About the Canadian Rangers | Denesuline
Ɂedırı Rangers denexal dene ts’eranı̨ beghą yatı ɂeją
T’ą Rangers denexal dene ts’eranı̨ k’ı ɂedırı hats’edı
T’ą dene Rangers denexal dene ts’eranı̨ k’ı́ ɂedırı t’a Denexal dene ts’eranı̨ sı dene nadarełya yets’eranı̨ ha, t’ok’e dene łąhıle sı ts’ęn nadé, tthenę, chu tu chogh tąmbąghe naré Canada nask’athe. T’a k’enadé hadé, tthenę ɂası hodoghełnı̨ Canada Denexal dene ts’eranı̨ ha t’ok’e dene naradé sı Canada naré. Rangers denexal dene ts’eranı̨ ɂedırı ha benerıltł’ıs sı ɂı̨ła nenę k’asjenę 12 dzı̨ne ts’ęn chu yası́ bets’ęn nanı̨ t’oho CAF yı̨łɂa dé.
Ku ɂedłąghe hats’édı ɂá Rangers denexal dene ts’eranı̨ k’ı́?
Rangers denexal dene ts’eranı̨ k’ı are Canada nąne hoɂa Denexal dene t’oho losı bet’orɂa de ha nodorełɂı̨h. T’oho hodoneltęn k’enadé dé ɂełk’esı nodorełɂı̨h hel dene hel ɂesonodher dé dene ts’eranı̨ huto sı̨łta haja tth’ı́ hu. Ku t’oho CAF ɂası k’enadé de, ɂedırı ɂeładųne sı, Rangers denexal dene ts’eranı̨ ɂedı̨nı̨ tthenę bets’ı̨ k’oldé narałtsı, Canadian Ranger sergeants hulyé. K’asjenę 5,000 Rangers denexal dene ts’eranı̨ ha nadarełya sı 200 ɂełk’ech’a hayorı̨la naradé hel 26 ɂełk’ech’a beyatıe hųlı̨ sı.
Note on Alternate Languages
In a concerted effort by the Ombudsman’s office to better reach out to the needs of our constituents, the information can be found in the following languages:
Ku ɂedłók’e naradé ɂá?
T’a Rangers denexal dene ts’eranı̨ ɂeła nadarełya k’ı́ sǫlaghe ts’ęn hųlı̨ sı Canadian Ranger T’a ɂeła nadarełya ɂeła nadarełya (CRPGs). Horelyų ɂedırı CRPG k’ı tthenę bets’ı̨ t’ok’e k’oldé ba hoɂą chu dene yets’eranı̨ hodoneltęn chu dene yel ɂası hereldęn ha chu Dene godhé Rangers denexal dene ts’eranı̨ t’ok’e naradé sı bel, tthenę chu tu chogh tąmbąghe Canada nask’athe, Kulı Nova Scotia, Prince Edward Island chu New Brunswick ɂeyer hųlı̨lé. Ɂałų beghą yatı horı̨lɂı̨h de t’a sǫlaghe Canadian Ranger t’a ɂeła nadarełya hųlı̨ sı chu t’ąt’u Rangers denexal dene ts’eranı̨ Canada hodoghełnı̨ ha nadarełya beghą ɂeją yatı hųlı̨ Rangers denexal dene ts’eranı̨ tsątsąne benı̨ hųlı̨ k’é.
- 1stCanadian Ranger T’a ɂeła nadarełya k’ı́ Nunavut Territory, Yukon Territory, Northwest Territories chu Atlin, British Columbia ts’ęn hoɂą. T’ok’e bets’ı̨ ɂerıhtł’ıs kuę nedhe hoɂą hadé Yellowknife, Northwest Territories sı.
- 2ndCanadian Ranger T’a ɂeła nadarełya hadé Quebec tthı̨sı̨ ts’ęn, James Bay, chu Lower North Shore tąmbąghé ts’ęn. Ku ɂedırı t’ą yeba k’oldé hadé 2nd Canadian Division chu Ɂeła dene dełtth’ı́ ts’ęn (Yuɂąne ts’ęn).
- 3rdCanadian Ranger T’a ɂeła nadarełya ku ɂedırı hadé Ontario tthı̨sı ts’ęn. ku t’ą yeba k’oldé hadé 4th Canadian Division ts’ęn sı.
- 4thCanadian Ranger T’a ɂeła nadarełya British Columbia, Alberta, Saskatchewan, chu Manitoba hobası ha hoɂą. T’ą yeba k’oldé hadé Victoria, British Columbia ts’ęn hoɂą.
- 5thCanadian Ranger T’a ɂeła nadarełya Newfoundland chu Labrador bebası. Ku t’ok’e yeba k’oldé hadé Gander, Newfoundland chu Labrador hoɂąsı.
Canadian Ranger T’a ɂeła nadarełya
Yatı ɂeją detł’ıs
1 CRPG : 61 t’a ɂeła nadarełya, 1483 Rangers
2 CRPG: 31 t’a ɂeła nadarełya, 697 Rangers
3 CRPG: 26 t’a ɂeła nadarełya, 644 Rangers
4 CRPG: 49 t’a ɂeła nadarełya, 913 Rangers
5 CRPG: 34 t’a ɂeła nadarełya, 1104 Rangers
Yatı ɂeją: T’ą ɂedırı yudaghe beghą detł’ıs k’ı́ 2024 k’e hots’ı̨ hılchu.
| Ts’ekuı | Deneyu | |
|---|---|---|
| Gender | 1,127 | 3,714 |
Ku ɂedłaghe chu ɂası k’enadé ɂá Rangers denexal dene ts’eranı̨ t’oho ɂası k’enadé de?
Ku ɂedırı ląt’e ɂası k’enadé sı t’oho helɂa de t’a ɂeją Rangers denexal dene ts’eranı̨ daıyełtsı k’ı́:
- Rangers denexal dene ts’eranı̨ t’ok’e benaré nı̨h hodoghełnı̨ k’enadé hel t’oho benare ɂası ɂedų dagheɂı̨h de chu ɂası ɂełtth’ıle hoɂą dagheɂı̨h de t’a Denexal dene yeghą ɂası k’odorelyą dąlı̨ ha.
- Rangers denexal dene ts’eranı̨ nadaneta chu CAF ts’eranı̨ t’oho ɂası k’enadé hel ɂeyer benaré t’a hoɂą dąlı̨ bası yets’eranı̨ horelyų ɂeyı bası (i.e. yatı chu begharé ɂası hołe ghą) huto dene hel nadaneta chu dene hulé hulɂą de yeka del.
- Rangers denexal dene ts’eranı̨ CAF ha nadarełya t’ok’e naradé naré dene hodonełtęn hu, dene godhe tth’ı́ hel ɂası dałtsı ɂedırı Dene Godhé denexal dene ts’eranı̨ t’a hoɂą sı bası.
Beghą horúsker nı̨dhęn de, t’ą nenaré huto ɂeją nųłɂı̨h Rangers denexal dene ts’eranı̨ t’a dałtsı chu t’ąt’u Ɂası K’enadé ghą tsątsąne benı̨ hųlı̨ k’e chu Ɂası bek’edı t’a begharé chu T’ąt’u hołé bası 2020-2 – Rangers denexal dene ts’eranı̨ beghą tsątsąne benı̨ hųlı̨ k’é.
Ku Rangers denexal dene ts’eranı̨ begharúsa nı̨dhęn de?
T’ok’e naı̨dher gá t’ą Canadian Ranger T’a ɂeła nadarełya (CRP) beghą nǫ́ya t’ąt’u Canadian Ranger wasłé nı̨dhęn de. T’a nenaré ɂedırı CRP hots’ı̨ nel kodı́ ha dene xa hoɂą de bel thı̨yı̨ horı̨lɂı̨h de.
Ku neba hoɂąhılé de t’ą dene CRP hel nadarełya beghą naı̨gha ha, t’ok’e ɂeyı ha k’oldé bets’ęn yatı nı̨ɂa horı̨lɂı̨h de neba hoɂą Canadian Ranger t’a ɂeła nadarełya Group (CRPG) Bets’ı̨ K’oldé ts’ęn. T’ok’e sǫlaghe ɂełk’ech’a ha k’oldé CRPG bets’ı̨ hųlı̨ sı ɂeją neba thela sı Ɂedłok’e t’a daholá ɂá? ɂeją. Ku ɂałų beghą yatı horı̨lɂı̨h de ɂejąsı Rangers denexal dene ts’eranı̨ ɂeją.
Ku ɂałų Rangers denexal dene ts’eranı̨ beghą ɂası nanóta nı̨dhęn dé ɂedłok’e ɂá?
Ɂeją ɂełk’ech’a tsątsąne benı̨ hųlı̨ k’e nųłɂı̨h la:
- T’a Rangers denexal dene ts’eranı̨ bek’e yatı horelyų beghą thela ɂeją.
- Rangers denexal dene ts’eranı̨ – Dene honeltęn
- Rangers denexal dene ts’eranı̨ – Hozelker
- Reserve Force dene – t’ąt’u bets’ęn nanı̨