Canada nask'athé tsąmba ɂerihtł'is koę ha senįt'a

Alternate formats

On this page

Canada nask’athé tsąmba ɂerihtł’is koę ha senįt’a $500 Theɂą sı neyasé ba yunadhe ha senı̨ɂa

Dënetthıkuı ́ nelı̨ dé, neyası ́ ba hotıe ɂasıe nezų horı̨lɂı̨h ha ɂası ɂereltsı ́ ha. K’adąné neyasé ɂerıhtł’ıs koę ɂenat’e dé ɂałų ɂerıhtł’ıs koę nedhe nadher horelɂı̨h dąlı̨ ghą. Ɂeją̨́ nąné hoɂá Government Canada hots’ı̨ nets’enı̨ ghonı̨ neyası ́ ba tsąmba senı̨ɂą horı̨lɂı̨h dé Registered Education Savings Plan tsąmba ɂerıhtl’ıs koę ha senı̨t’a (RESP hulyé).

Ku ɂëdłaghé hats’edı ́ ɂa Canada Learning Bond k’ı?

Ku ɂëdırı tsąmba Canada ɂerıhtł'ıs koę ha theɂą k'ı $500 hanełt'e dëne ha theɂą sı neyası ́ ba senı̨ ɂá horı̨ lɂı̨ h dé yunadhé ha. Nı̨ h danelt'u neyası ́ $100 betł'at'a ha 15 beghaıyé hots'ęn. horelyų ɂëłełta hadé neyası ́ k'asjęnę $2,000 ba theɂą ha ɂëdırı RESP hulyé.

ɂası ɂëłk'ech'a ha theɂą sı ɂëdırı RESP hulyé hots'ı̨ tsąmba k'ı dëne ɂerıhtł'ıs koę hoketł'a nadher huto sųwǫłɂá huto dé ɂeyı ha bek'odhı ́ ɂësǫt'elé sı:

  • La ɂëłk'ech'a hereldęn ha apprentıcshıp hulyé;
  • CEGEP hulyé hu;
  • ɂëłk'ech'a ɂerıhtł'ıs koę nedhé hu;
  • la hereldęn ha ɂerıhtł'ıs koé; hutó
  • koę nedhé.

Ku seyası ́ ɂëdırı tsąmba Canada Learning Bond ha theɂą k’ı ́ t’oreldhı ́ ba hoɂą husą?

Neyası ́ ɂëdırı tsąmba ba theɂąsı ɂëdırı ɂası gharé boghedı ́ sı:

  • ɂëdırı dzı̨ne chu zaa January 1, 2004 k’e hutó tł’ąghe nǫk’enı̨yá dé;
  • Canada bekoę hółɂą;
  • ɂëdırı Social Insurance Number hulta tth’ı bets’ı̨ dé;
  • t’ok’e bekoę hoɂą sı ɂestunet’ı̨ne; ɂeyı chu
  • RESP hulyé t’a tsąmbe senı̨t’ą k’ı k’é bezı ́ theɂą dé.

Sekuı t’ą bek’onı̨, tsąmba dëne ts’ęn nanı̨ ɂeyı ląt’é sekuı k’ı Canada tsamba theɂą sı ba hųlı̨ sı sekuı kąt’u bets’edı ́ dé.

Ku ɂëdłaghe hats’edı ́ ɂa Registered Education Savings Plan tsąmba senı̨ t’á k’ı ́ (RESP hulyé)?

Ɂa ɂëdırı tsąmba senı̨t’á k’ı RESP hulyé k’ı ́ yunadhé ha senı̨ t’á sı bet’oreɂá ha nekoę hobası ́ neyasé ɂerıhtł’ıs koę ɂenat’é dé ɂerıhtł’ıs koę nedhé nadhér ha yet’orełthı ́ ha.

ɂa ɂëdırı tsąmba k'ı ɂeją Canada Learning Bond ye theɂą k'ı yunadhe ha tsąmba senı̨ t'a sı neyası ́ ba Government Canada hots'ı̨ ɂëdırı RESP hulyé ye nı̨ yı̨ ɂá sı nąnı sekuı ́ t'ą ɂëstudánet'ı̨ nı̨ sı ba. ɂeyı tsąmba k'ı nęn begharı̨ɂá hılé kulı ́ ɂësǫt'ehılé RESP hulyé ye yet'orelëłthı ́ ɂeją Learning Bond tsąmba yé theɂą ha.

ɂëdłąnt’e ɂá yunadhe ha tsąmba senęsɂá ha ɂá?

ɂı̨ łaghe tsąmba senı̨ t’á kulı ́ yunadhé be’oredhı ́ ha. ɂëdırı RESP hulyé nı̨ɂą dé, neyasé t’a yunadhé ɂası horelɂı̨h sı bets’ı̨nı̨ há. Ku ɂeyı datedhe t’a ɂeją Canada Learning Bond ye tsąmba theɂą k’ı, beye nęne xaré tsąmba senı̨ɂą dé ɂëdırı RESP yé tsąmba senı̨ɂá ha t’oho neyasé ɂerıhtł’ıs ɂenat’e dé ha, ɂeyı heł ɂeją Canada Education Savings Grant hulyé tth’ı tsąmba hųlı̨ sı bets’edı ́ ha.

Ku ɂëdłaghe hats’edı ́ ɂa Canada Education Savings Grant hulyé k’ı t’a tsąmba senı̨ t’a k’ı?

ɂa ɂëdırı tsąmba k’í Canada Education Savings Grant t’a tsamba dëne xa nı̨ t’á k’ı ́ ɂeyı tsąmba nıhts’ęn k’oldé Government Canada hots’ı̨ dëne xa RESP hulyé ye nı̨ yı̨ ɂá sı neyası ́ bá. Nı̨h dąnełt’u k’asjęnę $500 nı̨łtth’ı ha, t’anełt’e nęn begharı̨ɂá sı RESP ye neyasé ba, ku tsąmba łą hılé nełtsı dé, bek’e ɂałų yek’e dáɂá ghonı̨ $100 hanełt’e RESP ye nı̨yı̨ɂá bek’onı̨ ha yunadhé ha. ɂıłąghé sekuı k’asjęnę $7,200 hanełt’é theɂą ha ɂeją Canada Education Savings Grants t’a tsąmba nı̨t’á k’ı RESP ye thęɂą ha ɂerıhtł’ıs koę ɂenat’é dé ha.

Ku ɂëdırı tsąmba sekuı ha senı̨ t’a k’ı ́ Canada Learning Bond hots’ı̨ honesı t’a Government Canada bets’ı̨ sets’edı ́ k’ı ɂa dué hané ha husą?

ɂa ɂëdırı tsąmba sekuı ha nı̨t’a k’I Canada Learning Bond hots’ı̨ chu ɂeją sekuı ha Canada Education Savings Grant hots’ı̨ dëne ts’ekı ́ k’ı honésı nets’édı ́ sı bǫ́łt’ehaılé dųhų Government Canada hots’ı̨ nets’édı ́ ɂá.

Ku ɂëdłąt’u ɂëdırı RESP seyası ́ ba bedaharestı̨ chu ɂej̨a hots’ı̨ Canada Learning Bond chu Canada Education Savings Grant tsąmba ha sesdé ɂá?

T'ok'é losı tsąmba koę hųlı̨ RESP hedaharı̨tı̨ ha neba hoɂąsı tsąmba koę bank huto credit union tsąmba koę hu, t'ą losı dëne heł tsąmba senı̨ɂá dëne dąlı̨ beł. Ku ɂeyı ɂëłk'ech'a tsąmba koę chu dëne ts'eranı̨ dëne k'ı RESP ha dënets'eranı̨ dëne sı.

T'atthe nełtsi 1 – neyası ba Social Insurance Number (SIN) ba senųlé la. Nanıhılé.,

ɂeją nanı le ts'ęn dųłtsı 1 800 O-Canada (1-800-622-6232), tsątsąne benı̨ hųlı̨ k'e nųłɂı̨h ɂeją canada.ca/socialinsurance-number t'ok'e ɂerıhtł'ıs snenelé ha Service Canada Centre hulye dëne ts'edı ́ ha nets'ını̨ lé hųlı̨ sı.

T'a na nełtsi 2 – nets'ı̨dhılé t'a dëne RESP hełtsı ́ huto seyılé hųłɂa la t'ą beł Canada Learning Bond ye

tsąmba nı̨ ɂá ha. Nąnı ́ dëne t'ą ɂedırı serálé RESP k'ı t'oho nets'ını̨ dé bets'ęn naı̨łnı̨ ha horeké ghonı̨ RESP selé ha neba, ɂa hotıe horıłker dezą ɂëdırı dëne neba seyılé RESP hotıe neba seyı ́ ha.

Ku ɂałų ɂëdırı tth'ı horı̨ké tth'ı ghonı̨:

  • Ku ɂëdırı tsąmba Canada Learning Bond chu ɂëdırı Canada Education Savings Grant hots'ı̨ hųlı̨ dé t'a hųlı̨ sı beghą horı̨łker hoɂą;
  • Ku t'a ɂëłk'ech'a RESP hųlı̨ sı chu t'a ɂëłk'ech'a hųlı̨ sı (ɂı̨ łarı ́ koę hutó, tthęne hutó dëne heł hú) konelá dé t'at'u nezų sı bası ́ ghą horųłker lá;
  • Ku t'a tsąmba senı̨ t'á k'ı ́ t'a ɂëłk'ech'a tsąmba hereltsı ́ sı bası ́ ghą horųłker; chu
  • t'a bets'ęn nanı ́ chu ɂı̨ ghą hı̨ łchú dé t'anełt'e bek'e nanı̨ hú.

Ku ɂałų beghą horusker nı̨dhęn dé hutó t'ą dëne ɂëdırı RESP ha nets'edı ́ walı ́ sı ɂeją nųłɂı̨ h la RESP bası ɂeją Canada.ca k'é.

T'a taghe nełtsı 3 – RESP hodaharųtı̨ la. ɂa t'a dëne ɂëdırı hobası ́ nets'enı ́ RESP hots'ı̨ dëne ɂëdırı ɂerıhtł'ıs neł seyúlé lá: "APPLICATION: Basic and Additional Canada Education Savings Grant (CESG) and Canada Learning Bond (CLB)".

Ku ɂëdłók’é ɂałų beghą yatı hųlı̨ ɂá?

Government Canada bets’I nanı ĺ é ɂeją
1 800 O-Canada (1-800-622-6232)
TTY: 1-800-926-9105
tsątsąné benı̨ hųlı̨ t’ok’é Service Canada office hųlı̨ sı negá.

ɂerıhtł’ıs ghelyel yé maıl:
Canada Education Savings Program
Employment and Social Development Canada
140 Promenade du Portage, Phase IV,
Mailstop: Bag 4
Gatineau QC K1A 0J9

Canada Revenue Agency (Canada Revenue Agency ɂeją) ɂa ɂëdırı ıncome tax chu dëne ts’edı ́ ha honı ́ ɂeją nanılé dųłtsı ́ 1-800-959-8281

Financial Consumer Agency of Canada (Financial Consumer Agency of Canada chu ɂeyı ha dene ts’edı)́ t’at’u netsąmba hoghı̨łnı̨ ha dëne ts’edı ́ ɂeją nanılé ts’ęn dųłtsı ́ la 1-866-461-3222

Report a problem or mistake on this page
Please select all that apply:

Thank you for your help!

You will not receive a reply. For enquiries, contact us.

Date modified: