About the Canadian Rangers | Ojibway
Owi gewe Gaanada Ekwaamjigejig
Gewe Gaanada Ekwaamjigejig
Gewe Gaanada Ekwaamjigejig aawiwog digoyaajig owi Canadian Zhimaaginishag Egiizhiitaagaabiwjig endaajig miinwaa enkiijig waasa-wekamig, bigodkamig, miinwaa jiigibiik akiin maampii Gaanada. Miigwenaa-aa bangii nikaaziwinan, onjike nakiimigag bibaayaajig awii aasgaabiwitamowaad Gaanada Zhimaagnishag gichi kiing gashkiiwaag miinwaa bemaadizijig waankiiwin nankiiwin biinji Gaanada. Gaanada Ekwaamjigejig nakiiwog megwaach gwa 12 giizhigadon ensa biboon miinwaa debinaanaa-aa aanke dibamaadiwin owi wegwen gwa gimaawin CAF nankiiwin.
Wenesh gewe Gaanada Ekwaamjigejig?
Gaanada Ekwaamjigejig aawiwog Gaanada Zhimaaginishag debendaagozijig gewe pane e’zhiitaajig awii nakiiwaad. Gewe nakiiwog apii gikinomaagaaziwaad maage ondowenjigaaziwaad apii gichi niizaanag maage endinakiing maanaaji zhiwebak nankiiwin. Gaawii owi gagwech CAF ombinigaaziwaad zhichigewinan, Gaanada Ekwaamjigejig nagimaa-aan ado okwiinowaagok naagaanzijig, Gaanada Ekwaamijiged ogimaawijig. Ayaawog megwaach gwa 5,000 Gaanada Ekwaamjigejig endaajig zhiwe woshme 200 odenwinan gaagidajig 26 bkaan iniwewinan miinwaa endinakiiwaad iniwewin.
Note on Alternate Languages
In a concerted effort by the Ombudsman’s office to better reach out to the needs of our constituents, the information can be found in the following languages:
Aapiish ayaawaad?
Owi Gaanada Ekwaamjigejig Wiijiiwewin daashkinigaaziwog owi naanon Gaanada Ekwaamjigejig Okwiinowaagok Maamowiyaajig (CRPGS). Ensa bezhig CRPG adaa-aan ado gimaa gamig miinwaa enkiitaaged nyaagidowendong gikinomaadiwin miinwaa gegiikimaawaad newen Ekwaamijigejig miinwaa Eshkiniigijig Gaanada Ekwaamjigejig zhiwe waasa-wekamig, bigodikamig, miinwaa jiigibiik odenwinan maziwe maampii Gaanada, owi gaawii goweta Nova Scotia, Prince Edward Island miinwaa New Brunswick. Nda gikendan woshme owi gewe naanon Gaanada Ekwaamjigejig Okwiinowaagok Maamowiyaajig miinwaa owi nikiiyaan Gaanada Ekwaamjigejig ginowendamowaad Gaanada odi Gaanada Ekwaamjigejig baakiiginigan.
- 1stGaanada Ekwaamjigejig Okwiinowaagok Maamowiyaajig giiwitaayaawog Nunavut Waasa Wekamig, Yukon Waasa Wekamig, Northwest Waasa Wekamigan, miinwaa Atlin, British Columbia. Ado Gimaa Gamig temigad odi Yellowknife, Northwest Territories.
- 2ndGaanada Ekwaamjigejig Okwiinowaagok Maamowiyaajig inaagidowendaanaa-aa owi aki Giiwedinong Quebec, James Bay, miinwaa owi Niisaawiingh Giiwedinong Jiigibiig. Maanda Maamowiyaajig wiindamaagewog owi 2nd Gaanada Daashkinigan miinwaa Maamowi Nakiiwin Enkiijig(Waabanong).
- 3rd Gaanada Ekwaamjigejig Okwiinowaagok Maamowiyaajig aagwanaan waasawekamig jiigibiig miinwaa nopiniming akiin odi Giiwedinong Ontario. Wiindamaagewog owi 4th Gaanada Daashkinigan.
- 4thGaanada Ekwaamjigejig Okwiinowaagok Maamowiyaajig aagwanaan British Columbia, Alberta, Sashkatchewan miinwaa Manitoba. Maanda Maamowiyaajig Gimaa Gamig temigad odi Victoria, British Columbia.
- 5thGaanada Ekwaamjigejig Okwiinowaagok Maamowiyaajig digosinon Newfoundland miinwaa Labrador. Owi gimaawin temigad odi Gander, Newfoundland miinwaa Labrador.
Gaanada Ekwaamjigejig Okwiinowaagok Maamowiyaajig
Zhibiigan ayaawong
1 CRPG: 61 okwiinowaagok, 1483 Ekwaamjigejig
2 CRPG: 31 okwiinowaagok, 697 Ekwaamjigejig
3 CRPG: 26 okwiinowaagok, 644 Ekwaamjigejig
4 CRPG: 49 okwiinowaagok, 913 Ekwaamjigejig
5 CRPG: 34 okwiinowaagok, 1104 Ekwaamjigejig
Wiindamagewin: Maanda ezhinaagwog gikendamowin etemigad maampii ishpimingh onjibaamigad dagwaagig 2024.
| Kwewog | Ninwog | |
|---|---|---|
| Gender | 1,127 | 3,714 |
Wenesh inaangizhewinan miinwaa bimibidechigewin gewe Gaanada Ekwaamjigejig wiidokaaziwaad zhiwe?
Ninda aanin gikinwaajiganan newen maanigaaziwaad inaangizhewinan gewe Gaanada Ekwaamjigejig zhitowaad:
- Gaanada Ekwaamjigejig doodamog miinwaa miigwenaa-aa aasgaabiwichigewin newen ogimaawiwin bimibidegin dibishko gonaa wiindamaagengh anaamendaagwog miinwaa giiwaaji dinakimigag miinwaa age maandonimowaad endinakiingh gikendamowin owi zhimaaginishiiwin gichi aawiwong.
- Gaanada Ekwaamjigejig doodamog miinwaa miigwewog naadmaagewin owi CAF endinakiing maanaaji zhiwebak nankiiwinan dibishko gonaa endinakiingh gikendamowin miinwaa nigajitowin (dibishko gonaa giikimigewin miinwaa zhinomaagewin) maage wiidokaaziwaad zhiwe dowaabmjigengh miinwaa zhaabwiichigewin nankiiwinan.
- Gaanada Ekwaamjigejig minjigonaanaa-aa owi CAF ayaawin zhiwe endinakiiwaad owi gikinomaagewin, gegiikimaagewin, miinwaa gimaakidowaad eshkiniigijig zhiwe Eshkiniigijig Gaanada Ekwaamjigejig Nankiiwin.
Onji woshme gikendamowin, ginowaabmdan ndo Gaanada Ekwaamjigejig Inaangizhewinan miinwaa Bamibidechigewinan baakiiginigewin miinwaa owi Ginwenjigewin Gimaawin Inakinigewinan miinwaa Gagaandinigewinan 2020-2 - Gaanada Ekwaamjigejig.
N’dowaabmdaman woshme gikendamowin owi wiijiiwewin owi Gaanada Ekwaamjigejig?
Giigidan owi gdo endinakiiyin Gaanada Ekwaamjigejig Okwiinowaagok Maamowiyaajig (CRP) awii gikendamon owi nikiiyaa a’gezhi ayaawin owa Gaanada Ekwaamjiged. Gdo endinakiiyin CRP age gdaa wiindamaag giishpin ayaamwaad gego etegin anokiwinan.
Giishpin gashkitosiwon awii ginonad gdo endinakiiyin CRP, gda ginonaa gdo kiins Gaanada Ekwaamjigejig Okwiinowaagok Maamowiyaajig (CRPG) gimaa gamig. Ezhi giigidang gikendamowin owi bebezhig newen naanon CRPGs adaa makigaademiag owi naagidowin dikobizowinan ezhibiigaadeg zhiwe Aapiish gewe enji Dinawaad? bakebiigan. Gikendan woshme owi zhaayin owi Gaanada Ekwaamjigejig Waasamo Asabi mazina-Igan.
Dowaabmdaman woshme gikendamowin owi Gaanada Ekwaamjigejig?
Gikendan woshme owi ginowaabmdaman ninda eni zhibiigaadeg waasamo-asabi mazina-iganan:
- Owi Gaanada Ekwaamjigejig waasamo asabi mazina-igan miigwemigad gagweji gikendamowin.
- Gaanada Ekwaamjigejig – Gikinomaagaaziwaad
- Gaanada Ekwaamjigejig – Wewiiba Gegwedwengh
- Gegiizhiitaagaabiwijig Dibamaadiwin Epiichigaabiwiwaad – Dibamaadiwin gikendamowin