ᐊᕙᑎᕗᑦ ᐊᓯᕈᖅᑐᖅ ᐅᖂᓂᖓ ᓂᒡᓚᓱᖕᓂᖓᓗ ᐊᒃᑐᐃᔪᖅ ᐃᔾᔪᔪᖅ

ᑐᓴᒐᒃᓴᑦ ᐊᔾᔨᖑᐊᓪᓗ ᑕᑯᑎᑦᑎᓯᒪᔪᑦ ᖃᓄᐃᓕᖓᔫᓂᖏᓐᓂᒃ ᓇᓗᓇᐃᔭᑦᑎᐊᕈᓐᓇᕐᓂᖏᓐᓂᒃ ᐊᒃᑐᐃᔪᑦ ᑕᐃᒪᓐᓇᐅᓕᖅᑐᑦ ᐊᒃᑐᖅᑕᐅᓂᖏᓐᓄᑦ ᐅᖂᓯᕙᓪᓕᐊᓂᖓᓄᑦ ᐊᕙᑎᕗᑦ. ᖁᓛᓂ ᓴᐅᒥᐊᓂ ᑎᕆᖁᐊᓂ ᑐᓴᒐᒃᓴᑦ ᐊᔾᔨᖑᐊᓪᓗ ᑎᑎᕋᖅᓯᒪᔪᖅ ᐃᒪᐃᓕᖓᔪᖅ “ᓯᓚᐅᑉ ᐅᖂᓂᖓ ᐊᓯᕈᖅᑐᖅ ᐊᒃᑐᐃᔪᖅ ᓄᓇᒥᒃ, ᐃᒪᑦᑎᐊᕙᖕᓂᒃ, ᐃᒪᕕᖕᒥ ᐆᒪᔪᓕᒫᖏᓐᓂᒃ ᐊᕙᑎᓕᒫᖏᓐᓂᒡᓗ ᐊᔾᔨᒌᓐᖏᑑᑎᑦ ᐊᒻᒪᓗ ᐃᒻᒥᖕᓄᑦ ᐊᑕᔪᑎᒍᑦ.” ᐊᑖᓂ ᐊᔾᔨᖑᐊᖅᑕᖃᖅᖢᓂ ᓇᓗᓇᐃᖅᓯᔾᔪᑎᒋᔪᖅ ᓯᓚᒥᒃ ᐊᒻᒪᓗ ᓯᕿᓂᖅ ᓯᕿᓐᓂᖅᑐᖅ. ᕿᑎᐊᓂ ᓯᓚ ᐊᔾᔨᖑᐊᖃᖅᑐᖅ ᓂᒡᓚᓱᖕᓂᖓᓂ ᐅᖂᓂᖓᓂ ᖃᐅᔨᓴᕈᑎᒥᒃ ᐱᓯᒃᓯᖑᐊᑦ ᓴᓂᐊᓂ ᓇᓗᓇᐃᖅᓯᔾᔪᑎᒋᓪᓗᑎᒃ ᐅᖂᓯᓂᖓᓂᒃ. ᑕᒫᖓᑦ ᐊᔾᔨᖑᐊᖏᑦ ᓄᕗᔭᐃᑦ ᓯᓚᒥ ᒪᖁᖕᓂᖓ ᑐᒃᑐᓄᑦ ᓄᒃᑕᖅᑐᑦ ᐊᑖᓂ. ᑎᑎᕋᖅᓯᒪᔪᖅ ᐃᒪᐃᓕᖓᔪᖅ “ᒪᖁᖕᓂᖅᓴᐅᖃᑦᑕᓕᖅᑐᖅ ᐊᐳᒻᒧᑦ”. ᐱᓯᒃᓯᖑᐊᑦ ᑎᒃᑯᐊᖅᓯᒪᔪᖅ ᐊᔾᔨᖑᐊᖓᓄᑦ ᐅᖂᓂᖓᓂ ᖃᐅᔨᓴᕈᑎ ᑖᒃᑯᓄᖓ ᐊᔾᔨᖑᐊᖓᓄᑦ ᓄᕗᔭᐃᑦ ᐃᓱᒪᓕᕈᑎ ᒪᖁᖃᑦᑕᕐᓂᖅᓴᐅᓕᕐᓂᖓᓂᒃ ᑕᐃᒪᓗ ᐅᖂᓯᑎᑦᑎᕙᓪᓕᐊᔪᖅ. ᑕᓕᖅᐱᐊᓂ ᐱᓯᒃᓯᖑᐊᑦ ᑕᒫᖓᑦ ᐊᔾᔨᖑᐊᓂᒃ ᓯᕿᓂᖅ ᑎᒃᑯᐊᖓ.ᑦ ᐊᒻᒧᑦ ᐊᒻᒪᓗ ᑕᑯᑎᑦᑎᔪᖅ ᖄᖓᓂᒃ ᓄᓇᑐᐃᓐᓇᖅ ᐊᒻᒪᓗ ᓯᑯ ᑎᒃᑯᐊᖓᔭ ᖁᒻᒧᑦ. ᑎᑎᕋᖅᓯᒪᔪᖅ ᓴᓂᐊᓂ ᐃᒪᐃᓕᖓᔪᖅ “ᓄᓇᐃᑦ ᐊᐳᑎᖃᓐᖏᑦᑐᑦ ᐆᓇᕐᓂᖅᓴᒦᒃᑲᒥᒃ”. ᐊᑖᓂ ᐊᔾᔨᖑᐊᖅ ᓯᓚ ᓇᓗᓇᐃᖅᓯᔪᖅ ᓄᓇᑐᐃᓐᓇᒥᒃ, ᓯᓈᖓᓂᒃ ᐊᒻᒪᓗ ᐃᒪᕕᖕᒥᒃ. ᓄᓇᑐᐃᓐᓇᒥ ᕿᑎᐊᓂ ᐊᔾᔨᖑᐊᑦ ᐃᒡᓗᑦ, ᐃᓄᐃᑦ, ᖃᒧᑕᐅᔭᐃᑦ, ᐊᒻᒪᓗ ᐸᓂᖅᓰᕕᑦ ᐱᑦᓯᓄᑦ, ᓇᓗᓇᐃᖅᓯᓯᒪᔪᖅ ᐃᓄᐃᑦ ᓄᓇᖓᓂᒃ. ᑎᑎᕋᖅᓯᒪᔪᖅ ᐊᔾᔨᖑᐊᖓ ᓄᓇᑐᐃᓐᓇᒥ ᐃᒪᐃᓕᖓᔪᖅ “ᐊᐅᒍᓐᓇᓐᖏᑦᑐᖅ ᐊᐅᒃᐸᓪᓕᐊᔪᖅ” ᐊᒻᒪᓗ “ᓄᓇ ᓯᑐᖃᑦᑕᕐᓂᐊᖅᑐᖅ ᓯᕕᖓᔪᓂᑦ ᓄᓇᓂᑦ” ᐊᒥᓱᑦ ᐱᓯᒃᓯᖑᐊᑦ ᓇᓗᓇᐃᖅᓯᔪᑦ ᐆᓇᕐᓂᖓᓂ ᓯᕿᓂᖅ ᐊᒻᒪᓗ ᐅᖂᓯᕙᓪᓕᐊᑎᑦᑎᓂᖓᓂ ᑕᒪᐃᓐᓂᒃ. ᐊᔾᔨᖑᐊᖏᑦ ᕿᒥᐊᕐᔪᐃᑦ ᑰᑦ ᑰᒃᑐᑦ ᐃᒪᕕᖕᒧᑦ. ᑎᑎᕋᖅᓯᒪᔪᖅ ᖃᓂᒋᔭᖓᓂ ᐃᒪᐃᓕᖓᔪᖅ “ᐃᖃᖓᓂᑦ ᐃᓯᖃᑦᑕᖅᑐᑦ ᑰᒃᑯᑦ” ᐊᒻᒪᓗ “ᐊᓯᕈᖅᑐᑦ ᖃᖓᑰᖓᕙᖕᓂᖏᑦ ᐊᒻᒪᓗ ᐊᖏᓂᖓ ᑰᒃ ᑰᖕᓂᖓᑕ”. ᐊᒥᓱᑦ ᐱᓯᒃᓯᖑᐊᑦ ᓇᓗᓇᐃᖅᓯᔪᑦ ᓇᑭᖔᕐᓂᖓᓂᒃ ᐊᔾᔨᖑᐊᖓᓂᑦ ᐊᐳᑎᖃᖅᑐᖅ ᓄᓇᑐᐃᓐᓇᖅ ᑎᒃᑯᐊᖅᓯᒪᓪᓗᑎᒃ ᐊᒻᒧᑦ ᐃᒪᕕᖕᒧᑦ ᓇᓗᓇᐃᖅᓯᔪᑦ ᐃᖏᕐᕋᓂᖓᓂ ᐃᒪᐅᑉ ᐊᐅᒃᐸᓪᓕᐊᔪᒥᒃ ᐊᐳᒻᒥᑦ. ᐱᓯᒃᓯᖑᐊᖅ ᑕᐃᑲᖔᖅᑐᖅ ᐅᖂᓂᖓᓂ ᖃᐅᔨᓴᕈᑎ ᑎᒃᑯᐊᖅᓯᒪᔪᖅ ᐊᒻᒧᑦ ᑕᐃᑯᖓ ᐊᔾᔨᖑᐊᖏᓐᓄᑦ ᐱᕈᖅᑐᑦ ᓄᓇᑐᐃᓐᓇᒥ ᐅᑯᐊᓗ ᐃᓚᖃᖅᑐᑦ ᑎᑎᕋᖅᓯᒪᔪᒥᒃ ᐃᒪᓐᓇ “ᐱᕈᖅᑐᑦ ᐱᕈᕐᓂᖅᓴᐅᓂᐊᖅᑐᑦ ᐃᒻᒪᖄ” ᐊᒻᒪᓗ “ᐊᐳᑦ ᐊᐅᒃᓵᓕᖅᓴᐅᖃᑦᑕᓕᖅᑐᖅ”. ᑕᒫᓂ ᐊᔾᔨᖑᐊᓕ ᓯᓈᖓᓂ ᐊᔾᔨᖑᐊᖃᖅᑐᑦ ᖁᐱᖃᑦᑕᖅᑕᖓ ᓯᑯ ᐊᒻᒪᓗ ᑎᑎᕋᖃᖅᖢᓂ “ᑕᕆᐅᖅ ᓯᑯᐊ ᓄᖑᓐᓂᖅᓴᐅᓂᐊᖅᑐᖅ”. ᑖᒃᑯᐊ ᐊᒥᓱᑦ ᐱᓯᒃᓯᖑᐊᑦ ᑎᒃᑯᐊᖅᓯᒪᔪᑦ ᐊᔾᔨᖑᐊᒥᑦ ᓯᑯᓄᑦ ᐊᔾᔨᖑᐊᖓᓄᑦ ᐃᒪᕕᒃ ᐊᒻᒪᓗ ᑎᑎᕋᖅᓯᒪᔪᖅ ᐃᒪᐃᓕᖓᔪᖅ “ᐃᒪᑦᑎᐊᕙᒃ ᖄᖓᓃᑦᑐᖅ ᐃᒪᕕᒃ”. ᐱᓯᒃᓯᖑᐊᖅ ᑕᐃᑲᖔᖅᑐᖅ ᑕᒪᑐᒪᖓᑦ ᑎᑎᕋᖅᓯᒪᔪᒥᑦ ᑎᒃᑯᐊᖅᓯᒪᓪᓗᓂ ᐊᓯᖏᓐᓄᑦ ᑎᑎᕋᖅᓯᒪᔪᓄᑦ ᐃᒪᐃᓕᖓᔪᑦ “ᓂᕿᑦᑎᐊᕙᐅᓐᖏᓂᖅᓴᐃᑦ ᓴᕿᖃᑦᑕᖅᑐᑦ ᐃᑎᓂᖅᓴᓂᑦ ᐃᒪᕐᓂᑦ.” ᐊᑖᓂ ᐊᔾᔨᖑᐊᖏᑦ ᑰᑦ ᑰᒃᑐᑦ ᐃᒪᕕᖕᒧᑦ, ᐃᒪᕕᒃ ᓴᕿᔮᖅᑐᖅ ᒪᕋᖃᐅᖅᖢᓂ ᐊᒻᒪᓗ ᑎᑎᕋᖅᓯᒪᔪᖅ ᐃᒪᐃᓕᖓᔪᖅ “ᐊᒥᓲᓂᖅᓴᐃᑦ ᐃᖃᖓᓂᑦ ᐊᐅᔪᒥᑦ”. ᐱᓯᒃᓯᖑᐊᑦ ᑎᒃᑯᐊᖅᓯᒪᔪᑦ ᐊᓯᐊᓄᑦ ᐊᔾᔨᖑᐊᖓᑕ ᖃᐅᔨᓴᕈᑎ ᐅᖂᓂᖓᓂᒃ ᐊᒻᒪᓗ ᐊᔾᔨᖑᐊᖅ ᐃᒪᕕᒃ ᐃᓱᒪᓕᖅᓯᒪᔪᑦ ᑲᑎᖓᓂᖏᓐᓂᑦ ᐊᕙᑖᓂᑦ ᐅᖂᓯᔪᖅ ᐊᒻᒪᓗ “ᐃᖃᖓ ᑕᕆᐅᖅ ᓇᑎᖓᓂᑦ ᐲᖅᓯᖃᑦᑕᖅᑐᖅ ᐳᓪᓚᓂᒃ ᒑᓯᓂᒃ” ᐊᒻᒪᓗ “ᐊᓯᕈᖅᑐᑦ ᐃᒪᕕᒃ ᐃᖏᕐᕋᓂᖓ” ᐊᒻᒪᓗ “ᐊᖏᒡᓕᔪᖅ ᖄᖓᓂ ᐃᒪᐅᑉ ᐆᓐᓇᖅᑐᑦ”. ᐊᔾᔨᖑᐊᖏᑦ ᐃᖃᓗᐃᑦ ᐊᒻᒪᓗ ᖃᐅᔨᓴᕈᑎ ᐅᒥᐊᕐᔪᐊᖅ ᓴᕿᔮᖅᑐᖅ ᐃᒪᕕᖕᒥ. ᐊᑖᓂ ᑎᓴᒪᐅᓪᓗᑎᒃ ᑎᑎᕋᖅᓯᒪᔪᑦ ᓇᓗᓇᐃᖅᓯᔪᑦ ᐊᕙᑎ ᐊᒃᑐᖅᑕᐅᓂᖓᓂᒃ ᓯᓚᕗᑦ ᐅᖂᓯᓂᖓᓄᑦ.

ᐃᒪᑦᑎᐊᕙᒃ-ᐊᖏᓂᖅᓴᖅ ᑯᕕᖃᑦᑕᖅᑐᖅ ᐊᓯᕈᖅᑐᓄᑦ ᑰᖕᓄᑦ ᑰᖕᓂᖏᓐᓄᑦ ᐊᒻᒪᓗ ᐃᒪᖃᓐᖏᓂᖅᓴᐅᓕᖅᑐᑦ. ᐊᐅᒃᐸᓪᓕᐊᓂᖓ ᐊᐳᑦ ᐱᔭᕐᓂᓐᖏᑦᑐᖅ ᓂᕐᔪᑎᓂᒃ ᓂᕿᒃᓴᒥᖕᓂᒃ ᐱᔭᕆᐊᒃᓴᖅ ᐅᕝᕙᓘᓐᓃᑦ ᐅᖂᔭᕆᐊᒃᓴᖅ.

ᓄᓇ-ᐅᖂᓂᖅᓴᐅᓕᕐᒪᑦ ᐊᒻᒪᓗ ᐊᐳᑎᖃᓐᖏᓂᖅᓴᐅᕙᓕᖅᑐᖅ ᐋᕿᑦᑎᐋᖅᓯᒪᔪᓃᖅᑐᖅ ᕿᑭᓂᖓ ᐊᒻᒪᓗ ᑎᑭᐅᑎᔪᖅ ᐱᕈᖅᑐᓂᑦ ᐱᕈᕐᕕᐅᕙᓕᖅᑐᑦ ᐊᐅᔭᒃᑯᑦ.

ᐃᒪᕕᒃ ᐊᒻᒪᓗ ᑕᕆᐅᖅ ᓯᑯᖏᑦ-ᐊᓯᕈᖅᑎᑦᑎᔪᑦ ᐃᒪᖓᓂᒃ ᐊᒻᒪᓗ ᐃᒪᖓ ᐃᓚᖃᖅᑐᖅ ᐊᒃᑐᖅᑕᐅᒐᒥ ᐃᒪᕕᖕᒥ ᐆᒪᔪᓂᑦ ᑕᐃᒪᓗ ᐃᓂᖃᕐᕕᐅᒐᓗᐊᖅᑐᖅ ᐳᐃᔨᓂᑦ ᓂᕿᖃᕐᕕᐅᓪᓗᓂ. ᑕᕆᐅᖅ ᓯᑯᐊ ᐱᑕᖃᕈᓐᓃᕐᒪᑦ ᑕᐃᒪᑦᑕᐅᑦ ᐊᒃᑐᐃᔪᖅ ᐃᒪᕕᒃ ᑲᑎᓐᓂᖓ ᖄᖓᒍᑦ ᐊᓯᐅᔪᑦ ᓇᔪᕐᕕᐅᕙᒃᑐᑦ.

ᓯᓚᐅᑉ ᐅᖂᓯᓂᖓᓄᒃ ᑭᐅᓯᔪᑦ- ᐆᓇᕐᓂᖅᓴᐅᔪᑦ ᐃᔾᔪᖏᑦ, ᐊᐳᑎᖃᓐᖏᓂᖅᓴᖅ ᖄᖓ, ᐊᒻᒪᓗ ᐊᓯᖑᖅᑐᖅ ᐃᒪᕕᒃ ᐃᖏᕐᕋᓂᖏᑦ ᑕᐃᒪᐃᓕᖅᑐᑦ ᐅᖂᓯᕙᓪᓕᐊᑎᑦᑎᓪᓗᑎᒃᑕᐅᖅ.