ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᒃ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᑐᓴᖅᑕᑉᑎᖕᓄᑦ ᐅᓂᑉᑳᖅ: ᐃᓚᐅᑎᑦᑎᓂᕐᒧᑦ ᑲᑎᒪᓃᑦ ᓄᓇᖃᖅᖄᖅᑐᑦ ᒐᕙᒪᒃᑯᖏᑦ, ᓄᓇᓖᑦ ᐊᒻᒪᓗ ᐊᐅᓚᑦᑎᔩᑦ ᑲᑐᔾᔨᖃᑎᒌᑦ ᐊᒻᒪᓗ ᑲᓇᑕᒥᑦ ᒐᕙᒪᒃᑯᑦ
ᑎᑎᕋᖅᓯᒪᔪᑦ ᐅᖃᖅᑕᐅᓲᑦ ᓇᐃᓈᖅᖢᒋᑦ ᐊᑐᖅᑕᐅᒐᔪᒃᑯᑦ ᑕᒡᕙᓂ ᐅᓂᑉᑳᒥᑦ
- CIRNAC
- ᒐᕙᒪᑐᖃᒃᑯᑦ-ᓄᓇᖃᖅᖄᖅᑐᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᒥᑦ ᑲᒪᔨᒃᑯᑦ
- CSOR
- ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐃᖅᕿᓖᑦ ᓄᓇᓕᖓᓐᓂᑦ (ISC)
- ECCC
- ᑲᓇᑕᒥᑦ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᔪᓕᕆᔨᒃᑯᑦ (ECCC)
- FCSAP
- ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᒃ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ
- FCSI
- ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᖃᑉᓯᐅᓂᖏᑦ
- ISC
- ᑲᓇᑕᒥᑦ ᓄᓇᖃᖅᖄᖅᑐᓂᒃ ᐱᔨᑦᑎᕋᐃᔨᒃᑯᑦ
- MLC
- 2021-ᒥᑦ ᒥᓂᔅᑕ ᐊᕙᑎᓕᕆᔨᒃᑯᓐᓄᑦ ᐱᔭᒃᓴᖃᕐᓂᕐᒧᑦ ᑎᑎᖅᖃᖓ ᐱᓂᐊᕐᓂᕋᖅᓯᒪᓂᕐᒧᑦ (MLC) “ᖃᐅᔨᓂᐊᕐᓗᒋᑦ, ᐊᒻᒪᓗ ᓯᕗᓪᓕᖅᐸᐅᑎᔭᐅᑎᓪᓗᒋᑦ ᓴᓗᒻᒪᖅᓴᖅᑕᐅᓂᖏᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᓄᓇᖃᖅᖄᖅᑐᓄᑦ ᐃᓂᒋᔭᐅᔪᓂᑦ, ᐊᔾᔨᐅᖏᑦᑐᓕᐊᖑᔪᓄᑦ ᐊᒻᒪᓗ ᑮᓇᐅᔭᓕᐅᓗᐊᖏᑦᑐᓄᑦ ᑲᓇᑕᒥᐅᑕᐅᔪᓄᑦ”.
- NCSP
- ᐅᐊᖕᓇᖅᐸᓯᒃᑐᒥᑦ ᐱᑦᑕᐅᖏᑦᑐᖅᑕᓕᖕᓂᑦ ᐃᓂᐅᔪᓄᑦ ᑐᕌᖓᔪᖅ (CIRNAC)
- TBS
- ᑮᓇᐅᔭᓕᕆᔨᒃᑯᑦ ᐊᓪᓚᕝᕕᖓ
ᐊᐅᓚᑦᓯᔨᒃᑯᑦ ᓇᐃᓈᖅᓯᒪᔪᑦ ᐱᓗᐊᕐᓂᖏᓐᓂᒃ ᐅᓂᒃᑳᖏᑦ
ᑕᐃᒪᙵᓂᑦ 2005-ᒥᑦ, ᑲᓇᑕᒥᑦ ᒐᕙᒪᒃᑯᑦ (GoC) ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᖓᑦ ᑮᓇᐅᔭᖃᖅᑎᑦᑎᔪᖅ ᒐᕙᒪᑐᖃᒃᑯᓐᓄᑦ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᐱᓕᕆᐊᕆᓂᐊᕐᓗᒋᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐱᔭᒃᓴᐅᑎᒋᔭᖓᑦᑎᒍᑦ. ᒐᕙᒪᑐᖃᒃᑯᑦ-ᓄᓇᖃᖅᖄᖅᑐᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᒥᑦ ᑲᒪᔨᒃᑯᑦ (CIRNAC) ᐊᒻᒪᓗ ᑲᓇᑕᒥᑦ ᓄᓇᖃᖅᖄᖅᑐᓂᒃ ᐱᔨᑦᑎᕋᐃᔨᒃᑯᑦ (ISC) ᐱᓕᕆᐊᓚᐅᖅᑕᖏᑦ ᐊᒻᒪᓗ ᐅᑎᖅᑎᑎᕆᑉᓗᑎᒃ ᕼᐊᓐᓇᖏᓐᓃᑦᑐᓂᑦ ᐃᓂᐅᔪᓂᑦ;
- ᐃᖅᕿᓖᑦ ᓄᓇᖅᖃᑎᒌᑦ ᓄᓇᖏᓐᓂᑦ
- ᐱᖅᖁᓯᒃᑯᑦ ᓄᓇᖃᖅᖄᖅᑐᓄᑦ ᓄᓇᒋᔭᐅᔪᓂᑦ ᑲᓇᑕᐅᑉ ᐅᐊᖕᓇᖅᐸᓯᒃᑐᖓᓂᑦ
2018-ᒥᑦ, ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ ᐊᓪᓚᕝᕕᖓᑦ, ᐃᑲᔪᖅᑕᐅᑉᓗᑎᒃ ᒐᕙᒪᑐᖃᒃᑯᑦ ᑐᕌᖓᔪᒧᑦ ᐱᓕᕆᖃᑎᒋᔭᖏᑦ CIRNAC-ᑯᓐᓄᑦ ᐊᒻᒪᓗ ISC-ᑯᓐᓄᑦ, ᖁᓖᖅᑕᕐᓗᑎᒃ ᑲᑎᒪᖃᑎᖃᓚᐅᖅᑐᑦ ᑲᓇᑕᐅᑉ ᐃᓗᐊᓂᑦ, ᓄᓇᖃᖅᖄᖅᑐᑦ ᓄᓇᓕᖕᓂᑦ ᐊᒻᒪᓗ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ. ᑲᑎᒪᓂᕐᓂᑦ:
- ᐃᑲᔪᓚᐅᖅᑐᑦ ᑲᑎᑦᑎᑉᓗᑎᒃ ᑕᐅᑐᒐᕆᔭᐅᔪᓂᒃ ᐊᒻᒪᓗ ᐃᓱᒪᒋᔭᐅᔪᓂᒃ ᑐᒃᓯᕋᐅᑕᐅᔪᒧᑦ ᓄᑖᙳᖅᓯᒪᔪᖅ FCSAP ᑐᕌᖓᔪᒧᑦ
- ᐃᓱᒪᒋᔭᐅᔪᓂᒃ ᑐᓂᓯᑎᑦᑎᓚᐅᖅᑐᖅ ᐱᔾᔪᑎᖃᖅᑐᓂᒃ ISC-ᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐃᖅᕿᓖᑦ ᓄᓇᓕᖓᓐᓂᑦ ᑐᕌᖓᔪᒧᑦ (CSOR) ᐊᒻᒪᓗ CIRNAC-ᑯᑦ ᐅᐊᖕᓇᖅᐸᓯᒃᑐᒥᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓄ ᑐᕌᖓᔪᖏᓐᓄᑦ (NCSP)
ᐃᓱᒪᒋᔭᐅᔪᓂᑦ ᑐᓂᔭᐅᔪᑦ ᑲᑎᒪᑎᓪᓗᒋᑦ ᐃᒪᓐᓈᖅᑑᑎᖃᓚᐅᖅᑐᑦ ᐱᐅᓯᒋᐊᕐᓂᐊᕐᓗᒋᑦ ᑐᕌᖓᔪᓕᕆᓂᖕᒥᑦ ᓯᕗᒻᒧᒃᑎᑕᐅᓂᖓ.
FCSAP ᑐᕌᖓᔪᖅ ᑖᙳᖅᑎᑕᐅᓚᐅᖅᑐᖅ 15-ᑲᓐᓃᑦ ᐅᑭᐅᓄᑦ 2020-ᒥᑦ. ᐱᕙᓪᓕᐊᓂᖃᕋᓗᐊᖅᑎᓪᓗᒋᑦ ᐱᓕᕆᐊᕆᔭᐅᓂᖏᑦ ᐃᒪᓐᓈᖅᑑᑕᐅᔪᑦ FCSAP ᑐᓵᓚᐅᖅᑐᖅ ᓄᓇᖃᖅᖄᖅᑐᑦ ᐃᓄᖕᓂᑦ 2018-ᒥᑦ:
- ᐱᑕᖃᙱᓐᓂᐅᓗᐊᖅᑐᓂᒃ ᐱᓕᕆᐊᖑᓂᐊᖅᑐᓂᒃ
- ᐱᐅᓯᒋᐊᖅᓯᔪᖕᓇᕐᓂᕐᒧᑦ ᐱᓕᕆᖃᑎᒌᖕᓂᖏᑦ ᒐᕙᒪᑐᖃᒃᑯᑦ ᐊᒻᒪᓗ ᓄᓇᖃᖅᖄᖅᑐᑦ ᒐᕙᒪᖏᑦ ᐊᒻᒪᓗ ᓄᓇᓖᑦ ᐱᔾᔪᑎᒋᑉᓗᒋᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᐅᓚᑦᑎᓂᕐᒧᑦ.
ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ ᐊᑐᖅᑕᐅᓗᐊᖅᑐᖅ CSOR-ᒧᑦ ᐊᒻᒪᓗ NCSP-ᒧᑦ (ᐃᓚᐅᖏᑦᑐᑦ 8 ᐊᖏᓛᖑᔪᑦ ᓄᖅᖃᐅᑎᔭᐅᓯᒪᔪᑦ ᐅᔭᕋᒃᑕᕆᐊᑦ ᔫᑳᓐᒥᑦ ᐊᒻᒪᓗ ᓄᓇᑦᑎᐊᕐᒥᑦ, CIRNAC-ᑯᑦ ᐅᐊᖕᓇᖅᐸᓯᖕᒥᑦ ᕿᒪᒃᑕᐅᓯᒪᔪᓄᑦ ᐅᔭᕋᒃᑕᕆᐊᓂᑦ ᐅᑎᖅᑎᑎᕆᓂᕐᒧᑦ ᑐᕌᖓᔪᒦᑦᑐᑦ). ᐊᒻᒪᓗ, ᐃᓚᒋᔭᐅᑉᓗᓂ ᒥᓂᔅᑕᐊᔪᖅ ᐊᕙᑎᓕᕆᔨᒃᑯᓐᓄᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᔪᒃᑯᓐᓄᑦ ᐱᔭᒃᓴᐅᑎᖃᕐᓂᕐᒧᑦ ᑎᑎᕋᖅᑕᖓ ᐋᒡᔪᓕᕐᕕᒃ 2021-ᒥᑦ (MLC), GoC ᐃᒪᓐᓇᐃᓐᓂᐊᖅᑐᑦ
“ᖃᐅᔨᓗᒋᑦ ᐊᒻᒪᓗ ᓯᕗᓪᓕᖅᐸᐅᑎᓂᐊᕐᓗᒋᑦ ᓴᓗᒻᒪᖅᓴᐃᓃᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᓄᓇᖃᖅᖄᖅᑐᑦ ᓄᓇᓕᖏᓐᓂᑦ, ᓇᑭᙶᕐᓂᖏᓐᓄᑦ ᐃᓱᒪᒋᔭᐅᔪᓂᑦ, ᐊᒻᒪᓗ ᑮᓇᐅᔭᓕᐅᓗᐊᖏᑦᑐᑦ ᑲᓇᑕᒥᐅᑕᐃᑦ ᓄᓇᓕᖃᕐᕕᒋᔭᖏᓐᓂᑦ”.
ᑕᐃᒪᓐᓇᒧᑦ, ᐃᓚᐅᑎᑦᑎᓂᕐᒧᑦ ᑲᑎᒪᓂᖃᓚᐅᖅᑐᑦ ᓄᓇᖃᖅᖄᖅᑐᑦ ᒐᕙᒪᒃᑯᓐᓂᑦ ᐊᒻᒪᓗ ᓄᓇᓕᖕᓂᑦ ᑲᓇᑕᐅᑉ ᐃᓗᐊᓂᑦ ᐊᕗᓐᓂᕕᖕᒥᑦ ᓄᕐᕋᐃᑦᒧᑦ 2023-ᒥᑦ ᑐᓴᕐᕕᒋᔪᒪᑉᓗᒋᑦ ᐅᑯᓄᖓ:
- ᐱᑕᖃᙱᓐᓂᐅᔪᓄᑦ
- ᓯᕗᓪᓕᖅᐸᐅᑎᔭᐅᔪᒪᔪᓄᑦ
- ᐃᒪᓐᓈᖅᑑᑕᐅᔪᑦ
- ᐊᑐᖅᑕᐅᓂᖏᑦ ᓄᓇᖃᖅᖄᖅᑐᓄᑦ ᖃᐅᔨᒪᓂᕆᔭᐅᔪᑦ ᐱᔾᔪᑎᖃᖅᑐᓂᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᐅᓚᑦᑎᓂᕐᒧᑦ ᐃᑲᔪᕐᓂᐊᖅᑐᓂᒃ ᓯᕗᓂᒃᓴᒥᑦ ᑐᕌᖓᔫᓂᐊᖅᑐᖅ (V-ᒋᔭᖓ)
- ᐱᓂᐊᕐᓂᕆᔭᐅᔪᑦ ᓇᓗᓇᐃᖅᑕᐅᓯᒪᔪᑦ MLC-ᒥᑦ
ᐅᓂᑉᑳᓕᐅᖅᑕᐅᔪᖅ ᐃᒪᓐᓇᐃᓐᓂᐊᕐᓗᑎᒃ:
- ᑐᓂᐅᑎᒋᓗᒋᑦ ᐃᓱᒪᒋᔭᐅᔪᓂᒃ ᐱᔭᐅᔪᑦ ᐃᓚᐅᑎᑦᑎᓂᕐᒧᑦ ᑲᑎᒪᑎᓪᓗᒋᑦ
- ᐊᑐᖅᑕᐅᓂᖏᑦ ᑕᒪᐃᓐᓅᖓᔪᒃᑯᑦ ᖃᐅᔨᔭᐅᔪᑦ ᐃᑲᔪᕐᓂᐊᕐᓗᑎᒃ ᖃᐅᔨᓴᐃᓂᕐᒥᒃ ᐊᒻᒪᓗ ᐅᑎᖅᑎᑎᕆᓂᕐᒥᒃ ᐊᒻᒪᓗ ᐊᑐᖅᑕᐅᔪᖕᓇᖅᑐᒥᒃ ᓄᑖᙳᖅᑕᐅᓂᖓ FCSAP ᑐᕌᖓᔪᖅ 2025-ᒥᑦ.
ᐅᑯᐊᒃ ᐊᑐᖅᑕᐅᔪᑦ ᓴᖅᕿᓚᐅᖅᑐᑦ ᑲᑎᒪᑎᑦᑎᓂᓗᒃᑖᓂᑦ:
- ᑮᓇᐅᔭᖃᖅᑎᑦᑎᓂᖅ - ᐱᔭᐅᔭᕆᐊᖃᖅᑐᖅ ᐊᑯᓂᐅᔪᒧᑦ, ᐱᔭᐅᔪᖕᓇᕐᓗᓂ, ᖃᖓᒃᑯᑐᐃᓐᓇᖅ, ᐊᒻᒪᓗ ᐊᔪᙱᓐᓂᐊᕐᓗᑎᒃ ᑮᓇᐅᔭᖃᖅᑎᑦᑎᓂᐊᖅᑐᑦ
- ᓄᓇᖃᖅᖄᖅᑐᓄᑦ ᖃᐅᔨᒪᓂᕆᔭᐅᔪᖅ - ᑐᑭᖃᖅᑐᒥᒃ ᐃᓚᐅᑎᑕᐅᓂᖏᑦ ᓄᓇᖃᖅᖄᖅᑐᓄᑦ ᖃᐅᔨᒪᓂᕆᔭᐅᔪᖅ ᑕᒪᐃᓐᓂᓗᒃᑖᖅ ᖃᐅᔨᓴᐃᓂᕐᒥᑦ ᐊᒻᒪᓗ ᐅᑎᖅᑎᑎᕆᓂᕐᒥᑦ ᐊᒻᒪᓗ ᐃᓚᐅᑎᑕᐅᓂᖏᑦ ᐃᓐᓇᕆᔭᐅᔪᑦ ᐊᒻᒪᓗ ᖃᐅᔨᒪᓂᕐᒥᑦ ᐱᓯᒪᔪᑦ ᐃᓱᒪᓕᐅᕆᖃᑕᐅᓂᕐᒧᑦ.
- ᐃᓚᐅᑎᑦᑎᓂᖅ ᐊᒻᒪᓗ ᐃᓂᖃᕐᓂᖅ - ᐱᒋᐊᖅᓵᓂᖓᓂᑦ ᐃᓚᐅᑎᑦᑎᓂᖅ, ᐃᓂᓕᐅᕆᓂᖅ, ᐊᒻᒪᓗ ᑲᔪᓯᑎᑕᐅᓂᖓ ᓄᓇᓕᒃ ᐃᓚᐅᑎᑕᐅᓂᖓ ᐊᒻᒪᓗ ᐱᓕᕆᖃᑎᒌᖕᓂᕐᒧᑦ ᐱᓕᕆᐊᖑᔪᑦ
- ᖃᐅᔨᒋᐊᕐᕕᐅᖃᑦᑕᖅᑐᑦ - ᖃᐅᔨᒋᐊᕐᕕᐅᖃᑦᑕᖅᑐᑦ ᐃᓚᐅᓂᐊᕐᓗᑎᒃ ᐊᔪᙱᓐᓂᖅᓴᐅᔪᒃᑯᑦ, ᑕᑯᒃᓴᐅᓂᒃᑯᑦ, ᐊᒻᒪᓗ ᑐᑭᖃᖅᑐᒃᑯᑦ ᓄᓇᓕᖕᒥᑦ
- ᐊᔪᕈᖕᓃᖅᓴᐃᓂᕐᒧᑦ ᐱᕕᖃᖅᑎᑦᑎᓃᑦ - ᑮᓇᐅᔭᖃᖅᑎᑦᑎᓗᓂ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᔪᕈᖕᓃᖅᓴᖅᑕᐅᓂᐊᖅᑐᓄᑦ ᓄᓇᓖᑦ ᐃᓕᑕᕆᔭᐅᔾᔪᑎᖃᓕᕐᓂᐊᕐᓗᑎᒃ, ᐱᓕᕆᐊᖑᔪᒧᑦ, ᐊᒻᒪᓗ ᐊᔪᙱᓐᓂᖃᕐᓂᕐᓄᑦ
- ᑐᑭᓯᐅᒪᔾᔪᑏᑦ ᐊᒻᒪᓗ ᑐᓴᐅᒪᑎᑦᑎᓂᖅ - ᐱᐅᓯᒋᐊᕐᓗᒋᑦ ᑐᑭᓯᐊᒪᐅᔾᔪᑏᑦ/ᐱᕝᕕᐅᖃᑦᑕᖅᑐᓂᒃ ᑐᓂᐅᑎᓂᖅ ᐊᒻᒪᓗ ᐊᔾᔨᒌᖓᔪᒃᑯᑦ ᑐᓴᐅᒪᖃᑦᑕᐅᑎᓂᖅ
- ᐃᓕᓐᓂᐊᕐᓂᖅ - ᖃᐅᔨᒪᓕᖅᑎᑦᑎᒃᑲᓐᓂᕐᓗᓂ ᐊᒻᒪᓗ ᐃᓕᓐᓂᐊᖅᑎᑦᑎᓗᓂ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᒥᒃᓵᓄᑦ, ᐱᓗᐊᖅᑐᒥᑦ ᑐᕌᕐᓗᒋᑦ ᒪᒃᑯᒃᑐᐃᑦ
- ᐱᑕᖃᖅᑕᐃᓕᑎᑦᑎᓂᖅ ᐊᒻᒪᓗ ᖃᐅᔨᓴᐃᓂᖅ - ᐊᖏᓂᖅᓴᒥᒃ ᑕᐅᑐᒐᕆᔭᐅᓗᓂ ᐱᑦᑕᐅᖏᑦᑐᖅᑕᖃᖅᑕᐃᓕᑎᑦᑎᓂᖅ ᐊᒻᒪᓗ ᖃᐅᔨᓴᐃᖃᑦᑕᕐᓗᓂ ᓯᕗᓂᐊᒍᑦ ᐊᒻᒪᓗ ᑭᖑᓂᐊᒍᑦ ᓴᓗᒻᒪᖅᓴᕐᓗᒋᑦ
- ᑎᑎᖅᖃᐅᑎᓕᕆᓂᖅ - ᐱᔭᕆᐊᑐᓗᐊᖏᓐᓂᖅᓴᐅᔪᒥᒃ ᐊᒻᒪᓗ ᖃᖓᒃᑰᖓᔪᒥᒃ ᑭᒡᓕᖃᙱᑦᑐᒥᒃ ᐅᓂᑉᑳᓕᐅᕆᕐᒧᑦ ᐱᔭᕆᐊᖃᕐᓂᐅᔪᓂᒃ, ᑕᐅᑐᒐᖃᖅᑐᓂᒃ ᑐᑭᓯᓐᓇᖅᑐᒃᑯᑦ ᐅᖃᐅᓯᕐᒥᒃ ᐊᒻᒪᓗ ᑐᑭᓕᐅᕆᔭᐅᓂᕐᓄᑦ ᐱᔨᑦᑎᕋᐅᑏᑦ ᐱᑕᖃᕐᓗᑎᒃ ᑐᒃᓯᕋᖅᑕᐅᒃᐸᑕ
ᑲᓇᑕᒥᑦ, 100 ᐅᖓᑖᓅᖅᑐᑦ ᐃᓄᐃᑦ ᑭᒡᒐᖅᑐᐃᔪᑦ ᓄᓇᖃᖅᖄᖅᑐᑦ ᒐᕙᒪᓂᑦ, ᓄᓇᓕᖕᓂᑦ ᐊᒻᒪᓗ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᐊᒥᓱᓂᒃ ᐱᖁᔨᓂᖃᓚᐅᖅᑐᑦ ᐱᐅᓯᒋᐊᕐᓂᐊᕐᓗᒍ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᒧᑦ ᑐᕌᖓᔪᖅ. ᑕᒪᒃᑯᐊ ᐱᔾᔪᑎᖃᖅᑐᑦ ᐃᓱᒫᓘᑎᒋᔭᐅᔪᓄᑦ ᖃᐅᔨᔭᐅᑎᑕᖏᑦ ᒫᓐᓇᐅᔪᖅ ᖃᐅᔨᓴᐃᓂᐅᔪᓄᑦ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᓕᕆᐊᓄᑦ. ᑐᓴᖅᑎᑦᑎᓂᓗᐊᖑᔪᒪᔪᖅ ᓴᖅᕿᓚᐅᖅᑐᖅ ᑲᓇᑕᒥᑦ ᑲᑎᒪᓂᕐᓂᑦ ᓄᓇᖃᖅᖄᖅᑐᓂᑦ ᓄᓇᓖᑦ ᐃᓚᐅᓂᖃᒃᑲᓐᓂᖅᓴᐅᔭᕆᐊᖃᖅᑐᑦ ᑕᒪᐃᓐᓂᑦ ᓇᓃᓐᓂᓗᒃᑖᖏᓐᓂᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᐅᓚᑦᑎᓂᕐᒥᑦ. ᑎᑭᖑᑎᔭᐅᓂᐊᖅᑐᑦ ᐃᒪᓐᓇ:
- ᐱᒋᐊᑲᐅᑎᒋᓗᑎᒃ ᐊᒻᒪᓗ ᐃᓚᐅᑎᑦᑎᖃᑦᑕᐃᓐᓇᕐᓂᒃᑯᑦ
- ᐱᐅᓯᒋᐊᕐᓗᒋᑦ ᑐᑭᓯᐅᒪᔾᔪᑎᓂᒃ ᑐᓂᐅᑎᖃᑦᑕᐅᑎᓂᖅ
- ᖃᐅᔨᓴᐃᓂᖅ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᓕᕆᐊᖃᕐᓃᑦ ᐃᑲᔪᖅᑕᐅᓗᑎᒃ ᓄᓇᖃᖅᖄᖅᑐᑦ ᖃᐅᔨᒪᓂᕆᔭᖏᓐᓄᑦ ᐊᒻᒪᓗ ᖃᐅᔨᓇᓱᒃᑐᓕᕆᓂᕐᒧᑦ
- ᐊᑯᓂᐅᔪᒥᒃ ᖃᖓᒃᑰᖓᔪᖕᓇᖅᑐᒥᒃ ᐊᑐᖅᑕᐅᔭᕆᐊᖃᕌᖓᑦ ᑮᓇᐅᔭᖃᖅᑎᑕᐅᓂᒃᑯᑦ
- ᐊᖏᒡᓕᒋᐊᕐᓗᒍ ᐃᓂᓕᐅᕆᓂᖅ ᐊᔪᙱᓐᓂᖃᕐᓂᐅᔪᓂᒃ ᐱᐅᓯᒋᐊᖅᓯᓂᒃᑯᑦ ᐊᒻᒪᓗ ᐊᔪᕈᖕᓃᖅᓴᐃᓂᕐᒧᑦ ᐱᕕᖃᖅᑎᑦᑎᓂᒃᑯᑦ ᐊᖏᓛᒃᑰᖓᓂᐊᕐᓗᒍ ᐃᓄᐃᑦ-ᐱᕈᖅᐸᓪᓕᐊᓂᖏᓐᓄᑦ ᐃᑲᔫᑏᑦ ᓄᓇᓕᖕᓂᑦ
ᐅᓂᑉᑳᖅ ᑐᓂᐅᖅᖃᐅᑕᐅᓂᐊᖅᑐᖅ ᖃᐃᖃᑕᐅᖁᔭᐅᓯᒪᔪᓗᒃᑖᓄᑦ ᐃᓚᐅᖃᑕᐅᑎᑦᑎᓂᕐᒧᑦ ᑲᑎᒪᑎᑦᑎᓂᕐᓂᑦ. FCSAP ᑐᕌᖓᔪᖅ ᐊᑐᕐᓂᐊᖅᑕᖏᑦ ᖃᐅᔨᔭᐅᔪᑦ ᐅᓂᑉᑳᒥᑦ ᐃᑲᔪᕐᓂᐊᕐᓗᑎᒃ ᖃᐅᔨᓴᐃᓂᕐᒧᑦ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᓕᕆᐊᖑᔪᓂᑦ, ᐊᒻᒪᓗ ᐊᑐᖅᑕᐅᔪᖕᓇᖅᑐᓂᒃ ᓄᑖᙳᖅᑎᕐᓂᐊᕐᓗᒍ FCSAP ᑐᕌᖓᔪᖅ 2025-ᒥᑦ.
1.0 ᑐᑭᓯᑎᑦᑎᓂᖅ
ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ ᐱᙳᖅᑎᑕᐅᓚᐅᖅᑐᖅ ᑲᓇᑕᒥᑦ ᒐᕙᒪᒃᑯᓐᓄᑦ (GoC) 2005-ᒥᑦ, ᐱᓕᕆᐊᖑᑉᓗᓂ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᒧᑦ ᐊᓪᓚᕝᕕᖓᓐᓄᑦ (ECCC), ᐊᒻᒪᓗ ᐃᑲᔪᖅᑕᐅᑉᓗᑎᒃ ᑲᓇᑕᒥᑦ ᑮᓇᐅᔭᓕᕆᔨᒃᑯᑦ ᐊᓪᓚᕝᕕᖓᓄᑦ (TBS). FCSAP ᑎᑎᕋᕐᕕᒃ ᑐᓂᓯᔪᖅ:
- ᑐᕌᖓᔪᒥᑦ ᑲᒪᔭᖃᕐᓂᕐᒧᑦ
- ᑎᑎᖅᖃᓂᒃ ᐊᐅᓚᑦᑎᓂᕐᒧᑦ
- ᑐᑭᒧᐊᒃᑎᕆᓂᕐᒧᑦ
- ᐱᕙᓪᓕᐊᓂᕐᒥᑦ ᖃᐅᔨᓴᐃᓂᕐᒧᑦ
- ᑐᕌᖓᔪᒥᑦ ᐅᓂᑉᑳᓕᐅᕆᓂᕐᒧᑦ
ᓯᕗᓪᓕᖅᐹᖅ ᐱᕙᓪᓕᐊᓂᕐᒥᑦ ᐱᖓᓲᔪᓂᑦ FCSAPP ᐊᐅᓛᓚᐅᖅᑐᖅ 15 ᐅᑭᐅᓄᑦ, 2005-ᒥᑦ 2019-ᒧᑦ. ᓄᑖᙳᖅᑎᖅᑕᐅᓚᐅᖅᑐᖅ 15 ᐅᑭᐅᒃᑲᓐᓂᕐᓄᑦ ᐊᑐᕐᓂᐊᕐᓗᓂ, 2020-ᒥᑦ 2034-ᒧᑦ ᐊᑐᕐᓂᐊᕐᓗᓂ. FCSAP ᑐᕌᖓᔪᖅ ᐃᑲᔪᖃᑦᑕᖅᑐᖅ ᒐᕙᒪᑐᖃᒃᑯᑦ ᐊᐅᓚᑦᑎᔨᖏᓐᓂᑦ ᑲᑐᔾᔨᖃᑎᒌᖏᓐᓂᑦ - ᖃᐅᔨᒪᔭᐅᔪᑦ “ᐸᐸᑦᑎᔩᑦ”-ᑎᑐᑦ - ᒥᒃᖠᒋᐊᖅᓯᖃᑦᑕᖅᑐᑦ ᐅᓗᕆᐊᓇᕐᓂᐅᔪᓂᒃ ᐃᓄᐃᑦ ᐋᓐᓂᐊᖃᖅᑕᐃᓕᒪᓂᖏᓐᓄᑦ ᐊᒻᒪᓗ ᐊᕙᑎᒧᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᖏᓐᓂᑦ ᐊᑐᖅᖢᒋᑦ ᐱᔭᒃᓴᐅᑎᒋᔭᖏᑦ.
1.1 ᐊᕕᒃᑐᖅᓯᒪᔪᓂᑦ ᐸᐸᑦᑎᔨᐅᑉ ᐱᔭᒃᓴᐅᑎᖏᑦ ᒪᓕᒃᖢᒋᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓄᑦ ᑐᕌᖓᔪᓕᕆᓂᖅ
ᑲᓇᑕᒥᑦ ᓄᓇᖃᖅᖄᖅᑐᓂᒃ ᐱᔨᑦᑎᕋᐃᔨᒃᑯᑦ (ISC) ᐊᒻᒪᓗ ᒐᕙᒪᑐᖃᒃᑯᑦ-ᓄᓇᖃᖅᖄᖅᑐᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᒥᑦ ᑲᒪᔨᒃᑯᑦ (CIRNAC) ᒐᕙᒪᑐᖃᒃᑯᓐᓂᑦ ᐊᕕᒃᑐᖅᓯᒪᔫᔪᑦ ᐊᖏᓛᓂᒃ ᐱᔭᒃᓴᐅᑎᖃᖅᖢᑎᒃ ᑲᒪᔭᖃᕐᓂᕐᒧᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐃᖅᕿᓕᖕᓄᑦ ᓄᓇᒋᔭᐅᔪᓂᑦ ᐊᒻᒪᓗ ᐅᑭᐅᖅᑕᖅᑐᒥᑦ. ᐊᐅᓚᑕᐅᖃᑦᑕᖅᑐᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐃᖅᕿᓖᑦ ᓄᓇᓕᖓᓐᓂᑦ ᑐᕌᖓᔪᒃᑯᑦ (CSOR) ᐊᒻᒪᓗ ᐅᐊᖕᓇᖅᐸᓯᒃᑐᒥᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓄ ᑐᕌᖓᔪᒧᑦ (NCSP).
- ᒪᓕᒃᖢᒋᑦ ᑐᑭᓯᐅᒪᔾᔪᑏᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ (FCSI), ᓇᑦᑎᐊᑦ 2023-ᒥᑦ, ᐱᔭᒃᓴᐅᑎᖃᖅᑐᑦ 4,516-ᓂᑦ (ISC-ᑯᑦ) 1,006-ᓂᑦ (CIRNAC-ᑯᑦ) ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑲᓇᑕᒥᑦ.
- ᐃᓂᐅᔪᓂᑦ 2,574 (ISC-ᑯᑦ) ᐊᒻᒪᓗ 842 (CIRNAC-ᑯᑦ) ᐃᓂᐅᔪᑦ ᐱᓕᕆᐊᖑᓯᒪᓕᖅᑐᑦ ᐊᒻᒪᓗ ᐅᒃᑯᐊᖅᓯᒪᓕᖅᖢᑎᒃ, ᓈᒻᒪᒋᔭᐅᖏᑦᑐᓂᒃ ᐅᓗᕆᐊᓇᕐᓂᖃᕐᓂᖏᓐᓄᑦ ᐃᓄᐃᑦ ᐋᓐᓂᐊᖃᖅᑕᐃᓕᒪᓂᖏᓐᓄᑦ ᐅᕝᕙᓘᓐᓃᑦ ᐊᕙᑎᒧᑦ ᐱᑦᑕᐅᖏᑦᑐᖃᕈᖕᓃᖅᖢᑎᒃ.
ᐃᓚᒋᔭᐅᔪᖅ ISC-ᑯᓐᓄᑦ ᐊᒻᒪᓗ CIRNAC-ᑯᓐᓄᑦ, ᐊᓯᖏᓐᓂᑦ ᒐᕙᒪᑐᖃᒃᑯᑦ ᐊᐅᓚᑦᑎᔨᖏᓐᓂᑦ ᑲᑐᔾᔨᖃᑎᒌᖏᓐᓂᑦ ᐱᔭᒃᓴᐅᑎᖃᖅᑐᑦ ᑕᐅᓯᓐᖏᓐᓃᑦᑐᓄᑦ ᒐᕙᒪᑐᖃᒃᑯᓐᓄᑦ ᐃᓂᐅᔪᓂᑦ ᑲᓇᑕᐅᑉ ᐃᖢᐊᓂᑦ ᐊᒃᑐᖅᓯᔪᖕᓇᖅᑐᓂᒃ ᓄᓇᖃᖅᖄᖅᑐᑦ ᐃᓄᖕᓂᑦ.
ᐱᒻᒪᕆᐅᔪᖅ, ᐊᒥᓱᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑕᐅᒪᐅᔪᑦ ᐱᖅᖁᓯᕆᔭᐅᔪᒃᑯᑦ ᓄᓇᖃᖅᖄᖅᑐᑦ ᓄᓇᒋᔭᐅᔪᓂᑦ ᓯᓚᑖᓃᑦᑐᑦ FCSAP ᑐᕌᖓᔫᑉ ᐃᓂᐅᔪᑦ ᐱᔭᒃᓴᐅᑎᒋᔭᐅᖕᒪᑕ ᑲᓇᑕᒥᑦ ᓄᓇᖏᑦ ᐊᕕᒃᑐᖅᓯᒪᔪᓂᑦ ᐅᕝᕙᓘᓐᓃᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ ᒐᕙᒪᒋᔭᐅᔪᓄᑦ ᐊᒻᒪᓗ ᒐᕙᒪᑐᖃᒃᑯᓐᓅᖏᑦᑐᖅ. ᐊᕕᒃᓯᒪᓂᖓ ᐱᔭᒃᓴᐅᑎᖃᕐᓂᖏᓐᓄᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑐᑭᖃᖅᑐᖅ ᐃᓚᖏᓐᓂᑦ:
- ᐃᓂᐅᔪᑦ ᓴᓂᓕᕇᑐᐃᓐᓇᕆᐊᖃᖅᑐᑦ ᑭᓯᐊᓂ ᐱᔭᒃᓴᐅᑎᒋᔭᐅᑉᓗᑎᒃ ᓱᓕ ᐊᔾᔨᒌᖏᑦᑐᑦ ᒐᕙᒪᓄᑦ, ᐊᒻᒪᓗ
- ᐊᖏᔪᒥᒃ ᐊᔾᔨᒌᙱᓐᓂᖃᕈᖕᓇᖅᑐᑦ ᐊᑕᐅᓯᕐᒥᑦ ᑲᓇᑕᐅᑉ ᓄᓇᖏᑦ ᐊᕕᒃᓯᒪᔪᓂᑦ ᐅᕝᕙᓘᓐᓃᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ ᐊᓯᖏᓐᓄᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐊᒻᒪᓗ ᐊᐅᓚᑕᐅᓂᖏᓐᓄᑦ.
ᐃᓚᒋᔭᐅᑉᓗᓂ 2023-ᒥᑦ ᓄᓇᖃᖅᖄᖅᑐᓂᒃ ᐃᓚᐅᑎᑦᑎᓂᕐᒧᑦ ᐱᔭᒃᓴᐅᑎᒧᑦ, ᐃᓂᐅᔪᖅ ᓄᓇᖃᖅᖄᖅᑐᓂᒃ ᐊᕙᑎᓕᕆᓂᕐᒧᑦ ᐱᕝᕕᐅᖃᑦᑕᖅᑐᒃᑯᑦ (CIER) ᑲᒪᔭᖃᖃᑕᐅᓚᐅᖅᑐᑦ:
- ᓯᑕᒪᓂᑦ ᐊᕕᒃᑐᖅᓯᒪᔪᓂᑦ ᖃᕆᑕᐅᔭᒃᑯᑦ ᑲᑎᒪᑉᓗᑎᒃ (ᐱᖓᖕᓇᖅᐸᓯᖕᒥᑦ, ᑲᓇᖕᓇᖅᐸᓯᖕᒥᑦ, ᐅᐊᖕᓇᖅᐸᓯᖕᒥᑦ ᐊᒻᒪᓗ ᑯᐸᐃᒃ/ᓛᐳᕋᑐᐊᒥᑦ ᐊᕕᒃᑐᖅᓯᒪᔪᓂᑦ); ᐊᒻᒪᓗ
- ᒪᕐᕉᖕᓂᑦ ᑕᒡᕙᐅᖃᑕᒋᑉᓗᒋᑦ ᑲᑎᒪᑉᓗᑎᒃ (ᐅᐃᓂᐲᒡᒥᑦ ᐊᒻᒪᓗ ᔭᓗᓇᐃᒥᑦ)
ᑐᕌᒐᐅᔪᖅ ᑲᑎᒪᔾᔪᑎᓕᐅᕐᓂᐊᕐᓗᓂ ᑐᑭᖃᖅᑐᒃᑯᑦ ᐅᖃᓪᓗᕆᒃᓴᖃᑎᒋᓗᒋᑦ ᓄᓇᖃᖅᖄᖅᑐᑦ ᒐᕙᒪᒃᑯᑦ ᐊᒻᒪᓗ ᓄᓇᓖᑦ ᖃᐅᔨᓂᐊᕐᓗᒋᑦ ᐱᑕᖃᙱᓐᓂᐅᔪᑦ ᐊᒻᒪᓗ ᓯᕗᓪᓕᖅᐸᐅᑎᔭᐅᔪᒪᔪᑦ ᐱᔾᔪᑎᖃᖅᑐᓂᒃ ᐅᑯᓄᖓ:
- ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᐅᓚᑦᑎᓂᖓᑦ
- FCSAP ᑐᕌᖓᔪᖅ
ᐃᓱᒪᒋᔭᐅᔪᓂᒃ ᑐᓴᕐᕕᐅᔪᑦ ᑲᑎᒪᓂᕐᓂᑦ ᐃᑲᔪᕐᓂᐊᖅᑐᑦ ᖃᐅᔨᒪᑎᓐᓂᐊᕐᓗᒋᑦ ᓯᕗᓂᒃᓴᒥᑦ ᖃᓄᐃᓕᐅᖅᑎᑕᐅᓂᖏᑦ ᐅᑯᐊ:
- ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑐᕌᖓᔪᓕᕆᓂᖏᑦ
- 2021-ᒥᑦ ᒥᓂᔅᑕ ᐊᕙᑎᓕᕆᔨᒃᑯᓐᓄᑦ MLC
- ᐃᑲᔪᕐᓂᐊᕐᓗᓂ ᓯᕗᒻᒧᒃᑎᑕᐅᓂᖓ ᑐᑭᖃᖅᑐᒃᑯᑦ ᐃᓚᐅᑎᑕᐅᓂᖏᑦ ᐃᖅᕿᓖᑦ ᓄᓇᖅᖃᑎᒌᑦ, ᐃᓄᐃᑦ ᐊᒻᒪᓗ ᒦᑏ ᐃᓄᖏᑦ ᒐᕙᒪᑐᖃᒃᑯᑦ ᑐᕌᖓᔪᖓᓂᑦ ᐱᓕᕆᐊᖃᕐᓂᕐᒥᑦ
ᐃᓚᖏᑦ ᐊᐱᖅᖁᑕᐅᓗᐊᓚᐅᖅᑐᑦ ᐃᓚᐅᑎᑦᑎᓂᕐᒧᑦ ᑲᑎᒪᓂᕐᒥᑦ ᐃᓚᐅᔪᑦ:
- ᓱᓇᐅᕙᑦ ᒐᕙᒪᒃᑯᑦ/ᓄᓇᓖᑦ ᐊᖏᓛᖑᔪᑦ ᓯᕗᓪᓕᖅᐸᐅᑎᔪᒪᔭᖏᑦ ᐱᔾᔪᑎᖃᖅᑐᓂᒃ ᐊᐅᓚᑦᑎᓂᕐᒧᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᖏᓐᓂᑦ?
- ᓱᓇᐅᕙᑦ ᐊᖏᓛᖑᔪᑦ ᑐᓗᖅᑕᕈᑏᑦ ᐊᑐᖅᑕᐅᖃᑦᑕᖅᑐᑦ ᒐᕙᒪᒃᑯᓐᓄᑦ/ᓄᓇᓕᖕᓄᑦ ᐱᔾᔪᑎᖃᖅᑐᑦ ᐊᐅᓚᑦᑎᓂᕐᒥᒃ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᖏᓐᓂᑦ?
- ᒐᕙᒪᐃᑦ/ᓄᓇᓖᑦ ᓱᓇᒥᒃ ᐊᑐᕐᓂᑯᖃᖅᐸᑦ ᓯᕗᓪᓕᖅᐸᐅᑎᔭᐅᓂᐊᕐᓗᑎᒃ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᖏᓐᓄᑦ?
- ᖃᓄᖅ GoC ᓴᙱᒃᑎᒋᐊᖅᓯᔪᖕᓇᖅᐸᑦ ᐃᓚᐅᑎᑕᐅᓂᐊᕐᓗᑎᒃ ᓄᓇᖃᖅᖄᖅᑐᑦ ᐃᓄᐃᑦ ᐸᕐᓇᐃᑎᓪᓗᒋᑦ, ᓯᕗᓪᓕᖅᐸᐅᑎᔭᐅᓂᐊᖅᑐᓄᑦ, ᐊᒻᒪᓗ ᐱᓕᕆᐊᖑᑎᓪᓗᒋᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐱᓕᕆᐊᖓᓐᓂᑦ?
- ᖃᓄᖅGoC ᐊᐅᑦᑎᑦᑎᐊᒃᑲᓐᓂᕐᓂᖅᓴᐅᔪᖕᓇᖅᐸᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐃᑲᔪᕐᓂᐊᕐᓗᓂ ᐋᖅᕿᖃᑎᒌᖕᓂᕐᒧᑦ?
ᐅᓂᑉᑳᖅ ᓇᐃᓈᖅᑎᕆᔪᖅ ᐅᖃᓪᓗᕆᒃᓴᐅᑎᓂᐅᔪᓂᒃ, ᑐᓴᖅᑕᐅᔪᓂᒃ ᐊᒻᒪᓗ ᐃᒪᓐᓈᖅᑑᑕᐅᔪᓂᒃ ᐱᔭᐅᓚᐅᖅᑐᓂᒃ ᐃᓚᐅᑎᑦᑎᓂᕐᒧᑦ ᑲᑎᒪᓂᕐᓂᑦ, ᐊᒻᒪᓗ ᑭᐅᔾᔪᑕᐅᔪᑦ ᑲᑎᑕᐅᓚᐅᖅᑐᑦ ᖃᕆᑕᐅᔭᒃᑯᑦ ᐊᐱᖅᖁᑎᓂᒃ ᑭᐅᒪᔪᓄᑦ.
2.0 ᐊᑐᖅᑕᐅᔪᖅ
GoC ᐱᓕᕆᖃᑎᖃᖅᑐᑦ CIER-ᑯᓐᓂᑦ ᐃᑲᔪᕐᓂᐊᖅᑐᒥᒃ ᑐᑭᖃᖅᑐᒃᑯᑦ ᐊᒻᒪᓗ ᐱᖅᖁᓯᕆᔭᐅᔪᒧᑦ ᓈᒻᒪᒃᑐᒃᑯᑦ ᐃᓚᐅᑎᑦᑎᖃᑦᑕᕐᓂᐊᕐᓗᑎᒃ. CIER-ᑯᑦ ᓄᓇᖃᖅᖄᖅᑐᓄᑦ ᓇᖕᒥᓂᕆᔭᐅᔪᖅ ᐃᑲᔪᐃᓂᕐᒧᑦ ᐊᐅᓚᑦᑎᔨᐅᔪᑦ ᑲᑐᔾᔨᖃᑎᒌᖑᔪᑦ. ᑐᓂᓯᔪᖅ ᖃᓄᐃᓕᐅᖅᑎᑦᑎᓂᕐᒥᑦ, ᐅᖃᖃᑎᖃᕐᓂᕐᒥᑦ, ᐊᒻᒪᓗ ᐃᓂᓕᐅᕆᓂᕐᒧᑦ ᐱᔨᑦᑎᕋᐅᑎᓂᑦ ᐱᔾᔪᑎᖃᕐᒪᑦ ᐊᕙᑎᓕᕆᓂᕐᒧᑦ ᐱᓕᕆᐊᒃᓴᓂᒃ ᓄᓇᖃᖅᖄᖅᑐᑦ ᒐᕙᒪᒃᑯᓐᓄᑦ, ᓄᓇᓕᖕᓄᑦ ᐊᒻᒪᓗ ᐊᐅᓚᑦᑎᔨᓄᑦ ᑲᑐᔾᔨᖃᑎᒌᓄᑦ ᑲᓇᑕᓗᒃᑖᕐᒥᑦ.
ᑲᓇᑕᒥᑦ ᒐᕙᒪᒃᑯᑦ ᒪᕐᕈᐃᖓᔪᒃᑯᑦ ᐊᑐᓚᐅᖅᑐᑦ ᐃᓚᐅᑎᑦᑎᓂᕐᒧᑦ ᐃᑲᔪᕐᓂᐊᕐᓗᒋᑦ ᐃᓚᐅᖃᑕᐅᑎᑦᑎᓂᖅ ᑕᐃᒪᓐᓇᒧᑦ, ᑕᒪᕐᒥᒃ ᖃᕆᑕᐅᔭᒃᑯᑦ ᐊᒻᒪᓗ ᑕᒡᕙᐅᖃᑕᒋᑉᓗᒋᑦ ᐃᓚᐅᑎᑦᑎᓂᕐᒧᑦ ᑎᓂᓯᓚᐅᖅᑐᑦ. ᑲᓇᑕᒥᑦ ᒐᕙᒪᒃᑯᑦ ᓯᑕᒪᓂᒃ ᐊᑐᖅᑕᐅᔪᖕᓇᖅᑐᓂᒃ ᐊᑐᓚᐅᖅᑐᑦ ᐱᕕᖃᖅᑎᓐᓂᐊᕐᓗᒋᑦ ᑲᑎᒪᔪᓃᖃᑕᐅᔪᖕᓇᓚᐅᖏᑦᑐᑦ ᐱᓕᕆᐊᖑᔪᒧᑦ. ᐱᓕᕆᐊᖑᓚᐅᖅᑐᖅ ᖃᕆᑕᐅᔭᒃᑯᑦ ᑎᑎᖅᖃᑎᒍᑦ/ᑎᑎᖅᖃᑎᒍᑦ ᐊᐅᓪᓚᖅᑎᑦᑎᑉᓗᑎᒃ ᐊᐱᖅᖁᑎᓂᒃ ᑭᐅᒪᔭᐅᓂᐊᖅᑐᓂᒃ ᑐᓴᕐᕕᐅᔪᒪᑉᓗᑎᒃ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᐅᓚᑦᑎᓂᕆᔭᖓᓐᓄᑦ. ᐃᓚᐅᖃᑕᔪᓂᑦ ᐃᓚᐅᓚᐅᖅᑐᑦ ᑕᒪᕐᒥᓗᒃᑖᖅ ᐃᖅᕿᓖᑦ ᓄᓇᖅᖃᑎᒌᓄᑦ ᑲᑎᒪᔩᑦ, ᒦᑏᓂᑦ ᑭᒡᒐᖅᑐᐃᔪᑦ, ᐊᒻᒪᓗ ᐃᓄᐃᑦ ᐃᓚᐅᑉᓗᑎᒃ ᐊᕐᓇᐃᑦ, ᒪᒃᑯᒃᑐᑦ, ᐃᓐᓇᕆᔭᐅᔪᑦ, ᐊᓯᖏᓪᓗ ᐊᕐᓇᐅᓂᕐᒧᑦ ᐊᖑᑕᐅᓂᕐᒧᑦ ᓇᓗᓇᐃᖅᓯᒪᔪᑦ.
- ᑯᐸᐃᒃ/ᓛᐳᕋᑐᐊᒧᑦ ᖃᕆᑕᐅᔭᒃᑯᑦ ᑲᑎᒪᓂᕐᒧᑦ, ᖃᐃᖁᔭᐅᔪᓄᑦ ᐃᓚᐅᓂᐊᕐᓗᑎᒃ ᐊᐅᓪᓚᖅᑎᑕᐅᓚᐅᖅᑐᑦ ᐃᖅᕿᓖᑦ ᓄᓇᖅᖄᑎᒌᓄᑦ ᑯᐸᐃᖕᒥᑦ ᐊᒻᒪᓗ ᓛᐳᕋᑐᐊᒥᑦ ᐊᔪᙱᓐᓂᒃᑯᑦ ᐱᕙᓪᓕᐊᔪᓕᕆᔨᒃᑯᓐᓄᑦ (FNQLSDI) ᐃᓗᐊᓂᑦ ᖃᐅᔨᒋᐊᕐᕕᐅᔪᖕᓇᖅᑐᑦ ᑎᑎᕋᖅᓯᒪᔪᖏᓐᓄᑦ ᓄᓇᖃᖅᖄᖅᑐᑦ ᓄᓇᓕᖕᓄᑦ ᑯᐸᐃᒃᒥᑦ ᐊᒻᒪᓗ ᓛᐳᕋᑐᐊᒥᑦ. CIER-ᑯᑎᒍᑦ ᐊᒻᒪᓗ GoC, ᖃᐃᖁᔭᐅᔪᓄᑦ ᐊᐅᓚᖅᑎᑦᑎᓚᐅᖅᑐᑦ ᒐᕙᒪᐅᔪᓄᑦ ᐊᒻᒪᓗ ᐊᐅᓚᑦᑎᔨᐅᔪᓄᑦ ᑲᑐᔾᔨᖃᑎᒌᓄᑦ ᐃᓚᐅᑉᓗᑎᒃ ᑲᑎᕝᕕᒃ ᒐᕙᒪᒃᑯᑦ, ᑲᑎᕝᕕᒃ ᐊᕙᑎᐅᑉ ᒥᒃᓵᓄᑦ ᐅᖃᐅᔾᔨᓂᕐᒧᑦ ᑲᑎᒪᔨᐊᓛᒃᑯᑦ, ᐃᖅᕿᓖᑦ ᓄᓇᖅᖃᑎᒌᑦ ᒐᕙᒪᒃᑯᑦ, ᓇᔅᑲᐱ ᓄᓇᖅᖃᑎᒌᑦ ᑭᕙᕙᑦᓯᑲᒪᒃᑯᑦ, ᒪᑭᕝᕕᒃ ᑯᐊᐳᕇᓴᒃᑯᑦ (ᑭᒡᒐᖅᑐᐃᑉᓗᑎᒃ ᓄᓇᕕᒃᒥᑦ ᐅᐊᖕᓇᖅᐸᓯᖓᓂᑦ ᑯᐸᐃᒃᒥᑦ), ᐊᒻᒪᓗ ᓄᓇᑦᓯᐊᕗᑦ ᒐᕙᒪᒃᑯᑦ (ᓛᐳᕋᑐᐊ). ᐃᓚᒋᔭᐅᔪᖅ FNQLSDI-ᑯᑦ ᐃᑲᔪᓚᐅᖅᑐᑦ ᑲᒪᖃᑕᐅᑉᓗᑎᒃ ᑯᐸᐃᒃ/ᓛᐳᕋᑐᐊᒥᑦ ᑲᑎᒪᑎᑦᑎᓂᕐᒥᑦ.
- ᔭᓗᓇᐃᒥᑦ ᑕᒡᕙᐅᖃᑎᒋᑉᓗᒋᑦ ᑲᑎᒪᓚᐅᖅᑐᑦ ᐃᓚᖓᒍᑦ ᒪᕐᕈᐃᖅᑕᖅᓯᒪᑉᓗᓂ ᐱᔪᒪᔪᓄᑦ ᐊᒃᑕᑯᖃᕐᕕᖕᓂᑦ ᐊᐅᓚᑦᑎᓂᕐᒧᑦ ᑲᑎᒪᔨᐊᓛᒃᑯᑦ (WSMC) ᑲᑎᒪᔪᓂᑦ ᑮᓇᐅᔭᐃᑦ ᐱᔾᔪᑎᒋᑉᓗᒋᑦ ᑕᐃᒪᓐᓇᒧᓪᓗ, ᖃᐃᖁᔨᓂᖅ ᐊᐅᓚᖅᑎᑕᐅᓚᐅᖅᑐᖅ WSMC-ᑯᓐᓄᑦ ᐃᓚᒋᔭᐅᔪᓄᑦ ᐊᓯᖏᑦ ᖃᐅᔨᒋᐊᕐᕕᐅᖃᑦᑕᖅᑐᑦ ᓄᓇᑦᑎᐊᕐᒦᓚᐅᕐᒪᑕ.
ᓄᓇᓕᖕᒥᑦ ᐃᓐᓇᕆᔭᐅᔪᑦ ᖃᐃᖁᔭᐅᓚᐅᕐᒥᔪᑦ ᐅᒃᑯᐃᖅᓯᓂᐊᕐᓗᑎᒃ ᑕᒪᐃᓐᓂᑦ ᐅᐃᓂᐲᒡᒥᑦ ᐊᒻᒪᓗ ᔭᓗᓇᐃᒥᑦ ᑲᑎᒪᓂᕐᓄᑦ ᑐᒃᓯᐊᕐᓂᒃᑯᑦ ᐅᒃᑯᐃᖅᓯᓂᐊᕐᓗᑎᒃ ᐊᒻᒪᓗ ᐃᓚᒃᓯᑉᓗᑎᒃ. ᑲᑎᒪᔾᔪᑏᑦ ᑐᓂᐅᔭᓚᐅᖅᑐᑦ ᐃᓐᓇᕆᔭᐅᔪᓄᑦ. ᐃᓚᒋᔭᐅᑉᓗᓂ, ᐃᓚᐅᖃᑕᐅᔪᓄᑦ ᐊᑭᐅᔪᑦ ᑐᓂᐅᖅᖃᐅᑕᐅᓚᐅᖅᑐᑦ ᐃᓚᐅᖃᑕᐅᔪᓗᒃᑖᓄᑦ ᐊᒻᒪᓗ ᐊᐅᓚᑦᑎᔨᓄᑦ ᑲᑐᔾᔨᖃᑎᒌᓄᑦ ᐊᑭᓕᖅᑕᐅᓂᐊᕐᓗᑎᒃ ᐱᕕᖃᖃᑕᐅᓚᐅᕐᓂᖏᓐᓄᑦ.
ᐃᑲᔪᕐᓂᐊᕐᓗᓂ ᑐᑭᖃᖅᑐᒃᑯᑦ ᐅᖃᓪᓗᕆᒃᓴᐅᑎᓂᕐᒧᑦ ᑲᑎᒪᔪᓂᑦ, CIER-ᑯᑦ ᐃᓚᐅᑉᓗᑎᒃ ECCC-ᑯᑦ ᐋᖅᕿᒃᓯᓚᐅᖅᑐᑦ ᐊᒻᒪᓗ ᑎᑎᖅᖃᓂᒃ ᑐᓂᐅᖅᖃᐃᑉᓗᑎᒃ ᐃᓚᐅᖃᑕᐅᔪᓄᑦ ᓯᕗᓂᐊᒍᑦ ᐅᖃᓪᓗᕆᒃᓴᐅᑎᓃᑦ, ᐃᓚᐅᑉᓗᑎᒃ:
- ᐊᐱᖅᖁᑕᐅᒐᔪᒃᑐᓄᑦ ᑎᑎᖅᖃᐅᑎ
- ᐅᖃᐅᓯᐅᔪᓄᑦ ᑎᑎᕋᖅᓯᒪᔪᖅ
- ᓇᓗᓇᐃᔭᖅᓯᒪᔪᖅ ᑲᑎᒪᔾᔪᑎᒃᓴᖅ
- ᑐᓂᐅᖅᖃᐅᑕᐅᔪᑦ ᐊᑐᖅᑕᐅᔪᑦ
- ᑕᑯᔭᒃᓴᐅᑎᖃᖅᑎᑦᑎᓃᑦ
ᐊᓯᖏᑦ ᐊᑐᖅᑕᐅᖃᑦᑕᖅᑐᑦ ᐊᑐᖅᑕᐅᓚᐅᕐᒥᔪᑦ ᑲᑎᒪᔪᓂᑦ ᐃᑲᔪᖅᑐᐃᑉᓗᑎᒃ ᐃᓚᐅᖃᑕᐅᓂᐊᕐᓗᑎᒃ.
ᑲᑎᒪᓂᕐᒥᑦ ᕿᒥᕐᕈᓂᖅ ᑐᓂᐅᖅᖃᐅᑕᐅᖃᑦᑕᓚᐅᖅᑐᖅ ᐊᑐᓂ ᑲᑎᒪᓃᑦ ᐱᐊᓂᒃᑳᖓᑕ ᐊᒻᒪᓗ ᖃᕆᑕᐅᔭᒃᑯᑦ ᐊᐱᖅᖁᑎᓂᒃ ᑭᐅᒪᔾᔪᑏᑦ ᑐᓂᐅᖅᖃᐅᑕᐅᑉᓗᑎᒃ ᖃᐅᔨᒋᐊᕐᕕᐅᖃᑦᑕᖅᑐᓗᒃᑖᓄᑦ ᑐᓂᔭᐅᓂᐊᕐᓗᑎᒃ ᑲᑎᒪᔪᓃᖃᑕᐅᔪᖕᓇᓚᐅᖏᑦᑐᑦ ᐊᒻᒪᓗ ᑐᓂᓯᓗᑎᒃ ᐃᓱᒪᒋᔭᖏᓐᓂᑦ.
3.0 ᐱᓯᒪᔪᑦ ᐊᒻᒪᓗ ᓈᓴᐅᑏᑦ ᑲᑎᒪᓂᐅᑉ ᒥᒃᓵᓄᑦ
100 ᐅᖓᑖᓅᖅᑐᑦ ᐃᓄᐃᑦ ᑭᒡᒐᖅᑐᐃᔪᑦ ᓄᓇᖃᖅᖄᖅᑐᑦ ᒐᕙᒪᓂᑦ, ᓄᓇᓕᖕᓂᑦ, ᐊᒻᒪᓗ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᑲᓇᑕᒥᑦ ᐃᓚᐅᓚᐅᖅᑐᑦ ᑲᑎᒪᔪᓂᑦ, ᑐᓂᓯᑉᓗᑎᒃ ᐱᒻᒪᕆᐅᔪᓂᒃ ᖃᐅᔨᒪᓂᕆᔭᖏᓐᓂᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᖃᓄᖅ ᐊᒃᑐᖅᓯᓯᒪᖕᒪᖔᑕ ᐋᓐᓂᐊᖃᖅᑕᐃᓕᒪᓂᕐᒥᑦ, ᐊᕙᑎᒥᑦ, ᐊᒻᒪᓗ ᐃᓅᖃᑎᒌᑦ ᖃᓄᐃᖏᑦᑎᐊᕐᓂᖏᓐᓂᑦ ᓄᓇᓕᖕᓂᑦ.
ᑲᑐᓪᓗᒋᑦ ᐊᕐᕕᓂᓖᖅᑕᕐᓗᑎᒃ ᑲᑎᒪᑎᑦᑎᓚᐅᖅᑐᑦ ᑲᓇᑕᒥᑦ ᐊᕗᓐᓂᕕᒃ (ᕕᕗᐊᕆ) 2023-ᒥᑦ ᓄᕐᕋᐃᑦ (ᒪᐃ) 2023-ᒧᑦ ᐊᒻᒪᓗ ᐊᕕᒃᑕᐅᓯᒪᓚᐅᖅᑐᑦ ᓄᓇᐃᑦ ᐊᕕᒃᑐᖅᓯᒪᔪᓄᑦ ᐃᑲᔪᕐᓂᐊᕐᓗᓂ ᐊᕕᒃᑐᖅᓯᒪᔪᒥᑦ, ᐊᔾᔨᒌᙱᑦᑑᑕᐅᓂᖏᑦ ᐊᑐᕐᓗᒋᑦ.
ᓯᑕᒪᖏᑦ ᑲᑎᒪᓃᑦ ᖃᕆᑕᐅᔭᒃᑰᓚᐅᖅᑐᑦ ᐱᔪᖕᓇᕐᓂᖅᓴᐅᖁᑉᓗᒋᑦ ᐊᒻᒪᓗ ᒪᕐᕉᒃ ᑲᑎᒪᓃᑦ ᑕᒡᕙᐅᖃᑎᒋᑉᓗᒋᑦ.
- ᑕᒡᕙᐅᖃᑎᒋᑉᓗᒋᑦ ᑲᑎᒪᓂᖃᓚᐅᖅᑐᑦ ᐅᐃᓂᐲᒡᒥᑦ ᐱᔪᒪᑉᓗᒋᑦ ᖃᑉᓗᓈᓂᑦ ᑕᐅᑐᒐᕆᔭᐅᔪᑦ, ᐊᒻᒪᓗ ᔭᓗᓇᐃᒥᑦ ᐱᔪᒪᑉᓗᒋᑦ ᐅᐊᖕᓇᖅᐸᓯᒃᑐᒥᑦ ᑕᐅᑐᒐᕆᔭᐅᔪᑦ.
- ᑕᒡᕙᐅᖃᑎᒋᑉᓗᒋᑦ ᑲᑎᒪᓚᐅᖅᑐᑦ ᑲᑎᓐᓂᐊᕐᓗᑎᒃ ᐊᒻᒪᓗ ᑲᑎᑎᓪᓗᒋᑦ ᒐᕙᒪᐅᔪᑦ ᐃᓚᐅᖃᑕᐅᔪᖕᓇᓚᐅᖏᑦᑐᑦ ᖃᕆᑕᐅᔭᒃᑯᑦ ᑲᑎᒪᓂᐊᖅᑐᓂᑦ.
ᐃᓚᐅᖃᑕᐅᔪᓂᑦ ᐃᓚᐅᓚᐅᖅᑐᑦ ᓄᓇᖃᖅᖄᖅᑐᓂᑦ ᑭᒡᒐᖅᑐᐃᔪᑦ, ᒐᕙᒪᒃᑯᓐᓂᑦ ᑭᒡᒐᖅᑐᐃᔪᑦ ᐊᒻᒪᓗ CIER ᐱᓕᕆᔨᖏᑦ. ᑎᑎᕋᖅᓯᒪᔪᑦ ᐊᑖᓂᑦ ᓇᐃᓈᖅᓯᒪᔪᑦ ᐊᕕᒃᑐᖅᓯᒪᔪᓂᑦ ᑲᑎᒪᑎᑕᐅᓚᐅᖅᑐᓂᑦ ᐃᓚᐅᑉᓗᑎᒃ ᐅᑉᓗᖏᑦ.
ᐅᐊᖕᓇᖅᐸᓯᖓᓂᑦ ᐊᕕᒃᑐᖅᓯᒪᔪᒥᑦ (ᖃᕆᑕᐅᔭᒃᑯᑦ)
- ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᑦ: ᐳᕆᑎᔅ ᑲᓚᒻᐱᐊ, ᐃᐊᐴᑕ, ᓴᔅᑳᑦᓱᐊᓐ, ᒫᓂᑑᐸ
- ᐅᓪᓗᖅ: ᕖᕝᕗᐊᕆ 21, 2023
ᑲᓇᖕᓇᖅᐸᓯᖓᓂᑦ ᐊᕕᒃᑐᖅᓯᒪᔪᒥᑦ (ᖃᕆᑕᐅᔭᒃᑯᑦ)
- ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᑦ: ᐋᓐᑎᐅᕆᐅ, ᓂᐅ ᐳᕋᓐᓱᕕᒃ, ᓅᕙ ᓯᑰᓴ, ᐳᕆᓐᔅ ᐃᐊᑐᐊᑦ ᐊᐃᓚᓐ, ᓂᐅᕙᓐᓛᓐ
- ᐅᓪᓗᖅ: ᐊᕗᓐᓂᕕᒃ 28,2023
ᑯᐸᐃᒃ/ᓛᐳᕋᑐᐊ ᐊᕕᒃᑐᖅᓯᒪᔪᒥᑦ, ᐃᓚᐅᑉᓗᑎᒃ ᓄᓇᕕᒃ ᐊᒻᒪᓗ ᓄᓇᑦᓯᐊᕗᑦ (ᖃᕆᑕᐅᔭᒃᑯᑦ/ᐅᖃᓘᑎᒃᑯᑦ)
- ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᑦ: ᑯᐸᐃᒃ, ᓛᐳᕋᑐᐊ
- ᐅᓪᓗᖅ: ᓇᑦᑎᐊᑦ 14, 2023
ᐅᐊᖕᓇᖅᐸᓯᒃᑐᒥᑦ (ᖃᕆᑕᐅᔭᒃᑯᑦ)
- ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᑦ: ᔫᑳᓐ, ᓄᓇᑦᑎᐊᖅ, ᓄᓇᕗᑦ
- ᐅᓪᓗᖅ: ᓄᕐᕋᐃᑦ 4, 2023
ᐅᐃᓂᐲᒡ (ᑕᒡᕙᐅᖃᑎᒋᑉᓗᒋᑦ)
- ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᑦ: ᑕᒪᐃᓐᓂᑦ ᐊᕕᒃᑐᖅᓯᒪᔪᓂᑦ ᓂᒋᐊᓃᑦᑐᓂᑦ 60 °
- ᐅᓪᓗᖅ: ᑎᕆᒡᓗᐃᑦ 12, 2023
ᔭᓗᓇᐃ (ᑕᒡᕙᐅᖃᑎᒋᑉᓗᒋᑦ)
- ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᑦ: ᓄᓇᑦᑎᐊᖅ
- ᐅᓪᓗᖅ: ᑎᕆᒡᓗᐃᑦ 25, 2023
ᖃᕆᑕᐅᔭᒃᑯᑦ ᐊᐱᖅᖁᑎᓄᑦ ᑭᐅᒪᔾᔪᑎ
- ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᑦ: ᐊᕕᒃᑐᖅᓯᒪᔪᓗᒃᑖᓂᑦ ᑲᓇᑕᒥᑦ
- ᐅᓪᓗᖅ: ᓄᕐᕋᐃᑦ 25, 2023
4.0 ᑲᑎᒪᓂᕐᓂᑦ ᖃᓄᐃᖓᓂᐅᔪᑦ
ᐃᓚᐅᖃᑕᐅᔪᑦ ᑲᓇᑕᒥᑦ ᐊᔾᔨᒌᙱᑦᑐᓂᒃ ᐊᑐᖅᓯᒪᓂᖃᓚᐅᖅᑐᑦ, ᓯᕗᓪᓕᖅᐸᐅᑎᔪᒪᔭᖏᓐᓂᑦ, ᑐᓗᖅᑕᕈᑎᓂᒃ, ᐊᒻᒪᓗ ᐃᒪᓐᓈᖅᑑᑎᒋᔭᖏᓐᓂᑦ ᐱᔾᔪᑎᒋᑉᓗᒋᑦ ᒐᕙᒪᑐᖃᒃᑲᓐᓂᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ. ᐃᓚᒋᔭᐅᔪᒥᑦ ᓇᓗᓇᐃᔭᐃᔪᖅ ᑐᓴᖅᑕᐅᓚᐅᖅᑐᓂᑦ ᐊᑐᓂ ᑲᑎᒪᑎᑦᑎᓂᕐᓂᑦ ᐱᔾᔪᑎᖃᖅᖢᑎᒃ ᑕᐅᑐᒐᕆᔭᐅᔪᓄᑦ ᐊᒻᒪᓗ ᐃᓱᒪᒋᔭᐅᔪᓂᒃ ᐱᔭᐅᔪᓄᑦ ᖃᕆᑕᐅᔭᒃᑯᑦ ᐊᐱᖅᖁᑎᓂᒃ ᑭᐅᒪᔭᐅᔪᓂᑦ.
4.1 ᐱᖓᖕᓇᖅᐸᓯᖕᒥᑦ ᑲᑎᒪᓂᖅ (ᖃᕆᑕᐅᔭᒃᑯᑦ)
ᐊᑐᖅᓯᒪᔪᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
42 ᐳᓴᓐᑎᖏᑦ ᐃᓚᐅᖃᑕᐅᔪᑦ ᐅᖃᓚᐅᖅᑐᑦ ᐊᑐᖅᓯᒪᓂᖏᓐᓂᑦ FCSAP ᑐᕌᖓᔪᒧᑦ, 58%-ᖏᑦ ᐅᖃᖅᖢᑎᒃ ᐊᑐᖅᓯᒪᓂᑯᖃᙱᓐᓂᕋᖅᖢᑎᒃ. ᐊᑐᖅᓯᒪᓂᑯᖃᖅᑐᓂᑦ ᐃᒪᓐᓇᐃᑦᑐᑦ:
- ᐊᒃᑕᑯᐃᑦ
- ᓈᒻᒫᓂᙱᑦᑐᑦ ᐊᐅᓚᑕᐅᓂᖏᑦ ᐱᕈᖅᑐᓂᑦ ᐱᑦᑕᐅᖏᑦᑐᖅᑕᓖᑦ ᑕᓰᑦ
- ᑲᒪᒋᔭᐅᖏᓕᖅᑐᑦ/ᕿᒪᒃᑕᐅᔪᑦ ᐅᔭᕋᒃᑕᕆᐊᑦ
- ᑯᕕᖃᑦᑕᕐᓃᑦ ᐆᒻᒪᖅᖁᑎᓕᐅᕆᕝᕕᐅᑉ ᐃᓂᐊᓂᑦ
- ᐱᑦᑕᐅᖏᑦᑐᖅᑕᓖᑦ ᐊᖏᕐᕋᕆᔭᐅᔪᑦ ᓄᓇᖏᓐᓂᑦ
ᐃᓚᖏᑦ ᐊᒃᑐᖅᓯᔪᑦ ᐅᖃᐅᓯᐅᔪᑦ ᑲᑎᒪᑎᓪᓗᒋᑦ ᐃᓚᐅᑉᓗᑎᒃ:
- ᒪᖃᐃᕝᕕᒋᖃᑦᑕᖅᑕᖏᑦ ᐊᒻᒪᓗ ᑮᔭᖃᑦᑎᐊᕐᕕᒋᖃᑦᑕᖅᑕᖏᑦ ᐱᑕᖃᓗᐊᕈᖕᓃᖅᑐᑦ ᐊᒃᑐᖅᓯᔪᑦ ᐃᖅᕿᓖᑦ ᓂᕿᖃᕈᖕᓇᕐᓂᖏᓐᓂᑦ ᓲᕐᓗ ᐅᕕᓗᕋᓗᖕᓂᑦ
- ᖁᑦᑎᒃᓯᓯᒪᔪᑦ ᐱᑦᑕᐅᖏᑦᑐᐃᑦ ᑕᓯᕐᓂᑦ ᐱᐅᖏᑦᑐᒥᒃ ᐊᒃᑐᖅᓯᔪᑦ ᐋᓐᓂᐊᖃᖅᑕᐃᓕᒪᓂᖏᓐᓂᑦ ᐃᒪᕐᒥᐅᑕᐃᑦ ᐊᒻᒪᓗ ᖃᓂᑖᓃᑦᑐᓂᑦ ᓇᐹᖅᑐᓂᑦ
ᐃᓚᖏᑦ ᐃᓚᐅᖃᑕᐅᔪᑦ ᐅᖃᖅᑐᑦ ᓴᓗᒻᒪᖅᓴᐃᓃᑦ ᐱᒋᐊᖅᑎᑕᐅᔭᕆᐊᖃᖅᑐᑦ ᓱᓕ. ᐊᓯᖏᑦ ᐅᖃᖅᑐᑦ ᐅᖓᓯᒃᓯᒋᐊᖅᑕᐅᖏᓐᓇᖃᑦᑕᖅᑐᑦ ᓴᓗᒻᒪᖅᓴᐃᓂᐅᓂᐊᖅᑐᑦ ᐱᔾᔪᑎᖃᖅᖢᑎᒃ ᒪᒃᑯᓂᙵᑦ:
- ᓄᕙᒡᔪᐊᕐᓇᖅ 19
- ᑐᑭᒧᐊᒃᓯᒪᓂᖃᓗᐊᖏᓐᓂᖏᓐᓄᑦ ᒐᕙᒪᒃᑯᑦ ᐊᒻᒪᓗ ᓄᓇᓖᑦ
ᐊᑕᐅᓯᖅ ᐃᓚᐅᖃᑕᐅᔪᖅ ᐅᖃᖅᑐᖅ, ᓴᓗᒻᒪᖅᓴᐃᓂᖃᓚᐅᖅᑐᑦ; ᑭᓯᐊᓂ, ᐃᓚᐅᖃᑕᐅᔪᖅ ᐅᖃᖅᑐᖅ ᑮᓇᐅᔭᖄᓂᖏᓐᓂᖏᓐᓄᑦ ᑕᒪᕐᒥᓗᒃᑖᖅ ᐱᑦᑕᐅᖏᑦᑐᖅᑕᓖᑦ ᓴᓗᒻᒪᖅᓴᖅᑕᐅᓚᐅᖏᑦᑐᑦ.
ᑐᓗᖅᑕᕈᑏᑦ ᐊᒃᑐᖅᓯᔪᑦ ᐊᐅᓚᑦᑎᓂᖏᓐᓂᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ.
ᑐᓗᖅᑕᕈᑕᐅᔪᑦ ᐊᔪᙱᑦᑐᒃᑯᑦ ᓇᓗᓇᐃᕐᓂᐊᕐᓗᒋᑦ, ᐊᐅᓚᓐᓂᐊᕐᓗᒋᑦ, ᐊᒻᒪᓗ ᓴᓗᒻᒪᖅᓴᖅᑕᐅᓂᖏᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐃᓚᐅᔪᑦ:
- ᑮᓇᐅᔭᖃᖅᑎᑕᐅᕌᓂᖏᓐᓂᑦ
- ᐱᓕᕆᔩᑦ ᐊᒥᓲᙱᓐᓂᖏᓐᓄᑦ ᐊᒻᒪᓗ ᐱᓕᕆᐊᕐᒧᑦ ᐃᓂᖃᕈᖕᓇᕐᓂᖅ ᓄᓇᓕᖕᓂᑦ
- ᐱᑕᖄᓂᖏᓐᓂᖏᑦ ᑐᓴᐅᒪᖃᑦᑕᐅᑎᓃᑦ ᒐᕙᒪᑐᖃᒃᑯᓐᓂᑦ
- ᑐᑭᒧᐊᒃᑎᕆᓂᖅᑕᖄᓂᙱᓐᓂᖅ ᐊᑯᓐᓂᖏᓐᓂᑦ ᓄᓇᓂᑦ ᐊᐅᓚᑦᑎᓂᖃᕐᕕᐅᔪᓂᑦ
- ᑐᑭᓯᐅᒪᔾᔪᑎᓂᒃ ᑐᓂᔭᐅᓂᖏᑦ ᐱᑕᖄᓂᙱᓐᓂᖅ ᐊᒻᒪᓗ ᒪᓂᒪᔪᓂᒃ ᐊᑐᖅᑕᐅᔪᖕᓇᖅᑐᓂᒃ
- ᓱᓇᑐᐃᓐᓇᐃᑦ ᐊᔪᕐᓇᕈᑕᐅᔪᑦ ᒐᕙᒪᑐᖃᒃᑯᑦ ᐱᓕᕆᐊᖃᕐᓂᐊᕐᓗᑎᒃ ᓇᓗᓇᐃᒃᑯᑕᓕᖅᑐᐃᓂᕐᒧᑦ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
ᐊᑕᐅᓯᖅ ᐃᓚᐅᖃᑕᐅᔪᖅ ᐅᖃᓚᐅᖅᑐᖅ ᓄᓇᓕᖓᑦ ᐃᓚᐅᑎᑕᐅᖏᓐᓂᖓᓄᑦ ᐱᓕᕆᐊᖑᔪᓂᑦ ᐊᒻᒪᓗ ᐅᖃᓪᓗᕆᒃᓴᐅᑎᓂᕐᓂᑦ ᐊᒻᒪᓗ ᐊᒥᓱᐃᑦ ᐃᓚᐅᖃᑕᐅᔪᑦ ᓇᓗᓇᐃᖅᖢᑎᒃ ᐊᒥᓱᐃᑦ ᐱᓕᕆᔩᑦ ᐊᓯᐊᙳᖃᑦᑕᖅᑐᓄᑦ ᐃᖅᕿᓖᑦ ᑲᑎᒪᔨᐅᓂᕐᒧᑦ ᐃᓂᒋᔭᐅᔪᓂᑦ ᐊᖏᔫᑉᓗᓂ ᑐᓗᖅᑕᕈᑕᐅᓂᖓᓄᑦ.
ᐃᒪᓐᓈᖅᑑᑕᐅᔪᑦ ᐱᐅᓯᒋᐊᕐᓂᐊᕐᓗᒍ FCSAP ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑐᕌᖓᔪᓕᕆᓂᖅ ᓯᕗᒻᒧᒃᑎᑕᐅᓂᖓ.
ᐃᒪᓐᓈᖅᑑᑕᐅᔪᓂᑦ ᐱᔭᐅᔪᓂᑦ CIER-ᑯᓐᓂᑦ ᐊᑐᖅᖢᒋᑦ ᐃᓚᐅᖃᑕᐅᔪᒥᑦ ᑐᓴᖅᑕᐅᔪᑦ, ᐱᐅᓯᒋᐊᕐᓂᐊᕐᓗᒍ FCSAP ᑐᕌᖓᔪᖅ ᐊᑖᓂᑦ ᐱᔭᐅᔪᖕᓇᖅᑐᖅ:
- ᐊᑐᕐᓗᓂ ᐊᔾᔨᒌᙱᓐᓂᖏᓐᓅᖓᔪᒃᑯᑦ, ᑐᑭᖃᖅᑐᖅ ᑲᓇᑕᒥᑦ ᓄᓇᐃᑦ ᐊᕕᒃᑐᖅᓯᒪᔪᑦ ᐱᓕᕆᖃᑎᖃᕐᓂᐊᖅᑐᑦ ᐃᖅᕿᓖᑦ ᓄᓇᖅᖃᑎᒌᓂᑦ, ᐃᓄᐃᑦᓂᑦ, ᐊᒻᒪᓗ ᒦᑏ ᐃᓄᖕᓂᑦ ᓇᓗᓇᐃᖅᓯᔪᓂᒃ ᓄᓇᓖᑦ:
- ᓱᓇᓄᑦ ᐱᔪᖕᓇᐅᑎᖏᓐᓂᑦ
- ᐱᔪᒪᓂᕆᔭᐅᔪᓂᒃ
- ᓯᕗᓪᓕᖅᐸᐅᑎᔭᐅᔪᒪᔪᓄᑦ
- ᐃᓱᒫᓘᑎᒋᔭᐅᔪᑦ ᐊᑐᓂᒧᑦ
ᑲᔪᓯᓂᐊᖅᑐᑦ ᐃᒃᐱᒍᓱᒡᕕᖃᕐᓂᕐᒥᒃ ᐊᒻᒪᓗ ᓇᓗᓇᐃᖅᑕᐅᓗᑎᒃ ᐊᔾᔨᒌᙱᓐᓂᕆᔭᖏᑦ ᐃᓄᐃᑦ, ᐊᔾᔨᐅᖏᑦᑐᒥᒃ ᐱᖅᖁᓯᖏᑦ, ᐱᓐᓂᑯᖏᑦ, ᐱᔪᖕᓇᐅᑎᖏᑦ, ᒪᓕᒐᖏᑦ, ᐊᒻᒪᓗ ᒐᕙᒪᖏᑦ. ᐊᔾᔨᒌᙱᓐᓂᖏᓐᓄᑦ ᐊᑐᖅᑕᐅᔪᒧᑦ, ᒐᕙᒪᒃᑯᑦ ᖃᐅᔨᒋᐊᕐᕕᖃᕆᐊᖃᕐᓂᐊᖅᑐᑦ ᐃᓚᖏᓐᓂᑦ ᒦᑏ ᒐᕙᒪᐅᔪᓂᒃ, ᐃᓚᖏᑦ ᒦᑏ ᒐᕙᒪᐃᑦ ᓇᖕᒥᓂᖅ ᐅᖃᖃᑎᖃᖃᑦᑕᕐᓂᕐᒧᑦ ᒪᓕᒐᖃᕐᒪᑕ ᐊᒻᒪᓗ ᑲᒪᒋᔭᖃᕐᓂᐊᖏᑦᑐᑦ ᐊᓯᖏᓐᓂᑦ ᐃᓚᒋᔭᐅᔪᓂᒃ ᑲᒪᔭᖃᖅᑐᓂᒃ ᐃᓚᐅᖃᑕᐅᓂᖏᑦ ᐃᓚᒋᔭᐅᔾᔪᑎᖏᓐᓄᑦ.
- ᖃᐅᔨᓗᒋᑦ ᐊᒻᒪᓗ ᐱᓕᕆᐊᕆᓗᒋᑦ ᐱᑦᑕᐅᖏᑦᑐᖅᑕᓖᑦ ᑭᖑᕙᙱᓪᓗᑎᒃ
- ᓴᓗᒻᒪᖅᓴᐃᓂᖅ ᐊᔾᔨᒋᓗᒍ ᓄᓇᓕᖕᒥᐅᓄᑦ ᐱᒻᒪᕆᐅᒋᔭᐅᔪᓄᑦ ᐊᒻᒪᓗ ᑐᕌᒐᕆᔭᐅᔪᓄᑦ. ᑕᑯᒃᓴᐅᑎᑦᑎᓗᓂ ᐃᒃᐱᒍᓱᒡᕕᖃᕐᓂᕐᒥᒃ ᓄᓇᖃᖅᖄᖅᑐᓄᑦ ᓯᕗᓪᓕᖅᐸᐅᑎᔭᐅᔪᒪᔪᓄᑦ ᐊᒻᒪᓗ ᑕᐅᑐᒐᕆᓗᒋᑦ ᓄᓇᖃᖅᖄᖅᑐᓄᑦ ᓯᕗᓪᓕᖅᐸᐅᑎᔭᐅᔪᒪᔪᑦ
- ᐃᑲᔪᕐᓗᓂ ᐊᒻᒪᓗ ᑮᓇᐅᔭᖃᖅᑎᑦᑎᓗᓂ ᓄᓇᓕᖕᒥᑦ ᐃᓂᓕᐅᕆᓂᕐᒧᑦ ᐱᕕᖃᖅᑎᑦᑎᓂᕐᓂᒃ, ᐃᓚᐅᖃᑕᐅᑎᑦᑎᓂᕐᒧᑦ, ᐊᒻᒪᓗ ᐊᔪᕈᖕᓃᖅᓴᐃᓂᕐᒧᑦ ᑐᑭᖃᖅᑐᒃᑯᑦ ᐃᓚᐅᖃᑕᐅᓂᐊᕐᓗᑎᒃ, ᐃᓚᐅᓗᑎᒃ ᐊᔪᕈᖕᓃᖅᓴᖅᑕᐅᓂᖏᑦ ᓄᓇᓕᖕᒥᐅᑕᐃᑦ ᑲᒪᔭᖃᕐᓂᐊᕐᓗᑎᒃ ᖃᐅᔨᓴᐃᓂᕐᒥᒃ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᓕᕆᐊᒥᒃ
- ᐊᑐᖅᑕᐅᑎᓪᓗᒍ ᒐᕙᒪᑐᖃᒃᑯᑦ ᐱᓕᕆᐊᖃᕆᐊᖃᕐᓂᖓᑦ ᖃᐅᔨᒋᐊᕐᓂᕐᒧᑦ ᐅᖃᖃᑎᖃᕐᓂᕐᒧᑦ
- ᓴᙱᒃᑎᒋᐊᕐᓗᒍ ᑐᓴᐅᒪᖃᑦᑕᐅᑎᓂᖅ ᑕᒡᕙᐅᖃᑎᒌᒡᓗᑎᒃ ᑲᑎᒪᖃᑎᒌᖕᓂᒃᑯᑦ, Zoom-ᑯᑦ, ᑎᑎᕋᖃᑦᑕᐅᑎᓂᒃᑯᑦ, ᑕᒪᒃᑯᓅᓇᕋᓗᒃ, ᐃᓚᐅᑎᓐᓂᐊᕐᓗᒋᑦ ᒫᓐᓇᐅᔪᖅ ᓄᑖᙳᖅᑎᖅᑕᐅᓯᒪᔪᑦ ᐃᓂᐅᔫᑉ ᖃᓄᐃᖓᓂᖓᓄᑦ, ᑮᓇᐅᔭᖃᖅᑎᑕᐅᓂᕐᒧᑦ ᐱᕕᖃᖅᑎᑦᑎᓂᕐᓂᑦ, ᐊᒻᒪᓗ ᑐᕌᒐᔪᒧᑦ ᑐᑭᓯᐅᒪᔾᔪᑎᓂᒃ
- ᐃᓚᐅᑎᓐᓂᖅᓴᐅᓗᒋᑦ ᓄᓇᖃᖅᖄᖅᑐᓄᑦ ᖃᐅᔨᒪᓂᕆᔭᐅᔪᑦ ᐊᒻᒪᓗ ᐱᖅᖁᓯᒃᑯᑦ ᐱᕈᖅᐸᓪᓕᐊᓂᖃᖃᑎᒌᒃᑐᓂᒃ ᖃᐅᔨᒪᓂᕆᔭᐅᔪᑦ ᓇᓗᓇᐃᖅᓯᓂᕐᒧᑦ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
- ᑕᐃᒪᐅᔪᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓄᑦ ᑐᑭᓯᐅᒪᔾᔪᑏᑦ ᐊᒻᒪᓗ ᖃᕆᑕᐅᔭᒃᑯᑦ ᑐᖅᖁᖅᓯᓯᒪᕝᕖᑦ ᐃᒪᓐᓇᐃᓪᓗᒋᑦ:
- ᑲᑎᑎᓯᒪᓗᑎᒃ
- ᐊᔪᕐᓇᙱᓪᓗᑎᒃ ᐊᑐᖅᑕᐅᔪᖕᓇᕐᓂᖏᑦ
- ᐊᔪᕐᓇᙱᓪᓗᑎᒃ ᐱᔭᐅᔪᖕᓇᕐᓂᖏᑦ
- ᐃᓚᐅᑎᑦᑎᓗᓂ ᐃᓚᒋᔭᐅᔪᒥᒃ ᓄᓇᓖᑦ ᖃᐅᔨᔪᖕᓇᕐᓂᐊᕐᓗᑎᒃ ᐃᓱᒫᓘᑕᐅᔪᓂᒃ (ᐊᔾᔨᕐᓚᖓ ᓴᔅᑳᑦᓱᐊᓐᒥᑦ ᒪᓕᒐᒥᒃ ᓯᖁᒥᑦᑎᓂᒃᑯᑦ ᐊᒃᑕᑰᕐᕕᖕᒧᑦ ᐅᖃᓘᑎᐊᓛᒧᐊᓲᖅ)
- ᐊᑐᕐᓗᒋᑦ ᖃᕆᑕᐅᔭᒃᑯᑦ ᑭᑐᑐᐃᓐᓇᓄᑦ ᑐᕌᖓᔪᖅ ᖃᐅᔨᒪᓕᖅᑎᑦᑎᒃᑲᓐᓂᕐᓂᐊᕐᓗᓂ ᒐᕙᒪᑐᖃᒃᑯᓐᓄᑦ ᐱᒋᔭᐅᔪᓂᒃ ᐱᑦᑕᐅᖏᑦᑐᖅᑕᓖᑦ ᐃᓂᖏᓐᓂᑦ
4.2 ᑲᓇᖕᓇᖅᐸᓯᖕᒥᑦ ᑲᑎᒪᑎᑦᑎᓂᖅ (ᖃᕆᑕᐅᔭᒃᑯᑦ)
ᐊᑐᖅᓯᒪᔪᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
17 ᐳᓴᓐᑎᖏᑦ ᐃᓚᐅᖃᑕᐅᔪᑦ ᐅᖃᓚᐅᖅᑐᑦ ᐊᖏᔪᒥᒃ ᐊᑐᖅᓯᒪᓂᑯᖃᖅᑐᑦ FCSAP ᑐᕌᖓᔪᒧᑦ. 66 ᐳᓴᓐᑎᖏᑦ ᐅᖃᖅᑐᑦ ᕿᑎᐊᓃᖓᔪᒃᑯᑦ ᐊᒻᒪᓗ ᒥᑭᔪᒥᒃ ᐊᑐᖅᓯᒪᓂᑯᖃᕐᓂᕋᖅᖢᑎᒃ, ᐊᒻᒪᓗ 17%-ᖏᑦ ᐅᖃᖅᖢᑎᒃ ᐊᑐᖅᓯᒪᓂᑯᖃᙱᑦᑐᑦ. ᐊᑐᖅᓯᒪᔭᖏᓐᓂᑦ ᐃᓚᐅᔪᑦ ᐊᒃᑕᑯᕕᓂᑐᖃᐃᑦ ᐊᒻᒪᓗ ᖃᓪᓕᖅᑕᐅᓗᒃᑖᖅᓯᒪᙱᑦᑐᑦ ᓄᓇᒥᑦ ᐃᓗᑦᑐᖅᓯᒪᔪᑦ ᐅᖅᓱᖅᑖᕐᕖᑦ ᐆᓐᓇᖅᑐᒥᑦ ᐅᓗᕆᐊᓇᕐᓂᖃᖅᑐᑦ ᐊᒃᑕᑰᓯᕝᕖᑦ.
ᐊᑕᐅᓯᖅ ᐃᓚᐅᖃᑕᐅᔪᖅ ᐅᖃᖅᑐᖅ ᐱᑦᑕᐅᖏᑦᑐᖅᑕᓕᖕᓂᑦ ᐃᓂᐅᔪᖅ ᓄᓇᓕᖓᓐᓂᑦ ᐊᒥᓱᐃᖅᑕᖅᖢᓂ ᖃᐅᔨᓴᖅᑕᐅᖃᑦᑕᖅᓯᒪᔪᖅ 50 ᐅᑭᐅᑦ ᐃᓗᐊᓂᑦ ᑭᓯᐊᓂ ᐅᑎᖅᑎᑎᖅᑕᐅᔭᕆᐊᖃᖅᑐᖅ ᓱᓕ.
ᐃᓚᖏᑦ ᐊᒃᑐᖅᓯᔪᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐅᖃᖅᑕᐅᔪᓂᑦ ᑲᑎᒪᑎᓪᓗᒋᑦ ᐃᓚᐅᔪᑦ:
- ᖁᑦᑎᒃᑐᑦ ᐱᑦᑕᐅᖏᑦᑐᐃᑦ ᐊᒃᑐᖅᓯᑉᓗᑎᒃ ᒪᓂᕋᕐᒥᑦ ᐃᒪᕐᓂᑦ
- ᐃᒡᓗᕐᔪᐊᕐᒥᑦ ᑯᕕᔪᒥᑦ ᐃᒪᖅ ᐃᒥᖅᑕᐅᒐᒃᓴᐅᖏᓕᖅᑐᖅ ᐆᓐᓇᖅᑐᖅᑕᖃᕐᓂᖓᓄᑦ
- ᒥᒃᖠᒋᐊᖅᓯᒪᓕᖅᑐᑦ ᓄᓇᓕᐊᕐᓗᑎᒃ ᓱᓕᕆᖃᑦᑕᕐᓂᐅᔪᓂᒃ ᓲᕐᓗ ᒪᖃᓐᓂᖅ ᐊᒻᒪᓗ ᑮᔭᖃᑦᑎᐊᕐᓂᖅ
- ᐋᓐᓂᐊᖅᖃᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᖃᙱᓐᓂᕐᒧᑦ ᐃᓱᒫᓘᑕᐅᔪᑦ
ᑐᓗᖅᑕᕈᑏᑦ ᐊᒃᑐᖅᓯᔪᑦ ᐊᐅᓚᑦᑎᓂᖏᓐᓂᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ.
ᑐᓗᖅᑕᕈᑏᑦ ᖃᐅᔨᑦᑎᐊᕈᖕᓇᕐᓂᐊᕐᓗᒋᑦ ᓇᓗᓇᐃᖅᑕᐅᓗᑎᒃ, ᐊᐅᓚᑕᐅᓂᐊᕐᓗᑎᒃ, ᐊᒻᒪᓗ ᓴᓗᒻᒪᖅᓴᖅᑕᐅᓗᑎᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐅᖃᐅᓯᐅᓚᐅᖅᑐᑦ ᑲᑎᒪᔪᓂᑦ ᐃᓚᐅᔪᑦ:
- ᑐᑭᓯᐅᒪᔾᔪᑎᑕᖄᓂᙱᓐᓂᖅ ᐊᒻᒪᓗ ᐱᔭᐅᔪᖕᓇᕐᓂᖏᑦ ᖃᐅᔨᓴᐃᓂᕐᒧᑦ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐅᓂᑉᑳᑦ ᐊᒻᒪᓗ ᓄᓇᙳᐊᑦ
- ᓄᓇᓕᖕᒥᑦ ᐃᓂᑕᖄᓂᙱᓐᓂᖅ ᐊᒻᒪᓗ ᐊᔪᕈᖕᓃᖅᓴᐃᓂᕐᒥᒃ (ᓲᕐᓗ, ᑳᓐᑐᕌᒃᖃᖅᑐᒥᒃ ᐃᓂᖃᖅᑎᑦᑎᓂᖅ, ᓄᓇᒃᑰᕈᑎᕐᔪᐊᓄᑦ)
- ᐅᓂᑉᑳᓕᐅᕆᐊᖃᕐᓃᑦ ᐊᖏᔪᒻᒪᕆᐅᔪᑦ
- ᐱᔭᕆᐊᖃᖅᑎᑕᐅᔪᑦ ᐊᑐᕆᐊᖃᕐᓗᒋᑦ ᒐᕙᒪᒃᑯᓐᓄᑦ ᓈᒻᒪᒋᔭᐅᔪᑦ ᑲᒻᐸᓃᑦ ᐱᓕᕆᐊᖃᕐᓂᐊᕐᓗᑎᒃ
- ᐊᔪᕐᓇᕐᓂᖓ ᑮᓇᐅᔭᖃᖅᑎᑕᐅᓂᕐᒧᑦ
- ᑕᒪᐃᓐᓄᑦ ᐃᓚᐅᖃᑕᐅᖏᓐᓂᖏᑦ ᐊᒻᒪᓗ ᐃᓕᑕᕆᔭᐅᓂᖏᑦ ᓄᓇᓕᐅᑉ ᐱᑦᑕᐅᖏᑦᑐᖅᑕᓕᖕᓄᑦ ᐃᓂᒋᔭᐅᔪᑦ
ᐃᒪᓐᓈᖅᑑᑕᐅᔪᑦ ᐱᐅᓯᒋᐊᕐᓂᐊᕐᓗᒍ FCSAP ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑐᕌᖓᔪᓕᕆᓂᖅ ᓯᕗᒻᒧᒃᑎᑕᐅᓂᖓ.
ᐃᒪᓐᓈᖅᑑᑕᐅᔪᑦ ᐱᔭᐅᔪᑦ CIER-ᑯᓐᓂᑦ ᒪᓕᒃᖢᒋᑦ ᐃᓚᐅᖃᑕᐅᔪᓂᑦ ᑐᓴᖅᑕᐅᔪᑦ, ᐱᐅᓯᒋᐊᕐᓂᐊᕐᓗᒍ FCSAP ᑐᕌᖓᔪᖅ ᐅᑯᐊᖑᓚᐅᖅᑐᑦ:
- ᐃᓚᓕᐅᑎᓗᒋᑦ ᓄᓇᖃᖅᖄᖅᑐᓄᑦ ᖃᐅᔨᒪᓂᕆᔭᐅᔪᑦ ᓂᕐᔪᑏᑦ ᐅᓗᕆᐊᓇᖅᑐᒦᑦᑐᓄᑦ ᓯᕗᓪᓕᖅᐸᐅᑎᔭᐅᓂᐊᖅᑐᓄᑦ ᐊᒻᒪᓗ ᐊᐅᓚᑦᑎᓂᕐᒥᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
- ᐱᒻᒪᕆᐅᑎᓐᓂᖅᓴᐅᓗᒋᑦ ᓄᓇᓕᖕᒥᑦ ᑐᓴᖅᑕᐅᔪᑦ ᐱᔾᔪᑎᖃᖅᑐᑦ ᓯᕗᓪᓕᖅᐸᐅᑎᔭᐅᓂᖏᑦ ᐃᓂᐅᔪᑦ ᐅᖃᐅᔾᔨᓂᕐᒧᑦ ᑲᑎᒪᔨᑎᒍᑦ
- ᐱᐅᓯᒋᐊᕐᓗᒍ ᑐᑭᓯᐅᒪᔾᔪᑎᓂᒃ ᑐᓂᓯᖃᑦᑕᐅᑎᓂᖅ. ᐱᔭᐅᔪᖕᓇᕐᓗᑎᒃ ᑎᑎᖅᖃᐅᑎᒋᔭᐅᔪᑦ, ᖃᐅᔨᓴᐃᓂᕐᒧᑦ ᐅᓂᑉᑳᑦ, ᖃᐅᔨᒋᐊᕐᕕᐅᔪᖕᓇᖅᑐᑦ, ᐊᒻᒪᓗ ᐊᑐᖅᑕᐅᖃᑦᑕᖅᑐᑦ ᑭᖑᕙᙱᓪᓗᑎᒃ. ᐊᕐᕌᒍᑕᒫᒃᑯᑦ ᑐᓂᓯᖃᑦᑕᕐᓗᑎᒃ ᐅᑉᓗᒥᒨᓕᖅᑐᖅᓯᒪᔪᓂᒃ ᑎᑎᖅᖃᓂᒃ ᓄᓇᖃᖅᖄᖅᑐᓂᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᒻᒪᓗ ᐊᕐᕌᒍᑕᒫᒃᑯᑦ ᑲᑎᒪᖃᑎᖃᖃᑦᑕᕐᓗᑎᒃ ISC-ᑯᑦ ᐃᓂᐅᔪᒧᑦ ᐱᓕᕆᔨᖏᓐᓂᑦ ᐊᒻᒪᓗ ᓄᓇᓕᖕᒥᑦ ᐱᓕᕆᔨᓂᑦ.
- ᑐᑭᓕᐅᕆᓂᕐᒧᑦ ᐱᔨᑦᑎᕋᐅᑎᓂᒃ ᑐᓂᓯᓗᑎᒃ ᐱᔭᐅᔪᒪᒑᖓᑕ
- ᐊᖏᓂᖅᓴᒃᑯᑦ ᑕᐅᑐᒐᖃᕐᓗᑎᒃ ᐱᑦᑕᐅᖏᑦᑐᖅᑕᖃᖅᑕᐃᓕᑎᑦᑎᓂᕐᒧᑦ. ᐊᑐᖅᑕᐅᔪᖕᓇᖅᑐᓂᒃ ᑐᓂᓯᓗᑎᒃ ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒧᑦ ᐊᑐᕈᖕᓃᕋᑕᕐᓂᐊᕐᓗᒋᑦ ᐅᖅᓱᐊᓗᖕᒥᑦ ᐆᓇᖅᑎᑦᑎᔪᑦ ᐊᒻᒪᓗ ᐅᖅᓱᐊᓗᒃᑐᕐᓂᕐᒥᒃ ᓯᕗᓂᒃᓴᒥᑦ ᑯᕕᔪᖅᑕᖃᕐᓂᐊᖏᓪᓗᓂ ᐊᒻᒪᓗ ᑯᕕᔪᓂᑦ
- ᖃᐅᔨᒪᓕᖅᑎᑦᑎᒃᑲᓐᓂᕐᓗᓂ ᐊᒻᒪᓗ ᐃᓕᓐᓂᐊᕈᑎᒃᓴᓂᒃ ᑐᓂᓯᓗᓂ, ᐃᓕᓐᓂᐊᖅᑎᑦᑎᓂᕐᓂᑦ, ᐊᒻᒪᓗ ᐊᑐᖅᑕᐅᔪᖕᓇᖅᑐᓂᒃ ᐱᔾᔪᑎᖃᖅᑐᓂᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ. ᒪᓕᒃᑕᐅᔪᒃᓴᓕᐅᕐᓗᑎᒃ ᑎᑎᕋᖅᓯᒪᔪᓂᒃ ᐊᔾᔨᒌᙱᑦᑐᓂᒃ ᐊᑐᖅᑕᐅᔪᖕᓇᖅᑐᓂᒃ ᑲᒪᒋᔭᐅᓂᖏᓐᓄᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ, ᐃᓚᐅᓗᒋᑦ ᖃᓄᖅ ᐱᒋᐊᕆᐊᖃᕐᓂᕐᒥᒃ, ᐊᔾᔨᒌᙱᑦᑐᓂᒃ ᐱᑦᑕᐅᖏᑦᑐᖅᑕᓕᖕᓂᑦ, ᑕᒪᒃᑯᓂᙵᕋᓗᒃ
- ᖃᐅᔨᒋᐊᕐᕕᐅᖃᑦᑕᖅᑐᑦ ᐱᓕᕆᖃᑎᖃᖁᓗᒋᑦ ᐊᒻᒪᓗ ᑲᑎᒪᖃᑎᖃᖃᑦᑕᕐᓗᑎᒃ ᐊᔾᔨᒌᙱᑦᑐᓂᒃ ᓄᓇᓕᖕᒥᑦ ᐱᓕᕆᔨᓂᒃ
- ᐃᑲᔪᖅᑐᐃᓗᓂ ᐃᓚᐅᑎᑦᑎᓂᕐᒧᑦ ᑲᑎᒪᑎᑦᑎᓂᕐᓂᑦ ᐊᔪᙱᑕᐅᔪᖕᓇᖅᑐᓂᒃ, ᑮᓇᐅᔭᖃᖅᑎᑕᐅᔪᓂᒃ, ᐊᒻᒪᓗ ᖃᓄᐃᓕᐅᖅᑎᑕᐅᔪᓂᒃ ᓄᓇᓕᖕᓄᑦ. ᖃᐅᔨᑎᖃᑦᑕᕐᓗᒋᑦ ᐊᒻᒪᓗ ᐱᖃᑎᒋᓗᒋᑦ ᐃᖅᕿᓖᑦ ᓄᓇᓕᖏᓐᓄᑦ ᑲᑎᒪᔨᖏᑦ ᐱᒋᐊᓕᓵᕐᓂᖏᓐᓂᑦ ᐃᓚᐅᖃᑕᐅᑎᑦᑎᓂᕐᒧᑦ ᐱᓕᕆᐊᖑᔪᒥᑦ
- ᐱᔭᕆᐊᑐᓗᐊᖏᓐᓂᖅᓴᐅᓗᒋᑦ ᐅᓂᑉᑳᓕᐅᕆᓂᕐᒧᑦ ᐱᔭᕆᐊᖃᖅᑐᑦ ᓂᕆᐅᒋᔭᐅᔪᓂᒃ, ᓄᓇᖃᖅᖄᖅᑐᑦ ᐱᓕᕆᖃᑎᒋᔭᐅᔪᓄᑦ ᐅᓂᑉᑳᓕᐅᕆᓂᕐᒥᒃ ᐃᑲᔫᑎᓄᑦ ᐊᒻᒪᓗ ᑐᓂᕐᕈᑎᓄᑦ ᐊᖏᖃᑎᒌᒍᑎᓄᑦ
- ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓗᑎᒃ ᐊᒻᒪᓗ ᐱᓕᕆᐊᖑᓂᖏᑦ ᐊᑐᓕᖅᑎᑦᑎᓂᖅ ᓄᓇᓕᖕᒥᑦ ᐊᕙᑎᒥᒃ ᖃᐅᔨᓴᐃᓂᕐᒧᑦ ᐱᓕᕆᐊᕐᒥᑦ ᒐᕙᒪᑐᖃᒃᑰᖏᖔᕐᓗᑎᒃ ᐱᔭᕆᐊᖃᖅᑎᑕᐅᓂᒃᑯᑦ
- ᑮᓇᐅᔭᖃᖅᑎᑎᒃᑲᓐᓂᕐᓗᓂ ᐊᒻᒪᓗ ᐊᑐᖅᑕᐅᔪᖕᓇᕐᓗᑎᒃ ᐃᑲᔪᕐᓂᐊᕐᓗᓂ ᐃᓂᓕᐅᕆᓂᕐᒥᒃ ᓲᕐᓗ, ᓄᓇᓕᖕᒥᑦ ᑐᑭᒧᐊᒃᑎᑦᑎᔨᒧᑦ ᐃᓂᐅᔪᓂᑦ, ᐊᕙᑎᓕᕆᓂᕐᒧᑦ ᐊᒻᒪᓗ ᒪᓕᒃᑎᑦᑎᓂᕐᒧᑦ ᐱᓕᕆᔨᓂᑦ
- ᐃᓚᐅᓗᒋᑦ ᐊᒥᓲᓂᖅᓴᐅᔪᓂᒃ ᑐᑭᓯᐅᒪᔾᔪᑎᓂᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐱᑕᖃᖅᑐᓄᑦ ᖃᕆᑕᐅᔭᒃᑯᑦ ᑐᖅᖁᖅᓯᓯᒪᕝᕕᖕᒥᑦ (ᓲᕐᓗ, ᐅᑉᓗᓂᑦ ᖃᐅᔨᓴᖅᑕᐅᖕᒪᑕ, ᐊᔾᔨᖏᓐᓂᑦ ᐃᓗᐃᑦᑑᓗᒋᑦ ᐅᓂᑉᑳᓂᑦ), ᑲᑎᑎᓐᓂᐊᕐᓗᒋᑦ ᑐᑭᓯᐅᒪᔾᔪᑏᑦ ᐊᑕᐅᓯᕐᒧᑦ ᐃᓂᐅᔪᒧᑦ ᐊᒻᒪᓗ ᓴᖅᕿᑦᑎᓗᓂ ᐱᔭᐅᔪᖕᓇᕐᓂᖅᓴᐅᔪᓂᒃ ᐊᒻᒪᓗ ᐊᒥᓲᓂᖅᓴᓄᑦ ᐱᔭᐅᔪᖕᓇᕐᓂᖏᑦ
- ᐱᓕᕆᔨᑖᒃᑲᓐᓂᕐᓗᓂ ᐊᕕᒃᑐᖅᓯᒪᔪᒥᑦ ISC-ᑯᓐᓄᑦ ᐱᓕᕆᔨᒥᒃ FCSAP ᑐᕌᖓᔪᒥᑦ ᐱᓕᕆᓂᐊᖅᑐᒥᑦ
- ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓄᑦ ᐊᔪᕈᖕᓃᖅᓴᐃᓗᓂ ᐊᒥᓲᓂᖅᓴᓂᒃ ᓄᓇᓕᖕᒥᐅᓄᑦ ᐱᓕᕆᔪᖕᓇᕐᓂᐊᖅᑐᓂᒃ
- ᐱᔭᒃᓴᐅᑎᖃᕐᓂᖅᓴᐅᑎᓪᓗᒋᑦ ᐊᒻᒪᓗ ᑕᑯᒃᓴᐅᓂᖅᓴᐅᓗᑎᒃ ᒐᕙᒪᑐᖃᒃᑯᑦ
- ᓄᓇᓕᒃ ᐃᓚᐅᑎᑕᐅᖃᑦᑕᕐᓗᓂ ᑕᒪᐃᓐᓂᓗᒃᑖᖅ ᓇᓃᓐᓂᕆᔭᖓᓂᑦ ᐱᓕᕆᐊᑉ, ᑐᓵᓗᒋᑦ ᓄᓇᓕᖕᒥᐅᑕᓄᑦ ᐱᔾᔪᑎᒋᔭᐅᔪᑦ ᐊᒻᒪᓗ ᐃᓱᒫᓘᑎᒋᔭᐅᔪᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᒥᒃᓵᓄᑦ, ᑐᒃᓯᕋᐅᑕᐅᔪᓂᒃ ᐅᑎᖅᑎᑎᕆᓂᕐᒧᑦ ᐊᑐᖅᑕᐅᔪᖕᓇᖅᑐᓂᒃ, ᑐᑭᓯᐅᒪᔾᔪᑎᓂᒃ ᑐᓂᓯᖃᑦᑕᐅᑎᓂᕐᒧᑦ, ᖃᓄᑎᒋᐅᔪᒥᒃ ᐃᑲᔪᖅᑕᐅᔭᕆᐊᖃᕐᓂᐅᔪᓄᑦ, ᑕᒪᒃᑯᓂᙵᕋᓗᒃ
4.3 ᑯᐸᐃᒃ/ᓛᐳᕋᑐᐊ ᐊᕕᒃᑐᖅᓯᒪᔪᒥᑦ, ᐃᓚᐅᑉᓗᑎᒃ ᓄᓇᕕᒃ ᐊᒻᒪᓗ ᓄᓇᑦᓯᐊᕗᑦ (ᖃᕆᑕᐅᔭᒃᑯᑦ/ᐅᖃᓘᑎᒃᑯᑦ)
ᐊᑐᖅᓯᒪᔪᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
71 ᐳᓴᓐᑎᖏᑦ ᐅᖃᖅᑐᑦ ᒥᑭᔪᒥᒃ ᐊᑐᖅᓯᒪᓂᑯᖃᕐᓂᕋᖅᖢᑎᒃ FCSAP ᑐᕌᖓᔪᒧᑦ, ᐊᒻᒪᓗ 29%-ᖏᑦ ᕿᑎᐊᓃᖓᔪᒃᑯᑦ ᐊᑐᖅᓯᒪᓂᑯᖃᖅᖢᑎᒃ. ᐊᑐᖅᓯᒪᓂᑯᖏᓐᓂᑦ ᐃᓚᐅᔪᑦ:
- ᓄᓇᓕᖕᒥᑦ ᐅᖅᓱᓕᕆᔨᒃᑯᑦ ᑯᕕᑎᑦᑎᓚᐅᖅᑐᑦ ᐅᖅᓱᖅᑖᕐᕕᖕᒥᑦ ᓄᓇᓕᖕᒥᑦ
- ᓄᑕᐅᙱᑦᑐᖅᑕ ᐃᒡᓗᒋᔭᐅᔪᖅ ᓴᓇᔨᓄᑦ ᐃᑉᔪᒧᑦ ᐱᑦᑕᐅᖏᑦᑐᖃᓕᖅᑎᑦᑎᓂᖃᖅᖢᓂ
- ᐅᖅᓱᐊᓗᒃ ᑯᕕᔭᐅᔪᖅ ᖁᕐᕕᖕᒥᙶᖅᑐᓄᑦ ᓱᑉᓗᓕᖕᓄᑦ
ᐃᓚᐅᖃᑕᐅᔪᑦ ᐅᖃᓚᐅᖅᑐᑦ ᐱᑦᑕᐅᖏᑦᑐᖅᑕᖃᓕᖅᑐᑦ ᐱᔪᓂᒃ ᐊᔾᔨᒌᙱᑦᑐᓂᒃ ᐃᓂᐅᔪᓂᑦ ᐱᑦᑕᐅᖏᑦᑐᒥᒃ ᐊᒃᑐᖅᓯᓂᖃᐃᓐᓇᖅᑐᖅ ᐃᒪᖏᓐᓄᑦ, ᐃᑉᔪᖏᓐᓄᑦ, ᓄᓇᓕᖕᒥᐊᓗᒃᑖᓄᓪᓗ.
ᑐᓗᖅᑕᕈᑏᑦ ᐊᒃᑐᖅᓯᔪᑦ ᐊᐅᓚᑦᑎᓂᖏᓐᓂᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ.
ᑐᓗᖅᑕᕈᑏᑦ ᖃᐅᔨᑦᑎᐊᕈᖕᓇᕐᓂᐊᕐᓗᓂ, ᐊᐅᓚᑦᑎᓂᐊᕐᓗᓂ ᐊᒻᒪᓗ ᓴᓗᒻᒪᖅᓴᐃᓂᐊᕐᓗᓂ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐅᖃᐅᓯᐅᓚᐅᖅᑐᑦ ᑲᑎᒪᑎᑦᑎᓂᕐᒥᑦ ᐅᑯᐊ ᐃᓚᐅᔪᑦ:
- ᐱᑕᖃᓗᐊᖏᑦᑐᖅ ᐱᓂᐊᕐᓗᓂ ᑐᑭᓯᐅᒪᔾᔪᑎᓂᒃ ᐱᔾᔪᑎᖃᖅᑐᓂᒃ ᐱᑦᑕᐅᖏᑦᑐᖅᑕᓕᖕᓂᑦ
- ᐃᓂᖄᓂᙱᓗᐊᖅᑐᖅ ᓲᕐᓗ ᐃᖅᖃᓇᐃᔭᖅᑎᓂᒃ
- ᑮᓇᐅᔭᒃᑯᑦ ᐃᑲᔪᖅᑕᐅᓂᖃᙱᓪᓗᐊᖅᑐᑦ ᐊᒻᒪᓗ ᐊᑐᖅᑕᐅᔪᖕᓇᖅᑐᓂᒃ ᑕᐅᑐᖔᖅᖢᒋᑦ ᖃᑉᓯᑲᓪᓚᐅᓂᖏᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ
- ᑐᓴᐅᒪᖃᑦᑕᐅᑎᓂᖅᑕᖃᙱᓗᐊᖅᑐᖅ ᐱᔾᔪᑎᒋᑉᓗᒋᑦ ᖃᓄᐃᖓᓕᕐᓂᖏᑦ ᐱᓕᕆᐊᑦ
- ᐊᑭᑐᔫᓂᖓ ᓴᓗᒻᒪᖅᓴᐃᓂᕐᒧᑦ ᐊᒻᒪᓗ ᑐᖅᖁᖅᑕᐅᓂᐊᕐᓗᑎᒃ ᐱᑦᑕᐅᖏᑦᑐᖅᑕᓖᑦ ᐃᑉᔪᐃᑦ
- ᒪᓕᒃᑕᐅᔭᕆᐊᓕᒃ ᐊᑐᖅᑕᐅᔪᒃᓴᖅ, ᑎᑎᖅᖃᓕᕆᓂᖅ ᐊᒻᒪᓗ ᐅᓂᑉᑳᓕᐅᕆᓂᕐᒧᑦ ᐱᔭᕆᐊᖃᖅᑐᑦ
ᐃᒪᓐᓈᖅᑑᑕᐅᔪᑦ ᐱᐅᓯᒋᐊᕐᓂᐊᕐᓗᒍ FCSAP ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑐᕌᖓᔪᓕᕆᓂᖅ ᓯᕗᒻᒧᒃᑎᑕᐅᓂᖓ.
ᐃᒪᓐᓈᖅᑑᑕᐅᔪᑦ ᐱᔭᐅᔪᑦ CIER-ᑯᓐᓂᑦ ᒪᓕᒃᖢᒋᑦ ᐃᓚᐅᖃᑕᐅᔪᓂᑦ ᑐᓴᖅᑕᐅᔪᑦ, ᐱᐅᓯᒋᐊᕐᓂᐊᕐᓗᒍ FCSAP ᑐᕌᖓᔪᖅ ᐅᑯᐊᖑᓚᐅᖅᑐᑦ:
- ᐊᔾᔨᒌᖓᔪᒃᑯᑦ ᑐᓴᐅᒪᑎᓪᓗᒋᑦ ᓄᓇᓖᑦ ᓇᓃᓐᓂᓗᒃᑖᖓᓂᑦ ᐱᓕᕆᐊᖅ
- ᐋᖅᕿᒃᓱᐃᓚᐅᖅᑐᑦ ᓄᓇᓕᖕᓂᑦ ᑭᒡᒐᖅᑐᐃᓂᐊᖅᑐᓂᒃ ᐅᕐᓂᒍᑎᓯᒪᓂᐊᕐᓗᑎᒃ ᐊᕙᑎᓕᕆᓂᕐᒥᑦ ᐃᓂᐅᔪᒥᑦ ᖃᐅᔨᓴᐃᑎᓪᓗᒋᑦ ᓄᓇᖃᖅᖄᖅᑐᓄᑦ ᖃᐅᔨᒪᓂᕆᔭᐅᔪᑦ ᐃᓱᒪᒋᔭᐅᖃᑕᐅᑎᓐᓂᐊᕐᓗᑎᒃ
- ᐊᑯᓂᐅᔪᒥᒃ ᑮᓇᐅᔭᖃᖅᑎᑦᑎᓗᓂ ᐃᓂᐅᔪᒧᑐᐃᓐᓇᐅᖏᑦᑐᖅ. ᑮᓇᐅᔭᖅ ᐱᔭᐅᔪᖕᓇᕆᐊᖃᖅᑐᖅ ᐊᒻᒪᓗ ᓈᒻᒪᒃᑑᓗᓂ ᐃᑲᔪᕐᓂᐊᕐᓗᓂ ᓄᓇᓕᖕᒥᐅᓂᒃ ᐃᓚᐅᑎᑦᑎᓂᕐᒧᑦ ᐊᒻᒪᓗ ᐃᓂᐅᔪᒥᒃ ᓄᓇᓕᖕᒥᑦ ᑲᒪᔨᐅᔪᑦ ᐃᓚᒋᔭᐅᓗᑎᒃ ᐅᑎᖅᑎᑎᕆᓂᕐᒧᑦ ᐱᓕᕆᐊᖑᔪᒧᑦ
- ᑕᖅᕿᑕᒫᑦ ᐊᒻᒪᓗ ᐊᕐᕌᒍᑕᒫᒃᑯᑦ ᑲᑎᒪᑎᑦᑎᖃᑦᑕᕐᓗᑎᒃ, ᐃᓚᐅᖃᑕᐅᑎᑦᑎᓗᑎᒃ, ᐊᒻᒪᓗ ᑐᑭᓯᐅᒪᔾᔪᑏᑦ ᒥᒃᓵᓄᑦ ᑲᑎᒪᑎᑦᑎᖃᑦᑕᕐᓗᑎᒃ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᒥᒃᓵᓄᑦ
- ᑐᑭᓯᐅᒪᔾᔪᑎᒃᑲᓐᓂᕐᓂᑦ ᐊᒻᒪᓗ ᐱᕝᕕᐅᖃᑦᑕᖅᑐᓂᒃ ᑐᓂᔭᐅᖃᑦᑕᕐᓗᑎᒃ ᓄᓇᓕᖕᓄᑦ ᐱᔾᔪᑎᖃᖅᑐᓗᒃᑖᓂᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ (ᓲᕐᓗ ᐅᖅᓱᐊᓗᖕᒥᑦ ᐊᐅᓚᑦᑎᓂᖅ ᓯᕗᓂᒃᓴᒥᑦ ᑯᕕᓂᖅᑕᖃᕐᓂᐊᖏᓪᓗᓂ, ᖃᓄᐃᑦᑑᓂᖏᑦ ᐱᑦᑕᐅᖏᑦᑐᖅᑕᓖᑦ, ᐃᓂᒋᔭᖏᑦ ᐱᑦᑕᐅᖏᑦᑐᖅᑕᓖᑦ, ᐅᑎᖅᑎᑎᕆᓂᕐᒧᑦ ᐱᓕᕆᐊᖑᔪᖅ)
- ᑮᓇᐅᔭᖃᖅᑎᑦᑎᓗᓂ ᓇᓗᓇᐃᒃᑯᑕᓕᖅᑕᐅᓂᐊᕐᓗᑎᒃ ᐅᑎᖅᑎᑎᕆᓂᖃᕐᕕᐅᓚᐅᖅᑐᓂᑦ ᑐᑭᓯᐅᒪᔾᔪᑐᓂᒃ ᐃᓂᐅᔫᑉ ᒥᒃᓵᓄᑦ ᐱᖃᕐᓗᑎᒃ, ᓇᓗᓇᐃᖅᓯᓗᓂ ᐊᕙᑎᒧᑦ ᐊᒃᑐᖅᓯᓂᐅᔪᓂᒃ ᐊᒻᒪᓗ ᐱᖅᖁᓯᕆᔭᐅᔪᒃᑯᑦ ᒪᖃᐃᖃᑦᑕᕐᓂᕐᒧᑦ ᐊᒻᒪᓗ ᐱᖅᖁᓯᕆᔭᐅᔪᓄᑦ ᑐᑭᓯᐅᒪᔾᔪᑎᓂᑦ
- ᐅᒃᑯᐃᕐᓗᒋᑦ ᐊᔪᙱᑎᑕᐅᔪᑦ ᐱᓕᕆᐊᖑᓂᐊᕐᓗᑎᒃ ᐃᓱᒪᒋᔭᐅᓯᒪᔪᑦ ᐃᓂᐅᔪᓄᑦ ᒪᓕᒃᖢᒍ ᑐᕌᖓᔪᖅ (ᓲᕐᓗ, ᓇᖕᒥᓂᕆᔭᐅᔪᑦ ᐃᓂᐅᔪᑦ)
- ᐋᖅᕿᒃᓯᓗᓂ ᐱᓕᕆᖃᑎᒌᒃᑐᓂᒃ ᓄᓇᓕᖕᓄᑦ ᑐᓂᓯᓂᐊᕐᓗᓂ ᑐᑭᓯᐅᒪᔾᔪᑎᓂᒃ (ᓲᕐᓗ, ᐱᑦᑕᐅᖏᑦᑐᖅᑕᓕᖕᒧᑦ ᐊᑐᖅᑐᓂᒃ, ᐊᐅᓚᑦᑎᓂᕐᒧᑦ ᐱᐅᓛᑦ ᐊᑐᖅᑕᐅᖃᑦᑕᖅᑐᓂᒃ) ᐊᒻᒪᓗ ᐱᕝᕕᐅᖃᑦᑕᖅᑐᓂᒃ
- ᖃᓄᐃᓕᐅᕆᐊᖃᕐᓂᕐᒧᑦ ᐅᖃᓕᒫᒐᖃᖅᑎᑦᑎᓗᓂ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐊᐅᓚᑕᐅᓂᐊᕐᓗᑎᒃ ᐊᒻᒪᓗ ᐊᑐᖅᑕᐅᖃᑦᑕᖅᑐᓂᒃ ᓄᓇᓕᖕᓄᑦ ᐃᑲᔪᖅᑐᓂᒃ ᒥᐊᓂᕆᔭᐅᓂᖓᓄᑦ ᐊᕙᑎ, ᖃᐅᔨᒪᓕᖅᑎᑦᑎᓂᐊᕐᓗᓂ ᐱᑦᑕᐅᖏᑦᑐᖃᓕᖅᑎᑦᑎᑦᑕᐃᓕᓂᕐᒧᑦ ᐊᒻᒪᓗ ᖃᓄᐃᖓᓕᖅᑎᑦᑎᓂᕆᖃᑦᑕᖅᑕᖓ ᐱᑦᑕᐅᖏᑦᑐᖃᓕᖅᑎᓪᓗᒍ, ᐊᒻᒪᓗ ᑐᑭᓯᐅᒪᔾᔪᑎᖃᖅᑎᑦᑎᓗᓂ ᐊᑐᖅᑕᐅᔪᖕᓇᖅᑐᓄᑦ ᑲᒻᐸᓂᐅᔪᑦ ᐃᓄᐃᓪᓘᓐᓃᑦ ᐱᑦᑕᐅᖏᑦᑎᑐᓕᐅᖅᑎᑦᑎᒃᐸᑕ
- ᐊᖏᓂᖅᓴᒥᑦ ᑮᓇᐅᔭᖅᖃᖅᑎᑦᑎᓗᑎᒃ ᐊᕙᑎᒥᑦ ᐃᓂᐅᔪᒥᑦ ᖃᐅᔨᓴᐃᓂᕐᒧᑦ ᐊᑐᕐᓂᐊᖅᑐᓂᒃ. ᐃᓚᐅᓕᖅᑎᑦᑎᓗᓂ ᐊᒥᓲᓂᖅᓴᓂᒃ ᒐᕙᒪᒃᑯᓐᓂᑦ ᐃᖅᖃᓇᐃᔭᖅᑎᓂᒃ ᕿᒥᕐᕈᓂᐊᖅᑐᓂᒃ ᑐᒃᓯᕋᐅᑕᐅᔪᓂᒃ
- ᒥᒃᖠᒋᐊᕐᓗᒋᑦ ᑎᑎᖅᖃᓕᕆᔭᕆᐊᖃᕐᓂᖏᑦ ᓄᓇᓖᑦ, ᐊᑐᖅᑕᐅᓂᐊᖅᑐᓂᒃ ᐱᓕᕆᔾᔪᑏᑦ ᑐᑭᓯᓐᓇᕐᓂᖅᓴᐅᓕᖅᑎᓪᓗᒋᑦ ᐊᒻᒪᓗ ᐊᔪᕐᓇᙱᓐᓂᖅᓴᐅᓕᖅᑎᓪᓗᒋᑦ
- ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᔪᕈᖕᓃᖅᓴᐃᓂᕐᒧᑦ ᐱᖃᖅᑎᑦᑎᓗᑎᒃ ᓄᓇᓕᖕᒥᐅᓂᑦ ᐱᑖᖅᑎᓐᓂᐊᕐᓗᒋᑦ ᐱᔭᐅᔭᕆᐊᓖᑦ ᐊᔪᙱᓐᓂᖃᕐᓂᕐᒧᑦ, ᐊᔪᙱᓐᓂᖃᓕᖅᑎᓪᓗᒋᑦ ᐊᒻᒪᓗ ᐊᒥᓱᙳᕆᐊᕐᓂᐊᕐᓗᒋᑦ ᓄᓇᓕᖕᒥᑦ ᐃᖅᖃᓇᐃᔭᖅᑎᑦᑎᓃᑦ ᓲᕐᓗ ᐱᓕᕆᐊᖑᔪᒥᒃ ᖃᐅᔨᓴᖅᑎᐅᓂᕐᒧᑦ ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᒥᑦ
- ᒐᕙᒪᒃᑯᓐᓄᑦ ᐃᖅᖃᓇᐃᔭᖅᑎᓂᒃ ᐱᐊᓂᒃᓯᔭᕆᐊᖃᖅᑎᓪᓗᒋᑦ ᓄᓇᖃᖅᖄᖅᑐᑦ ᐱᖅᖁᓯᖏᑦᑕ ᒥᒃᓵᓄᑦ ᐃᓕᓐᓂᐊᖅᑎᑕᐅᓂᕐᒥᑦ ᐊᒻᒪᓗ ᐊᔪᕈᖕᓃᖅᓴᖅᑕᐅᓗᑎᒃ ᐃᖅᖃᓇᐃᔭᖃᑎᖃᕐᓂᐊᓵᖅᑎᓪᓗᒋᑦ ᓄᓇᓕᖕᓂᑦ
4.4 ᐅᐊᖕᓇᖅᐸᓯᒃᑐᒥᑦ ᑲᑎᒪᓂᖅ (ᖃᕆᑕᐅᔭᒃᑯᑦ)
ᐊᑐᖅᓯᒪᔪᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
50%-ᖏᑦ ᐃᓚᐅᖃᑕᐅᔪᑦ ᐅᖃᓚᐅᖅᑐᑦ ᕿᑎᐊᓃᖓᔪᒃᑯᑦ ᐊᑐᖅᓯᒪᓂᑯᖃᖅᑐᑦ ᐱᓕᕆᖃᑕᐅᓂᕐᒥᒃ FCSAP ᑐᕌᖓᔪᒥᑦ, 33%-ᖏᑦ ᒥᑭᔪᒥᒃ ᐱᓕᕆᓂᑯᖃᖅᑐᑦ ᐊᒻᒪᓗ 17%-ᖑᔪᑦ ᓇᓗᓚᐅᖅᑐᑦ. ᐊᑐᖅᓯᒪᓂᑯᖏᓐᓂᑦ ᐃᓚᐅᔪᑦ:
- ᐱᑦᑕᐅᖏᑦᑐᐃᑦ ᐱᒧᑦ ᐅᔭᕋᒃᑕᕆᐊᕕᓂᑐᖃᓂᑦ
- ᐅᓇᑕᖅᑐᒃᓴᐅᓚᐅᖅᑐᓄᑦ ᓇᓃᓐᓂᖏᓐᓄᑦ ᖃᐅᔨᓴᕈᑎᓄᑦ ᐃᓂᐅᔪᑦ, ᐊᒻᒪᓗ ᐅᓇᑕᖅᑐᒃᓴᐃᑦ ᑎᖕᒥᓲᖃᕐᕕᖏᓐᓂᑦ
- ᐅᖅᓱᓄᑦ ᖃᑦᑕᐅᔭᕐᔪᐊᑦ ᐊᒻᒪᓗ ᐱᖁᑏᑦ ᕿᒪᒃᑕᐅᔪᑦ ᕿᓂᖅᓴᐃᓂᕐᒧᑦ ᑲᒻᐸᓂᓄᑦ 1960-ᖏᓐᓂᐅᑎᓪᓗᒍ
ᐊᒥᓱᐃᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᕙᑎᒧᑦ ᐊᒃᑐᖅᓯᔪᑦ ᐱᔪᓂᒃ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐅᖃᐅᓯᐅᓚᐅᖅᑐᑦ ᐃᓚᐅᑉᓗᑎᒃ:
- ᐋᓯᓂᒃ (arsenic)
- ᐱᓕᕆᕝᕕᒡᔪᐊᓄᑦ ᐊᑯᑉᓕᖅᑎᕈᑏᑦ (PCB)
- ᐅᖅᓱᐊᓗᖕᒥᑦ ᐱᔪᑦ ᑯᕕᓂᖃᖅᑐᑦ ᖃᓂᑕᖏᓐᓄᑦ ᓄᓇᒧᑦ, ᑰᖕᓄᑦ, ᐊᒻᒪᓗ ᑕᓯᕐᓄᑦ
ᐊᑕᐅᓯᖅ ᐃᓚᐅᖃᑕᐅᔪᖅ ᐅᖃᓚᐅᖅᑐᖅ ᐅᖅᓱᓄᑦ ᖃᑦᑕᐅᔭᕐᔪᐊᑦ ᐃᒪᕐᒧᐊᖅᑕᐅᖃᑦᑕᕐᓂᖏᓐᓄᑦ ᕿᓂᖅᓴᐃᓂᕐᒧᑦ ᑲᒻᐸᓂᐅᓚᐅᖅᑐᓄᑦ, ᐃᖃᓗᐃᑦ ᐃᖃᓗᒃᑕᐅᓂᖅ ᐊᔪᓕᖅᑐᑦ ᑕᓯᕐᒥᑦ ᐊᒻᒪᓗ ᓇᓗᒐᓛᕐᕕᒋᓂᖅ ᐊᔪᖅᑎᑕᐅᔪᑦ.
ᑐᓗᖅᑕᕈᑏᑦ ᐊᒃᑐᖅᓯᔪᑦ ᐊᐅᓚᑦᑎᓂᖏᓐᓂᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ.
ᑐᓗᖅᑕᕈᑏᑦ ᖃᐅᔨᑦᑎᐊᕈᖕᓇᕐᓂᐊᕐᓗᒋᑦ ᓇᓗᓇᐃᖅᑕᐅᓗᑎᒃ, ᐊᐅᓚᑕᐅᓂᐊᕐᓗᑎᒃ, ᐊᒻᒪᓗ ᓴᓗᒻᒪᖅᓴᖅᑕᐅᓗᑎᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐅᖃᐅᓯᐅᓚᐅᖅᑐᑦ ᑲᑎᒪᔪᓂᑦ ᐃᓚᐅᔪᑦ:
- ᐱᑕᖃᙱᓐᓂᖃᕐᓂᖅ ᑕᑎᖃᕈᖕᓇᕐᓂᕐᒥᑦ ᐅᒃᐱᕈᓱᖕᓂᕐᒥᑦ ᐊᑯᓐᓂᖏᓐᓂᑦ ᓄᓇᖃᖅᖄᖅᑐᑦ ᒐᕙᒪᐃᑦ, ᓄᓇᓖᑦ ᐊᒻᒪᓗ ᐊᐅᓚᑦᑎᔩᑦ ᑲᑐᔾᔨᖃᑎᒌᑦ ᐊᒻᒪᓗ ᒐᕙᒪᒃᑯᑦ
- ᒐᕙᒪᒃᑯᑦ ᑐᑭᓯᐊᕌᓂᙱᓐᓂᖏᑦ ᓄᓇᓕᐅᑉ ᐱᖅᖁᓯᕆᔭᖓᓂᑦ
- ᐃᓗᐊᓂᑦ ᐃᓂᑕᖄᓂᙱᓐᓂᖅ ᓄᓇᓕᖕᓂᑦ ᐃᓚᐅᖃᑕᐅᓗᒃᑖᕈᖕᓇᕐᓂᖏᓐᓄᑦ ᐱᓕᕆᐊᕐᒥᑦ (ᓲᕐᓗ ᐊᔪᕈᖕᓃᖅᓴᐃᓂᖅᑕᖃᙱᓗᐊᖅᑐᖅ ᐱᓕᕆᐊᕆᔭᐅᓂᐊᕐᓗᓂ ᐊᕙᔭᑎᓕᕆᓂᕐᒧᑦ ᐱᓕᕆᓂᐅᔪᑦ)
- ᓈᒻᒪᒃᑐᓂᒃ ᐊᒻᒪᓗ ᐊᑐᖅᑕᐅᖃᑦᑕᕐᓂᐊᖅᑐᓂᒃ ᑮᓇᐅᔭᖅᑕᖃᙱᑦᑐᖅ
- ᑭᒡᓕᖃᖅᑐᑦ ᒐᕙᒪᒃᑯᑦ ᖃᖓᒃᑰᖓᔪᖏᑦ ᐊᒻᒪᓗ ᐊᑐᐊᒐᖏᑦ (ᓲᕐᓗ, 20 ᐅᑉᓗᓂ ᑭᐅᓯᒪᔭᕆᐊᖃᖅᑐᑦ ᐅᖃᖃᑎᖃᕐᓂᕐᒧᑦ ᖃᐅᔨᑎᑕᐅᖅᖄᖅᑎᓪᓗᒋᑦ)
- ᐱᔭᐅᖏᓐᓇᖃᑦᑕᕐᓂᖓ ᓄᓇᖃᖅᖄᖅᑐᑦ ᐱᔪᖕᓇᐅᑎᖃᕐᓂᖏᑦ ᐱᔭᐅᓯᒪᓂᖏᑦ, ᐃᒃᐱᒍᓱᒡᕕᐅᓂᖏᑦ ᐊᒻᒪᓗ ᐊᑐᖅᑕᐅᖃᑦᑕᕐᓂᖏᑦ
- ᑕᖃᓇᖅᓯᓂᖓ ᖃᐅᔨᑎᑦᑎᖃᑦᑕᐃᓐᓇᕐᓗᓂ ᐊᑕᐅᓰᓐᓇᕐᓂᒃ ᐃᓱᒫᓘᑎᒋᔭᐅᔪᓂᒃ ᐊᒻᒪᓗ ᐱᔾᔪᑕᐅᔪᓂᒃ ᐱᐅᓯᒋᐊᕐᓂᖃᙱᖦᖢᓂ ᐅᕝᕙᓘᓐᓃᑦ ᒥᑭᔪᒥᒃ ᐱᐅᓯᒋᐊᕐᓂᖃᖅᖢᓂ
- ᐃᒪᓐᓈᖅᑑᑕᐅᔪᑦ ᐱᐅᓯᒋᐊᕐᓂᐊᕐᓗᒍ FCSAP ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑐᕌᖓᔪᓕᕆᓂᖅ ᓯᕗᒻᒧᒃᑎᑕᐅᓂᖓ.
- ᐃᒪᓐᓈᖅᑑᑕᐅᔪᑦ ᐱᔭᐅᔪᑦ CIER-ᑯᓐᓂᑦ ᒪᓕᒃᖢᒋᑦ ᐃᓚᐅᖃᑕᐅᔪᓂᑦ ᑐᓴᖅᑕᐅᔪᑦ, ᐱᐅᓯᒋᐊᕐᓂᐊᕐᓗᒍ FCSAP ᑐᕌᖓᔪᖅ ᐅᑯᐊᖑᓚᐅᖅᑐᑦ:
- ᐅᑎᖅᑎᑎᕆᓂᕐᒧᑦ ᐱᓕᕆᐊᖑᔪᑦ ᐃᑲᔪᖅᑕᐅᖏᓐᓇᕆᐊᖃᖅᑐᑦ ᐱᖅᖁᓯᒃᑯᑦ ᖃᐅᔨᒪᓂᕆᔭᐅᔪᒃᑯᑦ, ᓄᓇᖃᖅᖄᖅᑐᓄᑦ ᐊᑐᖅᑕᐅᖃᑦᑕᖅᑐᒃᑯᑦ ᐊᒻᒪᓗ ᓯᕗᓪᓕᖅᐸᐅᑎᔭᐅᔪᓄᑦ ᐃᓚᒋᔭᐅᓗᑎᒃ ᖃᑉᓗᓈᑦ ᖃᐅᔨᓇᓱᒃᑐᓕᕆᓂᖏᓐᓄᑦ
- ᐃᑲᔪᕈᒪᓗᓂ ᐅᑎᖅᑎᑎᕆᓂᕐᒧᑦ ᐊᒻᒪᓗ ᓴᓗᒻᒪᖅᓴᐃᓂᕐᒧᑦ “ᐱᑦᑕᐅᖏᑦᑐᖃᙱᑦᑐᓂᒃ” ᓲᕐᓗ ᐱᖁᑎᓂᑦ
- ᑕᐅᑐᒐᖃᕐᓗᓂ ᐃᓚᐅᑎᑕᐅᓵᓕᓂᖏᑦ ᓄᓇᓕᒃ ᐃᓂᓕᐅᕆᓂᐊᕐᓗᑎᒃ ᓄᓇᓖᑦ ᑐᑭᖃᖅᑐᒃᑯᑦ ᐃᓚᐅᖃᑕᐅᔪᖕᓇᕐᓂᐊᕐᓗᑎᒃ ᐊᑐᖅᑕᐅᖃᑦᑕᖅᑐᓂᒃ ᐱᑦᑕᐅᖏᑦᑐᖃᖅᑐᑦ ᐃᓂᐅᔪᓄᑦ:
- ᖃᓄᐃᖓᓂᐊᕐᓂᖓ
- ᐊᐅᓚᑦᑎᓂᖅ
- ᐊᖅᑭᑦᓲᐃᓂᕐᒧᑦ−ᑲᒪᒋᔭᐅᒋᐊᓖᑦ
- ᐊᑐᓕᖅᑎᑕᐅᓂᖓ
- ᐱᐅᓯᒋᐊᕐᓗᒋᑦ ᑐᓴᐅᒪᑎᑦᑎᓃᑦ ᐊᒻᒪᓗ ᑐᑭᓯᐅᒪᔾᔪᑏᑦ ᒥᒃᓵᓄᑦ ᑲᑎᒪᑎᑦᑎᓂᖃᕐᓂᖅᓴᐅᖃᑦᑕᓕᕐᓗᑎᒃ ᓄᓇᓕᖕᓄᑦ ᐱᔾᔪᑎᖃᖅᑐᓂᒃ ᐱᑦᑕᐅᖏᑦᑐᖃᖅᑐᑦ ᐃᓂᐅᔪᓂᑦ, ᐱᓕᕆᐊᕐᒥᑦ ᓄᑖᙳᖅᑎᕆᓂᕐᓄᑦ, ᐊᒻᒪᓗ ᐱᐅᖏᑦᑐᖃᓕᖅᑎᑦᑎᑦᑕᐃᓕᓂᕐᒧᑦ ᑕᑯᒃᓴᐅᑎᑕᐅᑉᓗᑎᒃ ᐊᒻᒪᓗ ᑐᕌᒐᖃᖅᑐᓂᒃ ᐅᒃᐱᕈᓱᖕᓂᖃᓕᖅᑎᑦᑎᓂᕐᒧᑦ
- ᑮᓇᐅᔭᖃᖅᑎᑕᐅᔪᒃᑯᑦ ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᖃᖅᑎᑦᑎᓗᑎᒃ ᓄᓇᓕᖕᒥᐅᓄᑦ ᐱᓕᕆᐊᕆᓂᐊᕐᓗᒋᑦ ᐱᑦᑕᐅᖏᑦᑐᖅᑕᓕᖕᓂᑦ ᐱᔾᔪᑕᐅᔪᑦ, ᐱᓕᕆᓂᕐᒧᑦ ᐊᔪᙱᓐᓂᖅᑖᖅᑎᑦᑎᓂᕐᒧᑦ ᐊᒻᒪᓗ ᐃᑲᔪᕐᓂᐊᖅᑐᓂᒃ ᖃᐅᔨᓴᐃᓂᕐᒥᑦ (ᓲᕐᓗ, Eco Canada BEAHR ᓄᓇᖃᖅᖄᖅᑐᓂᒃ ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᖏᑦ, ᓄᓇᙳᐊᓕᕆᓂᕐᒧᑦ GIS-ᒥᒃ ᐊᔪᕈᖕᓃᖅᓴᐃᓂᖅ)
- ᑮᓇᐅᔭᖃᖅᑎᑦᑎᓗᓂ ᐊᑯᓂᐅᔪᒥᒃ ᖃᐅᔨᓴᐃᓂᕐᒧᑦ ᐅᑎᖅᑎᑎᕆᑎᓪᓗᒋᑦ ᐃᓂᐅᔪᓂᒃ
- ᐊᑐᕐᓗᒋᑦ ᑐᑭᓯᓐᓇᖅᑐᑦ ᐅᖃᐅᓰᑦ ᑎᑎᖅᖃᑎᓗᒃᑖᓂᑦ, ᐸᕐᓇᐅᑎᓂᑦ, ᐊᒻᒪᓗ ᐅᓂᑉᑳᓂᑦ
- ᑐᑭᓕᐅᕆᓂᕐᒧᑦ ᐱᔨᑦᑎᕋᐅᑎᓂᒃ ᐱᑕᖃᖅᑎᑦᑎᓗᓂ ᑐᒃᓯᕋᐅᑕᐅᒃᐸᑕ
- ᐋᖅᕿᒃᓯᓗᓂ ᐊᑐᖅᑕᐅᔪᖕᓇᖅᑐᓂᒃ ᑮᓇᐅᔭᖃᖅᑎᑦᑎᓂᕐᒥᒃ ᑐᒃᓯᕋᐅᓯᐅᕈᑎᒧᑦ ᖃᖓᒃᑰᖓᔪᓂᒃ ᐃᓱᒪᒋᓗᒋᑦ ᐃᖃᓪᓕᐊᕐᓂᒧᑦ ᐊᒻᒪᓗ ᒪᖃᐃᓐᓂᕐᒧᑦ ᐅᑉᓗᐃᑦ ᐅᑭᐅᑉ ᐃᓗᐊᓂᑦ
- ᓴᖅᕿᑦᑎᓗᓂ ᐊᒻᒪᓗ ᑐᓂᐅᖅᖃᐅᑎᒋᓗᒋᑦ ᑲᑎᓯᒪᔪᑦ ᐊᔪᙱᑎᑦᑎᓂᐊᖅᑐᑦ ᓄᓇᖃᖅᖄᖅᑐᑦ ᒐᕙᒪᒃᑯᓐᓂᑦ, ᓄᓇᓕᖕᓂᑦ ᐊᒻᒪᓗ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᑐᑭᓯᐊᑎᑦᑎᓂᕐᒥᒃ ᐊᒻᒪᓗ ᐊᐅᓚᔪᖕᓇᕐᓂᖅᓴᐅᓗᑎᒃ ᐊᔾᔨᒌᙱᑦᑐᑦ ᑮᓇᐅᔭᖃᖅᑎᑕᐅᓂᕐᒧᑦ ᑐᕌᖓᔪᒃᑯᑦ ᐊᒻᒪᓗ ᐃᓕᓴᐃᓂᕐᒧᑦ ᐊᑐᖅᑕᐅᔪᓂᑦ ᐱᔾᔪᑎᖃᖅᑐᓂᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᒃ ᐊᐅᓚᑦᑎᓂᕐᒧᑦ
- ᐋᖅᕿᒃᓯᓗᓂ ᐊᔪᕐᓇᙱᑦᑐᓂᒃ ᐊᑐᖅᑕᐅᔪᖕᓇᖅᑐᓂᒃ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᖕᓂᑦ ᐃᓗᓕᖃᖅᑐᓂᒃ ᐊᑐᖅᑐᓗᒃᑖᓂᒃ ᐱᑦᑕᐅᖏᑦᑐᖅᑕᓕᖕᓂᑦ ᐃᓂᐅᔪᓄᑦ ᑐᑭᓯᐅᒪᔾᔪᑎᓂᑦ (ᐃᓂᖓ, ᐱᑦᑕᐅᖏᑦᑑᑉ ᖃᓄᐃᑦᑑᓂᖓ, ᐅᑉᓗᐃᑦ, ᓄᓇᙳᐊᑦ, ᐅᓂᑉᑳᑦ, ᑕᒪᒃᑯᐊᕋᓗᐃᑦ)
- ᐊᑭᓖᖃᑦᑕᕐᓗᓂ (ᓲᕐᓗ, ᖁᐊᖅᓰᕝᕕᖕᓂᑦ, ᐅᒥᐊᖅᑐᕐᓂᕐᒧᑦ ᑐᕌᖓᔪᓂᒃ) ᓄᓇᓕᖕᓄᑦ ᐊᓯᐅᔨᓂᖏᓐᓄᑦ ᐱᖅᖁᓯᒃᑯᑦ ᒪᖃᐃᖃᑦᑕᕐᓂᕐᒥᒃ ᐊᒻᒪᓗ ᐱᖅᖁᓯᕆᔭᐅᔪᓄᑦ ᐃᓂᐅᔪᓂᒃ ᐱᑦᑕᐅᖏᑦᑐᖅᑕᓕᖕᓂᑦ ᐱᔪᓂᒃ
- ᓴᙱᓂᖅᓴᒥᒃ ᒪᓕᒐᕋᓛᓂᒃ ᐱᔪᒪᓗᑎᒃ ᐱᑦᑕᐅᖏᑦᑐᓕᐅᕆᖃᑦᑕᖅᑐᑦ ᐱᔭᒃᓴᐅᑎᖃᖅᑎᓐᓂᐊᕐᓗᒋᑦ
4.5 ᐅᐃᓂᐲᒡᒥᑦ ᑲᑎᒪᓂᖅ (ᑕᒡᕙᐅᖃᑎᒌᒃᖢᑎᒃ)
ᐊᑐᖅᓯᒪᔪᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
28%-ᖏᑦ ᐃᓚᐅᔪᑦ ᐅᖃᓚᐅᖅᑐᑦ ᐊᖏᔪᒥᒃ ᐱᓕᕆᓂᑯᖃᖅᓯᒪᔪᑦ FCSAP ᑐᕌᖓᔪᒧᑦ. 61%-ᖏᑦ ᒥᑭᔪᒥᒃ ᕿᑎᐊᓄᑦ ᐱᓕᕆᓂᑯᖃᖅᓯᒪᓂᕋᖅᑐᑦ, ᐊᒻᒪᓗ 11%-ᖏᑦ ᐱᓕᕆᓂᑯᖃᖅᓯᒪᙱᑦᑐᑦ.
- ᐊᑕᐅᓯᖅ ᐃᓚᐅᖃᑕᐅᔪᖅ ᐅᖃᓚᐅᖅᑐᖅ ᓄᓇᓕᖓᓂᑦ ᐃᓕᓐᓂᐊᕐᕕᒃ ᓴᓇᔭᐅᓚᐅᖅᑐᖅ ᐅᖅᓱᐊᓗᖕᒥᑦ ᐱᑦᑕᐅᖏᑦᑐᖅᑕᓕᖕᒥᑦ, ᐋᓐᓂᐊᖃᑦᑕᓕᖅᖢᑎᒃ ᐊᒻᒪᓗ ᐊᒥᓱᐃᑦ ᑳᓐᓱᑖᖃᑦᑕᖅᖢᑎᒃ ᓄᓇᓕᖕᒥᑦ.
- ᐊᓯᖓ ᐅᖃᓚᐅᖅᑐᖅ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᑐᓄᑦ ᐃᓂᒋᔭᐅᓚᐅᖅᑐᖅ ᐊᖏᔪᒥᒃ ᓴᕕᖕᓂᑦ ᐱᑦᑕᐅᖏᑦᑐᖃᓕᕐᓂᖃᓚᐅᖅᑐᖅ ᐊᒃᑐᖅᓯᑉᓗᓂ ᐱᕈᖅᐸᓪᓕᐊᓂᖃᖃᑎᒌᒃᑐᓄᑦ ᐊᒻᒪᓗ ᓄᓇᓕᐅᑉ ᐋᓐᓂᐊᖃᖅᑕᐃᓕᒪᓂᖓᓄᑦ ᐊᒻᒪᓗ ᖃᓄᐃᖏᑦᑎᐊᕐᓂᖓᓄᑦ.
ᑐᓗᖅᑕᕈᑏᑦ ᐊᒃᑐᖅᓯᔪᑦ ᐊᐅᓚᑦᑎᓂᖏᓐᓂᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ.
ᑐᓗᖅᑕᕈᑏᑦ ᖃᐅᔨᑦᑎᐊᕈᖕᓇᕐᓂᐊᕐᓗᒋᑦ ᓇᓗᓇᐃᖅᑕᐅᓗᑎᒃ, ᐊᐅᓚᑕᐅᓂᐊᕐᓗᑎᒃ, ᐊᒻᒪᓗ ᓴᓗᒻᒪᖅᓴᖅᑕᐅᓗᑎᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐅᖃᐅᓯᐅᓚᐅᖅᑐᑦ ᑲᑎᒪᔪᓂᑦ ᐃᓚᐅᔪᑦ:
- ᑐᑭᓯᐅᒪᔾᔪᑎᓂᒃ ᑐᓂᓯᖃᑦᑕᙱᓐᓂᖅ ᓄᓇᓕᖕᒧᑦ (ᑐᑭᓯᐊᑎᑕᐅᓂᖏᑦ ᐱᑦᑕᐅᖏᑦᑐᖅᑕᓕᖕᒥᑦ, ᐃᑲᔫᑎᓂᒃ ᓴᓗᒻᒪᖅᓴᐃᓂᕐᒧᑦ, ᑕᒪᒃᑯᓂᙵᕋᓗᒃ)
- ᓇᓂᓯᓂᖅ ᐊᒻᒪᓗ ᐋᖅᕿᒃᓯᓯᒪᓗᓂ ᑮᓇᐅᔭᖃᖅᑎᑦᑎᖃᑦᑕᖅᑐᓂᒃ
- ᐱᓂᐊᕐᓗᓂ ᓄᓇᓕᒃ ᓂᐅᕕᕐᓂᐊᕐᓗᓂ
- ᑮᓇᐅᔭᖃᖅᑎᑕᐅᓂᕐᒥᒃ ᐱᑕᖃᙱᓐᓂᖅ ᐊᔪᕈᖕᓃᖅᓴᐃᓂᕐᒧᑦ
ᐃᒪᓐᓈᖅᑑᑕᐅᔪᑦ ᐱᐅᓯᒋᐊᕐᓂᐊᕐᓗᒍ FCSAP ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑐᕌᖓᔪᓕᕆᓂᖅ ᓯᕗᒻᒧᒃᑎᑕᐅᓂᖓ.
ᐃᒪᓐᓈᖅᑑᑕᐅᔪᑦ ᐱᔭᐅᔪᑦ CIER-ᑯᓐᓂᑦ ᒪᓕᒃᖢᒋᑦ ᐃᓚᐅᖃᑕᐅᔪᓂᑦ ᑐᓴᖅᑕᐅᔪᑦ, ᐱᐅᓯᒋᐊᕐᓂᐊᕐᓗᒍ FCSAP ᑐᕌᖓᔪᖅ ᐅᑯᐊᖑᓚᐅᖅᑐᑦ:
- ᐊᔪᕈᖕᓃᖅᓴᐃᓂᕐᒧᑦ ᐱᕕᖃᖅᑎᑦᑎᓗᓂ ᐱᓕᕆᐊᒃᓴᓕᐅᕆᓂᕐᒧᑦ ᐊᒻᒪᓗ ᐊᖏᓛᒃᑰᖅᑎᓐᓂᐊᕐᓗᒍ ᓄᓇᓕᖕᒥᑦ ᐱᑖᖅᑐᕐᓂᖅ (ᓲᕐᓗ, ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᒃ ᐊᐅᓚᑦᑎᓂᖅ 101 ᐊᔪᕈᖕᓃᖅᓴᐃᓂᕐᒧᑦ, ᓇᓗᓇᐃᒃᑯᑕᑖᖅᑎᑦᑎᓂᕐᒧᑦ
- ᑳᓐᑐᕌᒃ ᐱᓕᕆᐊᓄᑦ ᐊᒻᒪᓗ ᐊᔪᙱᓐᓂᕐᒥᒃ ᐱᐅᓯᒋᐊᖅᓯᓂᕐᓄᑦ, ᐱᑖᖅᑐᕐᓂᕐᒧᑦ ᐱᖁᑎᓂᑦ)
- ᐱᐅᓯᒋᐊᕐᓗᒋᑦ ᑐᑭᓯᐅᒪᔾᔪᑎᓂᒃ ᑐᓂᓯᖃᑦᑕᕐᓂᖅ ᐊᒻᒪᓗ ᑐᓴᐅᒪᑎᑦᑎᓂᖅ ᓄᓇᓕᖕᒥᑦ (ᓲᕐᓗ, ᑐᓂᐅᑎᒋᓗᒋᑦ ᖃᓄᐃᖓᓂᐅᔪᑦ ᐱᕙᓪᓕᐊᓂᖅ 1-ᒥᑦ, ᐃᓂᐅᔪᒧᑦ ᑐᑭᓯᐅᒪᔾᔪᑎᓂᒃ)
- ᐊᔪᙱᑎᑦᑎᓂᖅᓴᐅᓕᕐᓗᓂ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐃᓚᐅᑎᑕᐅᓂᐊᕐᓗᑎᒃ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᒧᑦ ᑐᕌᖓᔪᒥᑦ (ᓲᕐᓗ, ᓇᓗᓇᐃᒃᑯᑕᖅ ᐱᔭᐅᓯᒪᓂᖏᓐᓄᑦ ᓄᓇᓂᑦ)
- ᑐᓂᓯᓗᓂ ᐊᑯᓂᐅᔪᒥᑦ ᐊᔪᙱᑦᑐᒥᒃ ᑮᓇᐅᔭᖃᖅᑎᑦᑎᔪᖕᓇᖅᑐᓂᒃ ᐊᒻᒪᓗ ᑮᓇᐅᔭᖃᖅᑎᑦᑎᓗᓂ ᐱᑦᑕᐅᖏᑦᑐᖃᖅᑕᐃᓕᑎᑦᑎᓂᕐᒧᑦ ᖃᐅᔨᓴᐃᓂᕐᒧᑦ ᑐᕌᖓᔪᒃᑯᑦ, ᓄᑖᙳᖅᑎᖅᑕᐅᓗᑎᒃ ᐊᖏᕐᕋᒥᑦ ᐆᒻᒪᖅᖁᑎᓕᐅᕆᓂᖅ, ᑐᐊᕕᓇᖅᑐᓂᒃ ᑯᕕᔪᓄᑦ ᐅᐸᓗᐊᓂᕐᒧᑦ ᑮᓇᐅᔭᓂᒃ, ᓄᓇᓕᖕᒥᑦ ᐊᕙᑎᓕᕆᓂᕐᒧᑦ ᐱᓕᕆᔨᒧᑦ ᐃᓂᐅᔪᓂᒃ, ᑕᒪᒃᑯᓂᙵᕋᓗᒃ
- ᓄᑖᙳᖅᑎᖃᑦᑕᕐᓗᒋᑦ ᐱᑦᑕᐅᖏᑦᑐᖃᖅᑐᑦ ᐃᓂᐅᔪᑦ ᐱᑕᖃᖅᑐᓂᑦ ᐃᓚᐅᓗᒋᑦ:
- ᓇᓗᓇᐃᔭᖅᓯᒪᓂᖅᓴᐅᔪᑦ ᓲᕐᓗ ᓱᓇᐅᖕᒪᖔᑕ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᓄᓇᓕᖏᓐᓂᑦ
- ᐱᓐᓂᑯᖏᑦ ᐃᓂᐅᔪᒥᑦ
- ᖃᓄᐃᑦᑑᓂᖓᑕ ᐱᑦᑕᐅᖏᑦᑐᖅᑕᓕᒃ
- ᑎᑎᖅᖃᐅᑏᑦ ᐱᔾᔪᑎᖃᖅᑐᑦ ᐃᓂᐅᔪᓄᑦ
- ᑐᑭᓯᐅᒪᔾᔪᑏᑦ ᐊᓯᖏᓐᓂᑦ ᐃᓂᐅᔪᑦ
- ᑐᓂᓯᓗᓂ ᓄᓇᓕᖕᓄᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᒥᒃᓵᓄᑦ ᐊᒻᒪᓗ ᐊᔪᕈᖕᓃᖅᓴᐃᓂᕐᒥᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᒥᑦ ᐱᓕᕆᓂᐊᕐᓗᑎᒃ
- ᑐᑭᓯᐅᒪᔾᔪᑎᖃᖅᑎᑦᑎᓗᓂ ᐋᓐᓂᐊᖃᖅᑕᐃᓕᒪᓂᕐᒧᑦ ᐱᔾᔪᑕᐅᔪᓂᒃ ᐊᒻᒪᓗ ᐃᓚᐅᑎᓪᓗᒋᑦ ᐃᓐᓇᕆᔭᐅᔪᑦ ᑐᑭᓯᐊᑎᑕᐅᓂᐊᕐᓗᑎᒃ ᐱᓐᓂᑯᖓᓄᑦ ᐃᓂᐅᔫᑉ, ᐊᓯᐊᙳᖅᑐᑦ ᖃᓄᐃᖓᓂᐅᔪᓄᑦ ᐊᒻᒪᓗ ᖃᓄᐃᖓᓕᖅᑎᑦᑎᓂᖏᑦ ᐃᓄᖕᓄᑦ, ᓄᓇᒧᑦ, ᓂᕐᔪᑎᓄᑦ, ᐊᒻᒪᓗ ᐃᒪᕐᒧᑦ
- ᐋᖅᕿᒃᓯᓗᓂ ᓄᓇᓕᖕᒥᑦ ᐱᓕᕆᖃᑎᒌᖕᓂᕐᒧᑦ ᐋᖅᕿᐅᒪᔪᒥᒃ ᑐᓂᓯᖃᑦᑕᕐᓂᐊᕐᓗᑎᒃ ᐱᑦᑕᐅᓛᑦ ᐊᑐᖅᑕᐅᖃᑦᑕᖅᑐᓂᒃ, ᓴᓗᒻᒪᖅᓴᐃᓂᕐᒧᑦ ᖃᓄᖅᑑᕈᑎᓂᒃ, ᑕᒪᒃᑯᓂᙵᕋᓗᒃ
- ᑕᐅᑐᒐᕆᓗᒍ ᐱᒋᐊᓵᖅᑎᓪᓗᒋᑦᓄᓇᓕᒃ ᐃᓚᐅᖃᑕᐅᑎᑕᐅᓂᐊᕐᓗᓂ, ᑎᑭᑎᑦᑎᓗᑎᒃ ᐃᖅᕿᓖᑦ ᓄᓇᓕᖕᒧᑦ ᑲᑎᒪᔨᓂᑦ ᐊᒻᒪᓗ ᓄᓇᒥᒃ ᐊᐅᓚᑦᑎᔨᓂᒃ ᐱᒋᐊᓵᑦᑎᐊᕐᓂᖓᓂᑦ, ᐊᒻᒪᓗ ᐱᑕᖃᖅᑎᑦᑎᓗᓂ ᓄᓇᓗᓕᖕᒥᐅᑕᓗᒃᑖᑦ ᐃᓚᐅᑎᑕᐅᓂᐊᕐᓗᑎᒃ
- ᐃᓚᐅᑎᑦᑎᓗᓂ ᐊᒥᓲᓂᖅᓴᓂᒃ ᓄᓇᖃᖅᖄᖅᑐᑦ ᓄᓇᖏᓐᓂᑦ ᓯᕗᓪᓕᖅᐸᐅᑎᔭᐅᓂᐊᖅᑐᓕᕆᑎᓪᓗᒋᑦ ᐃᓂᐅᔪᑦ
- ᑕᐅᑐᒐᖃᕐᓗᓂ ᓄᓇᓕᖕᒧᙵᐅᓂᐊᕐᓗᑎᒃ, ᐱᑦᑕᐅᖏᑦᑐᖃᕐᕕᐅᔪᓂᑦ ᐃᓂᐅᔪᓂᒃ ᑕᑯᔭᖅᑐᐃᓗᑎᒃ, ᐊᒻᒪᓗ ᐅᖃᓪᓚᖃᑎᒋᓗᒋᑦ ᐊᒻᒪᓗ ᐃᓚᐅᑎᑕᐅᓗᑎᒃ ᐃᓐᓇᕆᔭᐅᔪᑦ ᐊᒻᒪᓗ ᖃᐅᔨᒪᓂᕐᒥᑦ ᐱᓯᒪᔪᑦ ᐅᑯᓇᓂ:
- ᐊᕙᑎᒥᒃ ᖃᐅᔨᓴᐃᓂᖅᐃᓂᐅᔪᖅ
- ᑲᑎᒪᔪᓂᑦ
- ᐊᒻᒪᓗ ᐱᓕᕆᐊᕐᒥᑦ
- ᐱᑕᖃᖅᑎᑦᑎᓗᓂ ᓄᓇᓕᖕᒥᑦ ᖃᓄᐃᓕᐅᖅᑎᑦᑎᔪᓂᒃ ᖃᐅᔨᒋᐊᕐᕕᐅᖃᑦᑕᕐᓂᐊᕐᓗᑎᒃ ᓯᕗᓂᐊᓂᑦ ᓄᓇᒥᑦ ᐊᑐᖃᑦᑕᕐᓂᕐᒧᑦ, ᓄᓇᓕᐅᑉ ᐋᓐᓂᐊᖃᖅᑕᐃᓕᒪᓂᕐᒧᑦ ᐃᓱᒫᓘᑎᒋᔭᖏᓐᓄᑦ, ᑕᒪᒃᑯᓄᙵᕋᓗᒃ
- ᐱᔭᕆᐊᑐᓗᐊᙱᓐᓂᖅᓴᐅᑎᓪᓗᒋᑦ ᐊᒻᒪᓗ ᐱᕕᖃᕐᓂᕐᒧᑦ ᑭᒡᓕᖃᖅᑎᙱᓪᓗᒋᑦ ᐅᓂᑉᑳᓕᐅᕆᓂᕐᒧᑦ ᐱᔭᕆᐊᖃᖅᑎᑦᑎᔪᓂᑦ
- ᐋᖅᕿᒃᓯᓗᓂ ᐱᔾᔪᑕᐅᔪᒧᑦ, ᐊᔾᔨᒌᖓᔪᒃᑯᑦ, ᐊᒻᒪᓗ ᐊᑯᓂᐅᔪᒧᑦ ᐆᒃᑐᕋᕈᑕᐅᔪᓂᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᒃ ᖃᐅᔨᓴᐃᓂᕐᒧᑦ ᐊᒻᒪᓗ ᒪᓕᒃᑎᑦᑎᓂᕐᒧᑦ
- ᐊᑐᖅᑕᐅᓗᑎᒃ ᖃᕆᑕᐅᔭᒃᑯᑦ ᑭᑐᑐᐃᓐᓇᓄᑦ ᑐᕌᖓᔪᑦ ᖃᐅᔨᒪᓕᖅᑎᑦᑎᓂᐊᕐᓗᓂ ᐊᒻᒪᓗ ᑲᑎᑦᑎᓗᓂ ᓄᓇᓕᖕᒥᐅᑦ ᐃᓱᒪᒋᔭᖏᓐᓂᑦ ᒐᕙᒪᑐᖃᒃᑯᓐᓄᑦ ᐱᑦᑕᐅᖏᑦᑐᖅᑕᓖᑦ ᐃᓂᒋᔭᐅᔪᓂᑦ
- ᐊᑐᕐᓗᓂ ᑐᑭᓯᓐᓇᖅᑐᒃᑯᑦ ᐅᖃᐅᓯᕐᒥᑦ
- ᖃᐅᔨᒃᑲᐃᕙᒌᖅᓯᒪᓗᓂ ᓄᓇᓕᖕᓂᑦ ᐆᒃᑐᕈᖕᓇᕐᓂᐊᕐᓗᑎᒃ ᑳᓐᑐᕌᒃᓄᑦ ᐊᒻᒪᓗ ᐊᖏᒡᓕᒋᐊᕐᓗᒍ ᐱᔭᒃᓴᐅᑎᖃᕐᓂᖅ ᓄᓇᖃᖅᖄᙱᑦᑐᑦ ᑲᒻᐸᓂᓄᑦ ᐱᓕᕆᐊᖃᕐᓂᕐᒧᑦ ᐆᒃᑐᖅᑐᓕᕆᓂᕐᓄᑦ
- ᐱᐅᓯᒋᐊᕐᓗᒍ ᖃᖓᒃᑰᖓᔪᑦ ᐱᕝᕕᐅᖃᑦᑕᖅᑐᓄᑦ ᐊᒻᒪᓗ ᐊᒥᓲᑎᒋᓂᖏᑦ ᐱᕝᕕᐅᖃᑦᑕᖅᑐᑦ ᓄᓇᓕᖕᒥᑦ ᐃᖅᖃᓇᐃᔭᖅᑎᓄᑦ
- ᐱᓕᕆᔨᑖᒃᑲᓐᓂᕐᓗᓂ ᐊᕕᒃᑐᖅᓯᒪᔪᒥᑦ ISC-ᑯᓐᓄᑦ ᐱᓕᕆᔨᒥᒃ FCSAP ᑐᕌᖓᔪᒥᑦ ᐱᓕᕆᓂᐊᖅᑐᒥᑦ
4.6 ᔭᓗᓇᐃᒥᑦ ᑲᑎᒪᓂᖅ (ᑕᒡᕙᐅᖃᑎᒋᑉᓗᒋᑦ)
ᐊᑐᖅᓯᒪᔪᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ
29 ᐳᓴᓐᑎᖏᑦ ᐃᓚᐅᖃᑕᐅᔪᑦ ᐅᖃᓚᐅᖅᑐᑦ ᐊᖏᔪᒥᒃ ᐊᑐᖅᓯᒪᓂᑯᖃᕐᓂᖏᓐᓄᑦ FCSAP ᑐᕌᖓᔪᒧᑦ. 57 ᐳᓴᓐᑎᖏᑦ ᒥᑭᔪᒥᒃ ᕿᑎᐊᓄᑦ ᐊᑐᖅᓯᒪᓂᑯᖃᖅᖢᑎᒃ, ᐊᒻᒪᓗ 14%-ᖏᑦ ᐊᑐᖅᓯᒪᓂᑯᖃᙱᖦᖢᑎᒃ. ᐊᑐᖅᓯᒪᓂᑯᖃᖅᑐᓂᑦ ᐃᓚᐅᔪᑦ ᐱᑦᑕᐅᖏᑦᑐᓂᑦ ᐱᔪᓂᒃ ᐅᖅᓱᐊᓗᖕᒥᑦ ᐊᒻᒪᓗ ᐅᖅᓱᕐᒥᑦ ᕿᓂᖅᓴᐃᓂᕐᓂᑦ, ᓱᑉᓗᓕᓕᐅᕆᓂᕐᓂᑦ, ᐅᔭᕋᒃᑕᕆᐊᓕᕆᓂᕐᒥᑦ, ᐊᒻᒪᓗ ᐆᓐᓇᖅᑐᖃᖅᑐᓂᒃ ᐊᒃᑕᑰᕆᓂᕐᓂᑦ.
ᐊᑕᐅᓯᖅ ᐃᓚᐅᖃᑕᐅᔪᖅ ᐅᖃᓚᐅᖅᑐᖅ ᐊᓯᐅᔨᓂᖏᑦ ᒪᖃᐃᕝᕕᒋᖃᑦᑕᓚᐅᖅᑕᖏᓐᓂᑦ ᐊᒻᒪᓗ ᐱᖅᖁᓯᖏᑦᑎᒍᑦ ᓄᓇᒋᔭᖏᓐᓂᑦ ᐊᖏᔪᒥᒃ ᐊᒃᑐᖅᑕᐅᓯᒪᓂᖏᓐᓄᑦ ᐱᑦᑕᐅᖏᑦᑐᖃᖅᑐᓄᑦ.
ᑐᓗᖅᑕᕈᑏᑦ ᐊᒃᑐᖅᓯᔪᑦ ᐊᐅᓚᑦᑎᓂᖏᓐᓂᑦ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ.
ᑐᓗᖅᑕᕈᑏᑦ ᖃᐅᔨᔪᖕᓇᑦᑎᐊᕐᓂᐊᕐᓗᒋᑦ, ᐊᐅᓚᑕᐅᓗᑎᒃ, ᐊᒻᒪᓗ ᓴᓗᒻᒪᖅᓴᖅᑕᐅᓗᑎᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᐅᖃᐅᓯᕆᔭᐅᔪᓂᑦ ᑲᑎᒪᑎᓪᓗᒋᑦ ᐃᓚᐅᔪᑦ ᒐᕙᒪᒃᑯᓐᓂᑦ ᑐᓴᖅᑎᑕᐅᖃᑦᑕᙱᓐᓂᖏᑦ ᐊᒻᒪᓗ ᐊᓯᐅᔨᔭᐅᓂᖏᑦ ᐃᓄᐃᑦ-ᐱᕈᖅᐸᓪᓕᐊᓂᕐᒧᑦ ᖃᓄᐃᓕᐅᖅᑎᑦᑎᓃᑦ ᐊᒻᒪᓗ ᐃᑲᔫᑏᑦ, ᐊᒃᑐᐊᓂᖃᖅᑐᑦ ᑲᓇᑕᒥᑦ ᒐᕙᒪᒃᑯᑦ ᐱᑖᖅᑐᕐᓂᖏᓐᓄᑦ. ᐆᒃᑑᑎᒋᓗᒍ, ᖃᑉᓯᐊᕐᔪᐃᑦ ᐅᔭᕋᒃᑕᕆᐊᑦ ᐅᒃᑯᐊᖅᓯᒪᓕᖅᑐᑦ ᐅᑭᐅᖅᑕᖅᑐᒥᑦ, ᐱᑦᑕᐅᖏᑦᑐᖅᑕᓖᑦ ᑕᐃᒪᐅᑉᓗᑎᒃ ᓱᓕ ᐊᒻᒪᓗ ᐊᖏᔪᒥᒃ ᐊᓯᐅᔨᓯᒪᓕᖅᖢᑎᒃ ᐃᓄᐃᑦ-ᐱᕈᖅᐸᓪᓕᐊᓂᖏᓐᓄᑦ ᐃᑲᔫᑎᓂᒃ ᓇᖕᒥᓂᖅ ᐱᓕᕆᐊᖃᖅᑐᑦ ᐊᒻᒪᓗ ᐃᖅᖃᓇᐃᔭᖅᑏᑦ ᑳᓐᑐᕌᒃᑎᑕᐅᔪᑑᖃᑦᑕᖅᖢᑎᒃ ᓯᓚᑖᓂᙶᖅᑐᑦ ᓄᓇᓕᐅᑉ/ᐃᓂᐅᔫᑦ ᐅᑯᓂᙵᑦ ᐱᓕᕆᐊᖃᕐᓂᐊᕐᓗᑎᒃ:
- ᖃᐅᔨᓴᖅᑕᐅᓂᖏᑦ
- ᐅᑎᖅᑎᑎᕆᓂᖅ
- ᑲᒪᔭᖃᕐᓂᖅ ᐊᒻᒪᓗ ᐱᓕᕆᐊᖑᔭᕆᐊᖃᖅᑐᓕᕆᓂᕐᓄᑦ
ᐊᒻᒪᓗ, ᑮᓇᐅᔭᖃᖅᑎᑕᐅᖏᓐᓂᖅ ᐊᔪᖅᑎᑦᑎᔪᖅ ᐃᖅᖃᓇᐃᔭᖅᑎᑖᕐᓂᐊᕐᓗᑎᒃ ᓄᓇᓕᖕᒥᑦ ᑲᒪᓂᐊᖅᑐᓂᒃ, ᐊᔪᙱᑦᑐᒥᑦ ᐱᑦᑕᐅᖏᑦᑐᖅᑕᓕᖕᓂᑦ ᐱᑕᖃᓕᖅᑎᑦᑎᑦᑕᐃᓕᓂᖅ, ᐊᒻᒪᓗ ᐊᑯᓂᐅᔪᒥᒃ ᖃᐅᔨᓴᐃᖃᑦᑕᕐᓂᕐᒧᑦ.
ᐃᒪᓐᓈᖅᑑᑕᐅᔪᑦ ᐱᐅᓯᒋᐊᕐᓂᐊᕐᓗᒍ FCSAP ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓄᑦ ᑐᕌᖓᔪᓕᕆᓂᖅ ᓯᕗᒻᒧᖕᓂᐊᕐᓗᓂ
ᐃᒪᓐᓈᖅᑑᑕᐅᔪᑦ ᐱᔭᐅᔪᑦ CIER-ᑯᓐᓂᑦ ᒪᓕᒃᖢᒋᑦ ᐃᓚᐅᖃᑕᐅᔪᓂᑦ ᑐᓴᖅᑕᐅᔪᑦ, ᐱᐅᓯᒋᐊᕐᓂᐊᕐᓗᒍ FCSAP ᑐᕌᖓᔪᖅ ᐅᑯᐊᖑᓚᐅᖅᑐᑦ:
- ᐱᑖᖅᑐᕐᓂᕐᒧᑦ ᐃᑲᔪᖅᑕᐅᓗᑎᒃ ᐊᐅᓚᓐᓂᐊᕐᓗᒍ ᐊᒻᒪᓗ ᐊᖏᒡᓕᒋᐊᕐᓗᒍ ᓄᓇᓕᖕᒥᑦ ᐃᓄᐃᑦ-ᐱᕈᖅᐸᓪᓕᐊᓂᕐᒧᑦ ᐃᑲᔫᑏᑦ (ᓲᕐᓗ, ᐱᓕᕆᐊᒃᓴᖅᑕᖃᓕᖅᑎᑦᑎᓗᑎᒃ ᓄᓇᓕᖕᒥᑦ, ᐱᑖᖅᑐᕐᓂᕐᒥᒃ ᐋᖅᕿᒃᓯᓗᑎᒃ ᐊᔪᙱᑎᓐᓂᐊᕐᓗᒋᑦ ᓄᓇᓖᑦ ᐱᒡᒎᖃᑕᐅᔪᖕᓇᕐᓂᕐᒧᑦ ᐆᒃᑐᖅᑐᓂᒃ ᐱᓕᕆᐊᖃᖅᑎᓪᓗᒋᑦ)
- ᐱᓕᕆᖃᑎᒋᓗᒋᑦ ᓄᓇᓖᑦ ᐱᕙᓪᓕᐊᑎᑦᑎᖃᑕᐅᓂᐊᕐᓗᑎᒃ ᐅᑎᖅᑎᑎᕆᓂᕐᒧᑦ ᐱᓕᕆᐊᓂᒃ
- ᐃᑲᔪᕐᓗᓂ ᐃᓂᓕᐅᕆᓂᕐᒥᒃ ᐅᑎᖅᑎᑎᕆᓂᖅ ᐱᒋᐊᕐᓂᐊᓵᖅᑎᓪᓗᒍ ᐊᒻᒪᓗ ᐱᓕᕆᐊᖃᕐᓗᓂ ᐱᒋᐊᓵᕐᓂᖓᑦ ᐃᓚᐅᑎᑦᑎᓂᕐᓂᑦ. ᐃᓚᐅᑎᓪᓗᒋᑦ ᓄᓇᓖᑦ ᐱᓕᕆᐊᑉ ᓇᓃᓐᓂᓗᒃᑖᖏᓐᓂᑦ
- ᑳᓐᑐᕌᒃᖃᖅᑐᑦ ᑕᑯᒃᓴᐅᑎᑦᑎᔭᕆᐊᖃᖅᑐᑦ ᖃᓄᖅ ᐃᓚᐅᖃᑕᐅᑎᑦᑎᖃᑦᑕᕐᓂᐊᕐᒪᖔᑕ ᓄᓇᓕᖕᒥᑦ, ᐊᖏᒡᓕᒋᐊᕐᓗᒋᑦ ᐱᔭᒃᓴᐅᑎᖃᕐᓂᖅ
- ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᖃᕐᓗᓂ ᐊᓯᐊᓄᐊᖅᑕᐅᔪᖕᓇᕐᓗᑎᒃ ᐊᔪᙱᓐᓂᖏᑦ (ᓲᕐᓗ, ᖃᐅᔨᓴᐃᓂᕐᒥᑦ, ᐆᒃᑐᕋᕈᑎᓕᕆᓂᕐᒥᒃ, ᐅᓂᑉᑳᓕᐅᕆᓂᕐᒥᑦ)
- ᐊᔪᕐᓇᙱᓐᓂᖅᓴᐅᓗᓂ ᐊᒻᒪᓗ ᒥᐊᓂᕆᔭᐅᑎᓪᓗᒍ ᑮᓇᐅᔭᖃᖅᑎᑕᐅᓂᖅ (ᓲᕐᓗ, ᐊᖏᒡᓕᒋᐊᕐᓗᒍ ᐱᔭᐅᔪᖕᓇᕐᓂᖓ ᐊᒥᓱᓄᑦ ᐅᑭᐅᓄᑦ ᑮᓇᐅᔭᖃᖅᑎᑕᐅᓂᖅ, ᖃᖓᒃᑰᖓᔪᑦ, ᑕᒪᒃᑯᐊᕋᓗᐃᑦ)
- ᐅᑎᖅᑎᑎᕆᓂᕐᒧᑦ ᐱᓕᕆᐊᖑᔪᑦ ᐃᑲᔪᖅᑕᐅᖏᓐᓇᐅᔭᕆᐊᖃᖅᑐᑦ ᐱᖅᖁᓯᒃᑯᑦ ᖃᐅᔨᒪᓂᕆᔭᐅᔪᒧᑦ, ᓄᓇᖃᖅᖄᖅᑐᓄᑦ ᐊᑐᖅᑕᐅᖃᑦᑕᖅᑐᓄᑦ ᐊᒻᒪᓗ ᓯᕗᓪᓕᖅᐸᐅᑎᔭᐅᔪᒪᔪᓄᑦ ᐃᓚᒋᔭᐅᓗᑎᒃ ᖃᑉᓗᓈᓂᑦ ᖃᐅᔨᒪᓂᕆᔭᐅᔪᓄᑦ ᐋᖅᕿᐅᒪᔪᓄᑦ. ᓴᖅᕿᑦᑎᓗᓂ ᐱᓕᕆᐊᕐᒧᑦ ᐊᐅᓚᑎᔨᒧᑦ ᐊᒻᒪᓗ ᖃᐅᔨᓴᐃᓂᕐᒧᑦ ᐃᖅᖃᓇᐃᔮᒃᓴᓂᑦ ᐱᖅᖁᓯᒃᑯᑦ ᖃᐅᔨᒪᓂᖃᕐᓂᕐᒧᑦ, ᐃᓚᐅᑎᓪᓗᒋ ᖃᐅᔨᒪᓂᕐᒥᑦ ᐱᓯᒪᔪᑦ ᐊᒻᒪᓗ ᐃᓐᓇᕆᔭᐅᔪᑦ ᐃᓱᒪᓕᐅᕆᓂᖃᖅᑎᓪᓗᒋᑦ, ᐃᑲᔪᕐᓗᓂ ᓴᖅᕿᑦᑎᓂᕐᒥᒃ ᐃᓐᓇᕆᔭᐅᔪᓂᒃ ᐅᖃᐅᔾᔨᖃᑦᑕᕐᓂᐊᖅᑐᓂᒃ ᑲᑎᒪᔨᓂᑦ
- ᐊᑐᕐᓗᓂ ᑐᑭᓯᓐᓇᖅᑐᒃᑯᑦ ᐅᖃᐅᓯᕐᒥᑦ
- ᐃᑲᔪᖅᑐᐃᓗᓂ ᓴᙱᔪᒥᒃ ᐊᒻᒪᓗ ᐊᔾᔨᒌᖓᔪᒃᑯᑦ ᑐᓴᐅᒪᑎᑦᑎᓂᕐᒥᒃ ᓄᓇᓕᖕᓄᑦ ᑕᒪᓗᒃᑖᕐᒥᑦ ᐱᓕᕆᐊᑦ ᐱᓕᕆᐊᖑᑎᓪᓗᒋᑦ
- ᑕᑯᒃᓴᐅᑎᑦᑎᒃᑲᓐᓂᕐᓂᖅᓴᐅᓗᓂ ᓄᓇᓕᖕᒧᙵᐅᖃᑦᑕᕐᓗᑎᒃ ᑐᑭᓯᔪᒪᓗᒋᑦ ᓄᓇᓕᖕᒥᐅᑕᓄᑦ ᐃᓱᒫᓘᑎᒋᔭᐅᔪᑦ, ᐱᔭᐅᔭᕆᐊᓖᑦ, ᓯᕗᓪᓕᖅᐸᐅᑎᔭᐅᔪᒪᔪᑦ ᐊᒻᒪᓗ ᐅᐊᖕᓇᖅᐸᓯᖕᒦᖓᔪᒃᑯᑦ ᐱᔭᐅᖅᖃᐅᑕᐅᓂᖏᑦ
- ᑐᑭᓕᐅᖅᑕᐅᖃᑦᑕᕐᓗᑎᒃ ᓄᓇᖃᖅᖄᖅᑐᑦ ᐅᖃᐅᓯᖏᑦᑎᒍᑦ ᐱᔭᐅᔪᒪᔭᕌᖓᑕ
- ᐃᑲᔪᖅᑐᐃᓗᓂ ᓴᖅᕿᑦᑎᓂᕐᒥᒃ ᓄᓇᖃᖅᖄᖅᑐᑦ ᓄᓇᓕᖕᒥᑦ ᑲᒪᔨᐅᓂᕐᒧᑦ ᐃᖅᖃᓇᐃᔮᖅᑎᒥᒃ ᐱᓕᕆᖃᑎᖃᕐᓂᐊᕐᓗᓂ ᓄᓇᓕᖕᒥᑦ, ᑲᑎᒪᔪᓃᖃᑦᑕᕐᓗᓂ, ᑐᓂᓯᓗᓂ ᖃᐅᔨᒪᓂᕆᔭᐅᔪᒥᒃ ᑕᒪᒃᑯᓂᙵᕋᓗᒃ
- ᐃᓂᑖᖅᑎᑦᑎᓗᑎᒃ ᒪᒃᑯᒃᑐᓄᑦ ᐊᒻᒪᓗ ᐊᕐᓇᓄᑦ ᐃᓱᒪᓕᐅᕆᓂᕐᒧᑦ
5.0 ᑲᓇᑕᒥᑦ ᐱᔾᔪᑎᒋᔭᐅᔪᑦ
ᑲᓇᑕᒥᑦ, ᐅᑯᐊ ᐱᔾᔪᑎᒋᔭᐅᔪᑦ ᓴᖅᕿᓚᐅᖅᑐᑦ ᐱᐅᓯᒋᐊᖅᑎᓐᓂᐊᕐᓗᒍ FCSAP ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᑐᕌᖓᔪᓕᕆᓂᖅ. ᐱᔾᔪᑕᐅᔪᑦ ᐱᔾᔪᑎᖃᖅᑐᑦ ᑐᓗᖅᑕᕈᑎᓄᑦ ᐃᓚᐅᖃᑕᐅᔪᓂᑦ ᐊᑐᖅᑕᐅᖃᑦᑕᖅᓯᒪᔪᑦ ᐱᔾᔪᑎᖃᖅᑐᑦ ᐊᐅᓚᑦᑎᓂᖅ ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᒻᒪᓗ ᐊᔾᔨᒌᙱᑦᑐᑦ ᐃᒪᓐᓈᖅᑑᑕᐅᔪᑦ. ᐱᔾᔪᑕᐅᔪᑦ ᐅᑯᐊᖑᔪᑦ:
ᐱᔾᔪᑕᐅᔪᖅ 1 - ᑮᓇᐅᔭᖃᖅᑎᑦᑎᓂᖅ
- ᐊᑯᓂᐅᔪᒧᑦ, ᐱᔭᐅᔪᖕᓇᕐᓗᓂ, ᖃᖓᒃᑰᖓᔪᒃᑯ,ᑦ ᐊᒻᒪᓗ ᐊᔪᙱᑦᑐᓂᒃ ᑮᓇᐅᔭᖃᖅᑎᑦᑎᖃᑦᑕᖅᑐᓂᑦ.
ᐱᔾᔪᑕᐅᔪᖅ 2 – ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ
- ᑐᑭᖃᖅᑐᒃᑯᑦ ᐃᓚᓕᐅᑎᓗᒋᑦ ᓄᓇᖃᖅᖄᖅᑐᑦ ᖃᐅᔨᒪᓂᖏᑦ ᑕᒪᓗᒃᑖᕐᒥᒃ ᖃᐅᔨᓴᐃᓂᕐᒧᑦ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᓕᕆᐊᖑᔪᒥᑦ ᐊᒻᒪᓗ ᐃᓚᐅᑎᑕᐅᓗᑎᒃ ᐃᓐᓇᕆᔭᐅᔪᑦ ᐊᒻᒪᓗ ᖃᐅᔨᒪᓂᕐᒥᒃ ᐱᓯᒪᔪᑦ ᐃᓱᒪᓕᐅᕆᓂᕐᒧᑦ. ᐱᓕᕆᐊᑦ ᐃᓱᒪᒋᔭᖃᕐᓗᑎᒃ ᓄᓇᓕᖕᒥᐅᓂᑦ ᐃᓱᒫᓘᑎᒋᔭᐅᔪᓂᒃ, ᐱᔭᐅᔭᕆᐊᓕᖕᓂᑦ ᐊᒻᒪᓗ ᓯᕗᓪᓕᖅᐸᐅᑎᔭᐅᔪᒪᔪᓂᑦ.
ᐱᔾᔪᑕᐅᔪᖅ 3 - ᐃᓚᐅᑎᑦᑎᓂᖅ ᐊᒻᒪᓗ ᐃᓂᖃᕐᓂᖅ
- ᐱᒋᐊᖅᓵᓂᖓᓂᑦ ᐃᓚᐅᑎᑦᑎᓂᖅ, ᐃᓂᓕᐅᕆᓂᖅ ᐊᒻᒪᓗ ᑲᔪᓯᑎᑕᐅᓂᖓ ᓄᓇᓕᒃ ᐃᓚᐅᑎᑕᐅᓂᖓ ᐊᒻᒪᓗ ᐱᓕᕆᖃᑎᒌᖕᓂᕐᒧᑦ ᐱᓕᕆᐊᖑᔪᑦ ᑕᒪᓗᒃᑖᕐᒥᒃ ᖃᐅᔨᓴᐃᓂᕐᒧᑦ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᓕᕆᐊᖑᔪᒥᑦ.
ᐱᔾᔪᑕᐅᔪᖅ 4 - ᖃᐅᔨᒋᐊᕐᕕᐅᖃᑦᑕᖅᑐᑦ
- ᖃᐅᔨᒋᐊᕐᕕᐅᖃᑦᑕᖅᑐᑦ ᐃᓚᐅᑎᑦᑎᒃᑲᓐᓂᕐᓂᖅᓴᐅᓗᑎᒃ, ᑕᑯᒃᓴᐅᔪᒃᑯᑦ, ᐊᒻᒪᓗ ᑐᑭᖃᖅᑐᒃᑯᑦ ᓄᓇᓕᖕᒥᑦ.
ᐱᔾᔪᑕᐅᔪᖅ 5 - ᐊᔪᕈᖕᓃᖅᓴᐃᓂᕐᒧᑦ ᐱᕕᖃᖅᑎᑦᑎᓃᑦ
- ᑮᓇᐅᔭᖃᖅᑎᑕᐅᔪᒥᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᐊᔪᕈᖕᓃᖅᓴᐃᓂᕐᒧᑦ ᐱᕕᖃᖅᑎᑦᑎᓗᑎᒃ ᓄᓇᓕᖕᓄᑦ ᐃᓕᑕᕆᔭᐅᔾᔪᑎᖃᓕᕐᓂᐊᕐᓗᑎᒃ, ᐱᓕᕆᐊᕐᒧᑦ ᐊᒻᒪᓗ ᐊᔪᙱᓐᓂᖃᓕᕐᓗᑎᒃ. ᐊᖏᓛᒃᑰᖅᑎᓪᓗᒍ ᓄᓇᓕᖕᒥᑦ ᐱᕈᖅᐸᓪᓕᐊᓂᕐᒧᑦ ᐃᑲᔫᑏᑦ.
ᐱᔾᔪᑕᐅᔪᖅ 6 - ᑐᑭᓯᐅᒪᔾᔪᑏᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᓂᖅ
- ᐱᐅᓯᒋᐊᕐᓗᒋᑦ ᑐᑭᓯᐅᒪᔾᔪᑎᓂᒃ/ᐱᕝᕕᐅᖃᑦᑕᖅᑐᓂᒃ ᑐᓂᓯᖃᑦᑕᐅᑎᓂᖅ ᐊᒻᒪᓗ ᐊᔾᔨᒌᒃᑯᑦ ᑐᓴᐅᒪᑎᑦᑎᖃᑦᑕᕐᓗᑎᒃ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᒥᒃᓵᓄᑦ. ᐅᑉᓗᒥᒨᓕᖅᑐᕐᓗᒋᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᖃᑉᓯᐅᓂᖏᑦ ᐃᓚᐅᑎᓐᓂᐊᕐᓗᒋᑦ ᓇᓗᓇᐃᔭᖅᓯᒪᓂᖅᓴᐅᔪᒃᑯᑦ ᑐᑭᓯᐅᒪᔾᔪᑎᓂᒃ. ᑕᐅᑐᒐᖃᕐᓗᑎᒃ ᑐᑭᓯᓐᓇᖅᑐᓂᒃ ᐅᖃᐅᓯᓂᒃ ᐊᑐᕐᓗᑎᒃ ᑐᓂᓯᒍᑎᒃ ᑐᑭᓯᐅᒪᔾᔪᑎᓂᒃ/ᐱᕝᕕᐅᖃᑦᑕᖅᑐᓂᒃ ᐊᒻᒪᓗ ᑐᑭᓕᐅᖅᑕᐅᑎᓪᓗᒋᑦ ᐱᔭᐅᔪᒪᖔᖓᑕ.
ᐱᔾᔪᑕᐅᔪᖅ 7 - ᐃᓕᓐᓂᐊᖅᑎᑦᑎᓂᖅ
- ᖃᐅᔨᒪᓕᖅᑎᑦᑎᒃᑲᓐᓂᕐᓗᓂ ᐊᒻᒪᓗ ᐃᓕᓐᓂᐊᖅᑎᑦᑎᓗᓂ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᑦ ᒥᒃᓵᓄᑦ, ᑐᕌᒐᕆᔭᐅᓗᐊᕐᓗᑎᒃ ᒪᒃᑯᒃᑐᐃᑦ. ᑐᓂᐅᖅᖃᐅᑕᐅᓗᑎᒃ ᒪᓕᒃᑕᐅᔪᒃᓴᐃᑦ ᐊᒻᒪᓗ ᑲᑎᓯᒪᔪᑦ ᑐᑭᓯᐅᒪᔾᔪᑏᑦ ᓄᓇᓕᖕᓄᑦ. ᐱᐅᓯᒋᐊᕐᓗᒍ ᐱᓕᕆᖃᑎᒌᖕᓃᑦ/ᐱᓕᕆᐊᕐᒧᑦ ᐱᓕᕆᖃᑎᒋᔾᔪᑕᐅᔪᑦ ᒪᓕᖕᓂᕐᒧᑦ ᐃᑲᔪᖅᑐᐃᓂᕐᒥᒃ ᐊᒻᒪᓗ ᓴᙱᒃᑎᒋᐊᖅᓯᓂᕐᒧᑦ.
ᐊᑐᖅᑕᐅᔪᖅ 8 - ᐱᑕᖃᖅᑕᐃᓕᑎᑦᑎᓂᖅ ᐊᒻᒪᓗ ᖃᐅᔨᓴᐃᓂᖅ
- ᐊᖏᓂᖅᓴᒥᒃ ᑕᐅᑐᒐᐅᔪᖅ ᐱᑦᑕᐅᖏᑦᑐᖅᑕᖃᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᖃᐅᔨᓴᐃᓂᕐᒧᑦ ᓴᓗᒻᒪᖅᓴᖅᑕᐅᓂᐊᓵᖅᑎᓪᓗᒍ ᐊᒻᒪᓗ ᓴᓗᒻᒪᖅᓴᖅᑕᐅᓯᒪᓕᖅᑎᓪᓗᒍ. ᐱᐅᓯᒋᐊᕐᓗᒍ ᐱᓕᕆᖃᑎᒌᖕᓃᑦ/ᐱᓕᕆᐊᕐᒧᑦ ᐱᓕᕆᖃᑎᒋᔾᔪᑕᐅᔪᑦ ᒪᓕᖕᓂᕐᒧᑦ ᐃᑲᔪᖅᑐᐃᓂᕐᒥᒃ ᐊᒻᒪᓗ ᓴᙱᒃᑎᒋᐊᖅᓯᓂᕐᒧᑦ.
ᐊᑐᖅᑕᐅᔪᖅ 9 - ᑎᑎᖅᖃᐅᑎᓕᕆᓂᖅ
- ᐱᔭᕆᐊᑐᓗᐊᖏᓐᓂᖅᓴᖅ ᐊᒻᒪᓗ ᐱᕕᖃᕐᓂᒧᑦ ᐊᑐᖅᑐᖅ ᐅᓂᑉᑳᓕᐅᕆᓂᕐᒧᑦ ᐱᔭᕆᐊᖃᖅᑐᑦ, ᑕᐅᑐᒐᖃᖅᖢᑎᒃ ᑐᑭᓯᓐᓇᖅᑐᒃᑯᑦ ᐅᖃᐅᓯᕐᒥᒃ ᐊᒻᒪᓗ ᑐᑭᓕᐅᕆᓂᕐᒧᑦ ᐱᔨᑦᑎᕋᐅᑎᓄᑦ ᑐᒃᓯᕋᖅᑕᐅᒃᐸᑕ.
6.0 ᓯᕗᒧᐊᒍᑏᑦ
ᐊᔾᔨᕐᓚᖏᑦ ᑐᓴᖅᑎᑦᑎᔾᔪᑕᐅᔪᑦ ᓴᖅᕿᑦᑐᑦ 2018 FCSAP-ᒥᑦ ᐃᓚᐅᑎᑦᑎᓂᕐᒧᑦ ᑲᑎᒪᓂᕐᓂᑦ, ᓄᓇᖃᖅᖄᖅᑐᑦ ᓄᓇᓖᑦ ᐊᖏᓂᖅᓴᒃᑯᑦ ᐃᓚᐅᖃᑕᐅᓂᖃᕆᐊᖃᖅᑐᑦ ᓇᓃᓐᓂᓗᒃᑖᖏᓐᓂᑦ ᐱᑦᑎᐊᖏᑦᑐᖅᑕᓖᑦ ᐃᓂᐅᔪᓂᒃ ᐱᓕᕆᐊᖑᔪᓂᑦ. ᐱᔭᕆᐊᖃᕐᓂᖅ ᐱᐅᓯᒋᐊᖅᓯᔪᖅ ᑐᑭᓯᐅᒪᔾᔪᑎᓂᒃ ᑐᓂᓯᖃᑦᑕᕐᓂᕐᒥᒃ ᐊᒻᒪᓗ ᐊᔾᔨᒌᖓᔪᒃᑯᑦ ᑐᓴᐅᒪᑎᑦᑎᓂᖏᓐᓂᑦ ᒐᕙᒪᑐᖃᒃᑯᑦ. ᐃᓚᐅᖃᑕᐅᑎᑕᐅᓵᓕᓂᖏᑦ ᐊᒻᒪᓗ ᐃᓚᐅᖃᑕᐅᑎᑕᐅᖏᓐᓇᕐᓂᖏᑦ ᐱᒻᒪᕆᐅᖕᒥᔪᖅ ᑐᑭᖃᖅᑐᒃᑯᑦ ᐊᒻᒪᓗ ᑲᔪᓯᔪᒃᑯᑦ ᓄᓇᖃᖅᖄᖅᑐᑦ ᐃᓚᐅᓂᖏᓐᓄᑦ ᐊᒻᒪᓗ ᐃᓂᓕᐅᕆᓂᕐᒧᑦ. ᖃᐅᔨᓴᐃᓂᖅ ᐊᒻᒪᓗ ᐅᑎᖅᑎᑎᕆᓂᕐᒧᑦ ᐱᓕᕆᐊᖑᔪᑦ ᐃᑲᔪᖅᑕᖏᓐᓇᖃᑦᑕᕆᐊᖃᖅᑐᑦ ᐅᑯᓄᖓ:
- ᐱᖅᖁᓯᒃᑯᑦ ᖃᐅᔨᒪᓂᕆᔭᐅᔪᓄᑦ
- ᓄᓇᖃᖅᖄᖅᑐᑦ ᐊᑐᖃᑦᑕᖅᑕᖏᓐᓄᑦ ᐊᒻᒪᓗ ᓯᕗᓪᓕᖅᐸᐅᑎᔪᒪᔭᖏᓐᓄᑦ
- ᖃᑉᓗᓈᓂᑦ ᖃᐅᔨᓇᓱᒃᑐᓕᕆᓂᒃᑯᑦ
ᐊᑯᓂᐅᔪᒥᑦ, ᐊᑐᖅᑕᐅᔪᖕᓇᕌᖓᑕ ᑮᓇᐅᔭᖃᖅᑎᑦᑎᓃᑦ ᒪᓂᒪᑎᑕᐅᔭᕆᐊᖃᖅᑐᑦ ᐊᒻᒪᓗ ᐊᔪᕈᖕᓃᖅᓴᐃᓂᕐᒧᑦ ᐱᕕᖃᖅᑎᑦᑎᒃᑲᓐᓂᕐᓂᐅᔪᓂᒃ ᑐᓂᓯᓗᑎᒃ ᐊᖏᓛᒃᑰᖓᓂᐊᕐᓗᒋᑦ ᐱᕈᖅᐸᓪᓕᐊᓂᕐᒧᑦ ᐃᑲᔫᑏᑦ ᓄᓇᓕᖕᓄᑦ ᐊᒻᒪᓗ ᐱᓕᕆᐊᒃᓴᐃᑦ ᓄᓇᓕᖕᒥᐅᑕᓄᐊᖅᑕᐅᓗᑎᒃ.
ᐃᒪᓐᓇᐅᖃᑦᑕᖅᑐᖅ, ᐃᓚᐅᖃᑕᐅᔪᑦ ᑲᑎᒪᑎᑦᑎᓂᓗᒃᑖᓂᑦ ᐅᖃᓚᐅᖅᑐᑦ ᐱᔪᒪᓇᔭᖅᑐᑦ ᐱᕕᖃᖅᑎᑦᑎᓂᐅᔪᓄᑦ ᐱᓕᕆᖃᑎᒌᖕᓂᕐᒧᑦ ᐊᒻᒪᓗ ᐊᒃᑐᐊᓂᖃᕐᓂᕐᒧᑦ ᓄᓇᖃᖅᖄᖅᑐᑦ ᒐᕙᒪᐅᔪᓂᒃ ᐃᓕᑦᑎᒃᑲᓐᓂᕐᓂᐊᕐᓗᑎᒃ ᐊᐅᓚᑦᑎᓂᕐᒥᒃ ᐱᑦᑕᐅᖏᑦᑐᖅᑕᓕᖕᓂᑦ ᐃᓂᐅᔪᓂᑦ, ᐃᓚᐅᑉᓗᑎᒃ:
- ᐱᐊᓂᑦᑎᐊᖅᓯᒪᔪᑦ ᐅᓂᑉᑳᑦ
- ᐊᒃᓱᕈᕐᓇᖅᑐᑦ
- ᐱᐅᓛᑦ ᐊᑐᖅᑕᐅᖃᑦᑕᖅᑐᓂᒃ
ᑭᖑᓪᓕᕐᒥ ᐱᓕᕆᐊᖑᓂᐊᖅᑑᓗᒋᑦ, FCSAP-ᑯᑦ ᑎᑎᕋᕐᕕᖓᑦ ᐃᓱᒪᒋᓂᐊᖅᑕᖏᑦ ᖃᐅᔨᔭᐅᔪᑦ ᐊᒻᒪᓗ ᐃᒪᓐᓈᖅᑑᑕᐅᔪᑦ ᓇᐃᓈᖅᓯᒪᔪᑦ ᑕᒡᕙᓂ ᐅᓂᑉᑳᒥᑦ ᐃᑲᔪᕐᓂᐊᕐᓗᓂ ᐱᕙᓪᓕᐊᓂᕐᒥᑦ V-ᒦᑎᓪᓗᒍ ᑐᕌᖓᔪᖅ ᓄᑖᙳᖅᑎᑕᐅᓂᖓ. ᒐᕙᒪᑐᖃᒃᑯᑦ ᐱᑦᑕᐅᖏᑦᑐᖅᑕᓖᑦ ᐃᓂᐅᔪᓂᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ ᐊᓪᓚᕝᕕᖓᑦ ᐊᒻᒪᓗ ᒐᕙᒪᑐᖃᒃᑯᑦ ᑐᕌᖓᔪᒧᑦ ᐱᓕᕆᖃᑎᒋᔭᖏᑦ ᐃᓕᑕᖅᓯᔪᑦ ᐱᒻᒪᕆᐅᓂᖓᑕ ᐱᔾᔪᑕᐅᔪᒧᑦ ᐱᓕᕆᖃᑎᒌᓐᓇᕐᓂᐊᕐᓗᒋᑦ ᓄᓇᖃᖅᖄᖅᑐᑦ ᒐᕙᒪᐃᑦ, ᓄᓇᓖᑦ ᐊᒻᒪᓗ ᐊᐅᓚᑦᑎᔩᑦ ᑲᑐᔾᔨᖃᑎᒌᑦ ᐋᖅᕿᒃᓯᓂᐊᕐᓗᑎᒃ ᑐᕌᖓᔪᒥᑦ ᓯᕗᒻᒧᒃᐸᓪᓕᐊᑎᓪᓗᒋᑦ ᐊᔾᔨᒌᙱᑦᑐᑦ ᐊᕕᒃᑐᖅᓯᒪᔪᓂᑦ ᐊᒻᒪᓗ ᑲᓇᑕᒥᑦ ᐃᓚᐅᖃᑕᐅᑎᑦᑎᓂᕐᓂᑦ. ᐱᓕᕆᐊᖑᔪᑦ ᑲᔪᓯᑎᑕᐅᓂᐊᕐᒥᔪᑦ ᑐᕌᖓᔪᒥᑦ ᐊᒥᓱᙳᕆᐊᖅᑎᓐᓂᐊᕐᓗᒋᑦ ᓄᓇᖃᖅᖄᖅᑐᑦ ᖃᐅᔨᒪᑎᑕᐅᓂᖏᑦ ᐅᑯᓂᙵᑦ:
- ᖃᐅᔨᓴᐃᓂᐅᓂᐊᖅᑐᓂᑦ ᐊᒻᒪᓗ ᓴᓗᒻᒪᖅᓴᐃᓂᕐᒧᑦ ᐱᓕᕆᓂᐅᔪᓂᑦ
- ᐊᔪᕈᖕᓃᖅᓴᐃᓂᕐᒧᑦ ᐱᕕᖃᕐᓂᐅᔪᓂᒃ
- ᐊᒥᓱᙳᕆᐊᕐᓗᒋᑦ ᐱᕈᖅᐸᓪᓕᐊᓂᕐᒧᑦ ᐃᓚᐅᖃᑕᐅᓂᖏᑦ ᓄᓇᖃᖅᖄᖅᑐᑦ ᓇᖕᒥᓂᖅ ᐱᓕᕆᐊᓖᑦ ᐊᒻᒪᓗ ᐃᓄᐃᑦ
ᐅᓂᑉᑳᖅ ᑐᓂᐅᖅᖃᐅᑕᐅᓂᐊᖅᑐᖅ ᖃᐃᖁᔭᐅᖃᑕᐅᓚᐅᖅᑐᓗᒃᑖᓄᑦ ᐃᓚᐅᖃᑕᐅᑎᑦᑎᓂᕐᒧᑦ ᑲᑎᒪᓂᐅᓚᐅᖅᑐᓄᑦ 2025-ᒥᑦ.
Page details
- Date modified: