Poser une question ou porter une plainte | ojibway

Gego gagwedwen maage zhitoon baataawewin

Giishpin aawiyin owa bemaadizid bemiikiwin miinwaa gdo inendam owi Canadian Zhimaaginishag (CAF) maage owi Nankiiwin owi Gichi Kiingh Ganowenjigejig (DND) agii maanaajidodaagwog, ndo zhiitaami awii naadmaage-aangh  

Gdo gagaandimigwo awii ginowaabmdaman ndo gikendaasowin gikendamowin, owi e’digosingh bkaan meshkod zhichegewin miinwaa bataawewin nikaaziwinan-gnimaa gdaa makaan naadmaagemigag gikendamowin owi nakwetangh gdo zinagendamowinan. Giishpin ayaabi ayaamon gagwedwewinan maage mineziyin naadmaagewin, gegwa baabiitoke awii ginozhiyaangh zhiwe wegwen gwa wenaamjiganan etegin zhinda baakiiginigan. 

Dibagiisiwaan minik-bkaan meshkod zhichegewin miinwaa bataawewin nikaaziwinan

Makwendan owi dibagiisiwaan minik gnimaa adaa bakaandoon penimandaagwog owi ayaawong miinwaa epiichi zinagak owi gdo zhiwebiziiwin.

Aanin baataawewin nikaaziwinan, dibaakinige gamig gagwedwewinan, miinwaa bemaakinigejig nda gikenjigewaad tenoon aakwaadag dibagiisiwaan minik. Giigidawin ndo nakii gamig gaawii zhisidosiinon ninda dibagiisiwaan minik majiginigaadeg.

Wenesh ayaawiyaangh

• Ndo bimiikaanaanin zinagiziwinan e’nowendaagwog owi Nakiiwin owi Gichi Kiingh Ganowenjigejig miinwaa owi Canadian Zhimaaginishag.
• Ndo aawimi onjike nakiigamig owi gaawii wiiindamaagaasiiwog owi zhimaaginish naagidowin owi gimaawin maage bemaadizijig niigaanziwin.
• Ndo ayaawimi owi megsenjigesiijig nisiwi digoyaajig naadmaagejig awii gagwekwendaagwog owi gagwek dodaagewin gewe ndo enkiitwindwaa.
• Ndo gikinomowaanaanig miinwaa wiindamowaanaanig enkiitwindwaa, zhito-aangh bebezhig bemaadizid miinwaa zhichigewinan nda gikenjigewin, miinwaa miigwe-aangh giikimigewinan owi gewe Nakiiwin oowi Gichi Kiingh Ganowenjigejig/Canadian Zhimaaginishag naagaanzijig awii biijigaadeg naawisijigewinan owi Ganowenjigejig enkiitamajig.
• Ndo ayaami manjigwa apii awii dazhindamaangh ezhiwebiziiyin.
• Nga ginowendaanaa gdo gikendamowin giimodag. Giispin aabdek gwaya awii ginoongwaa owi gdo baataawewin, aga gawejimigwo awii noziwinkaadaman bagidinige moshkinebiigan bagidinogo-aangh awii dazhindamaangh gdo zinagiziwin owi bkaan dikobizowaad bemaadizijig. Giin aga giizhendam giishpin dowendaman awii niigaan widowin owi gdo baataawewin.
• Gdaa abi zhaamimi bwaa zegiziiyin owi aazhide dodaagowin. Giishpin makamaangh gikendamowin owi aazhide dodamowin, nga bimiikaanaa gwa wewiib.

Owi woshme gikendamowin, ginowaabmdan ndo inaangizhewinaa.

Wenesh n’yaadimaagaazijig

Gdo ayaaw ndo bemaadizid bemiikiwind giishpin dibendaagoziiyin owi bezhig ninda eni zhibiigaazijig wiijii-ewinan miinwaa gdo ayaan zinagendamowin owi gagwek e’nowendaagwog owi Nankiiwin owi Gichi Kiingh Ganowenjigejig (DND) maage owi Canadian Zhimaaginishag (CAF):

• Megwaa maage aazhigwa waaji-ejig owi:
  • Canadian Zhimaaginishag (CAF) (Gagweji zhimaaginishag, Ntam E’giizhiitaagaabiwjig, Gaanada Ekwaamjigejig, Zhigmaanishiiwin Gikinomaagizijig Wiijii-ewin Bimiikimajig miinwaa Gikinomaagewin Zhichigewin, miinwaa Aaanke E’giizhiitaagaabiwijig) maage owi;
  • Gikinomaagaazijig miinwaa Eshkiniigijig Gaanada Ekwaamjigejig;
• Megwaa maage aazhigwa enkiitaaged owi Nankiiwin owi Gichi Kiingh Naagidowenjigejig* miinwaa Enkiitaagejig owi Gaawii Wegwen gwa Bemaadizid Zhoonyaa;
• Owa bemaadizig gagwedwed awii aawid Canadain Zhimaaginishag waajii-ed.
• Owa e’nowendaasad owi inoodewiziwin owi wegwen gwa newen ishpimingh ezhibiigaazad; miinwaa
• Bemaadizijig owi meshkidoyaajig maage ondamgaaziwaad owi Canadian Zhimaaginishag. 

Owi woshme gikendamowin, ginowaabmdan ndo inaangizhewinaa.

*Digoyaajig owi Canadian Jiigibiig Ginowendamaji owi apii Waababaga-giizis 2025

Ezhi Naadmaage-aangh

Wegonesh age zhichige-aangh

• Nda miigwenaa gikendamowin awii naadmaagiyin gikendaman gdo wenaamjiganan owi awii gashkitowin gikendaman wenaamjigewinan newen e’nowendaagwog owi Nankiiwin owi Gichi Kiingh Ganowenjigejig/Canadian Zhimaaginishag.
• Ndo maadookiimi gikendaasowin gikendamowin awii naadmaagiyin awii aabaji gikendaman newen gagwedwewinan miinwaa zinagiziwinan.
• Ndo gagwekimigwo wiindamaagewin gdo baataawewin maage zinagendamowin gabewiingh gwa memaanji miigsemigag baataawewin zhichigewinan.
• Nda debinaanaa owi biminizhiwewin ne-aab temigag giishpin ayaaman damiwemigag maage zenigagikin geshkitosiwan awii naawisidowin giin onjike.
• Nda nda-gikendaanaa owi biminizhiwewin awii giizhendamong endagwen agii debinaman gagwek dodaagowin.
• Nda wiindamaagenaa owi zenigak miinwaa miigwe-aangh giikimigewinan gewe maagsejig naagaanzijig giishpin makamaangh agii maanaaji dodaagowin.

Zinagiziwinan age azhi naadimaagowin

• Mina Yaawin
• Inankiiwin
• Dibamaadiwin
• Bamitaagewinan
• Zhiwenjigewin

Bkaan minwaabadag gikendamowin

• Ndo gikinwaaji bimiikimaangh miigwemigadoon gikinwaabnjiginan owi nikiiyaa ezhi nakweshkwindwaa Nankiiwin owi Gichi Kiingh Ganowenjigejig/Canadian Zhimaaginishag awii nakwetamangh baataawewinan.
• Giishpin mashkowiziikidaagewin zhiwebak miingoyin woshme maji zinagiziwin, ndaa nanaganiwemi giishpin agii bwaa jaaginziiyin newen etemigag baataawewin zhichigewinan.

Zinagiziwinan zaagiji-iingh owi Nendakenjigejig Maanaaji Dodaagewin nankiiwin

• Baataadiwin nda gikenjigaadeg maage Naagijigewin owi Nakiiwin Bimaaknigewin
• Dibaakinigengh temigag
• Nakiiwin mina dodaagewin owi e’migisingh biinji Zhoonyaa Nyaagidowendamajig naagidowenjigewin
• Agaa Zhimaaginishiiwijig ezhiwebak
• Onashowe giigidonini maage giikimigowin
• Bimiikigaadeg maage waankiimigag nendowendaagwog
• Baataawewinan jibwaa Odemin-giizis 15, 1998, gagwech gwa zaagijiwiingh owi nankiiwin dash goweta nenjigaadeg zhiwe bemaadizijig minwendamowaad owi Ogimaa.
• Wanishkwetaawin maage nishkaadenimi baataawewinan
• Zhimaaginishii Dikonwenininwog nda gikenjigewinan

Wegensh age dinendaman

Giimodad

Kina gwa gego maadokidaagiyaangh gimodad. Giispin aabdek gwaya awii ginoongwaa owi gdo baataawewin, aga gawejimigwo awii noziwinkaadaman bagidinige moshkinebiigan bagidinogo-aangh awii dazhindamaangh gdo zinagiziwin owi bkaan dikobizowaad bemaadizijig. Giin aga giizhendam giishpin dowendaman awii niigaan widowin owi gdo baataawewin.

Gagwek doodamowin

Apii debinamaangh baataadiwin, ndo nda gikendaanaa awii giizhendamangh endagwen agii gagwek dodaagowin maage maanaji dodaagowin.

Ndo dibaamdaanaa gagwek dodamowin penimandaagwog newen zhichigewinan dibishko:

• maandonigaadeg gikendamowin owi gdo zinagiziwinan miinwaa agaa zhichigeyin apiinish nongo owi nakwetamowin;
• debinamangh gdo bagidinigewin giishpin dowendaagwog miinwaa ginonjigaaziwaad owi Nankiiwin owi Gichi Kiingh Ganowenjigejig/Canadian Zhimaaginishag awii debwetowaad ayaamiwaad kina enowendaagwog gikendamowin nendowendaagwog awii nakwetamowaad gdo zinagendamowinan;
• giizhendamong endagwen newen zhichigewinan maage giizhendamowinan agaa daapinigaadeg owi nakwetigaadeg gdo zinagendamowinan minaadenjigaadeg e’nowendaagwog naaknigewinan miinwaa naagijigewinan; miinwaa
• zhichigaadeg gagiikinigewinan owa memaanji miigsed naagaanzid awii dowaabmjigaadeg naawichigewin giishpin giizhendamond agii maanaaji dodaagowin.

Minaadendamowin

Ndo nakiimi ayaawong zhiwe bemaadizijig enkiitwindwaa miinwaa enkiitaagejig dinenjigaaziwaad awii nakweshkidaadingh owi mazhishinaagwog miinwaa minaadenjigewin. Gaawii nga ginonaaziinaanig bemaadizijig enkiitwindwaa owi e’waabmdowewaad aabiinizimigewin maage ekwaaji dodamowin. 

Zhichigengh 1 – Ntam nakweshkidaadwin (2 nakii giizhigadoon)

Penimandaagwog owi ezhi debinigowaangh, aga gnimaa gnonaa maage nibwaachiwewin waasamo asabi mazina-igan aga gnonaa gwaya wewiib gwa, apii age inaakinegaadeg awii ginonigowin, maaage biinji niish nakii gizhigad owi ntam nakweshkidaadiwin.

Nikiiyaa agezhi zhiitaayin 

• Weweni mazhishish dibaajiman owi zinagiziwin maage baataawewin nendowendaman awii naawichigaadeg.
• Aanji ginowaabmdan ndo gikendaasowin gikendamowin awii waabmdaman endogwen ngii aazhigwa naawitowaangh gdo zinagendamowinan. 
• Gagwekwendan aazhigwa agii giizhitowin kina bkaan meshkod zhichegewin miinwaa bataawewin nikaaziwinan.
• Maandonan kina e’nowendaagwog gikendamowin, e’digosingh wegwen gikendamowin owi aazhigwa agaa zhichigeyin.
• Aanji ginowaabmdan owi gikendamowin zhiwe owi Ezhi Naadmaageyaangh kowaajibiigan awii gagwekwendamon ndaa gashkitonaa awii nakwetamaangh gdo zinagiziwin maage baataawewin.

Zhichigengh 2 – Bozibiigewin (15 nakii giizhigadoon)

Owi miinwaa awaa zhichigeyin owi debinaman ndo nakii gamig aawon owi bozibiigengh.

Epiichi maanda zhichigewin owa bozibiigengh bemiikangh adaa maandonaan gdo ayaawiyin gikendamowin dibishko gonaa, eshinikaaziyin, ezhi debinigowin, miinwaa owi gdo gawedwewin maage zinagendamowin. Miidash miinwaa owa bozibiigengh bemiikangh ada dazhindaan gdo zhiwebiziwin owi giin owi awii giizhendangh endagwen gdo zinagiziwin miigsemigag zhiwe ndo nankiiwinaa. Maanda apii, owi bozibiigengh bemiikangh aga aanji ginowaabmdaanan kina agaa zhichigeyin miinwaa gnimaa adaa gagwejimig aanke gikendamowin. Zhiwe mashkowiziikidaagewin zhiwebak, ndaa gnimaa nanaganiwemi wewiib gwa. Zhiwe niibna bemiikimaangh, owi bozibiigengh bemiikang adaa miigwen gikendamowin miinwaa nikaaziwinan age nikaaziyimba awii naawitowin gdo zinagendamowin.

Ndo gashkitonaa awii naawito-aangh gegaa gwa kina zinagiziwinan maanda apii biinji 15 nakii giizhigadoon.

Zhichigengh 3 – Baataawewin dibaamjigaadeg miinwaa nda gikenjigewin

Epiichi temigag maanda zhichigewin aanin zinagiziwin ada zhaamigadoon odi baataawengh dibaamjigaadeg. Bkaan zinagiziwinan ada gagwek zhaamigadoon odi nda gikenjigewin maage onji baataawengh dibaamjigaadeg odi nda gikenjigewin. Owi penimandaagwog owi epiichi zinagendaagwog owi zinagiziwin ombiniman.

Giishpin gdo zigakibiigan zhaamigag baataawewin dibaamjigaadeg maage nda gikenjigewin, nga dowendaanaa gdo noziwinkaadamon bagidinigewin awii ginoongaaziwaad bkaan e’nowendaagozijig bemaadizijig awii gagwekendaagwog ayaamaangh kina debwewinan. Giishpin wenaamdaman awii bwaa miigwewin bagidinigewein, nga minaadendaanaa ezhi dowendaman miinwaa nga gibaakwaanaa owi zigakibiigan. Gaawii nga zhitosiinaa nda gikenjigewin owi bwa bagidinigewin.

Baataawewin dibaamjigaadeg (30 nakii giizhigadoon)

Giishpin gashkitosii-aangh wewiib miigwe-aangh owi gikendamowin maage nikaaziwinan meneziyin maage giishpin nanaganiwewin dowendaagwog, ndaa gnimaa gaandanaanaa gdo zinagiziwin odi woshme awii dibaamjigaadeg. Bezhig owi ndo baataawewin dibaamjiged aga ginoonig jibwaa naanon nakii giizhigad awii dazhindimeg gdo zinagiziwin moshkin gwa. Naawisijigaadeg owi zigakibiigan maanda epiitaag gagwech onjitaamigad 30 nakii gizhigadoon.

Nda gikenjigewin (60 nakii giizhigadoon)

Woshme zinagendaagwog zinagiziwinan maage zinagendamowinan dowendaagwodon nanaganiwewin ngoji bkaan oshpimimgh. Bezhig owa ndo nda gikenjigejig aga ginoongwog biinji naanon nakii giizhigadon awii dazhindimeg gdo zinagiziwin moshkin gwa. Ndo gagwech giishtonaa maanda dnowaa nda gikenjigewin biinji 60 nakii giizhigadoon.

Nikaaziwinan

Miinwaa aanke owi ndo gikendaasowin gikendamowin, ndo ayaanaanin bkaan nikaaziwinan age naadmaagiyin awii gikendaman owi ndo nakiigamigonaa miinwaa agezhi naadmaageyaangh.

Gikinwaaji bimiikimowinan

Gikinwaaji bimiikimowinan adaa naadmaagemigadoon wiindamaagengh ezhiwebak apii abi niigidawin ndo nakiigamigonaa onji naadmaagewin.

Mazinaatesijiginon