Aen zhawn’d Kenadaw li dawnchee eepayhkihtowin en plawn pishishkayischikaywin awpachischikan: En Michif-Awn Cree weehstamakaywin

PDF wayashtaywin

Weehstamakaywin kishkinawapachihchikaywin

Kenadaw sa Li dawnchee Keniwaymowin En plawn

Ooma Kenadaw sa Li dawnchee Keniwaymowin En plawn (CDCP) chi-weechihiwayw kaw-ashaynana aen tawd d'arzhawn muwnayshkawkaywina chikawschitinikawtayk li dawnchee keniwaymowin poor ishkou milyoon'd 9 Kenadaw sa zhi taen zhawnd.

Kashkistamawshoow Kishtayichikawtaywina

Chi-kashkistamawshoohk, pikou kiya chi-nakishkamin kahkiyuw oohin kishtayichikawtaywina:

• namoo kitayawn kawschitinamoowin li dawnchee l'aenseurawns
• keeshaykeewaystahikawn toon famee ikouhk larzhawn ka-kashkishchikayhk aykwawnima il i mwaen $90,000
• kiya Kenadaw sa zhi taen zhawnd poor li tax itayimouwina
• Kiya meena toon nasasyee/weekimakan (keeshpin ihtakwun) kee-poonistanawow tee tax li dokumawn didawn Kenadaw akousheeshi toon famee ikouhk larzhawn ka-kashkishchikayhk chikee wawpaschikawtayw poor avawn aen nawn.

Li dawnchee Keniwaymowin Pamihiwaywina

Mishtahi iyikouhk ouschi li dawnchee keniwaymowin pamihiwaywina tipahikawtaywa awnter ooma CDCP, aykwanwima ouschi kischeetayistamoowin ouschi itayimouwin ouschi la dawnchee nakahtoohkayw, avek:

• Manikawshkahikaywin (shipayhkistawhk)
• Examinee
• Shawpwawpamow
• Moushkinahtawin
• Chikounikawtaykihk lee dawn
• Li dawnchee li tretmawn
• Par yoel zapawrawnsyoon

Ooma CDCP chi-tipahikaywak en porsyoon itakistaywin, ouschipayiwin iyikohuk CDCP tipahikaywina pi toon famee ikouhk larzhawn ka-kashkishchikayhk.

Kaw-kee-tipahikawn ayiwawk itakischikaywina rawaylichi ishi la dawnchee nakahtoohkayw, keeshpin:

• toon famee ikouhk larzhawn ka-kashkishchikayhk si aykwawnima awnter $70,000 pi $89,999
• itakistaywin ouschi toon la sawntee keniwaymowin pamihiwaywina aykwanima ayiwawk iyikohuk CDCP tipahikaywina, keema
• kiya pi toon la dawnchee nakahtoohkayw, paray itayhtemawn pamihiwaywina aykwanwihi CDCP namoo tipahawm

Ooma CDCP pikou chi-tipahikayw rawaylichi ishi nakahtoohkaywa. CDCP lee mood chikee kayshchinahoowaychik ishpee see napwaenmawn avek meena avawn outistikouwin keniwaymowin aykwawnima sa nakahtoohkaywa kaw-kee-tipeyimoohk chi-ichaha la ishi bill Sunlife rawaylichi poor pamihiwaywina kaw-tipahikawtayk awnter ooma CDCP.

Li dawnchee keniwaymowin si aykwawnima aenportaan poor kahkiyow toon la sawntee pi miywayawin Waweput keewkaywin avek la dawnchee omamiyoow kee-kayschinakwun chi-awchiwinahk en risk ouschi lee dawn pooree, lee dawn kawkikwamouki awhkoushiwin pi kootak kawmshi-awhkoushiwina li troub tapsihkoot li cheur awhkoushiwina pi nipoowpayiwina.

Poor ayiwawk weestamakaywin ouschi CDCP pi kashkistamawshoow kishtayichikawtaywina, keewkay Canada.ca/dental