ᓯᓚᐅᑉ ᐅᖂᓂᖓ ᐊᓯᖑᖅᑐᖅ ᑐᓴᒐᒃᓴᖅ ᐊᔾᔨᖑᐊᓕᑦ ᐃᔾᔪᔪᖅ

ᐅᓇ ᑐᓴᒐᒃᓴᖅ ᐊᔾᔨᖑᐊᓕᒃ ᑕᑯᑎᑦᑎᔪᖅ ᓴᕿᑦᑎᐊᖅᖢᒍ ᐊᒃᑐᐃᓂᖓ ᓯᓚᐅᑉ ᐅᖂᓂᖓ ᐊᓯᕈᖅᑐᖅ ᐅᑭᐅᖅᑕᖅᑐᒥ. ᑭᑎᐊᓂ ᑐᓴᒐᒃᓴᖅ ᐊᔾᔨᖑᐊᓕᒃ ᐊᔾᔨᖑᐊᖅᑕᖃᖅᑐᖅ ᓇᓗᓇᐃᖅᓯᒪᔪᑦ ᓄᓇᑐᐃᓐᓇᒥᒃ, ᓇᐹᖅᑐᓕᖕᓂᒃ ᑭᒡᓕᐊ ᐊᒻᒪᓗ ᓯᓈᖓ. ᐊᔾᔨᖑᐊᑦ ᐊᕙᓗᔭᐅᓯᒪᔪᑦ ᑲᓚᖃᖅᑐᖅ ᐊᐅᐸᔪᒃᑐᒥᒃ, ᖁᖅᓱᖅᑕᒥᒃ ᐊᒻᒪᓗ ᑐᖑᔪᖅᑕᒥᒃ. ᖁᓛᓂ ᐊᔾᔨᖑᐊᑦ ᓂᒡᓚᓱᖕᒪᖔᑦ ᐅᖂᖕᒪᖔᑦ ᖃᐅᔨᓴᕈᑎ ᐱᓯᒃᓯᖑᐊᖅ ᑎᒃᑯᐊᖅᓯᒪᔪᖅ ᖁᒻᒧᑦ ᐊᒻᒪᓗ ᑎᑎᕋᖅᓯᒪᔪᖅ ᐃᒪᐃᓕᖓᓪᓗᓂ “ᓯᓚᐅᑉ ᐅᖂᓂᖓ ᐊᓯᕈᖅᑐᖅ ᐊᒃᑐᐃᔪᖅ ᑕᒪᐃᓐᓂᒃ ᓄᓇᖅᑲᖅᑳᖅᓯᒪᔪᑦ ᓂᕿᒋᕙᒃᑕᖏᓐᓂᒃ ᐊᒻᒪᓗ ᐃᓅᓯᖏᓐᓂᒃ.” ᐅᑯᐊ ᐊᔾᔨᖑᐊᑦ ᓄᓇᑐᐃᓐᓇᒥ ᐃᓄᖑᐊᖃᖅᑐᑦ ᑭᒡᒐᖅᑐᖅᑐᑦ ᑐᑦᑐᓕᐊᖅᓯᒪᔪᑦ ᑕᑯᓐᓇᖅᑐᑦ ᑐᒃᑐᓕᒃ ᓄᒃᑕᖅᑐᓂᒃ ᐊᑖᓂ, ᐊᒥᓱᑦ ᓄᓇᖅᑲᖅᑳᖅᓯᒪᔪᑦ ᓴᓇᖃᑎᒌᒃᑐᑦ ᐃᖃᓗᓕᕆᓪᓗᑎᒃ ᐊᒻᒪᓗ ᐃᓐᓇᑐᖃᖅ ᐃᓕᓐᓂᐊᖅᑎᑦᑎᔪᖅ ᖃᐅᔨᒪᔭᑐᖃᓂᒃ ᑕᒪᐅᓐᓇ ᐅᖃᓪᓚᖃᑎᒋᓪᓗᒋᑦ ᒪᒃᑯᒃᑐᑦ. ᑕᒡᕙᓂ ᐊᔾᔨᖑᐊᕐᓂ ᐊᐱᓯᒪᔪᖅ ᓄᓇᑐᐃᓐᓇᖅ ᐊᔾᔨᖑᐊᖏᑦ ᐃᒡᓗᑦ ᐊᒻᒪᓗ ᐃᓄᖑᐊᑦ ᑭᒡᒐᖅᑐᖅᑐᑦ ᐃᓐᓇᑐᖃᕐᓂᒃ, ᓄᑕᖃᓂᒃ, ᐃᓐᓇᕐᓂᒃ ᐊᒻᒪᓗ ᓴᓇᖃᑎᒌᖕᓂᒃ ᓇᓗᓇᐃᖅᓯᔾᔪᑎᐅᓪᓗᓂ ᐃᓄᐃᑦ ᓄᓇᖓᑦ. ᑕᒫᓂ ᑕᓕᖅᐱᐊᓂ ᐊᔾᔨᖑᐊᖏᑦ ᓯᓈᖓᓂ ᓯᑯᓗ ᓯᖁᑦᑎᖅᑐᖅ ᐊᒻᒪᓗ ᐃᓄᖑᐊᖅ ᖃᒧᑕᐅᔭᒦᑦᑐᖅ ᐊᒻᒪᓗ ᐱᖃᑖ ᐃᓄᖑᐊᖅ ᑕᑯᓐᓇᖅᑐᖅ ᓯᕗᒻᒧᑦ ᓱᖃᒃᑎᔪᒥᒃ ᓯᑯᒥᒃ. ᐅᓇ ᐊᔾᔨᖑᐊᖅ ᐱᓯᒪᓂᖃᖅᑐᖅ ᐊᒃᑐᐃᓂᖓ ᓯᓚᐅᑉ ᐅᖂᓂᖓᑕ ᐊᓯᖑᕐᓂᖓᓂᒃ ᐊᖁᑎᒋᔭᐅᕙᒃᑐᓂᒃ.

ᑕᐃᑲᓂ ᓴᐅᒥᐊᓂ ᖁᓛᓂ ᑎᕆᖁᐊᓂ ᑐᓴᒐᒃᓴᖅ ᐊᔾᔨᖑᐊᓕᒃ ᐊᔾᔨᖑᐊᖏᑦ ᒪᕐᕉᒃ ᐃᓄᖑᐊᒃ ᐅᖃᓪᓚᖃᑎᒌᒃᑐᑦ ᓇᖏᖅᑐᒃ ᓯᓈᖓᓂ. ᐅᓇ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ᑕᐃᒎᓯᖃᓐᖏᑦᑐᑦ ᓇᓗᓇᐃᕈᑎᒃᓴᓂᒃ ᓄᑖᑦ ᖃᓄᐃᓕᖓᓕᖅᑐᓄᑦ”. ᑕᓕᖅᐱᐊᓂ ᐊᔾᔨᖑᐊᖅᑕᖃᖅᑐᖅ ᑐᖁᖓᔪᖅ ᐅᒥᖕᒪᑦ, ᖃᖓᑕᔪᖅ ᑎᖕᒥᐊᖅ ᐊᒻᒪᓗ ᐊᖑᓇᓱᒃᑎ ᓄᑕᕋᕐᒧᑦ ᐅᖃᓪᓚᒃᑐᖅ. ᐅᓇ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ᐊᖓᔪᒃᖠᑦ ᓄᑲᖅᖠᓪᓗ ᖃᐅᔨᒪᓂᖏᑦ ᓅᑕᐅᖃᑦᑕᖅᑐᑦ ᑭᐅᓯᔾᔪᓯᒋᔭᕆᐊᖃᖅᑐᓄᑦ ᓯᓚᐅᑉ ᐅᖂᓂᖓᑕ - ᐊᓯᕈᖅᑎᑦᑎᓗᐊᖁᓇᖏᑦ.” ᑕᒫᓂ ᑕᓕᖅᐱᐊᓂ ᐊᒻᒪᓗ ᐊᔾᔨᖑᐊᖏᑦ ᐊᐳᑎᑦ, ᐃᒪᕈᖅ ᐊᒻᒪᓗ ᐱᕈᖅᑐᑦ ᐱᓯᒃᓯᖑᐊᑦ ᑎᒃᑯᐊᖓᔪᑦ ᖁᒻᒧᑦ ᐊᔾᔨᖑᐊᖓᓄᑦ ᑐᒃᑐ ᓄᕐᕋᖃᖅᑐᖅ. ᐅᓇ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ᐊᒥᓱᑦ ᓂᕐᔪᑎᑦ ᐊᒻᒪᓗ ᐱᕈᖅᑐᑦ” ᓴᖑᓯᒪᓪᓗᓂ ᐱᓯᒃᓯᖑᐊᖅ ᓴᓂᐊᓄᑦ ᑎᑎᕋᖅᓯᒪᔪᖅ ᓇᓗᓇᐃᒃᑯᑕᖓ ᐊᑑᑎᖃᖅᑐᐃᓐᓇᐅᓂᖏᑦ ᐃᒻᒥᖕᓄᑦ ᓂᕐᔪᑎᑦ ᐊᒻᒪᓗ ᐱᕈᖅᑐᑦ. ᐱᖃᑖ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ᖃᓄᖅ ᓱᖏᐅᑎᔪᓐᓇᖅᐱᑕ, ᐃᑳᕈᓯᐅᕐᓗᑕ ᐊᔾᔨᒌᓐᖏᑦᑐᓂᒃ ᖃᐅᔨᒪᓂᕐᓂᒃ?”. ᑖᒫᓂ ᑕᓕᖅᐱᐊᓂ ᐊᔾᔨᖑᐊᖏᑦ ᑮᒋᐊᖅ ᐸᒥᐅᖅᑑᖅ, ᐃᖃᓗᒃ ᐊᒻᒪᓗ ᑐᒃᑑᔭᖅ, ᓴᖑᖓᔪᑦ ᐱᓯᒃᓯᖑᐊᑦ ᓴᓂᐊᓃᓪᖢᑎᒃ. ᐅᓇ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ᐊᔾᔨᒌᓐᖏᑑᑎᑦ ᓂᕐᔪᑎᑦ ᐊᒻᒪᓗ ᐱᕈᖅᑐᑦ” ᐊᓯᐊᑦᑕᐅᖅ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ᓈᒻᒪᒃᐹᑦ ᐅᓄᕐᓂᖏᑦ”

ᑕᐃᑲᓂ ᐊᑖᓂ ᓴᐅᒥᐊᓂ ᑎᕆᖁᐊᓂ ᑐᓴᒐᒃᓴᖅ ᐊᔾᔨᖑᐊᓕᒃ ᐊᔾᔨᖑᐊᖏᑦ ᓇᓗᓇᐃᖅᓯᓯᒪᔪᖅ ᖃᓅᑦᑕᕐᓂᖏᓐᓂᒃ ᐃᖃᓗᐃᑦ, ᒪᕐᕉᒃ ᓇᑦᑏᒃ ᐊᒻᒪᓗ ᓂᕆᕕᒋᓂᐊᖅᑕᐃᑦ ᓴᐱᖃᖅᑐᖅ ᐸᒃᑯᔭᕐᓂᒃᓗ. ᓴᖑᖓᔪᑦ ᐱᓯᒃᓯᖑᐊᑦ ᓴᓂᐊᓂ ᐊᔾᔨᖑᐊᑦ. ᐅᓇ ᑎᑎᕋᖅᓯᒪᔪᖅ ᐊᑖᓂ ᐊᔾᔨᖑᐊᖅ ᖃᓄᖅ ᐊᖏᑎᒋᓂᖓᓄᑦ ᐃᖃᓗᒃ ᐃᒪᐃᓕᖓᔪᖅ “ᓂᕿᑦᑎᐊᕙᐃᑦ ᐊᒻᒪᓗ ᐅᓗᕆᐊᓇᓐᖏᑦᑐᑦ”. ᐅᓇ ᑎᑎᕋᖅᓯᒪᔪᖅ ᐊᑖᓂ ᐊᔾᔨᖑᐊᖅ ᓂᕆᕕᖓ ᓵ ᐃᒪᐃᓕᖓᔪᖅ “ᓄᓇᓕᖕᓂ ᓂᕿᒋᔭᐅᔪᑦ ᐊᒻᒪᓗ ᓂᕿᑦᑎᐊᕙᐃᑦ ᐱᔭᐅᕙᒃᑐᑦ” ᐊᒻᒪᓗ ᐅᓇ ᑎᑎᕋᖅᓯᒪᔪᖅ ᐊᑖᓂ ᐊᔾᔨᖑᐊᖏᑦ ᓇᑏᑦ ᐃᒪᐃᓕᖓᔪᖅ “ ᖃᓄᐃᓐᖏᑦᑎᐊᕈᑎᒃ ᓂᕐᔪᑎᑦ” ᐊᖏᓂᖅᓴᐅᓪᓗᑎᒃ ᑎᑎᕋᖅᓯᒪᔪᖅ ᖁᓛᓂ ᑕᒪᕐᒥᒃ ᐱᖓᓱᑦ ᐊᔾᔨᖑᐊᓂ ᐃᒪᐃᓕᖓᔪᖅ “ᓂᕆᔪᒪᕕᐅᒃ?” ᑕᓕᖅᐱᐊᓂ ᐊᑖᓂ ᑎᕆᖁᐊᓂ ᑐᓴᒐᒃᓴᖅ ᐊᔾᔨᖑᐊᓕᒃ ᐊᔾᔨᖑᐊᖏᑦ ᓇᓗᓇᐃᖅᓯᓯᒪᔪᖅ ᓄᒃᑕᖃᑦᑕᕐᒪᑕ ᐃᖃᓗᐃᑦ, ᐊᒻᒪᓗ ᐅᓇ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ᓇᒧᖔᑎᖅᑕᐅᕙᖕᓂᖏᑦ ᓂᕐᔪᑎᑦ”. ᓴᖑᖓᔪᑦ ᐱᓯᒃᓯᖑᐊᑦ ᐃᓚᖃᖅᖢᓂ ᑕᒪᐃᓐᓂᒃ ᐊᔾᔨᖑᐊᓂᒃ. ᑕᒫᓂ ᑕᓕᖅᐱᐊᓂ ᐊᔾᔨᖑᐊᖃᖅᖢᓂ ᐃᓄᖑᐊᖅ ᐃᖏᕐᕋᔪᖅ ᑎᓴᒪᓕᒃᑯᑦ. ᐅᓇ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ᐊᐅᓪᓚᖅᓯᒪᓪᓗᓂ ᐃᒪᐃᓕᖓᓕᖅᑐᖅ>” ᑕᒫᓂ ᑕᓕᖅᐱᐊᓂ ᐊᔾᔨᖑᐊᖅᑕᖃᖅᑐᖅ ᒑᓯᖑᖅ ᑮᓇᐅᔭᖑᐊᖃᖅᖢᓂ ᐸᐃᑳᓚᖃᐅᑎ ᐊᒻᒪᓗ ᐱᓯᒃᓯᖑᐊᖅ ᓴᓂᐊᓂ ᑎᒃᑯᐊᖓᔪᖅ ᖁᒻᒧᑦ. ᐅᓇ ᑎᑎᕋᖅᓯᒪᔪᖅ ᐊᑖᓂ ᐃᒪᐃᓕᖓᔪᖅ “ ᑮᓇᐅᔭᓕᐅᕈᑕᐅᔪᑦ ᑐᓗᖅᑕᐅᑕᐅᔪᖅ.” ᑕᒪᐃᓐᓂᑦ ᐊᖏᓛᖑᓪᓗᓂ ᑎᑎᕋᖅᓯᒪᔪᖅ ᖁᓛᓂ ᐃᒪᐃᓕᖓᔪᖅ “ᐱᔪᓐᓇᖅᐸᕘᑦ?”