ᑐᒃᑐᐃᑦ ᑐᓴᒐᒃᓴᑦ ᑎᑎᖃᓕᑦ ᐊᔾᔨᖑᐊᓕᑦ ᓇᓗᓇᐃᔭᖅᓯᒪᔪᑦ

ᑐᓴᒐᒃᓴᑦ ᐊᔾᔨᖑᐊᓪᓗ ᑕᑯᑎᑦᑎᓯᒪᔪᑦ ᖃᓄᐃᓕᖓᔫᓂᖏᓐᓂᒃ ᑐᒃᑐᐃᑦ ᐅᑭᐅᖅᑕᖅᑐᐊᓂ ᑲᓇᑕ ᐊᒻᒪᓗ ᖃᓄᐃᑑᓂᑦ ᐊᒃᑐᖅᑕᐅᔪᑦ ᑐᒃᑐᐃᑦ ᑲᓇᑕᒥ. ᑕᐃᑲ ᖁᓛᓂ ᓴᐅᒥᐊᓂ ᑎᕆᖁᐊᓂ ᑎᑎᕋᖅᓯᒪᔪᑦ ᐊᔾᔨᓕᐅᖅᓯᒪᔪᓪᓗᒃᓗ ᓇᓗᓇᐃᖅᓯᒪᔪᖅ ᖃᓄᐃᓕᖓᓂᕕᓂᖏᑦ ᑲᓇᑕᐅᑉ ᓄᓇᖑᐊᖓᒍᑦ ᓴᕿᑎᓯᒪᔪᑦ ᑎᑎᕋᖅᓯᒪᓪᓗᑎᒃ ᑎᓴᒪᑦ ᑐᒃᑐᐃᑦ ᐅᑯᐊᓗ ᐃᓚᒋᔭᐅᓪᓗᑎᒃ: ᐊᓛᔅᑲ ᔫᑳᓐ ᒥᒃᓵᓂᕐᒥᐅᑕᐃᑦ, ᕿᓐᖓᐅᓪᓗ ᔭᓗᓇᐃᓪᓗ ᒥᒃᓵᓂᕐᒥᐅᑕᐃᑦ, ᖃᐅᒪᓂᕐᔪᐊᑉ ᐊᒻᒪᓗ ᑲᖏᖅᓱᐊᒃᔪᐊᖅ. ᐊᒻᒪᓗ, ᓇᔪᖅᐸᒃᑕᖏᑦ ᑖᒃᑯᐊ ᑐᒃᑐᐃᑦ ᓇᓗᓇᐃᑦᑎᐊᖅᓯᒪᖕᒥᔪᑦ ᓄᓇᓐᖑᐊᕐᒥ. ᖁᓛᓂ ᓄᓇᓐᖑᐊᖅ ᑎᑎᕋᖅᓯᒪᔪᖅ ᐃᒪᓐᓇ “ᑭᖑᓂᑦᑎᓐᓂ, ᑐᒃᑐᐃᑦ ᓄᖑᔫᒥᕙᒡᖢᑎᒃ ᐅᓄᖅᓯᔫᒥᕙᒡᖢᑎᒃ ᐃᓕᖁᓯᑐᖃᖏᑦ, ᖃᐅᔨᒪᓇᓐᖏᑦᑐᖅ ᖃᓄᖅ ᓄᑖᓂᒃ ᐅᓗᕆᐊᖅᓴᖅᑖᐅᖕᒪᖔᑕ ᐊᒃᑐᐃᔪᓂᒃ ᑐᒃᑐᓂᒃ ᓯᕗᓂᒃᓴᑦᑎᓐᓂ. “ᑕᒫᖓᑦ ᐊᑐᓂ ᑎᑎᖅᓯᒪᔪᓂ ᖃᓂᕆᔭᖓᓃᑦᑐᑦ ᓄᓇᓐᖑᐊᑎᒍᑦ, ᑖᒃᑯᐊ ᑎᒃᑯᐊᖅᓯᓯᒪᔪᑦ ᐱᓯᒃᓯᖑᐊᑯᓗᐃᑦ ᑕᒡᕗᖓ ᑐᒃᑐᒧᑦ ᐊᖕᒪᓗᖅᓯᓯᒪᔪᑦ ᓇᓗᓇᐃᖅᓯᓯᒪᔪᑦ ᐊᑐᓂ ᑎᓴᒪᑦ ᑐᒃᑐᐃᑦ ᐊᒻᒪᓗ ᐊᕙᑎᖏᑦ ᑖᒃᑯᐊ ᑐᒃᑐᐃᑦ ᓄᓇᒋᔭᖏᑦ.

ᐅᓇ ᓯᕗᓪᓕᖅ ᐱᓯᒪᓂᖃᖅᑐᖅ ᐊᓛᔅᑲᐅᑉ ᔫᑳᓐᒥ ᒥᒃᓵᓂᕐᒥᐅᑕᐃᑦ ᑐᒃᑐᐃᑦ. ᑎᒃᑯᐊᖅᓯᒪᔪᖅ ᐱᓯᒃᓯᖑᐊᖅ ᖁᒻᒧᑦ ᐊᒻᒪᓗ ᑎᑎᕋᖅᓯᒪᓪᓗᓂ ᐃᒪᓐᓇ “ᒫᓐᓇ (ᐅᓄᕐᓂᖏᑦ) ᐊᓯᕈᖅᐸᒃᑐᑦ - ᐅᓄᖅᓯᕙᒡᖢᑎᒃᓗ. ᐅᓇ ᐊᔾᔨᖑᐊᖅ ᐊᐳᑎᖑᐊᖅ ᐊᒻᒪᓗ ᐱᕈᖅᑐᖑᐊᖅ ᐱᓯᒪᓂᖃᖅᑐᖅ ᓯᓚᐅᑉ ᐅᖂᓂᖓ ᐊᓯᕈᖅᑐᖅ ᑎᑎᕋᖅᓯᒪᔪᖃᖅᖢᓂ “ᓯᓚᐅᑉ ᐅᖂᓂᖓ ᐊᓯᕈᖅᑐᖅ ᐊᒃᑐᐃᔪᖅ - ᐅᐱᕐᖓᕐᓇᓵᕐᒪᑦ ᐃᒪᖃᓐᖏᓐᓇᒥᒃ ᐊᒻᒪᓗ ᐅᑭᐅᒥ ᓯᑰᖕᒪᑦ ᑕᐃᒫᒃ ᓂᕿᒃᓴᖃᓐᖏᑦᑐᑦ”. ᐅᓇ ᐊᔾᔨᖑᐊᖅ ᖁᑭᐅᑎᖒᐊᖅ ᑎᑎᕋᖅᓯᒪᔪᖃᖅᑐᖅ “ᐊᐅᓚᑕᐅᓗᑎᒃ ᐊᖑᓇᓱᒃᑕᐅᔪᓐᓇᕐᓂᖏᑦ ᑐᖔᓂ 2% ᐊᕐᕌᒍᒥ” ᐊᒻᒪᓗ “ᐊᓯᖏᑦ ᐅᓗᕆᐊᖅᓵᕆᕗᑦ-ᐱᕙᓪᓕᐊᑎᑦᑎᔪᑦ ᐅᑯᐊ ᐊᑦᑕᕐᓇᖅᑐᑦ ᓄᕐᕆᐅᕐᕕᖏᓐᓄᑦ ᐊᓛᔅᑲᒥ”

ᐊᑖᓂ, ᐱᖃᑖ ᐊᔾᔨᖑᐊᖅ ᐱᓯᒪᖃᖅᑐᖅ ᕿᓐᖓᐅᖅ ᔭᓗᓇᐃᓪᓗ ᑐᒃᑐᖏᓐᓂᒃ. ᐅᓇ ᐱᓯᒃᓯᖑᐊᖅ ᑎᒃᑯᐊᖅᓯᒪᔪᖅ ᐊᒻᒧᑦ ᐱᓯᒪᓂᖃᖅᑐᖅ ᒫᓐᓇᐅᔪᖅ ᐅᓄᕐᓂᖏᓐᓂᒃ ᐊᒻᒪᓗ ᑎᑎᕋᖅᓯᒪᔪᖅ ᐃᒪᓐᓇ “ᒫᓐᓇ ᐊᓯᕈᖅᓯᒪᔪᑦ-ᐅᓄᕈᓐᓃᖅᓯᒪᔪᑦ”. ᐊᔾᔨᖑᐊᑦ ᐊᐳᑎ, ᐱᕈᖅᑐᑦ, ᕿᒃᑐᕆᐊ ᖁᐱᕐᕈᓪᓗ ᐊᒻᒪᓗ ᒪᖁᒃ ᐱᓯᒪᓂᖃᖅᑐᑦ ᓯᓚᐅᑉ ᐅᖂᓂᖓᑕ ᐊᓯᖑᕐᓂᖓᓂᒃ ᑎᑎᕋᖅᓯᒪᔪᖃᖅᑐᖅ “ᓯᓚᐅᑉ ᐅᖂᓂᖓ ᐊᓯᕈᕐᒪᑦ ᐊᒃᑐᐃᔪᖅ - ᐅᖂᓂᖅᓴᐅᔪᑦ ᐊᐅᔭᐃᑦ ᓂᕿᒃᓴᖏᑦ ᐅᓄᕈᓐᓃᖅᓯᒪᔪᑦ; ᐊᒃᑐᖅᑕᐅᓯᒪᔪᑦ ᕿᒃᑐᕆᐊᓂᑦ ᖁᐱᕐᕈᓂᑦ ᐸᒡᕕᔭᐅᔪᑦ; ᒪᑯᒃ ᖁᐊᖅᐸᓪᓕᐊᔪᖅ ᒪᓂᖃᒥ”. ᐅᓇ ᐊᔾᔨᖑᐊᓕᒃ ᖁᑭᐅᑎᑦ ᒪᕐᕉᒃ X-ᖑᔪᑦ ᑎᑎᕋᖅᓯᒪᓪᓗᓂ “ᐊᐅᓚᑕᐅᔪᖅ ᐊᖑᓇᓱᒃᑕᐅᔭᕆᐊᖃᓐᖏᑦᑐᑦ” ᐊᒻᒪᓗ “ᐊᓯᖏᑦ ᐅᓗᕆᐊᖅᓵᕆᔪᑦ-ᑲᒻᐸᓃᑦ ᐱᕙᓪᓕᐊᑎᑦᑎᖕᒪᑕ, ᐊᖁᑎᓪᓗ”.

ᐱᖓᔪᐊ ᐊᔾᔨᖑᐊᖅ ᐱᓯᒪᖃᖅᑐᖅ ᖃᒪᓂᕐᔪᐊᖅ ᑐᒃᑐᖏᑦ. ᐅᓇ ᐱᓯᒃᓯᖑᐊᖅ ᑎᒃᑯᐊᖅᓯᒪᔪᖅ ᐊᒻᒧᑦ ᐱᓯᒪᓂᖃᖅᑐᖅ ᒫᓐᓇᐅᔪᖅ ᐅᓄᕐᓂᖏᓐᓂᒃ ᐊᒻᒪᓗ ᑎᑎᕋᖅᓯᒪᔪᖅ ᐃᒪᓐᓇ “ᒫᓐᓇ ᐊᓯᕈᖅᓯᒪᔪᑦ-ᐅᓄᕈᓐᓃᖅᓯᒪᔪᑦ”. ᐊᔾᔨᖑᐊᑦ ᐊᐳᑎ, ᐱᕈᖅᑐᑦ, ᐊᒻᒪᓗ ᒪᖁᒃ ᐱᓯᒪᓂᖃᖅᑐᑦ ᓯᓚᐅᑉ ᐅᖂᓂᖓ ᐊᓯᕈᕐᒪᑦ ᑎᑎᕋᖅᓯᒪᔪᖃᖅᑐᖅ “ᓯᓚᐅᑉ ᐅᖂᓂᖓ ᐊᓯᕈᕐᒪᑦ ᐊᒃᑐᐃᔪᖅ - ᐅᖂᓂᖅᓴᐅᓕᖅᑐᑦ ᐊᐅᔭᐃᑦ ᓂᕿᒃᓴᖃᕐᑎᑦᑎᓐᖏᑦᑐᑦ; ᐅᓄᖅᓯᒋᐊᖅᑐᑦ ᐅᒃᐱᒃᑲᑦ; ᒪᖁᒃ ᕿᕿᓕᖃᑦᑕᖅᑐᖅ ᒪᓂᕋᕐᒧᑦ ᑐᑦᑕᕌᖓᒥ. ᐅᓇ ᐊᔾᔨᖑᐊᓕᒃ ᖁᑭᐅᑎᖑᐊᑦ ᑎᑎᕋᖅᓯᒪᓪᓗᓂ “ᐊᐅᓚᑕᐅᔪᖅ ᐊᖑᓇᓱᒃᑕᐅᔪᓐᓇᖅᑐᑦ ᐅᓄᓐᖏᑦᑐᓂᒃ” ᐊᒻᒪᓗ “ᐊᓯᖏᑦ ᐅᓗᕆᐊᖅᓵᕆᔪᑦ-ᑲᒻᐸᓃᑦ ᐱᕙᓪᓕᐊᑎᑦᑎᖕᒪᑕ, ᐊᖁᑎᓂᒃ, ᐆᒻᒪᖁᑎᖃᐅᑎᖃᕐᕕᒃᓴᑦ ᐊᖁᑎᖏᓐᓂᒃ (ᑐᒃᑐᓂᒃ ᑐᖁᕋᐃᕙᒃᑐᑦ ᐅᓄᕐᓂᖅᓴᐅᓕᕐᓗᑎᒃ).”

ᑎᓴᒪᖓ ᐊᔾᔨᖑᐊᖅ ᐱᓯᒪᖃᖅᑐᖅ ᑲᖏᖅᓱᐊᓗᒃᔪᐊᖅ ᑐᒃᑐᖏᑦ. ᐅᓇ ᐱᓯᒃᓯᖑᐊᖅ ᑎᒃᑯᐊᖅᓯᒪᔪᖅ ᐊᒻᒧᑦ ᐱᓯᒪᓂᖃᖅᑐᖅ ᒫᓐᓇᐅᔪᖅ ᐅᓄᕐᓂᖏᓐᓂᒃ ᐊᒻᒪᓗ ᑎᑎᕋᖅᓯᒪᔪᖅ ᐃᒪᓐᓇ “ᒫᓐᓇ ᐊᓯᕈᖅᓯᒪᔪᑦ-ᐅᓄᕈᓐᓃᖅᓯᒪᔪᑦ”. ᐊᔾᔨᖑᐊᑦ ᐊᐳᑎ, ᐱᕈᖅᑐᑦ, ᐊᒻᒪᓗ ᕿᒃᑐᕆᐊᑦ ᖁᐱᕐᕈᐃᓪᓗ ᐊᒻᒪᓗ ᒪᖁᒃ ᐱᓯᒪᓂᖃᖅᑐᑦ ᓯᓚᐅᑉ ᐅᖂᓂᖓᑕ ᐊᓯᖑᕐᓂᖓᓂᒃ ᑎᑎᕋᖅᓯᒪᔪᖃᖅᑐᖅ ““ᓯᓚᐅᑉ ᐅᖂᓂᖓ ᐊᓯᕈᕐᒪᑦ ᐊᒃᑐᐃᔪᖅ - ᐊᐅᔭᒥ ᒪᖁᖕᓂᖅᓴᐅᖃᑦᑕᓕᕐᒪᑦ ᑕᐃᒪᓗ ᐊᓯᕈᐃᔪᖅ ᐱᕈᖅᑐᓂᒃ ᐊᒻᒪᓗ ᕿᒃᑐᕆᐊᓂᑦ ᖁᐱᕐᕈᓂᑦ ᐸᒡᕕᔭᐅᔪᑦ. ᐅᓇ ᐊᔾᔨᖑᐊᓕᒃ ᖁᑭᐅᑎᑦ ᒪᕐᕉᒃ X-ᖑᔪᑦ ᑎᑎᕋᖅᓯᒪᓪᓗᓂ “ᐊᐅᓚᑕᐅᔪᖅ ᐊᖑᓇᓱᒃᑕᐅᔭᕆᐊᖃᓐᖏᑦᑐᑦ” ᐊᒻᒪᓗ “ᐊᓯᖏᑦ ᐅᓗᕆᐊᖅᓵᕆᔪᑦ-ᑲᒻᐸᓃᑦ ᐱᕙᓪᓕᐊᑎᑦᑎᖕᒪᑕ, ᐊᖁᑎᖏᑦ ᐅᐊᔭᐃᑦ.

ᓴᐅᒥᐊᓂ ᓴᓂᐊᓂ ᐊᔾᔨᖑᐊᑦ ᐱᓯᒪᓂᖃᖅᑐᑦ ᑎᓴᒪᓂᒃ ᑐᒃᑐᓂᒃ ᐅᑯᐊᓗ ᓇᓗᓇᐃᖅᓯᔾᔪᑎᖏᑦ ᓴᕿᔮᖅᑐᑦ ᐃᒻᒪᑲᓪᓚᖕᓂᑦ ᐅᓄᖅᓯᕙᒡᖢᑎᒃ ᐊᒥᓲᔪᓐᓃᖅᐸᒡᖢᑎᒃ ᑖᒃᑯᐊ ᑕᒪᕐᒥᒃ ᑎᓴᒪᑦ ᑐᒃᑐᐃᑦ. ᐅᓇ ᓇᓗᓇᐃᖅᓯᓯᒪᔪᖅ ᑕᑯᑎᑦᑎᔪᖅ ᖃᓄᖅ ᐅᓄᕐᓂᖏᑦ ᑐᒃᑐᐃᑦ ᑕᒪᐃᓐᓂ ᑎᓴᒪᑦ ᑐᒃᑐᐃᑦ ᑕᐃᒪᐃᓕᔪᕕᓃᑦ ᐊᕐᕌᒍᓂ 1900 ᒫᓐᓇᒧᑦ ᓴᕿᔮᖅᐳᑦ ᑐᒃᑐᐃᑦ ᐅᓄᖅᑐᕕᓃᑦ 1940-ᓂ, ᐅᓄᕈᓐᓃᑳᓪᓚᒃᑐᐋᓘᓪᓗᑎᒃ 1960-ᓂ, ᐅᓄᖅᓯᒋᐊᑲᓐᓂᕆᓪᓗᑎᒃ 1980-ᓂ ᐊᒻᒪᓗ ᑕᑯᑎᑦᑎᔪᖅ ᐊᖏᔪᒥᒃ ᐅᓄᕈᓐᓃᑳᓪᓚᖕᓂᖏᓐᓂᒃ 2000-ᓂ. ᐅᓇ ᓇᓗᓇᐃᔭᖅᓯᒪᔪᖅ ᐱᓯᒪᓂᖃᖅᑐᖅ ᖃᐅᔨᓴᖅᑕᐅᖃᑦᑕᖅᑐᓂᑦ ᓈᓴᐃᖃᑦᑕᖅᑐᓂᒃ ᐱᔭᕇᖅᓯᒪᔪᓂᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᖃᐅᔨᒪᔭᖏᓐᓂᒃ ᓇᓗᓇᐃᕈᑎᒋᓪᓗᒋ ᑕᐃᒫᒃ ᑕᒡᕙᓂ ᑎᑎᕋᖅᓯᒪᔪᑦ ᖁᓛᓂ ᓇᓗᓇᐃᔭᕈᑎᑦ.

ᑭᖑᓪᓕᖅᐹᖓ ᑐᓴᒐᒃᓴᑦ ᐊᔾᔨᖑᐊᓕᑦ ᐱᓯᒪᓂᖃᖅᑐᑦ ᓱᓕᔪᒥᒃ ᑕᐃᒪᐃᑎᑦᑎᔪᑦ ᑐᒃᑐᐃᑦ ᐅᓄᕈᓃᖅᐸᒃᖢᑎᒃ ᐊᒥᓱᐋᓘᓕᖅᐸᒡᖢᑎᒃ. ᑖᓐᓇ ᐊᔾᔨᖑᐊᖅ ᓄᓇᖑᐊᖓᑦ ᐱᓯᒪᔪᖅ ᓄᓇᑐᐃᓐᓇᖅ ᓇᐹᖅᑐᓕᑦ ᑭᒡᓕᐊ, ᓄᓇᑐᐃᓐᓇᖅ ᐊᒻᒪᓗ ᑕᕆᐅᖅ ᓯᑯᐊ ᑕᐃᒪᓗ ᐊᒥᓲᖕᒪᑕ ᑐᒃᑐᐃᑦ ᑕᐃᑲᓂ. ᖁᓛᓂ ᓴᐅᒥᐊᓂ ᑎᕆᖁᐊᓂ ᑖᔅᓱᒪ ᐃᓚᖓᓂ ᑐᓴᒐᒃᓴᐃᑦ ᐊᔾᔨᖑᐊᓕᑦ ᓇᓗᓇᐃᖅᓯᓯᒪᔪᑦ ᐃᒪᓐᓇ ᑎᑎᕋᖅᓯᒪᓪᓗᓂ “ᐊᒥᓱᑦ ᑕᐃᒪᐃᑎᑦᑎᔪᑦ ᑐᒃᑐᓂᒃ” ᓴᓂᐊᓂ ᐊᔾᔨᖑᐊᖅ ᒪᑯᖕᖑᐊᖅ ᐊᒥᓱᓂ ᑐᒃᑐᐃᑦ ᐃᑳᖅᑐᑦ ᓯᑯᒃᑯᑦ ᐊᒻᒪᓗ ᑎᑎᕋᓯᒪᔪᖃᖅᖢᑎᒃ “ᓯᓚᐅᑉ ᐅᖂᓂᖓ ᐊᒻᒪᓗᑦᑕᐅᖅ ᓂᕿᖏᑦ”. ᓴᓂᐊᓂ ᐊᔾᔨᖑᐊᖅ ᐃᑯᐊᓚᔪᑦ ᓇᐹᖅᑐᐃᑦ ᐃᒪᓐᓇᐃᓕᖓᓪᓗᑎᒃ “ᓄᓇᒥ ᐃᑯᐊᓚᔪᑦ” ᐊᒻᒪᓗ ᓴᓂᐊᓂ ᐊᔾᔨᖑᐊᖅ ᖃᓂᒪᖂᔨᔪᖅ ᑐᒃᑐ ᑎᑎᕋᖅᓯᒪᔪᖃᖅᖢᓂ “ᐋᓐᓂᐊᓇᖅᑐᑦ”. ᐊᔾᔨᖑᐊᖏᑦ ᐊᒪᕈᖅ, ᓇᓄᖅ ᐊᒻᒪᓗ ᕿᒃᑐᕆᐊᑦ ᑎᑎᕋᖅᓯᒪᔪᖃᖅᖢᓂ “ᕿᒃᑐᕆᐊᑦ ᖁᐱᕐᕈᐃᓪᓗ” ᐊᒻᒪᓗ “ᑐᒃᑐᓂᒃ ᓂᕿᖃᖅᑐᑦ”. ᐅᓇ ᐊᔾᔨᖑᐊᖅ ᒪᕐᕉᒃ ᐊᖑᓇᓱᒃᑎᑦ ᑎᑎᕋᖅᓯᒪᔪᖃᖅᑐᖅ “ᐊᖑᓇᓱᒃᑎᑦ”. ᕿᑎᐊᓂ ᑖᔅᓱᒪ ᐃᓚᖓᓂ ᑐᓴᒐᒃᓴᑦ ᐊᔾᔨᖑᐊᑦ ᑕᑯᑎᑦᑎᔪᑦ ᐊᒥᓱᑦ ᐊᑐᒃᑐᐃᑦ ᐃᓚᖃᖅᖢᑎᒃ ᐊᔾᔨᖑᐊᓂᒃ ᐅᖂᓯᒋᐊᕈᑎᖑᐊᖅ ᐱᔾᔪᑎᒋᓪᓗᒍ ᓯᓚᐅᑉ ᐅᖂᓂᖓ ᐊᓯᕈᕐᓂᖓᓂᒃ ᐊᒻᒪᓗ ᒪᕐᕉᖕᓂᒃ ᑎᑎᕋᖅᓯᒪᔪᖃᖅᖢᓂ “ᓯᓚᐅᑉ ᐅᖂᓯᓂᖓ ᐊᓯᕈᖅᑐᖅ” ᐊᒻᒪᓗ “ᑲᒻᐸᓃᑦ ᐱᕙᓪᓕᐊᑎᑦᑎᔪᑦ” ᐅᑯᐊ ᑲᑎᖓᑎᓯᒪᓪᓗᑎᒃ ᐱᓯᒃᓯᖑᐊᖅ ᐱᓯᒪᓂᖃᖅᑐᑦ ᒪᕐᕉᖕᓂᒃ ᐊᒃᑐᖅᑕᐅᖕᒪᑕ ᑐᒃᑐᐃᑦ. ᐊᔾᔨᖑᐊᖏᑦ ᖁᓕᒥᒎᓕᑦ ᐊᒻᒪᓗ ᖃᖓᑕᓲᖅ ᐱᓯᒪᔪᑦ ᑎᑎᕋᖅᓯᒪᔪᖃᖅᖢᑎᒃ “ᓂᐹᕿᔪᑦ”. ᐅᓇ ᐊᔾᔨᖑᐊ ᓄᓇᓕᖑᐊᓂᒃ ᑎᑎᕋᖃᖅᖢᓂ “ᓇᔪᖅᐸᒃᑕᖏᑦ ᐱᑕᖃᕈᓐᓃᖅᑐᑦ ᐊᒻᒪᓗ ᐊᔾᔨᖑᐊᖓ ᐊᖁᑎᑦ ᐃᑳᕐᕕᖏᓐᓂ ᓄᓇᑐᐃᓐᓇᒥ ᑎᑎᕋᖃᖅᖢᑎᒃ “ᑐᓗᖅᑕᐅᑎᖏᑦ”. ᐅᓇ ᑕᓕᖅᐱᐊᓂ ᑎᕆᖁᐊᓂ ᑐᓴᒐᒃᓴᖅ ᐊᔾᔨᖑᐊᓕᒃ ᓇᓗᓇᐃᑯᑕᖃᖅᑐᖅ ᑕᑯᑎᑦᑎᔪᖅ ᓄᖑᑉᐸᓪᓕᐊᓂᓐᖏᑦᑐᓂᒃ ᐊᒃᑐᖅᑕᐅᔪᑦ ᑕᐃᒪᐃᑎᑦᑎᔪᑦ ᑐᒃᑐᑦ ᐅᓄᕐᓂᖏᓐᓂᒃ. ᑖᓐᓇ ᓇᓗᓇᐃᔭᖅᓯᒪᔪᖅ ᑕᑯᑎᑦᑎᔪᖅ ᐃᓂᖃᕐᓂᑦᑎᓐᓂ ᓂᕿᖃᕐᑎᑦᑎᓗᑕ ᑕᑭᓂᖅᓴᐅᓪᓗᓂ ᐊᒻᒪᓗ ᐃᓂᖃᕈᓐᓃᖅᑐᒍᑦ ᐃᓱᒪᒋᓐᖏᓗᐊᕋᑦᑎᒍᑦ ᑐᒃᑐᓂ ᑐᖂᑦᑎᖃᑦᑕᖅᑐᑦ ᐊᒻᒪᓗ ᕿᒃᑐᕆᐊᑦ; ᐊᒡᒐᒃᓴᑦ ᓯᑯᓯᒪᔪᒃᑯᑦ; ᐃᒃᐱᒋᓐᖏᑕᕗᑦ ᑐᓗᕈᑎᖏᑦ ᓄᒃᑕᖅᑎᓪᓗᒋᑦ; ᓱᖁᑎᒋᓐᖏᑕᕗᑦ ᖃᖓᑕᓲᑦ, ᑕᐃᒪᓗ ᓇᐃᓐᓂᖅᓴᐅᓪᓗᑎᒃ ᓇᓗᓇᐃᖅᓯᒪᔪᓂ.