ᓇᓄᐃᑦ ᐃᑎᓪᓕᖓ ᑲᓇᑕᒥ ᐆᒪᔪᒃᑯᕕᒃ
ᓇᓄᐃᑦ ᐃᑎᓪᓕᖓ (ᖃᐅᔨᒪᔭᐅᓚᐅᖅᑐᖅ ᓇᓄᐃᑦ ᓱᓪᓗᐊᑐᑦ ) ᑲᓇᑕᒥ ᐆᒪᔪᒃᑯᕕᒃ, ᓄᓇᕘᒥ: ᐃᑲᔪᓲᖅ ᐅᓄᖅᑐᓂᒃ ᑎᖕᒥᐊᓂᒃ ᓂᕐᔪᑎᓂᒡᓗ ᐱᖃᓯᐅᖦᖢᒋᑦ ᐆᒪᔪᑦ ᐅᓗᕆᐊᓇᖅᑐᒦᑦᑐᑦ ᓲᕐᓗᑐᑦ ᐱᐅᕆ ᑐᒃᑐᖏᑦ ᓇᓄᐃᓪᓗ.
ᓇᓗᓇᐃᖅᓯᒪᓂᖏᑦ
ᓇᓄᐃᑦ ᐃᑎᓪᓕᖓ ᑲᓇᑕᒥ ᐆᒪᔪᒃᑯᕕᒃ ᐸᓱᑦ ᕿᑭᖅᑕᒦᑦᑐᖅ. ᐃᓗᐊᓃᑦᑐᖅ ᑲᓇᑕᐅᑉ ᐅᑭᐅᖅᑕᖅᑐᒥ ᕿᑭᖅᑕᓂ. ᐆᒪᔪᒃᑯᕕᒃ 263,648 ᕼᐃᐊᒃᑎᐊᔅᓂᒃ ᐊᖏᓂᓕᒃ. ᐊᖏᓛᖑᖃᑕᐅᔪᖅ ᑲᓇᑕᒥ ᐆᒪᔪᒃᑯᕕᖕᓂ.
ᑲᓇᑕᒥ ᐆᒪᔪᒃᑯᕕᒃ ᑲᑎᕝᕕᐅᔪᖅ ᐊᔾᔨᒌᖏᑦᑐᓄᑦ ᐆᒪᔪᓄᑦ ᐳᖅᑐᓂᕐᒥᓄᑦ. ᓄᓇᖓ ᑰᕈᖃᖅᑐᖅ ᐊᕙᓗᔭᐅᓯᒪᓪᓗᓂ ᐳᒃᑭᑦᑐᓄᑦ ᐱᖑᕐᓄᑦ 240 ᒦᑕᓄᑦ ᐳᖅᑐᑎᒋᔪᓄᑦ. ᐊᖏᔪᓂᒃ ᐃᒪᖅᓱᓕᒃ ᓂᓚᒃᑐᓄᑦ ᓄᓇᖃᖅᖢᓂ ᐊᓯᓄᓪᓗ ᐊᑐᐃᓐᓇᐅᖏᑦᑐᓄᑦ, ᑕᐃᒪᐃᑎᑕᐅᔪᓄᑦ ᖁᐊᖅᑐᓄᑦ ᐊᐅᒃᑐᓄᓪᓗ. ᐱᕈᖅᑐᖃᖅᖢᓂ ᑰᕈᖅ ᐃᔾᔪᔪᓄᑦ ᐱᕈᖅᑐᓄᑦ, ᐱᖃᓯᐅᖦᖢᒋᑦ:
- ᓚᐃᑲᐃᑦ
- ᒫᓰᑦ
- ᓯᐊᔾᔩᑦ
- ᐃᕖᑦ
- ᐱᕈᖅᓯᐊᑦ
- ᓇᐃᑦᑐᑦ ᓇᐹᖅᑐᕋᓛᑦ
ᐊᕙᑎᓃᑦᑐᑦ ᖃᖅᑲᐃᑦ ᒪᖁᕈᓐᓇᖏᓪᓚᑦ, ᐊᔾᔨᐊᑐᑦ 95 % ᑲᓇᑕᐅᑉ ᐅᑭᐅᖅᑕᖅᑐᖓᑐᑦ.
ᑲᓇᑕᒥ ᐆᒪᔪᒃᑯᕕᒃ ᐃᑲᔪᓲᖅ ᑎᒫᓂᐅᖏᑦᑐᖅ 54 ᑎᖕᒥᐊᓂᒃ ᐊᔾᔨᒌᖏᑦᑐᓂᒃ. ᑖᒃᑯᐊ ᐱᖃᓯᐅᔾᔨᔪᑦ 30 ᓂᒃ ᕿᑐᕐᖏᐅᖅᑐᓂᒃ, ᐱᓗᐊᖅᑐᓂᒃ ᑕᕆᐅᕐᓂᒃ ᑎᖕᒥᐊᓂᒃ ᓯᒡᔭᒥᐅᑕᓂᒡᓗ. ᓱᒡᒐᑦ ᐅᓄᓛᖑᕗᑦ ᐃᕙᔪᑦ. ᐳᕋᓐᑦ ᑕᕝᕙᓂ ᕿᑐᕐᖏᐅᓲᑦᑕᐅᖅ, ᑭᓯᐊᓂ ᑖᒃᑯᐊ ᓅᓲᑦ ᑲᓛᖦᖠᑦ ᓄᑖᑕ ᖁᓛᒍᑦ ᐊᐃᕈᓚᓐᒧᑦ. ᐊᔾᔨᒌᖏᑦᑐᑦ ᓂᕐᔪᑏᑦ ᑕᕝᕙᓃᓲᖑᖕᒥᔪᑦ ᑲᓇᑕᒥ ᐆᒪᔪᒃᑯᕕᐃᖕᒥ ᐱᖃᓯᐅᖦᖢᒋᑦ:
- ᑎᕆᒐᓂᐊᑦ
- ᐊᒪᕈᐃᑦ
- ᐊᕕᙵᑦ
- ᐅᒥᖕᒪᑦ
- ᐱᐅᕆ ᑐᒃᑐᖏᑦ
ᐱᐅᕆ ᑐᒃᑐᖏᑦ ᐅᓗᕆᐊᓇᖅᑐᒦᑐᑦ ᐃᓗᐊᓂ ᐆᒪᔪᑦ ᐅᓗᕆᐊᓇᖅᑐᒦᑦᑐᑦ ᐱᖁᔭᕐᔪᐊᕐᒥ. ᐅᓄᕐᓂᖏᑦ ᐊᓯᔾᔨᕈᓘᔭᖃᑦᑕᖅᓯᒪᔪᑦ ᐊᕐᕌᒍᓂ ᕿᒪᒃᑕᑦᑎᓐᓂ.
ᐆᒪᔪᒃᑯᕕᐅᑉ ᐊᑎᐊ ᐅᖃᕐᒪᑦ, ᓇᓄᐃᑦ ᑕᒪᐅᓈᓲᖑᕗᑦ ᐅᐱᕐᖔᒥ ᐊᐅᔭᕐᒥᓗ. ᑕᐃᒪᐃᓲᑦ ᐅᐸᒐᓱᒃᖢᑎᒃ ᒍᕋᒻ ᒧᐊᕐ ᑲᖏᖅᓱᖕᒧᑦ, ᓂᒋᐊᓂ. ᑖᓐᓇ ᐱᕐᔪᐊᖑᔪᖅ ᓂᕆᕝᕕᐅᓪᓗᓂ ᐊᐃᕕᓕᖕᒥᒃ ᓇᑦᑎᓂᒡᓗ.
ᖃᔅᓯᑲᓪᓚᓂᒃ ᖃᐅᔨᓴᖅᓯᒪᔪᑦ ᐅᑭᐅᖅᑕᖅᑐᒥ ᖃᐅᔨᓴᕐᕕᖕᒥ. ᑖᒃᑯᐊ ᖃᐅᔨᓴᕐᓃᑦ ᐊᑑᑎᖃᖅᐳᑦ ᐅᓄᖅᑐᓄᑦ ᑭᒡᓕᓯᓂᐊᕐᓂᕐᓄᑦ ᑐᓴᐅᒪᔭᐅᔪᓄᑦ ᐅᑭᐅᖅᑕᖅᑐᒥ ᐱᕈᖅᑐᓄᑦ ᓂᕐᔪᑎᓄᓪᓗ. T1968-1993ᒧᑦ, ᑲᓇᑕᒥ ᑕᑯᔭᖃᕐᕕᒃ ᑭᒡᓕᓯᓂᐊᕐᓂᕐᓄᑦ ᐊᐅᓚᑦᑎᓚᐅᖅᑐᑦ ᖃᐅᔨᓴᕐᕕᖕᒥᒃ. ᖃᐅᔨᓴᖃᑦᑕᓚᐅᖅᑐᑦ ᐃᓅᓯᖏᑕ ᖃᓄᐃᑦᑐᕕᓂᖏᓐᓄᑦ ᐱᖅᑯᓯᒃᑯᓪᓗ ᓱᖏᐅᑎᓂᖏᓐᓄᑦ ᐅᑭᐅᖅᑕᖅᑐᑦ ᓂᕐᔪᑏᑦ ᓇᓇᐅᐃᑦ ᓱᓪᓗᐊᓂ. ᑕᐃᒪᐃᒻᒪᑦ ᐳᕋᐃᔅᐳᕆᔾ ᒎᑦᓯᕐ ᓱᓪᓗᖅ ᓯᕗᓪᓕᖅᐹᒧᑦ ᓇᓗᓇᐃᖅᑕᐅᓚᐅᖅᑐᖅ ᓴᐳᔾᔭᐅᖁᓪᓗᒍ ᐃᓗᐊᓂ ᓄᓇᕐᔪᐊᕐᒥ ᐆᒪᔪᓄᑦ ᐱᓕᕆᓂᕐᒧᑦ 1970 ᓂ. ᓄᓇ ᐋᖅᑭᒃᑕᐅᓚᐅᖅᑐᖅ ᐃᒪᖅᓱᒃᑐᑦ ᐱᕐᔪᐊᒧᑦ ᓄᓇᕐᔪᐊᕐᒥ ᐅᓕᐊᓂ ᕋᒻᓴᕐ ᑲᑎᑦᑐᓂ 1982ᒥ. ᓇᓄᐃᑦ ᐃᑎᓪᓕᖓ
ᓇᓗᓇᐃᖅᑕᐅᓚᐅᖅᑐᖅ ᐆᒪᔪᒃᑯᕕᐅᓂᖓᓄᑦ ᓯᑎᐱᕆ 1986ᒥ, ᑐᓴᕋᓱᓚᐅᖅᖢᑎᒃ ᐅᑯᓇᙵᑦ:
- ᑭᓱᓕᐅᖅᑎᓂᑦ
- ᓄᓇᖃᖅᑳᖅᓯᒪᔪᓂᑦ
- ᐃᓄᓕᒫᓂᑦ
- ᐊᓯᓂᑦ ᑐᓴᕈᒪᔪᓂᑦ
ᑐᓴᒃᑲᓐᓂᕈᒪᒍᕕᑦ ᓇᓄᐃᑦ ᐃᑎᓪᓕᖓᓄᑦ ᓇᐃᓈᖅᓯᒪᔪᓂ ᓇᓗᓇᐃᖅᓯᒪᔪᓂ ᑕᑲᓇᓂ.
ᐊᐅᓚᑕᐅᓃᑦ
ᐃᓗᐊᓂ ᑲᓇᑕᒥ ᓂᕐᔪᑎᓄᑦ ᐱᖁᔭᕐᔪᐊᑉ, ᐆᒪᔪᒃᑯᕖᑦ ᓴᐳᔾᔭᐅᕗᑦ ᐊᐅᓚᑕᐅᓪᓗᑎᒡᓗ ᒪᓕᒃᖢᒋᑦ ᓂᕐᔪᑎᓄᑦ ᐆᒪᔪᒃᑯᕕᖕᓄᑦ ᐊᐅᓚᓂᕐᓄᑦ. ᐊᑑᑎᓪᓗᐊᖏᑦ ᐆᒪᔪᒃᑯᕖᑦ ᓴᐳᑎᓗᒋᑦ ᓄᖑᔾᔭᐃᕐᓗᒋᓪᓗ ᐆᒪᔪᑦ ᐆᒪᔪᒃᑯᕖᓪᓗ. ᑖᔅᓱᒧᖓ ᐱᔾᔪᑎᒧᑦ ᒪᓕᒃᖢᒋᓪᓗ ᐱᖁᔭᑦ, ᐱᓕᕆᓂᓕᒫᑦ ᐆᒪᔪᒃᑯᕕᖕᒥ ᐊᒡᕕᐊᕈᑕᐅᔪᓐᓇᖅᑐᑦ ᓄᖑᔾᔭᐃᖅᑕᐅᓂᖏᓐᓄᑦ ᐆᒪᔪᑦ ᐱᖁᔭᐅᖏᑦᑐᓐᓇᖅᑐᑦ. ᑕᐃᒪᐃᒻᒪᑦ ᐊᑕᖏᑲᓴᒃᑐᑦ ᑲᓇᑕᒥ ᐆᒪᔪᒃᑯᕖᑦ ᐅᐸᒐᒃᓴᐅᙱᓚᑦ ᐃᓄᖕᓄᑦ ᐊᓯᓕᒫᓪᓗ ᐱᓕᕆᓃᑦ ᐱᓕᕆᖁᔭᐅᖏᑦᑐᑦ ᐆᒪᔪᒃᑯᕕᖕᓂ. ᑭᓯᐊᓂ, ᐃᓚᖏᑦ ᐱᓕᕆᑎᑕᐅᔪᓐᓇᖅᐳᑦ ᐃᓗᐊᓂ ᐸᕐᓇᒃᓯᒪᔪᑦ ᐃ.1ᒥ ᐆᒪᔪᒃᑯᕕᖕᓄᑦ ᐊᐅᓚᓂᖅᑎᒍᑦ ᑐᓂᔭᐅᒍᑎᒡᓘᓐᓃᑦ ᐱᔪᓐᓇᐅᑎᓂᒃ ᒪᓕᒃᑯᑎᒃ ᐊᐅᓚᑦᑎᓂᕐᓄᑦ ᐸᕐᓇᐅᑎᒧᑦ ᑲᓇᑕᒥ ᐆᒪᔪᒃᑯᕕᖕᒧᑦ. ᑐᓴᒃᑲᓐᓂᕈᒪᒍᕕᑦ ᑕᑯᒍᒃ ᐆᒪᔪᒃᑯᕕᖕᒧᑦ ᐊᐅᓚᑦᑎᓃᑦ ᐱᓕᕆᓃᓪᓗ.
ᓇᓄᐃᑦ ᐃᑎᓪᓕᖓ ᐆᒪᔪᒃᑯᕕᒃ ᐊᐅᓚᑕᐅᔪᖅ ᑲᓇᑕᒥ ᐆᒪᔪᓕᕆᔨᓄᑦ ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥ (ECCC) ᐃᓄᖕᓂᓪᓗ ᖃᐅᓱᐃᑦᑐᕐᒥᑦ ᓄᓇᕘᒥ ᐃᓚᒋᓪᓗᒍ ᑲᑐᔾᔭᐅᓪᓗᓂ ᐊᐅᓚᑕᐅᓂᖓᓄᑦ ᐊᑐᖅᖢᒍ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕙᓪᓪᓕᕈᑎᓄᓪᓗ ᐊᖏᖃᑎᒌᒍᑎᒧᑦ ᑲᓇᑕᒥ ᐆᒪᔪᒃᒃᑯᕕᖕᓄᑦ ᓅᒃᑕᖅᑐᓄᓪᓗ ᑎᖕᒥᐊᓄᑦ ᓴᐳᔾᔨᕕᖕᓄᑦ ᓄᓇᕘᑖᕐᕕᖕᒥ. (ᐄᐸ). The ᓱᓗᒃᕙᐅᑦ ᑲᑐᔾᔨᔪᑦ ᐊᐅᓚᑦᑎᔩᑦ ᑲᑎᒪᔨᖏᑦ (ACMC) ᓴᓇᔭᐅᓚᐅᖅᑐᑦ ᐱᕚᓪᓕᕈᑎᑎᒍᑦ ᑎᓕᐅᕆᕙᒃᖢᓂᓗ ᓇᐅᒃᑯᓕᒫᖅ ᐆᒪᔪᒃᑯᕕᐅᑉ ᐊᐅᓚᑕᐅᓂᖓᓄᑦ ᐊᑐᖅᑐᓕᒫᓄᓪᓗ ᐊᑐᐊᒐᑎᒍᑦ ᖃᓄᖅᑑᖅᑕᐅᔪᓄᑦ ᐊᒃᑐᐃᔪᓂᒃ ᐆᒪᔪᒃᑯᕕᖕᒥᒃ, ᐱᖃᓯᐅᓪᓗᒍ ᐃᓄᐃᑦ ᐊᑐᕐᓂᖏᑦ ᐆᒪᔪᒃᑯᕕᖕᒥᒃ, ᐱᔪᓐᓇᐅᑎᓄᑦ ᐱᓇᓱᖕᓂᕐᓄᑦ, ᖃᐅᔨᓴᖅᑕᐅᔪᓄᑦ ᐆᒪᔪᒃᑯᕕᖕᒥ, ᐳᓚᕋᑎᓄᑦ ᐅᐸᒃᑐᓄᑦ, ᐊᐅᓚᑕᐅᓂᖏᓐᓄᓪᓗ ᓴᐳᔾᔭᐅᓂᖏᓐᓄᓪᓗ ᐆᒪᔪᑦ ᐆᒪᔪᒃᑯᕖᓪᓗ.
ᓄᓇᕗᒥ, ᓄᓇᕘᑉ ᐃᓄᖏᑦ ᒪᓕᒃᖢᒍ ᓄᓇᕘᒥ ᐊᖏᖃᑎᒌᒍᑎ (ᓇ), ᐊᖑᓇᓱᒍᓐᓇᖅᑐᑦ ᓂᕐᔪᑎᓂᒃ, ᐱᖃᓯᐅᖦᖢᒋᑦ ᒪᓐᓂᒃᑕᕐᓃᑦ ᓅᒃᑕᖅᑐᓂᑦ ᑎᖕᒥᐊᓂᑦ ᓱᓗᓂᒡᓗ ᑮᓇᐅᔭᓄᑦ, ᐃᓅᓯᕐᓄᑦ ᐃᓕᖅᑯᓯᑐᖃᒃᑯᓪᓗ ᐱᔭᕆᐊᖃᖅᑕᒥᓄᑦ (ᐊᕕᒃᓯᒪᔪᖅ 5 ᓄᓇᕘᒥ ᐆᒪᔪᒃᑯᕕᖕᒥ). ᐅᐸᒍᓐᓇᕐᓂᖅ ᓇᓄᐃᑦ ᐃᓕᙵᓂ ᐆᒪᔪᒃᑯᕕᖕᒧᑦ ᐊᓯᓄᑦ ᐃᓅᖕᓄᑦ ᐊᑎᖃᖏᑦᑐᓄᑦ ᓄᓇᕘᒥ ᐊᖏᖃᑎᒌᒍᑎᒥ ᐅᐸᖁᔭᐅᖏᑦᑐᑦ; ᑕᐃᒪᐃᒻᒪᑦ ᓄᓇᕘᒥᐅᑕᐅᖏᑦᑐᑦ ᐃᓄᐃᑦ ᐱᔪᓐᓇᐅᑎᑖᕆᐊᓖᑦ ᐅᐸᒐᓱᒡᓗᑎᒃ ᐱᓕᕆᓗᑎᒡᓘᓐᓃᑦ ᐃᓗᐊᓂ ᓇᓄᐃᑦ ᐃᑎᓪᓕᖓᓂ. ᐱᓕᕆᓃᑦ ᐱᓕᕆᔭᐅᔪᓐᓇᖅᑐᑦ ᒪᓕᖕᓂᐊᖅᑐᑦ ᓄᖑᔾᔭᐃᖅᓯᒪᓇᓱᖕᓂᕐᓄᑦ ᐆᒪᔪᒃᑯᕕᖕᒥ ᐊᐅᓚᑦᑎᓂᕐᓄᑦ ᐸᕐᓇᐅᑎᒥᒃ (ᒫᓐᓇᐅᔪᖅ ᓴᓇᔭᐅᔪᖅ).
ᑐᓴᒃᑲᓐᓂᕈᒪᒍᕕᑦ ᐅᐸᒍᓐᓇᕐᓂᕐᓄᑦ ᐱᔪᓐᓇᐅᑎᓄᓪᓗ ᓇᓄᐃᑦ ᐃᑎᓪᓕᖓᓂ ᐱᔭᐅᔪᓐᓇᖅᑐᑦ ᑐᓴᖅᑎᓪᓗᒋᑦ ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥ ᐊᕕᒃᓯᒪᔪᒧᑦ ᑎᑎᕋᒃᑯᕕᖕᒥᑦ.
ᓄᓇᙳᐊᖅ ᓄᓇᖏᓐᓄᑦ
ᓇᓗᓇᐃᖅᓯᔪᖅ ᓄᓇᙳᐊᕐᒥᒃ
ᑖᓐᓇ ᓄᓇᙳᐊᖅ ᓇᓗᓇᐃᖅᓯᔪᖅ ᐸᓱᔅᑦ ᕿᑭᖅᑕᒥᒃ, ᓄᓇᕘᒥ, ᐊᑯᓐᓂᐊᓂ ᑯᐃᓐ ᓱᓪᓗᐊᑕ ᒍᕋᒻ ᒨᕐ ᑲᖏᖅᖣᓪᓗ. ᑭᒡᓕᖏᑦ ᓇᓄᐃᑦ ᐃᑎᓪᓕᖓᑕ ᐆᒪᔪᒃᑯᕕᐅᑉ ᓇᓗᓇᐃᖅᓯᒪᕗᑦ. ᓴᐳᔾᔭᐅᔪᖅ ᐃᓚᐅᔾᔨᔪᖅ ᓄᓇᓂᒃ ᐊᑯᓐᓂᐊᓂ ᒪᕐᕉᒃ ᓱᓪᓘᒃ ᑲᖏᖅᓲᓪᓗ ᒥᑭᑦᑐᒧᓪᓗ ᓴᓂᓂᐊᓃᑦᑐᓄᑦ ᐃᒪᕐᓄᑦ. ᐊᖏᓂᖓ ᓄᓇᙳᐊᑉ ᑭᓛᒥᑕᐅᔪᑦ. ᐃᒪᐅᖏᓐᓇᐅᔭᖅᑐᑦ ᓇᓗᓇᐃᖅᑕᐅᔪᑦ ᓄᓇᙳᐊᕐᒥ. ᒥᑭᑦᑐᖅ ᓄᓇᙳᐊᖅ ᓇᓗᓇᐃᖅᓯᕗᖅ ᐆᒪᔪᒃᑯᕕᐅᑉ ᓇᓃᓐᓂᖓᓂᒃ ᑲᓇᑕᒥ.
ᑖᓐᓇ ᓄᓇᙳᐊᖅ ᑕᑯᔾᔪᑎᑐᐃᓐᓇᐅᔪᖅ ᐊᑐᕆᐊᖃᕋᓂᓗ ᐱᖁᔭᑎᒍᑦ ᓄᓇᐃᑦ ᑭᒡᓕᖏᓐᓂᒃ.
ᓇᐃᓈᖅᓯᒪᔪᑦ
ᓴᐳᔾᔭᐅᓯᒪᔫᑉ ᓇᓗᓇᐃᖅᓯᒪᓂᖓ
ᐆᒪᔪᖃᕐᕕᒃ
ᐊᕕᒃᓯᒪᔪᕐᒥ
ᓄᓇᕗᑦ
ᐳᖅᑐᓂᖓ ᓴᓂᒥᑦ
75°43' ᐅᐊᖕᓇᖅ / 98°40'ᐱᓇᖕᓇᖅ
ᐊᖏᓂᖓ
263,648 hᐃᐊᒃᑕᐃᑦ
ᐱᔾᔪᑎᖓ ᓴᐳᔾᔭᐅᓂᖓᓄᑦ
- ᐃᑲᔪᖅᑐᖅ ᐊᕕᒃᓯᒪᔪᕐᒥ ᐊᑑᑎᖃᑦᑎᐊᖅᑐᓂᒃ ᓂᕐᔪᑎᓂᒃ
- ᐃᑲᔪᖅᑐᖅ ᐅᓄᖅᑐᓂᒃ ᐃᑦᑕᕐᓂᓴᓕᖕᓂᒃ
ᐅᓪᓗᐊᑕ ᓴᓇᔭᐅᓂᖓ (ᓇᓗᓇᐃᖅᑕᐅᔪᖅ)
1985 – ᐱᖁᔭᑎᒍᑦ ᓇᓗᓇᐃᖅᓯᒪᔪᑦ
ᓄᓇᕐᔪᐊᕐᒥ ᑲᑐᔾᔨᔪᑦ ᓴᐳᔾᔭᐅᖁᓪᓗᒋᑦ ᓯᓚᒥᐅᑦ (IUCN) ᐊᐅᓚᑕᐅᔭᒃᓴᖅ
ᐆᒪᔪᒃᑯᕕᐅᓂᐊ (Ia)
ᓱᓕᒃᑲᓐᓃᑦ ᓇᓗᓇᐃᖅᓯᒪᓃᑦ
- ᓄᓇᕐᔪᐊᕐᒥ ᐆᒪᔪᓄᑦ ᐱᓕᕆᕝᕕᒃ (ᐃᑉᑉ)
- ᓇᓄᐃᑦ ᓱᓪᓗᐊᑕ ᕋᒻᓴᕐᖃᕐᕕᒃ
ᐊᑑᑎᖃᓗᐊᖅᑐᑦ ᓂᕐᔪᑏᑦ
- ᐱᐅᕆ ᑐᒃᑐᑦ
- ᓇᓄᐃᑦ
ᓇᓗᓇᐃᖅᓯᒪᔪᑦ ᐆᒪᔪᑦ ᐃᓗᐊᓂ ᐅᓗᕆᐊᓇᖅᑐᒦᑐᑦ ᐆᒪᔪᑦ ᐱᑯᔭᕐᔪᐊᒥ (SARA)
ᑎᖕᒥᐊᑦ:
- ᓇᐅᔭᐃᑦ
- ᓯᔭᕆᐊᑦ
- ᓱᒡᔭᑦ
- ᐊᐅᐸᖅᑐᑦ ᓯᒡᔭᕆᐊᑦ
ᐆᒪᔪᑦ:
- ᓇᓄᐃᑦ
- ᐱᕈᕆ ᑐᒃᑐᑦ
ᓄᓇᓪᓗᐊᑕᑦ
- ᐃᒪᖅᓱᑦ
- ᐳᒃᑭᑦᑐᑦ ᐱᖑᐃᑦ
- ᒥᑭᑦᑐᖅ ᑕᕆᐅᕐᒥ
ᑕᒫᓂᕐᒥᐅᑕᐅᖏᑦᑐᑦ ᐆᒪᔪᑦ
ᐳᐃᒍᔾᔭᐃᖅᑕᐅᔪᖃᖏᑦᑐᖅ
ᐊᓰᑦ ᐆᒪᔪᑦ
ᑎᖕᒥᐊᑦ:
- ᐊᐅᐸᖅᑐᑦ ᓯᒡᔭᕆᐊᑦ
- ᕿᕐᓂᖅᑕᑦ ᑑᓕᒡᔪᐊᑦ
- ᓯᔭᕆᐊᑦ
- ᐳᐳ ᓯᒡᔭᕆᐊᑦ
- ᐊᑦᓚᓐᑎᒃ ᐳᕋᓐᑦ
- ᒥᑏᑦ
- ᑲᖑᐃᑦ
ᓂᕐᔪᑏᑦ:
- ᐊᒪᕈᑦ
- ᐊᕕᙵᑦ
- ᐅᒥᖕᒪᑦ
- ᐊᐃᕖᑦ
ᐅᓗᕆᐊᓐᓪᓪᓗᐊᑕᑦ ᐊᒃᓱᕈᕐᓇᖅᑐᓪᓗ
- ᐅᒥᐊᕐᔪᐊᒃᑯᑦ ᐅᓯᑲᖅᑕᕐᓃᑦ ᐅᖅᓱᐊᓗᖕᓄᑦ (ᑯᕕᑐᐃᓐᓇᕆᐊᓖᑦ)
- ᓴᓇᓃᑦ
- ᐳᓚᕋᑏᑦ ᐅᒥᐊᕐᔪᐊᑦ
ᐊᐅᓚᑦᑎᔩᑦ
ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥ (ᑲᓇᑕᒥ ᐆᒪᔪᓕᕆᕝᕖᑦ)
ᐃᓄᓕᒫᓄᑦ ᐅᐸᒍᓐᓇᕐᓃᑦ ᐊᑐᕈᓐᓇᕐᓃᓪᓗ
ᓄᓇᕗᑦ ᐃᓄᖏᑦ ᐊᑭᖃᖏᑦᑐᒧᑦ ᐱᕕᖃᑦᑎᐊᕐᓗᑎᒡᓗ ᐅᐸᒍᓐᓇᖅᑐᑦ ᐊᖑᓇᓱᖕᓂᕐᓄᑦ ᓄᓇᓕᒫᓂ, ᐃᒪᓕᒫᓂ ᑕᕆᐅᓕᒫᓂᓗ ᐃᓗᐊᓂ ᐆᒪᔪᒃᑯᕕᐅᑉ, ᒪᓕᒃᖢᒍ ᓇᐅᓇᐃᕈᑎ 5 ᐊᒃᑐᖅᑕᐅᓂᕐᓄᑦ ᐱᕚᓪᓕᕈᑎᓂ ᒪᓕᒃᖢᒍᓗ ᔅ.5.7.18 ᓄᓇᕘᑖᕈᑎᒥ.
ᓄᓇᕘᒥᐅᖏᑦᑐᓄᑦ ᐃᓄᖕᓄᑦ, ᐱᔪᓐᓇᐅᑎᖃᕆᐊᓖᑦ ᐅᐸᒍᒪᓗᒍ ᖃᓄᐃᓕᐅᕐᓗᑎᒡᓘᓐᓃᑦ ᐆᒪᔪᒃᑯᕕᖕᒥ.
ᖃᐅᔨᒪᔭᕆᐊᓕᒃ: ᐊᔾᔨᒌᖏᑦᑐᖃᖅᐸᑦ ᐅᖃᐅᓯᐅᔪᓂ ᑕᕝᕙᓂ ᐊᐃᖅᑮᕕᖕᒥ, ᓇᓕᐊᑐᐃᓐᓇᑦ ᑐᓴᒐᒃᓴᑦ ᐆᒪᔪᒃᑯᕕᐅᑉ ᐊᐃᖅᑮᕕᐊᓂ ᐱᖁᔭᓂᓗ, ᐱᖁᔭᑦ ᐊᐅᓚᓂᖅᓴᐅᕗᑦ, ᐱᖁᔭᑎᒍᑦ ᐱᓕᕆᔾᔪᑕᐅᖕᒪᑦ ᐱᔪᓐᓇᖅᑎᖦᖢᒍ ᐱᓕᕆᓂᕐᒥᒃ.
ᐅᖃᖃᑎᒋᑎᒍᑦ
ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥ – ᐅᑭᐅᖅᑕᖅᑐᒧᑦ
ᑲᓇᑕᒥ ᓂᕐᔪᑎᓕᕆᓃᑦ
ᓴᐳᔾᔭᐅᓯᒪᔪᑦ ᐸᖅᑭᔨᐅᓃᓪᓗ
ᐅᑭᐅᖅᑕᖅᑑᑉ ᑲᓴᖕᓇᖓᓂ ᐱᓕᕆᔩᑦ
301-933, Mivvik Street
ᐃᖃᓗᐃᑦ ᓄᓇᕗᑦ X0A 3H0
ᑕᓚᕘᖅ: 867-975-4642
ᐊᑭᖃᖏᑦᑐᖅ: 1-800-668-6767 (ᑲᓇᑕᒥᑐᐊᖅ)
ᖃᕋᓴᐅᔭᑎᒍᑦ ᑐᕌᕈᑎ: enviroinfo@ec.gc.ca
ᐊᒃᑐᐊᔪᑦ ᑕᑯᔭᒃᓴᑦ
- ᓄᓇᐃᑦ ᓴᐳᔾᔭᐅᓯᒪᔪᓄᑦ ᐱᔪᓐᓇᐅᑎ
- ᑲᓇᑕᒥ ᓂᕐᔪᑎᓄᑦ ᐱᖁᔭᕐᔪᐊᑉ,
- ᓂᕐᔪᑎᓄᑦ ᐆᒪᔪᒃᑯᕕᖕᓄᑦ ᐊᐅᓚᓂᕐᓄᑦ
- ᓄᓇᕐᔪᐊᕐᒥ ᑲᑐᔾᔨᔪᑦ ᓴᐳᔾᔭᐅᖁᓪᓗᒋᑦ ᓯᓚᒥᐅᑦ (IUCN)
- ᓇᓄᐃᑦ ᐃᑎᓪᓕᖓ ᐆᒪᔪᒃᑯᕕᖕᒧᑦ ᐅᖃᓕᒫᒐᖅ
- ᓇᓄᐃᑦ ᓱᓪᓗᐊᑕ ᕋᒻᓴᕐᖃᕐᕕᒃ
- ᓄᓇᑦ ᓈᓴᖅᑕᐅᓂᖏᑦ − ᑲᓇᑕᒥ ᑎᖕᒥᐊᑦ ᖃᓄᐃᓕᖓᓂᖏᑦ ᐆᒪᔪᐃᑦ ᐊᔾᔨᒌᖏᐊᕐᔪᓐᓂᖏᑦ
- ᐅᓗᕆᐊᓇᖅᑐᒦᑦᑐᑦ ᑭᒃᑯᑐᐃᓐᓇᕐᓄᑦ ᐊᑎᓕᐅᕐᕕᒃ
- ᓇᓄᐃᑦ ᐃᑎᓪᓕᖓ ᐆᒪᔪᒃᑯᕕᒃ ᒎᒍᓪ ᓄᓇᙳᐊᑎᒍᑦ (ᖃᐅᔨᒪᒋᑦ ᒎᒍᓪ ᓄᓇᙳᐊᑦ ᐊᑭᖃᖏᖦᖢᑎᒃ ᖃᐅᔨᒪᔾᔪᑕᐅᔪᑦ ᑭᒡᒐᖅᑐᐃᓇᑎᒃ ᓄᓇᙳᐊᓪᓚᑦᑖᕐᒥᒃ ᓄᓇᐅᓪᓘᓐᓃᑦ ᓄᓇᐅᑉ ᐊᑎᖓᓂᒃ)