ᑲᓇᑕᐅᑉ ᒐᕙᒪᒃᑯᖏᑦ ᑐᓂᓯᓂᖏᑦ ᐃᓪᓗᐊᓗᒻᒥᑦ ᐊᐅᓚᑦᑎᓂᐊᕐᓗᑎᑦ ᐱᔨᑦᑎᕋᕐᓂᒃᑯᑦ ᑳᓐᑐᓛᑦᑕᐅᓗᑎᑦ ᑲᓇᑕᒥ ᖁᑦᑎᑦᑐᒥᑦ ᖃᐅᔨᓴᕐᕕᒻᒥᑦ, ᐱᕕᖃᖅᑎᑦᑎᓗᑎᓪᓗ ᐃᓄᓐᓂᑦ ᓇᒻᒥᓂᖃᐅᖅᑐᓂᒃ

De : Services publics et Approvisionnement Canada

Communiqué de presse

ᒪᐃ 25, 2021 - ᐃᖃᓗᑦᑑᑦᑎᐊᖅ, ᓄᓇᕗᑦ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᕐᓂᖅ ᓂᐅᕐᕈᑎᖃᕐᓂᒧᓪᓗ ᑲᓇᑕᒥ

ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᑐᐃᔪᒪᐃᓐᓇᕐᖓᑕ ᑲᓇᑕᒥ ᖁᑦᑎᑦᑐᒥ ᖃᐅᔨᓴᖅᑐᓕᕆᕕᒻᒥᑦ (CHARS) ᐃᖃᓗᑦᑑᑦᑎᐊᕐᒥ, ᓄᓇᕗᒻᒥ, ᖃᐅᔨᓴᕐᕕᐅᓂᐊᖅᑐᒥᑦ ᐃᓕᓐᓂᐊᑎᑦᑎᓂᐊᖅᑐᓂᓪᓗ ᐅᑭᐅᒐᓴᕐᓄᑦ, ᐱᕙᓪᓕᐊᑎᑦᑏᓐᓇᕐᓗᑎᓪᓗ ᐃᓄᐃᓐᓂ ᓄᓇᕗᒻᒦᑦᑐᓂᑦ ᓂᐅᕐᕈᑎᖃᕐᓂᕐᒥᑦ ᒪᓂᒪᔾᔪᑎᖃᖃᑦᑕᕐᓗᑎᑦ.

ᐅᓪᓗᒥᐅᔪᖅ, ᒥᓂᔅᑕ ᐊᓃᑕ ᐊᓈᑦ, ᒥᓂᔅᑕᕆᔭᐅᔪᖅ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᕐᓂᕐᒥᑦ ᓂᐅᕐᕈᑎᖃᕐᓂᒧᓪᓗ, ᓇᓗᓇᐃᖅᓯᓚᐅᖅᑐᖅ $33.4-ᒥᓕᐊᓂᒃ ᑳᓐᑐᓛᓂᒃ ᐊᐅᓚᑦᑎᓂᕐᒧᑦ ᐱᔨᑦᑎᓂᐊᕐᓗᑎᑦ ᑐᓂᔭᐅᓚᐅᖅᑐᖅ ᐊᐃᐳᓗ 30−ᒥ, 2021, ᓄᓇᕗᑦ ᐅᑭᐅᖅᑕᖅᑐᒥ ᐱᔨᑦᑎᕋᖅᑎᓄᑦ, ᖃᐅᓱᐃᑦᑐᒥ, ᓄᓇᕗᒻᒥ, ᐊᐅᓚᑦᑎᖃᑎᖃᖅᑐᑎᑦ. ᐃᓗᐊᓂ ᑳᓐᑐᓛᑉ, ᑎᒥᐅᔪᒥᑦ ᑲᒪᔪᖃᕐᓂᐊᖅᑐᖅ ᐊᐅᓚᑦᑎᓗᑎᑦ, ᐱᔨᑦᑎᕋᖃᑦᑕᕐᓗᑎᓪᓗ ᐃᑲᔪᖅᑐᐃᓗᑎᑦ ᐊᔾᔨᒌᓐᖏᑦᑐᓂᑦ ᐊᔾᔨᐅᖏᑦᑐᓂᑦ ᐊᐅᓚᑦᑎᒍᑎᐅᓂᐊᖅᑐᓂᒃ ᑲᓇᑕᒥ ᖁᑦᑎᑦᑐᒥ ᖃᐅᔨᓴᖅᑐᓕᕆᕕᒻᒥ (CHARS).

ᐊᑭᑦᑐᕋᐅᑎᓂᕐᒧᑦ ᐃᓱᖃᕐᖓᑕ ᐊᑎᓕᐅᖅᓯᒪᒋᐊᓖᑦ ᐃᓄᐃᑦ ᓇᒻᒥᓂᖃᖅᑎᐅᔪᑦ, ᒪᓕᒐᐃᑦ ᐱᔾᔪᑎᒋᓪᓗᒋᑦ ᐊᖏᕈᑎᓂᒃ ᑖᒃᑯᓂᖓ ᐃᓄᓐᓂᑦ ᓄᓇᕗᒻᒥᐅᑕᕐᓂᑦ ᐊᒻᒪᓗ ᑯᐃᑉ ᑭᒡᒐᖅᑐᐃᔨᖏᓐᓂ ᐱᔪᓐᓇᐅᑎᖏᑦ ᑲᓇᑕᒥ (ᓄᓇᕗᑦ ᐊᖏᕈᑎᖓ). ᐃᓚᒋᒻᒪᒍ ᑐᔅᓯᕋᐅᑎᒥ, ᓄᓇᕗᑦ ᐅᑭᐅᖅᑕᖅᑐᒥ ᐱᔨᑦᑎᕋᖅᑏᑦ ᐊᑐᐃᓐᓇᐅᑎᑦᑎᒋᐊᓖᑦ ᐃᓄᓐᓂᑦ ᐃᑲᔫᑎᖃᕐᓂᕐᒧ ᐸᕐᓇᐅᑎᒥᑦ ᐃᖅᑲᓇᐃᔭᖅᑎᖃᖃᑦᑕᕆᐊᖃᖅᑐᑎᑦ ᐃᓄᓐᓂᑦ, ᐱᓕᕆᖃᑎᖃᑦᑎᐊᕐᓗᑎᑦ ᐃᓄᓐᓂᑦ ᐱᓕᕆᔨᒻᒪᕆᓐᓂᑦ ᐱᔨᑦᑎᕋᖅᑎᓂᒃ, ᐊᑐᕐᓗᑎᑦ ᐃᓄᐃᑦ ᓱᓇᒃᑯᑖᖅᑖᕐᕕᖏᓐᓂ, ᐃᖅᑲᓇᐃᔭᖅᓯᓐᓈᖅ ᐃᓕᓐᓂᐊᑎᑦᑎᖃᑦᑕᕐᓗᑎᑦ, ᐊᓯᖏᓐᓂᓪᓗ ᐃᓕᓐᓂᐊᕆᐊᓕᖏᓐᓂ ᐃᓄᓐᓂᑦ ᐃᖅᑲᓇᐃᔭᖅᑎᓂᑦ ᐃᓕᓐᓂᐊᑎᑦᑎᓗᑎᑦ. ᑎᒥᐅᔪᖅ ᒪᓕᔅᓴᐃᓐᓇᕆᐊᓕᒃ ᓄᓇᕗᒻᒥ ᐃᑲᔫᑎᖃᕐᓂᕐᒧᑦ ᒪᓕᒐᖏᓐᓂ, ᐱᖃᓯᐅᔾᔨᓗᑎᓪᓗ ᐊᓪᓚᕕᒻᒥ ᐱᑕᖃᕆᐊᖃᕐᓂᖏᓐᓂ, ᐃᖅᑲᓇᐃᔭᖅᑎᖃᕐᓗᑎᑦ ᐊᓪᓚᑦᑎᓂᑦ ᐊᓯᖏᓐᓂᓪᓗ ᐃᓪᓗᕐᔪᐊᓂᑦ, ᐊᒻᒪᓗ ᐊᓯᖏᓐᓂ ᐊᓪᓚᕕᐅᔪᓂᒃ ᑳᑐᓐᓛᔅᓯᑲᓐᓂᕐᓗᑎᑦ, ᓄᓇᕗᑦ ᐃᓗᐊᓂ.

ᐱᓕᕆᖃᑎᖃᕐᓗᑎᑦ ᐊᐅᓚᑦᑎᔨᖏᓐᓂ ᐱᔨᑦᑎᕋᖅᑐᓂ ᓄᑖᕐᓂᑦ ᐱᔨᑦᑎᖃᑦᑕᓕᕐᓗᑎᑦ ᐅᐱᕐᖓᔅᓵᒥᑦ ᐊᐅᔭᒧᑦ 2021−ᒥ ᐊᒻᒪᓗ ᐱᔭᕇᕐᕕᔅᓴᖃᖅᑐᑎᑦ ᓰᑏᑉᐱᕆᒥ 30, 2021.

ᐅᖃᐅᓯᒥᓃᑦ

“ᑕᒪᓐᓇ ᑳᓐᑐᓛᒃ ᐋᖅᑭᓱᖅᑕᐅᓚᐅᖅᓯᒪᔪᖅ ᐱᖃᑕᐅᖁᔨᑦᑎᐊᖅᑐᑎᑦ ᐊᑎᓕᐅᖅᓯᒪᔪᓂᒃ ᐃᓄᓐᓂᑦ ᓇᒻᒥᓂᓕᓐᓂᑦ, ᒪᓕᑦᑎᐊᖅᑐᓂᓪᓗ ᓄᓇᕗᑦ ᐊᖏᕈᑎᖓᓐᓂ ᐊᒻᒪᓗ ᒐᕙᒪᒃᑯᑦ ᑎᓕᔭᐅᔾᔪᑎᖏᓐᓂ ᓂᐅᕐᕈᑎᖃᕐᓂᕐᒧᑦ ᓄᓇᕗᒻᒥ. ᐱᔨᑦᑎᕋᕐᓗᑎᑦ ᓄᑖᕐᒥᑦ ᑳᓐᑐᓛᖃᕐᓗᑎᑦ ᐃᑲᔪᕈᓐᓇᕐᓗᑎᑦ ᐱᕙᓪᓕᐊᓂᒃᑯᑦ ᐊᒻᒪᓗ ᐱᓕᕆᖃᑎᖃᑦᑎᐊᕐᓂᒃᑯᑦ ᐃᓄᓐᓂᑦ ᓇᒻᒥᓂᖃᖅᑎᐅᔪᓂᒃ ᐃᒻᒥᒃᑰᖅᑐᓂᓪᓗ.”

ᒥᓂᔅᑕ ᐊᓃᑕ ᐊᓈᑦ
ᒥᓂᔅᑕ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᕐᓂᕐᒧᑦ ᓂᐅᕐᕈᑎᖃᕐᓂᒧᓪᓗ

“ᑕᒪᓇ ᐱᒻᒪᕆᐅᓘᒻᒪᑦ ᑳᓐᑐᓛᖑᔪᖅ, ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᑐᐃᒻᒪᑕ ᐱᕙᓪᓕᐊᑎᑦᑎᓂᕐᒥᑦ ᐃᓕᓐᓂᐊᑎᑦᑎᒍᓐᓇᓂᖅᑖᕐᓗᑎᓪᓗ ᐃᖅᑲᓇᐃᔭᕐᓂᓪᓗ ᓴᖅᑭᔭᖅᑎᑦᑎᑲᓐᓂᕐᓗᑎᑦ. ᓄᓇᕗᒻᒥ ᐸᕐᓇᓯᒪᔪᑦ ᓴᓐᖏᔫᓇᓱᐊᕐᓗᑎᑦ ᐳᕝᕕᕆᓐᓈᓗᒻᒥ ᐊᓂᒍᐃᖁᔨᓪᓗᑎᑦ ᑕᒪᒃᑯᐊᓗ ᑲᓇᑕᒥ ᖁᑦᑎᑦᑐᒥ ᖃᐅᔨᓴᖅᑐᓕᕆᕕᒻᒥ (CHARS) ᐊᑐᐃᓐᓇᖃᐃᓐᓇᖅᑎᑦᑎᓗᑎᑦ ᐊᔾᔨᐅᖏᑦᑐᓂᑦ ᐃᓪᓗᕐᔪᐊᓂᑦ ᐱᔨᑦᑎᕋᐅᑎᓂᓪᓗ ᐊᕐᕌᒍᒐᓴᕐᓄᑦ ᐊᒡᒋᖅᑐᓄᑦ.”

ᒥᓂᔅᑕ ᑖᓐ ᕙᓐᑐ
ᒥᓂᔅᑕ ᐅᑭᐅᖅᑕᖅᑐᓕᕆᓂᕐᒧᑦ

“ᑖᓐᓇ ᑳᓐᑐᓛᒃ ᐊᑐᐃᓇᐅᑎᑦᑎᒻᒪᑦ ᑲᓇᑕᒥ ᖁᑦᑎᑦᑐᒥ ᖃᐅᔨᓴᕐᕕᒻᒥᑦ ᐃᖏᕐᕋᑦᑎᐊᖅᑐᒥᑦ, ᐱᐅᓂᖅᐹᖑᓗᓂᓗ ᐊᐅᓚᑦᑎᓂᒃᑯᑦ ᐱᔭᕆᐊᓕᖏᓐᓂ ᐊᔾᔨᐅᖏᑦᑐᓂᒃ ᐱᐅᓂᖅᐹᓐᓂᒃ ᖃᐅᔨᓴᕐᕕᐅᔪᒥᑦ ᐊᕐᕌᒍᓕᒫᑉ ᐃᓗᐊᓂ. ᑖᓐᓇ POLAR, ᖃᐅᔨᓴᕐᓂᕐᒥᑦ ᐱᓕᕆᖃᑎᖃᑦᑎᐊᕈᒪᔪᖅ ᓄᓇᖃᖅᑳᖅᑐᒥᓃᑦ ᖃᐅᔨᒪᔭᑐᖃᖏᓐᓂ ᖃᐅᔨᒪᔪᓂᒃ ᐊᒻᒪᓗ ᖃᐅᔨᓴᖅᑎᓂᒃ ᑲᓇᑕᒥ ᐊᓯᖏᓐᓂᓪᓗ.”

ᔭᓂᐳ ᕼᐊᐳᑦ
ᐊᖏᔪᖅᑳᖅ ᐃᖅᑲᓇᐃᔭᖅᑎᓄᓪᓗ ᐊᐅᓚᑦᑎᔨ, ᐅᑭᐅᖅᑕᖅᑐᒥ ᖃᐅᔨᒪᕐᓂᒧᑦ ᑲᓇᑕᒥ (POLAR)

ᓇᐃᓈᖅᓯᒪᔪᑦ ᐅᓂᒃᑳᑦ ᓱᓕᔪᑦ

ᓄᑖᑦ ᑳᓐᑐᓚᖑᔪᑦ ᐊᑭᑦᑐᕋᐅᑎᔪᓄᑦ ᓂᐅᕐᕈᑎᖃᕐᓂᕐᒧᑦ ᐃᓕᖅᑯᓯᐅᒐᔭᖅᑐᓂᒃ ᒪᓕᑦᑐᑎᑦ ᓄᓇᕗᑦ ᐊᖏᕈᑎᖓᓐᓂ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓂ ᑎᓕᓯᔾᔪᑎᖏᓐᓂ ᓂᐅᕐᕈᑎᖃᕐᓂᕐᒧᑦ ᐃᖏᕐᕋᓚᐅᖅᑐᖅ ᓄᓇᕗᒻᒥ. ᑳᓐᑐᓛᖅ ᐃᓱᖃᓚᐅᕐᖓᑦ ᐊᑎᓕᐅᖅᓯᒪᔪᓄᑦ ᐃᓄᓐᓄᑦ ᓇᒻᒥᓂᖃᖅᑎᐅᔪᓄᑦ ᐱᖃᑕᐅᓇᓱᐊᖅᑎᓪᓗᒋᑦ ᐊᑭᑦᑐᕋᐅᑎᓂᕐᒧᑦ. ᑭᒃᑯᑐᐃᓐᓇᕐᓂᑦ ᐱᔨᑦᑎᕋᕐᓂᕐᒧᑦ ᓂᐅᕐᕈᑎᖃᕐᓂᒧᓪᓗ ᑲᓇᑕᒥ (PSPC) ᑲᔪᓯᑎᑦᑎᑦᑎᐊᕆᐊᖃᕐᖓᑦ ᐱᔨᑦᑎᖃᐅᑎᓂᒃ ᒪᓕᑦᑐᒋᑦ ᑳᓐᑐᓛᖑᔪᑦ ᓄᑖᕐᓄᑦ ᑲᒪᓂᐊᓕᖅᑐᓄᑦ ᐊᒻᒪᓗ ᑳᓐᑐᓛᒃᑲᓐᓂᖅᑕᖏᓐᓄᑦ ᐱᕙᓪᓕᐊᓂᕐᒨᖓᓂᐊᖅᑐᑦ ᐊᒻᒪᓗ ᐱᓕᕆᖃᑎᖃᒃᑲᓂᕐᓗᑎᑦ ᐃᓄᓐᓂᑦ ᓇᒻᒥᓂᖃᖅᑎᐅᔪᓂᒃ ᐃᒻᒥᒃᑰᖅᑐᓂᓪᓗ.
ᑭᒃᑯᑐᐃᓐᓇᕐᓂᑦ ᐱᔨᑦᑎᕋᕐᓂᕐᒧᑦ ᓂᐅᕐᕈᑎᖃᕐᓂᒧᓪᓗ ᑲᓇᑕᒥ (PSPC) ᐱᓕᕆᖃᑎᖃᕐᓗᑎᑦ ᓄᓇᖃᖅᑳᖅᑐᒥᓂᕐᓂᑦ ᐱᔨᑦᑎᕋᖅᑎᓂᒃ ᑲᓇᑕᒥ ᐊᒻᒪᓗ ᑮᓇᐅᔭᓕᕆᔨᒃᑯᑦ ᑲᑎᒪᔨᖏᓐᓂ ᑲᓇᑕᒥ ᐊᓪᓚᕕᖓᓐᓂ ᒪᓂᒪᔾᔪᑎᖃᕐᓂᖅᓴᐅᖁᓪᓗᒋᑦ ᓄᓇᖃᖅᑳᖅᑐᒥᓂᕐᓄᑦ ᐊᑭᑦᑐᕋᐅᑎᖃᑕᐅᔪᓐᓇᕐᓗᑎᑦ ᒐᕙᒪᒃᑯᓐᓂ ᑳᓐᑐᓛᖏᓐᓂ. ᑐᕌᒐᕗᑦ ᑐᓂᓯᒍᓐᓇᕐᓗᑕ 5%−ᒥᑦ ᒐᕙᒪᑐᖃᒃᑯᑦ ᑳᓐᑐᓚᖏᓐᓂᓪ ᓇᒻᒥᓂᖃᖅᑎᐅᔪᓄᑦ ᐅᕝᕙᓘᓐᓃᑦ ᐊᐅᓚᑕᐅᔪᓄᑦ ᓄᓇᖃᖅᑳᖅᑐᒥᓂᕐᓄᑦ. ᒐᕙᒪᑐᖃᒃᑯᑦ ᑮᓇᐅᔭᓂᑦ ᐊᑐᖃᑦᑕᖅᑐᑦ $22 ᐱᓕᐊᓂᒃ (billion) ᐊᕐᕌᒍᑕᒪᑦ; ᑕᐃᒪᐃᓐᓂᖓᓐᓄᑦ, ᑲᔪᓯᑎᒐᓱᐊᕐᓗᒍ ᑕᒪᓐᓇ ᐊᖏᔪᐊᓘᒻᒪᑦ ᐱᕙᓪᓕᐊᔪᓕᕆᓂᖅ ᓄᓇᖃᖅᑳᖅᑐᒥᓃᑦ ᓇᒻᒥᓂᖁᑎᖏᓐᓄᑦ.
ᑲᓇᑕᒥ ᖁᑦᑎᑦᑐᒥ ᖃᐅᔨᓴᖅᑐᓕᕆᕕᒻᒥ (CHARS) ᐱᔨᑦᑎᕋᖅᐸᑦᑐᑦ ᐊᓪᓚᕕᖓᓐᓂ ᐅᑭᐅᖅᑕᖅᑐᒥ ᖃᐅᔨᒪᕐᓂᕐᒧᑦ ᑲᓇᑕᒥ. ᐊᓪᓚᕕᖃᖅᑐᑎᑦ, ᖃᐅᔨᓴᕐᕕᖃᖅᑐᑎᑦ, ᑲᑎᒪᕕᖃᖅᑐᑎᑦ ᐅᓂᒃᑳᕈᒪᔪᓂᒃ ᖃᐅᔨᒪᓂᖏᓐᓂ ᓄᓇᓕᓐᓂᓪᓗ ᐱᓕᕆᖃᑎᖃᕐᓗᑎᑦ, ᓄᓇᓯᐅᑎᒃᑯᕕᒻᒥ, ᓱᓇᒃᑯᑖᖃᕐᕕᒻᒥᑦ, ᑐᔪᕐᒥᕕᒻᒥ ᐳᓚᕋᖅᑎᓄᑦ ᖃᐅᔨᓴᖅᑎᒻᒪᕆᓐᓄᑦ ᖃᐅᔨᓴᖅᑎᓄᓪᓗ.
ᑕᐃᓐᓇ ᖃᐅᔨᓴᕐᕕᒃ ᓵᓇᓯᒪᔪᖅ ᒎᓗᒦᑦᑐᒥᑦ ᖁᑦᑎᓐᓂᓕᒻᒥᑦ ᐸᐃᑉᐹᖅᑖᖅᑎᑕᐅᓯᒪᓪᓗᓂ ᓯᕗᓪᓕᖅᑎᐅᓗᑎᑦ ᐆᒻᒪᖅᑯᑎᓕᕆᓂᕐᒥᑦ ᐊᒻᒪᓗ ᐊᕙᑐᓕᕆᓂᕐᒥᑦ ᓴᓇᓯᒪᔪᓂᒃ (LEED)ᔭ ᐸᐃᑉᐹᖅᑖᖅᑎᑦᑎᑲᓐᓂᕋᓱᐊᕐᓗᑎᑦ ᐱᓇᓱᐊᖅᑐᑦ ᐅᐱᕐᖓᔅᓵᒥ 2022−ᒥ.
ᐃᓄᐃᑦ ᐱᖅᑯᓯᖏᑦ ᐃᓕᖅᑯᓯᖏᓪᓗ ᐊᑐᖅᑕᐅᔪᑦ ᐃᓕᓯᒪᓪᓗᑎᑦ ᓴᓇᓯᒪᓂᖓᓐᓄᑦ ᑕᐃᑲᓂ.
ᑕᐃᒪᐃᓪᓗᐊᑎᑦᑎᓂᕐᒥᑦ ᖃᐅᔨᓴᖅᑕᐅᕙᑦᑐᑦ ᑕᐃᒫᒃ ᑐᕋᒐᖃᖅᑐᑎᑦ, ᓯᓚᑖᓃᓐᖔᖅᓯᒪᔪᓂᓪᓗ ᐱᓕᕆᔨᒻᒪᕆᓐᓂᓪᓗ ᖃᓄᐃᑦᑐᑐᐃᓐᓇᕐᓂᑦ ᓂᐅᕐᕈᑎᖃᕐᓂᕐᒨᖓᔪᓂᒃ ᐃᖏᕐᕋᓂᖏᓐᓄᑦ.