ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ
ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᐃᓂᖃᖅᐳᖅ ᐅᐊᖕᓇᖓᓂ ᐱᓇᖕᓇᖓᓂ ᕿᑭᖅᑖᓗᖕ, ᓄᓇᕘᒥ. ᓂᕿᒃᓴᖃᖅᑎᑦᑎᔪᓪᓛᓗᒃ ᐃᓂᒃᓴᑦᑎᐊᕙᓪᓚᐅᓪᓗᓂᓗ ᐃᕙᕝᕕᐅᓪᓗᓂ ᐅᓄᖅᑐᓄᑦ ᑕᕆᐅᕐᒥᐅᓄᑦ ᑎᖕᒥᐊᓄᑦ.
ᐱᕐᔪᐊᖑᓂᖓ ᓴᐳᔾᔭᐅᓯᒪᔫᑉ: ᓅᒃᑕᕐᑏᑦ ᑎᖕᒥᐊᑦ ᐊᓰᓪᓗ ᐆᒪᔪᑦ
ᐃᓂᖃᖅᖢᓂ ᓵᖓᓂ ᓯᒡᔭᖓᑕ ᐅᐊᖕᓇᖓᓂ ᑲᓇᖕᓇᖓᓂ ᕿᑭᖅᑖᓘᑉ , ᓄᓇᕘᒥ, ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᐊᕙᓗᓯᒪᕗᖅ ᐅᓄᕐᔪᐊᖅᑐᓄᑦ ᐆᒪᔪᓄᑦ, ᐅᓄᕐᔪᐊᖅᑐᑦ ᐃᓂᒋᔭᐅᔪᑦ ᑲᔾᔮᕐᓈᓗᒃᖢᓂᓗ. ᑎᖕᒥᐊᑦ ᐊᑭᐊᓂ ᐊᔾᔨᒌᙳᕈᓘᔭᓗᐊᖅᑐᑦ; 71 ᐆᒪᔫᖃᑎᒌᑦ ᓇᓗᓇᐃᖅᑕᐅᓯᒪᔪᑦ ᐃᓗᐊᓂ ᓴᐳᔾᔭᐅᓯᒪᕝᕕᐅᑉ, ᐱᖃᓯᐅᖦᖢᒋᑦ ᑎᒫᓂᐅᖏᑦᑐᖅ 35 ᕿᑐᕐᖏᐅᖅᑐᑦ ᐆᒪᔫᖃᑎᒌ 6ᓗ ᑕᒫᓃᖏᓐᓇᐅᔭᖅᖢᑎᒃ. ᑖᒃᑯᐊ ᐅᐊᑲᓪᓚᐅᕗᑦ ᑲᑎᙵᔪᑦ ᐅᐊᖕᓇᒦᑦᑐᓪᓛᓗᖕᓄᑦ. ᑖᒃᑯᐊ ᐅᓄᖅᑐᑦ ᑕᐃᒪᐃᓪᓗᐊᑕᖅᑐᑦ ᐃᒪᐅᖃᑦᑕᕐᓂᖓᓄᑦ ᐊᑐᓂ ᑲᑎᓐᓂᖏᓐᓂ ᑕᓪᓗᕈᑎᐅᑉ ᐃᒪᖓᑕ ᕿᑭᑦᑖᓘᑉ ᐃᑭᕋᓴᖓᑕᓗ; ᐃᓂ ᐱᕕᖃᖅᑎᑦᑎᔪᖅ ᐱᕐᔪᐊᓂᒃ ᓂᕆᕝᕕᖕᓂᒃ ᖃᔅᓯᑎ ᑕᐅᓴᓄᑦ ᑕᕆᐅᕐᒥᐅᓄᑦ ᑎᖕᒥᐊᓄᑦ. ᐱᐅᔪᐊᓘᓂᖏᓪᓗ ᐃᕙᕝᕖᑦ ᑕᒫᓂ ᐃᑲᔫᑕᐅᒋᓪᓗᓂ. ᑕᕆᐅᕐᒥᐅᑦ ᑎᖕᒥᐊᑦ ᑲᑎᓲᖑᕗᑦ ᐃᕙᕝᕕᓕᐅᖅᖢᑎᒃ ᑕᒪᒃᑮᓂ ᐅᐊᖕᓇᖓᓂ ᐱᓇᖕᓇᖓᓂ ᓄᕗᐊᓂ, ᓂᒋᖅ ᑲᓇᖕᓇᖓᓂᓗ ᕿᑭᖅᑕᐅᑉ ᐊᒃᐸᓂ. ᑕᕆᐅᕐᒥᐅᑦ ᑎᖕᒥᐊᑦ 37%ᖑᕗᑦ ᑎᖕᒥᐊᓂ ᕿᑭᖅᑕᒦᑦᑐᓄᑦ, ᓯᒡᔭᒥᐅᑦ ᑎᖕᒥᐊᑦ, ᐃᒫᓂᕐᒥᐅᑦ ᑎᖕᒥᐊᑦ ᓄᓇᒥᐅᓪᓗ ᑎᖕᒥᐊᑦ (ᓇᐹᖅᑐᓂ ᒥᓲᑦ) ᐃᓚᒋᓪᓗᒋᑦ ᑕᒪᒃᑮᓄᑦ ᑎᖕᒥᐊᓄᑦ.
ᑖᓐᓇ ᓴᐳᔾᔭᐅᓯᒪᔪᖅ ᓴᓇᔭᐅᓚᐅᖅᑐᖅ ᐊᑑᑎᓪᓗᐊᑕᒥᓄᑦ ᓴᐳᑎᓗᒋᑦ ᐃᕙᕝᕕᐅᔪᑦ ᐊᒃᐸᓄᑦ, ᑎᕋᑎᕌᓄᑦ, ᑲᖑᕐᓄᓪᓗ. ᑖᒃᑯᐊ ᑎᖕᒥᐊᑦ ᐊᑐᓲᖏᓐᓈᓗᐃᑦ ᓴᐳᔾᔭᐅᓯᒪᔪᕐᒥᒃ ᐅᓄᖅᑐᐊᓘᓪᓗᑎᒃ ᑲᑎᙵᓪᓗᑎᒃ ᓇᓚᐅᑦᑖᖅᑕᐅᓯᒪᔪᖅ ᐅᖓᑖᓂ 10% ᑲᓇᑕᒥᐅᓂᑦ ᐊᒃᐸᐃᑦ 25%ᓗ ᑎᕋᑎᕌᑦ ᑲᑎᙵᕗᑦ ᕿᑭᖅᑕᐅᑉ ᖃᖅᑲᖏᓐᓂ. ᑖᓐᓇ ᑭᒡᒐᖅᑐᐃᔪᖅ ᑲᑎᓐᓂᕐᒥᒃ ᐅᖔᓂ 300,000 ᐊᒃᐸᓂᒃ 50,000ᓂᒡᓗ ᑎᕋᑎᕌᓂᒃ ᐊᑕᐅᓯᕐᒥ ᐃᓂᒥ ᐊᑐᓂ ᐅᐱᕐᖔᒃᑯᑦ ᕿᑐᕐᖏᐅᖅᑎᓪᓗᒋᑦ (ᐊᓯᖏᑦ ᑕᖅᑮᑦ ᑕᕆᐅᒥ ᐃᒫᓃᖦᖢᑎᒃ). ᓱᓕᒃᑲᓐᓂᖅ, 100,000 ᐸᓗᐃᑦ ᑲᖑᐃᑦ, ᓇᓚᐅᑦᑖᖅᑕᐅᔪᑦ 15%ᑐᑦ ᑲᓇᑕᒥᐅᑕᓂᑦ ᑲᖑᖃᓛᕐᓗ ᖃᐅᔨᒪᔭᐅᔪᖅ ᑲᖑᖃᕐᕕᒃ, ᓇᓂᔭᐅᔪᓐᓇᖅᑐᖅ ᐊᑭᐊᑕ ᓂᒋᖅ ᐱᓇᖕᓇᖓᓂ ᐳᒃᑭᑦᑐᓂ ᓄᓇᓂ ᐃᓱᐊᓂ ᐊᑐᓂ ᐊᐅᔭᖅ. ᑖᒃᑯᐊᑦᑕᐃᓐᓇᐃᑦ ᑲᖑᐃᑦ ᑕᖃᐃᖅᓯᓲᑦ ᓂᕆᓪᓗᑎᒡᓗ ᑯᐸᐃᒃ ᓂᒋᐊᓂ ᖃᔅᓯᓄᑦ ᐱᓇᓱᐊᕈᓯᓄᑦ ᓅᑦᑕᕌᖓᒥᒃ ᐊᑐᓂ ᐅᐱᕐᖓᒃᑯᑦ ᐅᑭᐊᒃᓵᒃᑯᓪᓗ.
ᐊᑭᐊ ᐃᓂᒋᔭᐅᔪᖅ ᐆᒪᔫᖃᑎᒌᓄᑦ ᑕᒪᒃᑮᓄᑦ ᖁᑦᑎᒃᑐᒥᐅᑦ ᐅᑭᐅᖅᑕᖅᑐᒥ ᐅᑭᐅᖅᑕᖅᑑᓪᓗ ᐊᑖᓂ ᐱᔾᔪᓯᖃᖅᐳᑦ ᑕᒪᒃᑮᑦ ᑲᑎᙵᔫᖃᑎᒌᑦ ᑲᑎᖃᑦᑕᕐᒪᑕ ᕿᑭᖅᑕᒥ ᕿᑐᕐᖏᐅᕆᐊᖅᑐᖅᖢᑎᒃ. ”ᖁᑦᑎᒃᑐᒥᐅᑦ ᐅᑭᐅᖅᑕᖅᑐᒥ” ᑎᖕᒥᐊᑦ ᐱᑕᖃᖅᑐᑦ ᐱᖃᓯᐅᔾᔨᔪᑦ ᑑᓪᓕᒑᕐᔪᖕᓂᒃ, ᑕᓕᕝᕙᐃᑦ ᓯᒡᔭᕆᐊᕐᔪᐊᓪᓗ, “ᐅᑭᐅᖅᑕᖅᑑᑉ ᐊᑖᓂᒥᐅᑦ” ᐱᖃᓯᐅᔾᔨᔪᑦ ᖃᐅᕈᓪᓕᒑᓂᒃ, ᐃᕿᒡᒐᕆᐊᕐᔪᖕᓂᒃ ᑑᓪᓖᓂᒡᓗ. ᑖᒃᑯᐊ ᑎᖕᒥᐊᑦ ᓇᓃᕈᓘᔭᖅᑐᑦ ᕿᑭᖅᑕᒥ ᑕᑯᔭᒃᓴᐅᓪᓗᓂ ᑕᑎᒡᒐᓂᒃ ᓯᒡᔭᕆᐊᕐᔪᖕᓂᒡᓗ, ᐅᑭᐅᖅᑕᖅᑑᑉ ᐊᑖᓂᒥᐅᓂᒃ, ᐃᕙᔪᑦ ᖃᓂᒋᔭᖏᓐᓂ ᑕᓂᕝᕙᐃᑦ ᓯᒡᔭᕆᐊᕐᔪᐊᓪᓗ, ᖁᑦᑎᒃᑐᒥᐅᖑᒐᔪᒃᑐᑦ ᐅᑭᐅᖅᑕᖅᑐᒥ ᑎᖕᒥᐊᑦ. ᑎᒫᓂᐅᖏᑦᑐᖅ ᐱᖓᓱᑦ ᓄᓇᕐᔪᐊᑐᖃᕐᒥᐅᑦ ᐆᒪᔫᖃᑎᒌᑦ (ᔪᕈᑉ, ᐊᕗᕆᑲ ᐊᐃᓯᐊᒥᐅᑕᐅᒐᔪᒃᑐᓪᓗ) ᖃᐅᔨᒪᔭᐅᖕᒥᔪᑦ ᐅᐸᓲᖑᓂᖏᓐᓄᑦ ᐃᕙᓪᓗᑎᒡᓘᓐᓃᑦ ᐊᑭᐊᓂ; ᐱᓗᐊᖅᑐᒥᒃ ᐊᐅᐸᖅᑐᑦ ᓯᒡᔭᕆᐊᕐᔪᐊᑦ, ᖁᓪᓕᖁᓕᐊᑦ ᐅᑭᐅᖅᑕᖅᑐᒥᐅᓪᓗ ᕕᑦᑐᖅᑎ. ᑖᒃᑯᐊ ᑎᖕᒥᐊᑦ ᑲᓇᑕᐅᑉ ᐅᑭᐅᖅᑕᖅᑐᖓᓄᐊᓲᑦ ᑲᓛᖦᖡᑦ ᓄᓇᖓᑎᒍᑦ ᐊᐃᔅᓚᓐᒥᓪᓗ ᓄᓇᕐᔪᐊᑐᖃᕐᒥᓂᑦ ᐅᑮᕕᖕᒥᓂᑦ.
ᓄᓇᖏᑦ
ᐊᑭᐊ ᓴᓂᐊᓃᒃᑲᒥ ᑕᓪᓗᕈᑎᐅᑉ ᐃᒪᖓᑕ, ᓅᒃᑕᖅᑐᓄᑦ ᐊᖅᑯᑎᓪᓚᕆᐊᓗᒃ ᐊᐅᔭᒃᑯᓪᓗ ᐃᓂᒋᔭᐅᓪᓗᓂ ᑕᕆᐅᕐᒥᐅᓄᑦ ᓂᕐᔪᑎᓄᑦ 21 ᐆᒪᔫᖃᑎᒌᑦ ᑕᕆᐅᕐᒥᐅᑦ ᓄᓇᒥᐅᓪᓗ ᖃᐅᔨᔭᐅᓯᒪᕗᑦ ᐃᓗᐊᓂ ᐊᕙᑖᓂᓗ ᓴᐳᔾᔭᐅᓯᒪᔫᑉ. ᑖᒃᑯᐊ ᐱᖃᓯᐅᔾᔨᔪᑦ ᐆᒪᔫᖃᑎᒌᓂᒃ ᓇᑦᑎᕐᓂᒃ, ᑎᓴᒪᑦ ᐆᒪᔫᖃᑎᒌᑦ ᐊᕐᕕᓄᑦ ᐅᓄᖅᑐᓄᓪᓗ ᓇᓄᕐᓄᑦ, ᐊᑐᓲᑦ ᕿᑭᖅᑕᒥᒃ ᐊᐅᔩᕝᕕᒋᓪᓗᒍ. ᐊᓯᖏᑦ ᐆᒪᔪᑦ ᑕᑯᔭᐅᒐᔪᒃᑐᑦ ᓴᐳᔾᔨᕕᖕᒥ ᐱᖃᓯᐅᔾᔨᔪᑦ ᑎᕆᒐᓂᐊᓂᒃ, ᐊᕕᙵᓂᒃ ᐅᑲᓕᕐᓂᒡᓗ.
ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ, ᓴᓇᔭᐅᔪᖅ 1965ᒥ, ᐃᓗᓕᖃᖅᑐᖅ ᐃᓗᐃᑦᑐᒃᑯᑦ ᐊᑭᐊᒥᒃ ᐱᖃᓯᐅᖦᖢᒋᑦ ᓴᓂᐊᓃᑦᑐᑦ ᑕᕆᐅᕐᓂ ᐃᒪᖏᑦ ᐃᓗᐊᓂ 3.2 ᑭᓛᒥᑕᓄᑦ ᓯᒡᔭᒥᑦ. ᐆᒪᔪᖃᕈᓘᔭᕐᓂᖓᓄᑦ, ᐊᖏᔪᖅ ᐃᓚᖓ ᕿᑭᖅᑕᐅᑉ ᐃᓚᓕᐅᔾᔭᐅᓚᐅᕐᒥᔪᖅ ᓯᕐᒥᓕᒃ ᑲᓇᑕᒥ ᒥᕐᖑᐃᖅᓯᕐᕕᖕᒧᑦ 2001ᒥ.
ᓯᒡᔭᖏᑦ ᐊᑭᐊᑉ ᐊᕙᓗᔭᐅᓯᒪᔪᑦ ᑕᓪᓗᕈᑎᐅᑉ ᐃᒪᖓᓄᑦ ᐅᐊᖕᓇᖓᓂ, ᕿᑭᑦᑖᓘᑉ ᐃᑭᕋᓴᖓ ᑲᓇᖕᓇᖓᓂ, ᐃᒡᓗᐊᑕ ᓱᓪᓗᐊᓄᑦ ᐱᓇᖕᓇᒧᑦ ᑕᒪᒃᑮᒡᓗ ᒥᑦᑎᒪᑕᓕᒃ ᑕᓯᐅᔭᕐᓗ ᓂᒋᐊᓂ. ᕿᑭᖅᑕᖅ ᓴᓇᓯᒪᔪᖅ ᖃᖅᑲᓂᑦ, ᐊᐳᑎᖃᕐᕕᖕᓂᑦ, ᓂᓚᖃᕐᕕᖕᓂᑦ, ᓯᕐᒥᓂᑦ, ᐱᙳᓂᑦ ᐊᓱᖓᓱᖔᓂᓪᓗ.
ᐊᔾᔨᒌᖏᓐᓂᖏᑦ ᐆᒪᔫᖃᑎᒌᑦ ᐅᐸᓲᓄᑦ ᑕᕝᕗᖓ ᓴᐳᔾᔭᐅᓯᒪᔪᕐᒧᑦ ᑕᐃᒪᐃᓚᐅᖅᑐᖅ ᑲᑎᙵᓂᖏᓐᓄᑦ ᑕᕆᐅᕐᒥᐅᓄᑦ ᓄᓇᒥᐅᓄᓪᓗ ᐃᓐᓂᖏᓐᓄᑦ, ᐊᐅᒃᑲᕐᓃᑦ ᐋᔪᕋᐃᓪᓗ ᓴᖅᑭᖃᑦᑕᕋᒥᒃ ᐊᕐᕌᒍᑕᒫᑦ ᑲᑎᙵᓂᖏᓐᓄᑦ ᑕᓪᓗᕈᑎᐅᑉ ᐃᒪᖓ ᕿᑭᑦᑖᓘᑉ ᐃᑭᕋᓴᖓᓗ.
ᖃᐅᔨᒪᕖᑦ?
ᐊᓱᖓᓱᖔᑦ ᐅᔭᕋᓂᑦ ᓴᓇᓯᒪᔪᑦ ᐊᔾᔨᖃᕐᓚᐅᔭᖅᑐᑦ ᓇᐸᔫᖅᑰᔨᔪᓂᒃ ᓄᓇᒥᑦ ᑕᑉᐸᐅᖓ. ᐊᓱᖓᓱᖔᑦ ᐊᖏᓂᖃᕈᓐᓇᖅᑐᑦ ᐃᓄᒃᑐᑦ ᑕᑭᓂᖃᕐᓗᑎᒃ 10ᓄᑦ ᓇᑎᓕᖕᓄᑦ ᐃᒡᓗᓄᑦ (1.5 ᒦᑕᑦ 45 ᒦᑕᓄᑦ). ᐊᔾᔨᖃᖏᑦᑐᑦ ᐋᖅᑭᒃᓯᒪᓂᖏᑦ ᑕᖅᓴᖏᓪᓗ ᐊᓱᖓᓱᖔᑦ ᑕᐃᒪᐃᑉᐳᑦ ᐲᔭᖅᐸᓪᓕᐊᓂᖏᓐᓄᑦ ᐊᔾᔨᒌᖏᑦᑐᑦ ᓄᓇᒥᐅᑦ ᑎᓯᔪᓂᒃ ᐊᕿᑦᑐᓂᒡᓗ ᐅᔭᕋᖃᕐᓂᕐᓂᑦ ᐃᓂᒋᔭᒥᓂ. ᐊᓱᖓᓱᖔᑦ ᐊᑭᐊᓂ ᐊᑦᑎᕈᑕᐅᓚᐅᖅᑐᑦ ᐊᓱᖓᓱᖔᑦ ᑲᑐᔾᔭᐅᔪᓄᑦ ᐊᐅᓚᑦᑎᓂᕐᓄᑦ ᑲᑎᒪᔨᓄᑦ, ᐱᓕᕆᐊᒃᓴᓖᑦ ᖃᐅᑕᒫᖅᓯᐅᑎᓄᑦ ᐊᐅᓚᑦᑎᓂᕐᓄᑦ ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᕐᒥᒃ. “ᐊᓱᖓᓱᖔᑦ” ᐃᓄᒃᑎᑐᑦ ᐊᑎᕆᕙᐅᒃ ᐊᓱᖓᓱᖔᓄᑦ.
ᓄᓇᙳᐊᑦ ᐃᓂᒧᑦ
ᑕᑭᔪᒧᑦ ᓇᓗᓇᐃᖅᓯᓂᖅ
ᓄᓇᙳᐊᖅ ᓴᖅᑭᔮᖅᑎᑦᑎᔪᖅ ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᕐᒥᒃ ᓴᓂᐊᓂ ᓄᓇᕘᑉ, ᕿᑭᖅᑖᓘᑉ , ᕿᑭᑦᑖᓘᑉ ᐃᑭᕋᓴᖓᑕ, ᑕᕆᐅᑉ ᐊᑭᐊᓄᑦ ᐊᖅᑯᑎᐊᑕ, ᒥᑦᑎᒪᑕᓕᐅᑉ, ᑕᓯᐅᔭᐅᑉ ᐃᒡᓗᐊᑕᓗ ᓴᓪᓗᐊᑕ. ᓄᓇᙳᐊᖅ ᑕᑯᒃᓴᐅᑎᑦᑎᔪᖅ ᐃᓗᐃᑦᑐᒃᑯᑦ ᐊᑭᐊᒥᒃ ᐱᖃᓯᐅᖦᖢᒋᑦ ᓴᓂᐊᓃᑦᑐᑦ ᐃᒪᖏᑦ. ᐊᖏᓂᖓ ᓄᓇᖑᐊᑉ ᑭᓛᒥᑕᓃᑦᑐᖅ. ᐃᒪᐅᖏᓐᓇᐅᔭᖅᑐᑦ ᐅᓕᕝᕖᓪᓗ ᓇᓗᓇᐃᖅᓯᒪᔪᑦ ᓄᓇᙳᐊᕐᒥ. ᓇᓗᓇᐃᓯᔪᓕᒃ ᓄᓇᙳᐊᕐᒥ ᓇᓃᓐᓂᖓᓂᒃ ᓴᐳᔾᔭᐅᓯᒪᔫᑉ ᑲᓇᑕᒥ.
ᐅᐸᒐᒃᓴᐅᓂᖓ ᓴᐳᔾᔭᐅᓯᒪᔫᑉ
ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᑦ, ᐊᑭᐊᑎᑐᑦ, ᓴᓇᔭᐅᓯᒪᕗᑦ ᑲᓇᑕᒥ ᓴᐳᔾᔨᓂᐊᕐᒪᑕ ᓅᒃᑕᕐᑎᓂᒃ ᑎᖕᒥᐊᓂᒃ ᑎᖕᒥᐊᓄᑦ ᐊᒃᓱᕈᕐᓇᓗᐊᖅᑎᓪᓗᒍ ᐃᓅᓯᖏᓐᓂ. ᑖᒃᑯᐊ ᐃᓃᑦ ᐊᑐᖅᑕᐅᒍᓗᐊᕈᑎᒃ ᓂᕆᓂᕐᓄᑦ, ᑕᖃᐃᖅᓯᕐᓂᕐᓄᑦ ᐃᕙᓂᕐᓄᓪᓘᓐᓃᑦ, ᐊᑑᑎᖃᑦᑎᐊᖅᐳᑦ ᐊᓐᓇᐅᒪᓂᖏᓐᓄᑦ ᐅᓄᖅᑐᓄᑦ ᐆᒪᔪᓄᑦ. ᐃᓯᕈᓐᓇᕐᓂᖅ ᐅᐸᒍᓐᓇᕐᓂᕐᓗ ᐊᑕᖏᑲᓴᒃᑐᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᒧᑦ ᐱᕕᑭᑎᑕᐅᖏᑦᑐᖅ, ᑭᓯᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᓄ ᒪᓕᖓᑦ ᐅᖃᐅᓯᖃᖅᐳᑦ ᐱᓕᕆᓂᕐᓂᒃ ᐱᓕᕆᖁᔭᐅᖏᑦᑐᓂᒃ.
ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᐊᐅᓚᑕᐅᕗᖅ ᑲᓇᑕᒥ ᐆᒪᔪᓄᑦ ᐱᔨᑦᑎᕋᕐᓂᕐᓂᑦ (CWS) ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᓐᓂᑦ (ECCC) ᐃᓄᖕᓂᓪᓗ ᒥᑦᑎᒪᑕᓕᖕᒥᑦ ᓄᓇᕘᒥ ᐃᓚᒋᓪᓗᒍ ᑲᑐᔾᔨᖃᑎᒌᓄᑦ ᐊᐅᓚᑦᑎᓂᕐᓄᑦ ᐊᖏᕈᑎᒧᑦ ᓴᓇᔭᐅᔪᖅ ᐊᑐᖅᖢᒋᑦ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᓪᓗ ᐊᖏᕈᑎ (ᐄᐸ) ᑲᓇᑕᒥ ᐆᒪᔪᖃᕐᕕᖕᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪ ᓄᓪᓗᑦ ᓄᓇᕘᒥ ᓄᓇᑖᕐᕕᐅᓯᒪᔪᒥ. ᐊᓱᖓᓱᖔᑦ ᑲᑐᔾᔨᖃᑎᒌᑦ ᐊᐅᓚᑦᑎᓂᕐᓄᑦ ᑲᑎᒪᔨᖏᑦ ( ACMC) ᓴᓇᔭᐅᓚᐅᖅᓯᒪᕗᑦ ᐊᑐᖅᖢᒋᑦ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᓄᓪᓗ ᐊᖏᖃᑎᒌᒍᑎ ᑎᓕᐅᕆᕙᒃᖢᑎᓪᓗ ᓇᐅᒃᑯᓕᒫᖅ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᓄᑦ, ᐱᓇᓲᑎᓄᑦ, ᖃᐅᔨᓴᖅᑕᐅᔪᓄᑦ ᐃᓗᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔫᑉ, ᐅᐸᒃᑐᑦ ᐊᑐᕐᓂᖏᓐᓄᑦ ᓄᓇᓂᒃ, ᐊᐅᓚᑕᐅᓂᖏᓐᓄᓪᓗ ᓴᐳᔾᔭᐅᓗᑎᒡᓗ ᓅᓲᑦ ᑎᖕᒥᐊᑦ ᑎᖕᒥᐊᓪᓗ ᐃᓂᖏᑦ. ᓄᓇᕘᒥ, ᓄᓇᕘᒥᐅᑦ ᐃᓄᐃᑦ, ᒪᓕᒃᖢᒍ ᓄᓇᕘᒧᑦ ᐊᖏᖃᑎᒌᒍᑎ (NA), ᐊᖑᓇᓱᒍᓐᓇᖅᑐᑦ ᐆᒪᔪᓂᒃ, ᐱᖃᓯᐅᓪᓗᒋᑦ ᒪᓐᓂᒃᑕᕐᓃᑦ ᓅᓲᑦ ᑎᖕᒥᐊᑦ ᒪᓐᓂᖏᓐᓂᒃ ᓱᓗᖏᓐᓂᒡᓗ ᑮᓇᐅᔭᓕᐅᕆᐊᖃᕐᓂᕐᒥᓄᑦ, ᐃᓅᓯᒃᑯᑦ ᐃᓕᖅᑯᓯᑐᖃᒃᑯᓪᓗ ᐊᑐᕆᐊᖃᖅᑕᒥᓄᓪᓗ. (ᐃᓚᖓ 5 ᓄᓇᕘᒧᑦ ᐊᖏᖃᑎᒌᒍᑎᒥ). ᐅᐸᒐᓱᒡᓗᒍ ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᑭᓇᑐᐃᓐᓇᕐᒧᑦ ᐊᓯᓂᑦ ᐃᓄᐃ ᐊᑎᓕᖕᓄᑦ ᐃᓗᐊᓂ ᓄᓇᕘᒧᑦ ᐊᖏᖃᑎᒌᒍᑎᒥ ᐱᕕᑭᑦᑐᖅ; ᑕᐃᒪᐃᒻᒪᑦ, ᑭᓇᑐᐃᓐᓇᖅ ᐃᓅᖏᑦᑐᖅ ᐱᔪᓐᓇᐅᑎᑖᕆᐊᓕᒃ ᐅᐸᒐᓱᒡᓗᓂ ᐱᓕᕆᓗᓂᓘᓐᓃᑦ ᓇᓕᐊᑐᐃᓐᓇᕐᒥᒃ ᐱᓕᕆᓂᕐᒥᒃ ᐃᓗᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔫᑉ. ᐱᓕᕆᓃᑦ ᐱᓕᕆᖁᔭᐅᔪᑦ ᒪᓕᖕᓂᐊᖅᑐᑦ ᓴᐳᔾᔨᓂᕐᓄᑦ ᖃᓄᐃᑕᐅᓇᓱᒃᑐᓄᑦ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᒧᑦ ᐊᐅᓚᑦᑎᓂᕐᓄᑦ ᐸᕐᓇᐅᑎᒧᑦ.
ᖃᐅᔨᒃᑲᓐᓂᕈᒪᒍᕕᑦ ᑭᓱᑦ ᐊᔪᙱᑎᑕᐅᖕᒪᖔᑕ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᒥ, ᑕᑯᒃᑭᑦ ᐃᓚᖓ ᐊᐃᖅᑮᕕᐅᑉ. ᑐᓴᒃᑲᓐᓂᕈᒪᒍᕕᑦ ᐅᐸᒍᓐᓇᕐᓂᕐᓄᑦ ᐱᔪᓐᓇᐅᑎᓄᓪᓗ ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᒧᑦ ᐱᔭᐅᔪᓐᓇᖅᑐᑦ ᐅᖃᖃᑎᒋᓗᒋᑦ ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᑦ ᐊᕕᒃᓯᒪᔪᓂ ᑎᑎᕋᕐᕕᖓᑦ.
ᑐᓴᕈᒥᓇᓗᐊᖅᑐᑦ ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᕐᒧᑦ
| Category | Information |
|---|---|
| ᓴᐳᔾᔭᐅᓯᒪᓂᖓᓄᑦ ᓇᓗᓇᐃᕈᑎ | ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ |
| ᐊᕕᒃᓯᒪᔪᖅ | ᓄᓇᕘᒥ |
| ᓇᓂ | 73°13' ᐅ, 78°34' ᐱ |
| ᐊᖏᓂᖅ | 1,282,730 ᕼᐃᐊᒃᑎᐊᔅ (ᐱᖃᓯᐅᔾᔨᔪᖅ ᑕᕆᐅᕐᒥ 176,515 ᕼᐃᐊᒃᑎᐊᔅ ᕿᑭᖅᑕᐅᑉ ᐊᕙᑎᖓᓂ) |
| ᓴᓇᔭᐅᓂᖓᑕ ᓴᐳᔾᔭᐅᓯᒪᔫᑉ ᐱᔾᔪᑎᖓ | ᓴᐳᑎᓗᒋᑦ ᐃᕙᔪᑦ ᐊᒃᐸᑦ, ᑎᕋᑎᕌᑦ ᑲᖑᐃᓪᓗ |
| ᖃᖓ ᓴᓇᔭᐅᔪᖅ (ᒐᓴᑦᑯᑦ ᑎᑎᕋᖅᑕᐅᔪᖅ) | 1965 |
| ᓄᓇᕐᔪᐊᕐᒥᐅᓂᑦ ᑲᑐᔾᔨᔪᑦ ᓴᐳᔾᔭᐅᓂᖏᓐᓄᑦ ᓯᓚᒥᐅᑦ (IUCN) ᐊᐅᓚᑦᑎᓕᕆᔨᖏᑦ | ᑲᓇᑕᒥ ᒥᕐᖑᐃᖅᓯᕐᕕᒃ (II) |
| ᓱᓕᒃᑲᓐᓃᑦ ᓇᓗᓇᐃᖅᓯᒪᔪᑦ |
|
| ᐃᓂᖏᑕ ᖃᓄᐃᓕᖓᓂᓪᓗᐊᑕᖏᑦ |
|
| ᐊᑑᑎᖃᓗᐊᖅᑐᑦ ᑐᙵᕕᐅᔪᓪᓘᓐᓃᑦ ᐆᒪᔫᖃᑎᒌᑦ | |
| ᐊᑐᓂ ᐆᒪᔫᖃᑎᒌᑦ ᐃᓗᐊᓂ ᐆᒪᔫᖃᑎᒌᑦᐅᓗᕆᐊᓇᖅᑐᒦᑦᑐᓄᑦ ᐱᖁᔭᕐᔪᐊᑉ (SARA) |
|
| ᑕᒫᓂᕐᒥᐅᑕᐅᖏᑦᑐᑦ ᐆᒪᔫᖃᑎᒌᑦ |
|
| ᐊᓰᑦ ᐆᒪᔫᖃᑎᒌᑦ | ᑎᖕᒥᐊᑦ:
ᑕᕆᐅᕐᓂ ᐃᒪᕐᓂ: ᓄᓇᒥᐅᑦ: |
| ᐊᐅᓚᑦᑎᓂᕐᓄᑦ ᑎᒥ | ᑲᓇᑕᒥ ᐆᒪᔪᓄᑦ ᐱᔨᑦᑎᕋᕐᓃᑦ, ᓇᐹᖅᑐᖃᖏᑦᑐᓂ ᐅᐊᖕᓇᕐᒥᓗ ᑲᑐᔾᔨᖃᑎᒋᓪᓗᒋᑦ ᐊᓱᖓᓱᖔᖅ ᑲᑐᔾᔨᖃᑎᒌᑦ ᐊᐅᓚᑦᑎᓂᕐᓄᑦ ᑲᑎᒪᔨᖏᑦ ᒥᑦᑎᒪᑕᓕᐅᑉ ᐊᕙᑎᖓᓄᑦ |
| ᐃᓄᖕᓄᑦ ᐅᐸᒃᑕᐅᔪᓐᓇᕐᓂᖅ ᐊᑐᖅᑕᐅᓃᓪᓗ | ᓄᓇᕘᒥᐅᑦ ᐃᓄᐃᑦ ᐊᑭᖃᖏᑦᑐᓄᑦ ᐃᓱᒪᖅᓱᖅᖢᑎᒡᓗ ᐅᐸᒍᓐᓇᖅᑐᑦ ᐊᓄᖓᓇᓱᖕᓂᕐᓄᑦ ᓄᓇᓕᒫᓂ, ᐃᒪᓂ ᑕᕆᐅᕐᓂᓗ ᐃᒪᓂ ᐃᓗᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ, ᒪᓕᒡᓗᒍ ᓇᓗᓇᐃᕈᑎ5 ᐃᓄᐃᑦᐊᒃᑐᖅᑕᐅᓂᖏᓐᓄᑦᐱᕚᓪᓕᕈᑎᓄᓪᓗᐊᖏᖃᑎᒌᒍᑎᒪᓕᒃᑭᓪᓗᓂᓗ s.5.7.18ᒥᒃᓄᓇᕘᒧᑦ ᐊᖏᖃᑎᒌᒍᑎᒥ.
ᓄᓇᕘᒥᐅᑕᐅᖏᑦᑐᓄᑦ ᐃᓅᖏᑦᑐᓄᑦ, ᐱᔪᓐᓇᐅᑎᑖᕆᐊᖃᑐᐃᓐᓇᕆᐊᖃᖅᑐᑎᑦ ᐅᐸᒐᓴᒡᓗᒍ ᐱᓕᕆᓗᑎᓪᓘᓐᓃᑦ ᐃᓗᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔫᑉ, ᐱᓗᐊᖅᑐᒥ ᖁᑭᐅᓯᔭᕐᓂᐊᕈᑎᒃ ᐊᒻᒪᓗ ᐅᔾᕙᓘᓐᓃᑦ ᓅᓲᑦ ᑎᖕᒥᐊᑦ ᕿᒫᑎᑕᐅᓂᐊᕈᑎᒃ. |
ᐅᖃᖃᑎᒋᑎᒍᑦ
ᐊᕙᑎᓕᕆᓂᕐᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥ − ᐅᑭᐅᖅᑕᖅᑐᒧᑦ
ᑲᓇᑕᒥ ᐆᒪᔪᓄᑦ ᐱᓕᕆᕝᕖᑦ
ᓴᐳᔾᔭᐅᓯᒪᔪᑦ ᐸᖅᑭᔨᐅᓃᓪᓗ
ᑲᓇᖕᓇᕐᒧᑦ ᐱᓕᕆᔩᑦ
ᑎᑎᕋᒃᑯᑯᒃ 1870
ᐃᖃᓗᐃᑦ ᓄᓇᕗᑦ X0A 0H0
ᑕᓚᕘᖅ: 867-975-4642
ᐊᑭᖃᖏᑦᑐᖅ ᑕᓚᕘᖅ: 1-800-668-6767 (ᑲᓴᑕ)
ᖃᕋᓴᐅᔭᑎᒍᑦ ᑎᑎᕋᑎᒍᑦ: enviroinfo@ec.gc.ca
ᐊᒃᑐᐊᔪᑦ ᑐᕋᕈᑏᑦ
- ᐊᑭᐊᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᖅ ᒎᒍᓪ ᓄᓇᙳᐊᑎᒍᑦ (ᖃᐅᔨᒪᒋᑦ ᒎᒍᓪ ᓄᓇᙳᐊᖓᑦ ᐃᑲᔫᑕᐅᔪᖅ ᖃᐅᔨᒪᔭᐅᔪᓄᑦ ᓇᓂᓯᔾᔪᑕᐅᔪᓐᓇᖅᖢᓂ ᓅᓲᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᔪᕐᒥᒃ ᑭᒡᒐᖅᑐᐃᓇᓂᓗ ᓄᓇᙳᐊᓪᓚᑦᑖᖓᓂᒃ ᓄᓇᐃᓪᓘᓐᓃᑦ ᐊᑎᖏᓐᓂᒃ)
- ᓄᓇᕘᒧᑦ ᓄᓇᑖᕐᓂᕐᓄᑦ ᐊᖏᖃᑎᒌᒍᑎᒧᑦ ᐱᖁᔭᕐᔪᐊᖅ
- ᓅᓲᓄᑦᑎᖕᒥᐊᓄᑦᓴᐳᔾᔭᐅᓯᒪᔪᓄᑦ ᒪᓕᒐᑦ
- ᓄᕗᒥ ᐱᕐᔪᐊᖅ ᑎᖕᒥᐊᖃᕐᕕᒃ
- ᓂᒋᖅ ᐱᓇᖕᓇᖓᓂ ᐊᑭᐊᑉ ᐱᕐᔪᐊᖅ ᑎᖕᒥᐊᖃᕐᕕᒃ
- ᐊᒃᐸᓂ ᐱᕐᔪᐊᖅ ᑎᖕᒥᐊᖃᕐᕕᒃ
- ᓯᕐᒥᓕᒃ ᑲᓇᑕᒥ ᒥᕐᖑᐃᖅᓯᕐᕕᒃ
- ᓄᓇᕐᔪᐊᒥᐅᓂᑦ ᑲᑐᔾᔨᔪᑦ ᓴᐳᔾᔭᐅᓂᖏᓐᓄᑦ ᓯᓚᒥᐅᑦ (IUCN)
- ᐃᓕᒃᑲᓐᓂᕆᑦ ᐱᙳᓄᑦ ᑲᓇᑕᒥ (ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ)
Page details
- Date modified: