ᖃᓄᖅ ᓂᕆᓇᓱᑦᑐᓴᐅᓂᕐᓄᑦ ᑕᓯᐅᕐᓯᒍᑏᑦ

Figure 1. Text version below.

ᖃᓄᖅ ᓂᕆᓇᓱᑦᑐᓴᐅᓂᕐᓄᑦ ᑕᓯᐅᕐᓯᒍᑏᑦ – ᑐᑭᓯᓇᕐᑎᑕᐅᒍᑎᖏᑦ ᐊᓪᓚᖁᑎᓕᐅᕐᑕᐅᒪᒍᑎᖏᑕ

ᑲᓇᑕᒥ ᓂᕆᓇᓱᓐᓂᓄᑦ ᒪᓕᑦᑕᐅᔪᑦᓭᑦ

ᓂᕆᑦᓯᐊᖃᑦᑕᕆᑦ. ᐃᓅᑦᓯᐊᕆᑦ.

ᖃᓄᖅ ᓂᕆᓇᓱᕐᑐᓴᐅᓂᕐᓄᑦ ᑕᓯᐅᕐᓯᒍᑏᑦ ᒪᕐᕈᓗᐊᖕᖑᐊᓂᒃ ᑕᑯᑦᓴᐅᒍᑎᑕᖃᕐᐴᒃ. ᐊᑦᔨᖑᐊᑉ ᓯᕗᓪᓕᖓ ᑕᑯᑦᓴᐅᑎᑦᓯᕗᖅ ᐃᒥᕈᑎᒥᒃ ᐃᒪᕐᑕᓕᒻᒥᒃ ᐊᒻᒪᓗ ᓂᕿᑕᓕᒻᒥᒃ ᐴᒍᑕᒥᒃ. ᐅᑯᐊ ᐊᓪᓚᑕᐅᒪᔪᑦ ᑕᑯᑦᓴᐅᕗᑦ ᖁᓛᓐᓂ:

ᐅᓪᓗᑕᒫᑦ ᓂᕿᑦᓯᐊᓂᒃ ᐊᑦᔨᒌᑦᑎᖏᑦᑐᓂᒃ ᓂᕆᖃᑦᑕᕆᑦ.

ᓯᑕᒪᓂᒃ ᐅᖃᐅᑦᔨᒍᑎᓂᒃ ᐊᓪᓚᓯᒪᔪᕐᑕᖃᕐᐳᑦ ᐴᒍᑕᐅᑉ ᐊᕙᓗᖓ. ᐅᑯᐊᖑᔪᑦ:

  • ᓂᕆᖃᑦᑕᕆᑦ ᐱᕈᕐᑐᕕᓂᕐᓂᒃ ᓰᕐᓇᑐᓂᒃ ᓰᕐᓇᖏᑦᑐᓂᒃᓗ
  • ᖃᑯᕐᓯᑎᕐᓯᒪᖕᖏᓂᕐᓴᓂᒃ ᓂᕆᓂᕐᓴᐅᖃᑦᑕᕆᑦ
  • ᓂᕆᖃᑦᑕᕆᑦ ᓄᑭᖃᑦᓯᐊᓇᕐᑐᓂᒃ ᓂᕿᓂᒃ
  • ᐃᒥᑐᐃᓐᓇᒥᒃ ᐃᒥᕐᓂᓴᐅᖃᑦᑕᕆᑦ

ᐴᒍᑕᐅᑉ ᕿᑎᕐᖃᖓᓂ ᓇᑉᐸᖓᓂ ᐱᑕᖃᕐᐳᑦ ᐱᕈᕐᑐᕕᓃᑦ ᓰᕐᓇᑐᑦᓴᔭᐅᖕᖏᑐᓪᓗ ᓰᕐᓇᑐᑦᓴᔦᓪᓗ (ᓲᕐᓗ ᐃᒣᑦᑐᑦ ᐳᔮᒃᓖᑦ, ᑭᐊᔭᑦᓰᑦ, ᑭᒍᑕᖏᕐᓀᑦ, ᓯᑐᕌᐱᐅᔩᑦ, ᑐᖑᔪᐊᖓᔪᐃᑦ ᐊᒻᒪᓗ ᖁᕐᓱᑌ ᐱᐊᓪ ᐱᐊᐳᐃᑦ, ᑭᖕᒥᓇᐅᔦᑦ, ᐊᐅᐸᕐᑐᑦ ᐅᖃᐅᔭᒻᒪᕇᑦ, ᖁᖑᓕᐅᔦᑦ, ᑐᒫᑐᐃᑦ, ᐸᑏᑕᓰᑦ, ᑐᒥᐅᔦᑦ ᐊᒻᒪᓗ ᓄᓇᐅᔭᐅᑦᓱᑎᒃ ᐸᐅᕐᖓᔫᔭᕐᑐᑦ ᐲᔅᖑᓂᕋᕐᑕᐅᓲᑦ). ᐴᒍᑕᐅᑦ ᕿᑎᕐᖃᖓᑕ ᕿᑎᕐᖃᖓᓃᑉᐳᑦ ᓂᖀᑦ ᓄᑭᖃᑦᓯᐊᓇᕐᑐᑦ (ᐅᕐᓱᐃᔭᕐᓯᒪᔪᑦ ᓂᕿᑐᐃᓐᓀᑦ, ᐸᑳᑯᐊᓂᕕᓃᑦ, ᐊᑦᔨᒌᑦᑎᖏᑦᑐᓗ ᖃᖁᐊᒉᑦ ᐱᕈᕐᑐᓴᔭᐅᑦᓱᑎᒃᓗ ᓴᐅᓈᑦ, ᐃᑦᔫᔦᓪᓗ, ᒪᓐᓃᓗ, ᑑᕗᐃᓪᓗ ᓰᓯᐅᔦᑦ, ᔫᑯᑦᓗ, ᐃᖃᓗᐃᓪᓗ ᐊᒻᒪᓗ ᐃᑦᔫᔭᓂᒃ ᐊᑦᓯᕋᐅᑎᖃᕐᑎᑕᐅᖃᑦᑕᓯᒪᔪᑦ ᕿᓂᕐᓯᐅᔭᖔᖑᑎᓪᓗᒋᑦ). ᐴᒍᑕᐅᑉ ᕿᑎᕐᖃᖓᑕ ᕿᑎᕐᖃᖓᓃᑉᐳᑦ ᓂᖀᑦ ᖃᑯᕐᓯᓕᑎᕐᓯᒪᖕᖏᑐᑦ (ᑲᔪᐃᑦ ᓂᐊᖁᔦᑦ, ᑲᔪᐃᑦ ᒫᑲᔫᓂᑦᓴᔦᑦ, ᑲᔫᑦᓱᑎᒃ ᐃᒻᒥᒍᑦ ᐱᕈᕐᓯᒪᔪᑦ ᖁᐱᕐᕈᐊᔪᐃᑦ, ᐊᐅᐸᕐᑐᑦ ᖁᐱᕐᕈᐊᔪᐊᕈᐃᑦ, ᑲᔪᐃᑦ ᖁᐱᕐᕈᐊᔪᐃᑦ).

ᑭᖑᓪᓕᖅ ᐊᑦᔨᖑᐊᖅ ᑕᑯᑦᓴᐅᑎᑦᓯᔪᖅ ᓄᐃᑕᑎᑦᓯᕗᖅ ᓯᑕᒪᐅᔪᕐᑐᓂᒃ ᐃᑦᓯᕕᓐᓂᒃ, ᐊᑐᓂᑦ ᐃᓕᒃᑰᓱᑎᒃ ᑐᓴᕋᑦᓴᑕᓕᓐᓂᒃ ᐊᑦᔨᖑᐊᕐᑕᖃᕐᓱᑎᒃᓗ.

ᐅᑯᐊ ᐊᓪᓚᑕᐅᒪᔪᑦ ᑕᑯᑦᓴᐅᕗᑦ ᖁᓛᓐᓂ:

ᓂᕆᑦᓯᐊᓂ ᐊᖏᓂᕐᓴᐅᕗᖅ ᓂᕆᔭᑎᓐᓂᑦ.

ᓯᕗᓪᓕᐹᖅ ᐃᑦᓯᕕᒃ ᐃᒣᓕᔪᖅ, ᓂᕆᖃᑦᑕᕆᑦ ᓂᕆᑦᓯᐊᕆᐊᖃᕐᓃᑦ ᐃᓱᒪᒋᓗᒍ.

ᐊᑦᔨᖑᐊᖅ ᑕᑯᑦᓴᖅ ᐃᓄᒻᒪᕆᖕᖑᐊᒃ ᐅᓪᓛᕈᒻᒥᑕᖃᑎᒌᑦᑐᖑᐊᒃ.

ᐃᑦᓯᕕᐅᑉ ᑐᖓᓕᖓ ᐃᒣᓕᔪᖅ, ᓂᕆᓚᖓᔭᑎᓐᓂᒃ ᐃᒐᓂᕐᓴᐅᖃᑦᑕᕆᑦ.

ᐊᑦᔨᖑᐊᖅ ᑕᑯᑦᓴᖅ ᐃᓄᒻᒪᕆᓪᓗ ᐱᐊᕋᕐᓗ ᐃᒐᔫᒃ.

ᐃᑦᓯᕖᑦ ᐱᖓᔪᖓᑦ ᐃᒣᓕᔪᖅ, ᓂᕆᔭᑎᓐᓂᒃ ᒪᒪᕐᓴᓯᐊᖃᑦᑕᕆᑦ.

ᐊᑦᔨᖑᐊᖅ ᑕᑯᑦᓴᐅᑎᑦᓯᔪᖅ ᖃᔪᕐᑑᑎᒥᒃ ᓂᕿᑕᓕᒻᒥᒃ.

ᓯᑕᒪᖓᑦ ᐃᑦᓯᕖᑦ ᐃᒣᓕᔪᖅ, ᐊᓯᑎᓐᓂᒃ ᓂᕆᓇᓱᖃᑎᖃᖃᑦᑕᕆᑦ.

ᐊᑦᔨᖑᐊᖅ ᑕᑯᑦᓴᐅᑎᑦᓯᔪᖅ ᓂᕆᓇᓱᖃᑎᒌᑦᑐᓂᒃ.

ᐃᑦᓯᕖᑦ ᑕᓪᓕᒪᖓ ᐃᒣᓕᔪᖅ, ᓂᖀᑦ ᓱᓇᐅᒻᒪᖔᑕ ᐊᓪᓚᓯᒪᔪᕐᑕᖏᓐᓂᒃ ᐊᑐᐊᕐᓯᖃᑦᑕᕆᑦ.

ᐊᑦᔨᖑᐊᖅ ᑕᑯᑦᓴᐅᑎᑦᓯᔪᖅ ᐃᓅᑉ ᐊᒃᒐᖏᓐᓂᒃ ᑎᒍᒥᐊᕐᑑᓂᒃ ᒪᕐᕈᐃᓂᒃ ᓂᕿᑕᖃᕐᓱᑎᒃ ᖁᒻᒧᔫᓐᓂᒃ. ᖁᒻᒧᔫᑉ ᐃᓗᓕᖏᑕ ᖃᓄᑎᒋᒃ ᓂᕿᑦᓯᐊᖑᓂᖏᑦ ᑕᑯᑦᓴᐅᑎᑕᐅᔪᑦ.

ᐃᑦᓯᕖᑦ ᐱᖓᓲᔪᕐᑐᖓᑦ ᐃᒣᓕᔪᖅ, ᓂᕆᓪᓗᐊᖃᑦᑕᓇᒃ ᓂᕿᓂᒃ ᑕᕆᐅᕆᑦᑐᓂᒃ, ᐱᑕᑦᓴᕆᑦᑐᓂᒃ ᐅᕝᕙᓘᓐᓃᑦ ᐅᕐᓱᖃᓗᐊᕐᑐᓂᒃ.

ᐊᑦᔨᖑᐊᖅ ᑕᑯᑦᓴᐅᑎᑦᓯᔪᖅ ᐃᒐᒪᒌᕐᑐᓴᔭᓂᒃ ᓲᕐᓗ ᐅᑯᓂᖓ ᑭᐊᑦᓴᐅᑎᐅᑉ ᐃᓗᐊᓂ ᐃᒐᔭᐅᓲᓂᒃ ᐲᑦᔭᓂᒃ, ᐃᒥᕋᕐᒥᒃ, ᐊᐅᑯᓗᒻᒥᒃ ᐊᒻᒪᓗ ᓂᕿᑦᓴᔭᐅᑦᓱᓂ ᖄᑦ ᑖᒃᒥᒃ.

ᐃᑦᓯᕖᑦ ᓯᑕᒪᐅᔪᖕᖏᒐᕐᑐᖓ ᐃᒣᓕᔪᑦ, ᐃᑉᐱᒋᔭᖃᑦᓯᐊᕆᑦ ᓂᕿᓂᒃ ᓂᐅᕕᕐᑕᐅᑎᑦᓯᒐᓱᒍᑎᑦᓴᔭᓂᒃ.

ᐊᑦᔨᖑᐊᖅ ᑕᑯᑦᓴᐅᑎᑦᓯᔪᖅ ᐃᓄᒻᒥᒃ ᑕᑯᓐᓇᕋᓱᑦᑐᒥᒃ ᓂᕿᓂᒃ ᓂᐅᕕᐊᑦᓴᖁᑎᐅᔪᓂᒃ ᑕᑯᓐᓇᕋᓱᑦᓱᓂᒋᑦ ᐅᖄᓚᐅᑎᒥᒍᑦ ᓇᑦᓴᕋᑦᓴᔭᒃᑯᑦ ᐊᒻᒪᓗ ᖃᕆᑕᐅᔭᐅᑉ ᑕᑯᑦᓴᐅᑎᑦᓯᒍᑎᖓᒍᑦ.

Report a problem or mistake on this page
Please select all that apply:

Thank you for your help!

You will not receive a reply. For enquiries, contact us.

Date modified: