ᓂᖀᑦ ᓇᓗᓇᐃᒃᑯᑕᖏᑦ ᑕᑯᒋᐊᕐᓗᒋᑦ

Figure 1. Text version below.

ᓂᕿᓄᑦ ᓇᓗᓇᐃᒃᑯᑕᑦ ᖃᓄᐃᓕᖓᖃᑦᑕᖅᓯᒪᓂᖓ - ᑎᑎᖅᑲᑦ ᓇᓗᓇᐃᖅᓯᒪᔪᑦ

ᑲᓇᑕᒥ ᓂᕿᑦᑎᐊᕙᖕᓄᑦ ᓇᓗᓇᐃᒃᑯᑕᐃᑦ

ᓂᕆᑦᑎᐊᖃᑦᑕᕐᓗᑎᑦ. ᐃᓅᑦᑎᐊᖃᑦᑕᕐᓗᑎᑦ.

ᓂᖀᑦ ᓇᓗᓇᐃᒃᑯᑕᖓᑕ ᖃᓄᐃᓕᖓᖃᑦᑕᖅᓯᒪᓂᖓ ᒪᕐᕉᓐᓂᒃ ᐊᔾᔨᙳᐊᖅᑕᖃᓪᓗᐊᑕᖃᖅᑐᖅ. ᑖᓐᓇ ᓯᕗᓪᓕᖅᐹ ᐊᔾᔨᙳᐊᖅ ᑕᑯᔅᓴᐅᑎᑎᕗᖅ ᐃᒥᐅᒻᒥᑦ ᐃᒪᓕᒻᒥᑦ ᐃᒥᕐᒥ ᐊᒻᒪᓗ ᐸᓕᐊᖅ ᓂᕿᖃᖅᑐᓂ. ᑖᓐᓇ ᑎᑎᖅᑲᖅ ᑕᑯᔅᓴᐅᕗᖅ ᖁᓛᓂ:

ᓂᕆᖃᑦᑕᕐᓗᑎᑦ ᐊᔾᔨᒌᙱᕈᓘᔭᖅᑐᓂᑦ ᓂᕿᑦᑎᐊᕙᖕᓂᑦ ᖃᐅᑕᒫᑦ.

ᑎᓴᒪᑦ ᑐᓴᖅᑎᑦᑎᔾᔪᑏᑦ ᐸᓕᐊᕐᒦᑉᐳᑦ. ᐅᑯᐊᖑᕗᑦ:

  • ᓂᕆᒐᔪᖃᑦᑕᕐᓗᑎᑦ ᐱᕈᖅᑐᓂᒃ ᓰᕐᓇᖏᑦᑐᓂᑦ ᓰᕐᓇᖅᑐᓂᓪᓗ
  • ᓂᕈᐊᖅᐸᓪᓗᒋᑦ ᓂᐊᖃᐅᔭᔅᓴᐃᑦ ᑲᔪᐊᖓᓂᖅᓴᑦ
  • ᓂᕆᖃᑦᑕᕐᓗᑎᑦ ᓂᕿᓂᑦ ᓄᒃᑭᒃᓴᐅᑎᓕᓐᓂᑦ
  • ᐃᒥᖅ ᓂᕈᐊᖅᐸᓪᓗᒍ ᐃᒥᕐᓂᐊᑕᕐᓂᑦ

ᐸᓕᐊᖅ ᐊᕝᕙᖓᓂᑦ ᐱᕈᖅᑐᒥᓂᐅᕗᑦ ᓰᕐᓇᖏᑦᑐᑦ ᓰᕐᓇᖅᑐᓪᓗ (ᕗᕌᑭᓕ, ᑭᐅᕋᑦ, ᑭᒍᑕᖏᕐᓇᑦ, ᓯᑦᕌᕕᐅᕆ, ᑐᖑᔪᕈᔪᑦᑐᖅ ᐊᒻᒪᓗ ᖁᖅᓱᖅᑐᖅ ᐸᐸ, ᐋᐳ, ᐊᐅᐸᖅᑐᖅ ᐱᕈᖅᑐᒥᓂᖅ, ᓯᐸᓂᑦ, ᑐᒪᐃᑐ, ᐳᑕᐃᑐ, ᓯᑯᐊᔅ ᐊᒻᒪᓗ ᑐᖑᔪᕈᔪᑦᑐᑦ ᐲᔅ). ᐊᕝᕙᖓᑕ ᐊᕝᕙᖓᓂ ᐸᓕᐊᖅ ᓄᒃᑭᒃᓴᐅᑎᓖᑦ ᓂᕿᐅᕗᑦ (ᐅᖅᓱᖃᓗᐊᙱᑦᑐᖅ ᓂᕿ, ᐊᕿᕐᒋᒥᓂᖅ, ᐊᔾᔨᒋᙱᑦᑐᖅ ᖃᖅᑯᐊᒐᑦ ᐊᒻᒪᓗ ᐃᑦᑎᖏᑦ, ᓚᓐᑐᓪᔅ, ᒪᓐᓂ, ᑑᕗ, ᔫᒍᑦ, ᐃᖃᓗᒃ, ᓂᓕᕐᓇᑦ). ᐃᓚᖓᓂᑦ ᐊᕝᕙᑲᓐᓂᖏᑦ ᐅᑯᐊᖑᓪᓗᑎᑦ ᓂᐊᖃᐅᔭᔅᓴᐃᑦ ᑲᔪᐊᖓᓂᖅᓴᑦ (ᓂᐊᖃᐅᔭᖅ ᑲᔪᐊᖓᔪᖅ, ᑲᔪᐊᖓᔪᖅ ᐃᓇᓗᐊᖑᔭᑦ, ᐊᓛᓯ, ᐊᐅᐸᖅᑐᖅ ᑰᓄᐊ, ᑲᔪᖅ ᐊᓛᓯ).

ᐊᐃᑉᐸᖓ ᐊᔾᔨᙳᐊᖅ ᑕᑯᔅᓴᐅᑎᑦᑎᕗᖅ ᐱᖓᓲᔪᖅᑐᑦ ᐊᑕᐅᓯᕐᓗ ᐃᑦᑎᕐᕕᐅᔭᙳᐊᑦ, ᐊᑐᓂᖓᔪᑦ ᑖᒃᑯᐊ ᑐᓴᖅᑎᑦᑎᔾᔪᑎᑦ ᐊᔾᔨᙳᐊᕐᓗ.

ᑖᓐᓇ ᑐᓴᖅᑎᑦᑎᔪᑎ ᖁᓛᓂ ᑕᑯᔅᓴᐅᕗᖅ:

ᓂᕆᑦᑎᐊᖃᑦᑕᕐᓂᖅ ᐊᖏᓂᖅᓴᐅᕗᖅ ᐃᕝᕕ ᓂᕆᕙᑦᑕᖏᓐᓂᑦ ᓂᕿᓂᑦ.

ᑖᓐᓇ ᓯᕗᓪᓕᖅᐹᖅ ᐃᑦᑎᕐᕕᐅᔭᙳᐊᖅ ᐅᖃᐅᓯᖃᖅᑐᖅ, ᐃᓱᒪᒋᑦᑎᐊᖃᑦᑕᕐᓗᒋᑦ ᓂᕆᒐᔪᖃᑦᑕᕐᓂᑎᑦ.

ᐊᔾᔨᙳᐊᖅ ᑕᑯᔅᓴᐅᑎᑦᑎᕗᖅ ᒪᕐᕉᓐᓂᒃ ᐃᓐᓈᕐᓂᒃ ᓂᕆᖃᑎᒌᑦᑑᒃ ᐅᓪᓛᕈᕐᒥᑕᕐᒥᑦ.

ᐊᐃᑉᐸᖓ ᐊᔾᔨᙳᐊᖅ ᐅᖃᐅᓯᖃᖅᑐᖅ, ᓂᕿᓕᐅᒐᔪᓐᓂᖅᓴᐅᓗᑎᑦ.

ᐊᔾᔨᙳᐊᖅ ᑕᑯᔅᓴᐅᑎᑦᑎᕗᖅ ᓱᕈᓯᖅ ᐊᒻᒪᓗ ᐃᓐᓇᖅ ᓂᕿᓕᐅᖃᑎᒌᑦᑑᒃ.

ᐱᖓᔪᐊ ᐊᔾᔨᙳᐊᖅ ᐅᖃᐅᓯᖃᖅᑐᖅ, ᒪᒪᕆᓗᒋᑦ ᓂᕆᔭᑎᑦ.

ᐊᔾᔨᙳᐊᖅ ᑕᑯᔅᓴᐅᑎᑦᑎᕗᖅ ᐸᓕᐊᕐᒥᑦ ᓂᕿᓕᒻᒥᑦ.

ᑎᓴᒪᖓ ᐊᔾᔨᙳᐊᖅ ᐅᖃᐅᓯᖃᖅᑐᖅ, ᓂᕆᖃᑎᖃᖃᑦᑕᕐᓗᑎᑦ ᐊᓯᓐᓂᒃ.

ᐊᔾᔨᙳᐊᖅ ᑕᑯᔅᓴᐅᑎᑦᑎᕗᖅ ᐃᓄᓐᓂᑦ ᓂᕆᖃᑎᒌᑦᑐᓂᑦ.

ᑕᓪᓕᒪᖓ ᐊᔾᔨᙳᐊᖅ ᐅᖃᐅᓯᖃᖅᑐᖅ, ᐊᑐᕐᓗᑎᑦ ᓂᖀᑦ ᓇᓗᓇᐃᒃᑯᑕᖏᓐᓂᑦ.

ᐊᔾᔨᙳᐊᖅ ᑕᑯᔅᓴᐅᑎᑦᑎᕗᖅ ᐃᓅ ᐊᒡᒐᖏᓐᓂᑦ ᑎᒍᒥᐊᖅᑐᒥᒃ ᒪᕐᕉᓐᓂ ᖃᑦᑖᕐᔪᓛᒦᑦᑐᓂ ᓂᕿᓂᑦ. ᑖᒃᑯᐊ ᓂᕿᑦᑎᐊᕙᐅᓂᖓᓄᑦ ᓇᓗᓇᐃᔭᖅᑕᐅᓯᒪᔪᑦ ᑕᑯᔅᓴᐅᑎᑕᐅᓪᓗᑎᑦ.

ᐱᖓᓲᔪᖅᑐᖓ ᐊᔾᔨᙳᐊᖅ ᐅᖃᐅᓯᖃᖅᑐᖅ, ᐃᓱᖃᖅᑎᖃᑦᑕᕐᓗᒋᑦ ᑕᕆᐅᖃᓗᐊᖅᑐᑦ, ᓱᑲᖃᓗᐊᖅᑐᑦ ᐅᕝᕙᓘᓐᓃᑦ ᐅᖅᓱᖃᓗᐊᖅᑐᑦ.

ᐊᔾᔨᙳᐊᖅ ᑕᑯᔅᓴᐅᑎᑦᑎᕗᖅ ᓂᕿᓂᑦ ᑕᒪᒃᑯᓂᖓ ᐃᓚᐅᖅᓯᒪᓗᐊᖅᑐᓂᑦ ᓲᕐᓗ ᑕᒧᓗᒐᔅᓴᕈᓘᔭᐃᑦ, ᐲᔅᓴ, ᐃᒥᒐᖅ, ᑯᑯ ᐊᒻᒪᓗ ᐅᓲᔭᖅ.

ᐱᖓᓲᔪᖅᑐᖅ ᐊᑕᐅᓯᕐᓗ ᐊᔾᔨᙳᐊᖅ ᐅᖃᐅᓯᖃᖅᑐᖅ, ᖃᐅᔨᒪᑦᑎᐊᕐᓗᑎᑦ ᓂᖀᑦ ᓂᐅᕕᐊᔅᓴᐅᖃᑦᑕᕐᓂᖏᓐᓂᑦ.

ᐊᔾᔨᙳᐊᖅ ᑕᑯᔅᓴᐅᑎᑦᑎᕗᖅ ᐃᓄᒻᒥᒃ ᓂᕿᓂᑦ ᕿᒥᕐᕈᔪᒥᒃ ᐅᖄᓚᐅᑎᕋᓛᒃᑯᑦ ᐊᒻᒪᓗ ᖃᕋᓴᐅᔭᒃᑯᑦ.

Report a problem or mistake on this page
Please select all that apply:

Thank you for your help!

You will not receive a reply. For enquiries, contact us.

Date modified: