Wah-ila-toos: Gaa-bekaag Gaa-aabajichigaadeg daabishkoo waasigan Anishinaabe dazhiikewining, noopiming gaye giiwedinong
Niwiiwiijitoomin nawach gaa-bekag ge-aabajichigaadeg ji-bimibideg gegoon Anishinaabe dazhiikewining, nin-ga-miigiwemin zhooniyaa ge-aabadizid gaawiin aapiji diesel waasigani-bimide ji-aabajichigaadesinog ji-gizhidegin waakaa’iganan gaye waasigan ji-aabadak Anishinaabe dazhiikewinan noopiming gaye giiwedinong.
Gikendan ini izhichigewinan, giishpin ji-izhiseyamban ji-ondinad gaye aaniin ge-izhi-ondinad awe zhooniyaa.
Niinawind
Wegonen iwe Waa-ilatoos?
Waa-ilatoos wii-ondinaawaan zhooniyaa ge-aabadizid ji-ayaamagak waasigan ji-bimibideg gegoonan gaye daawining ishkoniganing, Anishinaabe dazhiikewinan, noopiming, gaye giiwedinong miziwe Gaanada Akiing.
Gikenjigaade iwe diesel waasigan e-aabadak ishkoniganing ji-onji-bimibideg gegoon. Minosemagan, giiyaabi dash gaawiin aapiji onizhishinzinoon ji-aabadak ishkoniganing gaye ezhisemagak aki. Gichi-inenjigaade ji-bekag ge-aabadak ji-bimibidechigaadeg gegoon ishkoniganing gaye gidakiiminaang, inendamoog niibiwa awiyag gaye Gaanada Aki ogimaawiwiwn.
Ginandawendaamin maamaw ji-gagwe-debinamang owe dinookaan izhichigewin, ji-gashkitoowaad Anishinaabeg ishkoniganing gaa-ayaawaad gaye noopimiing gaye giiwedinong, ji-debinaawaad zhooniyaan Gaanada Aki gaa-miigiwed owe ji-izhiseg.
Gaa-izhinikaazoyaang
Niminwendaamin egii-miinigooyaang iwe wiinzowin Waa-ilatoos, ookomimaag gaye gichi-ayaag, e-gii-okobiwaad Anishinaabe imaa Treaty 6 Akiing Giiwedinong Noopimiing Waakaa’igan imaa Edmonton, February 6, 2023 gii-izhiseg.
Waa-ilatoos gii-ikidoying gidizhi-maamikoomigoomin gakina e-inawendiying, gakina aki gidinawendaamin, giinawind bezhig. Iwe dash wiinzowin gidinigoomin weweni ji-inendamang gakina gegoon gaa-bimaadak gaye gaa-bimaadazinog. Weweni ji-izhi-ganawaabandiying gi-ga-gagwe-izhichigemin.
Waa-ilatoos wiinzowin onji-ozhichigaade niswe ikidowinan Omashkiigoomowin, Aabitwizhaan Izhigiizhwewin gaye Inoo’inakton gaye Hatzakbila izhigiizhwinan.
Anishinaabe Okobiwin Gaa-wiijitwaad Waa-ilatoos
Niizhwaachiwag gaa-namadabiwaad imaa Anishinaabe Okobiwining gaa-wiindamaagewaad gekendamowaad gaye emaamiinomiwewad izhichigewining gaye inaakonigewining ji-nisidotamowaad nawach iwe gaa-zanagal gii-gagwe-ondinind zhooniyaa. Iwe Anishinaabe Okobiwin gaye da-ikidoomagan aaniin ge-izhichigeng nawach ginwesh dazhiikigaadeg ji-ani-aabajichigaadeg gaa-bekag ge-onji-bimibideg gegoon.
Iwe Anishinaabe Okobiwining ayaawag Anishinaabeg, Eshkiimeg, gaye Aabitawizhaanag, gaye aaniindi bigo gaa-onjiiying dazhiikewining, gaa-izhigiizhweying, gaye gaa-inakamigaag, gaye gaa-izhi-nagajitooying gegoon gaye ikwewag gaye ininiwag.
Iwe Anishinaabe Okobiwin izhi-dagwiiwag izhichigewining gaye inaakonigewin gii-ozhichigaadegin weweni Anishinaabeg ji-noondawindwaa ikidong aaniing ge-izhichigeng dazhinjigaadeg iwe ge-aabadak ji-bimibideg gegoon, gaye Gaanada Aki ogimaawiwin wii-dazhiikamowaad iwe aki gaa-inishkaagemagak.
Aan ezhichigeyaang gii-anokiiyaang
Nin-gagwe-wiijitoomin ji-gashkitoowaad igi dazhiikewining gaa-ayaawaad ji-debinaawaad zhooniyaa ji-onji-ayaamagak gaa-bekag ge-onji-bimibideg gegoon.
Dazhiikewining ji-onji-maajiseg gegoon
Owiidanokiimaawaa Anishinaabe’ dazhiikewining igi izhichigewining gaa-annokiiwaad, ji-debinaawaad zhooniyaan ge-aabadizinid odazhiikewiniwaang, nawach wiinawaa ji-gashkitoowaad ji-debinamowaad iwe ge-onji-bimibideg gegoon, gaye ji-onji-mino-ayaawaad gaye ji-gashkitoowaad ji-doodamowaad endawendamowaad.
Apii ge-doodamong
Bizhishig nidoodisigomin mooshkinebii’iganan. Gaawiin memwaach gakinawaach apii ji-mooshkinebii’igeng.
Wiiji’iding gaye Gaganooniding
Ningaganoonaanaanig igi gaa-gii-mooshkinebii’igewaad, gaye gaa-dagwiiwaad omaa gaye igi gaa-wii-mooshkinebii’igewaad, gaye iwe Anishinaabe Okobiwin, gaa-wiiji’iwemagak Anishinaabe odinendamowin ji-dagonigaadeg ozhichigaadeg iwe izhichigewin gaye bimiwijigaadeg, ji-ziidoshkaagemag gaye ji-wiiji’iwemagak inaakonigewin ozhichigaadeg gaye ikidong aaniin ge-izhichigeng.
Nagishkaagooyin aandi eyaayin
Niwiiji’iwemin ji-debinind zhooniyaa ge-onji-gashkichigaadegin endawendameg gaye izhichigewinan, gikino’amaagewin gaye ji-gikenjigaadeg ji-minosemagakiban gegoon. Iwe Pathfinding gaa-izhinikaadeg wiiji’iwemagan Gaanada Aki ji-bekag ge-onji-bimideg gegoon, gaye zhooniyaa ji-ondinind. Daa-debinaa zhooniyaa ji-gashkichigaadeg ji-aabajichigaadeg gaa-bekag ge-onji-bimibideg gegoon, waasikwanenjigan gaye gizhizigewin, wegonen igo endawendameg gidazhiikewiniwaang.
Gaawiin giba’igaadesinoon
Awe gaa-inanokiid da-wiindamaage aan ezhichigemagakin ini izhichigewinan gaa-aabadakin imaa Waa-ilatoos gaye wiiji’aawag awiyag ji-gikendamowad inin izhichigewinan gaye ge-aabada nawach imaa odizhichigewiniwaang.
Ge-ziidoshkaagoyin imaa
PDa-wiiji’aawag imaa dazhiikewining gaa-ayaawaad megwaa aanjitoowaad iwe gaa-aabajitoowaad ge-onji-bimibideg gegoon. Giishpin izhiseg, awiya gaa-inanokiid odawiidanokiimaa Anishinaabe ji-giizhi-mooshkinebii’igewaad ji-dibinaawaad zhooniyaan.
Ozhibii’amawishinaam
Giishpin wii-gagwedweyin gegoon, ozhibii’amawishinaam omaa nrcan.remoteenergy-energieadistance.rncan@canada.ca.
Omaa gaye inaabig (zhaaganaashiimowin eta gaye baakwaa’ishiimowin)
- Conseil autochtone pour Wah-ila-toos
- Le centre pour l’énergie propre dans les collectivités autochtones, éloignées et rurales a pris un nom autochtone
- Initiative autochtone pour réduire la dépendance au diesel
- Énergie propre pour les collectivités rurales et éloignées
- Approche responsable pour le programme de chaleur et d’énergie des collectivité du Nord
- Initiative de partenariats stratégiques
- Partenariat du Canada avec les peuples autochtones sur le climat
Détails de la page
- Date de modification :