ᐅᐊᐃᓚᑑᑦ (Wah-ila-toos): ᓴᓗᒪᔪᓂᒃ ᐆᒻᒪᖅᑯᑎᓕᕆᓂᕐᒧᑦ ᐱᒋᐊᕈᑏᑦ ᓄᓇᖃᖅᑳᖅᓯᒪᔪᓂᒃ, ᓄᓇᓕᐸᐅᔭᕐᓂᑦ ᓄᓇᓕᓐᓂᓪᓗ ᐅᖓᓯᑦᑐᓂᒃ

ᐃᑲᔪᖅᑐᐃᒍᒪᓪᓗᑎᑦ ᐃᖏᕐᕋᑦᑎᐊᖁᓪᓗᒋᑦ ᓴᓗᒪᔪᓂᒃ ᐆᒻᒪᖅᑯᓕᑎᕆᓂᕐᒥᑦ ᓄᓇᖃᖅᑲᖅᓯᒪᔪᑦ ᓄᓇᓕᖏᓐᓂ, ᐱᒋᐊᕈᑎᕗᑦ ᐊᑐᐃᓐᓇᐅᑎᑦᑎᓗᑕ ᑮᓇᐅᔭᓂᒃ ᓴᓗᒪᔪᓂᒃ ᐆᒻᒪᖅᑯᑎᓕᕆᓂᕐᒧᑦ ᐱᓕᕆᐊᔅᓴᓂᒃ ᐊᑐᓐᖏᓂᖅᓴᐅᖁᓪᓗᒋᑦ ᐅᖅᓱᐊᓗᓐᓂᒃ ᐆᓇᖅᓯᒍᑎᓂᒃ ᐊᒻᒪᓘᓐᓃᑦ ᐆᒻᒪᖅᑯᑎᓂᒃ ᓄᓇᖃᖅᑲᖅᓯᒪᔪᓂᑦ, ᓄᓇᓕᐸᐅᔭᕐᓂᑦ ᐅᖓᓯᑦᑎᓂᓪᓗ ᓄᓇᓕᓐᓂᑦ.

ᑮᓇᐅᔭᖃᖅᑎᑕᐅᒍᓐᓇᕐᓂᖏᑦ

ᖃᐅᔨᒋᐊᕈᓐᓇᖅᑐᑎᑦ ᐱᑲᔫᑎᔅᓴᓂᒃ, ᐱᔪᓐᓇᓂᓐᓂᑦ ᖃᓄᕐᓗ ᑐᔅᓯᕋᕈᓐᓇᕐᒪᖔᖅᐱᑦ.

ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ

ᖃᐅᔨᒋᐊᒃᑲᓐᓂᕈᓐᓇᖅᑐᑎᑦ ᓄᓇᖃᖅᑳᖅᓯᒪᔪᑦ ᑲᑎᒪᔨᖏᓐᓂ ᖃᓄᐃᓘᖅᐸᒻᒪᖔᑕ ᑭᒃᑰᒻᒪᖔᑕᓗ.

ᐅᕙᒍᑦ ᒥᔅᓵᓄᑦ

ᑭᓲᒻᒪᑦ ᐅᐊᐃᓚᑑᑦ (Wah-ila-toos)?

ᐅᐃᓚᑑᑦ (Wah-ila-toos) ᑐᕌᒐᖓ ᑮᓇᐅᔭᖃᖅᑎᑦᑎᓗᑎᒃ ᐅᑎᖅᑕᕈᓐᓇᖅᑐᓂᒃ ᐆᒻᒪᖅᑯᑎᓂᒃ ᐃᓪᓗᕐᔪᐊᓂᓪᓗ ᐱᓕᕆᐊᔅᓴᓂᒃ ᐊᒻᒪᓗ ᐊᑦᑐᐊᔪᓂᒃ ᐆᒻᒪᖅᑯᑎᓕᕆᓂᕐᒧᑦ ᐊᐅᓚᑦᑎᑦᑎᓂᐊᕐᓂᕐᒥᑦ ᓄᓇᖃᖅᑳᖅᓯᒪᔪᓂᒃ, ᓄᓇᓕᐸᐅᔭᕐᓂᑦ ᐅᖓᓯᑦᑐᓂᓪᓗ ᓄᓇᓕᓐᓂ ᑲᓇᑕᒥ.

ᐅᖅᓱᐊᓗᑦ ᖃᐅᔨᒪᔭᐅᑦᑎᐊᖅᑐᖅ ᑕᑎᒋᔭᐅᕙᑦᑐᓂ ᐆᒻᒪᖅᑯᑎᓄᑦ ᓄᓇᖃᖅᑳᖅᓯᒪᔪᓄᑦ, ᓄᓇᓕᐸᐅᔭᕐᓄᑦ ᐅᖓᓯᑦᑐᓄᓪᓗ ᓄᓇᓕᓐᓄᑦ. ᑭᓯᐊᓂᓕ, ᐱᐅᓐᖏᒍᓐᓇᕐᒥᔪᖅ ᐊᑦᑐᐃᓂᖃᒻᒪᓪᓗᓂ ᓄᓇᓕᓐᓂᑦ ᐊᕙᑎᑦᑎᓂᓪᓗ. ᐊᓯᔾᔨᐸᓪᓕᐊᒐᓱᐊᕐᓂᖅ ᓴᓗᒪᔪᓂᑦ ᐆᒻᒪᖅᑯᑎᖃᕐᓗᓂ ᐱᒻᒪᕆᐅᖏᓐᓇᕐᖓᑕ ᓄᓇᖃᖅᑳᖅᓯᒪᔪᑦ ᓄᓇᓕᓐᓄᑦ, ᐊᒻᒪᓗ ᒐᕙᒪᒃᑯᓐᓄ ᑲᓇᑕᒥ ᐱᓕᕆᖃᑎᒌᑦᑐᑕ ᓴᐃᒻᒪᖃᑎᒌᓐᓂᒃᑯᑦ.

ᐱᓕᕆᖃᑎᒌᑦᑎᐊᕐᓗᑕ ᐊᑕᐅᓯᐅᔪᑎᑐᑦ ᐱᒋᐊᕈᑎᖃᕐᓗᑕ, ᑕᒻᒪᑦᑕᐃᓕᒪᒐᓱᐊᓐᖏᓪᓗᑕ, ᐱᐅᓯᕚᓪᓕᑎᑦᑎᑲᓐᓂᕋᓱᐊᕐᓗᑕ ᐊᑐᕈᓐᓇᖅᑕᖏᓐᓂ ᓄᓇᖃᖅᑳᖅᓯᒪᔪᑦ, ᓄᓇᓕᐸᐃᔭᐃᑦ ᐅᖓᓯᑦᑐᒦᑦᑐᓪᓗ ᓄᓇᓖᑦ ᐱᔪᓐᓇᕐᓗᑎᑦ ᑲᓇᑕᐅᑉ ᒐᕙᒪᒃᑯᖏᓐᓂ ᑮᓇᐅᔭᓂᒃ ᐊᑐᐃᓐᓇᐅᔪᓂᓪᓗ ᓴᓗᒪᓂᕐᒧᑦ ᐆᒻᒪᖅᑯᑎᓕᕆᓂᕐᒥᑦ ᐱᒋᐊᕈᑎᓂᒃ.

ᐊᑎᕗᑦ

ᐅᐱᒍᓱᑦᑎᐊᖅᑐᒍᑦ ᑐᓂᔭᐅᓯᒪᒐᑦᑕ ᐱᐅᔪᐊᓗᒻᒥ ᐊᑎᕐᒥᑦ ᐅᐃᓚᑑᒥᑦ (Wah-ila-toos) ᓄᓇᖃᖅᑳᖅᓯᒪᔪᑦ ᐊᓈᓇᑦᑎᐊᕗᑦ ᐃᓐᓇᓄᑦ, ᖁᕕᐊᓲᑎᖃᖅᑎᓪᓗᑕ ᐊᖏᕈᑎᒥᑦ 6 ᐅᑭᐅᖅᑕᖅᑐᒥ ᓇᐹᖅᑐᑕᓕᓐᓂ ᐃᐊᑦᒪᑕᒥ, ᕖᕝᕗᐊᕆᐅᑎᓪᓗᒍ 6−ᒥ, 2023.

ᐅᐊᐃᓚᑑᑦ (Wah-ila-toos) ᐱᔨᑦᑎᖅᑐᖅ ᐃᖅᑲᐃᑎᑦᑎᒋᐊᕐᒥᔪᖅ ᑲᑎᓐᖓᔪᐃᓐᓇᐅᒐᑦᑕ, ᐱᓕᕆᖃᑎᒌᑦᑐᑕ ᖃᓄᑐᐃᓐᓇᑦᑎᐊᖅ ᑭᒃᑯᓕᒫᓂᓪᓗ, ᐃᓚᒌᑦᑐᐃᓐᓇᐅᓪᓗᑕᓗ. ᐊᑎᕗᑦ ᓇᓗᓇᐃᒃᑯᑎ ᐱᓕᕆᐊᕆᔭᕆᐊᓕᑦᑎᓐᓂ ᐱᓕᕆᖃᑎᖃᑦᑎᐊᕐᓗᑕᓗ ᐆᒪᔪᓂᒫᓂᑦ ᐆᒪᓐᖏᑑᒐᓗᐊᓂᓪᓗ. ᑐᑭᖃᕐᖓᑦ ᐊᑦᑐᐊᓂᖃᕐᓂᑎᓐᓂ ᐋᖅᑮᓇᓱᐊᖅᑎᓪᓗᑕ ᓄᓇᖃᖅᑳᖅᓯᒪᔪᓂᒃ ᐱᓕᕆᖃᑎᖃᕐᓂᕐᒥᑦ ᐊᓯᖏᓐᓂ.

ᐅᐊᐃᓚᑑᑦ (Wah-ila-toos) ᐅᖃᐅᓯᖅ ᐊᑯᓐᓇᕿᔪᓃᓐᓂᓪᓂᕋᐃᔪᖅ ᐱᖓᓱᓂᑦ ᐅᖃᐅᓯᕐᓂᑦ ᐊᓪᓚᑎᑑᖅᑐᓂᒃ (Nehiyaw) ᐊᒻᒪᓗ (Michif), ᐃᓄᐃᓐᓇᖅᑐᕐᓗ ᐊᒻᒪᓗ (Haíɫzaqvḷa) ᐅᖃᐅᓯᖏᓐᓂ.

ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᐃᑲᔪᖅᑐᐃᔪᑦ ᐅᐊᐃᓚᑑ (Wah-ila-toos)

ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ 6−ᖑᓪᓗᑎᑦ ᑭᒡᒐᖅᑐᐃᔩᑦ ᖃᐅᔨᒪᔪᑦ ᐊᑐᐊᖅᓯᕙᑦᑐᑎᑦ ᐃᑲᔫᑎᓂᒃ ᐱᖁᔭᓕᐅᖅᐸᑦᑐᑎᓪᓗ ᐊᐳᖅᑕᕈᑕᐅᕙᑦᑐᓂᒃ ᐲᔭᐃᒍᒪᓪᓗᑎᑦ ᐱᔭᕆᐊᑐᔪᓂᓪᓗ ᑐᔅᓯᕋᐅᑎᓕᐅᖅᐸᑦᑐᑦ. ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᐊᑐᓕᖁᔭᓕᐅᓲᑦ ᐊᑯᓂᒧᑦ ᐸᕐᓇᐅᑎᓄᑦ ᓴᓗᒪᔪᒥᑦ ᐆᒻᒪᖅᑯᑎᑖᖅᐸᓪᓕᐊᓂᕐᒧᑦ.

ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᑭᒡᒐᖅᑐᐃᔨᖃᖅᑐᑦ ᐊᓪᓚᓂᒃ, ᐃᓄᓐᓂᑦ ᐊᓪᓚᖓᔪᓂᓪᓗ, ᓇᑭᑐᐃᓐᓈᖅᓯᒪᔪᓂᒃ ᓄᓇᓕᓐᓂᑦ, ᐊᔾᔨᒌᓐᖏᑦᑐᓂᒃ ᐅᖃᐅᓯᖃᖅᑐᑎᒃ, ᑭᒃᑰᓂᖏᓐᓂᓪᓗ, ᐱᓕᒻᒪᔅᓯᒪᓂᖏᓪᓗ ᐊᔾᔨᒌᓐᖏᑦᑐᑦ ᐊᕐᓇᐃᑦ ᐊᖏᑏᓪᓗ.

ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᐱᖃᑕᐅᕙᑦᑐᑦ ᐱᓕᕆᐊᔅᓴᓂᒃ ᐱᖁᔭᓕᐅᖃᑕᐅᓪᓗᑎᓪᓗ ᐱᒻᒪᕆᐅᔪᓂᒃ ᐊᑐᕆᐊᓕᓐᓂ ᓄᓇᖃᖅᑳᖅᓯᒪᔪᑦ ᓂᐱᖃᑦᑎᐊᖁᓪᓗᒋᑦ ᐃᓱᒪᓕᐅᕐᓂᐊᖅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᐆᒻᒪᖅᑯᑎᓂᑦ ᑎᒍᒥᐊᕐᓂᕐᒥᑦ ᐊᒻᒪᓗ ᑐᓴᖅᑎᑦᑎᕙᑦᑐᑎᓪᓗ ᒐᕙᒪᑐᖃᒃᑯᓐᓂ ᐱᖁᔭᕐᓂᑦ ᑐᕌᖓᔪᓂᒃ ᓯᓚᓕᕆᓂᕐᒧᑦ ᐱᒋᐊᕈᑎᓂᒃ.

ᖃᓄᖅ ᐱᓕᕆᕙᒻᒪᖔᑦᑕ

ᐱᐅᓯᕚᓪᓕᑎᑦᑎᒍᒪᑦᑎᐊᕋᑦᑕ ᓄᓇᓕᓐᓂ ᐱᔪᓐᓇᖁᓪᓗᒋᑦ ᒐᕙᒪᑐᖃᒃᑯᓐᓂ ᓴᓗᒪᔪᓂᒃ ᐆᒻᒪᖅᑯᓕᕆᓂᕐᒧᑦ ᑮᓇᐅᔭᓂᒃ ᑭᓱᑐᐃᓐᓇᓂᓪᓗ ᐊᑐᐃᓐᓇᕐᓂᑦ.

ᓄᓇᓕᓐᓂ ᐱᒋᐊᖅᐸᓪᓕᐊᓂᖅ

ᐱᓕᕆᔨ ᑲᒪᖃᑎᖃᖅᐸᑦᑐᑦ ᓄᓇᓕᓐᓂ ᐃᑲᔪᖅᑐᐃᓪᓗᓂ ᐋᖅᑭᔅᓱᐃᓪᓗᑎᑦ ᐱᖁᑎᓂᒃ ᓄᓇᓕᓐᓂᑦ, ᐊᐅᓚᑦᑎᑲᓐᓂᕈᓐᓇᖁᓪᓗᒋᑦ ᓇᒻᒥᓂᖅ ᐆᒻᒪᖅᑯᑎᖏᓐᓂ ᐃᓅᓇᓱᐊᑦᑎᐊᕐᓂᒥᓪᓗ, ᐅᑉᐱᕆᔭᖃᑦᑎᐊᕐᓗᑎᑦ ᓇᒻᒥᓂᖅ ᓯᕗᓪᓕᖅᐸᐅᑎᓪᓗᒋᓪᓗ ᑕᒪᒃᑯᐊ ᑐᔅᓯᕋᐅᑏᑦ ᐱᔭᕆᐊᑐᒐᓗᐊᖅᑲᑕ ᐱᓕᕆᐊᔅᓴᓕᐅᕐᓂᐊᖅᑎᓪᓗᒋᓪᓗ ᐃᑲᔪᖅᑐᖅᑕᐅᓪᓗᐃᑦ.

ᖃᖓᒃᑰᔫᒥᒍᓐᓇᖁᓪᓗᒋᑦ

ᕿᒥᕐᕈᕙᑦᑐᒍᑦ ᑐᔅᓯᕋᐅᑎᓂᒃ ᖃᖓᓕᒫᖅ. ᒪᑐᕕᖃᓐᖏᑦᑐᖅ ᑐᔅᓯᕋᕐᓂᐊᕐᓗᓂ, ᑭᓯᐊᓂᓕ ᑮᓇᐅᔭᐃᑦ ᑐᓂᐅᖅᑲᖅᑕᐃᓐᓇᐅᓂᖅᑲᑕ.

ᐱᓕᕆᖃᑎᖃᕐᓂᖅ ᐅᖃᖃᑎᖃᕐᓂᓪᓗ

ᐅᖃᖃᑎᖃᐃᓐᓇᓱᖑᔪᒍᑦ ᐱᓕᕆᐊᔅᓴᓕᕆᓂᕐᒧᑦ, ᐱᓕᕆᖃᑎᖃᖅᐸᑦᑐᑕ, ᑐᔅᓯᕋᐅᑎᓂᓪᓗ, ᐊᒻᒪᓗ ᓄᓇᖃᖅᑳᖅᓯᒪᔪᓂᒃ ᑲᑎᒪᔨᖏᓐᓂ ᐊᑐᐊᖅᓯᔾᔪᑎᓂᑦ ᐊᑐᐃᓐᓇᖃᖅᑐᑕ ᐃᓚᓕᐅᔾᔨᓪᓗᑕᓗ ᓄᓇᖃᖅᑳᖅᓯᒪᔪᑦ ᐃᓱᒪᒋᔭᖏᓐᓂ ᐱᓕᕆᐊᔪᑦ ᐋᖅᑭᔅᓯᒪᓂᖏᓐᓄ ᐊᒻᒪᓗ ᐊᑐᐃᓐᓇᐅᑎᑦᑎᓂᕐᒧᑦ, ᐃᑲᔪᖅᑐᐃᓪᓗᑕᓗ ᐸᕐᓇᐅᑎᓂᒃ ᐱᓕᕆᐊᔅᓴᓂᒃ, ᐱᓕᕆᖃᑎᖃᖅᑐᑕᓗ ᐱᖁᔭᓕᐅᕐᓂᕐᒥᑦ ᐃᓱᒪᓕᐅᕐᓂᒥᓪᓗ.

ᐱᓇᓱᐊᕈᒪᔭᔅᓯᓐᓂ ᐊᑐᐃᓐᓇᖃᕋᓱᐊᖅᑐᒍᑦ

ᑮᓇᐅᔭᖅᑎᒍᑦ ᐃᑲᔪᖃᑦᑕᖅᑐᒍ ᐊᔾᔨᒌᓐᖏᑦᑐᓂᒃ ᐱᔭᕆᐊᓕᔅᓯᓐᓄᑦ ᐱᓕᕆᐊᓄᓪᓗ, ᐃᓕᓐᓂᐊᑎᑦᑎᓂᕐᒥᓪᓗ ᐊᑑᑎᖃᕐᓂᐊᕐᒪᖓᑕᓘᓐᓃᑦ ᖃᐅᔨᓴᕐᓂᒥᑦ. ᐊᖅᑯᑎᕗᑦ ᐃᑲᔪᖅᑐᐃᓂᖅ ᑲᓇᑕᒥ ᖃᓄᐃᑦᑐᑐᐃᓐᓇᕐᓂᑦ ᐊᑦᑐᐊᔪᓂᒃ ᓴᓗᒪᓂᒧᑦ ᐆᒻᒪᖅᑯᑎᓕᕆᓂᕐᒥᑦ ᐃᑲᔫᑎᓂᒃ ᑮᓇᐅᔭᖃᖅᑎᑦᑎᓂᕐᒨᖓᔪᓂᓪᓗ. ᑮᓇᐅᔭᐃᑦ ᐊᑐᐃᓐᓇᐅᔪᑦ ᐃᑲᔪᖅᑐᐃᔾᔪᑏᑦ ᐱᓕᕆᐊᔅᓴᓄᑦ ᓴᓗᒪᔪᓄᑦ ᐆᒻᒪᖅᑯᑎᓄᑦ ᐱᓕᕆᐊᔅᓴᓄᑦ, ᒪᓕᑦᑐᑦ ᓄᓇᓖᑦ ᐱᔭᕆᐊᓕᖏᓐᓂ.

ᐊᐳᖅᑕᕈᑕᐅᕙᑦᑐᑦ ᐲᔭᕐᓗᒋᑦ

ᐊᖅᑯᑎᖃᕐᒃᓗᑕ ᐱᓕᕆᔨᒥᑦ ᑐᑭᓯᒋᐊᕈᑎᓂᒃ ᐊᑐᐃᓐᓇᖃᖃᑦᑕᕐᓗᓂ ᐃᓚᒍᑕᖃᕆᐊᖃᖅᑲᑕᓗ ᖃᓄᖅᑑᕈᑎᔅᓴᓂᓪᓘᓐᓃᑦ ᑕᒪᒃᑯᓄᖓ ᐅᐊᐃᓚᑑᑦ (Wah-ila-toos) ᐊᓯᖏᓐᓄᑦ ᑲᓱᖅᑎᓪᓗᒋᑦ ᐃᑲᔫᑎᓅᖓᔪᓂᒃ ᑭᓱᑐᐃᓐᓇᓄᓪᓗ ᐊᑐᐃᓐᓇᕐᓂᑦ ᐱᐅᓂᖅᐹᖅᑎᒍᑦ ᐱᓕᕆᐊᖏᓐᓄᑦ ᑐᕌᖓᔪᓄᑦ ᐱᓇᓱᐊᖅᑎᓪᓗᒋᑦ.

ᐊᔪᕆᖅᓱᐃᔨᓪᓚᕆᓪᓗᑎᑦ

ᐃᑲᔪᖅᑐᐃᒍᓐᓇᕐᓗᑎᑦ ᓄᓇᓕᓐᓂ ᓴᓗᒪᓂᕐᒧᑦ ᐆᒻᒪᖅᑯᑎᑖᖅᐸᓪᓕᐊᑎᓪᓗᒋᑦ. ᐊᔪᕐᓇᖏᑉᐸᑦ, ᑎᓕᔭᐅᓗᑎᑦ ᐱᓕᕆᔩᑦ ᐱᓕᕆᐊᖏᓐᓂ ᐃᑲᔪᕆᐊᕐᓗᑎᑦ ᐱᕙᓪᓕᐊᓂᖏᓐᓂ ᐱᔭᕇᖅᓯᓇᓱᑦᑎᓪᓗᒋᑦ ᑐᔅᓯᕋᐅᑎᖏᓐᓂ.

ᖃᐅᔨᒋᐊᕈᓐᓇᖅᑐᑎᑦ ᐅᕙᑦᑎᓐᓄᑦ

ᐊᐱᖅᑯᑎᔅᓴᖃᕈᕕᑦ, ᖃᐅᔨᒋᐊᕈᓐᓇᖅᑐᑎᑦ ᐅᕙᑦᑎᓐᓄᑦ ᐅᕗᖓ nrcan.remoteenergy-energieadistance.rncan@canada.ca.

ᐊᑦᑐᐊᓄᑦ ᑐᑭᓯᒋᐊᕈᑎᔅᓴᐃᑦᑕᐅ (ᖃᓪᓗᓈᑎᑑᖓᔪᑦ ᐅᐃᕖᑎᑐᑐᐊᕐᓘᓐᓃᖓᑐᐃᓐᓇᖅᑐᑦ)

• Conseil autochtone pour Wah-ila-toos
• Le centre pour l’énergie propre dans les collectivités autochtones, éloignées et rurales a pris un nom autochtone
• Initiative autochtone pour réduire la dépendance au diesel
• Énergie propre pour les collectivités rurales et éloignées
• Approche responsable pour le programme de chaleur et d’énergie des collectivité du Nord
• Initiative de partenariats stratégiques
• Partenariat du Canada avec les peuples autochtones sur le climat