Trichinella in Arctic and Northern Canada (Inuktitut)

ᓂᕐᔪᑎᓄᑦ ᖁᐱᕐᕆᓂᖅ (ᖁᐱᕐᕈᖅ `ᓇᑎᕙ) ᖁᐱᕐᕈᐃᑦ ᐆᒪᔫᖃᑎᒥᓂᒃ ᐆᒪᕕᖃᕐᓂᖅ ᐊᒃᑐᐃᖃᑦᑕᖅᑐᑦ ᐃᒪᕐᒥᐅᑕᑦ ᓂᕐᔪᑎᓂᒃ, ᐊᒻᒪ ᐃᓚᖏᓐᓂ ᑎᖕᒥᐊᓂ ᐊᒻᒪ ᐊᓯᖏᓐᓂ `ᐅᒪᔪᓂ. ᐅᑭᐅᖅᑕᖅᑐᒥ ᐊᒻᒪ ᖁᑦᑎᖕᓂᖅᓴᖅ ᑲᓇᑕᒥ, ᖁᐱᕐᕈᖅ ᖃᐅᔨᒪᔭᐅᔪᖅ ᐊᒃᑐᐃᖃᑦᑕᕐᒪᑦ ᐊᔾᔨ`ᒋᖏᑦᑐᓂᒃ ᓂᕐᔪᑎᓂ, ᐃᓚᐅᓪᓗᒋᑦ ᐊᐃ`ᕕᑦ, ᓇᓄᐃᑦ, ᑎᕆᒐᓂᐊᑦ, ᐊᒪᕈᑦ, ᐊᒻᒪ ᐊᓯᖏᑦ ᓂ ᐃᒪᕐᒥᐅᑕᑦ ᓄᓇᒥᐅᑕᓪᓗ. ᓱᖏᐅᑎᓯᒪᔪᖅ ᐅᑭᐅᖅᑕᖅᑐᒥ ᖃᓄᐃᓐᓂᖓᓄᑦ, `ᐅᒪᔪᓐᓇᖅᖢᓂ ᖁᐱᕐ`ᕈᔭᖅ ᐊᒃᑐᐃᓯᒪᔪᖅ ᓄᑭᓂᒃ ᐱᔭᕆᔭᐅᓯᒪᔪᑐᖃᐅᓕᖅᑎᓪᓗᒍ ᓂᕐᔪᑎ, ᖁᐊᕋᓗᐊᖅᑎᓪᓗᒍᓗ. ᐃᓄᐃᑦ ᓂᕆᖃᑦᑕᖅᑐᑦ `ᐅᓯᒪᖏᑦᑐᓂ, ᖁᐊᕐᓂ, ᐅᒡᕙ`ᓗᓐᓂ`ᑦ ᓂᕿ ᖁᐱᕐᕆᓯᒪᒃᐸᑦ `ᐊᓐᓂᐊᓕᕈᑕᐅᔪᓐᓇᖅᑐᖅ ᐊᑎᖃᖅᑐᖅ ᖁᐱᕐᕆᓯᒪᔪᖅ (ᐃ`ᓚᓐᓂ ᑕᐃᔭᐅᔪᖅ ᖁᐱᕐᕆᓯᒪᓂᖅ) ᓂᕆᔪᖃᕐᓂᖅᐸᑦ ᖁᐱᕐᕆᓯᒪᔪᒥ.

2017 ᖑᑎᓪᓗᒍ, ᓄᓇᕗᑦ ᓯᓚᑦᑐᖅᓴᕐᕕᒃ ᐊᒻᒪ ᓄᓇᕗᑦ ᑐᖓᕕᒃᑯᑦ (NTI) ᐱᓕᕆᖃᑎ`ᒋᒃᓯᒪᔪᑦ ᖁᐱᕐᕆᓯᒪᓂᖅ ᖃᐅᔨᓴᕐᓂᕐᒧᑦ ᐱᓕᕆᓂᖅ, ᐃᖅᑲᓇᐃᔭᖅᑎᖃᕐᖢᑎᒃ ᖃᐅᔨᓴᖅᑕᐅᔾᔪᓯᖅ ᐋᖅᑭᒃᑕᐅᔪᖅ ᑲᓇᑕᒥ ᓂᕿᓂᒃ ᖃᐅᔨᓴᖅᑎᒃᑯᓐᓂ, (CFIA) ᖃᐅᔨᓴᐃᕙᒃᑐᑦ ᖁᐱᕐᕆᓯᒪᔪᓂᒃ ᓂᕐᔪᑎᑦ ᓄᑭᖏᑦᑕ ᓄᑭᖏᓐᓂ. `ᑕᓐᓇ ᐱᓕᕆᐊᖅ ᐊᐅᓚᑕᐅᔪᖅ ᐊᑕ`ᖏᓪᓗᓂ ᓄᓇᓕᐅᔪᓄᑦ, ᐃᓚᐅᓪᓗᑎᒃ ᓄᓇᕗᑦ ᖃᐅᔨᓴᖅ`ᑎᑦ ᐊᒻᒪ ᓄᓇᕗᑦ ᑐᖓᕕᒃᑯᑦ ᖃᐅᔭᓴᖅᑎᑦ ᐃᓕᓐᓂᐊᖅᑎᑦᑎᓪᓗᑎᒃ ᐊᒻᒪ ᐱᓕᕆᑎᑦᑎᓪᓗᑎᒃ ᒪᒃᑯᒃᑐᓂᒃ, ᐃᓕᓐᓂᐊᖅᑎᓂᒃ, ᖃᐅᔨᓴᖅᑎᓂᒃ, ᐊᒻᒪ ᐃᓚᐅᔪᒪᔪᑦ ᐱᓕᕆᐊᖑᔪᒥ. ᖃᐅᔨᓴᖅ`ᑎᓪᓗ ᐱᓕᕆᖃᑦᑕᖅᑐᑦ ᐊᕐᕋᒍᑕ`ᒪᑦ ᐊᔪᖏᓐᓂᖃᕐᓂᕐᒧᑦ ᑐᓂᔭᐅ`ᓱᖅ ᑲᓇᑕᒥ ᓂᕿᓄᑦ ᖃᐅᔨᓴᖅᑎᓄᑦ. ᐊᔾᔨᐅᖏᑦᑐᒃᑯᑦ ᐱᓕᕆᖃᑎ`ᒋᖕᓂᒃᑯᑦ, ᖃᐅᔨᓴᖅᑎᒻᒪ`ᕆᑦ ᐊᒻᒪ ᐊᖑᓇᓱᒃ`ᑎᑦ ᓄᓇᕗᓕ`ᒪᒥ ᐱᓕᕆᖃᑎ`ᒋᒃᑐᑦ ᐃᑲᔪᖅᑎ`ᒋᒃᖢᑎᒃ ᖁᐱᕐᕆᖏ`ᕙᓪᓕᖅᑎᑦᑎᓇᓱᒃᖢᑎᒃ ᐊᒻᒪ ᐃᑲᔪᖅᖢᑎᒃ ᓄᓇᕗᒻᒥ ᐃᓄᒃᓯᐅᑎᓂ ᓂᕆᑦᑎᐊᖃᑦᑕᖁᔨᓪᓗᑎᒃ.

ᐅᖃᓕ`ᒪᑲᓐᓂᕈᓐᓇᖅᑐᑎᑦ ᓇᕿᓪᓗᒍ Nunavut Trichinella Diagnostic Program.

• ᑎᑎᕋᖅᓯᒪᔪᑦ

  Father: ᓇᑯᖅᐳᖓ ᐃᒫᓄᑦ ᑎᓱᙱᒻᒪᑦ ᐃᒫᕐᓂᖅᐸᓪᓕ ᑲᓕᒋᐊᖃᕋᔭᖅᐸᕗᑦ ᐊᖏᕐᕋᒧᑦ!

  Daughter: ᐱᑦᑎᐊᖅᐳᑎᑦ ᐊᑖᑖᒃ, ᐊᓈᓇᒐ ᖁᕕᐊᓐᓂᐊᓕᖅᑐᖅ.

  Father: ᐱᔭᕐᓂᙱᓐᓂᖓ ᐱᒋᐊᖅᐳᖅ! ᐊᐃᕝᕙᒃᑕᕗᑦ ᐱᓚᒋᐊᖃᓕᖅᐸᕗᑦ ᐅᒥᐊᕐᒧᓪᓗ ᐅᓯᓕᖅᓱᕐᓗᑎᒍᑦ! ᐊᖓᐃᑦ ᔫ ᖃᐃᒐᔭᙳᐊᓕᕋᓗᐊᖅᐳᖅ ᐃᑲᔪᕆᐊᖅᑐᕐᓗᓂ.

  Daughter: ᓱᓕᔪᖅᓴᑦᑎᐊᙱᒻᒪᕆᒃᐳᖓ ᐊᐃᕕᕋᑦᑕ ᓯᕗᓪᓕᖅᐹᕐᒥᒃ ᐃᓚᐅᓪᓗᖓ.

  Father: ᐃᓚᐅᔨᑦᑎᐊᕙᐅᒐᕕᖅᑲᐃ!

  Daughter: ᐊᓈᓇᑦᑎᐊᕋ ᒪᒪᖅᓴᖅᐳᖅ ᐊᐃᕕᕕᓂᕐᒥᒃ ᓴᙱᑦᑎᐊᕐᒪᑦ ᐆᒻᒪᕆᖕᓇᖅᑐᓂᓗ.

  Father: ᐄ, ᐃᓄᖕᓄᑦ ᓂᕿᑦᑎᐊᕙᒃ ᐃᓅᓕᓴᐅᑎᖃᑦᑎᐊᖅᑐᓂ ᐅᖅᓱᑦᑎᐊᕆᒃᑐᓂᓗ. ᐃᓄᐃᑦ ᐅᐊᑦᑎᐊᕈᐊᓗᓂᑦ ᐊᐃᕕᕐᒥᒃ ᓂᕿᖃᓕᖅᐳᑦ.

  Daughter: ᐊᑖᑖᒃ ᐃᓕᓐᓂᐊᕐᕕᑦᑎᓐᓂ ᐅᖃᖃᑦᑕᖅᐳᑦ ᐊᐃᕕᒡᒎᖅ ᓇᓄᐃᓪᓗ ᐃᓇᓗᐊᖏᒍᑦ ᖁᒪᖃᓲᖑᔪᑦ ᐅᓄᖕᓄᓪᓗ ᐋᓐᓂᐊᓕᕈᑕᐅᔪᓐᓇᖅᐳᑦ.

  Father: ᐄᓛᒃ, ᐃᓚᖏᑦ ᐊᐃᕖᑦ ᓇᓄᐃᓪᓗ ᖁᒪᖃᓲᑦ. ᖃᐅᔨᓴᑦᑎᐊᕆᐊᖃᕐᓂᐊᖅᑐᒍ ᐅᓇ ᐊᐃᕝᕙᒃᑕᕗᑦ ᖁᒪᖃᙱᒃᑲᓗᐊᕐᒪᖔᑦ ᓂᕆᓚᐅᙱᓐᓂᑦᑎᓐᓂ.

  Daughter: ᑕᑯᙱᑦᑕᖓᓕ ᖁᒪᖕᓂᒃ!

  Father: ᑕᑯᔭᒃᓴᐅᙱᒃᑲᓗᐊᖅᐸᑕ ᖁᒪᖃᑐᐃᓐᓇᕆᐊᓕᒃ. ᖃᐅᒃᐸᑦ ᐆᒪᔪᕐᓂᐊᖅᑎᑦᑯᑦ ᐊᓪᓚᒡᕕᖓᓐᓅᓛᖅᑐᒍᑦ ᐅᖃᖃᑎᖃᕆᐊᖅᑐᕐᓗᑕ ᐸᐅᓗᓯᒥᒃ. ᓂᕿ ᓂᓪᓚᕐᒦᑎᓐᓂᐊᖅᑕᕗᑦ ᑕᑯᔭᖅᑐᓚᐅᙱᓐᓂᑦᑎᓐᓂ. ᐅᕙᑦᑎᓐᓂᒃ ᖃᐅᔨᑎᑦᑎᓂᐊᖅᑐᖅ ᓂᕿ ᖁᒪᖃᙱᒃᑲᓗᐊᕐᒪᖔᑦ.

  Pauloosie: ᑐᓴᓚᐅᖅᑐᖓ ᐃᑉᐸᒃᓴᕉᖅ ᐊᐃᕝᕙᒃᑐᕕᓂᐅᔪᑎᑦ… ᓂᕆᐅᒋᖅᑲᐅᕙᒋᑦ!

  Father: ᐄ, ᐸᓂᒐ ᓯᕗᓪᓕᖅᐹᕐᒥᒃ ᐃᓚᐅᔭᕆᐅᓚᐅᖅᑐᖅ ᐱᑦᑎᐊᓚᐅᖅᐳᒍᓪᓗ!

  Pauloosie: ᐊᓕᐊᓇᐃᑦ – ᓇᒃᓴᖅᐱᑦ ᖃᐅᔨᓴᒐᒃᓴᒥᒃ?

  Father: ᐋᒃᑲᐃ ᐋᒃᑲ ᓱᓕ – ᖃᐅᔨᒪᖅᑲᐅᙱᓐᓇᑦᑕ ᑭᓱᐊᓂᒃ ᐱᔭᕆᐊᖃᕐᒪᖔᖅᐱᑦ.

  Pauloosie: ᐊᓱ. ᑕᕝᕙ ᑐᓂᓯᔪᓐᓇᖅᑕᒋᑦ ᖃᐅᔨᓴᕆᐊᓕᖕᒧᑦ ᐴᕐᒥᒃ ᖃᐃᓐᓂᐊᖅᑕᐃᓪᓗ ᐅᖃᖓ.

  Daughter: ᐊᐃᕖᑦ ᐅᖃᖃᕐᒪᑕ?

  Father: ᐄ ᐸᓃᒃ ᐅᖃᕐᓂᓪᓗ ᐊᖏᓂᖅᓵᓗᖕᒥᒃ.

  Pauloosie: ᖃᐅᔨᓴᒐᒃᓴᒧᑦ ᐴᖅ ᐊᒡᒑᓕᒃ ᐊᑐᕐᓂᐊᖅᑕᕐᓂᒃ ᐅᖃᖓ ᐲᓕᕈᕕᐅᒃ. ᐅᖃᓕᒫᖓ ᐱᔭᕆᐊᖃᕋᑦᑎᒍᑦ ᑕᖏᕆᐊᕐᓂᐊᖅᐸᑦ. ᐅᖃᖓ ᐴᕐᓂᐊᖅᑕᐃᑦ ᐆᕗᖓ ᐴᕐᒧᑦ ᑕᑕᑎᕆᐊᓕᖏᓪᓗ ᑭᐅᓗᒋᑦ, ᑕᑕᑎᕆᐊᓖᑦ ᐴᖃᓯᐅᑎᓂᐊᖅᑕᑎᑦ ᖃᐃᔾᔪᑎᓗᒍᓗ.

  Father: ᐅᕙᓂ ᖃᐅᔨᓴᖅᐸᒃᐱᑦ?

  Pauloosie: ᐋᒃᑲᐃ ᐃᖃᓗᖕᓄᑦ ᓇᒃᓯᐅᑎᕙᒃᑕᕗᑦ… ᐱᔭᐅᓚᐅᖅᑎᓪᓗᒍ ᐅᓪᓗᐃᓐᓇᖅ ᒪᕐᕉᒡᓘᓐᓃᒃ ᖃᐅᔨᑎᑕᐅᕙᒃᑐᒍᑦ ᖁᒪᖃᙱᒃᑲᓗᐊᕐᒪᖔᑦ. ᐊᒻᒪᓗ, ᓂᕆᑦᑕᐃᓕᑲᓚᐅᖅᓯᐅᒃ ᖃᐅᔨᓴᕐᕕᖕᒥᑦ ᑐᓴᖅᑎᑕᐅᓚᐅᙱᓐᓂᑦᓯᓐᓂ.

  Daughter: ᖃᓄᖅ ᖃᐅᔨᓴᖅᑕᐅᓲᖑᖕᒪᑕ?

  Pauloosie: ᑭᖑᓪᓕᖅᐹᒥᒃ ᐃᖃᓗᓐᓃᒃᑲᒪ ᑕᑯᓂᐊᓚᐅᖅᑕᕋ! ᑲᒪᓇᐅᔭᖅᑐᒥᒃ ᖃᐅᔨᓴᓲᑦ.

  ᖃᐅᔨᓴᖅᑎᑦ ᑎᑭᕝᕕᐅᔭᕌᖓᑕ ᓂᕿᒥᒃ ᓱᕋᑦᑎᕆᓲᑦ ᐊᓕᒍᕐᒧᓪᓗ ᐴᖅᑲᖅᑕᐅᓪᓗᓂ ᐃᒪᓕᖕᒧᑦ, ᓯᖁᑦᑎᕆᔾᔪᑎᒥᒡᓗ ᐃᓚᔭᐅᓪᓗᓂ ᐊᒻᒪᓗ ᐊᕿᐊᕉᑉ ᓯᖁᑦᑎᕈᑎᖓᓂ ᐱᐊᑉᓴᓐᖑᓂᕋᖅᑕᐅᔪᒥᒃ, ᑕᐃᒫᒃᑕᐅᖅ ᓂᕆᔭᕗᑦ ᐊᕿᐊᕈᑦᑎᓐᓂ ᓱᕋᑦᑎᖅᑕᐅᓲᖑᖕᒪ.

  ᑖᓐᓇ ᖃᐅᔨᓴᖅᑕᐅᔪᖅ ᐆᓇᖅᑐᖃᐅᑎᒦᑎᑕᐅᓲᖅ 45°C-ᒥᒃ ᐆᓇᕐᓂᓕᖕᒥᒃ ᓂᕿ ᓱᕋᑦᑎᑦᑎᐊᒃᑲᓐᓂᖁᓪᓗᒍ. ᑕᐃᒫᒃ ᖁᒪᖃᖅᐸᒃ ᓴᖅᑭᑎᑕᐅᓲᑦ. ᑕᐃᒫᒃ ᓂᕆᔭᐅᓐᓂᖅᐸᑦ ᖁᒪᓕᒃ ᓯᖁᑦᑎᕋᔭᕐᒥᖕᒪᑦ ᐊᕿᐊᕈᑦᑎᓐᓂ.

  ᑕᐃᒪ ᐆᓇᖅᑐᖃᐅᑎᒦᓚᐅᕐᓗᓂ, ᖃᐅᔨᓴᖅᑎᒧᑦ ᐃᒪᖓ ᑯᕕᔭᐅᓲᖅ ᖃᓪᓗᓈᖅᑕᓕᖕᒧᑦ ᐊᓕᒍᑯᑖᖕᒧᑦ. ᐊᓕᒍᕐᒦᑎᑕᐅᓲᖅ ᐃᑲᕐᕋᐅᑉ ᐊᕝᕙᖓᓂᒃ, ᒥᑭᓂᖅᓴᒧᓪᓗ ᑯᕕᔭᐅᓕᕆᓪᓗᓂ, ᐊᒻᒪᓗ ᐲᖅᓯᔪᖃᓲᖅ ᐴᕐᓂᐊᖅᑐᒥᒃ ᐅᖁᕐᒧᑦ ᐱᕈᓰᕕᖕᒧᑦ ᖁᒪᖃᖅᐸᑦ ᓴᖅᑮᔾᔪᑕᐅᓂᐊᖅᑐᒥᒃ. ᖃᐅᔨᓴᖅᑎ ᕿᙳᒻᒥᒐᐅᑎᒧᑦ ᕿᓂᓕᓲᖅ ᖁᒪᖃᕐᒪᖔᑦ.

  ᓇᓂᓯᒃᐸᑕ ᖁᒪᓂᒃ ᑕᒪᓐᓇ ᓇᓗᓇᐃᖅᑕᐅᓲᖅ, ᖃᐅᔨᓴᐅᑎᖏᓐᓂᒡᓗ ᐅᐊᓴᐃᓕᓲᖅ ᑕᒪᒃᑯᓂᖓᓗ ᓵᓂᒃ ᐊᒻᒪᓗ ᐊᒡᒐᖏᒃ ᐅᐊᓴᖅᑐᓂᒋᒃ ᐊᓂᓂᐊᓕᖅᐸᑦ ᖃᐅᔨᓴᕐᕕᖕᒥᑦ. ᑐᓴᖅᑎᑦᑎᓲᑦ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᓂᒃ ᑕᐃᒃᑯᐊᓗ ᐊᐃᕝᕙᓚᐅᖅᑐᓂᒃ ᑐᓴᖅᑎᑦᑎᓲᑦ ᖁᒪᖃᖅᐸᑦ ᐱᐅᙱᓐᓂᖓᓂᒃ ᒥᑭᒐᐅᓗᓂ ᐊᐃᐸᒃᐸᓪᓘᓐᓃᑦ.

  ᓇᓂᓯᙱᑉᐸᑕ ᖁᒪᓂᒃ ᖃᐅᔨᓴᖅᑕᒥᓂᒃ ᑐᓴᖅᑎᑦᑎᓲᑦ ᓂᕿᐅᑉ ᖁᒪᖃᙱᓐᓂᖓᓂᒃ!

  Daughter: ᖃᓄᐃᓕᒐᔭᖅᐱᑕᓕ ᐊᐃᕝᕙᒃᑕᕗᑦ ᖁᒪᖃᕐᓂᖅᐸᑦ?

  Pauloosie: ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔩᑦ ᐅᖃᐅᔾᔨᓲᑦ 'ᓂᕿ ᐆᑦᑎᑦᑎᐊᖅᓯᒪᔭᕆᐊᓕᒃ ᓂᕆᓂᐊᕐᓗᒍ ᐋᓐᓂᐊᓕᖁᓇᑎᑦ. ᖁᐊᖑᒐᓗᐊᖅᑎᓪᓗᒍ ᐃᒍᓇᐅᒐᓗᐊᖅᑎᓪᓗᒍ ᖁᒪᓂᒃ ᑐᖁᑎᑦᑎᔪᓐᓇᙱᑦᑐᖅ.'

  Father: ᐊᑏ ᓂᕆᐅᑦᑎᐊᓕᖅᑕ ᑐᓴᕐᓂᐊᖅᑕᑦᑎᓐᓂᒃ! ᓇᑯᖅᓴᖅᐳᖓ ᖃᐅᔨᓴᖅᑎᖃᓕᕋᑦᑕ ᐱᓐᓇᕆᔭᒃᑲ ᐋᓐᓂᐊᓕᖁᙱᓐᓇᒃᑭᑦ.

  Daughter: ᐄᓛᒃ ᐊᐃᕕᕕᓂᕐᒥᒃ ᒪᒪᖅᓴᕋᑦᑕ ᐊᒻᒪᓗ ᐊᑖᑕᒐᓗ ᖁᕕᐊᓱᓚᐅᖅᐳᒍᒃ ᑕᕆᐅᕐᒥ ᐆᒪᔪᕐᓂᐊᖅᑐᑕ… ᑭᓯᐊᓂᓕᑦᑕᐅᖅ ᐋᓐᓂᐊᓕᕈᒪᙱᑦᑐᖓ. ᐱᐅᓂᖅᓴᖅ ᐅᔾᔨᖅᓱᑦᑎᐊᕈᑦᑕ!

  Father: ᑕᐃᒫᑦᑎᐊᖅ ᐅᖃᖅᐳᑎᑦ ᐸᓂᑯᓘᒃ.