Ask a question or make a complaint | Montagnais

E kukuetshitshiminanut kie mak e mamishitsheminanut

Tshi ut mitshatutamune kie e itenitamune apu kuishkᵘ tshut tutakuian anite kashimakanishiu-atusseunat kie mak anite kashimakanishiu-tshishe-utshimat (MDN) , nititanan ute tshetshi uauitshitat. 

Tshishitshimitinan tshetshi uauapatamek ne katshishkutamatshetau, kie ne peikuan ne mamishitshemuna aituna-tshipatshi mashkanau nete tshe ishi uauitshikuiekᵘ na e ishi mamitinimekuiekᵘ. Takunikue e ishi kukuetshimishuiekᵘ kie ua uauitshikushiekᵘ, matuetunan ui aimiat nete ut tshipatshi katshitinan ne tipishish ka mashinateuan. 

Eka takut tshi pashtshissemain tshishikᵘ-mamishitshemuna aituna

Tshika ui pissenitenau ne tshishikᵘ tshika tshi mishkutshipanu ne e ishi mamishitshemiekᵘ kie e ishi animipimipan. 

Ne e ishi pimitemikuet anite mamishitshemun-atusseuan, kie tshetshi kau tshitapatnakau takunu tshishikᵘ e tshitshipinit. E mateutauiat anite ni mashinaitsheutshuapanat, ne tshishikᵘ e ishi pitshitinikanikau apu nikaikanikau. 

Auenitshen Ninan?

• Nitshitapatenan ne e katshitaumukuet MDN kie FAC.
• Nitipanishinan ne mashinaitsheutshuap eka e tapishiniat anite shimakashiu-atusseuant kie mak anite takueikan.
• Nass nitipanishinan eka auen e uitshitshat tshetshi minu-tshitapamakanitau iat ka matshitutakau.
• Nitshishkutamuanan kie niuauitamuanan kamatshitutukau,ni minu nanitussenitenan e ishi katshitaukuet auen uin kie nenu e ishi pimutanut ekue uauitamutshit katakuetshetau MDN kie FAC, tshetshi etaku minutautau utatusseunuau shimakanish-atusseutat.
• Nanitam, nitaieshkupinan tshetshi uauitamatiat ne e ishpaniek.
• Ne kassinu e ishi uauitamuiat apu tshikut uauitanikau. Takunikue tshetshi aimitshit auen ne ka mamishitshemiekᵘ,tshika kukuetshimitinan tshetshi mashinatautshishuiekᵘ e pitshitinimin tshetshi uauitamutshit anitshenat kutakat e katshitaukutau ne e ishpanit. Tshinutshi tshika tshissenitenau tshi nikanipinikue ne ka mamishitshemiek.
• Tshika tshi natuapamanan eka shetshishiekᵘ kie tshiuenimakuiekᵘ. Itenitamat apu miam tshut ietutakuiekᵘ, tshiet nika tutenan atusseun.

Ui minu-tshissenitamekᵘ, tshika tshi natussenitenau tan miam e ishinakue nitatusseunan.

Auen e uauitshitshet

Tshi mitshituteti tapishiniekᵘ anite ut peikᵘ anite e ishi uitakanikau kie mak apu minu panikuiek anite shit shimakanishiu tshishe-utshimat (MDN) kie mak shimakanishiu mashinaitsheutshuapat ute Canada (FAC):

• Aunetshenat kie mak e tshi tapishininit:
  • FAC (shimakanishiu mashinaitsheutshuapat ute Canada) (shimakanishit, ka aieshkunaninit, shimakanishiu-kupaniesh, mashinaitsheu-kupaniesh kie katshishkutamatshetau)
  • Shimakanishissit kie ka uauitshiaushit shimakanishit
• Aunetshenat kie mak e tshi tapishininit e tshi atusseshtuatau nenu MDN* kie mak kie katshitashiu-atusseunu ka takunak
• Ka kutshipanitatau tshetshi shimakanishiutau (FAC)
• Utshinuenimakanau anite anite ka ishi uinaninit ishtamit
• Katusseshtuatau nenu FAC e iuitshishunanut kupanieshit kie mak e tshi apukunitshishutau

Ui minu-tshissenitamekᵘ, tshika tshi natussenitenau tan miam e ishinakue nitatusseunan.

*Ne uinipekᵘ-kamakuneshiu-atusseun iat uinanut nete ut 2025 ushkau-pishimᵘ.

Tan tshipatshi ishi uitshitutan

Tan e ishi uatshiushiat

• Nitshi minu-uauitenan tshekuan e apitit kie nitshi uauitamatinan tshekuan e ishi takut tshe ishi uitshikuin tshetshi minu-tshikanimin ne e ishi katshitauet MDN kie FAC.
• Ni matinimatshenat ne tshishkutamatsheun tshetshi minu-nishtutatshishiekᵘ tshekuan e uauitakan.
• Tshetshi uauitshitunana tshekᵘ mamishitshemuna aituna tshe minushkakuiekᵘ kie ne e ishi mamitunenimikuiekᵘ.
• Ni tshi pitshitinenan ne e ishi pimutanut kie tshetshi eka ueshameimek ne tshishikᵘ kie mak kie eka tshi ueuetinimekᵘ.
• Ni tshitapatenan tshi ut kuishkᵘ ietutuakuanue ne e ishpanit.
• Nitshi uitenan eka minupan tshekuen kie tshi uitamuanan ka takuaitshetau pissenitamat eka ut kuishkᵘ ietutakuanue.

Tshekuen ne e tshi uauitakan

• Natukuiashun 
• Atusseuna 
• E pikushinimatshanut 
• Pauitshiaushiuena 
• Minu-inniun 

Kutaka tshekuan takut tshi tshissenitaman

• Ne miam mate ume mashinaikana uapatatiniuemikuen tan e ishi atusseiat shit ua mamishimaninit MDN/FAC. 
• Tshi ut ishinakunikue tshekuan ashi utshimauat pashtisseshkakan atusseun,nitshi nitshinan eka ut nutim paitshitaune tshishpeuashauna. 

ne tshekau eka katshitaukuet tshishpeuashiun atusseuna

• Kaueueshtakan atusseun kie mak tshi ut katshitaikan ne takut tshi itenitakushin 
• Mekuat kaueueshtakan e itutemikuet 
• E uauitakan shuniu-tshishe-utshimau shit kupanieshit 
• E uauitakan shit tshiash-shimakanishit 
• Kaueueshtakan mitunenitshikan 
• E ishi natuenitakan anite e tshishpeuashiun kie akua aitun 
• Nekana, anu 15 uapikun-pishimᵘ 1998 ka itashtet pipun, apu takut nete nitatusseunan patesh ne tshish-utshimau itenitak kassinu nenu auen takauku 
• Eka shutshenitakuet kie mak e tshi tshishimakan auen 
• Kamakunueshiu-ka nanitussenitakan 

Tshekuan takut tshi ieshuapatamek

Eka ka mishituepanitakanit aimun

Ne kassinu tshekuan e ishi pitshitinimek apu auen nenu tshissenitak kie uauitamuakan. Takunikue tshetshi aimitshit auen ne ka mamishitshemiekᵘ,tshika kukuetshimitinan tshetshi mashinatautshishuiekᵘ e pitshitinimin tshetshi uauitamutshit anitshenat kutakat e katshitaukutau ne e ishpanit. Tshinutshi tshika tshissenitenau tshi nikanipinikue ne ka mamishitshemiek.

Tapishkut auen e ietutuakan

E mamishitsheminanut, ni minu-tshitapatenan tshi ut kuishkᵘ ietutuakuanue ne e ishpanit.

Anite e tananut, ume nitutenan:

• Ni mamashitunenan kassinu tshekuan e itapitit ne e mamishitshemuin kie tshekuan ka tutakan.
• Takunikue ,tshika kukuetshimitinan tshetshi mashinatautshishuiek,eshkᵘ eka aimitshet auen MDN kie mak kie FAC tshi ut nutim katshitinimikue mashinaikan.
• E mamishitsheminanut, ni minu-tshitapatenan tshi nashanikuen ne takueitsheuna.
• Nitshi uitenan eka minupan tshekuen kie tshi uitamuanan ka takuaitshetau pissenitamat eka ut kuishkᵘ ietutakuanue.

Tshitimauenitam

Nitisheshtitenan tshetshi anitshenat ka matshitutukau kie mak kupanieshit nenu ka katshitaukutau ka ishpaninit tshetshi kassinu tshekuan nukuteiat kie tshitimauenimitshit auen. Kie apu minu utinimat eka tshitimauenimikuiat kie piunimikuiat ka matshitautukau kie tshetshi ueshamᵘ shtatau.

Ushkat tshekuan - e nitshishkuan auen (nissishukᵘ ashtak)

Ne tshe ishi peshuapimiat, tshika aimikuau ietshit peikᵘ kupaniesh kie mak kie tshika mashinaimakunau,kie mak kie tshika naushunenau peikᵘ tshishikᵘ kie tatupaikana tshe nitshishkakuiek, kie mak kie tshika nitshishkakunau neme katshi nishitshishikua katshitinimat tshimashinaikanuau.

Tan tshe eiashkunitshishiekᵘ 

• Ui minu tshikanakutakᵘ tshekuan ne e mamishitshemiekᵘ. 
• Natshi uapatamek anitshenat kupaniesh-katshishkutamatshetau tshi ut tshiuenikanikue ne e mamitunenimikuiekᵘ. 
• Nanitussenitamukᵘ tshi ut nutime ishi takunikau apitshitaune tshishpeuashauna mamishitshemuna aituna. 
• Ni mamashitunenan kassinu tshekuan e itapitit ne e mamishitshemuin kie tshekuan ka tutakan. 
• Minu-tshitapatamukᵘ tshi ut nutim takunikuen nete tan tshipa tshi ishi uauitshitunan.

Nish tshekuan-tshinitshishkatunan (15 atusseun-tshishikua)

Minat ekut nitshishkatat ekue tshiuenimatiat aimuna.

Nikupanieminan kassinu tshika mashinaitaimᵘ tshe ishi pitshitiniman aimun, tshitinishikashun,anite e apin kie na kassinu tshekuan e itapitit kie kukuetshitshemun. Ne kupaniesh ushkat tshe nitshishkut tshika nanitussenitamᵘ tshi ut katshitaukuiat nete nitatusseunat kie mak kie ait nete takut tshetshi itishautat . Nutamᵘ tshika tshitapatamᵘ nenu papeikᵘ tshekuan ka tutanikau kie tshika kukutshinikau kutak tshekuan. Takunikue tshetshi utshepinanut e ietutakuin, tshiet nika tutenan nitatusseunan. Mitshetuit anite. Ne kupaniesh tshika tshi itaishukᵘ anite tshe minu-uauitamakuin kie tshetshi ishi uauitshikuin auenitshenat tshetshi ueueshtakan.

Nitshi ueuetinenan mitshet ne e ishi nitshishkakau eka kuishkᵘ e tutuanit ka matshitutukau neme 15 atusseu-tshishikua.

Nishtᵘ tshekuan- minutshitapatanu mamishitshemun

Ne tshe ishpish tshitapatakanikau mamishitshemuna tshika minu tshitapatanu, passe tshiet tuiet tshika natussenitakanu,ekᵘ kutaka tshika pimutemikuan. Mukᵘ e ishi animipinit ne e ishi natshishtauiat.

E papinikue ne tshimamishitshemunuaua, tshika kukuetshimitinan tshetshi mashinatautshishuiek,tshetshi aimitshet anitshenat ka katshitaukutau nenu mamishitshemunu. Eka tapuetamek tshetshi uauitamutshit ne tshimamishitshemunuaua ne ka katshitaukuet nika tshipainan tshimashinaikan. Apu anu tshik minu nanutussenitamat eka tapuetamekᵘ.

E minu-tshitapatakan mamishitshemun (30 atusseun-tshishikua)

Eka tshi uipat tshiuenimat ne e ishi natussenitamekᵘ kie mak eka tshi itashauatat anite tshetshi uauitshikushiekᵘ,kie mak kie takut tuiet tshetshi nitshishkakuiekᵘ,nika tshi itaishienan tshetshi etatu minu-tshitapatakan. Ne kupaniesh ka minu-natussenitakᵘ tshika aimikuau apu anu 5 atusseuna-tshishikua tshika shuapatamek. Ne tshetshi minu-ueuetinikan anite e papinanut apu anu 30 atusseu-tshishikua takun.

Minu-natussenitamun (apu anu 60 atusseu-tshishikua)

E animipan kie ka mamitunenimiuet etatu e animinikau etatu ishtamit tshika minu tshitapatakanu. Ne kupaniesh ka minu-natussenitakᵘ tshika aimikuau apu anu 5 atusseuna-tshishikua tshika shuapatamek tshetshi uauitamekᵘ. Nekana shash nitshishtapinitanan neme apu anu 60 atusseu-tshishikua.

Uauitshiushiun

Kie ne e tshishkutametsheu kupanieshit, kutak teuat auenitshenat e tshi uauitshitakuet tshetshi minu nishtutatshishiek tan e ishi nakuet nitatusseunan kie tan e tshi ishi uitshitat.

Miam mate ume mashinaikana

Miam ume tshipatshi ishi petenau e matuetuiat anite nimashinaitsheutshuapinat ui mamishitshemiek kie mak ui kukuetshimiek tshekuan.

Kanuat