About the Canadian Rangers | Inuktitut
ᑲᓇᑕᒥ ᐅᓇᑕᖅᑐᒃᓴᒃᑯᑦ ᒥᒃᓵᓄᑦ
ᑲᓇᑕᒥ ᐅᓇᑕᖅᑐᒃᓴᒃᑯᑦ
ᑖᒃᑯᐊ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓗᓕᕆᔭᐅᒃᑯᓐᓂᐅᔭᖅᑐᑦ ᑲᓇᑕᒥ ᐅᓇᑕᖅᑐᒃᓴᓄᑦ ᓄᓇᖃᖅᑐᓂ ᐃᖅᑲᓇᐃᔭᖅᐸᒃᖢᑎᒡᓗ ᐅᖓᓯᒃᑐᓂ, ᐅᖓᓯᒃᑑᑎᓂ, ᓯᔮᒥ ᓄᓇᓂ ᐊᕕᒃᑐᖅᓯᒪᔪᓂ ᑲᓇᑕᒥ. ᐊᖏᔫᑕᐅᓗᐊᙱᑦᑐᓂᒃ-ᐱᖁᑎᖃᖅᑎᑦᑎᔪᑦ, ᓇᖕᒥᓂᖅᓱᖅᑐᑦ ᓅᑦᑐᓐᓇᖅᖢᑎᒃ ᐅᓇᑕᖅᑐᒃᓴᑦ ᐃᑲᔪᖅᑕᐅᖁᓪᓗᒋᑦ ᑲᓇᑕᒥ ᐅᓇᑕᖅᑐᒃᓴᑦ ᑲᓇᑕᓗᒃᑖᒥ ᖃᓄᐃᓪᓕᔾᔭᐃᖅᑕᐅᓯᒪᓂᕐᒧᑦ ᐊᒻᒪ ᐃᓄᓕᒫᓂᒃ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᕐᒧᑦ ᐊᐅᓚᓂᕐᓂ ᑲᓇᑕᒥ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᖅᑲᓇᐃᔭᓲᖅ 12-ᓄᑦ ᐅᓪᓗᓅᒐᔪᒃᑐᖅ ᐊᕐᕌᒍᑕᒫᑦ ᐊᒻᒪ ᐊᑭᓕᖅᓱᖅᑕᐅᒃᑲᓐᓂᖅᐸᒃᖢᑎᒃ ᖃᓄᑐᐃᓐᓇᖅ ᐱᓕᕆᓂᓪᓚᑦᑖᖏᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑎᓕᔭᐅᓯᒪᔾᔪᑎᖏᓐᓂᒃ.
ᑭᒃᑰᕙᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ?
ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᓇᑕᒥ ᐅᓇᑕᖅᑐᒃᓴᓄᑦ ᐃᓚᒋᔭᐅᔪᑦ ᐱᕙᒌᔭᖅᓯᒪᐃᓐᓇᐅᔭᖅᑐᑦ ᐱᔨᑦᑎᕋᕐᓂᕐᒧᑦ. ᐃᖅᑲᓇᐃᔭᓲᑦ ᐃᓕᓐᓂᐊᖅᑎᓪᓗᒋᑦ ᐅᕝᕙᓘᓐᓃᑦ ᐃᖅᑲᓇᐃᔭᕆᐊᖁᔭᐅᔭᕌᖓᑕ ᑐᐊᕕᕐᓇᖅᑐᖃᖅᑎᓪᓗᒍ ᓄᓇᖓᓂᓪᓘᓐᓃᑦ ᐊᐅᓚᓂᖅᑕᖃᖅᑎᓪᓗᒍ. ᑖᒃᑯᑎᑐᓇᐅᙱᑦᑐᖅ ᑲᓇᑕᒥ ᐅᓇᑕᖅᑐᒃᓴᒃᑯᑎᑐᑦ ᐱᔪᒥᓴᐃᓂᕐᒧᑦ ᐱᐅᓯᐅᕙᒃᑐᑦ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᓂᕈᐊᓲᑦ ᓇᐅᑦᑐᖅᓱᕐᓂᕐᒧᑦ ᓯᕗᓕᖅᑎᒃᓴᖏᓐᓂᒃ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᖓᓱᓕᖁᑎᖓᑦ. 5,000-ᐸᓗᖕᓂᒃ ᑲᓇᑕᒥ ᐅᓇᑕᖅᑐᒃᓴᖅᑕᓕᒃ ᓄᓇᖃᖅᑐᓂ ᐅᖓᑖᓂ 200 ᓄᓇᓖᑦ ᐅᖃᓪᓚᓲᑦ 26 ᐊᔾᔨᒌᙱᑦᑐᓂᒃ ᐅᖃᐅᓯᕐᓂᒃ ᐅᖃᐅᓯᖅᑕᕐᓂᒡᓗ.
Note on Alternate Languages
In a concerted effort by the Ombudsman’s office to better reach out to the needs of our constituents, the information can be found in the following languages:
ᓇᒥ ᓄᓇᖃᖅᐸᑦ?
ᑖᒃᑯᐊ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᕕᒃᑐᖅᓯᒪᔪᑦ ᑕᓪᓕᒪᓄᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓄᑦ (CRPG). ᐊᑐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᓇᖕᒥᓂᖅ ᐊᖓᔪᖅᑳᖃᕐᕕᓖᑦ ᐃᖅᑲᓇᐃᔭᖅᑎᖃᖅᖢᑎᒡᓗ ᑲᒪᒋᔭᓕᖕᓂᒃ ᐃᓕᓐᓂᐊᕐᓂᕐᓂᒃ ᐱᔭᕆᐅᖅᓴᑎᑕᐅᓂᖏᓐᓄᓪᓗ ᐅᓇᑕᖅᑐᒃᓴᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕋᓛᑦ ᐅᖓᓯᒃᑐᓂ, ᐅᖓᓯᒃᑑᑎᓂ, ᓯᔮᒥ ᓄᓇᓂ ᐊᕕᒃᑐᖅᓯᒪᔪᓂ ᑲᓇᑕᒥ, ᑭᑭᑕᐅᓯᒪᓪᓗᓂ ᓅᕙ ᔅᑰᓴ, ᐳᕆᓐᔅ ᐃᐊᑦᕗᑦ ᐊᐃᓚᓐ ᐊᒻᒪ ᓂᐅ ᐳᕌᔅᕗᐃᒃ. ᖃᐅᔨᒃᑲᓐᓂᕈᓴᒍᕕᑦ ᑕᓪᓕᒪᓂᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᖏᓐᓂᒃ ᐊᒻᒪ ᖃᓄᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓴᐳᔾᔨᓯᒪᕙᖕᒪᖔᑕ ᑲᓇᑕᒥ ᑕᐃᑲᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᖓᒍᑦ ᑎᑎᕋᕐᕕᒋᕙᒃᑕᖓᒍᑦ.
- ᓯᕗᓪᓕᖅᐹᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᐊᕙᓗᓯᓯᒪᔪᑦ ᓄᓇᕗᒻᒥ, ᔫᑳᓐᒥ, ᓄᓇᑦᓯᐊᒥ ᐊᒻᒪ ᐊᑦᓕᓐ, ᐳᕆᑎᔅ ᑲᓚᒻᐱᐊᒥ. ᐊᖓᔪᖅᑳᖃᕐᕕᖓᑦ ᔭᓗᓇᐃᕝᒦᑦᑐᖅ, ᓄᓇᑦᓯᐊᒥ.
- ᑭᖑᓪᓖᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᑲᒪᒋᔭᖃᖅᑐᑦ ᓄᓇᖓᓂ ᐅᐊᖕᓇᖓᓂ ᑯᐸᐃᒃ, ᔭᐃᒻᔅ ᐸᐃᒥ, ᐊᒻᒪ ᓂᒋᖅᐸᓯᖕᓃᓐᓂᖅᓴᓂ ᐅᐊᖕᓇᖓᑕ ᓯᒡᔭᖏᓐᓂ. ᑖᒃᑯᐊ ᑲᑐᔾᔨᖃᑎᖐᑦ ᐊᖓᔪᖅᑳᖃᖅᑐᑦ ᑭᖑᓪᓖᑦ ᑲᓇᑕᒥ ᓴᓇᕝᕕᐅᔪᖅ ᐊᒻᒪ ᑲᑐᔾᔨᖃᑎᒌᓄᑦ (ᑲᓇᖕᓇᖅ).
- ᐱᖓᔪᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᐅᖓᓯᒃᑐᒥ ᓯᒡᔭᖏᓐᓄ ᐊᒻᒪ ᓄᓇᐃᓐᓇᕐᒥ ᓄᓇᓂ ᐊᕕᒃᑐᖅᓯᒪᔪᓂ ᐅᐊᖕᓇᖓᓂ ᐋᓐᑎᐅᕆᐆᑉ. ᐊᖓᔪᖅᑳᖃᕐᕕᖓᑦ ᑖᒃᑯᐊ ᑎᓴᒪᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓂᑦ ᓴᓇᕝᕕᐅᔪᖅ.
- ᑎᓴᒪᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᐱᕆᑎᔅ ᑲᓚᒻᐱᐊ, ᐃᐅᐴᑕ, ᓴᔅᑳᔾᔪᐊᓐ, ᐊᒻᒪᓗ ᒫᓂᑑᐸ. ᑖᒃᑯᐊ ᑲᑎᙵᔪᑦ ᐊᖓᔪᖅᑳᖃᕐᕕᖓᑦ ᕕᒃᑑᕆᐊ, ᐳᕆᑎᔅ ᑲᓚᒻᐱᐊᒦᑦᑐᖅ.
- ᑕᓪᓕᒪᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᐊᕙᓗᓯᒪᔪᖅ ᓂᐅᕗᓐᓛᓐ ᐊᒻᒪ ᓛᐸᑐᐊᒥ. ᐊᖓᔪᖅᑳᖃᕐᕕᖓᑦ ᖔᓐᑐ, ᓂᐅᕗᓐᓛᓐ ᐊᒻᒪ ᓛᐸᑐᐊᒥ.
ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ
ᑎᑎᕋᖅᓯᒪᓂᖏᑦ
1 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ: 61 ᓇᐅᑦᑎᖅᓱᕐᓃᑦ, 1483 ᐅᓇᑕᖅᑐᒃᓴᑦ
2 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ: 31 ᓇᐅᑦᑎᖅᓱᕐᓃᑦ, 697 ᐅᓇᑕᖅᑐᒃᓴᑦ
3 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ: 26 ᓇᐅᑦᑎᖅᓱᕐᓃᑦ, 644 ᐅᓇᑕᖅᑐᒃᓴᑦ
4 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ: 49 ᓇᐅᑦᑎᖅᓱᕐᓃᑦ, 913 ᐅᓇᑕᖅᑐᒃᓴᑦ
5 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ: 34 ᓇᐅᑦᑎᖅᓱᕐᓃᑦ, 1104 ᐅᓇᑕᖅᑐᒃᓴᑦ
ᖃᐅᔨᒪᒋᑦ: ᑕᒪᒃᑯᓄᖓ ᐃᓄᐃᑦ ᖃᓄᐃᑉᐸᓪᓕᐊᓂᖏᑕ ᒥᒃᓵᓄᑦ ᑐᑭᓯᒋᐊᕈᑎᑦ ᑕᑯᔭᐅᔪᑦ ᖁᓛᓂ ᐅᑭᐊᒃᓵᖓᓂ 2024‑ᓂᓴᐃᑦ.
| ᐊᕐᓇᐃᑦ | ᐊᖑᑏᑦ | |
|---|---|---|
| Gender | 1,127 | 3,714 |
ᑭᓱᓕᕆᓲᖑᕙᑦ ᐊᐅᓚᓂᕐᓂᓗ ᑭᓱᓂᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓚᐅᓲᖑᕙᑦ?
ᐅᕝᕙᐅᑯᐊ ᐃᓚᖏᑦ ᐊᔾᔨᐅᔪᑦ ᑎᓕᔭᐅᔾᔪᑎᒋᕙᒃᑕᖏᓐᓄᑦ ᐱᓕᕆᓃᑦ ᑖᒃᑯᐊ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᓲᖏᑦ:
- ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᐊᖃᓲᑦ ᐃᑲᔪᖅᑐᐃᕙᒃᖢᑎᒡᓗ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᔾᔪᑎᑦ ᓲᕐᓗ ᐅᖃᐅᓯᕆᓪᓗᒋᑦ ᑲᖐᓇᖅᑐᑦ ᐊᒻᒪ ᐅᔾᔨᐅᙱᑦᑐ ᐃᓕᕆᓃᑦ ᐊᒻᒪᓗᑦᑕᐅᖅ ᑲᑎᖅᓱᐃᓪᓗᑎᒃ ᓄᓇᓕᖕᓂ ᑐᓴᐅᒪᔾᔪᑎᓂᒃ ᐅᓇᑕᖅᑐᒃᓴᓂᒃ ᐱᕐᔪᐊᖑᒋᔭᐅᔪᓂᒃ.
- ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᐊᖃᓲᑦ ᐃᑲᔪᖅᐸᒃᖢᑎᒡᓗ ᑲᓇᑕᒥ ᐅᓇᑕᖅᑐᒃᓴᓂ ᑲᓇᑕᒦᑦᑐᓂᒃ ᐊᐅᓚᓂᕐᓂᒃ ᓲᕐᓗ ᐊᑐᐃᓐᓇᐅᑎᑦᑎᓪᓗᑎᒃ ᓄᓇᓕᖕᓂ ᖃᐅᔨᒪᓂᐅᔪᒥᒃ ᖃᐅᔨᒪᔨᑕᓪᓚᕆᐅᓂᕐᒥᓪᓗ (ᓲᕐᓗ ᐅᖃᐅᔾᔨᒋᐊᕆᓂᖅ ᖃᐅᔨᒪᔨᑕᐅᓂᕐᓗ) ᐃᓚᐅᓪᓗᑎᒡᓘᓐᓃᑦ ᐱᖏᖕᓇᖅᑐᓕᕆᓂᕐᒧᑦ ᐊᐅᓚᓂᐅᔪᓂᒃ.
- ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᖅᑭᐅᒪᑎᑦᑎᓲᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑕᑯᒃᓴᐅᓂᖏᓐᓂᒃ ᓄᓇᓕᖕᓂ ᐊᑐᖅᖢᑎᒃ ᐃᓕᓐᓂᐊᑎᑦᑎᓂᕐᒥᒃ, ᐱᔭᕆᐅᖅᓴᑎᑦᑎᓂᕐᒥᒃ, ᑲᒪᒋᔭᖃᕐᓂᕐᒥᓪᓗ ᒪᒃᑯᒃᑐᓂ ᑕᒪᒃᑯᓇᓂ ᑲᓇᑕᒥ ᐅᓇᑕᖅᑐᒃᓴᕋᓛᓄᑦ ᐱᓕᕆᐊᓂᒃ.
ᑐᑭᓯᒋᐊᒃᑯᓐᓂᕈᒪᒍᕕᑦ, ᑐᓴᕋᓱᐊᕐᕕᒋᓗᒋᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᐊᒃᓴᖏᑦ ᐊᐅᓚᓂᖏᓐᓄᓪᓗ ᖃᕆᓴᐅᔭᒃᑯᑦ ᐃᑭᐊᖅᑭᕕᖓᒍᑦ ᑎᑎᕋᖅᓯᕕᐊᓂ ᐊᒻᒪ ᑖᒃᑯᐊ ᓴᐳᓐᓂᐊᖅᑎᒃᑯᑦ ᐊᒡᓚᕝᕕᓕᕆᔾᔪᑎᓄᑦ ᑎᓕᓯᔾᔪᑎᖏᑦ ᑐᑭᒧᐊᒍᑎᖏᓪᓗ 2020-2 – ᑲᓇᑕᒥ ᐅᓇᑕᖅᑐᒃᓴᑯᑦ.
ᕿᓂᖅᐲᑦ ᑐᓴᐅᒪᔾᔪᑎᓂᒃ ᐃᓚᐅᔪᒪᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓂᑦ?
ᐅᖃᖃᑎᒋᓗᒋᑦ ᓄᓇᔅᓯᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ (CRP) ᖃᐅᔨᒃᑲᓐᓂᕈᒪᒍᕕᑦ ᖃᓄᖅ ᐃᓚᒋᔭᐅᓕᕈᓐᓇᕐᒪᖔᖅ ᐃᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ. ᓄᓇᔅᓯᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑐᑭᓯᑎᑦᑎᔪᓐᓇᕐᒥᔪᑦ ᖃᓄᑐᐃᓐᓇᖅ ᐊᑐᐃᓐᓇᐅᔪᓂᒃ ᐃᖅᑲᓇᐃᔮᒃᓴᓂᒃ.
ᐅᖃᖃᑎᒋᔪᓐᓇᙱᒃᑯᕕᒋᑦ ᓄᓇᔅᓯᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ, ᐅᖃᖃᑎᒋᔪᓐᓇᖅᑕᑎᑦ ᓄᓇᓂ ᐊᕕᒃᑐᖅᓯᒪᔪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ (CRPG) ᐊᖓᔪᖅᑳᖃᕐᕕᖓᑦ. ᑐᓴᐅᒪᔾᔪᑎᒃᑲᓐᓂᕐᓄᑦ ᐊᑐᓂ ᑕᓪᓕᒪᓄᑦ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓄᑦ ᑕᑯᔭᐅᔪᓐᓇᖅᑐᑦ ᐅᑯᓇᓂ ᖃᕆᓴᐅᔭᒃᑯᑦ ᐃᑭᐊᖅᑭᕕᖕᓄᑦ ᑐᕌᕈᑎᓂ ᑎᑎᕋᖅᓯᒪᔪᓂ ᓇᓃᑉᐸᑦ? ᑎᑎᕋᖅᓯᒪᔪᓂ. ᖃᐃᔨᒃᑲᓐᓂᕈᓐᓇᖅᐳᑎᑦ ᖃᕆᓴᐅᔭᒃᑯᑦ ᑕᑯᔭᖅᑐᕐᓗᒍ ᑲᓇᑕᒥ ᐅᓇᑕᖅᑐᒃᓴᒃᑯᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᖓᒍᑦ.
ᕿᓂᖅᐲᑦ ᑐᓴᐅᒪᔾᔪᑎᒃᑲᓐᓂᕐᓂᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᒥᒃᓵᓄᑦ?
ᖃᐃᔨᒃᑲᓐᓂᕈᓐᓇᖅᐳᑎᑦ ᑕᑯᔭᖅᑐᕐᓗᒋᑦ ᐅᑯᐊ ᖃᕆᓴᐅᔭᒃᑯᑦ ᐃᑭᐊᖅᑯᕕᖕᓂ:
- ᑖᒃᑯᐊ ᑲᓇᑕᒥ ᐅᓇᑕᖅᑐᒃᓴᒃᑯᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᖓᑦ ᐊᑐᐃᓐᓇᐅᑎᑦᑎᔪᖅ ᑐᓴᐅᒪᔾᔪᑎᑐᐃᓐᓇᕐᓂᒃ.
- ᑲᓇᑕᒥ ᐅᓇᑕᖅᑐᒃᓴᒃᑯᑦ – ᐃᓕᓐᓂᐊᖅᑎᑕᐅᓂᖅ
- ᑲᓇᑕᒥ ᐅᓇᑕᖅᑐᒃᓴᒃᑯᑦ – ᐊᐱᖅᑯᑕᐅᖓᔪᒃᑐᑦ
- ᐅᓇᑕᖅᑐᒃᓴᙳᐊᓄᑦ ᐊᑭᓕᖅᑕᐅᓂᖅ ᒪᓕᒃᖢᒋᑦ ᖁᕝᕙᖅᐸᓪᓕᐊᓃᑦ – ᐊᑭᓕᖅᑕᐅᓂᕐᒧᑦ ᑐᓴᐅᒪᔾᔪᑏᑦ