T’a ber beghą denı̨tł’ıs

Figure 1. Text version below.

Ber beghą detł’ıs holı̨ - t’a yatı́ begharęlyá

Canada nask’athé yatıe begharé sughua shets’etı̨

Hotıé shenetı̨. Hotıé ghųná.

Ku ber beghą detł’ıs k’ı nake beretł’ıs sı. Ku t’atthe hadé tu boret’ı̨ sı tth’aı ye begá ber heł. Ku ɂëdırı yatı bek’edaghé sı:

Dzı̨ne danełt’u ber nezų ɂełk’ech’a beghą shųt’ı̨.

Ku beyé dı̨ghı̨ yatı hųlı̨ tth’aı bąne. Ku ɂeyı ɂëdırı sı:

  • Nǫnéshé chu jıe chogh łą ghą shųt’ı̨
  • Ku ber beyé łes nezų ghą shutı̨
  • Ber chu beye protein tth’ı ghą shųt’ı̨
  • Tu ttheré ghųdą la hones/zı ɂası ts’edą hadé

Ku ɂeją tth’aı k’e tąnısı ɂąsı nǫneshé chu jıe chogh (broccoli, carrots, tsąłchogh, ɂëdzıɂasé, t’ąchaı lahot’ı̨ chu dełtthogh peppers, ɂabąłdzaghé, cabbage delk’os, spinach, ɂı̨tosolé, lıbada, squash chu peas t’ąchaı lahot’ı̨) Ku ɂeyı k’aɂų hadé protein ber k’esı ɂası sı, (ber, dıh chu ɂëłk’ech’a dłıe nı̨ t’ąchaı tsıe, ɂëghesé, tofu chu tth’u yogurt, łue chu beans sı). Ku honesı́ tth’aı k’é łes ɂëłk’ech’a ɂa ɂası holı̨ sı (łes beye łes nezų, pasta beye łes nezų heł, tł’ogh la, quinoa delk’os, tł’oghla ɂëjedelé lahot’ı̨).

Ku t’a na yatı́ holı̨ hadé łesdı̨ ɂëłk’ech’a yatı́ heł sı t’a boret’ı̨ k’e.

Ku ɂëdırı yatı k’edaghé boret’ı̨ sı:

Dëne sughua ghená hadé ber t’a nezų tth’ı ɂa nezų ha.

Ku ɂeją t’atthe boret’ı̨, Ku t’a beghą shenetı̨ sı hotıé boghųłnı̨ la.

Ku na hulta k’e hadé, Holą ber kǫłt’eth la.

Ku ɂeją na boret’ı̨ k’I, Ber tth’ı holą bekółt’eth la.

Ku ɂëja tth’aı ye ber boret’ı̨.

Ku t’a dı̨ghı̨ hultá hadé, Ber benorųt’ı̨ la.

Ku ɂëja t’a boret’ı̨ dëne ɂëła shelyı sı.

Ku t’a sǫlaghé hultá hadé, Dëne hel shųtı̨ hoketł’a.

Ku ɂeją t’a boret’ı̨ k’ı́ dëne ɂeła sheylyı́ sı.

Ku ją sǫlaghe hulta k’I, t’a ber ye ɂası hųlı̨ sı detł’ıs sı bek’eyǫłtı́ la.

Ku ɂëją dëne bela boret’ı̨ nake tsątsątıle hutǫ sı. Ku bek’edetł’ıs sı t’a beyé ber hųlı̨ ghą.

Ku t’a ɂık’etaghe hulta k’ı, Ber beye deddhaı, sugá huto tłes natser ha hoghúłnı̨ la

Ku ɂëją t’a boret’ı̨ k’ı be kat’eth ghą sı, pizza, jıetué, ɂëjedelé chu hot dog sı.

Ku t’a łęsdı̨ t’ahodı k’I, Ber ghą honı̨ hotıé boghųłnı̨ la.

Ku ɂeją t’a boret’ı̨ dene bets’ı̨ phone k’e ber ghą ɂası nełɂı̨h sı computer chu k’é.

Report a problem or mistake on this page
Please select all that apply:

Thank you for your help!

You will not receive a reply. For enquiries, contact us.

Date modified: