Poser une question ou porter une plainte | inuktitut

ᐊᐱᕆᓗᑎᑦ ᐅᕝᕙᓘᓐᓃᑦ ᓈᒻᒪᒋᓐᖏᑕᕐᓂᒃ ᐅᖃᐅᓯᖃᕐᓗᑎᑦ

ᑕᐃᒪᓕ ᒪᓕᒐᓕᐅᖅᑎᐅᒍᕕᑦ ᐊᒻᒪᓗ ᐃᒃᐱᒍᓱᒡᓗᑎᑦ ᑲᓇᑕ ᐅᓇᑕᖅᑐᒃᓴᖏᓐᓂᒃ ᐅᕝᕙᓘᓐᓃᑦ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᓂᑦ ᐱᑦᑎᐊᖅᑕᐅᓯᒪᓐᖏᓪᓗᑎᑦ, ᐱᑐᐃᓐᓇᕆᐊᖃᓕᖅᓯᒪᔪᒍᑦ ᐃᓕᖕᓄᑦ ᐃᑲᔪᕐᓗᑕ. 

ᑲᔪᒋᖅᓴᐃᕗᒍᑦ ᐃᓕᖕᓂᒃ ᕿᒥᕐᕈᐊᕐᓗᒋᑦ ᐃᓕᓐᓂᐊᕈᑎᑦ ᑐᓴᐅᒪᔭᐅᔭᕆᐊᓕᖕᓂᒃ, ᐃᓚᒋᔭᐅᓪᓗᑎᒃ ᐃᑲᔫᑎᑦ ᐱᔭᕐᓂᓐᖏᑦᑐᓃᑦᑐᓄᑦ ᐊᒻᒪᓗ ᓈᒻᒪᒋᓐᖏᑕᓂᒃ ᐅᖃᕐᕕᒃᓴᑦ — ᓇᓂᔪᓐᓇᖅᑕᑎᑦ ᐃᑲᔫᑎᔪᑦ ᑐᓴᒐᒃᓴᐃᑦ ᐱᓕᕆᔪᑦ ᐅᖃᖅᓯᒪᔪᑦ ᐃᕝᕕᑦ ᐃᓱᒫᓘᑎᖏᓐᓂᒃ. ᐊᐱᖁᑎᒃᓴᖃᕈᕕᑦ ᐅᕝᕙᓘᓐᓃᑦ ᐃᑲᔪᖅᑕᐅᔪᒪᒍᕕᑦ, ᐅᖃᕐᕕᒋᔪᓐᓇᖅᑕᑦᑎᒍᑦ ᑕᒪᐅᓐᓇ ᓇᓕᐊᒃᑯᑐᐃᓐᓇᖅ ᓂᕈᐊᖅᓯᒪᔪᓐᓇᖅᑕᑎᒍᑦ ᑕᕝᕙᓂ ᒪᒃᐱᒐᕐᒥ.

ᐃᓱᓕᕝᕕᖃᖅᑐᑦ - ᐊᓯᖏᑦ ᐃᑲᔫᑎᑦ ᐱᔭᕐᓂᓐᖏᑦᑐᓃᑦᑐᓄᑦ ᐊᒻᒪᓗ ᓇᒻᒪᒋᓐᖏᑕᓂᒃ ᐅᖃᕐᕕᒃᓴᑦ

ᖃᐅᔨᒪᓂᐊᖅᐳᑎᑦ ᐅᑯᐊ ᐃᓱᓕᕕᒃᓴᖏᑦ ᐊᔾᔨᒌᓐᖏᑦᑐᑦ ᒪᓕᒃᖢᒋᑦ ᖃᓄᕆᑑᓂᖓ ᐊᒻᒪᓗ ᐱᔭᕐᓂᓐᖏᑦᑑᑕᐅᓂᖓ ᖃᓄᐃᓕᖓᓂᕆᔭᐃᑦ. ᐃᓚᖏᑦ ᓇᒻᒪᒋᓐᖏᑕᒥᖕᓂᒃ ᐅᖃᕐᕕᖃᕈᓐᓇᖅᑐᑦ, ᐃᖅᑲᑦᑐᐃᕕᓕᐊᕈᑎᒃᓴᑦ ᐱᓇᔪᒍᑎᑦ, ᐊᒻᒪᓗ ᒪᓕᒐᑦ ᕿᒥᕐᕈᐊᖅᑕᐅᓂᖏᑦ ᐃᓱᓕᕕᖃᐅᖅᑐᑦ. ᐅᖃᕐᕕᒋᓪᓗᒍ ᑎᑎᕋᕐᕕᒃᐳᑦ ᐅᑕᕿᔪᓐᓇᓐᖏᑦᑐᑦ ᑖᒃᑯᐊ ᐃᓱᓕᑦᑕᕐᕕᓖᑦ.

ᑭᒃᑰᕕᑕ

• ᐱᓕᕆᖃᑦᑕᖅᑐᒍᑦ ᐱᔾᔪᑕᐅᔪᓂᒃ ᐱᓯᒪᓂᖃᖅᑐᑦ ᑖᒃᑯᓄᖓ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ ᐊᒻᒪᓗ ᑲᓇᑕ ᐅᓇᑕᖅᑐᒃᓴᖏᑦ.
• ᐃᒻᒥᒃᑰᖅᑐᒍᑦ ᑎᑎᕋᕐᕕᒃᐳᑦ ᐅᖃᐅᓯᖃᓲᖑᓐᖏᑦᑐᑦ ᐅᓇᑕᖅᑐᒃᓴᑦ ᐊᖓᔪᖅᑳᖏᓐᓄᑦ ᐅᕝᕙᓘᓐᓃᑦ ᓄᓇᓕᖕᓂᒃ ᐊᐅᓚᑦᑎᔾᔪᑎᓄᑦ.
• ᐃᓚᒋᔭᐅᓐᖏᑦᑐᒍᑦ ᑖᒃᑯᓄᖓ ᐱᖓᔪᒋᔭᐅᔪᓄᑦ ᐃᑲᔪᓲᑦ ᑖᒃᑯᐊ ᐱᑦᑎᐊᖅᑕᐅᒐᓗᐊᕐᒪᖔᑕ ᒪᓕᒐᓕᐅᖅᑎᑦ.
• ᐃᓕᓐᓂᐊᖅᑎᑦᑎᖃᑦᑕᖅᐳᒍᑦ ᐊᒻᒪᓗ ᑐᓴᖅᑎᑦᑎᓪᓗᑕ ᒪᓕᒐᓕᐅᖅᑎᓄᑦ, ᐱᓕᕆᕙᒃᑐᒍᑦ ᐃᓄᒃ ᐊᑕᐅᓯᐅᑦᑕᖅᖢᒍ ᐊᒻᒪᓗ ᐱᓕᕆᔾᔪᓯᕆᔭᐅᔪᑦ ᖃᐅᔨᓴᑦᑎᐊᖅᖢᒋᑦ, ᐊᒻᒪᓗ ᐊᑐᓕᖁᔭᓕᐅᖅᖢᑕ ᑖᒃᑯᓄᖓ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ/ᑲᓇᑕ ᐅᓇᑕᖅᑐᒃᓴᖏᑦ ᓯᕗᓕᐅᖅᑎᖏᓐᓄᑦ ᐱᐅᓯᕚᓪᓕᕈᑎᒃᓴᓂᒃ ᐅᓇᑕᖅᑐᒃᓴᓕᕆᔨᒃᑯᓄᑦ ᑕᒪᐃᓐᓄᑦ.
• ᐊᑐᐃᓐᓇᐅᔪᒍᑦ ᖃᖓᑐᐃᓐᓇᖅ ᐅᖃᖃᑎᒌᒍᑎᒋᓗᒍ ᐃᕝᕕᑦ ᖃᓄᐃᓕᖓᓃᑦ.
• ᑐᓴᖅᑎᑦᑎᔾᔪᑎᒋᔭᑎᑦ ᐊᓯᑦᑎᓐᓂᑦ ᑐᓴᖅᑕᐅᔮᓐᖏᑦᑐᑦ. ᐅᖃᕈᒪᒍᕕᑦ ᑭᓇᑐᐃᓐᓇᒧᑦ ᐱᔾᔪᑎᒋᓪᓗᒍ ᓈᒻᒪᒋᓐᖏᑕᕐᓂᒃ, ᐊᐱᕆᓂᐊᖅᑐᒍᑦ ᐃᓕᖕᓄᑦ ᐊᑎᓕᐅᖁᔨᓗᑕ ᐊᖏᖅᓯᔾᔪᑎᒥᒃ ᐊᔪᖏᑎᑦᑎᓂᐊᕋᕕᑦ ᐅᕙᑦᑎᓐᓂᒃ ᐅᖃᖃᑎᒌᒍᑎᒋᔪᓐᓇᕐᓗᒍ ᐱᔾᔪᑎᒋᔭᐃᑦ ᐊᓯᑦᑎᓐᓄᑦ ᐊᑑᑎᖃᖅᑐᓄᑦ ᐱᓇᓱᐊᖅᑎᐅᔪᓄᑦ. ᐃᓱᒪᓕᐅᕆᓯᒪᓕᕈᕕᑦ ᑲᔪᓯᑎᑦᑐᒪᓗᒍ ᓈᒻᒪᒋᓐᖏᑕᕐᓂᒃ ᐅᖃᐅᓯᖃᕆᐊᒃᓴᖅ.
• ᐅᕙᑦᑎᓐᓄᑦ ᐅᖃᕈᓐᓇᖅᑐᑎᑦ ᑲᑉᐱᐊᓇᖅᑐᖃᓐᖏᑦᑐᖅ ᐊᕿᔭᖑᓇᓱᓕᔮᓐᖏᑦᑐᑎᑦ. ᑕᑯᒍᑦᑕ ᖃᐅᔨᔾᔪᑎᓂᒃ ᑐᑭᓯᔾᔪᑎᓂᒃ ᐊᑭᓇᓱᐊᖅᑐᕕᓂᕐᓂᒃ, ᐅᖃᐅᓯᕆᓂᐊᖅᑕᕗᑦ ᐋᕿᒐᓱᒡᓗᒍ ᐃᕐᖐᓐᓇᖅ.

ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ, ᖃᐅᔨᒋᐊᕐᓗᑎᑦ ᐅᕗᖓ ᑎᓕᔭᐅᓯᒪᔾᔪᑎᕗᑦ.

ᑭᒃᑯᓂᒃ ᐃᑲᔪᓲᖑᓂᖅᐳᑦ

ᒪᓕᒐᓕᐅᖅᑎᖁᑎᒋᕙᑦᑎᒋᑦ ᐅᑯᓄᖓ ᐊᑕᒍᕕᑦ ᐊᑖᓂ ᐱᓕᕆᖃᑎᒌᑦ ᐊᒻᒪᓗ ᐃᓱᒫᓘᑎᖃᕈᕕᑦ ᐱᓯᒪᓂᖃᖅᑐᓂᒃ ᑖᒃᑯᓄᖓ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ ᐅᕝᕙᓘᓐᓃᑦ ᑲᓇᑕ ᐅᓇᑕᖅᑐᒃᓴᖏᑦ:

• ᒫᓐᓇ ᐊᒻᒪᓗ ᑭᖑᓂᑦᑎᓐᓂ ᐃᓚᒋᔭᐅᓂᑯᖅ:
  • ᑲᓇᑕ ᐅᓇᑕᖅᑐᒃᓴᖏᑦ (ᐅᓇᑕᖅᑎᑦ, ᐳᖅᑐᓛᖏᑦ, ᐅᓇᓕᒃᓴᐃᑦ, ᐅᓇᑕᖅᑐᒃᓴᕋᓛᑦ ᐊᐅᓚᑦᑎᕕᖏᑦᑕ ᑎᑎᕋᕐᕕᖓ ᐊᒻᒪᓗ ᐱᔭᕆᐅᖅᓴᑎᑦᑎᓲᑦ ᐱᔨᑦᑎᕋᖅᑎᑦ, ᐊᒻᒪᓗ ᐃᓚᑎᐅᑎᔭᐅᓲᑦ ᐅᕝᕙᓘᓐᓃᑦ;
  • ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ;
• ᒫᓐᓇ ᐊᒻᒪᓗ ᑭᖑᓂᑦᑎᓐᓂ ᐃᖅᑲᓇᐃᔭᖅᑎᖏᑦ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ* ᐊᒻᒪᓗ ᐃᖅᑲᓇᐃᔭᖅᑎᑦ ᑭᒃᑯᓱᐃᓐᓇᕐᓅᖓᓐᖏᑦᑐᓄᑦ ᑮᓇᐅᔭᒃᓴᑦ;
• ᐃᓄᒃ ᐱᓇᔪᒃᑐᑦ ᑲᓇᑕ ᐅᓇᑕᖅᑐᒃᓴᓄᑦ ᐃᓚᒋᔭᐅᓗᓂ;
• ᐃᓚᒋᔭᐅᔪᖅ ᐃᓚᐃᑦ ᓇᓕᐊᖕᓂᑐᐃᓐᓇᖅ ᖁᓛᓂ-ᐅᖃᖅᓯᒪᔪᓂ; ᐊᒻᒪᓗ
• ᑭᒃᑯᑐᐃᓐᓇᐃᑦ ᐃᓇᖐᓲᑦ ᐅᕝᕙᓘᓐᓃᑦ ᐱᖃᑦᑎᐅᑎᓲᑦ ᐃᓗᐊᓂ ᑲᓇᑕ ᐅᓇᑕᖅᑐᒃᓴᐃᑦ.

ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ, ᖃᐅᔨᒋᐊᕐᓗᑎᑦ ᐅᕗᖓ ᑎᓕᔭᐅᓯᒪᔾᔪᑎᕗᑦ.

*ᐃᓚᓕᐅᑎᓯᒪᔪᑦ ᓯᑯᓯᐅᑎᑦ ᐅᒥᐊᕐᔪᐊᑦ ᑲᓇᑕ ᑕᐃᒪᖓᓂᑦ ᓯᑎᐱᕆ 2025.

ᖃᓄᖅ ᐃᑲᔪᕈᓐᓇᖅᐱᑕ

ᐃᒪᓐᓇ ᐱᓕᕆᔪᓐᓇᖅᑐᒍᑦ

• ᑐᓂᓯᖃᑦᑕᕐᓗᑕ ᑐᓴᕆᐊᖃᖅᑕᕐᓂᒃ ᐃᑲᔫᑎᓂᐊᖅᑐᓂᒃ ᐃᓕᖕᓄᑦ ᐃᓱᒪᓕᐅᕆᓂᐊᕋᕕ ᐊᑐᕈᓐᓇᖅᑕᕐᓂᒃ ᑕᐃᒪᓗ ᐋᕿᑦᑎᐊᖅᓯᒪᔪᓂᒃ ᓂᕈᐊᖅᓯᒪᔪᓐᓇᕐᓂᐊᕋᕕᑦ ᐱᔾᔪᑎᒋᓪᓗᒍ ᐱᔾᔪᑏᑦ ᐱᓯᒪᔪᖅ ᑖᒃᑯᓄᖓ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ/ᑲᓇᑕ ᐅᓇᑕᖅᑐᒃᓴᖏᑦ.
• ᑐᓂᓯᖃᑦᑕᖅᑐᒍᑦ ᐃᓕᓐᓂᐊᕈᑎᒃᓴᕐᓂᒃ ᑐᓴᕆᐊᖃᖅᑕᕐᓂᒃ ᐃᑲᔫᑎᓂᐊᑐᑦ ᖃᐅᔨᒪᑎᑕᐅᖏᓐᓇᕐᓗᑎᑦ ᐱᔾᔪᑎᒋᓪᓗᒋᑦ ᐊᐱᕈᑎᑎᑦ ᐊᒻᒪᓗ ᐱᔾᔪᑎᑎᑦ.
• ᖃᐅᔨᒪᑦᑎᐊᕐᓂᐊᖅᐳᑎᑦ ᐅᓇ ᐅᖃᐅᓯᕆᔭᐃᑦ ᓇᒻᒪᒋᓐᖏᑕᕐᓂᒃ ᐅᕝᕙᓘᓐᓃᑦ ᐃᓱᒫᓘᑎᖕᓂᒃ ᐊᑐᖅᓯᓪᓗᑎᑦ ᐊᑑᑎᖃᖅᑐᓂᒃ ᐅᖃᐅᓯᕆᔪᒪᔭᕐᓂᒃ ᓈᒻᒪᒋᓐᖏᑕᕐᓄᑦ ᐱᓕᕆᔾᔪᑎᑦᑎᒍᑦ ᐊᑐᖅᓯᑦᑎᐊᖅᑐᑎᑦ.
• ᐱᓕᕆᔪᓐᓇᖅᑕᕗᑦ ᖃᓄᐃᓕᖓᓕᕐᓂᖓ ᖃᐅᔨᒋᐊᕐᓗᒍ ᑭᖑᕙᖅᓯᒪᒃᐸᑕ ᐅᕝᕙᓘᓐᓃᑦ ᐱᔾᔪᑎᑕᖃᖅᐸᑦ ᐋᕿᒋᓐᓇᓐᖏᑕᕐᓂᒃ ᐃᓕᖕᓂᒃ ᓇᖕᒥᓂᖅ.
• ᕿᒥᕐᕈᐊᕐᓂᐊᖅᑕᕗᑦ ᐱᓕᕆᔾᔪᓯᕆᔭᐅᔪᖅ ᖃᐅᔨᓂᐊᕋᑦᑕ ᐱᑦᑎᐊᖅᑕᐅᒐᓗᐊᕐᒪᖔᖅᐱᑦ.
• ᐅᖃᐅᓯᕆᓂᐊᖅᑕᕗᑦ ᐱᔾᔪᑎᒋᔭᑎᑦ ᐊᒻᒪᓗ ᐊᑐᓕᖁᔭᓕᐅᕐᓗᑕ ᐊᑑᑎᖃᖅᑐᓄᑦ ᐃᓱᒪᑕᕐᓄᑦ ᓇᓂᓯᒍᑦᑕ ᐱᑦᑎᐊᖅᑕᐅᓐᖏᑦᑐᕕᓂᐅᔪᑎᑦ.

ᐱᔾᔪᑎᒋᔭᑦ ᐅᑯᑎᒍᑦ ᐃᑲᔪᕈᓐᓇᖅᑕᕗᑦ

• ᐃᓘᓯᕐᒧᑦ
• ᐃᖅᑲᓇᐃᔮᒃᓴᕐᓄᑦ ᐃᓕᓐᓂᐊᕈᑎᑦ
• ᐊᑭᓕᐅᑎᑦ
• ᐃᑲᔫᓯᐊᒃᓴᑦ
• ᖃᓄᐃᖏᑦᑎᐊᕆᐊᖃᕐᓃᑦ

ᐊᓯᖏᑦ ᐊᑑᑎᖃᖅᑐᑦ ᑐᓴᕈᒪᒐᔭᖅᑕᑎᑦ

• ᐱᕗᑦ ᐆᒃᑑᑎᑦ ᖃᓄᐃᓕᖓᔪᕕᓂᕐᓂᑦ ᑐᓂᓯᓯᒪᔪᖅ ᐆᒃᑐᑎᒋᓪᓗᒋᑦ ᖃᓄᐃᓕᐅᖃᑎᒌᖕᓂᒃᑯᑦ ᑖᒃᑯᐊᓗ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ/ᑲᓇᑕ ᐅᓇᑕᖅᑐᒃᓴᖏᑦ ᐋᕿᒃᓱᐃᓂᐊᕐᓗᒋᑦ ᓇᒻᒪᒋᓐᖏᑕᕐᓂᒃ ᐅᖃᐅᓯᑎᑦ.
• ᑕᐃᒪᓗ ᑕᐃᒪᓕᖓᓚᕿᔪᑦ ᖃᓄᐃᓕᖓᔪᕕᓂᐅᓂᖓᒍᑦ ᐱᑕᖃᕈᓐᓃᕈᓐᓇᐃᓕᒃᐸᑦ ᐊᒃᓱᕉᑏᑦ, ᐃᑲᔪᕈᓐᓇᖅᑐᒍᑦ ᑕᒪᒃᑭᓐᖏᓗᐊᕈᕕᑦ ᐊᑐᐃᓐᓇᐅᔪᑦ ᓈᒻᒪᒋᓐᖏᑕᕐᓂᒃ ᐅᖃᕐᕕᐅᔪᓐᓇᖅᑐᓕᕆᔾᔪᑎᖏᑦ.

ᐱᔾᔪᑎᑦ ᓯᓚᑖᓃᑦᑐᑦ ᐱᓂᕐᓗᒃᑕᐅᓯᒪᔪᓂᒃ ᖃᐅᔨᓴᖅᑎᐅᑉ ᑎᓕᔭᐅᓯᒪᔾᔪᑎᖏᓐᓂᑦ

• ᐱᕋᔭᒃᓯᒪᔪᓂᒃ ᖃᐅᔨᓴᖅᑐᑦ ᐅᕝᕙᓘᓐᓃᑦ ᒪᓕᒋᐊᓕᖕᓂᒃ ᐱᔨᑦᑎᕋᐅᑎᒥᖕᓄᑦ ᐊᑐᖅᓯᓯᒪᓐᖏᑦᑐᑦ ᐋᕿᒃᓱᖅᑕᐅᔪᑦ
• ᐃᖅᑲᖅᑐᐃᕕᒃᑰᖅᑐᑦ
• ᐃᖅᑲᓇᐃᔭᖅᑎᓄᑦ ᐱᓯᒪᔪᑦ ᐃᓗᐊᓃᑉᐸᑕ ᑮᓇᐅᔭᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ ᐱᓇᓱᐊᕐᕕᖏᓐᓄᑦ
• ᐅᓇᑕᖅᑐᒃᓴᕕᓂᕐᓄᑦ ᐱᓯᒪᔪᑦ
• ᒪᓕᒐᖅ ᐱᔾᔪᑎᒋᓪᓗᒍ ᐅᖃᐅᔾᔨᑦᑎᐊᕐᓂᖅ ᐅᕝᕙᓘᓐᓃᑦ ᐅᖃᐅᔾᔪᐃᓂᖅ
• ᐊᐅᓚᑦᑎᔾᔪᑎᓄᑦ ᐅᕝᕙᓘᓐᓃᑦ ᐃᓄᖕᓂᒃ ᖃᐅᔨᓴᖅᑎᓄᑦ ᑕᐃᒪᓐᓇᐅᔭᕆᐊᖃᖅᑎᑕᐅᔪᓄᑦ
• ᓈᒻᒪᒋᓐᖏᑕᕐᒥᖕᓂᒃ ᐅᖃᐅᓯᕆᓯᒪᔪᑦ ᑎᑭᐅᑎᓚᐅᓐᖏᑎᓪᓗᒍ ᔫᓐ 15, 1998, ᑕᐃᒪᓗ ᓯᓚᑖᓃᑦᑐᑦ ᑎᓕᔭᐅᓯᒪᔾᔪᑎᑦᑕ ᑭᓯᐊᓂ ᑭᒃᑯᑐᐃᓐᓇᓄᑦ ᓴᕿᑕᐅᒃᑲᓐᓂᕈᒪᒃᐸᑕ ᒥᓂᔅᑕᒥᑦ
• ᐊᑑᑎᖃᓗᐊᓐᖏᑦᑐᑦ ᐅᕝᕙᓘᓐᓃᑦ ᐃᓱᒫᓘᑎᖃᑐᐃᓐᓇᖅᑐᑦ ᓈᒻᒪᒋᓐᖏᓪᓗᒋᑦ ᐅᖃᖅᓯᒪᔪᑦ
• ᐅᓇᑕᖅᑐᒃᓴᐃᑦ ᐸᓖᓯᒃᑯᖏᑦᑕ ᖃᐅᔨᓴᖅᑕᖏᓐᓂᒃ

ᐃᒪᓐᓇ ᓂᕆᐅᒋᔭᖃᕐᓂᐊᖅᑐᑎᑦ

ᐊᓯᑦᑎᓐᓂᑦ ᑐᓴᖅᑕᐅᒋᐊᖃᓐᖏᑦᑐᑦ

ᑕᒪᕐᒥᒃ ᑐᓴᖅᑎᑦᑎᔾᔪᑎᒋᔭᑎᑦ ᐅᕙᑦᑎᓐᓄᑦ ᐊᓯᑦᑎᓐᓂᑦ ᑐᓴᖅᑕᐅᔮᓐᖏᑦᑐᑦ. ᐅᖃᓪᓚᖃᑎᖃᕆᐊᖃᕈᕕᑦ ᑭᓇᑐᐃᓐᓇᒥᒃ ᐱᔾᔪᑎᒋᓪᓗᒍ ᓈᒻᒪᒋᓐᖏᑕᕐᓂᒃ ᐅᖃᖅᓯᒪᓃᑦ ᐊᐱᕆᓂᐊᖅᑐᒍᑦ ᐊᑎᓕᐅᕆᔪᓐᓇᕐᒪᖔᖅᐱᑦ ᐊᖏᖅᓯᔾᔪᑎᒥᒃ ᐊᔪᖏᓐᓂᐊᕋᑦᑕ ᐅᖃᖃᑎᒌᒍᑎᒋᓗᒍ ᐱᔾᔪᑎᒋᔭᐃᑦ ᐊᓯᑦᑐᓐᓄᑦ ᐊᑑᑎᖃᖅᑐᓄᑦ. ᐃᓱᒪᓕᐅᕆᓯᒪᒍᕕᑦ ᑲᔪᓯᑎᑦᑐᒪᓗᒍ ᑕᒪᓐᓇ ᓈᒻᒪᒋᓐᖏᑕᕐᓂᒃ ᐅᖃᐅᓯᖃᕐᓃᑦ.

ᐱᑦᑎᐊᖅᑐᒍᑦ

ᐱᒍᑦᑎᒍᑦ ᓇᒻᒪᒋᓐᖏᑕᕐᓂᒃ ᐅᖃᐅᓯᕆᓯᒪᔭᑎᑦ, ᕿᒥᕐᕈᐊᕐᓂᐊᖅᑕᕗᑦ ᐃᓱᒪᓕᐅᕆᓗᑕᓗ ᐱᑎᐊᖅᑕᐅᒐᓗᐊᕐᒪᖔᖅᐱᑦ ᐅᕝᕙᓘᓐᓃᑦ ᐋᒃᑲ.

ᖃᐅᔨᓇᓱᑦᑎᐊᕐᓂᐊᖅᑐᒍᑦ ᐱᑦᑎᐊᖅᑕᐅᒐᓗᐊᕐᒪᖔᖅᐱᑦ ᒪᓕᓗᒋᑦ ᐅᑯᐊ ᖃᓄᐃᓕᐅᕈᑎᒋᓗᒋᑦ ᓲᕐᓗ ᐃᒪᓐᓇ:

• ᓄᐊᑦᑎᓗᑕ ᑐᓴᕈᒪᔭᑦᑎᓐᓂᒃ ᐱᔾᔪᑎᒋᓪᓗᒋᑦ ᐃᓱᒫᓘᑎᒋᔭᑎᑦ ᐊᒻᒪᓗ ᐱᓕᕆᐊᖑᔪᑦ ᐅᓪᓗᒥᒧᑦ ᑭᐅᓯᔾᔪᑎᑦᑎᒍᑦ;
• ᐃᓕᖕᓂᑦ ᐊᖏᖅᑕᐅᔪᒪᓂᐊᖅᑐᒍ ᑕᐃᒪᓐᓇᐅᔭᕆᐊᖃᕈᑦᑕ ᐊᒻᒪᓗ ᐅᖃᖃᑎᒋᓗᒋᑦ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ/ᑲᓇᑕ ᐅᓇᑕᖅᑐᒃᓴᖏᑦ ᓇᓗᓇᐃᑦᑎᐊᕐᓂᐊᕐᒪᑕ ᑕᒪᕐᒥᒃ ᐊᑑᑎᖃᖅᑐᑦ ᑐᓴᖅᑕᕗᑦ ᐅᖃᐅᓯᕆᓂᐊᕐᓗᒋᑦ ᐱᓕᕆᐊᕆᓂᐊᕐᓗᒋᑦ ᐃᓱᒫᓘᑎᒋᔭᑎᑦ;
• ᖃᐅᔨᓇᓱᒡᓗᑕ ᐱᓕᕆᔭᕆᐊᖃᕐᒪᖔᑦᑕ ᐅᕝᕙᓘᓐᓃᑦ ᐃᓱᒪᓕᐅᕆᔭᕆᐊᖃᕐᒪᖔᑦᑕ ᑭᐅᓯᔾᔪᑎᒋᓗᒋᑦ ᐃᓱᒫᓘᑎᒋᔭᕐᓄᑦ ᐃᒃᐱᒋᑦᑎᐊᖅᕗᒋᑦ ᐊᑐᑦᑎᐊᕐᓗᒋᑦ ᐊᑑᑎᖃᖅᑐᑦ ᐊᑐᐊᒐᐃᑦ ᐊᒻᒪᓗ ᐱᖁᔭᕋᓛᑦ; ᐊᒻᒪᓗ
• ᐊᑐᓕᐅᔭᐅᔪᓕᐅᕐᓗᑕ ᑕᒪᐃᓐᓄᑦ ᐊᑑᑎᖃᖅᑐᓄᑦ ᐊᖓᔪᖅᑳᓄᑦ ᐃᓱᒪᑕᕐᓄᑦ ᕿᒥᕐᓗᑕ ᐋᕿᒃᓯᔾᔪᑎᒃᓴᓂᒃ ᖃᐅᔨᒍᑦᑕ ᐱᑦᑎᐊᖅᑕᐅᓐᖏᑦᑎᑐᑎᑦ.

ᐃᒃᐱᒍᓱᑦᑎᐊᖅᑐᒍᑦ

ᐊᐅᓚᑦᑎᖃᖅᑕᖅᐳᒍᑦ ᐊᕙᑎᑦᑎᓂᒃ ᑕᐃᑲᓂ ᒪᓕᒐᓕᐅᖅᑎᑦ ᐊᒻᒪᓗ ᐃᖅᑲᓇᐃᔭᖅᑎᑦ ᓂᕆᐅᒋᔭᖏᑦᑎᒍᑦ ᐱᓕᕆᖃᑎᒋᓪᓗᒋᑦ ᓴᕿᔮᑦᑎᐊᖅᖢᑕ ᐊᒻᒪᓗ ᐃᒃᐱᒍᓱᑦᑎᐊᖅᖢᑕ. ᐱᓕᕆᐊᖃᕐᓂᐊᓐᖏᑦᑐᒍᑦ ᒪᓕᒐᓕᐅᖅᑎᓂᒃ ᐅᑯᐊᓗ ᓱᒃᑯᓴᐃᒃᐸᑕ ᐅᕝᕙᓘᓐᓃᑦ ᓂᖕᖓᐅᐸᒃᐸᑕ ᐱᑦᑎᐊᓐᖏᓪᓗᑎᒃ. 

ᐱᓕᕆᓂᖓ 1—ᑕᑯᖃᑦᑕᐅᑎᓕᓵᕈᑦᑕ (2 ᐱᓇᓱᐊᕈᓯᖅ ᐅᓪᓗᖏᓐᓂ)

ᒪᓕᒃᖢᒍ ᖃᓄᖅ ᐅᖃᖃᑎᖃᕈᓐᓇᕐᒪᖔᖅᐱᑦ ᐅᕙᑦᑎᓐᓂᒃ, ᐅᖃᓪᓚᒐᔭᖅᑐᒃᓴᐅᕗᑎᑦ ᐅᕝᕙᓘᓐᓃᑦ ᐅᓂᒃᑳᖃᑎᖃᑐᐃᓐᓇᕐᓗᑎᑦ ᑭᓇᑐᐃᓐᓇᒥᒃ ᐃᕐᖐᓐᓇᖅ, ᐃᕝᕕᑦ ᐃᓂᓕᐅᖅᓯᒪᔭᖓᒍᑦ, ᐅᕝᕙᓘᓐᓃᑦ ᐃᓗᐊᓂ ᒪᕐᕉᒃ ᐱᓇᓱᐊᕈᓯᐅᑉ ᐃᓗᐊᓂ ᐅᓪᓗᓂ ᑕᑯᖃᑦᑕᐅᑎᓵᖅᑎᓪᓗᑕ.

ᐃᒪᓐᓇ ᐱᑐᐃᓐᓇᕆᐊᖃᓕᖅᓯᒪᓗᑎᑦ 

• ᑐᑭᓯᓇᑦᑎᐊᕐᓗᑎᑦ ᐱᔾᔪᑎᒋᓪᓗᒋᑦ ᐱᔾᔪᑎᒋᔭᐃᑦ ᐅᕝᕙᓘᓐᓃᑦ ᓇᒻᒪᒋᓐᖏᑕᕐᓂᒃ ᐅᖃᐅᓯᕆᔪᒪᐃᑦ.
• ᐅᖃᓕᒫᕐᓗᒋᑦ ᐱᕗᑦ ᐃᓕᓐᓂᐊᕈᑎᑦ ᑐᓴᐅᒪᔭᐅᔭᕆᐊᓕᖕᓂᒃ ᑕᑯᓇᓱᒡᓗᑎᑦ ᐱᓕᕆᔭᕇᖅᓯᒪᓐᓂᕈᑦᑎᒍᑦ ᐃᓱᒫᓘᑎᒋᔭᑎᑦ. 
• ᑕᒪᕐᒥᒃ ᕿᓂᕐᕕᒋᓯᒪᑦᑎᐊᕋᓗᐊᕐᒪᖔᖅᐱᒋᑦ ᐊᓯᖏᑦ ᐃᑲᔫᑎᑦ ᐱᓂᕐᓗᒃᑕᐅᓯᒪᔪᓄᑦ ᐊᒻᒪᓗ ᓈᒻᒪᒋᓐᖏᑕᕐᓄᑦ ᐅᖃᕐᕕᒃᓴᑦ.
• ᓄᐊᑦᑎᓗᑎᑦ ᑕᒪᐃᓐᓂᒃ ᐊᑑᑎᖃᖅᑐᓂᒃ ᖃᐅᔨᒪᔭᕆᐊᖃᖅᑕᕐᓂᒃ, ᐃᓚᒋᔭᐅᓗᑎᒃ ᑐᓴᖅᑎᑦᑎᔾᔪᑎᖏᑦ ᐱᓕᕆᔾᔪᓯᖕᒥᖕᓄᑦ ᐱᓕᕆᔭᕇᖅᓯᒪᔭᑎᑦ.
• ᐅᖃᓕᒫᕐᓗᒋᑦ ᑕᒪᕐᒥᒃ ᑐᓴᐅᒪᔭᕆᐊᖃᖅᑕᑎᑦ ᑕᒪᒃᑯᐊ ᐃᒪᓐᓇ ᐃᑲᔪᕈᓐᓇᖅᑐᒍᑦ ᐃᓛᒃᑯᖓᔪᓂᑦ ᐋᒃᓱᐃᓯᒪᔪᑦ ᐃᕝᕕᑦ ᐱᔾᔪᑎᖓᓂᒃ ᐅᕝᕙᓘᓐᓃᑦ ᓇᒻᒪᒋᓐᖏᑕᕐᓂᒃ ᐅᖃᐅᓯᕆᔭᕐᓂᒃ.

ᐱᓕᕆᓂᖓ 2—ᐱᓕᕆᐊᖑᓂᖓ (15 ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃ)

ᐅᓇ ᑭᖑᓪᓕᖅ ᐱᓕᕆᓂᖓ ᐱᓯᒪᕗᖅ ᐅᖃᐅᑎᒐᕕᒋᑦ ᑎᑎᕋᕐᕕᒃᐳᑦ ᐱᓕᕆᐊᖑᓯᒋᐊᕐᕕᖓ.

ᐅᓇᐅᑎᓪᓗᒍ ᐱᓕᕆᕕᖓᑦ ᑕᐃᒪᓗ ᐅᖃᕐᕕᒋᔭᐃᑦ ᓴᓇᔨ ᓄᐊᑦᑎᓂᐊᖅᑐᖅ ᖃᐅᔨᒪᔭᕆᐊᖃᖅᑕᒥᓂᒃ ᑐᓴᕋᓱᒡᓗᓂ ᓲᕐᓗ ᐊᑏᑦ, ᖃᓄᖅ ᐅᖃᕐᕕᐅᔪᓐᓇᖅᐱᑦ, ᐊᒻᒪᓗ ᐊᐱᖁᑏᑦ ᐅᕝᕙᓘᓐᓃᑦ ᐃᓱᒫᓘᑎᑦ. ᑕᐃᒪᓗ ᑖᓐᓇ ᖃᐅᔨᒪᔭᕆᐊᖃᖅᑕᒥᖕᓂᒃ ᑐᓴᕋᓱᒃᑐᖅ ᐅᖃᐅᓯᖃᕐᓂᐊᖅᑐᖅ ᖃᓄᐃᓕᖓᓂᕐᓂᒃ ᐃᓕᖕᓄᑦ ᖃᐅᔨᓇᓱᖕᓂᐊᕐᒪᑦ ᑖᓐᓇ ᐱᔾᔪᑏᑦ ᓇᒧᖓᕋᔭᕐᒪᖔᑦ ᐃᓗᐊᓂ ᑎᓕᔭᐅᓯᒪᔾᔪᑎᒥᒃᑎᒍᑦ. ᑕᕝᕙᓂ, ᑖᓐᓇ ᑐᓴᕋᓱᒃᑐᖅ ᕿᒥᕐᕈᐊᕐᓂᐊᖅᑐᖅ ᑕᒪᐃᓐᓂᒃ ᐱᓕᕆᕙᓪᓕᐊᔭᕆᐊᓕᖕᓂᒃ ᐊᒻᒪᓗ ᐊᐱᕆᓗᓂ ᖄᑲᓐᓂᐊᒍᑦ ᑐᓴᖅᑎᑦᑎᔾᔪᒪᖕᒪᖔᖅᐱᑦ ᖃᓄᑐᐃᓐᓇᖅ. ᐊᖏᔪᐋᓘᒃᐸᑕ ᐱᕕᒃᔪᐊᖑᓗᑎᒃ ᖃᓄᐃᓕᖓᓃᑦ, ᐃᕐᖐᓐᓇᖅ ᐊᖅᓵᖅᓯᓂᐊᖅᑐᒍᑦ ᐱᓕᕆᐊᕆᓕᕐᓗᒍ. ᐊᒥᓱᓂ ᖃᓄᐃᓯᒪᔪᓂ, ᑖᓐᓇ ᑐᓴᕋᓱᒃᑎᐅᔪᖅ ᑐᓴᖅᑎᑦᑎᕙᓪᓕᐊᔪᓐᓇᖅᑐᖅ ᐊᒻᒪᓗ ᐃᑲᔫᑎᒃᓴᓂᒃ ᑐᓂᓯᓂᐊᖅᑐᖅ ᐊᑐᕈᓐᓇᖅᑕᕐᓂᒃ ᐱᓕᕆᐊᕆᓗᒍ ᐃᓱᒫᓘᑎᒋᔭᐃᑦ. ᐋᕿᑲᐅᑎᒋᔪᓐᓇᕈᑦᑎᒍᑦ ᑕᒪᕐᒥᐸᓗᒃ ᐱᔾᔪᑎᒋᔭᑎᑦ ᑕᕝᕙᓃᑎᓪᓗᑕ ᐃᓗᐊᓂ 15 ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃᑦ.

ᐱᓕᕆᓂᖓ 3—ᓇᒻᒪᒋᓐᖏᑕᑎᑦ ᐅᖃᐅᓯᕆᔭᑎᑦ ᖃᐅᔨᓇᓱᒃᑕᐅᑦᑎᐊᕐᓗᑎᒃ ᐅᕝᕙᓘᓐᓃᑦ ᖃᐅᔨᓴᖅᓯᔾᔪᑕᐅᓗᑎᒃ

ᐅᕙᓂ ᐱᓕᕆᓂᖓᑦ ᐃᓚᖏᓐᓄᑦ ᐱᔾᔪᑕᐅᔪᓄᑦ ᑕᐃᑯᖓᖅᑕᐅᓂᐊᖅᑐᖅ ᓈᒻᒪᒋᓐᖏᑕᕐᓂᒃ ᐅᖃᐅᓯᕆᔭᑎᑦ ᖃᐅᔨᓇᓱᒃᑕᐅᑦᑎᐊᕐᓗᑎᒃ. ᐊᓯᖏᑦ ᐱᔾᔪᑎᑦ ᖃᐅᔨᓴᖅᑕᐅᓇᓱᑲᐅᑎᒋᓂᐊᖅᑐᑦ ᐅᕝᕙᓘᓐᓃᑦ ᓈᒻᒪᒋᓐᖏᑕᕐᓂᒃ ᐅᖃᖅᓯᒪᓗᑎᑦ ᖃᐅᔨᓴᖅᑕᐅᓗᑎᒃ ᖃᐅᔨᓴᕈᑕᐅᓂᐊᕐᒪᑕ. ᑕᒪᕐᒥᒃ ᒪᓕᒃᑐᑦ ᖃᓄᖅ ᐱᔭᕐᓂᓐᖏᓐᓂᖓᓂᒃ ᑖᓐᓇ ᐱᔾᔪᑎᑦ ᓴᕿᑕᐃᑦ.

ᑕᐃᒪᓕ ᑎᑎᖃᑦ ᑎᑭᐅᑎᑉᐸᑕ ᓈᒻᒪᒋᓐᖏᑕᕐᓂᒃ ᐅᖃᐅᓯᕆᓯᒪᔭᑎᑦ ᖃᐅᔨᓴᕈᑎᖏᓐᓂᑦ ᐅᕝᕙᓘᓐᓃᑦ ᖃᐅᔨᓴᖅᓯᔾᔪᑕᐅᑎᓪᓗᒋᑦ, ᐊᑎᓕᐅᖅᓯᒋᐊᖃᕐᓂᐊᖅᑐᑎᑦ ᐊᖏᖅᓯᔾᔪᑎᒥᒃ ᐅᖃᕐᕕᐅᔪᓐᓇᕐᓂᐊᕐᒪᑕ ᐊᓯᖏᑦ ᐊᑑᑎᖃᖅᑐᑦ ᐃᓄᐃᑦ ᑕᐃᒪᓗ ᑕᒪᕐᒥᒃ ᓱᓕᔪᑦ ᓴᕿᓐᓂᐊᕐᒪᑕ. ᓂᕈᐊᕆᔭᖃᖅᓯᒪᒍᕕᑦ ᐊᖏᖅᓯᔪᒪᓐᖏᓪᓗᑎᑦ, ᐃᒃᐱᒍᓱᑦᑎᐊᕐᓂᐊᖅᑐᒍᑦ ᐃᕝᕕᑦ ᐱᔪᒪᔭᖏᓐᓂᒃ ᐊᒻᒪᓗ ᒪᑐᓗᒍ. ᐱᓕᕆᐊᕆᓂᐊᓐᖏᑕᕗᑦ ᖃᐅᔨᓴᖅᓯᔾᔪᑏᑦ ᐊᖏᖅᓯᒪᓐᖏᑐᐊᕈᕕᑦ.

ᓈᒻᒪᒋᓐᖏᑕᕐᓂᒃ ᐅᖃᐅᓯᕆᔭᑎᑦ ᖃᐅᔨᓇᓱᒃᑕᐅᑦᑎᐊᕐᓗᑎᒃ (30 ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃᑦ)

ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃᑦ. ᐃᕐᖐᓐᓇᖅ ᑐᓴᖅᑎᑦᑎᔪᓐᓇᓐᖏᒃᑯᑦᑕ ᐅᕝᕙᓘᓐᓃᑦ ᐃᑲᔫᑎᒃᓴᓂᒃ ᑐᓂᓯᖏᒃᑯᑦᑕ ᑭᓐᖒᒪᒋᔭᕐᓂᒃ ᐅᕝᕙᓘᓐᓃᑦ ᐊᖅᓵᖅᓯᔭᕆᐊᖃᕈᑦᑕ, ᑐᓂᓂᐊᖅᑕᕗᑦ ᐱᔾᔪᑏᑦ ᖃᐅᔨᓇᓱᒃᑕᐅᑦᑎᐊᒃᑲᓐᓂᕐᓂᐊᕐᒪᑦ. ᐃᓚᕗᑦ ᓈᒻᒪᒋᓐᖏᑕᓂᒃ ᐅᖃᐅᓯᐅᔪᓂᒃ ᖃᐅᔨᓴᓲᑦ ᐃᓕᖕᓄᑦ ᐅᖃᖃᑎᖃᕐᓂᐊᖅᑐᖅ ᐃᓗᐊᓂ ᑕᓪᓕᒪᑦ ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃᑦ ᐅᖃᖃᑎᒌᒍᑎᒋᓗᒋᑦ ᐱᔾᔪᑎᒋᔭᑎᑦ ᓴᕿᑎᑦᑎᐊᕐᓗᒋᑦ. ᐋᕿᒃᑕᐅᔪᑦ ᐱᓕᕆᐊᖑᔪᓂᑦ ᑕᕝᕙᓃᓕᖅᑎᓪᓗᒋᑦ ᐱᓕᕆᔭᐅᓲᑦ ᐊᑯᓂᐅᑎᒍᔪᖅ 30 ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃᑦ.

ᖃᐅᔨᓴᖅᓯᔾᔪᑕᐅᓗᑎᒃ (60 ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃᑦ)

ᐱᔭᕐᓂᓐᖏᓗᐊᖅᐸᑕ ᐱᔾᔪᑎᒋᔭᑎᑦ ᐅᕝᕙᓘᓐᓃᑦ ᐃᓱᒫᓘᑎᒋᔭᑎᑦ ᐊᖅᓵᖅᑕᐅᓗᑎᑦ ᐊᓯᐊᓄᑦ ᐱᓕᕆᐊᖑᓕᒃᑲᓐᓂᕐᓗᑎᒃ. ᐊᑕᐅᓯᖅ ᖃᐅᔨᓴᖅᑎᒻᒪᕆᖕᓂᑦ ᐅᖃᖃᑎᖃᕐᓂᐊᖅᑐᖅ ᐃᓕᖕᓄᑦ ᐃᓗᐊᓂ ᑕᓪᓕᒪᑦ ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃᑦ ᐅᖃᐅᓯᕆᑦᑎᐊᕐᓗᒋᑦ ᑕᒪᕐᒥᒃ ᐱᔾᔪᑎᑦ ᓇᓗᓇᐃᑦᑎᐊᕐᓗᒋᑦ. ᑕᐃᒪᓗ ᐱᔭᕇᑦᑎᐊᓲᑦ ᓲᕐᓗ ᖃᐅᔨᓴᖅᓯᓂᖓᑦ ᐃᓗᐊᓂ 60 ᐱᓇᓱᐊᕈᓯᖅ ᐃᓗᐊᓂ ᐅᓪᓗᐃᑦ.

ᐃᑲᔫᑎᒃᓴᑦ

ᑕᒪᓐᓇᐅᖕᒪᑦ ᐅᓇ ᐱᕗᑦ ᐃᓕᓐᓂᐊᕈᑎᑦ ᑐᓴᐅᒪᔭᐅᔭᕆᐊᓕᖕᓂᒃ, ᐊᓯᖏᓐᓂᒃᑕᐅᖅ ᐃᑲᔫᕈᓐᓇᖅᑐᖃᖅᑐᑦ ᐅᑯᐊᓗ ᐃᑲᔪᕈᓐᓇᖅᑐᑦ ᐃᓕᖕᓂᒃ ᐃᓕᑦᑎᓗᑎᑦ ᐱᔾᔪᑎᒋᓪᓗᒍ ᑎᑎᕋᕐᕕᒃᐳᑦ ᐊᒻᒪᓗ ᖃᓄᖅ ᐃᑲᔪᓲᖑᖕᒪᖔᑕ.

ᐆᒃᑑᑎᑦ ᖃᓄᐃᓕᖓᔪᕕᓂᕐᓂᑦ

ᐅᒃᑑᑎᑦ ᖃᓄᐃᓕᖓᔪᕕᓂᕐᓂᒃ ᐃᑲᔫᑎᔪᑦ ᓇᓗᓇᐃᖅᓯᓪᓗᑎᒃ ᖃᓄᐃᓕᖓᓲᖑᖕᒪᖔᑕ ᐅᖃᕐᕕᒋᑐᐊᕈᕕᒋᑦ ᑎᑎᕋᖅᕕᒃᐳᑦ ᐃᑲᔪᖅᑕᐅᔪᒪᓗᑎᑦ.

ᑕᕐᕆᔭᒐᒃᓴᐃᑦ