ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᖅ

Alternate formats

On this page

ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᖅ $500 ᑖᕆᑦᕿᑐᕐᖓᖅᐱᑦ ᓯᕗᓂᒃᓴᖓᓄᑦ

ᐊᖓᔪᖅᑳᖑᓪᓗᑎᑦ ᐸᖅᑭᔨᐅᓪᓗᑎᓪᓘᓐᓃᑦ, ᐱᔪᓐᓇᕐᓂᕆᓛᕆᔭᕐᓂᒃ ᐃᑲᔪᕋᓱᒃᐸᒃᑐᑎᑦ ᕿᑐᕐᖓᑦ ᑲᔪᓯᑦᑎᐊᖁᓪᓗᒍ. ᐃᓱᒪᒃᓴᖅᓯᐅᕈᑎᕙᒌᕌᓂᑐᐃᓐᓇᕆᐊᖃᖅᐸᐃᑦ ᕿᑐᕐᖓᖅᐱᑦ ᐃᓕᓐᓂᐊᕆᐊᖃᑦᑕᓛᕐᓂᖓ ᐃᓕᓐᓂᐊᕐᕕᐊᓗᖕᒥᑦ ᐃᓱᓕᑦᑎᒃᐸᑦ. ᒐᕙᒪᑐᖃᒃᑯᑦ ᑲᓇᑕᒥ ᐃᑲᔪᕈᓐᓇᖅᐳᑦ ᓴᓂᕐᕙᐃᓂᕐᓄᑦ ᕿᑐᕐᖓᖅᐱᑦ ᐃᓕᓐᓂᐊᕆᐊᖃᑦᑕᓛᕐᓂᖓᓄᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖅ (RESP).

ᑭᓲᖕᒪᑦ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹ?

ᐸᐃᑉᐹᖅ ᐱᒋᐊᕈᑕᐅᓪᓗᓂ $500ᖑᕗᖅ ᐊᑐᐃᓐᓇᐅᑎᑕᐅᓪᓗᓂ ᒐᕙᒪᑐᖃᒃᑯᓐᓄᑦ ᑲᓇᑕᒥ ᒫᓐᓇ ᓴᓂᕐᕙᐃᖃᑦᑕᓕᕈᓐᓇᕐᓂᐊᕋᕕᑦ ᕿᑐᕐᖓᖅᐱᑦ ᐃᓕᓐᓂᐊᕆᐊᖃᑦᑕᕐᓂᕆᓛᖅᑕᖓᓄᑦ ᐃᓕᓐᓂᐊᕐᕕᐊᓗᖕᒥᑦ ᐃᓱᓕᑦᑎᒃᐸᑦ. ᕿᑐᕐᖓᐃᑦ ᐊᕐᕌᒍᑕᒫᑦ $100ᓂᒃ ᐱᑎᑕᐅᔪᓐᓇᕐᒥᔪᖅ ᐅᑭᐅᖃᓕᓚᐅᖅᑎᓐᓇᒍ 15ᓂᒃ. ᑲᑎᖦᖢᒋᑦ, ᕿᑐᕐᖓᖅ ᐱᔪᓐᓇᖅᑐᖅ $2,000ᓂᒃ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒥ.

ᑮᓇᐅᔭᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒥ ᐊᑐᖅᑕᐅᔪᓐᓇᖅᑐᑦ ᐊᔾᔨᒌᙱᑦᑑᑎᑦ ᐊᑭᓕᖅᑕᐅᓂᖏᓐᓄᑦ ᐊᒃᑐᐊᔪᓄᑦ ᐅᓪᓗᑕᒫᑦ ᓇᑉᐸᖓᓂᓘᓐᓃᑦ ᐃᓕᓐᓂᐊᕐᓂᐅᔪᓄᑦ ᐅᑯᓇᓂ:

  • ᓴᓇᔨᐅᓂᕐᒧᑦ ᐸᐃᑉᐹᖅᑖᕋᓱᒡᕖᑦ;
  • ᑯᐸᐃᖕᒥᑦ ᓯᓚᑦᑐᖅᓴᕐᕕᑦ ᑭᒃᑯᑐᐃᓐᓇᕐᓄᑦ (CEGEP);
  • ᓯᓚᑦᑐᖅᓴᕐᕖᑦ;
  • ᓴᓇᓂᕐᒥᒃ ᐃᓕᓐᓂᐊᕐᕖᑦ; ᐅᕝᕙᓘᓐᓃᑦ
  • ᓯᓚᑦᑐᖅᓴᕐᕕᒡᔪᐊᑦ.

ᕿᑐᕐᖓᕋ ᐱᔪᓐᓇᖅᐸ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᕐᒥᒃ?

ᕿᑐᕐᖑᐃᑦ ᐱᔪᓐᓇᖅᑐᖅ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᕐᒥᒃ ᐃᒪᓐᓇᐅᒃᐸᑦ:

  • ᐃᓅᓂᑯ ᐅᓪᓗᖓᓂ ᐅᖓᑖᓂᓘᓐᓃᑦ ᔮᓄᐊᕆ 1, 2004;
  • ᑲᓇᑕᒥᐅᑕᐅᔪᖅ;
  • ᐊᑐᖅᑐᒥᒃ ᐃᖅᑲᓇᐃᔭᕈᓐᓇᐅᑎᓕᒃ #ᐊᐅᒃᑕᔫᒥᒃ;
  • ᑮᓇᔾᔭᒃᐸᓗᐊᙱᑦᑐᑦ ᐃᓚᔮᖏᑦ; ᐃᒻᒪᓗ
  • ᐊᑦᑎᖅᑕᐅᓯᒪᔪᖅ ᐱᑖᖃᑕᐅᓂᕋᖅᓯᒪᔪᙳᖅᑎᑕᐅᓪᓗᓂ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒥ.

ᑭᓲᖕᒪᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖅ (RESP)?

ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖅ ᑮᓇᐅᔭᓂᒃ ᑐᖅᑯᐃᓯᓯᒪᕝᕕᐅᕗᖅ ᐃᓕᓐᓂᐊᕐᓂᕐᒨᖓᔪᓂᒃ ᐃᑲᔪᕈᑎᒋᔭᐅᓂᐊᕐᒪᑦ ᐃᓕᖕᓄᑦ, ᐃᓚᖕᓄᑦ ᐅᕝᕙᓘᓐᓃᑦ ᐱᖃᑎᖕᓄᑦ ᓴᓂᕐᕙᐃᓂᕐᒧᑦ ᕿᑐᕐᖓᖅᐱᑦ ᐃᓕᓐᓂᐊᕈᑎᒃᓴᕆᓛᖅᑕᖓᓄᑦ ᐱᐊᓂᒃᐸᑦ ᐃᓗᓐᓂᐊᕐᕕᐊᓗᖕᒥ.

ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᖅ ᑮᓇᐅᔭᐅᕗᖅ ᐴᖅᑕᐅᑲᐅᑎᒋᕙᒃᖢᓂ ᒐᕙᒪᑐᖃᒃᑯᓐᓄᑦ ᑲᓇᑕᒥ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒧᑦ ᕿᑐᕐᖓᕐᓄᑦ ᑮᓇᐅᔾᔭᒃᖃᐸᓗᐊᙱᑦᑐᓂᒃ ᐃᓚᔮᕇᓕᖕᓄᑦ. ᑮᓇᐅᔭᓂᒃ ᐴᖅᓯᖃᑦᑕᕆᐊᖃᙱᑦᑐᑎᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒧᑦ ᕿᑐᕐᖓᖅ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᖅᑖᖃᑦᑕᕆᐊᒃᓴᖅ.

ᖃᓄᐃᒻᒪᑦ ᕿᑐᕐᖓᕐᒪ ᐃᓕᓐᓂᐊᕆᐊᖃᑦᑕᕐᓂᕆᓛᖅᑕᖓᓄᑦ ᓴᓂᕐᕙᐃᖃᑦᑕᓪᓗᐊᖅᐳᖓ?

ᓴᓂᕐᕙᐃᖃᑦᑕᕈᕕᑦ ᐊᒃᓱᓪᓘᓐᓃᑦ ᐊᑕᐅᓯᑯᓗᖕᒥᒃ ᑖᓚᒥᒃ ᐅᓪᓗᑕᒫᑦ ᐊᑲᔪᕈᓐᓇᖅᑐᖅ.

ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒧᑦ, ᐃᑲᔪᕈᓐᓇᖅᑐᑎᑦ ᕿᑐᕐᖓᖅᐱᑦ ᑕᐅᑐᖅᑯᖅᑕᖏᑦ ᓱᓕᔪᙳᖅᑎᓐᓇᓱᒡᓗᓂᒋᑦ, ᖄᒃᑲᓐᓂᐊᒍᑦ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᑉ, ᐴᖅᓯᒍᕕᑦ ᑮᓇᐅᔭᓂᒃ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒧᑦ ᕿᑐᕐᖓᖅᐱᑦ ᐃᓕᓐᓂᐊᕆᐊᖃᑦᑕᓛᕐᓂᕆᔭᖓᓄᑦ ᐃᓕᓐᓂᐊᕐᕕᐊᓕᖕᒧᑦ ᐃᓱᓕᑦᑎᓯᒪᓕᖅᐸᑦ, ᐱᑎᑕᐅᑐᐃᓐᓇᕆᐊᓕᒃ ᐃᓕᓐᓂᐊᕐᓂᒃᓴᒧᑦ ᓴᓂᕐᕙᐃᓂᕐᒧᑦ ᑮᓇᐅᔭᐃᑦ ᑐᓂᕐᕈᑕᐅᓯᒪᔪᒥᒃ

ᑭᓲᖕᒪᑦ ᐃᓕᓐᓂᐊᕐᓂᒃᓴᒧᑦ ᓴᓂᕐᕙᐃᓂᕐᒧᑦ ᑮᓇᐅᔭᐃᑦ ᑐᓂᕐᕈᑕᐅᓯᒪᔪᖅ?

ᕿᑐᕐᖓᖅᐱᑦ ᓯᕗᓂᒃᓴᖓᓄᑦ

ᐃᓕᓐᓂᐊᕐᓂᒃᓴᒧᑦ ᓴᓂᕐᕙᐃᓂᕐᒧᑦ ᑮᓇᐅᔭᐃᑦ ᑐᓂᕐᕈᑕᐅᓯᒪᔪᖅ ᑮᓇᐅᔭᐅᕗᖅ ᐴᖅᑕᐅᕙᒃᖢᑎᒃ ᒐᕙᒪᑐᖃᒃᑯᓐᓄᑦ ᑲᓇᑕᒥ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒧᑦ ᕿᑐᕐᖓᕐᓄᑦ. ᖃᔅᓯᐅᑎᒋᓂᖓ $500ᖑᔪᓐᓇᖅᑐᖅ

ᐊᕐᕌᒍᑕᒫᑦ, ᐱᔾᔪᑎᒋᓪᓗᒍ ᖃᔅᓯᓂᒃ ᐴᖅᓯᖕᒪᖔᖅᐱᑦ ᕿᑐᕐᖓᖅᐱᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖓᓄᑦ. ᑮᓇᐅᔾᔭᓕᐅᓗᐊᖅᐸᙱᒃᑯᔅᓯ ᐃᓚᔮᕇᓯᒍᑦ, ᖄᒃᑲᓐᓂᐊᒍᑦ ᐊᑐᐃᓐᓇᐅᑎᑦᑎᒃᑲᓐᓂᕈᓐᓇᕐᒥᔪᖅ $100ᓂᒃ ᐊᕐᕌᒍᑕᒫᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒧᑦ. ᓄᑕᕋᖅ ᐱᔪᓐᓇᖅᑐᖅ ᑕᒪᒃᑭᖅᖢᒋᑦ $7,200ᓂᒃ ᐃᓕᓐᓂᐊᕐᓂᒃᓴᒧᑦ ᓴᓂᕐᕙᐃᓂᕐᒧᑦ ᑮᓇᐅᔭᐃᑦ ᑐᓂᕐᕈᑕᐅᓯᒪᔪᓂᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒥᑦ ᐃᓕᓐᓂᐊᕐᓂᕆᓛᖅᑕᒥᓄᑦ ᐃᓕᓐᓂᐊᕐ-ᕕᐊᓗᖕᒥᑦ ᐃᓱᓕᑦᑎᒃᐸᑕ.

ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᕐᒥᑦ ᑮᓇᐅᔭᑦ ᐊᒃᑐᐊᓛᖅᐸᑦ ᐊᓯᖏᓐᓂᒃ ᒐᕙᒪᑐᖃᒃᑯᓐᓂᑦ ᑲᓇᑕᒥ ᐃᑲᔫᓯᐊᖅᑖᖃᑦᑕᕐᓂᕆᔭᓐᓂᒃ?

ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᖅ ᐊᒻᒪᓗ ᐃᓕᓐᓂᐊᕐᓂᒃᓴᒧᑦ ᓴᓂᕐᕙᐃᓂᕐᒧᑦ ᑮᓇᐅᔭᐃᑦ ᑐᓂᕐᕈᑕᐅᓯᒪᔪᖅ ᐊᒃᑐᓛᙱᑦᑑᒃ ᐊᓯᖏᓐᓂᒃ ᒐᕙᒪᑐᖃᒃᑯᑦ ᑲᓇᑕᒥᑦ ᐃᑲᔫᓯᐊᕐᓂᒃ.

ᖃᓄᖅ ᓄᑕᕋᕐᒧᑦ ᒪᒃᐱᖅᓯᔪᓐ-ᓇᖅᐳᖓ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒥᒃ ᐱᔪᓐᓇᖅᐸᕋᓗ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᖅ ᐊᒻᒪᓗ ᐃᓕᓐᓂᐊᕐᓂᒃᓴᒧᑦ ᓴᓂᕐᕙᐃᓂᕐᒧᑦ ᑮᓇᐅᔭᐃᑦ ᑐᓂᕐᕈᑕᐅᓯᒪᔪᖅ?

ᒪᒃᐱᖅᓯᔪᓐᓇᖅᑐᑎᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒥᒃ ᑮᓇᐅᔭᓕᕆᔨᐅᔪᓂᒃ, ᓲᕐᓗ ᑮᓇᐅᔭᒃᑯᕕᖕᒥᒃ ᐅᕝᕙᓘᓐᓃᑦ ᐊᑐᖅᑐᐊᖅᑐᓕᕆᔨᒃᑯᓐᓂᑦ, ᐅᕝᕙᓘᓐᓃᑦ ᐃᓕᓴᕆᔭᐅᓯᒪᔪᒥᒃ ᑮᓇᐅᔭᓂᒃ ᐸᕐᓇᐃᔨᒥᒃ ᐅᕝᕙᓘᓐᓃᑦ ᑲᑎᙵᐅᖅᑐᓄᑦ ᐸᕐᓇᐅᑎᓂᒃ ᓂᐅᕕᐊᒃᓴᖃᓲᖑᔪᒥᒃ. ᑖᒃᑯᐊ ᐃᖅᑲᓇᐃᔭᕐᕕᐅᕙᒃᑐᑦ, ᐸᕐᓇᐅᑏᑦ, ᓂᐅᕕᐊᒃᓴᖃᓲᓪᓗ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖃᖅᑎᑦᑎᔨᐅᓂᕋᖅᑕᐅᕙᒃᑐᑦ.

ᐊᑐᒐᒃᓴᖅ 1 – ᐃᖅᑲᓇᐃᔭᕈᓐᓇᐅᑎᑖᕈᑎᓗᒍ (SIN) ᕿᑐᕐᖓᐃᑦ ᐊᑭᖃᙱᑦᑐᖅ.

ᐅᖄᓚᒡᕕᒋᓗᒍ 1 800 O-Canada (1-800-622-6232), ᓇᕿᓪᓗᒍᓘᓐᓃᑦ canada.ca/social-insurance-number ᖃᐅᔨᓕᒋᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᑲᓇᑕᒥ ᐱᔨᑦᑎᖅᑎᒃᑯᓐᓄᙵᐅᓗᑎᑦ ᖃᓂᒋᔭᕐᓂᒃ.

ᐊᑐᒐᒃᓴᖅ 2 – ᓇᓂᓯᓗᑎᑦᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖃᖅᑎᑦᑎᔨᐅᔪᒥᒃ ᐊᑐᐃᓐᓇᐅᑎᑦᑎᕙᒃᑐᒥᒃ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᕐᒥᒃ. ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖃᖅᑎᑦᑎᔨᑦ ᐊᑭᓖᖁᔨᑐᐃᓐᓇᕆᐊᖃᕐᒪᑕ ᐱᔨᑦᑎᕐᓂᕐᒥᓄᑦ, ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᓄᑦ ᖃᓄᐃᓕᖓᔭᕆᐊᖃᖅᑎᑦᑎᑐᐃᓐᓇᕆᐊᖃᖅᖢᑎᒡᓗ, ᐱᒻᒪᕆᐅᕗᖅ ᐊᐱᖅᓱᑦᑎᐊᖃᑦᑕᕐᓂᖅ ᐊᐱᖅᑯᑎᓪᓗᐊᓂᒃ ᓱᓕᔪᓗᒃᑖᕐᓂᒡᓗ ᑐᓴᖅᑎᑕᐅᓪᓗᐊᖅᖢᑎᑦ ᓈᒻᒪᒋᔭᕐᓂᒃ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖃᖅᑎᑦᑎᔨᓯᐊᕐᓂᐊᕋᕕᑦ.

ᐊᐱᕆᔪᒪᑐᐃᓐᓇᕆᐊᖃᖅᑐᑎᑦ:

ᐊᑐᐃᓐᓇᐅᑎᑦᑎᕙᖕᒪᖔᑕ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑎᓄᑦ ᐸᐃᑉᐹᕐᒥᒃ ᐊᒻᒪᓗ ᐃᓕᓐᓂᐊᕐᓂᒃᓴᒧᑦ ᓴᓂᕐᕙᐃᓂᕐᒧᑦ ᑮᓇᐅᔭᐃᑦ ᑐᓂᕐᕈᑕᐅᓯᒪᔪᒥᒃ;

  • ᖃᓄᐃᑦᑑᔪᓂᒃ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᓂᒃ ᐱᔭᒃᓴᐅᑎᑦᑎᖕᒪᖔᑕ (ᕿᑐᕐᖓᕇᓄᑦ, ᐃᓄᑐᐊᕐᒧᑦ ᑲᑎᓯᒪᔪᓄᓪᓘᓐᓃᑦ) ᑭᓲᖕᒪᖔᑕᓗ ᐱᐅᓂᖏᑦ ᐊᒻᒪᓗ ᐊᒃᑕᕐᓇᕐᓂᖏᑦ ᑕᒪᐃᓐᓄᑦ;
  • ᑭᓱᓂᒃ ᑮᓇᐅᐃᔭᓂᒃ ᐱᕈᖅᓴᐃᔾᔪᑎᒃᓴᖅᑕᖃᖅᑎᑦᑎᖕᒪᖔᑕ ᑭᓲᖕᒪᖔᑕᓗ ᐱᐅᓂᖏᑦ ᐊᒃᑕᕐᓇᕐᓂᖏᓪᓘᓐᓃᑦ ᑕᒪᐃᓐᓄᑦ; ᐊᒻᒪᓗ
  • ᖃᔅᓯᑐᖅᑎᑦᑎᖕᒪᖔᑕ ᐊᐅᓚᑦᑎᓂᕆᔭᕐᒧᑦ ᐊᒻᒪ ᖃᔅᓯᓂᒃ ᐊᑭᓖᑎᑦᑎᕙᖕᒪᖔᑕ ᑐᖅᑯᖅᓯᙱᓐᓂᕐᒧᑦ ᑭᖑᕙᕐᓂᕐᒧᓪᓘᓐᓃᑦ.

ᐊᐱᖅᑯᓯᒃᓴᒃᑲᓐᓂᖅᓯᐅᕈᔅᓯ ᓇᓂᓯᑦᑎᐊᕈᓐᓇᕈᒪᒧᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᑖᕐᕕᒋᓇᔭᖅᑕᕐᓂᒃ, ᑕᑯᓗᒍ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᓄᑦ ᒪᒃᐱᒐᖅ ᐅᕙᓂ Canada.ca.

ᐊᑐᒐᒃᓴᖅ 3 – ᒪᒃᐱᖅᓯᓗᑎᑦ ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᒥᒃ. ᑎᑎᕋᖅᑕᐅᓯᒪᓪᓗᓂ ᐃᓕᓐᓂᐊᕐᓂᕐᒧᑦ ᑲᑎᖅᓱᐃᓂᕐᒨᖓᔪᖃᖅᑎᑦᑎᔨᒧᑦ ᐃᑲᔪᖅᑕᐅᔪᒪᓂᕋᕈᓐᓇᖅᑐᑎᑦ ᑕᑕᑎᕆᔭᐅᓂᖓᓄᑦ ᑕᑕᑎᕈᑎ ᐊᑎᖃᖅᑐᖅ: "APPLICATION: Basic and Additional Canada Education Savings Grant (CESG) and Canada Learning Bond (CLB)".

ᓇᒧᑦ ᐃᑲᔪᖅᑕᐅᔭᖅᑐᕈᕋᓐᓇᖅᐳᖓ ᖃᐅᔨᒋᐊᒃᑲᓐᓂᕈᓐᓇᖅᐳᖓᓘᓐᓃᑦ ᒐᕙᒪᑐᖃᒃᑯᑦ ᑲᓇᑕᒥ

1 800 O-Canada (1-800-622-6232) Hivayauta: 1-800-926-9105

ᐅᐸᒃᓯᓗᑎᑦ Service Canada ᐊᓪᓚᒡᕕᖓᓐᓂᒃ ᖃᓂᒋᔭᕐᓂᒃ.

Canada.ca/education-savings Canada.ca/epargne-etudes

ᑎᑎᖅᑲᒃᑯᕕᒃᑯᑦ:

Canada Education Savings Program

Employment and Social Development Canada 140 Promenade du Portage, Phase IV, Mailstop: Bag 4 Gatineau QC K1A 0J9

Canada Revenue Agency ᐊᐱᖅᑯᑎᒃᓴᖃᕈᕕᑦ ᐃᓐᑲᒻ ᑖᒃᔅ ᐊᒻᒪ ᐃᑲᔫᓯᐊᒃᓴᐃᑦ ᒥᒃᓵᓄᑦ 1-800-959-8281

Financial Consumer Agency of Canada ᑐᓴᖅᑎᑕᐅᔪᒪᒍᕕᑦ ᖃᓄᖅ ᑮᓇᐅᔭᕐᓂᒃ ᐱᒻᒪᑐᒍᓐᓇᕐᓂᖅᓴᐅᔪᓐᓇᕐᒪᖔᖅᐱᑦ 1-866-461-3222

Report a problem or mistake on this page
Please select all that apply:

Thank you for your help!

You will not receive a reply. For enquiries, contact us.

Date modified: