ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ
ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ, ᑐᓂᓯᓯᒪᔪᖅ ᐱᒻᒪᕆᐅᔪᒥᒃ ᓇᔪᖅᑕᐅᔪᖅ ᓂᕐᔪᑎᓂᑦ, ᐱᓗᐊᖅᑐᒥᒃ ᑖᒃᑯᓇᖓᑦ ᓱᖅᑲᓖᑦ, ᐊᒻᒪᓗ ᐱᒻᒪᕆᐅᔪᑦ ᓄᓇᑐᖃᖏᓐᓂ ᐅᑯᐊᓗ ᐊᑕᔪᑦ ᑭᖑᓂᑦᑎᓐᓂᒃ ᐊᒻᒪᓗ ᒫᓐᓇ ᐃᓄᖕᓄᑦ ᓄᓇᕗᒻᒥ.
ᑭᓲᕙ
ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᓴᕿᑕᐅᓚᐅᖅᑐᑦ 2010 ᐱᒋᐊᖅᑎᑦᑎᔾᔪᑎᒋᓪᓗᒍ ᓴᐳᒻᒥᓗᒋᑦ ᑕᕆᐅᕐᒥᐅᑕᐃᑦ ᓱᖅᑲᓖᑦ ᐊᕐᕖᑦ. ᐅᑯᐊ ᐊᖏᓛᑦ ᑕᕆᐅᕐᒥ ᓴᐳᒻᒥᔭᐅᔪᓂ ᑲᓇᑕᒥ, ᐆᒃᑐᕋᖅᖢᒋᑦ ᐅᖓᑖᓃᒻᒪᑕ 336,200 ᕼᐃᒃᑎᐅ ᓇᔪᖅᑕᖓ ᖃᓂᒋᔭᖓᓂ 53,000 ᕼᐃᒃᑎᐅᔅ ᓄᓇ ᐊᒻᒪᓗ 283,200 ᕼᐃᒃᑎᐅᔅ ᑕᕆᐅᕐᒥ ᓇᔪᖅᑕᖏᑦ. ᐅᓇ ᐃᓄᒃᑐᑦ ᐅᖃᖅᑕᐅᓲᖅ, “ᓂᒋᖓᓂ” ᑐᑭᖃᖅᑐᖅ “ᓄᓇ ᑕᒃᓯᖃᑦᑕᖅᑐᒦᑦᑐᑦ.”
ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᐅᓇ ᑕᕆᐅᖅ ᓴᐳᒻᒥᔭᐅᔪᖅ ᑕᒫᓃᑦᑐᖅ ᑲᓇᖕᓇᖓᓂ ᓯᒡᔭᖓᓂ ᕿᑭᖅᑖᓗᒃ, ᖃᓂᒋᔮᓂ 100 ᑭᓚᒦᑕᔅ ᓂᒋᐊᓂ-ᓂᒋᐊᓂ ᑲᓇᖕᓇᖓᓂ ᓄᓇᓖᑦ ᑲᖏᖅᑐᒑᐱᒃ, ᓄᓇᕗᑦ. ᐅᓇ ᓄᓇᖓ ᓯᒡᔭᒦᑦᑐᖅ ᐊᒻᒪᓗ ᕿᑭᖅᑕᑦ ᐃᓴᐱᓚ ᐸᐃ ᐊᒻᒪᓗ ᖃᓂᒋᔭᖓᓂ ᐃᒪᕕᒃ 12 ᒪᐃᓕ ᓯᒡᔭᖓᓂᑦ. ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᐱᑕᖃᖅᑐᖅ ᐊᒥᓱᓂᒃ ᐱᒻᒪᕆᐅᔪᓂᒃ ᐱᐅᓯᑐᖃᖃᕐᕕᑦ ᓄᓇᕕᓃᑦ, ᑖᒃᑯᐊ ᖃᕐᒪᐃᑦ ᐃᓄᐃᑦ ᓄᓇᓕᕕᓂᖏᑦ ᐊᒻᒪᓗ 1900-ᓂ ᖃᓪᓗᓈᑦ ᔫᓚᑉᒥᑦ ᐊᖅᕙᒐᓱᒡᕕᕕᓂᖏᑦ.
ᐊᑕᓂᖓ ᐃᒪᕕᖕᒥ ᐃᖏᕐᕋᓂᖓᓄᑦ ᐊᒻᒪᓗ ᐊᓄᕆᒧᑦ ᐃᑲᓐᓂᖃᖅᑐᖅ ᓄᓇᖅᐸᓯᖕᒥ ᓯᕕᖓᔮᕐᓂᖓᓂ ᐊᒻᒪᓗ ᐃᑎᓂᖏᓐᓂᓗ ᓂᕆᕕᒋᕙᒃᑕᖏᑦ ᓂᒋᖓᓂ ᐱᑕᖃᕐᒪᑕ ᓂᕿᑦᑎᐊᕙᐃᑦ ᓇᔪᖅᐸᒃᑕᖏᓐᓂ ᓱᖅᑲᓖᑦ ᐊᕐᕖᑦ. ᐅᑯᐊ ᓱᖅᑲᓖᑦ ᐊᕐᕕᖏᑦ ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᐱᒋᔭᐅᔪᑦ ᑲᓇᖕᓇᖓᓂ ᐊᑯᑭᑦᑐᖅ. ᓱᖅᑲᓖᑦ ᐱᑕᖃᐃᓐᓇᓲᑦ ᓂᒋᖓᓂ ᐊᑖᓂ ᐋᒍᓯ ᖁᓛᓂ ᐅᒃᑑᐸᒧᑦ, ᑕᐃᒪᓐᓇᐅᒐᓗᐊᖅᑎᓪᓗᒍ ᐱᑕᖃᕈᓐᓇᕐᒥᔪᑦ ᖁᓛᓂ ᒪᐃ ᐅᒡᕙᓘᓐᓃᑦ ᐅᑭᐅᒥ ᓄᕕᐱᕆ. ᓯᕗᓪᓕᐅᕙᒃᑐᑦ ᑎᑭᑦᑐᑦ ᐊᖏᔪᒻᒪᕆᐋᓗᐃᑦ ᐊᕐᕕᖑᕋᑖᖅᓂᑯᑦ ᑕᐅᕙᓃᖏᓐᓇᖢᑎᒃ ᐃᒐᓕᖅᑑᕐᒥ, ᑕᐃᑲᓂ ᑕᖃᐃᖅᓯᖃᑦᑕᖅᑐᑦ, ᓴᓗᒻᒪᖅᓴᕐᓗᑎᒃ ᐊᒻᒪᓗ ᐊᕐᕕᕐᓃᖃᑕᐅᓪᓗᑎᒃ ᑲᑎᖓᓪᓗᑎᒃ. ᐃᓐᓇᐃᑦ ᑎᑭᓲᑦ ᐊᑖᓂ ᐋᒍᓯ ᐊᒻᒪᓗ ᑎᑭᓪᖢᒍ ᓯᑎᐱᕆ ᐊᒻᒪᓗ ᐊᑯᓂ ᓂᕆᖃᑎᒌᓲᑦ ᓄᓇᖅᐸᓯᖕᒥ ᓯᕕᖓᓂᖓᓂ. ᐊᒥᓱᑦ ᓱᖅᑲᓖᑦ ᐊᕐᕖᑦ ᐊᑐᖅᑕᖓ ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓᓂ ᐊᔾᔨᒌᖃᑦᑕᓐᖏᑦᑐᑦ ᐊᕐᕌᒍᑕᒫᑦ ᐱᓪᓗᒋᑦ ᐊᓄᕆ, ᒪᓪᓕᖅᑐᑦ, ᐊᒻᒪᓗ ᓯᑯᖃᖅᐸᑦ, ᑕᐃᒪᓐᓇᐅᒐᓗᐊᖅᑎᓪᓗᒍ, ᑎᑭᐅᑎᓪᓗᑎᒃ 147 ᐊᕐᕖᑦ ᑕᑯᔭᐅᖃᑦᑕᖅᑐᑦ ᐊᑐᖅᑐᑦ ᑕᒪᑐᒥᖓ ᐃᒡᒐᓕᖅᑑᕐᒥᒃ. ᐅᑯᐊ ᐅᓄᕐᓂᖅᐹᑦ ᑲᑎᖓᕙᒃᑐᑦ ᓱᖅᑲᓖᑦ ᐊᕐᕖᑦ ᑕᑯᔭᐅᓯᒪᔪᓂ ᓇᓂᑐᐃᓐᓇᖅ ᑲᓇᑕᒥ.
ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᐃᑲᔪᖅᑐᖅᑕᐅᑦ ᐊᓯᖏᓐᓂᒃ ᓂᕐᔪᑎᓂᒃ ᓲᕐᓗ ᐅᑯᓂᖓ:
- ᓇᓄᐃᑦ
- ᓇᑦᑏᑦ
- ᑑᒑᓕᑦ ᕿᓚᓗᒐᐃᑦ
- ᖃᑯᖅᑐᑦ ᕿᓚᓗᒐᐃᑦ
- ᒥᑏᑦ
- ᐊᒡᒋᐊᕐᔪᒃ
- ᐊᒃᐸᓕᐊᕐᔪᒃ
- ᖃᖁᓪᓗᐃᑦ
ᑐᑭᓯᒋᐊᑲᓐᓂᕈᓐᓇᖅᑐᑎᑦ ᑕᒪᑐᒥᖓ ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᑎᑎᕋᖅᓯᒪᔪᑦ ᓇᐃᓈᖅᓯᒪᔪᓂᒃ ᓇᓗᓇᐃᖅᓯᒪᔪᑦ ᐊᑖᓂ.
ᐊᐅᓚᑦᑎᔾᔪᑕᐅᔪᑦ
ᐊᑖᒍᑦ ᑲᓇᑕ ᓂᕐᔪᑎᖏᓐᓄᑦ ᐱᖁᔭᕐᔪᐊᖅ, ᑲᓇᑕᐅᑉ ᓂᕐᔪᑎᖃᕐᕕᖏᑦ ᓴᐳᒻᒥᔭᐅᔪᑦ ᐊᒻᒪᓗ ᐊᐅᓚᑕᐅᔪᑦ ᐊᑐᖅᖢᒋᑦ ᓂᕐᔪᑎᖃᕐᕕᖕᓄᑦ ᐱᖁᔭᕋᓛᑦ. ᐅᓇ ᐱᔾᔪᑎᓪᓗᖓᑕᖓᑦ ᑲᓇᑕᐅᑉ ᓂᕐᔪᑎᖃᕐᕕᖏᑦ ᓴᐳᒻᒥᔭᐅᓗᑎᒃ ᐊᒻᒪᓗ ᐱᐅᖅᓱᐊᕐᕕᐅᓗᑎᒃ ᓂᕐᔪᑎᓂᒃ ᐊᒻᒪᓗ ᓂᕐᔪᑎᑦ ᓇᔪᖅᐸᒃᑕᖏᓐᓂᒃ. ᐱᔾᔪᑎᒋᓪᓗᒍ ᐊᒻᒪᓗ ᒪᓕᒡᓗᑎᒃ ᒪᓕᒐᕐᒧᑦ, ᑕᒪᕐᒥᒃ ᖃᓄᐃᓕᐅᕈᑕᐅᔪᑦ ᐃᓗᐊᓂ ᑲᓇᑕᐅᑉ ᓂᕐᔪᑎᖃᕐᕕᖏᓐᓂ ᐅᑯᐊᓗ ᐸᒡᕕᒍᓐᓇᖅᑐᑦ ᐱᐅᖅᓱᐊᕈᑕᐅᔪᓂᒃ ᓱᕈᖅᑕᐅᑕᐃᓕᔪᓂᒃ ᓂᕐᔪᑎᖃᕐᕕᖕᓂ ᐸᒡᕕᔭᕆᐊᖃᓐᖏᑦᑐᑦ. ᑕᐃᒪᓐᓇᐅᓂᖓᓄᑦ, ᑕᒪᕐᒥᐸᓗᒃ ᑲᓇᑕᐅᑉ ᓂᕐᔪᑎᖃᕐᕕᖏᑦ ᐃᓯᖅᑕᐅᔪᓐᓇᓐᖏᑦᑐᑦ ᐃᓄᓕᒫᓄᑦ ᐊᒻᒪᓗ ᑕᒪᐃᓐᓂᑦ ᐊᓯᖏᓐᓂᒃ ᖃᓄᐃᓕᐅᕐᕕᐅᒋᐊᖃᓐᖏᑦᑐᑦ ᑕᒪᐃᓐᓂ ᐃᓗᐊᓂ ᑲᓇᑕᐅᑉ ᓂᕐᔪᑎᖃᕐᕕᖏᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐃᓚᖏᑦ ᖃᓄᐃᓕᐅᕈᑕᐅᔪᑦ ᐊᖏᖅᑕᐅᓯᒪᔪᑦ ᒪᓕᒐᖅ l.1 ᓂᕐᔪᑎᖃᕐᕕᑦ ᐱᖁᔭᕋᓛᖏᑦ ᐅᒡᕙᓘᓐᓃᑦ ᐸᒡᕕᔪᓄᑦ ᐱᔪᓐᓇᐅᑎᑦ ᑖᒃᑯᐊᓗ ᒪᓕᑦᑎᐊᕐᒪᖔᑕ ᐊᐅᓚᑦᑎᔾᔪᑕᐅᔪᓄᑦ ᐸᕐᓇᐅᑎᑦ ᑐᕌᕆᔭᖏᑦ ᑖᒃᑯᓄᖓ ᑲᓇᑕᐅᑉ ᓂᕐᔪᑎᖃᕐᕕᖏᑦ. ᑐᑭᓯᒋᐊᑲᓐᓂᕈᓐᓇᖅᑐᑎᑦ, ᑐᑭᓯᒋᐊᕐᕕᒋᓗᒋᑦ ᑲᓇᑕᐅᑉ ᓂᕐᔪᑎᖃᕐᕕᖏᑦ ᐊᐅᓚᑦᑎᔾᔪᑕᐅᔪᑦ ᐊᒻᒪᓗ ᖃᓄᐃᓕᐅᕈᑕᐅᔪᑦ ᐃᓚᖓᑦ.
ᓂᒋᖓᓂ ᐊᐅᓚᑕᐅᔪᖅ ᑲᓇᑕᒥ ᐆᒪᔪᓕᕆᔨᕐᔪᐊᒃᑯᓂᑦ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ ᐊᓯᕈᖅᑐᖅ ᑲᓇᑕ ᐊᒻᒪᓗ ᐃᓄᐃᑦ ᑲᖏᖅᑐᒑᐱᖕᒥᑦ, ᓄᓇᕗᑦ ᐃᓚᒋᓪᓗᒍ ᐊᐅᓚᑦᑎᖃᑎᒌᓗᑎᒃ ᐊᖏᖃᑎᒌᒃᓯᖅᒪᔪᑦ ᓴᕿᑕᐅᓚᐅᖅᑐᖅ ᑕᒪᐅᓐᓇ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑕᐅᔪᓐᓇᖅᑐᓄᓪᓗ ᐊᖏᕈᑎᑦ ᑲᓇᑕᐅᑉ ᓂᕐᔪᑎᖃᕐᕕᖏᓐᓄᑦ ᐊᒻᒪᓗ ᐅᑎᖅᐸᒃᑐᑦ ᑎᖕᒥᐊᑦ ᓴᐳᓐᓂᐊᕐᕕᖏᑦ ᓄᓇᕗᑦ ᐃᓄᐃᑦ ᓄᓇᖁᑎᖏᓐᓂ. ᐅᑯᐊ ᓂᒋᖓᓂ ᐊᐅᓚᑦᑎᖃᑎᒌᖕᓂᕐᒧᑦ ᑲᑎᒪᔨᕋᓛᖏᑦ ᓴᕿᑕᐅᓚᐅᖅᑐᑦ ᑖᒃᑯᑎᒍᑦ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑕᐅᔪᓐᓇᖅᑐᓄᓪᓗ ᐊᖏᕈᑎᑦ ᐊᒻᒪᓗ ᑐᓂᓯᓯᒪᔪᑦ ᐅᖃᐅᑎᔭᐅᓪᓗᑎᒃ ᑕᒪᐃᓐᓄᑦ ᖃᓄᕆᑑᓂᖏᓐᓂᒃ ᑲᓇᑕᐅᑉ ᓂᕐᔪᑎᖏᑦ ᐊᐅᓚᑕᐅᔪᑦ ᐊᒻᒪᓗ ᑕᒪᕐᒥᒃ ᐊᖏᔪᓂᒃ ᐊᑐᐊᒐᒃᓴᓄᑦ ᐃᓱᒪᓕᐅᕆᔭᕆᐊᓕᑦ ᐊᒃᑐᐃᔪᑦ ᑲᓇᑕᐅᑉ ᓂᕐᔪᑎᖃᕐᕕᖏᓐᓂᒃ, ᐃᓚᒋᔭᐅᓪᓗᑎᒃ ᐃᓄᐃᑦ ᐊᑐᖅᑕᖏᑦ ᑲᓇᑕᐅᑉ ᓂᕐᔪᑎᖃᕐᕕᖏᑦ, ᐱᔪᓐᓇᐅᑎᑖᕋᓲᑎᑦ, ᖃᐅᔨᓴᕈᑎᑦ ᐃᓗᐊᓂ ᖃᓇᑕᐅᑉ ᓂᕐᔪᑎᖃᕐᕕᖏᓐᓂ, ᐳᓛᖅᑐᑦ ᐊᑐᖅᑕᖏᑦ ᓄᓇ, ᐊᒻᒪᓗ ᐊᐅᓚᑦᑎᔾᔪᑕᐅᔪᑦ ᐊᒻᒪᓗ ᓴᐳᒻᒥᔭᐅᔪᑦ ᓂᕐᔪᑎᑦ ᐊᒻᒪᓗ ᓂᕐᔪᑎᑦ ᓇᔪᖅᑕᖏᑦ.
ᓄᓇᕗᒻᒥ, ᓄᓇᕗᑦ ᐃᓄᖏᑦ, ᐅᖃᖅᓯᒪᔪᑦ ᓄᓇᕗᑦ ᐊᖏᕈᑎᖏᓐᓂ, ᐊᖑᓇᓱᒍᓐᓇᖅᑐᑦ ᓂᕐᔪᑎᓂᒃ, ᑖᒃᑯᐊᓗ ᓄᐊᑕᐅᓗᑎᒃ ᑎᑭᑉᐸᒃᑐᑦ ᑎᖕᒥᐊᑦ ᒪᓐᓂᖏᑦ ᐊᒻᒪᓗ ᓱᓗᖏᑦ, ᑮᓇᐅᔭᓕᐅᕈᑕᐅᓂᐊᕐᓗᑎᒃ, ᐃᓅᓯᓕᕆᓂᕐᒧᑦ, ᐊᒻᒪᓗ ᐱᐅᓯᑐᖃᕐᒧᑦ ᑭᖕᖒᒪᓇᖅᑐᓄᑦ (ᑎᑎᕋᖅᓯᒪᔪᖅ 5 ᓄᓇᕗᑦ ᐊᖏᕈᑎᖏᓐᓂ). ᐅᐸᒃᑕᐅᔪᓐᓇᓐᖏᑦᑐᑦ ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᑭᒃᑯᑐᐃᓐᓇᓂᑦ ᑭᓯᐊᓂ ᐃᓄᐃᑦ ᐃᓯᕈᓐᓇᖅᑐᑐᐊᑦ ᐊᑖᓂ ᓄᓇᕗᑦ ᐊᖏᕈᑎᓃᑦᑐᑦ ᐊᓯᖏᑦ ᐊᔪᖅᑎᑕᐅᔪᑦ; ᑕᐃᒪᐃᒻᒪᑦ, ᓇᓕᐊᑐᐃᓐᓇᖅ ᓄᓇᕗᒻᒥᐅᑕᐅᓐᖏᑦᑐᖅ ᐱᔭᕆᐊᖃᖅᑐᖅ ᐱᔪᓐᓇᐅᑎᒥᒃ ᐃᓯᕐᓂᐊᕐᓗᒥ ᐅᒡᕙᓘᓐᓃᑦ ᐱᓕᕆᓂᐊᕐᓗᓂ ᖃᓄᑐᐃᓐᓇᖅ ᖃᓄᐃᓕᐅᕈᑕᐅᔪᓂᒃ ᐃᓗᐊᓂ ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ. ᖃᓄᐃᓕᐅᕐᕕᐅᔪᓐᓇᕐᓂᖓ ᐊᔪᖏᑎᑕᐅᔪᑦ ᒪᓕᑦᑎᐊᕐᓂᐊᖅᑐᑦ ᓴᐳᓐᓂᐊᕈᑕᐅᔪᓂ ᑐᑭᓕᐅᕈᑕᐅᕙᓪᓕᐊᔪᑦ ᑲᓇᑕᐅᑉ ᓂᕐᔪᑎᖃᕐᕕᖏᓐᓂ ᐊᐅᓚᑦᑎᔾᔪᑕᐅᔪᑦ ᐸᕐᓇᐅᑎᑦ (ᒫᓐᓇ ᑎᑎᕋᖅᑕᐅᕙᓪᓕᐊᔪᑦ).
ᑐᑭᓯᒋᐊᑲᓐᓂᕈᓐᓇᖅᑐᑎᑦ ᐃᓯᕐᓂᐊᕐᓗᒍ ᐊᒻᒪᓗ ᐱᔪᓐᓇᐅᑎᑖᕈᒪᓗᑎᑦ ᑖᔅᓱᒧᖓ ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓᓄᑦ ᐱᔪᓐᓇᖅᑕᑎᑦ ᐅᖃᖃᑎᒋᓗᒋᑦ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ ᑲᓇᑕ ᐊᕕᒃᑐᖅᓯᒪᔪᓂ ᑎᑎᕋᕐᕕᖓ.
ᓄᓇᓐᖑᐊᖅ ᓄᓇᖓᓂᒃ
Long description
ᐅᓇ ᓄᓇᓐᖑᐊᖅ ᑕᑯᑎᑦᑎᔪᖅ ᓄᓇᖓᓂ ᐊᕙᓗᐊᓂ ᐊᐅᓕᑎᕕᒃ ᐃᓚᖓᓗ ᕿᑭᖅᑖᓗᒃ ᐊᒻᒪᓗ ᓴᓐᓂᕈᑎᐅᑉ ᐃᒪᖓ ᓄᓇᕗᒻᒥ. ᐅᑯᐊ ᑭᒡᓕᖏᑦ ᓂᖏᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᑎᑎᕋᖅᓯᒪᕗᑦ ᓇᓗᓇᐃᖅᓯᒪᕗᑦ. ᐅᑯᐊ ᑲᓇᑕᐅᑉ ᓂᕐᔪᑎᖃᕐᕕᖏᑦ ᐃᓚᖃᖅᑐᑦ ᓯᒡᔭ ᐊᒻᒪᓗ ᕿᑭᖅᑕᐃᑦ ᐃᓴᐱᓚ ᐸᐃ ᐊᒻᒪᓗ ᖃᓂᒋᔭᖓᓂ ᐃᒪᕕᒃ ᑕᐅᕗᖓ 12 ᒪᐃᓕ ᓯᒡᔭᖓᓂᑦ ᑕᒡᕙ ᓄᓇᓐᖑᐊᕐᓂ ᑎᑎᕋᖅᓯᒪᓪᓗᑎᒃ ᑭᓚᒦᑕᐅᓪᓗᑎᒃ. ᐅᓇ ᒥᑭᔪᖅ ᓄᓇᓐᖑᐊᖅ ᑎᕆᖁᐊᓂ ᑲᓇᑕᐅᑉ ᓂᕐᔪᑎᖃᕐᕕᖏᑦᑕ ᐃᓂᖏᑦ ᑲᓇᑕᒥ.
ᐅᓇ ᓄᓇᓐᖑᐊᖅ ᓴᑭᔮᖅᑎᑦᑎᔾᔪᑎᑐᐃᓐᓇᖅ ᐊᒻᒪᓗ ᐊᑐᖅᑕᐅᓂᐊᓐᖏᑦᑐᖅ ᓇᓗᓇᐃᔭᐅᑕᐅᓗᓂ ᑭᒡᓕᓚᑖᖑᓂᕋᕐᓗᒋᑦ.
ᓇᐃᓈᖅᓯᒪᔪᑦ ᓇᓗᓇᐃᖅᓯᒍᑎᑦ
| ᐊᑐᓂ ᑭᓲᕙᑦ | ᑎᑎᕋᖓ |
|---|---|
| ᓴᐳᒻᒥᔭᐅᔪᑦ ᓄᓇᐃᑦ ᓇᓗᓇᐃᖅᑕᐅᓯᒪᔪᑦ | ᑲᓇᑕᐅᑉ ᓂᕐᔪᑎᖃᕐᕕᖏᑦ |
| ᑲᓇᑕᒥ ᐊᕕᒃᑐᖅᓯᒪᔪᑦ/ᑎᐅᓕᑐᐊᓕᔅ | ᓄᓇᕗᑦ |
| ᓄᓇᕐᔪᐊᖅ ᓴᓂᒧᑦ/ᓄᓇᕐᔪᐊᖅ ᑐᑭᒧᑦ | 69°37' ᐅᐊᖕᓇᖓ / 67°00' ᐱᓇᖕᓇᖓ |
| ᐊᖏᓂᖓ | 336,200 ᕼᐃᑦᑎᐅᔅ |
| ᐱᔾᔪᑎᖓᑦ ᓴᕿᑕᐅᓪᓗᓂ ᓴᐳᒻᒥᔭᐅᓗᓂ ᓄᓇ | ᑎᑕᖃᕐᒪᑕ ᑲᓇᑕᒥ ᐊᒥᓲᔪᓂᑦ ᓇᔪᖅᑕᐅᕙᒃᑐᖅ ᓱᖅᑲᓖᑦ ᐊᕐᕕᕐᓂᑦ. |
| ᐅᓪᓗᖅ ᓴᕿᑕᐅᕕᖓ (ᕿᒥᕐᕈᐊᖅᑕᐅᕕᖓ) | 2010 - ᒪᓕᒐᕐᑎᒍᑦ ᓇᓗᓇᐃᑦᑎᐊᖅᓯᒪᕗᖅ |
| ᓯᓚᕐᔪᐊᒥ ᔫᓂᐊᓐ ᓴᐳᓐᓂᐊᕈᓯᐅᕐᓂᖅ ᓄᓇᒥᐅᑕᕐᓂᒃ ᐊᐅᓚᑦᑎᔾᔪᑕᐅᔪᓃᑦᑐᖅ | ᓂᕐᔪᑎᖃᕐᕕᒃ ᓄᓇᖓ |
| ᐊᓯᖏᑦ ᓴᓂᖅᕙᐃᔾᔪᑕᐅᔪᑦ | ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᒻᒪᓗ ᓄᓇᐅᑉ ᑭᓱᓕᒫᖏᑦ ᐊᖏᔫᕗᑦ ᐊᒥᓲᓪᓗᑎᒃᓗ ᓄᓇᖓᓂ (ᐃᖃᓗᓕᕆᔨᒃᑯᑦ ᐊᒻᒪᓗ ᐃᒪᕐᒥᐅᑕᓕᕆᔨᒃᑯᑦ ᑲᓇᑕ) |
| ᑭᓱᒧᑦ ᑕᐃᒪᓐᓇᐅᕙ ᐅᒡᕙᓘᓐᓃᑦ ᐱᒻᒪᕆᐅᔾᔪᑎᖏᑦ ᓂᕐᔪᑎᑦ | ᓱᖅᑲᓖᑦ ᐊᕐᕖᑦ |
| ᑎᑎᕋᖅᓯᒪᔪᑦ ᐊᑖᒍᑦ ᐆᒪᔪᑦ ᐃᓅᓴᒡᓕᓗᐊᖁᓇᒋᑦ ᐱᖁᔭᖅ | ᑎᖕᒥᐊᑦ:
ᓄᓇᒥ ᓂᕐᔪᑎᑦ: |
| ᓇᔪᖅᑕᐅᕙᓛᖅ ᖃᓄᕆᑑᕙ | ᑕᕆᐅᖅ |
| ᐃᒪᐅᑉ ᐆᒪᔪᖏᑦ ᐊᒻᒪᓗ ᐱᕈᖅᑐᓂᖏᑦ ᐱᒻᒪᕆᐅᔪᑦ |
|
| ᓄᑖᑦ ᐆᒪᔪᑦ ᐃᓃᖅᓯᔭᑦᑐᑦ | ᑎᑎᕋᖅᓯᒪᓐᖏᑦᑐᑦ |
| ᐊᓯᖏᑦ ᐆᒪᔪᖏᑦ | ᑎᖕᒥᐊᑦ:
ᓂᕐᔪᑎᑦ ᐳᐃᔨᑦ: |
| ᐅᓗᕆᐊᖅᓵᕆᔪᑦ ᐊᒻᒪᓗ ᐱᔭᕐᓂᓐᖏᔾᔪᑎᑦ |
|
| ᐊᐅᓚᑦᓯᔨᑦ ᑎᒥᖏᑦ | ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ ᐊᓯᖑᖅᑐᓄᑦ ᑲᓇᑕ(ᑲᓇᑕᒥ ᐆᒪᔪᓕᕆᔨᕐᔪᐊᒃᑯᑦ) |
| ᐃᓄᓕᒫᑦ ᐃᓯᕈᓐᓇᖅᑐᑦ ᐊᒻᒪᓗ ᐊᑐᕐᓗᒍ | ᓄᓇᕗᑦ ᐃᓄᖏᑦ ᐃᓯᕈᓐᓇᖅᑐᑦ ᐊᒻᒪᓗ ᐱᖁᔭᖃᓐᖏᑦᑐᑦ ᐃᓯᕆᐊᒃᓴᖅ ᐊᖑᓇᓱᒡᕕᒋᓂᐊᕐᓗᒋᑦ ᑕᒪᕐᒥᒃ ᓄᓇᐃᑦ, ᐃᒪᐃᑦ, ᐊᒻᒪᓗ ᑕᕆᐅᕐᒥᖔᖅᑐᑦ ᐃᓗᐊᓂ ᑲᓇᑕᐅᑉ ᓂᕐᔪᑎᖃᕐᕕᖏᑦ, ᐅᖃᖅᓯᒪᔪᖅ ᐊᖏᕈᑎ 5 ᑖᒃᑯᓇᓂᐃᓄᐃᑦᐊᒃᑐᖅᑕᐅᓂᖏᓐᓄᑦᐱᕚᓪᓕᕈᑕᐅᔪᓐᓇᖅᑐᓄᓪᓗᐊᖏᕈᑎᑦ ᐊᒻᒪᓗ ᐱᖃᓯᐅᑎᓯᒪᔪᓐᓇᖅᑐᑦ ᑎᑎᕋᖓ .5.7.18 ᑖᒃᑯᓇᒥ ᓄᓇᕗᑦ ᐊᖏᕈᑎᑦ. ᑕᒪᐃᓐᓄᑦ ᓄᓇᕗᒻᒥᐅᑕᐅᓐᖏᑐᑦ ᐃᓄᐃᑦ, ᐱᔪᓐᓇᐅᑎᑖᕆᐊᖃᖅᑐᑦ ᐃᓯᕐᓂᐊᕐᓗᑎᒃ ᐅᒡᕙᓘᓐᓃᑦ ᐱᓕᕆᓂᐊᕐᓗᑎᒃ ᖃᓄᑐᐃᓐᓇᖅ ᖃᓄᐃᓕᐅᕈᑎᒋᓂᐊᖅᑕᒥᖕᓄᑦ ᑲᓇᑕᐅᑉ ᓂᕐᔪᑎᖃᕐᕕᖏᓐᓂ. |
ᖃᐅᔨᒪᓂᐊᖅᐳᑎᑦ: ᑕᐃᒪᓗ ᐊᔾᔨᒌᓐᖏᑦᑐᖃᖅᐸᑦ ᐊᕙᑖᓂᑦ ᐅᖃᐅᓯᐅᔪᑦ ᐅᕙᓂ ᖃᕆᓴᐅᔭᖃᕐᕕᖕᒥ, ᓇᓕᐊᑐᐃᓐᓇᖅ ᑐᓴᕐᑎᑦᑎᔪᑦ ᓴᕿᑕᐅᓯᒪᔪᑦ ᑕᐃᑲᓂ ᑲᓇᑕᐅᑉ ᓂᕐᔪᑎᖃᕐᕕᖏᓐᓂ ᐊᒻᒪᓗ ᒪᓕᒐᖅ, ᒪᓕᒐᐃᑦ ᒪᓕᒃᑕᐅᓂᐊᖅᑐᑦ, ᑕᐃᒪᓗ ᒪᓕᒐᓕᕆᔾᔪᑎᑦᑎᒍᑦ ᓴᓇᕐᕈᑎᖃᕐᒪᑕ ᐊᖏᖅᓯᓯᒪᓪᓗᑎᒃ ᐃᓗᐊᓂ ᖃᓄᐃᓕᐅᕈᑕᐅᔪᒪᔪᓄᑦ.
ᐅᖃᕐᕕᒋᑎᒍᑦ ᐅᕘᓇ
ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ ᐊᓯᖑᖅᑐᓄᑦ ᑲᓇᑕ– ᐅᑭᐅᖅᑕᖅᑐᒥ
ᑲᓇᑕᒥ ᐆᒪᔪᓕᕆᔨᕐᔪᐊᒃᑯᑦ
933 ᒥᕕᒃ ᐊᖁᑎ, 3 ᓇᑎᖅ
ᑎᑎᖃᒃᑯᕕᒃ 1870
ᐃᖃᓗᐃᑦ, ᓄᓇᕗᑦ
X0A 0H0
ᐅᖃᓘᑖ: 867-975-4642
ᐊᑭᖃᕆᐊᖃᓐᖏᑦᑐᖅ: 1-800-668-6767 (ᑲᓇᑕᒥᑐᐊᖅ)
ᖃᕆᓴᐅᔭᒃᑯᑦ: enviroinfo@ec.gc.ca
ᐱᓯᒪᔪᑦ ᖃᕆᓴᐅᔭᖅᑎᒍᑦ ᑕᒪᑐᒥᖓ
- ᓂᖏᖓᓂᖅ ᐆᒪᔪᖃᕐᕕᖓᑕ ᓴᐳᔾᔨᕕᖓᓂᑦ ᐊᐅᓚᑦᑎᓂᖕᒧᑦ ᐸᕐᓇᐅᑏᑦ
- ᑲᓇᑕ ᓂᕐᔪᑎᖏᓐᓄᑦ ᐱᖁᔭᕐᔪᐊᖅ
- ᓂᕐᔪᑎᖃᕐᕕᖕᓄᑦ ᐱᖁᔭᕋᓛᑦ.
- ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᐅᖃᓕᒫᒐᖅ
- ᓯᓚᕐᔪᐊᒥ ᔫᓂᐊᓐ ᓴᐳᓐᓂᐊᕈᓯᐅᕐᓂᖅ ᓄᓇᒥᐅᑕᕐᓂᒃ
- ᓂᒋᖓᓂ ᑲᓇᑕᐅᑉ ᓂᕐᔪᑎᖃᕐᕕᖓ ᖃᕆᓴᐅᔭᒃᑯᑦ ᒎᑯᓪ ᓄᓇᓐᖑᐊᖏᓐᓂᑦ (ᐊᑏ ᖃᐅᔨᒪᓂᐊᖅᐳᑎᑦ ᐅᓇ ᒎᑯᓪ ᓄᓇᓐᖑᐊᖅ ᐃᑲᔫᑎᑐᐊᓐᓇᖅ ᑐᓴᕈᒪᔭᒧᑦ ᐊᒻᒪᓗ ᑭᒡᒐᖅᑐᐃᓂᖃᓐᖏᑦᑐᖅ ᓄᓇᓐᖑᐊᓂᒃ ᐅᒡᕙᓘᓐᓃᑦ ᐃᓂᖏᑦᑕ ᐊᑎᖓᓂᒃ)
Page details
- Date modified: