ᑎᖕᒥᐊᓄᑦ ᖃᓂᒪᓇᖅᑐᖅ ᑲᓇᑕᒥ

ᑭᓲᕙ ᐅᓇ ᐋᓐᓂᐊᓇᖅᑐᖅ ᑎᖕᒥᐊᓂᖔᖅᑐᖅ?

ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᐋᓐᓂᐊᓇᖅᑐᑦ ᕿᓚᒥᑯᓗᒃ ᐊᐃᑦᑐᕐᓗᐃᔪᓐᓇᖅᑐᑦ ᐊᓯᒥᖕᓄᑦ ᑎᖕᒥᐊᓄᑦ ᐊᒻᒪᓗ ᐱᑕᖃᓲᖑᖕᒥᔪᑦ ᓇᖕᒥᓂᖅ ᐱᕈᖅᑎᑕᒐᕐᓂᑦ ᐊᕿᒡᒋᕐᔪᐊᓂᑦ ᐊᒻᒪᓗ ᓄᓇᒥᐅᑕᓂ ᑎᖕᒥᐊᓂ, ᑖᒃᑯᓇᓂᓗ ᑲᖑᖅ, ᓂᕐᓕᑦ, ᖁᕐᔪᒃ, ᓇᐅᔭᐃᑦ, ᐃᒥᖁᑕᐃᓚᐃᑦᒪ ᓯᒡᔭᕆᐊᕐᔪᐃᑦ, ᑕᑎᒐᕐᔪᐊᖅ, ᐊᒻᒪᓗ ᓂᕿᑐᓲᑦ ᑎᖕᒥᐊᑦ. ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᐅᑯᐊᑦᑕᐅᖅ ᐊᐃᑦᑐᐃᔪᓐᓇᖅᑐᑦ ᓄᓇᒥ ᐊᒻᒪᓗ ᓄᓇᓕᖕᓂ ᓂᕐᔪᑎᓂᒃ, ᐱᓗᐊᖅᑐᒥᒃ ᑕᒪᒃᑯᐊ ᑎᖕᒥᐊᕋᓱᓲᑦ, ᑐᖁᖓᔪᖅᑐᓲᑦ, ᐅᕝᕙᓘᓐᓃᑦ ᓂᕆᒍᑎᒃ ᐋᓐᓂᐊᓕᖕᓂᒃ ᑎᖕᒥᐊᓂᒃ ᑖᔅᓱᓂᐊ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ.

ᓄᓇᐅᑉ ᑎᖕᒥᐊᖏᑦ, ᐱᓗᐊᖅᑐᒥᒃ ᐃᒪᕐᒥᐅᑕᐃᑦ ᑎᖕᒥᐊᑦ, ᐱᓯᒪᐃᓐᓇᐸᓗᓲᖑᖕᒪᑕ ᐃᓚᖏᑦ ᑕᒪᑐᒥᖓ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖁᐱᕐᕈᖏᓐᓂᒃ. ᐊᐃᑦᑐᕐᓗᐃᖏᓐᓇᓲᖑᓐᖏᑦᑑᒐᓗᐊᑦ ᑭᓯᐊᓂ ᐱᔭᐅᔪᓐᓇᖅᑐᖅ ᐊᓯᖏᓐᓂᑦ ᓄᓇᒥᐅᑕᕐᓂᒃ ᑎᖕᒥᐊᓂᑦ ᐊᒻᒪᓗ ᓇᖕᒥᓂᖅ ᐱᕈᖅᓯᐊᓂᑦ ᓂᕿᒃᓴᓂ ᑎᖕᒥᐊᓂᑦ. ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖁᐱᕐᕈᖏᑦ ᐅᓄᓗᐊᓐᖏᑦᑐᑦ ᐅᕝᕙᓘᓐᓃᑦ ᖁᐱᕐᕈᖅᑖᕐᓇᓗᐊᓂᖏᑦᑐᑦ ᒪᓕᒃᖢᒋᑦ ᓂᕿᒃᓴᓂᒃ ᐊᕿᒡᒋᕐᔪᐊᓂ. ᑖᒃᑯᐊ ᖁᐱᕐᕈᖅᑖᕐᓇᓗᐊᖅᑐᑦ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᐊᐃᑦᑐᐃᓴᕋᐃᑦᑐᑦ ᕿᓚᒥ ᐊᒻᒪᓗ ᐊᒃᓱᐊᓘᖅᑐᒥᒃ ᐋᓐᓂᐊᑎᑦᑎᔪᓐᓇᖅᑐᑦ ᐊᑭᒡᒋᕐᔪᐊᓂᑦ. ᐃᓛᓐᓂᓚᐅᓱᖔᓗᒃᑯᑦ, ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖁᐱᕐᕈᐊ ᐃᓄᖕᓄᐋᓲᖅ.

ᖃᐅᔨᒪᓇᖅᑐᑦ ᑎᖕᒥᐊᑦ ᖁᐱᕐᕈᖃᖅᑐᑦ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᐃᒪᐃᓕᖓᒍᓂᑦᑕᐅᖅ ᓴᔪᒃᓱᖅᑐᖅ; ᓴᔪᒃᑐᐋᓗᒃ ᐅᕝᕙᓘᓐᓃᑦ ᒪᑭᑕᑦᑎᐊᕈᓐᓇᓐᖏᑦᑐᖅ; ᐳᕕᑦᑐᑦ ᓂᐊᖁᐊ, ᖁᖓᓯᖓ ᐊᒻᒪᓗ ᐃᔨᖏᒃ; ᓄᑭᖃᓐᖏᑦᑎᐊᖅᑐᖅ ᐅᕝᕙᓘᓐᓃᑦ ᓅᑦᑐᓐᓇᓐᖏᑦᑐᖅ; ᖁᐃᖅᓱᖃᑦᑕᖅᑐᖅ, ᐊᓂᖅᓵᕋᓱᒃᑐᖅ ᐅᕝᕙᓘᓐᓃᑦ ᑕᒋᐅᒃᓴᖅᑐᑦ; ᐊᕿᑦᑐᖅᓱᖅᑐᖅ ᐅᕝᕙᓘᓐᓃᑦ ᑐᖁᔪᖅ. ᑕᒪᕐᒥᐅᓐᖏᑦᑐᖅ ᑎᖕᒥᐊᑦ ᑕᐃᒫᒃ ᖃᓂᒪᖂᔨᓲᖑᓐᖏᑦᑐᑦ.

ᐊᒥᓱᑦ ᑎᖕᒥᐊᑦ ᑐᖁᖓᔪᑦ ᐊᑕᐅᓯᕐᒥ ᐅᓇ ᖃᐅᔨᒪᓇᖅᐳᖅ ᖁᐱᕐᕆᑕᐅᓯᒪᔪᑦ ᑕᐃᒪᓗ ᑕᕝᕙᓂ ᐱᑕᖃᑐᐃᓐᓇᕆᐊᖃᖅᑐᖅ.

ᖃᓅᕙ ᐊᑦᑕᕐᓇᖅᐸ ᐃᓄᖕᓄᑦ?

ᐊᑦᑕᕐᓇᖅᑐᑦ ᐋᓐᓂᐊᖅᑖᖅᑎᑦᑎᒋᐊᒃᓴᖏᓐᓂᒃ ᑕᒪᑐᒧᖓ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᓄᓇᒥᐅᑕᓂᑦ ᑎᖕᒥᐊᓂᑦ ᐃᓄᖕᓄᑦ ᐊᒻᒪᓗ ᐊᓯᖏᓐᓄᑦ ᑎᖕᒥᐊᓄᑦ ᐊᑦᑎᑑᔪᖅ.

ᑕᐃᒪᓗ ᐱᑦᑎᐊᓕᓗᑎᑦ, ᐊᑐᕆᐊᖃᖅᑕᑐᑦ ᐊᑐᖅᑕᐅᓗᑎᒃ ᑖᒃᑯᓇᖓᑦ ᐊᖑᓇᓱᒃᑎᓂᒃ ᐊᒻᒪᓗ ᐊᓯᖏᓐᓂᑦ ᑎᖕᒥᐊᕋᓱᓲᓂᑦ ᐊᑦᑕᕐᓇᖅᑐᒦᓕᕐᓂᐊᓐᖏᒻᒪᑕ ᖁᐱᕐᕈᐊᓂᑦ ᐊᒻᒪᓗ ᐊᐃᑦᑐᐃᓕᕐᓂᐊᓐᖏᒻᒪᑦ ᑕᒪᑐᒥᖓ:

• ᐊᒡᒑᕐᓯᒪᓗᑎᑦ,
• ᓴᓇᓗᑎᑦ ᑎᖕᒥᐊᑦ ᐱᓕᕆᐊᕆᓗᒋᑦ ᓯᓚᒥ,
• ᐅᐊᓴᖃᑦᑕᕐᓗᑎᑦ ᐅᐊᓴᐅᑎᓕᖕᒧᑦ ᐊᒻᒪᓗ ᐆᓇᔪᒃᑐᒥᒃ ᐃᒥᕐᒧᑦ,
• ᓴᓗᒻᒪᖅᓴᕐᓗᒋᑦ ᐊᒻᒪᓗ ᖁᐱᕐᕈᐃᔭᑦᑎᐊᕐᓗᒋᑦ ᓴᓇᕐᕈᑎᒋᔭᑎᑦ, ᐊᒻᒪᓗ
• ᐅᐊᓴᕐᓗᒋᑦ ᐅᕝᕙᓘᓐᓃᑦ ᐊᓯᖏᓐᓂᒃ ᐊᓐᓄᕌᕐᓗᑎᑦ.

ᐅᓗᕆᐊᓇᖅᑐᖃᓐᖏᑦᑐᖅ ᐃᓄᐃᑦ ᓂᕆᒍᑎᒃ ᐊᐃᐸᓐᖏᓪᓗᒋᑦ ᐆᑦᑎᖃᑦᑕᕐᓗᒋᑦ ᐃᒪᕐᒥᐅᑕᓂᒃ ᑎᖕᒥᐊᑦ ᓂᕿᖏᓐᓂᒃ ᐊᒻᒪᓗ ᒪᓐᓂᖏᓐᓂᒃ.

ᖃᓄᖅ ᐊᑦᑕᕐᓇᖅᑎᒋᕙᑦ ᐊᓯᖏᓐᓄᑦ ᓂᕐᔪᑎᓄᑦ?

ᑕᐃᒪᓗ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᑖᒃᑯᓇᖔᓪᓗᐊᑕᓲᖅ ᑎᖕᒥᐊᓂᑦ, ᑭᓯᐊᓂ ᐊᐃᑦᑐᐃᔪᓐᓇᖅᑐᖅ ᓄᓇᒥᐅᑕᕐᓂᒃ ᐊᒻᒪᓗ ᓂᕿᒃᓴᓕᐊᖑᔪᓂᒃ ᓂᕐᔪᑎᓂᒃ ᓲᕐᓗ ᑎᒐᓂᐊᖅ, ᑎᕆᐊᖅ, ᑎᕆᐊᖅ ᐊᒻᒪᓗ ᓇᑦᑏᑦ, ᐊᒻᒪᓗ ᕿᒻᒦᑦ ᐊᒻᒪᓗ ᐳᓯᑳᑦ. ᐅᑯᐊ ᓂᕐᔪᑎᑦ ᐋᓐᓂᐊᓕᕈᓐᓇᖅᑐᑦ ᓂᕆᒍᑎᒃ ᑐᖁᖓᔪᓂᒃ ᐅᕝᕙᓘᓐᓃᑦ ᐋᓐᓂᐊᔪᓂᒃ ᑎᖕᒥᐊᓂᑦ ᐅᕝᕙᓘᓐᓃᑦ ᐊᐃᑦᑐᖅᑕᐅᒍᑎᒃ ᐊᒃᓱᐋᓘᖅᑐᒥ ᓯᓚᒥᑦ.

ᐆᒪᔪᕐᓂᐊᖅᑎᒃᑯᑦ ᐱᑦᑎᐊᓕᒋᐊᖃᖅᑐᑦ ᐱᓕᕆᓂᐊᕐᓗᒋᑦ ᓄᓇᐅᑉ ᑎᖕᒥᐊᖏᑦ, ᑖᒃᑯᐊᓗ ᓂᕿᑐᓲᑦ ᐊᒻᒪᓗ ᐳᐃᔨᑦ ᓂᕆᓇᔭᕈᑎᒃ ᐊᐃᑦᑐᖅᑕᐅᓯᒪᔪᓂᒃ ᑎᖕᒥᐊᓂᒃ ᐅᕝᕙᓘᓐᓃᑦ ᐊᐃᑦᑐᖅᑕᐅᓯᒪᒍᑎᒃ ᓱᕈᖅᓯᒪᔪᓂᑦ ᓯᓚᒥᑦ.

ᐱᓕᕆᔾᔪᓯᑦᑎᐊᕙᒃ ᑕᐃᒪᐃᑦᑐᖃᕐᓂᐊᓐᖏᒻᒪᑦ ᑎᒍᐊᕆᔭᕐᓂᒃ, ᓲᕐᓗ ᕿᒻᒥᑦ ᐊᒻᒪᓗ ᐳᓯᑳᑦ, ᐊᒃᑐᐃᓐᓂᕈᑎᒃ ᐅᕝᕙᓘᓐᓃᑦ ᓂᕆᓐᓂᕈᑎᒃ ᖃᓂᒪᔪᒥᒃ ᐅᕝᕙᓘᓐᓃᑦ ᑐᖁᖓᔪᒥᒃ ᓄᓇᐅᑉ ᑎᖕᒥᐊᖓᓂᒃ ᐊᒻᒪᓗ ᐊᓯᖏᓐᓂᒃ ᓂᕐᔪᑎᓂᒃ. ᑐᑭᓯᒋᐊᒃᑲᓐᓂᕈᓐᓇᖅᑐᑦ ᑎᒍᐊᖃᖅᑐᑦ ᐅᕘᓇ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓ ᐊᓯᕈᖅᑐᓕᕆᔪᑦ ᑲᓇᑕ ᖃᕆᓴᐅᔭᖃᕐᕕᖓ ᐊᒻᒪᓗ ᐅᑯᓇᖓᑦ ᑲᓇᑕ ᓂᕿᓂᒃ ᖃᐅᔨᓴᖅᑎᑦ ᑎᒥᖓᑕ ᖃᕆᓴᐅᔭᖃᕐᕕᖓ.

ᖃᓄᖅ ᐱᓇᔭᖅᐱ ᓇᓂᓯᒍᕕᑦ ᑐᖁᖓᔪᓂᒃ ᐅᕝᕙᓘᓐᓃᑦ ᖃᓂᒪᔪᓂᒃ ᑎᖕᒥᐊᓂᒃ?

ᑕᑯᒍᕕᑦ ᑎᖕᒥᐊᕐᒥᒃ ᐃᓕᖁᓯᖅᓱᓪᓚᑖᓐᖏᑦᑐᒥᒃ ᐅᕝᕙᓘᓐᓃᑦ ᑐᖁᖓᔪᓂᒃ ᑎᖕᒥᐊᓂᒃ, ᐅᖃᖁᔭᕗᑎᑦ ᐅᖃᐅᓯᕆᓗᒋᑦ ᑕᑯᔭᑎᑦ ᐆᒪᔪᕐᓂᐊᖅᑎᒧᑦ ᓄᓇᑦᓯᓐᓂ ᐅᕝᕙᓘᓐᓃᑦ ᐊᓯᖏᓐᓄᑦ ᐊᑑᑎᖃᖅᑐᓄᑦ.

ᐃᓄᑐᐃᓐᓇᐃᑦ ᑲᒪᓇᓱᒋᐊᖃᓐᖏᑦᑐᑦ ᑎᖕᒥᐊᓂᒃ ᑕᑯᒍᑎᒃ ᑐᖁᖓᔪᓂᒃ ᐅᕝᕙᓘᓐᓃᑦ ᐆᒪᔫᒐᓗᐊᑦ ᑖᒃᑯᐊᓗ ᐃᓕᖁᓯᖅᓱᑦᑎᐊᓐᖏᑦᑐᑦ. ᐊᒃᑐᕈᖕᓂ ᑎᖕᒥᐊᖅ ᓇᓂᔭᓯ ᑐᖁᖓᔪᖅ ᐊᒻᒪᓗ ᐃᒡᓯᓇᑐᐃᓐᓇᕆᐊᖃᓐᖏᓪᓗᒍ, ᐊᑏ ᐊᒡᒑᕐᓗᑎᒃ ᐅᕝᕙᓘᓐᓃᑦ ᕿᓪᓚᔪᑭᐊᖅ ᑕᐱᕐᓗᒍ ᐊᒻᒪᓗ ᐊᒃᑐᖅᑕᐅᓕᒪᑦᑎᐊᕐᓗᒍ ᑎᖕᒥᐊᑦ ᑎᒥᖓᓂᑦ ᒪᕿᑦ ᐊᒻᒪᓗ ᐊᓇᖏᑦ. ᐅᐊᓴᑦᑎᐊᕐᓗᑎᑦ ᐊᒡᒐᑎᑦ ᐅᐊᓴᐅᑎᒧᑦ ᐊᒻᒪᓗ ᐆᓇᔪᒃᑐᒧᑦ ᐃᒪᕐᒧᑦ ᐅᕝᕙᓘᓐᓃᑦ ᐊᑐᕐᓗᑎᑦ ᖁᐱᕐᕈᐃᔭᐅᑎᖃᖅᑐᓂᒃ ᐊᒡᒐᒃᓯᐅᑎᓂᒃ ᐃᒻᒪᖄ 60% ᐊᒃᑲᕼᐋᓪ.

ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᓇᓂᔭᐅᓯᒪᖕᒥᔪᖅᑕᐅᖅ ᐊᓯᖏᓐᓂ ᓂᕐᔪᑎᓂ, ᓲᕐᓗ ᑎᕆᒐᓂᐊᖅ, ᑎᕆᐊᑦ, ᓇᓄᐃᑦ ᐊᒻᒪᓗ ᓇᑦᑏᑦ. ᐃᓄᑐᐃᓐᓇᑦ ᐱᓕᕆᔭᕆᐊᖃᓐᖏᑕᖓ ᓂᕐᔪᑎ ᓇᓂᔭᓂ ᑐᖁᖓᔪᖅ ᐅᕝᕙᓘᓐᓃᑦ ᐆᒪᔪᖅ ᑕᐃᒪᐃᑦᑐᐊᖂᔨᓐᖏᑐᐊᖅᐸᑦ. ᑲᔪᖏᖅᓴᔭᐅᕗᑎᑦ ᐅᖃᐅᓯᕆᓗᒋᑦ ᑕᑯᔭᑎᑦ ᓂᕐᔪᑎᑦ ᐃᓕᖁᓯᖅᓱᓐᖏᑦᑐᑦ ᐸᒡᒐᖅᑐᑦ ᐅᕝᕙᓘᓐᓃᑦ ᑐᖁᖓᔪᑦ ᐆᒪᔪᕐᓂᐊᖅᑎᑦᓯᓐᓄᑦ ᐅᕝᕙᓘᓐᓃᑦ ᑭᓇ ᑕᒪᑐᒥᖓ ᐱᓕᕆᔪᓐᓇᖅᑐᒧᑦ.

ᖃᓄᖅ ᖃᐅᔨᓴᕆᐊᖃᖅᐱᑕ ᐊᖑᓇᓱᒃᑎᓪᓗᑎᑦ ᓄᓇᐅᑉ ᑎᖕᒥᐊᖏᓐᓂᒃ?

ᐃᓱᒪᒋᔭᐅᔪᑦ ᖃᓄᐃᖏᑦᑎᐊᖅᑐ ᐊᖑᓇᓱᒃᓗᒋᑦ, ᐱᓕᕆᐊᕆᓗᒋᑦ ᐊᒻᒪᓗ ᓂᕆᓗᒋᑦ ᖃᓄᐃᖏᑦᑎᐊᖅᑎᓪᓗᒋᑦ ᓄᓇᒥᐅᑕᐃᑦ ᑎᖕᒥᐊᑦ.

ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᖑᓇᓱᒃᑎᑦ ᖃᐅᔨᓴᑦᑎᐊᕆᐊᖃᖅᑐᑦ ᐱᓕᕆᐊᕆᓂᐊᕐᓗᒋᑦ ᑎᖕᒥᐊᑦ ᐊᒻᒪᓗ ᐃᓚᖏᑦ ᓂᕐᔪᑎᑦ (ᑕᑯᒍᒃ ᑎᑎᕋᖅᓯᒪᔪᑦ ‘ᑭᓲᕙᑦ ᐊᑦᑕᕐᓇᖅᑐᑦ ᐊᓯᖏᓐᓄᑦ ᓂᕐᔪᑎᓄᑦ?’).

ᓴᐳᒻᒥᓗᑎᒃ ᐋᓐᓂᐊᓕᕐᓂᐊᓐᖏᓐᓇᕕᑦ ᐊᒻᒪᓗ ᐊᐃᑦᑐᐃᔾᔪᑎᒋᓂᐊᓐᖏᓇᖕᓂ ᑕᒪᓐᓇ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖁᐱᕐᕈᐊ, ᐃᓱᒪᒋᑦᑎᐊᕐᓗᒋᑦ ᐅᑯᐊ ᐊᑐᖁᔭᐅᔪᑦ:

• ᑲᓴᒃᑕᐃᓕᓗᒍ ᐅᕝᕙᓘᓐᓃᑦ ᓂᕆᑦᑕᐃᓕᓗᒍ ᑎᖕᒥᐊᖅ ᐅᕝᕙᓘᓐᓃᑦ ᐊᓯᖏᑦ ᓂᕐᔪᑎᑦ ᐋᓐᓂᐊᖂᔨᑐᐊᖅᐸᑕ ᐅᕝᕙᓘᓐᓃᑦ ᑐᖁᖓᔪᖅᓯᐊᕆᓯᒪᒍᕕᒋᑦ ᖃᐅᔨᒪᓇᓐᖏᓪᓗᑎᑦ ᖃᓄᖅ ᑐᖁᓐᓂᕐᒪᖔᑕ.
• ᐱᓕᕆᐊᕆᑦᑎᐊᕐᓗᒋᑦ ᐅᕝᕙᓘᓐᓃᑦ ᓴᓗᒻᒪᖅᓴᐃᓗᑎᑦ ᓄᓇᒥᑦ ᑎᖕᒥᐊᓂᒃ:
• ᐊᒡᒑᖅᓯᒪᓗᑎᑦ (ᓲᕐᓗ ᐊᓕᔾᔭᓐᖏᑦᑐᑦ ᐊᒡᒑᑦ).
• ᐱᓕᕆᐊᕆᓗᒍ ᐃᓗᐊᓂ ᐊᓂᖅᓵᖅᑐᓐᓇᑦᑎᐊᖅᑐᒥ ᓯᓚᒥᓘᓐᓃᑦ, (ᑎᒃᑕᐅᕋᖅᑎᓪᓗᒋᑦ), ᐅᕝᕙᓘᓐᓃᑦ ᒪᑐᐊᖅᓯᒪᓗᑎᑦ ᓴᓇᓕᕆᓂᐊᕈᖕᓂ ᐃᒡᓗ ᐃᓗᐊᓂ ᐅᕝᕙᓘᓐᓃᑦ ᐊᓂᖅᓵᕐᕕᖃᑦᑎᐊᓐᖏᑉᐸᑦ ᓴᓇᕕᒋᔭᐃᑦ ᓂᐅᖃᕐᓂᐊᓐᖏᓐᓇᖕᓂ ᐳᔪᖓ, ᓱᓗᖏᑦ ᐊᒻᒪᓗ ᐳᓚᖏᑦ.
• ᐊᒃᑐᖅᑕᐃᓕᓗᒍ ᐊᐅᖓ, ᐊᓇᖓᓗ ᐊᒻᒪᓗ ᐳᕙᖓᓂᑦ, ᐊᒃᑐᖅᑕᐅᓕᓗᒍ ᑮᓇᕐᓄᑦ, ᐃᔨᖕᓄᑦ, ᕿᖓᕐᓄᑦ ᐊᒻᒪᓗ ᖃᓂᕐᓄᑦ, ᐊᒻᒪᓗ ᓂᕆᑦᑕᐃᓕᓗᒍ, ᐃᒥᖅᑕᐃᓕᓗᒍ, ᐅᕝᕙᓘᓐᓃᑦ ᐄᖃᖅᑕᐃᓕᓗᒍ.
• ᓄᑕᖃᓄᑦ ᐊᒻᒪᓗ ᓂᕐᔪᑎᓄᑦ ᑎᒍᐊᕐᓄᑦ ᐊᒃᑐᖅᑕᐅᑦᑕᐃᓕᑎᓪᓗᒋᑦ ᐊᒻᒪᓗ ᐃᓂᒋᖃᐅᔭᖓ ᓱᕈᖅᓯᒪᔪᓐᓇᖅᑐᖅ.
• ᕿᒥᖁᑎᒋᑦᑕᐃᓕᓗᒍ ᑎᒍᐊᕐᓄᑦ ᓂᕿᖓ ᒥᑭᒐᖅ, ᐃᓗᓕᖏᑦ ᑭᓱᖏᑦ, ᐅᕝᕙᓘᓐᓃᑦ ᑐᖁᖓᔪᑐᖃᓂᑦ.
• ᐅᐊᓴᑦᑎᐊᕐᓗᑎᑦ ᐊᒡᒐᑎᑦ ᐅᐊᓴᐅᑎᒧᑦ ᐊᒻᒪᓗ ᐆᓇᔪᒃᑐᒧᑦ ᐃᒪᕐᒧᑦ ᐃᕐᖐᓐᓇᖅ ᐱᓕᕆᔭᕇᑐᐊᕈᖕᓂ ᐅᕝᕙᓘᓐᓃᑦ ᓴᓗᒻᒪᖅᓴᕇᕈᖕᓂ ᑎᖕᒥᐊᖅ ᐅᕝᕙᓘᓐᓃᑦ ᐊᑐᕐᓗᑎᑦ ᖁᐱᕐᕈᐃᔭᐅᑎᖃᖅᑐᖅ ᐊᒡᒐᒃᓴᐅᑎᒥᒃ/ᐊᓪᓚᕈᑎᐊᓛᒥᒃ (ᑎᑭᐅᑎᓯᒪᔪᖅ 60% ᐋᒃᑲᕼᐋᓪ).
• ᓴᓗᒻᒪᖅᓴᕇᖅᐸᑦ, ᑕᒪᕐᒥᒃ ᓱᓇᑐᐃᓐᓇᐃᑦ ᐅᐊᓴᕐᓗᒋᑦ ᐊᒻᒪᓗ ᖁᐱᕐᕈᐃᔭᐅᑎᖃᖅᑐᓄᑦ ᐊᒻᒪᓗ ᐊᓪᓚᖅᑎᓪᓗᒋᑦ ᐅᐊᓴᐅᑎᖃᑦᑎᐊᖅᑐᒧᑦ ᐊᒻᒪᓗ ᐊᑐᖅᓯᓗᑎᑦ ᐃᒡᓗᒧᑦ ᓴᓗᒻᒪᖅᓴᐅᑎᑦ ᑎᒃᒥᑳᓲᑦ ᐅᕝᕙᓘᓐᓃᑦ ᔮᕖᒃᓯ (25 ᒥᓚᓖᑕ ᐅᕝᕙᓘᓐᓃᑦ 5 ᐊᓗᑎᐊᓛᑦ ᔮᕖᒃᓯ ᑕᕝᕗᖓ 2 ᓖᑕ ᐅᕝᕙᓘᓐᓃᑦ 8 ᐃᕐᖑᓯᑦ ᐃᒥᖅ).
• ᐃᕐᖐᓐᓇᖅ ᐃᒋᓪᓗᒋᑦ ᐊᒻᒪᓗ ᐅᐊᓴᕐᓗᒋᑦ ᐊᑐᖅᑕᑎᑦ ᐊᓐᓄᕌᑦ ᐅᕝᕙᓘᓐᓃᑦ ᐊᓯᖏᓐᓂᒃ ᐊᑎᓗᑎᑦ ᐊᒻᒪᓗ ᑲᒥᒃᓗᑎᑦ ᐅᑯᐊᑦᑕᐅᖅ ᓱᕈᖅᓯᒪᔪᓐᓇᕐᒥᔪᑦ ᐊᐅᖓᓂᑦ, ᐊᓇᖓᓂᑦ ᐅᕝᕙᓘᓐᓃᑦ ᐳᕙᖓᓂᑦ.

ᑕᒪᕐᒥᒃ ᐊᔪᖏᑦᑐᑦ ᑲᔪᖏᖅᑕᐅᕗᑦ ᐃᓄᐃᑦ ᑲᐱᔭᐅᓗᑎᒃ. ᐊᕐᕌᒍᑕᒫᑦ ᑲᐱᔭᐅᔭᕆᐊᖃᓲᑦ ᑕᐃᒪᓗ ᐋᓐᓂᐊᓕᕐᓂᐊᓐᖏᒻᒪᑕ ᑕᒪᒃᑯᓇᖓᑦ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ, ᑭᓯᐊᓂ ᐊᒥᓲᓐᖏᒻᒪᑕ ᐋᓐᓂᐊᖅᑖᕋᔭᖅᑐᑦ ᑕᒪᕐᒥᒃ ᐃᓄᐃᑦ ᐊᒻᒪᓗ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖁᐱᕐᕈᐊᓂᒃ ᑕᐃᑲᓂᑦᑕᐃᓐᓇᖅ ᐊᑕᐅᑦᑎᑯᑦ. ᑲᑎᓪᖢᒋᑦ ᖁᐱᕐᕈᑦ ᓄᑖᒥᒃ ᖁᐱᕐᕈᖅᑖᖅᑎᑦᑎᑲᓐᓂᕈᓐᓇᖅᑐᑦ ᖃᓂᒪᓇᖅᑐᒥᒃ ᐋᓐᓂᐊᓇᖅᑑᔪᓐᓇᖅᑐᖅ ᑕᒪᐃᓐᓄᑦ ᓂᕐᔪᑎᓄᑦ ᐊᒻᒪᓗ ᐃᓄᖕᓄᑦ.

ᖃᓄᖅ ᖃᐅᔨᓴᕆᐊᖃᖅᐱᑦ ᐱᑭᐅᑕᕐᓗᑎᑦ?

ᐃᓱᒪᒋᔭᐅᔪᖅ ᐊᑦᑕᕐᓇᖅᑐᖃᓐᖏᓂᖓᓂ ᐱᓕᕆᓚᐅᕐᓗᒋᑦ ᑎᖕᒥᐊᑦ ᒪᓐᓂᖏᑦ ᒪᓕᑦᑎᐊᕐᓗᒋᑦ ᖃᐅᔨᓇᓱᑦᑎᐊᖃᑦᑕᕐᓗᑎᑦ ᐊᑖᓂ ᑎᑎᕋᖅᓯᒪᔪᓂᒃ.

ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖁᐱᕐᕈᐊ ᓇᓂᔭᐅᔪᓐᓇᖅᑐᖅ ᖄᒐᓂ ᒪᓐᓂᐅᑉ ᐊᒻᒪᓗ ᐃᒻᒪᖄ ᐃᓗᐊᓂ ᖃᑯᖅᑕᖓᓂ ᐊᒻᒪᓗ ᐃᓄᒃᓴᖓᓂ ᒪᓐᓂᒋᔭᐅᔪᒥᑦ ᐋᓐᓂᐊᖅᑐᓂᑦ ᑎᖕᒥᐊᓂᑦ.

ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖁᐱᕐᕈᐊ ᓇᓂᔭᐅᔪᓐᓇᖅᑐᖅ ᖄᒐᓂ ᒪᓐᓂᐅᑉ ᐊᒻᒪᓗ ᐃᒻᒪᖄ ᐃᓗᐊᓂ ᖃᑯᖅᑕᖓᓂ ᐊᒻᒪᓗ ᐃᓄᒃᓴᖓᓂ ᒪᓐᓂᒋᔭᐅᔪᒥᑦ ᐋᓐᓂᐊᖅᑐᓂᑦ ᑎᖕᒥᐊᓂᑦ.

• ᐊᒡᒑᖅᓯᒪᓗᑎᑦ (ᓲᕐᓗ ᐊᓕᔾᔭᓐᖏᑦᑐᑦ ᐊᒡᒑᑦ) ᐱᑭᐅᓴᖅᓯᓪᓗᑎᑦ, ᐊᔪᕐᓇᓐᖏᑦᑎᓪᓗᒍ.
• ᑕᐃᒪᖓᓂᑦ ᐅᐊᓴᕐᓗᒋᑦ ᐊᒡᒐᑎᑦ ᐱᓕᕆᓚᐅᓐᖏᓂᕐᓂ ᐊᒻᒪᓗ ᐱᑭᐅᑕᕇᕈᕕᑦ - ᐊᑐᕐᓗᑎᑦ ᖁᐱᕐᕈᐃᔭᐅᑎᖃᖅᑐᓂᒃ ᐊᒡᒐᒃᓯᐅᑎᓂᒃ ᐃᒻᒪᖄ 60% ᐊᒃᑲᕼᐋᓪ), ᐊᑐᕈᓐᓇᓐᖏᒃᑯᕕᑦ ᐅᐊᓴᐅᑎᒥᒃ ᐊᒻᒪᓗ ᐆᓇᔪᒃᑐᒥᒃ ᐃᒥᕐᒥᒃ.
• ᐊᒃᑐᖅᑕᐃᓕᓗᒍ ᑮᓇᕐᓄᑦ, ᐃᔨᖕᓄᑦ, ᕿᖓᕐᓄᑦ ᐊᒻᒪᓗ ᖃᓂᕐᓄᑦ, ᐊᒻᒪᓗ ᓂᕆᑦᑕᐃᓕᓗᒍ, ᐃᒥᖅᑕᐃᓕᓗᒍ, ᐅᕝᕙᓘᓐᓃᑦ ᐄᖃᖅᑕᐃᓕᓗᒍ ᐱᓕᕆᐊᕆᓗᒋᑦ ᒪᓐᓂᖏᑦ.
• ᐊᕕᒃᑐᕐᓗᒋᑦ ᓴᓗᒪᔪᑦ ᐊᒻᒪᓗ ᓱᕈᑦ ᒪᓐᓂᑦ ᐱᑭᐅᑕᖅᑕᑎᑦ ᐊᒻᒪᓗ ᐱᑕᐃᓕᒪᓗᑎᑦ ᓯᖁᒥᓯᒪᔪᓂᒃ ᒪᓐᓂᖕᓂᒃ ᐊᒻᒪᓗ ᐃᒃᐸᒃᑐᓂᒃ ᖄᖃᖅᐸᑕ ᑎᖕᒥᐊᑦ ᐊᓇᖏᓐᓂᒃ.
• ᐊᓪᓚᖅᑎᕐᓗᒋᑦ ᓴᓗᒻᒪᑦᑎᐊᕐᓗᒋᑦ ᒪᓐᓃᑦ, ᑕᒪᓐᓇ ᒪᕋᕈᔫᓂᖓ ᐊᒻᒪᓗ ᓱᕈᖅᓯᒪᓂᖓ ᓴᓗᒻᒪᖅᓴᑦᑎᐊᕐᓗᒍ ᐊᒻᒪᓗ ᐸᓂᖅᑐᒧᑦ ᐊᓪᓚᖅᑎᓪᓗᒋᑦ, ᐸᐃᐹᒧᑦ, ᐅᕝᕙᓘᓐᓃᑦ ᖃᓗᓈᖅᑕᒧᑦ. ᐅᐊᓴᕐᓗᒋᑦ ᐅᕝᕙᓘᓐᓃᑦ ᐃᒫᓃᑎᓪᓗᒋᑦ ᒪᓐᓃᑦ ᑕᐃᒪᓗ ᐊᒃᑐᐃᒐᔭᖅᑐᑦ ᐳᖓᓂᒃ ᒪᓐᓂᐅᑉ ᐊᒻᒪᓗ ᐃᓯᕈᓐᓇᖅᓯᓗᑎᒃ ᖁᐱᕐᕈᑦ ᐃᓗᐊᓄᑦ ᒪᓐᓂᐅᑉ.
• ᓴᓗᒻᒪᖅᓴᕇᖅᐸᑦ, ᑕᒪᕐᒥᒃ ᓱᓇᑐᐃᓐᓇᐃᑦ ᐅᐊᓴᕐᓗᒋᑦ ᐅᐊᓴᐅᑎᖃᖅᑐᒧᑦ ᐊᒻᒪᓗ ᐃᒪᕐᒧᑦ, ᐊᒻᒪᓗ ᖁᐱᕐᕈᐃᔭᕐᓗᒋᑦ ᔮᕖᒃᓯ (25 ᒥᓚᓖᑕ ᐅᕝᕙᓘᓐᓃᑦ 5 ᐊᓗᑎᐊᓛᑦ ᔮᕖᒃᓯ ᑕᕝᕗᖓ 2 ᓖᑕ ᐅᕝᕙᓘᓐᓃᑦ 8 ᐃᕐᖑᓯᑦ ᐃᒥᖅ).

ᖃᓄᖅ ᐆᑦᑕᕆᐊᖃᖅᐸᑦ ᐅᕝᕙᓘᓐᓃᑦ ᓂᕆᓂᐊᕐᓗᒋᑦ ᓄᓇᐅᑉ ᑎᖕᒥᐊᖏᑕ ᓂᕿᖏᑦ ᐅᕝᕙᓘᓐᓃᑦ ᒪᓐᓂᖏᑦ?

ᐃᓱᒪᒋᔭᐅᔪᑦ ᐅᓗᕆᐊᓇᖅᑐᖃᓐᖏᑦᑐᑦ ᓂᕆᓗᒋᑦ ᐆᓯᒪᑦᑎᐊᖅᑎᓪᓗᒋᑦ ᓄᓇᐅᑉ ᑎᖕᒥᐊᖏᓐᓂᒃ ᐅᕝᕙᓘᓐᓃᑦ ᒪᓐᓂᖏᓐᓂᒃ.

ᐊᑦᑎᒃᓯᓯᒪᓂᐊᕐᒪᑦ ᐊᑦᑕᕐᓇᖅᑐᖃᓐᖏᓪᓗᓂ ᐊᐃᑦᑐᖅᑕᐅᔭᕆᐊᒃᓴᖅ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᐊᒻᒪᓗ ᐊᓯᖏᓐᓂᑦ ᖁᐱᕐᕈᓂᒃ, ᐱᒻᒪᕆᐅᕗᖅ ᒪᓕᒃᓗᒋᑦ ᐅᑯᐊ ᐊᑐᖁᔭᐅᔪᑦ:

1. ᐆᑦᑎᐊᕐᓗᒍ ᓂᕿᖓ ᐊᒻᒪᓗ ᒪᓐᓂᖓ ᐊᐃᐸᓐᖏᑦᑎᐊᕐᓗᒍ. ᖁᐊᖅᑎᒃᑲᓗᐊᕈᖕᓂ ᒪᓐᓂᒃ ᑐᖂᑦᑎᔮᓐᖏᑦᑐᖅ ᖁᐱᕐᕈᐊᓂᒃ!
   ᒪᓐᓃᑦ

   • ᐆᓪᓗᒋᑦ ᒪᓃᑦ ᖃᓛᖅᑐᖅ 74°ᓯᐅᓯᐊᔅ (165°ᕕᐊᓚᓐᕼᐃᑦ).
   • ᓂᕆᑦᑕᐃᓕᒪᓗᑎᑦ ᒪᓐᓂᖕᓂᒃ ᐊᐃᐸᔪᓂᒃ ᐅᕝᕙᓘᓐᓃᑦ ᐃᓚᐃᓐᓇᖓ ᐆᓯᒪᔪᖅ (ᑖᓐᓇ ᐃᓄᐊ ᐆᓯᒪᓐᖏᑦᑐᖅ ᓂᕆᑦᑕᐃᓕᓗᒍ).
   • ᐊᑐᖅᑕᐅᓕᓗᒍ ᐆᓯᒪᓐᖏᑦᑐᖅ ᒪᓐᓂᒃ ᓂᕿᓕᐊᕐᓗᑎᒃ, ᐃᒐᐅᑉ ᐃᓗᐊᓄᑦ ᐆᑕᕐᓄᑦ ᐅᕝᕙᓘᓐᓃᑦ ᖃᓄᑐᐃᓐᓇᖅ ᐆᑎᔭᕐᓄᑦ ᓂᕆᓂᐊᖅᑕᕐᓄᑦ.

   ᓂᕿᖓ

   • ᐊᒡᒍᕐᓗᒍ ᒥᑭᔫᑕᐅᓗᒋᑦ ᐊᒻᒪᓗ ᐊᒍᖅᓯᒪᑦᑎᐊᕐᓗᒍ ᑎᖕᒥᐊᖅ ᐆᓇᕐᓂᖓ 74°ᓯᐅᓯᐊᔅ (165°ᕕᐊᓚᓐᕼᐃᑦ).
   • ᐆᓪᓗᒍ ᑕᒪᕐᒥᒃ ᑎᖕᒥᐊᖅ ᑖᓐᓇᓗ ᑎᖕᒥᐊᖅ ᐆᓇᕐᓂᖓ 82°ᓯᐅᓯᐊᔅ (180°ᕕᐊᓚᓐᕼᐃᑦ).
   • ᖃᐅᔨᓴᑦᑎᐊᕐᓗᑎᑦ ᐆᑦᑎᐊᕋᓗᐊᕐᒪᖔᑕ ᐊᒻᒪᓗ ᐊᐅᐸᔪᒃᑐᖃᓐᖏᑦᑎᐊᕐᓗᓂ ᐊᐃᐸᓂᖓᓄᑦ ᐊᒻᒪᓗ ᑭᓯᐊᓂ ᑖᓐᓇ ᖃᔪᖓ ᑲᔪᑦᑎᐊᕙᖑᖅᐸᑦ.
2. ᒪᓕᒃᓗᒋᑦ ᐊᑦᑕᕐᓇᖅᑐᖃᓐᖏᑦᑐᒥᒃ ᓂᕿᓕᕆᔾᔪᓯᑦ:
   • ᐃᒻᒥᖕᓄᑦ ᓱᕈᖅᑕᐃᓕᑎᓪᓗᒋᑦ ᓂᕿᓪᓚᑖᖓ, ᐃᓗᖏᑦ ᐊᒻᒪᓗ ᒪᓐᓃᑦ ᐊᓯᖏᓐᓄᑦ ᓂᖀᑦ ᐴᖅᓯᒪᓗᒋᑦ
   • ᐅᐊᓴᖃᑦᑕᕐᓗᒋᑦ ᐊᒡᒐᑎᑦ ᓂᕿᓕᕆᓚᐅᓐᖏᓐᓂᕐᓂ ᐊᒻᒪᓗ ᓂᕿᓕᕆᔭᕇᕈᕕᑦ ᓂᕿᓪᓚᑖᖓᓂ, ᐃᓗᖏᓐᓂᒃ ᐊᒻᒪᓗ ᒪᓐᓂᖏᓐᓂᒃ.
   • ᒪᓐᓃᑦ ᓱᕈᐃᔭᑦᑎᐊᕐᒍ ᖄᖓ ᐊᒻᒪᓗ ᐊᓪᓚᖅᑎᕐᓗᒍ ᐸᓂᖅᑐᒧᑦ ᐊᒻᒪᓗ ᐃᒥᕐᒧᑦ ᐅᐊᓴᖅᑕᐃᓕᓗᒍ.
   • ᑕᒪᕐᒥᒃ ᓴᓗᒻᒪᑦᑎᐊᕐᓗᒍ ᓱᕈᖅᑕᐃᓕᑎᑦᑎᔾᔪᑎᓄᑦ ᐊᒻᒪᓗ ᐅᐊᓴᑦᑎᐊᕐᓗᒍ ᖄᖓ ᐆᓇᖅᑐᒧᑦ, ᐅᐊᓴᐅᑎᖃᖅᑐᒧᑦ ᐊᒻᒪᓗ ᐃᒡᓗᒥᐅᑕᕐᓄᑦ ᓴᓗᒻᒪᖅᓴᐅᑎᓄᑦ ᐅᕝᕙᓘᓐᓃᑦ 2 ᒥᓚᓖᑕᔅ ᔮᕕᒃᓯ ᐊᒻᒪᓗ 2 ᓖᑕ ᐃᒥᕐᓗᒍ (5 ᐊᓗᑎᐊᓛᑦ ᔮᕕᒃᓯᒥᒃ ᑖᕝᕗᖓ 8 ᐃᕐᖑᓯᕐᓂᒃ ᐃᒻᒥᕐᓗᒍ).

ᖃᓄᖅ ᖃᐅᔨᓴᑦᑎᐊᕆᐊᖃᖅᐱᑕ ᐅᐸᒍᑎᖃᑦᑕᖅᑎᓪᓗᑕ ᐊᕙᑖᓂᑦ ᑎᖕᒥᐊᑦ ᐃᕙᕕᖏᑦ?

ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᐊᐃᑦᑐᐃᔪᓐᓇᖅᑐᖅ ᐊᔾᔨᒌᓐᖏᑦᑐᓂᒃ ᖁᐸᓄᐊᕐᓂᒃ ᑎᖕᒥᐊᓂ ᓅᑐᓐᓇᖅᑐᖅ ᑖᓐᓇ ᓱᕈᖅᓯᒪᔪᖅ (ᑎᖕᒥᐊᑦ ᐊᓇᖓ, ᓱᕈᐊ, ᐃᒪᑦᑎᐊᕙᖕᒥᑦ) ᐊᕙᑖᓂ ᐃᕙᕕᖏᑦᑕ ᓄᓇᐃᑦ.

ᐊᐅᓪᓚᕐᓂᐊᖅᑎᓪᓗᓯ ᐊᕙᑖᓂᑦ ᑎᖕᒥᐊᖃᕐᕕᐅᔪᑦ ᐊᔾᔨᒌᓐᖏᑦᑐᑦ (ᐃᖏᕐᕋᓗᓯ ᐊᕙᑖᓂᑦ ᕿᑭᖅᑕᐃᑦ ᐅᕝᕙᓘᓐᓃᑦ ᓄᓇᑐᐃᓐᓇᖅ):

• ᐲᔭᕐᓗᒋᑦ ᑭᓱᕈᔪᐃᑦ (ᓱᕈᖅ, ᑎᖕᒥᐊᑦ ᐊᓇᖓ, ᐱᕈᖅᑐᕈᔪᐃᑦ) ᐊᑐᖅᑕᕐᓂᑦ ᐊᓐᓄᕌᓂᑦ ᐊᒻᒪᓗ ᑲᒫᓘᖕᓂᑦ.
• ᐊᓯᖏᓐᓂᒃ ᐊᒡᒑᕐᓗᑎᑦ ᐊᒻᒪᓗ/ᐅᕝᕙᓘᓐᓃᑦ ᐅᐊᓴᕐᓗᒋᑦ ᐊᒡᒐᑎᑦ/ᐊᑐᕐᓗᑎᑦ ᖁᐱᕐᕈᐃᔭᐅᑎᖃᖅᑐᒥᒃ ᐊᒡᒐᒃᓯᐅᑎᒥᒃ ᐊᕙᑖᓂᑦ ᐱᓕᕆᓂᐊᕐᓂ ᑎᖕᒥᐊᑦ ᐃᕙᕕᖏᓐᓂ
• ᑕᐃᒪᓗ ᑎᖕᒥᐊᓂ ᐃᕙᔪᓃᑎᓪᓗᑎᑦ, ᐅᐸᑲᖅᑕᓗᐊᖅᑕᐃᓕᒪᓗᒋᑦ ᑕᓯᒐᓛᖕᒦᑦᑐᑦ ᐅᕝᕙᓘᓐᓃᑦ ᐃᒪᖅᓱᖕᓃᑦᑐᑦ, ᐊᔪᕐᓇᓐᖏᒃᑯᓂ.
• ᓂᕿᓕᐅᖅᑎᓪᓗᑎᑦ ᐊᒻᒪᓗ ᓂᕆᑎᓪᓗᑎᑦ ᕿᑭᖅᑕᓂ, ᓂᕈᐊᖅᓯᓇᓱᒃᐸᒃᓗᑎᑦ ᐃᓂᒃᓴᕐᓂᒃ ᐅᖓᓯᒋᔭᖓᓂ ᑎᖕᒥᐊᖃᖅᑐᑦ.

ᑐᑭᓯᒋᐊᕐᕕᒃᓴᐃᑦ

1. ᑲᓇᑕᐅᑉ ᒐᕙᒪᒃᑯᖏᑦ. ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᓄᓇᒥᐅᑕᓂᑦ ᑎᖕᒥᐊᓂ
2. ᑲᓇᑕᐅᑉ ᒐᕙᒪᒃᑯᖏᑦ. ᓂᕐᔪᑎᑦ ᐊᒻᒪᓗ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ – ᐱᓕᕆᔾᔪᓯᕆᔭᕆᐊᖃᖅᑕᑎᑦ ᒪᓕᒋᐊᖃᖅᑐᑦ ᓴᐳᒻᒥᓂᐊᕋᕕᑦ ᐃᓕᖕᓂᒃ ᐋᓐᓂᐊᓕᕐᓂᐊᓐᖏᓐᓇᕕᑦ
3. ᑲᓇᑕᐅᑉ ᒐᕙᒪᒃᑯᖏᑦ. ᐆᑦᑎᐊᕐᒥᐊᕐᒪᑕ ᐆᑦᑎᔾᔪᓯᖅ ᐆᓇᕐᓂᒃᓴᖏᑦ
4. ᑲᓇᑕᐅᑉ ᒐᕙᒪᒃᑯᖏᑦ. ᑎᒍᐊᖅᑎᑦ ᓂᕐᔪᑎᑦ ᐊᒻᒪᓗ H5N1 ᐋᓐᓂᐊᓇᖅᑐᖅ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ
5. ᑲᓇᑕᐅᑉ ᒐᕙᒪᒃᑯᖏᑦ. ᐊᒡᒐᑎᑦ ᐅᐊᓴᖃᑦᑕᕐᓗᒋᑦ ᐊᒻᒪᓗ ᖃᓂᖏᑦᑎᐊᕋᓱᒃᓗᑎᑦ
6. ᑲᓇᑕᐅᑉ ᒐᕙᒪᒃᑯᖏᑦ. ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᐅᓇ (H5N1): ᐃᒃᐱᒋᓇᔭᖅᑕᑎᑦ ᐊᒻᒪᓗ ᐃᓗᐊᖅᓴᐅᑎᖏᑦ
7. ᑲᓇᑕᐅᑉ ᒐᕙᒪᒃᑯᖏᑦ. ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖃᐅᔨᒪᔾᔪᑎᑦ ᑐᓂᔭᐅᔪᑦ ᑎᑎᖃᑦ ᑕᒪᑐᒧᖓ EPHOᓂᑦ ᐊᒻᒪᓗ ᐊᓯᖏᑦ ᐋᓐᓂᐊᕕᖕᒥ ᐱᓇᓱᐊᖅᑎᒻᒪᕇᑦ. ᓴᕿᑕᐅᔪᑦ EPHD, ISC ᐃᑲᔪᖅᑕᐅᓪᓗᑎᒃ ECCC, PHAC ᐊᒻᒪᓗ CFIA. 2022
8. ᑲᓇᑕᒥ ᐆᒪᔪᓕᕆᔨᕐᔪᐊᒃᑯᑦ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐃᑲᔪᕐᓂᖓᑦ. ᐊᕙᑖᓂᑦ-ᑎᒥᐅᔪᑦ ᓄᓇᐅᑉ ᑎᖕᒥᐊᖏᓐᓄᑦ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᖃᐅᔨᓴᕈᑎᑦ ᒫᓐᓇᕈᖅᑎᑕᐅᕙᖕᓂᖓ - ᐅᓂᒃᑳᖓᑦ ᖃᐅᔨᓴᕈᑎᑖᕈᑎᒥᖕᓂᑦ ᓄᐊᑕᒥᖕᓂᑦ ᐊᒻᒪᓗ ᖃᐅᔨᓴᖅᑕᒥᖕᓂᑦ ᑕᐃᑲᖓᓂᑦ ᒪᐃ 16, 2022
9. ᐋᓐᓂᐊᓇᖅᑐᖏᑦ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ - ᓄᓇᐅᑉ ᑎᖕᒥᐊᖏᓐᓂᑦ ᖃᕆᓴᐅᔭᑎᒍᑦ ᐱᓕᕆᕕᖓᑦ. ᐊᑐᐃᓐᓇᐅᔪᑦ ᐅᕙᓂ: ᑲᓇᑕᒥ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ - ᓂᕐᔪᑎᓂᑦ ᐱᑕᖃᖅᑐᑦ (arcgis.com)
10. ᓄᓇᕗᑦ ᒐᕙᒪᒃᑯᑦ, ᐃᓄᓕᒫᑦ ᐋᓐᓂᐊᖃᖅᑕᐃᓕᑎᑦᑎᓂᖅ ᐅᖃᐅᑎᔭᐅᓯᒪᔪᑦ ᐊᐃᕆᓕ 19, 2022 ᐊᒻᒪᓗ ᒪᐃ 30, 2022
11. ᓄᓇᑦᓯᐊᕗᑦ ᒐᕙᒪᒃᑯᑦ, ᓄᓇᒥ ᐊᒻᒪᓗ ᓄᓇᒥᐅᑕᐃᑦ ᓴᓇᖃᑎᒌᒃᑐᑦ ᒥᐊᓂᕆᔪᑦ ᐊᒻᒪᓗ ᐊᐃᑦᑐᐃᑦᑕᕐᓕᒪᑎᑦᑎᔪᑦ ᑕᒪᑐᒥᖓ ᐋᓐᓂᐊᓇᖅᑐᖓᓂᒃ ᑎᖕᒥᐊᑦ ᐋᓐᓂᐊᖓ ᐊᐃᑦᑐᖅᓯᓲᖅ ᐆᑎᕐᓇᖅ ᓄᓇᒥᐅᑕᓂᑦ ᑎᖕᒥᐊᓂᑦ, ᐃᓄᓕᒫᑦ ᑐᓴᖅᑎᑕᐅᔪᑦ ᐊᐃᕆᓕ 27, 2022