ᒥᒋᒼ ᐅᓇᒋᑫᐏᐣ ᒐᑲᑌᓯᐣ
ᒥᒋᒼ ᐅᓇᒋᑫᐏᐣ ᒐᑲᑌᓯᐣ
ᑲᓇᑕ ᒥᒋᒼ ᐅᓇᒋᑫᐏᐣ
ᑿᔭᐠ ᐏᓯᓂᐣ᙮ ᑿᔭᐠ ᐱᒪᑎᓯᐣ᙮
ᒥᒋᒼ ᐅᓇᒋᑫᐏᐣ ᑲᒐᑲᑌᓯᐠ ᓂᔑᓄᐣ ᒪᔭᒼ ᒐᑲᑌᐢᒋᑲᓇᐣ᙮ ᓂᐡᑕᒼ ᒐᑲᑌᐢᒋᑲᐣ ᓇᑿᐣ ᓂᐱ ᔕᑅᑌᒥᓂᑲᓂᐠ ᐁᑿ ᒥᒋᒼ ᐅᓇᑲᓂᐠ᙮ ᐅᐍ ᐃᑭᑐᒪᑲᐣ ᐃᒪ ᐘᑭᒋᔭᐦᐃᐠ :
ᒥᔑᐣ ᐊᔭᓇᐣ ᑭᐡᑎᑲᐣ ᐁᑿ ᒥᓂᔑᐏ ᒥᒋᒪᐣ᙮
ᓂᐏᓄᐣ ᐏᑕᒪᑫᐏᓇᐣ ᑌᑎᐸᐦᐃ ᐅᓇᑲᓂᐠ᙮ ᐅᑵᓂᐘᐣ ᑕᐡ :
- ᒥᔑᐣ ᐊᔭᓇᐣ ᑭᐡᑎᑲᐣ ᐁᑿ ᒥᓂᔑᐏ ᒥᒋᒪᐣ
- ᐊᓄᒥᐣ ᐁᑿ ᒪᓄᒥᐣ ᒥᒋᒥᑲᓇᐣ ᐅᑕᐱᓇᐣ
- ᒥᒋᐣ ᑲᐏᔭᓱᑫᒪᑲᑭᐣ ᒥᒋᒪᐣ
- ᓂᐱ ᐅᓂᓇᐣ ᒥᓂᑿᑕᒪᐣ
ᐃᒪ ᐊᐱᑕ ᐅᓇᑲᓂᐠ ᑭᐡᑎᐣ ᐁᑿ ᒥᓂᔑᐏ ᒥᒋᒪᐣ (ᐊᓂᐱᐏᐸᑯᐣ, ᐅᑲᑕᑿᐠ, ᐏᔢᐡᑯᒥᓇᐣ, ᐅᑌᐦᐃᒥᓇᐣ, ᑲᔭᓂᐱᐘᑭᐣ ᐁᑿ ᑲᐏᓴᐘᑭᐣ ᑲᐏᓴᐣᐠᑭᐣ, ᒥᐢᑯᒥᓂᔕᐣ, ᒥᐢᑯᐸᑯᐣ, ᐊᓂᐱᐏᐘᐱᑿᓂᐏᐸᐠ, ᒥᐢᑯᐣᒋᒥᓇᐠ, ᐊᐡᑭᑅᐘᐣ, ᐏᓴᐏᒋᒥᐣ ᑭᐡᑎᑲᐣ ᐁᑿ ᐊᓂᐱᐏᐊᐣᒋᒥᓇᐠ᙮) ᐅᑕᑭᐠ ᒥᐏᑭᑫᐦᐃᐠ ᐅᓇᑲᓂᐠ ᓇᑿᓄᐣ ᐏᔭᓱᑫᐏ ᒥᒋᒪᐣ (ᐁᑲ ᑲᐏᓂᓂᐘᐠ ᐏᔭᐢ, ᐸᑲᐦᐊᑿᐣ, ᐸᐸᐠ ᑲᐃᔑᓇᑯᓯᐘᐨ ᐸᑲᓇᐠ ᐁᑿ ᓂᑕᐏᑯᒋᑲᓇᐠ, ᐊᐣᒋᒥᓇᐠ, ᐘᐘᐣ, ᒍᒍᔕᐳ ᐊᐣᒋᒥᓂᑲᓇᐠ, ᒍᒍᔕᐳ ᔑᒥᒋᒥᑲᐣ, ᑭᓄᔐ, ᐊᐣᒋᒥᓇᐠ᙮) ᐃᐡᑿᔭᐨ ᓂᐏᐸᑫᐏᐊᓇᑲᓂᐠ ᓇᑿᐣ ᐊᓄᒥᐣ ᐁᑿ ᒪᓄᒥᐣ ᒥᒋᒥᑲᓇᐣ (ᒪᑲᑚᓴᐏᐱᓷᔭᓇᐦᑯᓇ, ᒪᓄᒥᐣ ᒥᒋᒥᑲᓇᐣ, ᒪᓄᒥᐣ, ᐊᓄᒥᐣ ᐁᑿ ᒪᓄᒥᐣ ᒥᒋᒥᑫᐏᐸᑯᐣ, ᒪᑲᑌᐏᓴᐏᒪᓄᒥᐣ)᙮
ᐅᑕᐠ ᓂᔑᐣ ᐃᐍ ᑲᒐᑲᑌᓯᐠ ᓇᑿᓄᐣ ᓂᔁᓱ ᑲᑲᑫᐏᐱᐦᐃᑫᐏᓇᐣ, ᐁᔑ ᐸᐯᔑᑿᑭᐣ ᐏᑕᒪᑫᒪᑲᓄᐣ ᐁᑿ ᐘᐸᑕᐦᐃᐍᒪᑲᓄᐣ ᒐᑲᑌᓯᒋᑲᓇᐣ᙮
ᐅᐍ ᐃᑭᑐᒪᑲᐣ ᐃᒪ ᐘᑭᒋᔭᐦᐃᐠ :
ᒥᓄᐏᓯᓂᐏᓂᐧᐣ ᑲᐏᐣ ᐁᐦᑕ ᒥᒋᒼ ᑲᒥᒋᔭᐣ ᐃᐍ
ᓂᐡᑕᒼ ᑲᑲᑫᐱᐦᐃᑲᐣ ᐃᑭᑐᒪᑲᐣ, ᑭᑫᐣᑕᐣ ᐊᐣ ᒥᓂᑯᐠ ᐁᐏᓯᓂᔭᐣ᙮
ᒐᑲᑌᐢᒋᑲᐣ ᓇᑯᓯᐘᐠ ᓂᔑᐣ ᐊᐏᔭᐠ ᐁᐏᑕᒋᑫᒥᑎᐘᐨ᙮
ᑯᑕᐠ ᐃᐍ ᓂᔑᐣ ᑲᑲᑫᐏᑕᒪᑫᐏᐣ ᐃᑭᑐᒪᑲᐣ, ᒧᔕᐠ ᑲᑵᑭᔑᑌᐳᐣ᙮
ᒐᑲᑌᐢᒋᑲᐣ ᓇᑯᓯᐘᐠ ᐊᐏᔭ ᐁᑿ ᐊᐘᔑᐡ ᐁᐏᒋᑭᔑᑌᐳᒥᑎᐘᐨ᙮
ᑯᑕᐠ ᐃᐍ ᓂᐦᓯᐣ ᑲᑲᑫᐏᑕᒪᑫᐏᐣ ᐃᑭᑐᒪᑲᐣ, ᒥᓄᐳᑕᐣ ᑭᒥᒋᒥᒼ᙮
ᒐᑲᑌᐢᒋᑲᐣ ᓇᑿᐣ ᒥᒋᒼ ᐁᔭᓯᐘᑌᐠ᙮
ᑯᑕᐠ ᐃᐍ ᓂᐏᐣ ᑲᑲᑫᐏᑕᒪᑫᐏᐣ ᐃᑭᑐᒪᑲᐣ, ᐏᑕᒋᑫᒥᐠ ᑯᑕᑭᔭᐠ ᐘᐃᔭᐠ᙮
ᒐᑲᑌᐢᒋᑲᐣ ᓇᑿᐣ ᐊᐏᔭᐠ ᐁᐏᑕᒋᑫᒥᑎᐘᐨ᙮
ᑯᑕᐠ ᐃᐍ ᓂᔭᓇᐣ ᑲᑲᑫᐏᑕᒪᑫᐏᐣ ᐃᑭᑐᒪᑲᐣ, ᐊᐸᒋᑐᓇᐣ ᒥᒋᒥᑲᐠ ᐏᑕᒪᑫᐘᓯᓇᐦᐃᑲᓇᐣ᙮
ᒐᑲᑌᐢᒋᑲᐣ ᓇᑿᐣ ᐊᐏᔭᐠ ᐅᓂᒋᐘᐣ ᓂᔑᐣ ᒥᒋᒪᐱᑯᐣ ᐁᑕᑯᓇᒧᐘᒋᐣ᙮ ᒥᒋᒥᑲᐠ ᐏᑕᒪᑫᐘᓯᓇᐦᐃᑲᓇᐣ ᓇᑿᓄᐣ᙮
ᑯᑕᐠ ᐃᐍ ᓂᑯᑢᓱ ᑲᑲᑫᐏᑕᒪᑫᐏᐣ ᐃᑭᑐᒪᑲᐣ, ᐊᒍᓇᐣ ᒥᒋᒪᐣ ᒥᐡᑕᐦᐃ ᔑᐏᑕᑲᐣ, ᓯᐣᓯᐸᑿᐟ ᐁᑿ ᐏᓂᐣ ᑲᔭᑭᐣ᙮
ᒐᑲᑌᐢᒋᑲᐣ ᓇᑿᐣ ᑲᑿᔭᒍᐡᒋᑲᑌᑭᐣ ᒥᒋᒪᐣ ᑐᑲᐣ ᑭᔑᑌᑲᓯᑲᓇᐣ, ᓇᐸᑭᑲᓯᑲᓇᐠ, ᔑᐘᐳᐣ, ᔑᐘᒋᑲᓇᐣ ᐁᑿ ᐘᐏᔭᑭᐢᑲᒋᑲᓇᐠ᙮
ᑯᑕᐠ ᐃᐍ ᓂᑯᑢᓱ ᑲᑲᑫᐏᑕᒪᑫᐏᐣ ᐃᑭᑐᒪᑲᐣ, ᐊᔓᑐᓇᐣ ᒥᒋᒪᐣ ᑲᑲᑵᔭᑕᐘᑫᓇᓂᐘᐠ᙮
ᒐᑲᑌᐢᒋᑲᐣ ᓇᑿᐣ ᐊᐏᔭᐠ ᐁᑲᓇᐘᐸᑕᑭᐣ ᑲᔭᑕᐘᑲᑌᓂᑭᐣ ᒥᒋᒪᐣ ᐃᒪ ᒪᒋᑭᑐᓀᐦᓯᐠ ᐁᑿ ᒪᒪᑕᐘᐱᑯᐠ᙮
Page details
- Date modified: