ᐳᐃᔨᓂᒃ ᑐᓴᒐᒃᓴᑦ ᐊᔾᔨᖑᐊᓪᓗ

ᐅᓇ ᑐᓴᒐᒃᓴᑦ ᐊᔾᔨᖑᐊᓪᓗ ᑐᑭᓯᓇᖅᓯᑎᑦᑎᕚᓪᓕᖅᑐᖅ ᐳᐃᔨᓂᒃ ᐆᒪᔪᓕᒫᓂᒃ ᐊᕙᑎᖏᓐᓂᒡᓗ ᐊᒻᒪᓗ ᐊᒃᑐᐃᓂᖏᓐᓄᑦ ᑕᒪᓐᓇ ᐆᒪᔪᑦ ᐊᕙᑎᓕᒫᖏᓪᓗ ᓯᓚᐅᑉ ᐅᖂᓯᓂᖓᑕ ᐊᓯᕈᕐᓂᖓᓄᑦ, ᐅᒥᐊᕐᔪᐊᑦ ᐅᓯᑲᖅᑕᖅᑐᑦ ᐊᒻᒪᓗ ᐊᕙᑎᕗᑦ ᐊᓯᕈᕐᓂᖓᓂᒃ. ᐅᓇ ᑐᓴᒐᒃᓴᖅ ᐊᔾᔨᖑᐊᓪᓗ ᑕᑯᑎᑦᑎᖕᒥᔪᖅᑕᐅᖅ ᖃᓄᑦ ᑲᑎᖓᓂᖏᓐᓂᒃ ᐊᕙᑖᓂ ᐳᐃᔨᑦ ᐊᕙᑎᖏᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓂᕿᒃᓴᖏᑦ ᐊᒻᒪᓗ ᐃᓅᓯᖏᑦ.

ᑕᐃᑲᓂ ᖁᓛᓂ ᓴᐅᒥᐊᓂ ᑎᕆᖁᐊᓂ ᑐᓴᒐᒃᓴᑦ ᐊᔾᔨᖑᐊᓪᓗ ᐊᔾᔨᖑᐊᖓ ᓯᕿᓂᖅ ᐊᒻᒪᓗ ᐆᓇᖅᑐᓄᑦ ᖃᐅᔨᓴᕈᑎ ᓯᓚᑖᓂ ᓇᓗᓇᐃᖅᓯᓯᒪᓪᓗᓂ ᐅᖂᓯᓕᕐᓂᖓᓂ ᐅᑭᐅᖅᑕᖅᑐᖅ. ᓴᓂᐊᓂ ᑎᑎᕋᖅᓯᒪᔪᖅ “ᓯᓚᐅᑉ ᐅᖂᓂᖓ ᐊᓯᕈᖅᑐᖅ”. ᐊᑖᒍᑦ ᐊᔾᔨᖑᐊᖅᑕᖃᖅᖢᓂ ᓯᑯ ᓱᕋᑦᑎᔪᖅ ᓯᓈᖓᓂ ᓇᑦᑎᖅᑕᖃᖅᖢᓂ ᖄᖓᓂ ᐊᒻᒪᓗ ᑎᑎᕋᖅᓯᒪᔪᖃᖅᖢᓂ ᐃᒪᐃᓕᖓᔪᖅ “ᓯᑯᐃᕈᑎᓕᖅᑐᖅ” ᐊᒻᒪᓗ “ᓇᔪᖅᐸᒃᑕᖏᑦ ᐱᑕᖃᕈᓐᓃᖅᑐᑦ”. ᓴᓂᐊᓂ ᐊᔾᔨᖑᐊᖅᑕᖃᕆᓪᓗᓂ ᑲᓇᑕᒥ ᐱᓐᖑᖕᓇᖅᑐᓕᕆᔨᒃᑯᑦ ᓯᑯᓯᐅᑎᑦ ᐅᒥᐊᕐᔪᐊᑦ ᓱᕋᑦᑎᔪᖅ ᓯᑯᒥᒃ ᑎᑎᕋᖅᓯᒪᔪᖃᖅᖢᓂ ᖁᓛᓂ “ᓯᑯᐃᔭᐃᔪᖅ”. ᓯᑯᐃᔭᖅᑕᐅᑎᓪᓗᒍ ᓂᐱᖁᖅᑐᔪᐋᓗᒃ ᐊᒻᒪᓗ ᐊᔾᔨᖑᐊᖅᑕᖃᖅᐳᖅ ᓂᐱᖓ ᓇᒧᑦ ᑎᑭᐅᑎᒪᓂᖓ ᐃᒫᒍᑦ. ᑕᒫᓂ ᑕᓕᖅᐱᐊᓂ ᐊᔾᔨᖑᐊᖅ ᓯᑯᓯᐅᑎ ᐊᔾᔨᖑᐊᖅᑕᖃᕆᓪᓗᓂ ᐅᓯᑲᖅᑕᖅᑎᑦ ᐅᒥᐊᕐᔪᐊᑦ ᑎᑎᕋᖅᑕᖃᖅᖢᓂ ᖁᓛᓂ ᐃᒪᐃᓕᖓᔪᖅ “ᐅᒥᐊᕐᔪᐊᑰᖅᑎᑦᑎᓂᖅ”. ᐱᓯᒃᓯᖑᐊᑦ, ᑕᐃᑲᖔᖅᑐᑦ ᖁᓛᓂᑦ ᐅᒥᐊᕐᔪᐊᒥᑦ ᑎᑭᐅᒪᓪᓗᑎᒃ ᐃᖃᖓᓄᑦ ᐃᒪᐅᑉ ᐊᒻᒪᓗ ᖄᖓᓄᑦ ᓯᓈᖓᓄᑦ ᓇᓗᓇᐃᖅᓯᔪᖅ ᐊᑕᓂᖏᓐᓂᒃ ᐅᓯᑲᖅᑕᖅᑐᑦ ᐅᒥᐊᕐᔪᐊᓄᑦ, ᓯᑯᐃᔭᐃᔪᓂᑦ, ᐊᒻᒪᓗ ᓯᓚᐅᑉ ᐅᖂᓯᓂᖓᑕ ᐊᓯᕈᖅᑐᖅ ᐊᒻᒪᓗ ᐊᒃᑐᐃᓂᖏᓐᓂᒃ ᐳᐃᔨᑦ ᓇᔪᖅᐸᒃᑕᖏᓐᓂᒃ. ᑕᒪᓐᓇ ᑐᖑᔪᕐᓂᖓ ᖄᖓ ᓇᓗᓇᐃᖅᓯᔾᔪᑎᒋᔭᖓ ᐃᑎᓂᖓᑕ ᐃᒪᕕᒃ ᐊᒻᒪᓗ ᐊᑖ ᐅᓯᑲᖅᑕᖅᑎ ᐅᒥᐊᕐᔪᐊᖅ ᑖᒃᑯᐊᓗ ᐊᖕᒪᓗᖅᓯᓯᒪᑲᓴᒃᑐᑦ ᐱᓯᒪᓂᖃᖅᑐᑦ ᓂᐲᑦ ᑎᑭᐅᒪᓂᖏᓐᓄᑦ ᑖᒃᑯᓇᖓᑦ ᐅᒥᐊᕐᔪᐊᓂᑦ, ᐊᑖᓂ ᐊᔾᔨᖑᐊᖃᖅᖢᑎᒃ ᐳᐃᔨᑦ ᑖᓐᓇᓗ ᑑᒑᓕᒃ ᐊᒻᒪᓗ ᒪᕐᕉᒃ ᐊᕐᕖᒃ, ᖃᑯᖅᑐᖅ ᕿᓚᓗᒐᖅ ᐊᒻᒪᓗ ᐃᖃᓗᐃᑦ. ᐊᔾᔨᖑᐊᖏᑦ ᓂᐹᕿᔪᑦ ᐃᖏᕐᕋᓂᖏᑦ ᓴᓂᐊᓂ ᐳᐃᔨᑦ ᓇᓗᓇᐃᖅᓯᔪᖅ ᓂᐹᕿᓂᖏᓐᓂᒃ ᑖᒃᑯᐊ ᕿᓚᓗᒐᐃᑦ ᐊᕐᕖᓪᓗ ᐊᕿᐊᔪᑦ ᐃᖃᓗᖕᓄᑦ ᐊᒻᒪᓗ ᐅᖃᓪᓚᖃᑎᒌᒍᓯᖏᑦ. ᑎᑎᕋᖅᓯᒪᔪᖅ ᓴᓂᐊᓂ ᑖᒃᑯᐊ ᐊᔾᔨᖑᐊᑦ ᐃᒪᐃᓕᖓᔪᖅ “ᐱᔭᕐᓂᓐᖏᑦᑐᖅ ᑐᓴᖅᓴᐅᔪᓐᓃᓲᑦ ᐊᑭᐅᕈᓯᖏᑦ” ᐊᒻᒪᓗ “ᑐᓵᔪᓐᓇᐃᓕᓲᑦ ᐊᒻᒪᓗ ᓇᓗᓕᖅᖢᑎᒃ”. ᐅᓇ ᑎᑎᕋᖅᓯᒪᔪᖅ ᐊᒻᒪᓗ ᓂᐹᕿᔪᑦ ᐅᒥᐊᕐᔪᐊᓂᖔᖅᑐᑦ ᐅᓯᑲᖅᑕᖅᑐᓂᑦ ᓇᓗᓇᐃᖅᓯᔪᖅ ᐊᒃᑐᐃᓂᖏᑦ ᐅᒥᐊᕐᔪᐊᑦ ᐳᐃᔨᓂᒃ ᐊᒻᒪᓗ ᓇᔪᖅᐸᒃᑕᖏᓐᓂᒃ. ᑕᒫᓂ ᐅᖓᓯᒋᔭᖓᓂ ᑕᓕᖅᐱᐊᓂ ᐊᑖᓂ ᐅᓯᖃᖅᑕᖅᑎᑦ ᐅᒥᐊᕐᔪᐊᖅ ᐊᔾᔨᖑᐊᖅᑕᖃᖅᖢᓂ ᐊᕐᕕᖑᐊᖅ ᐊᒻᒪᓗ ᑲᑉᐱᐊᓇᖅᑐᖃᕐᓂᖓᓂ ᓇᓗᓇᐃᖅᓯᔪᖅ, ᐊᑖᓂ ᐊᕐᕕᖅ ᑎᑎᕋᖅᓯᒪᔪᖅ ᐃᒪᐃᓕᖓᓪᓗᓂ “ᑐᓗᖅᑕᐅᓲᑦ”. ᐊᔾᔨᖑᐊᖅ ᐊᒻᒪᓗ ᑎᑎᖃᖏᑦ ᓇᓗᓇᐃᖅᓯᔪᑦ ᐊᒃᑐᐃᓂᖏᓐᓂᒃ ᐅᒥᐊᕐᔪᐊᑦ ᐹᖅᓯᖃᑦᑕᖅᖢᑎᒃ ᑐᓗᖅᓯᖃᑦᑕᖅᖢᑎᒃ ᐸᐃᔨᓂᒃ ᑕᒫᓂ ᑕᕆᐅᖅ ᐊᕙᑖᓂ.

ᕿᑎᐊᓂ ᑐᓴᒐᒃᓴᑦ ᐊᔾᔨᖑᐊᓪᓗ ᐳᕕᖅᓯᒪᔪᑦ ᐊᔾᔨᖑᐊᖏᑦ ᐊᕐᕖᑦ, ᖃᑯᖅᑐᑦ ᕿᓚᓗᒐᐃᑦ, ᓇᑦᑎᖅ ᐊᒻᒪᓗ ᑑᒑᓕᒃ ᓇᓗᓇᐃᖅᓯᔪᖅ ᐅᑭᐅᖅᑕᖅᑐᒥ ᐳᐃᔨᓂᒃ. ᐅᓇ ᐱᓯᒃᓯᖑᐊᖅ ᑕᐃᑲᖔᖅᑐᖅ ᑎᑎᖃᓂᑦ ᐊᒻᒪᓗ ᐊᔾᔨᖑᐊᓂᑦ ᑕᒪᐃᓐᓄᑦ ᑐᓴᒐᒃᓴᑦ ᐊᔾᔨᖑᐊᓪᓗ ᑎᒃᑯᐊᖅᓯᒪᔪᑦ ᐳᕕᖅᓯᒪᔪᑦ ᓇᓗᓇᐃᕈᑎᒋᓪᓗᒍ ᐊᔾᔨᒌᓐᖏᑦᑐᑦ ᐊᑕᔪᑦ ᐊᒃᑐᖅᑕᐅᔪᑦ ᓯᓚᐅᑉ ᐅᖂᓂᖓ ᐊᓯᕈᕐᓂᖓᓄᑦ, ᐊᕙᑎ ᐊᓯᕈᕐᓂᖓ ᐊᒻᒪᓗ ᐃᓄᐃᑦ ᖃᓄᐃᓕᐅᕈᓯᖏᑦ ᐳᐃᔨᓄᑦ.

ᑕᓕᖅᐱᐊᓂ ᑐᓴᒐᒃᓴᑦ ᐊᔾᔨᖑᐊᓪᓗ ᐊᒻᒪᓗ ᐳᕕᖅᓯᒪᔪᑦ ᐊᔾᔨᖑᐊᖏᑦ ᐳᐃᔨᑦ ᐱᑕᖃᖅᑐᑦ ᐊᔾᔨᖑᐊᖓᓂᒃ ᐃᒪᓗᒐᓲᑎᑦ ᐃᖃᖓᓂ ᓄᑦᑐᐊᖑᔪᑦ ᒪᑦᑎᑕᐅᑎᑦ ᑎᑎᕋᖅᓯᒪᔪᖃᖅᖢᓂ “ᓂᕿᖃᖅᑐᑦᑕᐅᖅ ᑖᒃᑯᓂᖓ”. ᑎᑎᕋᖅᓯᒪᔪᖅ ᖁᓛᓂ ᐃᖃᓗᒐᓲᑎ ᐃᒪᐃᓕᖓᓪᓗᓂ “ᐃᖃᓗᒐᓱᒃᑎᑦ”. ᐊᑖᓂ ᐃᖃᓗᒐᓲᑎ ᐊᔾᔨᖑᐊᖅᑕᖃᖅᖢᓂ ᐊᕐᕕᖅ ᕿᓚᓗᒐᕐᓗᑭᐊᖅ ᐃᖃᓗᒐᓱᒃᑐᑦ ᒪᑦᑎᑕᐅᓂᖓᓂ ᒪᑦᑎᓯᒪᔪᖅ ᑎᑎᕋᖅᓯᒪᔪᖃᖅᖢᓂ ᐃᒪᓐᓇ “ᒪᑦᑎᓯᒪᔪᑦ ᐲᕈᓐᓇᐃᓕᔪᑦ”. ᑕᒫᓂ ᓴᐅᒥᐊᓂ ᐊᔾᔨᖑᐊᓪᓗ ᐳᕕᖅᓯᒪᔪᑦ ᐊᔾᔨᖑᐊᖅᑕᖃᖅᖢᓂ ᓯᕿᖑᔭᖅ ᐊᒻᒪᓗ ᐅᓪᓗᓯᖅᐅᑎᑦ ᐃᒪᐃᓕᖓᓪᓗᓂ “ᐊᓯᕈᖅᑐᑦ ᓄᒃᑕᕐᕕᖏᑦ/ᐃᕐᓂᐅᕐᕕᖏᑦ”. ᐊᑖᓂ, ᐳᕕᖅᓯᒪᔪᑦ ᑎᑎᖃᖃᖅᖢᓂ ᐸᐅᖅ ᐊᒻᒪᓗ ᐸᑕᓖᖅ ᐃᒪᒃᓴᔭᖓ ᐊᒻᒪᓗ ᐃᒪᐃᓕᖓᓪᓗᓂ “ᐃᒪᕕᒃ ᐸᑕᓖᑦ ᐃᒪᒃᓴᔭᖓᓂᒃ ᐊᐅᒃᓯᔪᓐᓇᖅᑐᖅ”. ᑎᑎᕋᖅ ᐊᒻᒪᓗ ᐊᔨᖑᐊᖅ ᓇᓗᓇᐃᖅᓯᓯᒪᔪᖅ ᖃᓅᑎᒋᓂᖓ ᑕᒪᓐᓇ ᐊᐅᒃᓯᔪᓐᓇᖅᑐᖅ ᐊᒻᒪᓗ ᐸᐅᖅ ᐃᒪᕕᖕᓂ ᐊᒻᒪᓗ ᐊᒃᑐᖅᑕᖏᑦ ᐃᖃᓗᐃᑦ ᐊᒻᒪᓗ ᓂᕿᖏᑦ ᐱᖃᑖᓂ ᐊᔾᔨᖑᐊᖑᓪᓗᑎᒃ ᐃᖃᓗᐃᑦ ᐊᒻᒪᓗ ᐃᒪᕐᒥᐅᑕᐃᑦ ᐱᕈᖅᑐᑦ ᐊᑦᑕᑎᖃᓐᖏᑦᑐᑦ ᑎᑎᕋᖅᓯᒪᔪᖃᖅᖢᑎᒃ “ᐊᑦᑎᒃᓯᓯᒪᔪᑦ ᓂᕆᕕᒋᔪᓐᓇᖅᑕᖏᑦ ᐊᒻᒪᓗ ᐊᓯᕈᖅᑐᑦ ᓂᕆᖃᑦᑕᖅᑕᖏᑦ”. ᐊᑖᓂ ᐊᔾᔨᖑᐊᖃᖅᖢᓂ ᐋᕐᓗᒃ ᐊᒻᒪᓗ ᓵᒪᓐ ᐊᒻᒪᓗ ᑎᑎᕋᖅᓯᒪᓪᓗᓂ “ᓄᑖᑦ ᐆᒪᔪᑦ ᐊᒻᒪᓗ ᐋᓐᓂᐊᓇᖅᑐᑦ”. ᑕᒫᓂ ᑕᓕᖅᐱᐊᓂ ᑎᑎᕋᖅᓯᒪᔪᑦ ᐱᓯᐲ, ᑎᑎᑏ, ᐊᒻᒪᓗ ᐊᕿᕐᕉᔭᒃᓴᖅ ᑕᐃᒪᐃᓕᖓᓪᓗᓂ “ᓱᕈᖅᓇᖅᑐᑦ” ᓇᓗᓇᐃᒃᑯᑕᕆᓪᓗᒍ ᐃᒥᖅ ᓱᕈᖅᓯᒪᔪᖅ. ᐊᔾᔨᖑᖃᖅ ᕿᓪᓚᔪᑭᐊᑦ ᑎᑎᕋᖅᓯᒪᔪᖃᖅᖢᑎᒃ “ᕿᓪᓚᔪᑭᐊᑦ” ᓇᓗᓇᐃᖅᓯᓯᒪᔪᑦ ᓱᕈᕐᓇᖅᑑᓂᖏᓐᓂᒃ.

ᐱᓯᒃᓯᖑᐊᖅ ᑕᐃᑲᖔᖅᑐᖅ ᕿᑎᐊᓂ ᐳᕕᖅᓯᒪᔪᖅ ᐊᔾᔨᖑᐊᖃᕆᓪᓗᓂ ᐳᐃᔨᑦ ᑎᒃᑯᐊᖅᓯᒪᓪᓗᑎᒃ ᐊᒻᒧᑦ ᐊᔾᔨᖑᐊᖓᓄᑦ ᓯᓈᖓ. ᖁᓛᓂ ᓯᓈᖓᑕ, ᑎᑎᕋᖅᓯᒪᔪᑦ ᐱᖓᓱᑦ ᑭᑉᐹᕆᒃᑐᓂ ᐃᒪᐃᓕᖓᓪᓗᑎᒃ “ᐆᒪᔪᑦ ᑎᑭᐅᑎᔪᑦ ᐅᑭᐅᖅᑕᖅᑐᒧᑦ”, “ᐋᓐᓂᐊᖃᕐᓇᓐᖏᑦᑐᓕᕆᓂᖅ ᐊᒻᒪᓗ ᑎᒥᖏᑦ ᖃᓄᐃᒻᒪᖔᑕ” ᐊᒻᒪᓗ “ᐊᐅᓚᑎᑐᖃᑎᒌᒍᓯᑐᖃᖅ ᐊᖑᓇᓱᒃᑐᑦ ᓄᖒᑦᑎᕙᓪᓕᐊᓇᑎᒃ”. ᑕᒫᓂ ᓯᓈᖓᓂ ᐊᔾᔨᖑᐊᖅᑕᖃᖅᖢᓂ ᐃᓄᒃ ᐊᖑᓇᓱᒃᑎ ᐊᒻᒪᓗ ᒪᒃᑯᒃᑐᖅ ᓇᑦᑎᖅᑐ ᑕᐃᑲᓂ ᐊᖑᓇᓱᒃᑎ ᒪᒃᑯᒃᑐᒧᑦ ᑐᓂᓯᔪᑦ ᖃᐅᔨᒪᓂᕐᒥ ᖃᓄᖅ ᐊᖑᓇᓱᒍᓐᓇᕐᓂᕐᒥᒃ ᑭᖑᕚᕆᓂᐊᖅᑕᒥᓄᑦ. ᑕᓕᖅᐱᐊᓂ ᐊᖑᓇᓱᒃᑎᑦ ᐊᔾᔨᖑᐊᖅᑕᖃᖅᖢᓂ ᐃᓄᒃ ᐊᕐᓇᖅ ᐊᒫᖅᑐᖅ ᐊᒫᖅᐸᒃᑐᑐᖃᐅᒐᒥᒃ. ᑐᓄᐊᓂ ᐊᕐᓇᐅᑉ ᐊᔾᔨᖑᐊᖓᑕ ᐊᔾᔨᖑᐊᖃᖅᖢᓂ ᐃᓐᓇᑐᖃᖅ ᐊᒻᒪᓗ ᓄᑕᖃᑦ ᐊᒻᒪᓗ ᓴᓇᔨᑦ ᐊᒻᒪᓗ ᖃᒧᑕᐃᔭᐃᑦ ᐊᒻᒪᓗ ᐃᓄᐃᑦ ᐃᒡᓗᕋᓛᖏᑦ ᐊᒻᒪᓗ ᕿᒻᒦᑦ ᑕᒫᓂ ᐃᖃᓗᖕᓂᒃ ᐸᓂᖅᓰᕕᖕᓂ ᐱᔅᓯᓕᐅᖅᑐᓂ ᓇᓗᓇᐃᖅᓯᔪᖅ ᐃᓄᐃᑦ ᓄᓇᖁᑎᖓᓂᒃ. ᑎᑎᕋᖅᓯᒪᔪᖅ ᐊᑖᒍᑦ ᐊᔾᔨᖑᐊᖅ ᐃᒪᐃᓕᖓᓪᓗᓂ “ᓄᓇᖅᑲᖅᑳᖅᓯᒪᔪᑦ ᓂᕿᖏᑦ ᐊᒻᒪᓗ ᐃᓅᓯᖓ”. ᑖᓐᓇ ᐱᓯᒃᓯᖑᐊᖅ ᑕᐃᑲᖔᖅᑐᖅ ᓯᓈᖓᓂᑦ ᑎᒃᑯᐊᖅᓯᓯᒪᓪᓗᓂ ᐳᕕᖅᓯᒪᔪᓄᑦ ᐊᔾᔨᖑᐊᖃᖅᖢᑎᒃ ᐳᐃᔨᑦ ᓇᓗᓇᐃᖅᓯᓯᒪᔪᑦ ᑕᒪᐃᓐᓄᑦ ᐊᑕᓂᖕᒥᖕᓂᒃ ᐊᕙᑖᓂ ᐳᐃᔨᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓂᕿᖏᑦ ᐊᒻᒪᓗ ᖃᓄᐃᖏᑦᑎᐊᕈᓯᖏᑦ.