ᐊᕙᑎᕗᑦ ᐊᓯᕈᖅᑐᖅ ᒥᐊᓂᕆᔾᔪᑎᖏᑦ ᐃᔾᔪᔪᖅ

ᑐᓴᒐᒃᓴᑦ ᐊᔾᔨᖑᐊᓪᓗ ᑕᑯᑎᑦᑎᓯᒪᔪᑦ ᐱᔭᕐᓂᖅᑐᕈᖅᑎᓪᓗᒋᑦ ᐱᓕᕆᔾᔪᓯᑦ ᐊᕙᑎᒥᒃ ᒥᐊᓂᕆᓗᓂ. ᑖᓐᓇ ᓴᐅᒥᐊᓂ ᑎᕆᖁᐊᓂ ᑎᑎᕋᖅᓯᒪᔪᖅ ᐃᒪᐃᓕᖓᓪᓗᓂ “ᑲᓇᑕᐅᑉ ᐅᑭᐅᖅᑕᖅᑐᐊᑕ ᐊᕙᑎᖓ ᒥᐊᓂᕆᔭᐅᔪᖅ ᐊᒥᓱᓂᒃ ᐃᓄᖕᓂᑦ ᐊᑐᖅᓯᓪᓗᑎᒃ ᐊᒥᓱᓂᒃ ᐊᔾᔨᒌᓐᖏᑦᑐᓂᒃ ᓴᓇᕐᕈᑎᓂᒃ, ᑕᒪᕐᒥᒃ ᓄᓇᒥ ᐊᒻᒪᓗ ᑕᕆᐅᕐᒥ.” ᐊᑖᓂ ᐊᔾᔨᖑᐊᖅᑕᖃᖅᖢᓂ ᖃᖓᑕᓲᖑᐊᖅ ᑎᑎᕋᖅᓯᒪᔪᖃᖅᖢᓂ “ᖃᖓᑕᓲᖅ”, ᓴᓂᐊᓂ ᑎᑎᕋᖅᓯᒪᔪᖅ “ᓯᓚᓐᓂᐊᕐᑎᑦ” ᐊᔾᔨᖑᐊᖓ ᓇᓗᓇᐃᖅᓯᔪᖅ ᓯᓚᓐᓂᐊᖅᑎᓂᒃ, ᐊᒻᒪᓗ ᐊᔾᔨᖑᐊᖅ ᖃᖓᑦᑕᖅᑎᑕᐅᓯᒪᔪᒥᒃ ᐊᒻᒪᓗ ᖁᓕᒥᒎᓕᖑᐊᖅ ᐊᔾᔨᓕᐅᕈᑎᓕᒃ ᑎᑎᕋᖅᓯᒪᔪᖃᖅᖢᓂ “ᖃᖓᑦᑕᖅᑎᑕᐅᓯᒪᔪᑦ ᐊᒻᒪᓗ ᖁᓕᒥᒎᓕᖑᐊᑦ ᐊᔾᔨᓕᐅᕈᑎᑦ”. ᐊᑖᓂ ᐊᔾᔨᖑᐊᖅ ᓄᓇᑐᐃᓐᓇᖅ ᑐᒃᑐᑕᖃᖅᖢᓂ, ᑰᒃᑐᑦ ᑰᑦ ᐊᒻᒪᓗ ᐊᐱᓯᒪᔪᑦ ᕿᒥᐊᕐᔪᐃᑦ. ᑕᒫᓂ ᓴᐅᒥᐊᓂ ᐃᓄᖑᐊᖅ ᓴᓂᐊᓃᑦᑐᖅ ᓂᐅᖅᑑᑎᑦ ᓇᓗᓇᐃᖅᓯᓯᔪᖅ ᖃᐅᔨᓴᕈᑎᑖᕋᓱᒃᑐᑦ ᕿᕿᔪᒥᒃ ᐊᐅᒍᓐᓇᓐᖏᑦᑐᒥᒃ. ᐅᓇ ᑎᑎᕋᖅᓯᒪᓪᓗᓂ ᐃᒪᐃᓕᖓᓪᓗᓂ “ᕿᕿᔪᑦ ᐊᒍᓐᓇᓐᖏᑦᑐᓄᑦ ᒥᐊᓂᕆᕕᑦ”. ᑕᒫᓂ ᑕᓕᖅᐱᐊᓂ ᐊᔾᔨᖑᐊᖅᑕᖃᖅᖢᓂ ᐃᓄᐃᑦ ᐃᒡᓗᖏᑦ ᐃᖃᓗᖕᓂᒃ ᐸᓂᖅᓰᕕᓕᑦ ᐱᑦᓯᓂᒃ, ᕿᒻᒦᑦ, ᖃᒧᑕᐅᔭᐃᑦ ᐊᒻᒪᓗ ᐃᓐᓇᑐᖃᐃᑦ ᐃᓕᓐᓂᐊᖅᑎᑦᑎᔪᑦ ᓄᑕᖃᓂᒃ. ᐅᓇ ᐊᔾᔨᖑᐊᖅ ᓇᓗᓇᐃᖅᓯᓯᒪᔪᖅ ᑐᓂᓯᔪᓐᓇᕋᑦᑕ ᖃᐅᔨᒪᓂᕐᒥᒃ ᐊᕙᑖᓂᑦ ᐅᑭᐅᖃᑎᒌᓐᖏᑦᑐᑦ ᐃᓄᐃᑦ ᓄᓇᑐᖃᖏᓐᓂ. ᑕᒫᓂ ᑕᓕᖅᐱᐊᓂ ᓯᓈᖓᓂ ᐊᔾᔨᖑᐊᖓ ᐃᓄᖑᐊᖅ ᓇᓗᓇᐃᖅᓯᔾᔪᑎ ᖃᐅᔨᓴᖅᑎᓂᒃ ᐊᒻᒪᓗ ᐃᓄᖕᓂ ᐊᐅᓪᓚᕈᔾᔨᕙᒃᑐᓂᒃ ᖃᒧᑕᐅᔭᒃᑯᑦ ᓴᓂᐊᓂ ᑖᒃᑯᐊ ᓇᓗᓇᐃᖅᓯᓯᒪᔪᖅ ᖃᐅᔨᓴᕐᓂᖅ ᐊᒻᒪᓗ ᓯᑯ ᒥᐊᓂᕆᔭᐅᓂᖓ. ᑎᑎᕋᖅᓯᒪᔪᖅ ᐃᒪᐃᓕᖓᓪᓗᓂ “ᓄᓇᒥ ᓴᓇᔩᑦ ᓯᓈᖓᓃᑦᑐᑦ”. ᕿᑎᐊᓂ ᓄᓇᑐᐃᓐᓇᖅ ᐃᓄᐃᑦ ᐊᖑᓇᓱᒃᑎᑦ ᐊᒻᒪᓗ ᒪᒃᑯᒃᑐᑦ ᓇᖏᖃᑎᒌᒃᑐᑦ ᓴᓂᐊᓂ ᓂᕿᖓ ᑐᒃᑐ. ᑎᑎᕋᖅᓯᒪᔪᖅ ᐃᒪᐃᓕᖓᓪᓗᓂ “ᐊᖑᓇᓱᒃᑎᑦ ᖃᐅᔨᓴᕈᑎᑖᓲᖑᕗᑦ”. ᑕᒫᓂ ᑕᓕᖅᐱᐊᓂ ᐊᖑᓇᓱᒃᑎᑦ ᐊᔾᔨᖑᐊᖏᑦ ᐱᕈᖅᑐᑦ ᓄᓇᕋᐃᑦ ᓄᓇᑐᐃᓐᓇᒥ ᐊᒻᒪᓗ ᐃᓄᖑᐊᖅ ᓇᓗᓇᐃᖅᓯᓯᒪᔪᖅ ᖃᐅᔨᓴᖅᑎᓂᒃ ᖃᐅᔨᓴᖅᑐᑦ ᐱᖁᖅᑐᓂᒃ ᓄᓇᕋᕐᓂᒃ. ᑎᑎᕋᖅᓯᒪᔪᖅ ᓴᓂᐊᓂ ᐃᒪᐃᓕᖓᓪᓗᓂ “ᐱᕈᖅᑐᑦ ᒥᐊᓂᕆᕕᖏᑦ”. ᐊᑖᓂ, ᒪᕐᕉᒃ ᐃᓄᖕᖑᐊᒃ ᐃᖃᓗᒐᓱᒃᑐᑦ ᑰᖕᒥ ᐊᒻᒪᓗ ᐃᒪᕕᖕᒥ ᐊᑐᖅᖢᑎᒃ ᑲᑭᕙᖕᒥᒃ ᐊᒻᒪᓗ ᐃᖃᑦᑕᐅᑎᒥᒃ. ᐊᔾᔨᖑᐊᖓ ᐅᒥᐊᖅ ᖄᖓᓂ ᐃᒪᕕᐅᑉ ᐊᑖᓃᓪᖢᓂ ᐊᔾᔨᖑᐊᖓᑕ ᓄᓇᑐᐃᓐᓇᖅ. ᐅᒥᐊᖅ ᒪᑦᑎᑕᐅᑎᓕᕆᔪᖅ ᐃᖃᓗᒃᑕᖃᖅᖢᑎᒃ ᒪᑦᑎᑕᐅᑎᖏᑦ ᐊᒻᒪᓗ ᐊᓯᖏᑦ ᐃᖃᓗᐃᑦ ᐃᒫᓃᑦᑐᑦ ᓴᓂᐊᓂ. ᐅᓇ ᑎᑎᕋᖅᓯᒪᔪᖅ ᓴᓂᐊᓂ ᐅᒥᐊᖅ ᐃᒪᐃᓕᖓᔪᖅ “ᓄᓇᓖᑦ ᐃᖃᓗᒐᓱᒍᑎᖏᑦ ᐅᒥᐊᑦ”. ᑕᒫᓂ ᑕᓕᖅᐱᐊᓂ ᐊᔾᔨᖑᐊᖅᑕᖃᖅᖢᓂ ᖃᐅᔨᓴᕈᑎ ᑐᓵᔾᔪᑎ ᐃᒪᕕᐅᑉ ᐃᖃᖓᓂᒃ ᓂᐹᕿᔪᖅ ᖃᐅᔨᑎᑦᑎᔪᖅ ᐊᒻᒪᓗ ᐊᔾᔨᖑᐊᖓ ᑲᓇᑕᐅᑉ ᐅᒥᐊᕐᔪᐊᖏᑦ ᐱᓐᖏᖕᓇᖅᑐᓕᕆᔨᒃᑯᑦ ᓯᐅᓯᐅᑎᑦ ᖃᐅᔨᓴᕈᑖ ᐅᒥᐊᕐᔪᐊᖅ. ᑎᑎᖃᑦ ᐃᒪᐃᓕᖓᓪᓗᑎᒃ ᐊᑖᓂ “ᐃᖃᖓᓂ ᖃᐅᔨᓴᖅᑐᑦ ᑕᕆᐅᖅ ᓇᑎᖓᓂᒃ” ᐊᒻᒪᓗ “ᖃᐅᔨᓴᕈᑎ ᐅᒥᐊᕐᔪᐊᖅ”. ᐊᑖᓂ ᐊᔾᔨᖑᐊᑦ ᑎᓴᒪᑦ ᑎᑎᕋᖅᓯᒪᔪᖃᖅᑐᑦ ᐃᒪᐃᓕᖓᓪᓗᑎᒃ:

ᖃᖓᑦᑕᖅᑎᑕᐅᓯᒪᔪᑦ ᓵᑎᓚᐃᑦ: ᖃᖓᑦᑕᖅᑎᑕᐅᓯᒪᔪᓄᑦ ᐊᔾᔨᖑᐊᑦ ᐊᒻᒪᓗ ᖃᐅᔨᓴᕈᑎᑖᑦ ᑕᒪᒃᑯᓂᖓ ᐊᖏᔪᓂᒃ ᓄᓇᓂ ᐊᒻᒪᓗ ᐊᑯᓚᐃᑦᑐᒥᒃ ᐊᑐᖅᑕᐅᔪᖅ, ᑕᑯᑎᑦᑎᔪᖅ ᐊᓯᕈᕐᓂᖓᓂ ᑕᒪᐃᓐᓂ ᓄᓇᖓᓂᒃ.

ᓄᓇ ᐊᒻᒪᓗ ᐃᒪᑦᑎᐊᕙᒃ: ᓄᓇ ᐊᒻᒪᓗ ᐃᒪᑦᑎᐊᕙᒃ ᒥᐊᓂᕆᔭᐅᔪᑦ ᑕᒪᕐᒥᒃ ᐆᒪᔪᑦ ᐱᕈᓲᓪᓗ (ᐱᕈᖅᑐᑦ ᐊᒻᒪᓗ ᓂᕐᔪᑎᑦ) ᐊᒻᒪᓗ ᐆᒪᓐᖏᑦᑐᑦ ᐃᓚᖏᑦ ᓄᓇᖓᓂ.

ᐃᒪᕕᒃ ᐊᒻᒪᓗ ᑕᕆᐅᖅ ᓯᑯᐊ: ᐃᒪᕕᒃ ᒥᐊᓂᕆᔭᐅᕙᒃᑐᑦ ᐃᓚᖃᖅᖢᑎᒃ ᓴᓇᕐᕈᑎᑦ ᐅᕝᕙᓘᓐᓃᑦ ᓄᐊᑦᑎᔾᔪᑎᑦ ᐃᒪᖓᓂᒃ ᖃᐅᔨᓴᕈᑎᑖᖅᖢᑎᒃ.