ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᐅᐊᐃᓚᑑᓄᑦ (Wah-ila-toos)

ᐃᑲᔪᖅᑐᖅᑕᐅᓪᓗᑎᑦ ᐃᒻᒥᒃᑰᖅᑐᓂᑦ ᓄᓇᖃᖅᑳᖅᓯᒪᔪᓂᒃ ᐱᓕᕆᔨᓂᒃ, ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᓂᕈᐊᖅᑕᐅᕙᑦᑐᑦ ᖃᐅᔨᒪᓂᖏᓐᓂ ᓯᕗᒃᑲᖅᑕᐃᒍᓐᓇᕐᓂᖏᓐᓂᓪᓗ ᓴᓗᒪᔪᓂᑦ ᐆᒻᒪᖅᑯᑎᓂᒃ ᐱᓕᕆᐊᔅᓴᓂᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ. ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᐅᑯᐊᖑᓪᓗᑎᑦ ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᓪᓗ ᓯᕗᓕᖅᑏᑦ, ᐊᔾᔨᐅᖏᑦᑐᓂᑦ ᐱᓕᕆᐊᖃᖅᑐᑎᑦ, ᐅᖃᐅᓯᖏᑦ, ᓇᒦᓐᓂᖏᑦ, ᐱᓕᒻᒪᔅᓯᒪᓂᖏᑦ, ᐊᕐᓇᐅᓂᖏᑦ ᐊᖑᑕᐅᓂᖏᓪᓗ. ᓄᓇᖃᖅᑳᖅᓯᒪᔪᑦ ᑲᑎᒪᔩᑦ ᐃᓚᒋᔭᐅᒻᒥᔪᑦ ᐃᑲᔫᑎᑎᒍᑦ ᐱᖁᔭᓕᐅᕐᓂᒃᑯᑦ ᐱᒻᒪᕆᐅᒻᒪᑕ ᑕᒪᒃᑯᐊ ᓂᐱᒋᔭᐅᔪᑦ ᓄᓇᖃᖅᑳᖅᓯᒪᔪᓂᒃ ᑭᒡᒐᖅᑐᖅᑕᐅᑦᑎᐊᕋᓗᐊᕐᒪᖔᑕ ᐃᓱᒪᓕᐅᖅᑐᖃᖅᑎᓪᓗᒍ ᐆᒻᒪᖅᑯᑎᓂᒃ ᑎᒍᒥᐊᖅᑐᓂᒃ, ᒐᕙᒪᑐᖃᒃᑯᓂᓪᓗ ᓯᓚ ᐱᔾᔪᑎᒋᓪᓗᒍ ᐱᖁᔭᖏᓐᓂ.

ᐅᑭᐊᔅᓵᖅ 2024, ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᐅᓂᒃᑳᓐᓂ ᓴᖅᑮᓚᐅᖅᓯᒪᒻᒪᑕ: ᑕᐃᒎᓯᖃᕐᓂᖅ ᐃᓚᖏᓐᓂ ᑲᔪᓯᑦᑎᐊᖅᓯᒪᓂᖏᓐᓂ: ᓴᖅᑮᓯᔪᑦ ᐋᖅᑭᐅᒪᔾᔪᑎᔅᓴᓂᒃ ᓴᓗᒪᔪᓂᒃ ᐆᒻᒪᖅᑯᑎᓂᒃ ᓄᓇᒦᓐᖔᖅᑐᓂᒃ (ᖃᓪᓗᓈᑎᑑᖓᔪᑦ ᐅᐃᕖᑎᑐᑐᐊᕐᓘᓐᓃᖓᑐᐃᓐᓇᖅᑐᑦ). ᐅᓂᒃᑳᖅ ᐊᑐᓕᖁᓯᒪᔭᖏᓐᓂ ᐅᖃᐅᓯᓕᒃ ᖃᓄᖅ ᐃᑲᔪᖅᑐᐃᒍᓇᕐᒪᖔᑦᑕ ᓴᓗᒪᔪᓂᒃ ᐆᒻᒪᖅᑯᑎᓕᐅᖅᐸᓪᓕᐊᓗᑕ ᓄᓇᖃᖅᑳᖅᑐᒥᓂᕐᓄᑦ, ᓄᓇᓕᐸᐅᔭᓐᓂᑦ, ᐅᖓᓯᑦᑎᓂᓪᓗ ᓄᓇᓕᓐᓂᑦ, ᐊᑐᐃᓐᓇᖃᖅᑎᑦᑎᔪᑦ ᐱᖁᔭᕐᓂᑦ ᐅᖃᐅᔾᔨᒋᐊᕆᓗᑎᑦ ᓄᓇᖃᖅᑳᖅᓯᒪᔪᓃᓐᖔᖅᑐᓂᒃ ᐊᒻᒪᓗ ᓄᓇᓕᓐᓂ ᓯᕗᒃᑲᑕᖅᑕᐅᓗᑎᒃ ᑲᒪᒋᔭᐅᓗᓪᓗ ᐊᔾᔨᐅᖏᑦᑐᑦ ᑕᒪᒃᑯᐊ ᐊᔅᓱᕉᑕᐅᓯᒪᔪᑦ ᓄᓇᓕᓐᓂᑦ ᑲᔪᓯᑎᑦᑎᓇᓱᐊᖅᑎᓪᓗᒋᑦ ᐆᒻᒪᖅᑯᑎᑦᑎᐊᕙᖃᕐᓂᕐᒥᑦ ᑐᕌᒐᖏᑦ ᒪᓕᑦᑐᒋᑦ. “ᑕᐃᒎᓯᖃᕐᓂᖅ ᐃᓚᖏᓐᓂ ᑲᔪᓯᑦᑎᐊᖅᓯᓂᖏᓐᓂᓪᓗ” ᐅᓂᒃᑳᓖᑦ ᐸᕐᓇᐅᑎᖏᓐᓂ ᑲᔪᓯᑦᑎᐊᖃᑦᑕᖅᓯᒪᓂᖏᓐᓂᓪᓗ ᑎᒍᒥᐊᕐᓂᖏᓐᓂ ᐃᓚᒥᓂᒃ ᐱᓕᕆᖃᑎᖃᖅᑐᑎᑦ ᐊᐅᓚᑦᑏᓐᓇᖅᑐᑦ ᒪᑭᒪᑦᑎᐊᕋᓱᐊᕐᓂᕐᒥᑦ, ᑲᔪᓯᑦᑎᐊᕐᓂᒥᓪᓗ ᐆᒻᒪᖅᑯᑎᑎᒍᑦ ᓯᕗᓂᑦᑎᓐᓂ.

ᐃᓚᒋᔭᐅᔪᑦ

ᐋᓕᒃᔅ ᑯᒃ

ᓄᓇᕗᑦ ᐃᓄᐃᑦ

ᐋᓕᒃᔅ ᓇᖕᒥᓂᖃᖅᑎᐅᔪᖅ ᐋᒃᑎᒃᒥᑦ (ArchTech), 100% ᐃᓄᖕᓄᑦ ᓇᖕᒥᓂᕆᔭᐅᔪᖅ ᓴᓇᔭᐅᓯᒪᔪᖅ ᐃᓪᓗᐊᓗᒃ ᐅᑭᐅᖅᑕᖅᑐᒥ ᓱᕈᖕᓇᖅᑐᓂᑦ ᐊᑐᙱᑦᑎᐊᕋᓱᐊᖅᑐᑎᑦ. ᐋᓕᒃᔅ ᓴᓇᒐᓱᖃᑦᑕᓲᖅ ᐊᔾᔨᐅᖏᑦᑐᓂᑦ ᐊᑐᓕᖅᑭᒍᓐᓇᖅᑐᓂᑦ ᐊᒻᒪᓗ ᐊᔾᔨᐅᖏᑦᑐᓂᒃ ᐊᒃᓱᕈᖕᓇᕋᓗᐊᖅᑎᓪᓗᒋᑦ ᐱᓕᕆᐊᕆᓇᓱᐃᓐᓇᖅᑕᖏᑦ ᐅᑭᐅᖅᑕᑎᑦᑎᓐᓄᑦ.

ᑲᒪᖃᑦᑕᕐᒥᔪᑦ ᐋᒃᑎᒃᑯᑦ (ArchTech) ᐊᐅᓚᔾᔪᓯᖏᑦ, ᐋᓕᒃᔅ ᑲᑎᒪᔨᐅᖃᑕᐅᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᖏᓐᓄᑦ ᐊᒻᒪᓗ ᐃᓕᓴᕆᔭᐅᓯᒪᓪᓗᓂᓗ ᓄᓇᖃᖅᑳᖅᓯᒪᔪᓂᒃ ᐊᑐᖅᑕᐃᓕᒪᓂᕐᒧᑦ ᐱᒋᐊᕈᑎᓂᒃ ᑎᒍᒥᐊᖅᑐᓂᒃ ᐊᒻᒪᓗ ᓄᓇᖃᖅᑳᖅᓯᒪᔪᑦ ᓴᓗᒪᔪᓂᒃ ᐆᒻᒪᖅᑯᑎᖃᕋᓱᐊᕐᓂᕐᒧᑦ (20/20 Catalyst). ᐋᓕᒃᔅ ᐃᑲᔪᖅᑐᐃᑦᑎᐊᖅᑐᖅ ᐊᓯᔾᔨᖅᑕᐅᔪᒪᔪᓂᒃ ᓴᓗᒪᔪᓂᒃ ᐆᒻᒪᖅᑯᑎᖃᕐᓗᓂ ᐅᑭᐅᖅᑕᖅᑐᒥ ᑲᓇᑕᒥ, ᐱᕙᓪᓕᐊᑎᑦᑎᓇᓱᐊᕐᓂᒧᓪᓗ, ᓴᖅᑭᔮᖅᑎᑦᑎᓗᑎᒃ ᐊᑯᓂᓗ ᐊᕙᑎᑦᑎᓐᓂ ᐊᑐᓕᖅᑭᑎᑦᑎᓇᓱᐊᕐᓂᕐᒧᑦ ᓇᒥᑐᐃᓐᓇᑦᑎᐊᖅᑐᖅ ᐅᑭᐅᖅᑕᖅᑐᒥ.

ᒍᕌᓐᑦ ᓴᓕᕙᓐ (ᐃᔅᓯᕙᐅᑕᖅ )

ᒍᐃᑦᓯᓐ (Gwich'in) ᐊᓪᓚᐃᑦ

ᒍᕌᓐᑦ ᓯᕗᓕᖅᑎᑦᑎᐊᕙᐅᓯᒪᔪᖅ ᐅᑭᐅᖅᑕᖅᑐᒥ ᐅᑭᐅᓄᑦ ᑕᓪᓕᒪᓅᓕᖅᑐᖅ, ᓇᖕᒥᓂᖃᖅᑐᓕᕆᓂᕐᒥᑦ ᖃᐅᔨᒪᑦᑎᐊᖅᑐᖅ ᓄᓇᓕᖕᓂᓪᓗ ᑎᒍᒥᐊᖃᑕᐅᑦᑎᐊᖅᑐᓂ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᓂᒃ ᐊᒻᒪᓗ ᐊᓪᓚᓂᒃ ᐆᒻᒪᖅᑯᓕᑎᑦᑎᕙᓕᕆᓂᕐᒥᑦ. ᐊᒥᓱᓂᒃ ᓯᕗᒃᑲᖅᑕᐃᓯᒪᔪᑦ ᐆᒻᒪᖅᑯᓕᕆᓂᕐᒥᑦ ᐱᓕᕆᐊᖑᓯᒪᔪᓂᒃ, ᐃᓅᕕᖕᒥᓪᓗ ᐊᓄᕆᓄᑦ ᐆᒻᒪᖅᑯᑎᑖᕋᓱᐊᕐᓂᕐᒧᑦ ᖃᐅᔨᓴᕐᓂᕐᒥᑦ, ᓯᕿᓐᓂᕐᒧᓪᓗ ᓄᒃᑭᒃᓴᖅᑐᓂᒃ ᖃᐅᔨᓴᕐᓂᕐᒥᑦ, ᐊᒻᒪᓗ ᓂᐅᕐᕈᑎᖃᕐᓂᕐᒧᑦ ᓯᕿᓐᓂᕐᒧᑦ ᐆᒻᒪᖅᑯᑎᓂᒃ ᐋᖅᑭᒃᓱᐃᓪᓗᑎᑦ ᓄᓇᑦᑎᐊᕐᒥ ᓄᓇᕗᒻᒥᓪᓗ. ᒍᕌᓐ ᓴᓗᒪᑦᑎᐊᖅᑐᓂᒃ ᐆᒻᒪᖅᑯᑎᓕᕆᖃᑦᑕᖅᓯᒪᔪᖅ ᓄᓇᖃᖅᑳᖅᓯᒪᔫᓪᓗᓂ (20/20 Catalyst) (2016) ᐆᒻᒪᖅᑯᑎᓂᓪᓗ

ᑎᒍᒥᐊᖅᑎᐅᖃᑕᐅᔪᖅ ᓄᓇᖃᖅᑳᖅᓯᒪᔪᓂᑦ ᐅᖅᓱᐊᓗᓕᕆᓂᕐᒥᑦ ᑕᑎᖃᑦᑕᐃᓕᒪᓇᓱᐊᕐᓂᒥᓪᓗ ᐅᖅᓱᐊᓗᓐᓂᒃ (IODI). ᒍᕌᑦ ᐅᖃᐅᔾᔨᒋᐊᕆᓲᖅ, ᐊᑐᐊᖅᓯᑎᑦᑎᓲᖅ ᐊᐅᓚᑦᑎᓲᖅ ᐊᓯᖏᓐᓂ ᓄᓇᖃᖅᑳᖅᓯᒪᔪᓂᒃ ᓯᕗᒃᑲᖅᑕᐃᓂᓇᓱᐊᖅᑐᓂᒃ ᐃᑲᔪᖅᑐᐃᔪᓂᓪᓗ ᓄᓇᓕᓐᓂ ᓴᓗᒪᑦᑎᐊᖅᑐᓂᒃ ᐆᒻᒪᖅᑯᑎᖃᕋᓱᐊᕐᓕᕋᓱᕐᓂᕐᒥᑦ ᐅᑭᐅᖅᑕᖅᑐᒥ. ᒍᕌᓐᑦ ᐃᖅᑲᓇᐃᔭᖅᑎᓄᑦ ᓯᕗᓕᖅᑎᐅᓚᐅᖅᑐᖅ ᒍᐃᑦᓯᓐ ᑲᑎᒪᔨᖏᓐᓄᑦ ᓯᓚᕐᔪᐊᒥ (2012–2019) ᓱᓕ ᐅᓪᓗᒥᒧᑦ ᐱᓕᕆᖃᑕᐅᕙᒃᑐᑦ ᒍᐃᑦᓯᓐ ᐊᓪᓚᓄᑦ ᐅᓪᓗᒥ.

ᔪᐊᑕᓐ ᐴᓄᑉ

ᓴᑭᑕᐅᐊᒃ (Sakitawahk)/Black Lake ᐊᓪᓚᐃᑦ

ᔪᐊᑕᓐ ᐴᓄᑉ (Jordyn Burnouf), ᐅᐱᒋᑦᑎᐊᖅᑐᖅ ᐊᓪᓚᖓᔫᓪᓗᓂ (Nehîyaw) (Cree) ᐊᕐᓇᖅ ᓴᑭᑕᐅᐊᒃ (Métis Village of Île-a-lá Crosse) ᐊᒻᒪᓗ ᐃᓚᒋᔭᐅᓪᓗᓂ ᐊᓪᓚᓄᑦ (Black Lake), ᐱᓕᕆᐊᒥᓂᒃ ᐊᔾᔨᐅᖏᑦᑑᕙᒃᑐᑦ ᓄᓇᒦᙶᖅᑐᓂᓪᓗ ᖃᐅᔨᒪᑦᑎᐊᖅᑐᓂ, ᓯᓚᒥᓪᓗ ᐱᓕᕆᖃᑦᑕᖅᓯᒪᓪᓗᓂ, ᓄᓇᓕᖕᓂᓪᓗ ᐱᓯᒪᑦᑎᖃᑦᑕᖅᓯᒪᓪᓗᓂ. ᔪᐊᑕᓐ ᐆᒻᒪᖅᑯᓕᑎᕆᓂᕐᒥᑦ ᑎᒍᒥᐊᕐᓂᒥᓪᓗ ᐱᓕᕆᔨᐅᔪᖅ ᐊᓪᓚᖓᔪᓄᑦ ᓴᔅᑳᑦᓱᐊᒥ, ᐊᐅᓪᓚᕈᔾᔨᖃᑦᑕᖅᑐᓂᓗ ᓇᐹᖅᑐᓕᖕᓄᑦ ᐃᓚᒌᑦ ᓯᓂᒃᑕᕐᕕᖓᓐᓄᑦ. ᐸᒥᑲᓐ (Pemmican) ᐃᓪᓗᕋᓛᑦᑕᓂᒃ, ᐃᓕᓐᓂᐊᖅᑎᐅᓪᓗᓂᓗ ᐊᑐᓕᖅᑎᓇᓱᐊᕐᓂᕐᒥᑦ, ᐆᒻᒪᖅᑯᓕᑎᕆᓂᕐᒥᑦ ᓯᓚᑦᑐᖅᓴᕐᕕᔾᔪᐊᖓᓐᓂ ᓴᔅᑳᑦᓱᐊᒥ.

ᐊᓛᓯᑕᕋᓗᐊᖅᑲᑦ ᓄᓇᒥᑦ, ᐅᓂᒃᑳᖅᑐᐊᕋᓗᐊᖅᐸᓪᓘᓐᓃᑦ ᖃᕋᓴᐅᔭᒃᑯᑦ ᓂᐱᓕᐅᖅᓯᒪᔪᓂᒃ ᐊᓪᓚᓂᑦ (Nôhcimihk) (ᓇᐹᖅᑎᓕᒻᒧᑦ), ᐅᕝᕙᓘᓐᓃᑦ ᐅᖃᖃᑎᖃᕐᓂᕋᓗᐊᖅᑲᑦ ᐆᒻᒪᖅᑯᑐᓂᒃ ᑎᒍᒥᐊᕐᓂᕐᒥᑦ, ᔪᐊᑕᓐ ᐃᑲᔪᖃᑦᑕᖅᑐᖅ ᓄᓇᒨᕈᔾᔨᖃᑦᑕᖅᑐᓂ ᐆᒻᒪᖅᑯᑎᖃᑦᑎᐊᕐᓂᒥᓪᓗ ᐱᓕᕆᓯᓐᓈᖅᑐᓂᒃ ᐋᖅᑭᐅᒪᔾᔪᑎᔅᓴᓂᒃ. 20/20 ᓄᓇᖃᖅᑳᖅᓯᒪᔪᑦ ᓴᓗᒪᔪᓂᒃ ᐆᒻᒪᖅᑯᑎᓂᑦ ᐱᓕᕆᓇᓱᐊᖅᑐᖅ, ᐃᒃᓯᕙᐅᑕᐅᑉ ᑐᖏᓕᖓ ᑲᑎᒪᔨᓄᑦ (SevenGen), ᔪᐊᑕᓐ ᐱᒋᐊᖅᑎᑦᑎᖃᑕᐅᓯᒪᖕᒥᔪᖅ ᐃᓱᒪᙳᐊᕐᓂᕐᒥᑦ (ImaGENation), ᐱᓕᕆᐊᖑᔪᖅ ᑐᕌᖓᓪᓗᓂ ᓄᓇᖃᖅᑳᖅᓯᒪᔪᓄᑦ ᐃᓅᓱᒃᑐᓄᑦ ᑲᒪᒋᔭᐅᓗᑎᑦ ᐱᒋᐊᕈᑎᓂᒃ. ᑲᑎᒪᔨᐅᖃᑕᐅᔪᖅ ᓴᓗᒪᔪᒥᑦ ᐆᒻᒪᖅᑯᑐᓕᕆᓂᕐᒥᑦ ᐊᒻᒪᓗ ᑲᓇᑕᒥ ᓯᓚᓕᕆᓂᕐᒥᑦ, ᐊᒻᒪᓗ ᐱᓕᕆᖃᑕᐅᔪᖅ ᐊᓪᓚᓂᒃ (Wah-ila-toos) ᑲᑎᒪᔨᐅᓪᓗᓂ, ᐅᖃᐅᔾᔨᒋᐊᖅᑎᐅᓯᓐᓈᖅᖢᓂ ᓄᓇᖃᖅᑳᖅᓯᒪᔪᓂᑦ ᓯᓚᓕᕆᓂᕐᒥᑦ.

ᑭᒻ ᓯᑳᑦ, MSc

Kitigan Zibi Anishnabeg

ᑭᒻ ᓯᑳᑦ, ᐅᐱᒋᔭᖃᑦᑎᐊᖅᑐᖅ ᐊᓪᓚᐅᓂᕐᒥᓂᒃ (Anishinaabekwe), ᐊᓈᓇ ᐃᕐᖑᑕᖃᖅᑐᓂᓗ, ᐅᔾᔨᓱᖅᑎᐅᔪᖅ ᐊᓪᓚᐃᑦ (Kishk Anaquot) ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᖅᑎᓕᕆᓂᕐᒥᑦ (KAHR), ᓄᓇᖃᖅᑳᖅᓯᒪᓪᓗᓂ ᓇᖕᒥᓂᖃᖅᑎᐅᔪᖅ ᐱᓕᕆᔨᒻᒪᕆᐅᓪᓗᓂ, ᓇᑭᙶᖅᓯᒪᓂᖏᑦ ᓯᕗᓕᒥᓂᖏᓪᓗ ᓴᖅᑮᓯᒪᑦᑎᐊᖅᑐᑦ ᒪᒥᓴᕐᓂᕐᒥᑦ ᑎᒍᒥᐊᓂᒥᓪᓗ ᑭᓱᑐᐃᓐᓇᕐᓂᑦ. ᐅᑭᐅᓄᑦ 30−ᓄᑦ ᖃᓄᐃᑦᑐᕈᓘᔮᓗᓐᓂᒃ ᐱᓕᕆᐊᖃᖅᓯᒪᔪᖅ ᐱᔨᑦᑎᖅᓯᒪᔭᖏᓪᓗ ᑭᒃᑯᑐᐃᓐᓇᐅᓪᓗᑎᑦ, ᓯᓚᒃᑐᖅᓴᕐᕕᔾᔪᐊᕐᒥᑦ, ᒐᕙᒪᒃᑯᓐᓂ, ᓄᓇᕗᑦ ᒐᕙᒪᒃᑯᖏᓐᓂ ᑭᒃᑯᑐᐃᓐᓇᕐᓄᑦ ᐋᓐᓂᐊᖅᑐᓕᕆᓂᕐᒨᖓᔪᓂᒃ, ᐊᐅᓚᔾᔪᑎᓂᒃ, ᐊᑐᑦᑎᐊᕐᓂᕐᒥᑦ, ᓄᓇᓕᖕᓂᓪᓗ ᐱᕙᓪᓕᐊᑎᑦᑎᓂᕐᒥᑦ.

ᑭᒻ ᐅᖃᐅᔾᔨᒋᐊᕆᓲᑦ ᓄᓇᓕᖕᓂᑦ, ᐊᕕᒃᑐᖅᓯᒪᓂᒃ, ᐃᓄᑐᐃᓐᓇᕐᓂᑦ ᓯᓚᕐᔪᐊᓕᒥᓪᓗ ᐱᒋᐊᕈᑕᐅᓯᒪᔪᓂᒃ, ᐊᔾᔨᒋᙱᑦᑐᓂᑦ ᓇᖕᒥᓂᖃᕐᓂᕐᒥᑦ ᐊᔾᔨᒌᙱᑦᑐᓂᓪᓗ ᐱᓕᕆᖃᑦᑕᖅᑐᑎᑦ ᐱᔭᕆᐊᑐᔪᓂᒃ ᓯᓚᕐᔪᐊᒥ ᐅᓪᓗᒥ ᐊᑐᖃᑦᑕᖅᑕᑎᓐᓂ. ᑭᒻ ᑲᑎᒪᔨᐅᖃᑕᐅᓚᐅᖅᓯᒪᔪᖅ ᑲᓇᑕᒥ ᑲᔪᓰᓐᓇᖁᓐᓇᖅᑐᓂᒃ ᐱᕙᓪᓕᐊᓂᕐᒧᑦ ᐅᖃᐅᓯᔾᔨᒋᐊᖅᑎᖏᑕ ᑲᑎᒪᔨᖏᓐᓄᑦ ᐊᒻᒪᓗ ᐅᖃᐅᔾᔨᒋᐊᖅᑎᐅᖏᓐᓇᖅᑐᓂᒃ ᐊᑐᐊᖅᓯᑎᑦᑎᕙᒃᑐᓂᓪᓗ ᑲᑎᒪᔨᓂᒃ ᑲᑎᒪᔨᕋᓛᓂᓪᓗ, ᐃᒃᓯᕙᐅᑕᐅᓚᐅᖅᓯᒪᓪᓗᓂ ᑲᓇᑕᐅᑉ ᒥᕐᖑᐃᖅᓯᕐᕕᖓᑦᑕ ᑮᓇᐅᔭᓂᒃ ᑕᒻᒪᖅᓯᒪᔪᖅᓯᐅᑎᓂᒃ ᑲᑎᒪᔨᕋᓛᖏᓐᓄᑦ, ᓄᓇᖃᖅᑳᖅᑐᓕᕆᓂᕐᒥᑦ ᓴᓗᒪᔪᒥᑦ ᐆᒻᒪᖅᑯᑐᓕᕆᓂᕐᒥᑦ ᐊᒻᒪᓗ ᓄᓇᖃᖅᑳᖅᓯᒪᔪᓂᒃ ᓯᕗᓕᖅᑎᒃᓴᓄᑦ ᑮᓇᐅᔭᓂᒃ (ᐊᕙᑎᓕᕆᓂᕐᒥᑦ ᐊᒻᒪᓗ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ ᑲᓇᑕᒥ).

ᔪᒃᕙᓚᖅᔅ (Zux̌valaqs) (ᓕᐅᓂ Hᐊᒻᓯᑦ)

Haiłzaqv (Heiltsuk) ᐊᓪᓚᐃᑦ
(ᐊᔾᔨᓯᐅᑕᒥᓂᖓ: ᔪᒃᕙᓚᖅᔅ (Zux̌valaqs) ᐊᑖᑕᖓᓗ ᐅᒪᒃ, (Umakn), W̓úm̓akṇ (Mel Innes))

ᔪᒃᕙᓚᖅᔅ (Zux̌valaqs) ᐊᖏᔪᖅᑳᒻᒪᕆᐅᖃᑕᐅᔪᖅ ᓯᓚᐃᑦ ᐱᔾᔪᑎᒋᓪᓗᒋᑦ ᐱᒋᐊᕈᑕᐅᓯᒪᔪᑦ ᑲᒪᑦᑎᐊᕐᓂᒧᓪᓗ, ᐱᔨᑦᑎᖅᑎᐅᓪᓗᓂ ᓯᓚ ᐱᒋᐊᕈᑕᐅᓯᒪᔪᓄᑦ ᑐᑭᒧᐊᑦᑎᑦᑎᔨ ᕼᐊᒻᓯᑦ ᐊᓪᓚᐃᑦ ᐸᓚ ᐸᓚ ᐳᕆᑎᔅ ᑲᓚᒻᐱᐊᒥ. ᐅᑭᐅᓄᑦ ᑎᓴᒪᐅᓗᐊᖅᑐᓄᑦ ᐱᓕᕆᓯᒪᓕᖅᑐᖅ, ᓄᓇᖃᖅᑲᖅᓯᒪᔪᓂᒃ ᖃᐅᔨᒪᔨᑕᐅᓪᓗᓂ ᐅᓪᓗᒥᓕᓴᕐᓂᓪᓗ ᐋᖅᑭᐅᒪᔾᔪᑎᒃᓴᓂᒃ ᐸᖅᑭᑦᑎᖃᑕᐅᓪᓗᓂ ᓂᕐᔪᑎᓂᒃ ᐊᔾᔨᒌᙱᑦᑐᓂᒃ ᐊᒻᒪᓗ ᓂᕿᒃᓴᖃᑦᑎᐊᕐᓂᕐᒧᑦ ᑭᖑᕚᑦᑎᓐᓄᑦ. ᐃᕐᖑᑕᓕᒃ 11−ᓂᒃ, ᐃᑉᐱᒋᓪᓚᕆᑦᑕᖓ ᐃᖅᑲᓇᐃᔮᓂᒃ, ᓯᓚᕐᔪᐊᓕᒫᒥᑦ ᐱᐅᓯᑎᑦᑎᒍᒪᓪᓚᕆᒃᑐᖅ ᑭᖑᕚᖏᓐᓄᑦ.

ᔪᒃᕙᓚᖅᔅ (Zux̌valaqs) ᐅᐃᖓᓗ ᑖᒻ ᐱᕙᓪᓕᐊᑎᑦᑎᓯᒪᔫᒃ ᐊᓪᓚᓂᑦ (Heiltsuk Wáwadi) ᑯᐊᓐᓂᓕᕆᓂᕐᒥᑦ, ᐱᐅᔪᐊᓗᐃᑦ ᑕᒪᒃᑯᐊ ᑯᐊᓐᓂᓕᐅᕐᓂᖅ, ᐱᓕᕆᓯᒪᓪᓚᕆᒃᑑᒃ ᓯᔾᔭᓂᑦ ᐊᓚᓂᒃ ᐊᖅᑯᑎᖃᖅᖢᑎᑦ ᓄᓇᖃᖅᑳᖅᓯᒪᓂᒃ ᐅᖅᓱᐊᓗᑦᑐᕋᓱᙱᑦᑐᓂᑦ ᐱᒋᐊᕈᑎᓂᒃ. ᐸᐃᑉᐹᖃᕐᒥᔪᖅ MBA−ᒥᑦ ᓄᓇᖃᖅᑳᖅᓯᒪᔪᑦ ᓇᖕᒥᓂᖁᑎᓕᕆᓂᕐᒥᑦ ᓯᕗᓕᖅᑎᐅᓂᕐᒥᒡᓗ, ᐆᒻᒪᖅᑯᑎᓕᓂᕐᒥᑦ ᑲᒪᒋᐊᖓ ᐱᐅᒋᑦᑎᐊᖅᑕᖓ, ᐅᖃᐅᔾᔨᒋᐊᖅᑎᐅᖃᑕᐅᓪᓗᓂ ᑲᑎᒪᔨᓄᑦ ᐳᕆᑎᔅ ᑲᓚᒻᐱᐊᒥ ᐅᖓᓯᒃᑐᒦᑦᑐᓂᒃ ᓄᓇᓕᖕᓂ ᐆᒻᒪᖅᑯᑎᓕᕆᓂᕐᒧᑦ ᐸᕐᓇᐅᑎᓂᒃ.

ᐃᓚᒥᓂᒃ ᑐᙵᕕᖃᓪᓚᕆᒃᑐᖅ, ᐅᒃᐱᕆᔭᒥᓂᓪᓗ, ᐊᓪᓚᐅᓂᕐᒥᓂᓪᓗ ᔪᒃᕙᓚᒃ (Zux̌valaqs) ᐱᓕᕆᐊᖓ ᑎᒍᓯᒥᐊᕐᓗᓂ ᓄᓇᓕᖕᓂᑦ, ᐱᐅᔪᐊᓗᖕᓂᓪᓗ ᓴᓗᒪᔪᓂᒃ ᐆᒻᒪᖅᑯᓕᕆᓂᕐᒥᑦ, ᐅᐱᒋᔭᖃᑦᑎᐊᖅᑐᓂᓗ ᑲᑎᖃᑦᑎᐊᖅᑐᓂᓗ ᓄᓇᒥᑦ ᑭᖑᕙᑦᑎᓐᓄᑦ ᐊᑐᐃᓐᓇᐅᖁᓪᓗᓂ ᓯᕗᓂᑦᑎᓐᓄᑦ.

ᓵᓐ ᐳᕋᓐ ᓂᖕ (Nang Hl K'aayaas)

ᕼᐊᐃᑕ ᐊᓪᓚ

ᑲᒪᑦᑎᐊᖅᑐᐊᓗᒃ ᐊᑖᑕᐅᓪᓗᓂ, ᐃᑦᑐᕆᔭᐅᓪᓗᓂ ᐅᐱᒋᔭᖃᑦᑎᐊᖅᑐᖅ ᐊᓪᓚᐅᓂᕐᒥᓂᒃ (Ts’aahl Laanaas Eagle Clan), ᓵᓐ ᐱᓕᕆᓯᒪᓕᖅᑐᖅ ᐃᓅᓯᒫᒥᓂᒃ ᐃᖅᑲᓇᐃᔮᖃᖅᑐᓂ ᕼᐊᐃᑕᓂᒃ ᑎᒍᒥᐊᖅᑎᐅᖃᑕᐅᔪᖅ ᓯᕗᓂᑦᑎᓂᓪᓗ ᑭᖑᕚᑦᑎᓐᓄᑦ ᐱᓕᕆᓪᓗᓂ. ᐱᓕᕆᐊᖃᖅᓯᒪᔪᖅ ᐊᑐᓕᖅᑎᑦᑎᔨᐅᓪᓗᓂ ᐊᐅᓚᑦᑎᔨ ᐊᓪᓚᓄᑦ (Tll Yahda) ᐆᒻᒪᖅᑯᓕᕆᓂᕐᒥᑦ ᕼᐃᑕᓄᑦ (Haida Gwaii), ᕿᑭᖅᑖᓗᖕᒥ ᐅᖅᓱᐊᓗᖕᓂ ᐊᑐᖅᑕᐃᓕᒪᓇᓱᐊᖅᖢᑎᑦ ᐆᒻᒪᖅᑯᑎᖃᓲᑦ, ᐊᐅᓚᑦᑎᑦᑎᐊᕐᓗᑎᑦ ᓇᖕᒥᓂᕐᓗ ᑲᒪᒋᔭᖃᕐᓗᑎᑦ ᓯᕗᓂᑦᑎᓐᓄᑦ.

ᑐᙵᕕᖃᑦᑎᐊᕆᓪᓗᓂ ᓇᐹᖅᑐᓕᕆᖃᑕᐅᖃᑦᑕᖅᑐᓂ, ᓵᓐ ᐱᓕᕆᑦᑎᐊᖁᔨᓪᓚᕆᒃᑐᖅ ᐊᓪᓚᐃᑦ ᕼᐃᑕᓂᑦ ᓄᓇᖏᑦ ᐊᑐᖅᑕᐅᑦᑎᐊᖁᓪᓗᒋᑦ ᐸᕐᓇᐅᑎᖃᖅᖢᑎ, ᐱᖅᑯᓯᓕᕆᓂᕐᒥᓪᓗ ᓇᓗᓇᐃᖅᓯᕙᒃᑐᓂ ᐅᖃᐅᔾᔨᒋᐊᖅᑎᐅᓪᓗᓂᓗ ᕼᐊᐃᑕ ᐊᓪᓚᐃᑦ ᐱᔪᓐᓇᐅᑎᖏᑦᑕ ᒥᒃᓵᓄᑦ. ᐋᖅᑮᓇᓱᐊᖅᑐᓕᕆᔨᒃᑯᑦ ᑲᑎᒪᔨᖏᑦ, ᐱᓕᕆᖃᑎᖃᖃᑦᑕᕐᒥᔪᖅ ᒐᕙᒪᒃᑯᓐᓂ ᐃᖅᑲᓇᐃᔭᕐᕕᓂᓪᓗ, ᕼᐊᐃᑕᒃᑯᑦ ᖃᓄᐃᖁᙱᑦᑎᐊᖅᑐᒋᑦ, ᓯᕗᓂᖓᓂᓗ, ᑐᓴᐅᒪᑎᑕᐅᑦᑎᐊᖃᑦᑕᕐᓗᑎᑦ ᐊᖏᕆᐊᖃᕋᐃᖃᕐᒪ, ᐊᑦᑕᕐᓇᖅᑐᒦᖁᓇᒋᑦ ᕼᐃᑕᒃ ᓄᓇᖏᑦ ᓯᕗᓕᕕᓂᖅᑕᓗ ᐅᒃᐱᕆᔭᑐᖃᖏᑦ ᐱᓕᕆᐊᕇᓐᓇᓪᓚᕆᒃᑕᖏᑦ. ᓵᓐ ᖁᕕᐊᑦᑎᐊᖅᑐᖅ ᓄᑖᖑᓂᖅᓴᓂᑦ ᐱᐅᓂᖅᓴᓂᑦ ᐆᒻᒪᖅᑯᑎᖃᖁᔨᓪᓗᓂ ᑲᓇᑕᓕᒫᒥ ᐊᒻᒪᓗ ᐅᖅᓱᐊᓗᖅᑐᖏᓐᓂᖅᓴᐅᓗᑎᑦ ᐆᒻᒪᖅᑯᑎᓂᒃ.

ᑲᑎᒪᔨᐅᓚᐅᖅᓯᒪᔪᖅ

ᐋᓕᒃ ᐃᑦᑎᒪᕐᖓᖅ – ᑲᑎᒪᔨᐅᓚᐅᖅᓯᒪᔪᖅ ᑏᓰᑉᐱᕆ 2022−ᒥᑦ ᒫᔾᔨᒧᑦ 2023−ᒧᑦ

ᐃᓄᐃᑦ (ᓄᓇᕗᑦ)

ᐋᓕᒃᔅ ᐃᑦᑎᒪᓐᖓᖅ ᐃᓅᓚᐅᖅᓯᒪᔪᖅ ᑰᒑᕐᔪᓐᓂ, ᓄᓇᕗᒻᒥ. ᐆᒻᒪᖅᑯᑎᓕᕆᓂᕐᒥᑦ ᑎᒍᒥᐊᖅᑎ ᐊᒻᒪᓗ ᐃᓚᖃᖅᑐᓂᑦ ᐆᒻᒪᖅᑯᑎᓂᒃ (Catalysts) ᒫᓐᓇ ᓯᕗᒃᑲᖅᑕᐃᔪᖅ ᓴᓗᒪᔪᓂᒃ ᐆᒻᒪᖅᑯᑎᓕᕆᓂᕐᒧᑦ ᐱᓕᕆᐊᓂᒃ ᑰᒑᕐᔪᒻᒥ. ᓄᓇᖓᓐᓂ ᐱᓕᕆᔪᒪᑦᑎᐊᖅᑐᖅ, ᐱᐅᓯᕚᓪᓕᑎᑦᑎᑲᓐᓂᕈᒪᓪᓗᓂᓗ ᐃᓅᓯᖏᓐᓂ ᐱᓕᕆᖃᑎᖃᕐᓗᓂ ᓄᓇᖅᑲᑎᒥᓂᒃ, ᒐᕙᒪᑐᖃᒃᑯᓐᓂ ᐊᒻᒪᓗ ᓄᓇᓖᑦ ᓯᕗᓕᖅᑎᖏᓐᓂ ᓴᓗᒪᔪᓂᒃ ᐊᑐᓕᖅᑭᒍᓐᓇᖅᑐᓂᒃ ᐆᒻᒪᖅᑯᑎᓕᕆᓂᕐᒥᑦ ᓯᕗᓂᑦᑎᓐᓄᑦ. ᐅᐱᒋᔭᖃᑦᑎᐊᖅᑐᖅ ᕿᑐᕐᖓᖏᓐᓂ ᑎᓴᒪᓂᒃ ᐃᕐᓂᖃᖅᑐᓂᓗ ᐊᑕᐅᓯᕐᒥᑦ, ᐃᓅᓯᖏᓐᓂ ᐱᐅᓯᕚᓪᓕᑎᑦᑎᑲᓐᓂᕈᒪᔪᖅ ᐃᓚᒌᓐᓂᒃ ᓄᓇᖅᑲᑎᖏᓐᓂᓪᓗ.