ᐅᑭᐅᖅᑕᖅᑐᒥᑦ ᖃᐅᔨᒪᓂᖅ: ᐊᖅᕼᐊᓕᐊᑦ ᐅᓂᑉᑳᖅ - ᐃᓚᖓ 3

ᐃᓗᓕᖏᑦ

• ᓄᓇᐅᑉ ᑯᒪᖏᑦ: ᓂᒡᓚᓱᒃᑐᐋᓗᑉ ᐆᒪᔪᖏᑦ ᐊᒻᒪᓗ ᐊᕙᑎᑦᑎᓂᒃ ᐊᒃᑐᕈᖅᑎᑦᑎᔪᓐᓇᖅᑐᑦ ᖁᐱᕐᕈᐃᑦ ᓄᓇᐅᑉ ᑯᓴᖏᑦ
  
• ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᓄᓇᓕᖕᓂ ᐱᓕᕆᔾᔪᑕᐅᔪᖅ ᒪᒃᑯᒃᑐᓄᑦ ᐊᒻᒪᓗ ᐃᓕᓴᐃᔨᓄᑦ ᑕᐃᑲᓂ ᑐᒃᑐᔮᖅᑐᖅ ᓄᓇᖓᓐᓂ ᓄᓇᑦᓯᐊᕐᒥ
• ᐅᓇ ᐅᑭᐅᖅᑕᖅᑐᒥ ᐆᒪᔪᑦ ᐆᒪᔾᔪᑎᖏᑦ ᖁᐱᕐᕈᐊᕐᔪᐃᑦ ᐱᓕᕆᐊᖑᓂᖏᑦ
• ᐊᑐᖅᓯᓪᓗᑎᒃ ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᓇᓗᓇᐃᒃᑯᓯᖅᑕᐅᔪᑦ ᑭᓱᑕᖃᕐᒪᖔᑦ ᐊᒻᒪᓗ ᒪᓕᒃᑕᐅᓂᐊᕐᒪᑕ ᓇᒧᖔᑎᖅᓯᒪᖕᒪᖔᑕ ᐊᒻᒪᓗ ᐊᔾᔨᒌᓐᖏᑑᑕᐅᓂᖏ ᐃᒪᑦᑎᐊᕙᖕᒥ ᕿᒥᕐᓗᖃᓐᖏᑦᑐᑦ ᐊᒡᖢᓈᖅᑐᓲᑦ ᐆᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ
• ᐊᑐᖅᖢᓂ ᐆᒪᔪᐃᑦ ᓇᓗᓇᐃᒃᑯᑕᖏᓐᓂᒃ ᖃᐅᔨᓂᐊᕐᓗᒋᑦ ᐅᓗᕆᐊᓇᖅᑐᑦ ᑐᖑᔪᖅᑐᐃᑦ ᐱᕈᖅᑐᑦ ᐆᒪᔪᕋᓛᑦ ᐅᑭᐅᖅᑕᖅᑐᒥᑦ
• ᓴᕿᑦᑎᓗᑎᒃ ᖃᐅᔨᒋᐊᕐᕕᒃᓴᓂᒃ ᓄᐊᑦᑎᓗᑎᒃ ᑕᒪᑐᒥᖓ ᑮᓕᓂᒃ ᓄᓇᕋᖅᑖᕈᓐᓇᓐᖏᑦᑐᑦ ᐱᕈᖅᑐᑦ ᓲᕐᓗ ᒪᓂᑦ
• ᖁᐊᖑᐃᓐᓇᐅᔭᖅᑐᒥᒃ ᖃᐅᔨᓴᐃᓂᖅ ᐃᖃᓗᒃᑑᑦᑎᐊᕐᒥᑦ
• ᐅᖅᓱᖅ ᐱᐅᓂᖓ-3 ᐊᒻᒪᓗ ᐊᕿᕐᕉᔭᒃᓴᖅ ᓂᕿᓂ ᑕᐃᑲᖓᑦ ᐃᖃᓗᒃᑑᑦᑎᐊᕐᒥ ᒍᓖᓄ ᑕᓯᖅ
• ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ: ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ ᐆᒪᔪᑦ ᐊᑐᖅᓯᓗᑎᒃ ᐊᐅᖏᑦᑎᒍᑦ ᓇᓗᓇᐃᒃᑯᓯᕐᓗᒋᑦ ᖃᕆᓴᐅᔭᒃᓄᑦ ᓄᓇᕗᑦ ᕿᑎᕐᒃᒥᐅᖅ ᐊᕕᒃᑐᖅᓯᒪᔪᓂ ᐊᒻᒪᓗ ᐱᕙᓪᓕᐊᑎᑦᑎᓗᑎᒃ
• ᓯᑯ, ᓄᓇ ᐊᒻᒪᓗ ᐃᒪᖅ: ᑐᑭᓯᔭᐅᓗᑎᒃ ᐅᑭᐅᖅᑕᖅᑐᒥ ᑲᑎᖓᔾᔪᑎᖓ ᑕᒪᐅᓐᓇ ᓯᑯᖃᖅᖢᓂ ᓯᓚᒻᒧᑦ ᓄᓇ ᐳᓪᓚᐃᖔᕋᔭᖅᐳᖅ ᒥᓗᒃᑎᓐᖏᖔᕐᓗᓂ, ᑕᕆᐅᑉ ᓯᑯᖏᑦ, ᐊᒻᒪᓗ ᑕᕆᐅᖅ-ᖁᕙᖅᓯᒪᓂᖓ ᐃᓕᓐᓂᐊᖅᑕᐅᓪᓗᑎᒃ ᑲᑎᒪᔪᑦ
• ᓄᓇᓕᑦ- ᑕᐃᑰᓇ ᐃᓕᓐᓂᐊᖅᑕᐅᔪᑦ ᓯᓚᐅᑉ ᐅᖂᓯᕙᓪᓕᐊᓂᖓ ᐊᒻᒪᓗ ᐱᕈᖅᑐᑦ ᐊᒻᒪᓗ ᓂᕐᔪᑎᑦ ᐃᓅᓯᖏᑦ ᐱᕈᖅᑐᑦ ᐳᔪᓕᐅᖅᐸᒃᑐᑦ ᖃᓄᐃᓕᑎᑦᑎᕙᒃᐸᑦ ᑎᓴᒪᑦ ᐅᑭᐅᖅᑕᖅᑐᑦ ᐆᒪᔪᓕᒫᖏᑦ ᐊᕙᑎᓕᒫᖏᓪᓗ ᖃᓂᒋᔭᖓᓂ ᐃᖃᓗᒃᑑᑦᑎᐊᖅ, ᑮᓕᓂᖅ, ᓄᓇᕗᑦ
• ᓄᓇᓕᖕᒥᑦ ᐸᕐᓇᐃᓂᖅ ᓯᕗᓂᒃᓴᒧᑦ: ᐊᐅᓚ-ᒥᑦ ᐃᓕᓐᓂᐊᖅᑎᑦᑎᓂᖅ ᖁᑦᑎᖕᓂᓖᑦ 10-ᒥᑦ 12-ᒧᑦ ᐃᓕᓐᓂᐊᖅᑎᓂᒃ ᑮᓕᓂᒃ ᖁᑦᑎᖕᓂᖅᓴᒥᑦ ᐃᓕᓐᓂᐊᕐᕕᖕᒥᑦ ᐃᖃᓗᒃᑑᑦᑎᐊᖅ, ᓄᓇᕗᒻᒥᑦ
• ᑕᒪᕐᒥᒃ-ᐅᑭᐅᖅᑕᖅᑐᖅ ᐱᒋᐊᕈᑎᖓᑦ ᓇᓗᓇᐃᖅᓯᓗᑎᒃ ᐊᕕᒃᑐᖅᓯᒪᔪᓂ ᓯᕗᓪᓕᐅᑎᒋᐊᓕᑦ ᑭᖕᖑᒪᓇᖅᑐᑦ ᓄᑖᓄᑦ ᖃᐅᔨᒪᓇᖅᓯᔪᓄᑦ ᐃᓗᐊᓂ ᐅᑭᐅᖅᑕᖅᑐᖅ ᐊᒻᒪᓗ ᐅᑭᐅᖅᑕᖅᑐᐊ ᑲᓇᑕ
• ᑭᑎᕐᒥᐅᑦ ᖃᕐᕕᒃ ᒥᐊᓂᕆᔭᐅᓂᖏᑦ: ᐸᒡᕕᓐᖏᑦᑐᓂᒃ ᐊᒻᒪᓗ ᓄᓇᓕᖕᓂᐱᓯᒪᔪᑦ ᐃᖏᕐᕋᓯᑎᑕᐅᓯᒪᔪᑦ
• ᓂᕿᖃᕐᑎᑦᑎᔾᔪᑎᖓ ᐃᖏᕐᕋᓂᖓ ᐃᖃᓗᒃᑑᑦᑎᐊᕐᒥ, ᓄᓇᕗᑦ: ᓯᕗᓪᓕᖅ ᖃᐅᔨᔭᐅᓇᓱᒃᓯᒪᔪᖅ ᑕᒪᒃᑯᐊ ᓄᓇᐅᑉ ᐆᒪᔾᔪᑎᑦ ᐊᒻᒪᓗ ᐃᒪᐅᑉ ᐃᔭᕈᕙᐅᔭᖏᑦ
• ᐅᑭᐅᖅᑕᖅᑐᖅ ᓯᒡᔭᒋᓐᓂ ᐆᒪᔪᑦ ᐊᔾᔨᒌᓐᖏᑦᑐᑦ ᒥᐊᓂᕆᔭᐅᓗᑎᒃ ᐸᕐᓇᐅᑎ: ᐃᓂᒃᓴᖓᑦ ᓴᕿᑦᑎᕙᓪᓕᐊᓂᖅ ᖃᐅᔨᒪᓂᕐᒥᒃ ᐊᓯᕈᖅᑐᓂᒃ ᐅᑭᐅᖅᑕᖅᑐᒥ ᓯᒡᔭᖏᓐᓂ ᐆᒪᔪᓕᒫᑦ
• ᓄᓇᕐᔪᐊᓕᒫᒥ ᖃᖓᑕᔪᓐᓇᐅᑎᓄᑦ ᒥᑭᑦᑐᓄᑦ ᐱᓕᕆᐊᖑᔪᖅ
• ᖃᐅᔨᒪᓂᕐᒥᒃ ᐱᒋᐊᖅᑎᑦᑎᓂᖅ ᐊᒻᒪᓗ ᓄᓇᓕᖕᒥᑦ ᐃᓚᐅᖃᑕᐅᑎᑦᑎᓂᖅ ᑲᓇᑕᒥᑦ ᖁᑦᑎᒃᑐᒥᑦ ᖃᐅᔨᓴᐃᕝᕕᖕᒥᑦ ᐃᓕᓐᓂᐊᕐᕕᖓᓂᑦ, ᐃᖃᓗᒃᑑᑦᑎᐊᖅ, ᓄᓇᕗᑦ.

ᓄᓇᐅᑉ ᑯᒪᖏᑦ: ᓂᒡᓚᓱᒃᑐᐋᓗᑉ ᐆᒪᔪᖏᑦ ᐊᒻᒪᓗ ᐊᕙᑎᑦᑎᓂᒃ ᐊᒃᑐᕈᖅᑎᑦᑎᔪᓐᓇᖅᑐᑦ ᖁᐱᕐᕈᐃᑦ ᓄᓇᐅᑉ ᑯᓴᖏᑦ

ᑎᑎᕋᖅᑎᑦ

1. ᐱᑦ, ᐃᓕᓐᓂᐊᕐᕕᖓ ᖃᐅᔨᓴᐃᓂᒻᒪᕆᒃ, ᐃᓕᓐᓂᐊᕐᕕᒃᔪᐊᖓ ᒍᐃᑲᑐ, ᕼᐋᒻᒪᑕᓐ, ᓅ ᔩᓚᓐᑦ ᑎᑎᕋᖅᑐᖅ 2: ᐃᒻ. ᐃ. ᑐᐃᐅᓪ
2. ᑐᐃᐅᓪ, ᐊᐅᓚᑦᓯᕕᖓ ᐆᒪᔪᓕᕆᔨᒃᑯᖅ, ᐃᓕᓐᓂᐊᕐᕕᒃᔪᐊᖅ ᐱᓇᖕᓇᖓ ᐋᓐᑎᐅᕆᐅ, ᓚᓐᑕᓐ, ᐋᓐᑎᐅᕆᐅ, ᑲᓇᑕ
3. ᕼᐊᖕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ ᑎᑎᕋᖅᑐᖅ 4: ᐱ.ᔨ. ᓯᓐᑭᓕᐅ
4. ᓯᓐᑭᓕᐅ, ᐊᐅᓚᑦᓯᕕᖓ ᐆᒪᔪᓕᕆᔨᒃᑯᖅ, ᐃᓕᓐᓂᐊᕐᕕᒃᔪᐊᖅ ᐱᓇᖕᓇᖓ ᐋᓐᑎᐅᕆᐅ, ᓚᓐᑕᓐ, ᐋᓐᑎᐅᕆᐅ, ᑲᓇᑕ, bsincla7@uwo.ca

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᐲᑦ, C.R., ᑐᐃᐅᓪ, M.E., I.D ᕼᐊᒡ, ᐊᒻᒪ B.J 2020. ᖃᐅᔨᓴᖅᑎ ᖁᐱᕐᕈᓂᑦ: ᐅᖅᑰᔪᒃᑯᑦ ᐆᒪᔪᓕᕆᓂᖅ ᐊᒻᒪ ᐊᕙᑎᓕᕆᓂᖅ ᐊᑲᐅᙱᓕᐅᕈᑕᐅᔪᑦ ᑭᓇᐅᓂᕆᔭᕐᓄᑦ ᓇᓗᓇᐃᒃᑯᑕᐃᑦ ᖁᐱᕐᕈᐃᑦ ᒥᑭᔪᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 5-7. DOI: 10.35298/pkc.2020.01.ikt

ᑎᑎᕋᖅᓯᒪᔪᖅ

ᐆᓇᕐᓂᖓ ᐊᒻᒪᓗ ᐃᒪᖓ ᐅᑭᐅᖅᑕᖅᑐᖅ ᐃᔾᔪᖏᑦ ᐊᓯᕈᖅᐸᓪᓕᐊᔪᑦ ᓱᑲᓕᔪᒥᒃ ᐱᔾᔪᑎᒋᓪᓗᒍ ᓯᓚᐅᑉ ᐅᖂᓯᕙᓪᓕᐊᓂᖓ. ᐃᔾᔪᖅ ᒪᓂᖃᒥ ᐃᔾᔪᕈᓗᑐᐃᓐᓇᓐᖏᑦᑐᖅ - ᐃᓚᖃᖅᑐᖅ ᑕᐅᓴᓂ ᒥᑭᔪᓂᒃ ᐆᒪᔪᓂ ᑖᒃᑯᐊᓗ ᐱᒻᒪᕆᐅᔪᑦ ᐃᔾᔪᖅ ᖃᓄᐃᖏᑦᑎᐊᖁᓪᓗᒍ ᐊᒻᒪᓗ ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᔪᑦᑎᐊᕐᓂᐊᕐᒪᑕ. ᐊᑑᑎᓪᓗᐊᑕᖏᑦ ᑕᒪᒃᑯᐊ ᖁᐱᕐᕈᐊᓛᑦ ᓯᒡᒍᓖᑦ ᒪᕐᕉᖕᓂᒃ. ᒥᑭᔪᒻᒪᕆᐋᓗᐃᑦ ᒥᓚᒦᑕᑐᐃᓐᓇᒥᒃ ᑕᑭᓂᓖᑦ, ᑕᒪᒃᑯᐊ ᐱᑕᖃᒐᔪᓛᖑᔪᑦ ᐆᒪᔪᓂ ᓄᓇᑐᐃᓐᓇᒥ, ᓱᓕ ᖃᐅᔨᒪᓐᖏᑦᑎᐊᖅᑕᕗᑦ ᖃᓄᖅ ᐆᒪᓲᖑᖕᒪᖔᑕ ᐅᑭᐅᖅᑕᖅᑐᖅ ᓯᓚᖓᓂ.

ᐱᒋᐊᕐᑎᑦᑎᓚᐅᖅᑐᒍᑦ ᖃᐅᔨᓇᓱᒡᖢᒍᑦ ᑕᒪᓐᓇ ᖃᓄᖅ ᑖᒃᑯᐊ ᖁᐱᕐᕈᐊᓛᑦ ᓯᒡᒍᓖᑦ ᒪᕐᕉᖕᓂᒃ ᐃᖃᓗᒃᑑᑦᑎᐊᕐᒥᑦ (ᑕᑯᒍᒃ ᓴᕿᔮᖅᑐᖅ 1) ᐆᒪᓲᖑᖕᒪᖔᑕ ᐅᖂᕌᓗᒃᑎᓪᓗᒍ ᐊᒻᒪᓗ ᓂᒡᓚᓱᖕᓂᖅᐸᐅᑎᓪᓗᒍ ᓯᓚ ᐊᒻᒪᓗ ᐸᓂᑦᑎᐊᖅᑐᒥ ᔪᓚᐃᒥ. ᓇᓂᓯᓚᐅᖅᑐᒍᑦ ᑕᒪᒃᑯᐊ ᐆᒪᔪᖏᑦ ᖁᐊᕈᓐᓇᓐᖏᑦᑐᑦ ᐊᐅᔭᖅ. ᐅᓇ ᑐᑭᖃᖅᑐᖅ ᐆᒪᔪᓐᓇᖅᑐᑦ ᓂᒡᓚᓱᒃᑲᓗᐊᖅᐸᑦ ᐊᑯᓂᐋᓗᒃ ᑯᐊᔾᔮᓐᖏᑦᑐᑦ, ᐊᒻᒪᓗ ᖃᐅᔨᒪᑦᑎᐊᖅᑐᑦ ᖃᓄᖅ ᕿᕿᑦᑕᐃᓕᒪᓇᓱᒋᐊᒃᓴᖅ. ᐆᒃᑐᕋᓚᐅᕋᑦᑕ ᖃᓄᖅ ᓂᒡᓚᓱᒃᑎᒋᔪᓃᑦᑐᓐᓇᕐᒪᖔᑕ (ᓲᕐᓗ ᓂᒡᓚᓱᖕᓂᖓ ᕿᕿᓐᓇᖅᓯᑎᓪᓗᒍ, ᑕᑯᒍᒃ ᓴᕿᔮᖅᑐᖅ 2), ᐊᒻᒪᓗ ᖃᐅᔨᓚᐅᖅᐳᒍᑦ ᑐᑭᓯᓇᖅᓯᓚᐅᖅᑐᖅ ᖃᓂᒋᔭᖓᓂ -12.9 °ᓯᐅᓯᐊᔅ. ᐆᒃᑐᕋᓚᐅᖅᑐᒍᑦ ᑕᒪᓐᓇ “ᑐᖁᓐᓇᖅᑐᖅ ᓂᒡᓚᓱᓗᐊᒧᑦ” (ᓲᕐᓗ ᖃᓄᖅ ᓂᒡᓚᓱᖕᓂᖅᐹᒥ ᓱᓕ ᐆᒪᔪᓐᓇᖅᐸᑦ), ᐊᒻᒪᓗ ᐃᓕᑦᑎᓚᐅᖅᑐᒍᑦ ᖃᓂᒋᔭᖓᓂ 38.3 °ᓯᐅᓯᐊᔅ. ᐊᑐᖅᓯᒍᑎᒃ ᐊᒃᓱᐋᓗᒃ ᐸᓂᖅᑐᖅ ᓯᓚᖓ, ᑕᒪᒃᑯᐊ ᖁᐱᕐᕈᐊᓛᑦ ᓯᒡᒍᓖᑦ ᒪᕐᕉᖕᓂᒃ ᐆᒪᔪᓐᓇᖅᑐᑦ ᐅᖓᑖᓂ 13.5 ᐃᑲᕐᕋᓄᑦ. ᑲᑐᔾᔨᓪᓗᑎᒃ, ᐅᓇ ᑕᑯᑎᑦᑎᔪᖅ ᑖᒃᑯᐊ ᖁᐱᕐᕈᐃᑦ ᓯᒡᒍᓖᑦ ᐆᒪᔪᓐᓇᑦᑎᐊᖅᑐᑦ ᐊᐅᔭᒃᑯᑦ ᐃᖃᓗᒃᑑᑦᑎᐊᕐᒥ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᔪᖅᑐᑦ ᒥᑭᓗᐊᒧᑦ ᐆᒪᔭᕆᐊᒃᓴᖅ ᐅᑭᐅᖅᑕᖅᑐᖅ ᐅᑭᐅᖓᓂ.

ᐱᒋᐊᓚᐅᖅᑐᒍᑦ ᕿᓂᖅᖢᑕ ᑭᓱᑦ ᐆᒻᒪᖅᓯᔪᑦ ᐊᑕᔪᑦ ᐊᕙᑎᑦᑎᓄᑦ ᐱᐅᔪᓐᓃᖅᑎᑦᑎᔪᓐᓇᖅᑐᑦ ᓄᓇᐅᑉ ᑯᒪᖏᑦ. ᑕᐃᒪᓐᓇᐅᓗᓂ, ᓴᕿᑎᑦᑎᒍᑦᑕ ᓄᓇᐅᑉ ᑯᒪᖏᓐᓂᒃ ᐱᐅᔪᓐᓃᖅᑎᑦᑎᔪᓐᓇᖅᑐᒍᑦ, ᑐᖁᕋᐃᓐᖏᑲᓗᐊᕐᓗᑎᒃ, ᓂᒡᓚᓱᒃᑐᒥ, ᐅᖂᔪᒥ ᐊᒻᒪᓗ ᐃᒪᖅᓱᖕᓂ ᐱᐅᔪᓃᖅᑎᑦᑎᔪᓐᓇᖅᑐᑦ, ᐊᒻᒪᓗ ᑐᖁᖅᑕᐅᓚᐅᖅᑐᑦ ᖃᐅᔨᓴᕈᑎᑖᑦ ᐊᔪᕐᓇᕐᓂᐊᓐᖏᒻᒪᑦ ᐅᕙᑦᑎᓐᓄᑦ ᓇᑭᖔᖅᓯᒪᖕᒪᖔᑕ ᐊᑕᔪᑦ ᑕᒪᒃᑯᓄᖓ ᐊᒃᓱᕈᖅᑎᑦᑎᓕᓲᑦ. ᒫᓐᓇᐅᔪᖅ, ᐲᖅᓯᓯᒪᕗᒍᑦ ᑖᒃᑯᐊ ᓄᒃᑭᒃᓴᐅᑎᖏᓐᓂᒃ ᐅᔭᕈᕙᐅᓚᖅ ᐆᒪᔪᖅ - ᑖᒃᑯᓂᖓᓪᓚᕆᒃ ᓴᕿᑦᑎᓪᓗᑕ ᐊᐅᖏᑦᑎᒍᑦ ᓇᕿᖔᕐᒪᖔᑕ ᖃᐅᔨᓴᖅᑕᕗᒃ - ᑖᒃᑯᓇᖓᑦ ᖃᐅᔨᓴᕈᑎᑖᑦᑎᓐᓂᑦ, ᐅᑯᐊᓗ ᐊᐅᓚᖅᑎᑕᐅᓂᐊᖅᑐᑦ ᔪᓘᒻ ᑲᓇᑕ ᖃᐅᔨᔭᐅᓇᓱᑦᑎᐊᕐᓂᐊᕐᒪᑕ. ᑕᐃᑲᓂᓗ ᑲᑎᓐᓂᐊᖅᑕᕗᑦ ᖃᐅᔨᓴᖅᑕᐅᓂᑯᑦ ᑕᒪᑐᒧᖓᑦ ᐊᔾᔨᒌᓐᖏᑦᑐᑦ ᐊᐅᑦ ᓇᑭᖔᖅᓯᒪᔪᑦ (ᓲᕐᓗ ᐊᑎᓕᓵᖏᑦ ᑕᒪᕐᒥᒃ ᐊᐅᖃᖅᑐᑦ ᓇᑭᖔᕐᓂᑰᓂᖏᑦ ᒫᓐᓇ ᐱᑕᖃᖅᑐᓂᒃ ᓂᕐᔪᑎᓂᒃ), ᐊᒻᒪᓗ ᖃᓅᑎᒋᖕᒪᖔᑕ ᐋᕿᒃᓲᑎᑦ ᖃᐅᔨᓂᐊᕋᑦᑕ ᐊᐅᖏᑦᑎᒍᑦ ᐅᓄᖅᓯᓯᒪᒃᐸᑕ ᐅᒡᕙᓘᓐᓃᑦ ᒥᒡᓕᓯᒪᒃᐸᑕ (“ᐃᑯᒪᔪᖅ” ᐅᒡᕙᓘᓐᓃᑦ “ᖃᓂᖔᖅᑐᖅ”) ᑖᒃᑯᓇᖓᑦ ᐊᑐᓂ ᐊᕙᑎᑦᑎᓂᒃ ᐊᓱᕉᑕᐅᔪᑦ.

ᒪᕐᕉᖕᓂᒃ ᑐᕌᒐᖃᓪᓗᐊᑕᖅᑐᒍᑦ ᖃᐅᔨᓴᖅᑕᑦᑎᓐᓂ. ᓯᕗᓪᓕᖅ, ᐃᒡᓗᑦ ᓇᐸᔪᑦ ᐊᒻᒪᓗ ᓇᓃᓐᓂᖓ ᑲᓇᑕᐅᑉ ᖁᑎᒃᑐᕐᒥᐅᓂ ᖃᐅᔨᓴᕐᕕᖓ ᐊᔪᖏᑎᑦᑎᓯᒪᔪᖅ ᐊᑑᑎᖃᖅᖢᑎᒃ ᐆᒃᑐᕋᖅᖢᒋᑦ ᑕᐅᑦᑐᖏᑦ ᑎᒥᖏᑦᒡ ᑖᒃᑯᐊ ᓄᓇᐅᑉ ᑯᒪᖏᑦ ᐅᑭᐅᒃᑯᑦ, ᐅᑯᐊᓗ ᐊᔪᖏᑎᑦᑎᔪᑦ ᐅᕙᑦᑎᓐᓂᒃ ᑐᑭᓯᓗᑎᒃ ᖃᓄᖅ ᐆᒪᑯᑖᒍᓐᓇᕐᒪᖔᑕ ᓂᒡᓚᓱᒃᑐᐋᓗᖕᒥ, ᓴᕿᑦᑎᓗᑎ ᓄᑖᓂᒃ ᖃᓄᖅ ᐆᒻᒪᓲᑎᒥᖕᓂᒃ. ᐱᖃᑖ, ᐊᑐᕈᓐᓇᖅᑐᒍ ᖃᓄᖅ ᐊᔾᔨᒌᓐᖏᓂᕐᒪᖔᑕ ᑖᒃᑯᐊ ᐊᐅᖏᑦ ᖃᐅᔨᓴᕈᑎᑦ ᓇᑭᖔᕐᓂᑰᖕᒪᖔᑕ ᓇᓗᓇᐃᖅᓯᒪᔪᖅ ᐊᔾᔨᒌᓐᖏᑦᑐᓂᒃ ᐊᕙᑎᑦᑎᓂᒃ ᐊᒃᓱᕈᖅᑎᑕᐅᓯᒪᔪᑦ, ᐊᔪᖏᑎᑦᑎᔪᑦ ᐅᕙᑦᑎᓐᓂᒃ ᐊᑐᕐᓗᒋᑦ ᐅᑯᐊ ᖃᐅᔨᔭᕗᑦ ᒥᐊᓂᒋᓗᒋᑦ ᖃᓄᖅ ᐋᓐᓂᐊᕐᒪᖔᑕ ᖁᐱᕐᕈᑦ ᓄᓇᐅᑉ ᑯᒪᖏᑦ, ᐊᒻᒪᓗ ᐃᔾᔪᑦ ᐆᒪᔪᓕᒫᖏᑦ ᐊᕙᑎᓕᒫᖏᓪᓗ, ᐊᓯᕈᖅᐸᓪᓕᐊᑎᓪᓗᒍ ᐊᕙᑎᕗᑦ.

ᐊᒥᓱᑦ ᓄᓇᖃᖅᑐᑦ ᐅᑭᐅᖅᑕᖅᑐᒥ ᖃᐅᔨᒪᒐᔭᓐᖏᑕᖓ ᖃᓄᖅ ᐊᔾᔨᒌᓐᖏᑑᑕᐅᓂᖏᑦ ᐃᔾᔪᕐᒥ ᐆᒪᔪᑦ ᓲᕐᓗ ᓄᓇᐅᑉ ᖁᑎᕐᕈᖏᑦ ᐅᑯᐊᓗ ᐱᓱᒡᕕᒋᕙᒃᑕᖏᓐᓃᑦᑐᑦ. ᐱᓇᓱᐊᖃᑎᒌᑦ ᐃᓚᒋᔭᐅᔪᑦ ᑭᓕᐅ ᐱᑦ ᐅᖃᐅᓯᕆᓯᒋᐊᓚᐅᖅᑕᖓ ᑕᒪᓐᓇ ᐱᔾᔪᑕᐅᔪᖅ ᐱᖃᑎᒋᓪᓗᒋᑦ ᓄᓇᓕᖕᓂ ᓄᑕᖃᑦ ᐃᖃᓗᒃᑑᑦᑎᐊᕐᒥ ᑖᒃᑯᓂᖓ ᖁᕕᕐᕈᓂᒃ “ᓄᓇᐅᑉ ᑯᒪᖏᓐᓂᒃ ᕿᓂᖅᐳᑦ” ᐃᓚᒋᓪᓗᒍ ᐳᓛᕋᒥ ᐊᐅᔭᖓᓂ 2019, ᐊᒻᒪᓗ ᐅᖃᐅᓯᕆᓪᓗᒋᑦ ᐅᖃᓪᓚᒡᕕᒃᑯᑦ.

ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᓄᓇᓕᖕᓂ ᐱᓕᕆᔾᔪᑕᐅᔪᖅ ᒪᒃᑯᒃᑐᓄᑦ ᐊᒻᒪᓗ ᐃᓕᓴᐃᔨᓄᑦ ᑕᐃᑲᓂ ᑐᒃᑐᔮᖅᑐᖅ ᓄᓇᖓᓐᓂ ᓄᓇᑦᓯᐊᕐᒥ

ᑎᑎᕋᖅᑎ

1. ᑐᓕᒻᐳ, ᐊᖅᓴᕐᓂᖅ ᖃᐅᔨᓴᕐᕕᒃ, ᐊᓗᓚ ᓯᓚᖅᑐᖅᓴᕐᕕᒃ, ᐃᓅᕕᒃ, ᑲᓇᑕ, atrimble@auroracollege.nt.ca

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᑐᕆᒻᐳ, A, 2020. ᔅᑎᒻ ᖃᐅᔨᒋᐊᕋᓱᐊᕐᓂᖅ ᒪᒃᑯᒃᑐᓄᑦ ᐊᒻᒪ ᐃᓕᓴᐃᔨᓄᑦ ᐱᐅᕗᑦ ᑎᐅᑕ ᓄᓇᓕᖓᓂ ᓄᓇᑦᑎᐊᕗᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 8-11. DOI: 10.35298/pkc.2020.02.ikt

ᑎᑎᕋᖅᓯᒪᔪᖅ

ᐃᑲᔪᖅᑕᐅᓪᓗᑕ ᐅᑭᐅᖅᑕᖅᑐᒥᐅᑕᓕᕆᓕᒃᑯᑦ ᑲᓇᑕ, ᐊᖅᓴᕐᓂᖅ ᖃᐅᔨᓴᕐᕕᒃ ᐱᓇᖕᓇᖓ ᐅᑭᐅᖅᑕᖅᑐᖅ ᖃᐅᔨᓴᕐᕕᖓᑦ ᑐᓂᓯᓯᒪᔪᖅ ᐅᐸᒃᓯᓯᒪᑎᑦᑎᓪᓗᓂ ᐱᓕᕆᓪᓗᑎᒃ ᐃᓕᓐᓂᐊᖅᑐᑦ ᐊᑐᖅᓯᒪᓕᕐᓂᐊᖅᑕᖏᑦ ᒪᒃᑯᒃᑐᑦ, ᖃᐅᔨᒪᔪᕐᔪᐊᑦ ᐱᕙᓪᓕᐊᑎᑦᑎᓂᕐᒧᑦ ᐃᓕᓐᓂᐊᕐᑎᑦᑎᓗᑎᒃ ᐊᒻᒪᓗ ᐃᑲᔪᕐᓗᑎᒃ ᐃᓕᓴᐃᔨᓂᒃ, ᐊᒻᒪᓗ ᓄᓇᓕᖕᓂᒃ ᐱᐅᓯᕚᓪᓕᖁᓪᓗᒍ ᖃᐅᔨᓴᐃᓂᒻᒪᕆᖕᒧᑦ ᑎᑎᕋᓕᕆᓂᖅ ᐅᖃᓕᒫᕈᓐᓇᖅᓯᓂᖅ ᐊᒻᒪᓗ ᐊᑐᕐᓗᒋᑦ ᐱᓕᕆᔪᒪᕙᒃᑕᑎᒃ ᐊᒻᒪᓗ ᐊᔪᖏᑦᑎᐊᓕᕐᓗᑎᒃ ᖃᐅᔨᓴᐃᓂᒻᒪᕆᖕᒥᒃ.

ᐱᕕᖃᕐᑎᑦᑎᔪᑦ ᒪᒃᑯᒃᑐᓂᑦ ᐅᐸᒃᓯᓯᒪᓪᓗᑎᒃ ᖃᓄᐃᓕᐅᖃᑎᖃᖅᖢᑎᒃ ᖃᐅᔨᓴᐃᓂᒻᒪᕆᒃᑯᑦ ᐃᓕᓐᓂᐊᖅᑐᑦ ᑕᒪᒃᑯᐊ ᐱᑕᖃᕋᔪᓐᖏᑑᖕᒪᑕ ᓄᓇᑦᓯᐊᕐᒥ, ᐱᓗᐊᖅᑐᒥᒃ ᐅᖓᓯᒃᑐᓂ ᓄᓇᓕᖕᓂ. ᑕᐃᒪᓐᓇᐅᓂᖓᓄᑦ, ᐱᓕᕆᔪᒪᔪᑦ ᑕᒪᒃᑯᓂᖓ ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᐊᒻᒪᓗ ᐃᖅᑲᓇᐃᔮᕆᓕᕐᓗᒋᑦ ᐃᓕᓐᓂᐊᕐᓗᒋᑦ ᐅᑭᐅᖅᑕᖅᑐᒥ ᐊᑦᑎᓛᖑᖕᒪᑦ ᒪᒃᑯᒃᑐᓂ ᐊᓯᒥᖕᓂᓪᓕ ᑲᓇᑕᒥ. ᐊᑐᖅᓯᓗᑎᒃ ᐃᓕᓐᓂᐊᖅᑐᑦ ᐱᓕᕆᔪᒪᔭᕐᒥᖕᓂᒃ ᐊᒻᒪᓗ ᐱᓕᕆᖃᑕᐅᓗᑎᒃ ᖃᐅᔨᓴᐃᓂᒻᒪᕆᖕᒥ, ᐊᒻᒪᓗ ᐱᐅᓯᕚᓪᓕᕐᓗᑎᒃ ᖃᐅᔨᒪᓂᖅ ᓄᓇᓕᖕᓂ ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᐃᖅᑲᓇᐃᔮᕆᓗᒋᑦ, ᑲᔪᖏᖅᓴᐅᑎᑦ ᐅᑭᐅᖅᑕᖅᑐᒥ ᒪᒃᑯᒃᑐᓄᑦ ᐃᓕᓐᓂᐊᖅᑐᑦ ᐳᖅᑐᓂᖅᓴᓂ ᐊᒻᒪᓗ ᐅᑎᕐᓗᑎᒃ ᓄᓇᒥᖕᓄᑦ ᐃᖅᑲᓇᐃᔮᕆᓗᒋᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ.

ᖁᔭᓐᓇᒦᒃ ᐋᕿᒃᐸᓪᓕᐊᓂᐊᖅᑐᑦ ᐃᑲᔪᖃᑎᒌᒍᓐᓇᕐᓂᑦᑎᒍᑦ ᐊᕙᑖᓂᑦ ᐊᖅᓴᕐᓂᖅ ᖃᐅᔨᓴᕐᕕᒃ, ᐅᖃᐅᓯᖃᖅᑕ ᖃᐅᔨᓴᐃᓂᒻᒪᕆᖕᒥᒃ, ᐊᒻᒪᓗ ᑐᒃᑑᔮᖅᑐᖅ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ, ᐊᒻᒪᓗ ᐃᑲᔪᖅᑕᐅᓪᓗᑎᒃ ᐅᑭᐅᖅᑕᖅᑐᒥᐅᑕᓕᕆᔨᒃᑯᑦ ᑲᓇᑕ, ᐅᑯᐊ ᐊᖅᓴᕐᓂᖅ ᖃᐅᔨᓴᕐᕕᒃ ᓄᓇᓕᖕᓂ ᑲᒪᔨ ᐃᖅᑲᓇᐃᔮᒃᓴᖅ ᓴᕿᑕᐅᓚᐅᖅᑐᖅ ᐃᓅᕕᖕᒥ 2016-ᖑᑎᓪᓗᒍ. ᐅᓇ ᐱᔾᔪᑖᑦ ᐃᖅᑲᓇᐃᔮᖓᑕ ᐱᔨᑦᑎᕋᕐᓗᑎᒃ ᐃᓕᓴᐃᔨᓂᒃ ᐊᒻᒪᓗ ᐃᓕᓐᓂᐊᖅᑐᓂᒃ ᑲᔪᓯᓗᑎᒃᓗ ᐃᓕᓐᓂᐊᕐᓗᑎᒃ ᑕᒡᕙᓂ ᐊᖅᓴᕐᓂᖅ ᖃᐅᔨᓴᕐᕕᐅᑉ ᐱᐅᓯᖏᑦᑎᒍᑦ ᓄᓇᓕᖕᓂ ᖃᓄᐃᓕᐅᕈᑕᐅᔪᓄᑦ. ᑖᓐᓇ ᓄᓇᓕᖕᓂ ᑲᒪᔨᐅᔪᖅ ᐱᔨᑦᑎᕋᖅᑐᖅ ᑎᐅᑕ ᑐᒃᑐᔮᖅᑐᖅ ᓄᓇᖓᓐᓂ, ᐅᑯᐊᓗ ᐃᓚᖃᖅᑐᑦ 8-ᖑᔪᓂᒃ ᓄᓇᓕᖕᓂ ᐊᒻᒪᓗ 9-ᖑᔪᑦ ᐃᓕᓐᓂᐊᕐᕕᑦ, ᖃᓂᒋᔮᓂ 6,500 ᓄᓇᖃᖅᑐᓂᒃ ᐊᒻᒪᓗ 1,500 ᐃᓕᓐᓂᐊᖅᑐᓂᒃ. ᑕᐃᒪᓗ ᐅᑭᐅᖅᑕᖅᑐᒦᒻᒪᑕ, ᐊᒻᒪᓗ ᐊᖅᓴᕐᓂᖅ ᖃᐅᔨᓴᕐᕕᖕᒧᑦ ᐱᓇᓱᐊᖃᑎᒌᑦ ᓴᖕᖏᔫᔪᒥᒃ ᐃᓚᒌᑦᑎᐊᖅᑐᑦ ᓄᓇᓕᖕᓄᑦ ᐊᒻᒪᓗ ᐃᓕᓐᓂᐊᕐᕕᖕᓄᑦ ᐱᔨᑦᑎᕋᖅᑕᒥᖕᓄᑦ ᐊᒻᒪᓗ ᑲᔪᓰᓐᓇᕐᑎᑦᑎᔪᑦ ᐱᓕᕆᑎᑦᑎᔾᔪᑎᓂᒃ ᐊᑕᑎᓪᖢᒋᑦ ᐅᑭᐅᖅᑕᖅᑐᒥ ᒪᒃᑯᒃᑐᑦ ᐊᒻᒪᓗ ᐃᓕᓴᐃᔨᑦ ᐊᒥᓱᐃᖅᖢᑎᒃ ᐃᓗᐊᓂ ᐃᓕᓐᓂᐊᕐᓇᐅᑉ ᐊᕐᕌᒍᐊᓂ.

ᐊᖅᓴᕐᓂᖅ ᖃᐅᔨᓴᕐᕕᒃ’s ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᓄᓇᓕᖕᓂ ᐱᓕᕆᑎᑦᑎᔾᔪᑕᐅᔪᖅ ᐃᓱᒪᓕᕈᑎᑦᑎᐊᕙᐃᑦ, ᐊᑑᑎᖃᖅᑐᑦ ᐅᑭᐅᖅᑕᖅᑐᒥ ᐱᔾᔪᑕᐅᔪᓄᑦ ᐊᒻᒪᓗ ᐃᓕᑕᐅᓇᓱᒃᑐᓄᑦ, ᐊᒻᒪᓗ ᒪᓕᒡᓗᑎᒃ ᐱᔪᒪᔭᖏᓐᓂᒃ ᐃᓕᓴᐃᔨᑦ ᐊᒻᒪᓗ ᓄᓇᓖᑦ ᒪᒃᑯᒃᑐᑦ ᐱᓕᕆᑎᑦᑎᔾᔪᑎᑦ. ᐸᕿᑦᑎᐊᕆᐊᓕᑦ ᐃᓚᓕᐅᑎᕙᓪᓕᐊᓂᐊᖅᑐᑦ ᐊᕕᒃᑐᖅᓯᒪᔪᓂ/ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᒻᒪᓗ ᐅᖃᐅᓯᓕᕆᓂᖅ ᑕᒪᒃᑯᓄᖓ ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᐱᓕᕆᑎᑦᑎᔾᔪᑕᐅᔪᑦ ᐊᒻᒪᓗ ᓄᓇᒥ ᐱᓕᕆᔭᐅᔪᓄᑦ ᖃᓄᐃᓕᐅᕈᑕᐅᔪᑦ, ᐅᑯᐊᓗ ᐊᒥᓱᓂᒃ ᐃᓕᑉᐸᓪᓕᐊᓇᖅᑐᑦ. ᐊᖅᓴᕐᓂᖅ ᖃᐅᔨᓴᕐᕕᒃ ᐊᒻᒪᓗᑦᑕᐅᖅ ᑲᑎᖓᑎ-ᔪᑎᒋᓗᒋᑦ

ᓄᓇᓕᖕᓂ ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᖃᐅᔨᒪᔪᕐᔪᐊᖑᓂᖅ ᐊᒻᒪᓗ ᐳᓛᖅᑐᑦ ᑎᑭᓯᒪᔪᑦ ᖃᐅᔨᓴᖅᑎᑦ ᐱᖃᑎᒋᓗᒋᑦ ᒪᒃᑯᒃᑐᑦ ᐊᒻᒪᓗ ᓄᓇᓖᑦ ᑕᒪᐅᓐᓇ ᐱᓕᕆᖃᑎᒌᒡᓗᑎᒃ ᐃᓕᑦᑎᕙᓪᓕᐊᑎᑦᑎᓗᑎᒃ ᖃᓄᐃᓕᐅᕈᑎᒥᒃᑎᒍᑦ ᐊᒻᒪᓗ ᐅᖃᐅᓯᑦ ᖃᐅᔨᓴᕐᓂᕐᒧᑦ ᐅᖃᐅᓯᕆᓗᒋᑦ. ᐅᑯᐊ ᐊᖅᓴᕐᓂᖅ ᖃᐅᔨᓴᕐᕕᒃ ᓄᓇᓕᖕᓂ ᐱᓕᕆᑎᑦᑎᔾᔪᑕᐅᔪᖅ ᐱᒻᒪᕆᐅᔪᖅ ᐋᕿᒃᓱᐃᕙᓪᓕᐊᓂᐊᕐᓗᓂ ᐃᓗᓕᒃᓴᖏᓐᓂᒃ ᐊᕙᑖᓂᑦ ᐅᑭᐅᖅᑕᖅᑐᒥ ᐃᓕᓴᐃᔨᑦ ᐊᒻᒪᓗ ᒪᒃᑯᒃᑐᑦ ᑖᒃᑯᑎᒍᑦ ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᐱᓕᕆᐊᒃᓴᐃᑦ. ᐊᒃᓱᕈᖅᑕᐅᔪᑦ ᐱᔭᐅᔪᒪᓪᓗᑎᒃ ᐱᓕᕆᑎᑦᑎᔾᔪᑕᐅᔪᓄᑦ ᐅᓄᖅᓯᕙᓪᓕᐊᖁᓪᓗᒋᑦ. ᑕᐃᒪᓐᓇᐅᓂᖓᓄᑦ, ᐅᑯᐊ ᐊᖅᓴᕐᓂᖅ ᖃᐅᔨᓴᕐᕕᒃ ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᓄᓇᓕᖕᓂ ᐱᓕᕆᑎᑦᑎᔾᔪᑕᐅᔪᖅ ᐊᖏᒡᓕᒋᐊᖅᓯᒪᓕᖅᑐᖅ ᐃᓚᒋᔭᐅᓕᖅᖢᑎᒃ ᓂᒋᐊᓂ ᓯᓚᐃᕕ ᖃᐅᔨᓴᕐᕕᒃ, ᑕᐃᑲᓂ ᑖᒃᑯᐊᑦᑕᐃᓐᓇᖅ ᓄᓇᓕᖕᓂ-ᐱᓯᒪᔪᑦ ᐊᒻᒪᓗ ᐊᑑᑎᖃᖅᑐᖅ ᐋᕿᒃᓯᒪᔪᖅ ᐊᑐᖅᑕᐅᓗᓂ. ᑎᑭᐅᑎᑕᐃᓐᓇᕐᓂᐊᖅᑐᖅ ᖃᖓᐅᓕᖅᐸᑦ, ᐊᖅᓴᕐᓂᖅ ᖃᐅᔨᓴᕐᕕᒃ ᐸᕐᓇᐃᓗᑎᒃ ᐊᖏᒡᓕᒋᐊᕈᓐᓇᖅᑕᒥᖕᓂᒃ ᑖᒃᑯᓂᖓ ᖃᐅᔨᓴᐃᓂᖅ, ᓄᑖᑦ ᐱᓕᕆᔾᔪᑕᐅᓕᖅᑐᑦ, ᖃᐅᔨᒪᔨᒻᒪᕆᒃ ᐊᒻᒪᓗ ᓈᓴᐅᓯᕆᓂᖅ ᓄᓇᓕᖕᓂ ᐱᓕᕆᑎᑦᑎᔾᔪᑕᐅᔪᖅ ᔭᓗᓇᐃᒥ ᑎᑎᕋᕐᕕᖓ ᐱᓕᕆᖃᑎᖃᕐᓗᓂ ᒪᒃᑯᒃᑐᓂᒃ ᐊᒻᒪᓗ ᐃᓕᓴᐃᔨᓂᒃ ᑕᐃᑲᓂ ᓄᐊᑦ ᓯᓚᐃᕕ, ᓴᕼᐊᑐ, ᐊᒻᒪᓗ ᑎᓂ ᓲ ᓄᓇᖏᓐᓂ.

ᓇᓗᓇᐃᖅᓯᔪᖅ 1 ᐊᖅᓴᕐᓂᖅ ᖃᐅᔨᓴᕐᕕᒃ ᓄᓇᓕᖕᓂ ᐱᓕᕆᐊᖏᑦ ᑐᒃᑐᔮᖅᑐᖅ ᑎᐅᑕ ᓄᓇᖓᓂ.

ᐃᓚᐅᔪᖅ ᐆᒃᑐᕋᖅᑐᖅ ᑲᑎᓪᓗᒋᑦ ᖃᑦᓯᐅᓂᖏ ᐃᓚᐅᔪᑦ ᑎᑭᐅᑎᔪᑦ ᐊᔾᔨᒌᓐᖏᑦᑐᓂ ᖃᓄᐃᓕᐅᕈᑕᐅᔪᓂ, ᓈᓴᐅᑎᒋᓐᖏᑕᖓ ᐊᑐᓂ ᐃᓄᐃᑦ ᑎᑭᐅᑎᔭᖏᑦ. ᐅᑯᐊ ᓄᓇᓕᖕᓂ ᑲᒪᔨᐅᔪᑦ ᐃᖅᑲᓇᐃᔮᖏᑦ ᓴᕿᑕᐅᓚᐅᖅᑐᖅ 2016 ᐱᔨᑦᑎᕋᕐᓂᐊᕐᒪᑕ ᐃᓕᓐᓂᐊᖅᑐᓂᒃ ᐊᒻᒪᓗ ᐃᓕᓴᐃᔨᓂᒃ ᑕᐃᑲᓂ ᐱᐅᕗᑦ ᑎᐅᑕ ᓄᓇᖓᓐᓂ, ᑲᔪᓯᑎᓯᓈᕐᓗᒋᑦ ᐊᖅᓴᕐᓂᖅ ᖃᐃᔨᓴᕐᓂᖓᑕ ᐱᐅᓯᖓ ᓄᓇᓕᖕᓂ ᖃᓄᐃᓕᐅᕕᑕᐅᔪᓄᑦ. ᐅᓇ ᐱᔾᔪᑖ ᐱᓕᕆᑎᑦᑎᔾᔪᑕᐅᔪᖅ ᑲᑎᖓᓕᖅᑎᓪᓗᒋᑦ ᐅᑭᐅᖅᑕᖅᑐᒥ ᓄᓇᖃᖅᑐᑦ ᐊᒥᓱᐃᕐᓗᑎᒃ ᖃᖓᒃᑯᑐᐃᓐᓇᖅ ᐅᑭᐅᒥ.

ᐅᓇ ᐅᑭᐅᖅᑕᖅᑐᒥ ᐆᒪᔪᑦ ᐆᒪᔾᔪᑎᖏᑦ ᖁᐱᕐᕈᐊᕐᔪᐃᑦ ᐱᓕᕆᐊᖑᓂᖏᑦ

ᑎᑎᕋᖅᑎᑦ

1. ᐸᑏᔅ, ᑖᒻᓴᓐ ᐅᓕᕗᔅ ᐃᓕᓐᓂᐊᕐᕕᒃᔪᐊᖓ, ᑳᒻᓘᑉᔅ, ᐳᑎᓯ ᑲᓚᑉᐱᐊ, ᑲᓇᑕ, ebottos@tru.ca
2. ᑲᐅᒐᓐ, ᐱᓇᓱᐊᕐᕕᖓ ᐊᖏᓐᓇᖅᑐᒧᑦ ᑕᑯᔭᒃᓴᑦ ᐃᔭᕈᕙᐅᔭᖏᑦ ᐆᒪᔪᓕᒫᑦ ᐊᒻᒪᓗ ᑎᒥᖏᓂᒃ ᐊᐅᖏᓐᓂᒡᓗ ᖃᐅᔨᓴᖅᑎᑦ, ᐃᓕᓐᓂᐊᕐᕕᒃᔪᐊᖅ ᐳᑐᕆᐊ, ᐱᑐᕆᐊ, ᓂᒋᐊᓂ ᐊᕗᓕᒃᑲ.
3. ᕼᐋᒃ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕᐅᑉ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
4. ᑯᓚᑉᐱ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕᐅᑉ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
5. ᕚᓐᓯᓐᐳᓕᒃ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕᐅᑉ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᐳᑐᔅ, E.M., ᑯᕙᓐ, D.A., I.D., ᑯᓚᒻᐱ, S, ᐊᒻᒪ ᕙᓐᑎᐳᕆᒃ, B. 2020. ᐅᑭᐅᖅᑕᖅᑐᖅ ᓄᓇᖓ ᐃᓚᒃᓴᓕᕆᓂᕐᒧᑦ ᐱᓕᕆᐊᒃᓴᐃᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 12-14. DOI: 10.35298/pkc.2020.03.ikt

ᑎᑎᕋᖅᓯᒪᔪᖅ

ᖃᐅᔨᓴᖅᑏᑦ ᑕᐃᑲᖓᑦ ᑖᒻᓴᓐ ᐅᓕᕗᔅ ᐃᓕᓐᓂᐊᕐᕕᒃᔪᐊᖅ ᑕᐃᑲᓂ ᐳᑎᓯ ᑲᓚᑉᐱᐊ ᐊᒻᒪᓗ ᐃᓕᓐᓂᐊᕐᕕᒃᔪᐊᖅ ᐳᓕᑐᓕᐊ ᑕᐃᑲᓂ ᓂᒋᐊᓂ ᐋᕗᓕᒃᑲ ᓴᓇᖃᑎᖃᖅᑐᑦ ᐃᖅᑲᓇᐃᔭᖅᑎᖏᓐᓂᒃ ᑲᓇᑕᐅᑉ ᖁᑎᒃᑐᕐᒥᐅᑦ ᖃᐅᔨᓴᕐᕕᖓᑦ ᖃᐅᔨᓇᓱᒡᖢᑎᒃ ᐊᕐᕌᒍ ᐃᓚᖓᓂ ᑭᐅᓯᔾᔪᑎᑦ ᓄᓇᑐᐃᓐᓇᒥ ᐃᔾᔪᕐᒦᑦᑐᑦ ᐅᑭᐅᖅᑕᖅᑐᒥ ᐆᒪᔪᑦ ᐆᒪᔾᔪᑎᖏᑦ ᖁᐱᕐᕈᐊᕐᔪᐃᑦ - ᑕᒪᕐᒥᒃ ᓄᓇᖃᑎᒌᑦ ᐃᔾᔪᕐᓂ ᖁᐱᕐᕈᐊᕐᔪᐃᑦ ᓄᓇᑐᐃᓐᓇ. ᐅᓇ ᖃᐅᔨᓴᖅᓯᔪᖅ ᐊᑐᖅᑕᐅᓂᐊᕐᒪᑕ ᓄᐊᑦᑎᓗᑎᒃ ᐱᕚᓪᓕᖁᑎᒃᓴᓄᑦ ᒥᑭᔪᓂᒃ ᐆᒪᔪᕋᓛᓂᒃ ᖁᐱᕐᕈᓂᒡᓗ ᐊᔾᔨᒌᓐᖏᑦᑐᓂᒃ ᐃᔭᕈᕙᐅᔭᖏᓐᓄᑦ, ᑖᒃᑯᐊᓗ “ᐆᒪᓂᐊᓕᖅᑐᑦ” ᐊᐅᖏᑦᑎᒍᑦ ᑭᓲᖕᒪᖔᑕ ᖃᐅᔨᓴᖅᓂᖅ, ᐃᓕᑦᑎᓇᓱᒃᑐᒍᑦ ᐊᓯᕈᖅᑐᓂᒃ ᓄᓇᓕᖏᓐᓂ ᐋᕿᒃᓱᖅᓯᒪᔪᓂᑦ ᐊᒻᒪᓗ ᐊᐅᓚᔾᔪᑎᖏᓐᓂᒃ ᓄᓇᑐᐃᓐᓇᒥ ᑭᓲᑦ ᐆᒪᔾᔪᑎᖏᑦ ᖁᐱᕐᕈᐊᕐᔪᐃᑦ ᐊᕐᕌᒍᓕᒫᒥ. ᖃᐅᔨᓴᕈᑎᑖᓂᒃ ᐊᑐᖅᑕᐅᓂᐊᖅᑐᑦ ᐃᑲᔫᑎᓗᑎᒃ ᑐᑭᓯᕚᓪᓕᕐᓗᑕ ᖃᓄᖅ ᓄᓇᑐᐃᓐᓇᐅᑉ ᑭᓲᑦ ᐆᒪᔾᔪᑎᖏᑦ ᖁᐱᕐᕈᐊᕐᔪᐃᑦ ᐊᓯᕈᖅᐸᓪᓕᐊᖕᒪᖔᑕ ᐊᑯᓂᐅᔪᒃᑯᑦ ᑕᒪᓐᓇ ᓯᓚ ᐅᖂᓯᕙᓪᓕᐊᑎᓪᓗᒍ.

ᑭᓲᑦ ᐆᒪᔾᔪᑎᖏᑦ ᖁᐱᕐᕈᐊᕐᔪᐃᑦ ᐱᒻᒪᕆᐅᔪᒥᒃ ᐊᑐᖅᑕᐅᓲᑦ ᐃᓂᖃᕐᒥᖕᒪᑕ ᓄᓇᑐᐃᓐᓇᐅᑉ ᐃᔾᔪᐊᓂ ᑐᓂᓯᓯᒪᔪᑦ ᓂᕿᖃᕐᑎᑦᑎᓪᓗᑎᒃ ᑕᒪᓐᓇ ᓂᕿᑦᑎᐊᕙᐅᓂᐊᕐᒪᑦ- ᐆᒪᑲᓐᓂᖅᐸᒃᑐᖅ, ᑕᒪᒃᑯᐊᓗ ᐋᕿᒃᖢᒋᑦ ᓯᓚᒥ ᐊᓂᖅᓵᖅᑕᑦᑎᓐᓂ ᐸᐅᖅ ᐊᒻᒪᓗ ᒑᓯ, ᒥᒡᖠᕚᓪᓕᕐᑎᑦᑎᓲᑦ ᐊᖏᓂᖅᓴᐅᔪᓂᒃ ᒥᑭᔪᓂᒃ ᐆᒪᔪᕋᓛᓂᒃ ᖁᐱᕐᕈᓂᒡᓗ ᐊᔾᔨᒌᓐᖏᑦᑐᓂᒃ ᐃᔭᕈᕙᐅᔭᖏᑦ ᑕᒫᓂ ᐊᕐᕌᒍ ᐃᓚᖓᓂ ᐱᕈᖅᑐᓂ ᑕᐃᒪᓐᓇᐃᑎᑕᐅᔪᑦ, ᐊᒻᒪᓗ ᐊᖏᑦᑎᒍᖅᑕᐅᖅ ᐊᒥᓲᔪᑦ. ᑐᑭᓯᓗᒍ ᖃᓄᖅ ᑕᒪᒃᑯᐊ ᐱᔨᑦᑎᕋᖅᐸᖕᒪᖔᑕ ᐊᓯᕈᖅᑐᑦ ᐊᑯᓂᐅᔪᒥᑦ, ᐱᓗᐊᖅᑐᒥᒃ ᐱᔾᔪᑎᒋᓪᓗᒍ ᓯᓚᐅᑉ ᐅᖂᓂᖓᑕ ᐊᓯᕈᖅᑐᖅ, ᐅᓇ ᐱᒻᒪᕆᐅᔪᖅ ᑐᑭᓯᓂᐊᕐᓗᒋᑦ ᓯᕗᓂᒃᓴᑦᑎᓐᓂ ᓄᓇᑐᐃᓐᓇᐃᑦ - ᑕᐃᒪᓗ ᓈᓴᐅᓯᕆᔾᔪᑎᖅ ᑭᓱᖃᐅᕐᓂᖓᒍᑦ ᐸᐅᖅ ᐃᓇᖏᐅᑖ ᐅᒡᕙᓘᓐᓃᑦ ᐃᓯᐊᕿᔪᖅ, ᑭᓲᓂᖓ ᖄᖓᓄᐊᖅᑐᖅ ᐱᕈᖅᑐᓄ, ᐊᒻᒪᓗ ᐃᓂᑖᖅᐳᑦ ᐃᑲᔫᑎᖏᓐᓄᑦ ᓂᕐᔪᑎᓅᖅᑐᑦ ᐊᒻᒪᓗ ᐃᓄᖕᓅᖅᑐᑦ.

ᐅᓇ ᐱᓕᕆᐊᖑᔪᖅ ᐃᖏᕐᕋᓯᓚᐅᖅᑐᖅ ᐋᒍᓯ 2019 ᐊᒻᒪᓗ ᐃᖏᕐᕋᓂᐊᖅᑐᖅ ᑎᑭᓐᓇᓱᖕᓂᖓᓂ ᐋᒍᓯ 2021. ᓯᒡᔭᖓᓂ ᐃᓂᖓᑦ ᐅᐊᖕᓇᖓᓂ- ᐱᓇᖕᓇᖓᓄ ᐃᖃᓗᒃᑑᑦᑎᐊᖅ ᓂᕈᐊᖑᓚᐅᖅᑐᖅ, ᐊᒻᒪᓗ ᓯᕗᓪᓕᖅᐹᖅ ᐱᒋᐊᖅᑎᑕᐅᔪᖅ ᓄᓇᑐᐃᓐᓇᐅᑉ ᐃᔪᖓ ᖃᐅᔨᓴᕈᖅᑖᕐᕕᐅᓪᓗᓂ. ᐃᔾᔪᖅ ᐊᒻᒪᓗ ᕿᕿᔪᖅ ᓄᓇ ᐊᐅᒍᓐᓇᓐᖏᑦᑐᖅ ᐲᖅᓯᕕᐅᓚᐅᖅᑐᖅ ᐊᑐᖅᖢᑎᒃ ᓂᐅᖅᑑᑎᒥᒃ ᓱᕈᖃᓐᖏᑦᑎᐊᖅᑐᒥᒃ ᓴᓇᕐᕈᑎᖃᖅᖢᑎᒃ ᐊᒻᒪᓗ ᖃᐅᔨᓴᕈᑎᑖᓄᑦ ᐴᑦ. ᐅᓇ ᐸᕐᓇᐅᑎ ᖃᐅᔨᓴᕈᑎᑖᕐᓗᑎᒃ ᑕᐃᑲᖓᑦᑕᐃᓐᓇᖅ ᐃᓂᖓᓂ ᑕᕿᑕᒫᕐᓗᑎᒃ ᐊᕐᕌᒍᓕᒫᕐᒥᒃ, ᑕᐃᑲᓂᓗ ᒪᓂᕋᖅ ᖁᐊᖑᑎᓪᓗᒍ ᐅᒡᕙᓘᓐᓃᑦ ᐊᐱᓯᒪᑎᓪᓗᒍ. ᑲᔪᓯᔪᒥᒃ ᐆᒃᑐᕋᖅᑕᐅᖏᓐᓇᕐᓗᓂ ᐃᔾᔪᖅ ᐆᓇᕐᓂᖓ ᐊᒻᒪᓗ ᐃᒡᓇᒃᓯᒪᒍᓂ ᐱᓕᕆᔭᐅᓂᐊᕐᒪᑦ ᐃᓂᖓᓂ ᐊᕐᕌᒍᓕᒫᖅ. ᖃᐅᔨᓴᑎᑖᑦ ᓄᐊᑕᖏᑦ ᐅᓄᖅᓯᕙᓪᓕᐊᔪᑦ ᑕᐃᑲᓂ ᑲᓇᑕᐅᑉ ᖁᑎᒃᑐᕐᒥᐅᓂ ᖃᐅᔨᓴᕐᕕᖓᓂ ᖁᐊᒃᑯᕕᖕᓂ ᐱᓕᕆᔭᐅᓂᐊᖅᑐᑦ ᐊᑖᓂ ᐋᒍᓯ 2021.

ᑕᒪᒃᑯᓄᖓ ᐃᓚᒋᓪᓗᐊᑕᖅᑕᖓ ᐱᓕᕆᔭᐅᕙᓪᓕᐊᓂᖓ ᐲᔭᐃᓪᓗᑎᒃ ᐊᒻᒪᓗ ᓇᓗᓇᐃᖅᓯᓪᓗᑎᒃ ᓇᑭᖕᖓᔭᐅᖕᒪᖔᑕ ᐊᐅᖏᑦᑎᒍᑦ ᖃᐅᔨᓴᕈᑎᑖᕐᓂᑦ. ᐅᓇ ᐱᔭᕇᕐᓂᐊᖅᑐᖅ ᖃᐅᔨᓴᕈᑎᑖᕐᓗᑕ ᐊᖏᔪᓂᒃ ᓄᐊᑦᑎᓯᒪᑦᑎᐊᓕᕈᑦᑕ ᐅᑯᐊᓗ ᐃᓕᑕᐅᓇᓱᑦᑎᐊᕐᓂᐊᖅᑐᑦ ᑐᑭᓯᓗᑎᒃ ᖃᓄᖅ ᑖᒃᑯᐊ ᖁᐱᕐᕈᑦ, ᐱᕈᖅᑐᓂ, ᐅᖁᑦ ᐊᒻᒪᓗ ᐋᓐᓂᐊᓇᐃᑦ ᐊᓯᕈᖅᐸᓪᓕᐊᕙᒃᑕ ᐊᑯᓂᐅᔪᒥ, ᐊᒻᒪᓗ ᖃᓄᖅ ᖃᓄᐃᓕᐅᕐᓂᖓ ᑭᐅᓯᕙᑦ ᐊᕐᕌᒍ ᐃᓗᐊᓂ ᐊᓯᕈᖅᐸᓪᓕᐊᑎᓪᓗᒍ ᓯᓚᐅᑉ ᐅᖂᓂᖓ ᐊᒻᒪᓗ ᐃᒪᖅ ᐱᑕᖃᖅᑎᓪᓗᒍ.

ᓇᓂᔭᐅᔪᑦ ᑕᒪᑐᒪᖓᑦ ᓴᓇᔭᐅᔪᒥᑦ ᐃᑲᔫᑎᓂᐊᖅᑐᑦ ᓄᓇᓕᖕᓂᒃ ᖃᓄᖅ ᓂᕆᐅᒍᓐᓇᕐᒪᖔᑕ ᐊᓯᕈᕐᓂᐊᖅᑐᓂᒃ ᓄᓇᑐᐃᓐᓇᖓᓐᓂ ᐆᒪᔪᓕᒫᑦ ᐊᕙᑎᓕᒫᖏᓪᓗ ᑕᐃᒪᓐᓇᐅᑎᑕᐅᑎᓪᓗᒋᑦ ᓯᓚᐅᑉ ᐅᖂᓯᕙᓪᓕᐊᓂᖓᓂᑦ, ᐊᒻᒪᓗ ᖃᐅᔨᓴᑦᑎᐊᕐᓗᒋᑦ ᖃᓄᖅ ᑖᒃᑯᐊ ᐊᓯᐳᖅᑐᑦ ᐊᒃᑐᐃᒐᔭᕐᒪᖔᑕ ᓯᕗᓂᒃᓴᑦᑎᓐᓂ ᓄᓇᑐᐃᓐᓇᒥ ᓄᓇᖓᓐᓂᒃ. ᐅᓇ ᖃᐅᔨᓴᕐᓂᖅ ᐱᔭᕆᐊᑭᒡᓕᑎᑕᐅᓯᒪᔪᖅ ᓄᓇᓕᖕᓂᑦ, ᐃᓚᐅᓪᓗᑎᒃ ᑲᓇᑕᐅᑉ ᖁᑎᒃᑐᕐᒥᐅᓂ ᖃᐅᔨᓴᕐᕕᖓ ᖃᐅᔨᓴᖅᑎᑦ ᐅᓇᓕᒃᓴᐃᑦ ᐊᒻᒪᓗ ᐊᐅᔭᒃᑯᑦ ᓴᓇᑎᑕᐅᔪᑦ ᐃᓕᓐᓂᐊᖅᑐᑦ.

ᐊᑐᖅᓯᓪᓗᑎᒃ ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᓇᓗᓇᐃᒃᑯᓯᖅᑕᐅᔪᑦ ᑭᓱᑕᖃᕐᒪᖔᑦ ᐊᒻᒪᓗ ᒪᓕᒃᑕᐅᓂᐊᕐᒪᑕ ᓇᒧᖔᑎᖅᓯᒪᖕᒪᖔᑕ ᐊᒻᒪᓗ ᐊᔾᔨᒌᓐᖏᑑᑕᐅᓂᖏ ᐃᒪᑦᑎᐊᕙᖕᒥ ᕿᒥᕐᓗᖃᓐᖏᑦᑐᑦ ᐊᒡᖢᓈᖅᑐᓲᑦ ᐆᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ

ᑎᑎᕋᖅᑎᑦ

1. ᓄᒍᓵᑦ, ᐃᓕᓐᓂᐊᕐᕕᒃᔪᐊᖅ ᒍᐊᕕ, ᒍᐊᕕ, ᐋᓐᑎᐅᕆᐅ, ᑲᓇᑕ; ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ; dnowosad@uoguelp.ca
2. ᕼᐊᒃ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
3. ᐳᕋᐃᓯᓐᑯ, ᐃᓕᓐᓂᐊᕐᕕᒃᔪᐊᖅ ᒍᐊᕕ, ᒍᐊᕕ, ᐋᓐᑎᐅᕆᐅ, ᑲᓇᑕ
4. ᐊᑕᒻᒧᒍᐃᑦᔾ, ᐃᓕᓐᓂᐊᕐᕕᒃᔪᐊᖅ ᒍᐊᕕ, ᒍᐊᕕ, ᐋᓐᑎᐅᕆᐅ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᓄᕗᓵᑦ, D., ᕼᐊᒡ, I. ᐊᒻᒪ ᐊᑕᒧᕕᒃ, S. 2020. ᐊᑐᕐᓗᓂ ᑭᓇᐅᔾᔪᑎᕆᔭᕐᓄᑦ ᐃᓚᒃᓴᖅ ᖃᐅᔨᓴᕈᑎᑦ ᓈᓴᐃᓂᕐᒧᑦ ᐊᒻᒪ ᖃᐅᔨᓴᕐᓂᖅ ᐊᓯᙳᖅᐸᓪᓕᐊᔪᓂᑦ ᐊᓂᕙᓪᓕᐊᔪᑦ ᐊᒻᒪ ᐊᖏᓂᖏᓐᓄᑦ ᐃᒪᑦᑎᐊᕙᒻᒥᑦ ᓴᙲᑦᑐᓂᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 15-17. DOI: 10.35298/pkc.2020.04.ikt

ᑎᑎᕋᖅᓯᒪᔪᖅ

ᐃᒪᑦᑎᐊᕙᐃᑦ ᐆᒪᔪᕋᓛᖅ ᐊᔾᔨᒌᓐᖏᑦᑐᑦ ᑲᓇᑕᐅᑉ ᐅᑭᐅᖅᑕᖅᑐᐊᓕ ᕿᑭᖅᑕᓂ ᐊᒻᒪᓗ ᕿᕿᔪᕕᓃᑦ ᐃᓄᖃᓚᐅᖅᓯᒪᑎᓐᓇᒍ ᐃᒻᒪᑲᓪᓚᓂᑦ ᑕᐃᒪᓐᓇᐃᓕᖓᔪᑦ ᐊᖏᔫᔪᒥᒃ ᐃᒃᐱᒋᔭᐅᑦᑎᐊᕋᓱᐊᖅᐳᑦ ᖃᐅᔨᓴᖅᑎᓂᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᑕᒪᓐᓇ ᑕᒪᕐᒥ ᓴᓇᔭᐅᓂᖓ ᖃᖓᐅᓚᕐᒪᖔᑕ ᖃᐅᔨᓴᖅᓯᑎᑕᐅᔪᑦ ᐱᒋᐊᖅᑎᑕᐅᓯᒪᓕᕐᒪᑕ ᖃᕆᓴᐅᔭᒃᑯᑦ ᐊᐅᖏᑦᑎᒍᑦ ᑭᓲᓂᖏᑦᑎᒍᑦ ᐊᖏᒡᓕᑎᕆᖃᑦᑕᕐᓂᖅ, ᓲᕐᓗ ᓇᑭᖔᖅᓯᒪᖕᒪᖔᑕ ᓇᓗᓇᐃᒃᑯᖅᑐᖅᑕᐅᓯᒪᓕᖅᑐᑦ, ᐅᓇ ᑕᒻᒪᖅᓯᒪᓐᖏᑦᑎᐊᓲᖅ ᖃᐅᔨᓇᓱᒡᖢᒋᑦ ᑖᒃᑯᐊ ᑭᓲᖕᒪᖔᑕ. ᑕᐃᒪᓐᓇᐅᓂᖓᓄ, ᐅᑯᐊ ᐃᖅᐸᖅᓯᒪᔪᑦ ᑐᑭᓯᓇᓱᐊᖅᓯᒪᔭᑦᑎᓐᓂᑦ ᓇᒧᖔᕙᖕᓂᖏᑦ ᐊᒻᒪᓗ ᐊᔾᔨᒌᓐᖏᑑᑕᐅᓂᖏᑦ ᐊᒥᓱᑦ ᐃᒪᕐᒥ ᐆᒪᔪᑦ ᖁᐱᕐᕈᓪᓗ. ᑕᒪᐅᓐᓇ ᐊᖏᓂᖅᓴᑎᒍᑦ, ᐱᕈᖅᕕᒃᓴᖃᓗᐊᓐᖏᒻᒪᑕ ᓇᓪᓕᐊᖕᓂ ᐃᓂᖓᓂᑦ-ᐱᓯᒪᔪᑦ ᐊᔾᔨᒌᓐᖏᑦᑐᑦ ᕿᒥᕐᓗᖃᓐᖏᑦᑐᑦ ᓄᓇᖃᑎᒌᑦ ᐊᒻᒪᓗ ᑭᐅᓯᔾᔪᑎᖏᑦ ᐆᒪᔪᕋᓛᑦ ᐱᕈᖅᑐᓪᓗ ᐊᒻᒪᓗ ᐆᒻᒪᕐᕕᒃᓴᖃᓐᖏᑦᑐᒥ, ᓲᕐᓗ ᓄᓇᖓ ᐃᒪᐃᓐᓇᖅ, ᐊᕐᕌᒍ ᐃᓚᐃᓐᓇᖓᒍᑦ, ᐊᑯᓂᐅᔪᒃᑯᑦ ᓯᓚ ᐊᓯᕈᖅᑐᖅ.

ᐅᓇ ᐃᓕᑕᐅᓇᓱᖕᓂᖓ ᐊᑐᖅᓯᓚᐅᖅᑐᑦ ᓇᑭᖓᖅᓯᒪᖕᒪᖔᑕ ᑎᒥᖏᑦ ᖃᐅᔨᓴᕐᖢᑎᒃ ᖃᕆᓴᐅᔭᒃᑯᑦ ᓇᓗᓇᐃᕈᑎᑦ ᐊᑐᖅᓯᓪᓗᑎᒃ ᑕᒫᓃᑦᑐᓂᒃ- ᐅᓄᖅᑐᓂᒃ ᖃᐅᔨᒪᐅᑎᒃᓴᐃᑦ ᐆᒪᔪᓂᒃ ᐊᔾᔨᒌᓐᖏᑦᑐᓂᒃ ᐊᐅᖏᑦᑎᒍᑦ ᑎᒥᖏᑦᑎᒍᓪᓗ ᓇᑭᖔᖅᓯᒪᖕᒪᖔᑕ ᖃᐅᔨᓴᕈᑎᑦ ᐃᒪᑦᑎᐊᕙᓂ ᖁᐱᕐᕈᖏᑦ ᐊᒻᒪᓗ ᖁᐱᕐᕈᑦ ᐃᒫᓂᑦ ᐃᖃᖓᓂᖔᕐᓂᑯᑦ ᕿᒥᕐᓗᐊᓐᖏᑦᑐᑦ ᐃᓂᖓᓂ ᐃᖃᓗᒃᑑᑦᑎᐊᖅ ᐃᓚᒋᓪᓗᒍ ᐊᖏᓂᖅᓴᖅ ᐆᒪᔪᓂᒃ ᖃᐅᔨᓴᕐᓂᖅ ᖃᕆᓴᐅᔭᒃᑯᑦ ᒪᓕᒡᓗᒋᑦ ᐱᓕᕆᐊᖑᔪᖅ. ᑕᐃᑲᓂ ᐊᐅᔭᖅ 2018 ᐊᒻᒪᓗ 2019, ᐃᒪᐃ ᑎᒥᖏ ᐊᔾᔨᒌᓐᖏᑦᑐᑦ ᐊᖏᓕᕇᑦ ᖃᐅᔨᓴᖅᑕᐅᓚᐅᖅᑐᑦ ᖃᓂᒋᔭᓂ ᑲᓇᑕ ᖁᑎᒃᑐᕐᒥᐅᑦ ᖃᐅᔨᓴᕐᕕᖓ, ᑭᓕᓂᖅ, ᐊᒻᒪᓗ ᓄᓇᕗᑦ, ᐊᑐᖅᓯᓪᓗᑎᒃ “ᐃᐳᖃᖅᑐᖅ-ᑲᓗᓯᔾᔪᑎᓕᐊᕆᓯᒪᔪᖅ” ᐊᒻᒪᓗ ᐃᒪᕐᒥᐅᑕᐃᑦ ᓅᑦᑐᓐᓇᓐᖏᑦᑐᑦ ᓇᖕᒥᓂᖅ (ᓴᕿᔮᖅᑐᖅ 1). ᑕᐃᑲᓂ 2019 ᐊᕐᕌᒍᒥ, ᑲᑎᓪᓗᒋᑦ 75 ᖃᐅᔨᓴᕈᑎᑖᑦ ᓄᐊᑕᐅᓚᐅᖅᑐᑦ, ᑭᒡᒐᖅᑐᐃᔪᑦ ᐊᔾᔨᒌᓐᖏᑦᑐᓂᒃ ᐃᒫᓂ ᒥᑭᔫᑎᓂᒃ ᐆᒪᔪᓂᒃ - ᖁᐱᕐᕈᒃ ᐊᒻᒪᓗ ᐆᒪᔪᕋᓛᑦ ᐃᒫᓂ (ᓴᕿᔮᖅᑐᑦ 2). ᐅᑯᐊ ᓇᑭᖔᖅᓯᒪᓂᖏᑦ ᐊᐅᖏᑦᑎᒍᑦ ᖃᐅᔨᓴᐅᑎᖏᑦ ᖃᕆᓴᐅᔭᒃᑯᑦ ᐊᑕᔪ ᖃᐅᔨᓴᕈᑎᑖᓂ ᒫᓐᓇ ᐱᓕᕆᐊᕆᔭᐅᕙᓪᓕᐊᔪᑦ, ᐅᖓᑖᓂ 2000 ᐃᓚᓕᑎᓂᐊᖅᑐᑦ ᑕᒡᕗᖓ ᖃᕆᓴᐅᔭᖅᑎᒍᑦ ᓇᓗᓇᐃᒃᑯᓯᖅᓱᐃᓂᖅ ᐆᒪᔪᓂᒃ ᓄᐊᑦᑎᕕᒃ ᑕᐃᑲᓂ ᑐᐊᖅ 2019 ᐊᐅᔭᖓᓂᑦ. ᖃᓅᑎᒋᓂᖓ ᐊᑐᐃᓐᓇᐅᔪᖅ ᖃᐅᔨᒪᔾᔪᑕᐅᓂᐊᖅᑐᓄᑦ ᐊᓯᖏᓐᓂᒃ ᐅᑭᐅᖅᑕᖅᑐᒥ ᐊᒻᒪᓗ ᓂᒡᓚᓱᒃᑐᑦ ᓯᓚᕐᔪᐊᖅ ᑲᔾᔨᐊ ᑐᓂᓯᓯᒪᓂᐊᖅᑐᖅ ᑐᓴᕈᒪᔭᑦᑎᓐᓂᒃ ᐊᔾᔨᐸᓗᑦᑎᐊᖏᓐᓂᒃ ᐊᒻᒪᓗ ᑲᑎᖓᕕᖓ ᑭᓕᓂᖅ ᐊᒻᒪᓗ ᐊᒥᖏᑦ ᐊᕕᒃᑐᖅᓯᒪᔪᓂ ᐅᑭᐅᖅᑕᖅᑐᒥ.

ᑕᒪᐅᓐᓇ ᓄᐊᑦᑎᓪᓗᑕ ᐊᐅᖏᓐᓂᒃ ᐊᒻᒪᓗ ᑎᒥᖏᓐᓂᑦ ᓇᕿᖔᖅᓯᒪᖕᒪᖔᑕ ᓇᓗᓇᐃᒃᑯᓯᖅᓱᐃᓪᓗᑕ ᐃᒪᑦᑎᐊᕙᖕᒥ ᐆᒪᔪᑦ ᓄᐊᑕᐅᓪᓗᑎᒃ ᖃᓂᒋᔭᖓᓂᑲᓇᑕᐅᑉ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᖓᓂ, ᖃᐅᔨᓚᐅᖅᑐᒍᑦ ᐊᓯᕈᖅᑐᓂᒃ ᓄᓇᖃᑎᒌᖕᓂᒃ ᐊᔾᔨᒌᓐᖏᑦᑐᓂᑦ ᓄᐊᑕᑦᑎᓐᓂᑦ ᐊᑯᓂᐅᔪᒃᑯᑦ ᐊᒻᒪᓗ ᖃᐅᔨᓚᐅᖅᑐᒍᑦ ᑎᑭᑦᑐᓂᒃ ᓄᑖᓂᒃ ᐅᒡᕙᓘᓐᓃᑦ ᐃᓃᖅᓯᒍᓐᓇᖅᑐᑦ ᓄᑖᑦ ᐆᒻᒪᔪᑦ. ᑕᐃᑲᓂ 2020 ᐊᐅᔭᖓᓂ ᐱᓕᕆᐊᖃᓚᐅᖅᑐᒍᑦ ᓇᓗᓇᐃᑦᑎᐊᖅᓯᒪᓪᓗᑎᒃ ᐃᓕᓐᓇᓱᖕᓂᐊᖅᑕᕗᑦ ᐆᒪᔪᑦ ᐱᑕᖃᖅᑐᑦ ᐊᑐᓂ ᖃᐅᔨᓴᕈᑎᑖᕐᕕᒋᔭᑦᑎᓐᓂᑦ ᐃᓂᖓᓂ ᐊᒻᒪᓗ ᑎᒥᖓ ᐊᒻᒪᓗ ᑭᓱᖏᑦ ᖃᓄᐃᓕᖓᖕᒪᖔᑕ ᐃᒪᕐᒥ. ᐅᓇ ᐊᔪᖏᑎᑦᑎᔪᖅ ᐅᕙᑦᑎᓐᓂᒃ ᖃᐅᔨᓇᓱᑦᑎᐊᖅᖢᒋᑦ ᐊᕙᑎᒦᑦᑐᑦ ᓱᓕᔪᑦ ᐊᒃᑐᖅᑕᐅᔪᑦ ᓄᓇᖃᑎᒌᖕᓂᑦ ᐊᒻᒪᓗ ᓇᔪᖅᓯᔪᓂᒃ ᐆᒪᓂ ᕿᒥᕐᖢᖃᓐᖏᑦᑐᓂᒃ ᐆᒪᔪᓂᒃ ᐊᕕᒃᑐᖅᓯᒪᔪᑎᒍᑦ ᐃᒻᒪᑲᓪᓚᒻᒪᕆᐋᓗᒃ ᕿᕿᓕᓚᐅᖅᑎᓐᓇᖑ ᐊᒻᒪᓗ ᓄᖃᕈᓐᓇᓐᖏᑦᑐᖅ ᐊᕙᑎᖓ ᐊᓯᕈᖅᐸᓪᓕᐊᖏᓐᓇᖅᑐᖅ.

ᐅᓇ ᐃᓕᑕᐅᓇᓱᖕᓂᖓ ᐱᒻᒪᕆᐅᔪᖅ ᓄᓇᓕᖕᓂ ᐱᔾᔪᑎᒋᓪᓗᒍ ᐅᓄᖅᓯᕙᓪᓕᐊᔪᖅ ᖃᓂᒋᔭᖓᓂ ᖃᓄᐃᓕᐅᖅᑐᑦ ᓲᕐᓗ ᐅᒥᐊᕐᔪᐊᑦ ᐅᓯᑲᖅᑕᖅᑐᑦ ᐊᒻᒪᓗ ᐊᓯᖏᑦ ᑲᒻᐸᓂᐅᔪᑦ. ᐅᖓᑖᒍᑦ ᐅᓄᖅᓯᕙᓪᓕᐊᖕᒪᑕ ᑐᑭᓯᔪᓐᓇᖅᑕᕗᑦ ᓇᓕᐊᒃ ᐆᒪᔪᑦ ᐱᑕᖃᕐᒪᖔᑕ, ᕿᒥᕐᓗᖃᓐᖏᑦᑐᑦ ᓂᕿᒋᔭᐅᔪᑦ ᐃᖃᓗᖕᓂᑦ. ᐃᖃᓗᐃᑦ ᑮᓇᐅᔭᓕᐅᕈᑕᐅᔪᑦ ᐱᒻᒪᕆᐅᔪᑦ ᑖᒃᑯᐊ ᐆᒪᔪᑦ ᓄᓇᓕᖕᓄᑦ ᐃᖃᓗᒃᑑᑦᑎᐊᕐᒧᑦ - ᓂᕿᒋᖃᑦᑕᕐᒪᒋᑦ ᐊᒻᒪᓗ ᐱᒻᒪᕆᐅᔪᑦ ᓄᓇᓕᖕᓂ ᐱᐅᓯᑐᖃᕐᒥᖕᓄᑦ ᐊᑐᖅᑕᖏᑦ. ᐃᒪᑦᑎᐊᕙᖕᒥ ᕿᒥᕐᓗᖃᓐᖏᑦᑐᑦ ᐆᒪᔪᑦ ᖃᐅᔨᒪᔭᐅᔪᑦ ᐱᒻᒪᕆᐅᔪᒥᒃ ᓯᓚᑦᑎᓐᓂᒃ ᖃᐅᔨᑎᑦᑎᔪᓐᓇᖅᑐᑦ. ᑕᐃᒪᓗ ᖃᐅᔨᒪᓂᓐᖏᒃᑯᑕ ᖃᐅᔨᒪᐅᑎᒃᓴᓂᒃ ᐆᒪᔪᑦ ᐊᔾᔨᒌᓐᖏᑦᑐᑦ ᑕᒫᓂ ᐊᕕᒃᑐᖅᓯᒪᔪᖏᓐᓂ, ᐱᔭᕐᓂᕋᔭᓐᖏᑦᑐᖅ ᖃᐅᔨᓇᓱᒡᓗᒋᑦ ᑭᐅᓯᓂᐊᖅᑐᑦ ᓯᕗᓂᑦᑎᓐᓂ. ᑕᒪᓐᓇ ᓯᓚᐅᑉ ᐅᖂᓯᕙᓪᓕᐊᓂᖓ ᐊᓯᕈᖅᐸᓪᓕᐊᑎᓪᓗᒍ ᐱᕕᖃᖅᑎᑦᑎᕗᑦ ᓄᑖᑦ ᖁᐱᕐᕈᑦ ᑐᖁᕋᐃᔪᓐᓇᖅᑐᑦ, ᐅᓄᖅᓯᔪᓐᓇᖅᑐᑦ, ᐊᒻᒪᓗ ᐃᓃᖅᓯᔪᓐᓇᖅᑐᑦ ᐆᒪᔪᓂᒃ ᑕᒫᓃᓕᕈᑎᒃ ᕿᑭᖅᑕᒥ - ᐱᑕᖃᓐᖏᒃᑯᓂ ᖃᐅᔨᒪᐅᑎᒃᓴᐃᑦ ᓄᐊᑕᐅᓯᒪᔪᓂᒃ, ᐱᔭᕐᓂᕋᔭᓐᖏᑦᑐᖅ ᒥᐊᓂᕆᔭᕆᐊᒃᓴᖅ ᑕᒪᒃᑯᐊ ᐆᒪᔪᑦ ᐊᓯᕈᖅᐸᓪᓕᐊᓂᖏᑦ.

ᐊᑐᖅᖢᓂ ᐆᒪᔪᐃᑦ ᓇᓗᓇᐃᒃᑯᑕᖏᓐᓂᒃ ᖃᐅᔨᓂᐊᕐᓗᒋᑦ ᐅᓗᕆᐊᓇᖅᑐᑦ ᑐᖑᔪᖅᑐᐃᑦ ᐱᕈᖅᑐᑦ ᐆᒪᔪᕋᓛᑦ ᐅᑭᐅᖅᑕᖅᑐᒥᑦ

ᑎᑎᕋᖅᑏᒃ

1. ᑳᓕᓐᔅ, ᐃᓂᐅᔪᖅ ᓄᓇᕐᔪᐊᕐᒥᑦ ᖃᐅᔨᓴᐃᓂᖅ ᓱᓇᑐᐃᓐᓇᓕᕆᓂᕐᓂᒃ, ᓯᓚᑦᑐᖅᓴᕐᕕᒡᔪᐊᖅ ᒫᓂᑑᐸ, ᐅᐃᓂᐲᒡ, ᒫᓂᑑᐸ, ᑲᓇᑕ, eric.collins@umanitoba.ca
2. ᓕᑭᐊᓈᕝ, ᓯᓚᑦᑐᖅᓴᕐᕕᒃ ᐃᖃᓗᕆᓂᕐᒧᑦ ᐊᒻᒪᓗ ᑕᕆᐅᕐᒧᑦ ᓱᓇᑐᐃᓐᓇᓕᕆᓂᕐᒧᑦ, ᓯᓚᑦᑐᖅᓴᕐᕕᒡᔪᐊᖅ ᐊᓛᔅᑲ ᕕᐅᐹᖕᒃᔅ, ᕕᐅᐹᖕᒃᔅ, ᐊᓛᔅᑲ, ᐊᒥᐊᓕᑲᐃᑦ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᑲᓕᓐᔅ, R.E. ᐊᒻᒪ ᓕᑲᓇᕝ, R.M. 2020. ᐊᑐᕐᓗᓂ ᑭᓇᐅᔾᔪᑎᕆᔭᕐᓄᑦ ᐃᓚᒃᓴᖅ ᖃᐅᔨᓴᕈᑎᑦ ᖃᐅᔨᒋᐊᕈᑎᒋᓗᒋᑦ ᐊᑦᑕᕐᓇᖅᑐᑦ ᐱᕈᖅᓯᐊᑦ ᐱᕈᖅᐸᓪᓕᐊᔪᑦ-ᓴᖅᑭᔪᑦ ᐳᑦᑕᖓᔪᑦ ᖁᐱᕈᐃᑦ ᐅᑭᐅᖅᑕᖅᑐᒥ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 18-22. DOI: 10.35298/pkc.2020.05.ikt

ᐃᓕᑕᕐᓇᙱᑦᑐᖅ

ᑕᕆᐅᑉ ᐃᒪᖓᓂᑦ ᑯᕕᔪᑦ ᐅᐊᖕᓇᖓᓂᑦ ᐸᓯᕕᒃ (Pacific) ᑕᕆᐅᕐᒥᑦ ᐃᒪᐅᑉ ᐱᐅᕆᖕ ᓯᑐᕋᐃᑦ-ᑯᑦ (Bering Strait) ᑦᓱᒃᓯ ᑕᕆᐅᕐᒧᑦ (Chukchi Sea), ᐃᒪᐅᓕᖅᖢᓂ ᑰᒐᓛᖅᑐᖅ ᑕᐃᑲᙵᑦ ᐅᐊᖕᓇᖅᐸᓯᖓᒍᑦ ᓯᒡᔭᖓᓂᑦ ᐊᓛᔅᑲᐅᑉ ᐱᐅᕗᐊᑦ ᑕᕆᐅᕐᒧᑦ (Beaufort Sea) ᐊᒻᒪᓗ ᑲᓇᑕᐅᑉ ᕿᑭᖅᑕᖏᓐᓄᐊᖅᖢᓂ. ᐅᑭᐅᖅᑕᖅᑐᖅ ᐆᓇᖅᓯᒃᐸᑦ, ᑕᐃᑲᓂᕐᒥᐅᑕᐅᖏᑦᑐᑦ ᐆᒪᔪᐃᑦ ᑐᖑᔪᖅᑐᑦ ᓂᒋᕐᒥᙶᖅᑐᑦ ᓂᕆᐅᒋᔭᐅᔪᑦ ᐃᒪᐃᑦ ᐊᐅᓚᓂᖏᓐᓄᐊᕐᓂᐊᕐᓂᖏᓐᓄᑦ, ᐃᖅᒪᖄᓗ ᐱᕈᖅᐸᓪᓕᐊᓗᑎᒃ ᐅᑭᐅᖅᑕᖅᑐᒥᑦ. ᑐᖑᔪᖅᑐᑦ ᐱᕈᖅᑐᓂᑦ ᐅᓗᕆᐊᓇᖅᑐᓕᐅᖃᑦᑕᖅᑐᑦ ᑐᖁᓐᓇᖅᑑᑉᓗᑎᒃ ᐃᖃᓗᖕᓄᑦ, ᐃᒪᕐᒥᐅᑕᓄᑦ ᓂᕐᔪᑎᓄᑦ, ᐊᒻᒪᓗ ᐃᓄᖕᓄᑦ, ᐅᓗᕆᐊᓇᖅᑐᓕᐅᖅᖢᑎᒃ ᑐᖑᔪᖅᑐᑦ ᐱᕈᖅᑐᓂᑦ ᐊᒥᓱᙳᕌᖓᑕ. ᐆᒪᓂᐅᑉ ᓇᓗᓇᐃᒃᑯᑕᖏᓐᓂᒃ ᐊᑐᖃᑦᑕᖅᑐᒍᑦ ᖃᐅᔨᓂᐊᕐᓗᒋᑦ ᖃᑉᓯᐅᓂᖏᑦ ᐊᒻᒪᓗ ᓇᒧᙵᐅᓯᒪᓂᖏᑦ ᑐᖑᔪᖅᑐᑦ ᐱᕈᖅᑐᐃᑦ ᖃᐅᔨᓴᐃᓂᖃᖅᑎᓪᓗᑕ ᐱᖓᓱᐃᖅᖢᑕ ᐅᒥᐊᕐᔪᐊᒃᑯᑦ ᐊᐅᔭᖓᓂᑦ 2017.

ᑐᑭᓯᑎᑦᑎᓂᖅ

ᖃᑉᓯᐊᕐᔪᐃᑦ ᑲᑎᕐᒪᔪᑦ ᑐᖑᔪᖅᑐᑦ ᐱᕈᖅᑐᐃᑦ ᐅᓗᕆᐊᓇᖅᑐᓕᐅᖃᑦᑕᖅᑐᑦ ᑕᐃᒪᓐᓇᐃᑦᑐᓂᒃ, ᐃᓚᐅᑉᓗᑎ Cyanobacteria, Dinoflagellates, ᐊᒻᒪᓗ Diatoms. Cyanobacteria ᐱᑕᖃᓗᐊᖏᑦᑐᑦ ᐅᑭᐅᖅᑕᖅᑐᒥᑦ ᑕᕆᐅᕐᒥᑦ, ᑭᓯᐊᓂ ᑕᐃᒪᐅᔪᖕᓇᖅᑐᑦ ᑕᓯᕋᔭᖕᓂᑦ ᐊᒻᒪᓗ ᑕᓯᕐᓂᑦ. ᑐᖑᔪᖅᑐᑦ ᐱᕈᖅᑐᐃᑦ ᐃᓱᒫᓘᑕᐅᓗᐊᕋᔭᖅᑐᑦ ᐅᑭᐅᖅᑕᖅᑐᒧᑦ ᐅᑯᐊᖑᔪᑦ Pseudo-nitzschia (diatom-ᖑᔪᖅ) ᐊᒻᒪᓗ dinoflagellates Alexandrium ᐊᒻᒪᓗ Dinophysis. ᐃᓚᖏᑦ ᑐᖑᔪᖅᑐᑦ ᐱᕈᖅᑐᐃᑦ ᐅᓗᕆᐊᓇᖅᑐᓕᐅᕈᖕᓇᖅᑐᑦ ᑐᖂᑦᑎᖃᑦᑕᖅᑐᓂᒃ ᐃᖃᓗᖕᓂᑦ, ᐊᓯᖏᓪᓕ ᓂᕆᔭᐅᖃᑦᑕᖅᖢᑎᒃ ᓴᓗᒻᒪᖅᓴᐃᔾᔪᑎᖃᖅᑐᑦ ᓂᕆᖃᑦᑕᖅᑐᓄᑦ ᓲᕐᓗ ᐊᒻᒨᒪᔪᓄᑦ, ᑲᑎᑉᐸᓪᓕᐊᖃᑦᑕᖅᖢᑎᒃ ᐅᓗᕆᐊᓇᖅᑐᑦ ᓂᕿᖏᓐᓂᑦ. ᐅᓗᕆᐊᓇᖅᑐᐃᑦ ᑲᑎᑉᐸᓪᓕᐊᓕᕆᑉᓗᑎᒃ ᑎᖕᒥᐊᓂᑦ (Shearn-Bochsler et al. 2014) ᐅᕝᕙᓘᓐᓃᑦ ᑕᕆᐅᕐᒥᐅᑕᐃᑦ ᓂᕐᔪᑎᓂᑦ ᓂᕆᖃᑦᑕᖅᑐᑦ ᐅᕕᓗᕋᓗᖕᓂᑦ, ᓲᕐᓗ ᐊᐃᕖᑦ (Lefebvre et al. 2016). ᐃᓄᐃᑦ ᓂᕆᔭᕌᖓᑕ ᑐᖁᓐᓇᖅᑐᓕᖕᓂᑦ ᓂᕐᔪᑎᓂᑦ, ᐋᓐᓂᐊᓕᕈᖕᓇᖅᑐᑦ.

ᐆᒪᔪᓄᑦ ᓇᓗᓇᐃᒃᑯᑏᑦ ᐱᐅᓛᖑᔪᖅ ᐊᑐᖅᑕᐅᓗᓂ ᖃᐅᔨᓂᐊᕐᓗᑎᒃ ᓲᕐᓗ ᑐᖑᔪᖅᑐᑦ ᐱᕈᖅᑐᓂᑦ, ᐊᒥᓱᐃᑦ ᑕᐃᒪᓐᓇᐃᑦᑐᑦ ᐊᔾᔨᒌᒃᑑᔭᖃᑦᑕᕐᒪᑕ ᐊᖏᓐᓇᖅᑐᒃᑯᑦ ᑕᐅᑐᒃᖢᒋᑦ. ᑭᓯᐊᓂ, ᐊᔾᔨᐅᖏᑦᑐᓂᒃ ᐊᔾᔨᒌᙱᑦᑐᑦ ᐆᒪᔪᓄᑦ ᓇᓗᓇᐃᒃᑯᑕᖏᓐᓂᑦ ᐋᕿᖃᑦᑕᖅᑐᑦ ᐃᓕᑕᖅᓯᓂᕐᒧᑦ ᐊᑐᓂ ᑕᐃᒪᓐᓇᐃᑦᑐᓂᒃ, ᐊᑦᑎᖅᑕᐅᖃᑦᑕᖅᑐᑦ ᐃᓂᒋᔭᖏᓐᓄᑦ ᑭᖑᓂᐊᒍᑦ ᐊᔾᔨᐅᖏᑦᑐᒥᒃ ᓈᓴᐅᓯᖅᑕᐅᑉᓗᑎᒃ ᓇᓗᓇᐃᖅᓯᑉᓗᑎᒃ ᓇᓕᖏᓐᓃᓐᓂᖏᓐᓄᑦ ᖃᑉᓯᐅᑎᒋᓂᖏᑦᑎᒍᑦ ᐋᕿᖃᑦᑕᖅᑐᑦ ᖃᕆᑕᐅᔭᒃᑯᑦ ᓈᓴᐅᑎᓂᒃ/ᑎᑎᖅᑲᓂᒃ ᑐᖅᑯᖅᓯᓯᒪᕝᕕᑉᑎᖕᓂᑦ.

ᐅᓗᕆᐊᓇᖅᑐᓕᐅᖅᖢᑎᒃ ᑐᖑᔪᖅᑐᑦ ᐱᕈᖅᑐᓕᐅᕆᔪᑦ Diatom

ᓇᑉᐸᓪᓗᐊᖏᑦ ᖃᐅᔨᒪᔭᐅᓗᒃᑖᓂᑦ ᐆᒪᔪᓂᑦ (Pseudo-nitzschia) ᐅᓗᕆᐊᓇᖅᑐᓕᐅᖃᑦᑕᖅᑐᑦ ᑕᐃᔭᐅᔪᒥᒃ ᑐᒧᐃᒃ ᐋᓯᑦ-ᒥᑦ (domoic acid) ᐋᓐᓂᐊᕐᓇᖅᑖᖅᑎᑦᑎᖃᑦᑕᖅᑐᖅ ᑕᐃᔭᐅᔪᒥᒃ ᐃᖅᑲᐅᒪᓇᙱᑦᑐᓕᐅᓲᖅ ᐅᕕᓗᕋᓗᖕᓂᑦ ᑐᖁᓐᓇᖅᑐᒥᑦ (Amnesic Shellfish Poising) (Percopo et al. 2016, Tammilehto et al. 2012). ᖃᐅᔨᓚᐅᖅᑐᒍᑦ ᐱᖓᓱᓂᒃ ᐊᔾᔨᒌᙱᑦᑐᓂᒃ (Pseudo-nitzschia)-ᓂᒃ ᖃᐅᔨᓴᐃᓂᑉᑎᖕᓂᑦ. ᒪᕐᕉᒃ (Pseudo-nitzschia-ᖑᔪᑦ ᓈᓴᐅᑎᓖᑦ 518-ᒥᑦ ᐊᒻᒪᓗ 849-ᒥᑦ) ᑕᐃᒪᐅᖃᑦᑕᖅᑐᑦ ᐊᒥᓲᓗᐊᖏᑦᑐᓂᑦ ᓂᒡᓕᓇᕐᓂᖅᓴᐅᔪᓂᑦ ᐃᒪᕐᓂᑦ (ᓲᕐᓗ, ᐊᑖᓃᑦᑐᒥᑦ ᓂᒡᓕᓇᕐᓂᖅ 4 °C-ᒥᑦ). ᐊᓯᖓ ᓈᓴᐅᑎᓕᒃ (Pseudo-nitzschia-ᖑᔪᖅ ᓈᓴᐅᑎᓕᒃ 274-ᒥᑦ) ᑕᐃᒪᐅᖃᑦᑕᖅᑐᑦ ᐊᒥᓲᓂᖅᓴᐅᔪᓂᑦ ᐆᓇᔪᖕᓂᖅᓴᓂᑦ ᐃᒪᕐᓂᑦ (ᓲᕐᓗ, ᖁᓛᓂᑦ 6 °C-ᒥᑦ), ᐃᒪᑦᑎᐊᕙᖕᓂᑦ, ᐊᒻᒪᓗ ᐅᐊᖕᓇᖅᐸᓯᖕᓂᖅᓴᐅᔪᓂᑦ. ᐆᒃᑑᑎᒋᓗᒍ, ᑕᐃᒪᓐᓇᐃᑦᑐᖅ ᐱᑕᖃᓗᐊᓲᖑᔪᖅ ᐊᑯᓪᓕᕈᕐᕕᖕᒥᑦ (ᐋᒋᓯ)ᖅ ᐊᑯᓐᓂᖏᓐᓂᑦ ᓄᕗᐊᓂᑦ ᕼᐆᑉ (Point Hope) ᐊᒻᒪᓗ ᐅᑦᕿᐊᒡᕕᒃ. ᑕᐃᒪᓐᓇᒧᑦ (Pseudo-nitzschia- ᖑᔪᖅ ᓈᓴᐅᑎᓕᒃ 274-ᒥᑦ) ᑲᓇᑕᐅᑉ ᐃᒪᖏᓐᓄᐊᕈᖕᓇᕐᓂᖅᓴᐅᔪᖅ ᐊᓯᖏᓐᓂᐅᖓᓂᑦ.

Qajangnaqtut Aqajaa Paluum (HAB) Dinoflagellates-nguqtiqtut

Alexandrium ᐆᒪᔪᐃᑦ ᐅᓗᕆᐊᓇᖅᑐᓕᐅᕈᖕᓇᖅᑐᑦ ᑕᐃᔭᐅᔪᓂᒃ saxitoxin-ᓂᒃ ᐋᓐᓂᐊᕐᓂᖅᑖᖅᑎᑦᑎᖃᑦᑕᖅᑐᑦ ᖃᐅᔨᒪᔭᐅᔪᑦ ᐊᐅᓚᔾᔭᖕᓂᖅ ᐊᔪᓕᖅᑎᑦᑎᓲᑦ ᐅᕕᓗᕋᓗᖕᓂᑦ ᑐᖁᓐᓇᖅᑐᒥᑦ (Paralytic Shellfish Poisoning) (Gessner and Middaugh 2015, Natsuike et al. 2013, Natsuike et al. 2017, Vandersea et al. 2017). ᖃᐅᔨᓚᐅᖅᑐᒍᑦ 14-ᓂᒃ ᐊᔾᔨᒌᙱᑦᑐᓂᒃ Alexandrium ᖃᐅᔨᓴᐃᓂᑉᑎᖕᓂᑦ, ᑭᓯᐊᓂ ᒪᕐᕈᑐᐃᓐᓈᖅ ᑕᐃᒪᐅᒐᔪᒃᑑᔪᑦ. Alexandrium ᓈᓴᐅᑎᓕᒃ 17-ᒥᑦ ᐃᓚᒋᔭᐅᓚᐅᖅᑐᖅ ᐱᑕᖃᐅᓛᖑᓂᖏᓐᓄᑦ ᐆᒪᔪᕋᓛᑦ ᖃᐅᔨᔭᐅᔪᓂᑦ ᖃᐅᔨᓴᐃᓂᑉᑎᖕᓂᑦ. ᑕᐃᒪᐅᓚᐅᖅᑐᑦ ᐋᓐᓂᐊᕐᓂᐅᔪᓗᒃᑖᓂᑦ ᑦᓱᒃᓯ ᑕᕆᐅᕐᒥᑦ (Chukchi Sea), ᐱᑕᖃᐅᓛᖑᑉᓗᑎᒃ ᐊᑯᓪᓕᕈᕐᕕᖕᒥᑦ (ᐋᒋᓯ). ᐱᑕᖃᐅᓗᐊᖏᓐᓂᖅᓴᖅ (Alexandrium ᓈᓴᐅᑎᓕᒃ 99-ᒥᑦ) ᑕᐃᒪᐅᓚᐅᖅᑐᖅ ᐆᓇᔪᖕᓂᖅᓴᒥᑦ, ᐃᒪᑦᑎᐊᕙᖕᒥᑦ, ᓯᒡᔭᖏᓐᓂᑦ ᐃᒪᐃᑦ ᐊᔾᔨᕐᓚᖓ Pseudo-nitzschia ᓈᓴᐅᑎᓕᒃ 274-ᒥᑦ. ᓇᒧᙵᐅᓯᒪᓂᖏᓐᓄᑦ ᑦᓱᒃᓯ ᑕᕆᐅᕐᒥᑦ (Chukchi Sea), ᑕᒪᕐᒥᒃ ᑕᐃᒪᓐᓇᐃᑦᑐᑦ ᑐᖑᔪᖅᑐᑦ ᐱᕈᖅᑐᑦ ᑲᓇᑕᐅᑉ ᐃᒪᖏᓐᓄᐊᕈᖕᓇᖅᑐᑦ.

Dinophysis ᐆᒪᔪᐃᑦ ᐅᓗᕆᐊᓇᖅᑐᓕᐅᕈᖕᓇᖅᑐᑦ ᑕᐃᔭᐅᔪᓂᒃ okadaic acid-ᒥᒃ ᐊᒻᒪᓗ dinophysistoxin-ᒥᑦ ᐋᓐᓂᐊᕐᓂᖅᑖᖅᑎᑦᑎᖃᑦᑕᖅᑐᑦ ᖃᐅᔨᒪᔭᐅᔪᒥᒃ ᐊᓇᓛᕐᓇᖅᑐᑦ ᐅᕕᓗᕋᓗᖕᓂᑦ ᑐᖁᓐᓇᖅᑐᒥᑦ (Diarrhetic Shellfish Poisoning). Dinophysis ᐱᑕᖃᕋᔪᓚᐅᖏᑦᑐᑦà ᖃᐅᔨᓴᐃᓂᑉᑎᖕᓂᑦ. ᖃᐅᔨᓚᐅᖅᑐᒍᑦ ᒪᕐᕈᐃᓈᖕᓂᒃ ᐊᔾᔨᒌᙱᑦᑐᓂᑦ (Dinophysis ᓈᓴᐅᑎᓕᒃ 1901-ᒥᑦ ᐊᒻᒪᓗ ᓈᓴᐅᑎᓕᒃ 4867 ᒥᑦ) ᑕᐃᒪᐅᖃᑦᑕᓚᐅᖅᑐᑦ ᖃᑯᑎᒃᑯᑦ ᐆᓇᔪᖕᓂᖅᓴᓂᒃ ᐃᒪᕐᓂᑦ ᐅᖓᑖᓅᖅᑐᒥᑦ 4 °C-ᒥᑦ.. 

ᓄᓇᓕᖕᒥᑦ ᐃᓱᒪᒃᓴᖅᓯᐅᕆᓃᑦ

ᐅᓗᕆᐊᓇᖅᑐᖃᙱᓐᓂᖏᑦ ᐃᓄᖕᓄᑦ ᓂᕿᒋᔭᐅᔪᑦ ᐃᓱᒫᓘᑎᒋᔭᐅᓛᖑᔪᖅ ᓄᓇᓕᖕᒥᐅᓄᑦ ᓂᕆᖃᑦᑕᖅᑐᓄᑦ ᑖᑉᑯᓂᙵᑦ. ᖃᐅᔨᒪᙱᑦᑐᒍᑦ ᓱᓕ ᓇᓕᑐᐃᓐᓇᖏᑦ ᐆᒪᔪᐃᑦ ᖃᐅᔨᔭᑉᑎᖕᓂᑦ ᑕᒡᕙᓂ ᐱᐅᖏᑦᑐᓕᐅᖃᑦᑕᕐᒪᖔᑕ ᐱᖅᑯᓯᕆᑉᓗᒍ, domoic acid ᐊᒻᒪᓗ saxitoxin ᑕᒪᕐᒥᒃ ᒫᓐᓇᓵᖑᓚᐅᖅᑐᖅ ᖃᐅᔨᔭᐅᓚᐅᖅᑐᑦ ᐅᕕᓗᕋᓗᖕᓂᑦ ᐱᐅᕆᖕ ᓯᑐᕋᐃᑦᒥᑦ (Bering Strait). ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᓂᕆᐅᒋᔭᐅᔪᖅ ᐊᓯᐊᙳᖅᓯᑎᑦᑎᓂᐊᕐᓂᖓᓄᑦ ᐋᖅᑭᐅᒪᓂᕆᔭᖏᑦᑕ ᐆᒪᔪᕋᓛᑦ ᐊᔾᔨᒌᙱᑦᑐᑦ ᐊᒻᒪᓗ ᐱᑕᖃᓕᖅᑎᑦᑎᑐᐃᓐᓇᕆᐊᖃᖅᖢᑎᒃ ᐅᓗᕆᐊᓇᖅᑐᓂᒃ ᐆᒪᔪᓂᒃ ᑕᒫᓂᓚᐅᖏᑦᑐᓂᑦ. ᖃᕆᑕᐅᔭᒃᑯᑦ ᑐᖅᑯᖅᓯᓯᒪᕝᕕᖃᓕᕋᑉᑕ ᐆᒪᔪᑦ ᓇᓗᓇᐃᒃᑯᑕᖏᓐᓄᑦ ᓇᓗᓇᐃᒃᑯᑕᓂᒃ ᐊᑐᖅᑐᓂᒃ ᐅᑭᐅᖅᑕᖅᑐᒥᑦ ᑐᖑᔪᖅᑑᑦ ᐱᕈᖅᑐᓄᑦ, ᖃᐅᔨᓴᐃᓇᓐᓂᐊᖅᑕᕗᑦ ᐊᒥᓲᑎᒋᓂᖏᑦ ᐊᒻᒪᓗ ᓇᒧᙵᐅᖃᑦᑕᕐᓂᖏᑦ ᐊᓛᔅᑲᒥᑦ ᐊᒻᒪᓗ ᑲᓇᑎᒥᑦ ᐅᑭᐅᖅᑕᖅᑐᒥᑦ. ᑕᐃᒪᓐᓇᐃᓐᓂᐊᕐᓗᓂ, ᐱᓕᕆᔨᑖᖅᑐᕐᓂᐊᖅᑐᒍᑦ ᓄᓇᓖᖕᒥᖓᔪᓂᒃ ᖃᐅᔨᓴᐃᔨᓂᒃ ᑐᕌᖓᔪᒧᑦ ᑲᑎᖅᓱᐃᓂᐊᕐᓗᑎᒃ ᐆᒃᑐᕋᐅᑕᐅᓂᐊᖅᑐᓂᒃ, ᐅᓂᑉᑲᐅᓯᕆᓗᒋᑦ ᖃᐅᔨᔭᖏᑦ ᐃᒪᐅᑉ ᖃᓄᐃᓐᓂᖓᓄᑦ ᐊᒻᒪᓗ ᓂᕐᔪᑏᑦ ᐋᓐᓂᐊᖃᖅᑕᐃᓕᒪᓂᖏᓐᓄᑦ, ᐊᒻᒪᓗ ᐃᓚᐅᖃᑕᐅᑎᓪᓗᒋᑦ ᓄᓇᓕᖏᑦ ᑐᑭᓯᐊᒃᑲᓐᓂᕐᓂᖅᓴᐅᓂᐊᕐᓗᒋᑦ ᑎᒥᖓᓂᑦ ᖃᓄᐃᓕᐅᕐᓂᐅᔪᑦ ᐱᔾᔪᑎᖃᕐᓂᖏᑦ ᐊᕙᑎᒧᑦ. ᐃᓚᒋᔭᐅᓗᓂ, ᐱᓕᕆᐊᖃᕐᓂᐊᖅᑐᒍᑦ ᖃᐅᔨᓂᐊᕐᓗᑕ ᓇᓕᖏᑦ ᐅᑭᐅᖅᑕᖅᑐᒥᑦ ᐆᒪᔪᐃᑦ ᐅᓗᕆᐊᓇᖅᑐᓕᐅᖃᑦᑕᕐᒪᖔᑕ ᐊᒻᒪᓗ ᓱᓇᓂᒃ ᖃᓄᐃᖓᓂᐅᔪᓂᑦ, ᓇᓚᐅᑦᑖᕆᔪᖕᓇᕐᓂᐊᕐᓗᑕ ᓇᓂ ᐊᒻᒪᓗ ᖃᖓᒃᑯᑦ ᐅᓗᕆᐊᓇᖅᑐᓕᐅᖅᖢᑎᒃ ᑐᖑᔪᖅᑐᑦ ᐱᕈᖅᑐᓕᐅᕆᓂᖅᑕᖃᕐᒪᖔᑦ ᐅᑭᐅᖅᑕᖅᑐᒥᑦ.

ᓇᓗᓇᐃᖅᓯᓃᑦ

ᖃᐅᔨᓴᐃᓂᖅ ᑮᓇᐅᔭᖃᖅᑎᑕᐅᓚᐅᖅᑐᖅ ᑲᓇᑕᒥᑦ ᑕᕆᐅᓕᕆᓂᕐᒧᑦ ᐱᓕᕆᖃᑎᒌᓄᑦ ᑐᕌᖓᔪᒃᑯᓐᓂᑦ ᐊᑭᐅᖅᑕᖅᑐᒥᑦ ᐃᒪᕐᒥᑦ ᐆᒪᔪᑦ ᐊᔾᔨᒌᙱᑦᑐᓂᒃ ᖃᐅᔨᓴᐃᓂᒃᑯᑦ ᐱᓕᕆᖃᑎᒌᒃᑯᑎᒍᑦ (NA14NOS0120158), ᑲᓇᑕᒥᑦ ᑕᕆᐅᕐᒥᑦ ᐊᒻᒪᓗ ᓯᓚᒥᑦ ᐊᐅᓚᑦᑎᔨᒃᑯᑎᒍᑦ (NA15OAR0110208, NA14OAR0110266), ᐅᐊᖕᓇᖓᓂᑦ ᐸᓯᕕᒃᒥᑦ ᖃᐅᔨᓴᐃᔨᒃᑯᑎᒍᑦ (NA1 7NMF4720289 subawar d 1 802), ᐊᒻᒪᓗ ᑲᓇᑕᒥᑦ ᓱᓇᑐᐃᓐᓇᓕᕆᓂᕐᒧᑦ ᑐᙵᕕᒃᑯᑎᒍᑦ (OPP #1303901). ᖁᔭᓐᓇᒦᖅᑕᕗᑦ ᐅᒥᐊᕐᔪᐊᕐᒥᑦ ᐊᖓᔪᖅᑳᖅ, ᐱᓕᕆᔨᒋᔭᐅᔪᑦ, ᐊᒻᒪᓗ ᐃᓚᒋᔭᐅᔪᑦ ᓱᓇᑐᐃᓐᓇᓕᕆᔩᑦ ᐅᑯᓂᙵᑦ ᐅᒥᐊᕐᔪᐊᒃᑰᖅᖢᑕ ᖃᐅᔨᓴᐃᓂᖃᖅᑎᓪᓗᑕ: DBO-NCIS (US CGC Healy), ASGARD (R/V Sikuliaq), ᐊᒻᒪᓗ AMBON (Norseman II).

ᖃᕆᑕᐅᔭᒃᑯᑦ ᐱᕝᕕᐅᔪᖕᓇᖅᑐᑦ

• ᐊᓛᔅᑲᒥᑦ ᐅᓗᕆᐊᓇᖅᑐᑦ ᑐᖑᔪᖅᑐᐃᑦ ᐱᕈᖅᑐᓄᑦ ᐱᓕᕆᖃᑎᒌᑦ ᐅᑭᐅᖅᑕᖅᑐᒥᑦ ᑕᕆᐅᕐᒥᑦ ᖃᐅᔨᓴᐃᓂᕐᒧᑦ ᐱᓕᕆᖃᑎᒌᑦ.
• ᐅᕕᓗᕋᓗᖕᓂᑦ ᑐᖁᓐᓇᖅᑐᓄᑦ ᐱᕝᕕᐅᖃᑦᑕᖅᑐᑦ. ᐊᓛᔅᑲᒥᑦ ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ ᐊᒻᒪᓗ ᐃᓄᓕᕆᔨᒃᑯᑦ.
• ᐊᓛᔅᑲᒥᑦ ᐃᒪᕐᒥᑦ ᐆᒪᔪᓂᑦ ᐅᓗᕆᐊᓇᖅᑐᓂᒃ ᖃᐅᔨᓴᐃᔨᒃᑯᑦ ᐊᒻᒪᓗ ᓂᕆᐅᓇᙱᑦᑐᓄᑦ ᐸᕐᓇᐅᑎᓄ Bivalve ᐅᕕᓗᕋᓗᖕᓄᑦ (ᐊᓯᖏᐅᔪᑦ ᐊᖏᔪᑦ ᐊᒻᒨᒪᔪᓂᑦ). ᐊᓛᔅᑲᒥᑦ ᐊᕙᑎᒥᒃ ᐊᓯᐅᔨᑦᑕᐃᓕᔨᒃᑯᑦ..
• ᓯᑦᑲ ᐃᓄᐃᑦ ᐊᓛᔅᑲᒥᑦ ᐊᕙᑎᒥᒃ ᖃᐅᔨᓴᐃᕝᕕᒃ.
• ᐱᐅᕆᖕ ᓯᑐᕋᐃᑦ (Bering Strait): ᐊᐃᕖᑦ ᐊᒻᒪᓗ Saxitoxin - ᐊᐅᔭᐅᑉ ᓄᖑᑉᐸᓪᓕᐊᓂᖓᓂᑦ/ᐅᑭᐊᒃᓵᒥᑦ 2017. ᐊᓛᔅᑲᒥᑦ ᑕᕆᐅᕐᒧᑦ ᐃᑲᔫᑎ.
• ᐊᐅᓚᔾᔭᖕᓂᖅ ᐊᔪᓕᖅᑎᑦᑎᓲᑦ ᐅᕕᓗᕋᓗᖕᓂᑦ ᑐᖁᓐᓇᖅᑐᒥᑦ (Paralytic Shellfish Poisoning) —ᐊᓛᔅᑲ, 1993-2014. ᐊᓛᔅᑲᒥᑦ ᐋᓐᓂᐊᖃᖅᑕᐃᓕᒪᓂᖏᓐᓂᒃ ᑐᓴᒐᒃᓴᖅ.
• ᖃᐅᔨᒪᔭᐅᓗᐊᖏᑦᑐᑦ ᑐᖑᔪᖅᑐᑦ ᐱᕈᖅᑐᓂᑦ ᐅᓗᕆᐊᓇᖅᑐᑦ ᖃᓄᐃᖓᓕᖅᑎᑦᑎᖃᑦᑕᕐᓂᖏᑦ ᑕᐃᒪᑕᓕᖕᓂᑦ ᐅᑭᐅᖅᑕᖅᑐᒥᑦ ᐃᒪᖏᓐᓂᑦ. KNOM, ᓅᒻ, ᐊᓛᔅᑲ.

ᑕᑯᒋᐊᕐᕕᐅᔪᑦ

• Gessner B.D., ᐊᒻᒪᓗ J.P. Middaugh, 1995: ᐊᐅᓚᔾᔭᖕᓂᖅ ᐊᔪᓕᖅᑎᑦᑎᓲᑦ ᐅᕕᓗᕋᓗᖕᓂᑦ ᑐᖁᓐᓇᖅᑐᑦ (Paralytic Shellfish Poisoning) ᐊᓛᔅᑲᒥᑦ: 20 ᐅᑭᐅᓂᑦ ᑭᖑᒻᒧᑦ ᖃᐅᔨᓴᐃᓂᖅ. Am. J. Epidemiol., 141(6):766-770.
• Lefebvre, K.A., et al., 2016: ᑕᐃᒪᑕᖃᕐᓂᖏᑦ ᑐᖑᔪᖅᑐᑦ ᐱᕈᖅᑐᓂᑦ ᐅᓗᕆᐊᓇᖅᑐᑦ ᐊᓛᔅᑲᒥᑦ ᑕᕆᐅᕐᒥᑦ ᓂᕐᔪᑎᖏᓐᓂᑦ ᓂᕆᔭᒃᓴᖅᓯᐅᖅᑐᑦ ᐊᓯᐊᙳᖅᐸᓪᓕᐊᔪᒥᑦ ᐅᑭᐅᖅᑕᖅᑐᒥᑦ ᐊᒻᒪᓗ ᐃᓚᖓᓂᑦ ᐅᑭᐅᖅᑕᖅᑑᑦ ᐊᕙᑎᖓᓂᑦ. ᐋᓐᓂᖅᓯᔪᖕᓇᖅᑐᖅ ᑐᖑᔪᖅᑐᑦ ᐱᕈᖅᑐᑦ, 55, 13-24.
• Natsuike, M., S. Nagai, K. Matsuno, R. Saito, C. Tsukazaki, A. Yamaguchi, ᐊᒻᒪᓗ I. Imai, 2013: ᐊᒥᓲᓂᖏᑦ ᐊᒻᒪᓗ ᓇᒧᙵᐅᓂᖏᑦ ᐅᓗᕆᐊᓇᖅᑐᐃᑦ Alexandrium tamarense ᓄᖅᑲᖓᔪᑦ ᑕᕆᐅᑉ ᐊᓗᐊᓂᑦ ᑦᓱᒃᓯ ᑕᕆᐅᕐᒥᑦ (Chukchi Sea) ᐊᒻᒪᓗ ᑲᓇᖕᓇᖅᐸᓯᖓᓂᑦ ᐱᐅᕆᖕ ᑕᕆᐅᑉ (Bering Sea). ᐋᓐᓂᖅᓯᔪᖕᓇᖅᑐᖅ ᑐᖑᔪᖅᑐᑦ ᐱᕈᖅᑐᑦ, 27, 52-59.
• Natsuike, M., K. Matsuno, T. Hirawake, A. Yamaguchi, S. Nishino, ᐊᒻᒪᓗ I. Imai, 2017: ᓯᐊᒻᒪᒍᖕᓇᕐᓂᖏᑦ ᐅᓗᕆᐊᓇᖅᑐᑦ Alexandrium tamarense ᐱᕈᖅᑐᑦ ᑦᓱᒃᓯ ᑕᕆᐅᕐᒥᑦ (Chukchi Sea) ᐃᓗᒻᒧᑦ ᑯᕕᑉᓗᑎᒃ ᐸᓯᕕᒃᒥᑦ ᐊᐅᔭᐅᑎᓪᓗᒍ ᐃᒪᕐᒥᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐱᔾᔪᑕᐅᑉᓗᓂ. ᐋᓐᓂᖅᓯᔪᖕᓇᖅᑐᖅ ᑐᖑᔪᖅᑐᑦ ᐱᕈᖅᑐᑦ, 61, 80-86.
• Percopo, I., M.V. Ruggiero, S. Balzano, P. Gourvil, N. Lundholm, R. Siano, A. Tammilehto, D. Vaulot, ᐊᒻᒪᓗ D. Sarno, 2016: Pseudonitzschia arctica sp. nov., ᓄᑖᖅ ᓂᒡᓕᓇᖅᑐᒥᑦ-ᐃᒪᕐᒥᑦ ᓇᓗᓇᖅᑐᖅ Pseudo-nitzschia ᐆᒪᔪᐃᑦ P. pseudodelicatissima ᑲᑎᕐᒪᔪᓃᑦᑐᑦ. J. Phycol., 52(2), 184-199. 
• Shearn-Bochsler, V., E. W. Lance, R. Corcoran, J. Piatt, B. Bodenstein, E. Frame, ᐊᒻᒪᓗ J. Lawonn, 2014: ᑐᖁᔪᑦ ᐊᐅᓚᔾᔭᖕᓂᖅ ᐊᔪᓕᖅᑎᑦᑎᓲᑦ ᐅᕕᓗᕋᓗᖕᓂᑦ ᑐᖁᓐᓇᖅᑐᒥᑦ (Paralytic Shellfish Poisoning) Kittlitz's Murrelet-ᒥᑦ (Brachyramphus brevirostris) ᐱᐊᓛᓂᑦ, ᐊᓛᔅᑲ, ᐊᒥᐊᓕᑲ. J. Wildlife Dis., 50(4), 933-937.
• Tammilehto, A., T.G. Nielsen, B. Kr ock, E.F. Møller, and N. Lund holm, 201 2: Calanus spp.—ᐆᒪᔪᓂᒃ ᓅᑎᓃᑦ ᐆᒪᔪᓂᑦ ᐅᓗᕆᐊᓇᖅᑐᓂᒃ, domoic acid-ᒥᑦ, ᐅᑭᐅᖅᑕᖅᑐᒥᑦ ᐃᒪᖏᓐᓂᑦ ᐱᕈᖅᐸᓪᓕᐊᓂᖃᖃᑎᒌᒃᑐᓄᑦ? ᐋᓐᓂᖅᓯᔪᖕᓇᖅᑐᖅ ᑐᖑᔪᖅᑐᑦ ᐱᕈᖅᑐᑦ, 20, 165 174.
• VVandersea, M.W., et al., 2017: qPCR ᑎᑎᕋᐃᓃᑦ Alexandrium fundyense-ᒧᑦ ᐊᒻᒪᓗ A. ostenfeldii (Dinophyceae) ᐃᓕᑕᕆᔭᐅᔪᑦ ᐊᓛᔅᑲ ᐃᒪᖏᓐᓂᑦ ᐊᒻᒪᓗ ᕿᒥᕐᕈᔭᐅᓂᖏᑦ ᐆᒪᔪᐃᑦ Alexandrium molecular ᑎᑎᕋᖅᑕᐅᔪᓂᑦ. Phycologia, 56(3), 303-320.

ᓴᕿᑦᑎᓗᑎᒃ ᖃᐅᔨᒋᐊᕐᕕᒃᓴᓂᒃ ᓄᐊᑦᑎᓗᑎᒃ ᑕᒪᑐᒥᖓ ᑮᓕᓂᒃ ᓄᓇᕋᖅᑖᕈᓐᓇᓐᖏᑦᑐᑦ ᐱᕈᖅᑐᑦ ᓲᕐᓗ ᒪᓂᑦ

ᑎᑎᕋᖅᑎᑦ

1. ᑳᒃᔅ, ᐃᓕᓐᓂᐊᕐᕕᒃᔪᐊᖅ ᐊᐃᐳᑕ, ᐃᒻᒪᑕᓐ, ᐊᐃᐳᑕ, ᑲᓇᑕ, ercox@ualberta.ca
2. ᕼᐋᒃ, ᑲᓇᑕᐅᑉ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
3. ᓚ ᕙᔾᔨ, ᐃᓕᓐᓂᐊᕐᕕᒃᔪᐊᖅ ᐊᐃᐳᑕ, ᐃᒻᒪᑕᓐ, ᐊᐃᐳᑕ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᖄᒃᔅ, E.R., ᕼᐊᒡ, I.D., ᐊᒻᒪ ᓚ ᕙᒡ, C. 2020. ᓴᖅᑭᑎᑦᑎᓂᖅ ᓇᑭᙶᖅᓯᒪᔪᓂᑦ ᑲᑎᖅᓱᐃᓂᖅ ᕕᒃᑐᐊᕆᔭ ᕿᑭᖅᑕᖓᓂ ᒪᕐᕋᓂᒃ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 23-27. DOI: 10.35298/pkc.2020.06.ikt

ᑎᑎᕋᖅᓯᒪᔪᖅ

ᐱᕈᖅᑐᑦ ᓄᓇᕋᖅᑖᕈᓐᓇᓐᖏᑦᑐᑦ (ᒪᓃᑦ ᐊᒻᒪᓗ ᐃᕕᑦ) ᐅᑯᐊ ᐊᒥᓲᓂᖅᐸᐅᕗᑦ ᐅᑭᐅᖅᑕᖅᑐᒥ ᓂᕿᒋᔭᐅᔪᑦ ᐱᕈᖅᑐᓂᑦ. ᐃᓕᑦᑎᓲᖑᔪᑦ ᐆᒪᔪᓐᓇᕐᓂᐊᕋᒥᒃ ᓯᓚᖓᓂ ᓂᒡᓚᓱᖕᓂᖅᐸᐅᔪᓐᓇᖅᑐᖅ. ᐅᑭᐅᖅᑕᖅᑐᕐᒦᑦᑐᑦ ᐃᓕᑦᑎᔭᕆᐊᖃᓲᑦ ᓂᒡᓚᓱᒃᑐᒥᒃ ᐸᓂᖅᑐᖅ ᓯᓚᖓ ᕿᓚᒥᑯᓗᒃ ᑎᒥᐅᑉ ᐆᒪᔾᔪᑎᖏᓐᓂᒃ ᓄᖃᕐᑎᑦᑎᔪᓐᓇᖅᑐᖅ ᐸᓂᓗᐊᒧᑦ ᐊᒻᒪᓗ ᐱᖏᐊᑲᓐᓂᕐᒥᓗᑎᒃ ᒪᓴᑲᓐᓂᑐᐊᕋᒥᒃ (ᑕᐃᒪᓐᓇᐅᔪᑦ ᑕᐃᔭᐅᓲᑦ poikilohydry) ᐊᒻᒪᓗ ᐆᒪᓲᖑᖕᒪᑕ ᖁᐊᖑᓚᐅᖅᖢᑎᒃ-ᐊᐅᒃᐸᒃᖢᑎᒃ ᑕᐃᒫᐃᓕᐅᑐᐃᓐᓇᖅᑐᑦ ᐸᓂᖅᑎᓯᒪᓪᓗᑎᒃ (ᐸᓚᒃᑐ ᐊᓯᖏᓪᓗ, 2007). ᐅᑯᐊ ᓄᓇᕋᖅᑖᕈᓐᓇᓐᖏᑦᑐᑦ ᐱᕈᖅᑐᑦ ᑭᒡᓕᓂᕐᒥ ᑎᑎᕋᖅᑕᐅᓚᐅᖅᓯᒪᓐᖏᑦᑐᑦ ᖃᐅᔨᓴᖅᑎᒻᒪᕆᖕᓂ ᐅᖃᓕᒫᒐᖁᑎᖏᓐᓂ ᑎᑕᖃᓐᖏᑦᑐᑦ, ᐊᒻᒪᓗ ᐊᒥᓲᓐᖏᑦᑐᑦ ᓄᐊᑕᐅᓯᒪᔪᑦ ᑖᒃᑯᖕᓇᖓᑦ (ᐳᖦᓴᓐ ᐊᒻᒪᓗ ᕼᐆᒥᓐ, 1961). ᐱᕈᖅᑐᑦ ᓄᓇᕋᖅᑖᕈᓐᓇᓐᖏᑦᑐᑦ ᑭᐅᓯᓲᖑᖕᒥᔪᑦ ᖃᓄᐃᓕᖓᓂᖓ ᓄᓇ ᑕᒪᑐᒧᖓᓗ ᐅᖂᓯᕙᓪᓕᐊᓂᖓ ᓯᓚ ᐊᒻᒪᓗ ᐱᒻᒪᕆᐅᔪᑦ ᖃᐅᔨᑎᑦᑎᓗᑎᒃ ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᓯᕈᖅᑐᓂᒃ (ᓚᖕ ᐊᓯᖏᓪᓗ, 2012).

ᑕᐃᒪᖓᓂ ᒪᕐᕈᐃᖅᖢᑕ ᐊᕐᕌᒍᒥ ᓄᓇᒦᑉᐳᒍᑦ, ᐊᒥᓱᓂ ᐃᓂᖏᓐᓂ ᑭᓕᓂᖅ ᐅᐸᒃᓯᓚᐅᖅᐳᒍᑦ, ᖃᓂᒋᔭᖓᓃᑦᑐᐃᓐᓇᐃᑦ ᐃᖃᓗᒃᑑᑦᑎᐊᖅ ᐊᒻᒪᓗ ᐃᖃᓗᒃᑑᖅ (ᓴᕿᔮᖅᑐᖅ 1). ᐅᑯᐊ ᓄᐊᑕᐅᔪᑦ ᑲᑎᑕᐅᔪᑦ ᐋᕿᐅᑎᕙᒌᓚᐅᖅᑐᑦ ᓇᓂᔭᐅᔪᓂ 75 ᒪᓃᑦ ᐊᒻᒪᓗ 12 ᐃᕖᑦ ᐆᒪᔪᖏᑦ, ᑖᒃᑯᐊᓗ 46 ᐅᓂᒃᑳᓕᐊᖑᓚᐅᖅᓯᒪᓐᖏᑦᑐᑦ ᑕᐃᑲᖓᑦ ᑭᓕᓂᖅ. ᐃᓚᖏᑦ ᐅᑯᐊ ᖃᐅᔨᒪᔭᕆᐊᖃᖅᑕᕗᑦ ᓇᓂᔭᐅᓚᐅᖅᑐᑦ ᐃᓚᒋᔭᐅᓚᐅᖅᐳᑦ:

1. ᐊᓇᕐᓂᑦ ᓴᐅᓂᕐᓂᑦ ᖁᐱᕐᕈᕈᓲᑦ ᐱᕈᕕᐅᓲᑦ: ᐅᑯᐊ ᒪᓂᕐᒦᓲᑦ ᐱᕈᓲᑐᐊᑦ ᐆᒻᒪᓲᑐᐊᑦ ᐊᓇᕐᓂ ᐅᒡᕙᓘᓐᓃᑦ ᓴᐅᓂᕐᓂ (ᓴᕿᔮᖅᑐᖅ 2). ᑖᒃᑯᑎᑑᕋᑎᒃ ᐆᒻᒪᓲᑐᐊᑦ ᐊᓇᕐᓂ ᐅᒡᕙᓘᓐᓃᑦ ᓴᐅᓂᕐᓂ, ᐆᒻᒪᓲᑦᑕᐅᖅ ᐊᓯᖏᑦᑕᖅ ᒪᓃᑦ ᑕᑭᔪᑯᑖᖑᓂᖅᓴᐃᑦ ᐃᓚᒌᑦ, ᑖᒃᑯᑎᑐᑦ ᒪᓃᑦ ᐃᔭᕈᕙᓕᑦ, ᐅᓄᓛᖑᔪᑦ ᑕᐃᑲᓂ ᑭᓕᓂᒃ (ᓴᕿᔮᖅᑐᖅ 3).
2. ᒪᓃᑦ ᐊᑕᐅᓯᕐᒥᒃ ᐅᖃᐅᔭᑯᑖᖃᖅᑐᖅ: ᐅᑯᐊ ᒥᑭᔪᒃ ᒪᓃᑦ ᐱᑕᖃᓚᐅᖅᓯᒪᓗᐊᓐᖏᑦᑐ ᐅᑭᐅᖅᑕᖅᑐᒥ, ᖃᐅᔨᓇᖅᑐᑦ ᐅᖃᐅᔭᖏᑦ ᒥᑭᔫᔪᑦ ᐃᔾᔪᕐᒥ ᐱᑕᖃᕋᔪᓐᖏᑦᑐᑦ ᐅᑭᐅᖅᑕᖅᑐᒥ, ᓇᓗᓇᕈᓐᓃᓱᖑᔪᑦ ᑖᒃᑯᐊ ᐅᖃᐅᔭᖏᑦ ᒪᑎᒃᓯᒪᓲᖑᖕᒪᑎᒃ ᓲᕐᓗ ᐃᒃᐱᐊᕐᔪᒃ.

ᐊᒻᒪᓗᑦᑕᐅᖅ ᑖᒃᑯᐊ ᐆᒪᔪ ᒥᑭᔫᑎᑦ ᐱᕈᖅᐸᒃᑐᑦ ᖃᐅᔨᔭᐅᓇᓱᒃᑐᑦ, ᐊᑕᐅᓯᕐᒥᒃ ᐊᔾᔨᒌᖕᓂᖃᖅᑐᑦ ᑖᒃᑯᐊ ᐅᑭᐅᖅᑕᖅᑐᒥ ᒪᓃᑦ ᕿᔪᒃᑖᖁᖒᔨᔪᑦ (ᐃᔾᔪᓂᖅᓴᐅᖕᒪᑕ ᐃᕙᓘᖂᔨᔪᑦ ᐃᔾᔪᖅ) ᓂᕈᐊᖑᓯᒪᔪᑦ ᐃᓕᑕᐅᑦᑎᐊᑲᓐᓂᕈᒪᓪᓗᑎᒃ ᐅᓄᕐᓂᖏᑦ ᐱᕈᖅᑐᑦ. ᐅᓇ ᒪᓃᑦ ᐱᓗᐊᖅᑐᒥᒃ ᑐᑭᓯᔪᒥᓇᖅᑐᖅ ᓇᒥᑐᐃᓐᓈᕈᓐᓇᕐᒪᑕ ᐅᑭᐅᖅᑕᖅᑐᖅ-ᖁᖑᓖᑦ, ᐱᑕᖃᐅᖅᑐᑦ ᖁᐊᖑᒐᓗᐊᕈᓂ ᓄᓇᖓ, ᐊᒻᒪᓗ ᑭᓱᓕᒫᑦᑎᐊᖏᑦ ᐊᔾᔨᒌᒡᖢᑎᒃ ᐱᖁᓲᖑᔪᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᕿᑭᖅᑕᓂ (ᓴᕿᔮᖅᑐᖅ 4).

ᐱᕈᖅᑐᑦ ᓄᓇᕋᖅᑖᕈᓐᓇᓐᖏᑦᑐᑦ ᖃᐅᔨᓴᕈᑎᑖᕐᕕᐅᓚᐅᖅᑐᑦ ᑕᐃᑲᓂ ᑭᓕᓂᖅ ᐃᑲᔫᑎᔪᖅ ᖃᐅᔨᒪᔭᐅᖕᒪᑦ ᐅᑭᐅᖅᑕᖅᑐᒥ ᐱᕈᖅᑐᑦ ᒪᓃᑦ ᐊᒻᒪᓗ ᑐᓂᔭᐅᓚᐅᕆᕗᒍᑦ ᐅᖃᓕᒫᒐᕐᓂᒃ ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᓇᓗᓇᐃᑯᑕᖃᕐᕕᑦ ᖃᕆᑕᐅᔭᒃᑯᑦ ᐊᑐᖅᑕᐅᔪᓐᓇᖅᑐᑦ ᖃᐅᔨᒋᐊᕐᕕᐅᔪᓐᓇᕐᓗᑎᒃ ᐅᑭᐅᖅᑕᖅᑐᖅ ᐆᒪᔪᖏᓐᓂᒃ. ᐅᑯᐊ ᐃᓗᖏᑦ ᖃᐅᔨᓴᖅᑕᐅᓯᒪᔪᑦ ᐊᑐᖅᑕᐅᓂᐊᕐᒪᑕ ᒪᓕᒡᓗᒋᑦ ᓇᒧᖑᐅᕙᓪᓕᐊᖕᒪᖔᑕ ᑖᒃᑯᐊ ᐱᕈᖅᑐᑦ ᑕᒪᐅᓐᓇ ᐆᒪᔪᓕᒫᑦ ᐊᕙᑎᓕᒫᖏᓪᓗ ᒪᓕᒡᓗᒋᑦ (ᓲᕐᓗ ᓂᕿᖏᑦ ᐊᓯᖏᑦᑕᑕᖅᐅ ᐆᒪᔪᓂᑦ). ᐅᑯᐊ ᐃᓂᖏᑦ ᐸᓂᖅᑎᓯᒪᔪᑦ ᐱᕈᖅᑐᑦ ᓄᐊᓯᒪᔪᑦ ᑲᓇᑕᐅᑉ ᖁᑎᒃᑐᕐᒥᐅᑦ ᖃᐅᔨᓴᕐᕕᖓ ᐃᖃᓗᒃᑑᑦᑎᐊᕐᒥ, ᓄᓇᕗᑦ. ᐅᑯᐊ ᑕᑯᔭᐅᔪᓐᓇᖅᑐᑦ ᐳᓛᖅᑐᓂᑦ ᖃᐅᔨᓴᖅᑎᓂᑦ ᐊᒻᒪᓗ ᓄᓇᓕᖕᓂᑦ ᐃᓕᑦᑎᓂᐊᕐᒪᑕ ᑖᒃᑯᑎᒍᑦ ᐊᒻᒪᓗ ᓴᕿᑦᑎᕕᒋᓗᒋᑦ. ᐱᒻᒪᕆᐅᓂᖅᓴᐅᕗᖅ, ᓴᕿᑦᑎᕕᒋᓯᒪᖕᒪᑕ ᖃᐅᔨᒪᕕᒃᓴᒥᒃ ᐆᒪᔪᑦ ᐱᑕᖃᖅᑐᑦ ᑲᔪᓯᔪᒥᒃ ᒥᐊᓂᕆᔭᐅᔪᑦ ᐊᓯᕈᖅᐸᓪᓕᐊᓂᓕᒫᖏᑦ ᖃᓂᒋᔭᖓᓂ ᐃᖃᓗᒃᑑᑦᑎᐊᖅ, ᑕᐃᑲᓂ ᑭᓕᓂᖅ, ᐊᒻᒪᓗ, ᓇᒥᑐᐃᓐᓇᖅ ᐅᑭᐅᖅᑕᖅᑐᒥ.

ᖃᐅᔨᒋᐊᕐᕕᐅᓯᒪᔪᑦ

• ᓛᖕ, ᐃᔅ. ᓕ., ᐊᓯᖏᓪᓗ. 2012. ᐅᑭᐅᖅᑕᖅᑐᖅ ᐅᖂᓂᖅᓴᐅᓕᕐᓂᖓ ᒪᕐᕉᖕᓂᑦ ᓯᓚᕐᔪᐊᒥ ᓄᓇᓖᑦ ᐱᐅᓐᖏᑦᑐᒥᒃ ᓄᐃᑎᑦᑎᔪᖅ ᐊᒃᑐᐃᔪᖅ ᑐᒃᑐ ᓂᕿᖏᓐᓂᒃ ᐊᔾᔨᒌᓐᖏᑦᑑᖕᒪᑕ ᐊᒻᒪᓗ ᑲᑎᓪᓗᑎᒃ ᐊᒃᑐᐃᓂᖏᑦ ᑕᒪᒃᑯᓄᖓ ᓄᓇᕋᖅᑖᕈᓐᓇᓐᖏᑦᑐᑦ ᐱᕈᖅᑐᑦ ᓲᕐᓗ ᒪᓃᑦ. ᓯᓚᕐᔪᐊᓕᒫᖅ ᐊᓯᕈᖅᑐᖅ ᐆᒪᔪᖏᑦ, 18:1096-1107.
• ᓛᖕᑕᓐ, ᐅ. ᐃ. 1988. ᓱᖏᐅᓴᐅᑎᒃᓴᐃᑦ ᐊᒻᒪᓗ ᐋᕿᒃᓯᒪᔾᔪᑎᒃᓴᐃᑦ ᓂᒡᓚᓱᒃᑐᒥ ᓄᓇᕋᖅᑖᕈᓐᓇᓐᖏᑦᑐᑦ ᐱᕈᖅᑐᑦ ᓲᕐᓗ ᒪᓃᑦ. ᐱᕈᖅᑐᓕᕆᓂᖅ ᓄᓇᒥ ᐅᖃᓕᒫᒐᖅ ᑎᑎᕋᖅᑕᐅᓯᒪᔪᑦ ᖃᓄᐃᑉᐸᓪᓕᐊᔪᓂᒃ ᓕᓐᓚᐃᓐ ᑲᑐᔾᔨᖃᑎᒌᑦ, 98:253-268.
• ᐳᔅᓴᓐ, ᕼ. ᐊᒻᒪᓗ ᕼᐆᒪᓐ, ᑭ. 1961. ᓄᓇᕋᖅᑖᕈᓐᓇᓐᖏᑦᑐᑦ ᐱᕈᖅᑐᑦ ᓲᕐᓗ ᒪᓃᑦ ᓄᐊᑕᐅᓯᒪᔪᑦ ᐅᑭᐅᖅᑕᖅᑐᒥ ᓄᓇᒦᓐᓇᒥᒃ 9-ᖓ ᓯᓚᕐᔪᐊᒥ ᐱᕈᖅᑐᓕᕆᓂᖅ ᑲᑎᒪᕕᒃᔪᐊᖅᑐᑦ. ᐅᓇ ᐱᕈᖅᓯᐊᓕᕆᔨ, 64:179-198.

ᖁᐊᖑᐃᓐᓇᐅᔭᖅᑐᒥᒃ ᖃᐅᔨᓴᐃᓂᖅ ᐃᖃᓗᒃᑑᑦᑎᐊᕐᒥᑦ

ᑎᑎᕋᖅᑎ

1. ᑲᐅᓘᒻ, ᐅᑭᐅᖅᑕᖅᑐᒥᑦ ᖃᐅᔨᒪᓂᖅ ᑲᓇᑕᒥᑦ, ᑲᓇᑕᒥᑦ ᖁᑦᑎᒃᑐᒥᑦ ᐅᑭᐅᖅᑕᖅᑐᒥᑦ ᖃᐅᔨᓴᐃᕝᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ, stephanie.coulombe@polar.gc.ca

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᑲᓚᒻᐱ, S. 2020. ᓄᓇ ᐊᐅᑦᑎᔪᐃᑦᑐᖅ ᖃᐅᔨᓴᕐᓂᖅ ᐃᖃᓗᑦᑑᑦᑎᐊᒥ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 28-29. DOI: 10.35298/pkc.2020.07.ikt

ᑎᑎᕋᖅᓯᒪᔪᖅ

Gᓄᓇᕐᔪᐊᕐᒥᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐅᑭᐅᖅᑕᖅᑐᒥᑦ ᐆᓇᕐᓂᖅᓴᐅᓕᖅᑎᑦᑎᓯᒪᔪᖅ, ᓇᓚᐅᑦᑖᖅᑕᐅᔪᑦ ᓇᓗᓇᐃᖅᓯᑉᓗᑎᒃ ᖃᓂᑦᑐᒥᑦ ᓯᕗᓂᒃᓴᒥᑦ ᖁᐊᖑᐃᓐᓇᐅᔭᖅᑐᑦ ᐊᓯᐊᙳᖅᐸᓪᓕᐊᕋᓚᓴᕐᓂᐊᕐᓂᖏᓐᓄᑦ. ᐊᓯᐊᙳᖅᑐᑦ ᐊᒃᑐᖅᓯᓂᖃᕈᖕᓇᖅᑐᑦ ᐊᒥᓱᓂᒃ ᐅᑭᐅᖅᑕᖅᑑᑉ ᓄᓇᖓᓂᑦ ᐊᒻᒪᓗ ᐃᒪᖏᓐᓂᑦ, ᐊᒻᒪᓗ ᓄᓇᓕᖕᓂᑦ. ᐅᑭᐅᑦ ᐊᒥᓱᓄᑦ ᐱᓕᕆᓂᖏᑦ ᑲᒪᔭᐅᔪᑦ ᑲᓇᑕᒥᑦ ᓯᓚᑦᑐᖅᓴᕐᕕᒡᔪᐊᕐᓄᑦ ᐊᒻᒪᓗ ᒐᕙᒪᒃᑯᓐᓄᑦ ᐱᔾᔪᔾᔨᔨᓄᑦ ᑐᓂᓯᓯᒪᔪᑦ ᐱᒻᒪᕆᐅᔪᓂᒃ ᐃᓱᒪᒋᔭᐅᔪᓂᒃ ᐊᓯᐊᙳᖅᓯᒪᓕᕐᓂᖓᑕ ᖁᐅᖑᐃᓐᓇᐅᔭᖅᑐᓖᑦ ᓄᓇᓄᑦ. ᑭᓯᐊᓂ, ᕿᑎᐊᓂᑦ ᑲᓇᑕᐅᑉ ᐅᑭᐅᖅᑕᖅᑐᖓ ᐊᒃᑐᖅᑕᐅᓯᒪᙱᑦᑐᖅ ᐆᓇᕐᓂᕐᒥᒃ ᖃᐅᔨᓴᖅᑕᐅᓂᖓᓄᑦ, ᐊᒻᒪᓗ ᖃᐅᔨᒪᔭᐅᓗᐊᖏᑦᑐᑦ ᖁᐊᖑᐃᓐᓇᐅᔭᖅᑐᐃᑦ ᖃᓄᐃᓐᓂᕆᔭᖏᑦ. ᐱᔭᒃᓴᐅᑎᒋᔭᖓ ᐱᓕᕆᐊᑉ ᑲᑎᖅᓱᐃᓗᑎᒃ ᑭᒡᓕᐅᔪᓄᑦ ᑐᑭᓯᐅᒪᔾᔪᑎᓂᒃ ᐆᓇᕐᓂᕐᒥᑦ ᖃᓄᐃᓕᐅᖅᐸᓪᓕᐊᓂᖓᓂᒃ ᐊᒻᒪᓗ ᖁᐊᖑᐃᓐᓇᐅᔭᖅᑐᑦ ᖃᓄᐃᓐᓂᕆᔭᖓᓂᒃ ᑕᒫᓂ ᐅᑭᐅᖅᑕᖅᑐᒥᑦ. ᐱᒋᐊᕈᑕᐅᓗᓂ ᓴᖅᑭᑦᑎᓂᕐᒥᒃ ᐱᓕᕆᖃᑎᒌᖕᓂᐊᖅᑐᓂᒃ ᖃᐅᔨᓴᕐᓂᐊᕐᓗᒍ ᖁᐊᖑᐃᓐᓇᐅᔭᖅᑐᖅ, ᐱᓕᕆᕝᕕᒋᓂᐊᖅᑕᕗᑦ ᐃᖃᓗᒃᑑᑦᑎᐊᑉ ᖃᓂᑕᖓ (ᓲᕐᓗ, ᕿᑎᕐᒥᐅᑦ, ᓄᓇᕗᑦ), ᒪᓂᕋᐅᑉ ᐆᓇᕐᓂᖓᓄᑦ ᓈᓴᐅᑎᓂᒃ/ᑎᑎᖅᑲᓂᒃ ᒪᓂᒪᔪᖃᓚᐅᖏᑦᑐᒥᑦ.

ᓯᑕᒪᐃᑦ ᐃᑎᓗᐊᖏᖦᖢᒋᑦ ᐃᑰᑕᖅᑕᐅᓚᐅᖅᑐᑦ ᐃᑎᓂᖃᖅᖢᑎᒃ 3 ᐊᒻᒪᓗ 4 ᒦᑕᓂᒃ ᐊᔾᔨᒌᙱᑦᑐᓂᑦ ᐃᓂᐅᔪᓂᑦ, ᐊᔾᔨᒌᙱᑦᑐᑦ ᐃᑉᔪᐃᑦ ᐊᔾᔨᒌᙱᖃᑦᑕᕐᒪᑖ ᑕᒡᕗᖓᑦᑕᐃᓐᓇᖅ ᐊᓯᐊᙳᖅᑐᒧᑦ ᐆᓇᕐᓂᕐᒧᑦ (ᓴᕿᔮᖅᑐᖅ 1). ᖁᐊᖑᔪᓗᒃᑖᑦ ᐊᒻᒪᓗ ᐆᒃᑐᕋᐃᔾᔪᑕᐅᓂᐊᖅᑐᑦ ᐱᔭᐅᔪᑦ ᐊᔾᔨᓕᐅᖅᑕᐅᖃᑦᑕᓚᐅᖅᑐᑦ ᐊᒻᒪᓗ ᐅᖃᐅᓯᐅᑉᓗᑎᒃ ᐱᓕᕆᕝᕕᐅᔪᒥᑦ ᐊᓗᐊᓄᐊᖅᑐᑦ ᖃᓄᐃᑦᑑᓂᖏᓐᓄᑦ ᐊᒻᒪᓗ ᐅᔭᖅᑲᓂᒃ ᖁᐊᖅᓯᒪᔪᓂᒃ, ᐃᓱᒪᒋᓗᐊᖅᖢᒍ ᐊᓗᐊᓄᐊᖅᑐᑦ ᖃᓄᐃᑦᑑᓂᖏᑦ, ᓯᑯᒦᑦᑐᑦ, ᐊᒻᒪᓗ ᓯᑯᐃᑦ ᖃᓄᐃᓕᐅᖅᐸᓪᓕᐊᓂᖏᑦ. ᐆᒃᑐᕋᐅᑕᐅᓂᐊᖅᑐᑦ ᖁᐊᖅᑎᑕᐅᓯᒪᓚᐅᖅᑐᑦ ᐊᒻᒪᓗ ᑐᖅᑯᖅᓯᒪᑉᓗᑎᒃ ᑲᓇᑕᐅᑉ ᖁᑦᑎᒃᑐᒥᑦ ᖃᐅᔨᓴᐃᕝᕕᖓᓂᑦ ᖃᐅᔨᓴᖅᑕᐅᒃᑲᓐᓂᕐᓂᐊᕐᓗᑎᒃ (ᓲᕐᓗ, ᓯᑰᑉ ᐃᓗᐊᓃᑦᑐᑦ ᐊᒻᒪᓗ ᓯᐅᕋᐃᑦ ᐊᖏᑎᒋᓂᖏᑦ ᖃᐅᔨᔭᐅᓗᑎᒃ). ᐃᓚᒋᔭᐅᑉᓗᓂ, ᓄᓇᓕᐅᑉ ᐃᓗᐊᓂᑦ 15 ᒦᑕᒃᑲᓐᓂᕐᓂᒃ ᐊᖕᒪᔪᓕᐅᓚᐅᖅᑐᑦ ᐃᑰᑕᖅᖢᒋᑦ ᐊᑐᖅᖢᑎᒃ ᐊᓂᖅᓵᖅᑐᖅᑕᑉᑎᖕᓂᑦ ᐊᑐᖅᑐᒥᑦ ᐃᑰᑕᕐᒥᑦ. ᐃᓂᐅᔪᑦ ᓂᕈᐊᖅᑕᐅᓚᐅᖅᑐᑦ ᐱᓕᕆᖃᑎᒋᑉᓗᒋᑦ ᐃᖃᓗᒃᑑᑦᑎᐊᕐᒥᑦ ᕼᐋᒻᓚᒃᑯᑦ ᐅᑯᐊ ᒪᓕᒃᑕᐅᑉᓗᑎᒃ:

• ᐊᒃᑐᖅᑕᐅᓯᒪᙱᑦᑐᖅ ᐃᓂᐅᔪᖅ;
• ᖃᓂᓐᓂᖓᑕ ᓄᓇᓕᖕᒧᑦ ᑕᐃᑯᙵᕈᖕᓇᕐᓂᐊᕐᓗᑎᒃ; ᐊᒻᒪᓗ
• ᐅᖓᓯᓗᐊᖏᖦᖢᓂ ᐃᖏᕐᕋᔭᖕᓂᕐᒧᑦ ᐊᑉᖁᑎᒋᔭᐅᔪᓄᑦ ᓯᑭᑑᒃᑯᑦ, ᕼᐋᓐᑕᒃᑯᑦ, ᐊᒻᒪᓗ ᐊᑉᖁᑎᓕᕆᔩᑦ ᐱᓕᕆᕝᕕᒋᔭᖏᓐᓂᑦ.

ᐊᖕᒪᔪᓗᒃᑖᑦ ᐃᓚᖃᓚᐅᖅᑐᑦ ᐃᖕᒥᖕᓂᒃ ᓈᓴᐅᑎᓂᒃ/ᑎᑎᖅᑲᓂᒃ ᑎᑎᕋᐃᔾᔪᑎᓂᒃ (LogR Systems Inc.) ᐊᒻᒪᓗ ᐆᓇᕐᓂᕐᒥᒃ ᖃᐅᔨᓴᐃᔪᓂᒃ ᓴᕕᒐᐅᔭᓂᒃ. ᐃᑲᕐᕋᑕᒫᒃᑯᑦ ᓈᓴᐅᑏᑦ/ᑎᑎᖅᑲᐃᑦ ᐱᔭᐅᖃᑦᑕᕆᐊᓕᓚᐅᖅᑐᑦ ᑲᑕᒑᕆᕝᕕᒃ (ᓄᕕᐱᕆ) 2019-ᒥᑦ. ᖃᐅᔨᓴᐃᕝᕕᐅᔪᑦ ᐱᒻᒪᕆᐅᔪᓂᒃ ᑐᓂᓯᓂᐊᖅᑐᑦ ᖃᓕᕆᔭᐅᔪᒥᑦ ᐃᑉᔪᓂᖓᓂᑦ ᐊᒻᒪᓗ ᖁᐊᖑᐃᓐᓇᐅᔭᖅᑐᑦ ᐆᓇᕐᓃᑦ ᖃᓄᐃᓕᐅᖅᐸᓪᓕᐊᓂᖏᓐᓂᒃ. ᐊᒥᓱᙳᖅᖢᒋᑦ ᐃᑉᔫᑉ ᐆᓇᕐᓂᖓ ᑕᑯᒃᓴᐅᑎᑦᑎᔪᖅ ᐱᒻᒪᕆᐅᓗᐊᖅᑐᒥᑦ ᑐᑭᓯᐊᓂᕐᒥᒃ ᖁᐊᖑᐃᓐᓇᐅᔭᖅᑐᑦ ᖃᓄᐃᓕᐅᖃᑦᑕᕐᓂᖏᓐᓂᒃ ᒫᓐᓇᐅᔪᒥᑦ ᐊᒻᒪᓗ ᓯᕗᓂᒃᓴᒥᑦ ᐊᓯᐊᙳᖅᐸᓪᓕᐊᔪᖅ ᓯᓚᑉᑎᖕᓂᑦ ᐱᔪᓂᒃ. ᐃᑉᔪᐃᑦ ᐆᓇᕐᓂᖏᑦ ᐃᓕᑕᕆᔭᐅᓯᒪᔪᑦ ᐃᓚᒋᔭᐅᓂᖓᓄᑦ ᐱᔾᔪᑕᐅᑦᑎᐊᖅᖢᓂ ᐊᒥᓱᓄᑦ ᓄᓇᐅᑉ ᖄᖓᓂᑦ ᐊᒻᒪᓗ ᐃᓗᐊᓂᑦ ᐃᒪᐃᑦ ᖃᓄᐃᓕᐅᕐᓂᕆᔭᖏᓐᓄᑦ. ᒪᓂᒪᓕᖅᐸᑕ, ᓇᐃᓈᖅᓯᒪᔪᒥᒃ ᖃᓄᐃᖓᓂᐅᔪᓂᒃ ᑐᓂᔭᐅᓂᐊᖅᑐᑦ ᐃᓚᒋᔭᐅᔪᑦ ᐊᒻᒪᓗ ᓄᓇᓕᒃ.

ᖃᐅᔨᔾᔪᑎᒃᑲᓐᓃᑦ (ᓲᕐᓗ, ᐆᒃᑐᕋᕐᓂᐊᕐᓗᒍ ᐃᑎᑎᒋᓂᖓ ᐊᐳᑎᐅᑉ, ᐃᑉᔫᑉ ᖃᐅᓯᕐᓂᕆᔭᖓ, ᐊᒻᒪᓗ ᐊᐳᑎᐅᑉ ᐆᓇᕐᓂᖓ/ᓂᒡᓕᓇᕐᓂᖓ) ᐃᓕᔭᐅᓂᐊᖅᑐᑦ ᐊᐅᔭᖓᓂᑦ 2020 ᐃᑲᔪᕐᓂᐊᖅᑐᖅ ᐆᓇᕐᓂᐅᔪᒥᒃ/ᓂᒡᓕᓇᕐᓂᐅᔪᒥᒃ ᓈᓴᐅᑎᓄᑦ/ᑎᑎᖅᑲᓄᑦ. ᓈᓴᐅᑏᑦ/ᑎᑎᖅᑲᐃᑦ ᐱᔭᐅᔪᑦ ᐊᑐᖅᑕᐅᓂᐊᖅᑐᑦ ᑎᑎᕋᐅᓯᕆᓂᐊᕐᓗᒋᑦ ᐱᓕᕆᖃᑎᒌᖕᓂᕆᔭᖏᑦ ᐊᐳᑎᐅᑉ ᐃᑎᓂᖓ, ᐊᐱᑎᐅᑉ ᓂᒡᓕᓇᕐᓂᖓ, ᐃᑉᔫᑉ ᖃᐅᓯᕐᓂᖓ, ᒪᓂᕋᐅᑉ ᖄᖓᑕ ᖃᓄᐃᑦᑑᓂᖓ ᐊᒻᒪᓗ ᒥᑭᓛᖑᔪᖅ ᐊᕐᕌᒍᑕᒫᒥᑦ ᒪᓂᕋᐅᑉ ᖄᖓᑕ ᐆᓇᕐᓂᕆᔭᖓᓂᑦ.

ᐅᖅᓱᖅ ᐱᐅᓂᖓ-3 ᐊᒻᒪᓗ ᐊᕿᕐᕉᔭᒃᓴᖅ ᓂᕿᓂ ᑕᐃᑲᖓᑦ ᐃᖃᓗᒃᑑᑦᑎᐊᕐᒥ ᒍᓖᓄ ᑕᓯᖅ

ᑎᑎᕋᖅᑎᑦ

1. ᐅᓚᐅᑎᐅ, ᐊᐅᓚᑦᓯᕕᖓ ᖃᐅᔨᓴᖅᑎᒻᒪᕇᑦ ᑐᓐᖓᕕᐅᔪᑦ, ᐃᓕᓐᓂᐊᕐᕕᒃᔪᐊᖓ ᑯᐸᐃᒃ ᓯᑯᑎᒥ, ᓯᑯᑎᒥ, ᑯᐸᐃ, ᑲᓇᑕ, milla.rautio@uqac.ca
2. ᐃᕙᓐᔅ, ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓂ ᐊᓯᕈᖅᑐᖅ ᑲᓇᑕ, ᓵᔅᑲᑑᓐ, ᓴᔅᑲᑦᓱᐊᓐ, ᑲᓇᑕ
3. ᒍᓚᐳᐊᔅ, ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓂ ᐊᓯᕈᖅᑐᖅ ᑲᓇᑕ, ᓵᔅᑲᑑᓐ, ᓴᔅᑲᑦᓱᐊᓐ, ᑲᓇᑕ
4. ᐸᐅᕗ, ᐊᐅᓚᑦᓯᕕᖓ ᖃᐅᔨᓴᖅᑎᒻᒪᕇᑦ ᑐᓐᖓᕕᐅᔪᑦ, ᐃᓕᓐᓂᐊᕐᕕᒃᔪᐊᖓ ᑯᐸᐃᒃ ᓯᑯᑎᒥ, ᓯᑯᑎᒥ, ᑯᐸᐃ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᕈᑎᐅ, M., ᒍᔅᐳᐊ, G. ᐊᒻᒪ ᐸᐅᕗ, M. 2020. ᐅᒥᒐ-3 ᐅᖅᓱᖅ ᐃᓚᒃᓴᐃᑦ ᐊᒻᒪ ᑐᖁᓐᓇᖅᑐᖅ ᓴᕕᕋᔭᐃᑦ ᐃᓚᒃᓴᖅ ᓂᕿᒋᔭᐅᔪᓂᑦ ᒍᐃᓄ ᑕᓯᐊᓂ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 30-33. DOI: 10.35298/pkc.2020.08.ikt

ᑎᑎᕋᖅᓯᒪᔪᖅ

ᐃᖃᓗᐃᒃ ᐋᑎᒃ ᓵ ᐊᒻᒪᓗ ᑕᓯᕐᒥᐅᑕᖅ ᐊᖏᔪᒥᒃ ᐃᓄᐃᑦ ᓂᕿᑐᖃᕆᔭᖏᑦ ᐱᒻᒪᕆᐅᔪᖅ ᐃᑲᔫᑎᖕᒪᑕ ᐅᖅᓱᖅ ᐱᐅᓂᖓ-3 (ω3), ᓄᒃᑭᒃᓴᐅᑎ ᐊᒻᒪᓗ ᐊᓯᖏᓐᓄᑦ ᑎᒥᒧᑦ ᐱᐅᔪᑦ ᑎᒥᒧᑦ ᖃᓄᐃᖏᑦᑎᐊᕈᑎᒋᔪᓐᓇᖅᑐᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐅᓇ ᐃᖃᓗᒃ ᐊᕿᕐᕉᔭᖃᕈᓐᓇᕐᒥᔪᖅ ᐊᒻᒪᓗ ᐃᓗᐊᓐᓂ ᐱᕈᔭᑦᑐᑦ ᓱᕈᐃᑦ ᐱᐅᐲᓂᒃ. ᖃᐅᔨᓴᖅᓯᒪᕗᒍᑦ ᐋᑎᑦ ᓵ ᐃᖃᓗᐃᑦ, ᖃᑯᖅᑐᑦ, ᐃᓪᖣᕋᐃᑦ ᐊᒻᒪᓗ ᑕᓯᕐᒥᐅᑕᐃᑦ ᑕᐃᑲᖓᑦ ᒍᓕᓂᐅ ᑕᓯᖅ, ᑕᓯᕐᕗᐊᖑᕗᖅ ᐃᑲᔪᖅᑐᖅ ᓄᓇᖓᓂ ᐃᖃᓗᖃᕐᑎᑦᑎᓪᓗᓂ ᐃᖃᓗᒐᓱᒡᕕᐅᓪᓗᓂ ᐃᖃᓗᒃᑑᑦᑎᐊᕐᒥ. ᒪᕐᕉᒃ ᐊᔾᔨᒌᓐᖏᑦᑐᑦ ᐃᖃᓗᐃᑦ ᑕᐃᑲᓂᕐᒥᐅᑕᐅᔪᑦ ᐊᒻᒪᓗ ᓂᕿᖃᖅᑐᑦ ᒍᓕᓄ ᑕᓯᖅ. ᑕᕆᐅᕐᒥᑦ-ᐃᓯᖅᐸᒃᑐᑦ ᐃᖃᓗᐃᑦ ᓄᒃᑕᖅᑐᑦ ᒪᕐᕉᒃ ᐊᕐᕌᒍᒃ ᐊᓂᒍᑐᐊᕌᖓᑦ ᑕᕆᐅᕐᒧᑦ ᓂᕆᔭᖅᑐᓲᑦ ᐅᓄᖅᑑᓪᓗᑎᒃ ᑕᕆᐅᕐᒥ ᐆᒪᓂᐊᕋᒥᒃ ᐊᒥᓱᓄᑦ ᐱᓇᓱᐊᕈᓯᕐᓄᑦ ᐊᐅᔭᒥ, ᐊᒻᒪᓗ ᑕᒪᑐᒪᖓᑦ ᑮᓇᐅᔭᓕᐅᕈᑎᖃᖅᐸᒃᑐᑦ ᐃᖃᓗᒐᓱᒃᑎᑦ. ᐅᑯᐊ ᐃᖃᓗᐃᑦ ᐅᒃᐱᕆᔭᐅᔪᑦ ᕿᒥᕆᔭᕆᐊᖃᓐᖏᑦᑐᑦ ᑕᕆᐅᕐᒧᐊᓵᖅᑎᓪᓗᒋᑦ ᐅᑎᓵᖅᑎᓪᓗᒋᑦ. ᑕᒫᓂᕐᒥᐅᑕᐃᑦ ᐃᖃᓗᐃᑦ, ᑖᒃᑯᐊᓕ ᐊᔾᔨᒋᓐᖏᑕᖏᑦ, ᑕᕆᐅᕐᒧᐊᓲᖑᓐᖏᑦᑐᑦ ᑭᓯᐊᓂ ᓂᕆᓲᑦ ᑕᓯᕐᒥ. ᖃᑯᖅᑕᐃᑦ ᐃᖃᓗᐃᑦ, ᐃᖣᕋᐃᑦ ᐊᒻᒪᓗ ᑕᓯᕐᒥᐅᑕᐃᑦ ᓯᒡᒍᓖᑦ ᓄᒃᑕᓲᖑᓐᖏᑐᑦ ᑕᕆᐅᕐᒧᑦ ᑭᓯᐊᓂ ᑕᓯᕐᒥᐅᑕᐅᖏᓐᓇᐅᔭᖅᑐᑦ. ᐱᒻᒪᕆᐅᔪᑦ ᐅᖅᓱᑦᑎᐊᕆᖕᒪᑕ ᐱᐅᓂᖓ-3, ᐅᑯᐊᓗ ᐃᒪᕐᒥᐅᑕᐃᑦ ᐊᑦᑕᑎᖃᓐᖏᑦᑐᑦ ᐱᕈᖅᑐᑦ ᐱᑕᖃᓕᓲᑦ, ᓄᒃᑕᓲᑦ ᓂᕿᒋᓕᕆᓪᓗᒋᑦ ᐃᒪᕐᒥᐅᑕᐃᑦ ᖁᐱᕐᕈᐃᑦ ᑲᖑᐃᑦ ᐊᒻᒪᓗ ᐃᒃᑕᓛᓲᑦ ᐃᖃᓗᕋᐃᓪᓗ, ᐊᒻᒪᓗ ᓂᕿᒋᔭᐅᕗᑦ ᐃᓄᖕᓂᑦ ᑭᒃᑯᑐᐃᓐᓇᕐᓂᑦ. ᐊᕿᕐᕉᔭᒃᓴᖅ (Hg) ᐅᓇ ᐆᒪᔪᕐᓄᐊᓲᖅ ᑕᒪᕐᒥᒃ ᐱᕈᖅᑐᑦ ᐆᒪᔪᓪᓗ ᐊᒻᒪᓗ ᓂᕆᔭᐅᒐᒥᒃ ᐊᓯᖏᓐᓄᑦ ᑎᑭᐅᑎᓲᑦ ᑕᒪᐅᓐᓇ ᐅᓄᖅᓯᔭᑦᑐᑦ, ᓂᕿᖃᖅᑐᑦ ᓂᕆᔭᐅᓲᖑᖕᒪᑕ ᑖᒃᑯᐊᓗ ᐳᖅᑐᓗᐊᖅᑐᓂᒃ ᐊᕿᕐᕉᔭᖃᖅᐸᒃᑐᑦ. ᓂᕆᕙᒃᑐᓄᑦ ᐅᖃᐅᔾᔨᓯᒪᕗᒍ ᐃᖃᓗᐃᑦ ᐃᓂᒋᔭᐅᓪᓗᐊᑕᖅᑐᑦ, ᐃᓚᖓᒍᑦ, ᑖᒃᑯᓄᖓ ᐊᕿᕐᕉᔭᒃᓴᓂᒃ ᐱᑕᖃᖅᐸᖕᒪᑕ. ᑕᐃᒪᓗ, ᓇᓕᖃᕇᓕᖅᑎᓯᒪᔪᓐᓇᖅᑕᕗᑦ ᐊᕙᑖᓂᑦ ᐃᑲᔫᑎᔫᒐᓗᐊᑦ ᐊᒻᒪᓗ ᐊᑦᑕᕐᓇᖅᑑᒦᑐᓐᓇᕆᓪᓗᑎᒃ ᐃᖃᓗᖕᓂᒃ ᓂᕿᖃᖅᑐᓄᑦ.

ᐃᖅᑲᓇᐃᔭᖃᑎᒋᓪᓗᒋᑦ ᐃᑲᔪᖃᑎᒌᖃᑦᑕᖅᖢᑎᒃ ᐃᖃᓗᒃᑑᑦᑎᐊᖅ ᐊᖑᓇᓱᒃᑐᓕᕆᔨᒃᑯᑦ ᐊᒻᒪᓗ ᑕᒪᐅᓐᓇ ᑲᑎᒪᖃᑎᒋᕙᒡᖢᒋᑦᓄᓇᖃᖅᑐᑦ ᐅᑭᐅᖅᑕᖅᑐᒥᐅᑦ (ᓴᕿᔮᖅᑐᖅ 1), ᖃᐅᔨᓴᕈᑎᑖᓚᐅᖅᑐᒍᑦ 26 ᑕᒫᓂᕐᒥᐅᑕᐃᑦ ᐃᖃᓗᖕᓂᑦ, 29 ᖃᑯᖅᑕᓂᒃ, 17 ᐃᖣᕋᐃᑦ ᑕᓯᕐᒥᐅᑕᐃᑦ, ᐊᒻᒪᓗ 28 ᐃᖃᓗᐊᕌᕈᓗᐃᑦ, ᑕᐃᑲᓂ ᐋᒍᓯ 2017 ᐊᒻᒪᓗ 2018. ᐅᑯᐊ ᐃᖃᓗᐃᑦ ᖃᓂᒋᔮᓂ 17.8 ᑎᑭᓪᓗᒍ 62.2 ᓯᓐᑕᒦᑕᔅ ᑕᑭᓂᓖᑦ. ᖃᓂᒋᔮᓂ ᐅᑭᐅᖃᖅᑐᑦ ᐋᑎᒃ ᓵ 9.2 ± 2.6 ᐊᕐᕌᒍᑦ, ᑖᒃᑯᐊᓗ ᑕᐃᒪᓐᓇᐅᓪᓗᐊᖏᓐᓇᓲᑦ ᖃᑯᖅᑐᑦ ᐃᖃᓗᐃᑦ ᐊᒻᒪᓗ ᐃᖢᕋᐃᑦ ᑕᓯᕐᒥᐅᑕᐃᑦ 14.4 ± 6.4 ᐊᕐᕌᒍᓕᑦ ᐊᒻᒪᓗ 25.6 ± 9.5 ᐊᕐᕌᒍᓕᑦ, ᐊᑐᓂᑦᑎᐊᖅ. ᐅᑭᐅᖏᑦ ᖃᐅᔨᓇᖅᓯᓚᐅᓐᖏᑦᑐᑦ ᐃᖃᓗᐊᕌᕈᓗᐃᑦ. ᓵᑑᔭᒃᓴᐃᑦ ᖃᐅᔨᓴᕈᑎᑖᕐᕕᐅᓚᐅᖅᑐᑦ ᐊᕿᕐᕉᔭᕋᕐᒪᖔᑕ ᖃᐅᔨᔭᐅᓇᓱᖕᓂᐊᕐᒪᑕ ᑕᐃᑲᓂ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ ᑲᓇᑕ ᖃᐅᔨᓴᖅᓯᕕᖓ ᓵᔅᑲᑑᓐ ᐊᒻᒪᓗ ᐅᖅᓱᖏᑦ ᖃᐅᔨᓴᖅᑕᐅᓗᑎᒃ ᐊᖏᓇᖅᑐᑎᒍᑦ ᐃᓕᓐᓂᐊᕐᕕᒃᔪᐊᖓᓂ ᑯᐸᐃᒃ ᓯᑯᑎᒥ.

ᐃᖃᓗᐃᑦ ᓂᕆᕙᒃᑐᑦ ᐃᖃᓗᐊᕌᕈᓗᐃᑦ, ᑭᖑᕋᓛᑦ ᐊᒻᒪᓗ ᐊᓯᖏᑦ ᖂᐱᕐᕈᖏᑦ ᐃᒪᐃᑦ ᖃᓂᒋᔭᖓᓂ ᓯᒡᔭᖓᓂ ᐊᒻᒪᓗ ᐃᖃᖓᓂ, ᑭᓯᐊᓂ ᑕᒪᒃᑯᐊᑦᑕᐅᖅ ᐃᒪᕐᒥᐅᑕᐃᑦ ᖁᐱᕐᕈᐃᑦ ᓯᑯᖃᓐᖏᑦᑐᒦᑦᑐᑦ. ᐅᑯᐊ ᐅᓄᓛᕐᒥᒃ ᐱᖃᖅᑐᑦ ᐅᖅᓱᑦᑎᐊᕙᒃ ᐱᐅᓂᖓ-3 ᑎᒥᒧᑦ (11.4 ± 1.5 mg/g DW), ᑖᒃᑯᐊᓗ ᖃᑯᖅᑕᐃᑦ ᐃᖃᓗᐃᑦ (10.1 ± 0.3 mg/g DW) ᐅᑯᐊ ᓂᕆᓲᖏᑦ ᓯᑯᖃᓐᖏᑎᓪᓗᒍ ᐃᒪᐅᑉ ᖁᐱᕐᕈᖏᑦ (ᓴᕿᔮᖅᑐᑦ 2a). ᑕᓯᕐᒥᐅᑕᐃᑦ ᐃᖢᕋᐃᑦ ᑕᐃᒫᒃᑕᐅᖅ ᓂᕆᓲᑦ ᐃᖃᓗᑐᐃᓐᓇᖅᑎᑐᑦ ᐊᒻᒪᓗ ᒥᑭᔫᔪᖅ ᐅᖅᓱᑦᑎᐊᕙᖓ ᐱᐅᓂᖓ -3 (6.2 ± 0.4 mg/g DW). ᑖᒃᑯᐊᓗ ᐃᖃᓗᕌᕈᓗᐃᑦ ᒥᑭᓐᓂᖅᓴᐅᒋᓪᓗᑎᒃ ᐅᖅᓱᑦᑎᐊᕙᖏᑦ (4.1 ± 0.1 mg/g DW) ᑖᒃᑯᐊ ᖃᓂᒪᓇᖅᑐᖃᓐᖏᑦᑐᑦ ᑎᒥᒧ. ᓯᑯᖃᓐᖏᑦᑐᒥ ᐃᒪᕐᓂ ᖁᐱᕐᕈᐃᑦ ᑕᑯᔭᐅᒐᔪᓛᖑᕗᑦ ᐅᖅᓱᖓ ᐃᓚᕐᓗᒃᓯᒪᔪᖅ ᒑᓯᒥᒃ, ᐸᑎᐅᔭᕐᒥᒃ, ᐊᒻᒪᓗ ᐱᕈᕈᑎᓂᒃ ᐊᒻᒪᓗ ᑕᒪᕐᒥᒃ ᐅᖅᓱᑦᑎᐊᕙᖓ ᐱᐅᓂᖓ-3 ᐊᖏᔫᕗᖅ ᑖᒃᑯᓇᓂ ᑕᒥᕐᓂᒃ (172.0 ± 11.1 mg/g DW) (ᓴᕿᔮᖅᑐᖅ 2b).

ᐊᕿᕐᕉᔭᒃᓴᖅ ᐱᑕᖃᖅᑐᑦ ᐃᖃᓗᖕᓂ ᐊᖏᒡᓕᕙᓪᓕᐊᔪᑦ ᐊᒻᒪᓗ ᐅᑭᐅᖅᑕᖅᑐᒥᑦ ᓂᕆᔭᖏᑦ ᖃᓅᑎᒋᓂᖓ (ᓴᕿᔮᖅᑐᖅ 3). ᐊᕿᕐᕉᔭᒃᓴᖅ ᐊᖏᔪᒻᒪᕆᐋᓗᒃ ᐃᓗᐊᓂ ᑕᓯᕐᒥᐅᑕᐃᑦ ᐃᖢᕋᐃᑦ (ᐊᖏᓛᖅ 0.89 ᐊᕿᕐᕉᔭᖅ/ᒍᓚᒻᔅ), ᐃᒻᒪᖄ ᐱᔾᔪᑎᒋᓪᓗᒍ ᐃᓐᓇᐅᓕᕐᒪᑕ ᐊᒻᒪᓗ ᐱᕈᖅᐸᓪᓕᐊᕋᔮᖅᑐᑦ ᑖᒃᑯᓂᖓ ᓂᕿᖃᖅᑐᑦ. ᑕᒥᕐᓂ ᖃᑯᖅᑕᐃᑦ ᐃᖃᓗᐃᑦ ᑲᒪᓇᓚᐅᖅᐳᖅ ᐱᑕᖃᓗᐊᓚᐅᕐᒪᑕ (ᐊᖏᓛᖓ 0.55 ᐊᕿᕐᕉᔭᒃᓴᖅ/ᒍᓚᒻᔅ), ᐅᑯᐊᓗ ᑕᐃᒪᓐᓇᐅᔾᔪᑎᖃᓗᐊᖅᑰᖅᑐᑦ ᓂᕆᔭᖏᓐᓂᑦ ᑕᓯᕐᒥ. ᓄᓇᖃᖅᑐᑐᖃᐃᑦ ᐃᖃᓗᐃᑦ ᑕᒫᓂᕐᒥᐅᑕᖃᐃᑦ ᐊᑦᑎᖕᓂᖅᓴᐅᓪᓗᑎᒃ ᐊᕿᕐᕉᔭᖏᑦ (ᐊᖏᓛᖅ 0.21 ᐊᕿᕐᕉᔭᒃᓴᖅ/ᒍᓚᒻᔅ), ᐅᑯᐊᓗ ᑕᐃᒪᓐᓇᐅᒐᔪᖕᒪᑕ ᓂᕆᐅᓇᖅᑐᖅ ᑕᓯᕐᒥ ᐃᖃᓗᐃᑦ ᖃᑯᖅᑐᑦ ᐊᒻᒪᓗ ᑕᑯᔭᐅᓯᒪᔪᑦ ᑕᒫᓃᑦᑐᑐᖃᐃᑦ ᐊᓯᖏᑦ ᐊᒻᒪᓗ ᑕᓯᕐᒥᐅᑕᐃᑦ ᐃᓪᖣᕋᐃᑦ. ᐅᑯᐊ ᓄᓇᓖᑦ ᐅᖃᐅᑎᔭᐅᓯᒪᔪᑦ ᐃᖃᓗᖁᑎᕗᑦ ᐊᕿᕐᕉᔭᖃᖅᑐᑦ ᐊᒻᒪᓗ ᐅᖅᓱᑦᑎᐊᕙᖓ ᐱᐅᓂᖓ-3 ᓴᕿᑕᐅᖃᑦᑕᖅᓯᒪᔪᑦ ᐅᖃᐅᓯᖅᑎᒍᑦ ᐊᔾᔨᓕᐅᖅᓯᒪᔪᑦ ᐊᒻᒪᓗ ᐅᖃᐅᓯᐅᔪᑦ ᐃᓄᖕᓄᑦ. ᐃᖃᓗᐃᑦ ᐊᕿᕐᕉᔭᖏᑦ ᓇᓂᔭᐃᓯᒪᔪᑦ ᐊᑐᐃᓐᓇᕈᖅᑎᑕᐅᓯᒪᒋᕗᑦ ᓄᓇᕗᒻᒥ ᐋᓐᓂᐊᖃᕐᓇᓐᖏᑦᑐᓕᕆᔨᒃᑯᓂ. ᑕᐃᒪᓗ ᐊᑦᑎᒃᑑᖕᒪᑕ ᐊᕿᕐᕉᔭᐃᑦ ᐊᒻᒪᓗ ᐊᖏᓂᖅᓴᐅᓪᓗᑎᒃ ᐅᖅᓱᑦᑎᐊᕙᖏᑦ ᐱᐅᓂᖓ-3, ᐃᖃᓗᐃᑦ ᐋᑎᒃ ᓵ ᓂᕿᑦᑎᐊᕙᐅᓂᖅᐸᐅᕗᖅ ᑎᒥᒧᑦ ᐊᑑᑎᔪᖅ ᐊᕙᑖᓂᑦ ᐊᑦᑕᕐᓇᖅᑎᖃᕋᓗᐊᕐᒪᑦ ᐊᒻᒪᓗ ᐃᑲᔫᑎᓂᖅᑕᖃᕐᒪᑕ ᐃᖃᓗᒃᑐᖃᑦᑕᖅᑐᓄᑦ.

ᖃᐅᔨᒋᐊᕐᕕᐅᔪᓐᓇᖅᑐᑦ

• ᐃᕙᓐᔅ, ᐃᒻ. ᐃᔅ., ᑎ. ᓯ., ᑭᑎᖕ, ᔨ., ᐊᒻᒪᓗ ᒍᐊᖕ X., 2015. ᑕᓯᕐᒥᐅᑕᖅ ᓂᕿᒋᔭᐅᔪᖅ ᐳᐃᔨᓂᑦ: ᐅᓇ ᐃᓱᒪᓕᐅᕈᑕᐅᓯᒪᔪᖅ ᐋᕿᒃᑕᐅᓯᒪᔪᖅ ᓴᕕᕋᔭᖃᖅᑐᑦ, ᐅᓄᑦᑐᑦ ᑲᑎᖓᔪᑦ ᐊᒻᒪᓗ ᐊᑎᖏᒃ ᑕᐃᒪᐃᑎᑦᑎᔪᑦ. ᐅᓇ ᖃᐅᔨᓴᐃᓂᒻᒪᕆᒃ ᑲᑎᓪᓗᒋᑦ ᐊᕙᑎᒦᑦᑐᓂᒃ. doi: 10.1016/j.scitotenv.2014.10.074
• ᐅᐃᔅ, ᐃᐅᓪ, ᐊᒻᒪᓗ ᒥᐅᓗ-ᓇᕚᓇ, ᑎ.ᓯ., 2019. ᐱᒻᒪᕆᐅᔪᑦ ᖁᐱᕐᕈᕋᓛᑦ ᓂᕿᒋᔭᑦᑎᓐᓂ. ᐅᑯᐊ ᖃᖓᒃᑲᓚᓂᑦ ᐆᒪᔪᓕᒫᑦ ᐊᒻᒪᓗ ᐃᓱᕈᖅᐸᓪᓕᐊᖏᓐᓇᓲᑦ, 7 (269). doi:10.3389/fevo.2019.00269

ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ: ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ ᐆᒪᔪᑦ ᐊᑐᖅᓯᓗᑎᒃ ᐊᐅᖏᑦᑎᒍᑦ ᓇᓗᓇᐃᒃᑯᓯᕐᓗᒋᑦ ᖃᕆᓴᐅᔭᒃᓄᑦ ᓄᓇᕗᑦ ᕿᑎᕐᒃᒥᐅᖅ ᐊᕕᒃᑐᖅᓯᒪᔪᓂ ᐊᒻᒪᓗ ᐱᕙᓪᓕᐊᑎᑦᑎᓗᑎᒃ

ᑎᑎᕋᖅᑎᑦ

1. ᔭᐃᒻᔅ, ᐊᐅᓚᑦᓯᕕᖓᑦ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ, ᐃᓕᓐᓂᐊᕐᕕᒃᔪᐊᖅ ᒍᕕ, ᐋᓐᑎᐅᕆᐅ, ᑲᓇᑕ, hjames@uoguelph.ca
2. ᐳᐊᕋᐃᓴᓐᑯ, ᐊᐅᓚᑦᓯᕕᖓᑦ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ, ᐃᓕᓐᓂᐊᕐᕕᒃᔪᐊᖅ ᒍᕕ, ᐋᓐᑎᐅᕆᐅ, ᑲᓇᑕ
3. ᕙᓐᑎᓐᐳᓕᒃ, ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ. ᑭᓕᓂᑦ ᐃᓕᓐᓂᐊᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
4. ᒪᒃᓴᒐᖅ, ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ. ᑭᓕᓂᑦ ᐃᓕᓐᓂᐊᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
5. ᓕᐅ, ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ. ᑭᓕᓂᑦ ᐃᓕᓐᓂᐊᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
6. ᑰᔾᒥᓇ, ᐊᐅᓚᑦᓯᕕᖓᑦ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ, ᐃᓕᓐᓂᐊᕐᕕᒃᔪᐊᖅ ᒍᕕ, ᐋᓐᑎᐅᕆᐅ, ᑲᓇᑕ
7. ᐸᕆᔾ, ᐊᐅᓚᑦᓯᕕᖓᑦ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ, ᐃᓕᓐᓂᐊᕐᕕᒃᔪᐊᖅ ᒍᕕ, ᐋᓐᑎᐅᕆᐅ, ᑲᓇᑕ
8. ᓰ ᓱᐳᓪ, ᐊᐅᓚᑦᓯᕕᖓᑦ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ, ᐃᓕᓐᓂᐊᕐᕕᒃᔪᐊᖅ ᒍᕕ, ᐋᓐᑎᐅᕆᐅ, ᑲᓇᑕ
9. ᒥᒃᐃᒍᐃᑦ, ᐊᐅᓚᑦᓯᕕᖓ ᐃᓅᓯᓕᕆᓂᖅ ᐊᒻᒪᓗ ᐃᓅᓯᕆᔭᐅᓚᐅᖅᑐᓂᒃ, ᐃᓕᓐᓂᐊᕐᕕᒃᔪᐊᖅ ᒍᐃᕕ, ᑳᓇᑕᒃ
10. ᕼᐋᒃ, ᐅᑭᐅᖅᑕᖅᑐᒥᒃ ᖃᐅᔨᒪᔨᒋᔭᐅᔪᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
11. ᑏᒍᐋᑦ, ᐊᐅᓚᑦᓯᕕᖓᑦ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ, ᐃᓕᓐᓂᐊᕐᕕᒃᔪᐊᖅ ᒍᕕ, ᐋᓐᑎᐅᕆᐅ, ᑲᓇᑕ
12. ᐊᒻᒪ ᕼᐆᐳᑦ, ᐊᐅᓚᑦᓯᕕᖓᑦ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ, ᐃᓕᓐᓂᐊᕐᕕᒃᔪᐊᖅ ᒍᕕ, ᐋᓐᑎᐅᕆᐅ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᔩᒻᔅ, H., ᐳᐊᕆᓯᑯ, A., ᕙᓐᑎᓐᐳᕆᒃ, B., ᒪᒃᓴᒐᖅ, J., ᓕᐅᕐ, C., ᑯᔅᒥᓇ, M., ᐱᕆᔅ, K., ᓱᐱᐅᓪ, C., ᒪᒃᐃᐅᕙᑦ, T., I. ᕼᐊᒡ I., ᑎᕗᐊᑦ, J., ᐊᒻᒪ P., ᕼᐃᐳᑦ, P., 2020. ᐅᑭᐅᖅᑕᖅᑐᖅ ᐸᐃᔪᔅᑳᓐ: ᓄᓇᙳᐊᓕᐅᕐᓂᖅ ᐆᒪᔪᓂᑦ ᐃᓚᒃᓴᐃᑦ ᐊᑐᕐᓗᒋᑦ ᑭᓇᐅᔾᔪᑎᒃᓴᓄᑦ ᓇᓗᓇᐃᒃᑯᑕᖅ ᖃᐅᔨᓴᕐᓂᖅ ᓄᓇᕗᑦ ᕿᑎᕐᒥᐅᑦ ᓄᓇᓕᖓᓂ ᐊᒻᒪ ᓴᖅᑭᑎᑦᑎᓂᖅ ᑐᙵᕝᕕᒥᑦ ᓄᓇᓕᒥ-ᑐᙵᕝᕕᒃ ᐆᒪᔪᓕᕆᓂᕐᒧᑦ ᖃᐅᔨᓴᕐᓂᖅ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 34-38. DOI: 10.35298/pkc.2020.09.ikt

ᑎᑎᕋᖅᓯᒪᔪᖅ

ᑐᑭᓯᓗᒋᑦ ᐊᒃᑐᖅᑕᐅᓂᖓ ᓯᓚᕐᔪᐊᖅ ᐊᓯᕈᕐᓂᖓᓄ ᑲᓇᑕᐅᑉ ᐅᑭᐅᖅᑕᖅᑐᐊᓂᒃ ᐱᔭᕇᕈᓐᓇᓐᖏᑦᑐᑯᑦ ᑕᒪᒃᑭᖅᓯᒪᑦᑎᐊᕐᓗᑎᒃ ᑭᓯᐊᓂ ᐆᒪᔪᓕᒫᑦ ᐊᔾᔨᒌᓐᖏᑦᑐᑦ ᖃᐅᔨᓴᕐᓗᒋᑦ. ᑭᖑᓂᑦᑎᓐᓂ ᐊᐅᓪᓗᑎᓚᐅᖅᑐᒍᑦ ᐊᖏᓛᖅ ᓴᕿᔮᑦᑎᐊᖅᑐᖅ ᐊᒻᒪᓗ ᓇᓗᓇᐃᒐᕐᓂᖅᑐᑦ ᐆᒪᔪᑦ; ᑕᐃᒪᓐᓇᐅᒐᓗᐊᖅᑎᓪᓗᒍ, ᓇᓗᓇᐃᔭᓚᐅᖅᑐᑦ ᑕᒪᕐᒥᑲᓴᑦᑎᐊᖅ ᐅᑭᐅᖅᑕᖅᑐᖅ ᐆᒪᔪᓕᒫᖏᑦ ᑕᐃᒪᓗ ᐆᒪᔪᓕᕆᔨᒪᔪᑦ ᖃᐅᔨᒪᑦᑎᐊᖅᑐᓂᑦ ᐱᓕᕆᔭᐅᔭᕆᐊᓕᑦ ᓇᓗᓇᐃᖅᑕᐅᑦᑦᑎᐊᕐᓗᑎᒃ. ᓄᑖᖅ ᐱᓕᕆᐊᖑᓕᖅᑐᖅ ᓯᕗᓕᐅᖅᑕᐅᓯᒪᔪᖅ ᐆᒪᔪᓂᒃ ᖃᐅᔨᓴᖅᑎᑦ ᐆᒪᔪᓂᒃ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ ᑕᐃᑲᓂ ᐃᓕᓐᓂᐊᕐᕕᒃᔪᐊᖅ ᒍᓪᕕ ᑐᕌᖅᑐᖅ ᑕᒪᑐᒥᖓ ᐊᓯᔾᔩᔪᒪᓪᓗᓂ. ᐅᑭᐅᖅᑕᖅᑐᒥ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ ᐋᕿᒃᓯᔭᕆᐊᖃᕐᓂᐊᖅᑐᑦ ᑐᓐᖓᕕᖃᕐᓗᑎᒃ ᐃᓚᓕᐅᑎᕙᓪᓕᐊᓂᐊᖅᑐᓄᑦ ᐆᒪᔪᑦ ᖃᓄᐃᓕᖓᔪᒦᖕᒪᖔᑕ ᖃᐅᔨᓴᕐᑕᓄᑦ ᒥᐊᓂᕆᕕᒃᓴᑦ ᑕᒪᐅᓐᓇ ᐅᐸᒃᓯᓯᒪᓗᑎᒃ ᓇᓗᓇᐃᕐᓗᒋᑦ ᐆᒪᔪᑦ ᒪᓕᒡᖢᒋᑦ ᓈᓚᐅᓯᖅᓯᒪᓗᒋᑦ ᖃᕆᓴᐅᔭᕐᓄᑦ ᓇᓗᓇᒃᑯᑕᓕᖕᓂᒃ - ᒥᑭᔪᒻᒪᕆᐋᓗᓪᓗᓂ ᖃᐅᔨᓴᕈᑎ ᐊᑕᔪᖅ ᐊᕕᒃᑐᖅᓯᒪᔪ ᐆᒪᔪᑉ ᓇᒧᖔᓯᒪᓂᖏᓂᒃ. ᐊᔪᕈᓐᓃᖅᑎᑕᐅᓯᒪᕗᒍᑦ ᐅᑭᐅᖅᑕᖅᑐᒥᒃ ᖃᐅᔨᒪᔨᒋᔭᐅᔪᑦ ᑲᓇᑕ ᐅᑭᐅᖅᑕᖅᑐᒥᒃ ᖃᐅᔨᓴᖅᑎᒻᒪᕆᑦ ᐊᒻᒪᓗ ᖃᕆᓴᐅᔭᒃᑯᑦ ᐱᓕᕆᔾᔪᑕᐅᔪᖅ, ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕈᑎᑦ ᐃᓚᖃᖅᑐᑦ ᐱᓇᓱᐊᖃᑎᒋᓪᓗᒋᑦ ᑲᓇᑕᒥ ᖁᑎᒃᑐᕐᒥᐅᑦ ᖃᐅᔨᓴᕐᕕᖓ ᐊᒻᒪᓗ ᓄᓇᓕᖕᓂ ᐊᐅᓚᑦᓯᔨᖏᑦ, ᐃᓚᒋᔭᐅᓪᓗᑎᒃ ᐃᖃᓗᒃᑑᑦᑎᐊᖅ ᐊᒻᒪᓗ ᖁᕐᓗᖅᑑᖅ ᐊᖑᓇᓱᒃᑐᓕᕆᔨᒃᑯᖏᑦ ᐊᒻᒪᓗ ᐊᕕᒃᑐᖅᓯᒪᔪᓂ ᐆᒪᔪᓕᕆᔨᕐᔪᐊᒃᑯᑦ ᐊᒻᒪᓗ ᑎᐅᓕᑐᐊᓕᔅ ᒥᕐᖑᐃᖅᓯᕐᕕᖕᒥ ᑎᑎᕋᕐᕕᖏᑦ.

ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕈᑎᑦ ᐊᖏᔪᒥᒃ ᐸᕐᓇᐃᔾᔪᑎᒋᓯᒪᔭᕗᑦ - ᑐᕌᖅᑐᖅ ᑐᓂᓯᓗᑎᒃ ᐅᑭᐅᖅᑕᖅᑐᒥ ᖃᐅᔨᒪᔨᒋᔭᐅᔪᑦ ᑲᓇᑕ ᐱᔪᓐᓇᕐᓂᐊᕐᒪᑕ ᖃᐅᔨᓴᕐᓗᒋᑦ ᐆᒪᔪᑦ ᐊᓯᕈᖅᑐᑦ ᓇᓂᑐᐃᓐᓇᖅ ᐅᑭᐅᖅᑕᖅᑐᒥ. ᐅᓇ ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᐊᐅᓪᓗᑎᔪᖅ ᑕᑯᑎᑦᑎᔪᑦ ᐊᑑᑎᖃᕐᒪᖔ ᑕᒪᓐᓇ ᐱᒋᐊᕈᑎᒋᓗᒍ ᐊᑕᐅᓯᕐᒥ ᐊᕕᒃᑐᖅᓯᒪᔪᓂ - ᐊᕙᑎᒥ ᖃᐅᔨᓴᖅᑕᐅᔪᓂ ᐃᓂᖏᓐᓂ ᓴᕿᑕᐅᓯᒪᔪᓂ ᑲᓇᑕᒥ ᖁᑎᒃᑐᕐᒥᐅᑦ ᖃᐅᔨᓴᕐᕕᖓ ᕿᑎᕐᒥᐅᑦ ᓄᓇᖓᓐᓂ ᓄᓇᕗᒻᒥ (ᓴᕿᔮᖅᑐᖅ 1). ᓴᓇᓂᖓ ᐊᐅᓪᓗᑎᔪᖅ ᑲᑎᑦᑎᓗᑎᒃ ᐊᐅᖏᓐᓂᒃ ᖃᐅᔨᓴᕐᓗᑎᒃ ᓇᓗᓇᐃᒃᑯᓯᖅᓱᐃᓗᑎᒃ ᖃᕆᓴᐅᔭᕐᓄᑦ ᒪᓕᒍᑎᒃᓴᓂᒃ ᓄᐊᑦᑎᕕᒃᓴᒧᑦ ᐱᕈᖅᑐᑦ ᐊᒻᒪᓗ ᐆᒪᔪᑦ ᑕᐅᕙᓂ ᓄᓇᖓᓂ. ᓯᕗᓪᓕᖅ ᐊᕙᖓᓂ ᐊᕐᕌᒍᓄᑦ ᑕᓪᓕᒪᓄᑦ ᑲᔪᓯᔪᓐᓇᕐᒪᖔᑦ ᑲᔪᓯᔪᓇᓐᖏᒻᒪᖔᑦ ᖃᓄᐃᓕᕙᓪᓕᐊᓂᖓᒍᑦ, ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ ᖃᕆᓴᐅᔭᒃᑯᑦ ᖃᐅᔨᓴᖅᑎᖏᑦ ᓄᐊᑦᑎᓯᒪᔪᑦ 2000 ᐊᖏᔫᑎᐊᓗᖕᓂ ᖃᐅᔨᓴᕈᑎᑖᖅᓯᒪᔪᑦ ᓂᕐᔪᑎᓂᑦ, ᐱᕈᖅᑐᓂᒃ, ᐳᔪᐊᓗᐃᑦ ᓄᓇᒥ ᐱᕈᖅᑐᑦ ᐊᒻᒪᓗ ᐃᕖᑦ ᑐᒃᑐ ᓂᕿᖏᑦ ᓄᓇᒥ ᐊᒻᒪᓗ ᐃᒪᑦᑎᐊᕙᖕᓂ, ᐊᒻᒪᓗ ᑕᕆᐅᕐᒥ ᐊᕙᓗᐊᓂ ᐃᖃᓗᒃᑑᑦᑎᐊᖅ ᐊᒻᒪᓗ ᖁᕐᓗᖅᑑᖅ (ᓴᕿᔮᖅᑐᖅ 2). ᐅᑯᐊ ᓄᐊᑕᐅᔪᑦ ᐱᓕᕆᔭᐅᓯᒪᔪᑦ ᐊᒻᒪᓗ ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᓇᓗᓇᐃᒃᑯᓯᖅᑕᐅᔪᑦ ᑕᐃᑲᓂ ᐊᐅᓚᑦᓯᕕᖓᓂ ᐆᒪᔪᑦ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᖕᒪᖔᑕ ᓇᒧᖓᐅᒪᖕᒪᖔᑕ (ᑎᒎᐋᑦ ᐊᓯᖏᓪᓗ, 2019), ᐊᒻᒪᓗ ᑐᑭᓯᓇᖅᓯᔪᑦ ᑖᒃᑯᓇᖓᑦ ᖃᐅᔨᓴᖅᑕᓂᑦ ᐃᓄᓕᒫᓄᑦ ᐊᑐᐃᓐᓇᐅᔪᑦ ᑕᒪᑐᒥᖓ ᓇᓗᓇᐃᒃᑯᓯᖅᓱᐃᓂᖅ ᖃᕆᓴᐅᔭᒃᑯᑦ ᒪᓕᒍᑎᒃᓴᓄᑦ ᓄᐊᑕᐅᓯᒪᔪᓂᒃ (ᐅᓚᑦᓇᔅᐃᖕᕼᐋᒻ ᐊᒻᒪᓗ ᕼᐆᐳᑦ, 2007). ᐊᓯᐊᒍᑦᑕᐅᖅ ᑕᒪᑐᒪᖓᑦ ᖃᐅᔨᓴᕐᓂᕐᒥᑦ ᓄᑖᑦ ᓄᐊᑕᐅᔪᑦ (ᓲᕐᓗ, ᐱᓐᑎᓐᓵᕆ ᐊᓯᖏᓪᓗ, 2020), ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ ᖃᕆᓴᐅᔭᒃᑯᑦ ᒪᓕᒡᓗᒋᑦ ᐃᖅᑲᓇᐃᔭᖅᑎᖏᑦ ᐱᓕᕆᔪᑦ ᐊᖏᔪᒥᒃ ᓄᓇᒥ ᑕᐃᒪᖓᓂᓕᒫᖅ ᓄᐊᑦᑎᔭᕆᐅᖅᑐᑦ, ᑕᒪᒃᑯ ᑲᓇᑕᒥ ᑕᑯᔭᒐᖃᕐᕕᒃ ᓄᓇᒥᐅᑕᕐᓂᒃ, ᐆᒪᔪᓂᑦ ᖃᐅᓕᓴᖅᓯᒪᓂᖅ ᐊᔪᕐᓇᕋᔭᓚᐅᖅᑐᖅ ᐱᑲᓐᓂᕋᓱᒋᐊᒃᓴᖏᓐᓂᒃ. ᐊᖏᓂᖅᓴᒨᖓᓪᓗᒍ ᐃᓗᓕᖏᑦ ᐃᓚᓕᐅᑎᓚᐅᕐᒥᔪᑦ ᖃᐅᔨᓴᕈᑎᑖᖅᖢᑕ ᓄᐊᑕᐅᓯᒪᔪᓂᑦ ᐊᓯᖏᓐᓂᑦ ᒫᓐᓇᐅᔪᖅ ᕿᓂᖅᑎᕕᓃᑦ ᐅᑭᐅᖅᑕᖅᑐᒥ (ᓲᕐᓗ ᒥᒃᒧᓚᓐ, 2019). ᑕᒪᐃᓐᓄᑦ, ᐱᓕᕆᕕᖓᑦ ᐆᒪᔪᓕᒫᑦ ᐊᐅᖏᑦᑎᒍᑦ ᑎᒥᖏᑦᑎᒍᓪᓗ ᖃᐅᔨᓴᕐᕕᖕᒥ ᖃᕆᓴᐅᔭᒃᑯᑦ ᒪᓕᒡᓗᒋᑦ ᑎᑎᕋᖅᑕᐅᓯᒪᓕᖅᑐᑦ ᐅᖓᑖᓂ 110,000 ᖃᓄᐃᓕᔪᑦ ᑎᑎᕋᖅᑕᐅᕙᓪᓕᐊᔪᑦ ᖃᓂᒋᓃ 14,000 ᐆᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᑎᐅᓕᑐᐊᓕᔅᓂ.

ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ ᖃᕆᓴᐅᔭᒃᑯᑦ ᒪᓕᒡᓗᒋᑦ ᐱᕙᓪᓕᐊᓂᖓ ᐃᖏᕐᕋᔪᖅ ᑭᓯᐊᓂ ᐅᖃᐅᔾᔪᓯᐊᓂᑦ ᐊᒻᒪᓗ ᐃᑲᔫᑎᓂᑦ ᐊᐅᓚᑦᓯᔨᖏᓐᓂᑦ ᕿᑎᕐᒥᐅᑦ (ᓴᕿᔮᖅᑐᖅ 3). ᐅᓇ ᐆᒃᑑᑎᒋᓪᓗᒍ, 2019 ᓄᓇᒥ ᐱᓕᕆᓚᐅᖅᑐᑦ ᓴᖕᖏᒃᑎᒋᐊᖅᑎᑕᐅᓚᐅᖅᑐᖅ ᐱᖓᓱᓂᑦ ᖃᐅᔨᓴᐃᓂᒻᒪᕆᖕᒧᑦ ᐅᓇᓕᒃᓴᓂᒃ (ᓴᕿᔮᖅᑐᖅ 4), ᐃᖅᑲᓇᐃᔭᓕᕐᑎᑦᑎᓪᓗᑕ ᐊᖑᓇᓱᒃᑐᓕᕆᔨᒃᑯᓂᒃ, ᐅᑯᐊᓗ ᐱᔭᕆᐅᖅᑎᑕᐅᓚᐅᖅᑐᑦ ᐊᑐᕆᐊᖃᖅᑐᓂᒃ ᐆᒪᔪᓕᕆᓪᓗᓂ ᐊᐅᖏᓐᓂᒃ ᖃᐅᔨᓴᖅᖢᖤ. ᐅᓇ ᐱᕙᓪᓕᐊᓂᖓᑦ ᖃᓄᐃᓕᐅᕈᑕᐅᓂᐊᖅᑐᓄᑦ ᓴᕿᑕᐅᓯᒪᔪᖅ ᐅᓂᒃᑳᓕᐅᑦᑎᐊᖃᑦᑕᕐᓂᐊᕐᒪᑕ ᐱᔾᔪᑎᒋᓪᓗᒍ ᐆᒪᔪᑦ ᐊᓯᕈᕋᔭᖅᑐᑦ ᑲᑎᖓᕕᒋᔭᒥᖕᓂ ᐆᒪᕕᒋᔭᒥᖕᓂ ᐅᒡᕙᓘᓐᓃᑦ ᐆᒪᔪᓕᒫᑦ ᐊᕙᑎᓕᒫᖏᓪᓗ ᖃᓄᐃᖏᑦᑎᐊᖁᓪᓗᒋᑦ. ᐱᓇᓱᐊᖃᑎᒋᓪᓗᒋᑦ ᐱᒻᒪᕆᐅᔪᖅ ᑕᒪᓐᓇ ᑲᔪᓯᑦᑎᐊᕈᓐᓇᖅᑐᖅ ᑭᓯᐊᓂ ᒥᐊᓂᕆᔭᐅᖏᓐᓇᕐᓗᓂᓗ ᐊᒻᒪᓗ ᐋᕿᒃᓯᓯᒪᓗᑎᒃ ᑐᓐᖓᕕᒃᓴᓂᒃ ᓯᕗᓂᒃᓴᑦᑎᓐᓂ ᐆᒪᔪᓄᑦ ᖃᐅᔨᒪᔾᔪᑕᐅᓂᐊᖅᑐᓂᒃ ᐃᓗᐊᓂ ERA ᐊᒻᒪᓗ ᐅᑭᐅᖅᑕᖅᑐᖅ, ᑕᒪᐃᓐᓂᒃ. ᑐᓴᐅᒪᔾᔪᑎᒃᓴᐃᑦ ᑐᓂᐅᖃᐅᑕᐅᔪᓐᓇᕐᒥᔪᑦ ᑖᒃᑯᑎᒍᑦ ᓴᓇᔪᑦ ᐃᑭᐊᕿᕕᖏᑦᑎᒍᑦ ᐊᒻᒪᓗ ᑕᒪᐅᓐᓇ ᐊᓯᖏᑦᑎᒍᑦ ᖃᕆᓴᐅᔭᓕᕆᔾᔪᑕᐅᔪᑎᒍᑦ.

ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ ᖃᕆᓴᐅᔭᒃᑯᑦ ᒪᓕᒡᓗᒋᑦ ᐱᒻᒪᕆᐅᔪᒥᒃ ᐃᓚᒋᔭᖓ ᑕᒪᑐᒪ ᖃᐅᔨᓴᖅᑎᒻᒪᕆᒃ ᑎᒥᖏᓐᓂᒃ, ᓯᓚᕐᔪᐊᒥ ᐱᓕᕆᐊᖑᔪᖅ ᑕᒡᕙᑲᐅᑎᒋᐅᓪᓗᑎᒃ ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᒥᐊᓂᕆᕕᐅᔪᖅ ᑕᒪᐃᓐᓄᑦ ᐊᔾᔨᒌᓐᖏᑦᑐᑎᒍᑦ - ᐆᒪᔪᓂᑦ (ᕼᐴᓐ, 2020).

ᖁᐊᓇᖅ ᐅᑯᐊ ᐃᓕᓴᕆᔪᒪᔭᕗᑦ

ᐅᓇ ᐱᓕᕆᐊᖑᔪᖅ ᐊᔪᖏᑦᑕᐅᕗᑦ, ᖁᔭᓐᓇᒦᒃ ᖁᐊᓇᖅ ᐃᑲᔪᖅᑐᑦ ᑮᓇᐅᔭᒃᓴᓂᒃ ᐊᐅᓚᑦᑎᔾᔪᑎᒃᓴᓂᒃ ᐊᑖᒍᑦ ᐴᓗ ᖃᐅᔨᓴᖅᑎᒻᒪᕇᑦ ᐊᒻᒪᓗ ᖃᕆᓴᐅᔭᓕᕆᔨᑦ ᐱᓕᕆᔾᔪᑎᖏᑦ. ᐅᓇ ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ ᖃᕆᓴᐅᔭᒃᑯᑦ ᒪᓕᒡᓗᒋᑦ ᐱᓇᓱᐊᖃᑎᒌᑦ ᖁᔭᓕᕗᑦ ᓴᓇᖃᑕᐅᓚᐅᖅᑐᓂᒃ ᑕᐃᑲᖓᑦ ᐱᓕᕆᕕᖓᑦ ᐆᒪᔪᓕᒫᑦ ᐊᐅᖏᑦᑎᒍᑦ ᑎᒥᖏᑦᑎᒍᓪᓗ ᖃᐅᔨᓴᕐᕕᒃ ᐊᒃᓱᕈᖅᖢᑎᒃ ᓴᓇᓚᐅᖅᑐᑦ ᓄᓇᒥ ᓄᐊᑦᑎᓪᓗᑎᒃ ᐊᒻᒪᓗ ᖃᐅᓯᒪᕐᕕᖕᒥᓂ ᐊᖏᓇᖅᑐᑎᒍᑦ. ᖁᐊᓇᖅ ᐱᓕᕆᖃᑎᒋᔭᕗᑦ ᐃᖃᓗᒃᑑᑦᑎᐊᕐᒥ ᐊᒻᒪᓗ ᖁᕐᓗᖅᑑᖅ ᐊᒻᒪᓗ ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ ᐃᖅᑲᓇᐃᔭᖅᑎᖏᑦ ᐊᒻᒪᓗ ᖃᐅᔨᓴᖅᑎᑦ ᑐᑭᒧᐊᒃᑎᑦᑎᓚᐅᕐᒪᑕ ᐊᒻᒪᓗ ᐃᑲᔪᖅᖢᑎᒃ ᓇᐅᒃᑯᓕᒫᖅ ᓴᓇᓕᕆᔭᕗᑦ ᐱᕙᓪᓕᐊᓂᓕᒫᖓᓂ ᐊᒻᒪᓗ ᓄᓇᒦᑎᓪᓗᑕ ᐱᓕᕆᓪᓗᑕ ᖃᓄᐃᓕᐅᕈᑎᒋᔭᑦᑎᒍᑦ.

ᐱᓗᐊᖅᑐᒥᒃ, ᖁᐊᓇᖅ ᐊᒃᓱᐋᓗᒃ ᓂᓪᓕᐅᑎᒋᓗᒋᑦ ᐊᑯᐊ ᑖᓂ ᐃᓄᐃᑦ ᑎᑎᕋᖅᓯᒪᔪᑦ ᐃᖃᓗᒃᑑᑦᑎᐊᕐᒥᑦ ᐊᒻᒪᓗ ᖁᕐᓗᖅᑑᕐᒥᑦ:

• ᐱᕗᓕ ᒪᒃᓴᒑᖅ (ᐊᐅᓚᑦᓯᔨᖓ, ᐃᖃᓗᒃᑑᑦᑎᐊᖅ ᐊᖑᓇᓱᒃᑐᓕᕆᔨᒃᑯᑦ),
• ᐊᒫᓐᑕ ᑐᒫᓐᑦ (ᐊᐅᓚᑦᓯᔨ, ᖁᕐᓗᖅᑑᖅ ᐊᖑᓇᓱᒃᑐᓕᕆᔨᒃᑯᑦ),
• ᑳᑐ ᓕᐅ (ᐅᑭᐅᖅᑕᖅᑐᒥ ᐆᒪᔪᓂᒃ ᖃᐅᔨᓴᕐᓂᖅ ᖃᕆᓴᐅᔭᒃᑯᑦ ᒪᓕᒡᓗᒋᑦ ᖃᐅᔨᓴᖅᑎᒻᒪᕆᒃ ᐅᓇᓕᒃᓴᖅ, ᐃᖃᓗᒃᑑᑦᑎᐊᖅ),
• ᑖᒪᔅ ᐳᑦ (ᖃᐅᔨᓴᖅᑎᒻᒪᕆᒃ ᐅᓇᓕᒃᓴᖅ, ᖃᕐᓗᖅᑑᖅ)
• ᑎᑦᑐᓕᒃ ᕼᐅᑲᓇᒃ (ᐆᒪᔪᓂᒃ ᒥᐊᓂᕆᔨ, ᖁᕐᓗᖅᑑᖅ),
• ᐹᐱ ᒍᓕᓐᓕ (ᐃᒡᓯᕙᐅᑕᖅ, ᐃᖃᓗᒃᑑᑦᑎᐊᖅ ᐊᖑᓇᓱᒃᑐᓕᕆᔨᒃᑯᑦ),
• ᓕᐅᓕ ᐊᑦᔪᓐ (ᐃᒡᓯᕙᐅᑕᖅ, ᖁᕐᓗᖅᑑᖅ ᐊᖑᓇᓱᒃᑐᓕᕆᔨᒃᑯᑦ),
• ᔨᐅᓕ ᐊᑕᑕᕼᐊᒃ (ᕿᑎᕐᒥᐅᑦ ᐊᕕᒃᑐᖅᓯᒪᔪᓂ ᑲᒪᔨ, ᒥᕐᖑᐃᖅᓯᕐᕕᖕᒥ ᐸᕐᓇᐃᔨ ᐊᒻᒪᓗ ᐊᐅᓚᑦᑕᕆᐊᖃᖅᑐᓄᑦ, ᖁᕐᓗᖅᑑᖅ),
• ᐋᓕᓐ ᓂᑉᑕᓈᑦᑎᐊᖅ ᐊᒻᒪᓗ ᐅᓚᓱ ᐊᕿᐊᕈᖅ (ᐆᒪᔪᕐᓂᐊᖅᑎᑦ ᓴᓇᔨ ll, ᓄᓇᕗᑦ ᐊᕙᑎᓕᕆᔨᒃᑯᑦ, ᖁᕐᓗᖅᑑᖅ),
• ᐊᐃᐱᓕ ᐆᑦᑐᕙᒃ (ᐃᖃᓗᒃᑑᑦᑎᐊᖅ ᐊᖑᓇᓱᒃᑐᓕᕆᔨᒃᑯᑦ),
• ᐸᑉ ᐊᒻᒪᓗ ᐳᓕᓐᑕ ᔨᓐᓯᑭ (ᐃᖃᓗᒃᑑᑦᑎᐊᖅ),
• ᐸᐸ ᐱᑐᓴᓐ (ᖁᕐᓗᖅᑑᖅ),
• ᑭᐅᓕ ᐊᒻᒪᓗ ᐊᒻᒪᓗ ᐊᐃᐅᓕᓐ ᕼᐅᐊᓐ (ᖁᓗᖅᑐᖅ ᑐᔪᕐᒥᕕᒃ, ᖁᕐᓗᖅᑑᖅ),
• ᑎᐅᓚᔅ ᒥᐅᑕᓐ (ᐆᒪᔪᓕᕆᔨ, ᖁᕐᓗᖅᑑᖅ)
• ᑭᕙᓐ ᒥᑐᐃᓐ (ᐊᕕᒃᑐᖅᓯᒪᔪᓂ ᐆᒪᔪᓕᕆᔨ ᐊᐅᓚᑦᓯᔨᖓ, KRWB, ᖁᕐᓗᖅᑑᖅ),
• ᓖᓴ-ᐳᓖ ᓕᑲᓗᒃ (ᐊᕕᒃᑐᖅᓯᒪᔪᓂ ᐆᒪᔪᓕᕆᔨ ᖃᐅᔨᓴᖅᑎ, KRWB, ᖁᕐᓗᖅᑑᖅ),
• ᓚᔅᒍᐊᓇ ᑕᐃᐸᓇ (ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ, ᖁᕐᓗᖅᑑᖅ).

ᖃᐅᔨᒋᐊᕐᕕᐅᔪᓐᓇᖅᑐᑦ

• ᑏᒍᐋᑦ, ᔩ.ᕌ. ᐅᓚᑦᓇᔅᐃᖕᕼᐋᒻ, ᐃᔅ., ᔭᒃᕼᐊᕋᕙ, ᐃ.ᕕ., ᐳᐊᓕᓯᓐᑯ, ᐃ.ᕕ., ᓯᑕᐃᓐᑭ, ᑎ., ᐊᓯᖏᓪᓗ 2019. ᖃᐅᒋᐊᕐᕕᒃᓴᖅ ᐅᖃᓕᒫᒐᖃᕐᕕᒃ ᓇᓗᓇᐃᔭᐃᔾᔪᑎᖏᓐᓄᑦ ᑲᓇᑕ ᕿᒥᕐᓗᐊᓐᖏᑦᑐᑦ ᐆᒪᔪᑦ: 1.5 ᒥᓕᐊᓐ ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᓇᓗᓇᐃᒃᑯᓯᖅᑕᐅᔪᑦ ᑕᐃᑲᓂ, ᐱᔪᓐᓇᐅᑎᑦᑎᒍᑦ ᖃᐅᔨᓴᕈᑎᑖᑦ, ᐆᒪᔪᓂᒃ ᖃᐅᔨᓴᕈᑎᑖᑦ. ᖃᐅᔨᓴᖅᑎᒻᒪᕆᒃ ᓄᐊᑕᖏᑦ ᑎᑎᖃᑦ 6:308. doi: 10.1038/ s41597-019-0320-2
• ᕼᐴᓐ, ᑎ. 2020. ᐆᒪᔪᓂᒃ ᖃᐅᔨᓴᕐᓂᖅ ᖃᕆᓴᐅᔭᒃᑯᑦ ᒪᓕᒡᓗᒋᑦ. ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᓇᓗᓇᐃᒃᑯᓯᖅᑕᐅᔪᑦ ᐱᕚᓪᓕᕈᑎᓂᐊᕐᒪᑕ ᐆᒪᔪᓕᐱᓂᖓ ᐊᒻᒪᓗ ᐊᐅᓕᕆᓂᖏᑦ ᓴᐳᓐᓂᐊᕈᑎᒃᓴᓄᑦ ᐊᒻᒪᓗ ᓄᖑᑕᐅᕙᓪᓕᐊᓂᐊᓐᖏᒻᒪᑕ ᐆᒪᔪᑦ. ᑎᒥᐅᑦ ᐃᓗᐊᓂᒃ 8:1–4. doi:10.1139/gen-2020-0009.
• ᐱᓐᑎᓵᕆ, ᐃᒻ., ᐸᓚᑯᐃᕕ, ᔨ.ᐃ., ᕼᐋᒃ, ᐃ. ᑎ., ᓚᕕᒃ-ᐳᐃᑎᓐ, ᕕ., ᑭ., ᓱᐱᐅ, ᓯ.ᐃᓐ., ᕙᓐᑎᓐᐳᓕᒃ, ᐱᓐᑎᓵᕆ, ᐃᒻ., ᐸᒍᓗᐊᕕ, ᔨ.ᐃ. ᕼᐋᒃ, ᐃ. ᑎ., ᓚᕕᒃ-ᐱᐅᑎᓐ, ᕕ., ᐸᕆᔅ, ᑭ., ᓱᐱᐅ, ᓯ.ᐃᓐ., ᕙᓐᑎᓐᐳᓕᒃ, ᐱ., ᐊᒻᒪᓗ ᐳᐊᕋᐃᓴᓐᑯ, ᐃ. 2020. ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᓇᓗᓇᐃᒃᑯᓯᖅᑕᐅᔪᑦ ᑕᐃᑲᓂ ᓈᓴᐃᔾᔪᑎᒋᓪᓗᒋᑦ ᐅᑭᐅᖅᑕᖅᑐᖅ ᕿᒥᕐᓗᖃᓐᖏᑦᑐᓂᒃ ᐆᒪᔪᓂᒃ: ᑕᐃᒪᓐᓇᐅᓕᕐᑎᑦᑎᓂᐊᖅᑐᑦ ᓯᕗᓂᒃᓴᑦᑎᓐᓂ ᒥᐊᓂᕆᔭᕆᐊᓕᑦ. ᖁᐱᕐᕈᑦ 11:46. doi:10.3390/insects11010046
• ᒥᒃᒧᓕᓐ, ᕋ. 2019. ᓄᑖᖅ ᐊᒻᒪᓗ ᑐᓴᕈᒥᓇᖅᑐᖅ ᑐᒃᑐᑦ ᓂᕿᖏᑦ ᐊᒻᒪᓗ ᓇᓂᕋᐅᑉ ᐱᕈᖅᑐᖏᑦ ᐃᕖᑦ ᐊᒻᒪᓗ ᐱᕈᖅᑐᑦ ᐳᔪᐊᓗᐃᑦ ᒪᔅᓱᓘᒻᔅ ll: ᐅᓂᒃᑳᑦ ᐳᑎᓯ ᑲᓚᑉᐱᐊᒥ, ᓅ ᐳᓚᓐᔅᕕᒃ, ᓅᕙ ᓯᑰᓴ, ᓄᓇᕗᑦ, ᐳᓕᑦᔅ ᐃᑦᕗᑦ ᐊᐃᓚᓐ, ᐋᓐᑎᐅᕆᐅ, ᐊᒻᒪᓗ ᑯᐸᐃᒃ. ᐱᕈᖅᑐᑦ ᐅᔭᖃᓄᑦ ᐊᑕᔪᑦ 18:396–419.
• ᐅᓚᑦᓇᔅᐃᖕᕼᐋᒻ, ᐃᔅ ᐊᒻᒪᓗ ᕼᐆᐳᑦ, ᐱ. ᑎ. ᐃᓐ. 2007. ᐃᑎᖅᓯᓯᒪᔪᑦ: ᐊᐅᖏᑦᑎᒍᑦ ᓇᑭᖔᖅᓯᒪᖕᒪᖔᑕ ᓇᓗᓇᐃᒃᑯᓯᖅᑕᐅᔪᑦ ᐃᓅᓯᖏᓐᓂᒃ ᖃᕆᓴᐅᔭᕐᓄᑦ ᓄᐊᓯᒪᔪᑦ (www.barcodinglife.org). ᑎᒥᐅᑉ ᐃᓗᐊ ᑕᖃᖏᓪᓗ ᐆᒪᔪᓕᒫᑦ ᖃᐅᔨᒪᔾᔪᑏᑦ ᑎᑎᖃ 7:355–364. doi:10.1111/j.1471-8286.2007.01678.x

ᓯᑯ, ᓄᓇ ᐊᒻᒪᓗ ᐃᒪᖅ: ᑐᑭᓯᔭᐅᓗᑎᒃ ᐅᑭᐅᖅᑕᖅᑐᒥ ᑲᑎᖓᔾᔪᑎᖓ ᑕᒪᐅᓐᓇ ᓯᑯᖃᖅᖢᓂ ᓯᓚᒻᒧᑦ ᓄᓇ ᐳᓪᓚᐃᖔᕋᔭᖅᐳᖅ ᒥᓗᒃᑎᓐᖏᖔᕐᓗᓂ, ᑕᕆᐅᑉ ᓯᑯᖏᑦ, ᐊᒻᒪᓗ ᑕᕆᐅᖅ-ᖁᕙᖅᓯᒪᓂᖓ ᐃᓕᓐᓂᐊᖅᑕᐅᓪᓗᑎᒃ ᑲᑎᒪᔪᑦ

ᑎᑎᕋᖅᑎᑦ

1. ᐊᓯᓈᑦ, ᐅᑭᐅᖅᑕᖅᑐᒥᒃ ᖃᐅᔨᒪᔨᒋᔭᐅᔪᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ, emma.arsenault@polar.gc.ca
2. ᔭᐃᒻᔅ, ᓄᓇᒥᐅᑕᓕᕆᔨᒃᑯᑦ ᑲᓇᑕ, ᐋᑐᕚ, ᐋᓐᑎᐅᕆᐅ, ᑲᓇᑕ
3. ᓵᖕ, ᐅᑭᐅᖅᑕᖅᑐᒥᒃ ᖃᐅᔨᒪᔨᒋᔭᐅᔪᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᐊᓯᓇᑦ, E., ᔨᒻᔅ, T., ᐊᒻᒪ ᓵᖕ, G. 2020. ᓯᑯ, ᓯᓚᕐᔪᐊᖅ ᐊᒻᒪ ᐃᒪᖅ: ᑐᑭᓯᐊᓂᖅ ᐅᑭᐅᖅᑕᖅᑐᒥ ᐊᑦᑐᐊᓂᖃᖅᑐᑦ ᓯᕐᒥᒃᑯᑦ ᐳᑦᑕᖓᔪᑦ ᐋᖅᑭᒃᓱᐃᓂᖅ, ᓯᑯ ᓇᓕᕇᒃᑐᑦ, ᐊᒻᒪ ᑕᕆᐅᖅ-ᐊᑦᑎᓐᓂᖓ ᑕᑯᒐᓐᓈᖅᑎᑦᑎᓂᖅ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 39-40. DOI: 10.35298/pkc.2020.10.ikt

ᑎᑎᕋᖅᓯᒪᔪᖅ

ᓯᓚᕐᔪᐊᒥ ᐃᑲᔪᖃᑎᒌᖕᓂᖅ ᐊᒻᒪᓗ ᑐᑭᒧᐊᒃᑎᑦᑎᖃᑎᒌᖕᓂᖅ ᑕᒪᐃᓐᓂ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᖅ ᐊᑖᓃᑦᑐᓂ ᐱᕈᖅᓯᒪᓕᖅᑐᖅ ᐊᑯᓂ ᐃᒻᒪᑲᓪᓚᖕᓂᑦ ᖃᐅᔨᓴᖅᑎᒻᒪᕇᑦ ᖃᓄᐃᓕᐅᕈᑎᒋᔭᖏᓐᓄᑦ ᑖᒃᑯᓇᓂ ᓄᓇᖓᓐᓂ. ᑎᑭᓪᓗᒍ ᒫᓐᓇᒧᑦ ᐅᓪᓗᒥᒧᑦ, ᖃᐅᔨᓴᐃᓂᒻᒪᕆᒃ ᓱᓕ ᑐᓐᖓᔾᔪᑕᐅᔪᖅ ᐊᑑᑎᖃᖅᑐᓂᒃ ᐋᕿᒃᓱᐃᔾᔪᑕᐅᔪᖅ ᑐᑭᓯᓇᓱᖃᑎᒌᒡᐸᒃᖢᑎᒃ ᐃᑲᔪᖃᑎᒌᒡᖢᑎᒃ ᐅᑭᐅᖅᑕᖅᑐᖅ ᓄᓇᖏᓐᓂ. ᐃᓗᐊᓂ ᒫᓐᓇᐅᓕᖅᑐᖅ ᓯᓚᕐᔪᐊᖅ ᑲᑎᖓᔭᕆᐊᖃᓕᖅᑎᓪᓗᒍ, ᖃᐅᔨᓴᖅᑎᒻᒪᕇᑦ ᑕᑯᑎᑦᑎᖃᑦᑕᖅᑐᑦ ᐅᕙᑦᑎᓐᓄᑦ ᑐᑭᓯᔭᒥᖕᓂᒃ ᖃᓄᖅ ᐊᔾᔨᒌᑲᓴᖕᒪᖔᑕ ᐊᕙᑖᓂᑦ ᐊᔾᔨᒌᓐᖏᑦᑐᑦ ᐅᑭᐅᖅᑕᖅᑐᖅ ᐊᕙᑎᖏᑦ, ᐊᒻᒪᓗ ᓯᑯᖃᖅᖢᓂ ᓯᓚᒻᒧᑦ ᓄᓇ ᐳᓪᓚᐃᖔᕋᔭᖅᐳᖅ, ᑕᕆᐅᑉ ᓯᑯᖏᑦ, ᐊᒻᒪᓗ ᑕᕆᐅᖅ- ᐳᖅᑐᓂᖓ ᐃᓕᓐᓂᐊᖅᑕᐅᓪᓗᑎᒃ ᑲᑎᒪᔪᑦ (ᑕᐃᑲᓂ ᐋᑐᕚ, ᐋᓐᑎᐅᕆᐅ, ᓯᑎᐱᕆ 2019) ᑕᑯᑎᑦᑎᓚᐅᖅᑐᑦ ᐊᑕᐅᓯᕈᖅᓯᒪᔪᖅ ᐃᓂᖓᑦ ᖃᐅᔨᓴᐃᓂᒻᒪᕆᒃ ᐱᓕᔾᔪᓯᖓᓂᒃ ᑲᑎᖓᑎᑦᑎᓚᐅᖅᑐᖅ ᐅᖓᑖᓂ 60 ᖃᐅᔨᓴᖅᑎᑦ ᐊᒻᒪᓗ ᐃᓱᒪᓕᐅᕆᔨᑦ ᐅᖓᑖᓂᑦ ᖁᓕᑦ ᒪᕐᕉᒡᓗ ᓯᓚᕐᔪᐊᒥ ᓄᓇᓕᖕᓂᑦ. ᐃᓚᐅᔪᑦ ᐅᖃᐅᓯᖃᓚᐅᖅᑐᑦ ᒫᓐᓇᐅᔪᖅ ᖃᓄᐃᓕᖓᓕᕐᓂᖓᓂ ᑕᒪᓐᓇ ᓯᑯᖃᖅᖢᓂ ᓯᓚᒻᒧᑦ ᓄᓇ ᐳᓪᓚᐃᖔᕋᔭᖅᐳᖅ ᖃᐅᔨᒪᔭᐅᓂᖓ, ᐅᓇᓗ ᓇᓗᓇᐃᖅᓯᑦᑎᐊᓚᐅᖅᑐᖅ ᐊᕙᑖᓂᑦ ᐱᓕᕆᐊᖑᓯᒪᒐᒥ ᓯᑯᐃᑦ ᐊᒻᒪᓗ ᓄᓇ ᑎᓯᔪᖅ. ᑐᑭᓯᑲᓐᓂᕐᓗᒋᑦ ᓯᑯᖃᖅᖢᓂ ᓯᓚᒻᒧᑦ ᓄᓇ ᐳᓪᓚᐃᖔᕋᔭᖅᐳᖅ ᐃᑲᔫᑎᒐᔭᖅᐳᖅ ᐅᓄᖅᓯᒋᐊᕐᓗᑎᒃ ᖃᓄᖅ ᓂᕆᐅᓇᕋᔭᕈᓯᖓ ᑕᕆᐅᖅ-ᐳᖅᑐᓂᖓᑕ ᖁᑎᒃᓯᕙᓪᓕᐊᔪᖅ ᐅᑯᐊᓗ ᐊᑐᖅᑕᐅᒋᐊᓕᑦ ᓴᐳᒻᒥᓂᐊᕐᓗᒍ ᖃᓄᐃᖏᑦᑎᐊᖁᓪᓗᒍ ᓯᕗᓂᒃᓴᑦᑎᓐᓂ ᐊᒻᒪᓗ ᓯᒡᔭᓃᑦᑐᑦ ᓄᓇᓖᑦ.

ᐅᓇ ᓯᑯᖃᖅᖢᓂ ᓯᓚᒻᒧᑦ ᓄᓇ ᐳᓪᓚᐃᖔᕋᔭᖅᐳᖅ ᓄᓇᒧᑦ ᒥᓗᒃᑎᓐᖏᖔᕐᓗᓂ ᐃᓕᓐᓂᐊᖅᑕᐅᓪᓗᑎᒃ ᑲᑎᒪᐅᑕᐅᓂᖓ ᐱᒋᐊᖅᑎᑦᑎᓚᐅᖅᑐᖅ ᖃᐅᔨᒪᔪᕐᔪᐊᓂᒃ ᑕᒪᑐᒥᖓ ᐱᓕᕆᕙᒃᑐᑦ ᓄᓇᒥᒃ ᖃᐅᔨᓴᖅᑎᑦ, ᓯᑯᒥᒃ ᖃᐅᔨᓴᖅᑎᑦ, ᐅᔭᕋᖕᓂᐊᖅᑎᑦ, ᐊᒻᒪᓗ ᐊᕙᑎᒥᒃ ᖃᐅᔨᓴᖅᑎᒻᒪᕇᑦ ᓇᓗᓇᐃᔭᑦᑎᐊᖅᖢᒍ ᖃᐅᔨᓴᖅᓯᒪᔭᑎᒃ ᐊᓯᕈᖅᑐᓂᒃ ᑭᖑᓂᑦᑎᓐᓂ, ᒫᓐᓇ ᐅᓪᓗᒥ, ᐊᒻᒪᓗ ᓯᕗᓂᒃᓴᑦᑎᓐᓂ ᑕᕆᐅᖅ ᓯᑯᖏᑦ ᐊᒻᒪᓗ ᓯᕐᒦᑦ ᐊᐅᔪᐃᑦᑐᑦ, ᐊᒻᒪᓗ ᓄᓇ ᖃᓄᐃᓕᖓᓕᕈᑎᒌᓐᓇᖅᑕᖓ ᐊᓯᔾᔨᕐᒪᑕ ᑕᒪᒃᑯᐊ. ᓯᓚᕐᔪᐊᒥ ᐃᒪᕕᖃᕐᕕᐅᔪᑦ ᐊᑕᔪᑦ ᑕᒪᒃᑯᓄᖓ ᓯᑯᓄᑦ ᐊᒻᒪᓗ ᓄᓇᐅᑉ ᖃᓄᐃᑑᓂᖓ (ᓲᕐᓗ ᐊᓯᕈᖅᐸᑦ ᑕᕆᐅᖅ ᐳᖅᑐᓂᖓ ᑕᐃᒪᓐᓇᐅᓕᕐᓗᓂ ᐊᓯᕈᕐᓂᖏᓐᓄᑦ ᐃᒪᖓᑦᑕᐅᖅ ᐃᒪᕕᑦ ᐊᒻᒪᓗ ᓄᓇ ᐃᕕᖅᓯᒪᓕᕐᓗᓂ ᐊᓯᑦᔨᕐᓂᖓᓄᑦ ᐅᖁᒪᐃᒃᓴᓕᕈᒥ ᐃᒪᖃᓗᐊᓕᕋᒥ ᓯᕐᒥᓂᑦ ᐊᒻᒪᓗ ᓯᑯᓂᑦ).

ᑕᒪᓐᓇ ᐅᖃᖃᑎᒌᒍᑕᐅᔭᕆᐊᖃᖅᑐᖅ ᐊᒻᒪᓗ ᐃᑲᔪᖃᑎᒌᒍᑕᐅᓗᓂ ᐊᕙᑖᓂᑦ ᖃᐅᔨᓴᖅᑏᑦ ᓄᓇᒥᒃ ᑐᑭᓯᑦᑎᐊᕐᓂᐊᕐᒪᑕ ᖃᓄᖅ ᑲᑎᖓᔪᑦ ᐊᒃᑐᐃᓂᖓ ᑕᒪᓐᓇ ᐱᕙᓪᓕᐊᓂᕆᓂᐊᖅᑕᖓ ᑕᒪᐃᓐᓂ ᐊᕕᒃᑐᖅᓯᒪᔪᑦ ᐊᒻᒪᓗ ᓯᓚᕐᔪᐊᓕᒫᖅ. ᑲᑐᔾᔨᓗᑕ, ᖃᐅᔨᓴᕈᑎᑖᑦ ᑕᕆᐅᖅ ᓯᑯᐊᓂᒃ ᖃᓄᕆᑑᖕᒪᖔᑕ, ᓄᓇ ᑎᓯᓂᖓ ᖃᓄᖅ ᑭᐅᓯᕙ ᐊᒻᒪᓗ ᑕᕆᐅᖅ ᐳᖅᑐᓯᕙᓪᓕᐊᓂᖓ ᐃᒥᖅᐸᓪᓕᐊᓂᖓ ᐊᓯᕈᖅᑐᖅ, ᑐᑭᓯᑦᑎᐊᑲᓐᓂᕐᓗᑕ ᖃᓄᖅ ᐅᑭᐅᖅᑕᖅᑐᖅ ᓄᓇᖏᑦ ᑭᐅᓯᖕᒪᖔᑕ ᐊᒻᒪᓗ ᐊᓯᕈᖅᑎᑦᑎᖕᒪᖔᑕ ᓯᓚᕐᔪᐊᖅ ᓯᓚᐅᑉ ᐅᖂᓯᖓ ᐊᒻᒪᓗ ᐃᒪᕖᑦ ᐱᔾᔪᑎᒋᓪᓗᒋᑦ.

ᑕᒪᓐᓇ ᐊᑦᐋᒃᑎᒃ ᑕᕆᐅᖅ ᓯᑯᖏᑦ ᑕᐃᒪᓐᓇᐅᑎᑦᑎᔪᑦ ᑕᕆᐅᖅ ᐃᒻᒥᑲᓐᓂᕐᓗᒋᑦ ᐳᖅᑐᑎᓯᑎᒋᐊᖅᖢᒋᑦ, ᐅᑭᐅᖅᑕᖅᑐᖅ ᐅᓇᑦᑕᐅᖅ ᐊᑐᖅᓯᔪᖅ ᐱᐊᓚᔪᒥᒃ ᐊᖏᔪᒥᒃ ᐊᓯᕈᖅᑐᑦ ᓯᑯᐃᑦ ᐊᕙᑎᖏᑦ. ᐅᓇ ᓯᑯᖃᖅᖢᓂ ᓯᓚᒻᒧᑦ ᓄᓇ ᐳᓪᓚᐃᖔᕋᔭᖅᐳᖅ ᐃᒥᖅᐸᓪᓕᐊᔪᖅ ᐃᓕᓐᓂᐊᖅᑐᑦ ᑲᑎᒪᓪᓗᑎᒃ ᑕᑯᑎᑕᐅᓚᐅᖅᑐᑦ ᐃᒻᒥᖕᓄᑦ ᐊᑕᔪᑦ ᐊᕙᑖᓂᑦ ᐅᑭᐅᖅᑕᖅᑐᖅ ᐊᕕᒃᑐᖅᓯᒪᔪᖏᓐᓂᑦ ᑕᐃᒪᓐᓇᐅᑎᑕᐅᔪᖅ ᐊᓯᕈᖅᖢᑎᒃ ᑕᕆᐅᖅ ᐃᒪᖁᖅᑐᓯᒋᐊᖅᖢᓂ ᐳᖅᑐᓯᒋᐊᖅᖢᓂ. ᐅᖃᐅᑎᔭᐅᑲᓐᓂᖅᑐᑦ ᐊᒃᓱᕉᔾᔭᐅᓪᓗᑎᒃ ᓯᓚᕐᔪᐊᒥ ᓄᓇᖓ ᓯᑯᖃᖅᖢᓂ ᓯᓚᒻᒧᑦ ᓄᓇ ᐳᓪᓚᐃᖔᕋᔭᖅᐳᖅ ᖃᐅᔨᓴᖅᑕᐅᑦᑎᐊᕐᓗᑎᒃ, ᑕᐃᑲᓂ ᐱᕚᓪᓕᕈᑎᖃᕐᓗᑎᒃ ᖃᕆᓴᐅᔭᕐᑎᒍᑦ, ᓈᓴᐅᓯᕆᔾᔪᑎᑦᑎᒍᑦ, ᐊᒻᒪᓗ ᑐᑭᓯᓗᒋᑦ ᓅᑐᐃᓐᓇᕆᐊᖃᓕᖅᑎᓪᓗᒋᑦ ᐊᒻᒪᓗ ᐊᑐᖅᕐᓗᒋᑦ ᑕᒪᐃᓐᓂᓄᑦ ᐊᓐᐋᒃᑎᒃ ᐊᒻᒪᓗ ᐅᑭᐅᖅᑕᖅᑐᖅ ᐊᕕᒃᑐᖅᓯᒪᔪᖏᓐᓂ. ᓇᓗᓇᐃᕐᓗᒋᑦ ᖃᓄᐃᓕᖓᑎᑦᑎᔪᑦ ᐊᒻᒪᓗ ᐊᒃᑐᐃᒐᔭᖅᑐᑦ ᑕᒪᐃᓐᓂᑦ ᑖᒃᑯᐊ ᐃᒻᒥᖕᓄᑦ ᐱᓕᕆᖃᑎᒌᒡᓗᑎᒃ ᑕᐃᒪᓗ ᐃᑲᔪᖃᑎᒌᑦᑎᐊᑲᓐᓂᕐᓗᑎᒃ ᑐᑭᓯᔭᕆᐊᖃᕐᓂᐊᖅᑐᒃ ᐊᕙᑖᓂ ᖃᐅᔨᓴᖅᑎᑦ ᐊᒻᒪᓗ ᐊᐅᓪᓗᑎᓗᒋᑦ ᐊᓐᐋᒃᑎᒃ ᐊᒻᒪᓗ ᐅᑭᐅᖅᑕᖅᑐᖅ ᐊᕕᒃᑐᖅᓯᒪᔪᖏᓐᓂ.

ᑎᓕᔭᐅᓯᒪᓪᓗᑎᒃ ᐊᑐᖅᑕᐅᔭᕆᐊᖃᕐᓂᐊᓕᖅᑐᓄᑦ ᐱᕙᓪᓕᐊᑎᑦᑎᓂᕐᒥ ᐊᒻᒪᓗ ᑐᓂᐅᖃᐃᓂᖅ ᖃᐅᔨᒪᔭᖏᓐᓂᒃ ᐅᑭᐅᖅᑕᖅᑐᖅ ᑲᔾᔨᖏᓐᓂ ᓯᓚᕐᔪᐊᒥ (ᐃᓚᒋᔭᐅᓪᓗᓂ ᐊᓐᐋᒃᑎᑲ ᐊᒻᒪᓗ ᓂᒋᑦᑎᓐᓂ ᐃᒪᕕᒃ), ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᓴᓇᕗᑦ ᐃᑲᔪᕐᓂᖅᓴᐅᕙᓪᓕᐊᓗᑎᒃ ᑲᓇᑕᐅᑉ ᐊᓐᐋᒃᑎᑲ ᖃᐅᔨᓴᖅᑎᓂᑦ. ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᐊᑐᖅᑕᐅᑎᑦᑎᒐᓱᐊᖅᐳᖅ ᑲᓇᑕᐅᑉ ᐊᓐᐋᒃᑎᑲ ᖃᐅᔨᓴᕈᑖᓂᒃ ᑐᓴᕈᒪᓗᑎᒃ ᓯᓚᕐᔪᐊᓕᒫᑎᒎᖓᔪᖅ ᑕᒪᐅᓐᓇ ᑲᔪᓯᑦᑎᐊᖏᓐᓇᕐᓂᐊᕐᒪᑕ ᐱᓕᕆᖃᑎᒌᖕᓂᖏᑦ ᐊᓐᐋᒃᑎᑲ ᖃᐅᔨᓴᖅᑎᒻᒪᕆᖏ, ᐊᐅᓚᑕᐅᓂᖓ, ᐊᒻᒪᓗ ᑐᑭᒧᐊᒃᑎᑦᑎᔨᑦ ᐊᐅᓚᑦᓯᔨᑦ. ᓄᓇᑦᑎᓐᓂᓕ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᓴᓇᖃᑎᖃᖅᑐᑦ ᐊᓯᖏᓐᓂᒃ ᒐᕙᒪᑐᖃᒃᑯᓂ ᐊᐅᓚᑦᓯᕕᖏᓐᓂᒃ ᐊᒻᒪᓗ ᑎᒥᖁᑎᖏᓐᓂᒃ, ᐊᒻᒪᓗ ᑲᓇᑕᒥ ᑲᑎᒪᔨᕋᓛᑦ ᐊᑦᐋᒃᑎᑲ ᖃᐅᔨᓴᖅᑕᐅᓂᖓ, ᑲᒪᒋᔭᐅᓗᑎᒃ ᑲᓇᑕᐅᑉ ᖃᓄᐃᓕᐅᕈᑎᖏᑦ ᐊᑦᓈᒃᑎᑲᒥ. ᐅᓇ ᑐᑭᖃᖅᑐᖅ ᐱᕚᓪᓕᕈᑎᓂᐊᖅᑐᒃᑐ ᑲᓇᑕᐅᑉ ᐃᑲᔫᑎᖏᑦ ᐊᒃᓈᒃᑎᑲ ᖃᐅᔨᓴᖅᑕᐅᓂᖏᓄᑦ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᑲᔪᓯᑎᓐᓂᐊᖅᑕᖓ ᖃᓄᐃᓕᖓᓕᕐᒪᖔᑕ ᐱᓕᕆᐊᕆᓗᒍᑦ ᖃᓄᐃᓕᔪᓐᓴᕐᓂᖓ ᑖᓐᓇ ᐊᒃᓈᒃᑎᑲ ᖃᐅᔨᓴᖅᑕᐅᓂᖓ ᐱᐅᓯᕚᓪᓕᕈᑎᒋᓗᒍ ᑐᒃᓯᑦᑎᐊᕐᓗᒋᑦ ᑕᒪᕐᒥᒃ ᓂᒡᓚᓱᒃᑐᑦ ᓄᓇᐃᑦ ᐊᕕᒃᑐᖅᓯᒪᔪᑦ, ᐊᒻᒪᓗ ᓯᓚᕐᔪᐊᖅ ᐊᒃᑐᖅᑕᐅᓂᖓ ᓯᓚᕐᔪᐊᓕᒫᖅ ᐊᕙᑎᖓ ᐊᓯᕈᕐᒪᑦ, ᓲᕐᓗ ᑕᕆᐅᖅ ᐃᒪᖁᖅᑐᓯᑎᓪᓗᓂ ᐳᖅᑐᓯᕙᓪᓕᐊᓗᓂ, ᑕᐃᒪᓐᓇᐅᑎᑦᑎᓂᐊᖅᑐᑦ ᑕᒪᐃᓐᓂᒃ ᑲᓇᑕᒥᐅᓂᒃ.

ᓄᓇᓕᑦ- ᑕᐃᑰᓇ ᐃᓕᓐᓂᐊᖅᑕᐅᔪᑦ ᓯᓚᐅᑉ ᐅᖂᓯᕙᓪᓕᐊᓂᖓ ᐊᒻᒪᓗ ᐱᕈᖅᑐᑦ ᐊᒻᒪᓗ ᓂᕐᔪᑎᑦ ᐃᓅᓯᖏᑦ ᐱᕈᖅᑐᑦ ᐳᔪᓕᐅᖅᐸᒃᑐᑦ ᖃᓄᐃᓕᑎᑦᑎᕙᒃᐸᑦ ᑎᓴᒪᑦ ᐅᑭᐅᖅᑕᖅᑐᑦ ᐆᒪᔪᓕᒫᖏᑦ ᐊᕙᑎᓕᒫᖏᓪᓗ ᖃᓂᒋᔭᖓᓂ ᐃᖃᓗᒃᑑᑦᑎᐊᖅ, ᑮᓕᓂᖅ, ᓄᓇᕗᑦ

ᑎᑎᕋᖅᑎᑦ

1. ᒍᐃᖕᓄ, ᐅᑭᐅᖅᑕᖅᑐᒥᒃ ᖃᐅᔨᒪᔨᒋᔭᐅᔪᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ, johann.wagner@polar.gc.ca
2. ᐅᓛᔅᓕᓐ, ᐊᐅᓚᑦᓯᕕᖓ ᐆᒪᔪᒫᓄᑦ ᐊᕙᑎᓕᒫᖏᓐᓄᓪᓗ, ᓱᕖᑎᔅ ᐃᓕᓐᓂᐊᕐᕕᒃᔪᐊᖅ ᓄᓇᒥᐅᑕᓕᕆᓂᕐᒧᑦ ᖃᐅᔨᓴᐃᓂᒻᒪᕆᒃ, ᐅᑉᓴᓚ, ᓱᕖᑎᓐ
3. ᓯᒥᑦ, ᐊᐅᓚᑦᓯᕕᖓ ᖃᐅᔨᓴᕐᓂᖅ ᐆᒪᔪᑦ ᑎᒥᖏᓐᓂᒃ, ᐋᕼᐊᔅ ᐃᓕᓐᓂᐊᕐᕕᒃᔪᐊᖅ, ᐅᓛᔅᑭᐅᑎ, ᑎᓐᒫᒃ
4. ᒍᓚᓐᔅᑭ, ᐊᐅᓚᑦᓯᕕᖓ ᓄᓇᕐᔪᐊᖅ ᐊᒻᒪᓗ ᐃᒪᕖᑦ ᖃᐅᔨᓴᖅᑕᐅᓂᖓ, ᐊᐅᓚᑦᓯᕕᖓ ᐆᒪᔪᓕᕆᕆᔨᑦ, ᐃᓕᓐᓂᐊᕐᕕᒃᔪᐊᖅ ᕕᒃᓲᓕᐊ, ᕕᒃᑑᓕᐊ, ᐳᑎᓯ ᑲᓚᑉᐱᐊ, ᑲᓇᑕ
5. ᒥᒃᓕᓐᓇᓐ, ᐅᑭᐅᖅᑕᖅᑐᒥᒃ ᖃᐅᔨᒪᔨᒋᔭᐅᔪᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
6. ᕼᐊᒃ, ᐅᑭᐅᖅᑕᖅᑐᒥᒃ ᖃᐅᔨᒪᔨᒋᔭᐅᔪᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᕕᒡᓄ, J., ᕋᔅᓕᓐ, T., ᔅᒥᑦ, N.M., ᒍᕋᔅᑭ, A., ᒪᒃᓕᓚᓪ, D. ᐊᒻᒪ ᕼᐊᒡ, I. 2020. ᓄᓇᓕᒥ-ᐊᑐᖅᑕᐅᔪᑦ ᓯᓚᓕᕆᓂᖅ ᐆᒪᔪᓕᕆᓂᕐᓗ ᐱᕈᖅᓯᐊᓂᑦ- ᐃᓚᒃᓴᓕᕆᓂᖅ ᑲᑎᖃᑎᒌᖃᑦᑕᖅᑐᑦ ᑎᓴᒪᓂ ᐅᑭᐅᖅᑕᖅᑐᒥ ᐆᒪᔪᑦ ᓇᔪᕐᕕᒋᔭᐅᔪᑦ ᐃᖃᓗᑦᑑᑦᑎᐊᖅ ᖃᓂᐊᓂ, ᕕᒃᑐᐊᕆᔭ ᕿᑭᖅᑕᖓ, ᓄᓇᕗᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 41-47. DOI: 10.35298/pkc.2020.11.ikt

ᑎᑎᕋᖅᓯᒪᔪᖅ

ᕿᓚᒥᑯᓘᒐᓗᐊᖅᑎᓪᓗᒍ ᐱᕈᖅᑎᑦᑎᓇᐅᓂᖓ ᐊᕐᕌᒍᒥ ᐅᑭᐅᖅᑕᖅᑐᒥ, ᐱᕈᖅᑐᑦ ᓄᓇᕋᖅᑖᓲᑦ ᕿᓚᒥᑯᓘᒐᓗᐊᕋᒥ ᐊᐅᔭᖓ. ᓲᕐᓗ “ᕿᓚᒥ ᓄᓇᕋᖃᖅᖢᑎᒃ” ᑕᐃᒪᓗ ᓄᓇᕋᒃᓴᓂᒃ ᓯᐊᒻᒪᐃᓪᓗᑎᒃ ᓇᒧᑐᐃᓐᓇᖅ ᕿᓚᒥᐅᒋᐊᖃᕋᒥᒃ, ᐊᒻᒪᓗ ᐱᓂᖅᓴᐅᓇᓱᒃᓗᒋᑦ ᐊᓯᒥᖕᓂᑦᑕᐅᖅ ᐱᕈᖅᑐᓂᑦ ᑖᒃᑯᐊ ᐱᕈᖅᓯᐊᒃᓴᓕᐊᒥᖕᓄᑦ. ᑕᐃᑲᓂ ᑕᒪᕐᒥᒃ ᐱᕈᖅᑐᓂ, ᐅᓄᕐᓂᖅᓴᐅᒃᐸᑕ ᐅᓄᕐᓂᖅᓴᐅᖅᐸᑕ ᑕᐃᒪᓐᓇᐅᑦᑐᐃᓐᓇᐅᖃᑎᒋᓐᖏᑕᖏᑦ ᐃᓕᖁᓯᖃᑎᒋᓐᖏᑕᖏᑦ ᐱᕈᖅᑐᑦ ᑕᐃᒪᓗ ᒥᑭᓐᓂᖅᓴᐅᔪᓐᓇᖅᑐᖅ ᐳᓗᓕᐊᖓ ᐊᑦᑕᑕᖅᑐᖅ ᐊᑐᓂ ᐱᕈᖅᑐᒧᑦ, ᑕᐃᒪᓗ ᐅᓄᓐᖏᓂᖅᓴᐅᑎᑦᑎᔪᓐᓇᖅᑐᖅ ᐱᕈᖅᓯᐊᒃᓴᖏᓐᓂᒃ ᐊᑐᓂ ᐱᕈᖅᑐᖅ ᑕᐃᑲᓂ ᐊᐅᔭᐅᑎᓪᓗᒍ ᐆᒻᒪᑦᑎᐊᕐᓇᐅᑎᓪᓗᒍ ᐱᕈᖅᑐᓄᒃ. ᐊᕙᑖᓂᑦ ᐱᕈᖅᑐᑦ ᐊᑐᓂ, ᐅᖅᑑᒍᑎᒃ ᐱᕈᖅᑐᑦ, ᐱᑕᖃᕐᓂᖅᓴᐅᔪᓐᓇᖅᑐᑦ ᑕᒪᓐᓇ ᐳᔪᖓ ᐱᕈᖅᓯᓯᐊᒃᓴᓕᐅᖅᑐᖅ ᖁᐱᕐᕈᓂᑦ ᓂᕿᒋᔭᐅᔪᖅ, ᐊᒻᒪᓗ ᐸᐅᖓ ᐱᕈᖅᑐᑦ ᐱᕈᖅᓯᐊᒃᓴᖅ ᐊᒡᔭᖅᑕᐅᓲᖅ ᓂᐱᓪᖢᓂ ᑖᒃᑯᑎᒍᑦ ᐊᓇᓐᖏᖅᑎᒍᑦ ᐃᒍᑦᑕᖅᑎᒍᑦ ᑕᒪᒃᑯᑎᒍᑦ.

ᐅᓇ ᐃᓕᑦᑎᓇᓱᒃᓯᒪᔪᖅ ᐋᕿᒃᓯᔪᒪᓪᓗᑎᒃ ᓴᖕᖏᒃᑎᒋᐊᕈᑎᒃᓴᖏᓐᓄᑦ ᐅᓄᖅᓯᓂᖅᓴᐅᑎᓪᓗᒋᑦ ᑕᐃᒪᓐᓇᐃᑎᑦᑎᔪᑦ ᑖᒃᑯᓂᖓ, ᐊᒻᒪᓗ ᐆᒃᑐᕋᕐᓗᒋᑦ ᖃᓅᑎᒋᕙᑦ ᐊᒃᑐᐃᓂᖏᑦ ᐱᕈᖅᑐᓕᐅᖅᐸᓪᓕᐊᓪᓗᑎᒃ ᖃᑎᖓᐅᕋᒥᒃ. ᑕᐃᑲᓂ ᐱᕈᖅᐸᓪᓕᐊᓇᐅᑎᓪᓗᒍ ᐊᕐᕌᒍᒥ 2019, ᑎᓴᒪᓂ ᐃᓕᑦᑎᓇᓱᒡᕕᖃᓚᐅᖅᑐᑦ ᐃᓂᖃᖅᖢᑎᒃ ᐆᒪᔪᓕᒫᓂᒃ ᐊᕙᑎᓕᒫᖏᓐᓂᒡᓗ ᖃᓄᐃᓕᖓᖕᒪᖔᑕ ᐸᓂᖅᑐᓂ ᐃᒪᖃᓐᖏᑦᑐᓂ ᓄᓇᒥ, ᐃᒪᖅᓱᐃᑦ ᓄᓇᑐᐃᓐᓇᒥ, ᐅᖅᐱᒃᑲᖃᖅᑐᑦ ᓇᐹᖅᑐᐊᓛᑦ, ᐊᒻᒪᓗ ᐊᐳᔾᔭᕆᒃᑐᓂ ᐱᕈᖅᓯᐊᖃᕐᕕᓕᖅᓯᒪᔪᑦ. ᐃᓕᑦᑎᓇᓱᒃᑐᑦ ᓯᓚᐅᑉ ᐅᖂᓯᕙᓪᓕᐊᓂᖓᓂᒃ, ᐆᒪᔪᓂᒃ ᐊᒻᒪᓗ ᐱᕈᖅᑐᓂᒃ ᑕᒪᒃᑯᐊ ᐊᓇᓐᖏᓪᓗ - ᑐᓂᓯᕙᒃᑐᑦ ᐱᕈᖅᓯᐊᒃᓴᓂᒃ ᑎᑎᕋᖅᑕᐅᓯᒪᕗᑦ ᑕᑯᔭᐅᓯᒪᒐᒥᒃ ᐅᐸᒃᑕᐅᓯᒪᓪᓗᑎᒃ ᑖᒃᑯᓇᓂ ᑎᓴᒪᓂ ᐃᓂᖃᕐᕕᒋᔭᒥᖕᓂ, ᑕᐃᑲᓂᓗ ᐊᑐᐃᓐᓇᐅᔪᑦ ᐊᒻᒪᓗ ᐃᓕᑦᑎᓇᓱᒃᑐᑦ ᓯᓚᐅᑉ ᐅᖂᓯᕙᓪᓕᐊᓂᖓᓂᒃ, ᐆᒪᔪᓂᒃ ᐊᒻᒪᓗ ᐱᕈᖅᑐᓂᒃ-ᐱᕈᖅᓯᐊᒃᓴᓕᐅᖅᑐᑦ ᐊᑐᓂ ᐱᓯᒪᔪᓐᓇᖅᑐᖅ ᖃᐅᔨᓇᖅᓯᓚᐅᖅᑐᑦ ᐱᔪᓐᓇᕐᕕᐊᖅᑐᓂᒃ ᑕᐃᑲᖓᑦ ᖃᐅᔨᓴᕐᕕᒋᔭᒥᖕᓂᑦ ᑕᐃᒪᓐᓇᐃᓚᐅᖅᑐᑦ.

ᒪᓕᒃᑳᑦ. ᐅᓇ ᐊᔪᖏᑦᑐᕐᔪᐊᖅ ᓂᕈᐊᖑᓚᐅᖅᑐᖅ ᐅᓄᓛᓂᒃ ᐱᕈᖅᑎᑦᑎᔪᓐᓇᖅᑐᖅ ᐊᒥᓱᓂ ᓯᓚᕐᔪᐊᖅ ᐅᑭᐅᖅᑕᖅᑐᖏᓂ ᑲᔾᔨᖏᓐᓂ ᓄᓇᒥᑦ ᐆᒪᔪᓕᒫᑦ ᐊᕙᑎᓕᒫᖏᓪᓗ. ᖃᐅᔨᓇᓱᒡᓗᑕ ᐱᕈᖅᓯᐊᒃᓴᖓᓂ ᐳᔪᐊᓂᒃ ᐊᑦᑕᑕᓲᖅ ᐊᑐᓂ ᓄᓇᕋᕐᒧᑦ, ᖁᐱᕐᕈᖅ ᖃᖓᑦᑕᕈᓐᓇᐃᓕᕗᖅ ᐊᔾᔨᓕᐅᕆᓪᓗᓂ ᓄᓇᖃᓂᒃ ᐱᒋᐊᖅᑎᑕᐅᓚᐅᕆᕗᖅ ᓄᓇᒥ ᖃᖓᖑᕌᖓᑦ ᐃᓕᔭᐅᕙᒡᖢᑎᒃ ᐊᐅᔭᕈᓵᖅᑎᓪᓗᒍ, ᐱᓂᖅᐸᐅᑎᓪᓗᒋᑦ, ᐊᒻᒪᓗ ᓄᓇᕋᖓ ᑐᖁᓕᓕᖅᑎᓪᓗᒍ, ᐃᓚᒋᔭᐅᔪᖅ ᐱᓇᓱᐊᕈᓯᕐᓄᑦ ᒪᕐᕉᖕᓄᑦ ᓄᓇᕋᖅ ᑐᖁᓕᓕᖅᑎᓪᓗᒍ. ᐃᓄᖕᒥᑦ ᓴᓇᐅᒐᖅ “ᓂᐱᐅᑎᓕᒃ ᓄᓇᕋᖑᐊᖅ” (ᓴᕿᔮᖅᑐᖅ 1) ᓴᓇᔭᐅᓚᐅᖅᑐᑦ ᖃᑯᖅᑕᒥᑦ ᐊᒻᒪᓗ ᖁᖅᓱᖅᑕᒥᑦ ᓂᐱᑦᑕᐅᑎᓕᑦ ᐸᐃᐹᑦ ᓇᑉᐸᖅᓯᒪᓪᓗᑎᒃ ᐅᐊᔭᑯᓗᖕᓂᑦ, ᐊᒻᒪᓗ ᐃᓕᓯᒪᔪᑦ ᒪᓕᒃᑳ ᐱᕈᖅᑐᓂ ᐸᐅᖓᓂᒃ ᐊᑯᖅᓯᓂᐊᕐᒪᑕ ᐱᔪᖓᓂᒃ ᐱᕈᖅᓯᐊᒃᓴᖓᓂᒃ ᕿᓂᖅᑐᓂᒃ ᐱᕈᖅᑐᓗᑦ ᐊᑦᑕᑕᕈᒪᔪᓂᒃ. ᐅᐸᒃᑕᐅᖏᓐᓇᕐᓂᐊᕐᒪᑦ ᖃᐅᔨᒪᔾᔪᑎᖃᕐᕕᒋᓂᐊᖅᑕᕗᑦ ᐊᒃᑐᐃᓂᖓᓂ ᐊᓇᖐᑦ ᑕᒪᒃᑯᐊ ᖁᐱᕐᕈᑦ ᐅᐸᒃᓯᔪᑦ ᐱᕈᖅᓯᐊᒃᓴᖏᓐᓄᑦ ᒪᓕᒃᑳᑦ, ᐸᐅᖓ ᐱᕈᖅᑐᒃᓴᖅ ᐊᕙᓗᓕᖅᓯᒪᓚᐅᖅᑐᖅ ᐱᕈᖅᑐᓕᐅᕐᓂᐊᕐᒪᑕ ᐊᑐᖅᓯᓗᑕ ᑕᐃᑲᓂᑦᑕᐃᓐᓇᐅᑎᓪᓗᒍ ᐊᐅᔭᒥ ᓇᑉᐸᖅᑕᐅᑎᓪᓗᒋᑦ “ᓂᐱᐅᑎᓕᑦ ᓄᓇᕋᖑᐊᑦ.” ᐊᐅᔭᖅ ᐃᓱᓕᑎᓪᓗᒍ, ᐱᕈᖅᓯᐊᒃᓴᖏᑦ ᐃᓗᐊᓃᑦᑐᑦ ᐊᒻᒪᓗ ᓯᓚᑖᓂᓗ ᐃᓕᓯᒪᔭᑦᑎᓐᓂ ᖃᐅᔨᓇᖅᓯᓚᐅᖅᑐᑦ ᓈᓴᖅᖢᒋᑦ ᓄᓇᕋᖏᑦ ᑲᑕᒐᖅᓯᒪᔪᑦ ᐊᔾᔨᒌᓐᖏᑦᑐᓄᑦ ᐱᕈᖅᓯᐊᒃᓴᓄᑦ ᓯᐊᒻᒪᒃᓯᒪᔪᑦ (ᓴᕿᔮᖅᑐᖅ 2). ᐱᒋᐊᓕᓵᖅᑎᓪᓗᑕ ᓈᓴᖅᑕᕗᑦ ᑕᒪᒃᑯᐊ ᕿᒃᑐᕆᐊᑦ ᐊᓯᖏᓪᓗ ᐊᑕᔪᑦ “ᓂᐱᐅᑎᓕᒃ ᓄᓇᕋᖑᐊᖅ” ᓇᓗᓇᕈᓐᓃᖅᑎᑦᑎᓚᐅᖅᑐᑦ ᐅᓄᕐᓂᖅᓴᐅᓕᓲᑦ ᐊᑕᕕᐅᔪᑦ ᐱᕈᖅᑐᒃᓴᓂᒃ ᑖᒃᑯᐊ ᐊᓇᖐᑦ ᐊᓯᖏᓪᓗ ᖁᐱᕐᕈᐃᑦ, ᑕᐃᒪᓗ ᐱᕈᖅᓯᐊᒃᓴᓕᐅᖅᐸᓪᓕᐊᑎᓪᓗᒋᑦ ᐳᔪᖓᓂᑦ ᐅᐸᒃᑕᐅᓲᑦ ᕿᑎᐊᓂ-ᔪᓚᐃ, ᐱᑕᖃᕐᓂᐊᓐᖏᑲᓗᐊᕈᑎᒃ ᒪᓕᒃᑳᑦ ᑕᒪᐃᓐᓂᑦ ᑎᓴᒪᓂᑦ ᐆᒪᔪᓕᒫᑦ ᐊᕙᑎᓕᒫᖏᓪᓗ ᐱᕈᕈᑎᒃᓴᖏᑦ. (ᓴᕿᔮᖅᑐᑦ 3-ᒥᑦ 6-ᒧᑦ).

ᐅᓇ ᓴᓇᔭᐅᔪᖅ ᑲᔪᓯᓂᐊᖅᑐᖅ ᐊᒥᓱᓄᑦ ᐊᕐᕌᒍᓄᑦ, ᑕᐃᒪᓗ ᑕᑯᑎᑦᑎᓂᐊᖅᑐᖅ ᖃᓄᖅ ᓯᓚᐅᑉ ᐅᖂᓯᕙᓪᓕᐊᓂᖓ ᐊᔾᔨᒌᖃᑦᑕᓐᖏᑦᑐᑦ, ᐊᒻᒪᓗ ᓯᓚᐅᑉ ᐅᖂᓯᕙᓕᐊᓂᖓᓄ ᐊᓯᕈᖅᑐᑦ, ᐊᒃᑐᐃᓯᒪᔪᑦ ᖁᐱᕐᕈᓂ ᐊᓇᖏᕐᓂᒃ ᖃᐅᒻᒪᒋᐊᓂᑦ-ᐱᕈᖅᑐᓂᒃ ᐃᒻᒥᖕᓄᑦ ᐱᓕᕆᖃᑎᒌᒃᐸᒍᓯᖏᓐᓂᒃ. ᓄᓇᓖᑦ ᑕᐅᑦᑐᖏᑦ, ᐊᓇᖏᑦ - ᐱᕈᖅᑐᑦ ᖃᖓᑰᖓᔭᕆᐊᖃᕐᓂᖏᓐᓂᒃ ᐊᔾᔨᒌᒍᓐᓃᖅᑎᑦᑎᓯᒪᔪᑦ ᑕᒪᓐᓇ ᓯᓚᐅᑉ ᐅᖂᓯᕙᓪᓕᐊᖓ ᐅᑭᐅᖅᑕᖅᑐᒥ ᐊᖏᔪᒥᒃ ᐊᒃᑐᐃᔪᖅ ᐳᔪᖓᓂᒃ ᐅᑯᐊᓗ ᓂᕿᒋᔭᐅᓪᓗᐊᑕᓲᑦ ᓄᓇᓕᖕᓂᑦ.

ᓄᓇᓕᖕᒥᑦ ᐸᕐᓇᐃᓂᖅ ᓯᕗᓂᒃᓴᒧᑦ: ᐊᐅᓚ-ᒥᑦ ᐃᓕᓐᓂᐊᖅᑎᑦᑎᓂᖅ ᖁᑦᑎᖕᓂᓖᑦ 10-ᒥᑦ 12-ᒧᑦ ᐃᓕᓐᓂᐊᖅᑎᓂᒃ ᑮᓕᓂᒃ ᖁᑦᑎᖕᓂᖅᓴᒥᑦ ᐃᓕᓐᓂᐊᕐᕕᖕᒥᑦ ᐃᖃᓗᒃᑑᑦᑎᐊᖅ, ᓄᓇᕗᒻᒥᑦ

ᑎᑎᕋᖅᑏᒃ

1. ᐊᕇᓇ ᓂᑯᓚᐃᕙ, ᐅᑭᐅᖅᑕᖅᑐᒥᑦ ᖃᐅᔨᒪᓂᖅ ᑲᓇᑕᒥᑦ, ᑲᓇᑕᒥᑦ ᖁᑦᑎᒃᑐᒥᑦ ᐅᑭᐅᖅᑕᖅᑐᒥᑦ ᖃᐅᔨᓴᐃᕝᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ, arina.nikolaeva@polar-polaire.gc.ca
2. ᐊᒻᒪᓗ ᓯᐱᐊᓐᓱ ᑭᓚᖏᓐᐴᔅ (ᒪ ᑭᓕᖕᐳᒃ, ᓯᓚᑦᑐᖅᓴᕐᕕᒡᔪᐊᖅ ᐅᐊᑐᓘ, ᐅᐊᑐᓘ, ᐋᓐᑎᐅᕆᔪ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᓂᑯᓚᕙ, A. ᐊᒻᒪ ᑭᓕᖕᐳᒃ, S. 2020. ᓄᓇᓕᒥ ᐸᕐᓇᓐᓂᖅ ᓯᕗᓂᒃᓴᒧᑦ: ᐊᐅᓚ ᑕᑯᒐᓐᓈᖅᑎᑦᑎᓂᖅ ᐃᓚᒋᓗᒋᑦ ᒍᕆᑦ 10-12 ᐃᓕᓐᓂᐊᖅᑎᑦ ᑮᓕᓂᒃ ᐃᓕᓐᓂᐊᕐᕕᒃ ᐃᖃᓗᑦᑑᑦᑎᐊᖅ, ᓄᓇᕗᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 48-51. DOI: 10.35298/pkc.2020.12.ikt

ᑎᑎᕋᖅᓯᒪᔪᖅ

ᐃᓚᖓᑦ ᐱᔭᒃᓴᐅᑎᒋᔭᖏᑦ ᐅᑭᐅᖅᑕᖅᑐᒥᑦ ᖃᐅᔨᒪᓂᖅ ᑲᓇᑕᒥᑦ-ᑯᑦ (POLAR) “ᖃᐅᔨᒪᓕᖅᑎᑦᑎᓗᓂ ᑲᓇᑕᐅᑉ ᐅᑭᐅᖅᑕᖅᑐᖓᓂᑦ ᐱᐅᓯᒋᐊᕈᒪᑉᓗᒋᑦ ᐱᕈᖅᐸᓪᓕᐊᓂᕐᒧᑦ ᐱᕕᖃᕐᓂᐅᔪᑦ; ᐊᕙᑎᒥᒃ ᑲᒪᒋᔭᖃᕐᓂᕐᒥᒃ, ᐊᒻᒪᓗ ᖃᓄᐃᖏᑦᑎᐊᖁᑉᓗᒋᑦ ᐃᓅᓯᖏᑦ ᓄᓇᓕᖕᒥᐅᑕᐃᑦ ᐊᓯᓗᒃᑖᖏᓪᓗ ᑲᓇᑕᒥᐅᑕᐃᑦ.” POLAR-ᑯᑦ ᓱᓇᑐᐃᓐᓇᓕᕆᓂᕐᒧᑦ ᐊᒻᒪᓗ ᑲᑉᐳᔾᔭᓅᖅᑐᓄᑦ ᖃᐅᔨᓴᐃᓂᕐᒧᑦ ᓯᕗᓪᓕᖅᐸᐅᑎᔪᒪᔭᖏᑦ 2015-2020- ᒧᑦ ᐃᓚᐅᔪᑦ ᓴᖅᑭᑦᑎᓗᑎᒃ ᑭᒡᓕᐅᔪᓄᑦ ᑐᑭᓯᐅᒪᔾᔪᑎᓂᒃ ᐱᓕᕆᐊᕆᓂᐊᕐᓗᒋᑦ ᐅᑭᐅᖅᑕᖅᑐᒥᑦ ᐊᔪᙱᓐᓂᐊᕐᓂᖓ ᐊᒻᒪᓗ ᐱᓕᕆᐊᕆᓗᒋᑦ ᐱᐅᓯᒋᐊᖅᓯᒪᔪᑦ ᖃᓄᐃᖓᓂᐅᔪᑦ, ᓴᓇᔭᐅᓂᖏᑦ, ᐊᒻᒪᓗ ᐱᓕᕆᐊᖑᖃᑦᑕᕐᓂᖏᑦ ᐅᑭᐅᖅᑕᖅᑐᒧᑦ ᓴᓇᔭᐅᓯᒪᔪᑦ ᐱᖁᑏᑦ.

ᑲᑕᒑᕆᕝᕕᒃ (ᓄᕕᐱᕆ) 22, 2019-ᒥᑦ, ᐊᕇᓇ ᓂᑯᓚᐃᕙ (Arina Nikolaeva) ᐊᒻᒪᓗ ᓯᐱᐊᓐᓱ ᑭᓚᖏᓐᐴᔅ (Spencer Klengenberg) ᑲᒪᔭᖃᓚᐅᖅᑐᑦ ᐊᐅᓚ-ᒥᑦ ᐃᓕᓐᓂᐊᖅᑎᑦᑎᓂᕐᒥᑦ ᐃᓕᓐᓂᐊᖅᑎᓄᑦ ᖁᑦᑎᖕᓂᓖᑦ 10-ᒥᑦ 12-ᒧᑦ ᑮᓕᓂᒃ ᖁᑦᑎᖕᓂᖅᓴᒥᑦ ᐃᓕᓐᓂᐊᕐᕕᖕᒥᑦ. ᐱᔾᔪᑎᖃᖅᑐᖅ POLAR-ᒥᑦ ᐊᒻᒪᓗ ᓱᓇᑐᐃᓐᓇᓕᕆᓂᕐᒧᑦ ᐊᒻᒪᓗ ᑲᑉᐳᔾᔭᓅᖅᑐᓄᑦ ᑐᕌᒐᖏᑦ ᐊᒻᒪᓗ ᓯᕗᓪᓕᖅᐸᐅᑎᔭᐅᔪᒪᔪᑦ ᑐᓂᔭᐅᓚᐅᖅᑐᑦ ᓯᐱᐊᓐᓱᒥᑦ. ᑕᑯᕋᓐᓈᖅᑎᑦᑎᓂᕐᒥᑦ ᐃᓚᐅᓚᐅᖅᑐᑦ POLAR-ᑯᑦ ᐱᔭᒃᓴᐅᑎᖏᑦ, ᑐᓂᕐᕈᑎᖃᖅᑐᑦ, ᐅᑭᐅᖅᑕᖅᑐᓗᒃᑖᒥᑦ ᓱᓇᑐᐃᓐᓇᓕᕆᓂᕐᒧᑦ ᐊᒻᒪᓗ ᑲᑉᐳᔾᔭᓅᖅᑐᓄᑦ ᑐᕌᖓᔪᑦ, 2020-2025-ᒥᑦ ᓱᓇᑐᐃᓐᓇᓕᕆᓂᕐᒧᑦ ᐊᒻᒪᓗ ᑲᑉᐳᔾᔭᓅᖅᑐᓄᑦ ᑐᕌᖓᔪᑦ, ᐊᒻᒪᓗ POLAR ᑯᓐᓄᑦ ᑲᒪᒋᔭᐅᔪᖅ ᓱᓇᑐᐃᓐᓇᓕᕆᓂᕐᒧᑦ ᐊᒻᒪᓗ ᑲᑉᐳᔾᔭᓅᖅᑐᓄᑦ ᑐᕌᖓᔪᑦ. ᑕᒡᕙᓂ ᑕᑯᕋᓐᓈᖅᑎᑦᑎᓂᖅ ᐃᓕᓐᓂᐊᖅᑏᑦ ᑐᑭᓯᐊᑎᓐᓂᐊᕐᓗᒋᑦ ᑲᓇᑕᐅᑉ ᖁᑦᑎᒃᑐᒥᑦ ᐅᑭᐅᖅᑕᖅᑐᒥᑦ ᖃᐅᔨᓴᐃᕝᕕᖕᒧᑦ ᐃᓕᓐᓂᐊᕐᕕᖕᒥᑦ ᓄᓇᓕᖓᓐᓂᑦ, ᐊᒻᒪᓗ ᐱᔾᔪᑎᖃᖅᑐᒥᑦ ᑐᕌᒐᐅᔪᓂᒃ ᓱᓇᑐᐃᓐᓇᓕᕆᓂᕐᒧᑦ ᐊᒻᒪᓗ ᑲᑉᐳᔾᔭᓅᖅᑐᓄᑦ ᖃᐅᔨᓴᐃᔩᑦ ᐃᑲᔪᖅᖢᑎᒃ. ᑕᑯᕋᓐᓈᖅᑎᑦᑎᓂᕐᒥᑦ ᐃᓚᐅᓚᐅᖅᑐᑦ ᐆᒃᑑᑕᐅᔪᑦ ᐱᔭᐅᔪᑦ ᓯᐱᐊᓐᓱᒥᑦ ᐊᒻᒪᓗ ᐊᕇᓇᒥᑦ ᓇᖕᒥᓂᖅ ᐊᑐᖅᓯᒪᓂᑯᖏᓐᓂᑦ.

ᑕᑯᕋᓐᓈᖅᑎᑦᑎᓂᖅ ᓄᓇᓕᖕᒧᑦ ᐸᕐᓇᐃᓂᕐᒥᑦ ᐊᕇᓇᒧᑦ ᐱᔭᐅᓚᐅᖅᑐᖅ. ᐱᑕᖃᓚᐅᖅᑐᖅ ᑐᑭᓯᑎᑦᑎᓂᕐᒥᒃ ᓄᓇᓕᖕᒥᑦ ᐸᕐᓇᐃᓂᕐᒧᑦ ᐊᒻᒪᓗ ᐊᔾᔨᒌᙱᑦᑐᑦ ᐊᑉᖁᑎᒋᔭᐅᔪᑦ ᐸᕐᓇᐅᓂᕐᒥᑦ (ᓲᕐᓗ, ᐊᕙᑎᒧᑦ ᐸᕐᓇᐃᓂᖅ, ᓄᓇᓕᖕᒧᑦ ᖃᓄᐃᑦᑐᓕᐊᖅ, ᐊᑐᐊᒐᒥᒃ ᐸᕐᓇᐃᓂᖅ, ᐊᒻᒪᓗ ᓄᓇᒥᒃ ᐊᑐᕐᓂᕐᒧᑦ / ᓄᓇᙳᐊᓕᕆᔾᔪᑏᑦ). ᐃᓕᓐᓂᐊᖅᑏᑦ ᑕᑯᑎᑕᐅᓚᐅᖅᑐᑦ ᐃᓂᓕᐅᖅᓯᒪᔪᓂᒃ ᓄᓇᙳᐊᓂᑦ ᐋᑐᕚᒥᑦ ᐊᒻᒪᓗ ᐃᖃᓗᒃᑑᑦᑎᐊᕐᒥᑦ ᐊᒻᒪᓗ ᐅᖃᓪᓗᕆᒃᓴᐅᑎᓚᐅᖅᑐᑦ ᐊᔾᔨᒌᙱᓐᓂᐅᔪᓂᒃ ᑭᒡᓕᐅᔪᓂᒃ, ᐊᒻᒪᓗ ᓲᖅ ᑭᒡᓕᐅᔪᑦ ᐊᔾᔨᒌᙱᓐᓂᖃᕐᒪᖔᑕ ᐊᑯᓐᓂᖏᓐᓂᑦ ᒪᕐᕉᒃ ᓄᓇᓕᖕᓂᑦ. ᐃᓕᓐᓂᐊᖅᑐᑦ ᑐᑭᓯᑎᑕᐅᓚᐅᖅᑐᑦ ᒍᕆᑕ ᑕᓐᐴᒡ-ᒥᑦ (Greta Thunberg), ᐅᖃᓪᓗᕆᒃᓴᐅᑎᓂᖃᖅᖢᑎᒃ ᓄᓇᓕᒃ ᐃᓚᐅᖃᑕᐅᓂᖓᓄᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᖃᓄᐃᖓᓕᖅᑎᑦᑎᓂᐅᔪᑦ ᐅᑭᐅᖅᑕᒥᑦ ᓄᓇᓕᖕᓄᑦ. ᐃᓕᓐᓂᐊᖅᑏᑦ ᐃᑲᔪᖅᑐᖅᑕᐅᒪᐅᖅᑐᑦ ᐃᓱᒪᒋᔭᖏᓐᓂᒃ ᐊᑐᖁᔭᐅᑉᓗᑎᒃ, ᖃᓄᐃᓕᐅᕆᐊᕐᓗᑎᒃ, ᐊᒻᒪᓗ ᓴᖅᑭᑦᑎᓗᑎᒃ ᐱᑦᑕᐅᔪᒃᑯᑦ ᐊᓯᐊᙳᖅᓯᓂᕐᒥᒃ ᓄᓇᓕᖏᓐᓂᑦ.

ᒪᕐᕉᖕᓂᒃ ᖃᓄᐃᓕᐅᖅᑎᑦᑎᓂᖃᓚᐅᖅᑐᑦ ᐃᓕᓐᓂᐊᖅᑎᓪᓗᒋᑦ:

1. ᐃᖃᓗᒃᑑᑦᑎᐊᖅ 2.0 ᖃᓄᐃᓕᐅᖅᑎᑦᑎᓂᖅ; ᐊᒻᒪᓗ
2. ᓯᕿᓂᕐᒧᑦ ᐃᑯᒻᒪᖅᑯᑎᖃᖅᑎᑕᐅᔪᑦ ᐃᒡᓗᐃᑦ ᐊᒃᑐᐊᔾᔪᑎᔪᓂᒃ ᐆᒻᒪᖅᑎᑦᑎᒋᐊᒃᑲᓐᓂᕐᓂᕐᒧᑦ ᐱᒡᒎᖕᓂᖅ.

ᖃᓄᐃᓕᐅᖅᑎᑦᑎᓃᑦ ᑐᕌᒐᖃᒪᐅᖅᑐᑦ ᑲᑎᑎᓐᓂᐊᕐᓗᒋᑦ ᑕᐅᑐᒐᐅᔪᑦ ᐅᖃᐅᓯᐅᓚᐅᖅᑐᑦ POLAR-ᒧᑦ ᐊᒻᒪᓗ ᓄᓇᓕᖕᒧᑦ ᐸᕐᓇᐃᓂᕐᒧᑦ ᑕᑯᕋᓐᓈᖅᑎᑦᑎᓂᖃᖅᑎᓪᓗᒋᑦ ᐃᓕᓐᓂᐊᖅᑐᑦ ᐃᓱᒪᒋᔭᖃᖅᑎᑕᐅᑉᓗᑎᒃ ᐊᑐᖅᑕᐅᒃᑲᓐᓂᕈᖕᓇᖅᑐᑦ ᐆᒻᒪᖅᑯᑎᒧᑦ ᑲᑉᐳᔾᔭᓅᖅᑐᑦ, ᐊᒻᒪᓗ ᐱᔾᔪᑕᐅᔪᑦ ᐊᒻᒪᓗ ᐃᓱᒫᓘᑕᐅᔪᑦ ᓄᓇᓕᖏᓐᓂᑦ, ᓴᖅᑭᑦᑎᓂᐊᕐᓗᑎᒃ ᐊᔾᔨᐅᖏᑦᑐᓂᒃ ᐋᖅᑭᒃᓯᓂᐅᔪᓂᒃ. ᓯᕿᓂᕐᒧᑦ ᐃᑯᒻᒪᖅᑯᑎᖃᖅᑎᑕᐅᔪᑦ ᐃᒡᓗᐃᑦ ᐊᒃᑐᐊᔾᔪᑎᔪᓂᒃ ᐆᒻᒪᖅᑎᑦᑎᒋᐊᒃᑲᓐᓂᕐᒧᑦ ᐱᓕᕆᐊᖅ ᐱᒡᒎᔾᔪᑕᐅᓕᓚᐅᖅᑐᖅ, ᓵᓚᒃᓴᖅᑐᑦ ᐋᖅᑭᒃᓱᖅᑕᖓ ᑕᒡᕙᐅᔮᓕᖅᑎᑕᐅᑉᓗᓂ ᐊᒻᒪᓗ ᐱᑖᖅᑎᑕᐅᑉᓗ ᓵᓚᖃᕐᓂᕐᒧᑦ. ᖃᓄᐃᖓᔪᑦ ᕿᒥᕐᕈᔭᐅᓚᐅᖅᑐᑦ ᐅᑯᐊ ᐊᑐᖅᖢᒋᑦ:

• ᐃᓂᖃᑦᑎᐊᕐᓂᖓ;
• ᐊᑐᖅᑕᐅᓂᖓ ᐊᑐᖅᑕᐅᒃᑲᓐᓂᕈᖕᓇᖅᑐᖅ ᐆᒻᒪᖅᑯᑎᓄᑦ ᐱᖁᑏᑦ; ᐊᒻᒪᓗ
• ᐊᔾᔨᐅᖏᓐᓂᖓᑕ ᐋᖅᑭᐅᒪᓂᕆᔭᖓ.

ᑭᖑᓂᐊᒍᑦ, ᐊᑕᐅᓯᑐᐃᓐᓇᖅ ᖃᓄᐃᖓᓂᐅᔪᓂᑦ ᓵᓚᒃᓴᖅᑎᑕᐅᓚᐅᖅᑐᖅ, ᑭᓯᐊᓂ ᑕᒪᕐᒥᓗᒃᑖᖅ ᖃᓄᐃᖓᓂᐅᔪᑦ ᐊᔾᔨᒌᓂᒃ ᐊᔾᔨᐅᖏᓐᓂᖃᓚᐅᖅᑐᑦ ᐊᒻᒪᓗ ᐃᓱᒪᒃᓴᖅᓯᐅᕈᑎᑦᑎᐊᕙᐅᑉᓗᑎᒃ.

ᓇᓗᓇᐃᖅᓯᓃᑦ

ᖁᔭᓐᓇᒦᕈᒪᔭᕗᑦ ᑭᕆᔅᑕᕗ ᐋᑯ (Christopher Arko) ᐋᖅᑭᒃᓱᐃᓚᐅᖅᑐᖅ ᐊᒻᒪᓗ ᐱᙳᖅᑎᖦᖢᒋᑦ ᑕᒡᕙᐅᔮᖅᑐᓂᒃ ᓵᓚᒃᓴᖅᑐᖅ ᖃᓂᐃᖓᓂᐅᔪᒥᒃ ᐋᖅᑭᐅᒪᓂᕆᔭᖓᓄᑦ ᓯᕿᓂᕐᒥᑦ ᐃᒡᓗᕐᔪᐊᑦ ᐃᑯᒻᒪᖅᑯᑎᓕᐅᕆᓂᕐᒧᑦ ᐱᓕᕆᐊᕐᒧᑦ, ᕈᐊᐳᑦ ᑯᒃ (Robert Cook) ᐊᒻᒪᓗ ᑯᕆᔅᑕᕗ ᑦᓯᓴᒻ (Christopher Chisholm) ᖃᓄᐃᓕᐅᖅᑎᑦᑎᓂᖏᓐᓄᑦ, ᐊᒻᒪᓗ ᑎᐊᑐᕋ ᐋᓗᒃ ᐊᔾᔨᓕᐅᖅᓯᒪᔪᓄᑦ.

ᑕᒪᕐᒥᒃ-ᐅᑭᐅᖅᑕᖅᑐᖅ ᐱᒋᐊᕈᑎᖓᑦ ᓇᓗᓇᐃᖅᓯᓗᑎᒃ ᐊᕕᒃᑐᖅᓯᒪᔪᓂ ᓯᕗᓪᓕᐅᑎᒋᐊᓕᑦ ᑭᖕᖑᒪᓇᖅᑐᑦ ᓄᑖᓄᑦ ᖃᐅᔨᒪᓇᖅᓯᔪᓄᑦ ᐃᓗᐊᓂ ᐅᑭᐅᖅᑕᖅᑐᖅ ᐊᒻᒪᓗ ᐅᑭᐅᖅᑕᖅᑐᐊ ᑲᓇᑕ

ᑎᑎᕋᖅᑎᑦ

1. ᓕᓪᑕ ᐅᐊᒪᓐ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕ ᖁᑎᒃᑐᕐᒥᐅᑦ ᖃᐅᔨᓴᕐᕕᖓ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ, lynda.orman@polar-polaire.gc.ca
2. ᐋᓐ ᐸᓚᓱᐳᓚᒪᓂᐊᒻ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕ ᖁᑎᒃᑐᕐᒥᐅᑦ ᖃᐅᔨᓴᕐᕕᖓ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
3. ᑖᓄ ᒥᒃᓕᓇᓐ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕ ᖁᑎᒃᑐᕐᒥᐅᑦ ᖃᐅᔨᓴᕐᕕᖓ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᐅᐊᒪᓐ, L., ᐸᓚᓱᐸᒪᓂᐊᒻ, A. ᐊᒻᒪ ᒪᒃᒥᓚᓐ, D. 2020. ᐸᓐ-ᐅᑭᐅᖅᑕᖅᑐᖅ ᐱᒋᐊᕈᑎᑦ ᓇᓗᓇᐃᔭᐃᓂᐊᕐᓗᓂ ᓄᓇᓕᒥ ᓯᕗᓪᓕᐅᑎᑕᐅᔭᕆᐊᖃᖅᑐᓄᑦ ᐱᔭᐅᔭᕆᐊᖃᖅᑐᑦ ᓄᑖᓂᒃ ᖃᐅᔨᒪᔨᓂᑦ ᐅᑭᐅᖅᑕᖅᑐᖅ ᐊᒻᒪ ᐅᑭᐅᖅᑕᖅᑐᖅ ᑲᓇᑕᒥ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 52-57. DOI: 10.35298/pkc.2020.13.ikt

ᑎᑎᕋᖅᓯᒪᔪᖅ

ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᑐᕌᖅᑐᑦ ᖃᐅᔨᒪᓕᕈᒪᓪᓗᑎᒃ ᐅᑭᐅᖅᑕᖅᑐᖅ ᐊᕕᒃᑐᖅᓯᒪᔪᖏᓐᓂᒃ ᑲᔪᖏᑦᑎᐊᖏᓐᓇᕐᓂᐊᕐᒪ ᓯᕗᓂᒃᓴᑦᑎᓐᓂ ᐃᑲᔪᖅᑕᐅᓗᓂ ᐊᒻᒪᓗ ᖃᐅᔨᓴᖅᑕᐅᓚᐅᕐᓗᓂ ᐱᓕᕆᐊᕆᓕᕐᓗᒋᑦ ᐱᔾᔪᑕᐅᔪᑦ ᐅᑭᐅᖅᑕᖅᑐᒧᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓄᑦ ᐊᒻᒪᓗ ᐊᐅᓚᑦᓯᔨᓄᑦ. ᑐᑭᓯᓗᒋᑦ ᐃᓱᒫᓘᑕᐅᓗᐊᖅᑐᑦ ᐊᒻᒪᓗ ᖃᐅᔨᓴᖁᔭᐅᔪᑦ ᐃᓗᐊᓐᓂ ᐅᑭᐅᖅᑕᖅᑐᖅ ᐊᕕᒃᑐᖅᓯᒪᔪᖏᓐᓂ ᐅᓇ ᕿᑎᒋᔭᐅᓂᐊᖅᑐᖅ ᐱᕙᓪᓕᐊᑎᑦᑎᕕᒃᓴᓄᑦ ᓄᑖᓂᒃ ᖃᐅᔨᒪᔭᐅᓕᕐᓂᐊᖅᑐᓂᒃ. ᐱᔾᔪᑎᒋᓪᓗᒍ ᐊᖏᔪᒥᒃ ᐊᒃᑐᖅᑕᐅᔪᑦ ᓱᑲᓕᓗᐊᓕᕐᓂᖓᓄᑦ ᓯᓚᑦᑎᓐᓂ, ᐃᓅᓯᓕᕆᓂᕐᒥ-ᑮᓇᐅᔭᓕᐅᕋᓱᖕᓂᕐᒥ, ᐊᒻᒪᓗ ᐱᐅᓯᑐᖃᑦ ᐊᓯᕈᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᐊᒻᒪᓗ ᐅᑭᐅᖅᑕᖅᑐᑲᓐᓂᕐᒥ ᐊᕕᒃᑐᖅᓯᒪᔪᓂ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᓱᓕ ᐊᖏᖅᓯᒪᑦᑎᐊᖏᓐᓇᖅᑐᑦ ᐱᓕᕆᖃᑎᒋᓗᒋᑦ ᓄᓇᓕᖕᓂ ᑭᒡᒐᖅᑐᖅᑏᑦ ᐊᒻᒪᓗ ᑐᑭᓯᖃᑎᒌᒃᑎᑦᑎᔨᑦ ᓇᓗᓇᐃᖅᓯᓗᑎᒃ ᐊᑑᑎᖃᕐᓂᖅᐹᓂᒃ ᐅᑭᐅᖅᑕᖅᑐᒥᐅᓄᑦ, ᐱᓗᐊᖅᑐᒥ ᑕᒪᐅᒻᓇ ᓄᑖᓂᒃ ᖃᐅᔨᒪᓂᕐᑎᑦᑎᔾᔪᑕᐅᕙᓪᓕᐊᓂᐊᖅᑐᑎᒍᑦ, ᐅᑯᐊᓗ ᑭᖕᖒᒪᓇᖅᑐᑦ ᐃᓱᒪᓕᐅᕆᔨᐅᓂᐊᖅᑐᓗᑦ ᐊᑐᖅᑕᐅᓕᖁᓪᓗᒍ ᐊᒻᒪᓗ ᐊᒃᑐᖅᓯᓗᐊᖅᑎᑦᑎᓂᐊᓐᖏᒻᒪᑕ ᑕᒪᒃᑯᓇᖓᑦ ᐊᓯᕈᖅᑐᓂᑦ.

ᐅᓇ ᐅᓂᒃᑳᖅ ᓇᐃᓈᖅᓯᒪᔪᖅ ᖃᐅᔨᓴᕆᐊᖃᖅᑐᓂᒃ ᑭᖕᖒᒪᓇᖅᑐᓂᒃ ᓄᐊᑕᐅᒋᐊᓕᑦ ᓄᓇᖅᑲᖅᑳᖅᓯᒪᔪᓂᑦ ᓄᓇᓕᖕᓂ ᑭᒡᒐᖅᑐᖅᑎᖏᓐᓂᑦ ᑕᐃᑲᓂ ᓄᐊᑦᑎᕙᓪᓕᐊᓇᐅᑎᓪᓗᒍ ᐱᐅᓛᓂᒃ ᐱᓕᕆᔾᔪᓯᕐᓂᒃ ᐊᒻᒪᓗ ᓄᓇᓕᖕᓂ-ᐃᓂᖃᕐᓗᑎᒃ ᒥᐊᓂᕆᓂᖅ ᐃᓕᓐᓂᐊᕐᓗᑎᒃ ᑲᑎᒪᓗᑎᒃ (ᓴᕿᔮᖅᑐᖅ 1) ᑕᐃᑲᓂ ᐃᖃᓗᒃᑑᑦᑎᐊᖅ, ᓄᓇᕗᑦ ᔮᓄᐊᕆ 2018-ᒥ (ᐅᑭᐅᖅᑕᖅᑐᒥᐅᑕᓕᕆᔨᒃᑯᑦ ᑲᓇᑕ 2020). ᑐᓂᓯᓯᒪᔪᖅᑕᐅᖅ ᐃᓗᐊᓂ ᖃᓄᐃᓕᖓᖕᒪᖔᑕ ᑐᑭᓯᔭᐅᔪᓂᒃ ᑖᒃᑯᐊ ᖃᐅᔨᒋᐊᖅᑕᐅᑲᓐᓂᖅᖢᑎᒃ ᑐᕌᖅᑕᐅᔪᑦ ᐱᓕᕆᖃᑎᒌᖕᓂᑦ ᐅᑭᐅᖅᑕᖅᑐᒥ ᓄᓇᖅᑲᖅᑳᖅᓯᒪᔪᓂᒃ ᐊᐅᓚᑦᓯᔨᖏᓐᓂᒃ ᓇᓂᑐᐃᓐᓇᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ 2019-ᒥᑦ 2020-ᒧᑦ (ᓇᓗᓇᐃᖅᓯᒪᔪᖅ 1). ᐃᓕᓐᓂᐊᖅᖢᑎᒃ ᑲᑎᒪᓪᓗᑎᒃ ᐋᕿᒃᑕᐅᓯᒪᓚᐅᖅᑐᖅ ᑐᑭᓯᓂᐊᕐᒪᑕ ᐱᐅᓛᑦ ᐱᓕᕆᔾᔪᑕᐅᔪᓐᓇᖅᑐᑦ ᓄᓇᓕᖕᓂ-ᐃᓗᐊᓂ ᒥᐊᓂᕆᔾᔪᑕᐅᓂᐊᖅᑐᑦ ᐊᒻᒪᓗ ᖃᐅᔨᓇᓱᒡᓗᑎᒃ ᖃᐅᔨᓴᕆᐊᖃᖅᑐᓂᒃ ᐊᒻᒪᓗ ᒥᐊᓂᕆᔭᕆᐊᖃᖅᑐᓂᒃ ᕿᑎᕐᒥᐅᑦ ᓄᓇᖓᓂ ᓄᓇᕗᒻᒥ. ᐱᔨᑦᑎᕋᕐᒥᔪᑦ ᐱᒋᐊᕈᑎᒃᓴᕆᓪᓗᒋᑦ ᐊᖏᓂᖅᓴᑦ ᐅᖃᖃᑎᒌᒍᑕᐅᓂᐊᕐᒪᑕ ᓯᕗᓪᓕᐅᑎᔭᕆᐊᖃᖅᑐᓂᒃ ᓄᑖᓂᑦ ᖃᐅᔨᔭᐅᔪᓂᒃ ᐊᑑᑎᖃᖅᑐᓂᒃ ᓄᓇᓕᖕᓄᑦ ᓇᓂᑐᐃᓐᓇᖅ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᓕᒫᒥ ᓄᓇᖏᓐᓂ ᑲᓇᑕᒥ. ᖃᐅᔨᓴᕆᐊᖃᖅᑐᑦ ᐊᒻᒪᓗ ᒥᐊᓂᕆᕆᐊᖃᖅᑐᑦ ᓇᓗᓇᐃᖅᑕᐅᓚᐅᖅᑐᑦ ᕿᑎᕐᒥᐅᑦ ᓄᓇᖓᓂ ᓴᕿᑦᑐᑦ ᑭᒡᒐᖅᑐᖅᑎᖏᓐᓂ ᐊᒥᓲᔪᑦ ᖃᐅᔨᔭᐅᔭᕆᐊᖃᖅᑐᑦ ᐅᖃᐅᓯᐅᑎᓪᓗᒋᑦ ᑕᐃᑲᓂ ᐊᔾᔨᒌᓐᖏᑦᑐᓂ ᐊᕕᒃᑐᖅᓯᒪᔪᓂ ᑲᑎᒪᓂᕐᓂ ᑖᒃᑯᐊ ᐊᐅᓚᑦᑎᖃᑎᒌᑦ ᐱᓇᓱᐊᖃᑎᒌᑦ ᐊᒻᒪᓗ ᑲᓇᑕᒥ ᐃᓄᐃᑦ ᖃᐅᔨᓴᖅᑎᑦ ᓯᕗᓕᐅᖅᑎᖏᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᑕᐃᑲᓂ 2019. ᐅᑯᐊ ᑭᓲᓂᖏᓐᓂᒃ ᑎᑎᕋᖅᓯᒪᔪᑦ ᑐᓴᕐᑎᑦᑎᔾᔪᑕᐅᔪᑦ ᓄᓇᓕᖕᓂᑦ ᐃᓱᒫᓘᑕᐅᓪᓗᑎᒃ ᐊᒻᒪᓗ ᐱᔭᐅᔪᒪᔪᑦ ᐅᑭᐅᖅᑕᖅᑐᒥᐅᓂᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔨᖏᓐᓂᑦ, ᖃᓄᐃᓕᖓᓕᕐᒪᖔᑕ ᖃᐅᔨᒋᐊᕐᕕᒋᓂᐊᕐᓗᒋᑦ ᑲᑎᒪᖃᑎᒋᓗᒋᑦ ᐊᐅᓪᓗᑎᔪᑦ ᑕᒪᑐᒧᐊ ᓇᓗᓇᐃᖅᓯᕙᓪᓕᐊᓂᕐᒧᑦ ᑕᒪᐃᓐᓂᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᑭᖕᖑᒪᒋᔭᐅᔪᑦ ᖃᐅᔨᓴᐅᖁᔭᐅᔪᑦ ᐊᒻᒪᓗ ᒥᐊᓂᕆᖁᔭᐅᔪᑦ. ᑕᒪᓐᓇ ᐱᒋᐊᖅᐸᓪᓕᐊᓕᓵᕐᓂᖓᓂ ᓇᐃᓈᖅᓯᒪᔪᑦ (ᓇᓗᓇᐃᖅᓯᒪᔪᖅ 2) ᐅᖃᖃᑎᒌᒍᑕᐅᓚᐅᖅᑐᓂᒃ ᐃᑲᔫᑎᓂᐊᖅᑐᑦ ᐊᐅᓪᓗᑎᓂᐊᖅᑕᖏᓐᓄᑦ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᓴᕿᑦᑎᓗᑎᒃ ᐱᓕᕆᑎᑦᑎᔾᔪᑎᒃᓴᓂᒃ ᐊᒡᒋᖅᑐᓂ ᐃᓗᐊᓂ ᑕᓪᓕᒪᑦ ᐊᕐᕌᒍᑦ, ᑕᒪᕐᒥᒃᓗ ᒪᓕᑦᑎᐊᖅᑐᑦ ᐊᒻᒪᓗ ᓱᓕ ᐃᓂᖃᖅᑐᑦ ᐃᓗᐊᓂ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᑕᒪᐃᓐᓄᑦ ᐋᕿᒃᓯᒪᔾᔪᑎᒃᓴᖏᓐᓄᑦ ᖃᐅᔨᓴᐃᓂᒻᒪᕆᖕᒧᑦ ᑐᕌᖅᑕᖏᓐᓄᑦ, ᑎᑎᕋᖅᓯᒪᔪᑦ ᓇᓗᓇᐃᖅᓯᒪᓪᓗᑎᒃ ᖃᐅᔨᓴᐃᓂᒻᒪᕆᒃ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑦ ᖃᓄᐃᓕᐅᕈᑎᒃᓴᖏᑦ 2020-ᒥᑦ 2025-ᒧᑦ (ᓴᕿᔮᖅᑐᖅ 2).

ᑕᐃᑲᓂ ᐊᑎᖏᓐᓂᒃ ᑎᑎᕋᖅᓯᒪᔪᑦ ᓇᓗᓇᐃᖅᓯᒪᔪᖅ 2 ᖃᓄᖅ ᐳᖅᑐᑎᒋᓂᖏᓐᓂᒃ ᐱᓯᒪᓐᖏᑦᑐᑦ, ᐅᑯᐊ ᐊᑖᓂ ᓯᕗᓪᓕᐅᑎᒋᐊᓕᑦ ᒪᓕᑦᑎᐊᖅᑐᑦ ᐊᔭᐅᕈᑕᐅᔪᓄᑦ ᐱᒻᒪᕆᐅᓛᖑᓂᖏᓐᓂᒃ ᓄᓇᓕᖕᓄᑦ ᓇᓂᑐᐃᓐᓇᖅ ᑲᓇᑕᐅᑉ ᐅᑭᐅᖅᑕᖅᑐᐊᓂ:

• ᑐᒃᑐ ᐅᓄᕐᓂᖏᑦ ᐊᒥᓲᓂᖏᑦ ᐊᒻᒪᓗ ᓇᒧᑦ ᓄᒃᑕᖅᐸᑦ; ᐊᒻᒪᓗ
• ᕿᓚᓗᒐᐃᑦ ᐅᓄᕐᓂᖏᑦ, ᑲᑎᖓᔪᑦ ᖃᑦᓯᐅᓂᖏ, ᓄᒃᑕᖅᑐᑦ, ᓂᕐᔪᑎᑦ ᑎᒥᖏᑦ ᖃᓄᐃᖏᑦᑎᐊᖅᐸᑦ, ᓄᓇ ᐱᒻᒪᕆᐅᔪᖅ ᕿᓚᓗᒐᕐᓄᑦ, ᕿᓚᓗᒐᖅᑐᓲᓄᑦ ᐋᕐᓗᖕᓄᑦ, ᐊᒻᒪᓗ ᓂᕿᒃᓴᑦᑎᐊᕙᖏᓐᓄᑦ.

“ᑎᓕᐅᖅᐸᕗᑦ ᑕᒪᕐᒥᒃ ᖃᐅᔨᓴᖅᑎᒻᒪᕇᑦ ᖃᐅᔨᒪᓂᐊᖅᐳᑎᑦ ᖃᐅᔨᒪᖁᔭᑦᑎᓐᓂᒃ ᐃᓕᑦᓯᓐᓄᑦ... ᐱᔾᔪᑎᒋᓪᓗᒍ ᐊᑐᓂ ᓄᓇᓖᑦ ᑐᑭᒧᐊᒍᑎᖃᖅᐳᑦ ᑕᑯᔪᓐᓇᕐᓂᓕᒫᖏᓐᓂᒃ ᑕᐃᒪᓗ ᐱᒻᒪᕆᐅᔪᐃᓐᓇᐅᕗᑦ ᑖᒃᑯᓄᖓ” – ᔪᐊᔨ ᐊᖑᕼᐃᐊᑐᒃ, ᐃᖃᓗᒃᑑᑦᑎᐊᖅ ᐊᖑᓇᓱᒃᑐᓕᕆᔨᒃᑯᑦ (ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ 2020)”

ᑕᒪᕐᒥᒃ-ᐅᑭᐅᖅᑕᖅᑐᖅ, ᐊᕕᒃᑐᖅᓯᒪᔪᑦ ᐱᓕᕆᖃᑎᒌᒡᓗᑎᒃ ᓯᕗᓪᓕᐅᑎᔭᕆᐊᖃᖅᑐᖅ ᓄᑖᖅ ᖃᐅᔨᒪᔭᐅᓕᖅᑐᖅ ᓴᕿᓪᓗᓂ ᐃᑲᔪᕐᓂᐊᖅᑐᖅ ᑐᑭᒧᐊᒃᑎᑦᑎᔾᔪᑎᒋᔭᐅᓗᓂ ᑖᒃᑯᓇᖓᑦ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᑐᑭᓯᓇᖃᑎᒌᒡᓗᑎᒃ ᑲᓇᑕᒥ ᐊᒻᒪᓗ ᓯᓚᕐᔪᐊᒥ ᖃᐅᔨᓴᖅᑎᓂᒃ ᐱᓇᓱᐊᖃᑎᒌᖕᓂᒃ.

ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᐸᕐᓇᐃᓯᒪᔪᑦ ᑲᔪᓯᓗᓕ ᐱᓕᕆᖃᑎᖃᕐᓂᖓ ᓄᓇᖅᑲᖅᑳᖅᓯᒪᔪᓂᒃ ᑲᑎᒪᔨᓂᒃ, ᐅᑭᐅᖅᑕᖅᑐᒥᐅᓂᒃ, ᐊᒻᒪᓗ ᑲᓇᑕᒥᐅᓂᒃ, ᐱᓗᐊᖅᑐᒥᒃ ᐃᓱᒫᓘᑕᐅᔪᑦ ᐊᒻᒪᓗ ᐱᔭᐅᔪᒪᔪᑦ ᐱᒻᒪᕆᐅᔪᑦ, ᑐᓴᐅᒪᓂᐊᕐᒪᑕ ᓄᑖᓂᒃ ᖃᐅᔨᒪᔭᐅᓕᖅᑐᓂᒃ ᓴᕿᑕᐅᔪᓂ ᑲᓇᑕ ᖁᑎᒃᑐᕐᒥᐅᑦ ᖃᐅᔨᓴᕐᕕᖓᓂ ᐃᖃᓗᒃᑑᑦᑎᐊᕐᒥ, ᓄᓇᕗᑦ ᐊᒻᒪᓗ ᐊᓯᖏᓐᓄᑦ.

ᓇᓗᓇᐃᖅᓯᔪᖅ 1 ᐅᑭᐅᖅᑕᖅᑐᒥ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐱᓕᕆᖃᑎᒌᒡᓗᑎᒃ ᑲᒪᒋᔭᐅᓗᓂ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᑕᐃᑲᓂ 2018-ᒥᑦ 2020-ᒧᑦ ᓇᓗᓇᐃᖅᓯᓗᑎᒃ ᓯᕗᓪᓕᐅᑎᖁᔭᐅᔪᓂᒃ ᖃᐅᔨᒪᔭᐅᓕᕈᒪᔪᓂᒃ ᖃᐅᔨᓴᕐᓂᒃᑯᑦ ᐊᒻᒪᓗ ᒥᐊᓂᕆᓂᒃᑯᑦ ᓇᓂᑐᐃᓐᓇᖅ ᑲᓇᑕᐅᑉ ᐅᑭᐅᖅᑕᖅᑐᐊᓂ (ᓴᕿᔮᖅᑐᖅ 3).

ᓇᓗᓇᐃᖅᓯᔪᖅ 2: ᓴᖅᑭᕙᓪᓕᐊᔪᑦ ᐸᓐ-ᐅᑭᐅᖅᑕᖅᑐᖅ, ᓄᓇᓕᒥ ᓱᓇᒃᑯᑖᓂᒃ ᖃᐅᔨᓴᕐᓂᖅ ᐊᒻᒪ ᖃᐅᔨᓴᓂᕐᒧᑦ ᓯᕗᓪᓕᐅᑎᑕᐅᔭᕆᐊᖃᖅᑐᑦ, 2018-2020.

ᓴᖅᑭᕙᓪᓕᐊᔪᑦ ᓄᓇᓕᒥ ᓱᓇᒃᑯᑖᓂᒃ ᖃᐅᔨᓴᕐᓂᖅ ᐊᒻᒪ ᖃᐅᔨᓴᓂᕐᒧᑦ ᓯᕗᓪᓕᐅᑎᑕᐅᔭᕆᐊᖃᖅᑐᑦ

• ᑐᒃᑐᐃᑦ ᐊᒥᓲᓂᖏᑦ ᐊᒥᓲᕙᓪᓕᐊᔪᑦ ᐊᒻᒪ ᐃᖏᕐᕋᓂ ^{1 2 3 4 5 6 7 8 9 10 11 12 14}
• ᕿᓚᓗᒐᐃᑦ ᐊᒥᓲᓂᖏᑦ, ᐊᒥᓱᑦ, ᐃᖏᕐᕋᓂᖅ, ᐆᒪᔪᓄᑦ ᐋᓐᓂᐊᖅᑕᐃᓕᒪᓂᖅ, ᓇᔪᕐᕕᒋᔭᐅᔪᑦ ᐱᒻᒪᕆᐅᔪᑦ ᕿᓚᓗᒐᓄᑦ, ᓂᕿᒃᓴᖅᓯᐅᖅᑎᑦ ᐋᕐᓗᖅ, ᐊᒻᒪ ᓂᕿᓄᑦ ᐊᑦᑕᕐᓇᖅᑕᐃᓕᒪᓂ ^{2 3 5 6 8 9 10 12 14}
• ᐅᒥᐊᕐᔪᐊᓕᕆᓂᖅ (ᐊᖏᔪᑦ ᐊᒻᒪ ᒥᑭᔪᑦ ᐅᒥᐊᕐᔪᐊᑦ) ᐊᒻᒪ ᖃᓄᐃᓕᐅᕈᑎᒋᔭᖏᑦ ᑕᕆᐅᒥ ᐆᒪᔪᓂᑦ ᓇᔪᕐᕕᒋᔭᐅᔪᓂ ^{1 2 3 4 6 14}
• ᓇᓄᐃᑦ ᐊᒥᓱᑦ, ᑐᓂᐅᖅᑲᕐᓂᖅ, ᐊᒻᒪ ᐊᐅᓚᑦᑎᓂᕐᒧᑦ ᐊᑲᐅᙱᓕᐅᕈᑕᐅᔪᑦ ³ ᐊᒃᖤᐃᑦ ^{3 4} (ᐅᐊᓕᓂᖅ ᕿᑎᕐᒥᐅᑦ), ᓇᓄᐃᑦ (ᕿᑭᖅᑖᓗᒃ ᐅᑭᐅᖅᑕᖅᑐᖅ) ᐊᒃᖤᐃᑦ ᕿᕐᓂᖅᑕᑦ (ᓄᓇᑦᓯᐊᕗᑦ)) ^{1 2 3 4 5 6 14}
• ᑐᒃᑐᐃᑦ ᓯᕗᓂᒥ ᑭᖑᕚᕗᑦ - ᐱᓯᒪᑦᑎᓂᖅ ᐊᒻᒪ ᓴᐳᒻᒥᓂᖅ ᓄᓇᓂᒃ ᐃᓚᒋᓗᒋᑦ ᑕᕆᐅᖅ-ᓯᑯ ᐃᑳᕐᕕᑦ ᐳᐃᓯᓄᑦ ᐊᒻᒪ ᔪᓂᐊᓐ ᑐᒃᑐᓄᑦ ^{2 4}; ᐊᒻᒪ ᐳᑎᐊ ᐃᒪᖓᓂ ^{6 14}
• ᑕᕆᐅᒥ ᐆᒪᔪᓄᑦ ᓇᔪᕐᕕᑦ ᐆᒪᔪᓕᕆᓂᖅ, ᐱᓯᒪᑦᑎᓂᖅ ᐊᒻᒪ ᓴᐳᒻᒥᔭᐅᔪᑦ ᓇᔪᕐᕖᑦ ^{2 5 6 8} ᐃᒻᒪᑉᐱᕗᑦ (ᑕᕆᐅᕗᑦ) ᑕᕆᐅᖅ ᓴᐳᒻᒥᔭᐅᔪᑦ ᓇᔪᕐᕖᑦ ^{11 12 14}
• ᑐᐊᕕᕐᓇᖅᑐᒃᑯᑦ ᑭᐅᔾᔪᑎᒃᓴᐃᑦ, ᐱᓕᒻᒪᒃᓴᕐᓂᖅ (ᐅᖅᓱᐊᓗᒃ ᑯᕕᔪᑦ, ᓄᓇᓕᒥ ᕿᓂᖅᑎᑦ) ^{1 2 3 4 5 6 7 8 14}
• ᐃᒪᓕᕆᓂᕐᒧᑦ ᐊᓯᙳᖅᑐᑦ ᑰᖕᓂ ᐊᒻᒪ ᑕᓯᕐᓂ (ᑕᓰᑦ ᐸᓂᖅᐸᓪᓕᐊᔪᑦ; ᐃᒪᑭᑦᑐᑦ ᐃᖃᓗᐃᑦ ᐱᐊᓛᕐᕕᖏᓐᓂ ᑰᑦ, ᑭᒡᓕᒋᔭᐅᔪᑦ ᐱᐊᓛᕐᕕᖏᓐᓄᑦ ᐃᖏᕐᕋᓂᖅ (ᐃᖃᓗᒃᐱᒃ)) ^{1 3 5 14}
• ᐃᖃᓗᒃᐱᒃ ᐊᒻᒪ ᐊᓯᖏᑦ ᐃᖃᓗᐃᑦ ᐊᒥᓲᓂᖏᑦ ᐊᓯᙳᖅᐸᓪᓕᐊᔪᑦ ᐊᒻᒪ ᐋᓐᓂᐊᖅᑕᐃᓕᒪᓂᖅ ^{1 3 4 5 14}
• ᐊᓯᙳᖅᐸᓪᓕᐊᔪᑦ ᓯᑯ ᖃᓄᐃᓐᓂᕆᔭᐅᔪᑦ ᑕᕆᐅᒥ, ᑕᓯᕐᒥ (ᕿᕿᕙᓪᓕᐊᔪᑦ, ᐊᐅᒃᓯᖅᐸᓪᓕᐊᔪᑦ) ^{1 3 4 14}
• ᐃᒪᑦᑎᐊᕙᒃ ᖃᓄᐃᓐᓂᖏᑦ ᐊᒻᒪ ᐃᒥᒧᑦ ᐃᒥᖅ ᓱᕋᕐᓇᖅᑐᑦ ᐃᓚᒃᓴᓂᑦ ᖃᐅᔨᓴᕐᓂᖅ ᐊᒻᒪ ᓴᓗᒻᒪᖅᓴᐃᓂᖅ ^{1 2 3 4 5 14} 
• ᐊᐳᑎ ᖃᓄᐃᓐᓂᖏᑦ - ᐊᔾᔨᒌᙱᑦᑐᑦ ᐊᐳᑎᑦ, ᐅᕝᕙᓘᓐᓃᑦ ᐱᖃᓗᐊᙱᓐᓂᖏᑦ ^{1 3 6} (ᐊᐳᑎ ᖃᓄᐃᓐᓂᖏᑦ ᐊᑲᐅᙱᓕᐅᕈᑕᐅᔪᑦ ᐊᓄᕆᒧᑦ ᐊᐳᑕᐃᔭᖅᑐᑦ/ᐊᐳᑎᑕᖃᓗᐊᙱᑐᖅ ᒫᓐᓇᓵᖅ ᐊᒥᓲᙱᑦᑐᑦ ᐅᑭᐅᑦ ᑭᖑᓂᐊᓂ) ^{3 5 6 14}
• ᓂᕿᒃᓴᓯᐅᖅᑐᑦ-ᐆᒪᔪᑦ ᐊᓯᙳᖅᐸᓪᓕᐊᔪᑦ ᑐᒃᑐᐃᑦ (ᐊᒪᕈᐃᑦ, ᐊᒃᖤᐃᑦ, ᖃᕝᕖᑦ, ᖁᐱᕈᐃᑦ) ^{2 3 4 8 14}
• ᐱᕈᖅᐸᓪᓕᐊᔪᑦ ᐆᒪᔪᑦ (ᐱᕈᖅᓯᐊᑦ, ᓄᑖᑦ ᖁᐱᕐᕈᐃᑦ, ᐊᕐᕖᑦ) ^{2 3 4 12 14}
• ᐊᓯᙳᖅᐸᓪᓕᐊᔪᑦ ᓇᐹᖅᑐᑦ ᐃᑭᔪᑦ ᖃᓄᐃᓐᓂᖏᑦ ᐊᒻᒪ ᐱᓗᐊᒃᑲᓐᓂᖅᓯᒪᔪᑦ (ᓯᓚ ᐊᓯᙳᖅᐸᓪᓕᐊᓂᖓ) ^{1 7 11 14}
• ᐆᒻᒪᖅᑯᑎᒧᑦ ᐊᑲᐅᓈᖅᑎᑦᑎᓂᖅ, ᐊᑭᖏᑦ, ᓄᓇᓕᒥ ᐃᓱᒪᒃᓱᕐᓂᖅ ^{1 7 14}
• ᐅᑭᐅᖅᑕᖅᑐᒥ ᓴᓇᕝᕕᓄᑦ ᓄᑖᓂᒃ ᐃᓱᒪᒃᓴᖅᓯᐅᕐᓂᖅ, ᓴᖅᑭᑎᑦᑎᓂᖅ ᐊᒻᒪ ᐊᑲᐅᓈᖅᑎᑦᑎᓂᖅ ^{1 7 14}
• ᐊᓯᙳᖅᐸᓪᓕᐊᔪᑦ ᐃᒪᙳᖅᐸᓪᓕᐊᔪᑦ ^{1 7 8 14}
• ᐃᒪᒥ ᕿᕿᓱᐃᑦᑐᒥ ᐆᒪᔪᓕᕆᓂᖅ, ᐊᕙᑎᓕᕆᓂᕐᒧᑦ ᓱᓇᒃᑯᑖᓂᒃ ᖃᐅᔨᓴᕐᓂᖅ ᐊᒻᒪ ᖃᐅᔨᓴᓂᕐᒧᑦ ᐊᑐᖅᑕᐅᑎᓪᓗᒍ ᓯᓚ ᐊᓯᙳᖅᐸᓪᓕᐊᓂᖓᓂ ^{1 9 14}
• ᓯᓚ ᐊᓯᙳᖅᐸᓪᓕᐊᓂᖓᓄᑦ ᓱᓇᒃᑯᑖᓂᒃ ᖃᐅᔨᓴᕐᓂᖅ ᐊᒻᒪ ᖃᐅᔨᓴᕐᓂᖅ ^{1 8 9 11 14}
• ᓄᓇ ᐊᐅᓱᐃᑦᑐᖅ ᓱᓇᒃᑯᑖᓂᒃ ᖃᐅᔨᓴᕐᓂᖅ, ᖃᐅᔨᓴᕐᓂᖅ, ᓱᖏᐅᑎᓂᖅ ᐊᒻᒪ ᐱᓯᒪᑦᑎᓂᖅ ^{1 13 14}

ᓇᓗᓇᐃᔭᐃᓂᖅ: ᕿᑎᕐᒥᐅᑦ ᓄᓇᓕᖓᓂ ᓯᕗᓪᓕᐅᑎᑕᐅᔭᕆᐊᖃᖅᑐᑦ ᐅᖓᕙᕆᐊᖅᑕᐅᓚᐅᖅᑐᑦ ᒪᓕᓪᓗᒋᑦ ᖃᓄᐃᓕᐅᖁᔭᐅᓂᖅ ᐹᓐ- ᐅᑭᐅᖅᑕᖅᑐᖅ ᑲᑎᖃᑎᒌᓐᓂᖅ (ᐃᓚᒋᐊᖅᑕᐅᔪᑦ ᑕᑯᒃᓴᐅᔪᑦ ᑎᑎᕋᖅᓯᒪᔪᑦ ᖁᓛᓂ). ᑲᑎᖃᑎᒌᓐᓂᖅ ᑲᔪᓯᔪᑦ ᓄᓇᖃᖅᑳᖅᓯᒪᔪᑦ ᒐᕙᒪᐃᑦ ᑎᒥᒋᔭᐅᔪᓂᑦ ᐊᒻᒪ ᑲᑐᔾᔨᖃᑎᒌᑦ (ᐃᓄᐃᑦ, ᓄᓇᖃᖅᑳᓯᒪᔪᑦ, ᐊᓪᓚᐃᑦ), ᐅᑭᐅᖅᑕᖅᑐᒥᐅᑕᐃᑦ, ᒐᕙᒪᕐᔪᐊᒃᑯᑦ, ᓄᓇᓖᑦ, ᓄᓇᓖᑦ ᐊᕕᒃᓯᒪᔪᑦ ᒐᕙᒪᐃᑦ (ᔫᑳᓐ ᓄᓇᖓ, ᓄᓇᑦᑎᐊᕗᑦ, ᓄᓇᕗᑦ, ᓄᓇᕕᒃ, ᓄᓇᑦᓯᐊᕗᑦ), ᐅᑭᐅᖅᑕᖅᑐᒥ ᓄᓇᓖᑦ ᐊᒻᒪ ᖁᑦᑎᑦᑐᒃᑯᑦ ᑲᑐᔾᔨᖃᑎᒌᑦ.

ᐱᕝᕕᐅᖃᑦᑕᖅᑐᑦ

• ᑲᓇᑕᒥᑦ ᐅᑭᐅᖅᑕᖅᑐᒥᑦ ᖃᐅᔨᒪᓂᖃᖅᑐᓕᕆᔨᒃᑯᑦ (Polar Knowledge Canada), 2020. ᑲᑎᖅᓱᐃᓂᖅ ᐱᐅᓂᖅᐹᓂᒃ ᐊᑐᖅᑕᐅᔪᓂᑦ ᓄᓇᓕᒥ- ᑐᙵᕝᕕᒃ ᖃᐅᔨᓴᕐᓂᕐᒧᑦ ᑕᑯᒐᓐᓈᖅᑎᑦᑎᓂᖅ. ᐋᖅᑭᒃᑕᐅᓯᒪᔪᑦ ᐅᓂᒃᑳᓕᐊᑦ.
• ᑲᓇᑕᒥᑦ ᐅᑭᐅᖅᑕᖅᑐᒥᑦ ᖃᐅᔨᒪᓂᖃᖅᑐᓕᕆᔨᒃᑯᑦ (Polar Knowledge Canada), 2020. ᓱᓇᒃᑯᑖᓂᒃ ᖃᐅᔨᓴᕐᓂᖅ ᐊᒻᒪ ᖃᕋᓴᐅᔭᓕᕆᓂᕐᒧᑦ ᐱᓕᕆᐊᒃᓴᐃᑦ, 2020-2025.
• ᑲᓇᑕᒥᑦ ᐅᑭᐅᖅᑕᖅᑐᒥᑦ ᖃᐅᔨᒪᓂᖃᖅᑐᓕᕆᔨᒃᑯᑦ (Polar Knowledge Canada), 2020. ᓄᓇᓕᒥ ᐸᕐᓇᐅᑎᑦ ᐊᒻᒪ ᖃᐅᔨᒪᔨᑦ ᑐᓴᐅᒪᖃᑦᑕᐅᑎᓂᕐᒧᑦ ᑕᑯᒐᓐᓈᖅᑎᑦᑎᓂᖅ - ᐋᖅᑭᒃᓱᐃᓂᖅ ᑐᙵᕝᕕᓴᒥᑦ ᐃᑉᐱᒋᑦᑎᐊᕐᓂᕐᒧᑦ ᐃᑲᔪᖅᑎᒌᓐᓂᑦ, ᒪᔨ 10-11, 2020, ᑲᓇᑕ ᖁᑦᑎᑦᑐᒥ ᐅᑭᐅᖅᑕᖅᑐᖅ ᓱᓇᒃᑯᑖᓂᒃ ᖃᐅᔨᓴᖅᑐᓕᕆᕝᕕᒃ, ᐃᖃᓗᑦᑑᑦᑎᐊᖅ, ᓄᓇᕗᑦ, ᑲᓇᑕ.

ᑭᑎᕐᒥᐅᑦ ᖃᕐᕕᒃ ᒥᐊᓂᕆᔭᐅᓂᖏᑦ: ᐸᒡᕕᓐᖏᑦᑐᓂᒃ ᐊᒻᒪᓗ ᓄᓇᓕᖕᓂᐱᓯᒪᔪᑦ ᐃᖏᕐᕋᓯᑎᑕᐅᓯᒪᔪᑦ

ᑎᑎᕋᖅᑎ

1. ᐊᒍᐊᓐ, ᐊᕙᑎᓕᕆᔨᒃᑯᑦ, ᓄᓇᕗᑦ ᒐᕙᒪᒃᑯᑦ, ᓄᓇᕗᑦ, ᑲᓇᑕ; ᖁᕐᓗᖅᑑᖅ ᐊᖑᓇᓱᒃᑎᑦ ᑲᑐᔾᔨᖃᑎᒌᑦ, ᐊᖑᓇᓱᑐᓕᕆᔨᒃᑯᑦ; mawan@gov.nu.ca

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᐊᕙᓐ, M. 2020. ᕿᑎᕐᒥᐅᑦ ᖃᕝᕕᓂᑦ ᖃᐅᔨᓴᕐᓂᖅ: ᑲᐱᔭᐅᒋᐊᖃᙱᑦᑐᒃᑯᑦ ᐊᒻᒪ ᓄᓇᓕᒥ-ᑐᙵᕝᕕᒃ ᐃᓱᒪᒃᓴᖅᓯᐅᕐᓂᖅ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 58-61. DOI: 10.35298/pkc.2020.14.ikt

ᑎᑎᕋᖅᓯᒪᔪᖅ

ᖃᕐᕕᑦ ᐱᒻᒪᕆᐅᔪᑦ ᐱᐅᓯᖏᓐᓄᑦ ᐊᒻᒪᓗ ᑮᓇᐅᔭᓕᐅᕈᑕᐅᕙᒃᑐᑦ ᐱᐅᓯᑐᖃᕆᓪᓗᒋᑦ ᐊᖑᓇᓱᒃᑕᐅᓲᑦ ᓂᕿᒋᓪᓗᒋᑦ ᐃᓄᖕᓂᑦ. ᐅᓇ ᐅᓂᒃᑳᖅ ᐅᖃᐅᓯᖃᖅᑐᖅ ᖃᐅᔨᓴᖅᓯᒪᔪᓂᑦ ᑐᑭᓯᓇᖅᓯᔪᓂᒃ ᑖᒃᑯᓂᖓ ᖃᕐᕕᑦ ᐊᐅᖏᑦᑎᒍᑦ ᑭᒃᑰᖕᒪᖔᑕ ᖃᐅᔨᓇᓱᒃᐳᑦ ᐃᓕᑦᑎᓇᓱᒡᖢᑎᒃ ᖃᓂᒋᔭᖓᓂ ᓇᐹᖅᑐᓕᒃ ᑕᓯᖅ, ᕿᑎᕐᒥᐅᑦ ᓄᓇᖓᓂ, ᓄᓇᕗᑦ, ᓴᕿᑦᑎᓪᓗᑎᒃ ᖃᐅᔨᒪᔾᔪᑎᒋᓂᐊᖅᑕᒥᖕᓄᑦ ᖃᓄᖅ ᐅᓄᖅᑎᒋᖕᒪᖔᑕ ᐊᒻᒪᓗ ᓇᒧᖔᓯᒪᖕᒪᖔᑕ ᐊᑯᓂᐅᔪᒃᑯᑦ ᐊᕕᒃᑐᖅᓯᒪᔪᖏᓐᓂ ᒥᐊᓂᕆᔭᐅᓗᑎᒃ. ᐊᒻᒪᓗ, ᒥᐊᓂᕆᔭᐅᓗᑎᒃ ᖃᕐᕕᑦ ᐱᒻᒪᕆᐅᖕᒪᑕᑦᑕᐅᖅ ᓂᕿᖃᖅᑐᑦ ᑖᒃᑯᓂᖓ ᖃᐅᔨᓴᖅᑕᐅᓗᑎᒃ ᐊᖅᒪᓗ ᐊᐅᓚᑦᑎᔾᔪᑎᒃᓴᓂᒃ ᑐᓴᕐᑎᑦᑎᓂᐊᕐᓴᑲ ᑐᒃᑐ ᖃᓄᖅ ᐊᐅᓚᑕᐅᔪᓐᓇᕐᓂᖏᓐᓂᒃ. ᖃᕐᕖᑦ ᑎᑎᕋᖅᓯᒪᑦᑎᐊᖅᑐᑦ ᐆᒪᔪᓕᒫᑦ ᐃᓱᒫᓗᒋᔭᐅᑎᓪᓗᒋᑦ ᓄᖑᑕᐅᓕᕐᒪᖔᑕ ᒐᕙᒪᑐᖃᒃᑯᓂᑦ ᐆᒪᔪᑦ ᐃᓅᓴᓕᓗᐊᖁᓇᒋᑦ ᐱᖁᔭᕐᔪᐊᖅ ᐊᒻᒪᓗ ᐱᒻᒪᕆᐅᔪᑦ ᐱᐅᓯᑐᖃᕐᓄᑦ ᐊᒻᒪᓗ ᑮᓇᐅᔭᓕᐅᕈᑕᐅᔪᑦ ᐃᓄᐃᑦ ᐊᖑᓇᓱᖃᑦᑕᖅᖢᒋᑦ. ᐅᓇ ᐱᓕᕆᐊᖑᔪᖅ ᐃᑲᔪᖃᑎᒌᒍᑕᐅᓪᓗᓂ ᖁᕐᓗᖅᑑᖅ (ᐊᖑᓇᓱᒃᑎᑦ ᑲᑐᔾᔨᖃᑎᒌᑦ) ᐊᖑᓇᓱᒃᑐᓕᕆᔨᒃᑯᓂᒃ.

ᐊᐅᖏᑦᑎᒍᑦ ᓇᑭᐋᖔᖅᓯᒪᖕᒪᖔᑕ ᐊᑐᖅᑕᐅᓚᐅᖅᑐᖅ ᓇᓗᓇᐃᖅᖢᒋᑦ ᐊᑐᓂ ᖃᕐᕕᑦ ᐊᒻᒪᓗ ᐊᖑᑕᐅᖕᒪᖔᑕ ᐊᕐᓇᐅᖕᒪᖔᑕ ᐊᒥᖏᓐᓂᑦ ᖃᐅᔨᓴᕈᑎᑖᖅᖢᑕ ᑕᒪᓐᓇ ᐱᓕᕆᐊᖑᓚᐅᖅᑐᖅ ᐸᒡᕕᓂᖃᕋᑦᑕ ᓂᕐᔪᑎᓂᒃ ᖃᐅᔨᓴᖅᑎᒻᒪᕆᒃᑎᒍᑦ ᐱᓕᕆᖑᐊᑐᐃᓐᓇᖅᓯᒪᕗᖅ ᐊᒻᒪᓗ ᖃᓄᐃᓕᐅᕆᐊᖃᖅᑐᑦ ᐱᔭᕆᐊᑭᒡᓕᑎᑕᐅᓯᒪᓪᓗᑎᒃ ᓄᓇᓕᖕᓂ ᐊᖑᓇᓱᒃᑎᓂᒃ ᐊᓯᕙᖅᑎᓐᓂᑦ. ᒫᑦᓯᒥᓂᑦ ᑎᑭᓪᓗᒍ ᐊᑖᓄᑦ ᐊᐃᕆᓕ 2018 ᐊᒻᒪᓗ 2019, ᐅᑯᐊ ᓄᓇᒥ ᐱᓇᓱᐊᖃᑎᒌᑦ ᖃᐅᔨᓴᕈᑎᑖᓚᐅᖅᑐᑦ ᑕᒫᖓ ᑎᑭᐅᑐᓐᓇᖅᑕᒥᒍᑦ 154 ᓇᑉᐸᖅᓯᒪᔭᒥᖕᓂᑦ ᑐᒃᑐᓪᓗ (ᑐᒃᑐᐃᑦ) ᐊᒻᒪᓗ ᐅᒥᖕᒪᐃᑦ (ᐅᒥᖕᒪᐃᑦ) ᐃᐱᖅᖢᒋᑦ ᓂᑭᖏᑦᑎᒍᑦ ᐊᒻᒪᓗ ᓇᐃᒪᑎᓪᓗᒋᑦ. ᐅᑯᐊ ᐃᓂᓕᐅᖅᓯᒪᔪᑦ ᐊᖏᑎᒋᓚᐅᖅᑐᑦ 5 x 5 ᑭᓚᒦᑕᐅᑦᑕᖅᑐᑦ (ᓲᕐᓗ, 25 ᑭᓚᒦᑐᔅ²) ᐊᕙᓗᓕᐅᖅᓯᒪᔪᑦ ᐱᖓᓱᑦ 10-ᐅᓪᓗᓄᑦ ᐱᓕᕆᐊᕆᓪᓗᒋᑦ ᐃᓗᐊᓂ 4,000 ᑭᓚᒦᑕᔅ² ᐊᕙᓗᐊ ᐅᐊᖕᓇᖓᓂ ᐱᓇᖕᓇᖓᓄ ᓇᐹᖅᑐᓕᒃ ᑕᓯᖅ.

ᑲᑎᓪᖢᒋᑦ, 22 ᖃᕐᕕᑦ (11 ᐊᕐᓇᐃᑦ : 11 ᐊᖑᑎᑦ) ᓇᓂᔭᐅᔪᑦ ᑕᐃᑲᓂ 2018 ᐊᒻᒪᓗ 27 ᖃᕐᕕᑦ ᑕᐃᖃᓂ 2019 (13 ᐊᕐᓇᐃᑦ : 14 ᐊᖑᑎᑦ), ᐃᓚᒋᔭᐅᓪᓗᑎᒃ 10 ᐊᑕᐅᓯᐅᑦᑕᖅᑐᑦ (6 ᐊᕐᓇᐃᑦ : 4 ᐊᖑᑎᑦ) ᐅᑯᐊᓗ ᓯᕗᓪᓖᑦ ᓇᓗᓇᐃᖅᑕᐅᓚᐅᖅᑐᑦ 2018-ᒥ, ᐊᒻᒪᓗ ᐱᔭᐅᑲᓐᓂᖅᓯᒪᔪᑦ ᑖᒃᑯᐊᑦᑕᐃᓐᓇᖅ 2019-ᒥ. ᐊᓯᐊᒎᖅᑎᒋᐊᖅᓯᒪᔪᑦ ᖃᐅᔨᓴᕐᕕᒋᔭᕗᑦ ᑖᒃᑯᐊᑦᑕᐃᓐᓇᐅᖁᓇᒋᑦ - ᓂᕐᔪᑎᑦ ᐱᔭᐅᑲᓐᓂᖃᑦᑕᖅᑐᑦ ᑕᐃᒪᓐᓇ ᐊᑐᓚᐅᖅᑐᑦ ᖃᑦᓯᐅᓐᓇᕆᖕᒪᖔᑕ ᑖᒃᑯᐊ ᑕᒫᓃᑦᑐᑦ. ᖃᕐᕖᑦ ᐅᓄᕐᓂᖏᑦ ᑕᒫᓃ 3.10 ᖃᕐᕖᑦ/1,000 ᑭᓚᒦᑐᔅ² ᑕᐃᑲᓂ 2018 ᐊᒻᒪᓗ 4.14 ᖃᕐᕖᑦ/1,000 ᑭᓚᒦᑐᔅ² ᑕᐃᑲᓂ 2019, ᐊᓯᕈᓗᐊᓚᐅᓐᖏᑦᑐᑦ ᐊᕙᑖᓂᑦ ᑖᒃᑯᐊᒃ ᐊᕐᕌᒍᒃ. ᐅᑯᐊ ᐊᓯᐊᒎᖅᑎᒋᐊᖅᓯᒪᔪᑦ ᖃᐅᔨᓴᕐᕕᒋᔭᕗᑦ ᑖᒃᑯᐊᑦᑕᐃᓐᓇᐅᖁᓇᒋᑦ - ᓂᕐᔪᑎᑦ ᐱᔭᐅᑲᓐᓂᖃᑦᑕᖅᑐᑦ ᐊᕐᕌᒍᑕᒫᑦ ᐅᓄᕐᓂᖏᑦ ᓇᓚᐅᑖᖅᓯᒪᔪᑦ ᑖᒃᑯᓄᖓᑐᐊᖅ ᖃᕐᕖᑦ ᐊᖏᕐᕋᖅᓯᒪᔪᑦ ᖃᐅᔨᔾᔪᑎᒋᓪᓗᒋᑦ ᐊᐅᖏᑦᑎᒍᑦ ᑭᒃᑰᓂᖏᑦ ᖃᐅᔨᓴᕈᑎᑖᕐᕕᒋᔭᑦᑎᓐᓂᑦ ᐊᕙᓗᐊᓂ ᑎᑭᑦᑐᓐᓇᖅᑕᑦᑎᒍᑦ. ᖃᐅᔨᓴᕈᑎᑦᑎᓂᑦ ᐃᓱᒪᓕᐅᕈᑎᑖᓚᐅᖅᐳᒍᑦ ᑖᒃᑯᐊ ᐅᓄᕐᓂᖏᑦ ᖃᕐᕖᑦ ᖃᓂᒋᔭᖓᓃᑦᑐᑦ ᑕᒫᓂ ᐊᔾᔨᒌᖃᑦᑕᓐᖏᑦᑐᑦ ᐅᓄᕐᓂᖏᑦ ᐊᒻᒪᓗ ᐃᓛᓐᓂᑐᐃᓐᓇᒃᑯᑦ ᑕᒪᓐᓇ ᐊᑐᖅᑕᖓᑦ ᖃᐅᔨᓴᕐᕕᒋᔭᕗᑦ ᓄᓇ, ᐅᑯᐊᓗ ᑕᐃᒪᓐᓇᐃᑎᑦᑎᔨᐅᔪᒃᓴᐅᔪᑦ ᐊᕙᑖᓂᑦ-ᐊᕐᕌᒍᑕᒫᑦ ᐊᔾᔨᒌᖃᑦᑕᓐᖏᔾᔪᑎᒋᔭᖏᑦ ᐅᓄᕐᓂᖏᑦᑕ ᓈᓴᖅᓯᒪᔪᓂ. ᐊᔾᔨᒋᓚᐅᓐᖏᑕᖓ ᒥᑭᔪᒥᒃ ᐊᕙᑖᓂᑦ ᐊᖑᑎᑦ ᐊᕐᓇᐃᓪᓗ ᓄᒃᑕᕐᕕᖏ ᐃᓗᐊᓂ ᐊᕙᓗᒋᔭᑦᑕ 2018-ᒥ, ᑭᓯᐊᓂ ᐊᓯᐊᒎᖓᑦᑎᐊᕆᓪᓗᑎᒃ 2019. ᕿᑎᐊᓃᕋᐃᓐᓇᖅᑐᖅ ᑕᑯᔭᐅᓯᒪᔪᓂ ᐅᒐᓯᒃᑎᒋᓂᖓ (24 ᑭᓚᒦᑐᔅ) ᑕᐃᒫᑦᑎᐊᖅᑕᐅᖅ ᐊᔾᔨᑲᓴᖓ ᑕᑯᔭᐅᔪᓂᑦ ᐊᕐᓇᕕᖓᓂᒃ (23 ᑭᓚᒦᑐᔅ) ᑕᐃᑲᓂ 2018, ᑭᓯᐊᓂ ᐅᓄᖅᓯᒋᐊᓚᐅᖅᑐᑦ 2019-ᒥ. ᖃᕐᕖᑦ ᓄᓇᖓᓐᓂ ᐱᑕᖃᖅᑐᑦ ᐅᓄᓗᐊᕋᑎᒃ ᐊᒻᒪᓗ ᐅᐸᒍᑎᕙᓪᓕᐊᔪᑦ ᑕᑯᔭᐅᖃᑦᑕᕐᓂᖅᓴᐅᔪᑦ ᐃᓄᐃᑦ ᖃᓄᐃᓕᐅᕐᕕᖏᓐᓄᑦ. ᐅᓇ ᑐᑭᓯᓇᓱᖃᑎᒌᖕᓂᖅ ᖃᐅᔨᓴᖅᑕᐅᓯᒪᔪᑦ ᐱᓕᕆᖃᑎᒋᓪᓗᒋᑦ ᖁᕐᓗᖅᑑᖅ ᐊᖑᓇᓱᒃᑐᓕᕆᔨᒃᑯᑦ ᐊᑑᑎᖃᒻᒪᕆᒃᑐᓂᒃ ᐱᔭᕆᐅᖅᑎᑦᑎᓯᒪᕗᑦ, ᐃᖅᑲᓇᐃᔭᖅᑎᑦᑎᕗᑦ, ᐊᒻᒪᓗ ᓄᑖᓂᒃ ᐱᓕᕆᔾᔪᓯᕐᓂᒃ ᑐᓂᔭᕗᑦ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ. ᐃᓚᐅᑎᓪᓗᒋᑦ ᓄᓇᓕᖕᓂ ᐊᓯᕙᖅᑎᑦ, ᐊᐅᖕᓂ ᑎᒥᖏᓐᓂᓪᓗ ᖃᐅᔨᓴᕈᑎᑖᖅᖢᑕ ᖃᐅᔨᓂᐊᕋᑦᑕ ᓇᑭᖔᕐᒪᖔᑕ ᐊᑑᑎᖃᓚᐅᖅᑐᑦ ᐊᒻᒪᓗ ᐊᑭᑭᓈᖅᓯᓐᓇᓚᐅᖅᑐᖅ ᐱᓕᕆᔾᔪᓯᖅᐳᑦ ᒥᐊᓂᕆᓪᓗᒋᑦ ᖃᕐᕖᑦ ᐅᓄᕐᓂᖏᑦ ᓄᓇᑐᐃᓐᓇᐅᑉ ᓯᓚᖓᓂ ᐊᕙᑖᓂ. ᑐᑭᓯᑦᑎᐊᕐᓂᐊᕋᑦᑕ ᖃᕐᕕᖕᓂᒃ ᐅᓄᕐᓂᖏᓐᓂᒃ ᓄᓇᖓᓂ, ᐊᑯᓂᐅᔪᒃᑯᑦ ᒥᐊᓂᕆᔭᐅᓗᑎᒃ ᐃᓚᖃᖅᑐᖅ ᐱᖃᑎᒋᓗᒋᑦ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᐊᒻᒪᓗ ᑲᒻᐸᓂᑦ ᐱᓕᕆᔪᓐᓇᖅᑎᑕᐅᔪᑦ. ᐅᓇ ᐃᓕᑕᐅᓇᓱᖕᓂᖓ ᑕᑯᑎᑦᑎᓯᒪᔪᖅ ᐱᐊᓚᔪᒥᒃ ᑲᑐᔾᔨᓪᓗᑕ ᖃᐅᔨᓴᕈᓐᓇᖅᑐᒍᑦ ᑐᓴᕐᑎᑦᑎᓗᑕᓗ ᐆᒪᔪᓕᕆᔨᕐᔪᐊᒃᑯᓂᒃ ᐊᐅᓚᑦᓯᔨᓂᒃ.

ᖃᕐᕖᑦ ᓄᓇᖓᓐᓂ ᐱᑕᖃᖅᑐᖅ ᐅᓄᓗᐊᓐᖏᑦᑐᑦ ᐊᒻᒪᓗ ᐅᐸᒍᑎᔭᑦᑐᑦ ᐅᒥᓱᓄᑦ ᐃᓄᐃᑦ ᐱᓕᕆᐊᖏᓐᓄᑦ ᑕᒫᓂ ᐅᔭᕋᖕᓂᐊᖅᑐᓂᒃ ᐊᒻᒪᓗ ᐊᖑᓇᓱᒃᑕᐅᓪᓗᑎᒃ. ᑕᐃᒪᓗ ᐋᕿᒍᑎᔪᑦ, ᐃᑲᔫᑎᓂᐊᖅᑐᑦ ᖃᐅᔨᒋᐊᕐᕕᒃᓴᐅᔪᒫᖅᑐᓂᒃ ᖃᕐᕕᖕᓂᒃ ᐊᕙᑎᓕᒫᖏᓪᓗ, ᐊᑐᖅᑕᐅᔪᓐᓇᖅᑐᑦ ᑐᓂᓯᓯᒪᓗᑎᒃ ᖃᓄᖅ ᐅᓄᖅᓯᕙᓪᓕᐊᖕᒪᖔᑕ ᐋᕿᒃᓯᓗᑎᒃ ᓯᕗᓂᒃᓴᑦᑎᓐᓂ ᐊᖑᓇᓱᒃᑕᐅᖏᓐᓇᕈᓐᓇᕐᓂᐊᕐᒪᑕ ᓄᖑᑉᐸᓪᓕᐊᓐᖏᓪᓗᑎᒃ ᐃᓱᓕᑦᑕᕐᕕᖃᕐᓗᑎᒃ ᐊᒻᒪᓗ ᐃᑲᔪᖅᑕᐅᓗᑎᒃ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏ ᕿᒥᕐᕈᐊᖅᑎᓪᓗᒋᑦ ᑕᒪᑐᒥᖓ. ᐊᐅᖏᓐᓂᒃ ᑎᒥᖏᓐᓂᒃ ᓇᑭᖕᖔᖅᓯᒪᖕᒪᖔᑕ ᖃᐅᔨᓴᕈᑎᑦ ᐊᑑᑎᖃᓚᐅᖅᑐᑦ ᐊᒻᒪᓗ ᐊᑭᒃᑭᑑᓪᓗᑎᒃ ᒥᐊᓂᕆᔾᔪᑎᒋᓂᐊᕐᓗᒋᑦ ᖃᕐᕕᖕᓂᒃ ᓄᓇᑐᐃᓐᓇᒦᑦᑐᓂᒃ. ᑐᑭᓯᑦᑎᐊᑲᓐᓂᕐᓗᑕ ᖃᕐᕕᖕᓂᒃ ᓄᓇᖓᓂ, ᐊᑐᓕᖅᑕᐅᑎᑦᑎᓗᑕ ᐊᑯᓂᐅᔪᒃᑯᑦ ᒥᐊᓂᕆᔾᔪᑎᓂᒃ ᐃᓚᐅᑎᓪᓗᒋᑦ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᐊᒻᒪᓗ ᑲᒻᐸᓂᐅᔪᑦ. ᐅᓇ ᐃᓕᑕᐅᓇᓱᖕᓂᖓ ᑕᑯᑎᑦᑎᔪᖅ ᐊᑑᑎᖃᑦᑎᐊᖅᑐᓂᒃ ᐱᐊᓚᔪᓐᓇᖅᑐᑦ ᑲᑐᔾᔨᓪᓗᑕ ᖃᐅᔨᓴᐃᑎᓪᓗᑕ ᑐᓴᕐᑎᑦᑎᔾᔪᑎᒋᓗᒋᑦ ᐆᒪᔪᓕᕆᔨᕐᔪᐊᒃᑯᑦ ᐊᐅᓚᑦᓯᔨᖏᓐᓄᑦ.

ᑕᐃᔭᐅᖏᓐᓇᖅᑐᑦ: ᖃᓄᖅ ᐃᒃᑕᕆᒃᑎᒋᕙᑦ ᓇᓚᐅᑖᖅᓯᒪᔪᑦ, ᐊᐅᖏᑦᑎᒍᑦ ᑎᒥᖏᑦᑎᒍᑦ ᓇᑭᖔᖅᓯᒪᕙᑦ ᖃᐅᔨᓴᕈᑎᑦ, ᖃᕐᕕᒃ, ᐊᖑᓇᓱᒃᑐᓕᕆᔨᒃᑯᑦ, ᓇᐹᖅᑐᓕᒃ ᑕᓯᖅ, ᕿᑎᕐᒥᐅᑦ, ᓄᓇᕗᑦ, ᐃᓗᐊ ᖃᓄᐃᓕᖓᓂᖓ, ᐱᔭᐅᑲᓐᓂᖅᐸᒃᑐᑦ, ᖃᕐᕖᑦ.

ᐅᑯᐊ ᐃᓕᓴᕆᔭᐅᕗᑦ

ᐱᓇᓱᐊᖃᑎᒌᑦ ᓄᓇᒥ:

• ᒪᓕᒃ ᐊᒍᐊᓐ, ᓄᓇᕗᑦ ᒐᕙᒪᒃᑯᑦ ᐊᕙᑎᓕᕆᔨᒃᑯᑦ
• ᐅᔨ ᐳᓐᕼᐋᑦ, ᖁᕐᓗᖅᑑᖅ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖓ (2018)
• ᐃᐅᓕᒃ ᕼᐃᑦᑯᓗᑦ, ᖁᕐᓗᖅᑑᖅ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖓ (2019)
• ᐱᐅᓕ ᐱᓕᖕᐳᑦ, ᖁᕐᓗᖅᑑᖅ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖓ
• ᔮᓇᑕᓐ ᓂᑉᑕᓈᑦᑎᐊᖅ, ᖁᕐᓗᖅᑑᖅ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖓ

ᑮᓇᐅᔭᒃᓴᖃᖅᑎᑦᑎᔪᑦ

• ᓄᓇᕗᑦ ᒐᕙᒪᒃᑯᑦ, ᐊᕙᑎᓕᕆᔨᒃᑯᑦ,
• ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐊᒻᒪᓗ
• ᐅᑭᐅᖅᑕᖅᑐᒥ ᖃᐅᔨᒪᔨᒋᔭᐅᔪᑦ ᑲᓇᑕ.

ᓂᕿᖃᕐᑎᑦᑎᔾᔪᑎᖓ ᐃᖏᕐᕋᓂᖓ ᐃᖃᓗᒃᑑᑦᑎᐊᕐᒥ, ᓄᓇᕗᑦ: ᓯᕗᓪᓕᖅ ᖃᐅᔨᔭᐅᓇᓱᒃᓯᒪᔪᖅ ᑕᒪᒃᑯᐊ ᓄᓇᐅᑉ ᐆᒪᔾᔪᑎᑦ ᐊᒻᒪᓗ ᐃᒪᐅᑉ ᐃᔭᕈᕙᐅᔭᖏᑦ

ᑎᑎᕋᖅᑎᑦ

1. ᕼᐃᓐᑐᓕ, ᐃᓕᓐᓂᐊᕐᕕᒃ ᓄᓇᒥᒃ ᖃᐅᔨᓴᐃᓂᒻᒪᕆᒃ, ᐃᓕᓐᐊᓂᕐᕕᒃᔪᐊᖅ ᐳᓕᔅᑖᓪ, ᐳᓕᔅᑖᓪ, ᔪᓇᐃᑎᑦ ᑭᖕᑕᒻ, K.Hendry@bristol.ac.uk
2. ᓂᖕ, ᐃᓕᓐᓂᐊᕐᕕᒃ ᓄᓇᒥᒃ ᖃᐅᔨᓴᐃᓂᒻᒪᕆᒃ, ᐃᓕᓐᐊᓂᕐᕕᒃᔪᐊᖅ ᐳᓕᔅᑖᓪ, ᐳᓕᔅᑖᓪ, ᔪᓇᐃᑎᑦ ᑭᖕᑕᒻ
3. ᓕᖕ, NERC ᐃᔭᕈᕙᐅᔭᕆᓕᕐᒧᑦ ᓄᓇᒥ ᖃᐅᔨᕐᕕᒃ, ᐳᑎᓯ ᓄᓇᒥ ᐅᔭᕋᖕᓂᐊᖅᑐᓕᕆᓂᖅ ᖃᐅᔨᓴᖅᑐᑦ, ᑮᒍᐊᑦ, ᓈᑎᖕᓇᐊᒻ, ᔪᓇᐃᑎᑦ ᑭᖕᑕᒻ
4. ᒍᑦᒍᐊᑦ, ᐸᓚᐃᒪᐅᑦ ᐃᒫᓂᕐ ᖃᐅᔨᓴᕐᕕᒃ, ᐳᓚᔅᐱᒃ ᐃᒡᓗ, ᐅᓇ ᕼ, ᐸᓚᐃᒪᐅᑦ, ᔪᓇᐃᑎᑦ ᑭᖕᑕᒻ.

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᕼᐃᓐᕆ, K.R., Ng, H.C., ᓕᖕ ᐊᒻᒪ ᕗᑦᕗ, E.M.S. 2020. ᓂᕿᑦᑎᐊᕙᓕᕆᓂᕐᒧᑦ ᐱᕈᖅᓯᐊᓕᕆᓂᖅ ᐃᖃᓗᑦᑑᑦᑎᐊᖅ, ᓄᓇᕗᑦ: ᓯᕗᓪᓕᖅᐹᖅ ᖃᐅᔨᓴᕐᓂᖅ ᐃᒪᙳᖅᑎᑕᐅᓯᒪᔪᖅ ᓱᕋᕐᓇᖅᑐᖅ ᐃᓚᒃᓴᖅ ᐊᒻᒪ ᐊᓯᖏᑦ ᐊᔾᔨᑲᓯᐊᓂᑦ ᓱᕋᕐᓇᖅᑐᑦ ᐃᓚᒃᓴᓂᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 62-64. DOI: 10.35298/pkc.2020.15.ikt

ᐱᒋᐊᕐᓂᖓ

ᐳᖅᑐᓂᖓᓃᑦᑐᑦ ᓯᒡᔭᓂ ᐊᕕᒃᑐᖅᓯᒪᔪᓂᑦ ᐊᖁᑎᒋᔭᐅᕗᑦ ᐊᒡᔭᖅᑐᖅᑕᐅᓪᓗᑎᒃ ᓱᓇᑐᐃᓐᓇᐃᑦ ᐱᒻᒪᕆᐅᔪᖅ ᓂᕿᒃᓴᕆᔭᐅᖕᒪᑕ ᑕᕆᐅᕐᒥ, ᐊᒻᒪᓗ ᐊᑑᑎᖃᒻᒪᕆᒃᑐᑦ ᐊᕕᒃᑐᖅᓯᒪᔪᑦ ᐃᒫᓂ ᐆᒪᔪᓄᑦ ᐅᓄᖅᓯᔪᓐᓇᖅᑐᑦ ᐃᑲᔪᖅᑐᑦ ᐱᒻᒪᕆᐅᔪᒥᒃ ᐃᖃᓗᒐᓱᖕᓂᕐᒧᑦ. ᑎᒥᖓ, ᑭᓱᕐᓗᐃᑦ ᐃᓚᐅᖅᓯᒪᔪᑦ, ᐊᒻᒪᓗ ᐆᒪᔪᓕᕆᓂᖅ ᐃᒻᒥᒍᖅ ᐊᑕᕗᑦ ᓂᕿᖃᕐᑎᑦᑎᔨᐅᔪᑦ, ᑕᒪᒃᑯᓄᖓᑐᐊᖅ ᐱᓯᒪᓐᖏᑦᑐᖅ ᐃᖃᔭᐃᑦ ᐊᖕᒫᖃᓐᖏᑦᑐᓄᑦ ᐱᕈᖅᑐᑦ ᖃᓂᒋᔭᖓᓂ-ᓯᒡᔭ ᐃᒫᓂ, ᑭᓯᐊᓂ ᐃᖏᕐᕋᓲᖑᖕᒥᔪᑦ ᑕᒪᒃᑯᐊ ᓂᕿᒋᔭᐅᔪᑦ ᓯᑯᖃᓐᖏᑦᑐᒧᑦ ᐃᒪᕕᖕᒧᑦ. ᑕᒪᒃᑯᐊ ᐳᖅᑐᔪᒦᑦᑐᑦ ᐊᕕᒃᑐᖅᓯᒪᔪ ᓄᖃᕈᓐᓇᓐᖏᑦᑐᑦ ᐱᐊᓚᔪᒥᒃ ᐊᓯᕈᖅᐸᓪᓕᐊᖏᓐᓇᖅᑐᑦ ᑕᐃᒪᓐᓇᐃᑎᑕᐅᓪᓗᑎᒃ ᓯᓚᐅᑉ ᐅᖂᓯᕙᓪᓕᐊᓂᖓᑕ. ᑐᑭᓯᓗᒋᑦ ᑕᒪᒃᑯᐊ ᓯᒡᔭᒥ ᖃᓄᐃᑉᐸᓪᓕᐊᔪᑦ ᐱᒻᒪᕆᐅᔪᖅ ᖃᓄᐃᓕᖓᓂᐊᕐᓂᖓ ᓯᕗᓂᒃᓴᑦᑎᓐᓂ ᐊᒃᑐᖅᑕᐅᓂᐊᖅᑐᓂᒃ ᑕᕆᐅᕐᒥ ᐆᒪᔪᓕᒫᖏᑦ ᐊᕙᑎᓕᒫᖏᓪᓗ ᐊᒻᒪᓗ ᐱᒻᒪᕆᐅᔪᒥᒃ ᐃᑲᔫᑎᔪᑦ, ᐃᓚᒋᔭᐅᓪᓗᑎᒃ ᐃᖃᓗᒐᓱᖕᓂᖅ ᐊᒻᒪᓗ ᐃᒪᕐᒥᐅᑕᑦ ᑎᖕᒥᐊᓄᑦ.

ᐃᒪᕐᒦᑦᑐᑦ (DSi) ᐃᓚᒋᔭᐅᕗᖅ ᓂᕿᒋᔭᐅᖕᒪᑦ ᐱᒻᒪᕆᐅᓪᓗᓂ ᐃᓚᒋᓐᓄᑦ ᐃᖃᔭᐃᑦ ᐊᖕᒫᖃᓐᖏᑦᑐᓄᑦ, ᓲᕐᓗ diatoms. ᐊᔾᔨᒌᓐᖏᑦᑐᑦ ᐋᕿᒍᑎᕙᓪᓕᐊᓂᖏᓐᓄᑦ ᓄᓇᒥ, ᓲᕐᓗ ᐊᓯᕈᕈᓐᓇᓐᖏᑦᑐᑦ ᐃᒪᐅᑉ ᐃᔭᕈᕙᐅᔭᖏᑦ, ᑕᑯᑎᑦᑎᔪᓐᓇᕐᒪᑕ ᐱᕙᓪᓕᐊᓂᖓᓂ ᑖᒃᑯᑎᒍᓪᓗ ᓂᕆᔭᖏᑦ ᐊᒻᒪᓗ ᐊᓂᐊᔭᖏᑦ. ᐅᓇ ᐅᓂᒃᑳᖅ ᐅᖃᐅᓯᖃᖅᑐᖅ ᐱᒋᐊᓕᓵᖅᑐᑦ ᓇᓂᔭᐅᔪᑦ ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᐃᓕᑕᐅᓇᓱᒃᓯᒪᔪᑦ ᑕᒪᓐᓇ ᐃᒪᖓᓃᑦᑐᓂᒃ ᐆᒪᔾᔪᑕᐅᔪᓐᓇᖅᑐᓂᒃ ᐃᖃᓗᒃᑑᑦᑎᐊᕐᒥ, ᓄᓇᕗᑦ.

ᐱᓕᕆᔾᔪᓯᖅ

ᐃᒪᕐᒥᒃ ᖃᐅᔨᓴᕈᑎᑖᓚᐅᖅᑐᖅ ᓄᐊᑦᑎᓪᓗᑎᒃ ᐃᖃᓗᒃᑑᑦᑎᐊᖅ (ᓴᕿᔮᖅᑐᖅ 1) ᐅᐱᕐᖔᖅ ᐊᐅᓕᖅᑎᓪᓗᒍ ᓄᓇᖓ 2019-ᒥ. ᒥᑭᔪᖅ ᐅᒥᐊᖅ ᐊᑐᖅᑕᐅᓚᐅᖅᑐᖅ ᖃᐅᔨᓴᕈᑎᑖᖅᖢᑎᒃ ᑰᖕᓂᑦ ᑎᑭᓪᓗᒍ ᑕᕆᐅᖅ-ᓯᖁᐊᑕ ᓯᓈᖓᓂ, ᐃᑲᔪᖅᑕᐅᓚᐅᖅᑐᑦ ᑲᓇᑕ ᖁᑎᒃᑐᕐᒥᐅᖅ ᖃᐅᔨᓴᕐᕕᖓᓂᑦ ᓄᓇᓕᕆᖃᑦᑕᖅᑐᑦ ᐃᖅᑲᓇᐃᔭᖅᑎᖏᓐᓂᒃ. ᐃᒪᖃ ᖃᐅᔨᓴᖅᑕᐅᒐᒥ ᖃᓄᖅ ᑕᕆᐅᖃᖅᑎᒋᓂᖓᓂ (ᐊᑐᖅᓯᓪᓗᑎᒃ ᑎᒍᒥᐊᕆᐊᓕᒃ ᑕᕆᐅᕐᒥ ᖃᐅᔨᓴᕈᑎ), ᑭᓱᕐᓗᓕᒫᖏᑦ ᐲᔭᖅᑕᐅᓪᓗᑎᒃ, ᐊᒻᒪᓗ ᖁᐊᖅᑎᑕᐅᓪᓗᑎᒃ, ᖃᐅᔨᓴᖅᑕᐅᔪᓐᓇᕐᓂᐊᕐᒪᑕ ᐱᔭᐅᔪᒪᒍᕕᑦ ᐅᑎᕈᑎᑦ ᔪᓇᐃᑎᑦ ᑭᖕᑕᒻ.

ᓇᓂᔭᐅᔪᑦ

ᐃᒪᑦᑎᐊᕙᒃ ᐊᖏᔪᖅ ᖃᓄᖅ ᓇᓕᖃᕇᖕᒪᖔᑦ ᐃᖃᓗᒃᑑᑦᑎᐊᕐᒥ ᓈᓴᐅᓯᕆᔭᐅᕗᖅ, ᐃᓱᒪᒋᓪᓗᒍ ᐃᒪᖓ ᐃᓚᓯᒪᖂᖅᑐᖅ ᐱᖓᓱᓂᑦ: ᐃᒪᕕᒃ, ᑕᕆᐅᖅ ᓯᑯᐊᑕ ᐊᐅᖕᓂᖓᓂᑦ, ᐊᒻᒪᓗ ᑰᖕᒥᑦ ᑯᕕᒡᕕᐅᒐᒥ. ᐃᓚᖓ ᐃᒪᑦᑎᐊᕙᒃ ᑰᖕᓂᑦ ᒥᒡᖠᕙᓪᓕᐊᓗᓂ ᑕᐃᑲᓂ ᖃᓂᖓᓂ ᑭᓯᐊᓂ ᐊᑕᓕᖅᖢᓂ ᐃᒪᖓᓄᑦ. ᐊᖏᔫᕗᖅ (ᓲᕐᓗ ~20%) ᐃᒪᖓᑕ ᐃᒪᖁᖅᑐᓂᖓ 20 ᒦᑕᔅ, ᐅᖓᓯᖕᓂᖅᓴᖅ ᐃᖃᓗᒃᑑᑦᑎᐊᕐᒥᑦ.

ᐊᖏᔫᕗᖅ ᐃᒥᖅᐸᓪᓕᐊᔪᖅ (DSi) ᑕᒫᖓᑦ ᑰᖓᓂ ᐃᖃᓗᒃᑑᑦᑎᐊᕐᒧᑦ, ᑕᐅᕙᖔᖅᑐᖅᑐᖃᖅ ᐃᓗᐊᓂ ᕿᕿᔪᖅ ᐊᐅᒍᓐᓇᓐᖏᑦᓱᖅ ᐊᕙᑎᖓ. ᑕᐃᒪᐃᑦᑐᖃᖅᑐᖅ (Dsi) ᑕᑯᒃᓴᐅᓚᐅᖅᑐᖅ ᐊᖏᔪᒥᒃ ᐱᐅᒋᔭᖓ ᐃᓚᓕᐅᑎᒐᒥ ᑰᖕᒥᑦ. ᐊᓯᖏᑦ ᓂᕿᖃᕐᑎᑦᑎᔪᓐᓇᖅᑐᑦ ᐃᒫᓂ ᓲᕐᓗ ᑕᕆᐅᖃᕐᓂᖓ, ᑕᑯᒃᓴᐅᓚᐅᖅᑐᖅ ᐊᖏᔪᒥᒃ ᐱᐅᒋᓐᖏᑕᖓ ᐃᓚᓕᐅᑎᒐᒥ (ᓲᕐᓗ ᑕᕆᐅᖅ ᐃᒪᖓ ᓴᖕᖏᓂᖅᓴᐅᓪᓗᓂ). ᑕᕆᐅᕐᒥᒃ ᓴᓗᒻᒪᐃᕙᓪᓕᐊᔪᖅ ᐊᑎᒃᑑᔪᖅ ᓇᓂᑐᐃᓐᓇᖅ ᑕᒫᓂ ᐃᒃᐱᐊᕐᔪᐊᓂ ᐊᒻᒪᓗ ᑕᑯᑎᑦᑎᓯᒪᔪᖅ ᐊᓯᕈᖅᐸᓪᓕᐊᒐᔭᕐᓂᖓᓂ ᑕᑯᑎᑦᑎᓯᒪᓐᖏᑦᑐᖅ ᑕᕆᐅᕐᒥ ᐅᒡᕙᓘᓐᓃᑦ ᑰᖕᓂᑦ ᐃᓚᓕᐅᑎᕙᓪᓕᐊᔪᓂ. ᑕᒪᓐᓇ ᑕᕆᐅᖏᔭᐃᔪᖅ ᐃᒻᒪᖄ ᐊᖕᒫᖃᓐᖏᑦᑐᓂᒃ ᐱᕈᖅᑎᑦᑎᔪᓐᓃᕈᓐᓇᖅᑐᖅ, ᐃᑲᔪᖅᑐᖅ ᑕᕆᐅᕐᒥ ᓂᕿᒋᔭᐅᔪᓐᓇᖅᑐᓄᑦ, ᑐᑭᖃᖅᑐᖅ ᑕᒪᒃᑯᐊ ᐊᖕᒫᖃᓐᖏᑦᑐᓂᒃ ᐱᕈᖅᐸᓪᓕᐊᔭᐸᓪᓚᐃᖏᑦᑐᑦ ᑰᖕᓂᖅᓴᓂ ᑕᐃᒪᓐᓇᐅᓗᓂ ᓯᕗᓂᒃᓴᑦᑎᓐᓂ.

ᑕᒪᓐᓇ (Dsi) ᐃᒪᖓᓃᑦᑐᑦ ᐆᒪᔪᕐᓗᐃᑦ ᐃᔭᕈᔭᐅᔭᑦ ᐊᖏᔫᕗᖅ ᑰᖕᓂ ᐃᒪᖏᓐᓂ, ᖃᐅᔨᑎᑦᑎᔪᖅ ᑕᐃᑲᖔᕐᓂᖓᓂ ᕿᕿᔪᓂᒃ ᐊᐅᒍᓐᓇᓐᖏᑦᑐᓂᑦ. ᓱᓕ ᑕᒪᓐᓇ ᓯᓚᒧᑦ ᐃᓚᓯᒪᒋᓪᓗᓂ ᐊᑕᕗᖅ ᕿᕿᔪᖅ ᓄᓇ ᐊᐅᕙᓪᓕᐊᔪᖅ ᐊᐅᒍᓐᓇᓚᐅᓐᖏᑦᑐᖅ, ᐃᓚᒋᔭᐅᓪᓗᓂ ᓴᕿᑉᐸᓪᓕᐊᓗᓂ ᐃᒪᖓᓃᑦᑐᑦ ᐆᒪᔪᕐᓗᐃᑦ ᐃᔭᕈᔭᐅᔭᑦ ᓄᓇᖓᓂᖔᖅᑐᑦ ᐊᓯᖃᓐᖏᑦᑐᑦ. ᑕᒪᓐᓇ ᐅᖁᒪᐃᑦᑑᔪᖅ ᐃᒪᖓᓃᑦᑐᑦ ᐆᒪᔪᕐᓗᐃᑦ ᐃᔭᕈᔭᐅᔭᑦ ᓇᓂᔭᐅᓯᒪᔪᖅ ᖃᐅᔨᓴᕈᑎᑖᖑᔪᓂᓪᓘᓐᓃᑦ ᑕᕆᐅᕐᒧᐊᖅᐸᓪᓕᐊᔪᓄᑦ ᑕᐃᑲᓂ 20-ᒦᑕ ᐃᑎᓂᖓᓂᑦ ᐃᖃᓗᒃᑑᑦᑎᐊᕐᒥ. ᐅᓇ ᐃᓚᒌᒍᓯᖏᑦ (DSi) ᐃᒪᖓᓃᑦᑐᑦ ᐆᒪᔪᕐᓗᐃᑦ ᐃᔭᕈᔭᐅᔭᑦ ᐊᒻᒪᓗ ᐱᑕᖃᕐᒥᔪᑦ ᐊᔾᔨᒋᓐᖏᑕᖏᑦ ᐅᑯᐊ ᓂᕆᐅᓇᖅᑐᖅ ᑭᓱᕈᕐᓂᐊᖅᑐᑦ, ᑕᐃᒪᓗ ᒪᓕᑦᑎᐊᖅᑐᖅ ᑕᕆᐅᖃᓐᖏᓗᐊᕈᑎᒃ ᐊᒻᒪᓗ ᐱᕈᕐᕕᐅᔪᓐᓇᓐᖏᓂᖅᓴᐅᔪᑦ. ᐅᓇ ᑐᑭᖃᖅᑐᖅ ᑕᒪᓐᓇ ᑕᕆᐅᖅ ᐃᒪᖓ ᐃᒪᖓᓃᑦᑐᑦ ᐆᒪᔪᕐᓗᐃᑦ ᐃᔭᕈᔭᐅᔭᑦ ᐊᖏᓛᖑᓚᐅᖅᑐᖅ ᑎᑎᕋᖅᑕᐅᓯᒪᔪᑦ ᑲᑎᓯᒪᓕᖅᑎᓪᓗᒍ ᐊᕙᑖᓂᑦ ᑰᒃ ᐊᒻᒪᓗ ᑕᕆᐅᖅ ᐃᒪᖏᑦ. ᐋᕿᒍᑎᓚᐅᖅᑐᑦ, ᐱᑕᖃᖅᖢᓂ ᐃᒪᖓᓃᑦᑐᑦ ᐆᒪᔪᕐᓗᐃᑦ ᐃᔭᕈᔭᐅᔭᑦ ᐃᖃᖓᓂ ᐊᑑᑎᖃᕋᔭᖅᑐᖅ ᒪᓕᒡᖢᒍ ᑰᖕᓂᑦ ᓇᓕᐊᖕᓂᑦ ᐃᒻᒥᖅᐸᓪᓕᐊᕙ ᓄᓇᒥ ᑕᐃᔅᓱᒪᓂᑲᓪᓚᓂᑐᖃᕐᓂᑦ ᑎᑭᐅᑎᓯᒪᔪᓂᒃ.

ᑐᑭᓯᔪᒪᔪᒍᑦᑕᐅᖅ ᐊᑐᖅᓯᓗᑕ ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑕ ᐃᓕᑦᑎᔾᔪᑎᒋᓇᓱᒃᑕᕗᑦ ᐋᕿᒃᓱᐃᖃᑎᒌᒡᓗᓴ ᐊᖏᓂᖅᓴᐅᔪᓂᒃ ᖃᐅᔨᓴᕐᓗᑕ ᐃᑲᔪᖅᑕᐅᓗᑕ ᑲᓇᑕ ᖁᑎᕐᑐᕐᒥᐅᑦ ᖃᐅᔨᓴᕐᕕᖓᓂ, ᑲᓇᑕᐅᑉ ᖃᐅᔨᓴᖅᑎᖏᓐᓂᒃ, ᐊᒻᒪᓗ ᐃᖃᓗᒃᑑᑦᑎᐊᖅ ᓄᓇᖓᓂᑦ, ᖃᐅᔨᓇᓱᒃᐳᒍ ᖃᓄᖅ ᐅᑎᕐᔭᖅᐸᖕᓂᖓ ᑎᑭᑕᐅᕙᖕᓂᖓ ᓂᕿᒋᔭᐅᔪᑦ ᐊᒻᒪᓗ ᓱᕈᐃᑦ ᓯᒡᔭᓂ ᐃᒪᖏᓐᓂ ᐊᒻᒪᓗ ᐃᖃᖏᓐᓂ.

ᖁᐊᓇᖅ ᐅᑯᐊ ᐃᓕᓴᕆᔪᒪᔭᕗᑦ

ᐊᖏᔪᒥᒃ ᖁᐊᓇᖅ ᐊᖑᓚᓕᒃ ᐱᑐᓴᓐ, ᐋᓐ ᐸᓚᓱᑉᕋᒪᓂᐊᒻ, ᐊᒻᒪᓗ ᑕᒪᕐᒥᒃ ᐃᖅᑲᓇᐃᔭᖅᑎᖏᑦ ᐊᒻᒪᓗ ᖃᐅᔨᓴᖅᑎᑦ ᑲᓇᑕ ᖁᑎᒃᑐᕐᒥᐅᑦ ᖃᐅᔨᓴᕐᕕᖓᓂ ᐊᒻᒪᓗ ᐅᑭᐅᖅᑕᖅᑐᒥᐅᑕᓕᕆᔨᒃᑯᑦ ᑲᓇᑕ. ᓴᕿᔮᖅᑐᖅ 1: ᓄᓇᓐᖑᐊᖅ ᖃᐅᔨᓴᕈᑎᑖᕐᕕᐅᔪᓂᑦ (ᓴᕿᔮᖅᑐᑦ ᐅᓪᓗᕆᐊᖑᐊᑦ) ᐃᓗᐊᓂ ᐃᖃᓗᒃᑑᑦᑎᐊᖅ. ᐃᒪᖓᑕ ᐃᑎᓂᖓ (ᐃᒪᐅᑉ ᐃᑎᓂᖓᓂ ᐆᒃᑐᕋᐅᑎ) ᖃᐅᔨᓴᕈᑎᑖᑦ ᖃᕆᓴᐅᔭᕐᓂ ᓄᐊᑕᐅᓯᒪᔪᓂᒃ (etopo1).

ᐅᑭᐅᖅᑕᖅᑐᖅ ᓯᒡᔭᒋᓐᓂ ᐆᒪᔪᑦ ᐊᔾᔨᒌᓐᖏᑦᑐᑦ ᒥᐊᓂᕆᔭᐅᓗᑎᒃ ᐸᕐᓇᐅᑎ: ᐃᓂᒃᓴᖓᑦ ᓴᕿᑦᑎᕙᓪᓕᐊᓂᖅ ᖃᐅᔨᒪᓂᕐᒥᒃ ᐊᓯᕈᖅᑐᓂᒃ ᐅᑭᐅᖅᑕᖅᑐᒥ ᓯᒡᔭᖏᓐᓂ ᐆᒪᔪᓕᒫᑦ

ᑎᑎᕋᖅᑎᑦ

1. ᔫᓐᔅ, ᔪᓇᐃᑎᑦ ᓯᑕᐃᑦᔅ ᐊᕕᒃᑐᖅᓯᒪᔪᑦ ᒥᕐᖑᐃᖅᓯᕐᕕᓕᕆᔨᖏᑦ, ᐊᓛᔅᑲ, ᔪᓇᐃᑎᑦ ᓯᑕᐃᑦᔅ
2. ᒥᒃᓕᓐᓇᓐ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ, donald.mclennan@polar.gc.ca
3. ᐱᕼᐃ, ᓄᓇᖅᑲᖅᑳᖅᓯᒪᔪᑦ ᖃᐅᔨᒪᔭᖏᓐᓂᒃ ᖃᐅᔨᓴᐃᓂᒻᒪᕆᖕᒧᒃ ᐅᖃᐅᔾᔪᐃᔨ, ᐃᓄᐃᑦ ᓯᓚᕐᔪᐊᕐᒥ ᑲᔾᔨᐊᓂ ᐅᑭᐅᖅᑕᖅᑐᖅ ᑲᑎᒪᔨᑦ, ᐊᓐᑯᓕᑦᔾ, ᐊᓛᔅᑲ, ᔪᓇᐃᑎᑦ ᓯᑕᐃᑦᔅ
4. ᐊᕕᓂᔅ, ᓄᐊᕖᔾᔭᓐ ᐊᕙᑎᓕᕆᔨᒃᑯᑦ ᑎᒥᖓ, ᑐᓛᓐᓇᐃᒻ, ᓄᕕᐄ
5. ᒍᐃᔨᐳᒃ, ᐋᕼᐊᔅ ᐃᓕᓐᓂᐊᕐᕕᒃᔪᐊᖅ, ᑰᐸᓐᕼᐃᑲᓐ, ᑎᓐᒫᒃ
6. ᓱᔨᓐᑯ, ᐳᑐᓗᔭᕗᒃᔅ ᐃᓕᓐᓂᐊᕐᕕᒃᔪᐊᖅ, ᐱᑐᔭᕗᑦᔾ, ᐅᓚᓯᐊ
7. ᕼᐃᐅᓚᔅ, (ᓄᓇᖅᑲᖅᑳᖅᓯᒪᔪᑦ ᖃᐅᔨᒪᔨᒋᔭᐅᔪᖅ), ᒪᓃᓚᖅ ᑲᑐᔾᔨᖃᑎᒌᑦ, ᑲᑦᓯᐳ, ᐊᓛᔅᑲ, ᔪᓇᐃᑎᑦ ᓯᑕᐃᑦᔅ
8. ᕼᐊᓯᐊᕆᒃ, (ᓄᓇᖅᑲᖅᑳᖅᓯᒪᔪᑦ ᖃᐅᔨᒪᔨᒋᔭᐅᔪᖅ), ᒪᓃᓚᖅ ᑲᑐᔾᔨᖃᑎᒌᑦ, ᑲᑦᓯᐳ, ᐊᓛᔅᑲ, ᔪᓇᐃᑎᑦ ᓯᑕᐃᑦᔅ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᔫᓐᔅ, T., ᒪᒃᓕᓚᓐ, D., ᐱᕼᐃ, C., ᐊᕝᓂᔅ M., ᕕᒡᐳᒃ S., ᓱᑭᓐᑯ, L., ᕼᐊᕆᔅ, C. ᐊᒻᒪ ᕼᐅᓴᕆᒃ, Q. 2020. ᐅᑭᐅᖅᑕᖅᑐᖅ ᓯᒡᔭᐸᓯᒥ ᐆᒪᔪᓄᑦ ᓇᔪᕐᕕᓂᑦ ᖃᐅᔨᓴᓂᕐᒧᑦ ᐸᕐᓇᐅᑎᑦ: ᑐᙵᕝᕕᒃ ᐃᑲᔪᖅᑎ-ᓴᖅᑭᑎᑦᑎᕙᓪᓕᐊᓂᖅ ᖃᐅᔨᒪᔨᓂᑦ ᐊᓯᙳᖅᐸᓪᓕᐊᔪᓂᑦ ᐅᑭᐅᖅᑕᖅᑐᒥ ᓯᒡᔭᐸᓯᒥ ᐆᒪᔪᓄᑦ ᓇᔪᕐᕕᒋᔭᐅᔪᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 65-68. DOI: 10.35298/pkc.2020.16.ikt

ᑎᑎᕋᖅᓯᒪᔪᖅ

ᐅᑭᐅᖅᑕᖅᑐᖅ ᓯᒡᔭᒋᓐᓂ ᐆᒪᔪᑦ ᐊᔾᔨᒌᓐᖏᑦᑐᑦ ᒥᐊᓂᕆᔭᐅᓗᑎᒃ ᐸᕐᓇᐅᑎ (ᑕᐃᔭᐅᓲᖅ ᓯᒡᔭᖓᓂ ᐸᕐᓇᐅᑎ) ᐊᖏᖅᑕᐅᓚᐅᖅᑐᖅ ᐊᖓᔪᖅᑳᖏᓐᓂᑦ ᐅᑭᐅᖅᑕᖅᑐᖅ ᑲᑎᒪᔨᖏᓂ ᒪᐃ 2019-ᒥ. ᐅᓇ ᓯᒡᔭᓄᑦ ᐸᕐᓇᐅᑎ ᐊᖏᖃᑎᒌᒍᑕᐅᓯᒪᔪᖅ ᓇᑭᑐᐃᓐᓇᖅ ᑲᓇᑕ ᐅᖃᖅᓯᒪᔪᖅ ᓄᐊᑦᑎᓗᑎᒃ, ᒪᓕᑦᑎᐊᕐᓗᑎᒃ, ᐊᒻᒪᓗ ᖃᐅᔨᓴᕐᓗᒋᑦ ᐋᕿᒍᑎᔪᑦ ᑐᑭᓯᓇᖅᓯᔪᑦ ᑕᒪᑐᒪᖓᑦ ᐱᑕᖃᖅᑐᑦ ᓯᒡᔭᒥ ᐆᒪᔪᓕᒫᑦ ᐊᔾᔨᒌᓐᖏᑦᑐᑦ ᐊᒻᒪᓗ ᐆᒪᔪᓕᒫᑦ ᐊᕙᑎᓕᒫᖏᓪᓗ ᒥᐊᓂᕆᔭᐅᓇᓱᒡᓯᒪᔪᑦ, ᓇᓗᓇᐃᕐᓗᒋᑦ ᐃᖅᐸᖅᓯᒪᔪᑦ, ᐊᒻᒪᓗ ᑐᑭᓯᓇᖅᓯᑎᑦᑎᐊᕐᓗᒋᑦ ᒥᐊᓂᕆᔾᔪᑕᐅᔪᑦ ᐊᒻᒪᓗ ᐅᓂᒃᑳᑦ ᐆᒪᔪᓂᒃ ᐊᔾᔨᒌᓐᖏᑦᑐᓂᒃ ᐊᓯᕈᖅᑐᓂᒃ ᐅᑭᐅᖅᑕᖅᑐᑉ ᓯᒡᔭᖏᓐᓂ ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᑯᓂᐅᔪᒃᑯᑦ. ᐅᓇ ᓯᒡᔭᒧᑦ ᐸᕐᓇᐅᑎ ᐅᑭᐅᖅᑕᖅᑐᒥ ᑲᑎᒪᔨᓄᑦ ᓯᕗᓪᓕᖅᐹᖅ ᐃᖏᕐᕋᓯᑎᑕᐅᓯᒪᔪᖅ ᓴᕿᑦᑎᓗᑎᒃ ᐃᓂᒃᓴᖓᓐᓂᒃ ᐃᑲᔪᕐᓂᐊᖅᑐᒥᒃ ᐋᕿᒃᓱᐃᖃᑎᒌᒡᓗᑎᒃ ᖃᐅᔨᒪᔭᐅᔪᓄᑦ ᐱᒋᐊᕈᑎᖃᕐᓗᑎᒃ, ᐊᒻᒪᓗ ᐱᒻᒪᕆᐅᔪᖅ ᐱᒋᐊᕈᑎᒋᓗᒍ ᑲᑎᑦᑎᓪᓗᒋᑦ ᑕᒪᕐᒥᒃ ᓄᓇᖅᑲᖅᑳᖅᓯᒪᔪᑦ ᖃᐅᔨᒪᔭᑐᖃᖏᑦ ᐊᒻᒪᓗ ᖃᐅᔨᓴᐃᓂᒻᒪᕆᒃ ᑖᒃᑯᐊ ᖃᐅᔨᔭᐅᓇᓱᑦᑎᐊᕐᓗᑎᒃ, ᐸᕐᓇᐃᓗᑎᒃ, ᐊᒻᒪᓗ ᐊᐅᓚᑦᑎᓗᑎᒃ ᐅᑭᐅᖅᑕᖅᑐᒥ ᐆᒪᔪᑦ ᐊᔾᔨᒌᓐᖏᑦᑐᑦ. ᓴᕿᑦᑎᖃᑎᒌᒡᓗᑎᒃ ᖃᐅᔨᒪᓂᕐᓂᒃ ᐱᒋᐊᕈᑎᖃᕐᓗᑎᒃ ᐃᓚᐅᑎᓪᓗᒋᓪᓗ ᐱᓕᕆᖃᑕᐅᓗᑎᒃ ᐅᑭᐅᖅᑕᖅᑐᒥ ᓄᓇᖃᖅᑐᑦ, ᐊᒻᒪᓗ ᐃᓚᓕᐅᑎᓗᒋᑦ ᖃᐅᔨᒪᔭᖏᑦ, ᒥᐊᓂᕆᓂᕐᒥ ᐊᒻᒪᓗ ᖃᐅᔨᓴᑦᑎᐊᕐᓂᕐᒥ ᐅᑭᐅᖅᑕᖅᑐᒥ ᐊᔾᔨᒌᓐᖏᑦᑐᑦ ᐆᒪᔪᑦ. 

ᐅᑭᐅᖅᑕᖅᑐᖅ ᑲᔾᔨᐊᓂ ᓄᓇᓕᖃᐅᕐᒪᑕ ᑕᒪᕐᒥᐸᓗᒃ ᓯᒡᔭᓂ ᐊᒻᒪᓗ ᐃᓚᓕᐅᑎᓗᒋᑦ ᓄᓇᖁᑎᖏᑦ ᐊᒥᓱᑦ ᓄᓇᖅᑲᖅᑳᖅᓯᒪᔪᑦ ᐊᔾᔨᒌᓐᖏᑦᑐᑦ. ᓄᓇᖅᑲᖅᑳᖅᓯᒪᔪᑦ ᖃᓂᒃᓴᖅᑐᑦ ᐃᓚᒋᓪᓗᒋᑦ ᐊᕙᑎᑎᒃ ᐊᒻᒪᓗ ᐊᑐᖅᖢᒋᑦ ᑭᓯᐊᓂᐅᕙᒃᑐᑦ ᓯᒡᔭᓂ ᐆᒪᔪᑦ ᓂᕿᒋᓪᓗᒋᑦ, ᐃᓘᓯᕐᒥᖕᓄᑦ ᐊᒻᒪᓗ ᖃᓄᐃᖏᑦᑎᐊᕈᑎᒋᓪᓗᒋᑦ, ᐱᐅᓯᕆᓪᓗᒋᑦ, ᑮᓇᐅᔭᓕᐅᕈᑎᒋᓪᓗᒋᑦ, ᐋᕿᑦᑎᐊᖅᓯᒪᑎᑦᑎᔾᔪᑎᒋᓪᓗᒋᑦ, ᐊᒻᒪᓗ ᓂᕐᔪᑎᓄᑦ ᐊᑐᖅᑕᐅᔪᓐᓇᕐᒪᑕ ᐊᒻᒪᓗ ᐊᑐᐃᓐᓇᐅᓪᓗᑎᒃ. ᐃᓕᓴᕆᓯᒪᓗᒋᑦ ᐃᓄᐃᑦ ᐃᓚᒋᔭᐅᔪᑦ ᐆᒪᔪᓕᒫᑦ ᐊᕙᑎᓕᒫᖏᓪᓗ, ᓯᒡᔭᓂ ᐸᕐᓇᐅᑎᑦ ᐃᓕᓴᕆᔭᐅᓯᒪᕗᑦ ᐃᒻᒥᖕᓄᑦ ᐊᑑᑎᔪᑦ ᐊᑐᓂ ᐃᓄᖕᓄᑦ ᓯᒡᔭᓂ ᓄᓇᖃᖅᑐᓄᑦ ᐊᒻᒪᓗ ᓯᒡᔭᒥ ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᑑᑎᖃᒻᒪᕆᒃᑕᖏᑦ.

ᐅᑭᐅᖅᑕᖅᑐᒥ ᓯᒡᔭᐃᑦ ᑕᑯᔭᐅᕙᒃᑐᑦ ᐊᒥᓲᖕᒪᑦ ᐃᓅᓯᕐᒧᑦ-ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᑕᖃᑎᒌᑦ, ᐅᒡᕙᓘᓐᓃᑦ “ᓯᒡᔭᕐᒥᐅᑕᐃᑦ” (ᓴᕿᔮᖅᑐᖅ 1) - ᐅᑯᐊ ᐃᓚᖃᖅᑐᑦ ᑕᕆᐅᕐᒥ ᐃᒫᓂ, ᐃᒪᑦᑎᐊᕙᖕᓂ, ᐊᒻᒪᓗ ᓄᓇᒥᐅᑕᐃᑦ ᐃᓂᒥᖕᓃᑦᑐᑦ ᑖᒃᑯᐊ ᖃᓄᐃᓕᐅᖃᑎᒌᒃᑐᑦ ᐃᒻᒥᒍᑦ, ᐊᒻᒪᓗ ᐃᓄᐃᑦ ᑕᐅᕙᓂ ᓄᓇᓖᑦ. ᐃᓗᐊᓂ ᑕᒪᑐᒪᓂ ᐃᒻᒥᒍᑦ ᐊᑕᔪᑦ ᐊᒥᓱᓄᑦ, ᓯᒡᔭᒥ ᐃᓅᓯᓕᕆᓂᕐᒥ-ᐆᒪᔪᓕᒫᑦ ᐊᕙᑎᓕᒫᖏᓪᓗ ᑲᑎᐸᒃᑐᑦ ᐊᒻᒪᓗ ᖃᓄᐃᓕᐅᖃᑎᒌᖕᓂᖏᑦ ᐊᔾᔨᒌᓐᖏᑦᑐᑦ ᑕᒪᓐᓇ ᐊᖏᔪᒥᒃ ᑕᐃᒪᓐᓇᐅᑎᑦᑎᕗᖅ ᑭᓱᖃᐅᕐᓂᖓ, ᐋᕿᒃᓯᒪᓂᖓ, ᐊᐅᓚᓂᖓ, ᐊᒻᒪᓗ ᐃᒻᒥᒍᑦ ᐃᓗᓪᓕᖅᐸᓪᓕᐊᔪᓐᓇᕐᓂᖓ ᐃᑲᔪᕐᓗᓂ ᐊᔾᔨᒌᓐᖏᑦᑐᓂ ᐊᒥᓱᓂ ᐆᒪᔪᓕᒫᑦ ᐊᔾᔨᒌᓐᖏᑦᑐᓄᑦ. ᐅᑭᐅᖅᑕᖅᑐᖅ ᓯᒡᔭᖏᑦ ᐆᒪᔪᖏᑦ ᐊᔾᔨᒌᓐᖏᑦᑐᑦ ᐊᑦᑕᕐᓇᖅᑐᒦᑎᑕᐅᕗᑦ ᓇᐅᒃᑯᑐᐃᓐᓇᖅ ᐊᒃᑐᐊᔭᖏᓐᓂᑦ ᐊᕙᑎᒥᑦ ᐃᖏᕐᕋᑎᑕᐅᔪᓂᑦ ᐊᒻᒪᓗ ᓯᓚᑦᑎᓐᓂ ᑐᖁᓐᓇᖅᑐᑦ ᓱᕈᐃᓪᓗ ᐊᒃᓱᕈᓐᓇᖅᓯᑎᑦᑎᔪᑦ. ᑕᒪᓐᓇ ᐱᔭᕐᓂᓐᖏᑦᑐᖅ ᑐᑭᓯᓇᓱᒡᖢᒍ ᑖᒃᑯᐊ ᐊᔾᔨᒌᓐᖏᑑᑕᐅᖕᒪᑕ ᐱᕙᓪᓕᐊᓂᖏᑦ ᐊᒻᒪᓗ ᖃᓄᖅ ᐃᒻᒥᖕᓄᑦ ᐱᓕᕆᓂᖏᑦ ᓇᓗᓇᐃᖅᓯᖃᑦᑕᖅᑐᑦ ᑐᑭᓯᓇᓱᑦᑎᐊᕆᐊᖃᕋᓗᐊᖅᖢᑎᒍᑦ ᐊᒻᒪᓗ ᓄᖑᑉᐸᓪᓕᐊᓐᖏᓪᓗᑎᒃ ᒥᐊᓂᕆᔭᐅᓗᑎᒃ ᓯᒡᔭᓂ ᐆᒪᔪᓕᒫᑦ ᐊᕙᑎᓕᒫᖏᓪᓗ.

ᐱᓕᕆᕙᓪᓕᐊᓂᐊᕐᓗᓗᒋᑦ ᑕᒪᒃᑯᐊ ᐱᔾᔪᑕᐅᔪᑦ, ᓯᒡᔭᒧᑦ ᐸᕐᓇᐅᑎᑦ ᐱᔾᔪᑎᒋᔭᐅᔪᑦ ᑲᑎᑎᓪᓗᒋᑦ ᐊᕙᑎᒥᒃ ᓱᕈᖅᓴᐃᓐᖏᑦᑐᓂᒃ ᐱᓕᕆᔾᔪᑎᖓ ᖃᐅᔨᓴᐃᓂᒻᒪᕆᒃᑯᑦ ᐱᒋᐊᕈᑕᐅᓯᒪᕗᖅ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᑕᒪᐃᓐᓄᑦ ᐱᒋᐊᕈᑕᐅᓯᒪᕗᑦ ᐋᕿᒃᓯᖃᑎᒌᒡᖢᑎᒃ ᖃᐅᔨᒪᓂᕐᓂᕐ ᓯᒡᔭᒥ ᐆᒪᔪᓕᒫᑦ ᐊᕙᑎᓕᒫᖏᓪᓗ. ᑕᒪᓐᓇ ᐃᒻᒥᒍᑦ-ᐃᖏᕐᕋᖃᑎᒌᒃᑐᑦ ᖃᐅᔨᒪᓂᕐᒥ ᐃᑲᔪᖃᑎᒌᒡᓗᑎᒃ ᓴᕿᑦᑎᓗᑎᒃ ᑕᑯᔭᐅᔪᓐᓇᖅᑐᓂᒃ- ᐱᓯᒪᔪᑦ ᖃᐅᔨᒪᔾᔪᑎᒃᓴᐃᑦ ᐅᑯᐊᓗ ᑐᓴᐅᒪᑎᑦᑎᓂᐊᕐᒪᑕ ᖃᓄᐃᓕᖓᓂᖓᓂ ᐊᒻᒪᓗ ᐃᓕᑦᑎᔪᓐᓇᖅᑐᑦ ᐊᑐᖅᑕᐅᓕᕐᓗᑎᒃ ᐃᓱᒪᓕᐊᕆᔭᒃᓴᐃᑦ, ᐃᓚᒋᔭᐅᓪᓗᑎᒃ ᐊᑐᐊᒐᐃᑦ, ᐱᑕᖃᕆᐊᖃᖅᑐᑦ ᐃᑲᔫᑎᓂᐊᕐᓗᓂ ᐋᕿᑦᑎᐊᖅᓯᒪᓂᐊᕐᓗᒋᑦ ᐆᒪᔪᓕᒫᑦ ᐊᔾᔨᒌᓐᖏᑦᑐᑦ ᐊᒻᒪᓗ ᓄᖑᐸᓪᓕᐊᓂᖏᓪᓗᑎᒃ ᐅᑭᐅᖅᑕᖅᑐᖅ ᓯᒡᔭᖓᓂ ᐃᓅᓯᓕᕆᓂᕐᒥ-ᐆᒪᔪᓕᒫᑦ ᐊᕙᑎᓕᒫᖏᓪᓗ ᐋᕿᒃᓯᒪᔪᓂ. (ᑎᑎᖃᑦ 1).

ᑭᖑᓪᓕᕐᒥᒃ, ᐊᒻᒪᓗ ᐱᔭᕐᓂᓐᖏᓂᖅᐹᖅ ᐊᑐᖅᑕᖓ ᑕᒪᑐᒧᖓ ᐱᕙᓪᓕᐊᓂᖓᓄᑦ, ᐅᓇ ᑲᒪᒋᓪᓗᒋᑦ ᐊᑐᓕᖅᑎᑕᐅᕙᓪᓕᐊᔪᑦ ᓯᒡᔭᒥ ᐸᕐᓇᐅᑎᑦ ᓇᓂᑐᐃᓐᓇᖅ ᐅᑭᐅᖅᑕᖅᑐᖅ ᐅᑯᐊᓗ ᐃᑲᔫᑎᔪᑦ ᐱᕙᓪᓕᐊᑎᑕᐅᔪᓄᑦ. ᐊᑐᓕᖅᑎᑕᐅᕙᓪᓕᐊᔪᑦ ᐊᑐᖅᓯᒋᐊᓕᑦ ᐊᓯᕈᖅᑕᕐᕕᖃᕐᓗᑎᒃ, ᑕᐃᒪᓗ ᐊᑐᓂ ᑖᒃᑯᐊ ᐊᔾᔨᒌᓐᖏᑦᑐᓂᒃ ᐃᒻᒥᒍᑦ ᐊᑕᖕᒥᔪᑦ ᐊᒥᓲᓪᓗᑎᒃ ᐃᓅᓯᓕᕆᓂᕐᒥ-ᐆᒪᔪᓕᒫᑦ ᐊᕙᑎᓕᒫᖏᓪᓗ ᐋᕿᒃᓯᒪᔪᓂ, ᐱᔾᔪᑕᐅᔪᓂ, ᐊᒻᒪᓗ ᐱᒋᐊᕈᑕᐅᔪᓂ. ᑕᒪᐅᓐᓇ ᐊᔾᔨᒌᓐᖏᑦᑐᑎᒍᑦ ᓯᓚᕐᔪᐊᒥ ᐃᓕᓐᓂᐊᕐᓗᑎᒃ ᑲᑎᒪᓗᑎᒃ ᐃᓚᐅᑎᑦᑎᓗᑎᒃ ᑕᒪᐃᓐᓂᒃ ᖃᐅᔨᓴᐃᓂᒻᒪᕆᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᖃᐅᔨᒪᔪᕐᔪᐊᑦ, ᓯᒡᔭᒧᑦ ᐸᕐᓇᐅᑎ ᑐᒃᓯᕋᖅᑐᖅ ᓯᕗᓪᓕᐅᑎᖁᔭᒥᖕᓂᒃ ᒥᐊᓂᕆᔾᔪᑎᒃᓴᓂᒃ ᐆᒪᔪᓄᑦ ᐅᒡᕙᓘᓐᓃᑦ ᑐᑭᓯᔭᐅᔪᒪᔪᓂᒃ ᐆᒪᔪ ᐊᕙᑎᓕᒫᖏᓐᓄᓪᓗ ᐃᓚᖏᑦ ᐅᑯᐊ ᐊᔪᖏᑎᑦᑎᓂᐊᖅᑐᑦ ᓯᓚᕐᔪᐊᒥ ᐃᓱᒪᓕᕈᑕᐅᓯᒪᔪᑦ ᒥᐊᓂᕆᔾᔪᑎᒃᓴᐃᑦ ᓇᓂᑐᐃᓐᓇᖅ ᓯᓚᕐᔪᐊᖅ ᑲᔾᔨᐊᓂ ᐅᑭᐅᖅᑕᖅᑐᖅ ᓯᒡᔭᖏᓐᓂ.

ᓇᓗᓇᐃᖅᓯᔪᖅ 1 ᐆᒃᑑᑎᑦ ᖃᓄᖅ ᐳᖅᑐᓕᕇᖕᒪᖔᑕ ᐊᑐᖅᓯᓪᓗᑎᒃ ᖃᐅᔨᓇᓱᒃᓯᒪᔭᒥᖕᓂᒃ ᐊᒻᒪᓗ ᐅᓂᒃᑳᑦ ᐊᓯᕈᓂᖏᓐᓂ ᓯᒡᔭᐃᑦ ᒥᐊᓂᕆᔭᐅᔪᑦ ᐸᕐᓇᐅᑎᓂᑦ.

ᐅᓇ ᐆᒃᑑᑎᖓ ᑐᑭᓯᔭᐅᔪᒪᔪᓂᒃ ᐆᒪᔪ ᐊᕙᑎᓕᒫᖏᓐᓄᓪᓗ ᐃᓚᖏᑦ (ᓯᒡᔭᐃᑦ ᑎᖕᒥᐊᖏᑦ) ᐅᑯᐊᓗ ᑲᑎᑉᐸᓪᓕᐊᒐᒥᒃ ᐅᓄᖅᓯᔪᑦ ᐊᕕᒃᖢᒋᑦ 8 ᑐᑭᓯᔭᐅᔪᒪᔪᓂᒃ ᐆᒪᔪ ᐊᕙᑎᓕᒫᖏᓐᓄᓪᓗ ᐊᑐᓂ. ᑕᐃᒪᐃᑎᑦᑎᔪᓂᑦ ᐊᒻᒪᓗ ᑐᑭᑖᕈᑎᖏᑦ ᐊᑑᑎᖃᖅᑐᑦ ᑕᒪᐃᓐᓄᑦ ᑐᑭᓯᔭᐅᔪᒪᔪᓂᒃ ᐆᒪᔪ ᐊᕙᑎᓕᒫᖏᓐᓄᓪᓗ ᐃᓚᖏᑦ ᑎᑎᕋᖅᓯᒪᕗᑦ ᑭᓯᐊᓂ ᑕᒪᕐᒥᒃ ᓈᓴᖅᓯᒪᔭᑎᒃ ᑐᑭᓕᐅᖅᓯᒪᓇᑎᒃ ᑕᒪᐃᓐᓄᑦ ᑐᑭᓯᔭᐅᔪᒪᔪᓂᒃ ᐆᒪᔪ ᐊᕙᑎᓕᒫᖏᓐᓄᓪᓗ ᐃᓚᖏᑦ. ᖃᐅᔨᒪᓂᐊᖅᐳᑎᑦ: ᑖᖅᓯᓕᖅᓯᓯᒪᓂᖏᑦ ᑐᑭᓕᐅᕈᑎᑦ ᐊᑐᕆᐊᖃᓚᐅᖅᑐᒍᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᒪᔪᕐᔪᐊᓂᑦ ᑐᑭᓯᓇᖅᓯᑎᓐᓂᐊᕐᓗᒋᑦ.

ᓄᓇᕐᔪᐊᓕᒫᒥ ᖃᖓᑕᔪᓐᓇᐅᑎᓄᑦ ᒥᑭᑦᑐᓄᑦ ᐱᓕᕆᐊᖑᔪᖅ

ᑎᑎᕋᖅᑎᑦ

1. ᐋᑦᓱ, ᔭᐊᓪ- NUS ᓯᓚᑦᑐᖅᓴᕐᕕᒃ ᐊᒻᒪᓗ ᐊᐅᓚᑦᓯᕕᖓ ᐆᒪᔪᓕᕆᓂᕐᒧᑦ ᖃᐅᔨᓴᐃᓂᒻᒪᕆᒃ, ᓴᐃᓇᐅᑉ ᐃᓕᓐᓂᐊᕐᕕᒃᔪᐊᖓ ᓯᖕᖓᐳᐊ, ᓯᖕᖓᐳᐊ ᐊᒻᒪ ᐃᓕᓐᓂᐊᕐᕕᒃ ᖃᐅᔨᓴᐃᓂᒻᒪᕆᖕᒧᑦ, ᐊᒃᓚᓐᑦ ᐃᓕᓐᓂᐊᕐᕕᒃᔪᐊᖓ ᓄᑖᑦ ᐱᓕᕆᔾᔪᑕᐅᓕᖅᑐᓄᑦ, ᐊᒃᓚᓐᑦ, ᓅ ᔨᓚᓐᑦ
2. ᓖ, ᐃᓕᓐᓂᐊᕐᕕᒃ ᖃᐅᔨᓴᐃᓂᒻᒪᕆᖕᒧᑦ, ᐊᒃᓚᓐᑦ ᐃᓕᓐᓂᐊᕐᕕᒃᔪᐊᖓ ᓄᑖᑦ ᐱᓕᕆᔾᔪᑕᐅᓕᖅᑐᓄᑦ, ᐊᒃᓚᓐᑦ, ᓅ ᔨᓚᓐᑦ
3. ᐳᐃᓐᑎᖕ, ᔭᐊᓪ- NUS ᓯᓚᑦᑐᖅᓴᕐᕕᒃ ᐊᒻᒪᓗ ᐊᐅᓚᑦᓯᕕᖓ ᐆᒪᔪᓕᕆᓂᕐᒧᑦ ᖃᐅᔨᓴᐃᓂᒻᒪᕆᒃ, ᓴᐃᓇᐅᑉ ᐃᓕᓐᓂᐊᕐᕕᒃᔪᐊᖓ ᓯᖕᖓᐳᐊ, ᓯᖕᖓᐳᐊ, stephen.pointing@yale-nus.edu.sg
4. ᕙᓐᑎᓐᐳᓕᖕᒃ, ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ, ᑲᓇᑕ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ, ᐃᖃᓗᒃᑑᑦᑎᐊᖅ, ᓄᓇᕗᑦ, ᑲᓇᑕ
5. ᕼᐊᒃ, ᔭᐊᓪ- NUS ᓯᓚᑦᑐᖅᓴᕐᕕᒃ ᐊᒻᒪᓗ ᐊᐅᓚᑦᓯᕕᖓ ᐆᒪᔪᓕᕆᓂᕐᒧᑦ ᖃᐅᔨᓴᐃᓂᒻᒪᕆᒃ, ᓴᐃᓇᐅᑉ ᐃᓕᓐᓂᐊᕐᕕᒃᔪᐊᖓ ᓯᖕᖓᐳᐊ, ᓯᖕᖓᐳᐊ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᐊᑦᓱ, S.D.J., ᓖ, K., ᐳᐃᓐᑎᖕ, S.B., ᕙᓐᑎᓐᐳᕆᒃ, B. ᐊᒻᒪ ᕼᐊᒡ, I. 2020. ᓯᓚᕐᔪᐊᒥ ᓯᓚᒥ ᓄᓇᕋᔭᓕᕆᓂᕐᒧᑦ ᐱᓕᕆᐊᒃᓴᐃᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 69-71. DOI: 10.35298/pkc.2020.17.ikt

ᑎᑎᕋᖅᓯᒪᔪᖅ

ᐃᑲᔪᖅᑎᒌᒡᖢᑕ ᑖᒃᑯᐊᓗ ᑲᓇᑕᐅᑉ ᖁᑎᒃᑐᕐᒥᐅᑦ ᖃᐅᔨᓴᕐᕕᖓᓂ ᖃᐅᔨᓴᖅᑎᑦ (ᐳᓚᐃᔭᓐ ᕙᓐᑐᐳᓕᒃ ᐊᒻᒪᓗ ᐃᐊᓐ ᕼᐋᒃ), ᒪᕐᕉᒃ ᖃᐅᒡᓴᖅᑎᒃ ᑕᐃᑲᓂ ᐊᒃᓚᓐᑦ ᐃᓕᓐᓂᐊᕐᕕᒃᔪᐊᖓ ᖃᕆᓴᐅᓕᕆᔾᔪᑎᓄᑦ, ᓄ ᔩᓚᓐᑦ (ᓯᑎᕙᓐ ᐋᑦᓱ ᐊᒻᒪᓗ ᑭᕙᓐ ᓖ), ᑎᑭᓚᐅᖅᑐᑦ ᐃᖃᓗᒃᑑᑦᑎᐊᕐᒧᑦ ᑕᓪᓕᒪᓄᑦ ᐅᓪᓗᓄᑦ ᔫᓐ 2019. ᓄᐊᑦᑎᓪᓗᑎᒃ ᐱᓯᒪᓕᓚᐅᖅᑐᑦ ᐊᖏᔪᒥᒃ ᐊᑐᕆᐊᖃᖅᑐᑦ ᓯᓚᒥᒃ ᐊᓂᖅᓵᖅᑕᑦᑎᓐᓂᒃ ᐊᑐᖅᑕᐅᓂᐊᖅᑐᒥᒃ ᑐᑭᓯᓗᒍ ᐋᓐᓂᐊᓇᖅᑐᑦ ᖁᐱᕐᕈᑦ ᐊᒻᒪᓗ ᐅᖁᒃ ᐅᑭᐅᖅᑕᖅᑐᖅ ᓯᓚᖓᓂ ᐊᓂᖅᓵᖅᑕᑦᑎᓐᓂ ᐊᒻᒪᓗ ᖃᓅᑎᒋᕕᑕ ᑕᑯᓪᓗᒋᑦ ᑖᒃᑯᓇᖓᓪᓕ ᐊᓯᑦᑎᓐᓂᑦ ᓯᓚᕐᔪᐊᑉ ᓯᓚᖓᓂᑦ ᐊᓂᖅᓵᖅᑕᖏᓐᓂᑦ. ᐅᓇ ᓴᓇᔭᐅᔪᖅ, ᓯᓚᕐᔪᐊᒥ ᓯᓚ ᐊᓂᖅᓵᖅᑕᕗᑦ ᐊᓂᖅᓵᖅᑐᕐᓇᓐᖏᑦᑐᒥᓗ ᒥᑭᔪᑦ ᐆᒻᒪᔭᑦᑐᑦ ᐱᕈᔭᑦᑐᑦ ᐱᓕᕆᐊᖑᔪᖅ ᑐᓂᓯᓯᒪᓂᐊᖅᑐᖅ ᐱᒻᒪᕆᐅᔪᒥᒃ ᖃᐅᔨᒪᐅᑎᒃᓴᐃᑦ ᖃᐅᔨᓴᕆᐊᕐᖓᐅᑎᑦ ᐆᒻᒪᔭᑦᑐᓂᒃ ᐱᕈᔭᑦᑐᓐᓂᒃ ᑎᑭᒐᔭᖅᑐᑦ ᐅᑭᐅᖅᑕᖅᑐᒧᑦ ᑕᒪᓐᓇ ᓇᒥᑐᐃᓐᓈᕐᒪᑦ ᐊᕙᑎᑦᑎᓂ ᓄᓇᒥᒃ ᐸᕿᔨᐅᔪᑦ ᓄᓇᑦᑎᓐᓄᑦ. ᑕᐃᒪᓗ ᓄᓇᖓᑦ ᐊᑐᖅᑕᐅᕙᓪᓕᐊᓂᖅᓴᐅᓕᖅᑎᓪᓗᒍ ᐅᑭᐅᖅᑕᖅᑐᒥ, ᓯᕗᓪᓕᖅᐹᑦ ᑎᑭᒐᔭᖅᑐᖅ ᓄᓇᑖᕐᓗᑎᒃ ᐆᒻᒪᔭᑦᑐᑦ ᐱᕈᔭᑦᑐᑦ ᐊᒻᒪᓗ ᑎᑭᑎᑕᐅᒐᔭᖅᑐᑦ ᓯᓚᒃᑯᑦ ᐊᓂᖅᓵᖅᑐᖅᑕᑦᑎᓂ. ᑐᑭᓯᓪᓗᒍ ᓇᒧᑦ ᑎᑭᐅᑎᓯᒪᔪᓐᓇᕐᓂᖓ, ᓱᑲᓂᖓ, ᐊᒻᒪᓗ ᐊᔾᔨᒌᓐᖏᑑᑎᑦ ᖃᖓᑕᔪᑦ ᓯᓚᑦᑎᒍᑦ ᐆᒻᒪᔭᑦᑐᑦ ᐱᕈᔭᑦᑐᑦ ᐱᑕᖃᖅᑐᖅ ᑕᐃᑲᓂ ᐃᖃᓗᒃᑑᑦᑎᐊᖅ ᐊᑑᑎᖃᖅᑐᒥᒃ ᖃᐅᔨᒪᑎᑦᑎᔾᔪᑎᒋᓂᐊᖅᑐᑦ ᑭᓱᑦ ᐊᓯᕈᖅᐸᓪᓕᐊᓂᐊᕐᒪᖔᑕ ᓯᕗᓂᒃᓴᑦᑎᓐᓂ. ᐊᒻᒪᓗ, ᐅᓇ ᐃᓕᓴᐅᓇᓱᒃᑐᖅ ᓯᓚᕐᔪᐊᓯᑎᒍᑦ ᐱᓯᒪᔪᖅ, ᑕᐃᑲᓂ ᖃᐅᔨᓴᕈᑎᑖᑦ ᑕᒪᐃᓐᓂᑦ ᖃᐅᔨᔾᔪᑕᐅᓂᐊᖅᑐᑦ ᑐᓐᖓᔾᔪᑎᓪᓚᕆᖏᑦ ᐊᑑᑎᖃᓪᓚᕆᒃᑐᑦ ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᐱᖁᑕᐅᓯᒪᔪᑦ ᐱᓪᓗᒋᑦ ᐆᒻᒪᔭᑦᑐᑦ ᐱᕈᔭᑦᑐᑦ ᓄᒃᑕᕐᓂᖏᑦ. ᐅᓇ ᐃᑲᔫᑎᓂᐊᖅᑐᖅ ᐃᓕᑕᐅᓇᓱᒃᑐᓄᑦ ᐆᒻᒪᔭᑦᑐᓂᒃ ᐱᕈᔭᑦᑐᓂᒃ ᖃᖓᑕᔪᑦ ᐊᓂᖅᓵᖅᑕᑦᑎᓐᓂ ᓯᓚᒥ ᖃᓄᐃᓕᐅᕐᓂᖏᑦ, ᐆᒪᔪᖏᑦ ᐱᕈᖅᑐᖏᓪᓗ ᓄᓇᐅᑉ, ᐊᒻᒪᓗ ᐃᓅᑉ ᐃᓘᓯᖏᑦ - ᑕᒪᕐᒥᒃ ᖃᐅᔨᒪᔭᐅᕗᑦ ᐊᒃᑐᖅᑕᐅᓯᒪᔪᑦ ᖃᖓᑕᔪᓂᑦ ᓯᓚᑦᑎᓐᓂᑦ ᐅᓂᖅᓵᑐᕐᕕᒋᔭᑦᑎᓐᓂ ᑕᒪᒃᑯᐊ ᐆᒻᒪᔭᑦᑐᓄᑦ ᐱᕈᔭᑦᑐᓐᓄᑦ.

ᖃᓄᖅ ᑲᑎᖓᑎᒋᕕᑕ ᐅᒻᒪᕈᓐᓇᖅᑐᓄᑦ ᐱᕈᔭᑦᑐᓐᓄᑦ ᓇᔪᖅᑕᖏᓐᓄᑦ ᑕᒪᒃᑯᐊ ᑕᒪᐃᓐᓄᑦ ᐊᐱᖁᑕᐅᖃᑦᑕᖅᐳᑦ ᐆᒻᒪᔭᑦᑐᑦ ᐱᕈᔭᑦᑐᑦ ᐊᕙᑎᓕᒫᖏᓪᓗ ᐆᒪᐃᓐᓇᕈᓐᓇᖅᑐᑦ ᐊᓯᕈᕋᓗᐊᖅᐸᑦ ᓯᓚᕐᔪᐊᖅ ᐅᖂᓂᖓ. ᓯᓚ ᐊᓂᖅᓵᖅᑕᕗᑦ ᐅᒃᐱᕆᔭᐅᕗᑦ ᓄᒃᑕᕐᑎᑦᑎᓂᖓᓂ ᐆᒻᒪᔭᑦᑐᓂᒃ ᐱᕈᔭᑦᑎᓂᒃ; ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᒥᓲᓐᖏᒻᒪᑕ ᓇᓗᓇᐃᔭᑦᑎᐊᖅᓯᒪᔪᑦ ᐱᔾᔪᑎᒋᓪᓗᒍ ᓇᒧᖔᕙᖕᒪᖔᑕ ᑕᒪᒃᑯᐊ ᐆᒻᒪᔭᑦᑐᑦ ᐱᕈᔭᑦᑐᑦ ᑕᒪᐅᓈᖅᖢᑎᒃ ᓯᓚᒃᑯᑦ ᐊᓂᖅᓵᖅᑐᖅᑕᑦᑎᒍᑦ ᑭᐅᔭᐅᓯᒪᓕᖅᑐᖅ. ᓘᒃᑖᖅ ᐋᑦᓱ ᓴᕿᑦᑎᓯᒪᔪᖅ ᖃᐅᔨᓴᖅᓯᔾᔪᑎᒃᓴᒥᒃ ᐊᑑᑎᖃᕐᓂᐊᖅᑐᖅ ᖃᐅᔨᓗᒋᑦ ᑭᓲᓂᖏᓐᓂᒃ ᖃᖓᑕᔪᑦ ᐊᓂᖅᓵᖅᑕᑦᑎᓐᓂ ᓯᓚᒥ ᐆᒻᒪᔭᑦᑐᑦ ᐱᕈᔭᑦᑐᑦ ᑲᑎᖓᔪᑦ ᐊᓄᖅᑐᐊᓘᓪᓗᑎᒃ ᑲᐃᕙᔪᑦ ᓯᓚᒥ ᖃᐅᔨᓴᕈᑎᑖᕐᕕᐅᓯᒪᕗᖅ ᐊᒻᒪᓗ ᓴᕿᑦᑎᔪᓐᓇᖅᑐᖅ ᑭᓲᖕᒪᖔᑕ ᓇᑭᖔᕐᒪᖔᑕ ᐊᒻᒪᓗ ᐃᒻᒥᒍᑦ ᓄᒃᑕᕐᓂᖏᑦ ᖃᓄᐃᓕᖓᓕᖃᑦᑕᕐᒪᖔᑕ.^1,2

ᐅᓇ ᓴᓇᔭᐅᔪᖅ ᑐᕌᖅᑐᖅ ᓄᐊᑦᑎᓗᑎᒃ ᓯᕗᓪᓕᕐᒥᒃ ᒪᓂᑦᑎᐊᖅᓯᒪᔪᓂᒃ ᑭᓱᑐᐃᓐᓇᓂᒃ ᓯᓚᒦᑦᑐᓂᒃ ᐊᓂᖅᓵᖅᑕᑦᑎᓐᓂ ᖃᐅᔨᓴᕈᑎᑖᕐᕕᐅᓗᑎᒃ ᓇᑭᑐᐃᓐᓇᖅ ᓯᓚᕐᔪᐊᒥ ᖃᐅᔨᓇᖅᓯᓂᐊᕐᒪᑕ ᐊᒻᒪᓗ ᐊᔾᔨᒌᓐᖏᒻᒪᖔᑕ ᑭᓱᖏᑦ ᑕᐃᑲᓂ ᓂᕆᐅᓇᓚᐅᓐᖏᑦᑐᖅ ᐆᒪᔪᓕᕆᓂᖅᑕᐅᖅ ᓴᕿᑎᑕᐅᓗᑎᒃ, ᐅᑯᐊᓗ ᓇᓗᓇᐃᖅᓯᐅᓯᒪᓕᕇᖅᑐᖅ ᐱᒻᒪᕆᐅᒐᔭᕐᓂᖓ ᐊᑑᑎᖃᒻᒪᕆᒐᔭᕐᓂᖓ ᓯᕗᓪᓕᖅᐹᒧᑦ ᐱᒋᐊᕈᑎᒋᓗᒍ ᑐᑭᓯᑦᑎᐊᕐᓂᐊᕋᑦᑎᒍᑦ ᑕᒪᓐᓇ ᐆᒪᔪᑦ ᐊᕙᑎᓕᒫᖏᓪᓗ.³ ᑕᐃᒪᓗ ᓴᖕᖏᑦᑎᐊᖅᑐᑦ ᐊᔪᖏᑦᑎᐊᖅᑐᑦ ᖃᐅᔨᓴᕈᑎᑖᑦ ᓴᓇᔭᐅᕗᑦ, ᐊᔪᕐᓇᖏᑦᑐᖅ ᐊᑕᑎᓗᒋᑦ ᓄᓇᓕᖕᓄᑦ ᐊᓯᕈᑦᑐᑦ ᐊᕙᑎᖓ ᖃᓄᖅ ᐊᔾᔨᒌᒃᐸᖏᒻᒪᖔᑕ ᐊᒻᒪᓗ ᐊᓂᖅᓵᖅᑕᕗᑦ ᓯᓚ ᑭᓱᖃᕐᒪᖔᑦ, ᖃᐅᔨᓇᓱᑦᑎᐊᕐᓗᒋᑦ ᐊᑐᕈᓐᓇᖅᑕᕗᑦ ᐊᑯᓂᐅᓗᐊᓐᖏᑦᑐᖅ ᖃᐅᔨᓴᕈᑎᑖᕋᓱᒡᓗᑕ ᐱᓗᒋᑦ ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᔾᔨᒌᓐᖏᑦᑐᑦ, ᐊᒻᒪᓗ ᖃᐅᔨᓗᑕ ᖃᓄᖅ ᐊᔾᔨᒌᓐᖏᓂᖏᑦ ᒑᓯᑦ ᑲᑎᖓᔪᑦ, ᐊᑯᓂᐅᔪᒥᒃ ᖃᓄᖅ ᐊᓯᕈᖅᑕᖅᑎᒋᖃᑦᑕᖅᐸᑦ ᖃᓄᖅ ᐊᖏᑎᒋᓪᓗᑎᒃ.

ᐊᑖᓂ 2019 ᐃᓱᓕᓕᖅᑎᓪᓗᒍ, ᑕᒪᕐᒥᒃ ᖃᐅᔨᓴᕈᑎᑖᑦ ᓄᐊᑕᐅᓚᐅᖅᑐᑦ, ᖃᐅᔨᓴᖅᑕᐅᓯᒪᔪᓂᑦ ᑐᑭᓯᓇᖅᓯᓂᐊᖅᑐᑦ ᓂᕆᐅᒋᔭᐅᔪᑦ ᐊᑐᐃᓐᓇᐅᓕᕐᓂᐊᖅᑐᑦ ᐊᒻᒪᓗ ᑎᑎᕋᖅᓯᒪᓗᑎᒃ ᐱᔭᕇᖅᑕᐅᓗᑎᒃ ᐊᑖᓂ 2020 ᐃᓱᓕᓕᖅᐸᑦ. ᑕᐃᒪᓐᓇᐅᒐᓗᐊᖅᑎᓪᓗᒍ ᐊᐅᓪᓚᖅᓯᒪᖃᑦᑕᕐᓂᕆᓚᐅᖅᑕᕗᑦ ᕿᓚᒻᒥᐅᓚᐅᖅᑐᑦ, ᑕᒪᕐᒥᒃ ᑭᕙᓐ ᐊᒻᒪᓗ ᓯᑏᕙᓐ ᐅᑎᕈᒪᑦᑎᐊᓚᐳᕐᒪᑕ ᑲᓇᑕᐅᑉ ᖁᑎᒃᑐᕐᒥᐅᑦ ᖃᐅᔨᓴᕐᕕᖓᓄᑦ ᑲᔪᓯᓂᐊᕐᓗᒍ ᑕᒪᓐᓇ ᐃᓕᓐᓇᓱᒃᑕᑎᒃ ᐆᒻᒪᔭᑦᑐᑦ ᐱᕈᔭᑦᑐᑦ ᓯᓚᑦᑎᓐᓂ ᐊᓂᖅᓵᖅᑕᑦᑎᓐᓂ ᐊᒻᒪᓗ ᐃᔾᔪᖏᓐᓂ ᖃᓂᒋᔭᖓᓂ ᐃᖃᓗᒃᑑᑦᑎᐊᖅ.

ᑕᕐᕆᔭᖅᑕᐅᔪᓐᓇᖅᑐᑦ ᓴᓇᔭᐅᓚᐅᖅᑐᑦ ᑕᒪᑐᒧᖓ ᐱᓕᕆᐊᖑᔪᒧᑦ ᐅᑯᐊ ᐃᓚᒋᔭᐅᕗᑦ

• ᐅᑭᐅᖅᑕᖅᑐᖅ ᓯᓚᕐᔪᐊᒥ (ᐃᖃᓗᒃᑑᑦᑎᐊᖅ ᐃᓚᓕᐅᑎᓯᒪᓪᓗᓂ)
• ᓂᒋᐊᓂ ᓯᓚᕐᔪᐊᒥ ((ᑕᒪᕐᒥᒃ ᐊᒻᒪᓗ ᓇᐃᓈᖅᓯᒪᔪᑦ ᑕᕆᔭᒐᒃᓴᐃᑦ)
• ᖃᕆᓴᐅᔭᖃᕐᕕᖓ ᓴᓇᔭᐅᔪᑉ
• ᐅᓇ ᐃᓱᐊ ᑕᕆᔭᐅᑎ ᐃᓚᖃᖅᑐᖅ ᐊᑎᖏᑦ ᐃᓄᐃᑦ ᐃᑲᔪᓚᐅᖅᑐᑦ ᑕᒪᑐᒥᖓ ᐱᓕᕆᐊᖑᔪᒥᒃ.

ᖃᐅᔨᒋᐊᕐᕕᐅᓯᒪᔪᑦ

• ᐋᓱ, ᐃᔅ.ᑎ.ᔨ, ᓖ, ᑭ.ᓯ., ᑯᓗᓱ, ᑎ., ᒪᑭ, ᑭ., ᓖ ᓯ. ᑭ., ᑲᐅᒐᓐ, ᑎ., ᒪᐃᔅᑕᐃ, ᕕ., ᐊᒻᒪᓗ ᐳᐃᓐᑎᖕ, ᐃᔅ., 2019. ᐆᒻᒪᔭᑦᑐᑦ ᐱᕈᔭᑦᑐᑦ ᓇᒧᖔᕕᖃᓗᐊᓐᖏᑦᑐᑦ ᐅᖓᓯᒃᑐᒦᖅᒪᑕ ᐃᔾᔪᑦ ᓇᔪᖅᑕᔪᑦ ᑕᐃᑲᓂ ᒪᒃᒧᑐ ᑐᓚᐃ ᕙᓕᔅ ᐊᓐᐋᒃᑎᑲ, ᑲᓇᑕᒥ ᐆᒻᒪᔭᑦᑐᓕᕆᓂᖅ ᐱᕈᔭᑦᑐᓕᕆᓂᖅ 4, 925–932 doi:10.1038/s41564-019-0370-4
• ᐋᓱ, ᐃᔅ.ᑎ.ᔨ, ᓖ, ᑭ.ᓯ., ᕼᐋᕕ, ᐃᒻ., ᐊᒻᒪᓗ ᐳᐃᓐᑎᖕ, ᐃᔅ., 2019. ᓯᓚᒥ ᐊᓂᖅᓵᖅᑕᑦᑎᓐᓂ ᐅᓄᖅᑐᐋᓗᐃᑦ ᐆᒻᒪᔭᑦᑐᑦ ᐱᕈᔭᑦᑐᑦ ᖃᐅᔨᓴᖅᓯᔪᑦ ᖃᖓᑕᔪᑦ ᐊᔾᔨᒌᓐᖏᑦᑐᑦ ᑕᒫᓂ ᐃᒪᕕᖕᒥ-ᓯᓚᖓᓂ ᓵᖓᔪᑦ ᐃᖃᖃᓐᖏᑦᑐᒧᑦ ᐃᒪᕕᐋᓗᖕᒧᑦ ᐆᒪᔪᓕᒫᖏᑦ ᐊᕙᑎᓕᒫᖏᑦ. ISME J doi:10.1038/s41396-019-0555-0
• ᐋᓱ, ᐃᔅ.ᑎ.ᔨ, ᐊᒻᒪᓗ ᐳᐃᓐᑎᖕ, ᐃᔅ., 2020. ᓯᓚᑦᑎᓐᓂ ᑐᖁᓐᓇᖅᑐᑦ ᓱᕈᖅᓯᒪᔪᓪᓗ ᐊᒃᑐᐃᔪᑦ ᑕᒪᑐᒧᖓ ᓯᓚᒥ ᐊᓂᖅᓵᖅᑕᑦᑎᓐᓂ ᐆᒻᒪᔭᑦᑐᑦ ᐱᕈᔭᑦᑐᑦ, ᓄᓇᒥᐅᑕᐃᑦ ᐆᒻᒪᔭᑦᑐᑦ ᐱᕈᔭᑦᑐᑦ.

ᖃᐅᔨᒪᓂᕐᒥᒃ ᐱᒋᐊᖅᑎᑦᑎᓂᖅ ᐊᒻᒪᓗ ᓄᓇᓕᖕᒥᑦ ᐃᓚᐅᖃᑕᐅᑎᑦᑎᓂᖅ ᑲᓇᑕᒥᑦ ᖁᑦᑎᒃᑐᒥᑦ ᖃᐅᔨᓴᐃᕝᕕᖕᒥᑦ ᐃᓕᓐᓂᐊᕐᕕᖓᓂᑦ, ᐃᖃᓗᒃᑑᑦᑎᐊᖅ, ᓄᓇᕗᑦ.

ᑎᑎᕋᖅᑏᒃ

1. ᐸᓚᓱᑉᕋᒪᓂᐊᒻ, ᐅᑭᐅᖅᑕᖅᑐᒥᑦ ᖃᐅᔨᒪᓂᖅ ᑲᓇᑕᒥᑦ, ᑲᓇᑕᒥᑦ ᖁᑦᑎᒃᑐᒥᑦ ᐅᑭᐅᖅᑕᖅᑐᒥᑦ ᖃᐅᔨᓴᐃᕝᕕᒃ, ᐃᖃᓗᒃᑑᑦᑎᐊᖅ ᓄᓇᕗᑦ, ᑲᓇᑕ, ann.balasubramaniam@polar.gc.ca
2. ᐅᐊᒪᓐ, ᐅᑭᐅᖅᑕᖅᑐᒥᑦ ᖃᐅᔨᒪᓂᖅ ᑲᓇᑕᒥᑦ, ᑲᓇᑕᒥᑦ ᖁᑦᑎᒃᑐᒥᑦ ᐅᑭᐅᖅᑕᖅᑐᒥᑦ ᖃᐅᔨᓴᐃᕝᕕᒃ, ᐃᖃᓗᒃᑑᑦᑎᐊᖅ ᓄᓇᕗᑦ, ᑲᓇᑕ

ᐅᖃᐅᓯᖅᑕᒧᑦ ᑐᑭᓯᐊᔾᔪᑎᒃᓴᖅ

ᐸᓚᓱᐸᒪᓂᐊᒻ, A.M. ᐊᒻᒪ ᐅᐊᒪᓐ, L. 2020. ᖃᐅᔨᒪᔨᓂᑦ ᐊᐅᓚᑦᑎᕙᓪᓕᐊᓂᖅ ᐊᒻᒪ ᓄᓇᓕᒥ ᑲᑎᖃᑎᖃᕐᓂᖅ ᑲᓇᑕᒥ ᖁᑦᑎᖅᑐᒥ ᐅᑭᐅᖅᑕᖅᑐᒥ ᓱᓇᒃᑯᑖᓂᒃ ᖃᐅᔨᓴᕐᕕᒃ ᓯᓚᑦᑐᖅᓴᕐᕕᒃ, ᐃᖃᓗᑦᑑᑦᑎᐊᖅ, ᓄᓇᕗᑦ. ᐅᑭᐅᖅᑕᖅᑐᖅ ᖃᐅᔨᒪᔨᑦ: ᐊᖅᕼᐊᓕᐊᑦ ᐃᓚᖓ 3, ᐅᑭᐅᖅᑕᖅᑐᖅ ᖃᐅᔨᒪᔨᑦ ᑲᓇᑕ, ᒪᑉᐱᒐᖅ 72-76. DOI: 10.35298/pkc.2020.18.ikt

ᑎᑎᕋᖅᓯᒪᔪᖅ

ᐱᕙᓪᓕᐊᓂᖃᖅᑐᑦ ᖃᐅᔨᓴᐃᔩᑦ ᐱᓕᕆᔪᑦ ᑲᓇᑕᒥᑦ ᖁᑦᑎᒃᑐᒥᑦ ᖃᐅᔨᓴᐃᕝᕕᖕᒥᑦ ᑐᓂᓗᒋᑦ ᐅᑭᐅᖅᑕᖅᑐᒥᐅᑕᐃᑦ ᖃᐅᔨᒪᓂᕆᔭᐅᔪᒥᒃ ᐊᒻᒪᓗ ᖃᐅᔨᓴᐃᓂᕐᒥᑦ ᖃᐅᔨᔭᐅᔪᓂᒃ ᐃᓂᓕᐅᕐᓂᐊᕐᓗᑎᒃ, ᑐᓴᐅᒪᓂᒃᑯᑦ ᐃᓱᒪᓕᐅᕐᓂᐊᕐᓗᑎᒃ, ᐊᒻᒪᓗ ᐱᐅᓯᒋᐊᕐᓗᒋᑦ ᓄᓇᓕᖕᒥᐅᑕᐃᑦ ᑐᑭᓯᐊᓂᕆᔭᖏᑦ ᐊᕙᑎᒥᑦ ᐊᓯᐊᙳᖅᑐᓂᒃ ᐊᖏᕐᕋᕆᔭᖏᓐᓂᑦ. ᓄᓇᓕᖕᒥᑦ ᑕᐅᑐᒐᖃᖅᑐᑦ ᖃᐅᔨᓴᐃᓂᕐᒧᑦ ᑕᑯᔭᐅᑎᑦᑎᓃᑦ ᖃᑉᓯᐊᕐᔪᖕᓂᑦ ᐃᑲᔪᐃᓂᖃᕐᒥᔪᑦ ᖃᐅᔨᓴᐃᔨᓄᑦ, ᐃᓚᐅᑉᓗᑎᒃ ᐱᐅᓯᒋᐊᖅᓯᓂᐅᔪᖕᓇᖅᑐᑦ ᖃᐅᔨᓴᐃᓂᕐᒧᑦ ᐱᓕᕆᖃᑎᒌᖕᓂᐅᔪᑦ ᓄᓇᖃᖅᖄᖅᑐᑦ ᖃᐅᔨᒪᓂᖃᖅᑐᓂᒃ, ᐱᐅᓯᒋᐊᕐᓗᑎᒃ ᖃᐅᔨᓴᐃᓂᕐᒥᑦ ᖃᓄᐃᖓᓂᐅᔪᑦ ᓄᓇᓕᖕᒥᐅᓄᑦ ᐊᒻᒪᓗ ᐱᖅᑯᓯᒃᑯᑦ ᖃᐅᔨᒪᓂᕆᔭᐅᔪᑦ ᓄᓇᓕᖕᒥᑦ ᑐᓂᔭᐅᒃᐸᑕ ᒪᕐᕈᐃᖓᔪᒃᑯᑦ ᑭᐳᒍᑎᖃᑦᑕᕐᓂᒃᑯᑦ, ᐊᒻᒪᓗ ᑲᒪᓗᑎᒃ ᐱᐊᓂᒃᑕᐅᓂᖓᑕ ᖃᐅᔨᓴᐃᓂᕐᒧᑦ ᓚᐃᓴᓐᓯᓕᕆᓃᑦ ᓄᓇᓕᖕᒥᐅᓂᒃ ᐃᓚᐅᑎᑦᑎᓂᕐᓄᑦ ᐱᔾᔪᑎᖃᖅᑐᓂᒃ. ᐃᒪᓐᓇᐃᒻᒪᑦ, ᐅᓂᑉᑳᓕᐊᖑᔪᑦ ᖃᐅᔨᔭᐅᔪᓂᑦ ᐱᔭᐅᔪᖕᓇᖅᑐᒃᑰᖓᓗᑎᒃ ᐱᒋᐊᖅᑎᑦᑎᓂᐊᕐᓗᓂ ᐊᒻᒪᓗ ᑐᓴᕐᕕᒋᓗᒋᑦ ᓄᓇᓕᖕᒥᐅᑕᐃᑦ ᐱᒻᒪᕆᐅᔪᖅ ᐅᖃᐅᓯᖃᖅᑎᓪᓗᒋᑦ ᒪᓕᒐᕆᔭᐅᔪᓂᒃ ᐅᑭᐅᖅᑕᖅᑐᒥᑦ ᖃᐅᔨᓴᐃᓂᕐᒧᑦ ᑕᑯᒃᓴᐅᑎᑕᐅᖕᒪᑦ ᓄᓇᖃᖅᖄᖅᑐᑦ ᐱᓕᕆᖃᑎᒌᖏᓐᓂᑦ ᐊᒻᒪᓗ ᐅᑭᐅᖅᑕᖅᑐᒥᑦ ᖃᐅᔨᓴᐃᕝᕕᐅᔪᓂᑦ (ᐱᖅᑯᓯᕆᔭᐅᔪᓄᑦ ᐱᔨᑦᑎᕋᐃᔨᒃᑯᑦ, 2013; ᐃᑳᕐᕕᒃ ᑕᕆᐅᕐᒥᑦ ᓯᓚᑐᓂᒃᑯᑦ, 2018; Nickels et al., 2006; Aurora Research Institute, 2011).

ᐃᓕᑕᕆᑉᓗᒋᑦ ᖃᑉᓯᑲᓪᓚᐃᑦ ᐃᑳᔪᑎᐅᔪᑦ ᖃᐅᔨᓴᐃᓂᕐᒥᑦ-ᓄᓇᓕᖕᒥᑦ ᖃᐅᔨᒪᓂᕆᔭᐅᔪᓂᒃ ᑭᐴᑎᖃᕐᓂᖅ, ᐅᑭᐅᖅᑕᖅᑐᒥᑦ ᖃᐅᔨᒪᓂᖅ ᑲᓇᑕᒥᑦ (POLAR) ᐱᒋᐊᖅᑎᑦᑎᓚᐅᖅᑐᑦ ᐃᓄᓗᒃᑖᓄᑦ ᐅᖃᓪᓚᒃᑎᓂᒃ ᑲᓇᑕᒥᑦ ᖁᑦᑎᒃᑐᒥᑦ ᖃᐅᔨᓴᐃᕝᕕᖕᒥᑦ ᑲᑎᒪᕝᕕᐅᓂᐊᕐᓗᓂ ᖃᐅᔨᓴᐃᔨᓄᑦ, ᓄᓇᖃᖅᖄᖅᑐᑦ ᖃᐅᔨᒪᓂᖃᖅᑐᓄᑦ, ᒪᒃᑯᒃᑐᓄᑦ, ᐊᒻᒪᓗ ᓄᓇᓕᖕᒥᐅᓄᑦ, ᑐᓂᓯᓂᐊᖅᑐᑦ ᖃᐅᔨᒪᓂᕆᔭᐅᔪᓂᒃ ᐊᒻᒪᓗ ᐱᓕᕆᖃᑎᖃᕐᓗᑎᒃ ᓴᖅᑭᑦᑎᓂᕐᒧᑦ ᐊᑐᖅᑕᐅᔪᓂᒃ. ᐱᔭᒃᓴᐅᑎᒋᓗᐊᖅᑕᖓ ᐆᒃᑐᕋᐅᑕᐅᔫᑉ ᐱᒋᐊᖅᑎᓪᓗᒋᑦ ᖃᐅᔨᒪᓂᕆᔭᐅᔪᑦ ᖃᐅᔨᓴᐃᓂᒃᑯᑦ ᑲᓇᑕᒥᑦ ᖁᑦᑎᒃᑐᒥᑦ ᖃᐅᔨᓴᐃᕝᕕᖕᒥᑦ ᐱᔪᓂᒃ ᓄᓇᓕᖕᒧᑦ ᐃᖃᓗᒃᑑᑦᑎᐊᕐᒥᑦ ᐱᓕᕆᖃᑎᒌᖕᓂᒃᑯᑦ ᑕᑯᒃᓴᐅᑎᑦᑎᓗᑎᒃ ᐊᒻᒪᓗ ᐅᖃᐅᓯᒃᑯᑦ ᑐᑭᓯᓇᖅᑐᒃᑯᑦ ᑕᑯᑎᑦᑎᖃᑦᑕᕐᓗᑎᒃ ᐱᔭᐅᔪᖕᓇᖅᑐᓂᒃ, ᑐᑭᓯᐅᒪᔾᔪᑎᓂᒃ ᐱᕝᕕᐅᖃᑦᑕᖅᑐᓂᒃ, ᐊᒻᒪᓗ ᐱᒋᐊᖅᑎᑦᑎᓗᓂ ᒪᕐᕈᐃᖓᔪᒃᑯᑦ ᖃᐅᔨᒪᓂᕆᔭᐅᔪᒥᒃ ᑭᐳᖃᑦᑕᐅᑎᓂᕐᒥᑦ. ᖃᐅᔨᓴᐃᔩᑦ ᐃᑲᔪᖅᑐᖅᑕᐅᔪᑦ ᐋᖅᑭᒃᓯᓗᑎᒃ ᐱᓕᕆᖃᑎᒌᒍᑕᐅᓂᐊᖅᑐᒥᒃ ᐊᐅᓚᔪᒃᑯᑦ ᑕᑯᒃᓴᐅᔪᓂᒃ, ᐱᐅᓯᒋᐊᒃᑲᓐᓂᕐᓗᒋᑦ ᑕᕐᕆᔭᐅᑎᒦᑦᑐᑦ ᑐᑭᓯᓐᓇᖅᑐᑦ ᐅᖃᐅᓯᕐᓄᑦ ᑎᑎᖅᑲᓂᒃ ᐊᒻᒪᓗ ᑕᑯᒃᓴᐅᔪᓂᒃ, ᐊᒻᒪᓗ ᓴᖅᕿᑦᑎᓗᑎᒃ ᓄᓇᓕᖕᒥᐅᓄᑦ ᓴᖅᕿᔮᖅᑎᑕᐅᓂᐊᖅᑐᓂᒃ ᐊᑐᖅᑕᐅᔪᓂᒃ ᖃᐅᔨᓴᐃᓂᕐᒧᑦ ᐊᑐᕈᖕᓇᕐᓂᐊᖅᑕᖏᓐᓂᑦ. ᐊᑐᓂ ᐅᖃᓪᓚᒃᑏᑦ ᐅᑉᓗᒥᒧᑦ ᑎᑭᖦᖢᒍ ᒪᕐᕉᔫᒃ ᑐᓂᓯᖃᑦᑕᖅᖢᑎᒃ ᐊᔾᔨᒌᙱᑦᑐᓂᒃ ᐃᓚᒋᔭᐅᔪᓂᒃ ᖃᐅᔨᓴᐃᓂᕐᒧᑦ ᐱᓕᕆᐊᓂᒃ ᐊᒻᒪᓗ ᑕᑯᒃᓴᐅᑎᖦᖢᒋᑦ ᐊᔾᔨᒌᙱᑦᑐᑦ ᐱᓕᕆᐊᖏᑦᑕ ᖃᓄᐃᖓᓂᖏᑦ ᐊᒻᒪᓗ ᖃᓄᑎᒋᐅᓂᖏᑦ ᖃᐅᔨᒪᓂᕆᔭᐅᔪᓂᒃ ᓴᖅᕿᑦᑎᓂᕐᒧᑦ ᐱᓕᕆᐊᒃᓴᐅᔪᑦ ᑲᓇᑕᒥᑦ ᖁᑦᑎᒃᑐᒥᑦ ᖃᐅᔨᓴᐃᕝᕕᖕᒥᑦ.

2019 ᓄᖑᑉᐸᓪᓕᐊᓂᖓᓂᑦ, ᑭᖑᓂᐊᒍᑦ ᐅᒃᑯᐃᖅᑕᐅᖕᒪᑦ ᑲᓇᑕᒥᑦ ᖁᑦᑎᒃᑐᒥᑦ ᖃᐅᔨᓴᐃᕝᕕᒃ, ᐃᓄᓗᒃᑖᓄᑦ ᐅᖃᓪᓚᑏᑦ ᐱᒋᐊᓕᓚᐅᖅᑐᑦ, ᐅᑯᓂᙵᑦ ᐅᖃᐅᓯᖃᖅᖢᑎᒃ:

1. ᐅᑭᐅᖅᑕᖅᑐᖅ ᐊᒃᑐᖅᑕᐅᔪᖕᓇᕐᓂᖓᓄᑦ ᖃᐅᔨᓴᐃᓂᖅ (ABoVE): POLAR-ᑯᑦ ᐊᒻᒪᓗ NASA-ᑯᑦ ᐱᓕᕆᖃᑎᒌᖕᓂᖓᑦ (ᐊᔾᔨ 1);
2. ᕿᓂᖅᓴᐃᓂᖅ ᐃᒪᕐᒥᐅᑕᓂᒃ ᐆᒪᔪᓂᒃ ᐊᖅᑲᐅᒪᓂᒃᑯᑦ ᕿᑎᕐᒥᐅᓂᑦ ᓄᓇᕗᒻᒥᑦ: POLAR-ᑯᑦ ᐊᒻᒪᓗ ᑕᕆᐅᕐᒥᑦ ᓯᓚᑐᓂᒃᑯᑦ ᐊᓯᐅᔨᑦᑕᐃᓕᓂᕐᒧᑦ ᑲᑐᔾᔨᖃᑎᒌᒃᑯᑦ / ᕚᓐᑰᕙᒥᑦ ᐃᒪᐃᑦ ᒥᒃᓵᓄᑦ ᐱᓕᕆᖃᑎᒌᒃᑐᑦ (ᐊᔾᔨ 2); ᐊᒻᒪᓗ
3. ᕿᓂᖅᓴᐃᓂᖅ ᐊᒃᑐᐊᔾᔪᑎᓂᖏᓐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᒻᒪᓗ ᓂᕐᔪᑏᑦ ᐅᑭᐅᖅᑕᖅᑐᒦᑦᑐᓂᑦ: POLAR, ᑲᓇᑕᒥᑦ ᑕᑯᔭᒃᓴᐅᑎᖃᕐᕕᒃ ᓄᓇᒥᑦ, ᐳᕆᑎᔅ ᑐᓴᒐᒃᓴᓕᕆᓂᕐᒧᑦ ᑯᐊᐳᕇᓴᒃᑯᑦ, ᑕᕐᕆᔭᐅᑎ ᒪᒃᑯᒃᑐᓂᒃ ᐱᔾᔪᑎᖃᖅᑐᖅ ᐱᓕᕆᖃᑎᒌᖕᓂᐊᖅᑐᑦ (ᐊᔾᔨ 3).

ᑐᑭᓯᐅᒪᔾᔪᑎᒃᑲᓐᓃᑦ ᐃᓄᓗᒃᑖᓄᑦ ᐅᖃᓪᓚᒃᑏᑦ ᒥᒃᓵᓄᑦ ᑎᑎᕋᖅᓯᒪᔪᑦ ᑎᑎᖅᑲᖅ 1-ᒥᑦ.

ᐱᒋᐊᖅᑎᑕᐅᓂᖏᑦ ᓄᓇᓕᖕᒥᐅᑕᐃᑦ ᐃᓚᐅᓗᑎᒃ ᖃᐅᔨᓴᐃᓂᕐᒥᑦ ᐊᒻᒪᓗ ᐱᔪᒪᓂᖃᖅᑎᓪᓗᒋᑦ ᒪᒃᑯᒃᑐᐃᑦ ᐅᑭᐅᖅᑕᖅᑐᒥᑦ ᖃᐅᔨᓴᐃᓂᕐᒧᑦ ᓯᕗᓪᓕᖅᐸᐅᑎᔭᐅᔪᒃᓴᐅᑕᐅᔪᑦ POLAR-ᑯᓐᓄᑦ ᐊᒻᒪᓗ ᐱᐅᓯᒋᐊᖅᑕᐅᔪᖕᓇᖅᑐᑦ ᓴᙱᔪᒃᑯᑦ ᐊᒻᒪᓗ ᐋᖅᑭᒃᓱᐃᓂᒃᑯᑦ ᐱᓕᕆᖃᑎᒌᓂᑦ. POLAR-ᑯᑦ ᓂᕆᐅᑦᑎᐊᖅᑐᑦ ᑲᔪᓯᓂᐊᕐᓂᖏᓐᓄᑦ ᐃᓄᓗᒃᑖᓄᑦ ᐅᖃᓪᓚᒃᑏᑦ ᑲᓇᑕᒥᑦ ᐅᑭᐅᖅᑕᖅᑐᒥᑦ ᖃᐅᔨᓴᐃᕝᕕᖕᒥᑦ 2020-ᒥᑦ, ᐊᒻᒪᓗ ᐱᒋᐊᖅᑎᓪᓗᒋᑦ ᐊᓯᖏᑦ ᖃᐅᔨᒪᓂᕆᔭᖏᓐᓂᒃ ᑐᓂᓯᖃᑦᑕᕐᓂᕐᓄᑦ ᐋᖅᑭᐅᒪᔪᑦ ᑕᑯᒃᓴᐅᑎᑦᑎᔪᑦ ᓄᓇᖃᖅᖄᑐᑦ ᖃᐅᔨᒪᓂᖏᓐᓂᒃ, ᓱᓇᑐᐃᓐᓇᓕᕆᓂᕐᒧᑦ ᖃᐅᔨᓴᐃᓂᕐᓂᒃ, ᐊᒻᒪᓗ ᐊᑐᖅᑕᐅᓂᐊᖅᑐᓂᒃ ᖃᐅᔨᒪᓂᐊᕐᓗᓂ, ᓄᓇᓕᖕᒦᖓᔪᒃᑯᑦ, ᑲᓇᑕᐅᑉ ᐅᑭᐅᖅᑕᖅᑐᖓᓂᑦ.

ᓇᓗᓇᐃᖅᓯᓃᑦ

ᐃᓄᓗᒃᑖᓄᑦ ᐅᖃᓪᓚᒃᑏᑦ ᐊᔪᕐᓇᕋᔭᓚᐅᖅᑐᑦ ᐃᑲᔪᖅᑕᐅᖏᓪᓗᑎᒃ ᓄᓇᓕᖕᒥᑦ ᐱᓕᕆᖃᑎᒌᓄᑦ. ᖁᕕᐊᒋᔭᕗᑦ ᐃᑲᔪᕐᓂᖏᑦ ᐃᖃᓗᒃᑑᑦᑎᐊᖅ, ᑯᓪᓕᒃ ᐃᓕᕼᐊᕐᕕᒃ ᐃᓕᓐᓂᐊᕐᕕᒃ, ᑮᓕᓂᒃ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᒃ, ᐃᖃᓗᒃᑑᑦᑎᐊᕐᒥᑦ ᐸᐃᕝᕕᖕᒧᑦ ᑲᑎᒪᔩᑦ, ᐊᒻᒪᓗ ᓄᓇᕗᒻᒥ ᓯᓚᑦᑐᖅᓴᕐᕕᒃ - ᑕᒪᕐᒥᒃᓗᑖᖅ ᐃᑲᔪᖅᑐᐃᓚᐅᖅᑐᑦ ᐱᓕᕆᔩᑦ ᐊᒻᒪᓗ ᐃᓕᓐᓂᐊᖅᑏᑦ ᑕᐃᑲᓃᖃᑕᐅᓂᐊᕐᓗᑎᒃ.

ᓇᓗᓇᐃᖅᓯᔪᖅ 1 ᐱᔾᔪᑎᖃᖅᑐᖅ POLAR-ᑯᑦ ᐋᒃᑐᕋᐅᑎᖓᑦ ᐃᓄᓗᒃᑖᓄᑦ ᐅᖃᖅᑎᑦᑎᔨᓂᒃ.

* ᓇᓗᓇᐃᕐᓯᒪᔪᖅ: ᓈᓴᐅᑎᖅ ᐃᓚᖃᓚᐅᖅᑐᑦ ᒥᑭᓂᖅᓴᓄᑦ ᐃᓕᓐᓂᐊᕐᑎᓂᑦ ᐃᓚᒋᔭᐅᓚᐅᖅᑐᑦ ᑲᑎᖃᑎᒌᓐᓂᕐᒧᑦ ᐊᔾᔨᒌᙱᑦᑐᑦ ᐱᓕᕆᐊᒃᓴᓄᑦ, ᐃᓚᒋᓗᒋᑦ ᐆᒪᔪᑦ ᐃᒻᒥᕝᕖᑦ

ᑕᑯᒋᐊᕐᕕᐅᔪᑦ

• ᐱᖅᑯᓯᓕᕆᓂᕐᒧᑦ ᐱᔨᑦᑎᕋᐃᔨᒃᑯᑦ, ᐳᓚᕋᖅᑐᓕᕆᔨᒃᑯᑦ ᐊᒻᒪᓗ ᐱᖅᑯᓯᓕᕆᔨᒃᑯᑦ, 2013. ᒪᓕᒃᑕᐅᔪᒃᓴᖅ ᐅᖃᓕᒫᒐᖅ ᓱᓇᑐᐃᓐᓇᓕᕆᓂᒃᑯᑦ ᖃᐅᔨᓴᐃᓂᕐᒥᒃ ᔫᑳᓐᒥᑦ. ᔫᑳᓐ ᒐᕙᒪᒃᑯᖏᑦ ᐅᖃᓕᒫᒐᖏᑦ.
• ᐃᑳᕐᕕᒃ ᑕᕆᐅᕐᒥᑦ ᓯᓚᑐᓂᒃᑯᑦ, 2018. ᖃᐅᔨᓴᐃᓂᖅ ᐊᒻᒪᓗ ᑐᑭᖃᖅᑐᒃᑯᑦ ᐃᓚᐅᑎᑦᑎᓂᖅ ᐅᑭᐅᖅᑕᖅᑐᒥᑦ ᓄᓇᖃᖅᖄᖅᑐᑦ ᓄᓇᓕᖏᓐᓂᑦ: ᐃᒪᓐᓈᖅᑑᑕᐅᔪᑦ ᐃᑳᕐᕕᒃ ᒪᒃᑯᒃᑐᑦ ᓱᓇᑐᐃᓐᓇᓕᕆᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᓪᓗ ᑲᑎᒪᓂᖏᑦ, ᐅᑭᐅᓖᑦ (ᓄᕕᐱᕆ) 19-23, 2018-ᒥᑦ, ᐃᖃᓗᒃᑑᑦᑎᐊᖅ, ᓄᓇᕗᑦ.
• ᓂᑯᓪᔅ, S (Nickels, S.), ᓲᓕ, J. (Shirley, J.), ᐊᒻᒪᓗ ᓚᐃᑦᓗ G. (Laidler, G.), 2006. ᐋᔩᖃᑎᒌᒃᑐᑦ ᖃᐅᔨᓴᐃᓂᕐᒧᑦ ᐱᓕᕆᖃᑎᒌᖕᓂᕐᒥᒃ ᐃᓄᐃᑦ ᓄᓇᓕᖏᓐᓂᑦ: ᒪᓕᒃᑕᐅᔪᒃᓴᖅ ᖃᐅᔨᓴᐃᔨᓄᑦ, rev. ed. ᐋᑐᕚ ᐊᒻᒪᓗ ᐃᖃᓗᐃᑦ: ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᓄᓇᕗᒻᒥ ᖃᐅᔨᓴᐃᕝᕕᒃ.
• ᐊᕉᕋ ᖃᐅᔨᓴᐃᕝᕕᒃ, 2011. ᖃᐅᔨᓴᐃᓂᖅ ᓄᓇᑦᑎᐊᕐᒥᑦ: ᒪᓕᒃᑕᐅᔪᒃᓴᖅ ᖃᐅᔨᓴᐃᔨᓄᑦ ᑐᒃᓯᕋᐅᓯᐅᕐᓂᖅ ᓱᓇᑐᐃᓐᓇᓕᕆᓂᕐᒥᒃ ᖃᐅᔨᓴᐃᓂᕐᒧᑦ ᓚᐃᓴᓐᓯᒥᑦ, 10.