Language selection

Government of Canada / Gouvernement du Canada

Search

Mga pansamantalang dayuhang manggagawa: Protektado ang iyong mga karapatan

Inilaan ang gabay na ito para sa mga pansamantalang dayuhang manggagawa (Temporary Foreign Workers) na na-hire sa trabaho sa ilalim ng Programa para sa Pansamantalang Dayuhang Manggagawa (Temporary Foreign Worker Program, TFW Program). Para sa impormasyon tungkol sa mga karapatan bilang mga pansamantalang dayuhang manggagawa na na-hire sa ilalim ng International Mobility Program, bisitahin ang Kilalanin ang iyong mga karapatan.

Sa page na ito

Mga alternatibong format

Mga pansamantalang dayuhang manggagawa: Protektado ang iyong mga karapatan [PDF - 202 KB]

Ang iyong mga karapatan

Sa Canada, ang mga karapatan ng lahat ng manggagawa, kabilang ang mga pansamantalang dayuhang manggagawa, ay protektado ng batas. Kung ikaw ay isang pansamantalang dayuhang manggagawa, ang iyong mga karapatan at proteksyon ay pareho ng para sa mga Canadian at permanenteng residente.

Dapat gawin ng iyong employer ang sumusunod:

Ang iyong employer:

Ang iyong kasunduan sa trabaho

Sa o bago ang iyong unang araw ng trabaho, dapat kang bigyan ng iyong employer ng isang kopya ng iyong kasunduan sa trabaho. Dapat nasa wikang Ingles o Pranses ito (ang iyong piniling opisyal na wika habang nasa Canada). Dapat tumukoy ang kasunduan sa trabaho sa parehong trabaho/okupasyon, suweldo, at mga kondisyon sa pagtatrabaho gaya ng nakabalangkas sa inaprubahang Labour Market Impact Assessment (LMIA). Kung tama ang lahat ng impormasyon at tinatanggap mo ang mga tuntunin ng trabaho, kailangan ninyong pirmahan ng iyong employer ang kasunduan at magtago ng tig-iisang kopya.

Access sa mga serbisyo sa pangangalagang pangkalusugan

Hindi mo kailangan ang pahintulot ng iyong employer para magpagamot o maghanap ng serbisyong pangkalusugan. Sa karamihan ng mga kaso, hindi mo kailangang magbayad upang magpatingin sa doktor o para sa ospital na pangangalaga sa Canada.

Panlalawigan o teritoryal na health care insurance

Kung kwalipikado ka, magkakaroon ka ng access sa libreng serbisyo sa pangangalagang pangkalusugan sa ilalim ng health insurance system ng lalawigan o teritoryo kung saan ka nagtatrabaho. Gayunman, sa unang pagdating mo sa Canada, maaaring abutin ng ilang panahon bago ka masaklaw ng health insurance system ng lalawigan o teritoryo. Hilingin sa iyong employer na tulungan kang i-set up ang iyong health insurance coverage ayon sa mga kinakailangan ng iyong lalawigan o teritoryo.

Pribadong health insurance

Kung may panahon na hindi ka saklaw ng panlalawigan o teritoryal na health insurance kung saan ka nagtatrabaho, dapat kumuha at magbayad ang iyong employer ng pribadong health insurance para sa iyo na sumasaklaw sa pang-emergency na medikal na pangangalaga. Hindi maaaring kaltasan ng iyong employer ang iyong suweldo para sa anumang halaga para sa pribadong health insurance na ito.

Hindi ito naaangkop sa iyo kung isa kang seasonal na agricultural worker mula sa Mexico o sa Caribbean dahil ang health insurance ay kasama na sa mga kasunduan ng mga bansang ito sa Canada.

Kung nasugatan o nagkasakit ka sa iyong lugar ng trabaho

Ipaalam sa iyong superbisor o employer sa lalong madaling panahon at magpagamot sa lalong madaling panahon. Dapat makatwirang pagsikapan ng iyong employer na magbigay ng access sa tagapagbigay ng serbisyo sa pangangalagang pangkalusugan (tulad ng isang doktor, nars, o pharmacist) sa pamamagitan ng, halimbawa:

Hindi nire-require ang iyong employer na magbayad para sa iyong transportasyon upang magpunta sa isang ospital, klinika, doktor, o iba pang serbisyo sa pangangalagang pangkalusugan. Tingnan ang seksyon na Pribadong health insurance para sa mga eksepsiyon ng mga seasonal agricultural worker.

May karapatan kang makipag-usap nang pribado sa isang tagapagbigay ng serbisyo sa pangangalagang pangkalusugan, nang wala ang iyong employer.

Kalusugan at kaligtasan sa trabaho

Hindi ka maaaring puwersahin ng iyong employer na gumawa ng trabaho na sa palagay mo ay delikado o peligroso. Hindi ka nila puwedeng tanggalin sa trabaho o hindi bayaran dahil sa iyong pagrereport tungkol sa delikado/hindi ligtas na kondisyon sa trabaho o tumanggi kang gawin ang delikado/hindi ligtas na trabaho. Dapat siyasatin ng iyong employer ang anumang peligro na nireport sa lugar ng trabaho.

May karapatan kang tumangging gawin ang trabaho hanggang magkasundo kayo ng iyong employer na:

Dapat gawin ng iyong employer ang sumusunod:

Karamihan sa lalawigan at teritoryo ay nag-aalok ng mga benepisyo para sa kompensasyon ng mga manggagawa (mga bayad para sa nawawalang suweldo) kapag nasugatan o nagkasakit ang mga manggagawa dahil sa kanilang trabaho.

Lugar ng trabaho na malaya mula sa pang-aabuso

Dapat makatwirang pagsikapan ng mga employer na magbigay ng isang lugar ng trabaho na malaya mula sa pang-aabuso. Ang iyong employer o ang sinumang kumikilos para sa kanya (halimbawa, ang iyong superbisor) ay hindi maaaring abusuhin ka sa pisikal, sekswal, sikolohikal, o pinansyal na paraan.

Kabilang sa pang-aabuso ang mga paghihiganti (mga parusa) tulad ng mga aksyon o pagbabanta na ide-demote, didisiplinahin, o idi-dismiss ka dahil inireport mo na hindi sumusunod ang iyong employer. Anumang pag-uugali ng pananakot, pagkontrol, o pag-isolate sa iyo ay maaaring pang-aabuso.

Ilang halimbawa ng pang-aabuso:

Upang ireport ang isang mapang-abusong sitwasyon, makipag-ugnayan sa kumpidensyal na tip line ng Service Canada sa 1-866-602-9448 o gamitin ang online reporting tool. Makakatulong sa iyo ang iyong consulate, isang organisasyong sumusuporta sa mga migranteng manggagawa, o sinumang pinagkakatiwalaan mo na gumawa ng report.

Bisitahin ang Paano magreport ng pang-aabuso sa mga pansamantalang dayuhang manggagawa para sa karagdagang impormasyon.

Kung kailangan mo ng agarang tulong, tumawag sa 9-1-1 o sa iyong lokal na pulisya.

Kung nawalan ka ng trabaho

Dapat magbigay ang iyong employer ng makatwirang abiso bago ka ma-lay off. Kung hindi nila gagawin iyon, baka kailangan ka nilang bayaran ng termination pay. Ang halaga ay nakabatay sa kung gaano ka na katagal nagtatrabaho at kung saang lalawigan o teritoryo ka nagtatrabaho. Tingnan ang seksyon na Pagrereport ng iba pang problema sa trabaho sa mga website ng pamantayan sa trabaho ng mga lalawigan at teritoryo.

Kung nawalan ka ng trabaho at hindi mo ito kasalanan, o kung umalis ka sa iyong trabaho dahil ikaw ay inaabuso, maaaring kwalipikado kang makatanggap ng mga benepisyo sa Employment Insurance (EI).

Para sa impormasyon tungkol sa EI, bisitahin ang page ng mga regular na benepisyo ng EI. Kung hindi mo ma-access ang mga serbisyo online, maaari kang makipag-ugnayan sa Service Canada Outreach Support Centre upang makatanggap ng tulong mula sa isang kinatawan ng Service Canada nang walang bayad sa 1-877-631-2657.

Pagpapalit ng mga employer

Maaari kang magpalit ng mga employer. Gayunpaman, ang work permit na nakapangalan sa isang partikular na employer ay nagbibigay-daan lamang sa iyo na magtrabaho para sa employer na nakasaad sa iyong work permit. Kailangan mong mag-apply para sa isang bagong work permit para makapagtrabaho sa ibang employer. Dapat din kumuha ang iyong bagong employer ng permiso mula sa Pamahalaan ng Canada upang i-hire ka bilang isang pansamantalang dayuhang manggagawa. Kailangan nilang magkaroon ng valid na LMIA.

Kung isa kang agricultural worker sa ilalim ng Seasonal Agricultural Worker Program (SAWP), maaaring makapagpalit ka ng mga employer nang hindi kumukuha ng isang panibagong work permit. Para malaman kung isa kang SAWP worker, tingnan ang iyong work permit: ang mga salitang "Inaprubahang MEX/CCSAWP na employer lamang" na nakasulat sa ibabang bahagi ng pangungusap. Tingnan ang iyong pinirmahang kontrata sa trabaho upang malaman kung paano makukumpleto ang iyong paglilipat sa pagitan ng mga employer sa ilalim ng SAWP.

Kung nagpalit ka ng trabaho nang hindi sinusunod ang mga hakbang sa itaas, maaaring nagtratrabaho ka nang walang awtorisasyon. Basahin nang mabuti ang iyong work permit. Inilalahad nito ang lahat ng kondisyon para sa pagtatrabaho sa Canada. Kung hindi mo matutugunan ang mga kondisyon, maaari kang paalisin sa Canada.

Maaari mong gamitin ang Government of Canada Job Bank para maghanap ng mga trabaho mula sa mga Canadian employer na nais mag-hire ng mga pansamantalang dayuhang manggagawa. Nakasaad sa job posting kung ang employer ay nag-apply na o nakatanggap na ng positibong LMIA. Kailangan ito ng employer upang makapag-hire ng isang pansamantalang dayuhang manggagawa.

Mga karapatan sa pabahay

Mga manggagawa sa ilalim ng SAWP

Kung nagtatrabaho ka sa ilalim ng SAWP, dapat kang bigyan ng iyong employer ng sapat at angkop na pabahay nang walang kang babayaran (maliban sa British Columbia kung saan maaaring kaltasan ng mga employer ang iyong suweldo para sa mga tirahan). Lahat ng kaltas sa suweldo ay dapat nakalista sa pinirmahang kontrata sa trabaho para sa Mexico o Caribbean.

Mga manggagawa sa agricultural stream sa ilalim ng primary agriculture

Kung isa kang manggagawang na-hire sa ilalim ng agricultural stream, dapat kang bigyan ng iyong employer ng sapat, angkop, at abot-kayang on-farm o off-site na pabahay. Maaaring magkaltas ang iyong employer ng hanggang $30.00 bawat linggo. Para sa mga partikular na uri ng posisyon, maaari silang magkaltas ng hanggang 30% ng iyong kabuuang buwanang kita para sa off-farm na pabahay. Kasama sa kinakaltas na ito ang perang ibinabawas sa iyong suweldo para sa upa at anumang bayad sa kuryente, fuel, tubig, at iba pang serbisyo na ibinibigay ng lokal na pamahalaan.

Mga manggagawa sa posisyong pang-agrikultura na may mababang suweldo sa ilalim ng primary agriculture

Kung isa kang manggagawa sa isang posisyong pang-agrikultura na may mababang sahod, dapat tiyakin ng iyong employer na may angkop at abot-kayang pabahay na available o mailalaan sa iyo. Kung ang iyong employer ang nagbibigay sa iyo ng pabahay, maaari nilang ikaltas ang pera mula sa iyong suweldo para sa upa at anumang bayad sa kuryente, fuel, tubig, at iba pang serbisyo ng lokal na pamahalaan. Ang kaltas na ito ay dapat mas mababa sa 30% ng iyong kabuuang buwanang kita.

Mga manggagawa sa posisyong pang-agrikultura na may mataas na suweldo sa ilalim ng primary agriculture

Kung isa kang manggagawa sa isang posisyong pang-agrikultura na may mataas na suweldo, maaari kayong magkasundo ng iyong employer sa mga arrangement na pareho ninyong napagkasunduan.

Sapat na pabahay

Ang lugar kung saan ka nakatira ay dapat sumunod sa mga batas ng lalawigan/teritoryo at munisipalidad, kabilang ang:

Kung may problema sa iyong pabahay, kausapin ang iyong employer. Kung patuloy ang problema, tawagan ang kumpidensiyal na tip line ng Service Canada sa 1-866-602-9448 o gamitin ang online reporting tool.

Paano makakuha/humingi ng tulong

Pagrereport ng pang-aabuso

Kung nilalabag ng iyong employer ang mga patakaran ng Programa ng TFW, o inaabuso ka o ang isang taong kilala mo, dapat mo itong ireport.

Tawagan ang tip line ng Service Canada sa 1-866-602-9448.

Maaari mo ring ireport ang pang-aabuso sa Service Canada gamit ang online reporting tool. Para sa mga halimbawa ng sitwasyong dapat mong ireport, tingnan ang Kailan tatawag sa tip line.

Alamin kung paano ireport ang pang-aabuso sa mga pansamantalang dayuhang manggagawa.

Pagpapalit ng trabaho dahil sa pang-aabuso o dahil may panganib ng pang-aabuso

Kung ikaw ay inaabuso o nanganganib na maabuso, maaari kang maging kwalipikado na mag-apply para sa isang open work permit para sa mga vulnerable worker. Ang work permit na ito ay nagbibigay sa iyo ng pagkakataong makaalis sa sitwasyon ng pang-aabuso sa pamamagitan ng pagpapahintulot sa iyo na magtrabaho para sa halos sinumang employer sa Canada. Hindi kailangan ng iyong bagong employer ng LMIA sa tagal ng work permit na ito.

Paghingi ng tulong mula sa mga support organization ng mga migranteng manggagawa

Pagrereport ng problema sa kalusugan o kaligtasan sa lugar ng trabaho

Makipag-ugnayan sa tanggapan ng kalusugan at kaligtasan sa lugar ng trabaho ng iyong lalawigan o teritoryo kung:

Mga tanggapan ng kalusugan at kaligtasan sa lugar ng trabaho ng lalawigan at teritoryo:

Pagreport ng ibang mga problema sa trabaho

Kung sa palagay mo'y hindi ka nababayaran nang tama, hindi makatarungan ang pagtrato sa iyo, o hindi nirerespeto ng iyong employer ang iyong kasunduan sa trabaho, makipag-ugnayan sa tanggapan ng mga pamantayan sa trabaho ng iyong lalawigan o teritoryo:

Mga empleyadong nagtatrabaho sa isang sektor na kinokontrol ng pederal

Ang karamihan sa mga industriya sa Canada ay kinokontrol ng mga pamahalaang panlalawigan o panteritoryo, pero may ilan na kinokontrol ng pederal na pamahalaan. Kung ang iyong lugar ng trabaho ay pederal na kinokontrol, maaari kang maghain ng reklamo online o tumawag sa 1-800-641-4049. Maaari mong tingnan ang listahan ng mga industriya at lugar ng trabahong pederal na kinokontrol.

Pagrereport ng problema sa isang consultant sa imigrasyon

Hindi mo kailangang mag-hire ng immigration consultant sa Canada. Nasa iyo ang pagpapasyang ito. Lahat ng form at tagubilin na kailangan mo upang mag-apply para sa visa, permit, o pagkamamamayan ay available online nang libre.

Gayunpaman, kung pipiliin mong magbayad sa isang immigration consultant, tiyakin muna kung awtorisado sila. Ilegal para sa sinuman na pagbayarin ka o humingi sa iyo ng anumang kapalit para sa payo tungkol sa imigrasyon sa Canada kung wala silang lisensya mula sa College of Immigration and Citizenship Consultants (CICC), isang Canadian law society, o sa Chambre des notaires du Québec.

Kung mayroon kang mga alalahanin tungkol sa iyong immigration consultant, maaari kang maghain ng reklamo.

Proteksyon at tulong para sa mga biktima ng human trafficking at labour trafficking

Kabilang sa human trafficking ang pagre-recruit, pag-transport, pagtatago ng isang tao, at/o pagkontrol, pamamahala, o pag-impluwensya sa mga paggalaw ng isang tao upang siya ay pagsamantalahan, karaniwan sa pamamagitan ng sekswal na pananamantala o sapilitang pagtatrabaho.

Kung isa kang biktima ng human trafficking, kabilang ang labour trafficking, o naghihinala ka o may nalalaman kang aktibidad ng human trafficking, tumawag sa:

Page details

2026-09-23