ᐊᒃᐸᐃᑦ ᑲᓇᑕᒥ ᐆᒪᔪᖃᐅᖅᑐᖅ

ᐊᒃᐸᐃᑦ ᑲᓇᑕᒥ ᐆᒪᔪᖃᐅᖅᑐᖅ (NWA) ᑲᓇᖕᓇᖅᐸᓯᒻᒥ ᕿᑭᖅᑖᓘᑉ ᐅᐊᖕᓇᖅᐸᓯᐊᓂ ᓄᕗᐊᓂ ᑕᓪᓗᕈᑎᐅᑉ ᐃᒪᖓᑕ, ᓄᓇᕗᒻᒥ. ᑲᑎᓪᓗᑎᒃ 792 km2 ᑭᓛᒥᑕᑎᒍᑦ, ᑖᒃᑯᐊ NWA−ᑯᑦ ᓴᐳᔾᔨᒍᑎᒋᓪᓗᐊᑕᖅᑕᖏᑦ ᐱᓱᑦᑎᓂᑦ ᐅᒪᔪᓂᑦ ᐊᒻᒪᓗ ᑕᕆᐅᒥ ᐆᒪᔪᑦ ᓇᔪᒐᖃᑎᒌᖕᓂᖏᓐᓂᑦ ᐊᒃᑐᐊᖃᑎᒌᖕᓂᖏᓐᓂᓪᓗ ᑕᕆᐅᕐᒥᐅᑦ ᑎᖕᒥᐊᑦ ᐊᒻᒪᓗ ᐳᐃᔩᑦ ᑕᕆᐅᕐᒥᐅᑕᑦ.

ᓱᓇᐅᓂᖓᓂᒃ ᓇᓗᓇᐃᖅᓯᓂᖅ

ᐊᒃᐸᐃᑦ NWA ᓇᓗᓇᐃᖅᑕᐅᓚᐅᖅᓯᒪᔪᖅ 2010−ᒥ ᓴᐳᑎᔭᐅᖁᓪᓗᒋᑦ ᐃᓚᖏᑦ ᐊᖏᔫᑕᐅᓂᖅᐹᑦ ᑕᕆᐅᕐᒥᐅᑕᐃᑦ ᑎᖕᒥᐊᑦ ᐃᓂᖏᑦ ᑲᓇᑕᒥ, ᐱᖃᓯᐅᑎᑦᓱᒍ ᒥᑦᓴᐅᓴᖅᑕᐅᓯᒪᔪᖅ 130,000−ᓃᑦᑐᑦ ᓯᒃᑯᖏᑦ ᐃᔾᔪᔪᑦ ᐊᒃᐸᐃᑦ. ᐊᒃᐸᐃᑦ ᐃᓄᒃᑎᑐᑦ ᐅᖃᐅᓯᐅᒻᒪᑦ “ᐊᒃᐸᐃᑦ”.  ᓄᓇᒥᐅᓄᑦ ᑖᓐᓇ NWA ᐃᓗᓕᓕᒃ ᐊᖏᔪᓂᒃ ᑕᐃᔭᐅᓯᒪᔪᓂᒃ ᓄᓇᐃᑦ ᓯᕕᖓᓂᖏᓐᓂᒃ ᑎᑭᐅᑎᓯᒪᔪᓂᒃ 915−ᓂᑦ ᒥᑕᓂᒃ ᐃᓂᐅᔪᖅ ᐊᒃᐸᐃᑦ, ᑕᐃᔭᐅᒐᔪᑉᐸᑦᑐᖅ “ᐃᓐᓈᕈᑦ”. ᑕᕆᐅᖅ ᑖᒃᑯᓇᓂ NWA−ᒧᑦ ᑭᓪᓕᓕᐅᖅᑕᐅᓯᒪᔪᑦ ᓂᕆᓇᓱᐊᕐᕕᐅᓲᑦ ᐃᕙᕙᑦᑐᓄᑦ ᑕᕆᐅᕐᒥᐅᑕᓄᑦ ᑎᖕᒥᐊᓄᑦ ᐊᔾᔨᒌᖏᑦᑐᓄᓪᓗ ᐳᐃᔨᓄᑦ ᑐᓛᓐᓇᐅᓕᖅᑎᓪᓗᒍ. ᕿᑭᖅᑕᕐᔪᐊᖅ (ᖃᐅᔨᒪᔭᐅᔪᖅ ᐳᕋᐅᑕᓐ ᐊᐃᓚᓐᒥᒃ), ᖃᓂᓐᓂᖅᐹᖅ ᐃᓄᖕᓄᑦ ᓄᓇᒋᔭᐅᓪᓗᓂ ᐃᓂᓕᒃ 130 ᑭᓛᒥᑕᓪᓗᐊᓂᒃ ᐅᐊᓐᓇᖔᖓᓂ ᑖᒃᓱᒪ NWA.

ᐊᒃᐸᐃᑦ NWA. ᐊᔾᔨᓕᐅᖅᑕᒥᓂᖓ: ᒋᐅᕆ ᑖᓄᑦᓴᓐ
ᐊᒃᐸᐃᑦ NWA. ᐊᔾᔨᓕᐅᖅᑕᒥᓂᖓ: ᒋᐅᕆ ᑖᓄᑦᓴᓐ

ᐊᓯᖏᑦ ᑐᓴᕈᒥᓇᖅᑐᑦ ᓱᓕᔪᑦ ᐊᒃᐸᐃ NWA ᒥᒃᓵᓄᑦ:

ᐃᔾᔪᔪᒥᒃ−ᓯᒃᑯᓕᒃ ᐊᒃᐸ ᐊᒃᐸᓂ NWA. ᐊᔾᔨᓕᐅᕆᔪᒥᓂᖅ: ᒋᐅᕆ ᑖᓄᑦᓴᓐ
ᐃᔾᔪᔪᒥᒃ−ᓯᒃᑯᓕᒃ ᐊᒃᐸ ᐊᒃᐸᓂ NWA. ᐊᔾᔨᓕᐅᕆᔪᒥᓂᖅ: ᒋᐅᕆ ᑖᓄᑦᓴᓐ 

ᑐᑭᓯᒋᐊᒃᑲᓐᓂᕕᒃᓴᖅ ᐊᒃᐸᐃᑦ NWA ᒥᒃᓵᓄᑦ  ᓇᐃᓈᖅᓯᒪᔪᒥ ᑕᑲᓇᓂ ᐊᓪᓕᕐᒥ.

ᐊᐅᓚᑦᓯᓂᖅ

ᒪᓕᓪᓗᒍ ᑲᓇᑕᒥ ᐆᒪᔪᓕᕆᓂᕐᒧᑦ ᐱᖁᔭᖅ, NWA−ᖑᔪᑦ ᓴᐳᑎᔭᐅᓯᒪᔪᑦ ᐊᐅᓚᑕᐅᓪᓗᑎᓪᓗ ᒪᓕᑦᓱᒍ ᐆᒪᔪᓕᕆᓂᕐᒧᑦ ᐃᓂᐅᔪᓄᑦ ᐊᑐᐊᒐᑦ. ᐱᔾᔪᑕᐅᓂᖏᑦ ᑖᒃᑯᐊ NWA−ᖑᔪᑦ ᓴᐳᔾᔨᓂᕐᒧᑦ ᐱᐅᖅᓱᐊᓂᕐᒧᓪᓗ ᐆᒪᔪᓂᑦ ᐊᒻᒪᓗ ᐆᒪᔪᓄᑦ ᓇᔪᖓᐅᔪᓂᒃ. ᑕᒪᓐᓇ ᐱᔾᔪᑎᒋᓪᓗᒍ ᐊᒻᒪᓗ ᒪᓕᓪᓗᒍ ᒪᓕᒐᖅ, ᐱᓇᓱᐊᕐᓂᓕᒫᑦ NWA−ᒦᑦᑐᑦ ᐊᕝᕕᐊᑐᐃᓐᓇᕆᐊᓖᑦ ᐱᐅᖅᓱᖅᑕᐅᓂᖓᓂᒃ ᐆᒪᔪᑦ ᓄᖅᑲᖓᑎᑕᐅᒍᓐᓇᓂᕐᒧᑦ. ᑭᓯᐊᓂᓕ, ᐊᒥᓲᓂᖅᓴᐃᑦ NWA−ᖑᔪᑦ ᐊᑐᐃᓐᓇᐅᖏᒻᒪᑕ ᑭᒃᑯᑐᐃᓐᓇᕐᓄᑦ ᐊᓯᓕᒫᖏᓪᓗ ᐱᓇᓱᐊᕐᓂᐅᒍᒪᔪᑦ ᐱᔪᓐᓇᖏᑎᑕᐅᔪᑦ ᐃᓘᓐᓇᐃᓐᓂ NWA−ᖑᔪᓂ. ᑭᓯᐊᓂᓕ, ᐃᓚᖏᑦ ᐱᓇᓱᐊᕐᓃᑦ ᐱᔪᓐᓇᖅᑎᑕᐅᒍᓐᓇᖅᑐᑦ ᐊᖅᑯᑎᒋᓗᒍ ᑎᑎᕋᖅᓯᒪᔪᖅ I.1 ᐆᒪᔪᓕᕆᓂᕐᒧᑦ ᐃᓂᐅᔪᓂ ᐊᑐᐊᒐᕐᓄᑦ ᐱᔪᓐᓇᐅᑎᑖᖅᑎᑦᓯᓂᕐᒧᑦ ᒪᓕᑦᓯᐊᑐᐊᖅᐸᑕ ᐊᐅᓚᑦᓯᒍᒪᓂᕐᒧᑦ ᐸᕐᓇᑕᐅᒥᒪᔪᓂᒃ ᑐᕌᒐᕆᔭᐅᓗᑎᒃ ᑕᕝᕗᖓ NWA−ᒧᑦ. ᑐᑭᓯᒋᐊᒃᑲᓐᓂᕕᑦᓴᖅ, ᖃᐅᔨᒋᐊᕐᕕᒋᓗᒍ NWA ᐊᐅᓚᑦᓯᓂᕐᒧᑦ ᐊᒻᒪᓗ ᐱᓕᕆᐊᒃᓴᓄᑦ ᑎᑎᕋᕐᕕᐅᓯᒪᔪᒥ.

ᐊᒃᐸᐃᑦ ᐊᐅᓚᑕᐅᔪᖅ ᑲᓇᑕᒥ ᐆᒪᔪᓕᕆᓂᕐᒧᑦ ᐱᔨᑦᓯᖅᑎᓄᑦ (CWS) ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᕐᓂᖓᑕ ᑲᓇᑕᒥ (ECCC) ᐃᓄᖕᓄᓪᓗ ᕿᑭᖅᑕᕐᔪᐊᒥ, ᓄᓇᕗᑦ ᐃᓚᒋᓪᓗᓂᐅᒃ ᐊᐅᓚᑦᓯᖃᑎᒌᖕᓂᕐᒧᑦ ᐊᖏᖃᑎᒌᒍᑕᐅᓯᒪᔫᑉ ᑕᕝᕘᓇ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᑎᓄᑦ ᐊᖏᖃᑎᒌᖑᑎᒥ ᑕᕝᕗᖓ ᑲᓇᑕᒥ ᐆᒪᔪᑦ ᐃᓂᖏᑕ ᐊᒻᒪᓗ ᑎᖕᒥᐊᑦ ᑐᓛᓲᑦ ᐃᓂᖏᓐᓂ ᓄᓇᕗᒻᒥ (IIBA). ᓱᓗᓖᑦ ᐊᐅᓚᑦᓯᖃᑎᒌᑦᑐᑦ ᑲᑎᒪᔨᕋᓛᖏᑦ (ACMC) ᐱᒋᐊᖅᑎᑕᒥᓂᖅ ᑕᕝᕘᓇ IIBA−ᑯᑦ ᐅᖃᐅᔾᔨᒋᐊᕈᑕᐅᕙᑦᑐᑦ ᐃᓘᓐᓇᖏᓐᓂ  NWA−ᑯᑦ ᐊᐅᓚᑦᓯᓂᕐᒧᑦ ᐱᔭᕆᐊᖃᓪᓚᕆᑦᑐᑎᒍᓪᓗ ᐊᑐᐊᒐᓕᕆᓂᕐᒧᑦ ᑐᑭᑖᕈᑕᐅᓯᒪᔪᑦ ᐊᑦᑐᐃᓂᓕᒃ ᑖᑦᓱᒥᖓ NWA−ᒥᒃ, ᐱᖃᓯᐅᑎᓗᒍ ᐃᓄᖕᓄᑦ ᐊᑐᖅᑕᐅᓂᖓ ᑖᓐᓇ NWA, ᐱᔪᓐᓇᐅᑎᑖᕐᓂᕐᒧᑦ ᑐᒃᓯᖃᐅᑎᑦ, ᖃᐅᔨᓴᖅᑐᓕᕆᓂᒃᑯᑦ ᐊᐅᓚᑦᓯᓂᖅ ᑕᕝᕘᓇ NWA, ᐳᓚᕋᖅᑎᓄᑦ ᐊᑐᖅᑕᐅᓂᖓ ᐃᓂᐅᔫᑉ, ᐊᒻᒪᓗ ᐊᐅᓚᑕᐅᓂᖓ ᓴᐳᐳᔾᔭᐅᓂᖓᑦᑕᓗ ᐆᒪᔪᑦ ᓇᔪᒐᐅᔪᓪᓗ ᐆᒪᔪᓄᑦ.

ᓄᓇᕗᒻᒥ, ᓄᓇᕗᒻᒥᐅᑦ ᐃᓄᐃᑦ, ᒪᓕᓪᓗᒍ ᓄᓇᕗᒻᒧᑦ ᐊᖏᖃᑎᒌᒍᑦ (NA), ᐊᖑᓇᓱᐊᕈᓐᓇᖅᑐᑦ ᐆᒪᔪᓂᒃ, ᒪᓐᓂᑕᕐᕕᐅᒍᓐᓇᑐᓪᓗ ᑐᓛᕙᑦᑐᓄᑦ ᑎᖕᒥᐊᓄᑦ ᒪᓐᓂᓂᒃ ᖁᓂᕈᕐᓂᓪᓗ ᑮᓇᐅᔭᓕᐅᕈᑎᖃᕈᓐᓇᓂᕐᒧᑦ, ᐃᓅᖃᑎᒌᓄᑦ ᐊᒻᒪᓗ ᐱᖅᑯᓯᕐᒧᑦ ᑭᖒᒪᔭᐅᔪᑦ (ᐃᓚᖓ 5 ᓄᓇᕗᒻᒧᑦ ᐊᖏᖃᑎᒌᒍᑎᐅᑉ).  ᐊᒃᐸᐃᑦ NWA ᐱᓪᓗᒍ ᑭᓇᑐᐃᓐᓇᖅ ᐊᓯᖏᑦ ᐊᑎᖃᖃᑕᐅᙱᑦᑐᑦ ᓄᓇᑖᕈᑎᒥ ᐱᔪᓐᓇᖅᑎᑕᐅᙱᑦᑐᑦ; ᑕᐃᒪᐃᒻᒪᑦ, ᓄᓇᕗᒻᒥᐅᑕᐅᙱᑦᑐᑦ ᐱᔪᓐᓇᐅᑎᑖᕆᐊᓖᑦ ᐊᒃᐸᓕᐊᕈᒪᔪᑦ ᐅᕝᕙᓘᓐᓃᑦ ᐱᓕᕆᒍᒪᔪᖅ ᐊᒃᐸᐃ NWA ᐊᑐᕐᓗᒍ. ᐱᓕᕆᓃᑦ ᐱᔪᓐᓇᖅᑎᑕᐅᑐᐃᓐᓇᕆᐊᓖᑦ ᒪᓕᓪᓗᒍ ᐱᐅᖅᓱᐊᓂᕐᒧᑦ ᑎᑎᕋᖅᑕᐅᓯᒪᔪᑦ ᑕᕝᕙᓂ NWA−ᒥ ᐊᐅᓚᑦᓯᓂᕐᒧᑦ ᐸᕐᓇᐅᑎᒥ (ᐱᕙᓪᓕᐊᔭᐅᔪᖅ ᒪᓐᓇᐅᔪᒥ).

ᑐᑭᓯᒋᐊᒃᑲᓐᓂᕕᒃᓴᖅ ᐱᕕᖃᖅᑎᑕᐅᓂᕐᒧᑦ ᐊᒻᒪᓗ ᐱᔪᓐᓇᖅᑎᑕᐅᓂᕐᒧᑦ ᐊᒃᐸᐃᑦ NWA−ᒥᒃ ᖃᐅᔨᒋᐊᕐᕕᒋᓗᒍ ᐅᓇ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᕐᓂᖓᓄᑦ ᑲᓇᑕᒥ ᐊᕕᑦᑐᖅᑕᐅᓯᒪᓂᒃᑯᑦ ᐊᓪᓚᕕᒃ.

ᐃᓂᐅᔪᒥ ᓄᓇᙳᐊᖅ

ᓄᓇᙳᐊᖅ, ᑕᑯᓗᒍ ᑕᑭᔪᒥ ᓇᓗᓇᐃᔭᖅᓯᒪᔪᖅ ᐊᑖᓂ.
ᐃᓂᐅᔪᒥ ᓄᓇᙳᐊᖅ ᐊᒃᐸᐃᑦ ᑲᓇᑕᒥ ᐆᒪᔪᖃᐅᖅᑐᖅ 
ᑕᑭᔪᖅ ᓇᓗᓇᐃᔭᖅᑕᐅᓯᒪᔪᖅ ᓄᓇᙳᐊᖅ

ᑖᓐᓇ ᓄᓇᙳᐊᖅ ᓂᑦᑕᑎᑦᓯᔪᖅ ᕿᑭᖅᑖᓗᒻᒥᒃ ᐊᒻᒪᓗ ᕿᑭᖅᑖᓘᑉ ᐃᑭᖓᑕ ᓄᓇᕗᒻᒥ. ᑭᓪᓕᓕᐅᖅᑕᐅᓯᒪᔪᑦ ᐊᒃᐸᐃᑦ ᑲᓇᑕᒥ ᐆᒪᔪᖃᕐᓂᐅᓂᖓ ᑎᑎᖅᑕᐅᓯᒪᔪᑦ. ᑖᓐᓇ NWA ᐱᖃᓯᐅᔾᔨᔪᖅ ᐅᐊᖕᓇᖅᐸᓯᐊᓂᒃ ᑕᓪᓗᕈᑎᐅᑉ ᐃᒪᖓᑕ ᕿᑭᖅᑖᓗᒻᒥ ᐊᒻᒪᓗ ᐃᓚᖓ ᕿᑭᖅᑖᓘᑉ ᐃᑭᖓᑕ. ᑎᑎᖅᑕᐅᓯᒪᔪᑦ ᓄᓇᙳᐊᒥ ᑭᓛᒥᑐᑦ ᐊᑐᖅᓱᒋᑦ. ᐃᒪᖃᐃᓐᓇᕐᓂᖓ ᓇᓗᓇᐃᖅᑕᐅᓯᒪᔪᖅ. ᒥᑭᓈᖅᓯᒪᔪᖅ ᑲᓇᑕᒥ ᓄᓇᙳᐊᖅ ᓇᓗᓇᐃᖅᓯᓯᒪᔪᖅ NWA−ᖑᔪᓄᑦ ᐃᓂᐅᔪᓂᒃ ᑲᓇᑕᒥ.

ᑖᓐᓇ ᓄᓇᙳᐊᖅ ᓇᓗᓇᐃᖅᓯᒍᑕᐅᓂᕐᒧᑦ ᐊᑐᖅᑐᖅ ᑭᓯᐊᓂ ᐊᑐᖅᑕᐅᔭᕆᐊᖃᕋᓂᓗ ᓇᓗᓇᐃᖅᓯᒍᑕᐅᓗᓂ ᒪᓕᒐᖅᑎᒍᑦ ᑭᓪᓕᖃᖅᑎᑕᐅᔪᓂᑦ.

ᓇᐃᓈᖅᓯᒪᑎᓪᓗᒋᑦ ᑎᑎᕋᕐᕕᒋᓯᒪᔪᖅ

ᓇᐃᓈᖅᓯᒪᑎᓪᓗᒋᑦ ᑎᑎᕋᕐᕕᒋᓯᒪᔪᖅ ᐊᒃᐸᐃᑦ ᑲᓇᑕᒥ ᐆᒪᔪᖃᐅᖅᑐᖅ
ᓱᓇᐅᓂᖓ ᑐᓴᐅᒪᔭᐅᓂᖓ
ᓴᐳᑎᔭᐅᓯᒪᔪᖅ ᑲᓇᑕᒥ ᐆᒪᔪᓕᕆᕕᐅᑉ ᐃᓂᖓ
ᓄᓇ ᑭᓪᓕᓕᐅᖅᑕᐅᓯᒪᓂᒃᑯᑦ/ᓄᓇ ᐊᕕᑦᑐᖅᑕᐅᓯᒪᓂᒃᑯᑦ ᓄᓇᕗᑦ
ᐳᖅᑐᓂᖓ/ᓯᕕᑐᓂᖓ 66°56' ᐅᐊᓇᖅ / 61°46' ᐱᖓᓐᓇᖅ
ᐊᖏᓂᖓ ᑲᑎᑦᑐᑦ: 79,200 ha:
  • ᑕᕆᐅᕐᒥᐅᑕᑦ: 74,400 ha
  • ᐆᒪᔪᑦ ᐱᓱᒃᑎᑦ: 4,800 ha
ᐱᔾᔪᑎ ᓴᖅᑭᑕᐅᓂᖓᓄᑦ ᓴᐳᑎᔭᐅᔭᕆᐊᖃᓕᖅᑑᑉ ᐃᓂᖓᑕ ᐃᓂᐅᔪᖅ ᐃᒪᓐᓈᖅᑕᐅᓯᒪᓂᖓᑦ:
  • 8 ᐳᓴᖏᑦ ᑲᓇᑕᒥ ᐃᕐᓂᐅᐸᑦᑐᑦ ᓯᒡᒍᓖᑦ−ᐃᔾᔪᔪᒥᒃ ᐊᒃᐸᐃᑦ
  • 9 ᐳᓴᖏᑦ ᑲᓇᑕᒥ ᐃᕐᓂᐅᐸᑦᑐᑦ ᐅᑭᐅᖅᑕᖅᑐᒥ ᖃᑯᓪᓗᐃᑦ
  • 1ᐳᓴᖏᑦ ᕿᕐᓂᖅᑕᒥᒃ ᐃᑎᒐᔮᓖᑦ ᓇᐅᔭᑦ
ᐅᓗᖓ ᓴᖅᑭᑎᑕᒥᓂᖅ (ᑐᓴᕋᑦᓴᓕᐊᖑᕙᑦᑐᑎᒍᑦ) 2010 – ᒪᓕᒐᖅᑎᒍᑦ ᓇᓗᓇᐃᔭᖅᓯᒪᔪᖅ
ᓄᓇᕐᔪᐊᒥ ᑲᑐᔾᔨᖃᑎᒌᑦ ᐱᐅᖅᓱᐊᖅᑕᐅᖁᓪᓗᒍ ᓄᓇ (IUCN) ᐊᐅᓚᑦᓯᓂᕐᒧᑦ ᓱᓇᐅᓂᖓ ᐆᒪᔪᖃᐅᓂᖓ (Ib)
ᐃᓚᓕᐅᑎᓯᒪᔪᑦ ᑕᐃᔭᐅᓂᖏᑦ
  • ᓄᓇᕐᔪᐊᒥ ᐆᒪᔪᑦ ᐃᓕᖅᑯᓯᖏᓐᓂᒃ ᖃᐅᔨᓇᓱᕝᕕᐅᔪᖅ (ᓄᓇ 7, ᐃᓂᖓ 7-9)
  • ᐊᒃᐸᐃᑦ ᑎᖕᒥᐊᖃᕐᕕᐅᓂᖓ  (IBA - NU072)
  • ᐊᒃᐸᐃᑦ (ᕇᑦ ᐸᐃ) ᓯᕗᓪᓕᐅᑎᑕᐅᔪᑦ ᑕᕆᐅᕐᒥᐅᑕᐃᑦ ᐆᒪᔪᑦ ᓇᔪᖅᑕᐅᔪᖅ ᐆᒪᔪᓄᑦ (ᓄᓇᕗᒻᒥ ᐃᓂ 21) ᐊᒻᒪᓗ ᓯᕗᓪᓕᐅᑎᑕᐅᔪᑦ ᓇᔪᖅᑕᐅᔪᑦ ᓄᓇᒥ ᐆᒪᔪᓄᑦ ((ᓄᓇᕗᒻᒥ ᐃᓂ 28)
ᓯᕗᓪᓕᐅᑎᔭᐅᔪᑦ ᐅᕝᕙᓘᓐᓃᑦ ᓯᕗᓪᓖᑦ ᐆᒪᔪᑦ ᓯᒡᒍᖓ−ᐃᔾᔪᔪᖅ ᐊᒃᐸ
ᑎᑎᕋᑕᐅᓯᒪᔪᑦ ᐆᒪᔪᑦ ᐆᒪᔪᑦ ᐅᓗᕆᐊᓇᖅᑐᒥᓖᕐᓂᖏᓐᓂᑦ ᐱᖁᔭᕐᒥ (SARA) ᓇᓄᖅ
ᐆᒪᔪᑦ ᓇᔪᒐᖏᑦ
  • ᐳᐃᔩᑦ ᐱᓗᐊᖅᑐᒥ
  • ᓄᓇᐅᑉ ᐃᓚᖓ ᐳᐳᖅᑐᔪᓂᒃ ᐃᓐᓈᕈᓕᒃ ᓯᕕᖓᓂᓖᓪᓗ ᐊᕙᓗᔭᐅᓯᒪᔪᑦ ᐳᖅᑐᔪᓄᑦ ᓯᕕᖓᓂᓕᓐᓄᑦ ᐊᒻᒪᓗ ᑎᑎᓐᓂᖓ
ᐋᓪᓚᐃᑦ ᐆᒪᔪᑦ ᐱᑕᖃᖏᑦᑐᖅ
ᐊᓯᖏᑦ ᐆᒪᔪᑦ ᐊᓯᖏᑦ ᑎᖕᒥᐊᑦ:

ᓄᓇᒥᐅᑕᑦ:

ᑕᕆᐅᕐᒥᐅᑕᑦ:

ᐊᐅᓚᑦᓯᓂᕐᒧᑦ ᐃᓱᒪᒃᓴᖅᓯᐅᕈᑕᐅᔪᑦ ᐊᒥᓱᖑᕆᐊᖅᓯᒪᓂᖏᑦ:
  • ᑮᓇᐅᔭᓕᐅᕈᑎᖃᕐᓂᖅ ᐃᖃᓗᓕᕆᓂᒃᑯᑦ
  • ᐊᓯᖏᑦ ᓴᐳᑎᔭᐅᓯᒪᔭᕆᐊᖃᕐᓂᕐᒧᑦ ᐱᒋᐊᖅᑎᑦᓯᒍᑏᑦ
  • ᐅᓇᓕᑦᓴᔭᐃᑦ ᐱᓕᕆᓂᖓ
  • ᐅᔭᕋᕐᓂᐊᕐᓂᖅ/ᐅᖅᓱᐊᓱᒃᓴᒥᒃ ᕿᓂᕐᓂᖅ
  • ᖃᐅᔨᓴᖅᑐᓕᕆᓂᖅ
  • ᐳᓚᕋᖅᑐᓕᕆᓂᖅ
  • ᐅᓯᑲᑦᑕᕐᓂᖅ/ᑕᕆᐅᒃᑯᑦ ᐅᓯᑲᑦᑕᐅᑎᓄᑦ ᐃᖏᕐᕋᔪᓕᕆᓂᖅ
  • ᓯᓚᐅᑉ ᐊᓯᔾᔨᕐᓂᖓ
ᐊᐅᓚᑦᓯᕕᐅᔪᖅ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐊᓯᔾᔨᕐᓂᖓᓂᒃ (ᑲᓇᑕᒥ  ᐅᑭᐅᖅᑕᖅᑐᒥ ᑲᓇᑕᒥᐅᓄᑦ ᐆᒪᔪᓕᕆᓂᕐᒧᑦ ᐱᓕᑦᓯᕐᕕᒃ)
ᑭᒃᑯᑐᐃᓐᓇᕐᓄᑦ ᐱᕕᒃᓴᑦ ᐊᑐᕋᒃᓴᓪᓗ ᓄᓇᕗᒻᒥ ᐃᓄᐃᑦ ᒪᓂᒪᔪᒥᒃ ᑭᓪᓕᖃᖅᑎᑕᐅᖏᑦᑐᒥᓪᓗ ᐱᔪᓐᓇᐅᑎᖃᖅᑎᑕᐃᑦ ᐊᖑᓇᓱᐊᕈᓐᓇᓂᕐᒧᑦ ᓄᓇᓂ, ᐃᒪᕐᓂ, ᐊᒻᒪᓗ ᑕᕆᐅᒥ ᒪᓕᓪᓗᒍ ᑖᓐᓇ NWA, ᑎᑎᕋᖅᑕᐅᓯᒪᔪᒥ 5 ᑕᕝᕙᓂ IIBA −ᒥ ᐊᒻᒪᓗ ᒪᓕᓪᓗᒍ ᐃᓚᖓᓂ .5.7.18 ᓄᓇᕗᒻᒧᑦ ᐊᖏᖃᑎᒌᒍᑦ.
ᐃᓄᒃᑎᑐᑦ− ᐃᓕᖅᑯᓯᖃᙱᑦᑐᓄ ᓄᓇᕗᒻᒥ, ᐱᔪᓐᓴᐅᑎᒥᒃ ᐱᔭᕆᐊᓖᑦ ᐊᖑᓇᓱᐊᕈᒪᔪᑦ ᐱᓕᕆᔪᒪᔪᓪᓘᓐᓃᑦ ᒪᓕᓪᓗᒍ ᑖᓐᓇ NWA.

ᖃᐅᔨᒪᔭᐅᓕ: ᐊᔾᔨᒌᖏᓂᖅᑕᖃᖅᐸᑦ ᑖᒃᑯᓇᓂ ᑐᓴᕆᐊᕈᑎᑦᓴᐅᔪᓂ ᐅᓂᒃᑳᖅᑕᐅᓯᒪᔪᓂ ᑕᕝᕙᓂ ᐃᑭᐊᖅᑭᕕᒃᑯᑦ ᒪᑉᐱᒐᕐᒥ, ᑐᓴᕋᑦᓴᓕᐅᖑᓯᒪᔪᑦ ᓇᓕᐊᒃ ᑕᕝᕙᓂ NWA−ᑯᑦ ᐃᑭᐊᖅᑭᕕᖓᓐᓂ ᐊᒻᒪᓗ ᒪᓕᒐᖓ, ᒪᓕᒐᖅ ᑲᔪᓯᑎᑦᓯᔪᖅ, ᒪᓕᒐᖅᑎᒍ ᐱᔪᓐᓇᕐᓂᖃᖅᑎᑕᐅᒍᑕᐅᖕᒪᑦ ᐱᓕᕆᓂᕐᒧᑦ.

ᖃᐅᔨᒋᐊᕐᕕᒋᑎᒍ

ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐊᓯᔾᔨᕐᓂᖓᓂᒃ ᑲᓇᑕᒥ - ᐅᑭᐅᖅᑕᖅᑐᒥ ᑲᓇᑕᒥᐅᓄᑦ ᐆᒪᔪᓕᕆᓂᕐᒧᑦ ᐱᓕᑦᓯᕐᕕᒃ
933 ᒥᕝᕕᒃ ᐊᖅᑯᑎᖓ, ᓇᑎᖓ 3
ᑎᑎᖅᑲᒃᑯᕕᐊ 1870
ᐃᖃᓗᐃᑦ, ᓄᓇᕗᑦ
X0A 0H0

ᐅᖄᓚᐅᑖ: 867-975-4642
ᐊᑭᖃᖏᑦᑐᖅ ᐅᖄᓚᕕᒃᓴᖅ: 1-800-668-6767 (ᑲᓇᑕᒥ ᑭᓯᐊᓂ)
ᐃᕐᖐᕐᓈᖅᑕᐅᑎᒃᑯᑦ: enviroinfo@ec.gc.ca

ᑕᒪᑐᒧᖓ ᑐᕌᖓᔪᑦ ᖃᕆᑕᐅᔭᒃᑯᑦ

Signaler un problème ou une erreur sur cette page
Veuillez sélectionner toutes les cases qui s'appliquent :

Merci de votre aide!

Vous ne recevrez pas de réponse. Pour toute question, contactez-nous.

Date de modification :