ᐃᖃᓗᐃᑦ ᑕᐃᒪᐃᑑᔪᑦ ᑐᓴᒐᒃᓴᑦ ᐊᔾᔨᖑᐊᓪᓗ ᐃᔾᔪᔪᑦ

ᑐᓴᒐᒃᓴᑦ ᐊᔾᔨᖑᐊᓪᓗ ᑕᑯᑎᑦᑎᓯᒪᔪᑦ ᖃᓄᐃᓕᖓᔫᓂᖏᓐᓂᒃ ᑐᑭᓯᓇᖅᓯᑎᓯᒪᓪᓗᑎᒃ ᐊᕙᑎᖏᓐᓂᒃ ᐊᒻᒪᓗ ᐃᓄᐃᑦ ᐊᒃᑐᐃᓂᖏᑦ ᐃᖃᓗᐃᑦ ᐅᓄᕐᓂᖏᓐᓂᒃ. ᑕᐃᑲ ᖁᓛᓂ ᓴᐅᒥᐊᓂ ᑎᕆᖁᐊᓂ ᑎᑎᕋᖅᓯᒪᔪᑦ ᐊᔾᔨᓕᐅᖅᓯᒪᔪᓪᓗᒃᓗ ᓇᓗᓇᐃᖅᓯᒪᔪᖅ ᑕᐃᒪᓗ ᐊᖕᒪᓗᖅᓯᓯᒪᕕᒋᔪᑦ ᐊᔾᔨᖑᐊᑦ ᐃᖃᓗᐃᑦ ᐊᒻᒪᓗ ᐅᓗᖑᐊᖓ. ᐅᑯᐊ ᐱᓯᒃᓯᖑᐊᑦ ᑎᒃᑯᐊᖅᓯᓯᒪᔪᑦ ᐊᒻᒧᑦ ᐊᔾᔨᖑᐊᖏᓐᓄᑦ ᐃᖃᓗᐃᑦ ᐸᓂᖅᓯᖅᑐᑦ ᐱᑦᓯᑦ ᐃᓄᐃᑦ ᓄᓇᖓᓂ. ᓴᓂᐊᓂ ᐊᖕᒪᓗᖅᑕᒥ ᑎᑎᕋᖃᖅᖢᓂ ᐃᒪᓐᓇᐃᓕᖓᓪᓗᓂ, “ᐱᓯᐲᑦ, ᑎᑎᑏᑦ, ᐊᕿᕐᕉᔭᒃᓴᖅ”. ᐊᑖᓂ ᐊᔾᔨᖑᐊᑦ ᓇᓗᓇᐃᒃᑯᑕᐅᓪᓗᑎᒃ ᐃᖃᓗᑉ ᑭᓱᖏᓐᓂᒃ ᐊᒻᒪᓗ ᐃᖃᓗᑉ ᐅᖅᓱᖓᓂᒃ. ᑎᑎᖃᑦ ᓴᓂᐊᓂ ᐅᖃᓕᒫᕆᐊᖃᖅᖢᑎᒃ “ᓂᕿᑦᑎᐊᕙᐅᓂᖓ ᑕᐃᒪᓐᓇᐅᔪᖅ- ᑕᒪᐃᓐᓄᑦ, ᓱᕈᖅᓯᒪᔪᖅ ᖃᓅᑎᒋᓂᖓ ᐃᖃᓗᖕᓂ ᐊᑦᑎᒃᑑᔪᖅ, ᐊᒻᒪᓗ ᐊᓯᕈᖃᑦᑕᕐᓂᖓ ᐊᓯᕈᓐᓇᓗᐅᖃᑦᑕᕋᓂ ᑖᒃᑯᓇᖓᓪᓕ ᓯᑑᓲᓂᑦ ᑕᕆᐅᕐᒧᑦ. ᐊᐅᐸᖅᑐ ᐃᖃᓗᐃᑦ ᓂᕿᖓ ᑕᐃᒪᓐᓇᐅᔪᖅ ᐳᐃᔨᓂᑦ ᑖᒃᑯᓂᖓ ᓂᕿᖃᖅᑐᓂᒃ ᑕᐃᒫᒃ ᓂᕆᔭᐅᓂᐊᕐᒪᑕ. ᐃᖃᓗᐃᑦ ᓂᕿᑦᑎᐊᕙᐅᔪᑦ ᐅᖅᓱᑦᑎᐊᕙᐅᔪᑦ-3 ᑎᒥᒧᑦ ᐃᑲᔫᑎᓂᖓ.” ᖁᓛᓂ ᑕᓕᖅᐱᐊᓂ ᑎᕆᖁᐊᓂ ᑐᓴᒐᒃᓴᑦ ᐊᔾᔨᖑᐊᓪᓗ ᑎᑎᖃᖓ ᐃᒪᓐᓇᐃᓕᖓᓪᓗᓂ” ᐊᒥᓱᑦ ᑕᐃᒪᓐᓇᐅᑎᑦᑎᔪᑦ ᐋᕿᒃᓯᓯᒪᕙᒃᑐᑦ ᐅᐸᒍᓐᓇᖅᑕᒥᖕᓂᑦ, ᐊᑐᐃᓐᓇᐅᔪᓂᑦ, ᓂᕿᑦᑎᐊᕙᖕᓂᑦ, ᐊᒻᒪᓗ ᓄᖑᐸᓪᓕᐊᓂᖏᑦᑐᑦ ᐃᖃᓗᐃᑦ.” ᐊᑖᓂ ᑎᑎᕋᖅᓯᒪᔪᖅ ᐃᒪᐃᓐᓇᐃᓕᖓᓪᓗᓂ “ᓯᓚᐅᑉ ᐅᖂᓂᖓ ᐊᓯᕈᖅᑐᖅ” ᐊᒻᒪᓗ ᐊᔾᔨᖑᐊᖅ ᓯᕿᓂᖅ ᓯᕿᓐᓂᖅᑐᖅ ᓴᓂᐊᓂ ᑎᑎᖃᖅᑐᑦ. ᐊᑖᓂ ᐊᔾᔨᖑᐊᑦ ᓄᕗᔭᖑᐊᑦ ᐊᒻᒪᓗ ᒪᖁᒃ ᐊᒻᒪᓗ ᐊᓄᕆ. ᐅᓇ ᑎᑎᕋᖅᓯᒪᔪᖅ ᐃᒪᓐᓇᐃᓕᖓᓪᓗᓂ “ᐊᓄᕆ” ᐊᒻᒪᓗ “ᐆᓇᕐᓂᖓᓄᑦ ᒪᓴᒃᓯᒪᓂᖓ ᓯᓚᐅᑉ” ᐊᒻᒪᓗ “ᐅᖂᓯᕙᓪᓕᐊᔪᖅ ᓯᓚᕗᑦ ᐊᒃᑐᐃᔪᖅ ᐃᒪᑦᑎᐊᕙᖕᓂ ᐆᒪᔪᓂᒃ, ᑖᒃᑯᖓᓗ ᑰᒡᕕᐅᓗᐊᕈᓐᓃᕐᒪᑕ.”

ᐊᑖᓂ ᐊᔾᔨᖑᐊᖅᑕᖃᖅᑐᑦ ᐱᓯᒪᓂᖃᖅᑐᓂᒃ ᓄᓇᑐᐃᓐᓇᒥᒃ, ᓯᓈᖓᓂᒃ ᐊᒻᒪᓗ ᐃᒪᕕᖕᒥᒃ. ᐅᑯᐊ ᓄᓇᑐᐃᓐᓇᐃᑦ ᐊᔾᔨᖑᐊᖃᖅᑐᑦ ᐃᓄᐃᑦ ᓄᓇᖃᑎᒌᑦ ᐃᒡᓗᒥᖕᓂ, ᐃᓄᐃᑦ ᐊᒻᒪᓗ ᕿᒻᒦᑦ ᐊᒻᒪᓗᑦᑕᐅᖅ ᐃᖃᓗᖕᓂᒃ ᐸᓂᖅᓰᕕᑦ ᐱᑦᓯᓕᐅᖅᑐᑦ. ᐅᑯᐊ ᐊᔾᔨᖑᐊᑦ ᐱᓯᒪᓂᖃᖅᑐᑦ ᐱᒻᒪᕆᐅᓂᖓᓂᒃ ᐃᖃᓗᐃᑦ ᓄᓇᖅᑲᖅᑳᖅᓯᒪᔪᑦ ᐱᐅᓯᕆᔭᖏᑦ ᐃᒻᒪᑲᓪᓛᓗᖕᓂᑦ. ᐅᓇ ᓄᓇᑐᐃᓐᓇᖅ ᐊᔾᔨᖑᐊᖃᖅᑐᖅ ᐱᓯᒪᓂᖃᖅᑐᓂᒃ ᑕᓯᕐᓂᒃ ᐊᒻᒪᓗ ᑰᖕᓂᒃ ᐊᒻᒪᓗ ᐃᖃᓗᐃᑦ. ᐊᔾᔨᖑᐊᖏᑦ ᐃᓄᐃᑦ ᐱᓯᒪᓂᖃᖅᑐᑦ ᐃᓄᐃᑦ ᐅᑯᐊ ᐃᖃᓗᒐᓱᓲᑦ ᐃᒪᕕᖕᒥᑦ ᐊᑐᖅᓯᓪᓗᑎᒃ ᐃᖃᑖᓂᒃ ᐊᒻᒪᓗ ᐃᖃᓗᒐᓱᓲᑦ ᑰᖕᓂ ᑲᑭᕙᖕᒥᒍᑦ ᐅᑯᐊᑦᑕᐅᖅ ᒫᓐᓇ ᐊᑐᖅᑕᐅᔪᑦ. ᐅᑯᐊᓗ ᐱᖓᓱᑦ ᐃᓄᖑᐊᑦ ᓗᐊᑦᑎᔪᑦ ᕿᔪᖕᓂᒃ ᐃᑯᐊᓚᑎᓐᓂᐊᖅᑕᒥᖕᓂᒃ. ᑲᑎᖓᔪᑦ ᐃᓚᖃᖅᖢᑎᒃ ᐃᓐᓇᑐᖃᕐᓂᒃ, ᓄᑕᕋᖅ ᐊᒻᒪᓗ ᓰᖁᖓᔪᖅ ᐊᖑᑎ ᓇᖃᑎᕆᓪᓗᓂ ᐃᖃᓗᓵᖅᑕᒥᓂᒃ. ᐊᔾᔨᖑᐊᑦ ᐱᓯᒪᓂᖃᖅᑐᑦ ᑐᓂᓯᕙᒃᑲᑦᑕ ᖃᐅᔨᒪᓂᕐᒥᒃ ᐃᖃᓗᒃᑎᒍᑦ ᐊᒻᒪᓗ ᐃᖃᓗᐃᑦ ᖃᓄᐃᓕᖓᓂᖏᑦᑎᒍᑦ ᐊᒻᒪᓗ ᐊᑐᖅᑕᐅᔪᖅ ᑕᐃᒪᖓᓂᑦ ᐃᓅᓯᓕᒫᒥᖕᓂ ᑕᐃᒪᖓᓂᑦ.

ᐊᑖᓂ ᐊᔾᔨᖑᐊᖅᑕᖃᖅᑐᑦ ᐱᓯᒪᓂᖃᖅᑐᓂᒃ ᓄᓇᑐᐃᓐᓇᒥᒃ ᓴᕿᔮᖅᑐᖅ ᐊᔾᔨᖑᐊᖅ ᐱᓯᒪᓂᖃᖅᑐᖅ ᐃᒪᕕᖕᒥ ᑐᖑᔪᖅᑕᐅᓪᓗᓂ ᑕᖅᓴᖅ ᑐᓄᐊᓐᓂ. ᓴᓂᐊᓂ ᐊᔾᓕᖑᐊᖅ ᓱᕋᑦᑎᓯᒪᔪᖅ ᓯᑯᑦ ᐳᒃᑕᓛᖅᑐᑦ ᐃᒪᕕᖕᒥ ᑎᑎᕋᖅᓯᒪᔪᖃᖅᖢᓂ ᐃᒪᐃᓐᓇᐃᓕᖓᔪᒥᒃ “ᖃᖓᒃᑯᑦ ᓯᑯᐃᔭᓲᖑᓂᖓ”. ᖁᓛᓂ ᑎᑎᕋᖃᖅᖢᑎᒃ ᐃᒪᓐᓇᐃᓕᖓᔪᖅ “ᐊᓯᕈᖅᑐᑦ ᓯᓚ ᐊᒃᑐᐃᔪᖅ ᐃᖃᓗᒐᓱᒋᐊᕐᕕᑦᑎᓐᓂᒃ.” ᐊᔾᔨᖑᐊᑦ ᑕᕆᐅᖅ ᒪᓪᓕᖑᐊᖅᑐᖅ ᐃᓚᖃᖅᖢᓂ ᑎᑎᖃᓂᒃ ᐃᒪᐃᓕᖓᓪᓗᑎᒃ “ᑕᕆᐅᖅ ᖃᓄᐃᑦᑑᓂᖏᑦ”. ᐊᑖᓂᑦᑎᐊᖅ ᐊᔾᔨᖑᐊᖅ ᐱᓯᒪᓂᖃᖅᑐᖅ ᓄᓇᑐᐃᓐᓇᒥᒃ ᐊᔾᔨᖑᐊᖃᖅᖢᓂ ᐃᖃᓗᒃ ᒪᔪᖅᑐᖅ ᑰᒃᑯᑦ ᑎᑎᕋᖅᓯᒪᔪᖃᖅᖢᓂ “ᓵᒪᓐ ᐹᕈᓐᓇᖅᑐᑦ ᐅᑭᐅᖅᑕᖅᑐᖅ ᐃᖃᓗᖏᓐᓂᒃ ᑕᒪᐃᓐᓂ ᐃᒪᑦᑎᐊᕙᖕᓂ ᐊᒻᒪᓗ ᑕᕆᐅᕐᒥᐅᑕᐃᑦ”. ᐊᑖᓂ ᐊᔾᔨᖑᐊᖅᑕᖃᖅᑐᖅ ᐅᒥᐊᖅ ᒪᑦᑎᑕᐅᑎᓕᕆᔪᖅ ᐃᖃᓗᒃᑕᖃᖅᖢᑎᒃ ᒪᑦᑎᓯᒪᔪᒥᒃ ᐊᒻᒪᓗ ᐃᒪᐃᓕᖓᓪᓗᓂ “ᓵᒪᓐ ᐱᔭᐅᖃᑦᑕᓕᖅᑐᑦ ᒪᑦᑎᑕᐅᑎᓃᖃᑦᑕᓕᕐᒥᔪᑦ ᐅᑭᐅᖅᑕᖅᑐᑉ ᐃᖃᓗᖏᓐᓄᑦ ᐃᖃᓗᒐᓱᖑᑕᐅᔪᓄᑦ.” ᑕᓕᖅᐱᐊᓂ ᕿᑎᐊᓂ ᑐᓴᒐᒃᓴᖅ ᐊᔾᔨᖑᐊᓕᒃ ᐊᔾᔨᖑᐊᖅᑕᖃᖅᖢᓂ ᓇᓗᓇᐃᒃᑯᑕᖓᑦ ᐃᖃᓗᖕᖑᐊᖅ. ᐅᓇ ᖁᓛᒍᑦ ᐃᒪᐃᓕᖓᓪᓗᓂ “ᓴᖑᒍᑕ ᐃᑎᓂᖅᓴᓄᑦ ᐃᖃᓗᒍᓐᓇᐃᓕᓂᖅᓴᐅᓂᐊᖅᑐᒍᑦ” ᑎᑎᕋᖅ ᐃᒪᐃᓕᖓᒋᓪᓗᓂ ᓴᓂᐊᓂ “ᐊᓯᕈᖅᐸᑦ ᐃᖃᓗᖃᖅᑐᑦ ᐊᑐᖅᑕᐅᔪᑦ” ᐊᒻᒪᓗ ᓴᕿᑎᑦᑎᐊᖅᓯᒪᔪᖅ ᐊᑖᓂ “ᐃᓚᖏᑦ ᐃᖃᓗᐃᑦ ᓅᑦᑐᓐᓇᖅᑐᑦ ᐃᑎᓂᖅᓴᓄᑦ ᐊᒻᒪᓗ ᐅᖓᓯᖕᓂᖅᓴᓄᑦ ᐃᒪᕕᖕᒥ ᐊᐅᔭᒃᑯᑦ ᐱᔾᔪᑎᒋᓪᓗᒍ ᓯᓚᐅᑉ ᐅᖂᓂᖓ ᐊᓯᕈᖅᐸᓪᓕᐊᓂᖓᓄᑦ.”

ᓴᐅᒥᐊᓂ ᑐᓴᒐᒃᓴᖅ ᐊᔾᔨᖑᐊᖅ ᑎᑎᖃᖏᑦ ᐃᒪᐃᓕᖓᓪᓗᑎᒃ “ᐹᖅᓯᖃᑦᑕᖅᐳᑦ ᑕᑯᓕᒪᓇᓐᖏᑦᑐᓂᒃ ᐆᒪᔪᓂᒃ” ᐊᑖᓂ ᐊᔾᔨᖑᐊᖅᑕᖃᐅᖅᖢᓂ ᐃᖃᓗᖕᓂᒃ ᓇᓗᓇᐃᖅᓯᓯᒪᔪᖅ ᓵᒪᓐ ᐊᒻᒪᓗ ᐆᒐᐃᑦ ᐱᓯᒃᓯᖑᐊᖅ ᑕᐃᑲᖔᖅᖢᓂ ᐊᔾᔨᖑᐊᖓᓂᑦ ᑎᒃᑯᐊᖅᓯᒪᓪᓗᓂ ᑰᖕᒧᑦ ᓄᓇᑐᐃᓐᓇᒥ ᐊᒻᒪᓗ ᐱᖃᑖ ᐱᓯᒃᓯᖑᐊᖅ ᑎᒃᑯᐊᖓᓪᓗᓂ ᐊᔾᔨᖑᐊᖓᓄᑦ ᒥᑭᓐᓂᖅᓴᖅ ᐃᖃᓗᒃ. ᑎᑎᕋᖅᓯᒪᔭᖓ ᐃᒪᓐᓇᐃᓕᖓᓪᓗᓂ “ᓂᕿᖏᑦ ᐃᖃᓗᐃᑦ ᐊᓯᕈᕈᓐᓇᖅᑐᑦ ᑕᐃᒪᓗ ᐆᒐᐃᑦ ᐅᓄᕐᓂᖅᓴᐅᓕᖅᐸᑕ” ᐊᒻᒪᓗ “ᓵᒪᓐ ᓂᕿᖃᕐᒥᖕᒪᑕ ᑖᒃᑯᓂᖓ”. ᐊᑖᓂ ᑎᑎᕋᖅᓯᒪᔪᖅ ᐃᒪᐃᓕᖓᒋᓪᓗᓂ “ᓵᒪᓐᑕᖃᖃᑦᑕᕐᓂᖅᓴᐅᓕᖅᑐᖅ ᑲᓇᑕᐅᑉ ᐅᑭᐅᖅᑕᖅᑐᐊᓂ ᐊᒻᒪᓗ ᐊᒥᓲᓂᖅᓴᐃᑦ ᓵᒪᓐ ᐊᔾᔨᒌᓐᖏᑦᑐᑦ ᐱᑕᖃᖃᑦᑕᓕᖅᑐᑦ”. ᖃᒡᓕᒃᑲᓐᓂᖅᖢᒍ ᕿᑎᐊᓄᑦ ᑐᓴᒐᒃᓴᖅ ᐊᔾᔨᖑᐊᖃᖅᑐᖅ ᑕᐃᒪᐅᕗᑦ ᐊᔾᔨᖑᐊᖏᑦ ᓇᓗᓇᐃᖅᓯᔾᔪᑎᖃᖅᑐᑦ ᐃᒡᓕᒐᖅ ᐊᒻᒪᓗ ᑎᑎᕋᖅᓯᒪᔪᖃᖅᖢᓂ ᐃᒪᐃᓕᖓᔪᓂᒃ “ᕿᒥᕐᓗᖃᓐᖏᑦᑐᑦ ᐃᒪᕐᒥᐅᑕᐃᑦ (ᒥᑭᔪᑦ, ᑭᖑᑦ-ᐊᔾᔨᖃᓴᖏᑦ ᓂᕐᔪᑎᑦ) ᐱᒻᒪᕆᐅᔪᑦ ᓂᕿᒋᔭᐅᖕᒪᑕ ᐃᖃᓗᖕᓂᑦ ᓇᒥᑐᐃᓐᓇᖅ” ᐊᒻᒪᓗ “ᐃᖃᓗᒃ ᓂᕆᓲᖅ ᐊᔾᔨᒌᓐᖏᑦᑐᓂᒃ ᐃᒻᒥᖕᓂᒃ ᓂᕿᖃᖅᑐᓂᒃ” ᐅᓇ ᐱᓯᒃᓯᖑᐊᖅ ᑕᐃᑲᖔᖅᑐᖅ ᐃᒡᓕᒐᖅ ᑎᒃᑯᐊᖅᓯᒪᓪᓗᓂ ᐊᔾᔨᖑᐊᖓᓄᑦ ᐃᖃᓗᒃ ᓇᓗᓇᐃᒃᑯᑕᖅ ᓂᕿᒋᖕᒪᒍ ᐱᓯᐊᓂᐅᓪᓗᓂ ᐃᖃᓗᖕᒧᑦ ᑕᕆᐅᕐᒥ ᕿᒥᕐᓗᖃᓐᖏᑦᑐᑦ ᐆᒪᔪᑦ ᑭᖑᕋᓛᑦ. ᑕᒫᓂ ᑕᓕᖅᐱᐊᓂ ᐊᑖᓂ ᑎᕆᖁᐊᓂ ᐊᔾᔨᖑᐊᖅ ᓇᓗᓇᓗᓇᐃᖅᓯᔾᔪᑎᖓ ᐃᒪᕕᒃ ᑕᐃᑲᓂᓗ ᐊᔾᔨᖑᐊᑦ ᐃᖃᓗᐃᑦ ᐱᓯᒃᓯᖑᐊᒥᒃ ᑐᓄᐊᓂ ᑎᒃᑯᐊᖅᓯᒪᔪᖅ ᖁᒻᒧᑦ ᐊᒻᒪᓗ ᑕᑯᑎᑦᑎᓯᒪᔪᖅ ᐃᒪᐃᓕᖓᔪᓂᒃ “ᓂᒡᓚᓱᖕᓂᖅᓴᒦᑐᒪᕙᖕᒪᑕ ᐃᒪᕐᓂ ᐃᑲᔫᑎᔪᓐᓇᕐᒪᑦ ᐃᖃᓗᖕᓄᑦ ᐅᓄᖅᓯᕙᓪᓕᐊᖏᓐᓇᕐᓗᑎᒃ.”

ᑭᖑᓪᓕᖅᐹᖓᓂ ᑐᓴᒐᒃᓴᖅ ᐊᔾᔨᖑᐊᓕᖕᒥ ᐃᓂᖃᖅᑐᖅ ᐊᑖᓂ ᐊᔾᔨᖑᐊᖅ ᐃᒪᕕᒃ ᓴᕿᔮᖅᑐᖅ ᐃᖃᓗᒃᓴᐅᓂᖓᓂᑦ ᐃᖃᓗᕈᖅᓯᒪᓂᖓᓄᑦ ᐋᑎᒃ ᓵ. ᐅᓇ ᓴᐅᒥᐊᓂ ᑎᕆᖁᐊᓂ ᑎᑎᕋᖅᓯᒪᔪᖅ ᐃᒪᐃᓕᖓᓪᓗᓂ “ᐋᑎᒃ ᓵ ᐃᖃᓗᒃᓴᐅᓂᖓᓂᑦ ᐃᖃᓗᕈᖅᓯᒪᓂᖓᓄᑦ” ᐊᑖᓂ ᐊᔾᔨᖑᐊᖅᑕᖃᖅᖢᓂ ᓇᓗᓇᐃᒃᑯᑕᖅ ᓄᓇᑐᐃᓐᓇᒥᒃ ᑕᓯᕐᓂᒡᓗ ᐊᒻᒪᓗ ᐊᔾᔨᖑᐊᖃᖅᖢᓂ ᐃᒪᕕᒃ. ᐊᔾᔨᖑᐊᖅ ᓇᓗᓇᐃᖅᓯᒪᔪᖅ ᐃᕕᓵᕈᕐᓂᒃ ᑕᑯᑎᑦᑎᓯᒪᔪᖅᑕᐅᖅ ᐊᔾᔨᖑᐊᖓᓂ ᐃᖃᓗᒃᓴᐅᓂᖓᓂᑦ ᐱᒋᐊᖅᓯᒪᓪᓗᓂ ᐋᑎᒃ ᓵ ᐃᖃᓗᐃᑦ ᓱᕙᖏᓐᓂᑦ ᒥᑭᔫᓚᐅᖅᖢᑎᒃ ᐃᖃᓗᒐᐅᓚᐅᖅᖢᑎᒃ, ᐊᖏᓂᖅᓴᐅᓕᖅᖢᑎᒃ ᐊᒻᒪᓗ ᐃᓐᓇᕈᖅᖢᑎᒃ, ᐊᒻᒪᓗ ᓱᕙᖃᓕᕐᓂᐊᓕᕆᓪᓗᑎᒃ ᐃᖃᓗᐃᑦ. ᑎᑎᕋᖅᓯᒪᔪᖅ ᓴᓂᐊᓂ ᐊᔾᔨᖑᐊᖓᓂ ᐃᒪᐃᓕᖓᓪᓗᓂ “ᐃᓚᖏᑦ ᑕᒫᓂᕐᒥᐅᑕᐃᑦ ᐊᒻᒪᓗ ᐃᕕᓵᕈᐃᑦ ᐋᑎᒃ ᓵ ᐃᒪᑦᑎᐊᕙᖕᒦᖏᓐᓇᐅᔭᖅᑐᑦ ᑎᓱᕙᓐᖏᑦᑐᑦ”. ᓴᓂᐊᓂ ᐊᔾᔨᖑᐊᖅ ᑕᓯᖑᐊᖅ ᑯᕕᔪᖅ ᐃᒪᕕᖕᒧᑦ. ᐃᖃᓗᐃᑦ ᑕᐃᑲᖓᓂᑦ ᓱᕙᐅᓪᓗᑎᒃ ᒪᓐᓂᐅᓪᓗᑎᒃ ᑎᑭᐅᑎᓪᓗᒍ ᒥᑭᔪᑦ ᐃᖃᓗᐃᑦ, ᐊᖏᓂᖅᓴᐃᓪᓗ ᐃᖃᓗᐃᑦ ᐊᒻᒪᓗ ᐃᓐᓇᐃᑦ, ᓱᕙᖃᓕᕆᓪᓗᑎᒃ ᐃᕐᓂᐅᕐᓂᐊᓕᖅᑐᑦ ᓴᕿᔮᖅᑐᑦ ᑕᓯᕐᒥ ᐊᒻᒪᓗ ᑎᑎᕋᖅᓯᒪᔪᑦ ᐃᒪᐃᓕᖓᓪᓗᑎᒃ “ᐅᑭᐅᒥ ᐃᒪᑦᑎᐊᕙᒃ” ᐱᖃᑖ ᐃᓅᓯᖏᓐᓂᒃ ᐊᓯᐊᒍᑦ ᐃᓚᖓᒍᑦ ᑕᓯᖅ ᐊᒻᒪᓗ ᑯᒃ ᐅᕕᔪᖅ ᑕᓯᕐᒥᑦ ᐃᒪᕕᖕᒧᑦ. ᑖᓐᓇ ᐱᓯᒃᓯᖑᐊᖅ ᑕᐃᑲᖔᖅᑐᖅ ᐊᔾᔨᖑᐊᖏᓐᓂᑦ ᐃᖃᓗᐃᑦ ᒪᓐᓂᖏᑦ ᓱᕙᐃᑦ ᑎᒃᑯᐊᖅᓯᒪᓪᓗᓂ ᐊᔾᔨᖑᐊᖏᓐᓄᑦ ᒥᑭᓐᓂᖅᓴᐃᑦ ᐃᖃᓗᐃᑦ ᐅᑯᐊᓗ ᐃᒪᕕᖕᒧᖓᐅᔪᑦ ᑕᐃᑲᓂ ᐱᕈᑦᑎᐊᕐᓂᐊᕋᒥᒃ ᐊᒻᒪᓗ ᐅᑎᕐᓗᑎᒃ ᑕᓯᕐᒧᑦ ᕿᑐᕐᖏᐅᕐᓂᐊᕋᒥᒃ ᐊᒻᒪᓗ ᐃᓱᓕᓪᓗᒍ ᐃᓅᓯᖏᓐᓄᑦ. ᐅᓇ ᑎᑎᕋᖅᓯᒪᔪᖅ ᐃᒪᐃᓕᖓᔪᖅ ᖁᓛᓂ “ᐅᑭᐊᒃᓵᖅ ᒪᔪᕐᓂᐊᖅᑐᑦ”. ᐊᔾᔨᖑᐊᖅ ᐃᓄᖑᐊᖅ ᑕᐃᑲᓃᑦᑐᖅ ᑰᖓᓂ ᐃᖃᓗᒐᓱᒃᑐᖅ ᓇᓗᓇᐃᖅᓯᓯᒪᔪᖅ ᐃᓄᐃᑦ ᓂᕿᖃᕐᒪᑕ ᐃᖃᓗᖕᓂᒃ. ᐅᓇ ᑎᑎᕋᖅᓯᒪᔪᖅ ᐃᒪᐃᓕᖓᔪᖅ ᐊᑖᓂ “ᐅᐱᕐᖔᒃᑯᑦ ᒪᔪᖅᑐᑦ”. ᑕᒫᓂ ᐃᒪᕕᖕᒥ ᐃᓚᖓᓂ ᐊᔾᔨᖑᐊᖅ ᐃᖃᓗᐃᑦ ᐊᒻᒪᓗ ᐅᒥᐊᖅ ᐃᓄᒃᑕᖃᖅᖢᓂ. ᐅᓇ ᑎᑎᕋᖅᓯᒪᔪᖅ ᐃᒪᐃᓕᖓᔪᖅ “ᑕᕆᐅᕐᒥᑦ ᒪᔪᖅᑐᑦ ᐋᑎᒃ ᓵ ᕿᑐᕐᖏᐅᕆᐊᖅᑐᑦ ᐊᒻᒪᓗ ᐅᑭᐅᕐᓂᐊᖅᑐᑦ ᐃᒪᑦᑎᐊᕙᖕᒥ ᓇᔪᕐᓗᑎᒃ” ᐊᒻᒪᓗ “ᐊᐅᔭᖅ ᑕᕆᐅᕐᒥ ᓂᕆᓲᖏᑦ”