ᐅᖃᐅᓯᐅᔪᑦ: ᐱᒋᐊᕈᑕᐅᔪᓐᓇᑐᐃᓐᓇᕆᐊᓖᑦ ᑕᐅᖅᓰᖃᑦᑕᓂᕐᒧᑦ ᐊᐅᓚᑕᐅᓗᑎᑦ ᐊᓕᐸᐃᑦ ᑑᒑᖏᓐᓄᑦ ᑲᓇᑕᒥ

ᐅᖃᐅᓯᐅᔪᑦ: ᐱᒋᐊᕈᑕᐅᔪᓐᓇᑐᐃᓐᓇᕆᐊᓖᑦ ᑕᐅᖅᓰᖃᑦᑕᓂᕐᒧᑦ ᐊᐅᓚᑕᐅᓗᑎᑦ ᐊᓕᐸᐃᑦ ᑑᒑᖏᓐᓄᑦ ᑲᓇᑕᒥ

ᐃᓗᓕᖏᑦ

ᑕᐅᖅᓰᓂᐅᕙᑦᑐᑦ ᐋᐳᓕᑲᒥ ᐊᐃᓴᒥᓪᓗ ᐊᓕᐸᖏᓐᓂ ᓱᓇᒃᑯᑖᖏᓪᓗ ᒪᓕᒐᓕᐅᖅᑕᐅᓯᒪᒻᒪᑕ ᓯᓚᕐᔪᐊᒨᖓᔪᓂᒃ ᑕᐅᖅᓰᓂᒃᑯᑦ ᐊᐅᓚᑦᑎᒋᐊᖃᕐᓂᖏᓐᓂ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES). ᐃᓗᓕᖏᑦ ᐊᖏᕈᑎᖓᓐᓂ ᑎᒍᔭᐅᓚᐅᖅᓯᒪᔪᑦ ᒫᔾᔨ 1973−ᒥ ᐊᒻᒪᓗ ᐊᑐᓕᖅᑎᑕᐅᓪᓗᑎᑦ ᔪᓚᐃᒥ 1975−ᒥ. ᑲᓇᑕ ᐃᓚᒋᔭᐅᔪᖅ 180−ᓂᒃ ᓄᓇᓕᕐᔪᐊᕐᓂᑦ, ᐱᓕᕆᖃᑎᒌᓐᓂᒃ ᑕᐃᔭᑦ, ᐊᑎᓕᐅᖅᓯᒪᔪᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES). ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᒪᓕᒐᖅᑎᒍᑦ ᒪᓕᑦᑕᐅᒋᐊᓖᑦ ᓯᓚᕐᔪᐊᒥ ᐊᖏᕈᑎᐅᒻᒪᑦ ᑐᕌᖓᔪᖅ ᑕᒪᒃᑯᓂᖓ ᓯᓚᕐᔪᐊᒥ ᑕᐅᖅᓰᒍᑕᐅᕙᑦᑐᑦ ᐆᒪᔪᓂᒃ ᑎᒍᐊᕆᔭᐅᓐᖏᑦᑐᓂᒃ ᐊᒻᒪᓗ ᐱᕈᖅᑐᓂᒃ ᓱᖃᖅᑎᑕᐅᖁᓇᒋᑦ. ᑕᒪᒃᑯᐊ ᐆᒪᔪᑦ ᒪᓕᑦᑐᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᑎᑎᕋᖅᓯᒪᓪᓗᑎᑦ ᐱᖓᓲᓪᓗᑎᒃ ᒪᓕᑦᑐᑦ ᖃᓄᖅ ᐅᓗᕆᐊᓇᖅᑐᒋᒻᒪᖔᑕ ᑕᐅᖅᓰᒍᑕᐅᖃᑦᑕᑎᓪᓗᒋᑦ ᐊᒻᒪᓗ ᖃᓄᑎᒋ ᐸᖅᑭᔭᐅᑎᒋᒋᐊᖃᕐᒪᖔᑕ.

ᓯᓚᕐᔪᐊᓕᒫᒥᑦ, ᐅᖓᑖᓄᑦ 38,000 ᐆᒪᔪᑦ (5,950 ᓂᕐᔪᑏᑦ ᐊᒻᒪᓗ 32,800 ᐱᕈᖅᑐᑦ ᐊᔾᔨᒌᓐᖏᑦᑐᑦ, ᐱᓗᐊᖅᑐᑦ ᓇᐹᖅᑐᕋᓛᑦ ᐱᕈᖅᑐᖃᓲᑦ) ᓇᓗᓇᐃᖅᑕᐅᓯᒪᔪᑦ ᐃᓚᒍᑕᖃᖅᑐᑎᑦ ᑕᒫᓂᖃᐃ 180−ᓂᑦ ᑕᐃᒪᐃᑦᑐᓂᒃ ᐱᕈᖅᑐᑕᓕᒃ ᑲᓇᑕᒥ.

ᑲᓇᑕᒥ, ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐊᑐᓕᖅᑎᑕᐅᓯᒪᔪᖅ ᑖᒃᑯᑎᒎᓇ ᓂᕐᔪᑎᓂᒃ ᑎᒍᐊᖑᓐᖏᑦᑐᓂᒃ ᐊᒻᒪᓗ ᐱᕈᖅᑐᓂᒃ ᐸᖅᑭᔭᐅᒋᐊᖃᖅᑐᓂᒃ ᒪᓕᒐᓕᐅᖅᑕᐅᒋᐊᖃᖅᑐᓂᓪᓗ ᓯᓚᕐᔪᐊᒥ ᐊᕕᑦᑐᖅᓯᒪᔪᓂᓪᓗ ᑕᐅᖅᓰᓂᕐᒧᑦ ᐱᖁᔭᖅ (WAPPRIITA) ᐊᒻᒪᓗ ᓂᕐᔪᑎᓂᒃ ᑎᒍᐊᖑᓐᖏᑦᑐᓂᑦ ᐊᒻᒪᓗ ᐱᕈᖅᑐᓄᑦ ᑕᐅᖅᓰᓂᕐᒧᑦ ᐊᑐᐊᒐᐃᑦ (WAPTR). ᓂᕐᔪᑎᓂᒃ ᑎᒍᐊᖑᓐᖏᑦᑐᓂᒃ ᐊᒻᒪᓗ ᐱᕈᖅᑐᓂᒃ ᐸᖅᑭᔭᐅᒋᐊᖃᖅᑐᓂᒃ ᒪᓕᒐᓕᐅᖅᑕᐅᒋᐊᖃᖅᑐᓂᓪᓗ ᓯᓚᕐᔪᐊᒥ ᐊᕕᑦᑐᖅᓯᒪᔪᓂᓪᓗ ᑕᐅᖅᓰᓂᕐᒧᑦ ᐱᖁᔭᖅ/ ᓃᕐᔪᑎᓂᒃ ᑎᒍᐊᖑᓐᖏᑦᑐᓂᑦ ᐊᒻᒪᓗ ᐱᕈᖅᑐᓄᑦ ᑕᐅᖅᓰᓂᕐᒧᑦ ᐊᑐᐊᒐᐃᑦ (WAPTR) ᐊᑐᐊᒐᓕᐅᓲᖑᒻᒪᑕ ᐃᓯᐅᔾᔨᓂᐊᖅᑐᓂ ᐊᓐᓂᔾᔨᓂᐊᖅᑐᓂᓗ ᑲᓇᑕᒥ ᐊᒻᒪᓗ ᓯᓚᕐᔪᐊᓂᑦ ᐊᕕᑦᑐᖅᓯᒪᔪᓂᒃ ᐅᑭᐅᖅᑕᖅᑐᒥᓗ ᐊᐅᓪᓚᕈᔾᔨᓂᐊᖅᑐᓂᒃ ᓂᕐᔪᑎᓂᒃ ᐊᔾᔨᐅᓐᖏᑦᑐᓂᑦ.

ᐅᖃᐅᓯᓖᑦ

ᒫᓐᓇᕈᓗᒃ, ᓯᓚᕐᔪᐊᒥ ᐃᓱᒫᓘᑏᑦ ᐋᐳᓕᑲᒥ ᐊᓕᐸᐃᑦ ᑐᖁᑕᐅᕙᑦᑐᑦ ᓂᕕᖓᑖᖃᕋᑎᒃ ᐊᑦᑐᐃᓂᖃᑲᒻᒪᒻᒪᑕ ᐊᓕᐸᐃᑦ ᐊᒥᓱᓂᖏᓐᓂ ᑐᖁᕋᐃᑐᐃᓐᓇᐸᑦᑐᓂᒃ ᒪᓕᒐᕐᓂᑦ ᓯᖁᒥᑦᑎᓪᓗᑎᑦ ᑕᐅᖅᓰᕙᑦᑐᑦ ᐊᓕᐸᐃᑦ ᑑᒑᖏᓐᓂ ᐊᒥᓱᕈᖅᐸᓪᓕᐊᑐᐃᓐᓇᕐᖓᑦ. ᑕᐃᒪᐃᓐᓂᖓᓐᓄᑦ, ᓯᓚᕐᔪᐊᕐᒥᐅᑦ ᐊᕕᑦᑐᖅᓯᒪᔪᓂᒃ ᑕᐅᖅᓰᖃᑦᑕᖅᑐᓂᒃ ᑑᒑᓐᓂᑦ, ᐱᖃᐅᓯᐅᑎᓪᓗᒋᑦ ᒥᐊᓕᒐᐃᑦ ᐊᒻᒪᓗ ᑕᕆᐅᑉ ᐊᑭᐊᓂ ᐃᖕᒐᓚᒧᑦ ᖃᓂᑦᑐᓄᑦ (U.K.), ᐊᑐᓕᖅᑎᑦᑎᓯᒪᔪᑦ ᑕᐅᖅᓰᓂᕐᒧᑦ ᐊᐅᓚᑦᑎᓪᓗᑎᑦ ᐊᓕᐸᓄᑦ ᑑᒑᕐᓂᑦ ᑕᐅᖅᓰᓂᕐᒧᑦ ᐱᔭᕆᐊᑐᓂᖅᓴᓂᑦ ᒪᓕᒐᖃᕐᓕᖅᑐᖅ ᑕᐃᒃᑯᓇᓐᖓᓪᓕ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES).

ᑕᐃᒫᐸᓗᑦᑕᐅ, ᓴᓐᖓᑎᑦᑎᑕᐅᒃᑲᓐᓂᖁᔭᐅᓕᕐᖓᑦ ᑲᓇᑕᒥ ᐃᓄᑐᐃᓐᓇᕐᓄᑦ ᒪᓕᒐᐃᑦ ᐱᒻᒪᕆᐅᒻᒪᑕ ᐊᓐᓂᔾᔨᓂᐊᕐᓗᓂ/ᐊᓐᓂᔾᔨᑲᓐᓂᕐᓂᐊᕐᓗᓂ ᐊᓯᐊᓄᑦ ᐊᓕᐸᐃᑦ ᑑᒑᖏᓐᓂ. ᑕᒪᓐᓇ ᓯᓚᕐᔪᐊᒥ ᐃᓱᒫᓗᓇᖅᓯᕙᓪᓕᐊᑐᐃᓐᓇᕐᖓᑦ ᐱᐅᓐᖏᑦᑐᒥᓪᓗ ᓴᖅᑮᕙᓪᓕᐊᓪᓗᓂ ᐊᓕᐸᐃᓪᓗ ᐊᒥᓲᓂᖏᑦ ᖃᑦᑏᓐᓇᕈᖅᐸᓪᓕᐊᓪᓗᑎᒃ ᐊᓕᐸᒋᐊᖃᓂᖏᑦᑐᓂᑦ ᐊᓕᐸᑉᐸᑦᑐᓂᒃ ᒪᓕᒐᕐᓂᓪᓗ ᓯᖁᒥᑦᑎᓪᓗᑎᑦ ᑕᐅᖅᓰᖃᑦᑕᖅᑐᑦ ᐊᓕᐸᐃᑦ ᑑᒑᖏᓐᓂ. ᑕᒪᓐᓇ ᐱᔾᔪᑎᒋᓪᓗᒍ, ᐃᖅᑲᓇᐃᔭᕐᕕᒃ ᐊᔾᔨᒌᓐᖏᑦᑐᓂᒃ ᐱᒋᐊᕈᑎᖃᕆᐊᖃᓕᓚᐅᖅᑐᖅ ᑲᓇᑕᒥ ᑕᒪᒃᑯᐊ ᐱᔾᔪᑎᒋᓪᓗᒋᑦ ᐃᓱᒫᓘᑏᑦ.

ᐱᔾᔪᑎᓖᑦ

ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚ ᐊᔾᔨᐸᓪᓕᐊᓂᖓᓐᓄᑦ ᑲᓇᑕᒥ (ᐊᕙᑎᓕᕆᔨᒃᑯᑦ) ᑐᓴᕈᒪᒻᒪᑕ ᐃᓱᒪᒋᔭᔅᓯᓐᓂ ᐱᒋᐊᕈᑎᔅᓴᐅᒍᓐᓇᖅᑐᓂᒃ ᐊᑐᓕᖅᑎᑕᐅᓗᑎᑦ ᑕᐅᖅᓰᓂᕐᒥᑦ ᐊᐅᓚᑦᑎᑲᓐᓂᕈᓐᓇᕈᒪᓪᓗᑎᑦ ᐊᓕᐸᐃᑦ ᑑᒑᖏᓐᓂ. ᐅᖃᐅᓯᐅᔪᑦ ᐃᓱᒪᖅᓴᖅᓯᐅᕈᑕᐅᒐᔭᖅᑐᑦ ᐋᖅᑭᓱᖅᑕᐅᓗᑎᓪᓗ ᑲᓇᑕᒥ ᐱᒋᐊᕈᑎᔅᓴᓂᒃ ᑕᒪᔅᓱᒥᖓ ᐃᓱᒫᓘᑐᐅᔪᒥᑦ ᓯᓚᕐᔪᐊᒥ ᐊᓕᐸᓂᑦ ᑑᒑᖏᓐᓂ ᑕᐅᖅᓯᒍᑕᐅᕙᑦᑐᓂᒃ. ᐱᒋᐊᕈᑎᖃᕋᔭᖅᑐᑦ ᒫᓐᓇᐅᔪᖅ ᐊᐅᓚᑦᑎᖃᑦᑕᕐᓗᑎᑦ, ᐊᓯᔾᔨᕐᓗᒋᑦ ᐱᖁᔭᐃᑦ ᐊᑐᐊᒐᐃᓪᓗ ᑕᐅᖅᓰᓂᕐᒧᑦ ᐅᕝᕙᓘᓐᓃᑦ ᐊᓯᔾᔨᕐᓗᒋᑦ ᐱᖁᔭᕐᒧᑦ ᐅᕝᕙᓘᓐᓃᑦ ᐊᑐᐊᒐᖏᓐᓄᑦ (WAPPRIITA/WAPTR) ᐊᐅᓚᑦᑎᑲᓐᓂᕈᒪᓪᓗᑎᑦ ᐊᓕᐸᓂᑦ ᑑᒑᖏᓐᓂ ᑕᐅᖅᓰᖃᑦᑕᖅᑐᓄᑦ.

ᓄᓇᓕᕐᔪᐊᑉ ᐃᓗᐊᓘᕈᔾᔨᓂᖅ, ᓄᓇᓕᕐᔪᐊᑉ ᓯᓚᑖᓅᕈᔾᔨᓂᖅ/ᓄᓇᓕᕐᔪᐊᑉ ᓯᓚᑖᓅᕈᔾᔨᑲᓐᓂᕐᓂᕐᒧᑦ

ᓇᓕᕐᔪᐊᑉ ᐃᓗᐊᓘᕈᔾᔨᓂᖅ, ᓄᓇᓕᕐᔪᐊᑉ ᓯᓚᑖᓅᕈᔾᔨᓂᖅ/ᓄᓇᓕᕐᔪᐊᑉ ᓯᓚᑖᓅᕈᔾᔨᑲᓐᓂᓂᕐᒧᑦ ᐱᔪᓐᓇᐅᑏᑦ

ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐊᑐᐊᒐᐃᑦ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓱᓇᒃᑯᑖᖏᓐᓂ ᐆᒪᔪᐃᑦ ᐱᕈᖅᑕᐃᓪᓗ ᒪᓕᑦᑐᒋᑦ ᐱᔪᓐᓇᐅᑎᖃᕆᐊᖃᕐᓂᕐᒧᑦ, ᑐᓂᔭᐅᔪᓐᓇᖅᑐᑦ ᑭᓯᐊᓂ ᒪᓕᒐᕐᓂᑦ ᒪᓕᑦᑎᐊᕐᓗᑎᑦ. ᑕᒪᒃᑯᐊ ᒪᓕᒐᐃᑦ ᒪᓕᑦᑕᐅᑦᑎᐊᖅᑲᑕ, ᒪᓕᒐᖅᑎᒍᑦ ᑕᐅᖅᓰᒍᓐᓇᖅᓯᔪᑦ, ᓄᖑᓴᐃᓐᖏᑦᑎᐊᕐᓗᑎᑦ ᑕᐅᖅᓰᔪᓐᓇᖅᓯᔪᑦ ᒪᓕᒐᕐᓂᑦ ᒪᓕᓪᓗᑎᑦ ᒪᓕᒐᑦ III, IV ᐊᒻᒪᓗ V ᐊᖏᕈᑎᓂᑦ. ᐊᓐᓂᔾᔨᓂᐊᖅᑐᓂᑦ/ᐊᓐᓂᔨᒃᑲᓂᕐᓗᓂᓗ ᐊᓯᐊᓄᑦ ᐱᔪᓐᓇᐅᑎᑖᕆᐊᓕᑦ ᑕᒪᒃᑯᓄᖓᓕᒫᖅ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᑎᑎᕋᖅᑕᐅᓯᒪᔪᓂᒃ ᐆᒪᔪᓂᒃ. ᐃᓯᕈᔾᔨᔪᓐᓇᐅᑎᒥᑦ ᐱᖃᕆᐊᖃᕐᒥᔪᑦ ᐃᓚᖓᓐᓂ I−ᒥᑦ ᒪᓕᓪᓗᓂ ᑎᑎᕋᖅᓯᒪᔪᓂᒃ ᐆᒪᔪᓂᒃ. ᓂᐅᕐᕈᑎᖃᕐᓂᒧ ᑕᐅᖅᓰᓂᕐᒥᑦ ᐃᓚᖓᓐᓂ I−ᒦᑦᑐᒥᑦ ᐆᒪᔪᓂᒃ ᐱᔭᕆᐊᖃᓐᖏᑦᑐᖅ.

ᐃᓚᒋᔭᐅᓐᖏᑦᑐᖅ ᓄᓇᓕᕐᔪᐊᑉ ᐃᓗᐊᓘᕈᔾᔨᓂᖅ, ᓄᓇᓕᕐᔪᐊᑉ ᓯᓚᑖᓅᕈᔾᔨᓂᖅ/ᓄᓇᓕᕐᔪᐊᑉ ᓯᓚᑖᓅᕈᔾᔨᑲᓐᓂᓂᕐᒧᑦ ᐱᔪᓐᓇᐅᑏᑦ

ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐱᑕᓕᒃ ᐊᒥᓱᑲᓪᓚᓐᓂᒃ ᐱᖃᓯᐅᔾᔨᒋᐊᖃᓐᖏᑦᑐᓂᑦ ᐊᑐᓐᖏᑦᑐᓂᑦ ᑕᕝᕙᓐᖓᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐱᔪᓐᓇᐅᑎᓂᒃ ᐊᑦᑎᑦᑐᒦᑦᑐᓂᒃ ᐅᓗᕆᐊᓇᑐᐃᓐᓇᕆᐊᓕᓐᓂᒃ ᑕᐅᖅᓰᒍᑕᐅᕙᑦᑐᓂᒃ ᐊᑐᖅᑎᑕᐅᒍᓐᓇᕐᒥᔪᑦ. ᐱᔭᐅᒐᔪᓐᓂᖅᐹᖅ ᐊᑐᓐᖏᑦᑐᖅ ᐃᓯᕈᔾᔨᓂᐊᕐᓗᓂ ᐊᒻᒪᓗ ᐊᓐᓂᔾᔨᓂᐊᕐᓗᓂ/ᐊᓯᐊᓅᕈᔾᔨᓕᑲᓐᓂᕐᓂᐊᕐᓗᓂ ᓯᕗᓂᖓᓐᓂ ᐊᖏᕈᑎᖃᕆᐊᖃᕐᓂᖏᑦFootnote 1 ᐃᓚᖏᓐᓂ, ᐱᔭᒥᓂᕐᓂᑦ ᐊᓯᖏᓐᓂ, ᐊᒻᒪᓗ ᐃᒻᒥᒃᑰᖅᑐᒥ ᐊᒻᒪᓗ ᐃᓪᓗᒥᐅᑕᐅᓂᐊᖅᑐᓂᒃ,Footnote 2 ᓇᓗᓇᐃᖅᓯᒪᔪᓂᒃ ᒪᓕᒐᖃᕐᓗᑎᑦ. ᑕᒪᒃᑯᐊ ᒪᓕᒐᐃᑦ ᒪᑯᐊ ᐊᐅᓪᓚᕈᔾᔨᓂᖅ ᓇᒻᒥᓂᖅ ᐃᑦᑎᕐᕕᖓᓐᓃᑎᑦᑐᒍ, ᐃᓪᓗᒻᒧᑦ ᐊᐅᓪᓛᖅᑕᖏᓐᓄ ᐃᓚᒋᓪᓗᒍ, ᑐᓂᔭᒥᓂᕐᒥᑦ ᓯᕗᓕᖓᓐᓂ ᐅᕝᕙᓘᓐᓃᑦ ᐊᓯᖏᓐᓂ ᐃᓚᒍᑕᓕᓐᓂᑦ II ᐅᕝᕙᓘᓐᓃᑦ II−ᒦᑦᑐᒥᑦ ᓂᐅᕕᐊᒥᓂᕐᓂᑦ ᐳᓚᕋᖅᑎᐅᓪᓗᓂ ᑕᑯᕚᖅᑖᒥᓂᖓᓐᓂ. ᐱᖃᓯᐅᑎᓐᖏᑦᑐᑦ ᑕᒪᒃᑯᐊ ᓯᕗᓂᖓᓐᓂ ᐊᖏᕈᑕᐅᓯᒪᔪᑦ ᐊᓯᖏᓐᓂᓪᓘᓐᓃᑦ ᐸᐃᑉᐹᖅᑖᖅᑎᑕᐅᑐᐃᓐᓇᖅᑐᑦ ᐊᓐᓂᔾᔨᒍᓐᓇᕐᓂᖏᓐᓂ ᐱᔪᓐᓇᐅᑎᑖᖅᑐᑎᑦ.

ᓴᓐᖏᓂᖅᓴᓂᑦ ᒪᓕᒐᖃᓕᖅᑐᑦ

ᐊᖏᕈᑎᑦᑕᐅ ᐃᒪᐃᒍᓐᓇᕐᒥᔪᖅ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐱᓕᕆᖃᑎᒌᓐᓂᒃ ᐊᑐᓕᖅᑎᑦᑎᒍᒪᒻᒪᑕ ᓴᓐᖏᓂᖅᓴᓂᑦ ᒪᓕᒐᕐᓂᑦ ᐊᖏᕈᑎᒧᑦ ᐸᖅᑭᔭᐅᒃᑲᓐᓂᖁᓪᓗᒋᑦ ᓂᕈᐊᖅᑕᐅᓯᒪᔪᑦ ᐆᒪᔪᑦ. ᓴᓐᖏᓂᖅᓴᐅᒐᔪᓲᑦ ᒪᓕᒐᐃᑦ ᒪᑯᐊ ᓯᕗᓂᖓᓐᓂ ᓴᖅᑭᖅᑕᒥᓃᑦ ᐱᔪᓐᓇᐅᑏᑦ; ᐃᓯᕈᔾᔨᓂᕐᒧᑦ ᐱᔪᓐᓇᐅᑎᓂᒃ ᓱᓇᒃᑯᑖᕐᓂᑦ ᐃᓚᒍᑕᖓᓐᓂ II−ᒥ ᓱᓇᒃᑯᑖᕐᓂᑦ, ᓱᓇᒃᑯᑖᓕᒫᑦ ᐅᕝᕙᓘᓐᓃᑦ ᐊᔾᔨᐅᖏᑦᑐᑦ ᑕᐅᖅᓰᔾᔪᑕᐅᕙᑦᑐᑦ (ᓲᕐᓗ ᓂᐅᕐᕈᑕᐅᕙᑦᑐᑦ ᑕᐅᖅᓰᔾᔪᑕᐅᓪᓗᑎᑦ ᐱᔪᓐᓇᐅᑎᖃᕆᐊᓖᑦ ᐊᒻᒪᓗ ᓂᐅᕐᕈᑕᐅᕙᓐᖏᑦᑐᑦ ᑕᐅᖅᓰᒍᑕᐅᔪᑐᐊᑦ ᑕᐃᒪᐃᓐᖏᑦᑐᑦ);

ᑲᓇᑕᒥ ᓴᓐᖏᓂᖅᓴᐃᑦ ᒪᓕᒐᐃᑦ :

ᑲᓇᑕᒥ ᒪᓕᒋᐊᖃᖅᑐᑦ ᐃᓯᕈᓐᓇᐅᑎᖃᕐᓗᑎᑦ ᓱᓇᒃᑯᑖᓕᒪᕐᓂᑦ ᐃᓗᐊᓃᑦᑐᓂᑦ ᐃᓚᖏᓐᓂ I−ᒥ ᓱᓇᒃᑯᑖᕐᓂᑦ ᑲᓇᑕᒧ ᐃᓯᖅᑎᑦᑎᓗᓂ, ᐱᖃᓯᐅᑎᓪᓗᒋᑦ ᓱᓇᒃᑯᑖᑦ ᐊᖏᕈᑕᐅᒌᖅᓯᒪᔪᑦ ᓯᕗᓕᓂᖓᓐᓂ ᐅᕝᕙᓘᓐᓃᑦ ᐊᒥᓱᕈᖅᑎᑕᐅᕙᑦᑐᑦ ᐆᒪᔪᑦ. ᑲᓇᑕ ᐊᑐᓕᖅᑎᑦᑎᕙᑦᑑᒐᓗᐊᖅ ᐱᔪᓐᓇᐅᑎᓂᒃ ᐱᖃᓯᐅᔾᔨᒋᐊᖃᓐᖏᑦᑐᓂᑦ ᐃᓯᕈᓐᓇᐅᑎᓂᒃ, ᐊᓐᓂᔾᔨᒍᓐᓇᐅᑎᓂᒃ/ᐊᓯᐊᓅᖅᑎᑦᑎᓂᕐᒥᑦ ᐃᒻᒥᒃᑰᖅᑐᓂᒃ ᐊᖏᕐᕋᒥᐅᑕᕆᓂᐊᖅᑕᒥᓂᒃ ᑕᒪᒃᑯᓄᖓ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᓇᓗᓇᐃᖅᑕᐅᓯᒪᔪᓂᒃ, ᑕᒪᓇ ᐊᑐᓐᖏᑎᑦᑎᓂᖅ ᐊᑐᓐᖏᑦᑐᖅ ᓄᖑᑕᐃᓐᓇᕆᐊᓕᓐᓄᑦ ᐅᓗᕆᐊᓇᖅᑐᒦᑦᑐᓄᓪᓘᓐᓃᑦ ᐆᒪᔪᓂᒃ ᑲᓇᑕᒥ ᐊᒻᒪᓗ ᐳᓚᕋᖅᑐᑦ ᑕᑯᕙᖅᑖᖏᓐᓂ ᐃᓗᐊᓃᑦᑐᓂᒃ I−ᒥ. ᑲᓇᑕ ᐱᔪᓐᓇᐅᑎᑖᖅᑎᑦᑎᕙᒻᒥᔪᑦ ᐸᐃᑉᐹᑐᐃᓐᓇᐅᖏᑦᑐᒥᑦ ᐊᓐᓂᔾᔨᒍᒪᔪᓂᒃ ᐊᓯᐊᓄᓪᓘᓐᓃᑦ ᑭᓱᑐᐃᓐᓇᕐᓄᑦ ᓯᕗᓂᖓᓐᓂ ᐊᖏᖅᑕᐅᓯᒪᔪᓂᒃ ᐊᒥᓱᕈᖅᑎᑕᐅᓯᒪᔪᓂᓪᓘᓐᓃᑦ ᐆᒪᔪᓂᒃ.

ᑲᓇᑕ ᐃᓯᖅᑎᑦᑎᒍᓐᓇᓐᖏᓚᖅ ᓂᕐᔪᑎᓂᒃ ᐱᕈᖅᓴᔭᒥᓂᕐᓂᑦ, ᑐᓂᔭᐅᕙᑦᑐᓂᒃ ᐅᕝᕙᓘᓐᓃᑦ ᓯᖁᒥᑦᑎᔪᓂᓪᓘᓐᓃᑦ ᒪᓕᒐᐃᓂᑦ ᓯᓚᑖᓃᓐᖔᖅᓯᒪᔪᓂᒃ.

ᐃᓯᖅᑎᑦᑎᒍᓐᓇᖏᑦᑐᑦ ᓄᓇᓕᕐᔪᐊᓂᑦ ᒪᓕᓐᖏᑦᑐᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᒪᓕᒐᖏᓐᓂ; ᐃᓯᖅᑎᑦᑎᒍᓐᓇᖏᑦᑐᑦ ᐊᒻᒪᓗ ᐊᓐᓂᔾᔨᓗᑎᑦ/ᐊᓯᐊᓅᖅᓯᑲᓐᓂᕐᓗᑎᓪᓗ ᓇᓗᓇᐃᖅᑕᐅᓯᒪᔪᓂᒃ ᓱᓇᒃᑯᑖᕐᓂᑦ ᐅᕝᕙᓘᓐᓃᑦ ᑕᐅᖅᓰᒍᑕᐅᕙᑦᑐᓂᒃ ᐅᕝᕙᓘᓐᓃᑦ ᑕᐅᖅᓰᑎᑦᑎᒍᓐᓇᖏᑦᑎᐊᒻᒪᕆᓪᓗᑎᑦ ᐃᓚᖏᓐᓂ.

ᐱᓕᕆᐊᖑᔭᕆᐊᓖᑦ ᐊᓯᖏᓪᓗ ᐊᐅᓚᑦᑎᔾᔪᑏᑦ ᐃᓗᐊᓃᑦᑐᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) (ᐊᑐᖅᑕᐅᒋᐊᓖᑦ ᐊᐃᓴᒥ ᐋᐳᓕᑲᒥᓗ ᐊᓕᐸᐃᑦ ᑑᒑᖏᓐᓂ ᑕᐅᖅᓰᓂᕐᒧᑦ

ᐊᐃᓴᒥ ᐊᓕᐸᐃᑦ ᓇᓗᓇᐃᖅᑕᐅᓯᒪᔪᑦ ᐃᓚᖓᓐᓂ I−ᒥ 1975−ᒥ. ᐋᐳᓕᑲᒥ ᐊᓕᐸᐃᑦ ᐃᒻᒥᓂᒃ ᐃᓚᓕᐅᔾᔭᐅᓯᒪᔪᑦ ᐃᓚᒍᑕᖓᓐᓂ III−ᒥ 1976−ᒥ ᒐᓇᒃᑯᓐᓂ (Ghana), ᐱᖃᓯᐅᔾᔨᔪᑦ ᐃᓚᒍᑕᖓᓐᓂ II−ᒥ ᐱᓕᕆᖃᑎᒌᓐᓂᒃ (ᐃᓱᒪᓕᐅᖅᑎᑐᐃᓐᓇᐃᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) 1977−ᒥ ᐊᒻᒪᓗ ᓅᑕᐅᓪᓗᑎᑦ ᐃᓚᒍᑕᖓᓐᓄᑦ I−ᒧᑦ 1990−ᒥ. ᑎᓴᒪᐅᒻᒪᑕ ᓄᓇᓕᕐᔪᐊᑦ (Botswana, Namibia, ᐋᐳᓕᑲᐅᑉ ᓂᒋᐊᓂ ᐊᒻᒪᓗ ᔨᒻᐹᑦᕗᐃ (Zimbabwe)) ᐋᐳᓕᑲᕐᓂ ᐊᓕᐸᐃᑦ ᓇᓗᓇᐃᖅᑕᐅᓪᓗᑎᑦ ᐃᓚᒍᑕᖓᓐᓂ II−ᒥ ᓇᓗᓇᐃᖅᑕᐅᓪᓗᑎᑦ ᑕᐅᖅᓰᒍᑕᐅᔪᓇᖅᑐᑎᑦFootnote 3. ᐊᓯᓕᒫᖏᑦ ᑑᒑᑦ ᑖᒃᑯᓇᓐᖔᖅᓯᒪᔪᑦ ᐃᓱᒪᒋᔭᐅᔪᑦ ᓇᓗᓇᐃᖅᑕᐅᓯᒪᓪᓗᑎᑦ ᐃᓚᒍᑕᖓᓐᓂ I−ᒥᑦ.

ᐃᓯᐅᔾᔭᐅᓯᒪᔪᑦ: ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᓂᐅᕐᕈᑎᖃᕆᐊᖃᖅᑎᑦᑎᓐᖏᑦᑐᑦ ᐃᓯᕈᔾᔭᐅᓯᒪᔪᓂᒃ ᐊᓕᐸᓐᓄᑦ ᑑᒑᕐᓂᑦ ᐃᓚᒍᑕᖓᓐᓂ I−ᒥ ᐊᒥᓲᓂᖏᑦ ᐊᓕᐸᐃᑦ ᓅᑕᐅᔪᒥᓃᑦ ᓄᓇᖓᓐᓂ ᓇᓗᓇᐃᖅᑕᐅᓚᐅᖅᑎᓪᓗᒋᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES).

ᑲᓇᑕᒥ ᒫᓐᓇ ᐊᑐᓕᖅᑎᑦᑎᓂᖏᑦ ᑕᒪᒃᑯᓂᖓ ᒪᓕᒐᕐᓂᑦ

ᐃᓚᒍᑕᖏᓐᓂ. ᐃᓯᕈᔾᔨᓂᐊᕐᓂᕐᒧᑦ ᐱᔪᓐᓇᐅᑎᒥᑦ ᐱᓯᒪᔮᕆᐊᓖᑦ ᓯᕗᓂᖓᓐᓂ ᓂᐅᕐᕈᑎᖃᓐᖏᓂᕐᒨᖓᔪᒥᑦ ᐃᓯᕈᓐᓇᐅᑎᒥᑦ.

ᐊᓐᓂᔾᔭᐅᓯᒪᔪᑦ/ᐊᓯᐊᓅᓕᖅᑭᑦᑕᐅᓯᒪᔪᑦ: ᐊᓐᓂᔾᔭᐅᓯᒪᔪᑦ/ᐊᓯᐊᓅᓕᖅᑭᑦᑕᐅᓯᒪᔪᑦ ᐱᔪᓐᓇᐅᑎᖃᕆᐊᖃᖅᑐᑦ ᐊᓕᐸᓄᑦ ᓇᔾᔪᓕᒫᓄᑦ ᐃᓚᒍᑕᖏᑦ ᒪᓕᑦᑐᒍ I−ᖓ ᐊᒻᒪᓗ ᐃᓚᒍᑕᖓ II−ᖓ ᐊᓕᐸᐃᑦ ᐊᒥᓱᓂᖏᑦ ᐱᓪᓗᒋᑦ, ᑐᓂᔭᐅᒍᓐᓇᖏᑦᑐᖅ ᑭᓯᐊᓂ ᓇᓗᓇᐃᖅᑕᐅᓚᐅᖅᑎᓪᓗᒋᑦ ᑖᓐᓇ ᒪᓕᒐᕐᓂᑦ ᓯᖁᒥᑦᑎᖏᒃᑲᓗᐊᕐᒪᖔᖅ ᐊᑦᑕᓇᖅᑐᒦᑎᑦᑎᖏᒃᑲᓗᐊᕐᒪᖔᕐᓗ ᐊᒥᓲᓂᖏᓐᓂ ᐆᒪᔪᑦ ᑎᒍᐊᖑᓐᖏᑦᑐᓂᑦ.

ᐱᖃᓯᐅᔾᔭᐅᓐᖏᑦᑐᑦ: ᐃᓚᒍᑕ I ᐊᓕᐸᐃᑦ ᑑᒑᖏᑦ ᐱᔭᐅᔪᒥᓃᑦ ᓯᕗᓂᖓᓐᓂ ᐊᓕᐸᐃᑦ ᓇᓗᓇᐃᖅᑕᐅᓚᐅᓐᖏᓐᓂᖏᓐᓂ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐃᓚᒍᑕᖏᑦ (1975 ᐊᐃᓴᒥ ᐊᓕᐸᓄᑦ ᐊᒻᒪᓗ 1976 ᐊᐳᓕᑲᐅᑉ ᐊᓕᐸᖏᑦ), ᐅᕝᕙᓘᓐᓃᑦ ᑑᒑᑦ ᐊᓕᐸᓐᓂ ᐊᒥᓱᕈᖅᑎᑕᐅᓯᒪᔪᒥᓂᕐᓂᑦ ᐊᓐᓂᔾᔭᐅᔪᓐᓇᖅᑐᑦ ᐸᐃᑉᐹᖅᑎᒍᑦ ᐊᖏᖅᑕᐅᓯᒪᓗᑎᑦ ᐱᔪᓐᓇᐅᑎᒃᑰᓐᖏᑦᑑᒐᓗᐊᖅ ᐊᓐᓂᔾᔨᓂᕐᒧᑦ. ᓂᐅᕐᕈᑎᖃᕐᓂᕐᒧᑦ ᐃᓯᕈᔾᔭᐅᓂᐊᖅᑐᑦ ᑕᒪᒃᑯᐊ ᐱᔪᓐᓇᖅᑎᑕᐅᔪᑦ ᐱᔪᓐᓇᐅᑎᖃᓐᖏᒃᑲᓗᐊᕐᓗᑎᑦ ᐃᓯᕈᓐᓇᐅᑎᒥᑦ.

ᐊᒥᓲᓂᖏᓐᓂ ᑕᒪᒃᑮᓐᓂᒃ, ᐱᔅᓴᐃᓐᓇᕆᐊᖃᓐᖏᑦᑐᖅ ᐳᓚᕋᖅᑏᑦ ᑕᑯᕚᖅᑖᖅᑐᑦ ᐃᓚᒍᑕᖓᓐᓂ I−ᒥᑦ ᒪᓕᑦᑐᒥᑦ ᐊᓕᐸᐃᑦ ᐊᒥᓲᓂᖏᓐᓂ, ᐃᓪᓗᒥᐅᑕᕆᓂᐊᖅᑕᖓᓐᓂ ᐃᒻᒥᒃᑯᑦ ᐊᑐᓐᖏᑦᑐᑦ ᐊᒻᒪᓗ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐱᔪᓐᓇᐅᑎᖃᔅᓴᐃᓐᓇᕆᐊᖃᓐᖏᑦᑐᑦ ᓯᓚᕐᔪᐊᒥ ᐊᐅᓪᓚᕈᔾᔨᓂᕐᒥᑦ ᑕᒪᒃᑯᓂᖓ.

ᑲᓇᑕ ᒫᓐᓇ ᐊᑐᓕᖅᑎᑦᑎᓯᒪᔪᖅ ᒪᓕᒐᕐᓂᑦ ᐃᓚᖏᑦ ᓴᓐᖏᓂᖅᓴᐅᓪᓗᑎᑦ ᑕᐃᒫᒃ ᓇᓗᓇᐃᖅᓯᒪᒻᒪᑕ ᐊᑖᓂ.

ᓴᓐᖏᓂᖅᓴᐃᑦ ᒪᓕᒐᐃᑦ: ᑭᓯᐊᓂ ᑖᒃᑯᐊᖑᑎᓪᓗᒋᑦ ᐊᑐᖅᑕᐅᒐᔪᑦᑐᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᒪᓕᒐᐃᑦ ᐱᖃᓯᐅᔾᔨᖏᑦᑐᑦ ᓴᓐᖏᓂᖅᓴᓂᑦ ᒪᓕᒐᕐᓂᑦ ᐊᓕᐸᓐᓄᑦ ᑑᒑᕐᓂᑦ, ᐱᓕᕆᖃᑎᒌᑦᑐᓂᒃ ᒪᓕᒋᐊᓕᓐᓂᒃ ᐱᑕᖃᖅᑐᖅ ᐊᓕᐸᐃᑦ ᐊᒥᓲᓂᖏᑦ ᐅᓗᕆᐊᓇᖅᑐᒦᖁᔭᐅᓇᑎᑦ ᐊᐅᓚᑕᐅᒻᒪᑕ ᐊᒻᒪᓗ ᓯᓚᕐᔪᐊᒥ ᓯᖁᒥᑦᑎᔪᓂᒃ ᑕᐅᖅᓰᖃᑦᑕᖁᔨᓐᓇᑎᑦ ᐊᒻᒪᓗ ᐱᕋᔭᓪᓗᑎᑦ ᑐᖁᑦᑎᖃᑦᑕᐅᓐᓂᖏᑦᑐᑦ ᐊᓕᐸᓐᓂᑦ ᑕᒫᓂ. ᑕᒪᒃᑯᐊ ᐊᑐᐊᒐᐃᑦ ᐅᕙᓃᑦᑐᑦ ᐅᔾᔨᓱᕐᓂᕐᒧᑦ ᓯᖁᒥᑦᑎᓪᓗᑎᑦ ᐊᓕᐸᓐᓂᐊᖅᑐᓄᑦ (MIKE), ᑖᒃᑯᐊ ᐊᓕᐸᕐᓂᑦ ᑕᐅᖅᓰᓂᕐᒧᑦ ᑐᑭᓯᒋᐊᕈᑏᑦ (ETIS) ᐊᒻᒪᓗ ᑖᒃᑯᐊ ᑲᓇᑕᒥ ᑑᒑᕐᓂᑦ ᐱᒋᐊᕈᑎᓄᑦ ᐸᕐᓇᐅᑏᑦ ᐃᓕᖅᑯᓯᐅᕙᑦᑐᑦ (NIAP).

ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐊᑐᓕᖁᔨᓯᒪᒻᒥᔪᑦ ᐱᓕᕆᖃᑎᒌᑦᑐᓕᒫᑦ ᐱᓕᕆᖃᑕᐅᓐᖏᑦᑑᒐᓗᐊᓪᓗ ᖃᓂᒋᔭᖓᓐᓃᑦᑐᑦ ᒪᓕᒐᖅᑎᒍᑦ ᐃᓄᑐᐃᓐᓇᕐᓄᑦ ᓂᐅᕐᕈᑎᖃᖃᑦᑕᖅᑐᓂᒃ ᑑᒑᕐᓂᑦ ᑐᖁᑦᑎᒋᐊᖃᕋᑎᑦ ᐊᓕᐸᖃᑦᑕᖅᑐᑦ ᒪᓕᒐᕐᓂᓪᓘᓐᓃᑦ ᓯᖁᒥᑦᑎᓪᓗᑎᑦ ᑕᐅᖅᓰᔪᑦ, ᒪᓕᒐᖅᑎᒍᑦ ᑲᒪᒋᔭᐅᑦᑎᐊᕐᓗᑎᑦ, ᐊᑐᐊᒐᖅᑎᒍᑦ ᐊᔭᐅᖅᑐᖅᑕᐅᓗᑎᓪᓗ ᒪᑐᖁᓪᓗᒋᑦ ᐃᓄᑐᐃᓐᓇᕐᓂᑦ ᑮᓇᐅᔭᓕᐅᕈᑎᖃᕋᓱᐊᖅᑐᓂᑦ ᑕᐅᖅᓰᓂᒃᑯᑦ ᓴᓇᓯᒪᓐᖏᑦᑐᑦ ᓴᓇᓯᒪᔪᓂᓪᓗ ᑑᒑᕐᓂᑦ. ᐊᑐᓕᖅᑎᑦᑎᓂᖏᓐᓂ ᐃᓕᓴᖅᓯᓯᒪᒻᒥᔪᑦ ᐃᓚᖏᓐᓂ ᐊᑐᑦᑎᑎᓐᖏᒻᒪᑕ ᐱᔪᓐᓇᖅᑎᑕᐅᔪᓐᓇᖅᑐᑎᑦ ᐃᓚᒋᔭᐅᓐᖏᒃᑲᓗᐊᖅᑎᓪᓗᒍ ᑐᖁᕋᐃᕙᑦᑐᓂᒃ ᒪᓕᒐᕐᓂᑦ ᓯᖁᒥᑦᑎᓪᓗᑎᑦ ᑕᐅᖅᓰᖃᑦᑕᖅᑐᓂᒃ.

ᐃᓄᑐᐃᓐᓇᕐᓂᑦ ᓴᓐᖏᓂᖅᓴᓂᑦ ᐱᖁᔭᖃᕐᓗᑎᑦ, ᑲᓇᑕᒥ ᐃᓯᕈᔾᔨᔪᓂᒃ ᐱᔪᓐᓇᐅᑎᖃᕆᐊᓕᑦ ᓯᕗᓂᖓᓐᓂ ᐃᓯᕈᔾᔨᓚᐅᓐᖏᓐᓂᖏᓐᓂ ᑲᓇᑕᒥ ᒪᓕᓪᓗᒋᑦ ᐃᓚᒍᑕᖓ I ᓇᓗᓇᐃᖅᑕᐅᓯᒪᔪᑦ ᐆᒪᔪᑦ, ᐱᖃᓯᐅᑎᓗᒋᑦ ᓱᓇᒃᑯᑖᑦ ᓯᕗᓂᖓᓐᓂ ᐊᖏᕈᑕᐅᓯᒪᔪᑦ ᐅᕝᕙᓘᓐᓃᑦ ᐊᒥᓱᕈᖅᑎᑕᐅᓯᒪᔪᑦ ᐆᒪᔪᑦ, ᑭᓯᐊᓂᓕ ᐱᔪᓐᓇᓂᖅᑲᑕ ᐃᒻᒥᒃᑯᑦ ᐃᓪᓗᒥᐅᑕᕆᓂᐊᖅᑕᖓᓐᓄᑦ ᐊᑐᓐᖏᑦᑐᓂᑦ. ᑲᓇᑕᒥ ᒫᓐᓇ ᐊᓐᓂᔾᔨᒍᓐᓇᓂᕐᒧᑦ ᐅᕝᕙᓘᓐᓃᑦ ᐊᓯᐊᓅᕈᔾᔨᒍᓐᓇᕐᓂᖏᓐᓄ ᐱᔪᓐᓇᐅᑎᓂᒃ ᑐᓂᓯᕙᒻᒪᑕ ᐸᐃᑉᐹᑐᐃᓐᓇᐅᖏᑦᑐᒥᑦ ᓱᓇᒃᑯᑖᕐᓂᑦ ᓯᕗᓂᖓᓐᓂ ᐊᖏᖅᑕᐅᓯᒪᔪᓂᒃ ᐅᕝᕙᓘᓐᓃᑦ ᐊᒥᓱᕈᖅᑎᑕᐅᓯᒪᔪᓂᒃ ᓂᕐᔪᑎᓂᑦ.

ᐅᔾᔨᓱᖅᑕᐅᒋᐊᓖᑦ ᐊᓕᐸᒐᓱᐊᖅᐸᑦᑐᑦ ᐱᖁᔭᕐᓂᑦ ᓯᖁᒥᑦᑎᓪᓗᑎᑦ (MIKE)

ᐅᓂᒃᑳᓕᐊᕆᔭᐅᕋᑖᓚᐅᖅᑐᖅ ᐅᔾᔨᓱᖅᑕᐅᒋᐊᓖᑦ ᐊᓕᐸᒐᓱᐊᖅᐸᑦᑐᑦ ᐱᖁᔭᕐᓂᑦ ᓯᖁᒥᑦᑎᓂᒃᑯᑦ (MIKE)Footnote 4 (2019) ᓇᓗᓇᐃᖅᓯᓯᒪᔪᑦ ᑐᖁᕋᐃᖃᑦᑕᖅᓯᒪᓂᖏᑦ ᐋᐳᓕᑲᒥ ᐊᒥᓲᓂᖅᓴᐅᓕᖅᓯᒪᒻᒪᑕ ᐱᒋᐊᖅᑐᒍ 2006 ᐊᒥᓱᕈᒃᑲᓂᖅᑐᑎᑦ 2011−ᒥ. ᑕᒪᓐᓇ ᒪᓕᑦᑕᐅᕙᓪᓕᐊᓕᓚᐅᖅᑐᖅ ᓱᒃᑲᐃᑦᑑᒐᓗᐊᕐᒥᑦ ᑭᓯᐊᓂᓕ ᖃᑦᑏᓐᓇᕈᖅᐹᓪᓕᓕᓚᐅᖅᑐᑦ 2018−ᒥ. ᐅᔾᔨᓱᖅᑕᐅᒋᐊᓖᑦ ᐊᓕᐸᒐᓱᐊᖅᐸᑦᑐᑦ ᐱᖁᔭᕐᓂᑦ ᓯᖁᒥᑦᑎᓂᒃᑯᑦ (MIKE). ᑖᓐᓇ ᐅᔾᔨᓱᖅᑕᐅᒋᐊᓖᑦ ᐊᓕᐸᒐᓱᐊᖅᐸᑦᑐᑦ ᐱᖁᔭᕐᓂᑦ ᓯᖁᒥᑦᑎᓂᒃᑯᑦ (MIKE) ᐅᓂᒃᑳᖅ ᐅᔾᔨᓱᖅᑎᐊᖁᔨᔪᖅ ᑐᑭᓯᓇᑦᑎᐊᖁᓪᓗᒋᑦ ᖃᑦᑏᓐᓇᕈᖅᐹᓪᓕᖅᓯᒪᔪᑦ ᑐᖁᕋᐃᑐᐃᓐᓇᐸᑦᑐᑦ ᐊᒥᓲᓂᖏᑦ, ᖃᑦᑏᓐᓇᕈᖅᐸᓪᓕᐊᓕᕐᓂᖏᓐᓂᑦᑕᐅ ᐊᓕᐸᐃᑦ. ᑐᖁᕋᐃᑐᐃᓐᓇᐸᑦᑐᑦ ᓱᓇᒃᑯᑖᖏᓐᓄᑦ ᐃᓱᒫᓗᓇᖅᑐᖅ ᓱᓕ ᐋᐳᓕᑲᐅᑉ ᕿᑎᖓᓐᓂ ᐊᒻᒪᓗ ᐅᐊᓐᓇᖓᓂ ᐋᐳᓕᑲᐅᑉ, ᑕᒫᓂ 6%, ᐊᒻᒪᓗ 3%−ᒦᑦᑐᑎᑦ, ᐋᐳᓕᑲᐅᑉ ᐊᒥᓲᓂᖏᑦ. ᑐᖁᕋᐃᕙᑦᑐᑦ ᖃᑦᑏᓐᓇᕈᖅᐹᓕᖅᓯᒪᔫᒐᓗᐊᑦ, ᐃᓚᖏᑎᒍᑦ, ᑭᓯᐊᓂᑦᑕᐅ ᖃᑦᑏᓐᓇᕈᖅᐸᓪᓕᐊᒻᒥᔪᑦ ᐊᓕᐸᑦ, ᐊᒻᒪᓗ ᓇᒻᒥᓂᖅ ᑐᖁᕋᖅᐸᑦᑐᑦ ᐸᓂᖅᑐᐊᓘᓂᖓᓐᓄᑦ ᓄᓇᖓᓐᓂ, ᑕᒪᓐᓇ ᒪᓗᒋᔭᐅᓯᒪᔪᖅ ᑕᐃᒫᒃ ᑲᓇᓐᓇᖓᓂ ᐋᐳᓕᑲᐅᑉ. ᓱᓇᒃᑯᑖᖏᓐᓄᑦ ᑐᖁᕋᐃᖃᑦᑕᕐᓂᖅ ᐊᐃᓴᒥ ᐊᒥᓲᓂᖏᑦ ᐊᓯᔾᔨᑕᖃᑦᑕᖅᑐᑦ ᑕᐃᒪᓐᖓᓂ 2006−ᒥᓂᑦ. ᐅᓂᒃᑳᕐᓂᑦ ᐅᖃᖅᓯᒪᔪᑦ ᐃᓄᐃᑦ ᐊᓕᐸᓪᓗ ᐹᖃᑦᑕᐅᑎᖃᑦᑕᕐᓂᖏᓐᓂ ᐃᓛᓐᓂᒃᑯᑦ ᒪᓕᒐᖅᑎᒍᑦ ᓯᖁᒥᑦᑎᓪᓗᑎᑦ ᑐᖁᑦᑎᖃᑦᑕᕐᖓᑕ ᐊᓕᐸᓂᑦ. ᑲᓇᑕᒥ ᐊᓕᐸᖃᓐᖏᑦᑑᒐᓗᐊᖅ ᐊᒻᒪᓗ ᐃᓚᒋᔭᐅᓐᖏᑦᑐᖅ ᑕᒪᑐᒥᖓ ᐅᔾᔨᓱᑦᑎᐊᕋᓱᐊᕐᓂᕐᒥᑦ.

ᐊᓕᐸᓂᑦ ᑕᐅᖅᓰᓂᕐᒧᑦ ᑐᑭᓯᒋᐊᕈᑎᐅᕙᑦᑐᑦ (ETIS)

ᐅᓂᒃᑳᓕᐊᖑᕋᑖᓚᐅᖅᑐᖅ ᐊᓕᐸᓄᑦ ᑕᐅᖅᓰᓂᕐᒧᑦ ᑐᑭᓯᒋᐊᕈᑕᐅᕙᑦᑐᑦ (ETIS)Footnote 5 (2019) ᐅᓂᒃᑳᖏᑦ ᓇᓗᓇᐃᖅᓯᓚᐅᖅᑐᑦ ᐊᒥᓲᓂᖅᓴᐅᓕᕐᖓᑕ ᐱᕋᔭᑦᑐᑎᑦ ᑕᐅᖅᓰᕙᑦᑐᑦ, ᐱᒋᐊᕐᖓᕐᓂᖓᓐᓂ 2008−ᒥ ᐊᒻᒪᓗ ᐊᒥᓱᕈᖅᑲᓂᖅᑐᑎᑦ 2015−ᒥ, ᐱᓗᐊᖅᑐᒥ ᐊᖏᔫᑎᐅᓂᖅᓴᓂᑦ ᓴᓇᓯᒪᓐᖏᑦᑐᓂᑦ ᑑᒑᕐᓂᑦ. ᐱᕋᔭᓪᓚᕆᐊᓗᓐᓂᑦ ᑕᐃᒪᐃᑦᑐᖃᖅᐸᑦᑐᖅ ᑐᖁᕋᐃᓪᓗᑎᑦ ᓱᓇᒃᑯᑖᖏᓐᓄᑦ ᐱᖁᔭᕐᓂᓪᓗ ᓯᖁᒥᑦᑎᓪᓗᑎᑦ ᑕᐅᖅᓰᕙᑦᑐᑦ. ᑐᑭᓯᒋᐊᕈᑏᑦ 2016−ᒥ ᐊᒻᒪᓗ 2017−ᒥ ᐊᒥᓱᕈᕐᓂᕋᐃᓯᒪᔪᑦ ᓯᖁᒥᑦᑎᓪᓗᑎᑦ ᒪᓕᒐᕐᓂᑦ ᑕᐅᖅᓰᓯᒪᔪᑦ ᑕᐃᑲᓂ 2015−ᒥ ᐊᒥᓱᕈᖅᑲᓂᖅᑐᑎᑦ ᑭᓯᐊᓂᓕ 2017−ᒥ ᐱᔭᕇᖅᓯᒪᓐᖏᑦᑐᑦ ᐅᓂᒃᑳᑦ. ᐊᓕᐸᓄᑦ ᑕᐅᖅᓰᓂᕐᒧᑦ ᑐᑭᓯᒋᐊᕈᑕᐅᕙᑦᑐᑦ (ETIS) ᐅᓂᒃᑳᖏᓐᓂ ᖃᐅᔨᓯᒪᒻᒥᔫᑦ ᐱᖁᔭᕐᓂᑦ ᓯᖁᒥᑦᑎᓪᓗᑎᑦ ᐃᒻᒥᒃᑰᖅᑐᑦ ᓄᓇᓕᕐᔪᐊᑦ ᓇᓗᓇᐃᖅᓯᓯᒪᒻᒥᔪᑦ ᐱᕋᔭᓐᓂᒃᑯᑦ ᑕᐅᖅᓰᖃᑦᑕᖅᓯᒪᔪᓂᒃ ᐅᕝᕙᓘᓐᓃᑦ ᐊᐅᓪᓚᕈᔾᔨᓯᒪᔪᑦ ᓯᖁᒥᑦᑎᓪᓗᑎᑦ ᒪᓕᒐᕐᓂᑦ ᑕᒫᓂ 2015−ᒥ - 2017−ᒧᑦ. ᑲᓇᑕᒥ ᐃᓚᒋᔭᐅᓚᐅᖅᑐᖅ ᐅᑯᓂᖓ (Austria, Switzerland, Spain, Australia ᐊᒻᒪᓗ New Zealand) ᐃᓚᒋᔭᐅᓪᓚᕆᓐᖏᒃᑲᓗᐊᖅᑐᓂ ᓯᖁᒥᑦᑎᔪᓂᒃ ᐱᖁᔭᕐᓂᑦ ᑑᒑᕐᓂᑦ ᑕᐅᓰᓂᒃᑯᑦ. ᑭᓯᐊᓂᓕ ᓄᖅᑲᖅᑎᑕᐅᓯᒪᔪᑦ ᑕᒪᒃᑯᓂᖓ ᓄᓇᓕᕐᔪᐊᕐᓂᑦ ᑕᐅᖅᓰᕙᑦᑐᓂᑦ ᑑᒑᕐᓂᑦ ᐃᒻᒥᒃᑯᑦ ᐱᓂᐊᖅᑕᒥᓂᒃ, ᐊᖏᔫᑎᐊᓗᓐᖏᑦᑐᓄᓪᓕ ᑲᑐᔾᔨᖃᑎᒌᓐᓄᒃ ᐱᕋᔭᓪᓚᕆᐊᓗᓐᓂᑦ ᐃᓚᖃᕐᓗᑎᑦ. ᐱᓗᐊᖅᑐᒥᓪᓕ, ᐊᖅᓵᖅᓯᓯᒪᔪᑦ ᑑᒑᕐᓂᑦ ᐃᓯᕈᔾᔭᐅᓕᖅᑐᓂᑦ ᑲᓇᑕᒥ ᐃᒻᒥᒃᑯᑦ ᐱᒋᓂᐊᖅᑕᒥᓂᒃ ᐱᔪᓐᓇᐅᑎᖃᓐᖏᑦᑐᓂᑦ.

28 ᓄᓇᓕᕐᔪᐊᑦ, ᐱᖃᓯᐅᔾᔭᐅᓪᓗᓂ ᑕᕆᐅᑉ ᐊᑭᐊ ᑯᐃᑉ ᓄᓇᖓᑦ ᐃᓚᖓᓐᓂ ᐊᒻᒪᓗ ᒥᐊᓕᒐᕐᓂᑦ ᓇᓗᓇᐃᖅᑕᐅᓚᐅᖅᑐᑦ ᐊᖏᓂᖅᐹᕐᓂᑦ ᓯᖁᒥᑦᑎᓪᓗᑎᑦ ᐱᖁᔭᕐᓂᑦ ᑕᐅᖅᓰᖃᑦᑕᖅᑐᒥᓃᑦ ᑕᒫᓂ 2015−ᒥ - 2017−ᒧᑦ.

ᓄᓇᓕᕐᔪᐊᓂᑦ ᑑᒑᑦ ᐱᒋᐊᕈᑎᐅᓯᒪᔪᑦ ᐸᕐᓇᐅᑎᖓ (NIAP)

ᐊᓕᐸᓄᑦ ᑕᐅᖅᓰᓂᕐᒧᑦ ᑐᑭᓯᒋᐊᕈᑕᐅᕙᑦᑐᑦ (ETIS) ᐅᓂᒃᑳᖅᓯᒪᔪᑦ ᓄᓇᓕᕐᔪᐊᕐᓂᑦ ᐱᖃᑕᐅᒋᐊᓕᓐᓂᒃ ᑕᕝᕙᓂ ᓄᓇᓕᕐᔪᐊᓂ ᑑᒑᑦ ᐱᒋᐊᕈᑕᐅᓯᒪᔪᑦ ᐸᕐᓇᐅᑎᖓ (NIAP) ᐱᕙᓪᓕᐊᓂᖏᓐᓂ. ᑕᒪᒃᑯᐊ ᓄᓇᓕᕐᔪᐊᑦ ᐋᖅᑮᓗᑎᑦ ᓄᓇᓕᕐᔪᐊᓂ ᑑᒑᑦ ᐱᒋᐊᕈᑕᐅᓯᒪᔪᑦ ᐸᕐᓇᐅᑎᖓ (NIAP)Footnote 6 ᐃᓱᒫᓗᒋᔭᐅᔪᓂᒃ ᓇᓗᓇᐃᖅᑕᐅᓯᒪᔪᓂᒃ ᑲᒪᓗᑎᑦ ᐊᓕᐸᓄᑦ ᑕᐅᖅᓰᓂᕐᒧᑦ ᑐᑭᓯᒋᐊᕈᑕᐅᕙᑦᑐᑦ (ETIS) ᐅᓂᒃᑳᕐᓂᑦ ᒪᓕᒐᖅᑎᒍᑦ ᐊᑐᐊᒐᖅᑎᒍᑦ, ᐊᔭᐅᖅᑐᖅᑕᐅᓗᑎᑦ ᑎᒥᐅᔪᓪᓗ ᐱᓕᕆᖃᑎᒌᓪᓗᑎᑦ ᑲᓇᑕᒥ, ᐊᕕᑦᑐᖅᓯᒪᔪᓂᒃ ᓯᓚᕐᔪᐊᒥᓗ, ᑐᓴᐅᒪᖃᑎᒌᖃᑦᑕᕐᓗᑎᑦ, ᑭᒃᑯᑐᐃᓐᓇᓂᓪᓗ ᐅᔾᔨᕈᓱᖅᐹᓪᓕᑎᑦᑎᓇᓱᐊᕐᓗᑎᑦ, ᐃᓕᓐᓂᐊᑎᑦᑎᖃᑦᑕᕐᓗᑎᑦ ᐅᓂᒃᑳᓕᐅᖃᑦᑕᕐᓗᑎᓪᓗ. ᓄᓇᓕᕐᔪᐊᑦ ᐱᕙᓪᓕᐊᖏᑦᑐᑦ ᑕᒪᑐᒥᖓ ᐊᑐᓕᖅᑎᑦᑎᖏᑦᑐᓪᓗ ᐸᕐᓇᐅᑎᒥᓂᒃ ᒪᓕᒐᕐᓂᑦ ᓯᖁᒥᑦᑎᓂᖏᓐᓂ ᓇᓗᓇᐃᖅᑕᐅᒐᔭᖅᑐᑦ, ᐱᖃᓯᐅᑎᓗᒋᑦ ᐊᑐᓕᖁᔭᐅᓯᒪᔪᑦ ᓄᖅᑲᖅᑎᑕᐅᓗᑎᑦ ᑕᐅᖅᓰᒥᓂᕐᒥᑦ. ᑲᓇᑕ ᓇᓗᓇᐃᖅᑕᐅᓚᐅᖅᓯᒪᓐᖏᑦᑐᖅ ᐊᓕᐸᓄᑦ ᑕᐅᖅᓰᓂᕐᒧᑦ ᑐᑭᓯᒋᐊᕈᑎᐅᕙᑦᑐᑦ (ETIS) ᐱᖃᑕᐅᓂᖏᓐᓂ ᑑᒑᕐᓂᑦ ᐸᕐᓇᐅᑎᓕᐅᕐᓂᕐᒧᑦ.

ᑖᓐᓇ ᑑᒑᕐᓂᑦ ᑕᐅᓰᓂᐅᕙᑦᑐᑦ ᑲᓇᑕᒥ

ᑲᓇᑕᒥ ᐃᓯᕈᔾᔨᓂᐅᕙᑦᑐᖅ ᐊᓕᐸᐃᑦ ᑑᒑᖏᓐᓂ ᐊᑦᑎᑦᑐᖅFootnote 7 ᑕᐃᒃᑯᐊᓕ ᓯᓚᕐᔪᐊᒥ ᑕᐅᖅᓰᕙᑦᑐᓂᑦ ᐊᓕᐸᐃᑦ ᑐᒑᖏᓐᓂ ᐊᒥᓲᓂᖏᖅᓴᐅᒻᒪᑕ. ᐊᓕᐸᐃᑦ ᑑᒑᖏᑦ ᑲᓇᑕᒨᖅᑕᐅᒐᐃᒻᒪᑕ ᒪᓕᒐᕐᓂᑦ ᐃᓚᖓᓐᓂ I−ᒥᑦ ᒪᓕᑉᐸᑦᑐᑦ ᓯᕗᓂᖓᓐᓂ ᐊᖏᕈᑎᑖᖅᑐᑎᑦ ᑑᒑᕐᒧ ᐊᒻᒪᓗ ᐱᖃᓯᐅᔾᔨᔪᑦ ᐱᑐᖃᕐᓂᑦ ᐱᐊᓇᓂᑦ, ᓱᐴᒐᕐᓂᑦ ᐳᓪᓚᓕᓐᓂᒃ (bagpipes), ᐃᓄᓐᖑᐊᓕᓐᓂᑦ ᐃᖏᕐᕋᔭᕐᓂᑦ ᐊᒻᒪᓗ ᓴᓇᓐᖑᐊᒐᕐᓂᑦ ᓂᐅᕐᕈᑕᐅᓂᐊᖅᑐᓂᑦ ᓂᐅᕐᕈᑎᔅᓴᐅᓂᖏᑦᑐᓂᓪᓘᓐᓃᑦ ᑕᐅᓰᒍᑕᐅᓂᐊᖅᑐᓂᒃ, ᒪᓕᒐᖅᑎᒍᑦ, ᑕᐅᖅᓰᒍᑕᐅᔾᔮᖏᑦᑐᓂᑦ ᓂᐅᕐᕈᑕᐅᓗᑎᒃ ᐱᖃᓯᐅᔾᔨᔪᑦ ᐊᓕᐸᓐᓂᑦ ᑐᒑᕐᓂᑦ ᓅᔅᓯᔪᓂᒃ ᓄᓇᓕᕐᔪᐊᕐᒥᑦ ᐊᓯᐊᓄᑦ ᐃᓪᓗᒥᐅᑕᕆᓂᐊᖅᑕᖓᓐᓄᑦ ᓲᕐᓗ ᐱᐊᓇᒥᑦ ᐊᓕᐸᒥ ᑑᒑᓕᓐᓂᒃ ᓇᕿᑦᑕᐅᑎᖏᓐᓂ, ᐊᓕᐸᐃᓪᓗ ᑑᒑᖏᓐᓂ ᐊᓕᐸᑦᑕᒥᓂᐅᔪᒥᑦ, ᐊᒻᒪᓗ ᐊᓕᐸᐃᑦ ᑑᒑᖏᓐᓂ ᐊᑐᖅᑕᐅᓂᐊᖅᑐᓂᑦ ᖃᐅᔨᓴᕐᓂᕐᒧᑦ. ᐃᓚᖓ ᒥᑭᓂᖅᓴ ᑲᓇᑕᒥ ᒪᓕᒐᖅᑎᒍ, ᓂᐅᕐᕈᑕᐅᔾᔮᖏᑦᑐᓂᑦ ᑕᐅᖅᓰᒍᑎᓄᑦ ᐱᖃᓯᐅᔾᔨᔪᑦ ᑕᑯᕚᖅᑖᖓᓐᓂ ᐆᒪᔪᖅᑕᒥᓂᖓᓐᓂ ᒪᓕᒐᖅᑎᒍᑦ ᒪᓕᑦᑐᓂ, ᓄᖑᓴᖅᑕᐅᓇᑎᑦ ᐋᐳᓕᑲᐅᑉ ᐊᓕᐸᖏᑦ ᓇᓗᓇᐃᖅᑕᐅᒍᓐᓇᕐᒥᔪᖅ I−ᒥᑦ ᐅᕝᕙᓘᓐᓃᑦ ᐃᓚᒍᑕᖓᓐᓂ II−ᒥᑦ.

ᒪᕐᕈᓪᓗᐊᑕᐅᒻᒪᑎᒃ ᐊᓕᐸᓂᑦ ᑑᒑᕐᓂᑦ ᑕᐅᖅᓯᒍᑕᕙᑦᑐᓐᓂᒃ ᐃᓗᐊᓄᑦ ᓯᓚᑖᓄᓪᓗ ᑲᓇᑕᐅᑉ, ᓱᕐᕋᔅᓯᒪᓐᖏᑦᑐᑦ ᐊᒻᒪᓗ ᓴᓇᓯᒪᔪᑦ ᑑᒑᑦ. ᑕᐃᒫᒃ ᓇᓗᓇᐃᖅᑕᐅᓯᒪᒻᒪᑕ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES), ᓱᕐᕋᔅᓯᒪᓐᖏᑦᑐᑦ ᑐᑭᓕᒃ “ᐃᓗᐃᑦᑑᓪᓗᓂ ᐊᓕᐸᐅᑉ ᑑᒑᖓ, ᕿᓪᓕᓴᖅᓯᒪᓪᓗᓂ ᕿᓪᓕᓴᖅᓯᒪᓐᖏᑦᑐᕐᓘᓐᓃᑦ ᐊᒻᒪᓗ ᖃᓄᐃᓕᖓᑐᐃᓐᓇᕋᓗᐊᖅᑲᑦ, ᐊᒻᒪᓗ ᐊᓕᐸᐅᑉ ᑑᒑᖏᑦ ᐊᒡᒍᖅᓯᒪᔪᑦ, ᕿᓪᓕᓴᖅᓯᒪᔪᑦ ᐅᕝᕙᓘᓐᓃᑦ ᕿᓪᓕᓴᖅᓯᒪᓐᖏᑦᑐᑦ ᐊᓯᔾᔨᖅᑕᐅᓯᒪᓗᑎᑦ, ᑭᓯᐊᓂᓕ “ᓴᓇᔭᐅᓯᒪᓐᖏᑦᑐᑦ ᑑᒑᑦ”, ᐊᒻᒪᓗ ᓴᓇᔭᐅᓯᒪᔪᑦ ᑑᒑᑦ ᑐᑭᓕᒃ “ᑑᒑᖅ ᓴᓇᓐᖑᐊᖅᑕᐅᓯᒪᔪᖅ, ᖃᓄᐃᑦᑑᓂᖓ ᐊᓯᔾᔨᖅᓯᒪᔪᖅ ᑲᒪᒋᔭᐅᓯᒪᔪᕐᓗᓐᓃᑦ, ᐃᓗᐃᑦᑑᓗᒍ ᐃᓚᐃᓐᓇᖓᓗᓐᓃᑦ. ᑕᒪᓐᓇ ᐱᖃᓯᐅᔾᔨᖏᑦᑐᖅ ᐃᓗᐃᑦᑐᕐᒥᑦ, ᑭᓯᐊᓂᓕ ᖄᓕᒫᖓ ᓴᓇᓐᖑᐊᖅᑕᐅᓯᒪᓐᓂᖅᑲᑦ ".

ᑲᓇᑕ ᓴᖅᑮᓚᐅᖅᑐᑦ ᐃᓯᕈᓐᓇᐅᑎᓂᒃ (ᐃᓚᒍᑕᖓᓐᓂ I−ᑐᐊᕐᒥᑦ) ᐅᕝᕙᓘᓐᓃᑦ ᐊᓐᓂᔾᔨᑲᓐᓂᕈᓐᓇᓂᕐᒧᑦ ᐱᔪᓐᓇᐅᑎᒥᒃ (ᐃᓚᒍᑕᖓ I ᐊᒻᒪᓗ ᐃᓚᒍᑕᖓ II) ᓴᓇᓯᒪᓐᖏᑦᑐᓂᑦ ᑕᑯᕚᖅᑖᓄᑦ ᐆᒪᔪᖅᑕᒥᓂᖓᓐᓄᑦ ᑮᓇᐅᔭᐃᖅᑐᓂ, ᐅᕝᕙᓘᓐᓃᑦ ᐃᒻᒥᓂᒃ ᐱᓯᒪᓂᐊᖅᑕᖓᓐᓂ (ᓯᕗᓕᖓᓐᓄᑦ ᑐᓂᔭᐅᓐᓂᖅᑲᑦ ᑐᓂᕐᕈᓯᐊᖑᓐᓂᖅᑲᓪᓘᓐᓃᑦ). ᐃᒻᒥᓅᖓᑉᐸᑦ, ᐃᓗᐃᑦᑑᓗᓂ ᐊᑕᖏᐸᓗᑦᑐᓂᓘᓐᓃᑦ ᓴᓇᔭᐅᓯᒪᔪᖅ (ᓴᓇᓐᖑᐊᖅᑕᐅᓯᒪᔪᖅ ᐊᑕᖏᖅᑐᒍ, ᐃᓚᖓᓪᓘᓐᓃᑦ ᒥᑭᔪᕈᓗᓪᓘᓐᓃᑦ), ᑲᒪᒋᔭᐅᓯᒪᓐᖏᑦᑐᖅ ᑭᓯᐊᓂᓕ ᑐᓐᖓᕕᓕᒃ ᒪᑭᑕᔾᔪᑎᓕᐅᖅᓯᒪᔪᖅ, ᑕᐃᒫᑐᐃᓐᓇᕐᓗᓐᓃᑦ. ᑕᒪᒃᑯᐊ ᑑᒑᑦ ᐃᓚᒌᓐᓃᑦᑐᒥᓂᐅᑉᐸᑕ ᐊᑯᓂᐊᓗᒃ, ᐅᕝᕙᓘᓐᓃᑦ ᓂᐅᕕᐊᖑᓐᓂᖅᑲᑕ ᐅᕝᕙᓘᓐᓃᑦ ᑐᓂᕐᕈᓯᐊᖑᓐᓂᖅᑲᑕ ᑕᕆᐅᑉ ᐊᓂᐊᓂ. 

ᐃᓚᖏᑦ ᐆᑦᑑᑏᑦ ᑲᒪᒋᔭᐅᓯᒪᔪᑦ ᑑᒑᑦ ᐃᓯᕈᔾᔭᐅᔪᑦ ᐅᕝᕙᓘᓐᓃᑦ ᐊᓐᓂᔾᔭᐅᑲᓐᓂᖅᑐᑦ ᑲᓇᑕᒥ:

ᑕᐃᒪᓕ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐱᔪᓐᓇᐅᑎᓂᒃ ᑐᓂᓯᒻᒪᑕ ᐃᓯᕈᓐᓇᐅᑎᓂᒃ ᐊᓐᓂᔾᔨᒍᓐᓇᐅᑎᓂᓪᓗ ᓴᓇᓯᒪᔪᓂᒃ ᑑᒑᕐᓂᑦ, ᐃᒻᒥᒃᑯᑦ ᑖᒃᑯᐊ ᐱᒋᓂᐊᖅᑕᖏᓐᓂ ᑑᒑᕐᓂᑦ ᐅᖃᐅᓯᐅᕙᑦᑐᑦ ᓇᓗᓇᐃᖅᑕᐅᓪᓗᑎᑦ ᑎᑎᕋᖅᑕᐅᓪᓗᑎᑦ ᐱᔪᓐᓇᐅᑎᖓᓐᓂ (ᐊᔪᕐᓇᓐᖏᒐᐃᒻᒪᑦ). ᕿᒥᕐᕈᔭᐅᒋᐊᖃᓲᑦ ᐱᐅᓂᖏᑦ ᑑᒑᑦ ᐃᓯᕈᔾᔭᐅᔪᑦ ᐊᓐᓂᔾᔭᐅᔪᓪᓘᓐᓃᑦ ᑲᓇᑕᒥ ᐊᖏᓂᖓᓐᓂ ᓇᓗᓇᐃᕈᑎᐅᕙᑦᑐᑦ ᑑᒑᑉ, ᑭᓯᐊᓂᓕ ᐊᒥᓲᓂᖏᑦ ᒥᑭᔫᑎᐅᒐᓗᐊᖅᑲᑕ ᑕᑯᒥᓴᐅᑎᐅᓗᑎᑦ ᐊᔾᔨᒋᓐᖏᒻᒥᔭᖏᑦ. ᑕᐃᑲᓐᖓᑦ 2015−ᒥᑦ ᑎᑭᑦᑐᒍ 2020, ᑲᓇᑕ ᑐᓂᓯᓯᒪᓕᖅᑐᑦ 185−ᓂᒃ ᐃᓯᕈᓐᓇᐅᑎᓄᑦ ᐱᔪᓐᓇᐅᑎᓂᒃ ᐊᒻᒪᓗ 214−ᓂᒃ ᐊᓐᓂᔾᔨᒍᓐᓇᐅᑎᓂᒃ ᐊᓯᐊᓄᓪᓘᓐᓃᑦ ᐊᓕᐸᐃᑦ ᑑᒑᖏᓐᓂ.

ᐱᒋᐊᕈᑕᐅᔪᓐᓇᑐᐃᓐᓇᕆᐊᓖᑦ ᑕᐅᖅᓰᖃᑦᑕᓂᕐᒧᑦ ᐊᐅᓚᑕᐅᓗᑎᑦ ᐊᓕᐸᐃᑦ ᑑᒑᖏᓐᓄᑦ

ᑕᒪᓐᓇ ᓇᐃᓈᖅᑐᒍᑦ ᑎᑎᕋᖅᓯᒪᔪᖅ ᐱᒋᐊᕈᑕᐅᑐᐃᓐᓇᕆᐊᖃᕐᓂᖏᓐᓂ ᑲᓇᑕᒥ ᐃᓱᒪᒋᔭᐅᒐᔭᖅᑐᑦ ᓯᓚᕐᔪᐊᒥ ᐊᓕᐸᓐᓂᑦ ᑑᒑᕐᓂᑦ ᑕᐅᖅᓯᖃᑦᑕᕐᓂᖏᓐᓄᑦ ᐊᐅᓚᑦᑎᓂᕐᒥᑦ, ᐱᖃᐅᓯᑎᓪᓗᒋᑦ ᐱᔭᐅᔪᒪᒐᔭᖅᑐᓂᒃ, ᐅᕝᕙᓘᓐᓃᑦ ᐊᐅᓚᑦᑎᑲᓐᓂᕈᒪᓐᓂᖅᑲᑕ ᑲᓇᑕᒥᐅᑦ ᓴᓐᖏᓂᖅᓴᓂᑦ ᒪᓕᒐᖃᕐᓗᑎᑦ ᐱᔭᕆᐊᖃᖅᑐᓂᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES). ᐃᑲᔫᑎᖃᖅᑐᖅ ᕿᒥᕐᕈᔭᐅᔪᓂᒃ ᐊᓕᐸᓂᑦ ᑑᒑᖏᓐᓂ ᓴᓐᖏᓂᖅᓴᒥᑦ ᒪᓕᒐᖃᕐᓗᑎᑦ ᒫᓐᓇ ᐊᑦᑐᐃᓂᖃᖅᑐᑦ ᐊᓯᖏᓐᓂ ᓄᓇᓕᕐᔪᐊᕐᓂᑦ, ᐱᓗᐊᖅᑐᒥᑦ ᒥᐊᓕᒐᐃᑦ ᓄᓇᖓᓐᓂ ᐊᒻᒪᓗ ᑯᐃᑉ ᓄᓇᖓᑕ ᖃᓂᒋᔭᖏᓐᓂ. ᖃᐅᔨᒪᔭᐅᒋᐊᓕᒃ, ᑲᑎᒪᑎᑦᑎᓚᐅᖅᑎᓪᓗᒋᑦ ᐊᑐᖅᑎᑦᑎᖏᑦᑐᕐᓕ ᐊᓯᖏᓐᓂ ᐊᓕᐸᐅᑉ ᓱᓇᒃᑯᑖᖏᓐᓂ. ᑲᓇᑕ ᐊᑐᖅᑎᑎᑐᐃᓐᓇᕐᓂᐊᖅᑐᖅ ᒫᓐᓇ ᑕᐃᒪᐃᑦᑐᒥᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᒪᓕᒐᕐᓂᑦ ᑕᐅᖅᓰᓂᕐᒨᖓᔪᓂᒃ ᑑᒑᓕᐅᓐᖏᑦᑐᓂᑦ ᓲᕐᓗ ᐊᓕᐸᐃᑦ ᒥᖅᑯᖏᓐᓂ, ᐊᒥᖏᓐᓂ ᐃᖃᖅᑎᒐᔭᐅᔭᕈᖅᑎᑕᐅᓯᒪᔪᓂᒃ, ᑕᐅᖅᓰᑎᑦᑎᒍᓐᓇᕐᓗᑎᑦ ᓈᒻᒪᑦᑐᓂᑦ ᐱᔪᓐᓇᐅᑎᖃᑦᑎᐊᕐᓗᑎᑦ ᐃᓯᖅᑎᑦᑎᒍᓐᓇᐅᑎᓂᒃ ᐊᓐᓂᔾᔨᒍᓐᓇᐅᑎᓂᓪᓗ ᐊᓯᖏᓐᓄᓪᓗ.

ᐱᖓᓲᒻᒪᑕ ᐊᕕᑦᑐᖅᓯᒪᔪᑦ ᑕᐅᖅᓰᓂᕐᒧᑦ ᐃᓱᒪᒋᔭᐅᓂᐊᖅᑐᑦ; (1) ᓂᐅᕐᕈᑎᖃᕐᓂᕐᒧᑦ ᑕᐅᖅᓰᓂᖅ, (2) ᓂᐅᕐᕈᑎᖃᓂᕐᒨᓐᖏᑦᑐᖅ ᑕᐅᖅᓰᓂᖅ ᐊᒻᒪᓗ (3) ᐃᒻᒥᒃᑯᑦ ᐃᓪᓗᒥᐅᑕᖏᑦ ᓴᓇᓯᒪᓐᖏᑦᑐᑦᑑᒑᑦ ᑕᑯᕚᖅᑖᒥᓃᑦ ᐆᒪᔪᖅᑕᖓᓐᓂ, ᐊᓯᖏᓂᓪᓗ ᓴᓇᓯᒪᓐᖏᑦᑐᓂᑦ ᑐᒑᕐᓂᑦ, ᐊᒻᒪᓗ ᓴᓇᓯᒪᔪᓂᒃ. ᑕᒪᒃᑯᐊ ᑑᒑᑦ ᐱᔭᐅᓯᒪᑐᐃᓐᓇᕆᐊᓖᑦ ᐊᓕᐸᓂᑦ ᑎᒍᐊᖑᓐᖏᑦᑐᓂᑦ ᐊᓕᐸᐃᑦ ᓇᓗᓇᐃᖅᑕᐅᓚᐅᖅᑎᓐᓇᒋᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) (ᓯᕗᓂᖓᓐᓂ ᐊᖏᕈᑕᐅᓯᒪᔪᓂᒃ), ᓇᓗᓇᐃᖅᑕᐅᓯᒪᓕᖅᑎᓪᓗᒋᑦ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐅᕝᕙᓘᓐᓃᑦ ᐊᓕᐸᓐᓂᑦ ᐊᒥᓱᕈᖅᑎᑕᐅᓯᒪᔪᒥᓂᕐᓂᑦ. ᑕᒪᒃᑯᐊᓕᒫᑦ ᐃᓱᒪᒋᔭᐅᒋᐊᖃᕐᓂᐊᖅᑐᖅ ᖃᐅᔨᓴᖅᑎᓪᓗᒋᑦ ᐊᓕᐸᐃᑦ ᑑᒑᖏᓐᓂ ᑕᐅᖅᓰᖃᑦᑕᖅᑐᓂᑦ ᐊᐅᓚᑕᐅᒋᐊᖃᖅᑐᓂᑦ ᑲᓇᑕᒥ ᓇᓖᕌᕈᑎᔅᓴᓂᒃ.

ᓂᐅᕐᕈᑎᖃᕐᓂᒃᑯᑦ ᑕᐅᖅᓰᓂᖅ

ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᓂᐅᕐᕈᑎᖃᕐᓂᕐᒧᑦ ᐱᔭᕆᐊᖃᓐᖏᑦᑐᑕᖃᕇᖅᑐᖅ ᓯᓚᕐᔪᐊᒥ ᑕᐅᖅᓰᓂᕐᒥᑦ ᑕᕝᕙᓂ ᐃᓚᒍᑕᖓ I ᓱᓇᒃᑯᑖᕐᓂᑦ ᓅᑕᒥᓂᕐᓂᑦ ᓄᓇᒥᑦ ᓇᓗᓇᐃᖅᑕᐅᓯᒪᓕᖅᑎᓪᓗᒍ ᐆᒪᔪᖅ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES), ᐱᖃᓯᐅᑎᓪᓗᒋᑦ ᓂᐅᕐᕈᑎᖃᕐᓂᕐᒧᑦ ᑕᐅᖅᓰᓂᕐᒥᑦ ᓱᓇᒃᑯᑖᕐᓂᑦ ᓴᓇᓯᒪᓐᖏᑦᑐᓂᑦ ᓴᓇᓯᒪᔪᓂᓪᓗ ᐊᓕᐸᐃᑦ ᑐᒑᖏᓐᓂ. ᓂᐅᕐᕈᑎᖃᕐᓂᕐᒥᑦ ᐃᓚᒍᑕᖓᓐᓂ II−ᒥᑦ ᒪᓕᑦᑐᓂᑦ ᑑᒑᕐᓂᑦ ᐊᒥᓲᓂᖏᓐᓂ ᑕᐃᑲᓂ ᓄᓇᓕᓐᓂᑦ (Botswana, Namibia, ᐊᐳᓕᑲᐅᑉ ᓂᒋᐊᓂ ᐊᒻᒪᓗ Zimbabwe−ᒥ) ᐊᐅᓚᑕᐅᑦᑎᐊᖅᑐᑦ ᐊᖏᕈᑎᑎᒍᑦ ᐱᓕᕆᖃᑎᒌᓐᓂᒃ. ᑭᖑᓪᓕᖅᐹᒥ ᓂᐅᕕᐊᖑᓚᐅᖅᑐᖅ ᓴᓇᓯᒪᓐᖏᑦᑐᖅ ᑖᒃᑯᓇᓐᖓᑦ ᐊᓕᐸᓂᒃ 2008−ᒥ. ᒫᓐᓇᑐᐊᖅ ᓂᐅᕐᕈᑎᖃᕐᓂᕐᒧᑦ ᑕᐅᖅᓰᒍᓐᓇᖅᑐᑦ ᐊᓕᐸᐃᑦ ᑑᒐᖏᓐᓂ ᓇᓗᓇᐃᖅᑕᐅᓯᒪᔪᓂᒃ ᐃᓚᒍᑕᖓ II−ᒥ ᓴᓇᐅᓯᒪᔪᓂᒃ ᐊᒻᒪᓗ ᐃᓚᒍᑕᖓ I ᓯᕗᓂᖓᓐᓂ ᐊᖏᖅᑕᐅᓯᒪᔪᓂᒃ ᓴᓇᓯᒪᓐᖏᑦᑐᓂᑦ ᓴᓇᓯᒪᔪᓂᓪᓗ (ᖃᐅᔨᒪᔭᐅᒋᐊᓕᒃ ᓯᕗᓂᖓᓐᓂ ᐊᖏᖅᑕᐅᔪᖃᖃᑦᑕᖏᑦᑐᖅ ᑑᒑᕐᓂᑦ ᐃᓱᒪᒋᔭᐅᔪᓂᒃ

ᑲᓇᑕᒥ ᐱᒃᑲᓐᓂᕆᐊᖃᓲᑦ ᐃᓯᕈᓐᓇᐅᑎᒥᒃ ᓯᕗᓂᖓᓐᓂ ᐊᖅᑕᐅᓯᒪᔫᒐᓗᐊᕐᓂᑦ ᑐᒐᕐᓂᑦ ᐅᔾᔨᓱᖅᑕᐅᑦᑎᐊᖁᓪᓗᒋᑦ ᐃᓯᖅᑐᑦ ᑲᓇᑕᒧ.

ᑕᕝᕙᓃᑦᑐᓂᑦ ᐃᓚᒍᑕᖓ II−ᒥ).

ᐱᒋᐊᕈᑕᐅᔪᓐᓇᑐᐃᓐᓇᕆᐊᓖᑦ ᓂᐅᕐᕈᑎᖃᕐᓂᒃᑯᑦ ᑕᐅᖅᓰᓂᕐᒥᑦ ᐊᓕᐸᓐᓂ ᑑᒐᖏᓐᓂ ᑲᓇᑕᒥ ᐃᒪᐃᑦᑐᓂᑦ ᐃᓱᒪᖅᓴᖅᓯᐅᕋᔭᖅᑐᑦ:

ᓂᐅᕐᕈᑎᖃᕐᓂᒃᑰᖏᑦᑐᖅ ᑕᐅᖅᓰᓂᖅ

ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᒪᓕᒐᐃᑦᓄᖅᑲᖓᑎᑦᑎᖏᑦᑐᑦ, ᐊᓯᖏᓐᓂᓪᓗ ᑲᔪᓯᑎᑦᑎᓪᓗᓐᓇᑎᑦ ᑭᓯᐊᓂ ᐅᑯᑎᒎᓇ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐱᔪᓐᓇᐅᑎᖃᕆᐊᓖᑦ, ᓂᐅᕐᕈᑎᖃᔾᔮᖏᑦᑐᒧᑦ ᑕᐅᖅᓰᓂᕐᒥᑦ ᐊᓕᐸᐃᑦ ᑐᒑᖓᓐᓂ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᔪᓂᒃ ᓂᕐᔪᑎᓂᑦ ᒪᓕᑦᑐᒋᑦ ᐃᓚᒍᑕᖓ I ᐅᕝᕙᓘᓐᓃᑦ II. ᓂᐅᕐᕈᑎᖃᔾᔮᖏᑦᑐᒧᑦ ᑕᐅᖅᓰᓂᕐᒥᑦ ᐱᖃᓯᐅᔾᔨᔪᑦ ᓴᓇᓯᒪᓐᖏᑦᑐᓂᑦ ᓴᓇᓯᒪᔪᓂᓪᓘᓐᓂᑦ ᑖᒃᑯᓂᖓ ᐃᓚᒍᑕᖓ I ᐅᕝᕙᓘᓐᓃᑦ II ᐊᐅᓪᓚᕈᔾᔭᐅᓯᒪᓪᓗᓂ ᐊᓕᐸᓐᓂᐊᕆᐊᖅᓯᒪᔪᖅ, ᓅᑕᐅᓂᖏᑦ ᓴᓇᓯᒪᓐᖏᑦᑐᑦ ᑑᒑᑦ ᐅᕝᕙᓘᓐᓃᑦ ᓴᓇᓯᒪᔪᑦ ᐊᑦᑐᐊᔪᑦ ᐊᐅᓚᑦᑎᒍᑎᑎᒍᑦ ᖃᓄᐃᓘᕐᓂᐅᔪᑦ, ᖃᐅᔨᓴᖅᑏᑦ ᖃᐅᔨᓴᕐᓂᖏᓐᓄᑦ, ᑕᑯᔭᒐᖃᕐᕕᒻᒥ ᑕᑯᔅᓴᐅᓂᐊᖅᑐᓂᒃ, ᓂᔾᔭᐅᓯᔭᕈᑎᓂᑦᑐᓂᒃ, ᕿᒥᕐᕈᕕᒻᒦᓐᓂᐊᖅᑐᓂᑦ ᐃᓕᓐᓂᐊᕕᒻᒥᓪᓘᓐᓃᑦ ᐱᔪᓄᑦ.

ᑲᓇᑕᒥ ᐃᓯᕈᓐᓇᐅᑎᓂᒃ ᐱᔪᓐᓇᐅᑎᖃᕇᖅᑐᖅ ᑕᒪᒃᑯᓄᖓᓕᒫᖅ ᒪᓕᑦᑐᑎᑦ ᐃᓚᒍᑕᖓ I ᐆᒑᕐᓂᑦ ᐅᔾᔨᓱᖅᑕᐅᑦᑎᐊᖃᑦᑕᕐᓂᐊᕐᖓᑕ ᐃᓯᖅᑐᑦ ᑲᓇᑕᒧ.

ᐱᒋᐊᕈᑕᐅᔪᓐᓇᑐᐃᓐᓇᕆᐊᓖᑦ ᓂᐅᕐᕈᑎᖃᕐᓂᐊᖏᑦᑐᓄᑦ ᑕᐅᖅᓰᓂᕐᒥᑦ ᐊᓕᐸᓐᓂ ᑑᒐᖏᓐᓂ ᑲᓇᑕᒥ ᐃᒪᐃᑦᑐᓂᑦ ᐃᓱᒪᖅᓴᖅᓯᐅᕋᔭᖅᑐᑦ:

ᐆᒪᔪᖅᑐᒥᓂᕐᒧᑦ ᑕᑯᕙᖅᑖᖏᑦ

ᐊᓯᖏᑦ ᓂᐅᕐᕈᑎᖃᓐᖏᓂᕐᒨᖓᔪᑦ ᐊᔭᐅᖅᑐᐃᔾᔪᑕᐅᒋᐊᓖᑦ, ᖃᐅᔨᓴᖅᑎᓄᑦ, ᓴᖅᑭᔮᖅᑎᑕᐅᓂᐊᖅᑐᓄᑦ ᑕᑯᔭᒐᖃᕐᕕᒻᒥ, ᓂᔾᔭᐅᓯᔭᕈᑏᑦ ᐃᓚᖏᓐᓂ, ᕿᒥᕐᕈᕕᒻᒥ ᐅᕝᕙᓘᓐᓃᑦ ᐃᓕᓐᓂᐊᕕᓐᓂᑦ:

ᐃᒻᒥᒃᑯᑦ ᐱᓯᒪᓂᐊᖅᑕᖏᑦ ᐃᓪᓗᒥᐅᑕᖏᓪᓗ

ᑕᐃᒪᐃᑦᑐᑦ ᓯᓚᕐᔪᐊᒥ ᑕᐅᖅᓰᓂᕐᒧᑦ ᐊᐅᓪᓛᖅᑐᖃᖅᑎᓪᓗᒍ ᓇᒻᒥᓂᖁᑎᒋᔭᖏᓐᓂ ᐊᓕᐸᐃᑦ ᑑᒑᖏᓐᓂ (ᓇᓗᓇᐃᖅᓯᒪᑦᑎᐊᖅᑐᓂᑦ ᒪᓕᒐᖃᖅᑐᑎᑦ) ᒫᓐᓇ ᐊᑐᖅᑎᑕᐅᓐᖏᑦᑐᑦ ᑖᔅᓱᒥᖓ ᐊᖏᕈᑎ ᓯᓚᕐᔪᐊᒥ ᑕᐅᖅᓰᓂᕐᒧᑦ ᓄᖑᑐᐃᓐᓇᕆᐊᓖᑦ ᐆᒪᔪᓂᒃ ᐱᕈᖅᑐᓂᓪᓗ (CITES) ᐊᐅᓚᑕᐅᔪᓂᒃ ᑲᓇᑕᒥ. ᓇᓗᓇᐃᔭᖅᓯᒪᔪᑦ ᒪᓕᒐᐃᑦ ᐱᖃᓯᐅᔾᔨᔪᑦ ᓯᓚᕐᔪᐊᒥ ᐊᓯᐊᓄᑦ ᓅᑦᑐᓂᑦ ᐃᑦᑎᕐᕕᖓᓃᑎᑦᑎᓪᓗᑎᑦ, ᐃᓪᓗᖓᑦᑕ ᓱᓇᒃᑯᑖᖏᓐᓃᖃᑕᐅᔪᓂᒃ ᐊᐅᓪᓚᑎᓪᓗᒋᑦ, ᐃᓅᒍᓐᓃᖅᑐᒥᓂᕐᒥᑦ ᐃᓚᒥᓂᒃ ᐱᑖᒥᓂᕐᒥᓂᑦ ᐅᕝᕙᓘᓐᓃᑦ ᐊᓯᖏᓐᓂ ᒪᓕᑦᑐᒋᑦ ᐃᓚᒍᑕᖓ I ᐅᕝᕙᓘᓐᓃᑦ III ᓱᓇᒃᑯᑖᑦ ᓂᐅᕕᐊᒥᓃᑦ ᐳᓚᕋᖅᑎ ᑕᑯᕚᖅᑖᒥᓂᕆᓪᓗᓂᐅᒃ.

ᓴᓐᖏᓕᕇᑦ ᐱᒋᐊᕈᑕᐅᔪᓐᓇᖅᑐᖅ ᐃᒻᒥᒃᑰᖅᑐᓄᑦ ᐱᓯᒪᑦᑎᔪᓄᑦ ᐃᓪᓗᒥᐅᑕᕐᓄᓪᓘᓐᓃᑦ ᑲᓇᑕᒥ ᐃᓱᒪᖅᓴᖅᓯᐅᕈᑕᐅᔪᓐᓇᖅᑐᑦ ᐃᒪᐃᑦᑑᒍᓐᓇᖅᑐᑦ:

ᖃᓄᐃᓘᕐᓂᐊᓕᕐᓂᖏᑦ

ᖃᓄᐃᓕᖓᓕᕐᓂᖏᑦ ᑲᑎᒪᖃᑎᖃᓚᐅᕐᓗᑎᑦ ᓇᓗᓇᐃᖅᓯᒍᓐᓇᕐᓂᐊᖅᑐᑦ ᐃᖅᑲᓇᐃᔭᕐᕕᒃ ᓴᓐᖏᓂᖅᓴᒥᑦ ᒪᓕᒐᖃᕐᓂᐊᕐᒪᖔᑕ ᐊᐅᓚᑦᑎᒍᓐᓇᓂᖅᓴᐅᓗᑎᑦ ᓯᓚᕐᔪᐊᒥ ᐃᓱᒫᓘᑎᒋᔭᐅᔪᓂᒃ ᐊᓕᐸᐃᑦ ᑐᒑᖏᓐᓂ ᑕᐅᖅᓰᓂᕐᒥᑦ. ᒐᕙᒪᒃᑯᑦ ᐃᓱᒪᖅᓴᖅᓯᐅᖅᑎᐊᕐᓂᐊᖅᑐᑦ ᑕᒪᒃᑯᓇᓐᖓᓕᒫᖅ ᐅᖃᐅᓯᐅᓯᒪᔪᓂᒃ ᐱᖁᔭᓕᐅᓚᐅᓐᖏᓐᓂᖏᓐᓂ ᐅᕙᓘᓐᓃᑦ ᐊᓯᔾᔩᓚᐅᓐᖏᓐᓂᖏᓐᓂ ᐅᕝᕙᓘᓐᓃᑦ ᐊᑐᓕᖅᑎᑦᑎᓚᐅᓐᖏᓐᓂᖏᓐᓂ ᐱᖁᔭᕐᓂᑦ ᐊᑐᐊᒐᕐᓂᓪᓘᓐᓃᑦ (WAPPRIITA/WAPTR).

ᕿᒥᕐᕈᔭᐅᒃᑲᓐᓂᕆᐊᓖᑦ ᑲᑎᒪᔾᔪᑕᐅᓚᐅᖅᑎᓪᓗᒋᑦ, ᐃᓱᒪᓕᐅᕋᔭᖅᑐᑦ ᒪᓕᒐᓕᕐᓂᑦ ᐊᓯᔾᔩᓂᐊᕐᒪᖔᑕ ᐱᕈᖅᑐᓄᑦ ᑕᐅᖅᓰᓂᕐᒧᑦ ᐊᑐᐊᒐᐃᑦ (WAPTR) ᐱᔭᕆᐊᖃᕐᖓᑕ, ᑲᓇᑕᒥᐅᑕᑦ ᑲᑎᒪᖃᑎᒋᔭᐅᒃᑲᓐᓂᕋᔭᖅᑐᑦ ᓯᕗᓂᖓᓐᓂ ᓴᖅᑮᓚᐅᖅᑎᓐᓇᒋᑦ ᑎᑎᕋᖅᓯᒪᔪᓂᒃ ᐊᓯᔾᔨᖅᑕᐅᒍᒪᔪᓂᒃ ᐱᕈᖅᑐᓄᑦ ᑕᐅᖅᓰᓂᕐᒧᑦ ᐊᑐᐊᒐᐃᑦ (WAPTR) ᑲᓇᑕᒥ ᒐᔭᑦ ᐱᕙᓪᓕᐊᔪᑦ (Canada Gazette), ᓯᕗᓪᓕᖅᐹᖓ.

ᒪᓕᒐᖅ ᐊᓯᔾᔨᖅᑕᐅᓂᐊᕐᓂᖅᑲᑦ ᐱᕈᖅᑐᓂᒃ ᐸᖅᑭᔭᐅᒋᐊᖃᖅᑐᓂᒃ ᒪᓕᒐᓕᐅᖅᑕᐅᒋᐊᖃᖅᑐᓂᓪᓗ ᓯᓚᕐᔪᐊᒥ ᐊᕕᑦᑐᖅᓯᒪᔪᓂᓪᓗ ᑕᐅᖅᓰᓂᕐᒧᑦ ᐱᖁᔭᖅ (WAPPRIITA) ᐱᔭᕆᐊᖃᕐᒥᔪᑦ, ᐅᖃᐅᓯᐅᒃᑲᓐᓂᕋᔭᖅᑐᑦ ᐱᓕᕆᖃᑎᖏᓐᓄᑦ ᑎᒍᒥᐊᖅᑎᓄᓪᓗ ᑕᒪᑐᒥᖓ ᓯᕗᒧᐊᑉᐸᓪᓕᐊᓂᐊᖅᑲᑕ ᐊᓯᔾᔨᖅᑕᐅᒋᐊᓕᓐᓂᒃ ᐱᖁᔭᕐᒥᑦ.

ᑐᑭᓯᒋᐊᕐᕕᐅᔪᓐᓇᖅᑐᑦ

ᐃᓚᒋᔭᐅᔪᒪᔪᑦ ᑲᓇᑕᒥ ᑎᑎᕋᖅᓯᒪᔪᒥᑦ ᑐᓂᓯᒍᒪᔪᑦ ᑕᒪᑐᒥᖓ ᐅᖃᐅᓯᐅᔪᒥᑦ ᑎᑎᖅᑲᒥᑦ 60−ᓄᑦ ᐅᓪᓗᓄᑦ ᐅᖃᐅᓯᒃᓴᒥᑦ, ᐃᓱᓕᓛᕐᑐᖅ ᓯᑎᐱᕆ 22, 2021−ᒥᑦ.

ᐅᖃᐅᓯᕆᔪᒪᔭᓯ ᑐᔫᑎᒋᔪᓐᓇᖅᑕᓯ ᑐᕌᕈᑎᒧ ᐆᒧᖓ.

ᖃᕆᑕᐅᔭᒃᑯᑦ ᑐᕌᕈᑎᖓ: ReglementsFaune-WildlifeRegulations@ec.gc.ca

ᓇᓗᓇᐃᕐᓗᒍ “ᑲᑎᒪᑎᑦᑎᓂᖅ – ᐱᒋᐊᕈᑕᐅᔪᓐᓇᑐᐃᓐᓇᕆᐊᓖᑦ ᑕᐅᖅᓰᖃᑦᑕᓂᕐᒧᑦ ᐊᐅᓚᑕᐅᓗᑎᑦ ᐊᓕᐸᐃᑦ ᑑᒑᖏᓐᓄᑦ ᑲᓇᑕᒥ” ᑎᑎᕋᕐᕕᒋᔭᕐᓂᑦ ᑐᓴᖅᑕᐅᖁᔭᓐᓂᑦ.

ECCC ᑐᓐᖓᓱᑦᑎᑦᑎᔪᑦ ᑎᑎᕋᖅᓯᒪᔪᓂᒃ ᑐᓂᓯᔪᒪᔪᖃᑐᐊᖅᑲᑦ.

Détails de la page

Date de modification :