Tuhagutait POLARkut

POLARkut Katimayiit

Takuhimaviuk POLARkuni Katimayiit? Katimayiit munagiyut havakviinik uktugutikhait namungautjutait. POLARkut kinguliit katimayiit katimahimayut munagiyaupluni POLARkuni Kimilguukviit Junemi. Katimayiit ukahimayait ikpinagiyaini ovalo katihimayait ilaukatingit nunalaani. Ikaluktutiamiititlugit, ilauhimayut IQmi Ubluanik (Ublua ayoikhaiviit Inuit mikhaanut Qaujimayatukangit), ilauyuk Nunakyuami Tagiut Ubluanut.

Angiktikatigiikhimayut Ukiuktaktumi Nunakakaakhimayut Havakviit

POLARkut Angigutikaktut Inuit Tapiriit Kanatami ovalo Gwich'in Itkilikatigiit Katimayiit. Hapkoa angigutit hakugikhivaktait POLARkut hivumuunahuagutainik kimilguuktainik munagiyakhait Inuit ovalo Gwich'in nunakatigiit havakatigiilutik, hanalugit atugutikhait ovalo havakatigiiktakhait. Pihimayutlu Nunakakaakhimayut hivuliit ovalo maligaliuligiyiit ilaulugit POLARkunut.

POLARkut kungiaktut uktugutikhainik havakatigiilutik ovalo havaktakhait piyumayainik ukiuktaktumi nunalaat ovalo kitkaniitut angigiyait Kanatamiut ovalo Nunakyuamiut ilauyut. Ilihagiaganik atugutikhait ikpigiyainik, ihumagiyainiklu POLARkut Uktugutikhainik Paknaiyaiyiit.

Kimilguuktait ovalo manikhait

Kimilguuktait ovalo manikhait POLARkuni hivuliuyut Kauyimayainik ovalo Atugutainik Pilihimatjutikhait ovalo atuktut POLARkuni pingahut tikitumayait:

• Ihuakhanahualugu kauyimayainik angiyut ukiuktaktumi nunait, imait ovalo tagiungit ilanganiitut kilamik aalangulimata;
• Amigaitinahualugit kauyimayakhait ilaukatigiit ukiuktaktumi nunalaat naamagutikhait ovalo avatiligiyiit naamagutikhait; ovalo
• Hivumutinahualugit kuliligiyikhait, atugutikhait, ovalo havakatigiigutikhait ihuakhgiaganik hamani avatilingit, inulingit ovalo inuuviviniit kanugitjutait ukiuktaktumi.

Ayoinahualugit mikhaanut manikhat ovalo pilihimatjutikhait.

Inuit nanunik nalungitut ilaukatigiyait kauyimayainik nutaami kimilguuktait

Nutaami tuhaktitait, Inuit nanunik nalungitut Nunavumi Nunalaanginit Pangnirtungmi ovalo Kimmirutmit kiuhimayut apitkutainik mikhaanut aniaktitailigiyiit ovalo amigaitjutait nanuit. Inuit Qaujimayatukangit kitkaniinmata kangikhitjutikhainik kanuk nanuit naamagiaganik ublumi hilat aalanguliktitlugit. Tuhaktitait hanalgutiginiaktait hugaaligiyiit munagiyiinik paknaiyaiyiit tagiungani Davis Strait nanuit.

Naluhuifaagit

Atukhugit DNAnik naluhuigiaganik nutaat hugaat Ukiuktaktumut

POLARkut kimilguuktiit atuliktut DNAnik naluhuigutikhainnik nunami naluhuigiaganik nutaanik hugaanik hivunikhaptini. Naluhuigiaganik nutaat hugaat hilamit aalanguliktumut kailikpaktut ukiuktaktumut hivunikhaptini. – ilauyut mikiyunuat kipilguligiyiit – naluhuiktukhauyugut hanamik hugaanik inuuliktut Ukiuktaktumi ublumi. DNAnik naluhuiyagutait nutaanguyut hanalgutainut naluhuiyagutait hunauyut ovalo nakingaakhimayut nunakyuamit aalt.

Naluhuifaagit

Kanuk hilat aalanguligutait atuktiliktait Ukiuktaktumi mikinikhaat hugaat, Avingait?

Kauyimayut Université Laval, Kanatami Kungiakviit Nunamit ovalo Nanuit Kauyimayangit Kanatami kinikhiavaktut kanuk nipalukataktut kikiuyamik ikpinagiyait avingait. Avingait nikhait amigaitut hugaat angitkiyainit. Ukiumi, nunat ataanungaulikpaktut ilaani apotimi. Hilat aalanguligutait kaipkailiktut kikingayunik nipalunik akhut. Kimilguultit takuliktut naputkiyanik apotinik. Kimmilguuktiit takuliktut hakugikiyainik apotinik, hivutkiyanik, avingait ataanungalaiktunik ilaa, apotit hivyukpiagaagamik. Tahamna ikpinaktut, ilaa hilat unaligaagamik, nipalulikpaktut apotimi Ukiuktaktumi ovalo avingait havalikpiakpaktut hakugitkiyaumi hilat.

Tuhafaagumaguvit

POLARkut-GNWTkut ilaukatauliktut ikayukatigiigiaganik kinikhiatjutainik ihuakhagutikhait kataliktunik tuktut

POLARkut ovalo Kavamatkut Nunatiami havakatigiiliktut tuniyaanganik nutaamik manikhaiik tuktut kimilguugutikhait. Hanianik $850,000mik atulaaliktut ukiuk tamaat pingahuni ukiuni kimilguugutikhait tuktuit.

Tuhafaagutikhait

Ukiuktaktumi Kauyimayakhainik Ayoikhaitjutikhait Pilihimatjutikhait Ukautait

POLARkut munagiliktut Ukiuktaktumi Kauyimayiinik Ayoikhaitjutikhait Pilihimatjutikhainik (NSTP), ilihimayut ukiumi 1961 Kavamatukatkunit pitkuhimayait Kanatamiut Universitiit ayoikhailutik ukiuktaktumit ayongitukhanik Kanatamit. Ukiuktaktumi Kauyimayiit Ayoikhaitjutikhait (NSTP) tuniniaktut manikhainik iniktiliktunut Ilihaktunik tamaat Kanatami. Ukiuk pilihimatjutait tuniniaktut hanianik $920,000nik manikhat 279nik ilihaktunut 36ni universitini.

Tuhafaagumaguvit

POLARkut Iliniagiakpaalivimi Pilihimatjutikhait

Ukiuk POLARkut autlaktiyut nutaamik Iliniagiakpaalivimi Pilihimatjutikhait ikayugiaganik ukiuktaktumit kimilguuktiit. POLARkut Iliniagiakpaalivimi tuniniaktut ($50,000mik) ikayugutikhait iniktiliktut Inikpiagutainut ilihagutait ovalo pulaaktut kimilguuktiit ukiuktaktumi, havaktut ilauyunut POLARnut Kauyimayatukangit ovalo Atugutikhait Tikitumayainut.

Uktugumaviit hapkonani Iliniagiakpaaligutikhainut? Uminiaktut January 16mi, 2023. Nanilugit tuhafaagutikhait.

Yukonmi Uktugutikhakhiuktut

POLARkut angmaktiyut kinikhialikhutik uktuktukhanik Novembermi Yukonmi hanayakhat hivumungayunik kauyimayakhainik hilat aalanguligutait ikpinaglimagit ovalo ihuakhaklugit uktugutikhait. Akhuuktut inminik uktuklutik kimilguugutaini ilihakviani Yukon Itkiliit hivuliutiyumayainut ovalo nunamiit kungiaktut tamaktitailigiyiinik ihuakhagutikhait hivunikhaptini Yukonmi nunalaat.

Naluhuifaagit

Kanatamiut, Inuit ovalo UKmi Kimilguukatigiit (CINUK Pilihimatjutait)

Maymi 2022, 13nik hanayakhat pihimayut manikhakhutik ataanit Kanatami-Inuit Nunangat-UKmi Ukiuktaktut kimilguugutainik Pilihimatjutikhait 2021-25 (CINUK Pilihimatjutait).

CINUKmi Pilihimatjutait pikataktut amigaitunik ikpinagiyainik, ilauplutik Umiaktuktut, Hugaat Naamagutikhait, nunamit nikikhait, avatiligiyiit naamagutikhait, kimikhiayut ovalo aikhiktut, kuliligiyiit, nunaliit aniaktitailigiyiit, hinaanit nungutigutait, plastiit ovalo halumaiktiligiyiit ovalo amigaitut. CINUKkut Ukiumi Kauyimakatigiit Katimaniaktut December 5mi ukiuk ArcticNetkut Katimakyuaniaktut (ASM) 2022.

2022mi Ukiuktaktumi Kauyimayatukangit Ilitagitjutait

Ilitagiyumayakut Lucassie Arragutainaq, ukiuk Ukiuktaktumi Kauyimayatukangit Ilitagitjutait pihimayuk Sanikiluaqmit, Nunavut. Tuniyauhimayuk ilitagitjutainik December 8mi, ArcticNetkut Katimakyuaktitlugit.

Ukiuktaktumi Kauyimayatukangit Ilitagitjutait tunivaktut ukiuk tamaat ilitagiyaanganik ikayugutait kauyimayainik ovalo kangikhimayainik Kanatami Ukiuktaktut, ilauplutik kingulianik Nunakyuami Nanuit Ukiunganut (2007-2008), ilitagihimayut aalanguktigutainik kauyimayainut piliktut ublumi/

Naluhuifaagit

POLARkut Ilihaktit Ilitagitjutait

POLARkut ilitagiyut ovalo ikayuktut aipait inuukatigiit Ukiuktaktumi kimilguuktiit Ilanganik ilitagitjutait ovalo Ilihaktut ikayugutikhainik universitimi ilihaktut Ukiuktaktumi Ilihautait: POLARkut Ikayugutikhait Ilihaktunut, POLARmi Ukiuktaktumiut Ikayugutikhait, POLARkut Ukiuktaktumi nunakatigiit ilitagitjutait, POLARmi Antarticmi Ikayugutikhait ovalo Ukiuktaktumi Kauyimayatukangit Ayoikhkaitjutikhait Pilihimatjutikhainit ukiumi iniktilimata, ublumi ilitagiyumayakut hapkoa.

Takuviit ilitagiyainik 2022mi POLARkut ilihaktunik

Aqhaliatkut Tuhaktitait

Hitamiit Aqhaliat tuhaktitait tunihimayut alianaktunik tuhaktitainik makpigaat 60mit Kanatamiut ayongitut, ilauyut nunamit ovalo inuligiyiit kauyimayiit ovalo Nunakakaakhimayut Qaujimayatukanginik, havakatigiikhimayainut. Iniktigutait POLARkut havakatigiikhimayait Kimilguugutait Tuhaktitaini, ukakhugit aviktukhimayut ilauyut ovalo naunaiyakhimayait nunait kimilguufaaktukhanik. Munagiyait ikpinagiyainik apitkutainik ukiuktaktumiut POLARkuni Aviktukhimayut Paknaiyaiyiit ovalo Kauyimayait Katimatitlugit ukiumi 2020.

Kimilguuktait:

• Tuktut
• Ikaluit
• Tagiumit hugaat
• Hilat Aalanguktigutait
• Avatiligiyiit Aalanguktigutainik

POLARmi Kagitauyakut Ilangit

Marchmi 2022 POLARkut pikatakhimayut siksinik kagitauyakut kimilguuktiit ovalo Nunakakaakhimayut Qaujimayatukanginik nalungitut tuhagutikhainik ilangit avatiligiyiit ihumagiyait Ukiuktaktumi nunaliit mikhaanut – ilauyut tuktut tamaligutait, ikaluit, kilalugait ovalo tagiumi avatinganik, hilat aalanguligutait kimilguugutainik ovalo aalanguligutait apotit, hikut ovalo nipaluuyait.

Kauyimayainik Ilaukatauyut Kagitauyakut - YouTube

POLARkut Ukaktiit Ilangit Ikaluktutiami

POLARkut pipkaihimayut Ukaktiit Ilangiinik POLARkuni (CHARS) pulaaktunik kauyimayunik, nunamit ayongitut ilauyunik kimilguugutainut ovalo POLARmi havaktiit. Ukaktiit tuhaktihimayait kauyimayainik Inuukatiminut, ukakhutik kanuk havakatigiilaaktut nunakatigiinut ovalo ilauliklugit Inuit Qaujimayatukangit kimilguugutainik.

Naluhuifaagit Ukaktiit Ilangit.

"Hunamikaktut Imait?” inuulgamiit avatiligiikatinik ayoikhaiyut

Julymi POLARkut kimilguuktiit ikayuktiit ovalo PhD ilihaktuk Danielle Nowosad munagiyuk malguunik ayoikhaitjutainik Imait avatiligiikatinik Ikayuktutiami inuulgamiit havakatigiihutik Kitikmeot Friendship Societykut. Inuulgamiit ayoikhaitjutaini ilaukatauyut pulaakhimayait POLARkut Kimilguukviani (CHARS) katitigiaganik kupilguinik. Iluani kimilguukviit kimilguugiaganik mikiyut kupilguiliit ovalo ayoikhailugit inuuhiit, atuktait nunami/imami ovalo ilautjutait avatiligiikatinganut. Pipkaiyait tunilikpaktut ilihaktunut nunaminik kanugitjutait hugaaniklu ovalo aliagilaaktainik – ovaluniit havagaagutikkhainik – kauyimayatukanginik.

Tingmiat Anialaagutikhainik Naluhuiyukhat

Ukiuktaktumiut ihumaaluliktut tingmiat aniagutainik ukiuk Kanatami. Aniagutit atukpaktait mitiit ovalo uluaguliit ilauyainik nigiyainut Ukiuktaktumi nunalaani. Takupkaikatakhutik, kagitauyakut ovalo naalautikuukhutik CBC Northmi ilanganut "Qulliq" havaktiptinit kimilguuktiit kupilguuligiyi Matilde Tomaselli, POLARkut tuhaktitait Inuukatingit aniagutinik ovalo kanuk ilitagilaaktait ovalo ukakhugit aniktitailigiyiit maligutikhait tingmiakhiuktunut ovalo nigilaagutait tingmiat ovalo maniit.

Halumayukhat kuliligiyiit ukiuktaktumi nunalaat

Ukiuktaktumi nunalaat hivuliutihimayait nuutitilutik atugutainik ukhukyuat. POLARkut havakatigiliktait ilaukatingit, hapkoa Ukiuktaktumi Kimmilguuktiligiyiit Katimayiit ovalo Pitkutiligiyit Kanatami, amigaitunik halumayunik kuliligiyiit hanayakhanik. POLARkut ilaukatingit hanaliktut ovalo kimilguukhutik halumayunik atulaagutikhaini kanuk munagilaaktait avatiligiyiit, havaagutait ovalo Inuuviviniit ayokhagutait Kanatami Ukiuktaktut nunalaani.

• Kimilguugutait mikiyunik Anugituktut Kuliligiyiit Ukiuktaktumi
• Hanalutik ukhukhainik nikinit Ukiuktaktumi nunait
• NANIKIAK: Hanalutik kuliligiyiinik nunalaani
• BeAST: Hanalutik kuliligiyiit Inuit igitainik
• Aalat hanayakhat

2022mi Inuulgamiit Kauyimayainik Havagaagutikhait Ayoikhaiviit

2022mi Inuulgamiit kauyimayainik Havagaagutikhait Ayoikhaiviit nunami munagihimayait POLARkut kimilguukviani (CHARS) ovalo takupkaiyut inuulgaminut pilaaktainik kauyimayatukanginik. Ayoikhaiyauhimayut ilihaktainik hugaat kimilguugutainit, inikutikaktunik, akyagutait hanauyautainik, kagitauyakuugutikhainik ovalo kungiagutikhait imait nakuutjutikhait ovalo ikpinagutait ukiuktaktumi tagiumi hugaat.

Ayoikhaiyut ikayuktauhimayut mikhaanut Makigiaqta Inuit Training Corporation, ovalo Ilaukatauyut ilauyut Nunavumi Umayulikiyuakut, MakerSpace, SHAD Canada, ovalo Olapkipkaiyiit Katutjiktingit Nunavumi.

Katimakyuaktut Kitikmeot Inuit Katutjikatingit

POLARkut ilauhimayut Katimakyuaktitlugit Kitikmeot Inuit Katutkinagingit ovalo tunihimayut ukautainik ukiumi havaangit, ilauyut hivumungautjutait Inuit havaktiligiigutait ovalo Ilaukatingit Inuit havakviinut, titigakviit ovalo kavamatkut.

Pulaakhimayut Ministamit Dan Vandal

POLARkut tunngahugiyait Minista Dan Vandal Kimilguukvianut (CHARS) Aug 9mi. Kulliit ikitauhimayuk Eva Kakolak Otokiak ovalo igiaganut hukulaaktut Victoria ovalo Kalinda Koblogina, Minista Vandal pulaaktait kimilguukviit ovalo ukakatigivlugit kimilguuktiit ovalo aalat POLARmi havaktiit.

Pulaakhimayut Prime Minister Justin Trudeau ovalo NATOkut Atanguyaat

August 25mi, Right Honourable Justin Trudeau ovalo Jens Stoltenberg, NATOkut Atanguyaat pulaakhimayut POLARkunut Kimilguukviit (CHARS). Ilanganut pulaagutait, katimakatigihimayait nunalaanit hivuliktiit, Inutkutjat ovalo Inuit Hivuliktiit ovalo ukakatigihimayait amigaitut Kimilguuktiit ovalo Havaktiit takupkaiyut havakhimayainik. Prime Minista katimakatigihimayait Ilaukatauyut Ukiuktaktumi Anguyaktiit NANOOK-NUNAKPUT—anguyaktiit – talvaniitut POLARkuni Kimilguukviani (CHARS) auyak.

Talvani, takuhimayait munagiyainut Honourable Pamela Hakongaq Gross, Hivuliktiit Tukliaa Nunavumi; Honourable Dan Vandal, Minista Inuligiyiit; Honourable Mélanie Joly, Minista Hilataanit munagiyuk; Honourable Anita Anand, Minista Anguyaktiligiyiit ovalo General Wayne Eyre, Atanguyak Anguyaktiligiyiit.

Pititlugit anguyaktiit NANOOK-NUNAKPUT Kimilguukviani (CHARS), POLARkut katimapkaiiyut aliahugutikhainik Ikaluktitiami olapkipkaititlugit, takupkaititlugit hanalgutainik, akhaluutainik Ikaluktutiamit Anguyaktini.

Katimakatigihimayakutlu:

• Hikutiligiyit
• Anguyaktiit Iliniagiakpaalivik

Senatekut Katimayigalaat Kanatami Munagitjutikhait ovalo Anguyagutikhait

Senatekut Katimayigalaat Kanatami Munagitjutikhait ovalo Anguyagutikhait pulaakhimayut POLARmi Kimilguukviit Octobermi Ukiuktaktumiititlugit kimilguuktait “Ihumagiyait mikhaanut Munagitjutikhait ovalo Anguyagutikhait Ukiuktaktumi, ilauyut Kanatami Anguyaktiit havakatigiigutikhait ovalo kauyimayainik nalungitainik.”

Kimilguukvianiititlugit (CHARS), katimakatigihimayait Jennifer C. Hubbard, POLARkut Angayukaak ovalo CEO ovalo Dr. David Hik, Atanguyak Pilihimatjutikhainik, naluhuigiaganik ihumagiyait talvanit anguyalaagutainut ovalo munagitjutikhainik Ukiuktaktumi.

Antarcticmi Angigatigiigutainik Ukakatigiyait Katimatjutiit

Kanatamiukatigiinut, Global Affairs Canada (GAC) tunihimayut uktugutikhainik ilauliklutik tamaat Ukakatigiiktut Ilauyut Antarctickut Angikatigiinut. Maymi, POLARkut ilauliktut Kanatami, hivuliuyut GACkut ovalo Avatiligiyiit ovalo Hilat Aalanguktiligiyiit Kanatami, ikayukhutik Antarcticmi Angigutait Ukakatigitjutait Katimayut (ATCM-44). Kanatami uktugutikhait pihimayut akhut ikayuktauplutik 27mik 29mit nunakyuat, angikatigiikhimayut ilaa, ihumaalugiyait tuhakhimayait malguunik nunakyuat. Ukakatigiigutait Ilaukatauyut angikhimayut kinguvaklugu angigutainik Kanatami uktugutikhait 2023 ATCM.

Kanatamiut tunihimayut ikpinaktunik ikayugutikhainut Antarcticmi Kimilguugutainik ukiugaalumi. Avatiligiyiit kanugitjutait Antarcticmi pipkaivaktut tagiuyuani ovalo hilat atugutainik ovalo nunakyuami havakatigiiliktut ilanganut kangikhiyaanganik ovalo naamakhiyaanganik ihumaalugiyait Nunakyuat ukiuktaktuit nunainut.

Katimayiit Munagiyiinik Kanatami Antarcticmi Pilihimatjutait

POLARkut tunihimayut Kanatamit uktugutikhait ilauyaanganik Katimayiinut Munagiyiinik Kanatami Pilihimatjutait (COMNAP) Katimakyuaktitlugit Julymi 2022. COMNAP ilaukatauliktut 32nik nunakyuat ilitagihimayut nunakyuami havakatigiigutikhait, pigaakhimayut Ukiuktaktuk ovalo Antarctic kimilguuktakhait pilihimatjutait munaginiaktut mikhaanut POLARkuni Kanatami, ilauyut kimilguukviit POLARmi (CHARS). Aalat nunakyua havakatigiiktut Kanatamiut kimilguuktiit ovalo pipkainahuahutik aalanik havakatigiigutikhait mikhaanut COMNAP.

Ukiuktaktumi Katimayiit

POLARkut Jennifer C. Hubbard (Angayukaak ovalo CEO) ovalo David Hik (Atanguyak Kauyimaligiyiit, Atanguyak Pilihimatjutikhainik) ilauyut Kanatamiunut katimakyuaktitlugit Katimayiit Reykjavikmi, Iceland. Ukiuk, avataanik 2,000nik Inuit ilauhimayut, ilauplutik Rt. Hon. Mary May Simon, Governor General Kanatami.

Tamamik Jennifer C. Hubbard ovalo Dr. Hik tunihimayut katimatitlugit Kimilguuktiit Havakatigiigutainik Kanata - Inuit Nunangat—United Kingdom, Ilaukatauyut Pikuyaliugutainik, Hanatiligiyiit ovalo Kimilguuktiit Ukiuktaktumi ovalo Maniligiyiit Nunakyuami Ukiuktaktut Kauyimayainut.

Katimakatigihimayaitlu nunakyuami ilaukatauyut, ilaa Switzerlandmi Nanuligiyiit ovalo Kimilguuktiit Katimayiit Norwaymi, Kanatamit Ilaukatauyuk Icelandmut (POLARkut havaktiuyugaluak Jeannette Menzies), ovalo amigaivyaktut ukiuktaktumi ovalo Nunakakaakhimayut hivuliktiit, ilauyut Grand Chief Ken Kyikavichik, Gwich’in Itkiliit Katimayiit; Lisa Qiluqqi Koperqualuk, ICC-Canadamit Angayukaak; ovalo Chief Bill Erasmus, Ukiuktaktumi Athabascan Katimayiit. Takulugit: https://www.arcticcircle.org/assemblies/2022-arctic-circle-assembly

British Antarcticmi Kimilguuktait

Huw Griffiths ovalo Steve Roberts, Kimilguuktiit British Antarcticmi Kimilguuktiit (BAS), Cath Waller, Universitimi Hull, havakhimayuk malguunik ubluinik POLARkuni (CHARS) auyami kimilguukhimayut avatiliikatingit uyagaliagutinik hinaakaktut nunalaat ovalo angiyut ovalo mikiyut plastinik Ikaluktutiami. Kimilguukhimayut plastinik halumaiyagutait hilami, hiugami, hinaani nungutigutait, hugaat ovalo imait. Ikayukhimayut angitkiyainik kimilguukhimayait plastiit Ukiuktaktui avatiligiyiit ovalo piyumayut iniktigutainik ikayuniaktut tuhaktigutikhainik ovalo pikuyakhait mikhaanut utiktigutait igitingit ilangit ovalo aniktitailigiyiit igitigutit tahapkuninga halumayalaaktunik. Naluhiufaagutit mikhaanut pihimayait.