Waa-ilatoos: Ge-ondinind zhooniyaa
Le 25 avril 2022gii-inaginzod, gaa-niigaaniiwaad Akiikaan Akiing Gaa-onji-aabadak, Anishinaabe Ganawaabiwin gaye Giiwedin Gaanada Aki, gaye Anishinaabe Wiiji’iwewin Gaanada Aki (zhaaganaashiimowin eta gaye Baakwaa’ishiimowin) gii-dibaajimowag ji-miigiweng $300 miniyan daswaabik ji-bekang ge-aabajichigaadeg ji-bimibideg gegoon imaa Anishinaabeg, noopiming, gaye waasa giiwedinong gaa-ayaawaad owe Gaanada Aki Gaa-izhiwebak Ji-naagajichigaadeg Izhichigewin. Awe awashime $300 miniyan daswaab8i da-ondinaa 2027 izhiseg ji-ayaagin ini izhichigewinan gaa-bekag gaa-onji-bimibideg ji-ayaamagak, ge-aabadizid zhooniyaa. Ono izhichigewinan da-wiiji’iwemagan Anishinaabeg niigaanitoowaad ji-bamichigaadeg gaa-izhiseg gaa-izhiwebak agwajiing, ji-wiiji’indwaa igi gaa-zhooniyaakewaad gaye gaa-ozhitoowaad anokiiwin bekish ji-miigaadamowaad gii-wiinichigaadeg gidakiiminaan gaye gaa-bagidanaamoying.
Omaa baakiiginiganing :
- Nindizhichigewininaanan
- Dinookaanan izhichigewinan gaa-izhi-miigiweyaang zhooniyaa
- Awenen ge-debinangiban owe aaniin gaye izhi
- Gagwe-ondizin zhooniyaa
Nindizhichigewininaanan gaye Gaa-maajitooyaang
Wah-ila-toos giiyaabi onanadawendaanaawaan mooshkinebii’iganan omaa:
- Giiwedinong Gaa-onizhishing Ji-izhichigeng Ji-debinigaadeg Waasigan ji-gizhizigeng Dazhiikewining gaye Waasigan Izhichigewin (Giiwedinong ARDEC).
Ozaam e-ani-agaasiinod zhooniyaa, mooshkinebii’iganan gaa-izhinizha’igaadegin EPCRE ozhibii’igewigamigong da-achigaadewan ge-izhi-bii’ong. Gagwedwe-mazina’iganan dash da-waabanjigaadewan apii dagoshing zhooniyaa:
- Gaa-bekag waasiganikewin Bagwadakamig gaye Waasa Dazhiikewinan – Biomass gizhizigewin, maamaw gizhizigewin gaye gaa-ginigawinigaadeg gizhizigewin gaye waasiganikewin izhichigewinan.
- Gaa-bekag waasiganikewin Bagwadakamig gaye Waasa Dazhiikewinan – Nanaando-gikenjigewin, Ozhichigewin, gaye Waabanda’iwewin Izhichigewinan.
Ono EPCRE izhichigewinan da-miinaawag zhooniyaa, gaa-niibidebii’igaadegin omaa. Gaa-biijinizha’igaadegin mooshkinebii’iganan gaawiin da-waabanjigaadesinoonan ji-miigiweng zhooniyaa, da-waabanjigaadewan dash wiin ji-gikenjigaadeg aaniin ge-izhinaagwakin zhooniyaa andooshkamowaad awiyag:
- Gaa-bekag waasiganikewin Bagwadakamig gaye Waasa Dazhiikewinan ji-ayaawindwaa ge-anokiiwaad
- Gaa-bekag waasiganikewin Bagwadakamig gaye Waasa Dazhiikewinan – Gibitinigaadegin waasiganikewin gii-ozhichigaadeg izhichigewinan.
Wah-ila-toos wiiji’iwewin giiyaabi da-wiiji’iwemagan ji-mikigaadegin godak ge-ondinind zhooniyaa ji-aabadizid ji-ozhichigaadeg gaa-bekag waasiganikewin izhichigewinan ishkoniganing gaye dazhiikewinan gaa-ayaagin waasa.
Giiyaabi waabandan owe ozhibii’igan giishpin wii-gikendaman gikenjigewin.
Ningii-izhitoomin nawach ji-wendag ji-mooshkinebii’igeng bezhig eta mooshkinebii’igan ji-aabadag gakina ini izhichigewinan. Gi-daa-bagidinaan bezhig mooshkinebii’igan owe ji-izhaayin (daataanginigan zhaaganaashiimong eta gaye Baakwaa’ishiimowin) RNCan Gaa-bekag ge-aabajichigaadeg ji-bimibideg gegoon Noopimiing gaye Waasa Giiwedinonn Dazhiikewinan (EPCRE) gaye / gemaa (waabandamog Zhaaganaashiimowin gaye Baakwaa’ishiimowin eta). RCAANC giiwedinong Gaa-izhichigemagak Waasigan ji-aabadak Dazhiikewining Ji-gizhizigeng gaye waasikwanenjigeng. (ARDEC) iwe Gaa-bekag Ge-aabajichigaadeg ji-bimibideg gegoon Anishinaabe Dazhiikewining gaye noopimiing gaye dazhiikewining. Mooshkinebii”igan (Zhaaganaashiimowin eta gaye Baakwaa’ishiimowin).
Gaa-bekag Ge-onji-bimibideg gegegoon (EPCRE) (inaabin omaa Zhaaganaashiimowin Baakwaa’ishiimowin gaye eta)
Zhooniyaa da-miigiwem ji-ondinigaadeg ge-aanike-aabajichigaadeg waasigan gaye ji-anokii’iwemagakin izhichigewinan gaye ji-bamichigaadeg ge-aabajichigaadeg waasigan daabishkoo ishkoniganing, noopimin gaye waasa dazhiikewinan omaa Gaanada Akiing.
Giiwedinong Gaa-aabadak Waasigan ji-aabajichigaadeg Jigizhizigeng waakaa’iganing gaye waasikwanenjigeng (omaa inaabbin Zhaaganaashiimowin eta gaye Baakwaa’ishiimowin)
Zhooniyaa da-miigiwem ji-ondinigaadeg ge-aanike-aaajichigaadeg waasigan gaye ge-minoseg maawach gaye ji-anokii’iwemagak gaye ji-niigaan inenjigaadeg ge-aabadak ji-gizhizigeng waakaa’iganing gaye waasikwanenjiganan ishkoniganing giiwedinong.
Anishinaabe Gaawiin wiin Diesel Izhichigewin (IARDD) (omaa inaabin Zhaaganaashiimowin eta gaye Baakwaa’ishiimowin)
Gaa-bekag ge-aabajichigaadeg waasigan da-gikino’amaagem gaye ji-niigaaniiwaad Anishinaabeg ji-bamichigaadeg gaa-izhiwebak agwajiing waasa gaa-ayaagin ishkoniganan gemaa waasiganibimide ji-aabadak ji-gizhizigeng gaye ji-wasikwanenjigeng.
Dinookaanan izhichigewinan Gaa-izhi-miigiweyaang zhooniyaa
Ge-aanike-aabadak Waasigan gaye ge-minosemagak
- Giizis onji
- Noodin onji
- Waasigan
- Ganawenjigaadeg waasigan
- Waasigan Ji-minoseg (daabishkoo waakaa’igeng, ji-naagajichigaadeg waasigan – ji-izhichigeng ji-naagajichigaadeg aan ezhiseg waasigan gemaa nawach gaa-agaasingin izhichigewinan Giiwedinong)
- Oshki-izhichigewinan noongom gaa-aabadak (daabishkoo aabajichigaadeg oshki-gegoon, gichigamiing wenjiseg waasigan, hydrogène)
Ji-anokii’iweng
- Gikino’amaagewin, nagajitoong, gaye ge-aabadak gikino’amaageng
- Ge-aabajitoowaad ge-bimimideg gegoon
- Ge-nagajitoowaad ge-bimibideg gegoon
- Ji-niigaanigikendamowaad ge-bimibideg gegoon
- Maamawibiwinan, maawaji’idiwin gaye wiiji’idiwin
- Nanaandogikenjigewin gaye gagwe-gikenjigaadeg ge-minoseg
Gizhizigewin
- Biomass gizhizigewin, gizhizigewin waasa inake, gaye maamaw gizhizigewin gaye waasikwanenjigewin
- Biomass ge-aabadak
- Akiing onji gizhizigewin
- Giizis onji gizhizigewin
Awenen ge-debinangiban owe aaniin gaye izhi
Ge-odaapinindwaaban gaa-mooshkinebii’igewaad
- Anishinaabeg, Eshkiimeg gaye Aabitawizhaanag dazhiikewinan, Anishinaabe ogimaag, gaa-maamawiiwaad Anishinaabeg, izhichigewinan gaye godak Anishinaabe okobiwinan;
- Anishinaabe okobiwinan gaa-inaakonigaadegin ji-miigiweng zhooniyaa ogimaawining onji gaye gaa-zhooniyaakemagakin; gaye
- Akiikaanan, giiwedinong akiikaanan, ogimaawinensan oodenaang gaye godak izhichigewinan.
Anishinaabe izhichigewinan niigaan da-wiiji’aawag gemaa izhichigewinan ishkoniganing gaa-izhi-wiiji’iwemagakin, da-ziidonigaadewan gakina izhichigewinan gaye oshki-aabajichiganan.
Gakina gaa-niibidebii’igaadegin, omaa inaabin. (Mooshkinebii’igan wiindamaagewin ayaamagan Zhaaganaashiimowin eta gaye Baakwaa’ishiimowin).
Agindan mooshkinebii’igan wiindamaagewin
Gagwe-ondizin zhooniyaa
Ganoonishinaam ji-wiindamawiyaang enendamowaad igi gidazhiikewining inendamowin gemaa izhichigewin. Gi-wii-noondaagoom gakina.
Gidaamiigiwem mooshkinebii’igan omaa gaa-ozhibii’igaadeg gemaa gidaa-gagwedwe ji-iibii’amaagooyin. Naanogon gidaa-bii’o. Giishpin anishinaabewiyin, gidaa-ganoonaa gaye ISC gaananokiid.
(Zhaaganaashiimowin eta gaye Baakwaa’ishiimowin)
Apane go niwaabandaamin mooshkinebii’iganan.
Aaniin igo apii mooshkinebii’igeg ji-miinigooyeg zhooniyaa.
Giiyaabi zhooniyaa
Giishpin giiyaabi zhooniyaa andawenimeg, omaa inaabig Financement autochtone pour le climat izhichigewinan (Zhaaganaashiimowin eta gaye Baakwaa’ishiimowin). Giishpin wii-gagwedweyin owe onji, gi-daa-ganoonigoom. Ozhibi’amawishinaam omaa nrcan.remoteenergy-energieadistance.rncan@canada.ca.
Ganoonishinaam
FGiiyaabi wii-gikendameg gemaa wii-gagwedweyeg, iibii’igen omaa nrcan.remoteenergy-energieadistance.rncan@canada.ca.