂᖃᖅᑐᑦ ᐃᓄᒃᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ, ᐊᒥᓲᓂᖅᓴᐃᑦ (78%) ᐱᒻᒪᕆᐅᑎᑦᑎᔪᑦ ᐊᑐᕈᓐᓇᕐᓗᒍ ᐃᖅᑲᓇᐃᔭᕐᕕᖏᓐᓂᑦ (ᐊᔾᔨᓐᖑᐊᖅ 13).
ᐊᔾᔨᓐᖑᐊᖅ 13: ᐱᒻᒪᕆᐅᓂᖓ ᐊᑐᖅᑕᐅᓂᖓ ᐃᓄᐃᑦ ᐅᖃᐅᓯᖓ ᐃᖅᑲᓇᐃᔭᕐᕕᒻᒥ (ᐃᓄᓐᓂᑦ ᐃᖅᑲᓇᐃᔭᖅᑎᓂᑦ ᐃᓚᖓᒍᑦ ᖃᐅᔨᒪᓂᖃᖅᑐᑦ ᐃᓄᒃᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ)

ᓇᑭᙶᕐᓂᖓ: 2016 ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᖏᓐᓂᑦ ᖃᐅᔨᓴᕐᓂᖅ

ᐊᔾᔨᓐᖑᐊᖅ 13: ᐱᒻᒪᕆᐅᓂᖓ ᐊᑐᖅᑕᐅᓂᖓ ᐃᓄᐃᑦ ᐅᖃᐅᓯᖓ ᐃᖅᑲᓇᐃᔭᕐᕕᒻᒥ (ᐃᓄᓐᓂᑦ ᐃᖅᑲᓇᐃᔭᖅᑎᓂᑦ ᐃᓚᖓᒍᑦ ᖃᐅᔨᒪᓂᖃᖅᑐᑦ ᐃᓄᒃᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ)
ᐱᒻᒪᕆᐅᓂᖓ ᐊᑐᖅᑕᐅᓂᖓ ᐃᓄᐃᑦ ᐅᖃᐅᓯᖓ ᐃᖅᑲᓇᐃᔭᕐᕕᒻᒥ ᐃᓚᖓ
ᐱᒻᒪᕆᐅᕕᒡᔪᐊᖅᑐᖅ 78%
ᐱᒻᒪᕆᐅᒐᓚᒃᑐᖅ 19%
ᐱᒻᒪᕆᐅᖏᑦᑐᖅ, ᐱᒻᒪᕆᐅᓗᐊᖏᑦᑐᖅ, ᐃᓱᒪᒋᔭᖃᖏᑦᑐᑦ 4%
ᑲᑎᓗᒋᑦ 100%
  • ᐃᓄᐃᑦ ᐅᖃᐅᓯᖏᓐᓂᒃ ᐊᑐᕈᓐᓇᕐᓂᖅ ᐱᓕᕆᕕᖕᒥ ᐱᐅᔪᒥᒃ ᐱᔾᔪᑕᐅᕙᒃᑐᑦ ᐃᓄᖕᓄᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓂ ᐃᓚᒋᔭᐅᔪᒪᓂᖏᓐᓄᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓄᑦ ᓄᓇᕗᒻᒥ, ᐃᓚᒋᔭᐅᔪᒪᓂᖏᓐᓄᑦ ᓯᕗᕙᕆᐊᖅᑕᐅᔪᓐᓇᕐᓂᕐᒧᑦ ᐃᖅᑲᓇᐃᔮᓄᑦ, ᐃᓚᒋᔭᐅᔪᒪᓂᖏᓐᓄᑦ ᐃᓕᑕᕆᔭᐅᓯᒪᔪᓂᒃ ᐃᓕᓐᓂᐊᖅᑎᑕᐅᔪᓐᓇᕐᓂᕐᒧᑦ ᐊᒻᒪᓗ ᐃᓚᒋᔭᐅᔪᒪᓂᕐᒧᑦ ᐊᐅᓚᑦᑎᔨᐅᔪᓐᓇᕐᓂᕐᒧᑦ ᐊᒻᒪᓗ ᓯᕗᓕᖅᑎᐅᔪᓐᓇᕐᓂᕐᒥᒃ ᐊᔪᕈᓃᖅᓴᖅᑕᐅᔪᓐᓇᕐᓂᕐᒧᑦ.

ᐊᑕᐅᓯᖅ-ᐱᖓᓱᑕᒫᓂᒃ ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᐃᓚᐅᔪᒪᕙᒃᐳᑦ ᐱᓕᕆᐊᕆᔭᖏᓐᓄᑦ/ ᐃᖅᑲᓇᐃᔮᕆᔭᒥᓄᑦ ᑐᕌᖓᔪᓂᒃ ᐅᖃᐅᓯᓕᕆᓂᕐᒥᒃ ᐊᔪᕈᓐᓃᖅᓴᐅᑎᒃᓴᓂᒃ. ᑭᓯᐊᓂᓕ, ᐊᒥᓲᖏᑦᑐᑦ ᐃᓄᐃᑦ ᒐᕙᒪᓂ ᐃᖅᑲᓇᐃᔭᖅᑏᑦ ᐅᖃᐅᓯᓕᕆᓂᕐᒥᒃ ᐊᔪᕈᓐᓃᖅᓴᐅᑎᒃᓴᓂᒃ ᐃᓚᐅᓚᐅᖅᐳᑦ ᐊᔪᕈᓐᓃᖅᓴᖅᑕᐅᕙᓚᐅᖅᑐᓂ ᐊᕐᕋᓂᐅᓚᐅᖅᑐ.

  • ᑕᐃᒃᑯᐊ 36% ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᑦ ᐃᓚᐅᔪᒪᓚᐅᖅᑐᑦ ᐅᖃᐅᓯᓕᕆᓂᕐᒥᒃ ᐊᔪᕈᓐᓃᖅᓴᐅᑎᒃᓴᓂᒃ. ᑕᒪᒃᑯᐊ ᐊᒥᓲᓂᖏᑦ 59% ᖃᓪᓗᓇᓂ ᐊᓯᖏᓐᓂᓗ ᐃᓄᓪᓚᕆᐅᖏᓂᖏᓐᓂᒃ ᐃᖅᑲᓇᐃᔭᖅᑎᐅᓗᑎᒃ.
  • ᑕᐃᒃᑯᐊ 6% ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᐃᓕᓐᓂᐊᖃᑕᐅᓚᐅᖅᑐᑦ ᐅᖃᐅᓯᓕᕆᓂᕐᒥᒃ ᐊᔪᕈᓐᓃᖅᓴᐃᓂᕐᒥᒃ ᐊᕐᕋᓂᐅᓚᐅᖅᑐᖅ. ᓴᓂᐊᓂ ᑕᒃᑯᒋᐊᕐᓗᒋᑦ, ᑕᒪᒃᑯᐊ ᐊᒥᓲᓂᖃᖅᑎᒋᓚᐅᖅᑐᑦ ᑕᒫᓂ 13% ᖃᓪᓗᓈᑦ ᐊᓯᖏᓪᓗ ᐃᓄᓚᕆᐅᖏᒃᑐᑦ ᐃᓚᐅᓚᐅᖅᑐᑦ ᐅᖃᐅᓯᓕᕆᓂᕐᒥᒃ ᐊᔪᕈᓐᓃᖅᓴᖃᑕᐅᓚᐅᕐᓂᖏᓐᓂᒃ.

9.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᑕᑯᒋᐊᕐᓂᖅ ᖃᓄᐃᓕᖓᓂᖏᓐᓂᒃ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᕙᒃᑐᑦ

ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᑕᒪᐃᓐᓂᒃ ᐊᒥᓲᓂᖃᖅᑎᒋᕗᑦ ᐊᕝᕙᓪᓗᐊᕆᓕᖅᑕᖏᓐᓂᒃ ᑕᒪᐃᓐᓂ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂ, ᑭᓯᐊᓂ ᐊᑕᓃᒻᒥᔪᑦ ᐊᕝᕙᓪᓕᐊᖓᑕ ᑕᒪᐃᓐᓂ ᒐᕙᒪᒃᑯᓐᓂ ᐊᖓᔪᖄᕆᔭᐅᓂᖏᓐᓂᒃ (ᐊᔾᔨᙳᐊᖅ10).

  • ᐊᑕᖏᖅᑐᒍ, 53% ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᓄᓇᕗᒻᒥ ᐃᓄᐃᑦ, ᐃᓚᖓᓕ 47% ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᓄᓪᓚᑦᑖᖑᖏᑦᑐᑦ.
  • ᓇᑉᐸᒋᓗᐊᖅᑕᖏᑦ ᐃᖅᑲᓇᐃᔭᐃᓐᓇᖏᑦᑐᑦ ᐃᖅᑲᓇᐃᔭᖅᑏᑦ ᐃᓄᐃᑦ (52%). ᐊᒻᒪᓗᑦᑕᐅᖅ, ᐅᖓᑖᓂ ᐊᑕᐅᓯᖅ ᐱᖓᓱᓂᑦ ᐃᓄᐃᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᐃᓐᓇᖏᑦᑐᑦ (36%).

ᑕᑯᓪᓗᒋᑦ ᐃᓄᐃᑦ ᐊᕐᓇᐃᑦ ᓴᓂᐊᓂ, ᐃᓄᐃᑦ ᐊᖑᑏᑦ ᑭᒡᒐᖅᑐᖅᑕᐅᖏᓐᓂᖅᓴᒻᒪᕆᐅᔪᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᖏᓂᒃ ᓄᓇᕗᒻᒥ ᑕᒪᐃᓐᓂ. ᐃᓄᖕᓂ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓂ, ᐊᕐᓇᐃᑦ ᐊᒥᓲᓂᖅᓴᐅᒻᒪᕆᐊᓘᕗᑦ ᐃᖅᑲᓇᐃᔮᖑᐃᓐᓇᖏᑦᑐᓂ ᐱᓕᕆᕕᖃᖅᑐᓂ ᐊᒻᒪᓗ ᐊᒥᓲᖏᑦᑐᒻᒪᕆᐅᓪᓗᑎᒃ ᐊᖓᔪᖄᕆᔭᐅᕙᖕᓂᕐᒧᑦ ᐱᓕᕆᕕᐅᔪᓂ

  • ᐃᓄᐃᑦ ᒐᕙᒪᒃᑯᓐᓂ ᐊᕐᓇᐃᑦ ᐃᖅᑲᓇᐃᔭᖅᑎᖏᑦ ᐊᕐᓇᐃᓐᓇᐅᓂᖅᓴᐅᕗᑦ (82%). 88% ᐃᖅᑲᓇᐃᔭᐃᓇᕐᕕᐅᖏᑦᑐᒦᓐᓂᖏᑦ ᐊᕐᓇᐅᓂᖏᓐᓄᑦ, ᐃᓄᐃᑦ ᐊᕐᓇᐃᑦ ᐊᒥᓲᓂᖅᓴᐅᓂᐊᖅᑐᒃᓴᐅᒋᕗᑦ ᐊᖑᑎᓂᒃ ᓴᓂᐊᓂᒃ ᐃᖅᑲᓇᐃᔭᐃᓐᓇᕐᓇᖏᑦᑐᓂᒃ ᐃᖅᑲᓇᐃᔭᖃᕋᑦᑕᓚᖓᓂᖅ (39 ᐳᓴᓐᑎᓂᒃ ᓴᓂᐊᓂ 23 ᐳᓴᓐᑎᖏᓂᑦᑐᓂᒃ).
  • ᑕᐃᒃᑯᐊ 70% ᐃᓄᐃᑦ ᒐᕙᒪᒃᑯᓐᓂ ᐊᖓᔪᖄᕆᔭᐅᓂᕐᒥᒃ ᐃᖅᑲᓇᐃᔮᓕᑦ ᐊᕐᓇᐅᓪᓗᑎᒃ ᐃᓄᐃᑦ ᐊᖑᑎᖏᑦ ᒪᕐᕈᐃᖅᑕᖅᓯᒪᑎᒋᔪᓂᒃ ᓴᓂᐊᓂ ᐃᓄᐃᑦ ᐊᕐᓇᖏᓐᓂᒃ ᐊᖓᔪᖄᕆᔭᐅᓂᖅᓴᐅᕙᓂᐊᖅᑐᒃᓴᐅᒋᕗᑦ ᑕᒪᓐᓇᑎᒋ (36% ᓴᓂᐊᓂ 20%)

ᑕᒪᕐᒥᑲᓴᐃᑦ ᐃᓄᐃᑦ ᐃᖅᑲᓇᐃᔭᖅᑎᑦ ᐃᓚᖏᓐᓂᒃ ᐅᖃᕈᓐᓇᖅᐸᓗᒃᑐᑦ ᐃᓄᒃᑎᑐᑦ, ᐊᕐᓇᐅᒐᓗᐊᕈᑎᒃ ᐊᖑᑕᐅᒐᓗᐊᕈᑎᒡᓗᓐᓃᑦ.

  • ᖃᓂᒋᔭᖏᓃᐳᑦ 80% ᐃᓄᐃᑦ ᐃᖅᑲᓇᐃᔭᖅᑎᖏᑦ ᐊᒻᒪᓗ ᑕᐃᒃᑯᐊ ᑭᓯᐊᓂ 9% ᖃᓗᓈᑦ ᐊᓯᖏᓪᓗ ᐃᓄᓪᓚᕆᐅᖏᓂᖏᑦ ᐃᖅᑲᓇᐃᔭᖅᑎᐅᔪᑦ ᐃᓚᖏᓐᓂᒃ ᐅᖃᕈᓐᓇᖅᑐᑦ ᐅᖃᐅᓯᒃᑯᑦ ᐃᓄᒃᑎᑐᑦ ᐃᓄᐃᓐᓇᖅᑎᑐᓪᓗ. ᐃᓄᐃᑦ ᐊᖑᑏᑦ ᐊᒻᒪᓗ ᐃᓄᐃᑦ ᐊᕐᓇᐃᑦ ᓇᓪᓕᖁᐊᖅᑐᒥᒃ ᐅᖁᕈᓐᓇᖅᓯᔪᓐᓇᖅᑐᒃᓴᐅᒋᕗᑦ ᐃᓄᒃᑎᑐᑦ ᐃᓄᐃᓐᓇᖅᑐᓪᓗᓐᓃᑦ.

ᐃᖕᒥᓂᒃ ᐅᖃᐅᓯᖃᖅᓯᒪᔪᑦ ᐃᓚᒋᔭᐅᖃᑦᑕᕐᓂᕐᒥᓂᒃ ᐱᓕᕆᐊᕆᔭᒥᓄᑦ ᐃᖅᑲᓇᐃᔮᕆᔭᒥᓄᑦ ᐱᔾᔪᑎᖃᖅᑐᓂᒃ ᐊᔪᕈᓐᓃᖅᓴᖅᑕᐅᓯᒪᓂᕐᒥᓂᒃ ᑕᒪᐃᓐᓂᒃ ᐊᒻᒪᓗ ᑕᐃᒃᑯᓂᖓ ᐊᐅᓚᑦᑎᔨᐅᔪᓐᓇᕐᓂᕐᒥᒡᓗ ᓯᕗᓕᖅᑎᐅᔪᓐᓇᕐᓂᕐᒥᒡᓗ ᐊᔪᕈᓐᓂᖅᓴᖅᑕᐅᓯᒪᓂᖏᓂᒃ ᐊᕐᕌᓂᐅᓚᐅᖅᑐᖅ ᐊᑦᑎᖕᓂᖅᓴᒻᒪᕆᐊᓗᖕᒥᑦᑐᑦ ᐊᒥᓲᖏᓂᖅᓴᐅᓗᑎᒃ ᐃᓄᖕᓂ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᖏᑦ ᑕᐃᒃᑯᓇᖓᑦ ᓴᓂᐊᓂ ᖃᓪᓗᓈᓂᒃ ᐊᓯᖏᓐᓂᒡᓗ ᐃᓄᓪᓚᕆᐅᖏᓂᖏᓐᓂᒃ ᐃᖅᑲᓇᐃᔭᖅᑎᓂᒃ, ᖃᓄᐃᑦᑑᒐᓗᐊᓂᒃ ᐃᖅᑲᓇᐃᔮᖃᕐᓂᖏᓐᓂᒃ ᐊᒻᒪᓗ ᐊᖑᑕᐅᒐᓗᐊᕈᑎᒃ ᐊᕐᓇᐅᒐᓗᐊᕈᑎᒡᓗᓐᓃᑦ. ᐃᓄᖕᓂᓕ ᐃᖅᑲᓇᐃᔭᖅᑎᓂ ᐱᓕᕆᔨᖏᓐᓂ, ᐱᒻᒪᕆᐅᔪᓂᒃ ᐊᔾᔨᒌᖏᓐᓂᖃᖅᐳᑦ ᖃᓄᐃᑦᑑᓂᖏᓐᓄᑦ ᐃᖅᑲᓇᐃᔮᕆᔭᖏᑦ ᐊᒻᒪᓗ ᐊᖑᑕᐅᓂᖏᓐᓂᒃ ᐊᕐᓇᐅᓂᖏᓐᓂᒡᓗᓐᓃᑦ

  • ᓴᓂᐊᓂ ᖃᓗᓈᓐ ᐊᓯᖏᓐᓂᓗ, ᐃᓄᐃᑦ 40% ᐊᔪᕈᓐᓃᖅᓴᕋᔪᐃᓐᓂᖅᓴᐅᑎᒋᕗᑦ ᐃᖅᑲᓇᐃᔮᒥᓄᑦ ᑐᕌᖓᔪᓂᒃ ᐊᔪᕈᓐᓂᖅᓴᐅᑎᒃᓴᓂᒃ (50% ᓴᓂᐊᓂᒃ ᑕᐃᒃᑯᓇᖓᑦ 81%) ᐊᒻᒪᓗ ᓱᓕ 60% ᐊᔪᕈᓃᕋᓱᖏᓂᖅᓴᐅᕙᒃᓱᑎᒡᓗ ᓯᕗᓕᖅᑎᐅᔪᓐᓇᕐᓂᕐᒥᒃ ᐊᒻᒪᓗ ᐊᐅᓚᑦᑎᔨᐅᖃᑕᐅᔪᓐᓇᕐᓂᕐᒥᒃ ᐊᔪᕈᓐᓃᖅᓴᐅᑎᒃᓴᓂᒃ (9% ᓴᓂᐊᓂᒃ ᑕᐃᒃᑯᓇᖓᑦ 20%) ᐊᕐᕌᓂᐅᓚᐅᖅᑐᖅ. ᑕᒡᕘᓇ ᐊᔾᔨᒌᓐᓂᖏᑦ ᐃᓄᖕᓂ ᐃᖅᑲᓇᐃᔭᖅᑎᐅᔪᓂ ᓄᐃᑕᓂᖅᓴᐅᒋᕗᖅ ᐱᓗᐊᖅᑐᒥᒃ ᐊᕐᓇᓂ.
  • ᐊᖑᑏᑦ ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᖅᑖᖃᑦᑕᖅᓯᒪᔪᑦ ᐃᖅᑲᓇᐃᔮᒧᑦ−ᐊᑦᑐᐊᓂᓕᓐᓄᑦ ᐃᓕᓐᓂᐊᖃᑦᑕᖅᓯᒪᔭᖏᓐᓄᑦ ᐊᕐᕌᒎᔪᒥᑦ ᐊᔾᔨᒋᑎᓐᖑᐊᖅᑐᒍ ᐊᕐᓇᓄᑦ ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ (69% ᓴᓂᐊᓂ 45%). ᐃᓚᒋᔭᖓ ᐃᓄᓪᓚᑦᑖᖑᖏᑦᑐᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᓕᓐᓂᐊᖃᑦᑕᖅᓯᒪᔪᑦ ᐊᕐᕌᒍᒥ ᐊᔾᔨᒌᐸᓘᓚᐅᖅᑐᑦ ᐊᖑᑕᐅᓂᖏᑎᒍᑦ ᐊᕐᓇᐅᓂᖏᑎᒍᑦ (ᐊᔾᔨᓐᖑᐊᖅ 14).
ᐊᔾᔨᓐᖑᐊᖅ 14: ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᒧᑦ−ᐊᑦᑐᐊᓂᓕᒻᒧᑦ ᐃᓕᓐᓂᐊᓚᐅᖅᑐᑦ ᐊᕐᕌᒎᓕᖅᑐᒥᑦ ᐊᕐᓇᐅᓂᖏᑎᒍᑦ ᐊᖑᑕᐅᓂᖏᑎᒍᑦ

ᓇᑭᙶᕐᓂᖓ: 2016 ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᖏᓐᓂᑦ ᖃᐅᔨᓴᕐᓂᖅ

ᐊᔾᔨᓐᖑᐊᖅ 14: ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᒧᑦ−ᐊᑦᑐᐊᓂᓕᒻᒧᑦ ᐃᓕᓐᓂᐊᓚᐅᖅᑐᑦ ᐊᕐᕌᒎᓕᖅᑐᒥᑦ ᐊᕐᓇᐅᓂᖏᑎᒍᑦ ᐊᖑᑕᐅᓂᖏᑎᒍᑦ
ᐊᖑᑕᐅᓂᖏᑦ ᐊᕐᓇᐅᓂᖏᑦ ᐊᒻᒪ ᐃᓄᐃᑦ ᓇᓗᓇᐃᒃᑯᑕᐃᑦ ᐃᓚᒋᔭᖏᑦ ᐃᖅᑲᓇᐃᔮᖅᑖᓚᐅᖅᑐᑦ − ᐊᑦᑐᐊᓂᓖᑦ ᐃᓕᓐᓂᐊᓂᕐᒧᑦ ᐊᕐᕌᒍᒥᑦ (%) ᐃᓚᒋᔭᖏᑦ ᐃᖅᑲᓇᐃᔮᖅᑖᓚᐅᖏᑦᑐᑦ − ᐊᑦᑐᐊᓂᓖᑦ ᐃᓕᓐᓂᐊᓂᕐᒧᑦ ᐊᕐᕌᒍᒥᑦ (%)
ᐊᖑᑏᑦ ᐃᓄᐃᑦ 69% 31%
ᐊᕐᓇᐃᑦ ᐃᓄᐃᑦ 45% 55%
ᐊᖑᑏᑦ ᐃᓄᓪᓚᑦᑖᖑᖏᑦᑐᑦ 81% 19%
ᐊᕐᓇᐃᑦ ᐃᓄᓪᓚᑦᑖᖑᖏᑦᑐᑦ 80% 20%
  • ᐊᖑᑏᑦ ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᓯᒪᓂᖃᕐᓂᖅᓴᐅᓚᐅᖅᑐᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐊᕐᕌᒍᒥ ᐊᔾᔨᒋᑎᓐᖑᐊᖅᑐᒍ ᐊᕐᓇᓄᑦ ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ, 14% ᓴᓂᐊᓂ 7% (ᐊᔾᔨᓐᖑᐊᖅ 15). ᑭᓪᓕᓯᓂᐊᖅᑕᐅᓯᒪᔪᓂᑦ ᐊᔾᔨᒌᓐᓂᖃᓗᐊᓚᐅᖏᑦᑐᑦ ᐃᓚᒋᔭᖏᓐᓂᑦ ᐃᓄᓪᓚᑦᑖᖑᖏᑦᑐᓂᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᓕᓐᓂᐊᓚᐅᖅᑐᓂᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐊᖑᑕᐅᓂᖏᑎᒍᑦ ᐊᕐᓇᐅᓂᖏᑎᒍᑦ.
ᐊᔾᔨᓐᖑᐊᖅ 15: ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖅᑐᑦ, ᐊᖑᑕᐅᓂᖏᑎᒍᑦ ᐊᕐᓇᐅᓂᖏᑎᒍᑦ

ᓇᑭᙶᕐᓂᖓ: 2016 ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᖏᓐᓂᑦ ᖃᐅᔨᓴᕐᓂᖅ

ᐊᔾᔨᓐᖑᐊᖅ 15: ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖅᑐᑦ, ᐊᖑᑕᐅᓂᖏᑎᒍᑦ ᐊᕐᓇᐅᓂᖏᑎᒍᑦ
ᐊᖑᑕᐅᓂᖏᑦ ᐊᕐᓇᐅᓂᖏᑦ ᐊᒻᒪ ᐃᓄᐃᑦ ᓇᓗᓇᐃᒃᑯᑕᐃᑦ ᐃᓚᒋᔭᖏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖅᑐᑦ ᐊᕐᕌᒍᒥ (%) ᐃᓚᒋᔭᖏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖅᑐᑦ ᐊᕐᕌᒍᒥ (%)
ᐊᖑᑏᑦ ᐃᓄᐃᑦ 14% 86%
ᐊᕐᓇᐃᑦ ᐃᓄᐃᑦ 7% 93%
ᐊᖑᑏᑦ ᐃᓄᓪᓚᑦᑖᖑᖏᑦᑐᑦ 23% 77%
ᐊᕐᓇᐃᑦ ᐃᓄᓪᓚᑦᑖᖑᖏᑦᑐᑦ 17% 83%
  • ᐃᓄᓐᓂᑦ, 39% ᐃᖅᑲᓇᐃᔭᐃᓐᓇᖏᑦᑐᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᓕᓐᓂᐊᕐᓂᖃᓚᐅᖅᑐᑦ ᐃᖅᑲᓇᐃᔮᒧᑦ−ᐊᑦᑐᐊᓂᓕᓐᓂᑦ ᐊᕐᕌᒍᒥ, ᐊᔾᔨᒋᑎᓐᖑᐊᖅᑐᒍ 55% ᐃᖅᑲᓇᐃᔭᐃᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ 55% (ᐊᔾᔨᓐᖑᐊᖅ 16). ᖃᓂᒋᔭᐸᓗᖏᓐᓂ 80% ᐃᓄᓪᓚᑦᑖᖑᖏᑦᑐᑦ ᐃᓕᓐᓂᐊᕐᓂᖃᓚᐅᖅᑐᑦ ᐃᖅᑲᓇᐃᔮᒧᑦ−ᐊᑦᑐᐊᓂᓕᓐᓄᑦ ᐊᕐᕌᒍᒥ, ᖃᓄᐃᑦᑐᑐᐃᓐᓇᐅᒐᓗᐊᖅᑦ ᐃᖅᑲᓇᐃᔮᖅ.
ᐊᔾᔨᓐᖑᐊᖅ 16: ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᒧᑦ−ᐊᑦᑐᐊᓂᓕᓐᓄᑦ ᐃᓕᓐᓂᐊᕐᓚᐅᖅᑐᑦ, ᐃᖅᑲᓇᐃᔭᐃᓐᓇᖅᑐᑦ/ᐃᖅᑲᓇᐃᔭᐃᓐᓇᖏᑦᑐᑦ ᐃᖅᑲᓇᐃᔭᓂᕐᒧᑦ ᖃᓄᐃᓕᖓᓂᖓᓂᖏᑎᒍᑦ

ᓇᑭᙶᕐᓂᖓ: 2016 ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᖏᓐᓂᑦ ᖃᐅᔨᓴᕐᓂᖅ

ᐊᔾᔨᓐᖑᐊᖅ 16: ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᒧᑦ−ᐊᑦᑐᐊᓂᓕᓐᓄᑦ ᐃᓕᓐᓂᐊᕐᓚᐅᖅᑐᑦ, ᐃᖅᑲᓇᐃᔭᐃᓐᓇᖅᑐᑦ/ᐃᖅᑲᓇᐃᔭᐃᓐᓇᖏᑦᑐᑦ ᐃᖅᑲᓇᐃᔭᓂᕐᒧᑦ ᖃᓄᐃᓕᖓᓂᖓᓂᖏᑎᒍᑦ
ᐃᖅᑲᓇᐃᔭᓂᕐᒧᑦ ᖃᓄᐃᓕᖓᓂᖓ ᐊᒻᒪ ᐃᓄᐃᑦ ᓇᓗᓇᐃᒃᑯᑕᖓ ᐃᓚᒋᔭᖏᑦ ᐃᖅᑲᓇᐃᔮᖅᑖᓚᐅᖅᑐᑦ − ᐊᑦᑐᐊᓂᓖᑦ ᐃᓕᓐᓂᐊᓂᕐᒧᑦ ᐊᕐᕌᒍᒥᑦ (%) ᐃᓚᒋᔭᖏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖏᑦᑐᑦ ᐊᕐᕌᒍᒥ (%)
ᐃᖅᑲᓇᐃᔭᐃᓐᓇᖏᑦᑐᑦ ᐃᓄᐃᑦ 6% 94%
ᐃᖅᑲᓇᐃᔭᐃᓐᓇᖅᑐᑦ ᐃᓄᐃᑦ 10% 90%
ᐃᖅᑲᓇᐃᔭᐃᓐᓇᖏᑦᑐᑦ ᐃᓄᓪᓚᑦᑖᖑᖏᑦᑐᑦ 20% 80%
ᐃᖅᑲᓇᐃᔭᐃᓐᓇᖅᑐᑦ ᐃᓄᓪᓚᑦᑖᖑᖏᑦᑐᑦ 21% 79%
  • ᐃᓄᓐᓂᑦ, ᐃᖅᑲᓇᐃᔭᐃᓐᓇᖏᑦᑐᑦ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᓯᒪᓂᖃᖏᓂᖅᓴᐅᔪᑦ ᐊᐅᓚᑦᑎᔨᐅᓂᕐᒧᑦ ᐊᒻᒪ ᓯᕗᓕᖅᑎᐅᓂᕐᒧᑦ ᐊᕐᕌᒍᒥ, 6% ᓴᓂᐊᓂ 10% (ᐊᔾᔨᓐᖑᐊᖅ 17). ᖃᓂᒋᔭᐸᓗᖏᓐᓂ ᐊᑕᐅᓯᖅ ᑕᓪᓕᒪᓂᑦ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᐃᓕᓐᓂᐊᓚᐅᖅᑐᑦ ᐊᐅᓚᑦᑎᔨᐅᓂᕐᒧᑦ ᐊᒻᒪ ᓯᕗᓕᖅᑎᐅᓂᕐᒧᑦ ᐊᕐᕌᒍᒥ ᐃᖅᑲᓇᐃᔭᐃᓐᓇᕋᓗᐊᕈᑎ ᐅᕝᕙᓘᓐᓃᑦ ᐃᖅᑲᓇᐃᔭᐃᓐᓇᖏᒃᑲᓗᐊᕈᑎ.
ᐊᔾᔨᓐᖑᐊᖅ 17: ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖅᑐᑦ, ᐃᖅᑲᓇᐃᔭᐃᓐᓇᖅᑐᑦ/ᐃᖅᑲᓇᐃᔭᐃᓐᓇᖏᑦᑐᑦ ᐃᖅᑲᓇᐃᔭᓂᕐᒧᑦ ᖃᓄᐃᓕᖓᓂᖓᓂᖏᑎᒍᑦ

ᓇᑭᙶᕐᓂᖓ: 2016 ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᖏᓐᓂᑦ ᖃᐅᔨᓴᕐᓂᖅ

ᐊᔾᔨᓐᖑᐊᖅ 17: ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ ᐃᖅᑲᓇᐃᔭᖅᑏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖅᑐᑦ, ᐃᖅᑲᓇᐃᔭᐃᓐᓇᖅᑐᑦ/ᐃᖅᑲᓇᐃᔭᐃᓐᓇᖏᑦᑐᑦ ᐃᖅᑲᓇᐃᔭᓂᕐᒧᑦ ᖃᓄᐃᓕᖓᓂᖓᓂᖏᑎᒍᑦ
ᐃᖅᑲᓇᐃᔭᓂᕐᒧᑦ ᖃᓄᐃᓕᖓᓂᖓ ᐊᒻᒪ ᐃᓄᐃᑦ ᓇᓗᓇᐃᒃᑯᑕᖓ ᐃᓚᒋᔭᖏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖅᑐᑦ ᐊᕐᕌᒍᒥ (%) ᐃᓚᒋᔭᖏᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖃᓚᐅᖏᑦᑐᑦ ᐊᕐᕌᒍᒥ (%)
ᐃᖅᑲᓇᐃᔭᐃᓐᓇᖏᑦᑐᑦ ᐃᓄᐃᑦ 6% 94%
ᐃᖅᑲᓇᐃᔭᐃᓐᓇᖅᑐᑦ ᐃᓄᐃᑦ 10% 90%
ᐃᖅᑲᓇᐃᔭᐃᓐᓇᖏᑦᑐᑦ ᐃᓄᓪᓚᑦᑖᖑᖏᑦᑐᑦ 20% 80%
ᐃᖅᑲᓇᐃᔭᐃᓐᓇᖅᑐᑦ ᐃᓄᓪᓚᑦᑖᖑᖏᑦᑐᑦ 21% 79%

10.0 ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ: ᓄᓇᕗᒻᒥᐅᑦ ᐃᓱᒪᒋᔭᐅᖁᔭᖏᑦ ᐊᒻᒪᓗ ᐱᐅᓂᖅᐹᖑᔪᓐᓇᖅᑐᑦ ᐱᐅᓯᕆᔭᐅᔪᓐᓇᕐᓂᖅ ᐃᓄᖕᓄᑦ ᖓᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ

ᓄᓇᕗᒻᒥᐅᑦ ᐃᓚᒋᔭᐅᖃᑕᐅᒧᑦ ᐊᔪᖏᑦᑎᐊᓘᖕᒪᑕ ᐃᓕᑕᖅᓯᓯᒪᔪᓐᓇᕐᓂᖅ ᒪᓐᓇᐅᔪᖅ ᐱᐅᓂᖅᐹᖑᔪᓂᒃ ᐱᐅᓯᕆᔭᐅᔪᓐᓇᖅᑐᓂᒃ ᐊᒻᒪᓗ ᐃᓱᒪᔭᐅᖁᔭᖏᓐᓂᒃ ᖃᐅᔨᑎᑦᑎᔪᓐᓇᕐᓂᖅ.

  • ᐃᓄᐃᑦ ᑭᒡᒐᖅᑐᖅᑕᐅᓂᖏᑦ ᐊᒥᓲᓂᖏᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᖃᑕᐅᔪᓂ/ᐱᓕᕆᔨᐅᔪᓂ ᓱᓕ ᐊᑦᑎᓗᐊᖅᑐᒦᑉᐳᑦ ᐃᓱᒪᒋᓪᓗᒋᑦ ᐃᓄᐃᑦ ᐊᒥᓲᓂᕆᓚᕆᒃᑕᖏᑦ ᓄᓇᕗᒻᒥ, ᐊᒥᓲᓪᓗᑎᒡᓗ ᐃᓄᐃᑦ ᐃᖅᑲᓇᐃᔭᑦᑎᐊᖅᑐᒻᒪᕆᐊᓘᔪᑦ ᐃᓄᓕᒫᖅᓯᐅᑎᓂᒃ ᐱᔨᑦᑎᕋᐃᔨᐅᓂᖏᓐᓂ ᒐᕙᒪᒃᑯᓐᓂ.
  • ᐃᓚᒋᔭᐅᓂᖏᑦ ᐃᓚᐅᑎᑕᐅᖃᑦᑕᓚᐅᕐᒪᑕ ᑲᑎᒪᓂᖏᓐᓂ ᐊᒻᒪᓗ ᐊᐱᖅᓱᖅᑕᐅᕙᓪᓕᐊᓂᖏᓐᓂᒃ, ᓄᓇᕗᒻᒥᐅᑦ ᑐᓂᓯᓯᒪᔪᑦ ᐆᒃᑑᑎᒃᓴᓂᒃ ᐱᐅᓂᖅᐹᓂᒃ ᐱᐅᓯᕆᔭᐅᖔᕈᓐᓇᖅᑐᓂᒃ ᐊᒻᒪᓗ ᐃᓱᒪᒋᔭᐅᖁᔭᖏᓐᓂᒃ ᖃᓄᐃᓕᐅᕈᑕᐅᔪᓐᓇᕐᓂᖏᓐᓄᑦ ᐊᔪᕐᓇᕈᑕᐅᕙᒃᑐᑦ ᐃᖅᑲᓇᐃᔮᖅᑖᕈᓐᓇᕐᓂᕐᒧᑦ, ᐱᓕᕆᔨᖑᕈᓐᓇᕐᓂᕐᒧᑦ ᐊᒻᒪᓗ ᐱᕙᓪᓕᐊᑎᑦᑎᓗᑕᐅᔪᓐᓇᕐᓂᕐᒧᑦ ᐱᓕᕆᕕᖃᖅᑎᑦᑎᓂᕐᒥᒃ ᐃᓄᐃᑦ ᐃᓚᐅᔪᓐᓇᑦᑎᐊᕐᓗᑎᒃ ᒐᕙᒪᒃᑯᓐᓂ ᐃᖅᑲᓇᐃᔭᖃᑕᐅᔪᓂ/ᐱᓕᕆᔨᐅᔪᓂ (ᐊᔾᔨᙳᐊᖅ 9).
  • ᐃᖃᓗᖕᓂᓕ, ᐊᑕᐅᓯᖅ ᐱᖓᓱᑕᒫᓂᒃ ᑲᓴᑕᒥ ᐃᓄᐃᑦ ᐃᖅᑲᓇᐃᔭᖅᑎᖏᑦ ᐊᒻᒪᓗ ᐊᒥᓱᒐᓴᐅᔪᓂ ᓄᓇᕗᑦ ᒐᕙᒪᑯᖏᓐᓂ ᐃᖅᑲᓇᐃᔭᖅᑎᑦ ᐊᒻᒪᓗ ᐊᖓᔪᖃᐅᑎᖏᑦ ᐃᓚᐅᖃᑦᑕᓚᐅᖅᑐᑦ ᐃᓚᒋᔭᐅᔪᓂᒃ ᐃᓚᐅᑎᑦᑎᓂᕐᒧᑦ ᑲᑎᒪᓂᕆᔭᐅᕙᓚᐅᖅᑐᓂᒃ.
  • ᐃᓚᒋᕙᓚᐅᕐᒥᔪᑦ ᑭᕙᓪᓕᐅᑉ ᐊᕕᒃᑐᖅᓯᒪᓂᖓᓂ ᑕᒪᒃᑯᐊ ᑲᓇᑕᒥ, ᓄᓇᕗᒻᒥ, ᓄᓇᓕᖕᓂᓗ ᒐᕙᒪᐅᔪᓂ ᐃᖅᑲᓇᐃᔭᖅᑎᑦ ᐊᒻᒪᓗ ᐊᖓᔪᖄᕆᔭᐅᕙᒃᑐᑦ; ᐃᖅᑲᓇᐃᔭᖅᑎᐅᑲᐃᓐᓇᖅᑐᑦ, ᐃᓇᖏᖅᑏᑦ/ᑭᖑᕝᕕᖅᑎᐅᕙᒃᑐᑦ ᐊᒻᒪᓗ ᐃᓕᓴᐃᔨᑦ ᐊᔪᓕᕌᖓᒥᒃ ᐃᓕᓴᐃᔨᐅᑲᐃᓐᓇᕋᑦᑕᖅᑐᑦ; ᐊᔪᕈᓐᓃᖅᓴᐅᕙᒃᑐᑦ ᐊᒻᒪᓗ ᖁᑦᑎᖕᓂᖅᓴᓂᒃ ᐃᓕᓐᓂᐊᖅᑎᑦᑎᔩᑦ; ᐃᓕᓐᓂᐊᕌᓂᓴᖅᓯᒪᓕᖅᑐᑦ ᐊᒻᒪᓗ ᐃᓕᓐᓂᐊᓕᖅᑐᑦ ᐊᔪᕈᓐᓃᖅᓴᐃᓂᕐᒥᒃ; ᐊᒻᒪᓗ ᐃᖅᑲᓇᐃᔭᖅᑎᒃᓴᖅᓯᐅᑎᑦ/ᐱᓕᕆᔨᒃᓴᖅᓯᐅᑏᑦ ᐊᒻᒪᓗ ᐊᖓᔪᖄᕆᔭᐅᓂᖏᑦ.

ᓄᓇᕗᒻᒥᐅᑦ ᐃᓚᒋᔭᐅᔪᑦ ᐃᓱᒪᒋᔭᐅᖁᔭᖏᑦ ᐊᒻᒪᓗ ᐱᐅᓂᖅᐹᖑᔪᓐᓇᖅᑐᑦ ᐱᐅᓯᕆᔭᐅᖔᕈᓐᓇᖅᑐᑦ ᐊᒥᓱᓂᒃ ᓂᕈᑐᔪᓂᒃ ᐊᔾᔨᒌᖏᑐᓂᒃ ᐊᑐᐊᒐᓕᐅᕈᓐᓇᕐᓂᕐᒥᒃ ᐱᔾᔪᑎᖃᖅᑐᑦ ᑐᕌᖓᓂᐊᖅᑐᓂᒃ ᐊᒥᓱᕈᕆᐊᖅᑎᑦᑎᔪᓐᓇᕐᓂᖅ ᐃᓄᐃᑦ ᐃᓚᐅᔪᓐᓇᕐᓂᖏᓐᓂᒃ, ᐊᑐᐃᓐᓇᐅᔪᓐᓇᕐᓂᖏᓐᓂᒃ ᐊᒻᒪᓗ ᐸᕐᓇᒃᐸᒌᖅᓯᒪᔪᓐᓇᕐᓂᖏᓐᓂᒃ ᒐᕙᒪᒃᑯᓐᓂᒃ ᐱᓕᕆᔨᐅᓕᕈᓐᓇᕐᓂᕐᒧᑦ.

  • ᐃᖅᑲᓇᐃᔮᖅᑖᓚᐅᖏᓂᖏᓐᓂ ᓱᓕ ᐃᓱᒪᒋᔭᐅᖁᔭᐅᔪᑦ ᐊᒻᒪᓗ ᐱᐅᓂᖅᐹᖑᔪᓐᓇᖅᑐᑦ ᐊᑐᖅᑕᐅᖔᕈᓐᓇᖅᑐᑦ ᐊᑐᐊᒐᐅᓗᑎᒃ ᐃᓚᖃᖅᐳᑦ ᐊᔪᖏᑕᐅᔭᕆᐊᖃᒻᒪᕆᖕᓂᖏᓐᓂᒃ ᐱᕙᓪᓕᐊᑎᑦᑎᖃᑦᑕᕆᐊᖃᕐᓂᖅ, ᐃᓕᓐᓂᐊᕌᓂᒃᓯᒪᑦᑎᐊᕋᑦᑕᕐᓂᖅ, ᐃᓕᓐᓂᐊᖅᑲᑕᐅᓕᕈᓐᓇᕐᓂᖏᑦ ᐃᓕᓐᓂᐊᕌᓂᒍᑎᑦ ᐅᖓᑖᓂ ᖁᑦᑎᖕᓴᓂᒃ ᐊᒻᒪᓗ ᐱᕙᓪᓕᐊᑎᑦᑎᓂᖅ ᑲᔪᓯᓯᒪᑦᑎᐊᕈᓐᓇᕐᓂᖏᓐᓂᒃ ᐃᓕᓐᓂᐊᕌᓂᒃᓯᒪᓕᖅᑐᓂᒃ ᐅᖓᑕᓃᑦᑐᓂᒃ ᐃᓕᓐᓂᐊᒃᑲᓐᕈᓐᓇᕐᓂᕐᒥᒃ.
  • ᐃᓱᒪᒋᔭᐅᖁᔭᐅᔪᑦ ᐊᒻᒪᓗ ᐱᐅᓂᖅᐹᖑᔪᓐᓇᖅᑐᑦ ᐊᑐᖅᑕᐅᖔᕈᓐᓇᖅᑐᑦ ᐃᓕᕆᕕᐅᔪᓂ ᐃᖅᑲᓇᐃᔭᕐᕕᖕᓂ ᐃᓚᖃᕆᕗᑦ ᒪᑯᓂᖓ ᐊᑐᐊᒐᓕᐊᕆᔭᐅᔪᓐᓇᕐᒥᔪᓂᒃ ᐱᔾᔪᑎᖃᖅᑐᑦ: ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒥᒃ/ᐱᓕᕆᔨᒃᓴᖅᓯᐅᕋᑦᑕᕐᓂᕐᒥᒃ ᐊᒻᒪᓗ ᐱᓕᕆᑎᑦᑎᓕᕐᓂᖅ ᓯᕗᓪᓕᕆᔭᐅᔪᓂᒃ ᒐᕙᒪᒃᑯᓐᓂ ᐃᓄᓕᒫᖅᓯᐅᑎᓂᒃ ᐱᔨᑦᑎᕋᐃᕕᖕᓂ, ᐊᑐᓕᖅᑎᑦᑎᓯᒪᓗᑎᒃ ᐃᓄᐃᑦ ᐃᓕᖅᑯᓯᖏᓐᓂᒃ ᐅᖃᐅᓯᖏᓐᓂᒡᓗ ᐱᓕᕆᕕᖏᓐᓂ, ᐊᔪᕈᓐᓃᖅᓴᖅᑕᐅᕋᑦᑕᕐᓗᑎᒡᓗ, ᐃᖅᑲᓇᐃᔭᐃᓐᓇᕈᓐᓇᕐᓂᐊᕐᒪᑕ ᐊᒻᒪᓗ ᓯᕗᕙᕆᐊᖅᑎᑕᐅᕙᒡᓗᑎᒃ ᖁᑦᑎᖕᓂᖅᓴᐅᔪᓐᓇᖅᑐᓄᑦ ᐱᓕᕆᕕᒃᓴᓄᑦ.
  • ᐊᑐᐃᓐᓇᐅᑎᑦᑎᕙᒡᓗᑎᒃ ᐋᕿᒋᐊᖅᑕᐅᓯᒪᔪᓐᓇᖅᑐᓂᒃ ᐊᒻᒪᓗ ᐊᑐᓂ ᐃᖕᒥᓄᑦ ᐊᑲᐅᒋᔭᐅᔭᒥᓂᒃ ᖃᓄᐃᓕᖓᖁᔭᖏᓂᒃ ᐊᑐᕈᓐᓇᕐᓂᖏᑦ ᐃᓱᒪᒋᔭᐅᓯᒪᔪᑦ ᑕᐃᒪᓕᖓᔭᕆᐊᖃᕐᓂᖅ ᓴᕿᑎᑦᑎᓗᑕᐅᔪᓐᓇᕐᓂᐊᕐᒪᑕ ᐊᔪᕈᓐᓃᖅᓴᐅᑎᒃᓴᓂᑦ ᐊᑐᓕᕈᓐᓇᕐᓂᖅ ᐊᒻᒪᓗ ᓯᕗᕙᕆᐊᐸᓪᓕᐊᔪᓐᓇᕐᓂᕐᒧᑦ ᖁᑦᑎᖕᓴᓄᑦ ᐃᖅᑲᓇᐃᔮᖅᑖᕈᓐᓇᕐᓂᕐᒥᑦ ᐸᕐᓇᒃᐸᓪᓕᐊᔪᓐᓇᕐᓂᖅ, ᐊᖑᒪᓗᑎᒃ ᐱᔭᕆᐊᖃᕐᓂᖏᓐᓂᒃ ᐃᓄᐃᑦ.
  • ᐱᓕᕆᐊᖑᕙᒡᓗᑎᒃ ᐃᓕᖅᑯᓯᑐᖃᕆᔭᐅᔪᓂᒃ ᐃᓄᖕᓄᑦ ᖃᐅᔨᒪᔭᐅᑎᑦᑎᕙᓪᓕᐊᓂᖅ ᑕᒪᒃᑯᓂᖓ ᑕᐃᔅᓱᒪᓂ ᐱᕙᓪᓕᐊᓚᐅᖅᓯᒪᓂᖏᓐᓂᒃ ᑕᒪᐃᓐᓄᑦ ᐃᓄᖕᓄᑦ ᐊᒻᒪᓗ ᖃᓪᓗᓈᓄᑦ ᐊᓯᖏᓄᓪᓗ, ᑕᒪᓐᓇ ᐃᓱᒪᒋᔭᐅᖕᒪᑦ ᒐᕙᒪᒃᑯᓐᓂ ᐱᓕᕆᕕᐅᔪᓐᓇᕐᓂᖏᓐᓂᒃ ᐃᓄᐃᑦ ᑐᖓᓱᒡᕕᒋᔪᓐᓇᖅᑕᖏᓐᓂᒃ ᐊᒻᒪᓗ ᑲᔪᓯᑦᑎᐊᕋᑦᑕᕈᓐᓇᕐᓂᖏᓐᓄᑦ ᓈᒪᒡᓗᑎᒃ.

ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑏᑦ ᖃᐅᔨᓴᕐᓂᖅ ᑐᑭᓯᒋᐊᕈᑎᖏᑦ ᑕᑯᔅᓴᐅᑎᑦᑎᔪᑦ ᐱᒻᒪᕆᐅᓂᖓᓂᑦ ᖁᕝᕙᐸᓪᓕᐊᓂᖅ ᐃᓕᓐᓂᐊᕐᓂᖅ ᐅᕝᕙᓘᓐᓃᑦ ᐃᖅᑲᓇᐃᔭᓚᐅᖅᑎᓐᓇᒋᑦ ᐃᓕᓐᓂᐊᖅᑎᑕᐅᓂᕐᒧᑦ ᐊᒻᒪ ᐅᔾᔨᕈᓱᑦᑎᑦᑎᓂᖅ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑏᑦ.

  • ᖁᑦᑎᓂᖅᐹᖑᔪᑦ ᐱᖓᓱᑦ ᐋᖅᑭᒍᑏᑦ ᐊᑦᑎᑦᑐᒥᑦ ᐃᓄᓐᓂᑦ ᑭᒡᒐᖅᑐᐃᔪᑦ ᖁᕝᕙᓯᓐᓂᖏᑦ ᓇᓗᓇᐃᖅᑕᐅᔪᑦ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ ᐅᑯᐊᖑᔪᑦ:
    1. ᖁᕝᕙᕆᐊᖅᑕᐅᓂᖓ ᐃᓕᓐᓂᐊᕐᓂᖅ ᐅᕝᕙᓘᓐᓃᑦ ᐃᖅᑲᓇᐃᔭᓚᐅᖅᑎᓐᓇᒋᑦ ᐃᓕᓐᓂᐊᖅᑎᑕᐅᓂᕐᒧᑦ (56%);
    2. ᖁᕝᕙᕆᐊᖅᑕᐅᓂᖓ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕐᓂᖅ (50%);
    3. ᑲᔪᖏᖅᓴᕐᓗᒋᑦ ᒪᒃᑯᑦᑐᑦ ᐃᓕᓐᓂᐊᕆᐊᒃᑲᓐᓂᖁᓗᒋᑦ (38%).
  • ᓄᓇᕗᑦ ᒐᕙᒪᒃᑯᓐᓂᑦ, 38% ᐃᓄᐃᑦ ᑲᒪᔩᑦ ᐊᒻᒪ 69% ᐃᓄᓪᓚᑦᑖᖑᖏᑦᑐᑦ ᑲᒪᔩᑦ ᖃᐅᔨᒪᓚᐅᖅᑐᑦ ᐱᓕᕆᕕᓐᓂᑦ ᐱᑕᖃᖅᑐᓂ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑦ. ᑲᓚᑕᐅᑉ ᒐᕙᒪᒃᑯᖏᓐᓂᑦ, ᒪᕐᕉᒃ−ᐱᖓᓱᓂᑦ ᐃᓄᐃᑦ ᑲᒪᔩᑦ (67%) ᐊᒻᒪ ᐊᑕᖏᖅᑐᒋᑦ ᐃᓄᓪᓚᑦᑖᖑᖏᑦᑐᑦ ᑲᒪᔩᑦ (100%) ᐱᓕᕆᕕᓐᓂᑦ ᐱᑕᖃᖅᑐᓂ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑦ. ᓇᑉᐸᕆᓗᐊᒐᓛᑦᑕᖏᑦ ᑲᒪᔩᑦ ᖃᐅᔨᒪᓚᐅᖅᑐᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓂᑦ ᖃᐅᔨᒪᓚᐅᖅᑐᑦ ᓈᓴᐅᑎᖏᑎᒍᑦ ᑐᕌᖅᑕᐅᔪᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ.

ᓇᓗᓇᐃᔭᖅᓯᒪᓂᖏᑦ ᐊᑐᖅᑕᐅᖁᔭᐅᔪᑦ ᐊᒻᒪ ᐱᓕᕆᔾᔪᓯᑦᑎᐊᕙᐅᓛᑦ ᓇᓗᓇᐃᖅᑕᐅᔪᑦ ᓄᓇᕗᒻᒥᐅᓄᑦ

ᐅᑯᐊ ᐊᑐᖅᑕᐅᖁᔭᐅᔪᑦ ᐊᒻᒪ ᐱᓕᕆᔾᔪᓯᑦᑎᐊᕙᐅᓛᑦ ᑐᓴᖅᑕᐅᓚᐅᖅᑐᑦ ᓄᓇᕗᒻᒥᐅᑕᓂᑦ ᑎᒍᒥᐊᖅᑎᐅᖃᑕᐅᔪᑦ ᐱᖃᑕᐅᑎᑦᑎᓂᕐᒧᑦ ᑲᑎᒪᓂᖃᖅᑎᓪᓗᒋᑦ ᐃᓚᐅᖃᑕᐅᔪᓪᓗ ᑭᕙᓪᓕᕐᒥᑦ ᐊᒻᒪ ᐃᖃᓗᐃᑦ.

ᐊᑐᖅᑕᐅᖁᔭᐅᔪᑦ ᐊᒻᒪ ᐱᓕᕆᔾᔪᓯᑦᑎᐊᕙᐅᓛᑦ ᓄᓇᕗᒻᒥᐅᓄᑦ

  • ᐃᖃᓇᐃᔭᓕᖅᑎᑦᑎᓂᖅ ᐊᒻᒪ ᐃᖃᓇᐃᔭᖅᑎᙳᓂᖅ
    • ᖃᓄᑐᐃᓐᓈᕈᓐᓇᖅᑎᑕᐅᓗᑎᒃ ᐃᖃᓇᐃᔭᓕᖅᑎᑦᑎᓃᑦ ᐊᐅᓚᑦᑎᔨᓂᑦ
    • ᐱᔭᒃᓴᐅᑎᑦᑎᓗᓂ ᐃᖃᓇᐃᔮᕐᕈᒪᔪᑎᓂᒃ ᐊᒻᒪ ᐊᐱᖅᓱᖅᑕᐅᓂᕐᒥ ᐱᓕᕆᔪᓐᓇᕐᓂᕐᒥ ᐱᕙᓪᓕᐊᑎᑦᑎᓂᕐᒥᑦ
    • ᐲᖅᓯᓂᖅ ᐊᐅᓚᑦᑎᕕᖕᒥ ᐊᐳᖅᑕᕈᑕᐅᕙᒃᑐᓂᑦ ᐃᖃᓇᐃᔭᓚᐅᑲᒃᑎᑕᐅᔪᓄᑦ ᐃᖃᓇᐃᔭᖅᑎᓄᑦ
  • ᐃᓄᐃᑦ ᐃᓕᖁᓯᖏᑦ ᐊᒻᒪ ᐅᖃᐅᓯᖓ
    • ᐃᓄᐃᑦ ᖃᐅᔨᒪᔭᑐᖃᖏᑦ ᐃᓕᓐᓂᐊᖅᑕᐅᔪᓐᓇᕐᓗᑎ
    • ᐱᔭᐅᑎᑦᑎᓗᓂ ᐊᑭᓖᔪᑎᓂᒃ ᐃᓄᒃᑎᑐᑦ ᐊᑐᖅᑕᐅᓂᖓᓂ ᐃᖃᓇᐃᔭᕐᓂᕐᒥ
  • ᒐᕙᒪᑦ ᐊᔪᕈᓐᓃᖅᓴᑎᓪᓗᒋᑦ
    • ᐱᔭᐅᑎᑦᑎᓗᓂ ᐱᓕᕆᓯᒪᓕᕈᑎᒥᑦ ᐃᓕᑉᐸᓪᓕᐊᓂᕐᒥᑦ ᐱᕕᖃᒃᑎᑦᑎᓂᕐᒥᑦ
    • ᐱᔭᐅᑎᑦᑎᓗᓂ ᐃᒻᒥᓂᖅᓴᖅᑐᒥᑦ ᐱᓕᕆᐊᑐᐊᖃᕐᓗᓂ ᐊᔪᕈᓐᓃᖅᓴᑎᑦᑎᓂᕐᒥᑦ
    • ᐊᑐᕐᓗᓂ ᐊᔾᔨᒌᖏᑦᑐᓂᒃ ᐊᔪᕈᓐᓃᖅᓴᑎᑦᑎᓂᕐᒧᑦ ᐱᓕᕆᓂᕐᓂᑦ
  • ᐱᓯᒪᐃᓐᓇᖅᓯᓂᖅ ᐊᒻᒪᓗ ᐊᔪᕈᓐᓃᖅᐸᓪᓕᐊᓂᖅ
    • ᐊᑐᖅᑕᐅᔪᖅ ᐃᓄᑐᐊᒡᒍᑎᒍᑦ ᐱᔾᔪᑎᖃᓗᐊᖅᑐᖅ ᐃᖅᑲᓇᐃᔮᒥᑦ ᐱᕙᓪᓕᐊᑎᑦᑎᓂᕐᒥᑦ
    • ᐱᔭᐅᑎᑦᑎᓗᓂ ᐱᕙᓪᓕᐊᑎᑦᑎᓂᕐᒧᑦ ᐱᕕᒃᓴᖃᒃᑎᑦᑎᓂᕐᓂᑦ
    • ᓴᖅᑮᓗᓂ ᑐᓐᖓᓇᖅᑐᒥᑦ ᐃᖅᑲᓇᐃᔭᕐᕕᐅᔪᒥᑦ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ
  • ᐱᔭᐅᓯᒪᔭᕆᐊᓕᑦ ᐱᓕᕆᔪᓐᓇᕐᓃᑦ
    • ᐃᓚᓕᐅᔾᔭᐅᓗᓂ ᐃᓄᐃᑦ ᓇᓗᓇᐃᒃᑯᑕᖓ ᐊᒻᒪ ᓄᓇᓕᒻᒧᑦ ᖃᐅᔨᒪᓂᖃᕐᓂᖅ ᐊᔪᖏᓐᓂᐅᔭᕆᐊᖃᖅᑐᓄᑦ ᐃᓕᓐᓂᐊᓂᕐᒧᑦ
    • ᐋᖅᑭᒃᓯᓗᓂ ᑎᑎᕿᕆᓂᕐᒧᑦ ᐱᓕᕆᔪᓐᓇᕐᓂᕐᓂᑦ
    • ᖁᓚᖏᓐᓂᓕᐅᕐᓂᖅ ᐊᒻᒪ ᐃᖅᑲᓇᐃᔮᒥᑦ ᐱᕙᓪᓕᐊᑎᑦᑎᓂᖅ ᐊᔪᖏᓐᓂᐅᔭᕆᐊᖃᖅᑐᓄᑦ ᐃᓕᓐᓂᐊᓂᒃᑯᑦ
  • ᖁᑦᑎᒃᑐᒥ ᐃᓕᓐᓂᐊᕐᕕᐅᔪᒥᑦ
    • ᐋᖅᑭᒃᓯᓗᓂ ᐋᖅᑭᐅᒪᑎᑦᑎᓗᒋᓪᓗ ᓴᙱᔪᒥᑦ ᐃᓅᖃᑎᒌᓂᕐᒥ ᐱᓕᕆᖃᑎᒌᒡᓂᑦ ᐃᓕᓐᓂᐊᖅᑎᓄᑦ
    • ᐃᓕᓐᓂᐊᕐᕕᐊᓗᒻᒥ ᐃᑲᔪᖅᑎᖃᖅᑎᑦᑎᓗᓂ ᐅᕝᕙᓘᓐᓃᑦ ᑐᑭᒧᐊᖅᑎᑦᑎᓂᕐᒧᑦ ᐃᑲᔪᖅᑏᑦ
    • ᑐᓂᓯᓗᓂ ᖃᓄᖅᑑᕋᔅᓴᐅᔪᓂᖅ ᐊᒻᒪ ᐅᕝᕙᓘᓐᓃᑦ ᐃᑲᔪᓱᖅᑕᐅᔪᒥᑦ ᐃᓕᓐᓂᐊᕐᕕᐊᓗᒻᒥ ᐱᔭᕇᖅᓯᓂᕐᒧᑦ ᐱᓕᕆᐊᓂᑦ
  • ᐊᓯᕈᕐᓂᖅ ᖁᕝᕙᓯᒡᓂᕐᓴᒥᑦ−ᐃᓕᓐᓂᐊᕐᓂᕐᒧᑦ ᐃᓕᓴᔪᑎ
    • ᖃᐅᔨᒪᓂᖅᓴᐅᓕᖅᑎᑦᑎᓗᓂ ᐃᖃᓇᐃᔭᑦ ᐊᑐᐃᓐᓇᐅᑎᑕᐅᕕᖏᑎᒍ ᐊᒻᒪᓗ ᐃᖃᓇᐃᔭᓂᑦ ᐅᖃᓚᐅᑎᖃᕐᓂᒃᑯᑦ
    • ᐃᓕᓐᓂᐊᖅᓯᒪᓂᖓᓄᑦ ᑐᓂᓯᓗᓂ ᐊᐅᓪᓛᑎᐊᖁᓪᓗᒋᑦ ᐃᓕᓐᓂᐊᕆᐊᑲᓂᓂᕐᒧᑦ ᐃᓕᓐᓂᐊᕐᓂᓕᕆᓂᕐᒥᑦ
    • ᐊᐅᓚᑦᑎᓗᓂ ᐊᐅᓪᓛᓕᕐᒧᑦ ᐃᓕᓐᓂᐊᕆᐊᒃᑲᓂᓂᕐᒧᑦ ᐃᓕᓐᓂᐊᕐᓂᓕᕆᓂᕐᒧᑦ ᓄᓇᕗᑦ ᓯᕗᓂᔅᓴᒃᑯᑎᒍᑦ
  • ᖁᑦᑎᖕᓂᖅᓴᒧᑦ−ᐃᓕᓐᓂᐊᕐᓂᕐᒥ ᐃᓕᓴᔪᑎ
    • ᐃᖃᓴᐃᔭᖅᓯᓐᓈᑎᑦᑎᓗᓂ ᐊᒻᒪᓗ ᐃᖃᓇᐃᔭᓚᐅᖅᓯᒪᕕᖃᓕᖅᑎᑦᑎᓗᓂ
    • ᐱᔭᒃᓴᐅᓕᖅᑎᑦᑎᓗᓂ ᐊᔪᕈᓐᓃᖅᓴᓂᕐᒥᑦ ᓄᓇᓕᖕᓂ
    • ᐃᓕᓴᐃᔨᑐᐊᖃᒃᑎᑦᑎᓗᓂ, ᑕᐃᒫᓪᓗᐊᖃᑎᓂ ᐃᑲᔪᖅᑎᒌᒃᑎᑦᑎᓗᓂ
    • ᐱᔭᐅᔪᓐᓇᖅᑎᑦᑎᓗᓂ ᐃᓕᓴᔭᒃᓴᓕᐊᕆᓯᒪᔪᓂᑦ ᐊᔪᕈᓐᓃᖅᓴᑎᑦᑎᓂᕐᒥ ᓇᓕᕌᒃᑕᐅᔪᓐᓇᖅᑐᓂᑦ

11.0 ᐃᓱᐊᓂ ᑐᑭᑖᕈᑕᐅᓂᖏᑦ: ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᐊᑕᐅᓯᕐᒧᑦ ᖃᐅᔨᒪᔾᔪᑎᒃᓴᒪᐅᑕᐅᓂᐊᖅᑐᑦ ᐃᓄᖕᓂᒃ ᐱᓕᕆᑎᑦᑎᔪᓐᓇᕐᓂᕐᒧᑦ ᐸᕐᓇᐅᑎᒃᓴᓄᑦ ᐊᑐᕐᓗᑎᒃ ᐊᒻᒪᓗ ᓯᕗᓂᐊᒍᑦ ᐃᖅᑲᓇᐃᔮᖅᑖᓚᐅᖏᓂᖏᓐᓂᒃ ᐊᔪᕈᓐᓃᖅᓴᐅᑎᓂᒃ ᐊᑑᑎᖃᕐᓂᕐᒧᑦ

ᓴᕿᑎᑦᑎᔪᒪᓂᕐᒧᑦ ᖃᓄᖅ ᑕᒪᒃᑯᐊ ᑐᑭᓯᓂᐊᕈᑕᐅᓯᒪᔪᓂᒃ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᖃᐅᔨᔭᐅᓯᒪᓕᖅᑐᑦ ᐊᑕᐅᓯᕐᒥᑎᑕᐅᔪᓐᓇᕐᒪᖔᑕ ᐊᑕᐅᑎᒃᑯᑦ ᐃᑲᔫᑕᐅᓂᐊᕐᒪᑕ ᓴᕿᑎᑦᑎᓂᕐᒧᑦ ᐃᓄᖕᓂᒃ ᐃᖅᑲᓇᐃᔭᖅᑖᖅᑎᑦᑎᕙᓪᓕᐊᓂᕐᒧᑦ ᐸᕐᓇᐅᓯᐅᕐᓂᕐᒧᑦ ᐊᒻᒪᓗ ᐃᖅᑲᓇᐃᔮᖅᑖᕈᓐᓇᖅᓯᓚᐅᖏᓂᖏᓐᓄᑦ ᐊᔪᕈᓐᓃᖅᓴᐅᑎᒃᓴᖃᕆᐊᖃᕐᓂᕐᒧᑦ, ᑕᒪᒃᑯᐊ ᐃᓱᐊᓂ ᑐᑭᑖᕈᑕᐅᓂᖏᑦ ᑎᑎᕋᖅᓯᒪᔪᑦ ᑐᕌᖓᕗᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᑖᒃᑯᐊ ᐅᓂᒃᑲᓕᐊᑦ ᓇᐃᓈᖅᑕᐅᓗᑎᒃ ᑐᑭᓕᐅᖅᑕᐅᓂᖏᓐᓂᒃ ᐱᒻᒪᕆᐅᓂᖏᑦ ᖃᐅᔨᔭᐅᓯᒪᓕᖅᑐᑦ, ᐊᕕᒃᑐᖅᓯᒪᔪᓂᒃ ᓯᑕᒪᓂᒃ ᐋᕿᐅᒪᔭᐅᓗᑎᒃ ᐃᓱᒪᒋᔭᐅᓯᒪᔪᓄᑦ ᐊᑐᕐᓂᐊᕐᒪᑕ.

ᓯᕗᓪᓕᕐᒥ ᖃᐅᔨᔭᐅᓂᖏᑦ ᐱᒻᒪᕆᐅᔪᑦ ᓴᕿᑎᑦᑎᓯᒪᖕᒪᑕ ᑐᖓᕕᐅᔪᓐᓇᖅᑐᓂᒃ ᐊᔾᔨᒌᖏᑦᑑᑎᐅᔪᓂᒃ ᐱᓕᕆᔨᖃᕆᐊᖃᕐᓂᖅ, ᐃᓚᐅᔪᒪᔪᓂᒡᓗ, ᐃᓄᖕᓂᒡᓗ ᐸᕐᓇᒃᓯᒪᔪᓐᓇᕐᓂᖅ ᐃᖅᑲᓇᐃᔭᖅᑎᒃᓴᖃᕆᐊᖃᕐᓂᖏᓐᓄᑦ/ᐱᓕᕆᔨᖃᕆᐊᖃᕐᓂᕐᒧᑦ, ᐊᑐᕐᓗᑎᒃ ᐃᖅᑲᓇᐃᔭᖏᓐᓂᖏᓐᓂᒃ, ᐃᓕᓐᓂᐊᕌᓂᒃᓯᒪᓂᖏᓐᓂᒃ ᐊᒻᒪᓗ ᐃᓄᖃᖏᓂᖏᓐᓂᒃ ᐃᖅᑲᓇᐃᔭᕐᕕᒃᓴᐅᔪᓂᒃ ᖃᐅᔨᒪᔾᔪᑎᒃᓴᐃᑦ.

ᓄᓇᕗᒻᒥ, ᐊᒥᓲᓂᖏᑦ ᐱᓕᕆᕕᒃᓴᖃᖏᑦᑐᑦ/ᐃᖅᑲᓇᐃᔮᒃᓴᖃᖏᑦᑐᑦ ᐃᓄᐃᑦ, ᐃᓕᓐᓂᐊᕌᓂᒃᓯᒪᔪᓪᓗᓐᓃᑦ ᐊᔾᔨᑲᓴᒋᖕᒪᒋᑦ ᐊᒥᓱᓂᖏᓐᓄᑦ ᒐᕙᒪᒃᑯᓐᓂ ᐱᓕᕆᕕᒃᓴᐃᑦ/ᐃᖃᓇᐃᔮᒃᓴᐃᑦ ᐃᓐᓄᖃᖏᓐᓂᖏᓐᓂᒃ ᐃᓐᓄᒃᑕᐅᓯᒪᔭᕆᐊᖃᖅᑐᓂᒃ. ᑭᓯᐊᓂᓕᑕᐅᖅ, ᐊᔾᔨᒌᖏᓐᓂᖃᕆᕗᑦ ᓄᓇᓕᒃᑎᒍᑦ.

  • ᓄᓇᓕᓐᓂᑦ ᓲᕐᓗ ᐃᖃᓗᐃᑦ ᐅᕝᕙᓘᓐᓃᑦ ᐃᖃᓗᑦᑑᑦᑎᐊᖅ, ᒐᕙᒪᒃᑯᓐᓂᑦ ᐃᓐᓄᑦᑕᐅᓯᒪᖏᑦᑐᑦ ᐊᒥᓲᓂᖅᓴᐅᔪᑦ ᐃᓄᓐᓂᑦ ᐃᓕᓐᓂᐊᕐᕕᐊᓗᒻᒥ ᐱᔭᕇᖅᓯᓯᒪᔪᓂᑦ, ᒐᕙᒪᒃᑯᑦ ᐃᖅᑲᓇᐃᔭᖅᑎᑦᑎᔩᑦ ᐊᑭᑦᑐᕋᐅᑎᖃᕈᓐᓇᖅᑐᑦ ᐃᖅᑲᓇᐃᔭᖅᑎᑦᑎᓂᕐᒥᑦ ᓄᓇᓕᒻᒥ ᐃᓄᓐᓂᑦ ᐃᖅᑲᓇᐃᔮᖅᑖᕋᓱᐊᖅᑐᓂᑦ, ᐃᓪᓗᐊᖑᖔᖓᔪᓐᓇᖅᑐᖅ ᐊᕐᕕᐊᓂᑦ, ᐊᒥᓲᓂᖏᑦ ᐃᓐᓄᑦᑕᐅᓯᒪᖏᑦᑐᑦ ᐊᑦᑎᓂᖅᓴᐅᔪᑦ ᐊᒥᓲᓂᖏᓐᓄᑦ ᐃᖅᑲᓇᐃᔭᖏᑦᑐᓄᑦ ᐃᓄᓐᓄᑦ ᐃᓕᓐᓂᐊᕐᕕᐊᓗᒻᒥ ᐱᔭᕇᖅᓯᓯᒪᔪᓂᑦ. (ᑎᑎᕋᒃᓯᒪᔪᖅ 2).
ᑎᑎᕋᒃᓯᒪᔪᖅ 2. ᐊᔾᔨᒌᓐᖑᐊᖅᑎᑕᐅᓂᖏᑦ ᐃᖅᑲᓇᐃᔭᖏᑦᑐᑦ ᐃᓄᐃᑦ ᓴᓂᐊᓂ ᒐᕙᒪᒃᑯᓐᓂᑦ ᐃᓐᓄᑦᑕᐅᓯᒪᖏᑦᑐᑦ
ᓄᓇᓕᒃ ᐊᒥᓲᓂᖏᑦ ᐃᖅᑲᓇᐃᔭᖏᑦᑐᑦ ᐃᓄᐃᑦ ᐊᒥᓲᓂᖏᑦ ᐃᖅᑲᓇᐃᔭᖏᑦᑐᑦ ᐃᓄᐃᑦ ᐱᔭᕇᖅᓯᓯᒪᔪᑦ ᐃᓕᓐᓂᐊᕐᕕᐊᓗᒻᒥᑦ ᐅᕝᕙᓘᓐᓃᑦ ᖁᑦᑎᓂᖅᓴᒥᑦ ᐊᒥᓲᓂᖏᑦ ᐃᓐᓄᑦᑕᐅᓯᒪᖏᑦᑐᑦ ᑲᓇᑕᐅᑉ ᒐᒪᒃᑯᖏᓐᓂᑦ ᐊᒥᓲᓂᖏᑦ ᐃᓐᓄᑦᑕᐅᓯᒪᖏᑦᑐᑦ ᓄᓇᕗᑦ ᒐᒪᒃᑯᖏᓐᓂᑦ
ᓄᓇᕗᑦ 3,370 1,190 70 1,285
ᖁᓪᓗᖅᑑᖅ 180 75 0 34
ᐃᖃᓗᒃᑑᑦᓯᐊᖅ 145 50 8 127
ᐅᖅᓱᖅᑐᖅ 185 85 N/A 30
ᖃᐅᓱᐃᑦᑐᖅ 15 0 0 8
ᖃᒪᓂᑦᑐᐊᕐᒥ 245 70 N/A 32
ᑕᓗᕐᔪᐊᖅ 155 40 N/A 8
ᐊᕐᕕᐊᒥ 370 130 N/A 51
ᑲᖏᖅᖠᓂᕐᒥ 255 120 0 115
ᓇᐅᔮᑦ 95 25 1 10
ᒥᑦᑎᒪᑕᓕᒃ 155 85 1 52
ᑲᖏᖅᑐᒑᐱᒃ 180 45 N/A 12
ᐃᖃᓗᖕᓂ 375 130 57 595
ᕿᑭᑕᖅᔪᐊᖅ 60 20 1 6
ᐸᓐᓂᑦᑑᖅ 130 50 2 46

ᑐᑭᓯᒋᐊᕈᑎᖃᕐᕕᐅᔪᖅ: ᑭᓪᓕᓯᓂᐊᖅᑕᐅᓯᒪᔪᑦ 2016; ᑲᓇᑕᐅᑉ ᒐᕙᒪᖏᑦ, ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑦ, ᑎᑎᕋᖅᑕᐅᔪᑦ ᐱᓕᒻᒪᒃᓴᐃᕕᒃ; ᒫᑦᓯ 2017; ᓄᓇᕗᑦ ᒐᕙᒪᒃᑯᑦ, ᑐᕌᖅᑐᑦ ᑭᒡᒐᖅᑐᐃᓂᕐᒥᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑏᑦ, ᒫᑦᓯ 2017

ᐊᓯᐊᓂᒃ ᑐᑭᓯᓇᓱᖕᓂᕐᒧᑦ ᑐᖓᕕᐅᓪᓗᑕᑐᐃᓐᓇᐅᕙᖕᓂᖏᓐᓂᒃ ᖃᐅᔨᒪᓂᖅ ᑕᒪᒃᑯᓂᖓ ᐊᑐᐃᓐᓇᐅᔪᓐᓇᕐᓂᖏᓐᓂᒃ ᐱᓕᕆᔨᒃᓴᐃᑦ, ᐃᓚᐅᔪᒪᓂᖏᓐᓂᒡᓗ ᐊᒻᒪᓗ ᐸᕐᓇᒃᓯᒪᔪᓐᓇᕐᓂᖏᓐᓂᒃ ᐃᓄᐃᑦ ᒐᕙᒪᒃᑯᓐᓂ ᐃᖅᑲᓇᐃᔮᒃᓴᖅᑖᕈᓐᓇᕐᓂᕐᒧᑦ, ᑕᒪᒃᑯᐊ ᐃᓱᐊᓂ ᑐᑭᓕᐅᕈᑕᐅᓂᖏᑦ ᐃᓚᖃᖅᐳᑦ ᐱᖓᓱᓂᒃ ᑎᑎᕋᖅᑕᐅᓯᒪᓂᖏᓐᓂᒃ ᖃᐅᔨᒪᔾᔪᑎᒃᓴᐅᔪᓂᒃ ᐊᒻᒪᓗ ᑐᑭᓕᐅᖅᑕᐅᓯᒪᓂᖏᓐᓂᒃ, ᑐᕋᖓᓗᑎᒃ ᑕᐃᒃᑯᓂᖓ ᐊᒥᓲᖏᓗᐊᕐᓂᖏᓐᓂᒃ ᐃᓄᐃᑦ ᐱᓕᕆᔨᐅᔪᑦ, ᐊᒥᓲᓗᐊᕐᓂᖏᓐᓄᒡᓗ ᐃᓄᖃᖏᑦᑐᑦ ᐱᓕᕆᕕᒃᓴᐃᑦ, ᐅᕝᕙᓗᓐᓃᑦ ᑕᒪᒃᑭᖅᑐᓂᒃ:

ᐃᖅᑲᓇᐃᔭᖅᑖᕈᓐᓇᖅᓯᓚᐅᖏᓂᖏᓐᓂᑦ ᐊᔪᕈᓐᓃᖅᓴᖅᑕᐅᓯᒪᓂᖏᑦ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᐊᑑᑎᖃᕐᓂᖏᑦ ᑐᑭᓯᓂᐊᕈᑕᐅᓯᒪᔪᑦ ᑕᒪᒃᑯᓂᖓ ᖃᐅᔨᔭᐅᓯᒪᔪᑦ ᐱᔾᔪᑎᖃᖅᐳᑦ ᖃᐅᔨᓴᖅᑎᐅᔭᕆᐊᖃᖅᑐᓂᒃ ᐊᒻᒪᓗ ᐋᓂᐊᖅᑐᓕᕆᓂᕐᒥᒃ ᒐᕙᒪᒃᑯᓐᓂᒃ ᐃᖅᑲᓇᐃᔭᕐᕕᒃᓴᓂᒃ/ᐱᓕᕆᕕᒃᓴᓂᒃ

  • 115-ᖏᓃᒻᒪᑕ ᐱᓕᕆᖏᑦᑐᑦ/ᐃᖅᑲᓇᐃᔭᖏᑦᑐᑦ ᐃᓄᐃᑦ ᐃᓕᓐᓂᐊᕌᓂᒃᓯᒪᔪᑦ ᑕᒪᒃᑯᓂᖓ ᓴᓇᔭᐅᓯᒪᔪᓕᕆᓂᕐᒥᒃ ᐅᕝᕙᓗᓐᓃᑦ ᐱᔭᕆᐊᑐᓂᖅᓴᓂᒃ ᓈᓴᐅᓯᕆᔪᓐᓇᕐᓂᕐᒥᒃ STEM-ᓂᒃFootnote 5 ᐅᕝᕙᓗᓐᓃᑦ ᐋᓐᓂᐊᖅᑐᓕᕆᔨᐅᓂᕐᒥᒃ ᓯᓚᑦᑐᖅᓴᕐᕕᖕᓂ ᐃᓕᓐᓂᐊᕐᓗᑎᒃ (ᐃᓕᓐᓂᐊᕐᕕᒡᔪᐊᖑᓂᖅᐹᖑᖏᑦᑐᓂ), ᓇᓗᓇᐃᔭᐃᓪᓗᑎᒃ ᓯᕗᓂᐊᒍᑦ ᐃᖅᑲᓇᐃᔮᒃᓴᖅᑖᓚᐅᖏᓂᖏᓐᓂ ᐊᔪᕈᓐᓃᖅᓴᖅᑕᐅᓯᒪᔭᕆᐊᖃᕐᓂᐊᖅᑐᓂᒃ ᐊᒥᓲᓂᖅᓴᐅᓕᕈᓐᓇᕐᓂᐊᕐᒪᑕ ᐃᓄᐃᑦ ᐆᒃᑐᕈᓐᓇᖅᓯᓂᐊᖅᑐᑦ ᐸᕐᓇᒃᓯᒪᓂᖅᓴᐅᓗᑎᒃ ᖃᐅᔨᓴᕐᓂᕐᒥᒃ ᐊᒻᒪᓗ ᐊᓐᓂᐊᖅᑐᓕᕆᓂᕐᒥᒃ ᒐᕙᒪᒃᑯᓐᓂ ᐃᖅᑲᓇᐃᔮᖅᑖᕋᓱᐊᕈᓐᓇᕐᓂᕐᒧᑦ.
  • ᓄᓇᕗᒻᒥ ᐅᑭᐅᑕᖅᑐᒥ ᓯᓚᑦᑐᓴᕐᕕᒃ ᐱᔭᕇᖅᓯᓯᒪᔪᑦ ᐱᒻᒪᕆᐅᔪᓐᓇᖅᑐᑦ ᐃᖅᑲᓇᐃᔮᖅᑖᕋᓱᐊᖅᑐᓂᑦ − 2016-2017 ᐃᓕᓐᓂᐊᓇᕐᒧᑦ ᐊᕐᕌᒍᖓᓂ, ᐅᑯᐊᖑᓚᐅᖅᑐᑦ 107 ᐃᓕᓐᓂᐊᖅᑏᑦ ᐊᑎᓕᐅᖅᑐᑦ ᖃᐅᔨᓴᓂᕐᒧᑦ ᐊᒻᒪ ᐋᓐᓂᐊᖅᑐᓕᕆᓂᕐᒧᑦ−ᐊᑦᑐᐊᓂᓕᓐᓄᑦ ᐱᓕᕆᐊᓕᓂᑦ.

ᐃᓄᐃᑦ ᐃᖅᑲᓇᐃᔮᖅᑖᕈᓐᓇᕐᓂᕐᒧᑦ ᐸᕐᓇᐅᑎᒃᓴᖏᑦ ᐊᒻᒪᓗ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᐃᖅᑲᓇᐃᔮᖅᑖᕈᓐᓇᖅᓂᐊᕈᑎᒃ ᐊᔪᕈᓂᖅᓴᐅᑎᒃᓴᖏᓄᑦ ᑐᕌᖓᔪᑦ ᐃᖅᑲᓇᐃᔭᖅᑐᓕᕆᓂᕐᒥᒃ ᑐᑭᓯᓂᐊᕈᑕᐅᓚᐅᖅᑐᓂᒃ ᖃᐅᔨᔭᐅᓯᒪᓂᖏᑦ ᐱᔾᔪᑎᖃᖅᐳᑦ ᖃᐅᑕᒫᖅᓯᐅᑎᓂᒃ ᐱᓕᕆᐊᖑᕙᓪᓕᐊᔭᕆᐊᖃᐃᓐᓇᖅᑐᓂᒃ ᑲᒪᔨᐅᕙᖕᓂᕐᒧᑦ ᐃᖅᑲᓇᐃᔭᕐᕕᒃᓴᐅᔪᓂᒃ.

  • ᒫᓐᓇᐅᓕᖅᑐᖅ ᐃᓄᖕᓂ ᒐᕙᒪᒃᑯᓐᓂ ᐊᖓᔪᖃᐅᑕᐅᔪᓂᒃ, 90-ᖏᓂᑉᐳᑦ ᐃᓄᐃᑦ ᐱᓗᐊᖅᑐᒥᒃ ᐃᓚᐅᔪᒪᓇᔭᖅᑐᑦ, ᐸᕐᓇᒃᓯᒪᔪᒪᔪᑦ ᐊᒻᒪᓗ ᐊᑐᐃᓐᓇᐅᔪᓐᓇᖅᑐᑦ ᓯᕗᓕᖅᑎᐅᔪᓐᓇᕐᓂᕐᒥᒃ ᐊᐅᓚᑦᑎᔨᐅᔪᓐᓇᕐᓂᕐᒥᒡᓗ ᐃᓂᒃᓴᓂᒃᑕᐅᔪᓐᓇᖅᓯᓇᔭᖅᑐᑦ ᐱᓕᕆᕕᒃᓴᓂᒃ.
  • ᑖᒃᑯᓇᖓᑦ, 80-ᖏᓃᑉᐳᑦ ᐅᖃᕈᓐᓇᖅᑐᑦ ᐃᓄᒃᑎᑐᑦ ᐃᓄᐃᓐᓇᖅᑐᓪᓗᓐᓃᑦ, 30-ᖑᓪᓗᑎᒃ ᐱᓕᕆᔪᑦ ᐃᖃᓗᖕᓂ ᐊᒻᒪᓗ 50-ᖑᓪᓗᑎᒃ ᒫᓐᓇᓵᖅ ᐱᔭᕇᓚᐅᖅᑐᑦ ᓯᕗᓕᐅᖅᑎᐅᔪᓐᓇᕐᓂᕐᒥᒃ ᐊᒻᒪᓗ ᐊᐅᓚᑦᑎᔨᐅᔪᓐᓇᕐᓂᕐᒥᒃ ᐊᔪᕈᓐᓃᖅᓴᖅᑕᐅᓯᒪᓕᖅᓱᑎᒃ.

ᐃᓄᐃᑦ ᐃᖅᑲᓇᐃᔮᖅᑖᕈᓐᓇᕐᓂᕐᒧᑦ ᐸᕐᓇᐅᑎᒃᓴᖏᑦ ᐊᒻᒪᓗ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᐃᖅᑲᓇᐃᔮᖅᑖᕈᓐᓇᖅᓂᐊᕈᑎᒃ ᐊᔪᕈᓂᖅᓴᐅᑎᒃᓴᖏᓄᑦ ᑐᕌᖓᔪᑦ ᐃᖅᑲᓇᐃᔭᖅᑐᓕᕆᓂᕐᒥᒃ ᑐᑭᓯᓂᐊᕈᑕᐅᓚᐅᖅᑐᓂᒃ ᖃᐅᔨᔭᐅᓯᒪᓂᖏᑦ ᐱᔾᔪᑎᖃᖅᐳᑦ ᖃᐅᑕᒫᖅᓯᐅᑎᓂᒃ ᐱᓕᕆᐊᖑᕙᓪᓕᐊᔭᕆᐊᖃᐃᓐᓇᖅᑐᓂᒃ ᑲᒪᔨᐅᕙᖕᓂᕐᒧᑦ ᐃᖅᑲᓇᐃᔭᕐᕕᒃᓴᐅᔪᓂᒃ.

  • ᐊᒥᓱᐊᓗᕗᑦ ᒐᕙᒪᒃᑯᓐᓂ ᐃᓄᖃᖏᓂᖏᑦ ᑕᒪᒃᑯᐊ ᖃᐅᔨᑕᒫᖅᓯᐅᑎᑦ ᐱᓕᐊᖑᕙᓪᓕᐊᖏᓐᓇᕆᐊᖃᓲᖑᔪᑦ ᑲᒪᔨᐅᓂᕐᒧᑦ ᐱᓕᕆᕕᒃᓴᐃᑦ ᐊᒻᒪᓗ ᐃᓕᓐᓂᐊᖅᓯᒪᓂᖅ ᐊᔪᕈᑕᐅᕙᖏᔅᓱᓂ ᐃᓄᖕᓂᒃ ᐃᖅᑲᓇᐃᔭᖅᑕᖅᑎᑦᑎᔪᓐᓇᕐᓂᕐᒧᑦ ᑕᒪᒃᑯᓂᖓ.
  • 120-ᖏᓃᒻᒪᑕ ᐃᖅᑲᓇᐃᔭᖏᑦᑐᑦ/ᐱᓕᕆᔨᖏᑦᑐᑦ ᐃᓄᐃᑦ ᐊᑐᐃᓐᓇᐅᔪᑦ ᐃᓕᓐᓂᐊᕌᓂᒃᓯᒪᑦᑎᐊᖅᑐᑦ ᑕᒪᒃᑯᓂᖓ ᖁᑦᑎᖕᓂᖅᓴᐃᑦ ᐅᖓᑕᓃ ᓇᖕᒥᓂᖅ ᐱᓕᕆᕕᖃᕈᓐᓇᕐᓂᕐᒥᒃ ᐊᒻᒪᓗ ᖃᐅᑕᒫᖅ ᐱᓕᕆᐊᖑᕙᓪᓕᐊᖏᓐᓇᕆᐊᓕᖕᓂᒃ ᑲᒪᔨᐅᔪᓐᓇᕐᓂᕐᒥᒃ.
  • ᐃᓱᒪᒃᓴᖅᓯᐅᕈᑕᐅᕙᒃᑯᑎᒃ ᐱᓕᕆᓯᒪᓂᖏᑦ (ᐆᒃᑐᖅᑐᑦ), ᐃᓕᓐᓂᐊᖅᓯᒪᓂᖏᓂᐅᖏᖓᖅᑐᖅ, ᐆᒃᑐᖃᑕᐅᔪᒪᒧᑦ ᐃᓱᒪᒋᔭᐅᔪᓐᓇᖅᐳᑦ ᓯᕗᓂᐊᒍᑦ ᐊᔪᕈᓐᓃᖅᓴᖅᑕᐅᔪᓐᓇᕐᓂᖏᓐᓂᒃ ᐅᕝᕙᓗᓐᓃᑦ ᐱᓕᕆᐊᕆᕋᑦᑕᖅᓯᒪᔭᖏᑦ, ᓇᓂᔭᒃᓴᐅᔪᓐᓇᕐᒪᑕ ᑕᒪᒃᑯᓇᓂ 60-ᖏᓃᑦᑐᓂᒃ ᐃᖃᓇᐃᔭᖏᑦᑐᓂ ᐃᓄᖕᓂ ᐱᓕᕆᐊᖃᕋᑦᑕᖅᓯᒪᔪᓂᒃ ᖃᐅᑕᒫᖅᓯᐅᑎᓂᒃ ᐱᓕᕆᐊᖑᕙᓪᓕᐊᖏᓐᓇᕆᐊᖃᓲᖑᔪᓂᒃ ᑲᒪᔨᐅᕙᖕᓂᕐᒥᒃ ᐊᒻᒪᓗ ᑮᓇᐅᔭᓕᕆᓂᕐᒥᒃ ᐊᖓᔪᖄᕆᔭᐅᓂᕐᒧᑦ ᐃᖅᑲᓇᐃᔭᕈᓐᓇᕐᓂᕐᒥᒃ ᐅᕝᕙᓗᓐᓃᑦ ᑕᐃᒃᑯᓇᖓᑦ 75-ᖏᓃᑦᑐᓂᒃ ᐃᖅᑲ/ᓇᐃᔭᖏᑦᑐᓂᒃ ᐱᓕᕆᔨᖏᑦᑐᓂᒃ ᐃᓄᖕᓂᒃ ᒫᓐᓇᓴᖅ ᐱᓕᕆᐊᖃᖅᓯᒪᓂᑰᓕᖅᑐᓂᒃ ᑎᑎᕋᕐᕕᖕᓂ ᐊᒡᓚᕕᖕᓂ ᐃᑲᔪᖅᑎᐅᕙᖕᓂᖏᓐᓂᒃ ᐃᖅᑲᓇᐃᔮᓂᒃ.
  • ᐊᒥᓱᐊᓘᖕᒪᑕ ᐃᓄᐃᑦ ᒫᓐᓇᐅᓕᖅᑐᖅ ᒐᕙᒪᒃᑯᓐᓂᒃ ᖃᐅᑕᒫᖅᓯᐅᑎᓂᒃ ᐱᓕᕆᐊᖑᕙᓪᓕᐊᖃᑦᑕᐃᓐᓇᕆᐊᓕᖕᓂᒃ ᑲᒪᔨᐅᔪᑦ ᐸᕐᓇᒃᐸᓪᓕᐊᓕᖅᑐᑦ ᐱᕙᓪᓕᐊᔾᔪᑎᒃᓴᒥᓂᒃ ᖁᑎᖕᓴᓂᑦ ᐃᖅᑲᓇᐃᔮᖅᑕᖅᐸᓪᓕᐊᔪᒪᓂᕐᒧᑦ, (30%), ᐃᓕᓐᓂᐊᕆᐊᒃᑲᓐᓂᕐᓂᐊᓕᖅᑐᑦ (62%), ᐅᕝᕙᓗᓐᓃᑦ ᐊᔪᕈᓐᓃᖅᓴᖅᑎᑕᐅᕙᓪᓕᐊᓕᖅᑐᑦ (91%).

12.0 ᑭᖑᓂᐊᒍᑦ ᐱᓕᕆᐊᖑᓂᐊᓕᕐᒥᔪᑦ: ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ

ᐱᓕᕆᕕᒃᓴᓕᕆᔩᑦ ᐃᖅᑲᓇᐃᔮᒃᓴᓕᕆᔨᖏᑦ ᐃᖅᑲᓇᐃᔮᒃᓴᓕᕆᓂᒃ ᐃᓅᖃᑎᒌᒃᑐᓄᓪᓗ ᐱᕙᓪᓕᐊᔾᔪᑎᒃᓴᓕᕆᔪᑦ ᑲᓇᑕᒥ (ESDC-ᑯᑦ) ᓄᓇᖃᖅᑐᑐᖃᐃᑦ ᐅᑭᐅᖅᑕᖅᑐᒥ ᖃᐅᔨᓴᖅᑕᐅᕙᓪᓕᐊᔪᓕᕆᔨᖏᑦ ᓯᕗᒧᑦ ᑕᑯᓇᖕᒥᔪᑦ ᐱᓕᕆᖃᑎᖃᕈᒪᓂᖅ ᑐᓐᖓᕕᒃᑯᓐᓂᒃ ᓄᓇᕗᒥᓗ ᒐᕙᒪᒃᑯᖏᓐᓂᒃ (ᐊᖅᑯᑎᒋᓗᓂᒋᑦᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᑐᑭᓕᐅᖅᑕᐅᓯᒪᔪᑦ ᐅᓂᒃᑲᓕᐊᖑᔪᓂᒃ ᐱᓕᕆᔨᖏᑦ ᑎᒥᐅᔪᑦ) ᓴᕿᑎᑕᐅᔪᒫᖅᑐᓂᒃ 2020-ᒥ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᐅᓂᒃᑳᖑᓪᓗᑎᒃ. ᑕᐃᒃᑯᐊ ᓴᕿᑎᑕᐅᔪᒪᕐᒥᒧᑦ ᐊᑐᓕᖅᓯᒪᔪᒫᕐᒪᑕ ᑐᑭᓯᓂᐊᕈᑕᐅᓯᒪᓂᖏᓐᓂᒃ ᓄᑖᑦ ᖃᐅᔨᔭᐅᓯᒪᔪᑦ ᐊᑐᕐᓗᑎᒃ ᓄᓇᖃᖅᑐᑐᖃᐃᑦ ᐃᓄᖁᑎᒋᔭᐅᓂᖏᑦ ᐊᐱᖅᓱᖅᑕᐅᓯᒪᓂᖏᑦ (APS) 2017-ᒥ ᓴᕿᑎᑕᐅᓯᒪᔪᕕᓂᕐᓂᒃ ᐊᒻᒪᓗ ᕿᒥᕐᕈᓇᒃᑕᐅᑦᑎᐊᕐᓗᑎᒃ ᐃᓚᒋᔭᐅᓂᖏᑦ ᑕᒪᒃᑯᓄᖓ ᐱᔾᔪᑕᐅᔭᒃᑐᑦ ᓲᕐᓗ ᐊᕐᓇᐅᓂᖏᓐᓂ, ᐊᖑᑕᐅᓂᖏᓐᓂ, ᐅᑭᐅᖃᕐᓂᖏᓐᓂᒃ, ᐊᓯᖏᓐᓂᓗ ᐃᓄᐃᑦ ᖃᓂᐃᓕᖓᕙᖕᓂᖏᓐᓂᒃ, ᐊᒻᒪᓗ ᐃᓄᐃᑦ ᐊᑐᐃᓐᓇᐅᔪᓐᓇᕐᓂᖏᓐᓂᒃ, ᐃᓚᐅᔪᒪᓂᖏᓐᓂᒃ, ᐸᕐᓇᒃᓯᒪᔪᓐᓇᕐᓂᖏᓐᓂᒡᓗ ᒐᕙᒪᒃᑯᓐᓂ ᐱᓕᕆᐊᒃᓴᖅᑖᖃᑕᐅᔪᓐᓇᕐᓂᖅ, ᐃᖅᑲᓇᐃᔮᒃᓴᖅᑖᕈᓐᓇᕐᓂᖅ, ᐱᐅᓯᖃᕈᓐᓇᖅᑐᓂᒃ ᐱᔪᓐᓇᖅᓯᓯᒪᓗᑎᒃ ᐊᔪᕐᓇᖅᐸᓚᐅᖅᑐᓂᒃ ᐊᑐᖅᑕᐅᓕᕈᓐᓇᕐᓂᖅ, ᓄᓇᓕᖕᓂ.

A1 ᐃᓚᒋᓕᐅᑎᓯᒪᔪᖅ: ᑐᑭᑦ ᑎᑎᕋᖅᓯᒪᓪᓗᐊᑕᐅᔪᓂᑦ

A1.1 ᐃᓄᒋᐊᓐᓂᖏᑦ, ᑭᓪᓕᓯᓂᐊᖅᑕᐅᓯᒪᔪᑦ ᐊᕕᑦᑐᖅᓯᒪᔪᑦ ᐊᒻᒪ ᓄᓇᖓ

ᐃᓄᒋᐊᓐᓂᖏᑦ

ᐱᖃᓯᐅᔾᔨᔪᖅ ᐊᑕᖏᖅᑐᓂ ᓈᓴᖅᑕᐅᓯᒪᔪᑦ ᐃᓄᒋᐊᓐᓂᖏᑦ ᓄᓇᕗᒻᒥ, ᑲᓇᑕᒥᐅᑕᐅᔪᑦ (ᑕᒪᑦᑎ ᐃᓅᕕᒥᓂᖓ ᐊᒻᒪ ᑲᓇᑕᒦᖏᓐᓇᓂᕐᒧᑦ), ᓄᓇᕐᔪᐊᑉ ᐊᓯᐊᓃᖔᖅᓯᒪᔪᑦ ᐊᒻᒪ ᑲᓇᑕᒦᖏᓐᓇᖏᑦᑐᑦ ᐊᒻᒪ ᐃᓚᖏᑦ ᐃᓅᖃᑎᒋᔭᖏᑦ ᑲᓇᑕᒥ.

ᑭᓪᓕᓯᓂᐊᖅᑕᐅᓯᒪᔪᓂᑦ, ᐊᖏᕋᕆᔭᐅᔪᓕᒫᑦ ᓄᓇᕗᒻᒥ ᐱᓚᐅᖅᑐᑦ ᑕᑭᔪᒥᑦ ᑕᑕᑎᕆᐊᓕᒻᒥᑦ, ᐱᖃᓯᐅᔾᔨᖏᑦᑐᖅ ᑲᓇᑕᒥᐅᑕᓂᑦ ᓄᓇᖃᑲᐃᓐᓇᖅᑐᑦ ᐊᓯᐊᓂᑦ ᓄᓇᕐᔪᐊᓂᑦ, ᐃᓚᒋᔭᐅᖏᓐᓇᖅᑐᑦ ᑲᓇᑕᒥ ᐅᓇᑕᖅᑐᓕᓕᕆᔩᑦ ᑲᓇᑕᐅᑉ ᓯᓚᑖᓃᑦᑐᑦ, ᐃᓄᐃᑦ ᐱᓕᕆᕕᓐᓃᑦᑐᑦ ᖃᐅᔨᒪᔭᐅᔪᑦ ᐃᓪᓗᐃᑦ ᓲᕐᓗ ᐋᓐᓂᐊᕖᑦ, ᐃᓐᓇᑐᖃᒃᑯᕖᑦ ᐊᒻᒪ ᑎᒍᔭᐅᒪᕖᑦ, ᐊᒻᒪ ᐃᓄᐃᑦ ᐊᖏᕋᖃᖅᑐᑦ ᐱᓕᕆᕕᐅᖏᑦᑐᓂᑦ ᐃᓪᓗᓂᑦ ᓲᕐᓗ ᑐᐱᕐᕖᑦ, ᑐᔪᕐᒥᕖᑦ ᐊᒻᒪ ᐅᓐᓄᐊᖏᓐᓇᒃᑯᑦ ᑐᔪᕐᒥᕖᑦ, ᐊᒻᒪ ᐃᓕᓐᓂᐊᖅᑎᓄᑦ ᓇᔪᖅᑕᐅᔪᑦ. ᑐᑭᓯᒋᐊᑲᓐᓂᕈᒪᒍᕕᑦ, ᑕᑯᒍᒃ ᑭᓪᓕᓯᓂᐊᖅᑕᐅᓯᒪᔪᑦ ᐊᒥᓲᓂᖏᑦ.

ᓄᓇᕗᑖᕈᑎᒦᖃᑕᐅᔪᖅ

ᑭᓪᓕᓯᓂᐊᖅᑕᐅᓯᒪᔪᓂᑦ ᐊᒻᒪ ᓄᓇᖃᖅᑳᖅᓯᒪᔪᓂᑦ ᐃᓄᓐᓂᑦ ᖃᐅᔨᓴᕐᓂᖅ, ᓄᓇᕗᒻᒥ ᐃᓄᐃᑦ ᐊᒥᓲᓂᖏᑦ ᓂᕈᐊᖅᑕᐅᓚᐅᖅᑐᖅ ᐃᓄᑐᐊᒡᒍᑎᒍᑦ ᓇᓗᓇᐃᖅᓯᓚᐅᖅᑐᑦ ᐃᒪᐃᑦᑑᓂᕋᖅᑐᑎᑦ “ᐃᓄᒃ (ᐃᓄᐃᑦ) ᐊᑕᐅᓯᖅ ᓇᓗᓇᐃᒃᑯᑕᖅ” ᐊᒻᒪ ᓄᓇᖃᖅᑐᓂ ᓄᓇᕗᒻᒥ.

ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᖃᐅᔨᓴᕐᓂᐅᔪᓂᑦ, ᓄᓇᕗᒻᒥ ᐃᓄᐃᑦ ᐊᑕᐅᓯᒡᒍᑏᑦ ᓇᓗᓇᐃᖅᓯᓚᐅᖅᑐᑦ ᐊᑎᖃᖃᑕᐅᓪᓗᑎ ᓄᓇᕗᒻᒥ ᐊᖏᕈᒻᒥᑦ. ᑭᐅᓯᒪᔪᑦ ᐃᒻᒥᓂᒃ−ᓇᓗᓇᐃᖅᓯᔪᓐᓇᖅᑐᑦ ᑐᓐᖓᓂᖃᖅᑐᑦ ᐃᓚᒋᔭᐅᓚᐅᕐᒪᖔᑕ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᑎᓕᐅᖅᓯᒪᔪᓂᑦ ᑎᑎᕋᖅᓯᒪᔪᓂᑦ.Footnote 6 ᐃᓄᐃᑦ ᐱᔪᓐᓇᖅᑎᑕᐅᔪᑦ ᐊᑎᓕᐅᓂᕐᒧᑦ ᐃᒪᐃᑦᑑᒍᑎ:

  • ᑲᓇᑕᒥᐅᑕᖅ
  • ᐃᓄᒃ ᒪᓕᑦᑐᒍ ᐃᓄᐃᑦ ᐱᖅᑯᓯᖏᑦ ᐊᒻᒪ ᐊᑐᖅᑕᐅᓂᖏᑦ
  • ᓇᓗᓇᐃᕐᓗᒍ ᐃᓅᓗᒍ

ᓄᓇᓕᒃ

ᓄᓇᓖᑦ ᓇᓗᓇᐃᖅᑕᐅᔪᑦ ᑭᓪᓕᓯᓂᐊᖅᑎᓄᑦ ᐊᕕᑦᑐᖅᓯᒪᔪᓄᑦ.

A1.2 ᐃᖅᑲᓇᐃᔭᕐᓂᖅ ᐊᒻᒪ ᐃᖅᑲᓇᐃᔭᕈᓐᓇᖅᑐᑦ

ᐃᖅᑲᓇᐃᔭᖅᑏᑦ

ᓇᓗᓇᐃᖅᓯᔪᖅ ᐃᓄᓐᓂᑦ ᐊᕐᕌᒍᓖᑦ 15 ᐊᒻᒪ ᐅᖓᑖᓄᑦ ᐃᒪᐃᑦᑑᔪᑦ, ᖃᓄᐃᓕᖓᓂᖓᓄᑦ ᐱᓇᓱᐊᕈᓯᖓᓂᑦ, ᐃᖅᑲᓇᐃᔭᓚᐅᖅᑐᑦ ᐅᕝᕙᓘᓐᓃᑦ ᐃᖅᑲᓇᐃᔭᓚᐅᖏᑦᑐᑦ.

ᐃᖅᑲᓇᐃᔭᕈᓐᓇᖅᑐᑦ = ᐃᖅᑲᓇᐃᔭᖅᑎᑕᐅᔪᑦ + ᐃᖅᑲᓇᐃᔭᓚᐅᖏᑦᑐᑦ

ᐱᓕᕆᖃᑦᑕᖅᓯᒪᔪᑦ ᐃᖅᑲᓇᐃᔭᕈᓐᓇᖅᑐᑦ

ᓇᓗᓇᐃᖅᓯᔪᖅ ᐃᓄᓐᓂᑦ ᐊᕐᕌᒍᓖᑦ 15 ᐊᒻᒪ ᐅᖓᑖᓄᑦ ᒫᓐᓇᐅᔪᒥᑦ ᐃᖅᑲᓇᐃᔭᕈᓐᓇᖅᑐᑎᑦ ᐃᖅᑲᓇᐃᔭᖅᑐᑦ ᐅᕝᕙᓘᓐᓃᑦ ᐃᖅᑲᓇᐃᔭᓚᐅᖅᑐᑦ ᖃᖓᑐᐃᓐᓇᒃᑯᑦ ᒫᓐᓇᕋᑖᖑᔪᒃᑯᑦ (ᓲᕐᓗ ᐊᕐᕌᓂᓂᑦ).

ᐃᖅᑲᓇᐃᔭᖅᑐᑦ

ᐃᓄᐃᑦ ᐃᒪᐃᓐᓂᖃᖅᑐᑦ, ᖃᓄᐃᓕᖓᓂᖓᓄᑦ ᐱᓇᓱᐊᕈᓯᖓᓂᑦ:

  1. ᐃᖅᑲᓇᐃᔭᓚᐅᖅᑐᑦ ᐃᖅᑲᓇᐃᔮᒥᑦ ᐅᕝᕙᓘᓐᓃᑦ ᓇᒻᒥᓂᐅᔪᒥᑦ
  2. ᐃᖅᑲᓇᐃᔮᖃᓚᐅᖅᑐᖅ ᑭᓯᐊᓂ ᐃᖅᑲᓇᐃᔭᕐᕕᖓᓃᓚᐅᖏᑦᑐᑦ ᐱᔾᔪᑎᖃᖅᑐᑎᑦ ᐋᓐᓂᐊᓂᖏᓐᓄᑦ ᐅᕝᕙᓘᓐᓃᑦ ᐊᔪᕈᑎᖃᓂᕐᒧᑦ, ᐃᒻᒥᒧᑦ ᐅᕝᕙᓘᓐᓃᑦ ᐃᓚᖏᓐᓄᑦ ᑲᒪᒋᔭᐅᔭᕆᐊᓖᑦ, ᕿᑲᕐᓂᖅ ᐅᕝᕙᓘᓐᓃᑦ ᐃᖅᑲᓇᐃᔭᖅᑏᑦ ᓈᒪᓴᖏᑎᓪᓗᒋᑦ.

ᐃᖅᑲᓇᐃᔭᖏᑦᑐᑦ

ᐃᓄᐃᑦ ᐃᒪᐃᓐᓂᖃᖅᑐᑦ, ᖃᓄᐃᓕᖓᓂᖓᓄᑦ ᐱᓇᓱᐊᕈᓯᖓᓂ, ᐃᖅᑲᓇᐃᔭᒪᐅᖏᑦᑐᑦ ᐊᒻᒪ ᐃᖅᑲᓇᐃᔮᒥᑦ ᕿᓂᓚᑦᑖᓚᐅᖅᑐᑦ ᐃᖅᑲᓇᐃᔮᒥᑦ, ᓄᖅᑲᖓᑎᑕᐅᑲᐃᓐᓇᓚᐅᖅᑐᑦ, ᐅᕝᕙᓘᓐᓃᑦ ᐃᖅᑲᓇᐃᔮᖃᓚᐅᖅᑐᑦ ᐱᒋᐊᕐᕕᖃᓂᐊᖅᑐᑎᑦ ᐃᓗᐊᓂ ᑎᓴᒪᓂᑦ ᐱᓇᓱᐊᕈᓯᕐᓂᑦ.

ᐃᖅᑲᓇᐃᔭᖏᑦᑐᑦ ᖁᕝᕙᓯᓐᓂᖏᑦ

ᐊᒥᓲᓂᖏᑦ ᐃᖅᑲᓇᐃᔭᖏᑦᑐᑦ ᐃᓄᐃᑦ ᐃᓚᒋᓪᓗᓂᐅᒃ ᐃᖅᑲᓇᐃᔭᕈᓐᓇᖅᑐᓂᑦ (ᐃᖅᑲᓇᐃᔭᖅᑐᖅ ᐊᒻᒪ ᐃᖅᑲᓇᐃᔭᖏᑦᑐᖅ).

ᐃᖅᑲᓇᐃᔭᕈᓐᓇᖅᑐᑦ ᐃᓚᐅᖃᑕᐅᓂᖏᑦ ᖁᕝᓯᓐᓂᖏᑦ

ᑲᑎᑦᑐᒋᑦ ᐊᒥᓲᓂᖏᑦ ᐃᓄᐃᑦ ᐃᖅᑲᓇᐃᔭᓚᐅᖅᑐᑦ ᐅᕝᕙᓘᓐᓃᑦ ᐃᖅᑲᓇᐃᔭᓚᐅᖏᑦᑐᑦ ᐃᓚᒋᔭᐅᓪᓗᑎ ᐃᖅᑲᓇᐃᔭᕈᓐᓇᖅᑐᓂᑦ ᐊᕐᕌᒍᓕᓐᓂᑦ.

ᐃᖅᑲᓇᐃᔭᖃᑕᐅᖏᑦᑐᑦ

ᐃᖅᑲᓇᐃᔭᕈᓐᓇᖅᑐᓂᑦ ᐊᕐᕌᒍᓖᑦ ᐃᓄᐃᑦ, ᖃᓄᐃᓕᖓᓂᖓᓄᑦ ᐱᓇᓱᐊᕈᓯᖓᓂ, ᐃᖅᑲᓇᐃᔭᓚᐅᖅᑐᑦ ᐅᕝᕙᓘᓐᓃᑦ ᐃᖅᑲᓇᐃᔭᓚᐅᖏᑦᑐᑦ, ᐆᑦᑑᑎᒋᓗᒍ, ᐃᓄᐃᑦ ᐃᖅᑲᓇᐃᔭᐃᓐᓇᓚᐅᖅᑐᑦ ᐃᓕᓐᓂᐊᖅᑏᑦ ᒫᓐᓇᐅᔪᒥᑦ ᐃᓕᓐᓂᐊᖅᑐᑦ, ᐊᖏᕋᒥ ᑲᒪᔩᑦ, ᓄᖅᑲᕕᔅᓯᒪᔪᑦ ᐃᖅᑲᓇᐃᔭᖅᑏᑦ, ᐊᕐᕌᒍᐃᓗᐊᓂ ᐃᖅᑲᓇᐃᔭᑲᐃᓐᓇᖃᑦᑕᖅᑐᑦ ‘ᓄᖅᑲᖓᑎᓪᓗᒋᑦ’ ᕿᓂᓚᐅᖏᑦᑐᑦ ᐃᖅᑲᓇᐃᔮᒥᑦ, ᐊᒻᒪ ᐃᓄᐃᑦ ᐃᖅᑲᓇᐃᔭᕈᓐᓇᓚᐅᖏᑦᑐᑦ ᐱᔾᔪᑎᒋᓪᓗᒍ ᐊᑯᓂᐅᔪᒧᑦ ᐋᓐᓂᐊᓂᕐᒧᑦ ᐅᕝᕙᓘᓐᓃᑦ ᐊᔪᕈᑎᖃᓂᕐᒧᑦ.

ᐃᓄᐃᑦ ᑭᒡᒐᖅᑐᐃᓂᖏᑦ ᖁᕝᕙᓯᓐᓂᖏᑦ

ᐊᒥᓲᓂᖏᑦ ᐃᓄᐃᑦ ᐃᓚᒋᓪᓗᒋᑦ ᑲᑎᑦᑐᒋᑦ ᐃᓄᒋᐊᓐᓂᖏᑦ (ᐃᓄᐃᑦ ᐊᒻᒪ ᐃᓄᓪᓚᑦᑖᖑᖏᑦᑐᑦ) ᐃᖅᑲᓇᐃᔭᕈᓐᓇᖅᑐᓂᑦ ᑲᑎᓐᖓᔪᓂᑦ.

  1. ᐃᓄᐃᑦ ᐃᓚᒋᓪᓗᓂᒋᑦ ᐃᖅᑲᓇᓇᐃᔭᕈᓐᓇᖅᑐᑦ: ᐊᕐᕌᒍᓖᑦ ᐃᓄᒋᐊᓐᓂᖏᑦ: ᐊᒥᓲᓂᖏᑦ ᐃᓄᐃᑦ ᐃᓚᒋᓪᓗᓂᒋᑦ ᑲᑎᑦᑐᒋᑦ (ᐃᓄᐃᑦ + ᐃᓄᓪᓚᑦᑖᖑᖏᑦᑐᑦ) ᐃᖅᑲᓇᐃᔭᕈᓐᓇᖅᑐᑦ ᐊᕐᕌᒍᓖᑦ ᐃᓄᒋᐊᓐᓂᖏᑦ.
  2. ᐃᓄᐃᑦ ᐃᓚᒋᓪᓗᓂᒋᑦ ᐃᖅᑲᓇᓇᐃᔭᕈᓐᓇᖅᑐᑦ: ᐊᒥᓲᓂᖏᑦ ᐃᓄᐃᑦ ᑲᑎᑦᑐᒋᑦ ᐃᖅᑲᓇᐃᔭᕈᓐᓇᖅᑐᓂᑦ.
  3. ᐃᓄᐃᑦ ᐃᓚᒋᓪᓗᓂᒋᑦ ᐃᖅᑲᓇᐃᔭᓚᐅᖅᑐᑦ: ᐊᒥᓲᓂᖏᑦ ᐃᓄᐃᑦ ᐃᓚᒋᓪᓗᓂᒋᑦ ᑲᑎᑦᑐᒋᑦ ᐃᖅᑲᓇᐃᔭᖅᑐᑦ.
  4. ᐃᓄᐃᑦ ᐃᓚᒋᓪᓗᓂᒋᑦ ᐃᖅᑲᓇᐃᔭᖏᑦᑐᑦ: ᐊᒥᓲᓂᖏᑦ ᐃᓄᐃᑦ ᐃᓚᒋᓪᓗᓂᒋᑦ ᑲᑎᑦᑐᒋᑦ ᐃᖅᑲᓇᐃᔭᖏᑦᑐᑦ.
  5. ᐃᓄᐃᑦ ᐃᓚᒋᓪᓗᓂᒋᑦ ᑲᑎᑦᑐᒋᑦ ᐃᖅᑲᓇᐃᔭᕈᓐᓇᖅᑐᓃᖏᑦᑐᑦ: ᐊᒥᓲᓂᖏᑦ ᐃᓄᐃᑦ ᐃᓚᒋᓪᓗᓂᒋᑦ ᑲᑎᑦᑐᒋᑦ ᐃᖅᑲᓇᐃᔭᕈᓐᓇᖅᑐᓃᖏᑦᑐᑦ.

ᐃᓄᐃᑦ ᑭᒡᒐᖅᑐᐃᓂᖏᑦ ᒐᕙᒪᒃᑯᓐᓂᑦ ᐃᖅᑲᓇᐃᔮᔅᓴᓂᑦ ᑐᓂᔭᐅᔪᑦ ᐃᒪᐃᓕᖓᓪᓗᑎ:

  1. ᐊᒥᓲᓂᖏᑦ ᐃᓄᐃᑦ ᐃᓚᒋᓪᓗᓂᒋᑦ ᑲᑎᑦᑐᒋᑦ ᐃᓐᓄᑦᑕᐅᓯᒪᔪᑦ ᐊᒻᒪ ᐃᓐᓄᑦᑕᐅᓯᒪᖏᑦᑐᑦ ᐃᖅᑲᓇᐃᔮᔅᓴᐃᑦ.
  2. ᐊᒥᓲᓂᖏᑦ ᐃᓄᐃᑦ ᐃᖅᑲᓇᐃᔭᖅᑏᑦ ᐃᓚᒋᓪᓗᓂᒋᑦ ᑲᑎᑦᑐᒋᑦ ᐃᓐᓄᑦᑕᐅᓯᒪᔪᑦ ᐃᖅᑲᓇᐃᔮᔅᓴᐃᑦ.

A1.3 ᐃᖅᑲᓇᐃᔮᖅ ᖃᓄᐃᑦᑑᓂᖓ ᐊᒻᒪ ᐱᓕᕆᓂᖓ

ᐃᖅᑲᓇᐃᔮᖅ ᖃᓄᐃᑦᑑᓂᖓ (ᑐᓐᖓᓂᖃᖅᑐᑦ ᑲᓇᑕᒥ ᐃᖅᑲᓇᐃᔮᖅ ᖃᓄᐃᑦᑑᓂᖏᓐᓄᑦ ᓇᓗᓇᐃᖅᑕᐅᓂᖏᑦ)

“ᐃᖅᑲᓇᐃᔮᖅ ᖃᓄᐃᑦᑑᓂᖓ” ᓇᓗᓇᐃᖅᓯᔪᖅ ᖃᓄᑦᑑᓂᖓ ᐃᖅᑲᓇᐃᔭᑦᑕᐅᔪᖅ ᐃᖅᑲᓇᐃᔮᒥᑦ, ᐃᖅᑲᓇᐃᔮᖑᔪᖅ ᐱᓕᕆᐊᖃᖅᑐᖅ ᐱᓕᕆᐊᒋᐊᓕᓕᒫᖏᓐᓂᑦ ᓇᓗᓇᐃᖅᑕᐅᓯᒪᔪᑦ ᐃᖅᑲᓇᐃᔭᖅᑎᒧᑦ ᐱᔭᕇᓂᐊᕐᓗᓂᒋᑦ ᑲᒪᒋᔭᕆᐊᖃᖅᑕᖏᑦ. ᐃᖅᑲᓇᐃᔮᖅ ᖃᓄᐃᑦᑑᓂᖓ ᐋᖅᑭᔅᓯᒪᔪᑦ ᐃᖅᑲᓇᐃᔮᑦ ᐊᐅᓚᓂᖃᑦᑎᐊᖅᑐᒥᑦ ᐊᔾᔨᐸᓗᖓᓂ ᐃᖅᑲᓇᐃᔭᖅᑕᐅᔪᖅ.

ᖃᓄᐃᑦᑑᓂᖓ ᐃᖅᑲᓇᐃᔭᖅᑕᐅᔪᖅ ᓇᓗᓇᐃᖅᑕᐅᓯᒪᔪᖅ ᐱᓕᕆᒋᐊᓕᖏᑦ, ᐃᖅᑲᓇᐃᔮᕆᒋᐊᓕᖏᑦ ᐊᒻᒪ ᑲᒪᒋᔭᕆᐊᓕᖏᑦ, ᐱᖃᓯᐅᔾᔨᒐᔪᑦᑐᖅ ᐱᔾᔪᑕᐅᔪᓂᑦᓲᕐᓗ ᓱᓇᒃᑯᑖᑦ ᐱᕙᓪᓕᐊᑎᑕᐅᔪᑦ ᕝᕙᓘᓐᓃᑦ ᐊᑐᖅᑕᐅᔪᑦ, ᐱᓕᕆᕕᑎᒍᑦ ᐱᕙᓪᓕᐊᑎᑕᐅᔪᑦ ᐊᑐᖅᑕᐅᔪᑦ, ᓱᓇᒃᑯᑖᖅ ᐊᑐᖅᑕᐅᔪᖅ, ᐊᒻᒪ ᑭᓱᑐᐃᓐᓇᐃᑦ ᐅᕝᕙᓘᓐᓃᑦ ᐱᔨᑦᑎᓂᕐᒧᑦ ᐱᑕᖃᖅᑎᑕᐅᔪᑦ. ᐃᖅᑲᓇᐃᔮᖅ ᖃᓄᐃᑦᑑᓂᖓ ᐊᔾᔨᒌᒐᔪᑦᑐᑦ ᐱᔾᔪᑎᖃᖅᑐᑎ ᐱᓕᕿᔪᓐᓇᕐᓃᑦ ᖃᓄᐃᑦᑑᓂᖓ ᐊᒻᒪ ᐱᓕᕆᔪᓐᓇᕐᓃᑦ ᖁᕝᕙᓯᓐᓂᖓ.

ᐃᖅᑲᓇᐃᔮᖅ ᖃᓄᐃᑦᑑᓂᖓ ᓇᓗᓇᐃᖅᑕᐅᔪᑦ ᐊᑐᖅᑐᑎ ᑲᓇᑕᒥ ᐃᖅᑲᓇᐃᔮᖅ ᖃᓄᐃᑦᑑᓂᖏᓐᓄᑦ ᓇᓗᓇᐃᖅᑕᐅᓂᖏᑦ (NOC) ᐊᑐᖅᑕᐅᔪᖅ. 2016−ᒥ ᑭᓪᓕᓯᓂᐊᖅᑕᐅᓯᒪᔪᓂᑦ, ᑲᓇᑕᒥ ᐃᖅᑲᓇᐃᔮᖅ ᖃᓄᐃᑦᑑᓂᖏᓐᓄᑦ ᓇᓗᓇᐃᖅᑕᐅᓂᖏᑦ 2016 ᐊᑐᖅᑕᐅᓚᐅᖅᑐᖅ. ᑕᑯᓗᒋᑦ ᐅᑯᐊ ᑐᑭᓯᒋᐊᒃᑲᓐᓂᕈᒪᒍᕕᑦ ᑕᑯᓗᒋᑦ ᑲᓇᑕᒥ ᐃᖅᑲᓇᐃᔮᖅ ᖃᓄᐃᑦᑑᓂᖏᓐᓄᑦ ᓇᓗᓇᐃᖅᑕᐅᓂᖏᑦ – ᑭᓱᓕᕆᔾᔪᑏᑦ ᐊᒻᒪ ᓴᓇᕐᕈᑏᑦ.

ᐃᖅᑲᓇᐃᔮᖅ ᖃᓄᐃᑦᑑᓂᖓ ᑐᑭᓯᒋᐊᕈᑏᑦ ᐊᑐᐃᓐᓇᐅᔪᑦ ᐅᑯᓄᖓ:

  1. ᐃᖅᑲᓇᐃᔭᖅᑐᓄᑦ ᐃᓄᓐᓄᑦ
  2. ᐃᓄᓐᓄᑦ ᐃᖅᑲᓇᐃᔭᕋᑖᖅᓯᒪᔪᓄᑦ.

ᐱᓕᕆᔭᐅᓂᖓ (ᑐᓐᖓᓂᖃᖅᑐᖅ ᑲᓇᑕᒥ ᒥᐊᓕᒐᒥᓗ ᐱᓕᕆᕕᓐᓄᑦ ᓇᓗᓇᐃᖅᑕᐅᓂᖏᑦ ᐊᑐᖅᑕᐅᔪᖅ)

“ᐱᓕᕆᔭᐅᓂᖓ” ᓇᓗᓇᐃᖅᓯᔪᖅ ᐊᔾᔨᒌᒐᔪᑦᑐᓂᑦ ᑲᑎᓐᖓᔪᓂᑦ ᑮᓇᐅᔭᓕᕆᓂᕐᒧᑦ ᓴᖅᑭᑎᑦᑎᓂᕐᒧᑦ, ᐱᖃᑕᐅᑎᑕᐅᔪᖅ ᓇᓗᓇᐃᖅᓯᒪᔪᓂᑦ ᐋᖅᑭᔅᓯᒪᔪᓂᑦ ᐱᓕᕆᔭᐅᔪᓂᑦ. ᐱᓕᕆᓂᐅᔪᖅ ᐱᓗᐊᖅᑐᒥᑦ ᐊᑐᖅᑕᐅᔪᖅ ᑲᑎᑦᑎᑕᐅᓪᓗᑎ ᑭᓱᑐᐃᓐᓇᐃᑦ ᐊᒻᒪ ᐱᔨᑦᑎᕈᑏᑦ, ᐃᖅᑲᓇᐃᔭᓂᕐᒧᑦ ᐊᒻᒪ ᐊᑭᑐᔪᓄᑦ ᓴᖅᑭᑎᑦᑎᓗᑎ ᐊᑕᐅᓯᕐᒥᑦ ᐅᕝᕙᓘᓐᓃᑦ ᐊᑕᐅᓯᐅᓗᐊᖅᑐᒥᑦ ᑭᓱᑐᐃᓐᓇᕐᓂᑦ ᐊᒻᒪ/ᐅᕝᕙᓘᓐᓃᑦ ᐱᔨᑦᑎᕈᑎᓂᑦ (ᓂᐅᕕᐊᔅᓴᐃᑦ). ᐊᒥᓲᓂᖅᓴᓂᓪᓕ ᐃᓚᖏᓐᓂᑦ, ᐱᓕᕆᔭᐅᔪᑦ ᓇᓗᓇᐃᖅᓯᔪᖅ ᐱᓕᕆᔭᐅᓂᖓ ᐊᔾᔨᒌᓐᓂᖃᖅᑐᓂ ᐱᔾᔪᑎᖃᖅᑐᓂᑦ ᓴᖅᑭᖅᑎᑕᐅᕙᓪᓕᐊᓂᖏᓐᓄᑦ ᐊᑐᖅᑕᐅᔪᑦ.

ᐱᓕᕿᔭᐅᓂᖏᑦ ᓇᓗᓇᐃᖅᑕᐅᔪᑦ ᒪᓕᑦᑐᑎᑦ ᑲᓇᑕᒥ ᒥᐊᓕᒐᒥᓗ ᐱᓕᕆᕕᓐᓄᑦ ᓇᓗᓇᐃᖅᑕᐅᓂᖏᑦ. 2016−ᒥ ᑭᓪᓕᓯᓂᐊᖅᑕᐅᓯᒪᔪᓂᑦ, ᑲᓇᑕᒥ ᒥᐊᓕᒐᒥᓗ ᐱᓕᕆᕕᓐᓄᑦ ᓇᓗᓇᐃᖅᑕᐅᓂᖏᑦ 2012 ᐊᑐᖅᑕᐅᓂᖓ ᐊᑐᖅᑕᐅᓚᐅᖅᑐᖅ. ᑐᑭᓯᒋᐊᒃᑲᓐᓂᕈᒪᒍᑯᑦ, ᐅᕗᓐᖓᕐᓗᑎᑦ ᑲᓇᑕᒥ ᒥᐊᓕᒐᒥᓗ ᐱᓕᕆᕕᓐᓄᑦ ᓇᓗᓇᐃᖅᑕᐅᓂᖏᑦ (NAICS) ᑲᓇᑕ 2012.

ᐱᓕᕆᕕᒻᒧ ᑐᑭᓯᒋᐊᕈᑏᑦ ᐊᑐᐃᓐᓇᐅᔪᑦ ᐅᑯᓄᖓ:

  1. ᐃᖅᑲᓇᐃᔭᖅᑐᓄᑦ ᐃᓄᓐᓄᑦ
  2. ᐃᓄᓐᓄᑦ ᐃᖅᑲᓇᐃᔭᕋᑖᖅᓯᒪᔪᓄᑦ.

ᓄᓇᕗᒻᒥ ᑭᒃᑯᑐᐃᓐᓇᐃᑦ ᐃᓄᓄᑦ

ᓄᓇᕗᒻᒥ ᑭᒃᑯᑐᐃᓐᓇᐃᑦ ᐃᓄᓄᑦ ᐱᖃᓯᐅᔾᔨᔪᖅ ᐃᓄᓐᓂᑦ ᐊᐅᓚᑦᑎᔪᑦᒃ (ᒐᕙᒪᑐᖃᒃᑯᑎᒍᑦ, ᓄᓇᕗᒻᒥ, ᐊᒻᒪ ᓄᓗᓇᓕᒻᒥ ᖁᕝᕙᓯᓐᓂᖏᑦ), ᐊᒻᒪᓗᒃᑲᓐᓃᑦ ᐃᖅᑲᓇᐃᔮᖅ ᖃᓄᐃᑦᑑᓂᖏᑦ ᐋᓐᓂᐊᖅᑐᓕᕆᓂᕐᒥᑦ ᐊᒻᒪ ᐃᓄᓐᓂᑦ ᐃᑲᔪᕐᓂᖅ, ᐃᓕᓐᓂᐊᑎᑦᑎᓂᕐᒧᑦ ᐱᔨᑦᑎᖅᑕᑦ ᐊᒻᒪ ᐃᓄᑐᐊᒍᑎᓄ ᐊᒻᒪ ᐃᓚᒌᓄᑦ ᐱᔨᑦᑎᖅᑕᑦ.

A1.4 ᐃᓕᓐᓂᐊᕐᓂᓕᕆᓂᖅ

ᐃᓕᓐᓂᐊᕐᓂᓕᕆᓂᕐᒧᑦ ᐱᓯᒪᑦᑎᓂᖅ

ᖃᐅᔨᓴᖅᑐᖅ ᐃᓄᒻᒧᑦ ᖁᕝᕙᓯᓛᕆᔭᖓ ᐱᔭᕇᖅᓯᒪᔪᓂᑦ ᐃᓕᓐᓂᐊᓂᕐᒧᑦ.

“ᐃᓕᓐᓂᐊᕆᐊᒃᑲᓂᕐᓂᖅ (ᐃᓕᓐᓂᐊᕐᕕᐊᓗᑦ) ᐃᓕᓐᓂᐊᕐᕕᒃ ᓇᓗᓇᐃᒃᑯᑕᖅ ᐱᔭᕇᖅᓯᓂᕐᒧᑦ ᐅᕝᕙᓘᓐᓃᑦ ᐊ−ᒡᐸᓗᐊᓂᑦ ᓇᓗᓇᐃᒃᑯᑕᖅ” ᓇᓗᓇᐃᖅᓯᔪᖅ ᐃᓅᔪᖅ ᐱᔭᕇᖅᓯᓯᒪᒻᒪᖔᖅ ᐱᔭᕇᖅᓯᓯᒪᖏᒻᒪᖔᕐᓘᓐᓃᑦ ᐃᓕᓐᓂᐊᕆᐊᒃᑲᓂᓂᕐᒧᑦ ᐅᕝᕙᓘᓐᓃᑦ ᐃᓕᓐᓂᐊᕐᕕᐊᓗᒻᒥᑦ ᐱᔭᕇᖅᓯᓂᕐᒥᑦ ᓇᓗᓇᐃᒃᑯᑕᖅ, ᐅᕝᕙᓘᓐᓃᑦ ᐊᔾᔨᐸᓗᐊᓂᑦ ᓇᓗᓇᐃᒃᑯᑕᒥᑦ. ᐃᓕᓐᓂᐊᕆᐊᒃᑲᓂᕐᓂᕐᒧᑦ ᐃᓕᓐᓂᐊᕐᕕᒃ (ᐃᓕᓐᓂᐊᕐᕕᐊᓗᒃ) ᐱᔭᕇᖅᓯᓂᕐᒧᑦ ᓇᓗᓇᐃᒃᑯᑕᖅ ᐅᕝᕙᓘᓐᓃᑦ ᐱᔭᕇᖅᓯᓂᕐᒧᑦ ᓇᓗᓇᐃᒃᑯᑕᖅ ᐱᖃᓯᐅᔾᔨᔪᑦ ᐃᓕᓐᓂᐊᓂᕐᒧᑦ ᐅᕝᕙᓘᓐᓃᑦ ᐃᓕᓐᓂᐊᕆᐊᒃᑲᓂᓂᕐᒧᑦ ᓇᓗᓇᐃᒃᑯᑕᖃᓂᖅ ᐃᓕᓐᓂᐊᕐᕕᐊᓗᒻᒥᑦ ᐅᕝᕙᓘᓐᓃᑦ ᓇᓗᓇᐃᒃᑯᑕᐃᑦ ᐱᔭᐅᔪᓐᓇᖅᑐᑦ ᐱᔭᕇᖅᓯᓗᓂ ᐃᓕᓐᓂᐊᕆᐊᒃᑲᓂᓂᕐᒧᑦ ᐃᓕᓐᓂᐊᕕᒻᒥᑦ. ᐃᓕᓐᓂᐊᕐᕕᐊᓗᒻᒥ ᐱᔭᕇᖅᓯᓯᒪᔪᓂᑦ ᐊᔾᔨᐸᓗᖏᓐᓂᑦ ᓇᓗᓇᐃᒃᑯᑕᐃᑦ ᐱᖃᓯᐅᔾᔨᔪᑦ ᐱᔭᕇᖅᓯᓯᒪᓴᑦᑎᐊᓂᕐᒧᑦ ᐃᓕᓐᓂᐊᕐᕕᐊᓗᒻᒥᑦ ᐊᔾᔨᐸᓗᐊᓂᑦ ᖃᐅᔨᓴᖅᑕᐅᓂᕐᒧᑦ ᓲᕐᓗ ᐃᓕᓐᓂᐊᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ (GED) ᖃᐅᔨᓴᖅᑕᐅᓂᖅ, ᐅᕝᕙᓘᓐᓃᑦ ᐱᓗᓂ ᐃᓐᓇᕐᓄᑦ ᐃᓕᓐᓂᐊᓂᕐᒧᑦ (ABE) ᓇᓗᓇᐃᒃᑯᑕᒥᑦ ᐊᔾᔨᒋᐸᓗᒋᑎᓪᓗᓂᐅᒃ ᐱᔭᕇᖅᓯᓂᕐᒧᑦ ᐃᓕᓐᓂᐊᕆᐊᒃᑲᓂᓂᕐᒧᑦ ᐃᓕᓐᓂᐊᕕᒻᒥ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᓕᓐᓂᐊᕐᓂᓕᕆᓂᕐᒧᑦ ᑐᑭᖏᓐᓂᑦ ᐊᒻᒪ ᐃᓱᒪᒋᔭᐅᔪᓂᑦ, ᖃᐅᔨᒋᐊᕐᕕᒋᒍᒃ ᐃᓕᓐᓂᐊᕐᓂᓕᕆᓂᕐᒧᑦ ᖃᐅᔨᒋᐊᓂᕐᒧᑦ ᐊᑐᐊᒐᐃᑦ, ᑭᓪᓕᓯᓂᐊᖅᑕᐅᓯᒪᔪᑦ ᐊᒥᓲᓂᖏᑦ, 2016.

ᖃᐅᔨᓴᕐᕕᐅᔪᖅ

ᓇᓗᓇᐃᖅᓯᔪᖅ ᐃᓕᓐᓂᐊᑎᑦᑎᓂᖅ ᐅᕝᕙᓘᓐᓃᑦ ᐃᓕᔨᓐᓂᐊᕐᕕᐅᔪᖅ ᐅᕝᕙᓘᓐᓃᑦ ᐃᓕᓐᓂᐊᓂᕐᒧᑦ ᐊᑦᑐᐊᓂᓕᒃ ᓇᓗᓇᐃᖅᓯᒪᔪᒧᑦ ᐃᓕᓐᓂᐊᕋᔅᓴᒧᑦ ᐅᕝᕙᓘᓐᓃᑦ ᐱᓕᕆᐊᒥᑦ ᖃᐅᔨᓴᕐᓂᐅᔪᒥᑦ. ᐊᔾᔨᒌᖏᓐᓂᖏᑦ ᓇᓗᓇᐃᖅᓯᔪᑦ ᐃᓕᓐᓂᐊᕐᓂᓕᕆᓂᓪᓗᐊᑕᖓ ᐅᕝᕙᓘᓐᓃᑦ ᐃᓕᓐᓂᐊᕐᕕᐅᔪᖅ ᐅᕝᕙᓘᓐᓃᑦ ᐃᓕᓐᓂᐊᖅᑎᑕᐅᓂᖓ ᐃᓄᒃ ᖁᑦᑎᓂᖅᐹᒥᑦ ᐱᔭᕇᖅᓯᒪᔭᖓ ᐃᓕᓐᓂᐊᕆᐊᒃᑲᓂᓂᕐᒧᑦ ᓇᓗᓇᐃᒃᑯᑕᖅ, ᐱᔭᕇᖅᓯᓂᕐᒧᑦ ᓇᓗᓇᐃᒃᑯᑕᖅ ᐅᕝᕙᓘᓐᓃᑦ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᖅ, ᓇᓗᓇᐃᖅᑕᐅᔪᑦ ᒪᓕᑦᑐᑎ ᐅᑯᓂᖓ ᓇᓗᓇᐃᖅᑕᐅᓂᖏᑦ ᐱᓕᕆᕕᓐᓄᑦ ᐱᓕᕆᐊᑦ (CIP) ᑲᓇᑕ 2016.

ᑖᓐᓇ ᐊᔾᔨᒌᖏᓐᓂᖓ ᐅᓂᒃᑳᖑᔪᖅ ᐃᓄᓐᓄᑦ 15 −ᓂᑦ ᐊᕐᕌᒍᓕᓐᓄᑦ.

ᖃᐅᔨᓴᓂᕐᒧᑦ, ᐃᖅᑲᓇᐃᔭᐅᑎᓄᑦ, ᓴᓇᓯᒪᔪᓕᕆᓂᕐᒧᑦ, ᐊᒻᒪ ᓈᓴᐅᓯᕆᓂᕐᒧᑦ (STEM) ᖃᐅᔨᓴᕐᕕᐅᔪᖅ

ᓇᓗᓇᐃᖅᓯᔪᖅ ᖃᐅᔨᓴᓂᕐᒧᑦ, ᐃᖅᑲᓇᐃᔭᐅᑎᓄᑦ, ᓴᓇᓯᒪᔪᓕᕆᓂᕐᒧᑦ, ᐊᒻᒪ ᓈᓴᐅᓯᕆᓂᕐᒧᑦ ᐊᒻᒪ ᖃᕋᓴᐅᔭᓂᑦ ᖃᐅᔨᓴᕐᓂᐅᔪᑦ ᖃᐅᔨᓴᕐᕕᐅᔪᒥᑦ.

ᐱᓕᕆᐊᑦ ᓇᓗᓇᐃᖅᑕᐅᔪᑦ ᒪᓕᑦᑐᑎᑦ ᐅᑯᓂᖓ ᓇᓗᓇᐃᖅᑕᐅᓂᖏᑦ ᐱᓕᕆᕕᓐᓄᑦ ᐱᓕᕆᐊᑦ (CIP) ᑲᓇᑕ 2016. ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᓴᓂᕐᒧᑦ, ᐃᖅᑲᓇᐃᔭᐅᑎᓄᑦ, ᓴᓇᓯᒪᔪᓕᕆᓂᕐᒧᑦ, ᐊᒻᒪ ᓈᓴᐅᓯᕆᓂᕐᒧᑦ ᐊᒻᒪ ᐊᓯᔾᔨᖅᑐᓄᑦ ᑐᑭᖏᓐᓄᑦ, ᑕᑯᒍᒃ ᐃᓕᓐᓂᐊᕐᓂᓕᕆᓂᕐᒧᑦ ᖃᐅᔨᒋᐊᓂᕐᒧᑦ ᐊᑐᐊᒐᐃᑦ, ᑭᓪᓕᓯᓂᐊᖅᑕᐅᓯᒪᔪᑦ ᐊᒥᓲᓂᖏᑦ, 2016.

Report a problem or mistake on this page
Please select all that apply:

Thank you for your help!

You will not receive a reply. For enquiries, contact us.

Date modified: