ᐱᕋᔭᒃᑕᐅᓯᒪᔪᓄᑦ ᐃᑲᔫᑎᑦ ᐱᔨᑦᑎᕋᐅᑕᐅᓗᑎᒃ

ᐃᑲᔪᖅᑕᐅᕝᕕᖕᓄᑦ ᐱᔨᑦᑎᕋᐅᑎᓕᕆᔩᑦ ᑲᓇᑕᒥᒃᑯᑦ ᑲᒪᒋᔭᖃᖅᐳᑦ ᑎᒍᔭᐅᓯᒪᔪᓂᒃ ᐊᒻᒪ ᓄᓇᓕᖕᓂᑦ ᑲᒪᒋᔭᖃᕐᓂᕐᒧᑦ ᐱᓂᕐᓗᒃᓯᒪᔪᓂᒃ ᑎᒍᔭᐅᓯᒪᔪᓂᑦ ᐊᕐᕌᒎᖕᓂᒃ ᒪᕐᕉᖕᓂᒃ ᐅᖓᑖᓂᓪᓘᓐᓃᑦ.

ᐱᓂᕐᓗᒃᑕᐅᓂᑰᒍᕕᑦ, ᑲᒪᒋᔭᐅᑦᑎᐊᖁᒐᑦᑎᒋᑦ ᓈᒻᒪᒃᑐᒃᑯᑦ ᐃᓕᖕᓂᓪᓗ ᐃᓱᒪᒋᔭᖃᑦᑎᐊᕐᓂᒃᑯᑦ. ᐱᓕᕆᐊᖃᓪᓚᕆᒃᑐᑦ ᐱᓂᕐᓗᒃᑕᐅᓯᒪᔪᓂᑦ ᐱᔨᑦᑎᕋᖅᑏᑦ ᐱᓕᕆᔨᖏᑦ ᐊᑐᐃᓐᓇᐅᕗᑦ ᐃᓕᖕᓂᒃ ᑐᓴᐅᒪᑎᑦᑎᒐᓱᒃᖢᑎᒃ ᐃᑲᔪᖅᑕᐅᕝᕕᖕᓄᑦ ᐱᔨᑦᑎᕋᐅᑎᓕᕆᔩᑦ ᑲᓇᑕᒥᒃᑯᑦ ᒥᒃᓵᓄᑦ ᐊᒻᒪ ᐃᓕᖕᓄᑦ ᐱᓂᕐᓗᒃᑐᕕᓂᐅᑉ ᒥᓵᓄᑦ.

ᐃᓕᓴᖅᓯᓯᒪᕗᒍᑦ ᐃᓚᒌᖑᔪᑦ ᓄᓇᓕᐅᔪᓪᓗ ᐱᒻᒪᕆᐅᓂᖏᓐᓂᒃ ᑲᓇᑕᐅᑉ ᐃᓕᖁᓯᖓᓂᒃ. ᖃᐅᔨᒪᒐᑦᑕ ᑭᓇᑐᐃᓐᓇᖅ ᐱᓂᕐᓗᒃᕕᐅᔪᖅ ᖃᐅᔨᒪᔭᖏᓐᓄᑦ ᐱᓂᕐᓗᒃᑕᐅᔭᓐᓂᖏᓐᓂᑦ. ᑐᓴᕈᒪᓐᓂᕈᕕᑦ ᑐᓴᖅᑎᑕᐅᔪᓐᓇᖅᐳᑎᑦ ᐃᓕᖕᓂᒃ ᐱᓂᕐᓗᒃᑐᕕᓂᐅᑉ ᖃᓄᐃᑕᐅᓂᖓᓂᒃ ᐅᕝᕙᓘᓐᓃᑦ ᑕᑯᔪᒪᖏᒃᑯᕕᐅᒃᓘᓐᓃᑦ. ᐃᓱᒪᒋᔭᓯ ᖃᓄᐃᒋᖏᑕᕗᑦ ᐃᓱᒪᖅᓱᕋᔅᓯ.

ᐊᔾᔨᒌᖏᑦᑑᑎᓂᒃ ᓂᐱᖃᕈᑎᖃᕈᓐᓇᖅᐳᑎᑦ ᐃᑲᔪᖅᑕᐅᕝᕕᓕᕆᓂᕐᒧᑦ ᐱᓕᕆᕙᓪᓕᐊᔾᔪᑎᓂᒃ. ᑐᓴᖅᑎᑕᐅᔪᓐᓇᖅᐳᑎᑦ ᐃᑲᔪᖅᑕᐅᕝᕕᖕᓄᑦ ᐱᔨᑦᑎᕋᐅᑎᓕᕆᔨᒃᑯᓐᓂᑦ ᑲᓇᑕᒥᒃᑯ ᐊᒻᒪᓗ ᑐᓴᖅᑎᑕᐅᔪᓐᓇᖅᖢᑎᑦ ᑖᒃᑯᓂᖓ ᐃᓕᖕᓄᑦ ᐱᓂᕐᓗᒃᑐᕕᓂᐅᑉ ᒥᒃᓵᓄᑦ.

ᐃᓱᒪᒋᔭᑎᑦ ᑐᓴᖅᑕᐅᑎᑦᑐᓐᓇᖅᑕᓯ ᐅᑯᓄᖓ ᐱᓂᕐᓗᒃᑕᐅᔪᕕᓂᕐᓄᑦ ᐅᖃᐅᔾᔪᐃᔩᑦ ᑲᑎᒪᔨᖏᓐᓄᑦ. ᑖᒃᑯᐊᓕ ᐅᖃᐅᔾᔪᐃᔨᒃᑯᑦ ᑐᓴᖅᑎᑦᑎᓕᕋᔭᖅᖢᑎᒃ ᐱᓂᕐᓗᒃᑐᕕᓃᑦ ᐊᓂᑎᑕᐅᓵᓕᔪᒪᓂᖏᓐᓄᑦ ᑲᑎᒪᔨᕐᔪᐊᑦ ᑲᓇᑕᒥᒃᑯᓐᓄᑦ, ᑖᑯᐊᓗ ᐃᑲᔪᖅᐸᒃᖢᑎ ᐋᖅᑭᒃᓱᐃᕙᓪᓕᐊᓂᕐᒥᒃ ᐃᑲᔪᖅᑕᐅᕝᕕᓕᕆᓂᕐᒧᑦ ᐊᒻᒪ ᖃᓄᖅ ᐊᓂᑎᑕᐅᓵᓕᓂᕐᒧᑦ ᒪᓕᒐᒃᓴᓄᑦ ᐊᑐᐊᒐᕐᓂᒃ ᐊᒻᒪ ᐱᓕᕆᔾᔪᑎᒃᓴᓂᑦ.

ᑐᓴᖅᑎᑕᐅᔪᓐᓇᖅᑐᑎᑦ ᐃᓕᖕᓂᑦ ᐱᓂᕐᓗᒃᑐᕕᓂᐅᑉ ᒥᒃᓵᓄᑦ ᐅᑯᐊ ᐅᖃᕐᕕᒋᓗᒋ ᐃᑲᔪᖅᑕᐅᕝᕕᖕᓄᑦ ᐱᔨᑦᑎᕋᐅᑎᓕᕆᔩᑦ ᑲᓇᑕᒥᒃᑯᑦ ᐅᕝᕙᓘᓐᓃ ᐱᓂᕐᓗᒃᑐᕕᓃᑦ ᐊᓂᑎᑕᐅᓵᓕᔪᒪᓂᖏᓐᓄᑦ ᑲᑎᒪᔨᕐᔪᐊᑦ ᑲᓇᑕᒥᒃᑯᓐᓄᑦ ᑐᒃᓯᕋᕐᓗᓯ. ᐅᓇ ᑐᓴᒐᒃᓴᖅ ᐃᓕᖕᓂᑦ ᑐᑭᓯᓯᒪᔾᔪᑕᐅᒐᓱᒃᑐᖅ ᐱᓂᕐᓗᒃᑐᓕᕆᓂᐅᑉ ᒥᒃᓵᓄᑦ ᐊᒻᒪ ᖃᓄᖅ ᐊᓂᑎᑕᐅᓵᓕᔪᑦ ᖃᓄᐃᓕᐅᕐᑕᐅᖃᑦᑕᒪᖔᖏᓐᓂᑦ. ᑕᒪᓐᓇ ᐃᑲᔫᑎᖃᕈᓐᓇᕐᑐᖅ ᖁᐊᖅᓵᕐᓇᖏᑦᑐᒦᑎᑦᑎᓂᕐᒧᑦ ᐃᓕᖕᓂᑦ ᐊᒻᒪᓗ ᐃᑲᔪᕈᓐᓇᑐᐃᓐᓇᕆᐊᖃᖅᖢᓂ ᒪᒥᓴᕐᓂᕐᓄᑦ. ᑐᓴᖅᑎᑕᐅᔪᓐᓇᕆᕗᑎᑦ ᐊᓯᕕᑦ ᑐᓴᕈᒪᔭᖏᓐᓂᑦ ᐅᕝᕙᓘᓐᓃᑦ ᐊᓯᖕᓂᑦ ᑐᓴᐅᒪᑎᑦᑎᔨᖃᕐᓗᑎᑦ ᑐᓴᕐᕕᒋᑦᑎᐊᕈᓐᓇᖅᑕᕐᓂᑦ.

ᐃᑲᔪᖅᑕᐅᕝᕕᓕᕆᔨᒃᑯᑦ ᐊᒻᒪ ᐊᓂᑎᑕᐅᓵᓕᓂᕐᒧᑦ ᒪᓕᒐᖅ ᑐᑭᓯᓇᖅᓯᑎᓯᒪᕗᖅ ᒪᓕᒐᓕᕆᓂᒃᑯᑦ ᑐᓴᖅᑎᑕᐅᔪᓐᓇᖅᑐᓂᒃ ᐱᓂᕐᓗᒃᓯᒪᔪᑦ ᒥᒃᓵᓄᑦ ᑎᒍᔭᐅᓯᒪᓕᒑᔪᓂᒃ ᐊᕐᕌᒎᖕᓂᒃ ᒪᓐᕉᖕᓂᒃ ᐅᖓᑖᓂᓘᓐᓃᑦ.

• ᑭᓇᑐᐃᓐᓇᖅ ᐋᓐᓂᖅᑕᐅᔪᕕᓂᖅ ᐅᕝᕙᓘᓐᓃᑦ ᐱᒡᒐᓕᖅᑎᑕᐅᓂᒃᑯᑦ ᐅᕝᕙᓘᓐᓃᑦ ᐃᓱᒫᓗᓗᐊᓕᖅᑎᑕᐅᓂᑯ ᐱᓂᕐᓗᒃᑕᐅᓯᒪᓂᕐᒧᑦ,
• ᐊᐃᑉᐸᕆᔭᐅᔪᖅ ᐅᕝᕙᓘᓐᓃᑦ ᐱᖃᑎᒋᔭᐅᔪᑦ, ᐃᓚᒋᔭᐅᔪᑦ, ᑲᒪᒋᔭᐅᕙᒃᑐᑦ, ᑭᓇᑐᐃᓐᓇᖅ ᑲᒪᒋᔭᖃᖅᑐᖅ ᐱᓂᕐᓗᒃᑕᐅᓯᒪᓂᒃᑯᑦ ᐃᓅᔪᓐᓃᕐᑐᕕᓂᐅᓐᓂᕈᓂ ᐅᕝᕙᓘᓐᓃ ᓇᖕᒥᓂᖅ ᐱᓕᕆᔪᓐᓇᐃᓪᓕᓯᒪᔪᒥᑦ ᐱᓂᕐᓗᒃᑕᐅᓯᒪᓂᕐᒧᑦ, ᐅᕝᕙᓘᓐᓃ
• ᑭᓇᑐᐃᓐᓇᖅ ᐱᓂᕐᓗᒃᑐᕕᓂᐅᑉ ᒥᒃᓵᓄᑦ ᕿᐱᓘᑎᖃᕐᓂᕈᓂ ᐸᓖᓯᒃᑯᓐᓄᑦ ᒪᓕᒐᓕᕆᔨᒃᑯᓐᓄᓪᓘᓐᓃᑦ.

ᑐᓴᕈᒪᔾᔪᑎᓂᒃ ᐱᑎᑕᐅᑐᐊᕈᑦᑕ, ᐅᑯᓂᖓ ᑐᓴᖅᑎᑦᑎᓕᕈᓐᓇᖅᑐᒍᑦ:

• ᐱᓂᕐᓗᒃᑐᕕᓂᐅᑉ ᐊᑎᖓ,
• ᐱᓂᕐᓗᒍᑎᒋᔭᕕᓂᖓᓂᒃ ᐊᒻᒪᓗ ᓇᓕᐊᒃᑯᑦ ᐃᖅᑲᖅᑐᐃᕕᒃᑯ ᐱᓕᕆᐊᖑᓯᒪᓂᑰᖕᒪᖔᑦ
• ᐱᓂᕐᓗᒃᑐᕕᓂᐅᑉ ᑎᒍᔭᐅᓯᒪᓕᕆᐊᕐᕕᖓᓂᑦ ᐊᒻᒪ ᖃᓄᖅ ᐊᑯᓂᐅᑎᒋᔪᖅ ᑎᒍᔭᐅᓯᒪᒐᔭᕐᓂᖓᓂᑦ, ᐊᒻᒪ
• ᐱᓂᕐᓗᒃᑐᕕᓂᐅᑉ ᐊᓂᔪᓐᓇᕐᕕᒋᓪᓗᐊᖅᑕᖏᓐᓂᒃ ᐊᒻᒪ ᐊᓂᓵᓕᔪᒪᓂᕐᒧᑦ ᑭᒥᕐᕈᐊᖅᑕᐅᓂᐅᒐᔭᖅᑐᓂᒃ ᐊᓂᓯᒪᓚᐅᑲᒍᒪᓂᕐᒧᓪᓘᓐᓃᑦ ᐊᓂᑎᑕᐅᓵᓕᔪᒪᓂᕐᒧᓪᓘᓐᓃᑦ.

ᐅᑯᓂᖓᑦᑕᐅᖅ ᑐᓴᖅᑎᑕᐅᔪᓐᓇᕆᕗᑎᑦ:

• ᐱᓂᕐᓗᒃᑐᕕᓂᐅᑉ ᐊᕌᒍᖓᓂᑦ;
• ᑖᓐᓇ ᐱᓂᕐᓗᒃᑐᕕᓂᖅ ᑎᒍᔭᐅᓯᒪᖕᒪᖔᑦ, ᑎᒍᔭᐅᓯᒪᖏᑉᐸᓪᓗ, ᖃᓄᐃᒻᒪ;
• ᑎᒍᔭᐅᓯᒪᕝᕕᖓᑕ ᐊᑎᖓ ᓇᓃᒻᒪᖔᓪᓘᓐᓃ ᑖᓐᓇ ᐱᓂᕐᓗᒃᓯᒪᔪᖅ;
• ᑐᓴᖅᑎᑕᐅᔪᓐᓇᖅᐳᓯ ᐱᓂᕐᓗᒃᑐᕕᓂᖅ ᖃᓄᐃᒻᒪ ᐊᓯᐊᓄᑦ ᑎᒍᔭᐅᓯᒪᕝᕕᖕᒧᑦ ᓅᑕᐅᖕᒪᖔᑦ,
• ᑐᓴᖅᑎᑕᐅᔪᓐᓇᖅᐳᓯ ᑖᔅᓱᒪ ᐱᓂᕐᓗᒃᑐᕕᓂᐅᑉ ᐱᓕᕆᐊᖏᓐᓂᑦ ᐱᓕᕆᐊᕆᓯᒪᔭᕕᓂᖏᓐᓂᒡᓗ;
• ᐱᒻᒪᕆᐊᓗᖕᓂᑦ ᐱᓂᕐᓗᒃᓯᒪᔫᑉ ᐱᓂᕐᓗᒍᑎᕕᓂᖏᓐᓂᑦ;
• ᐊᓂᑎᑕᐅᕝᕕᒃᓴᖓᓂᒃ ᐊᓂᑎᑕᐅᓚᐅᑲᖕᓂᐊᕈᓂ, ᐃᖅᑲᓇᐃᔭᕆᐊᖃᑦᑕᕐᓗᓂ, ᐊᓂᑎᑕᐅᓵᓕᒍᑎᖏᓐᓂᑦ, ᐅᕝᕙᓘᓐᓃᑦ ᒪᓕᒐᑎᒍᑦ ᐊᓂᑎᑕᐅᔾᔪᑎᖏᓐᓂᒃ;
• ᐅᓪᓗᖓ ᓇᓗᓇᐃᖅᑕᓯᒪᓂᖓᓂᒃ ᐊᓂᑎᑕᐅᓵᓕᔪᒪᓂᖏᓐᓄᑦ ᑲᑎᒪᔨᕐᔪᐊᑦ ᑲᓇᑕᒥ ᐊᓂᑎᑕᐅᔪᒪᓂᕐᒧᑦ ᐱᓕᕆᐊᖑᓂᖓᓂᑦ;
• ᑭᓲᖕᒪᖔᑕ ᐱᔾᔪᑎᖏᑦ ᐊᓂᑎᑕᐅᓚᐅᑲᖕᓂᖓᓄᑦ
• ᒪᓕᒋᐊᖃᕋᔭᖅᑕᖏᓐᓂᑦ ᐊᓂᑎᑕᐅᓚᐅᑲᖕᓂᐊᕐᓂᕐᒧᑦ, ᐃᖅᑲᓇᐃᔭᖃᑦᑕᕆᐊᖃᕐᓂᕐᒧᑦ, ᐊᓂᑎᑕᐅᓵᓕᓂᕐᒧᑦ, ᐅᕝᕙᓘᓐᓃᑦ ᒪᓕᒐᖅᑎᒍᑦ ᐊᓂᑎᑕᐅᓂᖓᓂᑦ;
• ᐱᓂᕐᓗᒃᑐᕕᓂᐅᑉ ᓇᒧᙵᐅᓂᐊᕐᓂᖓᓂᑦ ᐊᓂᑎᑕᐅᒍᓂ ᐊᓂᑎᑕᐅᓚᐅᑲᖕᓂᐊᕐᓂᕐᒧᑦ, ᐃᖅᑲᓇᐃᔭᖃᑦᑕᕆᐊᖃᕐᓂᕐᒧᑦ, ᐊᓂᑎᑕᐅᓵᓕᓂᕐᒧᑦ, ᐅᕝᕙᓘᓐᓃᑦ ᒪᓕᒐᖅᑎᒍᑦ ᐊᓂᑎᑕᐅᓂᖓᓂᑦ; ᐱᓂᕐᓗᒃᓯᒪᔪᖅ ᖃᓂᒋᔭᖃᕐᓂᐊᕐᓂᕈᓂ ᐱᓂᕐᓗᒃᓯᒪᔭᖓᓄᑦ ᐅᐸᒐᓱᒃᑕᖓᓄᑦ, ᐊᒻᒪᓗ
• ᐅᓪᓗᖅ ᐅᑯᐊ ᐊᓂᑎᑕᐅᓵᓕᔪᒪᓂᖏᓐᓄᑦ ᑲᑎᒪᔨᕐᔪᐊᑦ ᑲᓇᑕᒥ ᐱᓂᕐᓗᒃᑐᕕᓂᕐᒥᒃ ᐱᓕᕆᐊᖃᓕᕋᔭᕐᓂᖏᓐᓂᒃ.

ᓂᕈᐊᖅᖠᕈᕕᑦ, ᑐᓴᖅᑎᑦᑎᔪᓐᓇᕆᕗᑎᑦ ᖃᓄᖅ ᐱᓂᕐᓗᒃᑕᐅᔾᔪᑎᕕᓃᑦ ᐃᓕᖕᓂᑦ ᐃᓚᖕᓂᓪᓘᓐᓃᑦ ᐊᒃᑐᐃᓯᒪᓂᖓᓂᑦ ᐅᕝᕙᓘᓐᓃᑦ ᑐᓴᖅᑎᑦᑎᓗᑎᑦ ᐃᓕᖕᓄᑦ ᐱᓂᕐᓗᒃᑐᕕᓂᐅᑉ ᒥᒃᓵᓄᑦ. ᑐᓴᖅᑕᐅᔪᑦ ᐃᑲᔫᑕᐅᑐᐃᓐᓇᕆᐊᖃᕐᒪᑕ ᐃᓱᒪᓕᐅᕆᑎᓪᓗᒋᑦ ᑖᔅᓱᒪ ᐱᓂᕐᓗᒃᑐᕕᓂᐅᑉ ᖃᓄᐃᓕᐅᕐᑕᐅᓂᐊᕐᓂᖓᓄᑦ. ᑐᓴᖅᑕᐅᔪᑦᑕᐅᖅ ᐊᑐᖅᑕᐅᑐᐃᓐᓇᕆᐊᖃᖅᑐᑦ ᐅᑯᓄᖓ ᐊᓂᑎᑕᐅᓵᓕᔪᒪᓂᖏᓐᓄᑦ ᑲᑎᒪᔨᕐᔪᐊᑦ ᑲᓇᑕᒥ ᐃᓱᒪᒃᓴᖅᓯᐅᓕᕈᑎᒃ ᑖᓐᓇ ᐱᓂᕐᓗᒃᑐᕕᓂᖅ ᐊᓂᑎᑕᐅᓂᐊᕐᓂᖓᓂᑦ ᓄᓇᓕᖕᓄᑦ.

ᐅᑯᓄᖓ ᑐᓴᕆᐊᕋᓱᒃᑯᕕᑦ ᐃᑲᔪᖅᑕᐅᕝᕕᖕᓄᑦ ᐱᔨᑦᑎᕋᐅᑎᓕᕆᔩᑦ ᑲᓇᑕᒥᒃᑯᓐᓄᑦ ᐱᓂᕐᓗᒃᑕᐅᓯᒪᔪᓄᑦ ᐱᔨᑦᑎᕋᐅᑎᓕᕆᔨᒃᑯᓐᓄᑦ, ᑖᓐᓇ ᐃᓕᖕᓄᑦ ᐱᓂᕐᓗᒃᑐᕕᓂᖅ ᑐᓴᖅᑎᑕᐅᒐᙱᑦᑐᖅ. ᑭᓯᐊᓂᓕ, ᑐᓴᖅᑎᑦᑎᔾᔪᑎᒋᔭᑎᑦ ᐃᑲᔪᕈᑕᐅᒍᑎᒃ ᐊᒃᑐᐃᓯᒪᓗᑎᒃ ᑖᔅᓱᒪ ᐱᓂᕐᓗᒃᓯᒪᔫᑉ ᒥᒃᓵᓄᑦ ᐊᓂᑎᑕᐅᓂᖓᓄᑦ, ᑕᐃᒪᓕ ᐃᑲᔪᖅᑕᐅᕝᕕᖕᓄᑦ ᐱᔨᑦᑎᕋᐅᑎᓕᕆᔩᑦ ᑲᓇᑕᒥᒃᑯᑦ ᐱᓂᕐᓗᒃᑐᕕᓂᕐᒥᑦ ᑐᓴᖅᑎᑦᑎᔭᕆᐊᖃᕋᔭᖅᑐᑦ. ᓇᖕᒥᓂᖅ ᐃᓕᖕᓅᖓᔪᑦ ᓲᕐᓗ ᑐᕌᕈᑏᑦ ᐅᖄᓚᐅᑏᓪᓗ ᑐᓐᓂᖁᑕᐅᒐᔭᙱᑦᑎᐊᖅᑐᖅ ᐱᓂᕐᓗᒃᑐᕕᓂᕐᒧᑦ.

ᐅᖃᖃᑎᖃᕈᓐᓇᖅᐳᑎᑦ ᐃᑲᔪᖅᑕᐅᕝᕕᖕᓄᑦ ᐱᔨᑦᑎᕋᐅᑎᓕᕆᔩᑦ ᑲᓇᑕᒥᒃᑯᑦ ᐃᓕᑦᑎᒃᑲᓐᓂᕈᒪᒍᕕᑦ ᐱᓂᕐᓗᒃᑕᐅᓯᒪᔪᑦ ᐱᔨᑦᑎᕋᖅᑕᐅᔾᔪᑎᖏᓐᓂᑦ ᐅᕝᕙᓘᓐᓃᑦ ᑐᓴᖅᑎᑕᐅᔪᒪᒍᕕᑦ.
ᐊᑭᖃᖏᑦᑐᖅ: 1−866−806−2275
ᖃᕆᑕᐅᔭᒃᑯᑦ ᑎᑎᕋᕐᕕᒋᓗᒋᑦ: victims-victimes@csc-scc.gc.ca
ᖃᕆᑕᐅᔭᒃᑯ ᓴᖅᑭᔮᒐᖓᑦ: www.csc-scc.gc.ca/victims-victimes

ᐊᓂᑎᑕᐅᓵᓕᔪᒪᓂᖏᓐᓄᑦ ᑲᑎᒪᔨᕐᔪᐊᑦ ᑲᓇᑕᒥ − ᐱᔨᑦᑎᕋᐅᑎᓕᕆᕝᕕᒃ ᐱᓂᕐᓗᒃᑕᐅᓯᒪᔪᓄᑦ
ᐊᑭᖃᖏᑦᑐᖅ 1−866−789−4636
www.pbc-clcc.gc.ca

ᒪᓕᒐᓕᕆᔨᒃᑯᑦ − ᐱᓂᕐᓗᒃᑕᐅᓯᒪᔪᓄᑦ ᐃᑲᔫᑎᒃᓴᑦ
(ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᑦ ᐊᓂᑎᑕᐅᓵᓕᔪᒪᓂᕐᒧᑦ ᐱᓕᕆᐊᖑᓕᖅᐸᑦ ᐱᓂᕐᓗᒃᑐᕕᓂᖅ)
ᐊᑭᖃᖏᑦᑐᖅ 1−866−544−1007
www.justice.gc.ca

ᒐᕙᒪᑐᖃᒃᑯᑦ ᑭᒡᒐᖅᑐᐃᔨᖏᑕ ᑎᑎᕋᖅᕕᐊᓄᑦ ᐱᓂᕐᓗᒃᑕᐅᓯᒪᔪᓄᑦ
ᐊᑭᖃᖏᑦᑐᖅ 1−866−481−8429
www.victimsfirst.gc.ca