ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᖅ

ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᖅ (ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᖅ) 13 ᑭᓛᒥᑕᓄᑦ ᐅᖓᓯᖕᓂᓕᒃ ᐅᐊᖕᓇᒧᑦ ᑲᓇᖕᓇᒧᑦ ᑰᒐᓇᔪᖕᒥᑦ, ᓄᓇᓅᒥ. ᓴᐳᔾᔨᔪᖅ ᐃᓂᓂᒃ ᐅᓄᖅᑐᐊᓗᖕᓄᑦ ᑕᕆᐅᕐᒥᐅᓄᑦ ᑎᖕᒥᐊᓄᑦ.

ᐱᕐᔪᐊᖑᓂᖓ ᓴᐳᔾᔭᐅᓯᒪᔫᑉ ᓅᓲᓄᑦ ᑎᖕᒥᐊᓄᑦ ᐊᓯᓄᓪᓗ ᐆᒪᔪᓄᑦ

ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᖅ ᑕᓪᓗᕈᑎᐅᑉ ᐃᒪᖓᓃᑦᑐᖅ, 13 ᑭᓛᒥᑕᐸᓗᖕᓄᑦ ᐅᐊᖓᖓᑕ ᑲᓇᖕᓇᖓᑕ ᓄᕗᐊᓂ ᒃᓕᐊᕆᓐᔅ ᓄᕗᐊᓂ, ᑰᒐᓇᔪᖕᒥ ᓄᓇᓅᒥ.  ᑖᓐᓇ ᓴᐳᔾᔭᐅᓯᒪᔪᖅ ᐱᕐᔪᐊᖑᓛᖑᖃᑕᐅᔪᖅ ᐅᓄᖅᑐᓄᑦ ᐊᔾᔨᒌᖏᑦᑐᓄᑦ ᑕᕆᐅᕐᒥᐅᓄᑦ ᑎᖕᒥᐊᒃᑯᕕᒃ ᐅᑭᐅᖅᑕᖅᑐᒥ ᐃᑲᔪᕋᒥ ᐅᓄᖅᑐᐊᓗᖕᓂᒃ ᐃᕙᔪᓂᒃ ᐊᒃᐸᓂᒃ, ᖃᖁᓪᓗᖕᓂᒃ, ᑎᑎᕋᑎᕌᓂᒃ ᐱᑦᑎᐅᓛᓂᒡᓗ. ᐊᒃᐸᐃᑦ ᕿᑭᖅᑕᖓ ᐱᕐᔪᐊᖑᖕᒥᔪᖅ ᑕᕆᐅᕐᒥᐅᓂᒃ ᑎᖕᒥᐊᓂᒃ ᖃᐅᔨᓴᕐᓂᕐᓄᑦ, ᖃᐅᔨᓴᖅᑐᓪᓗ ᑲᔪᓰᓐᓇᖅᓯᒪᔪᑦ ᑕᕝᕙᓂ ᓄᓇᒥ 1975 ᒥᓂᑦ ᓴᖅᑭᔾᔪᑕᐅᓯᒪᕗᖅ ᑭᓱᖃᓛᓂᒃ ᖃᐅᔨᔭᐅᔪᓄᑦ ᑲᑎᙵᔪᓂᒃ ᑕᕆᐅᕐᒥᐅᓄᑦ ᑎᖕᒥᐊᓄᑦ ᖃᐅᔨᓴᕐᓂᕐᓂᑦ ᐅᑭᐅᖅᑕᖅᑐᒥ. ᐊᒃᐸᐃᑦ ᕿᑭᖅᑕᖓ ᒫᓐᓇᐅᔪᖅ ᐊᕙᓗᔭᐅᓯᒪᔪᖅ ᐊᑐᖅᑕᐅᔪᒪᔪᕐᒧᑦ ᑕᓪᓗᕈᑎᐅᑉ ᐃᒪᖓᓂ ᒐᕙᒪᖃᑎᒌᓄᑦ ᑕᕆᐅᕐᓂ ᓴᐳᔾᔭᐅᓯᒪᔪᕐᒧᑦ.

ᓇᓚᐅᑦᑖᖅᑕᐅᓯᒪᔪᖅ 6 ᐳᓴᖏᑦ ᑲᓇᑕᒥ ᐊᒃᐸᖏᑦ, 100,000 ᐸᓗᐃᑦ ᐊᐃᑉᐸᕇᑦ ᑎᖕᒥᐊᑦ, ᐃᕙᓲᑦ ᐊᒃᐸᐃᑦ ᕿᑭᖅᑕᖓᑕ ᖃᖅᑲᖏᓐᓂ. ᐃᓱᐊᓂ ᕿᑐᕐᖏᐅᕐᓂᖏᑕ, ᐅᓄᖅᑐᐊᓗᐃᑦ ᖃᖓᑕᔪᓐᓇᖏᑦᑐᑦ ᐱᐊᕋᐃᑦ ᐊᒃᐸᑦ ᐳᐃᔾᔭᓲᖑᔪᑦ ᐊᒃᐸᐃᑦ ᕿᑭᖅᑕᖓᓂᑦ ᑕᓪᓗᕈᑎᐅᑉ ᐃᒪᖓᒍᑦ ᓂᒋᕐᒧᑦ ᐅᑮᔭᖅᑐᖅᖢᑎᒃ ᐱᓇᖕᓇᖓᓂ ᑲᓛᖦᖡᑦ ᓄᓈᑕ ᓯᒡᔭᖓᓂ ᓚᐸᑐᐊᓪᓗ ᑕᕆᐅᖓᓂ.

ᐊᒃᐸᐃᑦ ᕿᑭᖅᑕᖓ ᐃᓂᒋᔭᐅᖕᒥᔪᖅ ᓇᓚᐅᑦᑖᖅᑕᐅᔪᓄᑦ 11 ᐳᓴᓄᑦ ᑲᓇᑕᒥ ᖃᖁᓪᓗᖕᓂᑦ, ᐃᕙᓲᑦ ᓯᒡᔭᖏᑕ ᖃᖅᑲᖏᓐᓂ ᕿᑭᖅᑕᒥ (ᐃᕙᓇᑎᒃ ᐅᐊᖕᓇᖓᑕ ᓯᒡᔭᖏᓐᓂ). ᑖᒃᑯᐊ 22,000 ᐸᓗᐃᑦ ᐃᕙᔪᑦ ᐊᐃᑉᐸᕇᑦ ᑭᒡᒐᖅᑐᐃᔪᑦ ᐊᕝᕙᖏᑕ ᐅᖓᑖᓄᑦ ᖃᖁᓪᓗᖕᓂᒃ ᕿᑐᕐᖏᐅᖅᑐᓄᑦ ᑕᓪᓗᕈᑐᑎᐅᑉ ᐃᒪᖓᓂ.  ᑲᕆᔅᕕᐅᓪ ᑲᖏᖅᖢᐊ, 170 ᑭᓛᒥᑕᓂᒃ ᐅᖓᓯᖕᓂᓕᒃ ᓂᒋᐊᓂ ᐃᓱᐊᓂ ᑰᒐᓇᔫᑉ, ᐱᕐᔪᐊᖑᔪᖅ ᓂᕆᕝᕕᐅᓪᓗᓂ ᐊᒃᐸᐃᑦ ᕿᑭᖅᑕᖓᑕ ᖃᖁᓪᓗᖏᓐᓄᑦ.

ᕿᕐᓂᖅᑕᓂᒃ ᐃᓯᒐᓖᑦ ᑎᕋᑎᕌᑦ, 29,000 ᐸᓗᐃᑦ ᐊᐃᑉᐸᕇᑦ 16 ᐳᓴᓐᓘᓐᓃᑦ ᑲᓇᑕᒥ ᑎᕋᑎᕌᖏᓐᓂ, ᐃᓂᖃᕐᒥᔪᑦᑕᐅᖅ ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᒥ ᐊᑯᓐᓂᖓᓂ ᒪᐃᑉ ᕿᑎᐊᑕ ᓯᑎᐱᕆᐅᓪᓗ ᓄᙵᐊᓄᑦ. ᑖᒃᑯᐊ ᑎᖕᒥᐊᑦ ᐃᕙᓲᑦ ᓇᓂᕈᓘᔭᖅ  ᐊᒃᐸᓂ ᑕᒪᒃᑮᓂ ᕿᑭᖅᑕᐅᑉ ᖃᖅᖃᖏᓐᓂ ᐅᐊᖕᓇᒥ ᑲᓇᖕᓴᖓᓂᓗ ᑎᕆᖅᑯᐊᓂ. ᑎᕋᑎᕌᑦ ᓂᕆᓇᓱᓲᖑᕗᑦ ᑎᑭᓪᓗᒍ 80 ᑭᒫᒥᑕᓄᑦ ᐅᖓᓯᒃᑎᒋᔪᓄᑦ ᐊᒃᐸᐃᑦ ᕿᑭᖅᑕᖓᓂᑦ ᓯᒡᔭᖏᓐᓂ ᑰᒐᓇᔫᑉ.   

ᓇᓚᐅᖅᑖᖅᑕᐅᕐᒥᔪᖅ 5 ᐳᓴᖏᑦ ᑲᓇᑕᒥᐅᓂᑦ, 4,000 ᐊᐃᑉᐸᕇᓪᓖᓐᓃᑦ, ᐱᑦᑎᐅᓛᑦ ᐃᕙᓲᑦ ᖁᖕᓂᓂ ᓂᒋᐊᑕ ᐱᓇᖕᓇᖓᑕᓗ ᖃᖅᑲᖏᓐᓂ ᐊᒃᐸᐃᑦ ᕿᑭᖅᑕᖓᓂ. ᑖᓐᓇ ᐅᔾᔨᕐᓇᖅᑐᖅ ᐅᓄᓛᓄᑦ ᑲᑎᙵᓂᐅᖕᒪᑕ ᑖᒃᑯᓄᖓ ᑎᖕᒥᐊᓄᑦ ᑲᓇᑕᒥ.

ᑕᒪᒃᑮᓕᒫᑦ ᕿᑐᕐᖏᐅᖅᑐᑦ ᑕᕆᐅᕐᒥᐅᑦ ᑎᖕᒥᐊᑦ ᑕᕝᕙᐅᔪᑦ ᓴᐳᔾᔭᐅᓯᒪᔪᕐᒥ ᕿᑎᐊᓂᑦ ᒪᐃ ᕿᑎᐊᓄᑦ ᓯᑎᐱᕆᐅᑉ ᐊᐅᓪᓚᓲᖑᕗᑦ ᕿᑐᕐᖏᐅᕇᕌᖓᒥᒃ. ᐅᓄᕐᓂᖅᓴᑦ ᐊᐅᓪᓚᓲᑦ ᓂᒋᕐᒧᑦ ᐅᑭᐅᖅᑕᖅᑑᑉ ᐃᓗᐊᓄᑦ, ᐃᓚᖏᑦ ᑭᓯᐊᓂ ᐱᑦᑎᐅᓛᑦ ᐅᑮᓲᖑᓪᓗᑎᒃ ᖁᑦᑎᒃᑐᒥ ᐅᑭᐅᖅᑕᖅᑐᒥ.

ᓱᓕᒃᑲᓐᓂᕐᓄᑦ ᕿᑐᕐᖏᐅᖅᑐᑦ ᑕᕆᐅᕐᒥᐅᑦ ᑎᖕᒥᐊᓄᑦ, ᓴᐳᔾᔭᐅᓯᒪᔪᖅ ᐱᕐᔪᐊᖑᖕᒥᔪᖅ 6ᓄᑦ ᐊᓯᓄᑦ ᐆᒪᔪᓄᑦ ᕿᑐᕐᖏᐅᖅᑐᓄᑦ ᑎᖏᒥᐊᓄᑦ. ᑕᓪᓕᒪᑦ ᐆᒪᔫᖃᑎᒌᖏᑦᑐᑦ, ᐱᓗᐊᖅᑐᒥᒃ ᑕᓪᓕᒪᑦ ᑖᒃᑯᓇᙵᑦ ᐆᒪᔫᖃᑎᒌᖏᑦᑐᓂᑦ, ᐱᓗᐊᖅᑐᒥᒃ ᓂᕐᓕᖕᓇᑦ, ᒥᑏᑦ, ᐃᓱᙵᑦ, ᑐᓗᒐᑦ, ᖃᐅᓪᓗᖅᑖᓪᓗ ᖁᐸᓄᐊᑦ ᕿᑐᕐᖏᐅᓲᖏᓐᓈᓗᐃᑦ ᐅᓄᕋᑎᒃ. ᓇᓚᐅᑦᑖᖅᑕᐅᔪᑦ 75 ᐊᐃᑉᐸᕇᑦ ᓇᐅᔭᕕᒡᔪᐊᑦ ᐃᕙᓲᑦᑕᐅᖅ ᑕᕆᐅᕐᒥᐅᓄᑦ ᑎᖕᒥᐊᓂ ᐃᕙᔪᓂ. ᑖᒃᑯᐊ ᑎᖕᒥᐊᑦ ᐱᓇᓱᓲᑦ ᒪᓐᓂᖏᓐᓂᒃ, ᐱᐊᕋᓂᒃ ᐃᓛᓐᓂᓗ ᐃᓐᓇᓂᒃ ᐊᓯᓂᑦ ᑎᖕᒥᐊᓂᑦ, ᐊᖑᓇᓱᖑᓂᖏᓪᓗ ᐊᒃᑐᐃᓂᖃᓪᓚᒍᓐᓇᖅᑐᑦ  ᕿᑐᕐᖏᐅᑦᑎᐊᕐᓂᖏᓐᓄᑦ ᐊᓰᑦ ᑎᖕᒥᐊᑦ, ᐱᓗᐊᖅᑐᒥᒃ ᐊᒃᐸᓄᑦ.

ᑖᒃᑯᐊᑐᐊᖑᓪᓗᑎᒃ ᐊᕕᙵᑦ, ᓄᓇᒥᐅᑕᖃᖏᑦᑐᖅ ᓂᕐᔪᑎᓂᒃ ᐊᒃᐸᐃᑦ ᕿᑭᖅᑕᖓᓂ.

ᑕᐃᒪᐃᒃᑲᓗᐊᖅᑎᓪᓗᒍ, ᖃᔅᓯᑲᓪᓚᑦ ᓅᒃᑕᖅᑏᑦ ᓂᕐᔪᑏᑦ ᑕᑯᔭᐅᓯᒪᔪᑦ ᕿᑭᖅᑕᒥ ᐱᖃᓯᐅᖦᖢᒋᑦ ᐱᐅᕆᐅᑉ ᑐᒃᑐᖏᑦ, ᐅᑲᓖᑦ, ᑎᕆᒐᓂᐊᑦ ᓇᓄᐃᓪᓗ. ᑕᕆᐅᕐᒥᐅᑦ ᓂᕐᔪᑏᑦ, ᐅᓄᖅᐳᑦ ᐃᒪᖏᓐᓂ ᐊᕙᓗᓯᔪᓄᑦ ᕿᑭᖅᑕᒥᒃ.

ᓄᓇᖓ

ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᖅ, 1992ᒥ ᓴᖅᑎᑕᐅᔪᖅ, ᐊᕙᓗᓯᕗᖅ ᐃᓗᐃᑦᑐᒃᑯᑦ   ᐊᒃᐸᐃᑦ ᕿᑭᖅᑕᖓᓂᒃ ᐱᖃᓯᐅᖦᖢᒋᑦ ᐃᒪᖏᑦ ᐃᓗᐊᓂ ᑕᓪᓕᒪᑦ ᑭᓛᒥᑕᑦ ᓯᒡᔭᒥᑦ. ᐃᓂᖃᖅᖢᓂ 150 ᑭᓛᒥᑕᓂᒃ ᖃᐅᓱᐃᑦᑐᕐᒥᑦ 175 ᑭᓛᒥᑕᓂᒡᓗ ᐅᐊᖕᓇᒧᑦ ᐱᓇᖕᓇᒧᑦ ᐃᒃᐱᐊᕐᔪᖕᒥᑦ, ᑖᓐᓇ ᕿᑭᖅᑕᖅ ᖁᒻᒨᖅᐳᖅ ᓯᕕᖓᓪᓗᓂ ᖁᓛᓂ ᑕᕆᐅᑉ ᐃᒪᖓᑕ, ᑕᓪᓗᕈᑎᐅᑉ ᐃᒪᖓᓂ ᖃᐃᕋᑦᑐᒥᒃ ᖄᖃᖅᖢᓂ, 64 ᓴᓂᒧᑦ ᑐᑭᒧᓪᓗ ᑭᓛᒥᑕᐅᓪᓗᓂ ᕿᑭᖅᑕᖅ. ᐃᓂᒃᓴᖏᑦ ᖁᖕᓃᓪᓗ ᓴᓇᔭᐅᔪᑦ ᐲᔭᖅᐸᓪᓕᐊᔪᓂᑦ ᐅᔭᕋᓂᑦ ᐃᕙᕝᕕᑦᑎᐊᕚᓘᕗᑦ ᐊᔾᔨᒌᖏᑦᑐᓄᑦ ᑕᕆᐅᕐᒥᐅᑦ ᑎᖕᒥᐊᓄᑦ ᐅᓄᖅᖢᑎᒃ ᐅᐸᓲᓄᑦ ᕿᑭᖅᑕᒧᑦ ᐊᐅᔭᑕᒫᑦ.

ᐅᐱᕐᖔᒃᑯᑦ ᓯᑯᐃᖅᓴᕋᐃᓐᓂᖓᓄᑦ ᐃᒪᖏᓐᓂ ᓴᓂᐊᓃᑦᑐᓄᑦ ᕿᑭᖅᑕᒧᑦ, ᐱᕈᖅᑐᕋᓛᑦ ᖁᐱᕐᕈᕋᓛᓪᓗ ᐱᕈᓲᖑᕗᑦ ᕿᓚᒻᒥᐅᓂᖅᓴᒃᑯᑦ ᑕᒫᓂ ᐊᓯᓂᑦ ᖁᑦᑎᒃᑐᒥ ᐅᑭᐅᖅᑕᖅᑐᒥ. ᓴᙱᔪᑦ ᐃᖏᕐᕋᓃᑦ ᐱᐊᕆᐅᑉ ᓱᓪᓗᐊᓂ ᑕᓪᓗᕈᑎᐅᓪᓗ ᐃᒪᖓᓂ ᑎᑭᑎᑦᑎᕗᑦ ᓂᕿᒃᓴᓂᒃ ᐊᓯᓂᑦ ᐃᒪᕐᓂᑦ, ᐱᐅᓯᑎᒋᐊᒃᑲᓐᓂᖅᖢᒋᑦ ᒪᔪᖃᕐᓂᖏᑦ ᑭᓱᖃᕈᓘᔭᖅᑐᓪᓛᓗᖕᒥ ᑕᕆᐅᕐᓂ ᐃᓂᒥ ᓴᐳᔾᔭᐅᓯᒪᔫᑉ ᐊᕙᑖᓂ. ᑖᓐᓇ ᐱᕕᖃᕈᑕᐅᕗᖅ ᓂᕿᒃᓴᓪᓚᖕᓄᑦ ᐃᖃᓗᖕᓄᑦ ᑯᑭᐅᔭᓕᖕᓄᓪᓗ, ᑖᒃᑯᐊᓗ ᓂᕆᔭᐅᓕᕆᓪᓗᑎᒃ ᑕᕆᐅᕐᒥᐅᑦ ᑎᖕᒥᐊᓄᑦ. ᐊᔾᔨᒌᖏᑦᑐᑦ ᑕᕆᐅᕐᒥᐅᑦ ᓂᕐᔪᑏᑦ ᐅᐸᖃᑦᑕᕐᒥᔪᑦ ᑖᒃᑯᓄᖓ ᐃᒪᐃᓐᓇᕐᓄᑦ ᐱᖃᓯᐅᖦᖢᒋᑦ ᖃᐅᓪᓗᖅᑖᑦ ᕿᓚᓗᒐᑦ, ᐊᕐᕖᑦ, ᕿᓚᓗᒐᑦ, ᐊᐃᕖᑦ, ᓇᑦᑏᑦ ᐅᒡᔪᐃᓪᓗ.

ᓄᓇᙳᐊᖅ ᑕᒪᐅᖓ

ᐅᐸᒐᒃᓴᐅᓂᖓ ᓴᐳᔾᔭᐅᓯᒪᔫᑉ

ᐊᐅᓚᑕᐅᓂᖏᑦ ᓴᐳᔾᔭᐅᓯᒪᔫᑉ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᕐᓂᒃ, ᓲᕐᓗᑐᑦ   ᐊᒃᐸᐃᑦ ᕿᑭᖅᑕᖓᑐᑦ, ᓴᓇᔭᐅᓯᒪᕗᑦ ᑲᓇᑕᒥ ᓴᐳᔾᔨᓂᐊᕋᒥᒃ ᓅᓲᓂᒃ ᑎᖕᒥᐊᓂᒃ ᐊᒃᓱᕈᕐᓇᖅᑎᓪᓗᒋᑦ ᐃᓅᓯᕐᒥᓂ. ᑖᒃᑯᐊ ᐃᓃᑦ ᐊᑐᖅᑕᐅᒐᓗᐊᕈᑎᒃ ᓂᕆᓂᕐᓄᑦ, ᑕᖃᐃᖅᓯᕐᓂᕐᓄᑦ ᐃᕙᓂᕐᓄᓪᓘᓐᓃᑦ, ᐱᕐᔪᐊᖑᔪᑦ ᐊᓐᓇᐅᒪᓃᖏᓐᓄᑦ ᐅᓄᖅᑐᓄᑦ ᑎᖕᒥᐊᖑᖃᑎᒌᖏᑦᑐᓄᑦ.

Entry ᐊᓐᑦ access to most  ᐃᓯᕐᓗᓂ ᐅᐸᒡᓗᓂᓗ ᑕᒪᒃᑮᑲᓴᖕᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖕᓄᑦ ᐊᔪᖅᑎᑕᐅᖏᑦᑐᑦ, ᑭᓯᐊᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪ ᕐᓄᑦ ᒪᓕᒋᐊᓖᑦ ᐅᖃᐅᓯᖃᖅᐳᑦ ᐱᓕᕆᖁᔭᐅᖏᑦᑐᓂᒃ. ᒥᓂᔅᑕᖓ ᐊᕙᑎᓄᑦ ᐱᔪᓐᓇᕐᓂᓕᒃ ᐱᖁᔨᓗᓂ ᖃᓄᐃᓕᐅᖅᑎᑦᑎᓗᓂᓘᓐᓃᑦ ᐃᓗᐊᓂ  ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᒃᑯᕕᖕᓂ ᐱᓕᕆᖁᔭᐅᖏᑦᑐᓂᒃ.

ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᖅ ᐊᐅᓚᑕᐅᔪᖅ ᑲᓇᑕᒥ ᐆᒪᔪᓕᕆᓂᕐᓄᑦ ᐱᔨᑦᑎᕋᖅᑎᓂᑦ (CWS) ᐊᕙᑎᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᓐᓂᑦ (ECCC) ᐃᓄᖕᓂᓪᓗ ᖃᐅᓱᐃᑦᑐᕐᒥᑦ, ᓄᓇᕘᒥ, ᐃᓚᒋᓪᓗᒍ ᑲᑐᔾᔭᐅᔪᓄᑦ ᐊᐅᓚᑕᐅᔪᓄᑦ ᐊᖏᕈᑎᒧᑦ ᓴᖅᑭᑕᐅᔪᖅ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᓪᓗ ᐊᖏᖃᑎᒌᒍᑎᒥᑦ ᒐᕙᒪᖃᑎᒌᓄᑦ  ᐆᒪᔪᒃᑯᕕᖕᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪ ᕕᖕᓄᓪᓗ ᓄᓇᕘᑖᕐᕕᖕᒥ (ᐄᐸ). ᓱᓗᒃᕙᐅᑦ ᑲᑐᔾᔨᔪᑦ ᑲᑎᒪᔨᖏᑦ (ACMC) ᓴᓇᔭᐅᓚᐅᖅᓯᒪᔪᖅ ᐊᒃᑐᖅᑕᐅᓂᕐᓄᑦ ᐱᕚᓪᓕᕈᑎᒃᓴᓂᑦ ᑎᓕᐅᕆᕙᒃᖢᑎᒡᓗ ᑭᓱᓕᒫᖏᓐᓄᑦ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪ ᔫᑉ, ᐱᓇᓲᑎᓄᑦ, ᖃᐅᔨᓴᖅᑕᐅᔪᓄᑦ ᐃᓗᐊᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔫᑉ, ᐳᓛᕆᐊᖅᑐᓂᒃ ᓄᓇᒧᑦ, ᐊᐅᓚᑦᑎᓂᕐᓄᓪᓗ ᓴᐳᔾᔭᐅᓂᖏᓐᓄᓪᓗ ᓅᓲᑦ ᑎᖕᒥᐊᑦ ᑎᖕᒥᐊᓪᓗ ᐃᓂᖏᓐᓂᒃ. ᓄᓇᕘᒥ, ᓄᓇᕘᒥᐅᑦ ᐃᓄᐃᑦ, ᒪᓕᒡᓗᒍ ᓄᓇᕘᑖᕈᑎ (ᓇ) ᐊᖑᓇᓱᒍᓐᓇᖅᑐᑦ, ᐱᖃᓯᐅᖦᖢᒋᑦ ᓅᓲᓂᑦ ᒪᓐᓂᒃᑕᕐᓂᕐᓂᒃ ᐃᕕᓂᒡᓗ ᑮᓇᐅᔭᓕᐅᕐᓂᕐᓄᑦ ᐃᓅᖃᑎᒌᖕᓂᕐᓄᑦ ᐃᓕᖅᑯᓯᑐᖃᒃᑯᓪᓗ ᐊᑐᕆᐊᓕᖕᓄᑦ (ᐊᕕᒃᓯᒪᔪᖅ 5 ᓄᓇᕘᑖᕈᑎᒥ). ᐅᐸᒍᓐᓇᕐᓂᖅ ᐊᒃᐸᑦ ᕿᑭᖅᑕᖓᓄᑦ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᒧᑦ ᐊᓯᓂᑦ ᐃᓄᖕᓂᑦ ᐃᓗᐊᓂ ᓄᓇᕘᑖᕈᑎᐅᑉ ᐊᔪᖅᑎᑕᐅᔪᑦ, ᑕᐃᒪᐃᒻᒪᑦ, ᑭᓇᑐᐃᓐᓇᖅ ᐃᓅᖏᑦᑐᖅ ᐱᔪᓐᓇᐅᑎᑖᕆᐊᓕᒃ ᐅᐸᒍᓐᓇᕈᒪᓗᓂ ᐱᓕᕆᓗᓂᓘᓐᓃᑦ ᓇᓕᐊᑐᐃᓐᓇᕐᒥᒃ ᐱᓕᕆᓂᕐᒥᒃ ᐃᓗᐊᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᕝᕕᐅᑉ. ᐱᓕᕆᓃᑦ ᐊᔪᙱᑎᑕᐅᔪᑦ ᒪᓕᖕᓂᐊᖅᑐᑦ ᓴᐳᔾᔨᓂᕐᓄᑦ ᖃᓄᐃᑕᐅᓇᓱᒃᑐᓄᑦ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᒧᑦ ᐊᐅᓚᑦᑎᓂᕐᓄᑦ ᐸᕐᓇᐅᑎᒥᒃ.

ᑐᓴᒃᑲᓐᓂᕈᒪᒍᕕᑦ ᑭᓱᑦ ᐊᔪᙱᑎᑕᐅᖕᒪᖔᑕ ᐃᓗᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᕖᑦ, ᑕᑯᒃᑭᑦ  ᐊᐅᓚᑦᑎᓃᑦ ᐱᓕᕆᓃᓪᓗ   ᐊᕕᒃᓯᒪᓂᖓ ᐊᐃᖅᑮᕕᐅᑉ. ᓱᓕᒃᑲᓐᓃᑦ ᖃᐅᔨᒪᔭᐅᔪᑦ ᐅᐸᒍᓐᓇᕐᓂᕐᓄᑦ ᐱᔪᓐᓇᐅᑎᓄᓪᓗ ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᓄᑦ ᐱᔭᐅᔪᓐᓇᖅᑐᑦ ᐅᖃᕐᕕᒋᓗᒋᑦ ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᑦ  ᐊᕕᒃᓯᒪᔪᓄᑦ ᑎᑎᕋᕐᕕᖓ.

ᖃᐅᔨᒪᔭᕆᐊᓕᓪᓗᐊᑕᑦ

ᐅᖃᖃᑎᒋᑎᒍᑦ

ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᑦ − ᐅᐊᖕᓇᒥ
ᑲᓇᑕᒥ ᐆᒪᔪᓕᕆᓂᕐᓄᑦ ᐱᔨᑦᑎᕋᕐᓃᑦ
ᓴᐳᔾᔭᐅᓯᒪᔪᑦ ᐸᖅᑭᔨᐅᓃᓪᓗ
ᐅᑭᐅᖅᑕᖅᑑᑉ ᑲᓴᖕᓇᖓᓂ ᐱᓕᕆᔩᑦ
ᑎᑎᕋᒃᑯᕕᒃ 1870
ᐃᖃᓗᐃᑦ ᓄᓇᕗᑦ X0A 0H0
ᑕᓚᕘᖅ: 867-975-4642

ᐊᑭᖃᖏᑦᑐᖅ: 1-800-668-6767 (ᑲᓇᑕᑐᐊᕐᒥ)
ᖃᕋᓴᐅᔭᑎᒍᑦ ᑐᕌᕈᑎ: enviroinfo@ec.gc.ca

ᐊᒃᑐᐊᔪᑦ ᑐᕌᕈᑏᑦ

• ᐊᒃᐸᐃᑦ ᕿᑭᖅᑕᖓ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᖅ ᒎᒍᓪ ᓄᓇᙳᐊᑎᒍᑦ (ᖃᐅᔨᒪᒋᑦ ᒎᒍᓪ ᓄᓇᙳᐊᑦ ᐃᑲᔫᑕᐅᔪᖅ ᖃᐅᔨᒪᔭᐅᔪᓄᑦ ᓇᓂᓯᔾᔪᑕᐅᓗᓂ ᓅᓲᓄᑦ ᑎᖏᒥᐊᓄᑦ ᓴᐳᔾᔭᐅᓯᒪᔪᕐᒥᒃ ᑭᒡᒐᖅᑐᐃᓇᓂᓗ ᓄᓇᙳᐊᓪᓚᑦᑖᕐᒥᒃ ᓄᓇᐅᓪᓘᓐᓃᑦ ᐊᑎᖓᓂᒃ)
• ᓄᓇᕘᒧᑦ ᓄᓇᓄᑦ ᐊᖏᖃᑎᒌᒍᑎᒧᑦ ᐱᖁᔭᕐᔪᐊᖅ
• ᓅᓲᓄᑦᑎᖏᒥᐊᓄᑦᓴᐳᔾᔭᐅᓯᒪᔪᕐᒧᑦ ᒪᓕᒋᐊᓖᑦ
• ᐊᒃᐸᐃᑦ ᕿᑭᖅᑕᖓᓂ ᐱᕐᔪᐊᖅ ᑎᖕᒥᐊᒃᑯᕕᒃ
• ᓄᓇᕐᔪᐊᕐᒥᐅᓄᑦ ᑲᑐᔾᔨᔪᑦ ᓴᐳᔾᔭᐅᓂᖏᓐᓄᑦ ᓯᓚᒥᐅᑦ (IUCN)
• ᐱᕐᔪᐊᖑᔪᖅ ᑎᖕᒥᐊᓄᑦ ᓄᓇᕘᒥ
• ᐃᓂᒋᔭᓪᓗᐊᑕᖅ ᑕᕆᐅᕐᓂ ᓅᓲᓄᑦ ᑎᖕᒥᐊᓄᑦ
• ᑕᓪᓗᕈᑎᐅᑉ ᐃᒪᖓᓂ ᒐᕙᒪᖃᑎᒌᓄᑦ ᑕᕆᐅᕐᓂ ᓴᐳᔾᔭᐅᓯᒪᔪᖅ
• ᐃᓂᒧᑦ ᑲᑐᔾᔨᖃᑎᒌᒃᑐᑦ ᐊᐅᓚᑦᑎᔩᑦ ᑲᑎᒪᔨᖏᑦ ᒐᕙᒪᖃᑎᒌᓄᑦ ᐆᒪᔪᖃᕐᕕᖕᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᕕᖕᓄᓪᓗ ᓄᓇᕘᒥ